|
اول شي هلابتس يقلبي اسفرت وانورت نر المنتدى
بعدين ثلاث اكفوف مره وحده زين زاغت اقلوبنا مع قفلت الكفوف ليش ماريحتينا شوي مع مشاعل وناصر وموضي وراكان الشبيه الغلط راكبتس من ساستس الراستس خير ان شاءالله وش تحسين فيه تطلعين للمشغل وهو قايلتس لا بعدين لاتقولين ان معالي هي اللي اصرت تقدرين تقولين لها فارس يعيي ورافض روحتي للمشاغل بتاتن بس الشيطان راكبتس ودتس تعاندين العنود فارس مايستاهل منتس اللي سويتي انفاس بتقولين المفروض اول شي تفاهم معها ثم المفروض هجرها واخيرن يضربها وان اقولتس الرجل ماتحكم في عمره شاورته وقالها بالحرف الواحد لا وترجته ورفض يقبل ترجيها وعطاهياه الرفض ماغيره وبعد ماطلع تعصيه وتطلع ماعليش مع انها ماتهون علي بس تستاهل الكف اللي جاها والرجال معصب من فعلتها وطول اليوم ياكل في عمره من القهر زين اللي ماجاها الا كف ولا رفق بها عامل احساب ان كفه والقبر عشان كذا جلسها على السرير لانه عارف الطيحه فيها فيها ولله انك حنون يافارس كف على الفراش وين الحكمه والعقل يالطيفه قدرت السوسه تلعب عليتس وتثيرتس ولله نالت مراده الداهيه بعدين يالطيفه كلش ولا تطعنين في رجولته الرجال اكره مايشوف من زوجته اذا قالت له منتب رجال لان فنون الرجول مايطلعها الرجال الا قدام زوجته وينبسط من امتداحها رجولته لاكن تهينه وبذا الشكل ولا منتس يالطيفه وعلى مين على مشعل قويه يالطيفه صعب اصدق ان هذا يطلع منتس والسبب تافه اثارتس العجوز وانتي طلبتس صعب تبين تنهين شغله بالملايين وابو محمد ماقصر مابغىالنقاش معتس وانتي معصبه يبغ الطلعه بس انتي منعتيه واثرتيه بس تدرين انفاس اتوقع ان لطيفه بيصيبها شي من طيحت الدرج ياغيبوبه او فقدان ذاكره او كسور الله اعلم بس ندم مشعل بيخليه اول شي يسويه ينهي كل شي مع فاتن كاتكفير عن اللي سواه ولله كنت محذرتس ياباكي من ردت فعل يوسف بس ماسمعتي الكلام شهور والنار قايده في جوفه وانتي تقولين كرامتي ماكرامتي ليش يشك فيني الكرامه تروح يثوره وهو شاك فيتس ليش ماعلمتيه انتس بريئه عجبتس نظرت الشك في عيونه بس اللي سويته ييوسف قوي انت المفروض تفاهمت معها ولا هجرتها بس ضرب قويه بس تدري تستاهل معيشتك في شك كمن شهر وهي بريئه خل ثوارتها تنفعها لبي قلب نصوري جاك الفرج يبونص رحل مثل ماقلت الرحمه انزلت في قلب مشاعل بعد قولك وبيروح الحياء استعد ولا تسمع لانفاس في اكشناتها وتسوي زعلان وتصدها بس عاد ريحو شوي ماتهنيتو ابد سوو مثل اهل امريك شوفهم بسم الله عليهم متهنين وش حلوهم ياريت اشوفك ياركان وانت داخل على موضي وهي بكامل زينتها اظاهر انك بطغلط مره ثانيه على قولك مع اني ماشوفه غلط وبتخونك عواطفك ومابتقدر تصيطر عليها وبعد رجعت سنغفورى ابشر بحمل موضي اللي بيكون مع خبر وصول حمد من مصر انفاس مع اني اتمنى انتس ماتشيلين في التاسع وتالدين اول ماتدخلينه بس بعد ودي مايروح عليتس الشهر ماتصومينه مع المسلمين ماقول الا الله يقومتس بالسلامه يارب يمكن ماانال متعت الرد على بارت الاثنين لاني بسافر 24 سبوع راجعه ان شاءالله القرائه باقراء الله لايعوقني بشر لاكن الرد ماقدر ارد بالجوال صعب ولي عوده مع معشوقتي آسى الهجران واختي انفاس |
خطيرة خطيرة خطييييييييييييييييييييييييييييييرة يانفاس
البارت مشعلل والع نار كله تكفخ وكفوف يعني 3 كفوف اخذناها قبل ماياخذونها بطلات اسى الهجران تدرين انفاس احلى شي في تاخير نزول البارتات انك قمتي تطولين البارتات مبدعه ومتألقه كعادتك يانفاس الله يعافيج . جو يوسف ماتوقعت ردة فعله على معرفة الحقيقه كف على خد باكي كان ممكن يصرخ عليها ويتهاوش معاها مو على طول كف مفاجئ صحيح اهيا غلطانه بس اخذت عقابها من قبل من قسوتك يايوسف وتجريحك لها وشلون بتصلحون اموركم بعد هالكف ضحكني يوسف يوم تذكر الجدات وانهم بيتحالفون عليه ( بتحالف تركي إيرلندي ) لطيفه من حقها تعصب وتثور لماتتصل وحده مثل القرده فاتن وتقولها انها تبقي زوجها عيني عينك يعني لطيفه ماتعصب حتى مشعل كان يقول من بدايه زواجهم انها ولا مرة رفعت صوتها عليه ولا مرة هاوشته ولا مرة عصت له امر المرة الوحيده اللي عصبت فيها يوم يقول بيتزوج عليها وهذي ثاني مرة وصحيح غلطت يوم قالت حق مشعل انه مو رجال بس ماتستاهل هالكف ياترى شنهي نتيجة هالكف اللي رماها للارض بتتعور لطيفه نفسيا وجسديا بس هالمرة بتكون ثورة لطيفه قويه ياويلك يابو محمد من اللي بيجي لك.لو عرف مشعل باتصال الضفدعه فاتن والكلام اللي قالته حق لطيفه بيندم على الكف وعلى الشغل مع القرده. العنود غلطتي يالعنود بخروجج من غير اذن من فارس ومن حقه يغضب ويعصب ويثور بس مو يضرب يعني يافارس ماشفت توسلاتها وكلامها والله تكسر الخاطر لو راحت بيت اهلها ذا الحين وزعلت وش بيرجعهاواهيا الدلوعه والمدلله ولا مرة احد ضربهاحاسه انها بتطلب الطلاق وش بتسوي ذا الحين يافارس . ناصر مسكين يعور القلب بس معليه ياناصر مشاعل شكلها راح تعوضك عن حرمانتك منها وان شاء الله خطة موضي تنجح . موضي وراكان الله عوضهم عن عذابهم وتضيحياتهم من اجل الغير بالزواج من بعض احلى ثنائي في الروايه والله يديم المحبه وعقبال مايعترف كل واحد بحبه للثاني . شيخه تفاجأت انها ارمله وجالسه تربي عيالها بروحها مادري ليش حسيت انها تناسب حمد فكرة خطرت في باللي وفكري. راشد اخو شيخه هل بيكون له دور في الروايه والا مجرد اسم . مريم هذي معورة قلبي مرة متى تتزوج ونشوف شلون بتكون حياتها مع بو فيصل حاسه انها بتكون حياة استثنائيه روعه. هيا ومشعل عبدالله مالهم ذكر ان شاء الله خير. سعيد صديق مشعل وينه انتهى دوره والا بيرجع وبيكون له دور . الف شكر لج انفاس والله يقومج بالسلامه وتسلم ايدينج .وسلمي على اختج وشكريها وسلمي على بنت الخاله . وجه الصباح |
أخ ياقلبي صار يعورني
وأخ ع القفلات اللي ع الجرح توقعاتي لطيفة<<<<<< تترك مشعل لأنه هي هددته مرهـ أنه ببتركه لو صار بينهم شيء نفس الشء للعنود وباكي<<<<<<<<اعتقد سوف يبدا اسم الروايه ببداية الهجران للأبطال الروابة تقبلي مروي نفوستي<<<<<<< طالبك طلب لاتخلي أخر بارت <<<< اللي فبل رمضان قفلته قويه <<<<< عشان ما ينشغل بالنا براويه وأبطالها |
ولله يا ان قلبي قام يرقع يوم قررت تروح العنود المشغل قلت جاك الموت ياتارك الصلاه جالسه اتعزز لهاحطيت نفسي مكانها لما اروح مكان من دون مايدرون اهلي خخخخ شعوور خايس ولاتستمتعين بالطلعه بس لطوف الله يهداها تصرفها خايس ويمكن بالغتي فيه نفوسه ذكرتيني بمسلسل باب الحاره يوم ام عصام قالت لأبو عصام (فشرت) خخخخخخخخ قسم اني خطيره اربط قصه بمسلسل بس من جد بارت مخيف +18 مرعب والله والعدلين ماجبتي طاريهم نصور وراكان المفروض خففتي الموقف علينا ماتسوى علينا صكتنا خرعه من درى فارس,,وتروعت اكثر من كف مشعل ولا بعد طاحت لطوووف يالله الخيره والله يلعن الشيطان هذا بارت الشيطان واللي يطيعه يعطيك العافيه نفوووسه بس طلب اخير نبي بارت واحد بكل اسبوع برمضان مايمنع :) |
زيزتى انفاس قطر كل عام وانتى بالف خير ورمضان كريم عليكى وعلى هذا الجمع الرائع من القراء ...... وشكرا كثيرا لاخت انفاس على نقلها للبارتات اللى فاتت وتسلم ايديها .......... تسلم ايديكى يواانفاس على البارت الرائع .......... ونبدا.. المراه تستطيع ان توصل الرجل فى بعض الاحيان الى ان يضربها وما اقصاها على روحها وفى الاحداث دفعت لطيفه مشعل الى ان يقوم بضربها وهنا التمس العذر لمشعل اما بالنسبه ليوسف وفارس فالوضع مختلف قليلا ففارس بالغ فى رد الفعل كثيرا اما يوسف فثورته ممكنه ولكن رد فعله قاسى على باكينام بكل ما تحمله القسوه من معان... فارس جئت للعنود تعاقبها على ما فعلت وجدت امراه خائفه مرتعشه ترجو منك السماح والغفران لم تتجادل معك اعترفت بخطئها امامك وكل هذا لم يخمد ثورتك كنت فى لحظه سيد الموقف وكان يمكن ان تمتد هذه اللحظات بنوع اخر من التعذيب وهو التجاهل والهجر لكن ضربها زاد التعقيد ...هل العنود ستتناسى هذا الالم بحكم كونها اخطئت وتستحق العقاب ام سيكون لها راى اخر يقلب مسار حياتها لتعيش لوعه واسى الهجران بمعناه الكامل ... يوسف اكيد كل المشاعر اللى انتابته من لحظه اجباره باكى على الزواج منه وكل ما مر به من احداث كبيره وغير معقوله وصراعات نفسيه المت به وكما قلتى اعتقاده ان باكينام اتخذت وسيله لتعذيبه بل نجحت فى ذللك ....وايضا شعور اقسى بااحتقار الذات لانه اجبرها على الزواج منه ...... واحساسه انها لا تحبه كل هذه المشاعر كانت تثور فى قلبه كحمم بركان الى ان ثار البركان و النتيجه اهانه باكى وبااسلوب قاتل للروح وهو صفعته لباكى ومعرفته بخسارته الاكيده لها ... علاقه هذين الاثنين تحتاج للصراحه الصراحه من بدايه لقاؤهما ولكن هل العرور والكبرياء سيكونان عائقان هذه المره ايضا لتبدا رحله هجران من نوع اخر بطلاها غرور وكبرياء..... مشعل اممممممم لطيفه غلطانه من الاساس بدات الامر بحكمه من جانبها وانهته بتهور واهانه كبيره طعنت بها غرور ورجوله وكبرياء مشعل فى الصميم ........... فى البدايه لطيفه تحدثت بصوت الحكمه ولكن فى الاخر بصوت امراه تخاف على مملكتها نسيت عقلها ورفضت مبررات مشعل .........اما مشعل فالرجل اوضح لها ادراكه محاولات فاتن واستطاعته صدها واعلن انها لا تعنى له اكثر من مجرد رجل اعمال ولن نغفل له انها احب ان يتركها تهدا فااهانته فاابتعد عنها فطعنت رجولته وكبريائه وكانت الصفعه ...............ان شاء الله لطييفه هتكون بخير جسمانيا ولكن نفسيا سيكون صعب جدا ... على لطيفه التفكير بجديه تجاه الموضوع فغيرتها ليس لها داع ولكن هل سيكون وهم الغيره سبب فى بدايه هجران تكون هى سببا رئيسيا له ...........خايفه لا يكون حد من اطفالهم شافوهم فعلا وهما فى هذه الحاله ..... راكان اعترف انى كنت من اول من كان يؤيد ان يبدا حياته مع امراه اخرى ولكن الواحد يقول اللى عليه اسلوبك و حبكه الروايه خلتنى اقول انها الوحيده المناسبه ليه لتجبير جروحه وانه الاسطوره يستطيع ان يدوايها هى الاخرى ................ رغم انكاراتك فى البدايه انها ذكرى ماتت فى القلب ولن تعود الا انها عادت بقوه تعلن عن استمرار وجودها فى حياته رغم عن انكاراته واظن ان موضى ستعرف بالحب الكبير الذى يكنه راكان لها لينفجر حب خفى بين اضلعها له هتكون قنبله ياانفاس لما تعرف موضى انها ملهمته وانه اسيرها من زمن ماذاستكون رد فعلها يمكن عندى اعتقاد انها هتعرف من خلال ديوان الشعر .....صدمه موجعه قاتله جميله عذبه متشوقه منذ الان لهذا الثنائى المختلف .............علاقتهم تعجبنى علاقه الصداقه الجميله شعور انهم بيكملوا بعض كما وعدتينا موضى وراكان رونق اخر ..... ناصر مازال الى الان مجروح ومطعون من مشاعل ياريت بقدروا يصفوا وتكون مفاجئه وجود مشاعل وعدم تركه تؤثر عليه والا ستخرج موجه الغضب والجرح منه ليخسر كل محاولاته السابقه الناجحه معها .. سعد انسان كبقيهالبشر يفكر ويخاف على مستقبل اطفاله مع زوجه ضريره خصوصا بعد موقف ابنه واستغلاله السيىء للانترنت كيف ستراقبهم وتتعامل معهم وكانت مريم فطنه لتحذره للمره الاخيره بل وتحله من وعده ......ولكن الواقع انها كانت خير عون فى تربيه العنود ........ فااتمنى ان ارى تعامل مريم مع الطفلين واحتوائها لمشاكلهم وانا متاكده ان مريم وذكائها تستطيع ان تربيهم بطريقه جيده... مستنيه البارت الجديد وكلى شوق لتكمله القفلات الموجعه لهذا البارت .........وادعو من الله ان يرزقك بالذريه الصالحه ليكونوا خير عونا لكى ...............سلامى وتحياتى لكى ......... |
| الساعة الآن 08:53 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية