|
طرح مميز جدا جدا جدا
وكلم تفكرت فى ذلك المفهوم وقلت فى نفسى ليت الكل يمشى عارياً بلا مظاهر كاذبة وخاعه ولو عاش الانسان على فطرته ما فعل ذنب وترى الكل يعيش تحت لواء الكذب الا من رحم ربى طرح مميز منكةى اختى الفاضله ولا تحرمنا جديدك لكى تحيتى اخيكى زيزو عتباوى |
اقتباس:
والله أخجلتم تواضعنا والله حقيقي أنا بسعد لما موضوعاتي تفيد الناس وتعجبهم فأنا اللي بشكرك علي ردك المشجع ^_^ |
السلام عليكم ورحمة الله وبركاته
أولا بحييكي أخت همس على مواضيعك المتميزة فعلا يتطرحي مشاكل مهمة محتاجة للنقاش بالنسبة لموضوعك المرة دي معاكي فيه قلبا وقالبا وبأيدك في رأيك في كل الجوانب الي اتكلمتي فيها على المستوى الشخصي انا ضد اني اكون فاترينة طبعا بكل المقاييس على الرغم من الملابسات الكتير الي في النقطة دي خصوصا - اني اكون فاترينة - بمعنى ان مش معنى ان الواحد اما يهتم بمظهره او يحب انه يكون شكله كويس يبقى نوع من المنظرة الفارغة او كده , لا .. انا اقصد ان دي ما ينفعش تكون نقطة كلام . اما بالنسبة للإعلام والفضائيات مثلا - ومش بتكلم هنا عن مصر بس - لا الفضائيات عموما موضوع الفاترينة دا ظاهر جدااا , بسبب عدم الاهتمام بالتفاصيل .. التفاصيل الي دايما هي وراء اظهار جوهر الموضوع , ولسبب تاني انه اتحول من اعلام هادف ليه رسالة الى موضوع تجاري بحت , أقصد الاعلانات والنغمات وال sms وباقيت الحاجات الي بتصرف ع القناة وبتجيب فلوس هما درسوا موضوع الفاترينا دا كويس جدا ولاقوه بيحصل مع كتيييير من الناس , ف ليه يتعب دماغه ويجيب حاجة لها معنى او مضمون ومش بتجيب فلوس ! " طبعا دي وجهة نظر " ممكن تكون غلط موضوع فاترينا التعليم بقا .. دا عايزلو منتدى لوحده انا وغيري كتير ما استفادتش اي حاجة من دراستي النظرية ولا فاكر اي حاجة منها زي مانتي عارفة طبعا كنا بنذاكر قبل الامتحان بيوم - اذا كانش يوم الامتحان - نطلع مش فاكرين ولا كلمة لأننا ما كناش فاهمين حاجة . وده شأن 99% من الخريجين الي بيتعلموا عشان الشهادة وبيتهيألي ان المجال مش متسع ان احنا نسترسل في المشكلة دي. فاترينا البلد .. رأيي من رأيك ( وربنا يستر علينا ) في الآخر في حل صغير اضيفه ليا انا ممكن اكون فاترينا بس اختار بعناية البضاعة الي اعرضها فيها .. وطالما اخترتها ارتبها واعرضها كويس هيعجب الزبون شكلها .. واقنعه يشتريها اعتذر جدا للإطالة بس الموضوع فعلا يستاهل تقبلي خالص تحياتي |
نسيت دي كنت عايز اضيفها للموضوع
علي سلامة من الكتاب الشباب الرائعين بيتكلم بلسانهم وبيعبر دايما عنهم بجرأة منقطعة النظير ميدان الجيزة وليها علاقة خاصة جدا بالموضوع اتفضلوا ميدان الجيزة قلم على سلامة ضَيعّت شوية سنين كدة ... بَحب من بعيد لبعيد... والحكاية مقّضيّانى ... ومبسوط وراضى وسعيد ... أفرح بأى حَاجة ... واستنى هدُوم العيد ... وبَعدين ضَيعّت شوية سنين ... نفسى أبقى أشطر واحد فى الكيميا ... مع أنى مش فاهم ميدان الجيزة ... والحياة رغم قسوتها ... شايفها لذيذة ... وضيعت شوية سنين بقى ... نفسى أعدَّى اختبارات الكورة ... فى النادى الأهلى ... واشتغل فى وكالة ناسا ... وابقى واحد من العلماء المهمين ... وبعدين ضيعّت شوية سنين ... منتهى أملى كرسى فاضى ... فى أُتُوبيس تلات خَمسات ... عين الصيرة أم المصريين ... وضيعّت شوية سنين ... عايز أفهم الفرق ... بين النّكسة والهزيمة ... والاحترام وقلة القيمة ... وأبقى نجم سيما ... م المشهورين ... وبعدين ضيعت شوية سنين ... واقف عند نظرية المؤامرة ... لـا عارف اعيش ف الزمالك ... ولا راضى أعيش فى غمرة ... ومش عارف لية الحشيش ممنوع ... مدام مصرحين بالخمرة ... وياترى بقى أتجوز ... واحدة بيضة ولا سمرة ... ولا اسأل فيها ... رجال الفتوى والدين ... وضيّعت شوية سنين ... مركز ف السّيراميك ... والبيبان والشبابيك ... وألوان الحيطان ... وده بيج وده سن فيل ... والموضة الأصفر ... وقشر الموزة ... وضيعّت شوية سنين ... لا انا بحر ولا نيل ... حاجة كدة بعيد عنك ... ملهاش عُوزة ... ولمّا بقيت كام وخمسين ... لقيتنى لسّه ... بَحَب من بعيد لبعيد ... وبرضُه مش فاهم ... مِيدان الجيزة ... كتب على سلامة |
وعليك السلام ورحمة الله وبركاته
لتاني مرة الصراحة بتحرجني بالاطراء الجميل ده والصراحة ردك دبلوماسي عجبني مش هقدر ازود كلمةعلي كلامك والحقيقه انه حل كويس جدا بس ياتري ........ ازاي اختار البضاعه وازاي ارتبها واعرضها كويس عشان تعجب الزبون ؟؟؟؟ لو توصلنا للاجابه يبقي عرفنا حل المشكله بالظبط . بشكلرك علي مشاركتك ^_^ |
| الساعة الآن 02:21 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية