|
رد: شيهانه على كف صقار
. . . الـسلام عليكم.., . . . مساء الجمال عليك ياطيبه.. البارت جميل دقائق القراءه فيه بنسبه لي أعتبرها دقائق ذهبيه ... والقفله موجعه وبقوه وتخوف لأنها تفتح باب الخيال في التوقع ....لكن بصدق المصلى الي بـَ المساجد في حالة السفر ما نوقف عنده الا أذا كنا مجموعة نساء وفيه كذا رجال واقفين بـسياره قريبه من جهة المصلى.... مدري الناس روعونا والا حنا متروعين خلقه..لكن تنزل الوحده وبلحالها في مسجد باالطريق يبي له أنتباه وحرص شديد.. صحيح حنا في بلآد الحرمين وان شاء الله الدنيا أمان لـكن حتى ولو...=) شرف ... كسر النساء بـاالنساء تحسبه سهل ذوق بدايات ترميم الكسر =) خانة الشكر عندي معطله...لكن شكراً على البارت الجميل وحجز مقعد دايم ان شاء الله بين الردود وبـ أنتظار بارت السبت بشوق.... |
رد: شيهانه على كف صقار
مسائك كما يروق لك طيبه
يعطيك العافيه شروط الشيهان أبد ماتوقعت انه تطلب العصمه يمكن اللي انقرص زيها يحس بلوعتها وموافقته على شروط دليل حبه لك وانه تعب من البعد ويبي يرتاح وسم إن شاء الله ما يصير لها شئ زي ماقالت ضمضم ما حد يقدر ينزل لوحده لدورات مياه المحطات لسمعته السيئه سواء نظافه او غيره بشرى و راشد نعم الإخوان والله أي تربيه هذه اللي متربينها هو يبي يلعب على البنت وهي تتسلى بالعم الجزاء من جنس العمل يمكن لو سويت لسمو شئ أختك بتطيح في يد فهد وينتقم منك نوره متشوقه لـ لقاءها مع شيهانه مدري ليش عندي إحساس ان خالد فيه شبه من شرف وبتشك في شئ ونوره هي اللي بتقول لها عن كل شئ طيوبه دمتي مبدعه |
رد: شيهانه على كف صقار
بارت رائع يعطيك العافية عليه
|
رد: شيهانه على كف صقار
مساء الورد على طيوبه ومتابعاتها
كتبت رد وطار الله يجمل من عنده الشيهانه والشروط الي ماهي تعجيزيه قد ماهي زي ما قالت ام اليزيد ترميم الشيهانه تبي تجبر كسرها بكسر شرف شرط شيهانه شرعآ مقبول ومافي خلاف لكن عرفآ اهانه لرجل حتى ولو ماله نيه يعرس لكن تقييد الرجال بشروط من ها النوع يجننهم ويحس الرجل ان فيه نقص مثل بعض رجال تلقاه ليل ونهار ينبح على الرياجيل اعرسوا واذا جات عنده السالفه قعد يروغ مثل الثعلب شرف ماقصر لف على الشيهانه وبيقنعها بلي هو يبغاه الحمل بيدخل عليها من ناحيه دينيه [وَلاَ تَقْتُلُواْ أَوْلادَكُمْ خَشْيَةَ إِمْلاقٍ ] وقول الرسول صلى الله عليه وسلم[تزوجوا الودود الولود فإني مكاثر بكم الأمم يوم القيامة] وبيهديها الله وتهجد عن ها الشرط وبتمشي حياتهم بسلام واتوقع والله اعلم انها تحمل وبيطلع خالد بيحوس الدنيا والشبه بيكون لفوز ماهو مثل ماقالت الغاليه امووله وبيدخل شرف وشيهانه لدوامه جديده ماراح يطلعهم منها الا العجوز ام فوز.., راشد واخته عايلة الشر والشرير عسى تقل اشباهكم اتوقع سبب طلاقها من راجح انه اكتشف انها وحده لعوب وسحب نفسه بهدوء راشد بيتمادى مع سمو وبيندم الندم بيجيه عن طريق بشرى الي مستلمه فهدطقطقه وازعاج اتوقع القائمه عندها مليانه من شق جيب الناس شقوا له اجياب صرخة وسم بالحمامات صار لي شخصيآ موقف مشابه على طريق الطايف نزلت بصلي وشايله ولدي صغير ماكمل سنه وبالمسجد كلب اسود رابض يا الله ماهو كلب كانه نمر الجاكور حتى عيالي يقول ماما شافت باقيرا ستر ربي ولاحذفت ولدي على الكلب وهربت ومن يومها مستحيل انزل بالحالي اصلي في البر ولا اوقف بذاك المكان مساجد ويرتادها المسافرين المفروض عنايه واهتمام من الي قايمين على المحطات >>مشكوره طيوبه انك اثرتي ها النقطه اتمنى والله يناقشونها البنات امتعتينا طيوبه الله يمتعك بالستر والعافيه انتي ومن تحبين لايطول غيابك.. |
رد: شيهانه على كف صقار
السلام عليكم ورحمة الله وبركاته تسلم يمينك طييوب بارات راااائع شيهانه مثل ماتوقعت تشرط إنه مايتزوج عليها لكن فاتني توقع شرطها الثاني رغم إنه متوقع لكن العجله والله ماهي سهله الشيهانه شرف ماهوكل شيء على كيفك لازم تتنازل شوي تستاهل اللي سوته فيك شيهانه بشرى وأخوها والله راجح ماترك بشرى من شيء هين العائله كلها تعبانه والظاهر لا أم ولا أبو بعد وماخفي كان أعظم هو شاف بشرى وما عجبته أخلاقها ولا تصرفاتها ولا حتى لها كبير صاحي يرجع له يسنعها ويمكن يوقفون مع بتهم على غلطها لأنه في نظرهم صح ويمكن راجح شاف جوالها وأكتشف فضايحها لهذا كرهها والا هو ماهو عاجز يمشيها على اللي يبغى أخو بشرى والله إني قلت ماراح يوقف عند حد المكالمات وهذا هو بيجيها من طريق ثاني الخوف إنه لما تخليه أخته يشوفها يصورها ويهددها بالصور وماهي بعيده يدبر مع أخته خطه يختلي بها حتى ينفذ اللي بباله ويجبرهم يقبلون به الله يستر على سمو ويخرب كل مخططاتهم نجلاء المجنونه شافت رسائل بشرى وتأكدت من ظنونها في فهد ولافكرت تتفاهم معه و2أطلقت لسانه عليه تتحمل اللي يجيها من فهد وسم وراجح القفله تخوف لكن إن شاء الله ماسار لهاشيء وصريخها لأنها شافت حشره ويمكن قط بما إنها تخاف من القطط ومتعقده منها وأكيد راجح راح يعصب منها وبيعرف منها حكايتها وخوفها من القطط والاوكد ببيقول إنها طفله من جد وإن شاء الله تكون هذه الحكايه بداية لتغيير نظرة راجح لها وبداية تفاهم لهم طيوبه منتظرين جديدك المميز بفارغ الصبر |
| الساعة الآن 05:47 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية