|
بعد مرور اسبوع
جالس وهو حزين .. اليوم بيطلع للمستشفى وماله نفس يدخله بعد مافقد .. دخل عليه صقر وهو يقول – يالله مشينا محمد اللي كان جالس على العربيه جاه الممرض ودفه لين السياره ركب فيها محمد وركب صقر اللي كان حزين على حالة اخوه ولا فارقه اتجهه للبيت ودخل فيها ونادى الحارس يساعده .. نزلوا محمد وركبوه في العربيه وهو مكسور ويحس بضيقه .. شاف صقر نايف وقف عند سيارته واغتنم الفرصه .. طلب من السواق يدخله داخل وهو اتجه له بقهر واحشره في الزوايه وهو يقول – اسمع يالخايس عطني الصوره نايف يبي يستفزه – افا ماتعرف ولدك صقر وهو يكتم غيضه وقال – لا ابي اشوف الصوره فوتشوب لاني مستحيل اسوي غلطتك ياحقير نايف عقد حواجبه – اصلا اللي ارسله علي متأكد وواثق انه ولدك صقر زفر في وجهه وقال – اقسم بالله صبري عليك طال ( كتفه بقوه ) ,, واخذ الجوال من مخباه .. ونايف يبي يرفسه مقهور يوم وصل سعد وشاف الهوشه .. حاول يدزهم ودزه صقر وطلع الجوال وهو يفتحه ويدور على الصوره بعد ماحذف نايف على الأرض نايف وقف وركض له يبي يسحب الجوال منه .. وصقر بقوته وبجسمه وطوله اللي حتى هم مهما كانوا طوال مايوصلون طوله المخيف بعد مافتشاه ومالقى للصوره مكان حذف الجوال على الأرض وانكسر لقطع كثيره وتل نايف مع ثوبه عند رقبته وهو يقول وعيونه حمر – وين الصوره ياحيواااااااااااان طلعها نايف اللي كان مخنوق حاول يدزه وهو يقول – اهم شي جدي وابوي طحت من عيونهم مثل ماتمنيت وهاذا اللي بغيته عطاه صقر بكس على خشمه وطش الدم .. وصرخ سعد وطلع فارس على صراخهم .. وطلعت موضي ووضحى ونوره ومنيره اللي قامت من فراشها وركضت وهي تصيح .. اما هند ونوره كانوا راقدات وماحسوا بشي وابو محمد كان عند إبله منيره وهي تصارخ – يويلي عيااااااااااااااااااالي ألحقــــــوني ألحقونـــــــــي فارس اللي كانت يدينه مجبره حاول يفرقهم وهو طوله قريب من صقر بس ماقدر بيدينه وسعد كان حيله مهدود وله اكثر من اسبوع مايأكل وعايش على الماء .. وماقدروا عليهم صقر يوم شاف امه تصيح وموضي ووضحى ونوره يبكن من الخوف حذف نايف على الأرض وهو يتوعده .. وطلع من البيت وثوبه مشقوق من عند مخابيه وصدره ووجهه مشمخ ويصب دم .. اتجه لشقته وهو ينفخ من الغيض .. وشاف شيخه في المطبخ تأكل تعداها وهي شافت ثوبه مشقوق .. ركضت وراه ويوم شافت منظره اغمى عليها وطاحت امريكا \ في المطعم ناظرت في عيونه وهي سرحانه فيه .. وهو يناظر المنيو يشوف وش عندهم حس انها تناظره وسرحانه فيه رفع عيونه وشافها تناظر فيه ابتسمت له .. بدوره ابتسم لها وشتت نظراته .. ودق جواله وشاف رقم وكان تلفون امه فتح الخط وهو يقول – يامرحبا بهالصوت والله عمشاء – يامرحبا ابك يايمه وشلونك يايمه متى بتجينا ضحك ضاحي وكانت نور غارقه في عيونه وضحكه وتضحك معه ضاحي وهو منسجم مع امه – افا هالحين يمه من اول ماتكلمتي قلتي متى بتجينا عمشاء وهي تقول – ماصار شغل يمه يبعدك عنا ومعاد تعرف وش يصير علينا عقد حواجبه ونور تشاركه الإنفعالات – وش صاير عليكم يمه عمشاء وهي تخبي عليه – لا مصار علينا شي بس ابيك تحت نظري يايمه وحشتنا ضاحي وهو يتعذر ومو مطمن لكلام امه – وش اسوي يايمه الشغل ماتعرفينه الله يعين وهاذي مهمه مكلفتني فيها ديرتي شوي بس واكون معكم يالغاليه غمضي عين وافتحيها وتلقيني بينكم ( ونسى إن نور كانت معه وتسمعه ) .. بعد ماسكر من امه فأجاته وهي تقول – ضاحي وش المهمه اللي ارسلتك فيها الديره وبعدين ليش امك مسألت عني ( إنتظروني بحول الله وقوته يوم الثلاثاء القادم ) |
بااااااارت مرة روعة
تسلم يدين الي كتبها وتسلم يدين الي وصلها لناا اخبااارك عبوووقة ممممممممممم يمكن اغماء السيدة شيخوووه يبين جملها ونخلص من هالمعااارك الدمووووية بينها وبين صقوووري اما ضااااحي ونوووور يااا عيني ينطبق عليهم القول ان كنت لا تدري فهي مصيبة وان كنت تدري فالمصيبة اعظم ننتظرك يوم الثلاثاء ع خيررررررررر عبوووقة |
♪♪♪ توك تعترف انه ولدك يا محمد ! تآخرت مرة .. وتستاهل اللي صار فيك ‘ هذي حوبة خالد وخلود واهمالك وكرهك لهم وهم مالهم ذنب .. سلللمتي سهوووووووووووووووووووم .. وسلمتي عبوووووقتنا .. ♪♪♪ |
صباح الخير ......... يسلمو سهومة على البارت الحزين او المكمل لسلسلة الاحزان الي دخلت عايلة ال قاسي والله العالم هل بينتهي هالحزن والله باقي مصايب كبيرة جاية بالطريق ... بس الحزن مااعتقد بينتهي لهنا باقي هناك موجات حزن تنتظر يتيمات ناصر والله يعينهن
عبوقة تسلمين ياقلبي .......وحشتيني موووووووووووووووووت ...زمان عنك ياعسل محمد وموضي الي في محمد ماقدرت اوصل له بالظبط هل هو صدمة من موت ولده والله صدمة من موت حلمه انو يكون له عيال من حب حياته موضي ... او هو ندم على تفريطه بالنعمة الي كانت بين ايده وخسرها او حسرة على حاله وهو صار شبه عقيم ...كل هالاسباب كفيلة انو ينهار ويتعب او هل كان يحمل مشاعر لعياله وكان يكابر ويخدع نفسه بس لانه يبي ينتقم ...عاد كل هالاسباب ماراح تغير شي من الواقع اتمنى يكون الي صار قرصة كبيرة تصحي محمد من الاستمرار في افعاله ويغير تصرفاته ويبتدي حياة جديدة مع بنته وموضي وعيالها اتمنى محمد بعد مافقد ضناه مايحرم موضي من عيالها علشان يقدر يعوض بنته بالام الي ماحست بوجودها وحنانها وهي على وجه الدنيا بس اذا حرق قلب موضي ماراح ترعى بنته ولا هو بيرتاح من انهيارها وتعبها فارس وهند فارس الله يلوم الي يلومه موقفه مع خلود يقطع القلب ...خلود اذا مالقت الصدر الحنون والاهتمام في هالفترة بتتعب نفسيتها ويمكن يصير لها شي هند والله طلع منها شي مفيد واثبتت انو طيب منيرة معاها هي وخواتها ماراح هدر وهذا هي وخواتها قايمات بالبيت كأنهم بنات هالبيت مو شويخ الي عاشت فيه وطلع مافيها خير ابد اعتقد هند بعد ماشافت فارس بحالته هذي بيحن قلبها عليه وبتتغير وبتحاول تعدل تعاملها معاه ويمكن هذي البداية صقر وشيوخ شيخة مااعتقد فقدها لوعيها بسبب الحمل لانو لو لاعت كبدها من منظر الدم بتكون ردة فعلها جري للحمام وتستفرغ بس انها تفقد وعيها يمكن ذكرها بشي في الماضي يمكن شافت ابوها غرقان بدمه لما مات او احد ثاني كان سبب لتغيرها للانسانة الحالية .........بس هل بنكشف لو شي بسيط من ماضيها قريب او باقي كثير صقور الله يعينك على الحقير اخوك الي شكله ماحذف الصورة الا لانه متأكد انو هالولد مو ولد صقر وماحب احد غير الاغبياء شياب العيلة يشوفونها علشان لاتظر الحقيقة بس لايسكت له ولازم يعرف كيف يطلع الحقيقة والله يقويه وينصره على نويفان نويفان وسارة يعني مازال الحقير ماشي بخطته بس احساسي يقول انو بيطيح هو في حفرته وبيندفن فيها لانو امثال سيافوه مايعتمد عليهم ويمكن يكون هو سبب لفضيحته في البلاوي الي يشربها لانو وهو يخطط ويظلم ماحط عقاب ربه له اما سارة مالها الا ربها لانو البكاء والضعف مابيطلعونها من مصيبتها وان شاء الله ربي بيعطيها مرادها وهالمرة بتاخذ حقها قبل مايبيعها الخسيس للحقير خويه ضاحي ونور الله يعين ضاحي على نور الي طلعت جريئة بزيادة وكأنها متزوجة ضاحي من سنين مو ايام احسها هي الي بتكشف الحقيقة بتصرفاتها وتدقيقها بكل حركة من ضاحي غير كذا حركاتها وجرئتها معاه يابتخلي ضاحي يبعد ويتجنب جلوسه وانفراده عنها يابتخليه يسوي شي مايبيه وبينفجر عليها بعدين الله يستر ..بصراحة ماتوقعت انها بتكون بهالجرئة وهم مجرد متملكين يعني ضاحي مابين لها اذا بيتمم زواجه عليها وهم هنا او بيسوي لها زواج بعد مايرجعون فالمفروض تكون خجولة بتصرفاتها مهما كان هي بنت والحياء زينة البنت سهومة متشوقين لاحداث البارت الجاي في انتظارك |
هلا وغلا البارتين الاخيرات محزنه فعلا دائما تطيح براس الصاغر
اتمنى محمد يكون درس له ويحافظ على عيال وضحى ويربيهم معها والله يستر من عيسى وش بيسوى بعد كذا ام خالد اتوقع بعدها اما تنتقم من محمد بشى اكبر او انها بتنكسر اكثر شى قاهرنى نايف اتوقع تكون ساره حامل بعد الى صار ويمكن تسوى بنفسها شى الاحداث كبيره وكثيره بنتظار القادم مشكور معزوفه على الدعوه من جد كنت متابعتها من البدايه بس الردود كانت قليله للضروف اتمنى تعذرنى كاتبتنا المبدعه |
| الساعة الآن 02:12 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية