|
إن الله لا يغير ما بقوم حتي يغيروا ما بأنفسهم
اوقات كتييرة في حياتنا بنمر بظروف ومواقف تعيشنا حاله ايمانية لكن لعده اسباب مش بنكمل للآخر ان الشيطان متربص والنفس الامارة بالسوء اعمل ايه ؟؟ الحل ايه ؟؟ اول حاجه ادفع كيد الشيطان بالاستعاذه وبمخالفته بمعني اقول ( اعوذ بالله من الشيطان الرجيم ) ولو وسوس لي اني اسمع مثلا اغاني اخالفه وهكذا ،،، تاني حاجه اني افكر في الموت بجد لو فكرنا في الموت هيكون عامل مؤثر جدا لان انا تغيير حياتي 180 درجه اصلا كان سببه تفكير في الموت لكن انت ممكن تقعد فترة كويس وتيجي مرة تذل وتخطأ وتعمل معصيه يقوم يجي الشيطان ييأسك يقولك : انت مهما حاولت تتغير مش هتقدر انت ضعيف انت عمرك ما هتبقي كويس انت انت انت ........... نعمل ايه ساعتها ؟؟ نستعيذ ثاني ونعمل فورررا اي طاعه اقرأ قرآن اصلي اتصدق ادعي ( إن الحسنات يذهبن السيئات ) ارفع ايدك وقت السحر قبل الفجر بساعه او ساعتين ( الوقت ده الدعاء مستجاب) واقول يارب اعني علي تغيير نفسي للافضل لما تحبه وترضاه يااااااارب انا بحب اسمع اغاني لكن عرفت انها بتغضبك ياااااارب كرهني فيها ( والله انا عن تجربه شخصية حاليا بكره الاغاني وبسخر ممن ) يااااااارب انا مهما رجعت عن طريق الصواب هرجع تاني ادق بابك مليش غير تعني علي حالي يااااااااااااااااااااااارب حبب اليّ الايمان وزينه في قلبي وكره الي الفسوق والعصيان ومهما يامتفيرس عملت معصية ارجع توب عنها فورررررا وتذكر ان ممكن تموت علي معصية يبقي 1-الاستعاذه 2- مجاهده النفس ( يعني كل لما ترجع وتخطيء تررجع تاني وتذكر ان ربنا يفرح بتوبه العبد ) 3- الدعاء في الاوقات المستجابة ( من قبل الفجر بتلات ساعات حتي الفجر _ بين الاذان والاقامة _ صوم يوم لله وادعي فيه لان الدعاء مستجاب وقت الصيام ) تدعي بانك تريد ان ترجع لله تائبا ذليلا خاشعا . 4- البعد عن كل الاماكن والاسباب اللي ممكن تخليك تفكر في معصيه واهمها ( الصحبة الصالحه ) والله ثم والله ثم والله لو معاك صحبة صالحه فعلا عمرك ما هترجع إن شاء الله حاول تتعرف علي ناس فعلا قريبين من ربنا يذكروك بالصلاة في المسجد يذكروك بالصيام السنة يذكروك بذكر الله يذكروك بقرآة القرآن . وابعد كل البعد كل البعد عن اصدقائك اللي بيعينوك علي المعصيية من الللي هيبقوا يقولولك انت هتدروش انت هتعمل فيها صالح انت انت .... استغفر الله هتقابل كتيير منهم ابعد عنهم في الفترة دي لغايه ما عودك ينشف ويصلب وتذكر ( إن الذين أجرموا كانوا من الذين آمنوا يضحكون وإذا مروا بهم يتغامزون وإذا انقلبوا الي أهلهم انقلبوا فكهين وإذا رأوهم قالوا إن هؤلاء لضالون وما أرسلوا عليهم حافظين فاليوم الذين آمنوا من الكفار يضحكون علي الأرائك ينظرون هل ثوب الكفار ما كانوا يفعلون ) ؟؟؟؟ أكيد كلنا عارفين الاجابة خلي الآية دي في ذهنك دايما عارفه رغيت كتييير فيه كلام اكتر ( انا دلوقتي مبقتش اصلا بشارك في المنتدي لكن موضوعك مهم جدا اني ارد عليه ) فيه حاجت تانيه بس مش هينفع اقولها هنا لو عايز تعرفها ممكن تضيفني وابقي اقولهالك والكلام ده مش ليك بس لاي واحدة عايزة برضه تتغير ( بس ياريت يكون فيه جديه ). اعانك الله وثبتك ووفقك ورزقك الاخلاص في القول والقصد والقول والعمل ربنا يثبتك ويسددك اللهم يامقلب القلوب ثبت قلبه علي دينك وثبت قلوبنا علي دينك ربنا يثبتك ربنا يثبتك ربنا يثبتك آآآآآآآآآآآآمين |
بصراحة انا مش هعرف ارد لانى
عندى نفس المشكلة |
السلام عليكم ورحمة الله وبركاته اخي محمد : فرج الله كربك ويسر لك امرك وابعد عنك الحزن .. لن اقول نصائح ، ساتناقش معك مجرد نقاش مجرد معرفه المشكله نصف حل المشكله معرفتك انك محتاج تغيير واقتناعك نصف حل المشكله وانا كمان معاك عارفه وجود المشكله ندخل عالنص التاني بقه من المشكله لا لليأس : املا دايما يومك بالتفاؤل والامل في رحمه المولي عز وجل (لايعني ذلك التسويف) بل يعني انني مهما قصرت وموجود عندي رغبه وبحاول ومش واقف محلك سر لكن ممكن انزل درجتين او درجة مرة يبقي مفيش يأس ضع امور مكتوبه : مش هقول خطة لكن عالاقل كل اسبوع انوي علي حاجة صغيرة تكون معاك طول الاسبوع ذكر مثل حسبي الله لا اله الا هو عليه توكلت طول الاسبوع معاك ، في المواصلات ، عالسلم ، قبل ما انام ، الصبح وانا رايح الشغل الاسبوع اللي بعده مثلا سنة مثلا لصلاة وهكذا ازيد كل اسبوع شيئا وهذا مجرد مثال احاوط نفسي باصحاب جدعان صالحين ،يعني رايحين مشوار معرفش فين معاهم ..اضبط نفسي واطلب من واحد فيهم انه يكون رقيب وابلغه دايما انا ناوي اعمل ايه واعطيه ورقه من المكتوب واقول له شجعني ساعدني اتصل بيا هيحبوا ده قوي اليتامي انهم سر وسحر والله كنت اشتكي قسوه قلبي واعتيادي للعباده وحاسه اني بقل ايمانيا ذكرها شيخ جزاه الله كل خير وسمعتها احد اصدقائي التي كانت تعاني نفس الشيء وهنا كان الحل ان نذهب دار ايتام اسبوعيا فرق كبير والله في القلب انهم نعمه من الله عز وجل واجعل نيتك انك تذهب لترقق قلبك وتكون بجوار الله عز وجل التوبه وكثرة الاستغفار لا يمل حتي تملوا الله سبحانه تعالي لا يمل من التوبه الصادقه ويقبلها وحياتنا مليانه فتن وبالتالي الذنوب كثرت وزادت وهناك ذنوب معروفه وذنوب غير معروفه وذنوب خفيه لا نعلمها ربنا يغفر لنا كلنا ياااااااارب ربنا يرحمنا برحمته الواسعه ويحسن خواتيم اعمالنا كان مجرد نقاش ، وبتعلم معاكم لسه ازاي نعمله واحنا ممكن هنا نكون وراك تيجي تقول لنا هعمل كذا وعملت كذا ومعلمتش كذا النهاردة رأيك ايه ؟ قولي رأيك ااه كمان في حاجة مهمة قووووووووي ماتقولش مش عارف خالص قول انا عااااااااااايز اتغير بيقولوا ان الكلام بيفرق كتير جدا جدا في حاله الشخص دور عالكلمات الايجابيه وابعد عن الكلمات السلبيه وانت بتكلم نفسك كمان ممكن نكمل النقاش وقت تاني عجبني رد همس الطيور |
اهلين
انا بقى ح اقولك.. انا ح اعرف اتغير .. وانت كمان ح تعرف تتغير .. ان شاء الله لكن لازم في الاول نعرف.. احنا ايه؟ واللي بيحصل ايه؟ والمفروض ايه؟ واحنا عايزين نبقى ايه؟ نمسك حبة حبة .. وخطوات معينة .. وبإذن الله بنكون شي كويس ... والدعاء لازم منه .. لانه مفيد جداً يارب اهديني ويهديك ويهدينا كلنا ^_^ حاسة كلامي مش مفهوم.. بس انا فاهماه : ) يارب اكون وصلت الفكرة ^_^ موضوع مميز كالعادة..^_^ اشكرك سلامي |
اقتباس:
قال تعالى " قُلْ مَن كَانَ فِي الضَّلالَةِ فَلْيَمْدُدْ لَهُ الرَّحْمَنُ مَدًّا حَتَّى إِذَا رَأَوْا مَا يُوعَدُونَ إِمَّا الْعَذَابَ وَإِمَّا السَّاعَةَ فَسَيَعْلَمُونَ مَنْ هُوَ شَرٌّ مَّكَانًا وَأَضْعَفُ جُندًا " سورة مريم آية 75 كلامك مش عارف ليه حتى مش بحاول أعمله الانسان الطبيعي " العاقل " لو معتقد ومؤمن فعلا مش هيعمل اي غلط انما الخلل اما يكون في الأساس ؟؟؟ وما ينفعش تكون صح وغلط في نفس الوقت !!! مصر اني أكون غلط ليه مش بحاسب نفسي أبدا ليه أكيد لأن ربنا عايز كده وبيمدلي في ده والعياذ بالله بس ليه انا مش بتحرك مش عارف ليه اقتباس:
قال تعالى " وَيَزِيدُ اللَّهُ الَّذِينَ اهْتَدَوْا هُدًى وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ مَّرَدًّا "سورة مريم آية 76 |
| الساعة الآن 04:30 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية