|
رد: الحظوظ العاثرة بقلمي / ضمني بين الاهداب
السلام عليكم ورحمه الله وبركاته .
مجموعة من الأخوات يتوقعن أن البدر بيعارض غتار في حال طلب الزواج من الفخر وأنا اخالف الرأي هذا بالعكس بيفرح لأنه سعى لإرضاء أخوه عقاب بطلاقة للعنود ولكن الأمر تم على ما هو عليه ، رفضه بيكون في حال تأكد أن زواج غتار بالفخر هدفه الانتقام من عمه في بنته وهي الغالية على قلب أبوها، عندها بيعارض هذا الزواج ولكن ما بيقدر لانه وعده بتزويجه بمن يريد . ورد شخصية عجيبة نادرة في هالزمن عندها قدرة تحمل رهيبة وحسن تصرف وبروود تجعل من غيام في حالة صدمة من تعاملها معاه ومع الوقت بتجذبه قوة شخصيتها وبيعرف أن وهج اعجاب مراهقة وليس بحب (( مشاكل أخوات ورد ومحاولتها مساعدتهن كان لها فائدة تعلمت منها حسن التصرف في أول مشكلة في حياتها الزوجية )) . وشكراً |
رد: الحظوظ العاثرة بقلمي / ضمني بين الاهداب
.
وأخييييييرا قريت البارتين بصراحة اندمجت مرة معاهم ومالقيت نفسي غير بالقفلة:( .. ورد ياشيخة كفوووو يابنت حبيتك بالمرة وأبد خذي راحتك وجنني هالغيام<<فيس مستانس عليه ههههه فارس ياخي خلااااااص هي غلطت بس أنت زودتها! ياهوه الماضي راح والناس تغيرت خلاص! بعدين احمد ربك إن عهد كانت هي الدافع لك بالتغيير ولا كان ضليت دب على حالك! غتار ماتوقعت بصراحة إنه بيطيح كذا! بس كويس لحق ولا خسر الخسارة الكبيرة! يلا نشوف شو راح يسوي بعمه! والقفلة الأليمة بينهم بآخر البارت. بعدين تعال ي غتار الحين من جده ذا يتكلم؟! أجل يبي يتزوج سمية أمه ولقاها بسوق تبيع مع أمها وفجأة من الباب للطاقة تبيها! ياهوووووه ارحمنا بأه والله بديت تخربط ياخي!هههههه نوره وحاكم ودي يندمجون أكثر وخلاص يكسروا كل الحواجز اللي بينهم! نورة ذكية ذكية وقدرت تجذب عمتها عبير لها بتعاملها ولطافتها حبيتها من قلب من كمان! العقل عندي افتر هههه .. أم اليزيد الله يعطيك العافية وبإنتظارك السبت الجاي بكل شوق :) |
رد: الحظوظ العاثرة بقلمي / ضمني بين الاهداب
ايه صح نسيت ارحب بحنوووو
اسفرت وانورت واستهلت وامطرت الله يحييك فرحت بشوفتك والله والله يجزاء ام اليزيد خير الي جمعتنا بحبايبنا.. ❤❤❤❤❤ |
رد: الحظوظ العاثرة بقلمي / ضمني بين الاهداب
البندر يعارض غتار ؟؟
ابد الساعه المباركه لا جا غتار و قال لابيه ابا بنت عمي خصوصا انه للحين ضلعه مكسور بسبة عقيبان بس ضمضم الله يهداها ما تبا فخر لغتار يا وييل قلبي ويلااااه كانها صدق بتخلي رياش الخقاق ابو كرش ياخذ التوته الكتكوته فخر يختي ما بلعته ..ما جرعته ما جاز لي ابد ذا الرياش خل يولي اهو و خقته مالت ثم مالت الفقره حقت السناب اذا صدق هذا غتار لبي قلبه و عيونه .. معناها بيروح المستشفى يزور احد و يلمح بنية عمه اقول ضمضم .. الحين غتار ما يقدر يحير على رياش ؟؟ و لا عقيبان اهو بيكون راس البلا و سوسته من الحين احاتي قفلة السبت كانها بتكون ردة غتار في خطبته لفخر |
رد: الحظوظ العاثرة بقلمي / ضمني بين الاهداب
يسعد صباحكـم جميع (:
وأخيرا خلصت البارتات الاربعه ووصلت لكـم ، وأنا أقرأهـا حسيت بشـوق لثرثره بشكـل والله على أيام الثرثره ان شالله تنعاد بالحظوظ :P ونقول بسم الله نفتتح تحليل الشخصيات : ... واولهـم غتار تصدقيـن ذكرني بحاتم " :lol: " جد والله حيــل يشبه لـه بس الفرق غتار غامض حيـل ومايندرى وش يخبي لنـا مع الايام وعلى الطاري للحيـن قلبي مو متطمن لهالحادث أحس لـه تأثيـر باحداث الروايه ، والله العالم فيـه سر بحياة غتار من قبل الحادث ،قريت انه فقـد الذاكره ،طيب شلون تذكر هلـه!! معقوله رجعت له الذاكره بشكل كلي ولا باقي فيه اشياء ناسيها !! ولو اني مااتوقع انه فاقد الذاكره للحين.... بس ينخاف منـه هالغتار غموضه ينرفزني احاول امسك عليه شي بس مو قادره حتى بسالفة الخطبه الغريبـه واللي اتوقع انها وهميـه منـه عشان ياخذ الوعد من ابوه مايرفض اذا طلب منه يروح معاه يخطب فخـر ... عاد شلون بيأخذ فخـر !! اكيـد عمـه لما يقابله بيندهش من ذكائه وخبثه وبيحاول يستدرجه لصفـه واول شي يخطر بباله يزوجه بنته عشان يكون قدام عينـه ويظن انه كذا يكسر اخـوه، وبالنسبـه لعقاب وبندر .. محـد كاسر خاطري كثر العنود اللي ظلمها بندر بطلاقه لها بعد سنه ونص مدري شلون اتخذ قرار مثل هذا وش ذنبها يعني مافكر ببنته ، واللي للحيـن ماوضحت لنـا شخصيتها وانا كتحليل بسيط اتوقـع بتكون فرفوشـه عكس فخـر وللحيـن هالثنتيـن ماتعمقنا فيهم ننتظرك ام اليزيـد حيلــك فيهـم " :lol: " ولو اني اتوقع بالجاي ظهور شخصيـه رجاليـه مخصوص للمهر بنيتنا واي بعد انتظـر ظهور العنـود كاسره خاطري حيــل بعد سواة بندر نجـي لغـيام ...من الحيـن اقولك مستحيل غيام ينسى وهج والاكيد وهج مستحيل تتنازل عنه لورد وبتقوم حرب داحس والغبرا بينهم وبين ورد واللي بالنهايه بتنتصر هي بذكائها وصبرها واحساسي يقول غتار بيوقف مع ورد وبيسنعون هالاثنين ..."وحنا معاها قلباً وقالباً:dancingmonkeyff8: ريااااش .... حبـيتـه صراحـه وحبيـت ظهوره المرح بس ياليــت مايخيب ظنوني فيـه ويقلـب على حقيقتـه بالنهايه وبيني وبينك عتبانه عليه حبتين بدال مايصلح بين الاخوان اشوفـه يحرض عقاب ويذكره دوم بسبب القطاعه وهذا شي يخوفني واللهـي :confused: تذكرت ولد ابو رياش مو مدير فخـر بالمستشفى !! ياخوفي يكون اقشر ويحط عينـه عليها ، ويطب عليهم غتار بالمستشفى ويشوفها معاه ويفهم غلط .... اقتباس:
حبيـت الاسم عشان كذا وقفت عنده وكذا تمنيت لو تكون فعلا لها ظهور وتكون الساعد الايمن لورد بحربها مع وهج او تخيلوا تكون النيزك الثاني لغتار " امزح لحد يركز :peace:" اخيراً تسلـم هالانامـل والله يعطيك العافيه ... بأنتظارك دوم |
| الساعة الآن 11:25 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية