منتديات ليلاس - (رواية) أريد منك أكثر مما أريد

منتديات ليلاس (https://www.liilas.com/vb3/)

- - (رواية) أريد منك أكثر مما أريد (https://www.liilas.com/vb3/t175256.html)

رد: أريد منك أكثر مما أريد

كريستال! مجرمة أنتِ بجد
فرحت انك ماختمتِ الرواية أمس، وتضايقت لأني متحمسة على الكت
اللي كالعادة يجي بأوقات قوية! :|
- الغيد، ايييييه يا الغيد مايوسع صدري غيرها خصوصًا لا قالت عن لافي "هالخايب"
عجبني التقدم اللي فيها، أنها سمعت من الناس وتعبت بمافيه الكفاية وجاء الوقت اللي تسد أذنها وتتبع قلبها.
أتمنى بسرعة أشوف تأثير المعهد عليها وكيف بيكون شكلها بعد التطور هههه
بس فعلاً لافي يجيب الغلقه، عطها وجه شوي لا تخليها تندم انها جت عشانك انت :/
بس تراهم ثنائي جمييل جدًا "( هالله هالله فيهم ()
إيه وفيه شي بخاطري يختي ودي لافي يشوف الغيد بكامل اناقتها! دايم حوسة وعفسة هالبنت!
وأعتقد أنها بترضا بإسم الغيد وبتحبه ()
- العذوب، ياقلبيه على هالبنت وش سوت الدنيا بها، ما أمداها تفرح برجع نظرها هالضعيفة إلا وجت هالمشاكل :|
فرحت برجعة سعود عشان قلب أمه وأبوه المنفطر عليه. بس انه يرجع بعد ماحبيت سالم مع العذوب! كذا مايصير :(
شعور سالم هالحين يوجع حيل حيل.. بين فرحته برجعة أخوه الميت، وبين فرقاه مع زوجته اللي هي مرة أخوه!
وبما أن سعود تذكر امه وابوه ولافي أكيد هذي اشارة ان ذاكرته بترجع ولو على بطيء، وصعبة جدًا إذا اكتشف ان زوجته صارت لأخوه!
يختي السالفة توجع القلب، لا تخلين سعود ترجع ذاكرته وخلاص :(
- عمر، ياهالرجال تأذى بحياته واجد، مدري كيف قلبه تحمل :| ويجي لافي يزيد عليه! طيب ياخي ارسل شي وضح له انك تمثل عليه،
ماتخليه يعيش أيام صعبة بسبتك! وأخر موقف له، ماراح أتوقع وش بيصير! وش يجي بالله بعد هالإبرة اللي حسيتها غرزت بيدي! :(
ما اقول غير الله يجعل العواقب سليمة.
بالنسبة لسارة* يختي بدأ قلبي يلين ناحيتها، ترا مب زين كذا فترة الحمل وهالرجال حاطها ورا ظهره :/
الحين المسيكينه بتنجلط بعد ماتدري وش صار فيه.
- مرايم، تحملت بما فيه الكفايه والله، صبرت قد ماتقدر لين خلاص! وماتنلام
عساك تجبرين بخاطرها وتدبرين حل لهالطلال يعتدل فيه :/

حسيت هرجي واجد؟ بس والله فرغت اللي في قلبي فيه.
منتظرينك يوم الأحد ()

رد: أريد منك أكثر مما أريد

السلام عليكم ورحمة الله بركاته ..

مساء الورد على الجميع .. ناوين علي يابنات في هالردود وهالوداعيات ..

أقرى وأنا العبره خانقتني .. صح أنجزت شي كبير في هالروايه وحققت طموحي في أني

أوصل للبارت الأخير وأنهي هالمشوار رغم الظروف ..

وأكون قد ثقتكم في تواجدي بينكم لكن فرقاكم شي موجع لي .. أكبر من أني بوصفه ..

سنتين مشوار للروايه .. أدمنت فيها تحمل مسؤليتكم ومسؤليه هالروايه .. وردودكم .. تواصلكم

شي صعب جدا جدا ..

الله لايحرمني منكم
ويسعدلي قلوبكم الرايقه على هالردود ولو أن بعضكم توقع أن البارت النهائي يوم

الخميس لكن لظروفي أجلته ..

أولها البارت السابق .. ثلاث أيام وأنا أعدل فيها وأحذف رغم أن الوقت مايساعدني ..

ثانيا : البارت الأخير بيتطلب تواجدي في كل المنتدى ألي تكفلت فيه بالتنزيل ولاكانت

حلوة لكم أو لي أغيب عن البارت النهائي .. يلا بالعافيه نزلته في منتدى واحد وطلبت مساعده

سارونه تنزله لكم في الثاني ..

للحين .. مالقيت الوقت ألي أضمن فيه تواجدي .. سفر وتعب ونجهيز أسئله للطالبات للفترة الثانيه ورصد الدرجات

ومسؤليات الله وحده أعلم فيها ..

أنتظروني أدخل وأحدد موعد بنفس اليوم ألي أكون واثقه فيه بتواجدي ..

كريستالتكم

رد: أريد منك أكثر مما أريد

يعني ماننتظرك الأحد ياجميلة؟ :|

رد: أريد منك أكثر مما أريد

منتظرينك اختي باي وقت

رد: أريد منك أكثر مما أريد

الله يكون بعونك ويقويك وبانتظارك