رد: بات من يهواه من فرط الجوى، خفق الاحشاء موهون القوى
 

مسا الورد والياسمين
عندي احساس بهالبارت كانه قطرة ماء في يوم شديد الحراره ما ارتويت منها ابد بالعكس زادتني عطش
للاسف لان البارت يوم الاربعاء بس صرت احس الاحداث متباعده شوي اكيد بنشتاق لابطالنا بس مع اشغالنا اليوميه بتوه منا الاحداث وكنت بتمنى نرجع للبارتين بالاسبوع بس اميد مقدرين ظروفك
حصه وفلاح
لواني مكان حصه برميه في قفص مليان أسود الهن اكثر من شهر مش ماكلات قهرني الله يقهره والحصه المتخلفه من اول لمسه بتنسى حالها اقول اعقلي وخذي حقك منه
ميره وحمد
هاي حبيتي النعومه اللي زعلان عليها وما تستاهل حتى حمد مش قادر اكرهه مع اللي سواه فيها هذول بالذات بتمنى يتصافو ويعرف حمد انه غلط بكفيه ثلاث بارتات مزعلها
احمد وحنان
بتكون غلطانه حنان اذا راحت عنده اثقلي وخليه يعرف قيمتك وانه اصابعه مهن مثل بعض ولاتحزني عليه حبتين بندول وكاسة ليمون وبرجعن عنيه يقدحن شرار
هههههه شكلي رايقه صاحيه بدري وما فيني نوم كان نفسي اتواجد معكم عند نزول البارت بس الاولاد بكونو صاحيين وانا بحب اقرأ البارت علر رواقه

رد: بات من يهواه من فرط الجوى، خفق الاحشاء موهون القوى
 

حبيبة قلبي ربي يحفظ لك عيالك
فلاح اتفق معك .. و ابي احبسه في قفص فيه 100 ثعبان يلدغونه ..
بس احمد .. احمد علته مهيب في جسمه .. احمد روحه عليله و يبيله من يداويه .. و حنان اهي دواه
و سبحان من جعل الداء و الدواء اخوات .. و يا صعوبتها عند احمد ..
بدون ما يشعر يلاقي نفسه يقارن .. و لا تنسين ان احمد كان لعوشه رغم برودها زوج و حبيب ..
الحين يبيله وقت ..
و احسه يبيله مواجهه

رد: بات من يهواه من فرط الجوى، خفق الاحشاء موهون القوى
 

صباحكم خير وفرح يارب ، يالله يالله ببدا بتعليقي على طول لاني مقهوره ع الآخر من اكثر من واحد ومابتكفيني صفحه بحالها اشرشح فيهم ..

اولا الوصخ اللي مايستحي على وجهه فلاحوووه ... يالله يالله شكثر انا مقهووره من حركاته مع حصه .. البنت ملسونه اي وعنيده اي .. بس تجيب لها وحده تسوي نفسها زوجتك .. بسالك بالله يعني عادي تجلس انت ووحده مو من محارمك بمكان واحد كله عشان تقهر زوجتك...وش تفكيرك السخيف والغبي هذاااا اففف مو معقول .. ( طبعا انا فهمت من طريقة كلامه معها انها مو زوجته ومجرد اتفاق بينهم وهي موجوده للشغل فقط بس فلاحوه الوصخ استغلها بطريقته الوصخه مثله ) ... في بالي شي واحد بس .. اللحين انت يافلاح ياللي مايصعب عليك شي عجزت عن تاديب حصه رحت جبت لها وحده تقهرها وتكذب عليها .. هذا ان دل على شي دل على فشلك ياافااااااااااشل...حصوص ياقلبي لا تتعبين نفسك وتحرين عمرك ..مو لازم يكون تفكيرك تفكير ( حيواني ) مثله ومثل النصابه اللي معه .. قال ايش قال عاجبتني لانها دكتوره بيطريه وهو ماهمه الا يجمع هالحيوانات ويتفرج عليهم..وهذا ان دل على شي دل على صغر تفكيره وانحصاره بمجال الحيوانات وبسس ... هفففففف منه ... انا لو مكان حصه ماسكت له ... مو شرط عشان مادخلت التخصص كويس وابيه والا جبت معدل زفت اني انسانه فاشله .. يمكن انا انسانه ماتهمها هالاشياء عندي اهتمامات ثانيه لووعطوني المجال ابدعت فيها .. بس كيف يفهم فلاح هالكلام وهو عقله مافيه الا دجاج وتيووس مثل وجههه الخايس ..حاسه ان حصه بتضعف كثير داخليا من كلامه بس بتبقى بقوتها الظاهريه لحد مايجي يوم وتنفجر .. وساعتها مايفيد فلاح الاعيبه معاها وولا كذبه عليها .. هذا اذا ما ارتكبت حصه جنون يخليهم يخسرون بعض .. نقطه اخيره .. زين انك بردتي حرتك ياحصوص وضربتي هالكذابه لما ارتحتي والا كانت بتبقى في نفسك ..

الاخ الثاني حمد ...انا متاكده انك بمجرد سماعك للمكالمه اللي بين ميره وخالتها بتتمنى ان الارض انشقت وبلعتك قبل تتكلم وتتهمها في شرفها ... قبل تضربها وتبكيها وتخرب ليلة فرحها ... بس للاسف احساسي يقول ان قلب ميره مثل ماملكته بسهوله خسرته بنفس السهوله ... ومن الصعب تسترجعه ... لان جروحك لها متضاعفه اضعاف ماكنت تحس فيه...الله يعين قلوبنا على هالاثنين ...

ذياب ... خخخخخخخخ رحمتك من جد حالتك صعببه وحارب جننك ... اتوقع ماراح يرضى يزوجها الا لما ترجع تتكلم وهذا يعني ان طريقك طوويل ياذياب .. عاد كل ليله صلي وادعي ربك ان خطط ناعمه في علاج حارب وموزه من الماضي يكون مفعولها سريع وترتاح انت ... والحربي ونعوووم صار عرسهم قريييب من قدنننا ...

حنان ... اكثر شخص انظلم واكثر شخص قاعد يدفع الثمن ... اولا انظلمت بسبب ذنب ما ارتكبته وولا تعرفه .. وانظلمت لما تتكاتل عليها الظروف مع بعض وهي ماتقدر تتحملها مع بعض ... يعني زوج يشك فيها ويوم يكون قريب ويوم يكون قريب .. وعيال مو عيالها وتربيهم .. حتى لو كانوا عيال اختها المسؤوليه عليها اكبر اللحين ... وامها تعبانه واقرب للجنون من الصحوه .. واخت ماتحمل لها الا ذكريات سيئه وصارت اللحين وحيده ... وحيده في كل شي لدرجه ماتقدر تشكي همها لاحد ... واحمد مايساعدها كل مره يبعدها عنه اكثر .. بس ما اتوقع بيبقون كذا اكيد في كارثه بتخلي احمد يروح ويرجعها والله يستر لا يكون السبب سلطان من جديد ..


ام فاطمه ماقدرت اتوقع وش الشي المهم اللي بتقوله لبنتها ... بس حسيت ان بالموضوع زواج .. يعني حست ان هذي ايامها الاخيره وبتقول لبنتها فلان خطبك ولازم تاخذينه حتى لو توفيت لانها ماتقدر تبقى ببيت زوج اختها اكثر ... لو كان توقعي صح ...بتكون اخت ناصر موجوده وتسمعهم وبيتحطم حلم ناصر ياترى ! الله يبعد الشر عنهم ... بغير توقعي عشان ماتجيني هواجيس ... همممم يمكن بتقول لها عن شي يخص املاكهم او شي عن ابوها .. او وصيتها الاخيره ..


يالله طلعت اللي بقلبي كله عليهم .. ولولو لو استمريتي ترسمين لنا شخصية فلاح بهالاسلوب صدقيني البارت الجاي المنتدى بيتفجر مع سبق الاصرار والترصد .. لان خلاص صاييره مو طايقته .. او شوي ينبلع اللحين صاير قاسي وشوكه بالحلق لاطلعت ولا دخلت وبتسبب آثار عقبها بعععد .. اللهم اني بلغت اللهم فاشهد ..

رد: بات من يهواه من فرط الجوى، خفق الاحشاء موهون القوى
 

حبيبتي فاارغه ..
فلاحوه .. ههههههههههه .. يا انك مغتاظه منه .. ههههههههههههه .. اي يستحق كل اللي قلتيه و زود بعد .. بس اهو ما يبي يربي الحيوانات لاجل يشوفها بس .. هذا حلم حياته و مشروع مستقبلي ..
حمد .. في حمايتي ..مابي احد يسبه او يقول له شي ..كافي عليه تانيب الضمير و عقب اللي بتسويه فيه ميره ..
مع اعتراضي علي اللي سواه حمد .. بس اي احد في مكانه يمكن كان ذبحها .. خليه يدري اول و عقب ميرة بتاخذ حقها منه كاااامل
الذيب .. امين يا رب ..
احمد و حنان .. صدقيني الحين احس عذابهم مشترك .. الله يصبرها و يطفي النار اللي بصدره
ام فاطمه .. اهي تبي تكلم منيره نفسها . بس ليش ؟؟. .يمكن تبي ترسل رساله لناصر بخصوص ابو فاطمه ..

رد: بات من يهواه من فرط الجوى، خفق الاحشاء موهون القوى
 

هههههههههههههههههههههه يا خبيثة



آمين يا رب :(



لا ان شاء الله ما يتهور .... :(




ايوه هاذي الموز لازم يتعب عشان ينولها





آمين يا رب .. بنعرف ان شاء الله قريب



كلنا بنكشخ افا عليج :peace::peace::peace:






ايوه :(





ان شاء الله تنحل مشكلتهم قريب :(




صح ينخاف منها هالشيطونة هههههههههههههههه





هههههههههههههههههههههههههههه ربي يسعدج ع هالدعاوي اللي تضحكني دوووووم



نورتييييني همسمس ... لا عدمنااااااااج يا ربي .. انتي عسسسسسسل .. ربي يحفظج ...