يا مية اهلا وسهلا بكي اختي الياذة ، بصراحة انا معاكي اني السياسة والحياة اللى عايشين فيها مفيهاش اي تفائل ، بالنسبة للدكتور الرنتيسي الله يرحمه معرفهوش او مش فاكره بصراحة بس ممكن يكون سمعت عنه قبل كده بس حاليا مش فاكر .

والله يا اختي الياذة المشاهد دي مش في العراق وبس فيه اماكن فعلا مؤلمة غير العراق وفلسطين يمكن لان دول اكثرهم شهرة بسبب تصاعد الاحداث .

لكن فكرة الاستعمار والطغيان سواء كان خارجي او داخلي صعب ومتعب وبيفقد توازنا ومعيشتنا في الحياة ، يعني لو اتكلمنا على النقطة دي بالتحديد هنعد شهور بنحكي ومش هتخلص .

عارفة لو تقرأي مثلا ميثاق الامم المتحدة ولا النظام الاساسي لمحكمة العدل الدولية ولا الاتفاقيات والبروتوكلات ولا لا هتلاقي انه كله كلام هوا وفارغ واللى بيحصل كله العكس تقريبا .

يعني وصلت لدرجة اني شايف ان كل اللى بيحصل ده تزييف على كلام مزين بباقات واتفاقيات ما اليها اي اساس تطبق بس على الضعيف وتاركة القوي .......... والنهاية تكون البقاء للاقوى وليس للاصلح ولو قلتلك على امثال كتييير اوي منها الجدار العازل حتى الان اسرائيل بتزيد فيه رغم انه صادر حكم من محكمة العدل الدولية بازالته مع الاسف ورغم كده اللى النتيجة ........ ولا شئ

يمكن اكون خرجت عن الموضوع الرئيسي بس كله مكمل بعضه ........... تحياتي لكي

في انتظار ارائكم ...... محدش عايز يعلق تاني ولا ايه ؟؟؟؟؟؟؟؟