|
السلام عليكم
كل الشكر والتقدير لكم اخواتي وزي ما انا عرضت المشكلة ( او ذكرت فقط بالوضع المرير اللي نحن عايشينه ) انا بعرض هنا الحل واللي برضه مش جديد ( وهذكر نفسي واذكركم بيه ) الرجوع الي الله >>> بإصلاح انفسنا >>> بتعلم العلم الشرعي ( ومن يريد استطيع مساعدته يستطيع مكالمتي علي الخاص ) <<<<وبكل ده سيأتي النصر إن شاء الله كل واحدة لاحظت في نبرتها وانتم بتتكلموا نبرة يأس وإحباط بالظبط زي الولد لعبته بطاريتها خلصت ،، وانتي روحتي اشتريتي له بطارية جديدة ،، ومع ذلك عمال يبكي وحالته بتسوء يوم عن يوم ،،رغم ان الحل امامه يمسك البطارية ويركبها ،،بس يعمل اللي عليه وهيا هتشتغل!!! لكنه فقط يكتفي بالبكاء والعويل ياريت يكون المعني وصل احنا اللي بإيدينا الحل وقدامنا الحل لكننا مش عايزين نتحرك وده فيه إجابة سؤالك ام علي زهقت من الرغي والهزار اللي مالوش لازمة كلام لما فكرت لحظة اكتشفت انه ميرضيش النبي صلي الله عليه وسلم لو قرأه لانه يعلم اني اعلم انه يسب ويهان وانا عمالة اضيع وقتي في أشياء لن تسره عمري ما كلمت شباب لكن في عالم النت اصبح عادي جدا انك تكلمي شباب تذكرت بيت شعر كنت حافظاه زمان ونسيته ما من كاتب الا سيفني ويبقي الدهر ما كتبت يداه فلا تكتب بكفك غير شيء يسرك في القيامه ان تراه مشاركاتي ال 2000 ياتري في ميزان حسناتي ولا في ميزان سيئاتي انا اعلم وانتم تعلمون حديث النبي صلي الله عليه وسلم الحديث متفق عليه ( كل بني آدم خطاء وخير الخطائين التوابون ) انا أهنيء نفسي دلوقتي اني قدرت اتغلب علي نفسي واقلل دخولي للمنتدي واقلل عددد مشاركاتي لواحد او اتنين في المية وان المشاركة اللي بكتبها تكون في ميزان حسناتي وليست في ميزان سيئاتي . قبل ما امشي احب اذكركم انكم لو بتقعدوا علي النت لمده خمس ساعات متواصلة مثلا او مفرقه ده بالقليل تستطيعوا حفظ صفحه من كتاب الله هنيئا لكل من يستطيع اتخاذ الخطوة في حفظ القرآن وكتابة ما ينفع المسلمين انا مش بعارض الكتابة ابداااااااااااا بعارض .......... انا شرححت ما فيه الكفايية أسفة علي الاطالة ياجماعه بس دي نقاط اتمني توضيحها عشان لو اي من اخواتي وحبيباتي رأتني دخلت موضوعها ولم ارد عليه تعذرني ومتسيئش الظن بي تحياتي احبكن في الله |
أحييك يا همس
و الله العظيم قلت كلام بفكر فيه من مدة طويلة و انت فاكرة موضوع الوقت اللي كنت نزلته فعلا طريقة قضائي لوقتي تاعباني نفسيا جدا في مليون حاجة أحسن من اللي أنا باعمله ممكن أقضي بها وقتي أشعر بموت قلبي و فتور همتي و حاسة ان حياتي بتجري في كلام فاضي هابعتلك على الخاص :) |
همس الطيور السلام عليك حبيبتي ...
كلامك جاء على الجرح تمام ...بس فيه أمور وأشياء قد لاأستطيع أن أوضحها بالشكل الصحيح ...قد لانعرفيني بشكل جيد ياترى من أنا في الحقيقة لا تعلمين ؟ فهمت من كلامك إنك حانقة على الوضع بشكل عام وأنا معاك ولست معك . وطوالي روحي شوفي الموضوع إللي راح أطرحة في الحوار الجاد . |
اقتباس:
كلمة كتييييير بنسمعها بس يمكن محسنهاش انا دلوقتي فعلا فعلا حسيتها ( نفسك إن لم تشغلها بالطاعه شغلتك بالمعاصي ) بسبب ظروف معينة انقطعت بعدم رغبتي طبعا عن المسجد وعن اي نشاط دعوي ( تعلمي اني داعية اصلا وبعطي دروس في المساجد ) وكان مطلوب مني الجلوس فقط في البيت والذهاب للكلية اللي حصل بقي المقولة اللي فاتت دي لاني كنت مش بعمل طاعات زي الاول بدأت الخطوات ......... قلي بقي قدامك فترة اقعدي تصفحي فيها الانترنت وشوفي المواضيع ووووو مش هتعملي معصية وووو واديكوا شوفتوا النتيجه 2000 مشاركة مش ندمانه عليهم حاليا لاني بفضل لله تبت ورجعت للمولي جل وعلا واسال الله ان يقبل توبتي فعلا والله لان الشيطان مش هيقولي مرة واحدة يا .... اعملي المعصية الفلانية لا هيا خطوات للشيطان ( ولا تتبعوا خطوات الشيطان) لغاية ما قرأت موضوع الوقت بتاعك ياعلا يااااااه عملي زي صدمة قوية فوقت من اللي فيه واكيد انتي قريتي ردي هناك مش هينفع طبعا الكلام علي الرسائل الخاصه عشان كدة انا حطيت ايميلي خديه وضيفيني بسرعه عشان اشيله تاني :) وإن شاء الله يدا بيد هنرجع احسن من الاول بس نبدأ بداية صح اقتباس:
حاضر ام علي اسفة مرة تانية علي الإطالة |
تعرفي همس برضه موضوع علا بتاع الوقت خلاني انتبه لحاجات كتير
وخلاني ارجع تاني احفظ بعد ماكنت توقفت لفترة ورجعت تاني اقرا حاجات مهمة في تخصصي وغيره بعدماكنت بطلت قراية من فترة طويلة وبدات احاول استغل وقت السفر وانا رايحة شغلي بدات انتبه لاهمية الوقت اللي بيضيع بس في حاجة الترفيه في حدود المسموح مش غلط المهم زي مابندي للراحة وقت ندي للجد وقت |
| الساعة الآن 02:04 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية