بسم الله توكلنا على الله
اولاا تفضلوا هني سورة الكهف - سورة 18 - عدد آياتها 110 المصافحه الثانيه الفندق سويت ال سالم منيره كانت قاعده بين شيخه وساره والدنيا مو سايعتها من الفرحه مستانسه حييل من زمان عنهم ساره قاعده وتشوف شيخه ومنيره وكل وحده تشوف الثانيه كنه تشوفها كامله ولا فيها شي ناقص " سبحان الله ما توقعت شيخه بتعيش بلا منيره سبحان من صبرها السنه والنص ذي بس منيره متغيره واجد عينها اليمين ردت نفس قبل بس مبين علامه خفيفه بجفنها مكان الضربه بس الحمدالله تقدر تفتحها بسهوله ومشيتها زينه مو مبين فيها شي الحمدالله ردت منيره احس اني اشوف منيره الي كان عمرها سبعتش سنه نفس النظره نفس الضحكه نفس الروح الله يرحمك ياعمي الله يرحمس ياعمه نوره الله يرحمك ياسعد الله يرحمك يا عبدالرحمن الله يرحمس يا ديما الله يرحمس يا ضى الله يرحمس يالولوه الله يرحمكم لا تخافون ردت منيره ردت نفس قبل وان شاء الله احسن " شيخه وهي تحظن منيره للمره الميه يمكن : ياربي منور ماني مصدقه انس قدامي ساره بعياره : تبيني اعضس عشان تصدقين منيره تضحك وهي تحظن شيخه بقوه : ياويلس تقربين منها ,, اكلس انا مو اعضس ساره وهي تزيد لمى شافت منيره تضحك وتبين غمازاتها من قو ضحكها : ياويلي ويلاه ترى بدعي الشايب تراه بالغرفه الي مواليتنا(جنبنا) "وترمش بدلع " وتعرفون بابا ما يرضى على منيره تقلدها : بابا ما يرضى ,, اقول تلايطي بس انتي وعيونس البيض ,, ماادري من قالس عيونس حلووه ماغير ترومشين ساره بدلع : ياربي شحارس انتي ويا خويتس عيوني لونها رمادي مهوب ابيض ولا محترين محد ظهر على امي نفله الا انا شيخه تلف عليها : اي محترين بس ألجمي خليني اخذ اخبار الشيخه الي اتغلاا علينا " تلف على منيره وتحظن ايدها بتملك " شخبارس يااختس كل ذا تغلي تراس غاليه مانتي محتاجه تختبرينا منيره : ادري بغلاتي جعلني قبلس بس تدرين الدكتوراه متعبه وعبدالله فديته عقده مع المستشفى الي يشتغل فيه ما يعطيه اجازه بسهوله شيخه : بس احلى مفاجأه جيتس معنا ماتوقعنا نشوفس منيره : حتى انا مسويها لي عبدالله مفاجأه ,, ما توقعت اشوفكم معانا ,, يقول متفق مع العيال بس من معكم شفت حريم وااجد معكم شيخه بحذر : ما عرفتي من معنا منيره : لا الحريم ما عرفت الا انتي وعمتي وضحه بس حتى سارونه ما عرفتها طولانه غاديه كنها نخله ساره : ياربي يا الغيره منيره : اغار من وشوا انا اطول منس ,, اسكتي بس اسكتي شيخه تلف على ساره : اكريمينا بسكوتس ,,"ترد وتشوف منيره بشوق " عجل ليه مارديتي على وانا ادعيس ما سمعتي منيره : الا سمعتس بس شفت واحد كنه مشاري بن فهاد وعفت المكان شيخه بتمهيد: مشاري مشاء الله عرفتيه منيره : اي اعرفه هو اكثر واحد يشبه فيصل وعرفته لان فيصل اسمر وهذا ابيض ,, عشان كذا عرفت انه مشاري وسألت عبود وقالي هو شيخه : ترى مشاري مخاوينا مع خواته منيره بصدمه : من خواته ؟؟ حل صمت على المكان بترقب منيره للجواب وبخوف شيخه انها تجاوبها وتهرب كالعاده من المواجهه ماقطع الصمت الا صوت الباب ومن وراه صوت بنت تصوت على البنات *** اللهم اني قد ظلمت نفسي فأغفر لي *** الكويت بيت فهاد بن سعد ام سعد قاعده وهي ميته من القهر تحس انه راسها يطبخ من الحره شافت بنتها مها راده من دوامها وتدخل للبيت وهي ترفع غطوتها وتفصخ ادسوسها (قفازها) دومها الي يخلص ثمان بليل فحطت حرتها وقهرها كله فيها ام سعد : جيتي هاا جيتي ياالشالح مها وهي ادنق على امها وتحب راسها : اي جيت جعلني قبلس ام سعد : لا كان ما جيتي فضحتينا جعلس الموت الي يريحني منس مها بلعت عبرتها وحسرتها على كلام امها اليومي وردت على امها : يمه الله يخليس لي دوامي كذا فترتين وكل الناس يدرون ام سعد بقهر : والله محد مخربس الا ذا الفيصل جعل ربي ... مها تقاطع امها ودموعها تجمعت بعينها : لا جعلني ما بكيس لا تدعين على فيصل ,, الا فيصل من لنا غير ,, "وبحسره ظهرت بصوتها" حرام عليس يمه كل ما عودت من دوامي نفجتي على ام سعد : حرمت عليس عيشتس ,, اي بنفج عليس ,, ليه ما ظهر قلبس ودخلتي الجامعه وغديتي مدرسه مثل لويل ولطيف ليه ,, وش زودهن خواتس عنس مها : يمه اذكري الله ,, انا الحمدالله شهادتي زينه ومعاشي مايقل عن معاش لولوه فديتها ,, ولطيفه مهي بمدرسه يمه لطيفه تدرس هندسه ام سعد وتحس انها بتنفجر وطبعا ما في اوسع من خاطر المها عشان تحط قهرها وحرتها فيها وعارفه رد المها الي ربي رازقها دين والتزام يشرح الصدر ويوسعه تعرف المها مستحيل ترد عليها ولا تحاسبها على كلامها ام سعد ترد على مها : وانتي تبين تكحلينها عميتيها ,, يالله ياربي تاخذ عمري وتريحني من ذا العيال الي مامنهم فايده ما جاو الا بعد سنين ولا ما منهم فايده مها تحس السانها انربط وبغصب قدرت تحركه : يمه الله يخليس استغفري ,, استغفر تكفين مايجوز ياأمي تدعين على نفسس ما يجوز ام سعد : اقول اكرمينا بسكوتس ,, ذابحس الدين كنس محاد ميت ابو عيالها مايظهر منس شي سواد بسواد صادق سعد كنس كيس زباله ,, ماتشوفين نفسس عنستي محد له بوجهس حاجه كل شياً عندس حرام المراح للعرس بالصاله حرام الموسيقي حرام حتى اقولس اظهري معي لجمعات جماعتنا ماغير ما عندس الا لا لا لمتى لا لين يطق عمرس الثلاثين وانتي مقابلتني ما تشوفين خواتس مأذين ابوس الخطاب حتى ذا المطلقه لويل يجيها اكثر منس مها تمت تستغفر ربها بسرها عشان تهدى وما ترد على امها واخيرا قالت تطلع من المكان اريح لها ولامها ولاعصاب امها مها تقول وتشيل اغراضها : يمه تأمريني بشيء انا بغسل وببدل ملابسي وبنزل ان شاء الله ام سعد : هاا طقيتي من المواجهه ,, روحي جعلس الرجل الي يفكني منس ,, روحي اجحري بحجرتس ولا عاد تظهرين ,, وش ذا البلاوي الي عندي ,, الرجل ماغير غادي للبل ,, وسعد شغال سواق عند صيته وامها ,, ومشاري يثني كلمتي ويسري ببنات منيره للعمره ,, وذا البنت الي مالي غيرها …. المها طلعت بهدوء وتسمع صوت امها لحد ما صعدت الدرج وبدى يختفي الصوت وكان الحديث عنها ,, وكالعاده اختارت الصمت كأفضل رد على امها والدعاء لامها لان هذا حق امها عليها لو مهما كانت امها ذي امها جنتها ونارها "الله يعصم السانس يمه ويغفر لس ويحسن خاتمتس وخاتمتتا اجمعين" *** سبحان الله وبحمده عدد خلقه ورضى نفسه وزنة عرشه ومداد كلماته *** |
السلام عليكم ورحمة الله وبركاته في شغله في هذي المصافحه انذكرت وهي ان يدعو المسلم على نفسه بالموت وخصوصا عندنا احنا يالبنات الله يغفر لنا وهذا حكم الدعوه على النفس بالموت اقتباس:
اقتباس:
وطبعا في كذا لفظ احنا نقوله واهوا حراام ولي ان شاء الله وده لهم ولا تحسبون اني منزهه عن الخطأياليت و شفتوا على شي تنبهوني تراني انسان ويمكن اخطأماني منزهه على الخطأ الله يغفر لنا ان شاء الله |
جزء رائع وزاد الغموض غموض
مها تشتغل بمستشفى علشان كذا امها معترضة منيره ولولوة كل وحده متزوجه اخو الثاني وصارت مشاكل الأصابات الي في منيره حادث والا احد طاقها مشاري اخو رضاعه الي دخلت عليهم لولوه تبي تواجه منيره فيصل وش الي يخلي ها الدعاوي تجيه ابو مها وش مهججه للبر عند ابله ومخلي العجيز تطبخ الحالها تكين كثفي الأجزاء علشان نفهم راسنا من كرياسنا الروايه اسرار حنا نسوان وانتي خابره الفضول مبدعة يا الرند |
السلااااااااام عليكم..
رندوو تعرفين في افلاام الكرتوون لما واحد من هالرسوم يصقعوونه على رااسه بمضرب والا عجرا والنجووووووم تدوووووووورر حوالينه وهوو رااسه يهزززز وعيوونه تدوووور يمين وشمال بسرررررعه... هذاااا بالضبط شكلي اناااااا الحين.. هالجزء زااد الغموووض بالنسبه لي.. يعني منيره عمرها صغير والا كبير.؟؟. يعني مو بالخمسين ولا بالستين؟؟ شكلها توها بالعشرينات.. اذا هي ماعاد تكلم خواتها واهلها من سبع سنوات كم عمرها يعني 24 سنه؟؟؟؟؟؟؟؟؟؟؟؟؟؟؟؟؟؟؟؟؟؟؟ مدري صراحه وشولون وصلت لهالشي بس من كلام شيخه وهي تفحص منيره وتقول كأني اشووفها وهي ام سبع طعش سنه؟؟؟ يااراااااااااااسي والله مااعلي منتس ياا رندوووو لااازم تفهميين بالضبط السالفه ... خليتس معي وتحمليني شوووي.. الحين منيره كبيره بالسن والا صغيره... ؟؟ وبعدين ام سعد تكلمت عن واحد من عيالها وهو مشااري رااح يودي بنات منيره للعمره بدون رضاها؟؟ هل منيره المقصوده هي اخت عبدالله..؟؟؟؟؟ وبعدين منيره قالت لشيخه اقتباس:
وبعدين سااره قالت في خاطرها وهي تشووف منيره وشيخه اقتباس:
اقوووووووووووولتس راااسي بينفجر من هالجزء.. والحين عاد بتكلم باللي فهمته من الجزء بس بدوون ماا اتعمق اخاف اجيب العيد واخبص الاخوو على الزوج..هخهخهخهه منيره: الى جااانب ان الغموووووووووض لاافتس انتي وسالفتس لف.. بس اللي بااين انه صار لتس حادث وهالحادث اثر على عينتس وعلى رجليتس.. من اللي تسبب بهالحادث؟؟؟ واتوقع هو سبب القطااعه اللي انتم فيها الحين.. وبعدين مشااري وش علاقتس فيه؟؟؟ هو كان متسبب لتس بشي والبنات خايفات انتس تدرين عنه وعن وجوده؟؟؟ شيخه : الحين انتي اخت لمنيره.. بس تدرين شكلتس صغيره وماعندتس الا ولد واحد وشكله صغير.. ؟؟ منيره اتوقع الاخت الكبيره ..بس كم بينتس وبينها؟؟؟؟ ساره : انتي وش محلتس من الاعراب بهالجلسه بين الخوات؟؟ يعني انتي اكيد مو اخت لهم.. وش انتي بنت عم والا بنت خال؟؟ والا وش بالضبط؟؟ انتي صغيره بس والله ان علم الربع اللي هنا كله بجووووووووووفتس وبين ضلووعتس وشكلتس تعرفين الاولي والتاالي.. السووري تعالي تعالي صح انتي صديقتي؟؟ علميني وش السالفه ولتس علي مااا اقوولها لاحد بس خلي رااسي يعتدل شوووي..هخهخهخخه .. من هاللي قمتي تقوولين لهم ان منيره احسن من اووول.. من هالمجمووعه اللي صفيتيها قمت تقوولين لهم انها احسن من قبل.. ؟ اقتباس:
السووري على فكره تراااتس شخص منااااسب جداااااا جدااااااا للدكتوور عبدالله وانااا قررت انتس تكونين من نصيبه ان كانه مو متزوج.. وان كانه متزوج نخليه يطلق حرمته لانها مااتزوجها بشووري.. بس بشرط هااتي كل المعلوومات اللي عندتس..هخهخهخهخهخه مها : ونعم البنت.. تدرين مهاا والله طووووووووول الوقت وامتس قااعده تقول قذاائفها هذي وانا اقوول جعل هالعجووز للطرم ازعجتنا وسندرتنا وحناا اصلاا رووسنا للحين دااايخه من سالفة الربع اللي هنا وتجي حظرتها وتزيدها علينا بصياحها وطووول حسها.. هخهخهخهخه شكل دواامتس مسبب ازمه كبيره بالبيت .. واكثر شخص متأزم من المووضوع هو امتس.. لانها تعتبره السبب الاول اللي يمنعتس من الزواج او بالاصح من ان العرسان يكونون صف على بااابكم جاين خطاابه لتس؟؟ الله يعينتس على امتس شكلها مهيب سهله وغير هالشي اتوقع انها مااتعااااااامل أي احد من اخوانتس مثلتس انتي لانتس تتحملينهاا ولانها وااثقه انتس مستحيييييل تردين عليها فهي مااخذه رااحتها معتس.. الله يجزااتس الجنه ويعينتس على بر ام لساان هذي.. ام سعد: ياااااااااويلتس من الله .. شكلتس من هالعجز اللي يبي لهن كفخ.. اسمعي تراتس ازعجتينا وسندرتينا وان استمريتي بهالشكل ماافيه الا اني ادخل واتوطى ببطنتس .. وبعذر الرجل يزبن عند البل . وش يقعد له يااحظي وانتي لساانتس يااصل المريخ من طوووله؟.هخهخهخخهخه اسمعي عاد ياا ام سعد.. انا بقوولتس طوولي بالتس على مهاا لاابكره ربي يااخذها وتموت بسم الله عليها وهذيك الساعه تمووتين من الندم والحسره انتس فقدتي اكثر وحده من عيالتس كانت خاايفه الله فيتس.. يعني خفي عليها شوووي البنت جاايه العشاااء وهي كاارفه عمرها بالدوام وتجين تزيدين عليها بالبيت.. خفي عليها شوووي.. وغير كذا احد يحصل بنت مثل مها بادبها واحترامها وحشمتها ودينها ويقعد يتطنز ويتهزأ فيها؟؟؟ خاافي ربتس ياا عجوز قريح.. وقاعده بعد تمثلين بكلام اخوها وتقولين كيس زباله.!!!. خاطري اشووفه هالحمار ليش يقول عن اخته هالشي؟؟ لايكون علماني؟؟؟ وبعدين حرام عليتس وانتي كل شوويه تدعين على عيالتس هذاا وانتي تقوولين انهم ماجاو الا عقب سنين.. اجل لو انتي حملتي فيهم على طول وش كان سوويتي..؟؟ كان يمكن كد ذبحتي منهم اثنين..هخهخهخه فيصل : للحين ماابينت بالاحداااث شكلك مهيص ومبسوط عند البل.. بس ابي اعرف وش صلة القرابه بينك وبين مها عشان تفزع يوم امها تدعي عليك.. انت مو اخوها.. لان امها قامت تعدد عيالها انت مو منهم.. الا اذا كنت اخوها من ابوها؟؟؟؟؟؟؟؟ مدري مدري صرااحه احس السالفه صعبه شوويه.. وشكلك مو بسيط لك كلمه مسمووعه عند ربعك واهلك ..لان شغل مها شكلك مأيده وسااعي فيه.. بس ابي شي يعرفني وش تقربون لبعض؟؟؟ رندوووو.. اقوولتس كثفي من تنزيل الاجزاااء لين نفهم الطبخه وبعدين عاد سووي اللي تبغين>> مع اننا ماراح نخليتس تسووين الا اللي حنا نبي بس عاد بنجاملتس شوووي..هخهخهخهخه تدرين رندو والله حنا هنا بليلااااااااس نموووووت على الاجزااااء اليوميه.. بس ترى ماعندنا ماانع انه ينزل باليووم جزئين .. هنا نصير نقدر الكاااتبه بشكككككككككككككككككككككككل..هخهخهخهخه تدرين ان ردوووتس غاامضه اكثر من قصتس..هخهخهخهخه يعني ردود منااسبه للقصه.. وبعدين شبيه عبدالله اللي عندتس الله يخليه لتس ياارب ويسخره لتس ويسخرتس له..يعني بيصير هو الترمووومتر حق عبووودي انا.. ؟؟؟ شووفي عااد ترى يااويلتس ان زعلتيه والا ضاايقيته مو عشاانه هووو ..لاا والله الا عشاااااااان عبوودي انا.. لانتس ان ماازعلتيه مااارااااح نشووفتس عافسه عبوودي انا..هع هع هع واخيرااااا وهو المفروووض يكوون اولااا.. احب اقوولتس الله يكثر من امثالتس والله يجزاتس خير على هالتذكير اللي تحطينه.. احب الكاتبات اللي بين عندهم الجانب الديني اللي يطعمون قصصهم فيه.. وبالاخير لااتخلينا نطوووووووووول بالانتظااااااااااار نزلي الجزء الجاااي .. واتمنتى اني القى فيه شي يوووقف هزت راسي وتقلب عيوني.. بس اخاااااف يزيد الهز وعيوووني تصير شمال ويمين وفوق وتحت..هخهخهخهخه ويمكن يكوون لي رجعه .. باشيااء ثاانيه ابي افهمها..هخهخهخه |
يسعدلي مسائك صائغة الرند
مشكوره على البارت ومشكوره اكثر انك لفيتي روسنا بعد البارت تدرين اول ماقريت حوار منيره وشيخه صرت كذا :t9L04569: بعدين استوعبت ان شيخه وساره ماقالو انها ماتسلم علينا بس ان شيخه شايله هم لقاء لقاء منيره ولولوه ولطيفه ..... شيخه لها سنه ونص فقط ماشافت منيره وطبعآ منيره وضحت لها الاسباب. ============================== ال فهاد لولوه ولطيفه امهم اسمها منيره ومها ومشاري اخوانهم من الاب بس فيصل ماعرفت هو شقيق مين فيهم . ============================= الاحداث زادت غموض يارند :pQ204444: ووقفتي عند موقف مهم جدآ وهو مقابلة منيره للولوه ولطيفه . ============================ ننتظرك عشان نفك الغموض مع المصافحه الثالثه وجزاك الله خير :flowers2: |
الساعة الآن 12:12 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية