يسعدلي يومك
مشكورة على البارت ,,,لاني قارئه جديده اتوقع صار وقت نزول البارت اذا مو غلطانه ,,السبت والاثنين والاربعاء صباحآ صح؟؟ ===================== تدرين اني بالرغم من روعة روايتك ,,وهذا مايختلف عليه اثنين الا ان اكثر شي عجبني فيها ,,,واقعية الشخصيات سبق وقلت ان من خلال شخصية مناير وكأنك تعرفين شخص من اللي حولك لكن اهتمامك الواضح انك تبينين لنا ان كل شخصية فيها سلبياتها وان قَلّت ,,, هذا انا جدآ جدآ احبه بالروايه ,,,يمكن لانه يحسسني بالنضوج وان في جميع الألوان بالحياة ويطلعنا من روايات الاطفال اللي كنا نشوفها او نقرئها ,,اما خير بحت او شر بحت . وللأسف يمكن اثر علينا ان صرنا نطالب بعالم مثالي خالي من العيوب واحنا نذبح انفسنا عشان نوصل للمثاليه ربي ماكتبها الا له سبحانه وتعالي . ==================================== عناد وملوك غيرته الشديده على ملوك هذي نتقبلها ونقول طبع فيه ,,,وهو واضح ان الغيره والحميه موجوده فيه بنسبه كبيره ,,,مب عشان زوجته ,,لالا حتى لو رجعنا لهواشته مع ريان ورواف كان سببها الاساسي غيرته وحميته من صعود رواف للطابق اللي فيه حريم البيت وكشفه لعورات اهله . لكــــــــــــــــن غيره تصحبها شك !!!! هنا نوقف شوي ونستغرب ,,,لكن ماتوافقيني الرأي ان شك عناد في ملوك انه خايف يكون جسار ثاني وخايف ملوك تكون سيوف؟؟,,,وكأنه ساعات يتخيل ملوك تتصرف مثل سيوف؟؟,,,,,طبعآ ماننسى ان غيرة عناد لو زادت ونتجت عنها جروح بيكون السبب الرئيسي يرجع لياسر !!!,,,,لانه قاعد يستخدم اساليب مو نظيفه وخفيه ماحد يلاحظها الا هو وعناد ,,,,,لكن الواضح ان مناير بتخليه يشرب من كاس الغثا اللي قاعد يسقيه لهم من خلال كلامها المبطن مع رهف . ===================== الظبي مممم بصراحه وبتستغربين من رأي لكن جدآ حبيتها جدآ معجبه فيها ,,,,مزيج شخصيتها يعجبني ,,انوثه طاغيه وقوة شخصية وذكاء اجتماعي حضور قوي سرعة بديهه وحنان كبير,,, بتقولين لي تصرفاتها فيها كثير من الشر ,,صح معك حق لكن من فينا بدون عيوب :) تصرفها عجبني اليوم مع رهف وكمان شدتها الحكيمه وهي توقف مناير عند خط احمر,,, مهما كانت نيتها والسبب الرئيسي للدفاع عن البراق لكن عالجت الموقف بتصرف حكيم . ضمضم صدقيني بتكون ند رائع جدآ لجسار ولاتنسي ان بتكون ام رائعه لبناته . ================================ رواف وشهد ياختي عجزت اتقبل هالرواف مثل عناد ,,,,لان شهد وضعها صعب مب مثل اي بنت لازم الشخص اللي بيعاشرها ويكون مسؤوول عنها يكون فيه كمية حنان غزيرة وبنفس الوقت طولة بال وايضآ قوة تحمل للمسؤولية,,,,لان حالات الصرع اللي تجيها بتخلي زوجها يكون بموقعين الاول زوج يغدق عليها بالحب والرحمه والموده,,,والموقع الثاني ام يحيطها بالرعايه والمراقبه اذا صارت لها نوبة الصرع , وتصرف صحيح واستيعاب اثناء النوبه,,,, هل رواف بتظل نظرته لها ماتتغير اذا جاتها الحالة وشافها شلون تتغير 180درجة؟؟ ذاك الوقت بنشوف اذا رأي عناد ونظرته فيه كانت صحيحه او ظالمة . ================================ انتظرك يوم الاثنين ان شاءالله ربي يوفقك ويسهل امرك |
مساء الخير ضمضم ,,, بااااارت اليوووم ,,, بارت رهف ,,, وافتقادها لعزوتها في هاليله المهمه لها ,,, الله يعينها ورحمتها من روااااف ,,,, قلبي مومتطمن له بتاتا ,,, أحس انه ممكن يحاول يتصرف معاها تصرفاااات شينه قبل الزواااااج ,,, وأتمنى يصير العكس ,,, البنت مريضه وتكسر الخاااطر ,,, حياة عناااد مع ملووووك رهن أمرين ,, وبين المطرقه والسندااان ,,, مطرقة سيوف وسندااان ياسر !!! الله يعينهم الاثنين ,,, اليوووم عجبتني الجده وترحيبها بملوك وضي على حد سواء ,,, وما فرقت بينهم ,,, وانشاء الله انو الجده بيكووون لها دور في حل مشكلة رياااان مع ابوه سطاااام ,,, اما مناير ,,, هذي مالها حل الصرااااحه ولسااانها يبي له قص ,, موكنتروووول وبس ؟؟؟ وهي اللي بتأزم الوضع بين ياسر ورهف ,,, جساااار ,,, انا لا زلت مصره انو هو اللي مطرز بخيوووط الذهب وهو اللي يناسب الظبي ,,, وفعلا المدخل أشااار وبكل وضوووح لجميع شخصيااات الروايه من عنااااد الى آخر شخصيه واللي كانت محور بارت اليوم وهي رهف ,, وحتى الفاصل (( لا ترتجي قطرة مطر من غيمه ضمياااانه )) وضح وبشكل كبير معاناة كل بطل مع اللي يحبه ملوك وضماها لمشاعر عناااد فلك ومبتاااال وغيرتها الشديده عليه ,, مع ان بتااال مو مقصر في المشاااعر معاها ,, بس بلاهم الغيره رهف و ياسر ,, والبدايه المؤلمه بعد كلام ,, مناير ,, الله يعطيج العافيه غلاي ,,, |
بارت حلو شكرا ضمضم
ياسر كاسر خاطري بجد وهو وحبه بعيد المنال بعد عناد رجل غيور والغيره حلو بس بحدود والشك مرض الله يعين الظبي مع اني مااهضمك كثير بس عجبني موقفكوكلمت الحق الي قلتيها فلك الله يكون بعونش والغيره اللي بتذبحش بس ليتش تعرفين اللي بقلبه |
اقتباس:
اقتباس:
اقتباس:
|
اقتباس:
. . ويسلم روحك يآ رقيقه.. اقتباس:
|
الساعة الآن 04:58 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية