اهلا اهلا اهلا

ماشاء الله كل دى ضحكات

دا انا المفروض اخد لقب الواد الظريف العسول الجميل الـ ........ احم
بس

البنات هتاخد علينا ولا ايه
مش انا اللى اخضع لضحكات البنات

ولعلمكن هتتبهدلوا فى باقى القصة


شدوا حيلكم يارجال الشرطة



وشكرا لكل الردود ياجماعه واترككم مع الحلقة التانتيه هكتبها وراجع حالا

تحياتى

الحلقة الثانية :
...................
انجل : بص يارومانسى بما انك زعيم الاولاد فهتناقش معاك .
زاهر : اخرررررررررررسى ........ لما هو الزعيم امال انا ايه .
انجل : اوك .......... انت الزعيم ؟ ........... عاوزه خمسه مليون جنيه وطيارة .
زاهر : ااااااااااخ كنت هنسى الرومانسى فعلا الزعيم بس بهزر .


الرومانسى : نعم عاوزه ايه ؟
انجل : انا هسيبكم بس بشرط .
الرومانسى : ايه هو ؟
انجل : تنسوا انكم بتحاربونا ولا اكنكم تعرفونا .
الرومانسى : اوك .
وليد : خيانه ...... خيانه .

لورين تلكمه وتقول : اخرس .

انجل : يبقى تمام ...... اطلقوا سراحهم .
فوفو : مستحيل .
انجل : جرى ايه يافوفو ..... انا بقول نفرج عنهم .
فوفو : وانا قلت لا .
هانى : خخخخخخخخخخخ ...... شكلك زباااااااااااله خالص .
انجل : افرجى عنهم يافوفو .

فوفو تخرج سلاحها وتصوبه ناحية انجل : انجل ...... انا بعلن انقلابى انا وعصابتك عليكى لعدم حسن ادارتك للعصابة .

وانقلب الموقف .............
************************************************************ ************************
متفيرس : ياجماعه مش كده ....... صلوا عالنبى والعبوا مع بعض .
لورين : اخرس ...
متفيرس : هو انتى ياستى انتى برمجه تتغابى وتضربى بس .... روحى ياشيخه ربنا يشلك .
انجل : ممكن اعرف ايه معناه دا يافوفو .
فوفو : اللى انتى شايفاه .
انجل : وانتوا موافقين على كده ياكيلو دلع ويالورين .
كيلو دلع ولورين : طبعا موافقين .
انجل تستل سلاحها : وانا بقى هخرج معاهم غصب عنكم .

وتشد الرومانسى والباقيين ويتبادلوا اطلاق النار ............

انجل : اهربوا بسرعه .
الرومانسى : لا اله الا الله ...... لا اله الا الله .
زاهر : فين مسدساتنا .
وليد : وسعوا مسدسى معايا .
الرومانسى : انبطح ياعم الحاج مسدسك من غير رصاص .
انجل : يلا اهربوا .
لبيب : نهرب فين ياوش السعد ..... دا ولا اكننا فى وسط مطر نار .
متفيرس : هخرج انا الاول وانتوا ورايا .,...... اوك .
الرومانسى : اوك .

يخرج متفيرس وتحميه انجل حتى يخرجوا جميعا ......

فوفو : هربت الجبانه .

************************************************************ ************************
الرومانسى : بداية ....... بشكرك ياانسه واوا انك انقذتينا .
انجل : على الله يطمر فى امثالكم .
وليد : انا بصراحه مستغرب اللى انتى عملتيه دا ..... معناه ايه .
انجل : ابدا كرهت العمل مهاعم وبصراحه حبيتكم وحسيتكم اخوانى .
زاهر : نعم ...... ياروح طنط ........... انتى هتستعبطى يابت ولا ايه .
انجل : دا جزاء المعروف اللى عملته معاك .
الرومانسى : اهدى بس ...... خلاص احنا مصدقينك بس على الله تتوبى .
لبيب :/فعلا ويشرفنا تكونى معانا فعلا .
انجل : انا هشتغل فى شغل البيت كله ومتقلقوش .
الرومانسى : لا ياانجل العفو مقامك محفوظ ....... بس لو سمحتى روقى الشقة ونظفى البلاكونه واعملى الغدا وسيقى البيت لغاية مانرجع ومش مهم تروقى السراير بس لو هتغسلى الهدوم بالراحه على المسحوق دا مش مال سايب والخضار بقى من عند ام احمد وبالنسبه للسمك نظفيه كويس واهم حاجه البصل اللى فى البلاكونه يتعلق فى الشمس وبخصوص الاطباق اشطفيهم كويس وانتى ضيفتنا واللى يهمنا راحتك بس .
انجل : ايوه ايوه عارفه .
الرومانسى : طيب احنا هنروح الشغل بقى ...... عاوزه حاجه ؟
انجل : لاميرسى ترجعوا بالسلامة .
الرومانسى : يالا ياشباب .
************************************************************ ********************
لبيب : انت صدقتها ؟
زاهر : ايوه يارومانسى صحيح ..... انت صدقتها ؟
الرومانسى : وليه لا .
وليد : انت اتجننت ولا ايه ؟
الرومانسى : ليه ؟
هانى : يارومانسى دى خدعتنا كتير .
الرومانسى : بس انا حاسس انها اتغيرت .
هانى : اتغيرت ؟ ....... انا مش مطمنلك .
لبيب : ولا انا ؟
الرومانسى : صدقونى ياجماعه انجل اتغيرت .
متفيرس : هنشوف ياباشا .
************************************************************ ***********************
فوفو : الو ..... انجل اتأخرتى كده ليه ؟
انجل : ايوه يافوفو انا فى الطريق ...... خلاص قدامى تلات دقايق ..... استنيت على ماالملعونين دول خلصوا الغداء اللى مت وانا بعمله .
فوفو : ههههههههههههههه مش مصدقه ...... وبصراحه مستعجله اعرف كل الاخبار .
انجل : هههههههههههههه صدقونى الحمد لله والرومانسى اكتر واحد صدقنى .
فوفو : واااااااااااااااو ............ برافو عليكى وبكده نجيب كل معلوماتنا اللى عاوزينها .
انجل : كله فاكر انى بقيت طيبة وبحب الخير ....... مغفلين .
فوفو : طيب احنا مستنينك اهو ......... ولورين بتقولك هى اللى هتقتل الزفت اللى اسمه الرومانسى .
انجل : ههههههههههههههه قوليلها وماله ياحبيبتى .

وتنهى المكالمه وتجرى مسرعه نحو مبنى مهجور فتصدم رجل عجوز ويقع على الارض ....

العجوز : اه يابنتى حرام على شكلك داانا غلبان .
انجل بغضب : امشى ..... غور من وشى ...... بكره الرجاله .

وينطلق العجوز بخطوات مضطربة ......

انجل : واااااااااااااو لسه بصحتى الحمد لله وبخوف الكل ..... هههههههههههههه .

العجوز يكشف عن قناعه بأبتسامه خبيثة ويتضح انه متفيرس ويتحدث خلال موبايل : الو ....... ايوه يارومانسى يازعيم ........ انا متفيرس ......... زى ماانت توقعت بالظبط .

ثم ضحك بسخرية قبل ان يستطرد بنفس النظرة : فعلا ............ الملعونة انجل طلعت بتضحك علينا وخاينه .



............................................................ .................................. يتبع

زاهر : فين مسدساتنا .
وليد : وسعوا مسدسى معايا .
الرومانسى : انبطح ياعم الحاج مسدسك من غير رصاص .


عجبني المقطع هادا ... والله انك فنان يا رومانسي ^_^
ههههههههههههههههههههههههههههههههههههههههههههههههههههههههههه