منتديات ليلاس - من هي أكثر شخصية تحبها من ملف المستقبل؟؟؟؟

اقتباس:

المشاركة الأصلية كتبت بواسطة amedo_dolaviga (المشاركة 2035308)

موضوع جميل جدا جدا

انا عن نفسي من وانا صغير جدا وأنا متأثر بشخصية نور وطبعا قرأت السلسلة من قبل ظهور أكرم وحتى النهاية وانا شايف ان نــور هو افضل شخص في السلسلة
اولا ان تفكيره منظم
ومعظم الوقت هادىء
وصعب ان حد يستفزه
دايما يغلب مصلحة الجماعة على مصلحة الفرد
وايمانه الشديد حتى في اصعب اللحظات
واهم شيء هو عدم اليأس والقتال للحظة الأخيرة

وكل دي مش صفات مثالية صعب انها تتوجد في شخص
انما دي ممكن جدا تتواجد في الحقيقة ولكن بنسبة قليلة
عشان كده اللي زي نور نادر جدا
وكمان ديننا بيحضنا على كظم الغيظ
واعمال العقل والتشاور
فكل صفات نور دي مش مستحيلة او هو شخص خيالي زي ما الناس بتقول
ولنا في تاريخنا عظماء حقيقيون فاقت صفاتهم هذه الصفات
ففعلا شخصية نور قائد حقيقي عشان كده هو المفضل عندي
أسف لو كنت طولت كتير
بس كنت شايف انتقادات لازم ارد عليها
وكمان فيه سؤال ...ليه منحاولش نبقى زيه؟؟؟
شكرا لصاحبة الموضوع على الطرح الجميل

برنس يا اميدو

انا معاك فى كلامك و ان نور هو المفضل بالنسبه ليا لانه فعلا ادى مهمات كتير من قبل ظهور اكرم حتى مع وجود اكرم يظل هو العقل المفكر

تسلم ايدك يا ولاء على الموضوع الجميل