طيوووفه الحمد لله إنك وصلتِ بالسلامة ياختي أنا أكره لحظات الإنتظار << مدري كيف تحملتِ لو أنا رجعت البيت ونمت هههههه أما قيادة المرأة للسيارة تجيك أيام تقولي ياليت نقدر بس أنا ضد هالشيء شو فايده الرجال لو سمح لنا وقتها.؟؟؟؟ والله يعطيك العافية .. |
http://sub5.rofof.com/img3/04bwqed2.jpg اهلييييين طيوفه وش هالقصه والله رحمتك بهالمطار وبهذلته مطاراتنا حالتها حاله وحالات الانتظار والتاخير تشيب بالراس المضحك في الموضوع ابوكم وانتي على بالك انه مرابط معك في المطار وهو فالها ودابغها نومه وموسع صدره وانتي بين هالمطارات تحوسين ذكرتيني مره من المرات كنت مسافره للمدينة بعد اجازة وكنت راجعه على مطار القصيم وللاسف فاتتني الرحله وبكره مدارس ولازم ارجع وكنت حامل في الشهر الثامن وتعبانه مره وبعد اخذ وعطا مع زوجي واخوي قررنا نسافر مع صديق اخوي للمدينه مدرس هناك وركبنا معه وقعدنا ست ساعات او اكثر في هالسيارة وتخيلي عاد حرمه مخيوط فمها كل هالوقت ومتغطيه وتعبانه كرهت عمري هذيك اللحظه وطبعا ولدي معي وهو رجال ماعليه لكن الحكمه من هالسالفه اني لازم اكون بالمطار قبل مده كافيه عشان ماتنعاد علي هالمأساة طيوفه المره الثانيه خلي العروس وطقطقتها واقعدي ببيتك ودمتي سعيدة |
اقتباس:
هلا وغلا فيدو ما تسمعين وقوع البلا ولا انتظاره من يحب الانتظار توتر على جميع الاصعده والله الرجوع كان براسي لكن المطار مسافه بعيده عن اهلي والله في حياتي ماتمنيت اني اسوق او يسمحون با القياده تبيني الرجل يستريح من جميع الجهات لا والله ما يصير الله يعافيك فيدو |
هلابك ام الشهد
المطارات حالتها تشكى لله تعالى من انتظار وطايرات الله اعلم بصيانتها انا كم مره اركب طائره والله اني ما ادري كيف وصلنا قسم بالله مره طالعين عمره ويوم رجعنا مع نزول الركاب الا العالم قدامي يسجدون سألت وحده قلت وش صاير قالت ما تدرين ان الطائره مع الهبوط احترق فيها محرك والاسعافات والعالم وانا ما عندي خبر الا بعد ما صرت على ارض المطار ومرت بستر الله والله ان طائرتنا تطير برحمه من الله لا ابشرك زوجي الحين يقول تعالو ها الاسبوعين قبل الامتحانات قلت المؤمن لا يلدغ من جحر مرتين ما اسافر من غيرك وطقطقة الزواجات شورك وهدايةالله انا ما احضر الا اهلي واهل زوجي ماخذه دروس من العروس ودوشتها منذ القدم تسلمين ام شهوده مرورك اسعدني |
يعطيك العافيه نسايم على التجربه الي طرحتيها وصحيح مال البخيل ياكله العيار او يروح لناس غيره بس بالاكييد هو مايستفيد منه دمتي بود |
الساعة الآن 02:11 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية