|
رد: أَحلَامٌ تَأبَى أنْ ’ تَنْطفِئ ،، / بقلمي
السلام عليكم
الصفحة 60 لا تفتح عندي |
رد: أَحلَامٌ تَأبَى أنْ ’ تَنْطفِئ ،، / بقلمي
أسعد الله مساءك وجميع أيامك الغالية وطن نورة.💐
سلمت يمينك،،، ما شاءالله تبارك الله جزء طويييل ،، وتقريباً مرّ على أغلب الشخصيات. عبادي & لولو بارك الله لكما وبارك عليكما وجمع بينكما في خير .. 💝 كلللووووش 🥰 حفل هادئ، ومختصر المختصر ،، ونسوا لا يعزموني 😁 أعجبني موقف لولو حين انتزعت التاج الذي تزينت به لتلبسه ميمي،، موقف بسيط في ظاهره، لكنه حتماً عميق الأثر في نفس ميمي وقبلها عبادي. سعد،،& لأول مرة له تواجد ،، أو أنا ما لاحظت تواجده من قبل ! هل يرسم مخطط ليشبك ريم ؟ 🤔 يمكن هو نفسه اللي كان متواجد في مجلس بيت جده، يوم تستهبل ريم بالحوش، ومن هنا وقع ومحدش سمّى عليه 😉 حاكم ،،& لا بأس عليك يا حاكم ،،، واضح أنه يعاني من علة ما،، أرجو أن لا يكون مرضاً عُضال 🤲🏼 سيدرك حاكم أنه أضاع أجمل لحظات حياته، في خصامه مع الجادل قبل أن يتهنّى بزواجه .😔 عذوب،، & إهانة، تعذيب ، استحقار،، حبس في محل النجاسة !! 😖 هل يوجد يا جوار ذلّ أكثر من هذا ؟ ( تراك زودتها 😡 ) ابنة الصهيونية ! 😳 هل كانت عذوب أيضاً ضمن من غُرر بهم ليكونوا أداة للصهيونية، كما غُرر بأبيها ساطي من قبل ؟ ؟ 🤔 أظن أن عذوب كانت تحت وطأة التعذيب⛓⛓في سجون بني صهيون،، وساعدها ذيب على الهرب ✈ فهي ابنة ساطي ظله الذي لم يتخلى عنه لحظة،،، ومن ذاك الحين أصبح ذيب بطلها الذي لم تنساه ،، 💪🏼❤ رحلة العودة: حتماً راكان ورجاله سيكونون لها بالمرصاد ،، وسيتم تصفيتها والتخلص منها، كما تم التخلص من تركي قبلها، فهي تملك أسراراً تكفي لايصالهم منصة الإعدام .. فهل سيدرك جوار هذا الخطر ويمتنع من إجبارها على العودة ؟ عذوب ،، لو أنكِ تعترفين له بما عندك،، لأرحتِ نفسك من هذا العذاب . وما يُدريكِ فقد يكون عوناً لك ومخلّصاً . ذيب،،& *(مع ذلك يجد نفسه يحارب كل وسيلة كانت تقّرب له الموت، متمسك بالأيام الفارغة وكأنها ستمتلئُ يومًا. ) مادري ليش قلبي حاس إنك ما راح تلتقي بأهلك،، وإن عزام ما راح يعرف مكانك إلا بعد فوات الأوان . 😓 *( يعبر عتبة الباب وهو يشعر لأول مرة برغبةٍ بالهرب، ليتفاجأ بعدد مهول من فوهات البنادق مرفوعةً في وجهه) هوباااا ،، على قولة بدايع الله يذكرها بالخير،،،، وقع ذيب في شر أعماله،، ولن يفلت هذه مرة،، فرجال الأمن يحيطون به من كل مكان 😓 *( متأكد من أن اليوم الذي سيسحق فيه رأسه بذات القبضة سيأتي. عاجلاً أم آجلاً سيأتي.) هل كان نوعام أسرع منك فتغدى بك قبل أن تتعشى به ..؟ أقصد إن وصول رجال الأمن إلى مكان تواجد ذيب بهذه السرعة، كانت بوشاية من نوعام؟ ولا استبعد ذلك أبداً، فبعد أن استنفد حاجته، وشعر بخطره عليه، أراد أن يتخلص منه، كما تخلص من ساطي من قبل . يهود وش وراهم غير الخيانة!😡 كل الشكر والتقدير للغالية المبدعة وطن نورة 💐 لا أسكت الله لكِ حسّاً 🍃 |
رد: أَحلَامٌ تَأبَى أنْ ’ تَنْطفِئ ،، / بقلمي
السلام عليكم
الحمدلله على سلامتك وان شاءالله اخر الغيبات >>فيس بااارد . . . ... . . . . . . . . . . . ماتقولين لي وينتس يالقاطعه .. 😡>>جتكم العجوز والتشره ماتقولين لي اهل لي اخوات ماتقولين تركت وراي ناس تحاتي .. تاركتنا للهواجيس والوساوس ماخلينا سيناريو شين ماجا ببالنا ...لاتلومينا احنا بفتره سنة الصخونه وهالكورونا ماخلى فينا ذره امل ..كل ماجبناها يمين ..شماال تطلع لنا هالكورونا ..الله يحفظنا واياكم وكل مسلم يارب ..ويجلي هالغمه عن الامه ياااكريم زين طلي قولي بتاخر ..واجلسي اسبوع وطلي عقب وقولي بتأخر ..واجلسي شهر وطلي قولي بتأخر ....ترى والله ماهمنا البارت كثر ماانت هامنتنا .. يااختي نحبك لاتقسين علينا .... احنا اي احد يدخل ليلاس خلاص نختم على جوازه بالتبني هههههه تحملي ماجاتس هههع وماشفع لتس الا اثنين حبنا لتس وطول هالبارات الله لايضرتس ماشاءالله تبارك الرحمن . . خلصت العجوز من الشرهات ههههه نجي للبارت الي قلب ام راسي لامن اوله ولامن قفلته الحين ذيب يوم يتذكر ساطي ..هل ساطي عايش والا كل هذي ذكريات ...؟؟؟؟ اجمل شي عائله مشاعل وخالد يااختي وش هالعائله الكيوووت خليهم يتبنوني انا راضيه اصير ام جدتهم ههههههه يااختي يوسعون الصدر يفتحون النفس حتى هواشهم يهببببل ... احس اكثر اثنين مظلومين بهالروايه ذيب وفهد .. ذيب يعذبه حاضره وفهد يعذبه ماضيه .. مدري متى ترحمينهم وتفكين عنهم الحصار وتنتعش روحهم بالامل .. ابهاا 😡😡 تفي من بؤك ..ماقبلنا فالتس >>رجعت العجوز وش ماراح يلتقي بابوه الا بعد فوات الاوان 😱😰 تكفين وطن لاتقرين رد ابها وتدخل براسك الفكره انتبهي احنا ماراح نرضى اتخيل بس ان كل هالي سواه عزام ماراح يطول منه شي !!!!لالالالالالالاااااا احنا ننتظر لقاهم باحر من الجمر وجالسين نرسم كيف بيكون ردة فعل امه وابوه وصيته .... ياالله كيف احساسهم اذا رجع الميت حي ..متأكده انك راح تبهرينا بالوصف مثل ما كل مره تبدعييين وتخالفين توقعاتنا ...💯💚💚 وطن نورة ..الحمدلله على سلامتك ياقلبي وان ماعذرناك من نعذر انت وحده منا بس على قولتهم العتب على قدر المحبه .. ننتظرك قريب بإذن الله لاتتأخرين علينا 💕💕💕💕 |
رد: أَحلَامٌ تَأبَى أنْ ’ تَنْطفِئ ،، / بقلمي
شبيهة القمر الجميل ..❤
والله إني أحب كل الشخصيات( طبعا عايلة ساجر) وأتمنى لهم الخير،، بس إنتِ شفتي فوهات البنادق اللي مصوبة على ذيب؟ تهقين بيفلت منها ؟ حتى لو استخدم مهاراته القتالية اللي تعلمها في مدرسة بني صهيون وحاول إنه يهرب بالحيلة ما راح يخلونه وراه وراه لين يتلونه من علباه،، ☺ والله إني أتمنى إنه يرد لأحضان أبوه عزام وأمه شعاع، اللي كأنها حاسّه فيه، وتشوفه يناديها في المنام. 🥺 بس الشكوى لله،، يا الله يا كريم إنك تنجيه كما نجّيت إبراهيم عليه السلام من نار عُبّاد الأصنام . 🤲🏼 ذكرتيني أعلق على فهد،، ياني فرحانه ومستانسة ،، 🌺 لأني تطمنت عليه وحسيت إنه أموره تمام التمام مع الجميلة غادة .🥰 بس خفت شوي،،، يوم علقت غادة وقالت دهنّا في مكبّتا،، خوفي أول كان من زوجة ناصر نسيت اسمها ،،🤔 كأنه بشرى؟ بس الحين ممكن هالسؤال تطرحه غادة على نساء العايلة،، في سوالف جانبية ،، ودردشات الحريم اللي مالها معنى ،، وممكن وحدة دفشه تعطيها الجواب بالوجه ،، وعينك ما تشوف إلا النور يا غادة 😢 اللي راح تحس إن شعورها بالسعادة مع الحبيب فهد، تبخر ،، وذهب مع الريح.😞 وش فيني على هالتوقع !! 🤭 استغفر الله مابي أتشاءم ،، بس الحق إني خايفة من هاللحظة. |
رد: أَحلَامٌ تَأبَى أنْ ’ تَنْطفِئ ،، / بقلمي
ابها البهيه 💓
لييه ماتكون فوهات البنادق مجرد تمثيل وتكون من طرف ربع ساطي مثلا او تكون حيله علشان يقطعون بني صهيون الامل برجعه ذيب لوكرهم وبهالطريقه يقدر ساطي يسترجع ذيب ويرد له جميله ( مدري وش الجميل بس اتوقع كذا هههههه ) طبعا ذيب يحتاج جلسات علاج علشان ترجع له ذاكرته .. واذا فعلا السلطات هي الي مسكته فمعناها نهايته وهالشي لانرضى به ابدااااا وطن .. فكري باي طريقه الا ان ذيب ينسجن او يعدم .. 😥 |
| الساعة الآن 05:52 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية