المشاركة الأصلية كتبت بواسطة شمسة (المشاركة 2091106)

السلام عليكم
كان في قصتين قريتهم ع المنتدي ده
من 6 شهور تقريبا
بس المشكلة لا فاكرة اسمهم ولا اسم المؤلف
أصلا ممكن يكونوا لمؤلفين مختلفين

دورت عليهم كتير وبقيت أقتح كل المواضيع عندكم وأقرأ الملخصات لما بجد تعبت
وضيعت وقت كتير
فقررت إني أكتب عنهم واللي تعرفهم منكم تقوللي عليهم

أول واحدة كانت قديمة هي في زمن النبلاء وكده
كانت البنت الوحيدة لأحد الأغنياء
اتخطفت وهي صغيرة عشان كده بقت بتخاف جدا لحد غريب يقرب جنبها
لما كبرت اتخطفت تاني بس في واحد لحق بسرعة أنقذها
فباباها قرر إنه يخطب لها الراجل ده لأنه أكيد مش هتبقى بتخاف منه زي الناس التانية
هو مكنش راضي يتجوزها بس الأب ضغط عليه أدبيا بأنه كان عمل جميل مع أبوه فلازم الابن يرد الجميل للراجل بإنه يتجوز بنته
وتقريبا الأب كان حد سممه عشان ياخد فلوسه خصوصا إن معندوش غير بنت وصغيرة ومش متجوزة
فالابن اتجوزها بقى
وكان تقريبا عنده أخ مستهتر وبيتخانقوا مع بعض

ده اللي أنا فكراه

التانية برضه في نفس الزمن القديم
كانت البنت الوحيدة لراجل مقامر
وكان تقريبا عنده تحدي مع حد بالسيف
الحد ده شاطر في المبارزة
فالبنت خافت على أبوها فراحت اتفقت مع الراجل انه يسيب باباها في مقابل انها ............... :iU804754:
بس طبعا قالتله ميقلش لحد عن الاتفاق ده
هو وافق
بعد كده عدي 5 سنين تقريبا
كانت هي خلفت بنت
وهو رجع اكتشف انها خلفت وإن باباها اتشل
وطبعا محدش اتجوزها لأن سمعتها بقت وحشة
وهي كانت كتبت له إن عندهبنت بس هو رد عليها هزأها تقريبا
بس طلع الحقيقة إنه معرفش وواحد صاحبه اللي رد عليها
عشان يبعده عنها لأنه لاحظ إنه بدأ يسرح ويسيب شغله من كتر تفكيره بيها
وطلع في ناس خطفوه في سفينة قراصنة
ولما رجع أخدها والبنت
واتجوزها
وتقريبا كان ليه زوجة أب وأخ غير شقيق
وكانت زوجة الأب بتكرهه وبتحرض الابن عليه
بس في الأخر البنت ده خلتهم يتصالحو
وتقريبا حصل إن ناس كان ليهم فلوس عند أبو البنت فطالبوها بيهم فراحت تشتغل وتغزل عشان تبيعهم وتسدد الفلوس
هو لما عرف اتخانق معاهم ودفع الفلوس
وبعدين في ناس خطفو الطفلة
فالبنت قالت لجوزها ورجعها وصاحب الزوج اتقتل وهو بيدافع عنهم
والأخ برضه كان واقف معاهم
وتقريبا طلع قصة الخطف ده مدبرة من زوجة الأب

مش عارفة فهمتو حاجة وإلا أنا لخبطت القصص في بعض
حاولو تلاقوهم
انتو ماشاء الله خبراء
:f63:

شكرا مقدما