|
عسولتي لافين سوري قلبووو عرفت ان القصه واقعيه لاني لي فتره مادخلت بما انه مافي بارتات جديده فنسيت تعليقك الي بعد اخر بارت نزلتيه ^^ |
جزاك الله خير لافين
وينك طولتى م مانزلتى بارت جديد لنا فتره طويله ننتظرك عاد لا تطولين علينا |
عسى المانع خير طولتي كثيييييييير غاليتنا لافين
ننتظرك بشوق |
أهئ أهئ أهئ أهئ أهئ ليش هذا الحظ اغلب الروايات ماتتكمل بس ابفقد الأمل وننتظر |
لتأخر الكاتبة اكمل بقية البارتات الموجودة ***************** *الجـــــــــــــزء السادس عشر* تعال .. }~ محتاج قربك لاتضيعني خذني من الصمت والحرمان والضيقه..... محتاج لك حيل قرب يا..{نظر عيني} الصبر عنك حبيب الروح ماطيقه جيتك و حزن البشر ودموعهم فيني مثل الذي بالصحاري ناشف ريقه *ريــــــــــــــــــم* جيت من بيت سوسن تعبانه ومني قادره افتح عيني غيرت ملابسي ولبست بجامتي فتحت التكيف وقفلت انوار الغرفه حطيت جوالي صامت احس جسمي هلكان وتعبانه لابعد حد وفيا رغبه للنوم مجرد ماحطيت راسي على المخده اتعاد شريط نواف قدامي من معرفتي فيه بالمنتدي للمسنجر لين كلمني تلفون تذكرت كل شي وبدون ماحس لقيت دموعي تنزل لاب توبي من يوم تركت نواف ماقدرت افتحه مابغى اتذكر مابغى اضعف انا اخذت قرار ولازم اكون قده يااااارب صبرني حسيت ان مني قادره نام او بمعني اصح النوم طار من عيني جلست استغفر وقمت اتوضيت وصليت لي ركعتين عسى ربي يريحني فيها ************************* ***** نجـــــــــــــــود وهي لافه جهة الي يسوق: بسم الله مين انت فهد اول مافتحت نجود الباب طارت عيونه: انتي الي طابه بسيارتي مين انتي .... نجود وعيونها طااااايره: هذاااااااااااااا انـــــــــــت فهد عيونه طارت اكثر نجود بصوت عالي: ياويلي وربي احسبك سعود ركبت وانا احسبها سياره سعود فهــــــــــد مو فاهم السالفه بس طالع باسياره الي وقفت قدامه واشر: هذا اخوك نجــــــود وهي تطالع قدامها وبدت تضرب نفسها كفوف بيدها: ياويل حالي رحت وطيب لالا بنقبرلالا بنضرب هذا سعود ياويلي ايش اقوله لو شافني نازله من سيارتك ياويلي بمووووووووت لالا بنقتل لالا بنجلط ياويلي ياويلي فهـد حس ان البنت متورطه اخوها صعب يفهم انها ركبت بالغلط وبنفس الوقت البنت بجد كانت غلطانه بس بقوة مرجوجه فهد: خلاااااااص اصبري بلف وانزلك من الباب الي ورى وادخلي البيت مرة ثانيه ويصير تطلعي من الباب الرئيسي عادي نجود وجوالها يدق: يويويو هذا سعود يدق بسرعه الله يخليك فهد: هدى شوي ردي عليه قولي له انك الحين طالعه نجود وهي ترتجف: الوووو سعود: وينك ياهانم ماقلت لك انا برا نجود: طيب طيب الحين بطلع سعود: بسرعه نجود: طيب خلاص فهــــــد والضحكه فيه: منتي ملاحظه انك في كل مكان طالعه لي واخر شي طامره بسيارتي نجود وهي معصبه وترجف: وانا بكيفي طمرت بعدين انا جايه بيت صحبتي شدراني انه بيتكم فهـــــــــــد: اقول انتي شسمك نجود: نزلني وانت ساكت ترى عطيتك وجه زايد واشوفك طيحت الميانه يالخو فهـــــــــد: عجيب والله فوق معروفي لك تردي كذا نجــــــود: يويوو خلاص شكرا بس نزلني بسرعه الله يخليك فهـــــــد: خلاص يالله انزلي الحين بفتح لك الباب حق الحوش نزلت نجود وفتح لها الباب فهد دخلت الحوش وطلعت من الباب الرئيسي سعــــــــود: وجع كل هذا عشان تطلعين نجود وهي مرتبكه: ها لا بس امها نزلت تسلم علينا وعاد فشله الحرمه تسلم وانا اطلع بسرعه لازم اسولف شوي سعــــود: بعد تجاملين على حسابي نجــــود: خلاص سعود اخر مرة بس تكفي حرك امي خلقه معصبه على تاخيري فــــــــهد: انتي مين ماعصب منك اليوم نجـــــــــود لاتعليق ************************* ******* في العيـــــــاد وبعد جلسه العلاج الدكتور: اخت شجون اتفضلي معايا على المكتب ابغاكي شجون وهي تصلح غطوتها اوكي جايه راحت شجون ورى الدكتور دقت الباب ودخلت الدكتور وهو يطالع بالاشعه : اتفضلي اخت شجون اجلسي جلست شجون على احد الكراسي الي قدام المكتب الدكتور: اخت شجون انتي عارفه انو معاكي سرطان بالرئه ومنتشر بشكل كبير نتيجه التدخين المستمر شجون وهي ترجف: ايوة الدكتور: انا امس طلبت منك تسوي لي تحاليل واشعه بشوف مدى انتشار الخلايا بالرئه شجون وعيونها مليانه دموع وقلبها يدق خوف هيا كانت عارفه ان ايامها الباقيه قليله صحيح الاعمار بيد الله بس هذا المعروف والواقع الدكتور: اخت شجون انتي مؤمنه بقضاء الله وقدره والله قال اسعي ياعبدي وانا اسعى معاك ومن صور الاشعه واضح انتشار الخلايا بشكل كبير من ما اثر على عمليه التنفس عندك انتي بالفتره تشتكي من ضيق بتنفس ومع صعوبه فيه شجون : صحيح الدكتور: انا مطر في هذي الحاله ابدى معاكي كورس الكيماوي وابغى منك نفسيه قويه لان النفسيه بتساعدنا كثيرعلى العلاج والاهم ماتياسي من رحمه ربك انا ابغى منك من بكره تجي وانتي مرتاحه ومو خايفه ونفسيتك حديد هذا زي ماقلت لك بيساعدنا كثيررر شجون: ان شاءالله دكتور كانت عارفه انها راح توصل لهامرحله ومستعده نفسيا بس صدمتها غير لما تحس انه صار واقع وحقيقه لازم تتقبله ************************* ******* فيـــــــــــصل صحيت من النوم حسيت جسمي طايح مدري ليش راسي لقيته حار وبمووت برد احس عضامي مكسره شكلي مسخن اخذت جوالي بتصل على ريم تجيب لي ليمون وبندول اتصلت كذا مرة ماردت شكلها نايمه يالله مافيا حيل اقوم بمعني اصح مني قادر اتحرك من مكاني قمت من سريري ورحت جهة الدولاب طلعت لي بطانيه متينه حطيتها عليا ورجعت نمت ************************* ***** سوسن الساعه 8 الصباح صحيت حسيت اني بقوة نشيطه صحيح مانمت غير ساعتين بس احساس ان الليله زواجك هذا بحد ذاته يطير ابو النوم كله قمت احوس وامشي بالبيت يالله بودع البيت واهلي الي عشت معاهم كل سنين عمري اليوم بنتقل لبيت زوجي بروح لبيت ثاني هذاك هو بيتي الحقيقي هذاك هو كل دنيتي ياااالله شعور مابغى اتخيله نزلت المطبخ سويت لي كافي وطلعت الحوش جلست امشي عند المسبح حسيت بمشاعر مختلطه داخلي فرح على حزن على كل شي جاتني رغبه اني اهون خلاص مابغى ابغى اجلس هنا عند اهلي واخواتي اعوذ بالله من ابليس دخلت للصاله اخذت جوالي ودقيت على ريم مافي غيرها تطلعني من هالجو دقيت 4 مرات ماترد جلست ادق حلفت ادق الين ترد انا عروسه والمفروض كلهم يدلعوني ويسهروا على راحتي وبعد 7 دقات ريم: الوووووووووووووووو سوسو: فقعتي اذني ريم: خيررررر ايش عندك داقه المفروض الي زيك نايمه الحين سوسو: ريم ماجاني نوم وقلت مالي غيرك ريم: انا فيا ابووووووووو النوم تكفين دوري غيري سوسو : ريمووو يالله عاد اليوم زواجي ريم: عشان اليوم زواجك بناااااااااام سوسو تكفين دوري غيري طراخ السماعه بوجها سوسن: صدق ماااااااااااااااتستحي مالت عليك من صديقه اووووووووووووووف قفلت سوسو من ريم وهي طفشاااااااااانه بقوة طالعت بشباك الصاله لقت الشغاله صاحيه تنظف الحوش سوسو : بس لقيــــــــــــــــــــــ تها بررررررررررروح السووق الحين فتحت باب الحوش ياتي ياتي ياتي ياتي: يس سوسن ياتي: اتركي المكنسه الي بيدك واطلعي البسي عبايتك ياتي: فين روح دحين ساعه صوبح سوسن: ادري انه الصبح اطلعي البسي عبايتك بنروح السوق ياتي وعيونها طايره: انتا مجنون سوق دحين اليوم زواج انت كيف روح سوق روح نام احسن سوسن: قولي والله ادري ان اليوم زواجي وبصراحه ودي افل امها اخر يوم لي عزوبيه اه اه اه ابغى اخليه يوم اسطوري ياتي : انت مجنون سوسن: مجنونه صاحيه اطلعي بسرعه البسي بلاش قرقره زايده ************************* *** وهي مسويه نفسها نايمه لان الطياره بعد ماركبوا قالوا بيسوا لها صيانه عبير ركبنا الطياره وماكنت متوقعه الحجز درجه اولى اتونست بصراحه لانو درجه اولى اكشخ ومميزه يكفي فيها القهوة وحركات دلع خخخ بس كنت خايفه في كل مرة اركب فيها الطياره اكون جنب ياسر ولادانه واحس براحه وطمئنينه وانا ماسكه يدهم ومغمضه عيوني المره هذي ايش بسوي ياربي لالا بقوي قلبي واشد على نفسي خلاص عيب وموحلوة بحقي يشوف ضعفي ودموعي لاانا مابخاف كلها طياره وتطير وهذي مو اول مرة اركب فيها طياره بحط جوالي على وضعيت السفر واشغل من القران الي محمل بجوالي واكيد بطمن وخلاص جلست انا عند الشباك ومشعل على الطرف حطيت شنطتي الي كانت اكبر مني ومو مخليه شي مو حاطتها فيها عند رجلي وبدا الطيار يقول دعاء السفر استعداد للطياران يالله اروع مافي الخطوط السعوديه دعاء السفر ارتحت نفسيا وانا اردد دعاء السفر غمضت عيوني يوم حسيت الطياره بدت تمشي نسيت افتح جوالي حتى وشوي شوي ماقدرت اسيطر على نفسي قلبي صار يدق يدق يدق لاشعوريا مسكت يد مشعل وضغطت عليها بقوة وبقوة وبقوة ماصحيت الي و هو رافع حاجب وضحكه بارده وقال مطوله على هالحال ترى لو عليا مرتاح لاتشيلي همي طارت عيوني وبغيت ابكي فكيت يده بسرعه ولفيت وجهي على الشباك فتحت جوالي بسمع القران مابغى اسمع صوته يافشيلتي ياويلي ************************* ***************** ريم صحيت من النوم الساعه 12 ونص الظهر غسلت وجهي وتوضيت غيرت ملابسي وصليت فتحت جوالي تذكرت القلق سوسو ياربي هالبنت رجه حتى بيوم زواجها دقيت عليها مرتين ماردت قلت يمكن مشغوله دقيت على نجود ماردت دقيت على فيصل لاني شفت له مس كول كمان مارد رميت جوالي ونزلت تحت بجلس مع امي لقيت امي جالسه بالصاله وتتفرج تلفزيون اخذت لي مخده وانسدحت على الكنب جلست تحت الين الساعه 4 وطلعت غرفتي لقيت 7 مس كول 4 نجود و1 فوفو1 و2 سوسو ياليل البلشه دقيت على نجود الوووووووووووووووو نجود: هلا وينك ياهانم الف مرة داقه ريم: كنت تحت نجود: طيب تمريني ولا امرك عشان نروح الصالون ريم: لا انا بمرك اسمعي بشوف فوفو يمكن تجي معانا نجود: طيب لاتتاخري ترى سوسن صاجه راسي الى نروح الفندق بدري ريم: ياربي على هالمرج طيب خلاص يالله سلام نجود: سلامو ************************* ********* الساعه 10 الليل منـــــــــــــار لبست لبس عادي ماحطيت مكياج كثير زواجي بعد يومين وصعبه اكشخ حطيت قلوس ومسكره واخذت عبايتي مدري ايش الي خلاني اروح جهة الشباك وافتح الستاره طالعت باشارع انصدمت لااااااااااااااااااااا مستحيل مستحيل هو هو مستحيل اتوه عنه هذا فيـــــــــــــــــــــــ ــــــــــــــــــصل ايش يسوي قدام بيتنا ياويلي لو احد مر وشافه مجنون اكيد مجنون معقوله باقي يفكر فيني معقوله انا لسه بباله يااااااااااااااااااربي رحمتك قفلت الستاره مابغى افكر بالي شفته بمعنى اصح مابغى استرجع ذكرياتي وافتح الجروح على نفسي ونزلت تحت الصاله انتظر ريم تمرني وانا كل تفكيري مع فيصل ************************* ***** بدور: حررررررررركات خالي نواف بيخطب وبيصير معرس بدريه: أي والله حركات الكل تزوج ومابقى غيرنا بدور: لا ياعمري انا توني صغيره بعيش حياتي بدريه: وش صغيره حبيبتي الي بعمرنا عندهم عيال بدريه: وذا بعيش حياتي كيفي بدور:لاتعليق بدريه: الى صح بدور مين هيا سعيده الحظ الي قرر بسبتها خالي نواف يترك العزوبيه بدور: والله حسب الكلام الي سمعت جدتي تقوله لامي انها وحده من صديقات ساره بنت خالتي بدور: مين هيا نعرفها شفناها ؟ بدريه: بصراحه ماقالو اسمها والله قهر كان ودي اعرفها بدور: ومتى طيب الملكه والذي منه بدريه: هما باقي حتى ماخطبوا وكلموا اهل البنت عشان تقولي ملكه افرضي البنت رفضت يختي بدور:عشتوووو مين المجنونه الي يتقدم لها خالي وترفض جمال ومال ودمه خفيف ورزة وشخصيه بدريه: هي هي هي عشانه خالك قلتي كذا بدور: لا وربي بغض النظر عن انه خالي بس كل صديقاتي يحسدوني عليه حتى وحده منهم فكت الحيا وقالت لي يختي لمتى المح لك اخطبيني لخالك تراني خاقه عنده بدريه: ووووووووووجع صدق ماتستحي بدور: بقووة ماتستحي بدريه: اسكتي اسكتي امي جات مهــــــــــــــا شفيكم سكتوا يوم جيت بدور: ها يمه لالا بس انتهت السالفه بدريه: أي كان في فلم ونتناقش عليه عاد يوم جيتي انتهى مها: اها اشوي بدور بدور: هلا يمه هاتي لي التلفون بدق على امي بدور: ان شاءالله راحت بدور تجيب التلفون لامها اخذت التلفون مها ودقت على امها مها: شخبارك يمه وكيف صحتك وابويا كيفه ام عبدالعزيز: والله بخير طيبين الحمدلله مها: وشخبار المعرس ام عبدالعزيز:والله هذا هو ماغير شغل وعنا مها: بكرة يتزوج ويعيش حياته ام عبدالعزيز: الله يسمع منك مها: الي يمه شصار على خطبته ها كلمتي اهل البنت ولا باقي ام عبدالعزيز: لا والله مادقيت علي خالتك اخذ الرقم مها: يمه ايش فيكي متمهله بالموضوع هذا وانتي اكثر وحده طايره على نواف الي يتزوج ام عبدالعزيز : وانتي الصادقه يمها الحين بقفل منك وادق على خالتك وان شاءالله خير م مها: طيب يمه وعلميني ايش يصير ام عبدالعزيز: طيب خلاص مها: يالله فمان الله ام عبدالعزيز: فمان الكريم بدور اذنها عند امها تبغى تعرف مين هيا البنت وايش صار بالخطبه مها: بدووووور بدووووووووووور بدورررر بدور: ها يمه ايش في مها: من قال ها سمع اتركي رميت الاذن الي مالها سنع ورجعي التلفون مكانه بدور: ها طيب ************************* ******* منار: ريم وينكم ترى خللت وانا انتظركم ريم: ههههههه ياعمري عروسه مخلله خخخخخ منار: يو ريم مو وقت مزحك بجد وينكم ريم: تونا طالعين انا ونجود من الصالون بمر بيتنا البس وطيران جايتك منار: من جدك ريم الساعه 10 الحين وباقي مارحتي لبستي ريم: اطمني منار ترى الصالون ورى بيتنا يعني نص ساعه البس واخلص وتلاقيني عندكم بعدين الزواج ترى للفجر اطمني منار: ادري بس عشان تنبيه سوسن لنا ريم: ماعليك منها اسمعي بقفل الحين وصلت البيت منار: طيب لاتتاخري عليا ************************* ********* نـــــــــــــــواف طالعت بالساعه لقيتها 10 اووووووووف انتهي الدوام من اول وانا مو حاس بالوقت قفلت الاب توب اخذت مفاتيح سيارتي وجوالي وطلعت من الشركه اول ماركبت السياره فتحت الاف ام آه لو تدري حبيبي كيف ايامي بدونك تسرق العمر وتفوت الأمان وين الامان وأنا قلبي من رحلت ماعرف طعم الأمان وليه كل ما جيت أسأل هالمكان اسمع الماضي يقول ما هو بس انا حبيبي الأماكن كلها مشتاقة لك نواف: ااااااااااااااااااااااااا ااااااااااه ياريم ياريتك رحتي بصورة احلى من كذا ليش شوهتي صورتك فاااااااااااااااااقدك وربي الشي الوحيد الي حسيته حلو بحياتي انتي ااااااااااااه ياريم وينك استغفر الله البنت متزوجه الحين الله يستر عليها المفروض مافكر حتى فيها ************************* **** ام عبدالعزيز: يعني ماطلعت مخطوبه ولاشي ام فهد: أي يوخيتي ام عبدالعزيز: اجل على بركه الله اعطيني الرقم بدق عليهم بكرة ان شاءالله واشوف وعسى ربي يكتب الخير ام فهد : امين يارب نواف دخل البيت ام عبدالعزيز: سلمي على ابو فهد والعيال مع السلامه نواف جلس على الكنبه واخذ ريموت الريسيفر: تكلمي خالتي ام عبدالعزيز: أي يمه وترى بشرتي ان البنت مو مخطوبه ولا شي وتوها معطيتني رقم اهلها نواف بابتسامه بارده وهو يقلب بالقنوات: الله يقدم الي فيه الخير ام عبدالعزيز:نواف يمه ماتبي تعرف اسم ابنت عايلتها وش تدرس كم عمرها نواف: يمه انا تارك لك الموضوع كله ام عبدالعزيز : بس برضو يمه لازم تعرف نواف لف على امه وصار وجه مقابل لوجه امه: طيب يمه شسم البنت ومين اهلها وايش تدرس ام عبدالعزيز وهي مبتسمه: اسمها ريم نواف طارت عيونه طاح الريموت الي بيده ام عبدالعزيز: بسم الله الرحمن الرحيم شيله يمه من الارض نواف : أي أي طيب ام عبدالعزيز واهلها ال ـــــــــــــــــ نواف ياربي وشهالصدف هذي عايلت فيصل صديق عبدالعزيز ام عبدالعزيز: نواف شفيك انت تعرف اهلها نواف: أي يمه هذي من عايله فيصل صاحب عبدالعزيز الي كان يدرس معاه برا ام عبدالعزيز: أي والله صادق تصدق مانتبهت نواف: والله يمه ونعم الناس زين ماخترتي ام عبدالعزيز: الله يرضي عليك يمه نواف: طيب يمه انا مو قادر افتح عيني بروح انام حدي دايخ ام عبدالعزيز: طيب ماتبي تعرف الباقي نواف: بعدين يمه الحين بنام تصبحي على خير ام عبدالعزيز: وانت بالف خير يمه ************************* ********* في البلكونه وفي مكانها المعتاد في احد زواياها الي صارت متعوده تقضي اوقاتها فيه شجون وهي تبكي ااااااااااااه ياربي بكرة اول يوم بكورس الكيماوي كيف بيكون شكلي كيف بيصير حالي كيف بشوف صحباتي واقابلهم قامت من ارضيه البلكونه ودخلت غرفتها وقفت قدام مرايه التسريحه وصارت تتامل وجها الدكتور يضحك عليا ادري ان الكيماوي مالف فايده شعري بيطيح وحواجبي بتطيح الموت فيا فيا لو عشت اليوم مابعيش بكره اااااااااه ياربي رحمتك تذكرت ان اليوم زواج سوسن الي ماقدرت تحضره بسبب صحتها وتعبها الزايد غير ان بكرة اول يوم بالكيماوي ولازم تكون نايمه كويس ومو سهرانه جلست على الارض وصار ظهرها مسند على التسريحه غطت وجها بيدها وصارت تبكي ************************* **** انتهي ************************* ********** |
| الساعة الآن 07:07 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية