|
رد: روايتي الثانيه :عابـرات فوق ألسنة النيران
اليـــــــوم الثــــاني .. من رجعها للقصر وقالها تدخل ماشافته ولا انتظرته نامت مكرهه بعد القرار اللي طلعه بينام ويكون معها بنفس الجناح وجناحه بيقفله .. الســاعه 2 الظــهر لبست فستان مشمشي قصير نص الساق كت وزم من جهة الصدر ومن بعدها يتوسع وصندل واطي خيزران حطت لها روج لحمي ومسكره سوداء لمت نص شعرها بشباصه صغيرة جلست على الكنبه تقرأ مجله ازياء ومندمجه بدخوله ما انتبهت له رمى شماغه بأهمال على الارض تكرهه شيء اسمه فوضى وهو فوضوي :السلام عليكم رجعت عينها على المجله ولاردت عليه سافهته سلمان برفعة حاجب:اتوقع سلمنا ورد السلام واجب تركت المجله من يدها وقامت كارهه الجلسه معه بمكان واحد بعد حركته امس يحطها تحت امر الواقع و بدون نفس:وعليكم السلام بتخرج من الجناح مسكها من عضدها لفها له بقوه نزلت عيونها بالارض حطت يدها على يده وتحاول تمنعه برجاء وضيق:فكني سلمان بعتب:لهالدرجه مو متقبلتني في حياتك ؟ ندى لافه وجهها عنه:المسأله ماهي مسألة تقبل لكن النفس لاطابت طابت ابتسم بتوجع:حتى انتي نفسك طايبه مني وش مسوي لك ها رفع دقنها بأطراف اصابعه تكلم بتعب وعينه المحمره على عينه حط يدها على قلبه:شفتي ذا فيه وجع مايعلم به غير رب العباد ولاهو يقدر يتحمل كلامك اللي يهزه ويجرحه سكتت بعدت يدها من على صدره بهدوء عبس وكمل:وان ماكنت غلطان من ابسط حقوقي عليك كزوج تدارين راحتي حتى ماكلفتي نفسك تنشدين وين نمت امس وليش متضايق عايشه لنفسك وبس انتي انانيه طلعت عيونها وبسرعه:ماني انانيه!! سلمان بسخرية:اجل وش تفسرين اسلوبك ذا حتى المجبوره ماتسوي سواتك ان احترمها زوجها يابنت الناس ان كانك مانتي مرتاحه انطقي وبريح نفسي واريحك تحشرجت الغصه بحلقها رفعت راسها له ونزلت دموعها:ليه حاط ببالك اني ما ابيك سلمان بعتب:اجل هاللي تسوينه وش يكون؟ ندى بتوجع:انا ما ابي اكون مثل زيجاتكم وعيشتكم وتجي فوق راسي الف وحده واخلف وبس سلمان بقهر منها:والله ما احد حادك على هالعيشه انتي بطوعك وافقتي "بسخريه", وتعرفين عيشتنا مهما تكلمت معه بيستهين بكلامها فضلت تبتعد عنه بتخرج لفها له بقوة وصار صدره ملاصق صدرها حضنها وطبع قبله عميقه على نحرها غصت تحاول تدفه عصب منها ولازال حاضنها:حتى ابسط حقوقي ما اخذها برضاك وكارهتها الا اتبع الغصيبه دوم ندى دموعها تجمعت بعينها و بغصه:انا صايمه قضاء مايجوز بفطر بعد عنها وبأنزعاج: اصلا انتي متعمده تسوين هالشيء كرهت انه بس يرمي تهم عليها ويقول كلام عنها بقهر:رمضان قرب مابقى شيء غير 10 ايام وباقي لي 4 ايام قضاء ولاعاد تتكلم بلساني لف وجهه معرض عنها خرج ثوبه ورماه على السرير وشماغه دخل الحمام وتروش كرهت تكون معه بمكان واحد بأسلوبه ذا وعادله تحت مادرت وش تسوي انسدحت على السرير دخلت تحت اللحاف والتفكير بيذبحها من جهه سلمان وتصرفاته تصرفات زوج اسم يخدع نفسه تقر بداخلها انه مانسى روز ومن جهه ثامر اللي محرق جوالها اتصالات ورسائل خرج من الحمام وينشف شعره لفت بسرعه للجهه الثانيه غمضت عيونها تمثل النوم رمى الفوطة الصغيرة على الكنبه راح للتسريحه شاف جوالها اللي يشحن يدق وحاطته صامت ورقم غريب طنش لبس ثوبه وشماغه وقف يعدل شماغه شاف الرقم مصر يدق استغرب رفعه بهدوء وساكت ثامر بفرحه:ندوي حبيبي اخيرا رديتي قبض حواجبه وعبس وبصوت رجولي:من انت؟ فزعت من صوته قامت شافته ماسك جوالها .. سلمان بعصبيه:ماترد ياقليل الحياء رد لا ابوك لا ابو اللي خلفك راح اجيبك يا ابن .... طلعت عينها من كلامه وعصبيته قفل بوجهه بسرعه فزت من السرير لف عليها تقدم بسرعه رفع بوجهها الجوال:من ذا؟ ارتبكت وبانت عليها الرجفه بيدها صاح:تكلمييي بلعت ريقها انربط لسانها رفع حاجب:اللحين فهمت مو متقبلتني عشانه خذته منه كل شيء الا هالفكره صاحت بوجهه:تشك فيني؟ سلمان بنفس عصبيتها:والله مو ذاك جوالك ولا المتصل عارف اسمك ندوي حبيبي كرهت ثامر ولعنته الف مره صرخت بوجهه:تبي تعرف من هذا طيب انا بقولك هذا اللي كان خطيبي من قبل ومقلقني بأتصلاته حذرته اكثر من مره لكنه وسكتت يحاول يهدي نفسه شد على قبضة يده:لكنه وش انطقي ؟ بتردد:مزعجني رفع حاجب يحس روحه بتطلع:يهددك يعني عنده لك صور او قاطعته بنهر ممزوج بصيحه:يخسي يهددني اذا مارديت عليه راح يتبلاني عندك وراح تصدقني وتعيفني سلمان ونار تشب بصدره :وغييييره انطقي وش عنده لك؟ ندى بلعت ريقها:مافي شيء هز راسه وبهدوء :يصير خير هاتي الجوال "ويأشر بيده" ندى رفعت راسها وبأستغراب:لييه؟ رفع حاجب بلعت ريقها اول مره تشوف جانب سلمان المتحوش ماتعودت الا الجانب الحنون مدته له خذاه منها بقوة وخرج ماعاد شافته جلست على الكنبه زفرت بقوة :الله ياخذك ياثامر حطت راسها بين يدها بضيق نزل ومايشوف شيء من العصبيه عادله تناديه طنشها استغربت خرج مالقى عباس طلع جواله من جيبه وخذا الرقم من جوال ندى دق على رقمه وهو يغلي رد عليه:الوو مرحبا سلمان بعصبيه:واصلك يا ابن الكلب ثامر بسرعه:من انت ؟ سلمان بغيظ :عزرائيلك يا ابن... ثامر بصوت اعلى:تخسى ياولد .... طلعت عينه كل شيء الا يسب عرض امه صرخ:واللي خلق سبع ونزل سبع ان مايمسي عليك ذا الليل وما اكون ولد سعود اعرف من تكلم يالرخمه ثامر بغيظ:انت زوج ندى سلمان بعصبيه:اقطع واخسى لاتجيب اسمها على لسانك يالنجس فتحت الستاره طلت شافته رايح جاي يكلم ومبين عليه العصبيه قفل بوجهه ثامر طلعت عينه:انا اوريك صبرك علي 8مســـــاء بعـــد الموقف اللي جمعهم اليوم مانزلت تحت خافت تشوفه جلست بتملل في الجناح جابوها الخدم فطور شربت مويه وحبه تمره انسدت نفسها خلصت وقعدت قلبت القنوات طفش مافي شيء فتحت البلكونه وخرجت داعب شعرها نسمات هواء قفلت عينها بأستمتاع وتشم الهواء ريحة مطر اما هو جالس بالحديقه ومعه عادله وحريم اخوانه جات عينه عليها مغمضه عينها وماده يدها بالهواء فتحت عينها لفت يسارها شافته جات عينه بعينها بسرعه نزلتها ودخلت قفلت البلكونه سندت ظهرها عليه خايفه من ردة فعله وش ممكن تكون قاطع تفكيرها دخوله واقف وماسك الباب بيده وعينه عليها:البسي شيء ساتر والحقيني وخرج عينها على فستانها المشمشي عقدت حواجبها "وش فيه فستاني ساتر" طلت مره ثانيه على البلكونه شافت اخوانه عرفت ليه قال البسي لك شيء ساتر اخذت عبايتها وتلثمت ونزلت قربت منهم بصوت واطي:السلام عليكم الكل:وعليكم السلام ..جلست بكرسي بعيد شوي عنهم " عينه عليها كبرت بعينه انها تغطت مو مثل حريم اخوانه اللي بس يتحجبون قدامه اخوه الصغير يدرس جامعه :سمعت انك ياندى تدرسين ادارة اعمال اخر ترم شبكت يدها ببعض بخجل وبصوت شبه مسموع:ايه سلمان عينه عليها وبأبتسامه:والاولى على دفعتها ان ماكنت غلطان استغربت يعرف عنها اشياء ماعمرها قالته له بهمس:ايه سلمان بغمز وغروره:ان شاء الله يطلعون عيالي وسيمين على ابوهم وذكيين على امهم رفعت حاجب ضحك بقوة:ههههههههه وحلوين على امهم بس مايرفعون الضغط مثل بعض الناس عرفت انه يقصدها ارتاحت بداخلها ان المشكله عدت على خير تكلم اخوه ويعينه على سلمان:ايه نسيت طلعت لك الرقم اللي طلبت معلومات عنه اسمه ثامر ال... طاح كاس العصير من يدها عينه مركزه عليها:بسم الله عادله برفعة حاجب:مو هذا خطيبك السابق اللي مسكوه بقضية مخدرات ياندى؟ طالعوها لفت وجههت ضحكت عادله بداخلها عليها بجية خديجه نزلت راسها احترام لهم :سموك الامير سعود طالب زوجتك وعينها على ندى اللي رقع قلبها اشر لها تروح قامت ومشت معها جواهر بغيظ:علاقتهم سمن على عسل عادله انقهرت منه مشت معها وبهمس:باقي على كلامك؟ خديجه فهمت:انا عيونك اللي تشوف بهالقصر والاذن اللي تسمع ندى بضحكة:اتمنى ذلك بيدخلون بخروح الامير سعود اللي توسعت ابتسامته قربت منه وحبت راسه ويده حط يده على كتوفها:تو ماتنور القصر ندى بخجل:النور نورك ربت على كتفها:مرتاحه؟ عينهم عليهم ويشوفون حب سعود العميق لندى وعلاقتهم القوية ندى بأبتسامه:دام اشوف مبسمك وتكون على راسنا سالم وغانم انا اكون مرتاحه انبسط من طريقة كلامها اؤما براسه وتعداها خارج نزلت راسها احترام له لفت على خديجه :الحقيني ودخلت لحقتها خديجه دخلت جناحها قفلت باب الغرفه جلست على الكنبه رجعت كتفها لورى وبسخرية:ايه علميني وش صار بغيابي؟ خديجه:الامير سلمان طلق زوجاته ليان ورزان ندى بضحكة:اعرف مو انا اللي طلبت هالشيء سكتت خديجه وتشوف تهكمها كملت :والاميرة مها حسب ماعرفت ان بينها وبين زوجها مشاكل ويمكن توصل للطلاق عدلت جلستها:لا لا خديجه:والاميرة هيا في شيخ من الامارات متقدم لها وهي رافضه والامير سعود متضايق منها لهالسبب ماصارت تجي للقصر والاميرة عادله تخطط تزوج روز للامير سلمان ضحكت ندى من قلب:هههههههههههههههه هه نشوف اذا قدرت بمكـــان اخر .. تروش بنتها :نعيما ياحلوه ريم:روز جوالك يدق روز :ريم تعالي نشفي تولين بروح اشوف من يتصل راحت غرفتها رفعت السماعه وردت:الوو فارس:واخيرا مابغيتي روز بصدمه:فارس!! فارس بوعيد:اللي براسك احلمي تسوينه واذا فكرتي فراح اخذ عيالي واربيهم انتي ماتخجلين من نفسك تسوين حركات المراهقات ذي روز بقهر حست ان لهم يد بالموضوع:اعلى مابخيلك اركبه فارس بوعيد:نشوف ياروز وقفل بوجهها زفرت بضيق رجعت ظهرها لورى وتلعب بشعرها: اتمنى ياخديجه انك تكونين قد الثقه اللي عطيتك اياها لأن اللي عينها مركزه فيها:يغدر فيني يسمي على نفسه خديجه بلعت ريقها ابتسمت وقدمت بجلستها:ماعلينا انا بكلم الامير سلمان على هاليومين وراح اخليه يعينك رئيسة الخدم والوصيفات وطبعا راح يزيد راتبك ومني زياده خديجه :كثر خيرك ماقصرتي انا لازم انزل للحديقه اشوف اذا محتاجين شيء؟ ندى اشرت لها تطلع طلعت ابتسمت:على مين تلعبونها صبركم علي بس بدخوله اعتدلت بجلستها وبداخلها"جاك الموت ياتارك الصلاة" جلس جنبها وهي شابكه يدها ببعض وتلعب فيها لف عليها وبتساؤل:رحتي للدكتورة؟ ندى باستغراب:عشان؟ سلمان حك ذقنه:مدري صار لنا شهرين وباقي ماحملتي ندى بضيق:يجيب الله سلمان ارتخى بجلسته:ونعم بالله بس ياندى انا ابغى ولد يكون سندي اشوف اخواني حولهم عيالهم تغصني العبره ندى :واذا كانت بنت؟ سلمان توسعت ابتسامته:حياها الله ياحبي للبنات "عقد حواجبه وتغيرت ملامحه هنا عرفت ندى انه بيفتح موضوع الظهر" سلمان طلع من جيبه جواله ايفون فايف مده لها:هذا جوالي الثاني استخدميه حاليا لين اجيب لك جوال ثاني وشريحه ثانيه وبأسمي كرهت احتكاره:وليشم و بأسمي؟ سلمان قام:جاك اللي عندي "مشى لف عليها" ايه نسيت ترا بكره معزومين عند عمتي مها اعطيك خبر .. مشـــى الوقت وجات الساعه 3 حست بنعاس لبست قميص نوم حرير اسود قصير ومن جهة البطن شفاف ومن تحت ينتهي بدانتيل وقفت قدام المرايه لمت شعرها بيدها وارتفع زياده لبسها بدخوله يبغى يشحن جواله تنح لما شافها وهي ارتبكت لبسها فاضح وقصيييير نست انه بينام معها ارخت يدها وتركت شعرها منسدل وتشغل نفسها بترتيب العطورات على التسريحه تنحنح:احمم قرب منها وشبك الشاحن بالفيش اللي جنبها وحط جواله على التسريحه عينه فيها شكلها مغرري بدرجة فظييعه ابتسم:وش هالحلاوة؟ ندى بخجل:عيونك الحلوة قرب منها وتحس قلبها وقف وقف وراها حك انفه بشحمة اذنها مثل اللي انقرصت نطت بسرعه وبعدت عنه وهو قرحها ضحك على شكلها المفجوع:هههههههههههههههههههههههههه ههههههههههههههههههههه آآه يابنت ترا ماسويت شيء ندى بنرفزه لأن حركاته تذوبها:بروح انام تصبح على خير بتلف مسكها من ذراعها قرب منها حاوط خصرها وبهمس:نمنا كثير مشتاق لك سكتت مجبوره من قربه ^^^^^^^^^^^ بعــــــد اسبــــوع دليم بصوت عالي:فاطمه عجلي لانتأخر على الناس امها بوناسه:نغير جو على الاقل ابتسم متعب:ناس اجاويد وينحبون بتنبسيطن امها:خلني اشوف زواجاتهم مثلنا بخروجها تلثمت أي كلام وعدتهم كرهه حركاتها مع امها مهما كان لها احترامها ركبوا السيارة وهو مجبووره ماتبغى تروح بس دقت العنود بنفسها وطلبتها غير صياح الجازي وازعاجها مشوا وصياح اخوانها شايل الدنيا سدت اذنها وبداخلها"يارب وش هالحظ قبل كنت اقول ابغى اسمع اصوات ونيسه طلعوا ذولا " بعـــد ساعتين وصلوا وقف عند مدخل القريه وبتساؤل:فاطمة معك مفتاح بيت عمتك؟ فاطمه بأستغراب:اييه ليه؟ امها :عشان نقعد فيه صاحت بأستنكار:نعمممم على أي اساس تقعدون فيه بيتكم دليم باستنكار:بنت قاطعته:لا جد على أي اساس ندخله حتى انا مالي حق فيه دليم سكت مر اخو متعب ناده وسلم عليه ورحب فيه على صغر سنه الا فيه رجوله ابتسمت احلى من متعب بس متعب فيه شيء يميزه يمكن ملامحه البدويه شوي خرج لهم متعب نزل دليم رفع صوته متعب يرحب:ارحبوا ضحكت بهباله ماتدري ليش:هههههههههه لفت امها وبأستغراب:وش فيك؟ فاطمه لفت وجهها وسكتت متعب وصل عندهم ومنزل راسه:ارحبوا يالله حيهم تفضلوا قسم النسوان نزلت امها ومعها عيالها وهي جلست تقلب جوالها طل دليم من جهة شباكها المفتوح كله سند يده وبغمزه:ممكن الرقم ياحلوه؟ ابتسمت بداخلها يحاول يرضيها بأي طريقه رفعت راسها :ممكن طلب؟ دليم اشر لعيونه وساكت قربت فاطمه وباسته بخده وبتأسف:آسفه دليم ضرب راسها بخفه:يلعن هالوجه صار لي اسبوعين وانا مثل الخبل انزلي بس ضحكت بقوة:ههههههههههههههههههههههههه رفع راسه لما باسته وضحكها نزله بسرعه بضيق فتح لها دليم الباب ونزلت طلع من جيبه بطاقة شحن ب 100 مدها له:داري خدمتك الببي انفصلت فعليها ابتسمت بممنونيه صحيح صار بينهم سوء تفاهم لكن كان مثل الاب لها بتقرب منه بعدها:يابنت استحي على وجهك الناس عينها علينا ضحكت بخفه دفها للباب ورجع لمتعب اللي قلطه المجلس الخارجي دخلت وماحست باللي ينتظرها ورى الباب فسخت شيلتها وتحرر شعرها الا بصيحتها ونطتها :يالله حييييييها فرقزت بفجع وشهقت والجازي فارطه ضحك عليها:ههههههههههههههههههههههههه ههههاي حاطه يدها على قلبها وبكره:لعن ذا الوجه حيوانه بغيت اموت سكرت الباب الجازي وقربت منها ضمتها بقوة:اشتقت لك وربي فاطمه وتضمها:وانا اكثر ياحيوانه ام الفاطمه عينها على بنتها والجازي ابتسمت ودخلتها العنود بعدت عنها طالعت بالساعه الجازي:وش فيكم تأخرتوا؟ فاطمة برفعة حاجب:عاد الساعه 4 العصر وش تحسين فيه ترا جينا بدري دفتها الجازي بهباله للصاله يالله توازنت الا بأبتسامة العنود اللي فتحت يدها:ياجعلها ترحب ياهلا بزينة البنات افتشلت فاطمة وحمرت خدودها راحت سلمت عليها خد وباست راسها احترام لها العنود بفرحه:واخيرا شفنا امك زين ماسويتي يافطومه وجبتيها معك يالله حيهم امها بأبتسامه:الله يسلمك فسخوا عباياتهم وخذتها الجازي شمت ريحة شيلة فاطمه اعجبتها ضربتها على كتفها:وش تحسين فيه تعطرين شيلتك وتخرجين عند الرجال؟ فاطمة تحسس مكان الضربه:آييي خير يختي كانت بالشنطه وعطري فيه وناسيه عنها بعدين خير من اول ماجيت طايحه فيني ضرب الجازي ترقص حوواجبها:ضرب الحبيب مثل اكل الزبيب وراحت عنها امها بأعجاب من ترحيبهم الحار وريحة العوده والدخون اللي سبقتهم ابتسمت:اجل ما الومك يوم تبغين تجلسن هنا سكتت فاطمه وترتب شعرها خرجت عطر وبخت لها استحت من امها مدتها له خذته وتعطرت:جعلك تكرمين بالجنه يارب فاطمه بهمس:آميين ومن يقوله بدخول صالحه اخت متعب وخواتها المتزوجات وحريم اخوانه اللي اصغر منه قاموا سلموا عليهم ورحبوا فيهم دخلت العنود بمصافي الشاهي والنعناع والجازي لحقتها بالدله وصحن الفناجيل حطوا السفرة والقدوع"التحضير التمر والحلا والفطائر" صبت الجازي لهم ومدت الفنجان لفاطمه وبهمس:خذي جعلك ماتخرجين من هالقرية الا وانتي معرسه من اهلنا استحت فاطمه وقعدوا يسولفون وعين صالحه على فاطمة طول الجلسه وهي الثانيه بتمووت من نظراتها والا اهتمام العنود اللي جالسه جنبها وكل ماقالت الجازي شيء سكتتها وقالت "زينة البنات مافي منها ثنتين" ومـــر اليـــوم على فاطمة من اجمل مايكون وكانت عيون امها ماتفارقها ونظراتها لها نظرات ندم وحسرة انها بعدت عنها والا حزن لأنها ماكانت جنبها طول السنين اللي راحت وبذاك اليــوم دخلت فاطمة البيت اللي احتضنها لأول مره بعدة وفاة عمتها كانت تحس بضيق وعينها على كل ركن وزاوية كانت تجلس عمتها فيها صحيح كانت شديدة معها وكان لسانها متبري منها شوي ..ههه الا كثير لكن افتقدتها كانوا مثل توم وجيري فتحت باب غرفتها توسعت ابتسامتها جلست عند صندوقها فتحته لقت ملفعها ودخونها واغراضها بتسكره لقت ورقة صك فتحتها بفضول دمعت عينها من محتواه بيع البيت لها قبل روحتها للمدينة بأسبوع وليلى كانت واقفه قدام المراية وبتمعن بحالها بدأت ترجع صحتها شوي شوي وريان صار مايغفى الا على صدرها وتهتم فيه الا بحاجتين لبسه وترويشه كان جسار محذرهم من هالنقطه والا ندى اللي كانت جالسه على اللاب وتتابع مسلسل حريم السلطان وبداخلها قصتها مثل قصتهم وكانت عيون سلمان اللي منسدح على السرير تراقبها رفع صوته:ندى رفعت راسها اشر بيده تجيه حطت اللاب على جنب وراحت له جلست على طرف السرير مسك يدها :ابغى منك ولد وبنت ولد وبنت ولد وبنت ضحكت :هههههه ..عينه بعينها قرب منها:بس تدرين غيرت رأيي ابغاهم مثلك قابلهم بكل حالاتهم باس عيونها خذاها لحضنه ويحك شعرها بخفيف وبهمس:كل رسام يكون عنده من يلهمه وانتي اللي تلهميني وكل شاعر عنده من يفجر الشعر من اعماقه وانتي اللي تفجرينه وكل معجب فيه من يعجب فيه وانا معجب فيك وفيه من يخاف يعشق وانا اخاف اعشقك غمضت عيونها حسها كلامها قامت من عنده دخلت الحمام جلست على طرف الجاكوزي وبكت بتوجع "صرحها لها للآن يخاف يعشقها" وقف قدام الباب تردد يدقه او لا رفع يده وبعد معركه بين عقله وقلبه خرج وتركها ^^^^^^^^^^^^^^ بالقـــــرية .. كان اليــوم ليلة الحناء قبل زواج متعب بيــوم نزلت امها بدري هي واخوانها وهي مبتلشه وش تلبس خصوصا مسوين عزومه عائليه نبشت ملابسها اللي جابتها كله وبطفش:اوووووف وش البس وشعري آآه يارب رحمتك لبست فوزن اسود منقش ورد وبلوزه لين الفخذ لحميه موديلها ساده ومن الظهر فيونكات صغار على امتدادها" ومكياجها هادي مسكره سوداء وقلوس لحمي وبلشر بني فاتح جعدت شعرها واستشورت قصتها" لبست عبايتها ونزلت لقت الباب مفتوح دخلت افتشلت شافت حريم سلمت عليهم صالحه بهمس:الجازي تنتظرك بالغرفه روحي لها فتحت الباب وبأبتسامه:جييييييت الجازي رمت تنورتها الطويلة السوداء بوجهها:لاحيها فاطمة تثمل الزعل:افاا ..جلست عندها وتشوف ملابسها منثره عليها وغرفتها دمار محيوسه بطفش:مالقيت شيء البسه قدام شنايا الوجيه عماتي فاطمة:ههههههههههه شكلك ماتحبينهم الجازي عبست:فكينا منهم يلعن من هم منه نقادات والوحده ماتشوف بناتها ولا بناتهم شايفين انفسهم يعنني سكنوا بجدة والرياض كأنهم ساكنين بباريس ولندن "رفعت صوتها" حدكم منفوحه والسليمانيه فاطمه حطت يدها على فمها تسكتها وتضحك عليها:ههههه مجنونة الجازي بغمزه:ايه الحلاوه دي يختي طعمه ليتني ولد كان اخطبتس لنفسي ففاطمه كشتها:زين انك ما انتي ولد ..قامت :خلصي بسرعه والحقيني استحي اجلس بين هالامه الا صدق مو قلتي عزومه عائليه الجازي عبست:من كثر ماهم يفرخون انفداتس صاروا قبيله طلعت وتضحك عليها جاء الليل وجووا ثلاث نقاشات عشان عددهم وطرب على الاخر الجازي ترقص وفاطمة تصفق لها نزلت عندها ودقت رقبها وفاطمة تشجعها سحبوها رقصت بخجل على اغنية"اخيرا حبيت لجواد العلي" الســـاعه 10 فاطمة بأستغراب:الجازي من ذولاك واضح اجنبيات الجازي وبيدها النقش:ايه الكوافيرات الله يسلمك تخيلي كم بياخذون منا 1300 على كل وحده صاحت فاطمة بأستنكار:خير ولا عرايس الجازي برفعة كتف:قالوا حق المشوار ليه ماتنقشتي؟ فاطمة:ووع ما احب الحناء غير كذا وش لي دخل الجاوي قامت:تعالي الحقيني بوريك شيء ..قامت معها فتحت باب غرفه الجازي برجه:شوفي هاذي غرفة المعاريس متعب وشينة الحلايا عينها تتنقل بالغرفه اللي مزينه بالورد ومبخره بالعود سكتت ماتعرف ليشح ست بالضيق بهمس:الله يوفقهم خلينا نخرج خرجوا والجازي راحت تهتم بالضيوف وفاطمه ماتعرف ليش دخلت الغرفه مره ثانيه هالمره سكرت الباب وجلست على السرير ومعطيه الباب ظهرها متعب بنحنحه:احمم يالله يالله ياولد ما احد سمعه وهو يبغى ياخذ اغراض له من الغرفه فتح الباب ودخل رفع عينه انصدم من اللي جالسه على السرير ومعطيته ظهرها سمع صوتها تنادي بصوت عالي:فطوومه فطيييييم وين رحتي؟ رفعت صوتها:انا هنا ولفت جات عينه بعينها شهقت بأعلى صوتها همس بذهول:بنت المدينة!! ووبس قطعت عليكم لحظه حاسمه صح ههههههه اعذروني على تأخري |
رد: روايتي الثانيه :عابـرات فوق ألسنة النيران
البــــارت الرابــــع عشــــر
قراءة ممتعه.. لفت بسرعه مثل المقروصه وفزت ..اما هو سمع صوت الجازي دخل بسرعه وقفل وراه الباب راحت بسرعه لجهة الباب بتخرج مسكها من يدها طلعت عينه بترفع صوتها حط يده على فمها وكتمها وهي تبعد يدها نزلت دموعها من الخوف همس :والله ان خوفي عليتس اكثر من خوفي على نفسي لاشافوك معي وش بيقولون ؟ بلعت غصتها ودموعها تنزل بصمت على يده اللي كاتمتها لاحظ رجفتها وخوفها بعدت يده وبغصه:احترم صديقك اللي بالمجلس على الاقل لو يشوفك وش بيقول عنك بعد بتطلع مسكها من يدها بقوة وبنهر:قطع لسانتس مو بأنا اللي ادور ورى حرمة وعرض خيري ولااني ابي منتس الشينه كان من زمان وانتي لحالتس مو اللحين واهلتس معتس سمع ماعاد للجازي صوت ترك يدها ودفها للباب قهرته بكلامها لف وعطاها ظهره:روحي اللي يفرق مابيني وبينتس عينه عليه اول مره تكون مثل هالقرب جنبه بسرعه خرجت من الغرفه زفر بضيق ومسح وجهه بيده وهي دخلت الحمام بسرعه سكرت الباب وراها فتحت المغسله والمويه تنزل بكت خوف على كره للموقف اللي جمعهم بكت بقوة مرت امه جنب الحمام سمعت صوت بكاء استغربت دقت الباب حست على نفسها بصوت باكي:يلا طالعه غسلت وجهها واختربت المسكره رفعت راسها للمرايه وتحاول تمسح السواد اللي تحت عينها من المسكره ودموعها تنزل انتفخ وجهها من البكاء طلعت تظن مافي احد قدامها تفاجأت بوجود العنود اللي ماسكه المبخره بيدها عقدت حواجبها وبفزع:بسم الله عليتس كنتي تبكين؟ نزلت عينها للأرض مادرت وش ترد بكذب:لابس بطني شوي يوجعني تنهدت العنود بضيق: امسحي دموعتس يا امي والحقيني البنات يسألون عنتس والجازي تدور عليتس من اليوم وبخلي يسون لتس زنوت مغلي هزت راسها بالموافقه مشت وتركتها سمع صوته يتنحنح بسرعه دخلت الحمام قفلت عليها وهو خرج موصله معه دخل المجلس عند اعمامه وازواج عماته مكتم دليم بتساؤل:وش فيك؟ متعب بنرفزه:الخاطر ضايق دليم بأبتسامة:افا عريس وضايق خاطره متعب لف وجهه يبان عليه الضيق وخذته السوالف وبدأ ينسى شوي شوي الموقف اللي صار له اما فاطمة طول الجلسه ساكته ولانطقت بحرف ولو تتكلم دموعها بتخونها الجازي لاحظت عليها:وش صار لتس فجأة؟ فاطمة بكذب:مافيني شيء "وحتى تغير السالفه" هذولا خالاتك صح الجازي بأبتسامه:ايه ياحبني لهم مو مثل هالعمات المقاري ومضت الليلة لاتخلو من وجع فاطمة وضيق متعب الصبـــاح 9 ماجاها نوم تقلبت بطفش طول اليوم وتسمع صوت المطر القوي بالهنقر قررت تنزل عند الغدير تخفف ضيقها شوي طلت لقتهم نايمين كلهم لبست عبايتها تلثمت فتحت الباب الريح رجعتها والمطر ينزل بغزاره تشجعت نزلت شافتهم واقين عند الباب وينزلون اغراض من السيارة وصجه ولجه البزارين يلعبون تحت المطر وقفت مكانها وتذكرت اول ماجاء للقريه وكيف كانوا يركبون العقود وفرحانين بجيته ومعه الشهادة هالمره فرحانين بزواجه نزلت راسها بضيق ومشت من جنبهم كان واقف على جنب وعينه فيها مو منتبه له رفع صوته:مسفر تعال رفعت راسها على صوته طنشت بسرعه ومشت للغدير وقلبها يتقطع الف قطعه وقطعه قربت من الغدير اللي بعيد شوي عن القريه وياله تتوازن من الريح القوية والمطر الغزير التفت حولها مافي احد جلست عنده والمطر يصب فوقها والجو بارد قربت من الغدير ودخلته لين وسطه غاصت رجولها وزلقت ارضه طين ولاقدرت تخرج نفسها وبنيتها صغيرة غاصت صاحت بأعلى صوتها :آآآآآآ صرخت تناديه رغم انه مايسمعها:يببه يبه آآآ طلع على عيال خواته واخوانه يدخلهم رفع صوته:يارب رحمتك جات بباله طنش الفكرة وبباله اكيد طلعت لبيت عمتها بعد هالمطر اما هي كانت تصارع الموت والغدير امتلأ ورجلها غاصت وتناجي ربها ونست هالغدير خذا روح 4 بنات بعمر الزهور وعمر ولد ماتجاوز 11 صحت امها طلت مالقتها دورت عليها بالبيت مالقتها خافت عليها من هالمطر صحت دليم اللي قام مفزوع بخوف:مالقيتها مالقيت فاطمة يمكن خرجت فز بسرعه من فراشه فتح باب المدخل والريح ترجعه بكت بخوف:يمه بنتي خرج وسكر الباب نزل من الجبل وصل لبابهم دقه فتح اخو متعب دخل بسرعه للمجلس فز متعب:ارحب دليم بسرعه:اختفت مدري وينهي؟ متعب :من؟ دليم نسى كل شيء:فاطمة مالقتها امها طالعه وبشك:انا شايفها راحت يم سكت طلعت عينه وخرج بسرعه ودليم وراه دليم :وينها؟ متعب:راحت للغدير واللحين هو مرتفع لاتغرق فيه ركضوا اسرع ماعندهم وهي ماعاد لها حيله كل املها بربها قربوا منها وصاح دليم:فاااااطمة فااااطمة متمسكه بشجرة شافها انهبل بينط مسكه متعب:ارضه طين بتزلق ومابنطلعك دليم بقهر:اتركها تموت قدام عيني متعب بنرفزه:مابنتركها انا بخرجها ..عين دليم فيه مجبور يوافق ماعنده خيار وافق وهز راسه متعب رفع ثوبه ونزل الغدير وبصوت عالي:لاتخافين زلقت رجولها وطاحت صاح دليم بخوف ومتعب توتر وقلبه بيخرج من الخوف غرقت صاح دليم قرب متعب شاف يدها سحبها له ويالله يسحبها دليم ماقدر يقعد واقف دون مايسوي شيء ركض للقريه ونادى الرجال هالمره مو بس فاطمه اللي تغرق متعب بعد وصلت المويه لحد رقبته ويحاول يسحب فاطمه ناحيته صاح باعلى صوته:ماراح تموتين هنا هالغدير خذاه مابخليه ياخذتس انهد حيله ورجعت فيه الذاكره لورى لما كان عمرره 11 سنة "لما كان مع اخوه تؤامه خرجوا الغدير بالليل وقت مطر وكان وصوت البرق يخيف الآذان " اخوه يجري:تعال تعال ننزل له متعب بخوف:مشاري تعال هنا راح نغرق ابوي لو يدري بيهاوشنا اخوه بضحكة نزل ويضحك:المويه بارده تعال تعال متعب واقف بخوف:لا مشاري اطلع لاتغوص فيه ماهو بزين ضحك ولف عليه:ان كاني بغرق ماعليه بموت شهيد وبدخل الجنه قاله لنا مدرس الدين انزلقت رجوله وغاص فيه صاح متعب يبغى يساعد اخوه مد يده:مشاري امسك يدي واخوه يغرق من الخوف رجع للقريه وصحى ابوه واعمامه جو جري خرجوه وقد سلم امانته لربي وودع رجع للواقع بسرعه سحبها وخرجها من الغدير وهي لاحول ولاقوة وتكح بقوة طاحت بالارض وهو بكى بتوجع للموقف اللي كان ممكن ينعاد عليه من جديد ضرب يده بقهر صاح بأعلى صوته متعب:خذيتهم منا من باقي روحه عشات تاخذها هاا من باقي راسها بالارض وتكح رفعت راسها بتعب وتشوفه يصرخ وعينه على الغدير وكأنه انسان قدامه ويكلمه بجية دليم اللي ركض لها نزل لمستواه بالارض تمسكت بقوة بثوبه وتكح بقوة دليم خاف عليها رمى واحد غترته خذاها دليم وغطاها فيها بخوف:فيك شيء؟ هزت راسها بالنفي وعينها على متعب اللي جالس على الارض مهدود حيله جاء ابوه حط يده على كتفه وقومه ومشى معه دليم وقفها ومتمسكه فيه مشت معه رجعوا للقرية بيطلع الجبل متعب بتعب وضيق:خذها داخل عند النسوان دليم لف عليها:انتي بخير تبغين تدخلين هنا؟ هزت راسها بالنفي اشر له دليم انها بخير وطلعوا فوق فتحت الباب امها حضنتها بقوة وتبكي بخوف وتشوفها غرقانه والطين على عبايتها وعلى وجهها ويدها دلي مجلسها بالارض مسك وجهها بخوف:انتي بخير؟ فاطمه بغصه:شفت الموت بعيوني كنت بموت بكت امها حضنتها وحطت راسها على صدرها ودليم لف وجهه كان بيموت من خوفه وبداخله انهم كانوا بيخسرونها لولا لطف ربي ثم متعب اللي خاطر بحياته حتى ينقذها اما هو جالس بصدر المجلس الداخلي شابك يده ببعض ومقدم جلسته وعينه بالارض اللي صار اليوم فتح له جروح حاول ينساها موت تؤامه اللي ماكان بس اخوه كان صديقه فتحت امه باب المجلس شافت جلسته المهمله وثوبه اللي غرقان ومتوسخ بالطين قربت منه شافها مسح دموعه بسرعه حتى امه مايبغاها تشوف دموعه جلست جنبه ابتسمت بين وجعها:حتى انا مانسيته مانسيت شلون ودعته اخر مره كنت اهاوشه وهو يضحك لف متعب عليها غصتها العبره :لو ادري ان الغدير بياخذ روحه ماكان خليته يخرج وهو زعلان مني ومتضايق بكت بقوة :اهىى اهىى متعب بأيمان قوي:كان يومه يايمه والله اللي خذا امانته الغدير سبب "حط كفوفه على يدها" ابتسم:ماكان زعلان منتس ولاماخذ بخاطره انا كنت معه قال يومها بالحرف الواحد متعب احنا محظوظين عندنا ام مثل امي وكان ناوي يراضيتس بكت بتوجع وتضحك:صدق قال كذا؟ هز راسه بالنعم مسحت دموعها:اليوم عرسك الله يكتب لي عمر واشوف ولدك قوم يمه تروش وغير ملابسك المطر بدأ يخف متعب:ابشري ..قامت بتخرج لفت وبتساؤل:ايه صدق شلون فاطمه عساها بخير؟ هز راسه ويتذكر شكلها بالغدير :ماعليها خلاف بخير امه تنهدت بأرتياح:زين زين وخرجت ^^^^^^^^^^^^^^ جالسه عند الشباك وعينها على المطر ما انتبهت لدخوله جلس جنبها حست فيه عدلت جلستها وعينها بالأرض سلمان رفع دقنها بيده وبصوت رجولي:ماتعودت اشوف هالعيون مكسوره ندى بتوجع وعينها بعينه :هالعين ماكسرها احد غيرك لفت وجهها معرضه عنه تنهد بضيق قام من عندها بجرآة:لما صارت مشكلة الجوال تضايقت وصرت تصرخ بوجهي لف ناحيتها كملت:لأنك غرت طيب وانا ما احس ماعندي قلب مثلك والا انتم تعودتوا تاخذون بنات الناس بس حتى يخلفون لكم وتتركونهم بقصور تكتم نفسهم "بغصه" ترا احنا مثلكم نحس ولنا قلوب توي خلصت صلاة العصر تدري وش دعيت ربي ان مايرزقني الذريه حتى ماتربطني فيك طول عمري طلعت عينه من كلمته سلمان بسرعه:استغفري ربك جنيتي ندى تنهدت:مثل ماتوقعت تجاهلت الكلام اللي قلته قبل وركزت على اللي انت تبيه بس لاتخاف مادعيت لكن اقولها اللحين الله لاير قرب منها بسرعه حط يده على فمها وبتوجع:لاتقولينها طالبك نفظت يده وقامت بصوته:ايه نسيت اليوم الوالد مسوي عشاء هنا وتأجلت عزومة عمتي مها ندى اؤمات براسها وخرجت من الجناح تحس وجودها معه بمكان واحد يخنقها صادفت بطريقها عادله اللي ابتسمت بخبث بعد ماسحبت منها سعاد ومرافقاتها قربت منها عادله وتشوف وجهها الشاحب مبين عليها تبكي :كنتي تبكين؟ ندى بطولة بال:ماعاش من هو يبكيني جات عينها بعين سعاد اللي نزلت عينها بسرعه كملت ندى:عليك فيهم بالعافيه ماوقفت على سعاد والمرافقات ماني بحاجة امشي ومعي الف وحده وين مارحت تدرين ليش "ابتسمت بخفه" لأن قريب جدا هالقصر بكبره وباللي فيه راح يكون تحت يدي "اختفت ابتسامتها" من اللحين انتبهي لنفسك ياعادله اما ابوي يخرج من السجن والا الامير سعود راح ينبسط لما يعرف قصة هالثنتين لفت عادله وعينها على البنتين الافغانيات "اللي رافقوا ندى شهر العسل " طلعت عينها ضحكت بخفه:هه قلت لك من قبل لاتحطين راسك براسي ماتعرفين ان لدغة الحية تذبح عادله تبين انها طبيعيه عكس الخوف اللي بداخلها قربت منها:مصيرك مثلي ماتخلفين صار لك شهرين وشفنا الحفيد المنتظر ابتسمت ندى:لا انا ماني مثلك سلمان يحترمني ويقدرني عكس الامير سعود اللي مو معتبرك شيء بهالقصر مجرد واجهة مثل أي تحفه بهالبيت انتي والمصونه اللي جنبك جواهر بنرفزه:احترمي نفسك والا ندى بسخرية:والا وش تعلمين سلمان اللي صار له شهرين من جناحك ومنك ههه على العموم خير الكلام ماقل ودل بعدوا عن طريقي ولاتستفزوني احسن ما اخلي بلاط هالقصر اللي تمشون عليه جمر يحرقكم وقتها مابضمن اللي بسويه لأني صرت بايعتها بتبن ولايهمني لاسلطتكم ولا اسمكم ولا وقفتكم ذي مهما وقفتوا ووراكم جيش من المرافقات جواهر بهلع:امشي سموك هاذي مجنونة عادله قربت منها حطت اصبعها السبابه على صدرها وتدقها بقوة:حطيني ببالك مروا علي بهالقصر الف وحده مثلك نفخوا ريشهم بالبداية وتوهموا انهم قدروا يغلبوني لكن قطعت ذيلهم ندى عينها على اصبعها اللي تدقه بصدرها نفظته بقوه قربت:اوثقي انا غيييير عنهم هالمره مو ذيلي اللي بينقطع رقبتك اللي راح تطير لو يعرف بلاويك الامير سعود يابيوصلك لحبل المشنقه هذا اذا ماخنقك بيده ولو يعرف سلمان اووووه راح يتبرى منك ومايشرفه يناديك بــ يمه رفعت صوتها:الاصبع وهو الاصبع اذا انرفع علي بترته حتى مايتمادى بلاه جواهر سحبت عادله :فكينا منها هاذي مجنونة صاحت ندى بوجهها فزت ورجعت لورى ضحكت بصوت عالي:ههههههههههههه عطتهم ظهرها ومشت تتمخطر وتلعب بطرف شعرها وسعاد تبتسم خرجت روح عادله ^^^^^^^^^^^^^ رجوعـــا للقرية 4 عصــــرا خفت الامطار والرجال حطوا خيمتهم بمدخل القرية والحريم بحوش بيت متعب لأنه كبير ووسيع تملك متعب وباركوا له اما فاطمة من بعد اللي صار لها صارت تمشي بدون وعيها دخلت تحت الدش وتروشت خرجت استشورت شعرها وسرمكته واقفه عند المراية وتحط مكياجها ترسم وقفت يدها تذكرته تنهدت ورجعت تكمل مكياجها وقفت وعينها على شكلها النهائي "فستانها اسود طويل ساده مخصر على جسمها ومن ورى مفتوح لأخر ظهر مغطى بأكسسوارات دقيقه طايحه عليه ومكياجها رسمة كات ايز الثقيله واضاءة فضية وبلشر وردي غامق مائل للعودي وروج عودي " منكرت يدها مناكير الفرنسية لبست كعبها الطويل والدقيق ولبست اكسوارها حلق فضي طويل واسوارة ناعمه وخاتم وساعه فضية فخمه اخذت عطرها تاشا من افون واللي كان هدية خالها لها هو والساعه لبست عبايتها وتلثمت هالمره كان شكلها مفتن بدرجة ابتلشت كيف تنزل الجبل بكعبها فصخته وشالته بيدها ونزلت ومتوجعه من الاحجار بتوجع:آآي آآه ااح لعن امك آآه شافت مسافه بسيطه لين تنزل طالعت مافيه احد رفعت عبايتها بهبال ونطت بغت تطيح توازنت وقفت وبضحكة:كفوو تومي قدعه شافت الباب مردود بدخول حريم ومعهم بناتهم اعراسهم تبدأ بدري دخلت وصوت الدي جي مرتفع وحاطين اغنية "ياسليمان قلبي تولع" والعجايز يرقصون سلموا الحريم على العنود ام متعب اللي واقفه هي وبناتها صف يستقبلون ومعهم مباخرهم اشرت عليها الجازي قربت منهم سلمت على العنود وبأبتسامه:مبروك ماسويتوا العنود بفرحه:الله يبارك فيتس الفال لتس "حضنتها وبصوت عالي عشان الاغنية " الحمدلله على سلامتس مخارجه من الشر استحت فاطمه ماتدري ليه:الله يسلمك .. سلمت على خواته اللي كل وحده احلى من الثانيه بخروها عدتهم وصلت للجازي اللي "لابسه فستان سكري فخم شوي وتسريحتها شعرها مرفوع فوق كله وخصل نازله منه ومكياجها ثقيل درجات الفوشي طالعه غيير بس حلوه" فاطمة بأعجاب:وااو وش هالحلاوة؟ خجلت الجازي وسلمت عليها:فديت عيونتس انتي الاصل كيف صرتي خفت عليتس كنت بطلع لتس لكن تعرفين فاطمه برجه:شوفيني قدامك حية ارزق روحي لضيوفكم يلا دخلت استحت شافت الحريم سلمت عليهم دار مادار كثيير وصلت عند امها وهلكت من كثر ماسلمت جلست جنبها زفرت: ما اكثرهم طفشت وانا اسلم ليه ما انتظرتيني؟ امها مبسوطه وتصفق للعجايز:لو اقعد انتظرك عز الله خلص العرس وباقي ماخلصتي جات وحده من العجايز سحبت امها اللي ماصدقت ورقصت قامت فاطمة تبغى تساعد البنات قربت من الجازي:اساعدكم بشيء؟ لفوا كلهم عليها خجلت فاطمه الجازي برجه:اجل اخوي قلب عنتر وانقذتس من الغدير وش موديتتس يمه يالخبل طاح وجهها قدامهم كرهت الجازي ولعنتها تكلمت العنود:روحوا احيوا الليل يلا اشوف صالحه:يمه من يوقف معتس العنود:روحوا ماعليكم انا وفطومه بنوقف هنا مابتقصر ..راحوا وجات اغنية بلقيس"دقوا خبيتي" تحمسوا البنات ويرقصون العنود تصفق لهم وفاطمة تهز كتفها تحمست سحبتها الجازي معها رفضت سحبتها غصب ورقصت معها امها تصفق وخوات متعب والعنود قامت وحده من البنات ترقص معها والجازي تركتها وقفت تصفق وتصفر نافست البنت بالرقص وتهز كتوفها الجازي بصوت عالي:عاشت ماصدقت فاطمة ان الاغنية خلصت جلست فحمانه وامها جنبها وصالحه مع ام زوجها تأشر عليها اذن المغرب قاموا صلوا وخلصوا على الســاعه 9 كان وقت زفة مناير دخلت بفستانها الابيض الكت فستانها حلو بس مكياجها كان مبالغ فيه كثير وصابغه شعرها اشقر ماناسبها ..شوي قالوا بيدخل متعب ويتغطون ماقدرت تتحمل اكثر تحس سكاكين تغرز بقلبها لبست مكرهه تلثمت أي كلام شوي دخل ببشته الاسود وامه وعمته استقبلوه بالزغاريد والبخور نزلت عينها بالارض تحاول تتماسك قد ماتقدر ماتعرف ليش دخلته بعثرت فيها اشياء كثيره باس جبين مناير وجلس معها على الكوشه اللي حاطينها قربت منه امه همست:ابتسم شوي فاطمة قامت ماقدرت تتحمل خرجت برا سندت ظهرها على الجدار وماسكه بيدها صدرها تحس الاكسجين نقص داخل انكتمت متعب بضيق:حضرت؟ امه عرفت من يقصد همست:خلاص انساها ماهي من نصيبك متعب نفس النبرة:حضرت؟ العنود هزت راسها:اييه وقف بسرعه استغربوا العنود قربت:وش فيك؟ متعب بضيق:بطلع عند الرجال العنود افتشلت من الحريم اللي عينهم عليه:اقعد شوي لاتكسر خاطر البنت متعب فيه الضيقه :بطلع ..طلع وطاح وجه العنود وصالحه تسألها لفت وجهها بضيق من حركته فتح الباب وخرج بيمشي شاف شيء اسود واقف رفعت عينها عليه وقف عرفها من عيونها نزلت راسها وبهمس:مبروك عرسك متعب بلع ريقه:كيف صرتي؟ فاطمة رفعت عينها وجات بعينه اول مره يخونها الكلام بردت اطرافها وثقل لسانها لاحظت وجهها الشاحب مبين عليه الضيق ولا كأنه عريس كمل متعب بعتب:كم مره قايل لتس خبي هالعيون حرام احد يشوفها ماقدرت تتحمل وقفتها معه لو يشوفونها بيحطون فيها الف عله وعله دخلت بدون ماترد عليه جاء اخوه حط يده على كتفه:وين رحت يسألون عنك؟ نفظ يده بضيق:بعد عني انتم وعاداتكم هالخايسه اللي دمرتني ودمرت غيري ..مشى من جنبه واخوه مستغرب ^^^^^^^^^^ بمكان اخــــر روز بسرعه:انتبهي لهم ماراح اطول ريم بشك:قلبي مو مطمني لهالروحه لاتروحين لفت :الاميرة عادله بنفسها عازمتني ومايهمني أي احد لاهيا ولا هاذيك ريم بقلق:روز بديتي تخوفيني انتي وش تخططين له؟ روز وعينها على الفراغ:راح تعرفين فرقونا عن بعض مره المره الثانيه ماراح اسمح لهم سلمت عليها وخرجت ركبت التاكسي وعينها على الشوارع تفكر فيه ابتسمت لا اراديا بقصــــر الامير سعود متوجهين لغرفة الطعام هيا :راح نشوف الحيه اللحين مها:هيا خلي هالليله تعدي على خير هيا وعينها عليها:لاتخافين ماراح اسوي شيء حاليا بس اكيد سعود باقي متضايق مني مها بهمس:اجلسي معه وكلميه ماينفع تسون كذا وسبقتها دخلوا سلموا على سعود باسوا راسه ويده احترام له اشر لهم يجلسون بدخول سلمان وندى جلسوا وحريم عياله والخدم بدأو يقدمون الاكل مستنفرين بالمقدمه سعود والجهه المقابله له عادله على يمينه هيا ومها وجواهر ويساره سلمان وندى وحريم عياله مها :شلون صحتك ياعادله سمعنا انك تعبانه؟ تشرب العصير تركت الكأس:كلام فاظي الحمدلله مافيني شيء مثل ماتشوفين مثل الحصان هيا بنرفزه:واضح واكبر دليل كم مره خرجتي من الموت مثل القط بسبع ارواح مها طلعت عينها وعادله تستحقرها وسعود عينه على صحنه طفش من الصراع اللي بينهم عادله:من فضل ربي وعلى نياتكم ترزقون هيا بغيظ:انتي وش تقصدين احذرك ياعادله سكوتي لك لهاللحظه مو خوف منك احتراما للامير سعود عادله نزلت راسها بغيظ :سامحيني سموك ماقصدت شيء انتي صايره انفعاليه لازم تهدين بالك والا ماراح تعيشين مها عطتهم نظرات تسكتهم عينه على الصحن ويكمل اكله سكوته خوفهم مايبشر بخير سلمان بهمس:ليش ماتاكلين؟ ندى بهمس:قاعد اكل دام الصمت دقائق بدخول الخادمه :سموك وصلت الضيفه؟ رفع راسه سعود بأستغراب:عازمه احد؟ عادله بتفاجأ:لا ابدا بدخولها متحجبه:السلام علي هيا بتفاجأ :هذا انتي؟ لف وبسرعه:روز سعود ترك الملعقة بالصحن بقوة طلعت صوت وعينه على عادله اللي طلعت عينها ومتفاجأه روز نزلت عينها وبسرعه:آسفه قاطعتكم سعود بنهر:انتي وش اللي جابك هاا؟ زوجة اخوه بهمس:هاذي روز ماغيرها اللي كان يبغاها سلمان ورفض عمي سمعتهم ندى وسكتت بسرعه جات عين هيا بمها اللي عينهم على سلمان اللي انخطف لونه ومسكته العبره وتعابير وجهه ندى اللي كانت مبتسمه حطت يدها على يده وشدتها بقوة رفع عينه عليها كانت تأزره لأخر لحظه ردة فعلها صدمته وصدمت هيا ومها روز عينها على يدها اللي بيده سعود بعصبيه وقف:ولك وجه تجين ياقليلة التربية انتي وش اللي جابك؟ روز بقهر وماسكه دموعها:الاميره عادله بنفسها عزمتني عادله بسرعه:ابدا ماعزمتك لف سعود على عادله وعبس:انتي وش نوعك ها تبغين تخربين علينا عشانا وبس لاتظنين مو فاهم اللي تخططين له رده عليها الجمها التفت لها بسرعه:يلا برا انتي لو عاد اشوف وجهك مره ثانيه مايردني الا ابوك روز بغيظ:سموك انتي مرسله لي رساله من جوالك وعازمتني على العشاء وارسلتي وحده من وصيفاتك عادله بعصبيه:لاتكذبين ما ارسلت لك ولاشيء ليش حتى ارسلك؟ هيا بنص عين:يمكن من النار اللي بداخلك روز خرجت جوالها ومدتها له:شوف بنفسك سعود خذاه منها بعصبيه لف عليها:هذا مو رقمك؟ عادله تصنمت:ايه لكن رفع يده واشر بالسكوت انخرست سعود بحمق:عائشه شوفي شغلك هالاشكال ما ابغى اشوفهم بقصري مره ثانيه وخرج من غرفة الطعام عائشه اؤمات براسها وقفت مشت عندها سحبتها من يدها تطلعها فلتت يدها روز بغيظ : بعدي يدك اعرف اطلع بنفسي وعينها على ندى اللي رافعه راسها ومبتسمه وشاده على يد سلمان اللي عينه على الصحن ماقدر يتحمل وقف وخرج من المكان وقفت مشت ناحيتها قربت منها وتمثل الغباء:امم انا وين شفتك من قبل؟ روز بغيظ:بجهنم الحمراء ندى بأبتسامه:نوووو همست بأذنها:هذا مكانك خص نص بعدي من طريقي قبل لااوريك جهنمي وقتها مااحد راح ينفعك لاعادله اللي سانده نفسك عليها ولا اطلال ماضيك مع سلمان لأن بكل اختصار خرجتك من راسه وماصرتي تعنين له أي شيء غير ماضي يتحسف انه عاشه بعدت عنها رفعت صدرها ومبتسمه قربت منها روز:قدرتي تخرجيني من عقله خرجيني من قلبه اذا قدرتي؟ ندى بضحكة زمت شفايفها :وراح اخرجك لاتخافين تغيرت تعابير وجهها:عائشه ماسمعتي اللي قاله الامير سعود لمي هالاشكال وخرجيها برا سحبتها عائشه وهي تصيح:انتي راح تموتين من خوفك خايفه لااخذه من يدك ماراح اسمح لكم تبعدونا عن بعض مره ثانيه وتصرخ سلماااااان سلمان هم السبب هم اللي بعدوني عنك فاتح بلكونه الصاله ويسمع كلامها كملت تصيح:الاميره هيا والامير سعود هم دفعو كتمت نفسها عائشه وتسحبها لبرا فزت هيا بخوف ومعها مها مثل المقروصين ولحقوها .. عادله عيونها بتخرج مكانها وتتنفس بسرعه لفت ندى ببطء وعينها عليها ابتسمت بخفه وانحنت تغيظها حركت شعرها وخرجت تتمخطر خرجتها برا القصر وبنهر:لاعاد اشوفك مره ثانيه هنا يامره سمعتي ؟ روز بغيظ:ماراح اسمح لكم تبعدوني عنه مره ثانيه سمعتوا صادفوه بالسيب قرب منهم وبتساؤل:هي وش تقصد بالكلام اللي قالته قبل شوي؟ هيا بربكه واضحه:أي كلام؟ سلمان ضحك بخفه:هه ماني اصم سمعت كل كلمه قالتها راح تعلموني بنفسكم او راح اروح لها بنفسي واعرف كل شيء واللي سويتوه فيها صحيح هي كانت قبل بحياتي بس ولو ما ارضى عليها مهما كان مها صفر وجهها ومنزله راسها وهيا عينها على ندى اللي واقفه وراه لف زفر:آآه ندى قربت منه والدموع متحجره بعيونها:كل سويته لهاللحظه حتى اسعدك وانسيك لكن انت مو قادر تنساها حتى وانا معك لما اكون قدامك تتخيلها هي تظن ما اعرف نظراتك ما احس فيها لكن هالمره ماراح اسكت وابلعها ياهي بحياتك يا انا واللي جاي وحطت يده على بطنها تفاجأ مو مستوعب !! شهقت هيا بفرحه:هههه انتي حامل قربت منه بحيث مايفصلهم شيء وعينها على عينه بغصه:اختار طالعها بشرود ابتسمت بخفه زمت شفايفها:خلاص فهمت بتمشي مسكها من مرفقها ولفها له وعينه بعينها مرر يده على خدها وبعد الشعر عن عيونها بهمس: لأخر نفس اتنفسه ابغى اكمل حياتي معك يالاميرة ندى وباس يدها وجبينها نزل شفايفه لأذنها وبهمس:اطلبي اللي تتمنيه مني راح تجيبين لي اللي بيشيل اسمي حركته خدرتها بهمس رفعت عينها عليه وبعدت:امنيتي الوحيدة تكون جنبي دائما وماتتركني ابتسم ولف على عماته وبضحكة:عبدالعزيز راح يجي بخروج عادله مشى ناحيتها باس يدها:راح تشوفين حفيدك قريبا فتحت باب مكتبه هيا بسرعه وبفرحه:راح يجي حفيدك ياسعود ندى حامل سكر الكتاب وابتسم عادله بعدم تصديق:راح يجي حفيدي وعينها على ندى لفت وجهها باست راسه:مبروك يتربى بعزك وبعزنا يارب سلمان بفرحه واضحه:الله يبارك فيك مسك يد ندى وباسها:راح يجيني ولد ههه قبل يوم تقولين يجب الله خبيتي علي آآه منك نذله وربي ندى بأبتسامة:حبيت اسويها مفاجأة وانتظرت الكل يجتمع واقولها رجعت هيا لهم وبتموت من فرحتها صحيح كانت متضايقه من حركة ندى لما سازمته يطلق زوجاته بس هالخبر نساها زعلها مها بفرحه:مبروك ياعمري الله يقومك بالسلامه تنهدت ندى:آميين "لفت على عادله رفعت حاجب وبلكاعه" بس شكل الاميرة عادله مافرحت هيا فجرتها:من الاميرة انتي صرتي الاميرة هنا وراح تجيبين لنا حفيدنا اللي بيكمل السلاله عادله حست بغيظ و ماغاب عنها فرحة سلمان وعيونه اللي شعت من جديد رجعت له الروح مره ثانيه ماتنكر ان ندى كان لها بصمه كبيره بحياته اللحين بس عرفت ليه اختاروها لكن راح تتعب معها كثييير معناته كانت تعرف بحملها لكن انتظرت اللحظه المناسبه وفجرتها وبهالطريقه راح تزيد شوكتها بدون نفس:مبروك ياولدي يتربى بعزك وبعز جده ضحكت ندى بداخلها تعرف حركاتها وبداخلها "بدأ عهدي انا وبس ياعادله " هيا:خلونا نرجع نكمل عشانا يلا مسكت يد سلمان ومشوا ومها انتظرت ندى حست فيه كلام بتوصله لعادله عطتها الضوء الاخضر ومشت عادله بضحكة شماته:تظنين لو جبتي له الولد والا البنت بيلتفت لك مصيره يرجع لها ولاتغترين بيرميك مثل ما ابوه رمى حريمهم اللي خلفوا له ال 11 ولد وبناته ندى قربت منها وبضحكة:ماراح اكتفي بالولد بس على قولتك راح اجيب له الثاني والثالث والرابع والخامس وراح اكون الاولى والاخيرة بحياته وماراح اسمح بوجود وحده ثانيه غيري فهالقصر عادله بشماته:لاتوثقين زياده مصيرك زي ندى برفعة حاجب:هذا انتي بنت المزارع بس انا خلقت والحكم يمشي بدمي ومن عائلة لها وزنها مو حي الله احد وبعمرنا ماقبلنا بالقليل مشت عنها ورجعت تكمل عشاها وعادله تحس بغبنه جلست على الكرسي اللي عند المدخل وبكت قربت منها خديجه :سموك رفعت راسها وصاحت:روحي عني انتي السبب ليش تعطينها جوالي؟ خديجه بغباء:مو قلتي اني اوهمها بأني اساعدها سويت كذا ابتسمت سعاد وتسمع كلامهم عدتهم وعادله تصرخ على غباء وسذاجة خديجه اللي ودتها بستين داهيه |
رد: روايتي الثانيه :عابـرات فوق ألسنة النيران
انتهت ليلتهم بسلام
الليلة كانت ليلة جواهر حست ندى بالقهر لكن حتى ينجح اللي بالها لازم يكون بالها طويل وتصبر وتحاول تكبح غيرتها اللي راح تموتها مع ان سلمان مايروح لجواهر لكن مايجي الجناح بدخول سعاد ابتسمت ندى سعاد بأعجاب:كل يوم تفاجيني ندى بضحكة:ليش وش سويت؟ سعاد:انتي اللي ارسلتي لها حتى تجي تعمدتي هالشيء ندى لفت وجهها:صرتي تفهميني ياسعاد المهم طلعت بنتيجة من اللي سويته الامير سعود ماراح يطالع بوجهه عادله مره ثانيه وروز وصلت لها الرساله وسلمان اثبت له اني معاه للاخير ضربت عصفورين بحجر واحد سعاد هزت راسها باعجاب:ينخاف منك والله ندى بهدوء:اتركهم ينهوني والا يقتلوني غدر مثلا هاا بسرعه نزلت راسها سعاد وسكتت ندى بنظره:عرفت كل شيء صار بهالقصر كل قصة صارت خلال 36 سنه اللي ماتت غدر من حريم الامير سعود وقصص كل واحد الاميره هيا وعائشه وقصة الامير سعود مع ام سلمان والقصة الاكبر اللي زلزلت الدنيا وقامت ولاقعدت قصة الاميرة عادله والبنات الافغانيات اللي عينوهم مرافقاتي وبعدين سحبوهم وانتي لما سحبوك ويظنون بهالطريقه بيضعفوني لكن الامير سعود وقف بوجيهم ورجعك سعاد بسرعه:الله يخليك بعدي عن هالقصص والا راح يوجعك راسك ويمكن وسكتت ندى بقوة وقفت:يمكن وش يأذوني اللي فيها خير تقرب مني ماصرت بس زوجة الامير سلمان ام لولده وام حفيد الامير سعود وبنت سميرة هه مايهزوا فيني شعره اساسا انا ابغى انبش القصص القديمه واطلعها وش راح تكون ردة فعل الامير سلمان لما يعرف ان الانسانه اللي ربته ويحترمها بمقام امه هي بنفسها كانت سبب بموت امه سعاد رفعت عينها فتحت عينها مصدومه:السبب بموت امه وقفت عند الشباك وعينها برا على الحديقه:الاميره عادله تظن انه بتقعد على حالها قوية وظالمه وباطشه تقطع ارزاق الناس وتدخل بيوتهم وتهددهم وتدمر حياة باقي ما انبنت بهمس:وتفرق بين اثنين لبعضهم من صغرهم غمضت عينها وتنهدت بعمق آآه :سلامتك من الـ آآه لفت بسرعه كأنها مقروصه لايكون سمعها:سلمان متى جيت؟ ابتسم ورفع حاجب:من قلتي آآه ابتسمت بخفه قرب منها وسعاد طلعت ندى باستغراب:ليش جاي فيه شيء اقصد هالليله ليلة حط سبابته على فمها:اششش مسك يدها وقربها لصدرها :ماقدرت مااجي من سمعت الخبر وحاس نفسي بموت من فرحتي فجأة لقيت نفسي عند باب جناحك لمعت عينها بالدموع طوقت رقبته بيدها وبهمس:خير ماسويت لأني اشتقت لك وحضنته بقوه ويدها متمسكه بظهره مسح على ظهرها ويد على شعرها بعد عنها بغمزه:ماراح نحتفل بهالمناسبه؟ اشرت على عيونها:دقائق وراح نحتفل مع بعض وراح انسيك كل شيء حتى اسمك ضحك بقوة:ههههههههههه نشوف ندى برفعة حاجب:راح تشوف وخرجت من الجناح جلس على الكنبه ويده ورى راسه رجع جسمه ومغمض عينه اما جواهر فكانت واقفه قدام المرايه فسخت الديشنبور وعينها على القميص الاحمر الساتان الحرير لنص فخذها وشعرها المرول مهما لبست له عيونه ماتشوفها نزلت دموعها صرخت بقهر:آآآآآآآآآآآآآآآآآآآآآآآآ اخذت عطر ورمت بقوة على المرايه اللي تكسرت طاحت على ركبها بالارض وتبكي بحرقه والزجاج متناثر بكل مكان دخلت عليه ندى اعتدل بجلسته قربت وشايله بيدها الصحن اللي فيه كوبين عصير فراوله وكوكيز بخجل:مالقيت غير هذا مدري ضحك بخفه على عفويتها:هههههههه عادي احلى احتفال اييه ممكن افهم ليش ماعلمتيني بحملك وكلامك العصر ندى بثقل:حتى تحس شوي سلمان بأستفسار:ليه انا ما احس فيك هذا قصدك؟ سكتت ندى تكلم:انا كنت معك واضح تتذكرين كلامي معك بشهر العسل قلت الاحترام اللي بينا اكبر من أي شيء ثاني ندى ما اقتنعت بكلامه سكتت وبداخلها السكوت افضل حل لو تناقشه بتخرب ليلتهم عينه فيها:ليه ماتتكلمين؟ رفعت كتفها:وش اقول بيجي ولدنا وباقي مادخلت قلبك سلمان بنص عين:وانا مادخلت قلبك لاتنكرين اعرف نظرات اللي يحب ونظرات المعجب رفعت حاجب:اهاا على اساس اللحين عارفني قرب منها وهي تشرب عصير :ايي ارتبكت من قربه تحس شعر جسمها وقف بعد عنها تكلم بغرور:اصلا يكفيك ان زوجك الامير سلمان بن سعود ندى بقهر:ويكفيك فخر اني بنت خالد وتربية سميرة وجدي طلعوا روحكم زمان ضحك بقوة سلمان:ههههههههههههه مو بس هو حتى حفيدته مطلعه روحي "يقصدها" رفعت حاجب:قدها ! سلمان بغرور:قدها وقدود وش بتسوين؟ ندى بسرعه رفعت كاس عصيرها ونثرته عليه ضحكت بقوة:ههههههههههه عشان ثاني مره ما ما امداها تكمل كلمتها الا ناثر العصير عليها فوق شعرها صاحت بأعلى صوتها سلمان بنرفزه:تستاهلين هههههههههه ندى بداخلها"هين ياسلمان اعرف كيف اجيبك على راسك" قربت منه وبهمس:برد ضحك سلمان وهو مغطى بالعصير:تستاهلين عشان ثاني مره تتوبين لو غيري كان لفك بكف بس مشكله قلبي حنين ندى عضت شفايفها قامت:حظك والقلب دامه كذا فقع ضحك على كلمتها:ههههههههههه لفت رفعت حاجب:قلت شيء يضحك؟ سلمان وقف وصار قدامها وفارق الطول بينهم رجح كفة سلمان لوى يدها ورى ظهرها صاحت:آآي سلمان بمزح:اعقلي ياندى اعقلي والا قسم لأطلع اللي براسي صاحت بتوجع:آآ ماراح اعقل وش بتسوي؟ لفها عليه وماسك ذراعها حاس شعرها اللي غرقان بالعصير مسح يده بملابسها بقرف ينرفزها طرطعت من حركته وصلت حدها منه حمر وجهها من العصبيه عبست ومنزله عينها عرف انها انقهرت وحتى يغيظها زياده رفع وجهها بيده ويصفق خدها بخفيف مره وثنيتن وثلاث ماقدرت تتحمل حركاته انفجرت بكي بوجهه سلمان بلعانه مثبت وجهها بيده:ما احلى شكلك وانتي تبكين ..بكت زياده ضحك بقوة وخذاها لصدره ومسح على شعرها عض على شفايفه:فديت الحساسين انا جعلني فدا هالعيون لاعاد تبكين طالبك ..تضحك وتبكي بنفس الوقت ابتسم وماحس على نفسه كم مر وقت وهو حاضنها وهي ضاعت حست على نفسها بعدت عنه :احمم سلمان يصرف نفسه:انا بدخل قبلك اتروش ..دخل وهي تحس قلبها يدق بقووة حطت يدها على خدودها حاره ومحمره ^^^^^^^^^^^ اما بالقـــرية حدث ولاحرج طلع فيه قلوب عاشقه وماحست الا متأخر فطومه الشقيه ذاك اليوم ماغفت عينها تدرون وش كانت تفكر فيه اقولكم والا خلونا نروح عند عريسنا ومباركين عرس الاثنين ..يلا غنوا معي لمتعب اللي دخل غرفته اللي بتجمعه بمناير لطول عمره والا اقولكم وقفوا شوي متعب قلبه فوق عند فاطمة دخل فسخ بشته وحطه على التسريحه وبداخله لازم ينسى عفوا يتناسى فاطمة ومايظلم مناير اللي كانت تموت فيه وياما تحلم تكون معاه وتحقق حلمك يامناير جلس جنبها متوتر مو عارف وش يقول تنحنح:احمم الف مبروك مناير بهمس:الله يبارك فيك رجعت عينها بالارض جات عينه على لبسها قميص نوم سكري طويل علاق وشعرها منثور على كتفها تفرك يده بتوتر وعينها بالارض:متعب ماراح انسى جميلك طول عمري استغرب كلامها :أي جميل؟ مناير نزلت دموعها ورفعت راسها:تزوجتني وسترت علي طلعت عينه الكلام طاح عليه مثل الصخرة بدون استيعاب:انتي وش قاعده تخرفين؟ مناير وعيونها متجمعه دموعه وبأستغراب:ليه عمي ماقال لك انهبل وقف وبأستهجان:يقول لي عن وش انطقي هنا مناير عرفت ان ماعنده خبر نزلت راسها وبكت قرب منها رفع دقنها بقوة ويتكلم من بين اسنانه:انطقي مناير ببكاء:مو بذنبي خدعني وقال انه بيتزوجني وغدر فيني و ماكملت كلمتها الا عطاها كف حار على وجهها بكت بقوة رجع لورى مو قادر يستوعب ان عمه وابوه غشوه حط يده على راسه مو مصدق هز راسه بالنفي وبصوت رايح:سود الله وجهك سود الله وجهك بكت مناير بقوة:والله خدعني رفع سبابته على فمها وبحده:اووووص لا اسمع صوتك لا ابتلي فيك بهالغرفه الله يسود وجهك ويسود وجيهم ليش انا هاا لييش منهو؟ بلعت ريقها بكت بقوة هزها بعنف:تنطقين والا اسيح دمك هنا مناير بضعف:اخو رجل صالحه اللي بالشرقيه"اللي يبغى يخطب فاطمة" ضحك بأستخفاف:ههه وش اسوي فيك اشل الفرد وافظيه براسك والا انحرك هاا المشكله ابوتس الرخمه وابوي عندهم خبر وانا صاير كبش فداء هنا طلع من الغرفه ويردد بصوت عالي:سود الله وجيهكم ..ومناير تبكي بقوة خرج لأبوه وعمه اللي كانوا جالسين بالمجلس قرب منهم ويوجه كلامه لعمه:مايحتاج ادخل على بنتك فيه من دخل عليها قبلي سكت عمه ونزل عينه بالارض من الفشله شافه ابو متعب وبنهر:ماهوب انت اللي تنزل راسك عشان بنت وانت "يوجه كلامه لمتعب" بنت عمك سترك وغطاك ان ماسترت عليها من يستر الغريب؟ ضرب يده على صدره وفجرهها بوجيهم:بنت عمي وهي بوجهي وساتر عليها لين يوم الحساب وبخليها بذمتي لين يسمح ربي امرها لكن مابعتبرها مره لي وحالها من حال الجازي وخواتي سكتوا ماعرفوا وش يردون عليه بالداخل بكت مناير بتوجع ونست قبل فترة كانت تشمت بفاطمة وكلمتها"روحي نظفي سمعتك بين المجالس يالمعيوبه" وكانت اكثر وحده شامته فيها من اهل القريه اما فاطمة فاختارت تناجي ربها بدل ماتحط يدها على خدها فرشت سجادتها بالحوش وصلت ركعتين تدعي ربها يسر حالها ويهدي سرها سلمت جلست على السجاده تسبح وتستغفر والجو براد يريح ويشرح الصدر ^^^^^^^^^^^ اما عند ليلى كان نائم ريان بحضنها وهي غاطه بالنوم فتح الباب بشويش وعينه على منظرهم الحميم نايمه على جنب وهو معطيه ظهرها وراسه على صدرها فتح النور قرب منها وهزها بخفيف فزت بسرعه اشر لها بيده قامت بأمتعاض وتحاول تخبي لبسها اللي كان عباره عن روب قصير خذته من الشغالات حاولت تغطي نفسها جسار بأمتعاض:الحقيني وخرج خافت غطت ريان لايبرد خذت عبايتها لبستها وتغطت خرجت له جالس بالصاله ويلعب بمسبحته ومقدم جلسته يفك خرزه ويطيحها ويفك خرزه ثانيه قربت منه وبكرهه:نعم مد لها الظرف بدون مايطالعها خذته منه فتحته جسار بغصه وعينه بالارض:صدق اللي موجود بالظرف؟ ليلى عينها على الصور ابوه فيها وبحضنه بنت وصورة ثانيه يشرب ومعه مجموعة بنات سكتت مهما كان صعبه الواحد يشوف الكمال في ابوه وفجأة يكتشف عكس هالشيء هز راسه ضحك بسخرية:ههه اللحين حتى عرفت ليش كانت تبكي بحرقة "يقصد امه" موع شانه مات هه رفع راسه وعينه فيها بضعف:ابوي كان شوفي مو قادر انطق هالشيء بلساني كان قدامنا يدعي المثاليه كم صار له ها؟ وقف اشر بيده والعبره غاصته:لاتقولين "اشر بيده" لا لا لاتقولين ابتسمت بداخلها واخيرا شفتك ياجسار مكسور الدنيا تلف وتدور ماصدقتني اشر بيده:روحي عني اتركيني بحالي اصلا الصور مفبركه ليلى بأستخفاف:دام الصور مفبركه ليش تسألني همم اللي بيته من زجاج لايرمي الناس بحجار تصبح على خير مشت وتركته يتعذب من الشيء عرفه عن ابوه دخلت الغرفه شافت ريان قربت منه حطت يدها على جبينه شافته يغلي شهقت بفزع فتحت النور جرت له وتشوف وجهه محمر وحرارته مرتفعه نادته بصوت عالي :جساااااااار لف على صوتها بسرعه راح لها دخل شافها تبكي بخفوت:ولدك حرارته مرتفعه مو زينه للي بعمره جسار تنح لما قالت ولدك صاحت:جسار لا الله يخليك الا في هاذي ابوس رجلك الولد مرتفعه حرارته خلينا نوديه للمستشفى جسار بأستيعاب قرب منه لمسه شافه مثل الجمر بسرعه خذاه وبحده:الحقيني ما اعرف اتصرف معه لبست عبايتها تغطت أي كلام ونزلوا السيارة من الربكه ركبت قدام معه وخايفه عليه حاطه يدها على راسه" وهو يون بتوجع " ليلى بحنان باست راسه:خلاص حبيبي بابا بياخذك للمستشفى لف عليها ويشوف تعاملها معه كأنها حاسه انه ولدها ليلى تهدي جسار ماتدري ليه :لاتخاف راح تنزل اللحين راح يعطونه سيروم بغيظ:كله من هالخدامه تروشه وتطلعه برا اكيد لفحه هواء كم مره وانا اقولها لاتسوي هالشيء بس حضرتك اللي موصيهم اني ما اقرب منه لا اروشه ولا البسه على اساس بأكله يعني بعدين انت ضميرك ميت ليه تحرمه من امه مهما كان بينكم بس ماتحرمه منها وراميه ولا تسأل عنه هذا من لحمك ودمك تعرف وش معنى من لحمك ودمك ماراح تحس فيه الا فقدته "غصتها العبره كملت بأنفعال" اصلا متأكده قاعده اقول هالكلام وماراح يفرق معك بشيء فهى من انفعالها وصلوا المستشفى كان زحمه بس لما برز بطاقته دخلوه وبترحيب حار جدا ليلى بداخلها"سبحان الله عشانه امير دخلوه لو انه مثلنا كان لطعوه للصبح" شافت اب يصيح عليهم عشان جسار اخذ دوره جسار بهدوء:ادخلي داخل لين ما اكمل بياناته .. هزت راسها ودخلت عند الدكتورة جلست وهو بحضنها خذته الممرضه من حضنها وقاست حرارته ليلى فوق راسها :ها كم؟ الممرضه:39 مرره هار ولد"مره حار ولد" ليلى بخوف مسكت نفسها لاتبكي ضحكت الدكتورة:مالك يختي بتعيطي هما دول الغار لابد ترتفع حرارتهم راح نعطيه خافض حرارة ونعطيه مغذيه جسار انحاس رايح جاي ماعنده له اوراق ماقدر وش يسوي قرب من موظفة الاستقبال دق على رقمه هو الثاني جالس مع زوجته شوي دق جواله اسماعيل قام عنها ورد بعد مده:الو جسار ماعرف وش يقول بس حمد بخاطره انه رجع البيت ذاك اليوم وماصار له شيء جسار بتردد:اسماعيل محتاجك اسماعيل بسخرية:اللحين صرت محتاجني وقبل استغنيت عني لكن انا مو مثلك ما انسى اليد اللي انمدت لي بيوم رده عليه كتمه جسار:مشكور ماراح انساها لك اسماعيل بضحكة:لا مع احترامي لك انتم تنسوها تنسون اللي يخدمكم سنين جسار سكت بعدها شرح له الوضع وسكر منه زوجته بقهر:بتروح له بعد ماطردك عطاها نظره وخرج ماعرف وش يسوي له ساعه برا تشجع ودق الباب فتحت له الممرضه الفلبينيه ابتسمت ودخل شاف ليلى عينها على ريان اللي مغمض عينه تكلم:كم حرارته؟ ليلى لفت وبنظرة كرهه :39 ليتها فيك ولافيه بس دائما الضعيف اللي يروح فيها جسار سكت مستغرب انفعال ليلى جات الممرضه :لازم روش خفض حراره شوي وافقت ليلى واشرت له الدكتوره يجلس رفض :انا بنتظر برا وخرج والممرضه فسخت بلوزته وليلى تساعدها وقفت فجأة وعينها على الوحمه اللي تحت كتفه الدكتورة بأستغراب:ايه مالك ياست انتي؟ ليلى بذهول وعدم تصديق لفت ظهره بقوة وشافت الوحمه عن قرب شهقت بأعلى صوتها نزلت دموعها بدون سابق انذار صاحت بأعلى صوتها :آآآآآآآآآآآآآآ رجعت لورى وعينها بعين ريان اللي خاف من صياحها بكت بقوة :اهىى اهىى لا لا مات مااات خرجت بسرعه شافته واقف بعيد استغرب مشيتها السريعه وقفت قدامه وبصرخه:هذا ولد ميييين؟ ولدك انطق قوول ليش ساكت "تضرب بصدره وتصرخ" مسكت يده وماقدرت تتوازن تمسكت فيه:هذا من ولده هاا قول ولدك جسار بضعف:ولدك ياليلى مامات كذبوا عليك وقفت متنحه ومصدومه ساعه ضحكت بعدم تصديق:ههه هذا "تأشر بأصبعها السبابه" هذا اللي نام معي واكل وشرب طول الوقت ولدي انا جسار هز راسه قربت منه "تفلت بوجهه " هاذي تربيتك انت واخوك ها انت أي نوع من البشر يانجس جسار بيرفع صوته:وطي صوتك لا العن جدك فجأة قلبت مثل اللبوه اللي تحمي صغارها بصرخه:لحد هنا وووبس سكت 6 سنين وانا محترقه بناركم لكن الا ولدي الا قطعة روحي ماراح اسمح لك ولا له ولا عشر من اشكالكم يقرب له تفووو مافيكم نخوه عائلة فاسده من كبيرها لصغيرها انت كيف طاوعك قلبك تسوي كذا هاا كيف ؟ اسماعيل كان واقف وشاف الموقف كله نزل راسه خجل مع انه ماله يد لكن خجل اما جسار كان مو مستوعب ليلى الضعيفه اللي كانت مثل الحمل فجأة صارت مثل الاعصار ومثل الاسد اللي يزجر بيتكلم رفعت يدها تسكته:لأبوك لأبو سلطتك فيك خير قرب مني والا من ولدي بس شوف وش راح يصير فيك دخلت عند ريان شالته بسرعه والممرضه تنهرها صاحت بوجهها:بعدي عن وجهي طلعت وشالته وراسه على كتفها وحاضنته بقوة تعدته ورمت عليه نظرات حقد وغيظ طلعت من المستشفى وببالها مكان واحد راح تروح له وراح يأويها ويأوي ولدها مشت شوي سمعت صوت اسماعيل يناديها لفت بنفخه :نعممم اسماعيل بهدوء:وين راح تروحين هالحزه خليني اوصلك؟ ليلى سكتت مجبوره ماعندها خيار كمل:انتي مثل اختي والله راح اوصلك للمكان اللي تبغينه هزت راسها بالموفقه فتح لها الباب الخلفي ركبت ومعها ريان قفل الباب لف شاف جسار واقف وعينه عليهم مذهول مشى وعينها بالطريق وكل شوي تحضن ريان وتبوسه وتبكي وتشكر ربها بعد نص ساعه وقف اسماعيل عند حارتهم وخصوصا قدام بابهم بعد ماوصفت له اسماعيل:اذا تأمريني بشيء رقبتي سداده ليلى بممنونيه:مشكور اسماعيل ظلمتك لكن طلع فيك خير الله يجزاك الجنه ويوفقك انت ولد حلال ابتسم اسماعيل من دعوتها ومنزل راسه نزلت وقفت قدام باب بيتهم كانت قبل توقف تحط فلوس لهم وتروح على اساس انها فاعل خير هالمره راح ترجع لأمها وللميس اختها بعد فراق دام 6 سنــوات جات عينها على بيت سامي عبست ودعت عليه من داخلها قربت من الباب دقته بقوة وانتظرت حتى يفتحون دقت مره ثانيه امها سكرت مصحفها وقامت :يالله جايه "حبت ظاهر المصحف وحطته على الكنبه" فتحت الباب وبأستغراب من اللي واقفه وشايله ولد :من انتي؟ ليلى بغصه:هاذي انا يمه رجعت لكم امها بدموع وذهول همست:ليـــلى !! ((رمضـــان مبارك علينا وعليكم يارب لنا لقاء بعد رمضان ان شاء الله)) "مـــس ميلانو" |
رد: روايتي الثانيه :عابـرات فوق ألسنة النيران
يسعد لي مسائكم يارب.. صيام مقبول وافطار شهي ووذنب مغفور والله يتقبل منا و منكم صالح الاعمال شلونكم على الصيام اليوم ..لشونكم مع الحر اللي مو طبيعي؟ كله اجر ان شاء الله ..حبيباتي هالبارت لعيونكم وان شاء الله يعجبكم البـــارت الخـــامس عشـــر قراءة ممتــعه واحيـــانا تعاكس الرياح اتجاهنا ونتخبط بمشيـــنا ولاقربنا نوصل لخط النهاية نبتســم لكن نجهل اللي مستخبي لنا بنص الطــريق!! فتحت الباب وبأستغراب من اللي واقفه وشايله ولد :من انتي؟ ليلى بغصه:هاذي انا يمه رجعت لكم امها بدموع وذهول همست:ليـــلى!! فتحت الباب بكبره دخلت ليلى وشايله ريان لفت على امها اللي عينها على ريان وتنتظر تفسير بنزول لميس من الدرج برجه وقفت متنحه ابتسمت ليلى بداخلها رجعتها راح تحرق الاخضر واليابس امها بقهر ودموع:وين كنتي طول هالسنين ها صرخت: وين كنتـي؟ ليلــى بكذب:تزوجت قربت منها امه صفقتها وتفلت بوجهها غمضت عينها ليلى امها بنهر:ولك عين جايه بعد مافضحتيني عند كل الناس رجعتي لأن سامي شافك ليلى بين ضحكتها:لا رجعت لأن لازم تعرفين بالحقيقه بس مو اللحين لميس قربت منها وبدموع:ليلى "ضمتها" بكى ريان رفعت راسه وبسرعه:لاتخاف حبيبي جدتك ماراح تخلينا امها ولميس فتحوا عينهم على وسعهم من كلمتها نزلت راسها:تستقبلوني عندكم والا الشارع ارحم لي امها بعصبيه:روحي يال ... قفلت عينها على قوة الكلمه تسمع منها الغريب ولا من امها لميس بسرعه وماصدقت انها ترجع:اكييد هذا بيتك صح يمه؟ امها عطتهم نظرة ازدراء وطلعت لغرفتها .. زفرت ليلى:كارهه رجعتي لميس بعقل:لاتلومينها ست سنوات تختفين وفجأة ترجعين ومعك ولد ابتسمت :الا وش اسمه هالمكدش؟ ضحكت ليلى:ريان دخلتها للمجلس وجابت لها مويه شربت ريان ليلى بطولة بال:تبغين تعرفين ليه اختفيت؟ لميس بتردد:على راحتك بس ليلى قاطعتها:عادي ماتفرق معي وبدأت تحكي لها قصتها من الصفر الى هاللحظه وبنفس الوقت منبهره من لميس اللي كبرت وزادت حلاوة خلونا نتركهم شوي ونروح عند بطلتنا الثــانيه ^^^^^^^^^ عينها عليه يلبس شماغه ويظبطه عند المراية جنتل مان بكل ماتعنيه الكلمه احيانا تحسد نفسها ان عندها مثله بعد تردد قربت منه صارت وراه وعينه عليها بغصه:يعني لازم هالسفره؟ لازال واقف سحبها وخلاها قدامه وعينها وعينه بالمراية تكلم بحنية:لو بيدي ماتركتكم لحظه وحده بس مجبور زفرت وعينها بالارض دق جواله بعد عنها ورد:هلا عباس يلا نازل اللحين قفل "اول مره ماتبغاه يروح لمكان وتبغى يكون جنبها بسرعه":سلمان لاتروح والا والله لأ اترك البيت ضحك على نبرة صوتها قلدها:سلمان لاتروح هههه قرب منها رجع شعرها ورى اذنها وبهمس ووجهه بوجهها :فيك خير اطلعي من هالقصر لا اجيك جري من فرنسا اسحبك من شعرك رايح جاي انتي وهالخشه سمعتي ؟ ندى بعناد وتعرف انه يمزح:لا ماسمعت عينه البنيه فيها حرقها من نظراته خجلت وتحاول تصرفه بهمس:لاتتأخر على الرحله سلمان :انتبهي لنفسك واللي ببطنك امانه عليك واذا احتجتي شيء ماراح يقصرون معك اللي بالقصر ندى :لاتخاف تروح وترجع بالسلامه..قرب منها باس جبينها وخرج تنهدت اما هو وقف بين سيب جناحه رجع وبصوته الجهوري:ندى لفت بسرعه:لبيه سلمان بأبتسامه:احبك .. ماقدر ينتظر زياده كانت على طرف لسانه " ومن فترة تردد يقولها وخائف من هالشعور ناحيتها يكون وهم خرج بسرعه خائف لاتصدمه بردة فعلها" تنحت من كلمته تحاول تستوعب اللي قاله تبغى تقوله عيدها لكن خرج وتركها بحيرته بسرعه راحت لجهة الشباك بعدت شيفون الستارة شافته بطوله الفارع يركب السيارة ومعه عباس تركت الشيفون لفت زمت شفايفها اخذت جواله اللي عطاها اياه ودقت عليه رد بضحكة:امداك تشتاقين؟ ندى بضحكة:ههه تدري وش يقولون اهل امي ؟ سلمان يسايرها:وش يقولون؟ ندى:لامن حبوا واحد واعشقوه قالوا له يابعد حي العرب وانت يابعد حيي وملي توسعت ابتسامته :انتبهي لنفسك ودعتك الله ندى بضيق:فمان الكريم..وقفلت ^^^^^^ واقفه عند الباب وتسمع كله كلمة قالتها بنتها واللي مرت فيه طول هـ 6 سنين تقطع قلبها من اللي سوته فيها غادة"طبعا ليلى ماقالت للميس وين كانت فيه" دخلت وهي تمسح دموعها وبغصه:صدق هالكلام اللي قلتيه؟ نزلت راسها ليلى قربت منها وبنهر:وليش ماجيتيني وعلمتيني تظنين مابوقف جنبك وبرخصك هاا ليلى بكت ماعاد تقدر تتحمل زياده لميس بقهر عليها:يمه خلاص اللي فيها مكفيها امها بعتب:تدرين كم مرت علي ليالي وانا عيني على الباب انشد نفسي متى بتدخلين ماخليت لا حارة ولامكان الا واسأل عنك كل صباح لاشرقت الشمس اروح ادور عليك ولامليت وكنت ادعي ربي كل صلاة ان يحفظك وين ماكنتي تدرين وش قالوا لي الجيران لاعاد تدورين عليها يمكنها هربت بطوعها واللي قال يمكن راحت عند ربها "رفعت صوتها" قاطعتهم وقلت هاذي تربيتي ماتسوي الغلط ولايطلع منها العيب وين غاده؟ سكتت ليلى اصلا هي ماتعرف وين مكانها بعد ماداهموهم بقهر:بجهنم الحمراء مدري وينهي امها بسرعه:من ذا ولده انطقي؟ ليلى بقهر:لحد هنا وبس هذا ولدي شرعي تزوجت على سنة الله ورسوله ويكون ولد الامير لؤي بن ... لميس طارت عينها وامها تنحت وبغصه:ولد امير!! لميس بضحكة:وناااااسه يعني انتي زوجة امير ليلى بكرهه:كنت طلقني امها هزت راسها وقامت عنها لاحظت ليلى ان امها متنفره منها بشكل لميس برجه:ونااسه علميني كيف حياتهم بيتك قصر وفيه خدم وحشم وتلبسين اغلى الماركات وتسافرين لأوربا كيف شكله مثل اللي نشوفهم بالتلفزيون ؟ ضحكت بخفه ليلى على سذاجة لميس حطت يدها على جبين ريان بدأت الحرارة تنزل لميس مدت بوزها:ماراح تعلميني كيف حياتهم "رفعت يدها" يارب يصير لي مثل قصة ليلى ليلى بسرعه نهرتها:من غير شر اعوذ بالله انا بروح انام تعبانه سمعوا صوت الآذان رددت وراه ولميس عينها عليها ضحكت ليلى:خلاص بكره اعلمك كل شيء لميس بفرحه:وعد ليلى :وعد .. قامت دخلت غرفتها اللي كانت مع غاده كرهتها راحت لغرفة لميس فرشت لها بالارض هي وريان دفته وراحت توضي وعينها على لميس اللي تدقق بملامح ريان:ولدك ذا مهجن فيه عرق اجنبي ضحكت ليلى من قلب على تشبيهها:هههههههه لبست جلال الصلاة وصلت اول مره من 6 سنين راح تحط راسها وترتاح ببيتها وجهلت اللي منتظرها من جسار "بالجهه الثانيه شغال بتليفوناته" ابتسم بخبث:بهالحاله حق الوصايه لنا المحامي:حق الوصايه للأب وان علاه الجد وان علاه جسار يختصر:يعني لاطعنت بحق وصايتها بالمحكمة راح اخذ الولد منها سكت المحامي وبعد تردد:اكييد خصوصا انه ينتمي للعائلة الماللكه جسار ابتسم بخبث:مشكور تعبناك معنا..قفل منه لف بكرسيه الجلدي وبشماته:الا ما اطلع روحك ياليلى جاه اتصال من رقم دولي استغرب رد:الو لؤي بغيظ:جسار يالكلب انتي السبب باللي صار نفوني عشانك جسار ضحك:يابابا انت نسيت انك عايش بالسعودية وتظن انك بامريكا احمد ربك نفوك ولاعاقبوك بعدين انت عاهه ومرض معدي لعائلتنا لؤي بحده:جسار مثل مالك صلاحيات بهالعائلة انا لي صلاحيات لاتنسى ورحمة ابوي ما اخليك جسار بحده:انت من تهدد شين وقوي عين لؤي:جاك اللي عندي احذرك كل شيء الا ولدي جسار بضحكة:ولدك بالحفظ والصون لاتخاف راح يتربى بين اهله وناسه بين هالعائلة لكن امه سكت لؤي ماعرف وش يقول جسار كمل:مستعد اني اتدخل بالموضوع واجيب لك العفو من الديوان بنفسي الصباح بشرط تطلق ليلى لأن انا كذبت عليها وقلت انك طلقتها القرار لك سكت ثواني لؤي كمل جسار:ها وش قلت مو معقوله تتخلى عن اموالك وحلالك وتخليها محجوره عشان وحده ماتسوى لؤي بأكراه:موافق بس بالاول العفو بعدين توصلك ورقة الطلاق ابتسم جسار بين كرهه له:لاتخاف لاعطيت احد كلمه ما اتراجع فيها قفل بوجهه وبباله الف خطة وخطة حتى يوقع فيها ليلى ^^^^^^^^ بمطار الملك خالد الدولي .. جالس بصالة الانتظار ويقلب بجواله دخل الواتس شاف صورة عرضها عاديه بس التوبيك "ظروف الوقت لو جارت وخلتنا نعيش ابعاد اكيد الوقت به ثغرة تجدد للقاء ميعاد " شافها متصل الآن ارسل:ليش مانمتي؟ منسدحه على ظهرها بالسرير وتلعب بطرف شعرها ابتسمت لما شافته ارسل ردت:مافيني نوم متى رحلتك؟ سلمان ارسل فيس يبتسم:شويات بهباله:اتحداك ترجع ارسل فيس رافع حاجب:لاتتحديني ندى:ههه اتحداك ماتقدر ارسل فيس ماد لسانه:لو مو بكره الحفل كان سويت اللي براسي نامي يلا ينادوننا ندى:اوكي توصل بالسلامه باي سلمان:هلا..وخرج توجه للبوابة 4 ومعه عباس ^^^^^^ اليـــوم يكون اول يوم بشهر الخير والبركة شهر بدايته رحمه ووسطه مغفرة واخره عتق من النار شهر رمضان) ) ليــلى بين اهلها امها واختها وولدها رجع لحضنها وماتبغى شيء من هالدنيا غير هاللمه الحلوة وفرحانه بشكل لايوصف وندى بعد ما اعترف لها سلمان صار قلبها يدق من جديد فرحه لأعترافه لها ومن جهه حزن لسلمان اللي يحاول يخفي هالحب واحيانا نتجاهل مثل ماتجاهلت ندى قوله تعالي "وعسى ان تكرهوا شيئا وهو خيرا لكم..وعسى ان تحبوا شيئا وهو شرا لكم" صدق الله العظيم فاطمة رجعت من القريه بعد ماودعت اهلها بس ماشافته وبقرارتها "خيره لها وله" ومع دليم وامها اللي طلعت متهاوشه مع زوجها اللي طردها من البيت نسبيا علاقتهم تحسنت نسبيا لاحظوا مو كليا! اما بالقرية وتحديدا بمكان تحبونه متأكدة وتعشقه كل بنت برمضان "المطبــخ" هههه مايحتاج حاسه بشعوركم بروبها الحرير العنابي الكت والبناده الملونه الوان قوس قزح لامه فيها شعرها كله المطبخ محيوس وحالتها حاله الاواني ملأ المجلى والطاولات عليها كوم قدور وبقايا الفيمتو المنتثر وكانت المحروسه جالسه بالارض وتسوي السمبوسه رمت مفردة السمبوبه وصاحت:وجعاااه آآه ياكتفي اللحين انا وش دخلني افطر مجاعة افريقيا ذولا ها؟ "العنود امها اخذت ملعقة حشوة السمبوسه وضربتها فيها بعدت وماجات فيها" :وجع اللهم اني صايمه بس هذولا اوادم وش مجاعة افريقيا ياقليلة الحياء تقولين عن اعمامتس واهلتس مجاعة افريقيا؟ الجازي ببكيه:يماه كتفي بينخلع صاحيه من الساعه 11 ولانمت الا الساعه 9 الصباح كله من عيال بناتك المحروسات اللي الوحده بيدها حناء ماكلفت نفسها تجي تساعدنا وش يعني عندهم وغدان بيموتن يعني؟ العنود هزت راسها بعدم رضا:ماعليه من يتجمل قربنا ننتهي بعدين احتسبيها عند الله لك اجر تفطير صائم الجازي بتحلطم:قلتيها صائم مفرد يعني سنقل مو ذولا جماعة داعش ضحكت امها وتهز راسها وهي تكمل تفرد السمبوسه قامت امها وتسوي الفيمتو والتانج وتحطها بالثلاجه تبرد طلت عليهم مناير وبغنج:اسوي معكم شيء ؟ تركت المفرده من يدها اللي متلطخه وروبها طحين رفعت يدها وتخصرت الجازي:لا بسم الله عليتس بدري كان فنقرتي زياده ورقدتي "صاحت بأستنكار" بدرررري الساعه 5 العصر امها بنهر:الجازي ولعنه حطي لسانتس بفمتس الا تبغين تفطريني ذا اليوم "جات عينها بعين مناير" لا امي انتي عروس روحي انفداتس عند رجلتس واجلسي سولفي معه كأن خاطره ماش هالايام الجازي تحشي السمبوسه بصوت عالي متعمده:ما الومه من بعد ما اعرس بتتكلم مناير سكتتها العنود:روحي يمه قربنا نخلص مناير بطيبة متصنعه:اوكي عمتوو سي يو وطلعت من المطبخ الجازي تفلتها بالهواء:تفوو سيو جعل مالت عليتس صرتي تعرفين تهرجين انقليزي ياللي شهادة الابتدائي ماهي عندتس رفستها امها صاحت بتوجع:آآآآآ امها"رفعت الملعقة الخشبيه اللي تحرك فيها الطبخ" العنود: لسانتس ذا ان مافكيتيني منه قسم لا اقصه لتس واطبخه الجازي تفرك مكان الرفسه:احح يمه "رمشت بغرور" هو يحصل لكم بس تاكلون لساني اللي ينقط عسل العنود هزت راسها بعدم رضا:يالله ياكريم بهالساعه الفضيله ان ترفع بلاها وتعوضني بجنتك خير منها والا تزوجها واحدن باخر الدنيا يفكني منها الجازي فقعت ضحكت على الدعوة:ههههههههههه ادعس يمه ماهقيتها والله "بدأت تدندن ونست نفسها" ماهقيت ان البراقع تفتنني صاحت امها:كملي صيامتس فزت نست بسرعه:استغفر الله استغفر الله : بالجهه الثانية وقف عند الباب وهي تسوي خلطة الباشميل للمكرونة لفت تاخذ الصينية شافته فزت حطت يدها على قلبها:هذا انت خوفتني قرب ويفتح الثلاجة شاف حلا والكريمه سكرها فتح القدور قفلها وصفر:آآه كم لي ما اكلت مثل هالفطور فاطمة بضحكة:باقي ماذقته شلون تحكم؟ رفع سبابته:من ريحته اللي تعوف انتي لك نفس بالاكل مثل جدتك الله يرحمها ركى ظهره على الثلاجه عرفت ان عنده كلام بيقوله دليم بعد تردد:ترا فيه ضيوف بيفطرون عندي فاطمة صاحت بأستنكار:ليش ماقلت لي من بدري عشان احسب حسابهم دليم فجرها:ما احد غريب اخوانك وحريمهم امك عزمتهم مو انا وقفت متصنمه مكانها مو مستوعبه كلامه نزلت راسها وبهمس:هذا بيتكم مالي حق حياهم الله بس طلبي الوحيد منك دليم بسرعه:ابشري فاطمة بغصه:كل يوم الحريم يسوون دورية بالمسجد ويفطرون انا بروح افطر وبقعد اصلي التروايح مره وحده دليم عرف اللي بخاطرها كسرته:ماراح اسمح لك "ابتسم" لأني عازمك على الفطور برا انا وانتي وش قلتي وش اخذ رايك يلا اشوف البسي عبايتك مافي وقت فاطمة بعدم تصديق:من جدك بس ماخلصت من الاكل مسكها من ظهرها ودفها برا المطبخ:يلا اشوف باقي ساعه غيري لبسك ذا يفوح طبخ والحقيني لين ما احمي السيارة برا ابتسمت بممنونية له وراحت تلبس ************ بعد ساعه فرشت السفره وتحضر وهلكانه دق الباب كانوا حريم اعمامها وبناتهم وعماتها وبناتهم صاحت دخلت الحمام تروشت خرجت جعدت شعرها لبست تنورة سوداء طويلة وبلوزه طويلة فوشيه شفافه حطت قلوس ومسكره وتعرف انها بتدخل المطبخ بعد ماتخلص فما تعنت سلمت على حريم اعمامها وعماتها الجازي بهمس:اكتملت رصة داعش صالحه ماسكه ضحكتها:اسكتي بس لاتفضحينا دقائق حتى اذن على الفطور مرت عمها ام مناير:ماشاء الله تبارك الله فطور يفتح النفس العنود:بالعافيه مناير بكذب:يمه وش رايك بالكنافه انا اللي سويتها تشرب فيمتو شرغت كحت بقوة:كحح كحح ضربت ظهرها صالحه رفعت عينها وبنص عين:من اللي سواها انتي ياللي ماقمتي الا الساعه 5 العصر اصلا امداتس تسوين شيء فالحتن بس تمطين بهالكحله انتي وهالعيون العمس ينقالتس تبان اللحين شينة الحلايا العنود ترقع:ههههه ياحليلهم من حبهم لبعضهم يجاكرون ام مناير ماعجبها كلام الجازي :ههه ايه خلاص صاروا خوات الجازي بهمس:فالتس ماقبلناه قبصتها صالحه توجعت رفعت عينها:خير صالحه بهمس:ياطير فكينا من لسانتس ذا خلصوا فطورهم وقاموا يشلون السفره ومناير جالسه على الكنب حاطه رجل على رجل وتضحك مع خواتها الجازي بملعنه:مناير تعالي سوي قهوة وشاهي رجلتس يبيها |
رد: روايتي الثانيه :عابـرات فوق ألسنة النيران
مناير من طرف خشمها:جايه شوي الجازي دخلت المطبخ رمت الاواني بالمجلى من القهر:لا هاذي ماعاد تنطاق اولها تقول انها سوت وفعلت وتطلع بالجماله قدامهم واللحين تكلمني من طرف خشمها الافطس جعله الكسر صالحه بنهر:فكينا من مشاكلتس بدخولها وبطرف خشمها:ليه ماتسوون له انتم مو خواته بعدين انا عروس يعني استحوا على وجيهكم شوي سكتت صالحه اما هي وصل حدها منها شمرت يدها وبقهر :نستحي على وجيهنا ها ايه هالقريه طريقها مازلفتوه بس انا بزلفت وجهتس وبسوي فيه شوارع المملكه اللحين "طمرت عليها وتشد شعرها ومناير تصيح صالحه تحاول تفصل بينهم ماقدرت بدخول العنود اللي سكرت باب المطبخ لايسمعهم احد وفكتهم" وشعر مناير بيد الجازي اللي تحاول تهجم عليها العنود بنهر:اقطعوا واخسوا الناس برا وانتم تتضاربون هنا تقولن وغدان مناير ببكاء مفتعل:خالتي يرضيتس انهان وتمد يدها علي العنود بقهر وعينها على الجازي:وانتي مابتفكينا من مشاكلتس؟ مناير:اهىى شوفي وجهي كيف مخشته الجازي بقوة:وبفقعه لتس صاحت العنود:بسس انتي غسلي وجهتس واقعدي شوي واطلعي لأهلتس ولاتعلمينهم وانتي"توجه كلامها للجازي" حسابتس بعدين : : بمكــان اخر وتحديدا بقصر الامير سعود جالسه بمكتبه وتتكلم بخوف ويدها ترجف وسعود ساكت ويسمع لها وكل كلمة يحسها مثل الجمره تغلي بداخله بجناح ندى لبست لها جلابيه بيت سماويه بتطريز خفيف على الاكمام اليوم كل عيال سعود بحريمهم كلهم وعيالهم وعماته راح يجتمعون ويفطرون مع بعض تمنت ان سلمان معها على الاقل يشجعها لكن خاب املها سعود مو مستوعب اللي يسمعه حط يده على راسه خديجه بدموع تتكلم رفع يده تسكت سكتت اشر لها تطلع وقفت وانحنت وخرجت لبست عبايتها وتغطت نزلت قبل الآذان بدقائق شافتهم مجتمعين بالمجلس اللي كان جالسين على امتداده فيه وجيه اول مره تشوفها من حريم عيال سعود وكانوا"الاميرات" اللي كانوا ساكنين بقصور ثانيه اما زوجاتهم العاديات فكانوا يحشرونهم بعيالهم بهالقصر هيا بأبتسامه:ياهلا بندى تعالي حبيبتي وقفت وعينها عليهم اللي عيونهم عليها وبقرارة نفسها "ماراح تكون مهمتي سهله 11 امير بحريمهم راح يوقفون بوجهي" دخلت سلمت على هيا ومها لفت على الاميرات اللي اول مره تشوفهم رافعين خشومهم وببالهم هي تروح وتسلم عليهم سحبت عليهم وجلست مكان عادله جنب سعود الكل استغرب من حركتها بدخول عادله طالعتها بقهر بتتكلم بدخول سعود وقفوا كلهم كان وجهه مخطوف ومبين عليه الضيق راحوا جلسوا على الطاولة بتجلس عادله رفع صوته وبأمر: عادله قومي من هالمكان ندى تعالي مكانها طلعت عينهم من حركته وندى جمدت مكانها عينه على ندى وبأستفسار :سمعتي كلامي والا ماسمعتيه؟ ندى هزت راسها وقفت وعادله راحت مكان ندى بلعت ريقها ندى وجلست وتشوف نظرات الكل لها غبط على حسد على حب اذن المغرب سموا بالله وافطروا وعادله عينها عليها وندى ترجف بداخلها ماتمنت ان الامير سعود يسوي كذا تمنت يجي ه الشيء على دفعات بلعت ريقها شربت مويه كأس ورى كأس ورى كأس هيا بأستغراب:بسم الله عليك عطشانه لهالدرجه مها:مو زين لك ياندى بيردك عن الفطور سعود عينه بندى اللي قلبها طاح ببطنها من نظراته لها شكت بنفسها رفعت عينها وجات بعينه لمحت النار فيها تشجعت ومانزلتها الكل مستغرب من الوضع ابتسم سعود ونزل راسه يعرف انه اربكها بس اكتشف انها ماتستسلم بسهوله بعد صحن الشوربه من قدامه:الحمدلله انا عندي لكم بعض القرارات وبما ان الكل مجتمع ماعدا سلمان واخوه الله يحفظهم راح اقولها محمد ولدك تدرسه برا ويكون اختصاصه سياسه تكلم ولده:بس ياجدي انا ما ابغى الا قاطعه:ولا كلمه هالعائلة السياسة تجري بدمهم ابوي كان بالسياسه وانا بالسياسه وعمك بالسياسه ماتبغى تكون مثلنا ابوه محمد تكلم بسرعه:لا يبه محشوم هو يحصله يصير مثلكم راح يدخل قسم سياسه واقتصاد ولايهمك جات عينه بهيا:وهيا زواجها بالعيد ومها الطلاق ممنوع نزلوا راسهم قهر من قراره كمل:عادله القسم الغربي تفظينه كله وراح يصير لسلمان وندى رفعت راسها توسعت ابتسامتها حريم عياله سكتوا كمل:ندى ادري جات متأخره اطلبي اللي تبغينه مني راح يجي حفيدي من سلمان اخيرا ندى بلعانه:أي طلب؟ سعود اشر على عيونه كملت:تسلم عيونك ابيك تكون سالم وغانم لنا والله يديمك فوق راسنا وطلبي ان الله رزقني ربي بولد ان يشيل اسمك وان تأذن بأذنه ويكون مثلك حكيم وطيب وقلبه وسيع سعود بداخله ماينكر انها ارضت غروره بكلامها ابتسم وكمل فطوره هيا غاصتها العبره قامت بسرعه مها بتلحقها نهرها:اتركيها ماتعرف مصلحتها اما ندى فكرهت هالجمعه اللي كانت تلمح شرار الحقد والكره كلن شايل بقلبه وافتقدت لمتها مع اهلها امها وخواتها السنة اللي راحت كانت البنت العادية البسيطه اللي كان اكبر همها يومها بالمطبخ اما اللحين صارت تشيل بداخلها روح من ضمن السلاله الملكيه وزوجة وكل الحيات والثعابين محاصرتها ابتداءا من يمين الطاولة الى نهاية يسارها وحتى ماتكون الحمل الضائع قررت هالمره تكسب زوجات عيال سعود وحده ورى الثانيه حتى تحمي نفسها من كيدهم وغدرهم وقفت :الحمدلله دائمه مها:ما افطرتي ندى بهمس:لا الحمدلله عن اذنكم مشت وطلعت للحديقه متأكده ان هيا موجوده فيها شافتها من بعيد قربت كانت جلسه بالارجوحه وعينها بالعشب جلست جنبها وبعد سكوت طويل تكلمت:اللي قاعده تسوينه ماراح يغير شيء هيا بأستخفاف:حتى الواحد يحزن على نفسه حرام ! ندى تجاهلت نبرتها كملت:لا بس انتي بهالطريقه قاعده تعذبين نفسك يعني انتي مو عارفه يمكن هالشيء خيره لك لفت هيا وبقوة:راح يجبرني اتزوج وتقولين خيره انا وعدت المرحوم ما اتزوج بعده ندى بهدوء:لو تبدلت الادوار وكنتي انتي مكان زوجك من غير شر وطولة العمر يارب وهو كبر بالعمر تظنينه مايبغى عيال وماراح يتزوج ويبقى على ذكراك لاطبعا هيا بخنقه:بس انا ما ابغى اتزوج ولابعد ابعد من ديرتي واهلي ندى بأبتسامه:فرصه نجي نزورك بدبي وترا الطيارات توصل البعيد ثانيا يمكن خيره لك ماتعرفين انا اول ماقالت لي امي ان سلمان خطبني كنت خائفه وشيء بداخلي يقول لي لاتاخذينه هيا بهمس:لأنك كنتي تحبين؟ رفعت حاجب وحكته بيدها:تقريبا لكن صليت واستخرت أي وكنت اشوف حلم من فترة طويلة ولما فسرته كان زوج منصبه رفيع وكلام وطلع سلمان انا ما انكر اني حسيت بخوف اول ما اجتمعت معه بمكان واحد وحكمت عليه انهم مثل غيره راح ياخذ اللي يبيه ويرميني لكن مع العشره اكتشفت اني كنت غلطانه وان مو لازم يكون الحب فيه اذا كان فيه الاحترام والتقدير بين الطرفين راح يجي بعده كل شيء ياما ناس حبوا واخذوا عن حب وفشلوا والعكس صحيح بالمختصر انتي ماتقدرين تعترضين على قدرك ابدا هيا بخنقه:بس انا دفنت قلبي مع حسين ياندى تعرفين وش دفنت قلبي معه ما انسى مسكة يده لي بالحادث كان يتشهد قدام عيوني شفته لما ودع وطاح راسه على صدري وماكنت اقدر احرك رجوله او يدي قعدت 3 شهور مكذبتهم واقول مامات 3 شهور تخيلي ندى حست بخنقه اعتصر قلبها حزن من كلامها شدت على يدها :اذا كذا كوني واثقه ماراح نتركك انا وسلمان وماراح تاخذين احد بعد حسين همم هزت راسها ودموعها تنزل حضنتها ندى ^^^^^^ اليــوم الثاني من شهر رمضان كانت ليلى بالمطبخ مع لميس يجهزون الفطور وريان بالصاله يلعب دخلت امها شافته صدت وجهها عنه وتكلمه:من انت ولده ياولد ليش ساكت بعدين وش هالشعر معك ليه ابوك مايحلق لك ليلى كانت بتروح تتفقده سمعت كلام امها ابتسمت ورجعت للمطبخ تطمنت وهو معها حطت امها على قناة دينيه وتتابع البرنامج وريان يلعب بالمكعبات الصغيرة شوي شافت الولد نزل وراح لها رفع راسه ووجهه كان مزرق صاحت بخوف:وش فيك ياولد؟ "طالعت بالمكعبات طار عقلها تحسبه بلعها" صاحت :ياليلى ياليلى تعالي شوفي ولدك اختنق لميش شهقت اما ليلى رمت اللي بيدها وجرت له مسكته وتشوف وجهه خلاص مزرق كأن بيودع ماعرفت وش تسوي خانتها يدها وقفت بعيد متصنمه امها بسرعه دخلت اصبعها بفمه وخرجت هالمره ماكانت مكعبات لا تمرة غص فيها كح ريان بقوة مسحت على ظهره وشلته بحضنها :لميس جيبي مويه بسرعه فزت لميس وراحت جابت له مويه شربته وخذت شوي من الموية مسحت على وجهه وسمت عليه "شافت ليلى متصنمه رحمتها" امها بأعراض:لاتخافين مافيه الا العافيه شوفيه ليلى رجولها ثقلت عليها حست الدنيا تدور فيها رجفت بقوة لاحظت لميس اللي خافت عليها بس ليلى هالمره خافت خوف الام على ولدها قربت منه وشلته بحضنها وتبوس فيه ودموعها تنزل بصمت حضنتها بقوة وكأنها خايفه تخسره مره ثانيه ^^^^^^^ بالقرية.. الجازي ماسكه الجوال من جهه وتقلي من جهه الجازي بضحكة:ههههههه قسم انتس تسذوبه اجل ما احد يشتاق للزين"تقصد نفسها" فاطمة بغرور:مالت بس من الزين يابابا انا لو اجي محلك اخذ الزين كله الجازي انتهت من القلي وحطت السمبوسه بالحافظة قفلتها عشان ماتبرد :ايووه وش علومتس يالخكريه؟ فاطمة بغضب مصطنع:اقول لاتناديني خكريه رجاءا الا جرح المشاعر الجازي:هههههههههه وانتي تحسين يافطيم بدخول متعب ومعه اكياس جايبها من البقاله شكله تغير ذبل وطلع له عارض عشوائي وحالته حاله لفت الجازي:دقيقه فطوم ابتسمت له:يعطيك العافيه ماقصرت متعب باله مو معها مع اللي ضحكتها طالعه من الجوال وتقول:قولي قسم تعرفين الذوق انتي الجازي:اقول فطيم طمي طمتس بحر متعب نزل راسه وخرج تنهدت الجازي:قسم انه يكسر خاطري من جهه ويرفع ضغطي من جهه فاطمه بأستغراب:ليييش؟ الجازي بصوت واطي:اسكتي ساكته مو كان عندنا اول يوم فطور فاطمة:أي الجازي:ماتهنينا فيه هالفطور صار بين متعب ورجل صالحه مهاوشه المجلس قام وقعد كسروا الفناجيل واصواتهم ملأت المجلس بغوا يتذابحون لولا لطف ربي فاطمة بأستغراب:غريبه ليش طيب؟ تنهدت الجازي:والله ما اعلم لكن اللي صار عقبها ان متعب حرم على صالحه تعتب الباب مع رجلها وخيرها يابين اخوها يابين رجلها فاطمة برفعة حاجب:ياسلام وهو وشدخله الحمدلله والشكر بينها وبين زوجها مايتدخل اخوك مع احترامي لك عقله قفل فاطمة بدفاع:حرام عليتس بلاتس ماتدرين وش اللي صاير اصلا بعد ماطلعوا الرجال متعب مسك صالحه بالحوش وقام يتكلم معها وشد على يدها ولما دخلت بكت عندنا وقالت ماعاد تبي ترجع لزوجها وان متعب سنايدها ماهي بحاجته ومتعب تكفل بعيال صالحه اصلا هو اللي يوديهم ويمشيهم ويجلسهم على حضنه وقت الفطور سكت فاطمة وبداخلها "ربي خلق وفرق فيه بنات مايخافون من هالدنيا لأن وراهم ظهر اخوان يكونون سند لهم وعزوه وقت الحاجه والضيق وفيه اخوان يكسرون الظهر نصين ولاكأنهم من بطن واحد" الجازي:الووو وين شردتي؟ فاطمة بهمس:معاك الجازي:وازدتس من الشعر بيت ان رجل صالحه رمى عليها اليمين وقال عنها كلام ماهوب زين بغى يذبحه متعب واخواني لولا ابوي لحق عليهم ونهاهم وحلفهم بربي مايمسونه فاطمة بحزن:ياحرام حليلها والله ماتستاهل الجازي :أي والله "بدخول مناير متكشخه على اخر شيء" الجازي بأستغراب:ماشاء الله وش عندتس ؟ مناير تعرف انها تكلم فاطمة رفعت صوتها تقهرها:بروح عند حبيبي تعووبي اصلا الزين زين من يومه الجازي فشلتها:انا اقول وش في الطحين الكويتي مخلص اثاريتس خلصتيه بوجهتس "من كثر بودرة وجهها" فقعت فاطمة ضحك:هههههههههههههههههههه هههههههههههههههه آآه بطني يلعنتس ابتسمت الجازي ولازالت تكلم مناير:خير وش عندتس جايه هنا ؟ مناير بكرهه:هه ماتضحكين اباخذ لتعوبي كاسة موية الجازي بأستغراب:ماهوب صايم؟ مناير بدلع:لا حبيبي اليوم اغمى عليه وفطر الجازي بخوف:بس توه جاء ومعه اغراض مافيه الا العافيه مناير برفعة حاجب:والله كله منكم هلكتوا الرجال تراه مو مكلف فيكم صبت كاسة مويه بتخرج رفعت صوتها عشان تسمعها فاطمة :أي صحيح ترا حتى انا فاطره الجازي بكره:وش اسوي لتس؟ مناير بمصاخه:لا احد يزعجنا اووكي "وخرجت" فاطمة سمعت والا ماسمعت طرطعت وصلت معها ردت على الجازي بنفخه:مكرونتي احترقت تبين شيء؟ الجازي بأستغراب:لاسلامتس فاطمة بقهر:الله يسلمك اقول الجازي لاتزعجونهم طيب باي ..وقفلت الجازي رفعت كتفها:جاتني متعب الثاني مزاجيه الاخت ماتدري ليش حست بقهر رفعت صوتها:وانا وش علي منهم بحريقه اووف ^^^^^^^^ بجهه ثانيه.. جالسه تقلب التلفزيون طفشت مو مصدقه متى تروح عند اهلها قربت الساعه 5 ونص العصر قامت لبست لها بنطلون جلد اسود من لويس وبلوزة رماديه عارية الاكمام ساده لبست سلسال طويل اسود وساعة سوداء ..اكتفت بمسكره وقلوس بينك ..استشورت شعرها رفعت غرتها ونفختها شيء بسيط بالبنس وتركت باقي شعرها سايح لبست صندل رمادي ربط واطي اخذت عطرها المفضل بربري بخت شوي اخذت عبايتها ولبست ونزلت كان بالصاله حريم اخوان سلمان مجتمعين نزلت وبأبتسامة:السلام عليكم الكل:وعليكم السلام ندى بأبتسامة:بما انكم مجتمعين عازمتكم اليوم على السمره والسحور عندنا تكلمت فوزية مرت محمد :حبيبتي ماله داعي هالكلافه ندى بسرعه:اعوذ بالله وش كلافته اصلا الوالدة بلغتني اكلمكم وحده وحده وتبغى تتعرف عليكم من كثر ما اسولف عن طيبتكم عندها "خلونا نتعرف على اربع من حريم عيال سعود هم تقريبا الاغلبيه بيكونون معنا " فوزية:زوجة محمد من طبقة العاديه مثل ندى اكبر وحده بينهم عمرها 38 ماشاء الله عليها اكييله ووزنها مره مرتفع احب شيء عندها الكنافه سحر:اخت فوزية اكبر همها السوق منال:من الطبقة العاديه كلها هاجسها المجوهرات منى:نفس الطريقة من الطبقه العاديه واكبر همها انها تخلف امراء بهذاك اليوم كنت اغبط ندى كثير تدرون ليش لأن كل شيء كانت تسويه كانت تفكر فيه وعلى قولة المثل الذيب مايهرول عبث خلونا نرجع شوي قبل مالبست ندى ونزلت لهم.. ندى بأستغراب:فيه شيء قاعد يصير بالقصر الامير سعود ماصار يضيق عادله اللي ماعاد خرجت من غرفتها سعاد :ممكن اقولك شيء؟ ندى:قبل ماتقولين ممكن لو سمحتي تجلسين لأنك حسستيني اني من هالعائلة ترا انا مجرد زوجة ولد ولا احب هالمعامله الرسميه ابتسمت سعاد وجلست جنبها:ليشم اتستغلين الوضع لصالحك؟ ندى بأستغراب:مافهمت شلون؟ سعاد:انا اقولك زوجات عيال الامير سعود الاميرات ماراح يتركونك بحالك خصوصا بعد ماصرتي زوجة الابن المفضله بهالقصر وهم مع الامير عادله ليش ماتكسبين الزوجات العاديات اللي من هالقصر مثلا فوزية تقديرت تكسبينها بعشى مرتب وسحر تقدرين تكسبينها بهدية معتبره..ومنال بمجوهرات اما منى فهي مسكينه الكلمه الطيبه تمشي معها ندى ابتسمت:والله مانتي هينه بس لحظه ليش قلتي اسمائهم حاف والاحظ ماينادونهم هنا اميرات رغم انهم جابوا جيش ماشاء الله سعاد تنهدت:الاميره عادله هي اللي مخليتهم ولاشيء بهالقصر حالهم حال الوصيفات لأن ازواجهم مهتمين بس بالاميرات وهم يجونهم حقين فراش وبس ندى بقهر:يلعن استغفر الله بفجر صيامي انا والله انا شفت هالاميرات بس مايوصولن ربع جمالهم وتواضعهم امحق بس نرجع للواقع.. ندى وعينها مركزه على منال اللي خجلت تكلمت:حلويتي منووله منال وردت خدودها:صدق هزت راسها ندى .. فوزيه بهباله:اقول ندى الله الله بالحلا والكنافه ندى اشرت على عيونها ..ابتسمت فوزية:فديت هالعيون انا ندى بسرعه:باقي نص ساعه يادوب اقدر اوصل من الزحمه بنا امانه عليكم تجون خلونا نغير جو من هالقصر"همست" ونفتك من عادله البنات:هههههههههههه اشرت لهم :يلا باي البنات:الله معك فوزيه بأرتياح:والله هالبنت تنحب منال:أي والله الاميره هيا عرفت تختار هالمره منى:صحيح ما احتكينا فيها كثير بس بنفس الوقت ماهي هينه ترا سحر:عشانها كسبت قلب الامير سعود قبل الامير سلمان انتوا تشوفون كيف يعاملها صحيح عمي طيب معنا بس مهتم فيها كثير منى:رغم ان جمالها عادي جدا بس بردت خاطري بالمؤمياء"عادله" فوزيه:بنات ليشم انكسبها بصفنا انتوا شفتوا كيف حقرت اميرات ازواجنا ضحكت سحر وتشوف كيف اختها تتكلم بقهر:ههههههه جد والله عدتهم ولاكأنهم موجودين بدخول عادله بنفخه:جالسين هنا وعيالكم برا تلوثوا بالطين حريم فاسدات وضيعات اصلا حرام تكونون بهالقصر مكانكم شارع وبس سكتوا مو خوف منها من اللي راح يصير لهم اذا ردوا عليها لفت وجهها وخرجت عادله:جيبوا فطوري فوق ما افطر مع هالاشكال فوزية بقهر لفت عليهم:اسمعوا انتو اوياها هالبنت تنحب غير كذا كاسره خشم عادله لازم نوقف معها منى:وانا معك منال:وانا بعد سحر:وانا معكم فوزية:هيين ياعادله يا احنا يا انتي جزئية بسيطه لعيونكم..اذا تبوني انزل بارت عطوني خبر ووو فديتكمم |
| الساعة الآن 11:18 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية