المشاركة الأصلية كتبت بواسطة همس الريح (المشاركة 3540879)

لولوة ...رووعه رووعه رووعه
في البارت ذكرتي العشق المبكي ..و انا باقرا البارت كنت احس بالم لذيذ ...
يعني بارت رووووعة ...

المشاركة الأصلية كتبت بواسطة همس الريح (المشاركة 3540882)

حبيبة قلبي لولوة ..
الحمد لله رب العالمين .. كلنا بخير .. و بنات خالي الحين يقرون الرواية ...
الشر ما يجيك حبيبتي ..ربي يسعدك

المشاركة الأصلية كتبت بواسطة طُعُوْن (المشاركة 3540940)

صباح الخير لولوة..


ميرة.. يا الله عليها.. رحمتها.. خلاص خليها تقعد عند امها وابوها وش لها بالرعب ذا.. مايسوى عليها المسكينه..

،

خلفان.. يمكن مانع يشك في النيبالي.. بس هذاك رح يهج.. ما ادري ليش بس احس انو البارتات الجاية بتكون نارية على نهيان وحارب وفريقهم.. بالذات مع خبر موت سلطان.. مع اني متطمنه انو خبرية كاذبه.. بس قلت يمكن الدكتور هذاك اللي عالج ابراهيم وشى فيهم.. يعني اكيد العصابة عندهم علم بتحركات الفريق.. ورح يستغربون اختفاء سلطان من الساحة.. وهم عندهم شك من قبل يوم اجتماعهم..
..
نهيان.. اتوقع اللي يلحقه وقال لبو مرشد عنه وانو يشبهه.. اتوقع قصدهم يوم كان نهيان متنكر بزي دكتور وقابل ناصر في الخارج.. ما اذكر اي دولة.. بس يمكن المعلومات اللي عندهم انه مو اماراتي ..
او وصلتهم المعلومات غلط.. الزبدة احس انو قصدهم نفس الشخص.. بس يمكن وقتها ماكان اصلع😝 مدري كيف اشرح بس اتمنى يكون وصلك قصدي.. و اكيد انهم ما يعرفون صلة نهيان بحارب.. او يمكن يعرفونها بس ما جا على بالهم انه نهيان هو نفسه اللي مشبهين فيه.. اوف لولو كيف اشرح لك😁

..

العنود.. طلع الشايب مو هين.. تحمست صراحة اشوف وش بتسوي في سيف.. عاد احنا يا البنات قلوبنا رهيفة ما تتحمل.. نشوف تصبر والا تكنسل مخططها..

،

روضة.. صبرك يا الحب على طول تعلقتي ببلاعيم الرجال.. بعدين شيء طبيعي مارح تعرفين عنه كل شيء بكم اسبوع.. يعني حطي عقلك براسك ولا تطلعين جنونك عليه فـ يهج الرجال.. هو عاش حياة طول بعرض قبل يعرفك ماهو معقولة بتعرفينها كلها بسرعة.. ولازم تعرفين انو فيه اشياء ما تنقال..
بس انا ضد انو نهيان يخبي عليها شغله.. لأنو شغلته خطيرة.. ولازم احد من اهله يعرف غير حارب اللي الخطر نفسه عليه..

،

منيرة.. بدري الشيخة.. بس تدرين.. الا جيتي بالوقت المناسب وانا اشهد👌

..

حارب.. "

يا سيِّدتي:

أنتِ خلاصةُ كلِّ الشعرِ..

ووردةُ كلِّ الحرياتْ.

يكفي أن أتهجى إسمَكِ..

حتى أصبحَ مَلكَ الشعرِ..

وفرعون الكلماتْ..

يكفي أن تعشقني امرأةٌ مثلكِ..

حتى أدخُلَ في كتب التاريخِ..

وتُرفعَ من أجلي الراياتْ.."



لـ نزار قباني..



ناعمة..
"هل احسستهم بمذاق العشق المُبكي ..... هل سمعتم عنه في يوم بحق الله ....!!!

هذا هو الذي اشعر به تماماً ... البكاء حد العشق .. والعشق حد البكاء ....


عشقك يا هذا يبكي قلبي توقاً ... وذهولاً ... وانبهاراً ... وجنوناً ... وثمالةً ....


يالله ... رحمتك يا ررررب ...."



يا جمال وصفك.. ابدعتي يا بنت😻

،
،

شما..

" كل يوم اعشّم نبض قلبي فبكرا
و بكرآ يجي بلحاله و ما تجيني

أنا اعرفك تشتاق مع كل ذكرى
معقول مافي شي: ذكرك فيني!

لـ خلف الضيف..


،
،

بطي.. مين هم اللي قالوا له انو سلطان مات؟؟

..

" عِجْزت مْرايته .. فيه اتشبّه
حاولت فيه ما قِدرت تجيبه !!

لـ فهد عافت..

😻👌

المشاركة الأصلية كتبت بواسطة شما بنت محمد (المشاركة 3540949)

صباح الجمال


أول شي احتاج أقولج أن واضح وأنتي تكتبين البارت أنج كنتي رااااااايقه لان البارت رااااايق بمعنى الكلمة حبيته حبيته حبيته


أكثر شي حبيته هنيه المناقشات بين نهيان وروضة واللي يدور في خاطر روضة يعني جي استمتعت وأنا اقرا هالموقف


وبعد حبيت الجرأة اللي في حارب بصراحة صدمني بس علاقتهم تخخخخخبل جي ستايل يديد حتى ناعمة جي جريئة بعقل يعني عادي قالت اللي في خاطرها . . حبيت الكلام اللي قالته ناعمة في نفسها بخصوص العشق جد جد جد تعابيرج أروع من الروعة ذاتها . . حارب بيظهرلها الويه اللي ماكد حد شافه تستاهل الناعم


شما لقت عمرها غرقانه بعشق سلطان والحين بس فطنت بمقدار الحب اللي تحمله له بسبب غيابه عنها تكلمت باللي تحس فيه من قلب ققلب قلبها ووصل احساسها قلب قلب قلبي من قوة احساس كلماتها


بخصوص خبر سلطان أحس أن في شي في الموضوع مب صدق ف مابخاف هههههههه


البارت كله ع بعضه "يسعد" وأحلى بارت قبل رمضان قاعدة أحاول أنقلج كم من تعبير عجبني بس حسيت أني مابخلص كل تعبير أجمل من الثاني ولفتني أكثر من الثاني . .

الله يسعدج مثل ماتسعدينا بدخلتج وحروفج اللولوية الغالية

المشاركة الأصلية كتبت بواسطة Nasul (المشاركة 3541068)

حرررام علييييك شهر كامل بتقطعيننا😭😭😭😭
تكفين نزلي لنا بارت برمضان ما نقدر نتحمل 💔 وقفلتك تعور القلب