منتديات ليلاس - (موضوع حصري) بات من يهواه من فرط الجوى، خفق الاحشاء موهون القوى

منتديات ليلاس (https://www.liilas.com/vb3/)

رد: بات من يهواه من فرط الجوى، خفق الاحشاء موهون القوى

ياويلي عليك ياللولو
انتبهي لاتشوتك هموس
بعدكل سنورتتها تصير بين نهيان وام روضه
ليش فلاح تسوي كذا في حصوص
منتظرين وش يصير يوم يروح للعين
بالتوفيق ياقلبي😘

رد: بات من يهواه من فرط الجوى، خفق الاحشاء موهون القوى

اول شي .. لولوة .. ابدااااااع ... حبستي انفاسنا اليوم من اول البارت لاخره ...
هذرتي اليوم مقسومة علي جزئين ......
احمد ..... ياخي ارحم روحك و ارحم حنان من الاختلافات العشرة بين عوشة و حنان .. و لو اني اعتقد ان ذي طريقته في علاج نفسه ... علي الاقل اعترف ان قلبه بيقول له ان حنان بريئة و صادقه بس اهو ما يبي يصدق ... لا صدق و صدق و صدق ...
اجل رايح تفازع العنود ؟؟ .. ما اهي بعد من فصيلة عوشة .. شفت ان في اختلاف ؟؟؟؟
حنان ... ما شاء الله عليكي .. ذكية البنت .. و الله طحت يا احمد .. يلا حبيبتي الله يقويكي و اذا رد علي يا طير ياللي ما يردك الا لسانك .. حزب السلاحف بكامل عدته و عتاده بيفزع لك ...
روضه ... الله يصبرك حبيبة قلبي .. بس قلبي ناغزني .. مدري ليش احس ان مرض امك بدل ما يقربك من نهيان .. بيزرع جفوة ما بينكم ... ان شاء الله احساسي يطلع غلط ...
ام روضه ... لا حول و لا قوة الا بالله العلي العظيم ... ليش كذا يا لولوة .. تراني علي طريف و قلبي رهيف ...
وصاتها لنهيان .. احس فيها جزء ثاني ... يا اني بكيت لين قلت بس لما دريت ان الورم خبيث ... ليش يا لولوة ؟؟؟
شيخه .... يا الله قد ايش المصايب جات عقب بعضها لذي البنت ... الحين اذا ماتت امها ويش بيكون مصيرها ؟؟ اكيد هذاك اللي ما ينذكر عمها بيرفض انها تجلس مع اخواتها و بياخذها عنده .. و حتي اذا ناصر خطبها .. بس لانه ربيع نهيان بوخالد بيرفض ...
ديرفس ... بذرة الشك ابتدات عنده ...معناها خطر علي حارب و يمكن موزة و ناعمه بعد ... الله ياخذه ذا الديرفس اهو و ربعه
عاد توقعات الفقرة .. المرة الاولي كنا في كوكب و انتي في كوكب .... الحين احنا في مجرة و انتي في مجرة ثانيه ...
معلي ... معوضه المرة الجايه ..."فيس مصر ياخذ هديه"
العنود و سيف ... ما لقيت شي يعبر عنهم الا ذي الابيات

لقد آب الحبيب بكل شوق *** فأهلا بالحبيب وبالإياب
سعدنا في مجيئك نور عيني *** وأنسانا معاناة الغياب
قدومك فيه نفح من آذار *** وهجرك ليس إلا لفح آب
كتاب القلب لو فتشت فيه *** فأنت الحرف.. بل كل الكتاب

رد: بات من يهواه من فرط الجوى، خفق الاحشاء موهون القوى

دييما ... كان لك وردة جوري و علبة شوكليت علي توقع ندبة حارب ...
محرووووومة
اجل فليح له مكانة في قلبك ؟؟ ... خلاص خليه عندك و لا عاد اشوفه يوطوط في الرواية بكبرها

رد: بات من يهواه من فرط الجوى، خفق الاحشاء موهون القوى

و الحين للجزء الثاني من هذرتي ... و اعتقد توقعتوا عن منو الهذرة ؟؟؟
احمممممممممممممممممممممممممممممممممممممممممممممممممممممممممم ممممم
الا يا النذل .. تتصل علي ابوها ؟؟ .. ابوها ؟؟؟
وش سوت لك البنيه ؟؟ وش سوت عسب تسوي فيها كذا ؟؟؟
صدق انك لا تستحي و لا تنتخي و لا تخيل
يعني المرة اللي طافت سويت موقف قلنا خلاص نمسح اللي طاف و نبدا صفحه جديده و بيضاء
اثاري قلبك اسود من عباتي ...
و قالت لك عيون البومة .. ما جابت شي من عندها .. اهي عيونك عيون البومة .. و حتي البومة زعلت
و تكذب بعد ؟؟ تقول انها تدقدق عليك و ترسل رسائل ؟؟؟ الحين منو اللي بدا ؟؟؟ منو اللي ارسل اول رسالة ؟؟؟ مهوب انت ؟؟؟
ااااااه يالقهر ... يا من يمسكني رقبته بس ...
و تقول لابوها السموحه ما تضيج ... ضاقت عليك الوسيعه ... يا صبر الارض عليك بس ...
لا و تقول جوعان ؟؟؟ عساك ما تشبع ... جعلك السلال ببطنك ... جعلك .. وش اقول بس من قهري ما قدرت اتكلم
لا و متضايق بعد ما عرفت ان البنيه كان راسها بينكسر ؟؟؟ ... عسي راسك ينكسر
عسي ربي يسلط عليك بعير يرافسك لين كل عظامك تنكسر ...
و الحين ليش رايح العين ؟؟ ... تبي تريح ضميرك ؟؟ عساك ما تشوف الراحه بيوم ...
ريقي نشف الله ينشف ريقك يا البعيد
ما بردت حرتي ... باروح اشرب ... عساك تضيع بالصحراء بلا زاد و لا ماء .. و يخرب موترك و تنزل تمشي برجلك تنقطع شوزاتك ..
رايح العين ... روحة بلا ردة ..
غثيث

رد: بات من يهواه من فرط الجوى، خفق الاحشاء موهون القوى

الا وين بنت عبدالله ؟؟؟