|
كل عام وانت بخير بارت اكثر من رائع
فهد وعبير كفايه الي يصير بينهم خليهم يتصالحون تركي وسمر خفت تصير مشاكل بينهم بسبب طلاق ندى من حسام زوجي ندى من فيصل وخليها تعيش سعيده معه اخيرا لينا بتفتك من هديل اذا جاء اخوه احمد وعرف حقيقت هديل |
كل عام وانتم بخير .. يسلمك ربي سارونه .. بارت حلووو واحداث ..احلااااااا تقبلي ..مروري تأسرني |
كــــــــــــــــــــــــــــل عااااااااااااااااام وانتي بالف خير
تسلم ها الانامل يارب ولا يحرمنا منهم ولامن صاحبتهم بارت روعـــــــــــــــــــــــــــــــــه كلمه روعه قليله في حقه :(متى بترجع عبير مع فهد سمنه على عسل والله يوفق ندى مع فيصل والله يدوم السعادة على تركي وسمرررر بس ايش سالفت حسام وطلبتك تكفي لا تطولي يا قلبي |
{.. جـــــيت آصـبحك / آمــسيك ياهـوى البال بالنـور ،، وآقـــول عسـاك بخـير وكيف حالك ..؟؟ يالله عسـاك بـخــــــير وطـيب ومـــسرور ويالله عـساني ما آنحــــــــرم من إبــــــداعـك .. إهــــــداء لـعيونكـ سارونـه كيفك ياقمـر مع الدراســــــه .. شدي الهمـه ماعاد باقي إلا شهرين وشوي وينتهـي التـرم ونبي منك تبــشرينا بالنسبه.. )( ويارب ينتهي على خــير )( والله وحـــشتيني ووحشــــوني حبايبي آبطـــال روايتك الخوقاق بشـــريني عن عبير ونـدى شو آخبارهم..؟؟ حسـام والله ودي أسمـع عنـه شي أختفى الآدمي ماعاد يطل علينا وهذا الشي مو شي بصراحـه << فهمتي شي سامحيني يالغـــــــلا والله الظــــــــروف ماسمحتــلي أقـراء البارت 22 في وقتـه ، فـصل النت وبنفس الوقت ماقدرت آروح لبيت آخـــــوي تعرفين مـــكه وقت الحج ماشاء الله زحـمه بقــــوه عاد ماكان لي إلا آجــــلس بالبيت المـهم ياقلبــي اليوم حابه أكـتب رد طــــويل والســــر..؟؟!! لأنه آول مـــــرهـ آكــون في قمــــــة الهــــدوء وأنا آرد على الروايه ويمكـن لأني قريته قبل ما أخــــرج من البيت وأنا رايحـه للجامعه وخـلاني أفـكر في الأحـداث اللي صارت.. الـعذر والسمــوحه منك كـــــلامي كثير وماراح ينتهي الله يعينك علي ~ نجـي لشخصيات روايتـــك ~ أببــــداء أول شي بـ فـهد .. إنسان غـريب مـتسرع وغير مبالي بتـصرفاته ولا بالعـواقب يمـكن هـذي الأسباب اللي كـرهتني فيه .. مع إني واللهِ وحلفي بكــــسر الهاء أنه في أوقات يدخل القلب بدون إستذان فهد بدايته في روايتك كانت من يوم أتزوج عبير ، اليوم اللي كرهني فيه وخـلاني آخذ منه موقف لما آعـطى عبير كف ولما شكك بأخلاقها ولما تهور وقال لها إنه مغصـوب ليـه وقتها جـرحها آكـثر من مرهـ في آول أيام لها بـحياة جـديدهـ تفتكـرين معاي في ذاك اليـوم عبير وش قالت ..؟؟! قالت له ماراح تلمس شـعرهـ مني وإذا تبي حقوقك روح خذها من غيري وقتها فهد مافـرد عـضلاته وآخـذ حقه غصب مثل ماسوى بعد مارجعها وبهـذا الوقت غـلط غلطــة عـمرهـ لما هدم أمـل أنولد عند عبير وبعد بينه وبينها خـلق جواتها الخـوف والكـــــرهـ ورغم هذا كله يحاول يرجعها عبير الأولى .. مستحــــــــيل ؟!!!!! مستحيل عبير تـرجع مثل ماكانت بالضـبط يمكن تستقـر الحياة بينهم في المستقبل إذا نجح فهد في محاولة إرجاعها وتخليها عن فــكرة الطـــلاق.. ويمكـن بما أنها روايـه تحمل بعنوانها " خياليـه .. " ترجع المياه لمجاريها ويرجع الحب كما كان .. عبير قلت لك من قبل أنه عبير ونـدى يذكروني بحالي أنا وصاحبتي وبتوضيح أشمل .. عبير بطيبتها ولما تداري على مشاكلها عن أهلها تـذكرني بمنو < صاحبتي وندى بكـرهها لحــركات الشباب ودشــ#### تذكـرني بنفسي عاد لأن منو متزوجـه فـكل شي يصـير حق عبير أتخيله لا إرادياً لها بعيـد الشـر .. فأنفعــل فوق ماتتصـورين وهذا اللي يخليني ما آرضـى على عبير شي مو زين وبأخـــر بارت حـزنت لما كانت تهذي بكلمة ولدي لا تقتله.. كله رااااااااااح مثل ماراح حبي لك لا وربي لو كل الناس تمل انا ماراح امل الين تقول انتي طالق بتفَضل على كلمتها ولا .. لا أما عن ايش تتوقعوا ردة فعل عبير لما تصحى وتلاقي الحنون جنبها *_^ ؟؟؟ أتوقع أنٌه أول ماتصحى عبير وللحـظه بس.. تتمنى لو يرجـعوا مثل قبل لو تصحيـه وتصبح عليه بالخـير.. بس بعد ماتحس على نفسها بتقـــــوم وهي غليانه منه ومن تصرفاته وتتركــه لوحده بدون ماتصحـيه نـدى من البدايه ماتوقعت إنك راح تحبي حسـام.. بس شاءت الأقـدار وحبيتيه وأرتبـط أسمــــك بـ أسمــه قدمـلك آجـمل هــــديه " قلبـه اللي كان صادق معاك في لحـظة إعتـرافه لك بحــــبه .. وبمحــــــاولتـه اللي نجـحت بأنه يترك الحــركات الطايشه رغـم إنه كـان صـعب عليــه يتــرك المكـــالمات و و و.... إلا لأنه يحبـك تركهم .. تركـهم علشان يكـــسبك وآهم شي يكسب قلبك وفي الأخــــــير جــــــزاء حســــام كــــذبه؟؟؟!!! الله أعـــــلم وش تــأثيرها على حسام لما يـدري .. غلــــــطتك في حـــقه كـبيره يانــــــدى.. وطلاقك منه يمكن يرجعه حسام صاحب المعاكسات وعلى فـكره لا تتسرعــين بمـــــوضوع خطبتك وقــدر آقــــــول بأختـصار إلا الله يستـر من اللي جاي .. حـسام ياخـي وين أرضــك من سماك .. وش تسـوي وكيفها دنياك ..؟؟ مـــدري ليه طــــرالي المـوت والمــرض وآنا آتذكــــرك.. بس إن شاء الله خــــــــير أتمنى أســـمع عنـك شي الأيام الجايه وبشـــــــرط .. شي يســـــر الخـــــاطر * وش ردة فعـلك لاسمعت بخـبر خـطبة ندى لفيصل..؟؟ * وخـبر إنك عاجــــــز آكــــيد بينكشف المــــوضوع ..؟؟ فيصل واللهِ آحب آسمـك وأحب لك الخـير بس بعيييييد عن نـدى لأني بصـراحه أتمنى لها فرصـه ثانيه مع حسـام وأنت أنسـان طيب وتستاهل الخــــير < وأنا حاظـرهـ بأي وقت أدور لك من هنا ولا مناااك وحــدهـ تليق فيك *؛^ تـركي خـفت عليك على بالي صار لك شي بس تـدري زعـلانه منك ومو راضيـه عليك.. تــــدري أن طـــلاق حسـام لنـدى غلـــطه أرتكـبوها الأثنيـن بالـتفكــير فيها وتنـفيذها وإنك أنت شاركتهـم * ودي آعــــرف بتسامح نـــدى أختــك الصغــيرهـ واللي بحسبة بنتك في كـــــــذبتها ولا بتعاقبها .. ؟؟؟!! سـمر صـعب أحسـاسك اللي مريتي فيه .. بس الحمدلله أكتشفت وتاكدتي أن تركـي هو نصفك الثاني والله يـديم المحـبه بينكـم ريما ورامــي آكــثر أثنين مسـتقرهـ حياتهم بشـكل خيالي الله يديم السعادهـ والأستـقـرار علشان كـذا مـو حابه أذكـر كل منهم لحال سارونـــه إسـمحيلي ودي أكمــل توقعاتي عن لينا وهديلوهـ الدعله وإياد بس الوقت مو مسـعفني آبــد يادوب أسكـــــر جهازي وألحــق على المـحاظـرهـ ولا ينحسب لي تأخـــير همـسه: ســارونـه.. * الله يـعطيــك العافيـــــه يارب * لا تحــرمـي عشــاق حـــرفـكـ المتعة في قراءة كــل حـرف حـبرهـ قــلمكـ آنتـظرك بكــــل شــوق وكلِ إعجـــاب بقلمـك تقـديري آبي آنساكـ |
بسم الله الرحمن الرحيم
السلام عليك ورحمة الله وبركاته مرحبااااااااااااا حبيبتي سارونة فصل راااااااااائع يالغلا تسلم يمينك على هالإبداع عبير حالة الرعب اللي جتها متوقعة يعني بعد كل اللي صار لها منه شي طبيعي تخاف منه وما تطيقه عبير تحتاج لطبيب نفسي وهذا شي أكيد يعني وحدة حساسة وتمر بكل هالظروف أكيد بتنهار فهد ما أدري أعتب عليه وإلا أرثي لحاله المفروض يرخي الحبل مع عبير وهو يشده بطريقة ملتوية مو داري ان الشد ممكن يقطعه لازم يتحلى بالصبر وفوق كذا يراعي نفسيتها أنا أدري انو كرجل مستحيل يتحمل كثير وهو يشوف حلاله قدامه وما يقدر يوصله لكن خله يفكر انو هو السبب باللي فيه الحين وانو يدفع ثمن أخطاؤه الآن عبير تحتاج وقت ووقت طويل جدًا حتى تلم جروحها وتداوي روحها ندى شي طبيعي انك تحزني وتزعلي الطلاق مو سهل أبد على الحرمة فكيف لو اللي طلقك تكني له مشاعر كبيرة حتى لو انت طالبة الطلاق برضو مو سهل عليك تتطلقي تصرفاتك يا ندى تدل على ان حسام ما زال متمكن منك ما زلت تفكرين فيه تتمنين لو ما خان أو لو ما اكتشفت هالخيانة تتمنين انك عشت معه على عماك يمكن اصرارك على الطلاق كنتي تبغي منها انو يثبت لك انك شي غالي ومستحيل يفرط فيك لأي سبب من الأسباب شوفي يا ندى صح انك طردتي حسام من واقعك لكنو يعيش معك ومستحوذ على تفكيرك وقرارك الطائش في الموافقة على فيصل كل الذي دفعك له هو أحلام طفولة تخبرك أنه هو الفارس المنتظر ومواقف رجولية صادفتك معه فقط وأيضـًا لتثبتي لحسام أنه ما عاد يعنيك أنا أعترف بأني ضد قرارك هذا حسام قرارك بالرحيل والابتعاد عن دائرة الأحداث ليس حلاً كان عليك المواجهة وقبول التحدي لا الفرار سمر الله يعينك أنا من أول قلت انك بتهدمي سعادتك بيدك الحمد لله طلع تركي رجال وفاهم وعاقل ما ماشاك في جنونك تركي الحمد لله أنك تملك عقلاً يزن الكثير الله يرزقك الذرية الصالحة عاجلاً غير آجل فيصل جل ما أرجوه لك أن لا تجرح نفسك ندى لأنني على يقين بأن قرارها متسرع جدًا غاليتي.. سارونة ما شاء الله عليك لو أظل أمدح من اليوم لبكرة ما بوفيك جزء رااااااااااائع بروعة كاتبته أنتظر بشوق مسيرة العذاب والجفا مع أحرفك المبدعة كوني بخير عزيزتي ودامت سعادتك حليفك التوفيق يا غالية أختك/ لِمَ السؤال؟ أدري التعليق قصير وما يوفي أشياء كثير ببالي ما كتبتها بس والله مضغوووووووطة بقوة مع الدوام والمذاكرة.. الله يعين بس ^_^ |
| الساعة الآن 12:42 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية