![]() |
رد: آنـي آرى العمـر بعينـيك مغفرة، قد ضل قلبي فقل لي كيف آهديه؟
اقتباس:
لاتفكرييني احبطك لا استمري الى الامام بس بخصوص جوري هنا عاد تعالي نتفاهم يعني ليش حاطه دوبك بدوب بنياتي وواقفه ضدهم ؟ابدا ابدا ابدا لن اسمح لك يافتاه بشرشحة بنياتي ، هو صح معاك حق انها بالغت ومفروض تعطيه فرصه مقابل طيبته ،بس احنا شفناها شلون صارت مسالمه معه وندمانه لانها فعلا كانت جاهله عه حبه ورافضه بعد طريقة الارتباط وهذا من حقها ولو فكرتي نفسك مكانها بتحسين بأحساسها ،اما بالنسبه استسلامها للمرض وعدم تفاؤلها ، والله ياشيماء مو كل مرضى السرطان بنفس القوه والتحمل ، صحيح مثل ماقلتي وبنسبه كبيره ناس متعايشه معه بس بعد شنو!! بعد مااستنزف طاقتهم بالآلآمه، يعني صراحه انا شخصيا عايشت مع امي هالمرض ورغم صبرها لسنين طويله ورغم وجعها الا انها استنزفت كل طاقتها بالتحمل واستسلمـت بالاخيـر. للوجع بعجـز وهالقدره تختلف من شخص لشخص ،مو كل شخص يملكها ولا يقدر عليها، بالنهايه الله يكفينا شر هالامراض ويبعدها عن اجسادنا وعن اجساد غوالينا اما بخصوص فيصل كان لازم هذا يكون موقفه ويكون بهالتحمل وهذا يدل علۑطى شهامته ، مالازم ابد يعترض على رفضها له لانه بالنهايه كانت طريقته غلط ،ولو كانت عادات وتقاليد سـتوب لكل شخص قناعات ومايرضى تحكمه هالعادات |
رد: آنـي آرى العمـر بعينـيك مغفرة، قد ضل قلبي فقل لي كيف آهديه؟
😱😱😱
سمعيني سمعيني سمعيني الحين فيصل ليش خطبهها قبل لا يسافر ؟ لانه يباها مش عناد مثلا ولا تحجير/تحيير او غيره بل هو يدري انه يباها وهي تباه لكن .. من غيرهم يدري ؟ البنات ؟ زين ولا جا خطبها الرجال الكفو واللي موافق عليه ابوها وعمامها ؟ البنات بيردونهم مثلا ؟ بيقولون لا نباها؟ زين ولا صف بالخطبة احد من عيال عمه قال لا بنت عمي لي ؟ اشوف انه عمل الصح .. اوضح انه يباها .. ما يباها لغيره وبعد اعذريني انا شخص محايد اشوف من برا ما انحطيت بنص الموقف فاكيد النظرة بيكون فيها شي من المثالية وكذا الله يديم الصحة على الوالدة الحمد لله ما ابتلينا في احد الاحباب بالخبيث لكن شفنا سنين صعبة مع المرض واشوف جوري حتى من قبل الكيماوي استسلمت تماما لفكرة المرض والموت .. بدون اي مقاومة . . يختي اي لغة .. العربية والعنقليزية الاثنين دمرتهم الدراسة وقاعدة احاول استرجع شي من اتقاني لهم 😿😿 صحيح بالنسبة للتأخير بالرواية الجديدة شوفي .. تأخري شوي وخذي راحتك واستشيريني ع الخاص لاني ممكن اصبر كثييييير بين كل فصل والثاني :فيس مصلحجي: لكن لا تتاخرين مثل المتحدثة هنا الله وكيلك خيتي سنتين اكتب بفصل ولسة ما رضيت عنه 😹😹 . . برجع اشوف باقي الابتشاال بعد شوي باذن الله |
رد: آنـي آرى العمـر بعينـيك مغفرة، قد ضل قلبي فقل لي كيف آهديه؟
نااصر
نااصر نااصر نصوور حبيبي هاسا الفتئ والله .. يا تسبدي عليه بيطلع عينه على يدك الظاهر ياا روعة شرور 🙀 اول ظهور كان لما اصطدم بليان وميرال .. بشد اذانه شوي هنا عند هذي النقطة امس برواية سجين المرايا ذيك الانجليزية العجوز اللطيفة تقول للبطل ان الحب هذا شي يقرره الانسان يقرر هيحب ولا هيطنش كون انك ما تحاول تبعدها عن تفكيرك وانت تدري ان خلاص بتتزوج غيرها فهذا خطا وحتى لو اقنعت نفسك بانك قاعد تحاول تبعدها فانك تحلم بها هذا يثبت انك ما تحاول صدق وانما تقول كذا لنفسك رفع عتب انت ما شفت من ليان شي يغذي هذا الحب المفترض فبالتالي مشااعرك ما تعمقت لدرجة يصعب معها استبدالها لا تظلم لجين وطبعا يبدو ان توقعي السابق كان صح 😎😎 هو فعلا واثق فيها ويدري ببراءتها بس جواه كبت ياا تسبدي 😹😹 . . طبعا الومه بقوة على تصرفه وهو داخل لجنى .. ما حاول حتى يظهر العكس والله يستر عليهم ياا ذا الاثنين من البلا اللي مخطط له يويسر التسلب 🙀 صحيح الحين ياسر معه الاوراق اتوقع اتوقع يعني (والتوقع تو التمع في راسي كالعادة) يا بتجي الشرطة تاخذه بالعرس او عقبها لكن المهم ان الدنيا بتقوم ولا تقعد كالعادة طيب كيف بتنكشف الحقيقة ؟ طقطقو اذانكم معي اعزائي المشاهدين سارة لسبب ما بتروح بيت ابوها فبتسمع ياسر يتكلم .. مع ابوه بئاا مع بطيخ من بطيخاته اللي ع الفون .. المهم انه بيتكلم ويجيب سيرة الموضوع وهي بتسمعه ويا بتخبر احمد ويتفقون ع اللي بيسونه يا هي بتتجرا لاول مرة وتاخذ الورق يمكن كمان تسجل كلامه كانتقام جاها ع طبق من ذهب وفي نفس الوقت احقاقا للحق .. بالمناسبة واضح من كلام ذاك اليويسر انهم يدبرون شي للمحامي بعد .. سواء محاميهم او محامي شركة تركي فصراحة مقدر اقول الا يستاهلون اللي بيجيهم طالما رضو بالحرام من البداية . . ناصر كان سبب اجتماع تركي وفهد من جديد يمكن خيرة ذا المرة وبيحاولون يتوصلون لتفاهم بموضوع مريم وبالمرة يكشفوه لنا .. يا كم لي انتظر اعرف شبه مصرة على ان فهد اكيد بيشك تركي هو اللي دبر ذا البلوة لناصر ومع تهديد تركي القديييييم انه بيضربه ضربه قوية فما الومه ذا المرة .. لكن ما اظن ضربة تركي كانت بتتجاوز الشغل علئ اي حال ما يظهر عليه انه بذا الدناءة واظن بالنهاية بيوصلون لنوع من التفاهم ويحاولون ينقذون ذا المسكين مع بعض . . صراحة عند ذا النقطة احترت شوي ابدا بمن من الشخصيات الثانية اللي ناوية اتكلم عنها بذا الرد بس قررت اخذ متعب وريم بالاول عشان نقطة ما ما شاء الله كان متحرقص الاخ يبا يوصل القاعة بس ما علينا شايفة كلامه مع نفسه اول ما دخل ؟ ان المكالمات مع ريم اشعلت حبه اكثر ؟ هذا يثبت نوعا ما الكلام اللي فوق ان حب ناصر اللي ما شاف اي شي يقويه او يدعمه من ليان كان ممكن بكل سهولة يدفنه حتى لو ما نساه لكن اذا حاول وحاول بصدق مش محاولة ظاهرية ما شاء الله ذا الثنائي مرررة روعة مع بعض فياريتك تتركيهم كذا عشان يهونون علينا بوسط العاصفة القادمة رغم ان الاحداث المغيمة اكيد بتاثر عليهم شويتين . . ناخذ لجين ذا المرة طبعا اذا كان ناصر عليه جزء من اللوم فهي بعد عليها جزء طيب دريتي يحب غيرك .. طيب شفتي اللي ياا زعم يثبت ذا الشي .. هل الموضوع ينفي انك بتتزوجينه ؟ وزواج ان شاء الله انه ابدي ؟ اذن وين محاولتك انك تبداي صح وبقوة وتفرضي نفسك على حياته ؟ والله التعود مرات اقوى من الحب ! الاستسلام والضعف والانزواء ما بيفيد بشي وللاسف مشكلتنا حنا البنات العاطفية الزايدة اللي لا تودي ولا تجيب .. امممم يمكن البلا الجاي يغير من حالكم ياا ذا الاثنين شوي :فيس يفكر اذا روعة بتضرب كل توقعاته وتطلع ناصر منها من البداية بمعجزة ما: . . تقريبا ختام ذا الرد ليان تقريبا البنوتة الوحيدة اللي حبيتها دايركت كذا من الاول .. ما شاء الله التماسك والسخرية من حالها وان ظاهرياا .. عاااش ياا ليون لقاءها مع ناصر اليوم .. اثر في كلامها صراحة فعلا مرات بنزعل يوم الناس تعتذر لنا على اخطاءهم بحقنا لاننا بنضطر لالغاء بند كرهناهم وما عاد نطيقهم من حياتنا .. البعض مثلا وحتى ان ابدى بغضه للاعتذار ما عاد بيقدر يدعي ع اللي اذاه حتى لود درئ انه كذاب .. تلك القلوب البيضاء المنيلة 😒😒 بس مش مهم نفسس ما قلتي يا حظها عمة دلول بكنتها العسسسل >> مزوجاهم مزوجاهم الله لا يعوق بشر ولا بروعةة ولا بلجين وبالمناسبة .. عافية ع الحلوات اللي كسحوو ذيك الاستغفر الله عرافة .. عرفك ملك الموت ياا بعيدة 😒😒 حبيت اسلوبهم بالسخرية من وجعهم .. من الاخر .. بالطقااااااااااااق اللي يطق الناس وكلام الناس ولك الناس من اكتر المواقف اللي ضحكتني بالفصل . . كذا تقريبا باقي رد واحد ونعلق ترا اظن حلوة الردود بالتجزئة هذي ولا لو جمعت ردودي كلها بملف وورد ثم نزلتهم برد واحد اظن كنتي بترمينه بوجههي من الملل والصداع 😹😹 |
رد: آنـي آرى العمـر بعينـيك مغفرة، قد ضل قلبي فقل لي كيف آهديه؟
اقتباس:
اكيد رده فعلها بتكون عنيفه مهما كان تشوف نفسها بهالشي مالها رأي او مجبوره خصوصا الرفض مشطوب عليه بعد اربع سنين تحيير ، انا انتظرك بس ترفعين الرايه البيضاء لبنياتي وتقلبين على عيالي ماعندي مشكله هههههه مو قادره استوعب انك جالسه ع فصل سنتين ياكسلانه سنتين مره وحده!! |
رد: آنـي آرى العمـر بعينـيك مغفرة، قد ضل قلبي فقل لي كيف آهديه؟
اقتباس:
بالنسبه لناصر ربمـا مو حب بس ساعات الرجال لما يلمح وحده ماتروح عن باله وتشغل تفكيره كثير يعني بالعربي ممكن اعجاب للحين ماتوضحت حقيقه مشاعرها تجاه ليان كل مافي السالفه انها مبهذلته بالتفكير وخصوصا بعد ماأذاها بكلامه ، ولجين ان شالله بالجاي راح تثبت لنا موقعها الاعرابي بحياة ناصر واكيد مالنا نحكم على حياتهم قبل ماتبدتي ، اما توقعك ياخطيره بخصوص ساره ماراح اقولك انك اصبتي بس بالبارت لجاي ان شالله بتلاقين الجواب ريوم ومتعب الاجواء عندهم غائمه تطمني مايصاحبها لا اتربه ولا رياح :lol: ولكن الاجواء متقلبه مثل مانعرف |
الساعة الآن 05:09 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية