هاني شكرا على الموضوع الرائع

امس حدث شيء اسعدني
جاء للعيادة رجل وابنته الصغيرة, كنت كشفت عليها قبل كدة واعطيتها علاج وقلتله تيجي بعد يومين.
يومها الرجل ماكانش مقتنع بالعلاج وفضل يقول انه شديد وحاول يقنعني اغيره وانا اقوله انه ماينفعش لان حالة الضرس تستدعي المضاد الشديد دة. طبعا عدم اقتناعه لانه يعتقد اني عشان سني صغير مش هيكون عندي خبرة كافية دة غير حاجة تانية مهمة جدا اني بنت ومعظم الناس فاكرة ان البنات ماينفعوش دكاترة اسنان .
المهم لقيته جاي امبارح مبسوط جدا ان البنت اتحسنت كتير وكان جاي مستعد يقتنع وينفذ كل اللي هاقوله بدون مناقشة ومقتنع تماما اني كويسة ولما قلتله يكرر العلاج ماناقشنيش بكلمة.
طبعا فرحت ومعنوياتي ارتفعت جدا لاني كنت متوقعة انه هايخرج من عندي ويروح لاي دكتور غيري.