منتديات ليلاس - مذكرات عائلة الخواطر

منتديات ليلاس (https://www.liilas.com/vb3/)

- الارشيف (https://www.liilas.com/vb3/f183/)

- - مذكرات عائلة الخواطر (https://www.liilas.com/vb3/t137037.html)

اليوم الأربعاء الموافق 19\6\1431ه
باركووووووووووووووووووو لي ختمتت القرآن ماأصدق فرحاااااااااااانه إلا طايره من الفرح طبعا بعد تسعه سنين من تلاوة القرآن وحفظه أتممت حفظ القرآن الكريم كاملا .
يوم جمييييييييييييييييييييييييل
في الحصه الثانيه نادتني أبلة القرآن في المصلى رتبناه أنا وبنات ثاني ثنوي وبخرنا بالعوده لمن دق جرس الحصه الثالثه الأبله قالت لي أنادي بنتا ثالث ناديتهم وجو الأبلات والوكيله جلسنا قامت الأبله تسمع
لنا مقاطع من القرآن بعدين شغلت أخر صفحه من سورة البقره بعد ماخلص الشيخ خلتنا نحفظ الأيات بعدين بدأت تشرحها وهي تبكي ونحن نبكي معاها
الصراحه أجمل دموع في حياتي أذرفها بكيت بس كان للبكى طعم جميل لو أحاول أوصف ماأقدركل البنات يبكو وماأجمل بكاهم والأبلات كمان بعدين خلتني الأبله أقول دعاء ختم القرآن وجا دور صاحبتي تقولو أول مابدأت تبغى تدعي بكيت وبكيو معاها البنات بعدين سجدنا سجود شكر لله وبعد ماخلصنا وزعت علينا الأبله كتيبات عن القرآن وزعت علينا حلويات طلعنا الفصل وباركنا لبعض واتذكرنا إننا ماسلمنا على الأبله دخلنا كل صف ثالث غرفة المعلمات صح انو زحمه بس مافي مشكله سلمو البنات على الابله لمن جا دوري سلمت على راسها طبعا البنات أعتذرو للأبلات إذا فيوم غلطنا عليهم عاد لمن أتذكرت أنو معد حشوف أبلاتي الي تعودت عليهم وحبيتهم من أعماق قلبي بكيت وبكيو البنات >>>> يوم البكى العالمي.
المهم قررت المدرسه بأنو يوم الأحد الي بعد الجاي حيكون حفل تخرجنا أنشاالله أدعولي يوم السبت عندي أختبار تجويد نهائي

مبروووووووووووووووووووووووووك هيول على حفظ القران الكريم
هاي الاشياء التي يهنا بها الانسان اجمل تهناة ويستحق كل الاحتراموالتقدير على ذلك المجهود الذي يرضي اله عز وجل ويري كل مؤمن بالله
عقبالنا وعقبال خواك التانيين

البنات عندهم امتحانات وما بدي منكم ترفعوا اصاوتكم عاليا علشان ينجحوا ونجيب لهم هدايا
اشتقنا الى روح الامس والله
وايتي كيف حالك انشاء الله ما في مشاكل بينك وبين نودي لانكم شركاء في الغرفة
تحية الى كل بنات العيلة فردا فردا
اشتقت لاكلاتكم ههههههههههههه
اشوفكم على خير

الله يبارك في عمرك دودو وعقبالك أنت وكل خواتي
بخنم القرآن الكريم ولا يههمك أنشاالله لوجبت نسبه أعلى
من 99,33 حسويلك أي أكله تطلبها
اليوم يوم مؤلم متعب
الله يسلمكم أمس رجعت من بيت خالي متأخر يعني ع الساعه وحده في اليل
المهم كنت نايمه في السياره لمن وصلنا عند بيتنا شفت في الشارع صرصور صرت أنطنط وأنا خايفه المهم ماما وأخوي الصغير قعدو يتريقو عليه أنا كنت في وسط الدرج وأخويه الصغير في نهايته قام رمى عليه حجره أنا من النعاس شفتها صرصور من الخوف رميت الي في يدي وكان الي فيدي لابتوبي طاح من الدرج قمت جلست في محلي وصرت أبكي جاء أخويه الي أكبر مني سأل أشبها قامت تقوله ماما خافت من الصرصور رمت لابتوبها قام هو شال لابتوبي ومسكني من يدي وقومني قام يقولي أسكتي لاتصحي الناس دخلنا البيت أول مادخلت رحت عند أخويه الصغير وقاعده أضربه >>>> لا تخافو ضرب أبدا ماأعتقد أنو حسو لأني ماأقدر أضربه أحبه وماأرضى عليه.
المهم قلت له والله لو ينخرب لابتوبي تصلحه وعلى حسابك قام أخويه شغلو والحمد لله ماصار له ولاشي حتى شخطه ماصار بعدين قلي أنا أول مره في حياتي أشوفك تبكي وتبكي عشان صرصار >>>> طبعا الكل مايدري أني أبكي عشان اللاب توب.
قام أخويه قعد ينكت يبغا ني أضحك الين ماخلاني أضحك دخلت الغرفه قام أخويه الصغير دخل ورايه عاد أنا عصبت كم مره أقول له لايمزح معايه مزح بايخ طردتو من الغرفه مسكين حزنيتى أختي قالت له خلاص لاعاد تنام معانا لأنه يكركب الغرفه طبعا هو ينام عندنا لأنو أخويه الكبير له غرفه لحاله وأخويه الوسط مينام إلا آخر الليل وهو مايبغى ينام لحاله
المهم نام معانا في الأخير جيت أنسدحت أبغى أنام مني قادره ضرسي يوجعني أخذت مسكن مانفع رحت عند ماما حطت لي شي ماأعرف أيش برضو مانفع نعسانه ومني قادره أنام قرأت سورت الفاتحه سبع مرات برضو ماصار شي رجعت عند ماما حطت يدها على خدي أنسدحت على رجولها قامت هي تكبسني وتكبس أذني لأنها صارت توجعني بدأت أبغى أنام طبعا نومي أنا وأخواني خفيف جدا إلين مانمت راحت ماما شالت يدها قمت صحيت مفجوعه طبعا بابا يصحى آخر اليل سأل ماما أشبي قالت له المهم نمت في الغرفه الي جنب جناح ماما وبابا صحيت الفجر لقيت ماما وبابا صاحين صليت ورجعت غرفتنا الساعه عشره الصباح جاني بابا يقولي أنو أخذلي موعد بس مافي دكتوره مافي غير دكتور طبعا رفضت بس بعدين ما مقدرت انام وزاد الألم رحت عند بابا قلت له خلاص أحجز طلع من الأساس مالغى الحجز وكان ناوي يوديني غصب جا الموعد رحت مع أخويه عاد أنا مغطيه عيوني ماكشفت إلى فمي والدكتور يشتغل طبعا ضربني بنج إلين ماأذني تبنجت وسوالي أشعه وقالي عندي موعد بعد أسبوعين دخلت السياره طبعا صرت لدغه بسبب البنج قام أخويه يقولي أبغى لابتوبك قمت أقوله أيث تبغى تثوي به قام هو يضحك ويقولي ماأبغى أثويبو ثي بث بذلث عليه عاد أنا بلعت لساني وسكت مني ناقصه تعليقاته رجعت صليت ونمت وصحيت العصر راح البنج طلعت ماما صايمه سويت لها فطور عجبها وقعدت تدعيلي أحلى شي هو دعوات الأم مافي زيها وبس هذا الي صار اليوم وأنا ذحين بصلي وبنام وأشوفكم على خير

السلام عليكم
أختي هيول والله بارك الله فيك فرحتيني كثير وأنا كمان عندي صاحبتي ختمت القران عقبالي يارب .
كان اليوم حلو بقدر ماهو حلو كان متعب كمان التقينا بزميلاتنا من زمان ماشفناهم حكاويهم مرة تضحك اتسلينا وتذكرنا أيام الكلية والتقينا بممرضة اوزبكية مسلمة مرة تجنن شخصية حلوة كثير.
وبعدين روحنا أنا وصديقتي الى بيوتنا مرة هلكانة بس قلت بشقر على عيلتي الحلوة من زمان ما كلمتكم ان شااء الله اليوم أو بكرة بنزل موضوع جديد أتمنى تعطوني ردكم فيه رغم أن الموضوع الأخير شكلو ماعجبكم يلا مع السلامة.:dancingmonkeyff8:

آمين أنشاالله أسمع خبر تختيمك للقرآن في القريب العاجل

اليوم متعب إلى حد معين خالي من المشاعر

لله يسلمكم أنا الإنسانه الي مسويه نفسي محافضه على وزني اليوم ثالث يوم ماأكل طبعا عندي سدت نفس أبغى أكل بس أول ماأحط الأكل أشبع وأنا ماأكلت شي صح أنو أكلي ضعيف بس على الأقل أكل وجبه في اليوم أمس رحت الحمام أبغى أخذ شور فجئه حسي الدنيا تظلم عرفت أني بدوخ مسكت فشي قدامي أتثبت عليه حسيت أنو رجولي بتخونني صرت ماسكه الأرض وأنا أحس أنو الأرض تجذبني زياده رغم أني جالسه رفعت راسي لفوق احس الدنيا تدور قعدت وقت إلي أستعدت توازني المهم نمت وكنت حت اليوم الي بعده ماحطيت شي في بطني ودي أنحف رغم أنو الكل عجز مني وهو يقنعني أني مني دبه بس يمكن عشان أخويه الي أكبر مني يناديني بطتي أبغى أنحف وبما أني حطيت في راسي أنحف حنحف بإذن الله اليوم صحيت الساعه أربعه الفجر عشان الصلاه صارت تأذن بدري فكيت مادة التجويد علي أختبار نهائي طبعا الحمعه ماسويت ولاشي وعندت على ماما وأختي ماأمسك الكتاب ولاأذاكر فكيت أول صفحه لقيتها مومهمه ثاني وثالث ورابع صفحه إلين ماوصلت للأخير أكتشفت أنو الكتاب كله مالو لزمه أذاكره يعني كله حفظ وأنا ماحفظت خلاص مافي وقت أحفظ قفلت الكتاب شفت أنو باقي ربع ساعه على الآذان أتذكرت أنو ماما قالت لي أنو مريولي مهو مكوي أخذته من المجفف وكويته المهم ع أربع ونص أذن صليت وشلت أغراضي وأتجهزت وحيت أخوي الصغير مارضي يصحى عاد أنا من الفضاوه قاعده أستهبل على راسه أقرص خده لمن يقلب وجهو أقعد أشد شعره بهدوء إلين منزعج مني قام صلى بعدين رجع طلع الأخ ناوي على غياب طبعا أنا ماأحب أمشط شعري أخلي ماما عاد هي كل يوم تقلي انتي أيش كبرك ماتقدري تمشطي شعرك عاد أنا ألي أقول لها ياماما ياحبيبتي إذا مامشطيه أنتي والله لاأخلي صاحبتي تسويلي عاد ماما عندها ولا أحد يلمس شعري تخاف عليه لأنه يذكرها بشعرها على قولتها المهم رحت المدرسه بهدوئي بعد ماصافحت بنات الفصل جلست على الكرسي وحطيت راسي وريحت شويه الين ماتجي صاحبتي حسيت بالكرسي الي جنبي يتحرك أبتسمت لها وبدينا بالمشوار المدرسي الي ما يخلص أختبرنا واتدربنا على الحفل وكل شي وهذا هو روتيني الممل لكل يوم دراسي >>>>> لعلمكم تروني أعشق الدراسه ومهما قلت أنو طفش وملل لاتصدقوني حتى مللها أحبه
وذحين رايحه البحر مع بابا