اقتباس:
رصاصه ياهلافيك متابعه نورتيني وكل عام وانت بخير يهمني أعرف رايك في شخصيات الروايه وتحليلك لها شرفتيني اقتباس:
همسات يارب تنتهي على خير شرفتني |
اقتباس:
فوز الله يعافيك يارب تحليلك للاحداث اكيد محط انتباهي شرفتني اقتباس:
أحلامي كبيرة الابداع وجودك والغموض مع الوقت اكيد راح يروح شرفتيني |
الجزء السادس عشر استبد..استبد احيان استمد كل هذا الظلم من ألمي اتحد من راسي .. لقدمي واضرب بعواصفي وبزلزالي واهّدم الناس .. واهدّم بحالي لين استرد بعض اثيابي من الريح ولحمي من الشوك.. وابتعد..ابتعد واحيان ما املك العواصف .. ولا الزلزال ولا حتى .. ف الهجير .. ظلال لكن استبد..استبد باللي عندي اضرب بيدي ف الهوى..بجبيني ف الصخر لين اتعب ..اتعب..وانهمد مثل طفل اضناه البكا.. والسهر وانتي آخر ماأعد في عمري شعر : بدربن عبدالمحسن شيهانه : لحظه عرفتك أنت فهد فهد : منين عرفتيني فعلا انا أسمي فهد الاخ مؤيد موجود شيهانه : ودي اسال سؤال انت تعرف مؤيد منين فهد : الاخ مؤيد انا جاره بالسكن في لندن ممكن اكلمه شيهانه : مؤيد موساكن هنا راح يجلس عند اخوي عبدالعزيز فهد: مشكورة شيهانه : ترى بعلمه فيك فهد : لالاتقولين له شئ انا بدق عليه هناك شيهانه : على كيفك **************************************************** تركي : خالد عجل علينا تأخرنا يارجال خالد : اركد يارجال وش بيودينا القصيم الحين تركي : عندي شغل تتا تروح معي والا لا خالد: بروح معك بس قبل بأعلم امي تركي : ليش أنت ماأنت رجال خالد : رجال وغصبن عنك أمش بس ***************************************** مطلق : وبعدين يبه أبومحمد: جايك بالعلم لاتخاف أنا من زمان بعلمك بس خفت السر اللي جلس أربعين سنه أحد يعرفه بس الحين بعد موت أبوخالد مضني بقاله أهميه خاصه أن فهد موهوب موجود عند عيال العود يعني مصيري ومهما سوى أنا قاضبه برقبته مطلق : يبه كمل الله يرضى لي عليك وش السالفه هذي اللي ماكانت على البال والخاطر أجل لو تسمع الباقي الله يغفرلي بس ***************************************************** اخذت الاوراق كلها اللي تخصني وتركها أبو سعد لي ودورت أقرب طريقه لي تخلصني من السؤال عنها لبست قفاز عن البصمات دخلت حمام عمي مؤيد وشبكت الاستشوار حقه ورميته في البانيو وطلعت من الشقه ادور لي مكان جديد اجلس فيه رجعت بعد أربع ساعات وكان اللي ابيه صار احترقت الشقه والمطافي معبيه المكان لان الشقه كانت في عمارة سكنيه والحمدلله مثل مابغيت وخططت له احترقت غرفة عمي مؤيد بس سالم : فهد الله يهديك وين كنت روعتنا نحسب انك في الشقه فهد: ليش وش صايروش سالفة اللمة هذي سالم : شقه مؤيد محترقه بس الحمدلله الخساير بسيطه فهد: الشقه من ويش انا طالع منها ماخليت شئ وراي علمني وش حصل سالم : ياولد اهدى مافيه الا العافيه أن شاء الله اللي احترق بس غرفة مؤيد والسبب ماس كهربائي يعني حادث عرضي بس خسارة راحت مكتبة مؤيد فهد : أشوى الحمد لله جت بسيطه وخر عني بشوف الشرطه وش تقول فهد :مرحبا الشرطه : نعم ماذا تريد فهد: أنا اسكن هنا الشرطه : هل تعرف صاحب المكان نعم : انا اعمل لديه مالامر الشرطه : يجب عليه أن يحضر حتى نكمل التحقيق في الواقعه معه فهد: عفوا لقد سافر الى دياره من سنه تقريبا وليس لدي أي معلومات عنه الشرطه : حسنا هل انت مسجل في السفارة فهد: بالتأكيد الشرطه : حسنا سوف نقوم باغلاق الشقه بالشمع الاحمر حتى الانتهاء من التحقيقات وعودة صاحبها فهد: لابأس **************************************** عبدالعزيز: مؤيد علامك مؤيد: لازم أسافر لندن شقتي احترقت عبدالعزيز: من ويش مؤيد: السفارة تقول ماس كهربائي عبدالعزيز: يكون في علمك بروح معك مؤيد : وش تبي عبدالعزيز: ابي ابيع الشقه مؤيد: تبيع شقتي عبدالعزيز: أيه أبي ابيعها معاد لك عازه فيها وتراها مهوب لك شقة الوالد هو اللي اشتراها وبسمه وانا وشيهانه لنا نصيب فيها واحنا نبي البيع مؤيد : مدري واقول حسبي الله بس ****************************************************** مطلق :يبه وبعدين انت تقول السالفه صارت على طريق الرياض القصيم أبومحمد: أيه وانا ابوك ذيك الايام كنا شباب والناس في فقر وقل عيش وكنا على سيارة مستاجرينها بالكروه ولازم نرجعه لصاحبه في اليوم الثاني كنا مشاين مع الطريق وفجأة لقينا حادث رجال وحرمته وولد صغير في اللفه مطلق : وش دخل السالفه هذي في سالفتنا أبومحمد: هذي اصل السالفه وانا ابوك نزلنا نعدي يم السيارة ونشوف وش صاير لقينا الحرمه ماتت والرجال على حدة أبوفهد: تفكى ياخوي وولدي شوفوه حي خالد: رح ياتركي شفه راحت ورجعت لهم بسرعة والولدبين يديني تركي : الولد حي يالاخو بصوت يالله يطلع : وامه تركي : تطلبك الحل أبوفهد: ولدي امانه عندكم أبيكم توصلونه لاهله في القصيم وترى في السيارة دراهم اخذوها معكم والبيت فيه في اخر سقف المجلس عمود فيه صندوق ذهب له لفهد ماحد يدري عنها الا الله سبحانه وانا اخذوها معكم خالد:وين بيتك يالاخو ابوفهد: بأطراف الديرة لون بابه ازرق وقدامه نخله كبيرة تركي : خلاص يالاخو اعتبر الامانه ووصلت اخذنا الاوراق اللي في السيارة والفلوس ورحنا ناخذ الصندوق مطلق : والولد أبومحمد: اخذناه معنا مطلق :يبه وين المشكله بالضبط أبومحمد: المشكله ان الرجال مامات كان يتوهم التعب وبعد ماعطيناه الماء قام وكأن ماصار فيه شئ مطلق : مافهمت أبومحمد: بعد ماقام الرجال ودرينا عن دارهمه وتأكدنا ان مافيه الا العافيه ذبحناه |
واااااااو مصيبه ذابحين ابو فهد والله مجرمين واحد استعبد الولد والثاني اكييد تناصف معاه الفلوس والذهب
يالله معقول في ناس كذا مجرمين والطمع يعميهم عن الحق الله لا يجعلنا منهم |
بسم الله الرحمن الرحيم السلام عليكم ورحمة الله وبركاته صباحكم رضاً من الرحمن ومغفرة مبدع قمم كما عهدناك دائماً أخيراً عرفنا السر الذي يحمله أبو محمد طوال هذه السنين جريمة قتل!!!!!!!!! ألهذا زوجه ابنته ليأمن على نفسه منه بعد أن يعرف الحقيقه؟؟؟ ففهد حسب تفكير أبو محمد هذا لا يمكن أن يقدم على قتل جد ابنه ولو اكراماً لابنه وليس لزوجته ولكن ماذا سيفعل فهد حين يعرف الحقيقة هل سيظل على حبه لشيهانه أم أن الحال سينقلب ويتركها بسبب ما فعل أبيها ثم ماذا سيفعل حين يعلم أن الخير الذي هم فيه ملكه هو وليس لهم هل سيطالبهم به أم أنه سيتقاضى عنه إكراماً لحبه لشيهانه وتقديراً لما فعله مؤيد معه جريمة قتل وسرقة واستعباد ليتيم ماذا تركوا من الرذائل لم يفعلوها وبعد هذا كله يتزوج بناتهم!!!!!!! والأدهى والأمر حبه لشيهانه!!!!!!! أبدعت قمم......... فلك كل الشكر على ما خطت يداك بانتظار ما هو قادم بشوق دمت بحفظ الله ورعايته |
الساعة الآن 06:57 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية