|
رد: ثرثرة أرواح متوجعه
السلام عليكم و رحمه الله و بركاته
مساء الخير و المغفره يارب كالعاده ثرثره راقيه اسره و باذخه جدا ربي يسلم قلبج على هالابداع قايد ... يعجبني اصراره على انه يعود امه على وجود اميره عشان لو صار و تزوجت مي يكون وجودها مرحب فيه لو نسبه خمسين بالميه لانه البنت بروحها فيها حالات و هالنفور اللي ممكن تلاقيه يزيدها اكثر و الصغار يحسون اكثر من الاكبار ... قايد اتوقع بانه محامي و عارف القوانين و الشرع عدل هذا الشيء خلاه يطمن قلبه انه الجموح ما تقدر تبيع المكتب مهما سوت بما انه هو محرمها الاول اللحين يعني لا اب و لا اخ ينفعها و لو استعانت فيهم اكيد راح يوقفون ضدها ... الجموح ... مجروحه منه حيل و السنين اللي ضاعت منها مو هاينه عليها و بتطلع عيون قايد عليها و اولها تفكيرها و خطوتها الجريئه لبيع المكتب هالشيء يبين شكثر هي مجروحه و ممكن تسوي اي شيء و لا همها احد .!! مشوارك طويل و وعر معها يا قايد !؟!؟ الثريا ... مدري اكون معاها لانه الجرح يوجع و شلون لاكان من حبيب و اقرب قريب و فوقها غدر و خيانه باعز صديقه بانها رفضت تسامح فهد و ترجع علشان خاطر خاطر و لا الومها لانها ام و مكتوب تضحي عشان ضناها مايحس بالنقص و هو يشوف غيره بس اكيد لا رجعت عشان خالد الحياة بتكون ميته بينها و ببن فهد و الجرح بيطلع لها بكل ثانيه و لا تقدر تنسى .. فاحسن شيء سوته البدايه من جديد و خالد ماعليه شر معاها و حاتم ما يقصر فيه و خاله بعد !! بس بعد اتوقع حياتها مع حاتم راح تكون الحبيبه عثره بانها تعيش بسعاده الا اذا كان حاتم شفاف مثل ما كان مع امه و يقولها انها هي الحبيبه.! الدانه ... يمكن مشورة صديقتها صح الرجال اقفي عنه يلحق وراج بس طبعا لكل قاعده شواذ بس اتوقع ماهر منهم لانه عارف انه الدانه تعشقه و لا ممكن تتخلى عنه و انه ماحد يرضى فيها بعرجتها فماخذ راحته على الاخر و ناسي انه متزوج لبيته و زوجته عليه حق بدل السهرات للفجر يبيله قرصة اذن قويه عشان يتعدل ... و سلمتي يارب لا عدمنا هالطله ........ |
رد: ثرثرة أرواح متوجعه
صباح / مساء يلامس دفئ قلوبكم فيقربكم من المولى
اولا : الف الف الف مبروك على التثبيت و التميز فهو لم يأتيك عبثا فانت تستحقيه وبجدارة مبدعتنا الغالية .. الاحداث : قايد : من الممتاز انك فكرت باختك فهي تحتاج لمن يسندها ،، بالنسبة لحاتم ، زين انك منت مثله بس قرصت اذنه حبتين وهو يستاهلها . الجموح : ماشاء الله بديتي اشوف تنفذين مخططك بس احسن تستاهلين الي جيك ربي رد كيد فنحرك وما قدرتي تبيعين العمارة . حاتم : بدا يتجرأ حويتم وأخير الثريا : يا قلبي وافقت يا عساه سعيد ومبارك يا رب ، احسن شي سويتيه انك ما شفتي فهد لأنك ما تتحكمين فقلبك وش يرد فهد : حزنت عليه فهي عليها نسبة من الخطأ فمن زينها في نظره لم تكن سواها وهو رجل بس خلاص الجرح ما راح يندمل نجد : اعجبتني ششخصيتها التي ظهرت الى الامام نجد الزين : يا لبى الكبار يا ناس اجل بتعرسين اعقلي و بعدها فكري بالعرس حبيبتي بس هذا دافع يخليها تعقل شوي رهان: توكل على الله وبيض وجهنا يالمخترع . كايد : ههههههههههههه ياخي هالانسان يغير مودي بسسسسسسسرررررررعة قال مقابر يا زينه يا ناس وصايف : اذا هي ما زالت تتجرع علقم الفراق الذي طهته يداها ولا تريد لابنتها ذالك , كبيرة يا ام قائد كبيرة انتي . ام حاتم : طحتي من عيني مع ان تفكيرك منطقي جدا لكن لا تقفي عقبة في طريق العشاق دندون : يا زينها الي نصحتك توكلي على الله وابدئي انامل لم تتقاعس يوما عن ابهارنا بجديدها فمستواك لا يمكن تقييمه فقد تعديتي تلك المرحلة لأن حروفك الاسطورة تقييم بعضها وتتسابق في الجمال عزيزتي ادامها الله لك من انامل و سلمتي Captive dark |
رد: ثرثرة أرواح متوجعه
صباح النور والسرور والحب المنحور عند ال كايد
تسلمين ضمضم تسلمين على كل كلمة كتبتيهااااا والي هزتني هي معاذير فهد يوم طاح الي براسه جا يتطوطح ويتعذر وش عذرك نزوه ياهالنزوه الي خربت بيوت وبيوت وكل ماطق عودن حصاة قال حقي بالشرع يمال الحق لمثلك وشرواك والمقروده الاخرى رزان ليمنك طلقته وش حالته الغبراء بعد نزوة طلاقك له لحمد لله ان الثريااا مارجعت لك لنه النتوب مايتوب بتجيك نزوة اخرى وتعرس خلاص انهلت السبحه الجموح له له وش هالراي الغبر وليه تبيعين العمارة ولا بخسارة دليل انك بس تبين تحرين قايد أبوكم بالحريم خلاص انتي غلطتي بروحتك وهو ماعرس وحجرك مامر عليك مر عليه بس العناد الله يكفينا شره الله يستر من ماهر كان انه درى بالسالفه بيعين ويعاون بس الوكاد ان كايد عارف انه ما تقدر تبيع وفيه شي ثاني يمكن يعرف احد بالمحكمة يعلمه عند الإفراغ ضمضم ماعرفنا أسباب زواج نايف على مي هي هديه ولا برغبته روايه واااااقعيه تشرح الم النساء من الرجال أما بالحجر أو الهجر أو زواج الغدر أو البرود أو. أو. أو. الله يعطيك العافيه على عذب الكلام ونبض القصيد |
رد: ثرثرة أرواح متوجعه
الجموح مع اني معجبة بشخصيتهاالاان طريقتهافي الردعلي قايدقوية
امافهدقوي عين لةوجة يجي يردالثريابعدماقهرهاوتزوج صديقتها الثرياوحاتم احلي ثنائي فديت حويتم يحبها وصابر |
رد: ثرثرة أرواح متوجعه
مشاء الله
مبرووووك التثبيت ضمضم |
| الساعة الآن 03:44 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية