|
تحية أرق من النسيم محملة بشذا الياسمين كروحك أنفاس
لا أستطيع مجاراتك في التعبير وقدرتك الهائلة في احتواء قرآءك بطريقة أقرب إلى متخصصي الدراسات النفسية والإجتماعية.....................ألك علاقة بهذة الدراسة؟؟؟ لم أقرأ هذين الجزئين لأني (وقت نزول الجزء الجديدوانا مضغوطة ومنشغلة كعادتي الرديئة هذه الأيام) .................ربما يكون فيما بين القوسين شئ من سري الذي اشرتي إليه سابقا أتعلمين؟ لقد اكتشفت سرا خطيرا قد يكون هو السبب وراء تفوق روايتك على غيرها في نظري على الأقل ألاوهو..................... أسلوبـــــــــــــــــك وحضووووووورك واحترااااااااااامك للفارئ وهذه حقيقه... ألم يقل الزيات في معرض النقد أن (الأسلوب هو الرجل) أي هو الذي يدل على الكاتب. لستُ إلا قارئة لنص أدبي ستجدينني كلما اثارت اعجابي أو فضولي فكرةفيه (معجبة أو مستفهمة)عدا ذلك مستمتعة بصمت مع خالص مودتي |
السلام عليكم ورحمة الله وبركاته
البارت رائع كالعادة دايما ......... وماجد ... مازال يحاول مع دلال ( بالنسبة له اكون او لااكون ) فهل ستنجح كينونته .......... عبدالله وجواهر .......... هل تستمر فرحتهم ام لا .......... في ظل الاحداث التي تجري في الرواية اعتقد لا ................. عزيز ..... ( الاخ ) ممكن يكون اصيب ......... او اخذ رهينة ......... او قبض عليه بحجة انه يمول الارهابيين ........... او ان اخر مكان كان فيه موجود انفجر ........ ولا احد يعلم مابه ............. ( انا قلت انكي ستجعلين معجبيكي يبكون ...... وشكل البكاء قرب ) عزيز ( الابن ) ما رد فعله عندما يسمع صراخ ديما ............ ديما ........ ما هو مصيرك .............( وهذا الحادث سيغير من بعض المفاهيم عندك .... ويرسخ اخرى ) سعود ودانة ....... ربنا يديم السعادة ( فهل تستمر ) منيرة ......... اعتقد تحت وطأة الذنب .... سترفض الطلاق ..... وتتابع حالة سالم ....... وممكن ذلك يقرب بينهم ........... سالم ...........( شكلك هاتزودي الاكشن وتجعليه يفقد الذاكرة ) ماجد وهند ........... لم يكن هناك لهم صوت ........... منتظرين الاكشن والاثارة والدم الخفيف غداااااااااا |
صباح المسرات الدائمة
صباح البسمات الصافية صباح القلوب النقية قلوبكن التي تنثر نقاءها عبر صفحات الرواية مابين تعليق عذب.. ومرور عابر.. ومرور مثقل بالشجن أعلم أنكن اشتقتن لي/ أو تدعون أنكم اشتقتن لي لغرض في نفس يعقوب ولكن المؤكد أني أنا اشتقت لكم جميعا بلا مزايدات لفظية أو عاطفية اشتقت أن أسطر اسم كل واحدة منكن لأرد عليها ردها الخاص بها.. حتى وإن كان المكتوب تعليقا وردا كلمة واحدة المباراة الكلامية.. والقذائف المتضادة.. والمشاعر المتبادلة اشتقت لها جميعها.. وهأنا أكتفي مجبرة بهذا الرد المشترك الذي أريد منكن جميعا أن تعلموا أنه رد خاص بكل واحدة تعبر عيناها هذه السطور فلا حرمني الله أعينكن تغازل سطوري ولا حرمني كلماتكن العذبة ولا حرمني مروركن المتكرر أو حتى الجديد بالفعل أعاني اختزالا مريرا في الوقت وصدقوني لو علمتن بكم مشاغلي المتضخم لاستغربتن كيف أنا أستطيع تنزيل الأجزاء يوميا فضلا عن كتابة هذه السطور اليومية التي أصبحت رسالتي اليومية لكل متابعاتي قبل نزول الجزء الجديد لأني ملتزمة بكن ولكن ومن أجلكن فكرا ومشاعرا ومسئولية وثقة مشتركة ولا يمكن أن أخل بالتزاماتي مادمت قادرة حتى وإن كان ضمن الحد الأدنى من هذه القدرة تقبلوا كلماتي التي أعلم أنها مقصرة في حقكن العظيم ولكنها بالفعل أقصى أقصى ما أستطيع فعله في ضمن نطاق وقتي المتآكل.. توقعاتكن عن الجزء السابق بين طاش وماطاش وإن كنت أرى أكثرها طاش لتتأكدوا استمتعوا بالجزء الجديد 61 62 الأكشن الجديد الذي سيجمع ديمة وعزوز في أحداث غير مسبوقة عبدالله وجواهر من جهة، وعبدالله وجهات أخرى من جهة ثانية سعود ودانة وخلافات في الطريق؟؟ أم ماذا؟؟ تعمق الحب؟؟ أو ماذا؟؟ إطلاله سريعة على ماجد ودلال محمد وتغير ما.. ستتعرفون عليه مبدئيا اليوم ختاما الوجهان الجديدان القديمان سالم ومنيرة ودخول قصتهما لحيز الضوء قراءة ممتعة مقدما ولاحول ولاقوة إلا بالله . . . . . |
يعد الغياب/ الأجزاء 61، 62
بعد الغياب/ الجزء الحادي والستون..
#أنفاس_قطر# الليلة السابقة في منطقة قريبة من بغداد.. كانت المهمة الأخيرة لعبدالعزيز تنتهي على خير.. بعد ما أنهى توزيع جميع التبرعات كان يقول لـنصّار مندوب بيت الزكاة في بغداد واللي كان يسوق السيارة بصوت متعب: الحمدلله يا نصّار اللي خلصنا على خير.. بكرة أبي أحجز للدوحة أرجع على أول طايرة.. نصّار بود: إيه الحمدلله.. عبدالعزيز: الطريق بعده مطول؟؟ نصّار بشوي تردد: أني دا أحجي لك الله يهديك أنا كايل لك أنه احنا تاخرنا هوايا في هالروحة.. هسه الدنيا ليل.. لو خليناها باجر جان زين.. الله يستر بس من السلابة وإلا غيرهم اللي لابدين بهالسكك.. عبدالعزيز بلهجة مطمئنة: صار لنا اسبوعين ماحد تعرضنا..بالعكس الوضع كان أمان جدا وبعدين كمل عبدالعزيز بعيارة: وبعدين أنا رجّال وراي عرس عقب 3 أسابيع حد يسوي لي شيء أسيل دموع عليكم أكثر من دجلة والفرات وشط العرب سوا.. أغرقكم وأخليكم تندمون على اليوم اللي جيتوا جنبي فيه.. نصّار بود كبير: أنته مافيه مثلك آغاتي..والله هالعروس ماتلاكي مثلك بكل هالدنيا يامعود.. شقد امها داعيت لها والله وعبدالعزيز ونصّار مستمرين في حوارهم الودي، برز شيء أمامهم بسرعة.. نصّار برعب: باوع عزيّز باوع.. ************************ اليوم في مدرسة ديمة.. ديمة اللي منهمكة في مهمتها الخطيرة اللي محتاجة دقة وتركيز.. وتقريبا كانت انتهت.. ما أنتبهت للعيون اللي كانت تلتهم ملامحها : عنقها وصدرها بلونهم البرونزي المختلف، عيونها بلمعتها المثيرة.. شفايفها الناعمة.. الوقت صار متأخر، والمدرسة شبه فاضية.. ولاب الحاسوب مبطن بالكامل بعوازل صوت.. يعني حتى لو صرخت واستنجدت واستغاثت ماحد راح يسمعها.. وهو يراقبها بحذر صدر عنه صوت خافت جدا.. لكن الصوت كان كافي جدا عشان ديمة بذكائها تنتبه وتسوي روحها ما انتبهت.. دقت موبايلها على أخر رقم.. رقم عزوز.. حطت يدها على فمها وكلمت عزوز من سماعة البلوتوث، بصوت واطي مرعوب حاولت تتماسك فيه: عزوز الحقني الحقني.. الولد الصايع اللي في grade12 هنا في اللاب وقاعد يطالعني بنظرات تخوف.. عبدالعزيز حس كأن قلبه انخلع من مكانه من الخوف على ديمة قال لها وهو يركض بكل سرعته: الحين اطلعي من اللاب بسرعة وانا جاي لج.. ******************* دلال خذت التلفون بتردد من أم جاسم، وقالت بصوت خافت: نعم أستاذ ماجد؟؟ ماجد بثقة (بايعها): فيه مرة تقول لزوجها أستاذ، قولي لي ماجد، أو أبو فيصل على اسم ولدنا اللي بيجي قريب.. دلال كحت بحرج ووجهها صار أحمر قاني وشعر رأسها وقف من الخجل: عفوا أستاذ ماجد أنت شارب شيء؟؟ ماجد بثقة بعد ماخذ الأخبار كلها من جاسم: إذا كان المرحوم اللي يرحمه يشرب فأنا ولله العظيم ماعرفتها وحتى الزجاير ماعمرها طبت ثمي وإذا كان الله يرحمه ماكان يعرف طريق المسجد فأنا الفرض مايفوتني في المسجد مع الجماعة.. وإذا كان الله يرحمه نفسه سمحت له أنه يمد يده عليج كل يوم والثاني فانا تنقص يدي لو رفعتها عليج يوم.. دلال اللي هزها كلام ماجد بعنف، ماعرفت شتقول رجعت التلفون لأم جاسم وعيونها شاردة، وانسحبت لغرفتها.. ****************** سارة راجعة من زيارة سالم.. منيرة اللي ماوقفت دموعها من يوم عرفت بالخبر.. بتموت تبي تسأل سارة عن سالم.. بس مالها وجه.. تحس إن اللي صار لسالم كله من سبتها.. إن الله أستجاب دعواتها على سالم.. عشان كذا ربعه (أصحابه) كلهم طلعوا سليمين إلا هو.. ظلت تدور في الغرفة مثل الشاة المذبوحة اللي تنازع انتفاضة قطرات دمها الأخيرة.. في الوقت اللي سارة تناولت المصحف بهدوء بدون ما تكلم منيرة.. منيرة الكلام ميت على لسانها.. ما تبي تفتح موضوع مع سارة.. لأنها تخاف من لسان سارة الحاد الموجع.. وتعرف إن سارة بتلاقيها فرصة عشان توجعها بالكلام مثل اليومين اللي فاتو.. اليومين اللي فاتو كانوا عذاب مستمر لمنيرة اللي اضطرت تحمل كل كلام سارة الحاقد المؤلم الموجع بدون ماترد عليها بكلمة وحدة.. نزلت منيرة تحت لقت أبوها يستعد لصلاة العصر، قربت منه بتردد: يبه بتروح لسالم؟؟ أبوها بحزن: بأصلي وبأروح له.. منيرة برجاء موجع: تكفى يبه بأروح معك.. أبوها باستغراب: أنتي تبين تروحين له.. غريبة؟؟ منيرة بثقة مترددة: مهوب رجّالي؟؟.. لو أنا مارحت له الحين.. متى بأروح له؟؟ أبوها المصدوم: أنتي واعية يا بنتي..؟؟ منيرة بثقة خجولة: أنا توني وعيت يبه.. ***************** عبدالله بود كبير: هلا والله بأبو منصور.. أكيد تبلغنا بموعد وصولك.. الأسبوعين خلصوا.. خلاص مالك عذر التلفون طاح من يد عبدالله ورجع يلقطه برعب وهو يقول بصدمة مرعبة : شنهو؟؟؟؟؟؟؟؟ عبدالله سحب نفس عميق، وقال بصوته القوي اللي يستخدمه للسيطرة على خصومه: عطني واحد منهم أكلمه.. ........................................ عبدالله بنفس صوته القوي المدروس، وفي جملة واحدة قاطعة : كم تبون؟؟ .............................. عبدالله بقوة حازمة: لا لا.. هذا الكلام مايمشي.. (لأنه يعرف إنه إذا وافق على عرضهم الأول مباشرة، بيعرفون إنه مستعد يدفع أكثر.. عشان كذا لازم يفاصلهم عشان يكون المبلغ نهائي) جواهر اللي كانت تسمع مفاصلة عبدالله الحادة مع الخاطفين واتفاقه معهم.. وفهمت أن عبدالعزيز مخطوف في العراق من خلال كلام عبدالله معهم.. ورود كلمات مثل نسلم المبلغ في بغداد.. وأشلون أضمن سلامتهم.. أحست كأن صدرها شُق بسكين صدئة وانتزع قلبها من مكانها بكل وحشية بيد باردة حديدية ليُهرس هذا القلب بكل سادية الكون ودمويته ثم يُداس أشلاء متناثرة على الأرض دون رحمة.. انهارت على الأرض مغمى عليها.. دون أن ينتبه عبدالله اللي كان كل مشاعره وأحاسيسه مع المكالمة اللي كانت تسير باتجاه هو متخوف منه.. والاتفاق تقف في طريقه عثرات عن كيفية توصيل المبلغ للخاطفين حتى يقوموا بإطلاق سراح عبدالعزيز.. اتفق عبدالله معهم على اتصال آخر.. في الوقت اللي كان تفكير عبدالله يسير في عشرات القنوات الأخرى وفق تفكير منطقي عقلاني تمرس فيه لطول خبرته في الحياة والمفاوضات وحتى التعامل السياسي.. لعمله فترة في مجال التمثيل السياسي حين عمل في سفارة قطر في واشنطن.. كان تفكيره يطالبه بعشرات التحركات.. تبليغ دولي هنا في قطر وهناك في العراق.. بدء تحويل المبلغ المطلوب لحساب موجود في العراق، حتى يتم تسليمه فور الاتفاق.. إيجاد قنوات آمنة لتسليم المبلغ التأكد من ألتزام الخاطفين بتسليم عبدالعزيز وزميله فور تسلمهم المبلغ... إبلاغ جهة عمل عبدالعزيز.. إبلاغ خاله فهد.. و.. و...... و.............. .................جواهر.. ***************** سعود طالع من الحمام متوضي لصلاة العصر اللي باقي عليها نصف ساعة.. دانة كانت تتغدى مع البنات وأمهم تحت.. فلما رجعت ماكانت تدري إن سعود موجود.. جلست على التسريحة، تعدل مكياجها.. في الوقت اللي سعود طلع من الحمام، ووقف على باب الحمام يتأملها. دانة برقة: لا يكون فيني شيء غلط مهوب عاجبك؟؟ سعود وهو يقرب منها بابتسامة: إلا قولي شنهو اللي فيش مهوب صح، وشاللي فيش مهوب عاجبني..؟؟ انتي كلش على بعض تتأكلين أكل.. دانة بابتسامة: ماشاء الله حضرة الملازم مروق.. سعود بحب وهو يقرب من دانة ويوقفها بحنان.. ويحضنها حضن عميق جدا: اللي يشوف دندونته الحلوة ومايروق.. بصراحة ماعنده سالفة.. دانة وسعود يفلتها بالراحة: والله أنك تجنن وقلبك مافيه أطيب منه.. أبي أعرف خواتك ليه مرعوبين منك كذا.. لادخلت البيت كأنه قائدهم العسكري دخل عليهم. سعود يضحك: خليهم.. البنات لازم يخافون عشان يتأدبون.. بس أنا والله العظيم أحب خواتي مثل بناتي بالضبط.. بس أنا بصراحة ما أعرف أفتح حوار معهم.. أنا بس من أشوفش أنتي.. أحس أنه ودي أتكلم ولا أسكت.. دانة بحب: فديت روحك والله.. ودامك ماشاء الله مروق وتشوفني تبي تتكلم ولا تسكت... تعال أقول لك شيء.. قالتها وهي تشده من يده وتقعده على السرير وتجلس جنبه، سعود بمودة: ذا المقدمة والقعدة مالي بها.. شام ريحة خيانة.. دانة باستجداء أنثوي لطيف: فديتك سعود.. إجازتي خلصت.. ولازم أرجع شغلي بكرة.. سعود من سمع طاري شغلها أعتفس مزاجه فوق حدر.. لكنه رد عليها بلهجة هاديه تحتها بعض غضب: دانة أنا وعدتش ما امنعش من شغلش.. بس دانة حبيبتي أنا والله ماشبعت منش ولا من القعدة معش مالحقنا تراضينا إلا حادث العيال صاير، وتوني راجع من كم يوم.. والحين أنا مداوم.. ودوامي زامات.. يعني ممكن أغيب يومين واجي يومين، أحيانا 3 ب3 يعني أيام ما أنا موجود بالبيت بتكونين في المستشفى، وانا ذابحني شوقي لش من الأيام اللي قبلها.. خذي إجازة لو شهر واحد.. وخلينا نسافر أسبوع فيهم أي مكان مثل باقي الأوادم.. دانة باستجداء: سعود أنا صار لي تقريبا شهر ماخذة إجازة.. مالي وجه أطلب إجازة بعد.. وخصوصا أني توني طبيبة جديدة.. مايصير.. والله مهيب حلوة في حقي.. يقولون أني ماني بقد الشغل.. رغم أن السبب اللي قاله سعود سبب حقيقي فعلا لكن فيه سبب ثاني أهم سعود يشعر بغيرة جنونية على دانة، وفكرة أنها ممكن تشتغل في أسنان رجّال أو شاب.. كانت ذابحته وقاتلته.. سعود بثقته المعتادة : أنا موافق ترجعين شغلش.. بس بشرط.. دانة بحذر: اللي هو؟؟ سعود بجدية: تتركين مستشفى الرميلة.. وتطلبين نقل للصحة المدرسية.. عشان أضمن أنه أنتي ماتعالجين إلا أسنان البزارين وبس.. دانة ماكانت مرتاحة لطلب سعود وخصوصا أن الصحة المدرسية أبعد بكثير والمشوار مهلك.. وجو العمل فيها غير تنافسي بالمرة بالنسبة لطبيبة شاطرة مثلها.. لكنها ماحبت تزعله عشان ذا الموضوع، قالت له باستسلام: اللي تبيه.. سعود كان وده إنها عندت شوي ورفضت عشان يحلف عليها تترك الشغل بالمرة.. لكن بما أنها وافقت بذا السرعة على قراره.. ماراح تكون أحسن منه.. (خلها تروح الصحة المدرسية الحين.. وشغلها ذا دواه عندي) ************* عبدالله اللي ألتفت يدور على جواهر.. شافها طايحة على الارض مغمى عليها.. حس بخوف مرعب عليها.. شالها بخفة من الأرض.. وحطها على السرير.. رش شوي عطر في يده وحطه على أنفها.. جواهر اللي شمت ريحة العطر عطست.. وعقب جلست.. كانت نظرتها ميتة بكل ما تحمله الكلمة من معنى.. عبدالله كان يطبطب على خدها بحنان.. يحاول تخليها تنتبه له.. : جواهر.. جواهر ياقلبي.. ردي علي .. ردي علي حبيبتي.. #أنفاس_قطر# بعد الغياب/ الجزء الثاني والستون #أنفاس_قطر# عبدالله لما شاف حالة جواهر الساكنة كسكون الموت.. حس قلبه يتفتت مثل حفنة رمل هبت عليها ريح عاتية ففرقتها ذرة ذرة.. بصوت عميق شديد العمق: جواهر حبيبتي تكفين.. لا تسوين فيني كذا.. والله العظيم اللي ماعمري حلفت به باطل.. و اللي زرع جذور حبج في أعمق أعماق روحي.. أنه مايفوت أسبوع.. إلا ويكون أخوج عبدالعزيز عندج.. وما أكون رجّال ولد رجّال وتحرم علي مجالس الرجّال لو فات الأسبوع وهو مابعد جاج.. جواهر ارتعشت بعنف حاد.. وبدأت دموعها تنسكب بغزارة وهي ترمي نفسها في حضن عبدالله اللي حضنها بعنف يائس: أنت حلفت لي ياعبدالله.. حلفت لي.. عبدالله وهو يشد على جواهر في حضنه: وأنا حلفت.. تطمني.. جواهر تشهق في حضن عبدالله: أبي عبدالعزيز يا عبدالله.. أبي عبدالعزيز.. عبدالعزيز أمي وأبوي واخوي وولدي.. أنا والله ما أقدر أعيش من حسه في الدنيا..تكفى جيب لي عبدالعزيز.. عبدالله وهو يحضنها بعنف أكبر ويقول لها برجولة مفعمة بالحب/رجولته الخاصة به: وحق دموعج الغالية مايكمل أسبوع إلا هو عندج.. حتى لو أروح العراق أجيبه بنفسي ****************** ديمة اللي بلغ توترها اقصى حد.. حاولت إنها تقوم بثقة.. لبست نظاراتها.. جمعت كتبها.. عشان تطلع.. لولا أن الولد إياه.. كان في نفس اللحظة واقف جنبها ويهمس بصوت أشبه بالفحيح: الحلوة وين بتروح؟؟ ديمة اللي بتموت من الخوف ردت عليه بتحدي صبياني: أي حلوته الله يهداك.. وخر بس يالأخو.. وسع الدرب.. الولد شال النظارة من فوق عيونه ورماها على الارض وداسها وكسرها: أنا شفتج تشتغلين من غيرها.. يعني مالها داعي.. والعيون اللي تلسع ذي حرام ينحط عليها نظارة.. ديمه دفته بخوف تبي تطلع بس هو مسك ذراعها بقوة وهو يشدها يرجعها.. ويحط يده على صدرها ويمسك جيب بلوزتها ويشده بعنف لأسفل .. تقطعت الأزرار وانفتحت البلوزة بالكامل الولد صار يضحك بهستيرية، كان متوقع منظر وشاف منظر ثاني.. ديمة كانت لابسة فانلة رجالية.. ماكانت تحب تلبس صدريات عشان مايبين حجم صدرها.. الولد بنفس الصوت اللي مثل فحيح الحية: أحسن بعد.. دليل أنج وحدة سبيشل.. قالها وهو يدفها بقسوة على الأرض في الوقت اللي كانت ديمة تشوته برجولها بكل عنف.. وصراخها بدأ يتعالى بعنف وهي تصيح: عزوز.. عزووووز.. عزووووووووووووز.. الولد بدأ يضربها بقوة على وجهها عشان يفقدها وعيها.. مع الكف الأول اللي هو عطاها، حس بيد عنيفة تسحبه من فوق ديمة وترميه على الأرض.. وعبدالعزيز اللي ماكان يشوف الغضب كان يشوته بكل قوته بالجزمة في وجهه وفي بطنه وفي صدره.. لما بدأ الولد اللي ماكان متوقع الهجوم ينهار.. برك عبدالعزيز على صدره يخنقه.. ديمة اللي كانت تحاول إنها ما تبكي وهي تلم أطراف بلوزتها عليها... توها انتبهت لعبدالعزيز وأنه خلاص كان بيقتل الولد شدت عبدالعزيز وهي تبكي لأول مرة منذ سنوات تبكي عشان عبدالعزيز مو عشان نفسها: عزوز تكفى لا تذبحه.. عزوز لا تودي روحك في داهية عشانه ولا عشاني.. تكفى هده.. خلاص جاه ماكافاه.. عبدالعزيز اللي كان يصيح صيحات مرعبة: لا.. ماجاه ماكفاه.. لازم أذبحه ابن الكلب ذا.. ديمة كانت تخلص يدين عبدالعزيز من رقبة الولد اللي صار وجهه أحمر وقرب على اللون الأزرق لحد ماقدرت تخلص يدين عبدالعزيز.. الولد نط واقف وهو يكح ووجهه كله دم وطلع يركض وهو يقول بحقد: والله لأخليك تندم ألف مرة على اللي سويته فيني.. عبدالعزيز وقف وأنفاسه تعلو وتهبط.. ووجهه منتفخ من الغضب والعصبية والثورة وديمة كانت واقفة بتموت من الحرج وهي تلم بلوزتها على صدرها.. مو قادرة تحط عينها في عين عبدالعزيز.. ودموع صامتة تنساب على خدها.. عبدالعزيز ألتفت ناحيتها بعنف وعيونه تلمع بنارية قتالية، وعطاها بكل قوته كف طيحها على الأرض.. ديمة اللي طاحت على الأرض وقفت بروحها بدون مساعدة من عبدالعزيز اللي واقف بحدة جامدة... ديمة ماقالت ولا كلمة.. ولا بكت.. ولا اعترضت.. ولا شرحت.. عبدالعزيز خلع جاكيته، وعطاها إياه.. وقال لها بسكون قاتل: قومي قدامي، أنا بأوصلج البيت.. *************** ديمة وعبدالعزيز جالسين على الكرسي الخلفي من سيارة سواق عائشة عبدالعزيز قعد جنبها عشان يقول لها كلام مايبي السواق أو الشغالة يسمعونه.. عبدالعزيز بهدوء تحته ثورة عاتية من الغضب وهو يهمس لديمة: اسمعي اللي أقوله حرف حرف وكلمة كلمة.. وكله يتنفذ وغضبا عنج.. أولا: اللي صار اليوم يا ويلج ويا سواد ليلج لو حد عرف فيه.. وليه ماحد يعرف فيه؟؟ عشان سمعتج اللي موب هامتج!! (محاولة اغتصاب طالبة في المرحلة الثانوية من قبل زميلها بعد قيامها بمحاولة إغرائه) مانشيت حلو ينحط في الجرايد!! صح؟ ديمة شهقت بعنف: حرام عليك عبدالعزيز.. أنا راعية ذا السوالف؟؟ عبدالعزيز بغضب وبصوت مكتوم: شب ولا كلمة مابعد خلصت حكيي الولد مافكر يسوي اللي سواه إلا لأنج أغريتيه ولا تقولين لي لا.. وما أدري شنو..والكلام الفاضي اللي مايدخل المخ فاتحة جيبج وفاكة شعرج للرايح والجاي.. دعوة مفتوحة يعني!! وهو اللي سواه أنه لبى دعوتج الكريمة جدا!!! ديمة خلاص ما استحملت بدت تبكي: حرام عليك عبدالعزيز.. والله حرام عليك.. عبدالعزيز مسك ذراع ديمة وغرز أظافره فيها: أنا قلت شب ولا كلمة.. عقب اليوم تلبسين مثل ماباقي بنات خلق الله يلبسون تلبسين عباية مسكرة وحجاب مايطيح من رأسج وياويلج لو شفت خصلة شعر واحدة باينة من تحت حجابك.. ديمة بصوت مذبوح: حاضر.. أوامر ثانية.. عبدالعزيز وهو يحاول يسيطر على أعصابه: أهم أمر المدرسة ذي ماعاد ترجعين لها مرة ثانية أنا بكرة باسحب أوراقج وأعطيها خالج ثاني يسجلج في مدرسة بنات.. حالج حال البنات.. ديمة شهقت: عزوز حرام عليك.. احنا في نص الكورس، مافيه مدرسة بتقبلني.. حرام عليك تضيع السنة علي.. أنا مرشحة أخوض امتحان بين أبرز 20 طالب على مستوى العالم.. عبدالعزيز بغضب: أنا قلت لذا المدرسة مافيه رجعة، والله لو شفتج فيها لأكسر رجولج الثنتين.. وخلي السنة تضيع عليج.. أحسن.. خالتي عائشة من زمان تبي تنقلج وانتي اللي موب راضية.. ديمة بدت تبكي بهستيرية ،كل شيء عندها ولا دراستها عبدالعزيز بعنف: خلاص لا تبكين، أبوي عضو في مجلس إدارة المدرسة اللي كانت نوف فيها أعتقد أنه يقدر يجبرهم تدخلين عندهم.. حتى لو كان الأمر مخالف للوائح والقوانين.. بكرة بأسحب أوراقج واعطيها أبوي ومن بعد بكرة تداومين في مدرسة نوف اللي كانت فيها.. مفهوم؟؟ ديمة بنفس النبرة المذبوحة: حاضر عمي عبدالعزيز أي اوامر ثانية.. عبدالعزيز ببرود: لا .. وهذا احنا وصلنا بيتكم، انزلي، ولا تخلين أمج تشوفج على ذا الحالة ********************* في مستشفى حمد/ الطابق السادس أبو علي يعبر ممرات الطابق بخطواته الثقيلة.. تتبعه منيرة بخطواتها المترددة الخجلة.. أبو علي بحزم: أنتظري هنا لين أشوف من عنده، دايم عنده زور (زوار) رياجيل.. أبو علي وصل أمام غرفة سالم، كان محمد وعلي مرابطين أمام الغرفة من اليوم الأول إلى اليوم.. أبو علي قرب من محمد وهمس في أذنه، محمد قام يسحب روحه المثقلة وجسده الثقيل وهو يتوكأ على عكازه كان شكله كأنه كبر عشر سنين.. شكله مبهدل.. ولحيته نمت بشكل أشعث.. وروحه الشفافة التي ماعرفت غير التغريد والتحليق حُملت بقسوة الذنب الذي طحن هذه الروح وشدها بأغلال تثبتها إلى الأرض لتحرمها خيار التحليق والابتسامة.. اجتمع في ذات الطابق أكثر مخلوقين مثقلين بالذنب.. الذنب كان واحد (حالة سالم المتردية) والأسباب كانت مختلفة محمد لأنه هو اللي كان يسوق السيارة ومنيرة لأنها دعت عليه.. محمد صديقه، ومنيرة زوجته وبنت عمه منيرة لما شافت الرجّال اللي كان واقف اختفى.. راحت لأبوها وأخوها، سالت بتردد: أقدر أدخل عليه؟؟ قال لها علي بحزن: وش الفايدة؟؟ شوفيه من ورا الزجاج.. على كل الأحوال مهوب حاس فيس.. الله يشفيه أو يحسن خاتمته بس.. منيرة حست كلمة علي كأنها سيف شطر قلبها لشطرين.. (يحسن خاتمته... لذا الدرجة؟؟!!) منيرة برعب وحشي: لذا الدرجة حالته صعبة؟؟ علي بتوتر حزين: الدكاترة يقولون الكسور فيه كلها مقدور عليها مافيه شيء منها لمس مناطق حساسة.. لكن إصابات الرأس لحد الحين ماعرفوا تأثيراتها.. وضغطه كل يوم في النازل.. ولو مافاق من الغيبوبة مع استمرار الضغط ينزل كذا.. احتمال كبير يتوقف قلبه وهو في الغيبوبة.. منيرة صُعقت وإحساسها بالذنب يخنق روحها أكثر وأكثر حاسة إنها خلاص على وشك الانهيار.. : علي تكفى أبي أدخل عنده شوي.. منيرة فتحت الباب بتردد.. بروح مذبوحة.. بيأس قاتل.. خذت نفس عميق واقتربت منه بهدوء ساكن.. كان رأسه مغطى بالضمادات، بالكاد مبين وجهه الناحل.. جسده العلوي العاري موصل بعشرات الأسلاك.. منيرة حست أنها لو بكت بكاء يملأ أنهار الدنيا كلها بدموعها.. ماراح يعبر عن حزنها وإحساسها بالذنب.. تمعنت في ملامحه بنظرة تبحث عن معنى للحياة يطل من قسماته.. عله يحمل لها بشائر فرح ما ( ماتغير شكله كثير.. عن لما طلع من بيتنا وعمره 15 سنة وانا عمري 9 ..) قربت بشويش منه.. جلست على الكرسي اللي جنب يده اليمين وعطت ظهرها للزجاج اللي يطل على غرفته حطت كفها على ذراعه بحنان.. لسعتها برودة يده.. لكنها تركت يدها الدافئة على ذراعه وهي تمررها بنعومة عليها في محاولة لبعث بعض الدفء فيها.. ما استحملت فيض المشاعر اللي اغتال مشاعرها.. شهقت بعنف وبكت لدقائق.. قبل تتمالك نفسها وتقول بصوت واطي وهي تميل أكثر ناحية سالم: يا ويلك ياوسويلم لو فكرت تموت وتخليني.. والله ما اسامحك.. بأطاردك حتى في الآخرة.. ماراح أسمح لك ترملني وعرسنا بعد أسبوعين.. لذا الدرجة تبي تهرب مني.. تبي تموت عشان ما تتزوجني.. مهوب على كيفك.. عرسنا عقب أسبوعين.. حتى لو خذتك أنت وسريرك هذا للصالة.. المهم تتزوجني.. منيرة كانت متأكدة إنه مايسمعها .. لكنها كانت تحاول بيأس.. وهي تحاول تغلف كلماتها الميتة بمرح ميت.. منيرة ويدها تمسح يد سالم بيأس حنون وتقول بحزن حاد: سالم تكفى لا تموت.. سالم أنت لو صار لك شيء.. انا بأموت. (بسم الله عليس من الموت) منيرة انتفضت بعنف وهي تسمع الصوت الرجولي الخافت المبحوح.. تراجعت منيرة بعنف أكبر.. لدرجة إن الكرسي البلاستيكي وقع بدوي خافت.. كانت تطالع في سالم اللي كان يفتح عيونه بشويش ويقول بضعف حاني: منيرة.. صح أنتي منيرة..؟؟ حلمت بصوتس واجد.. بس الحقيقة أعذب من كل حلم.. منيرة بخجل حاد.. بفرحة عارمة.. بخليط مدمر من المشاعر الصارخة: الحمدلله على سلامتك .. الحمدلله على سلامتك سالم بحنان وهو يلتفت بالراحة ويفتح عيونه على الأخر: الله يسلمس.. تكفين ولعي النور خليني أشوفس.. لا تصيرين بخيلة.. يعني سمعتيني صوتس.. ماتبين توريني زولس.. منيرة انفجعت.. انفجعت.. تدمرت.. انذبحت.. انتهت.. وهي تنظر حولها في الغرفة الغارقة في الأنوار الساطعة.. #أنفاس_قطر# |
صباح الخير يا نفوسة أهلا بك كاتبة مبدعة في لليلاسنا الحبيب ، أنا كنت قد من زوار المنتدى من سنوات لكن لم أسجل كاعضوة إلا من فترة قريبة ، وقد كنت أخذت على نفسي عهد بعدم قراءة أي رواية إلا بعد اكتمالها ( بعد أن توقفت عدة روايات كنت أتابعها ) لكن ما شدني إلى روايتك في البداية الإلتزام فقد كنت أقرأ يومياً على شريط الإهداءات ( نزل البارت رقم .. من رواية بعد الغياب ) فكان ذلك دافعاً لقراءة الرواية التي تبشر بولادة كاتبة مبدعة ، قادرة على رسم صورة رائعة لشخصيات قصتها بحيث تشعر بأنك تعيش معها . وأخيراً من الأمور التي أعجتني هو موعد نزول البارت الجديد فأنا أستمتع به قبل بداية يومي و الخروج إلى الدوام ومواجهة مشاكل العمل . أخية دمتي كاتبة مبدعة ملتزمة تحترم قرائها... وشكراً |
يسلمووووو نقوسسسسه
|
هلا أنفاس وشلونتس؟!! جزئين رائعين نفوسة..مشكووورة.. سالم زين اللي صحى بس متأكدة انه صار أعمى يعني مافيه شيء يغطي عيونه شيء زي كذا يعني..<<غصب بتخليه يناظر.. ومنيرة من وين جابت هالكلام؟خخخ عبدالعزيز اغدي عبود يطلعه ويجيبه لقطر.. عزوز زين ماسوى بس الصراحة خطيررر عنده شخصية خخخ اللحين ديمه ماتقدرتعترض وزين اللي لحق عليه عزيز وان شاء الله نشوفه بنيه مثل البنات بس الله يعينه يبي له وقت عشان تأقلم مع المدرسة الجديدة.. |
صباح الواحد القيوم ورب العرش سبحانه صباح الفل والمشموم وياسمينه وريحانه صباح الصاحب المحشوم عن الزله وعربانه دعيت الله صباح اليوم يخصك من فضله وشان نفووووووسه يارب الفتر لي فاات ماقدرة رد عليك لني كنت مرررر مشغوله بسسس قبل لا بد في تحليل الجزء هذه عند طق كلاميه في عبد الله واذا مافرغتها اكيد بيطق عند عررق شوفي حلووووووو والله هذه عبود وش شاايف نفسه هذه يعني ايه هي حملت ذيك المر من اول مر الحين مثلها يفكر نفسها صااروخ مثل اول لا ياشاااااااطر انتي الحين عجوز شاااايب ختي لو كنت تلعب رياضه لا انك كبرت وخرفت وطاقيه 50 واكيد مارح يكون الانتااااااج مثل قبل ياشاطر قال حمل ونبي بيبي الحمدلله علي نعمة العقل من جد يويلي ويلها من الشياااااااب اذا حطو نفسهم الشباب وعرسو يفكرون نفسهم صاوريخ الباتريوت وهم يدوب مايتعدون صاروخ تطير صحون لي تصير بلي بيوت بين الاخوان دايمه هذه ستاهل مجها علشااااااااااان تدب وتركد بلاخبال لي تسويه والله يستر عليه دانه وسعود يااااااااااااااااااااااااارب يديمي عليهم المحبه وربي انهم يخبلون بسس مر مو اعجبني فكرة سعود نو مايبيه تصير دكتور وشفيه دكتور يااااااااااااربي من تفكير المتخلفه بهذه نقطه ابد ماعندك حق يااااااااسعود ابدااااااااااااااااااااااااااا ايه هذه عبدالله ان شاء يحل مشكلة عزوز علشان جواهر ونوره ويرجع سالم غانم بذن الله والله ماجد هذه رهيب وشكل دلال رح تحين عليه وتزوجه الله يسعدهم يااااااااااااارب شوفي نفوسه نو سالم يكون عمه مانبيه هذه ابدا يعني جلس شهر شهرين اوكي علشاااااااااااااان زفت هذه منير تادب وتعقل قال ماعند اهله ولا في احد يبكي عليه مالت عليك من بنت وربي ني كنت نفسي دحل الشاااااااااااااشه وكسسسسسسسر عضمينك وسنونك وخليك بدون اسنان ياشينها من حلاتك وزينك علشان تدعين عليها تفوي علي وجهك وربي انك مخبولفي احد تقول علي ولد عمه كذي مافروض انتي ترحين لها تقلين تزوجني ياولد عمي انا فدو لك ولعيونك مو يكفي نو فقد عمك واخوانها وصار وحيد من له بعد الله غيركم ياااااثور ياخبله والله لايحرمنا منك ومن ابداعاااااااتك يانفوسه بسس والله يانفوسه انك تخلين سالم عمي طول القصه لنهايتها يااااااااااويلك مانقبل فيه ابدا فااااااهم منوووووووووووووووووووووووووووووووووووع منعااااااااااااااااااااااااااااا بااااااااااااااااااااااااااااااااتا ان عطيك فكر خليه يرجع يشوف وهذه منير تطلع ماتجيب عيااااااااااااااااااال وخليه يتزوج عليه اخخخخخخخخخخخخخخخخخخخخخخخخخخخخخخخ سلمت يمنااااااااك نفوسه والله يحفظك يااااااااارب:55: ونتظرك بكر بكل شوق في حفظ الرحمن ايه نفوس تارني بديت تعلم الهكر اخخخخخخخخخ وبدخل علي جهازك ولي مواعجبني بالقصه بغير :dancingmonkeyff8: |
صباح الابداع على احلى انفاس تسلم ايدينك يارب.
البارتين مليئين بالاحداث اختطاف عبد العزيز وزميله ان شاء الخاطفين مايسون لهم شي قبل ماياخذون الفديه من عبدالله . بو عزوز انت قدها وقدود ان شاء الله ترجع عبد العزيز مثل ماوعدت جواهر ام عزوز خلج قويه اخوج محتاج لدعاء ادعيله مايصير له شي ويرجع بالسلامه وتزوجينه .سعود وش حب التملك اللي فيك والغيرة الزايده حق دانه اهيا درست وتعبت وفي الاخير تبيها تقعد في البيت الظاهر هالموضوع بيسبب مشكله من بينكم والله يستر منك ياحضرة الملازم . ماجد عجني كلامك حق دلال حرام عيك احرجت المرة شكلك بتصير عبدالله الثاني اتوقع دلال بعد هالكلام اللي سمعته بتفكر عدل وبتعرف ان مب كل الرجاجيل زي بعض وان شاء الله توافق عليك .ديمه تستاهلين يالهكرز لانج ماتسمعين حق نصايح عزوز ونصايح امج ويمكن اللي صار خيرة لج وتتركين اللي انتي فيه بس انا حاسه ان الولد بيسوي شي حق عزوز بدل ماضربه . منيرة واخيرا حسيتي بغلطتج ورحتي تشوفين سالم بس زين سمع كلامج وصحى من الغيبوبه بس اتوقع انه مايشوف بدليل انه قالج تولعين النور عشان يشوفج وبهالحاله انتي مب بس بتندمين الا بتعضين اصابيعج ندم من دعاويج عليه . ومحمد احس بتتغير حياته بعد اللي صار وخصوصا انه يحس انه اهوا السبب في الحادث. مشكورة انفاس والله يعافيج . وجه الصباح |
نفوس وش ذا الظلم الى جاي لج الله يهديج بس واحد عرسه بعد 3 اسابيع مخطوف ويمكن يرجع ويمكن لا ...القضية كبيره اكيد وصعبه تحل بسهولة والثاني عرسه بعد السبوعين وعميتي عيونه ...>>>احسن عشان مايخترع من منيره >>انا انذل من نفوس خخخخخخخخخخخخخخخ بعدين وش ذا الخطاء انتبهي مره ثانيه هو هنا ((اليوم في مدرسة دانة.. دانة اللي منهمكة في مهمتها الخطيرة اللي محتاجة دقة وتركيز.. وتقريبا كانت انتهت.. ما أنتبهت للعيون اللي كانت تلتهم ملامحها : عنقها وصدرها بلونهم الأبنوسي المختلف، عيونها بلمعتها المثيرة.. شفايفها الناعمة.))>>>اجل دانه تاثير النوم شكلج خخخخخخخخخخخخخ صرت نذله مثلج اليوم مدري ليه >>شكل السالفه عدوه خخخخخ>>>ِادري العتب على الكيبورد مو عليج يانفوسه ياقلبي انتي بس تساهل اهم شي انها بتكون في مدرسة بنااات بس بالله لاتسوين في عزوزي شي وتحرقين قلب جواهر عليه >>يكفي نذاله ((شني مسكتها)) سعود بيقدر يقنع دانه على ترك الطب او لا؟؟؟اتوقع احتمال 50% مجود لا والله طلعات مانت بهين تعبت وانا اقول لي زارا تاخذك يمكن تعجبها اليوم وتوافق >>>مبروك مقدما عليك زارا جواهر الله يعينج ...واهم شي عبود معاااج خلاص هذى المهم وننتظرج نفوسه غدا بي فاارغ الصبر ونفذي طلبنا مره بس وخلي قفلتج حلوه مو تجينا سكته. صح بنات حبيت ابشركم مشركاتي هنا بس في بعد غياااب صااارت 101 >>>وش رايكم خخخخخخ عقبااال الجميع مذهلة |
أجمل احساس ان تعود لك الحياة بعد اليأس
مشكوووووره انفاس يوم الي ما موتي سالم الحمد لله على سلامته يابناات نبي نحط عزيمه لسلامه سالم ....خلو منيير تعرف وش كثر هو غاالي ههههه صح انه صار أعمى بس العوض ولاالقطيعه وخلي منيره تدفع ثمن حقدها عليه... انا قايله لتس يامنييير الي بيصير له بيجي على راستس ... ديمه احمدي ربتس الي انقذتس على يدين عزوز والا كان رحتي قريض ههههه وانتي مادواتس الا عزوز ..من شابه اباه فما ظلم ... نفوووووووووووووووووووس تسلم الايادي ياعسل ... والله يكون بعونتس ..مقدرين ظروفتس وعارفين كثر حبتس لنا والي نشوفه اكبر دليل ....الله لايحرمنا منتس يارب . |
مذهله ..ألف ألف مبرووووووك وعقبال ماتاصل مشاركاتك
للألــــــــــــــــــف تستاهل أنفااااااااااااااااااااااااااس وعقبال الجميع ....مشكوره يالغاليه |
السلام عليكم
أنفاس قطر عندما اخبروني عن قصتك سألت هل الكاتبة ملتزمة فكانت اجابت مذهلة حقا مذهلة قالت انها تنزل الاجزاء يوميا بصراحة لم اصدق قلت حالها حالة اغلب الكاتبات حماس اول شيء وبعدين تنقطع وتودع القصة ولكن الان اقول ماشاء الله تبارك الله الله لايغير عليج ويبقى هذا الحماس والاتقاد دائما وابدا لترسي بقصتك بر الامان الذي ترتضيه نرجع للاحداث ديمة حلو الطرح أنفاس البنات الله يهديهن في بعض الاحيان يعتقدن ان ملابسهن غير جذابة واشكالهن لاتلفت فيأخذن راحتهن في حين توجد نفوس ضعيفة لمحة بسيطة من امراءة تكفي لاثارت شهوات حيوانية داخلها الا ألي يغازل بالاسواق النساء الواتي يتشحن بالعباءة السوداء وغطاء الوجه هذا اشاف من عدهن حتى يغازل فما بالك بشعر مفتوح وملابس مكشوفة اعتقد انها فعلا دعوة كما قال عبد العزيز رغم قسوة كلامه لها الا انه في مصلحتها حسننا نحن في انتظار ديمة الانثى قريبا هل تعرفين مع وصفك لديما وكيف انها تريد تحويل جنسها ظننت لوهلة انها ممكن ان تكون قد تعلمت فن الدفاع عن النفس (الكاراتيه ) ماجد وضع دلال في زاوية جدا حرجة ولعبها جيدا وبالتأكيد لعبها لصالحه وانفاس قطر اجادت في صياغة المشهد رغم قصره الى انه يحوي الكثير من مشاعر الرفض والقبول والجراءة والتمسك بالفرص موفقة أنفاس دانة وسعود مشكلة الناس الغيور بس جد شغلة الطبيبة شغلة مربكة بالنسبة للرجل الغيور صعب يتقبل انو زوجة تكشف على اسنان رجل اخر وخاصة أذا شطح عنده الخيال وشاف هذا الرجل يفكر بزوجة بأفكار قذرة اعتقد سعود اذا لم يتفهم عمل دانة هناك مشاكل بالافق ودانة اذا لم تحتوي غيرة سعود سوف تخسر محبته لانه لن يبقى يضغط على اعصابه طويلا واكيد الضغط يولد الانفجار لننتظر ونرى اقتباس:
منيرة وسالم وين كنت مخبية هذا الكلام الحلوة لو المصايب اطلع العجايب عموما سالم يستاهل السلامة ولو سلامة ناقصة بس رب لطف به المهم السلامة وعودته الى الحياة يلة منيرة سوت حسنة بحياتها ممكن ان تغفر لها ما فعلت خاصة من قبل سارة عبد العزيز شوفو للاطمأنان مسألة الخطف اصبحت نادرة صح وبنفس الوقت غير خطرة تماما يعني عصابات معروفة تخطف من اجل المال فقط وليس مثل السابق العصابات كانت تخطف من اجل القتل فقط ,عيني اصبحت المسألة انطيني فلوس اسلمك قريبك وممكن الشرطة تتبعهم خاصة اذا اتصل بالسفارة وصارت متابعات خفية بعدين الله يهديك هي الحواري والازقة في بغداد في وقت الامان كانت غير امانة مو انت هسة تروحلها بالليل الله يرجعه بالسلامة خاصة وانو عبد الله عند معرفة بالعراق يعني محلولة أنفاس مهما حاولتي اثارت مخاوفي اتجاه عبد العزيز لن تنجحي لان لدي تصور كامل عن ما يجري بالعراق وحالة الخطف نادرة تماما بس انتي جبيتيها طلعتيهم بوقت متأخر واكيد في ازقة معدومة يعني عرفتي اشلون اتخلين عملية الخطف معقولة خاصة للقارئ العراقي وهذا بحد ذاته يعتبر ذكاء كاتب والحوار العراقي ايضا معقول بس كلمة لابدين يعني قليل تدوالها خاصة بالنسبة لاهل بغداد وكلمة سككك ايضا لان عادة تستخدم كلمة طرق او شوارع بس كلمة سلابة والله جبيتيها مضبوط صح هذه التسمية تطلق عدنا نفوس الف الف شكر انتظرك ومع قهوة الصباح استمتع بأجزائك |
[SIZE="5"][COLOR="Blue"]السلام عليكم اخت انفاس قطر
صباحك خير احلى انفاس صباحك ورد وفل وياسمين صباح معطر بروايتك الرائعة احلى صباح يومي لينا كلنا نبدا به يومنا مع احلى قصة واجمل مبدعة اهلا بك كاتبة مبدعة وملتزمة روايتك من الروايات الجميلة الي الواحد مواظب على متابعتها واحلى حاجة اننا نتابعها يومي انا اول مرة ارد عليك رغم اني اتابع الرواية يوميا كل صباح فاعذريني اني لم ارد عليك الا الان وهذا تقصير مني بصراحة انت اول كاتبة اجدها ملتزمة بمواعيدها وميعاد تنزيل البارت اليومي الصباحي صحيح قربت يجيلي حاجة ضغط سكر مع نهاية كل بارت المشوقة والي تخلي الواحد خلاص حيجراله حاجة من كتر الشوق لمعرفة الاحداث بس ارجع اطمن نفسي انني في صباح اليوم التالي سوف اعرف باقي الاحداث مش حيستنى شوقي لها مدة طويلة مثل بعض الكاتبات التي تنزل بارت كل فترة طويلة حتى ان الواحد يكون نسى الاحداث السابقة ابدا مع ابطال روايتك الرائعة جواهر وعبدالله الانوثة الطاغيةمع الرجولة الطاغية ثنائي نادر يجمعان جميع المتناقضات الحب----------الكره الانوثة--------------الرجولة التسامح --------------------العناد ثنائي مختلف طيبة جواهر وحب عبدالله اخلاقهم الجميلة جواهر ربنا يقويك ويصبرك على بعد اخوك ويرجعلك بالسلامه خلي بالك عبدالله انك وعدت ووعد المؤمن دين عليه وانت قد كلمت عبد العزيزالكبير ربنايقويك انت فعلت الخير وسوف تجنيه ان شاء الله انا عارفة ان مدام عبدالله حلف ووعد انه يخرجك اكيد حينفذ وعده عبد العزيز الصغير ابن ابوك يا ولد راجل من صغرك ونعم بيك حافظت على ديما ودافعت عنها وبصراحه اسلوبك معها عجبني اطرق الحديد وهو ساخن حتى تسمع كلامك وتنفذه بس يا ترى تعاملها مثل نوف اختك ولا اهتمامك بها حاجة تانية ديما ربنا يهديك كنتي حتتسببي لنفسك في مصيبة وربنا ستر لعلك تعيدي حساباتك مرةاخرى وتغيري من احوالك سعود ودانة ثنائي اخر جمعه الحب بس هل سيفرقة التسلط حرام عليك يا سعود ماتضيعش تعب دانة وعملها هيه سمعت كلامك ولم تعارضك ما تزودهاش عن كده معاها ماجد يا جراتك يا ماجد لا وواثق مرة واحدة ومسمي العيال كمان يا ابو فيصل ربنا يسهلك حالك وترضى دلال عليك دلال شكلك حتقعي على جدور رقبتك وماجد مش هين خالص بس بصراحة جراته عجبتني ربنا يعوضك بيه خيرا عن العذاب الي شفتيه منيرة وسالم ثنائي جديد ظهر سالم الي عادت حياته له بسماع صوت منيرة يا قلبي عليه ومنيرة الي كنت متضايقة منها ومن اسلوبها حد يدعي على زوجه كده ده ابن عمك قبل ما يكون زوجك ده لو واحد غريب وعمل فيك حاجة ما تدعيش عليه كده ما حال ابن عمك الي اتربيتي معه بس شكلك حتحبيه يظهر كنت مفتقده الحنان والاسلوب الحلو وشكل سالم حيسمعك كلام بعد ما يتحسن يخليكي تموتي فيه والى بارت جديد وانتظري مني رد جديد ان شاء الله احلى انفاس في احلى صباح |
نفوووووووووووووووووسه البارت دمرنا يا عمري ليش هيك خلتيه اعمىىىىىىىىىىى وعزوز الكبير حراااااااااااااااااااااام بتموتيه الله يسامحك احلى شي بالبارت عزوز الصغير شكله بحب ديما وهو مو عارف يختي فديت الزاكيين القمامير عصافير الكناري الصغنونين هي شكلها مسكينه بتموووووووووووووووووتفيه بنستنى التكمله على نار يا عسل لا تصدمينا حبي
|
السلام عليكم... نفووووووووووس...انتي ما تبطلين عادتج..يعني لازم هالقفلة الي تشوقنا وتخلينا قاعدين على اعصابنا..اهئ ..خفي علينا شوي.. ما نقدر على ابداعج ولا نقدر على قفلاتج..خفي شي:) سالـم يا انه انعمى..بسبب الضربة الي على راسه..او لان عيونه تمت فترة مسكرة..فيبيلها وقت عشان تقدر تشوف..بس الحمد لله الي صحى من الغيبوبة..والحمد لله الي كسوره تتعالج..وشي حلو انه قعد على صوت منيرة..بس بالنسبة لعيونه ان شاء الله في علاج لهـا.. منيرة شي حلو..انها راحت له..صج مالها ويه تشوفه..وصج تحطمت من كلامه..شلون اهو يقول اسم الله عليج من الموت..واهي دعت عليه بالموت..وشلون بتبلغه الحين ان الليت مبطل..وان اهو بس الي يشوف الدنيا ظلمة..كلامها يوم تقوله تزوجني حتى لو انتي وسريرك..من صجها..ولا بتغير رايهـا..لا درت انه ما يشوف..اممم اهي اكيد رح تتم تحس بالذنب كل ما شافته..وتتذكر انها دعت عليه...بعد مارح يكون لها ويه تغير رايهـا..واهي تحس انها السبب بالي صار.. ديمـه الي صارلهـا شي طبيعي جدا..ولد صايع..وبنت بدون حجاب..غير جذي حلوة..وجذابة..ومحد موجود معاهم..بس الحمد لله الي يه عزوز..قبل لا يصيرشي..حلو انها ما عاندت ونفذت الي قاله عزوز.. اصلا مالها ويه ترفض..بس ياخوفي تزيد رغبتها بتحويل جنسهـا بعد الي صارلها.. عزوز ردة فعله جدا طبيعيه..ديمه بنت خالة ابوه..يعني عرضه وشرفه..والي يمسها يمسه...وصج رب ضارة نافعه..يعني لو ما صار جذي ما كانت تركت المدرسة..ولا كانت التزمت بحجابهـا..والحمد لله على كل حال عبد الله ياخوفي نفوس تودينه..وترجعين عزوز بروحه..ساعتها صج بذبحج...الحمد لله الي تعامل معاهم بذكاء..وان شاء الله يكون قدها..ويطلع باقل الخساير الممكنه.. جواهـر واحساسها الي كان بمحلـه..الله يعينهـا..فقد اخوهـا..والي يمثل كل شي لها مو هين..الله يرجعه لهـا.. ماجد وكلامه لدلال..صج شوي..بس قالها الفرق بينه وبين ريلها..ووضح لها ان الرياييل مو كلهم نفس الشي..ويوم قال عيال...عطاها امل ان يكون عندها عيال دلال وتأثير كلام ماجد عليهـا..دامها سكتت وما ردت..يعني كلامه صح..الله يكتب الي فيه الخير بانتظار البارت القادم بكل شوق تقبلي مروري |
(اليوم في مدرسة ديمة..
ديمة اللي منهمكة في مهمتها الخطيرة اللي محتاجة دقة وتركيز.. وتقريبا كانت انتهت.. ما أنتبهت للعيون اللي كانت تلتهم ملامحها : عنقها وصدرها بلونهم الأبنوسي المختلف، عيونها بلمعتها المثيرة.. شفايفها الناعمة..) الابنوس هو نوع من الاشجار الثمينه تستخدم في المنحوتات الخشبيه،،مميز لشدة سواده الداكن واللامع،،ولهذا دائما ما تشبه النساء الافريقيات المثيرات بلون بشرتهن الداكن،،،بالابنوسيات لكن لم اتخيل ديما بهذا اللون،، ،،، قد تكون سمراء،،،ذهبية،،، مثل رمال الصحراء... وقد تكون شاحبه لانها بعيدة عن الشمس و الهواء خاصة وانها تقضى وقتها كله امام الكمبيوتر لكن ان تكون ابنوسية اللون!! لم اتخيلها كذلك تحياتي |
السلام عليكم ورحمة الله وبركاته ...
أعشقك .. أعشقك ... تسألين لماذا ؟؟؟ .. لجمال الأسلوب التعبير.. لروعة الفكرة المطروحة .. لتنوع الشخصيات ... والأهم .. من كل ذلك .. الالتزام في طرح الأجزاء ... والتقارب في الفنرة الزمنية .. سلمت يداك .. على كل حرف تخطيه .. ولي تعليق على البارتات .. |
السلااااااااام عليكم...
نفوووووسه وش هذاا اللابدااااااااع ياا شيخه.. وش انتي مسوويه بالعالم هنااااا.. اغيب رد واحد بس. اجي القااتس مسوويه بلااااوي الدنيااا هنااا... اختطاف ومحاولة اغتصااب و تبين تعمين الوليد اليتيّم .. وتبين تسووين مشاكل بين كناري الدووحه.. والله انتس اسرفتي وااااجد بجمااعتنا.. هع هع هع.. عبدالله وجواهر : ياااااااااا حلوو عبوود .. والله الحيااة الجديده مسوووويه له كرزمااااء رهيبه وحركاته مع جوجو شي خطيييييييييير صرااحه.. و يهبل وهوو يتعامل مع الخااطفين وشكله مسيطر على الموضوع بقووه.. بس مااحبيت انه يقعد يحلف لجواهر ان اخووها اسبووع بيكون عندها.. يااخووفي على عزوز الخال... والله مااايستاهل الله يطلعه بالسلاامه ياارب.. جوجو : ابشري وتطني باذن الله .. ترااهم ماايبوون الا الفلووس والا اخووتس وش بيسوون فيه ماالهم فيه عاازه.. يومين ثلاثه ومن تااصل لهم الفلوووس خلاااص بردونه.. ورتاني بعد احلف ماا ادخل مجالس الرجاجيل ولاا اشبرها ان مااطلع خلال اسبووع.. هخهخهخهخهخه ديمه وعزوز الصغير: عزوووووووووز وش هالسيطره ياا شيخه وش هالشغل العدل.. صاااير كانك ابووك وانت تاامر وتنهي وتهدد.. كفووو كفووو والله.. انا حااسه ان هالتغيير صاار بسبب وجود امك عندك.. الله يووفقك ياا ولد ... قرراتك صااائبه واشم بعد فيهاا رائحة غيييره على ديمه. بس هي الله يهدااها وتبطل حركات العيال وتتادب وتكوون تمام.. وانتي ياا ديمه ترى كل هاللي صاار لانتس وحده متسااهله بس شووفي مهماا حاولتي تغيريين وتسووين نفستس ولد وقويه الا انتس مستحيل تكونين بقووة الولد .. فانثبري ابرك لتس على جنستس الناعم وبطلي خبال.. واتمنى يكون هاللي صاار درس لتس عشاان تحترمين نفستس وتعرفين حدوودتس عدل.. دانه وسعود : سعوود والله اني كنت اقوول مثل داانه الرجال يهبل وحنوووون وسو روومانتيك. طيب ليش هالقسووخ والبرود مع خواته؟؟؟؟؟؟؟؟ تدري سعود انت يمكن فااهم السيطره بشكل غلط.. يعني موو لازم عشان يكونون خواتك يهابونك لاازم تربي لهم الرعب... والله يااماا ناااااااس قمه بالحناااااان والحب والعطف والقووه بعد مع اهلهم وتلقى خواتهم من كثر احتراامهم لهم ماايقدرون يقوولون لهم لأ.. وكثير والله اعرفهم.. يقوولون فلان ماايستااهل اني اقووله لأ.. والله ماايقصر معناا ويحبنا.. عشان كذا ياا سعود احب اقوول لك الاحتراام والحب هوو اللي بيجيب لك الهيبه الكبييره .. موو الخووف منك ومن قسووتك.. يااليت تكون قريب من خواتك وتبدأ تغير معاملتك لهم شووي.. مدري ليش فيه فكره ساائده عند الاخواان اختي ماالها الا الشكم والدقم وزوجتي لها الحناان والدلع.. ومرات هالاختلاف بالتعامل تخلي بعض الخوات يكرهون حريم اخوانهم بسبب انهم يشوفون معاملة اخوانهم لهم القااسيه مختلفه عن معااملة اخوهم لزوجتة بحنان واحترام.. مع اني اشووف ان هالبنات غبياات وفيه فرق كبيييير بين الزوجه والاخت فليش المقاارنه؟؟؟؟؟؟؟؟؟ وانتي ياادانه .. من قدتس تنعمين بحب ودلع وحناان سعوود .. بس شووفي يااااااااا ويلتس يااظلام ليلتس ان تركتي الوظيفه.. لااتتركينها لاا عشان سعود ولاا عشان غيره.. اذا تقدرين تغير مكان الشغل وتكسبين زوجتس معليه بس انتس تتركين الشغل عشاان هالزوج بانتي هبلاا . فلاا تتركينه . وسوووي المشااكل عشان حريتس الشخصيه.. > ياليت تسووين مشكله وتطلقين وارتااح من وجهش وانتي مع سعوودي.. يااحظش يالدبيه من قدش سعوودي يحبش.. هخهخهخه سالم ومنيره :: سالم الف الحمد الله على السلاامه.. وهـ اشووى انك صحيت وماامت.. والعمى ماراح اشره على انفااس انها بتخليك اعمى.. اهم شي انك قمت بالسلاامه والباقي باذن الله بيكون تمام.. بس يااخي على طوول قاايم وتسووي غراميات .. ليش مااا حمده الله على العافيه بعدين دخلت الجووو؟؟ هخهخهخه.؟ والله مااتستااهل منوور الكلبه انك تقوول عنها هالكلام وهي مااابقت دعوه ماقالتها عليك... بس هذاا احسن عشان يزيدها ضميرها تانيب وحساافه..وباذن الله زواجكم بعد اسبووعين .. لاتغيرون الخطه.. ويمكن يكون خيره لو صرت اعمى.. تفتك من شووفة خشة منيره الحمااره.. >> حاقده بقووه عليها... منيره : الحين عرفتي قيمة سالم .. وفجأه صار غالي وبتزوجينه غصب؟؟؟؟؟؟ صدق حـــــــريـــــــــــــــــم . يااااشيب عيني منكن.. هخهخه المهم اسمعي تهتمين بالولد ومااتلووعين كبده بحركاتس .. وكفري ياا حماره عن غلطتس الكبيره بالدعووه عليه. وخليتس له سند وعون .. مهووب تقوولين الوالد اعمى خلني اهووسه واصير عليه فرعوون.. هخهخهخه والله ياا منيره ياافيني قهرررر منتس على كل هذيك الدعااوي . يمال قص اللسان ياا حماره.. بس والله مااابرد قلبي فيتس الا السوووري الله يسلم عمرهااا... نفووووووووووسه نستنى الباارت الجاااي بكل شوووووق يااذووق. وعلى فكره الرسالهع اللي ارسلتيهل لي هنااك مااشفتها الا امس .. بس والله اني استاانست مرره مرره منها .. وخلتني اتعرف على اعدااائى اللي بيوون يخطفوون سعوودي مني.. هخهخهخه |
عبرت من هنا
هذا المساء أنفاس تعطرت بأنفاسكم مساءات الحب لكم |
مرحبا انفاس الله يعطيك العافية ومشكوره على اهتمامك لا عدمناك يالغلا جواهر .. لا اعلم متى ستستقر عواطفها واشجانها بداية بعبدالله واولادها وانتهاءً بـ عبدالعزيز عبدالله والحب الجارف الصادق ما اروعة صنع لحبه ابجدية مختلفة عن ابجديات الحب قاطبة ً ماجد هل اصراره على دلال من اجل ان يتغلب على نصيبة الذي لم ياتي على هواه دوما ً ام ان دلال فعلا ً تمكنت من قلبه من حديث نجلا ام ان وجود دلال عزباء يبقى السيف المسلط دوما ً على عنق اخته بطلنا عزوز بالفعل ابن الوز عوام وهذا الشبل من ذاك الاسد صورة مصغرة من عبدالله في حواره واسلوبة ديمه بما انها تمتلك شخصية قويه وقدرة على الانسجام في المحيط الذكوري الا انها امام عبدالعزيز رائيتها تبدو الانثى الضعيفة لانه على الاقل ثارت به او نفت بقسوة كلاماته الجارحة او تمردت على قرارته التي لم تجز لها فيبدو انه الوحيد الذي يستطيع ان يأثر على ديمه ويفرض كلمته عليها منيره وتأنيب الضمير لماذا دوما ً عند فوات الاوان نشعر بقيمة الاشياء عموما ً ايا ً كانت ........ انفاس الف شكر لك ِ على التزامك |
السلام عليكم ورحمة الله
الله الله الله عليك يانفوسة تألقتي تألـــــــــقتي تــــــــــألــــــــــــــــقتي تــــــــــــــــــــألــــــــــــــقتي تــــــــــــــــــــألــــــــــــــــــــــــــقتي وأنت دائماً متألـــــــــــــــــــــــــــــقة.. وأكثر ماتفننتي في مشهد منيرة وسالم.. فقد نقلتنا معهم من المزاح الملئ بالروح الحزينة.. إلى الفرحة الغامرة بصحوة سالم.. وصولا إلى الصدمة والفجيعة بعدم الرؤية عند سالم.. لكِ كل المحبة والشكر في أمان الله |
نفووووووووووووووووووووووس حرام عليك اعمى عااااااااااد لييييييييييييييش
وربي حرام عليك ليششششششششششش عاد ضاق صدري من جد عبدالعزيز الله يرجعه بسلامهـ يارب اتوقع يقدر عبدالله بترجيعه بدوون مايخسر شي بتعاون السفارتين معه ماجد بينع دانه على ترك الشغل اكيد وبتتركه عشان خاطر عيونه .. ننتظرك ياقلبي جـــــ,ــــــ,ـــــــودي |
يا سلاااااااااام عليج نفووووووووس كل بارت أروع من الثاني والاحداث مشوقه أممم محتاره ابدا بمنو ولا منو جواهر ياعيني على الحب اللي قاعده تعيشينه ويا الله يبي لنا ثلاث توائم مره وحده عبدالله يا سلام هو على كيفك تروووح العراق اذا جواهر راضية أحنا مو راضين \ شكو داشة بينهم ههه عزوز الصغنونه اي بين الغيور بين غيرتك على ديمة وزين سويت فيها بس حراام لا تفكر فيها غلط سعود ودانة ثنائي رااااااااااائع عزيز الكبير لييييييييش سويت جذي عورت قلب اختك عليك الله يعين نوره على الخبر منييره استانسي ليش هل الدموع كل شي بسببج وهذا سلوم يا لج يا الله اللحين اخذية سالم يا مسكين من وين يلقاها ولا من وين من زوجة داعية عليه ولا من فقده للاهل ولا من مصيبتة اليديده وفقدان النظر \ اتوقع بيرجع له النظر ويتزوج منيروه بس لازم اول شي يعلمها السنع واخيرا تسلم أناملك الرائعه نفوووووس واحنا طمعانين ونبي اكثر واكثر بعد من بارات وبانتظار المتبقى |
صباح الورد والفل على الكل
الله لا يحرمني منكم ولا من طلة كل وحدة منكم ياقلبي انتم أنا والله بخير أحيانا تكون المشاغل مشاغل عذبة ولذيذة ولا تعني كلمة مشاغل بذاتها مطلقا حزن أو هموم أبعدني الله وأياكم عن الهم والحزن البارت اللي فات سعيدة جدا ومحلقة فوق السحاب بتفاعلكم معه عندي عدة ملاحظات عامة أولا: صحيح أنا أحيانا كنت أصحح أخطاء تظهر في النص تصحيح أسماء أو خطأ أملائي لكن لم يسبق لي تغيير كلمة حتى اليوم الشكر للغالية اللماحة ذات الثقافة العالية(برلمانية) استخدمت كلمة أبنوسي لأني أردت أن أستخدم كلمة تدل على اللون المختلف المثير لكن هي بالفعل لم تكن الكلمة الموفقة وأنا لا أخجل من الاعتراف بتعثري غيرتها للبرونزي مع خالص شكري للبرلمانية القارئة المختلفة حقا تساءلات عامة حول كيف أن جواهر في فترة قصيرة تسامح عبدالله على ألم 17 سنة؟؟ وليش دانة ما تريح سعود وتقول له إنها تحبه؟؟ وأنا أقول لا تستعجلون كل شيء جاي في الطريق قد لا يكون وقتها الأمر مقنع لكم بشخصياتكم أنتم ولكنه كان مقنعا لشخصيات الرواية بافكارهم وذواتهم هم أتمنى أن تستمتعوا بالبارت الجديد 63 64 بارت اليوم أفضل تسمية له أنه بارت لاهث لانكم ستركضون عبر أسطر الرواية حتى تنقطع أنفاسكم واليوم رحمتكم من القفلة.. القفلة اعتيادية مثل ما أنا اشوفها ما أعرف عن رأيكم فيها قراءة ممتعة مقدما ولاحول ولا قوة إلا بالله . . . . . |
بعد الغياب/ الأجزاء 63، 64
بعد الغياب/ الجزء الثالث والستون
#أنفاس_قطر# في ضواحي بغداد.. في مستودع مهجور.. في غرفة مغلقة بأحكام داخل المستودع كان عبدالعزيز يؤم نصّار لصلاة المغرب.. بعد الصلاة توجه عبدالعزيز لله سبحانه بخالص الدعاء أن يفك أسرهم ويفرج همهم.. أول ماخلص دعاء رجع يقعد جنب نصّار على حصيرة موضوعة في جانب الغرفة... نصّار بتوتر: أنته واثق إن زوج أختك.. كادر يطلعنا من هنانا..؟؟ عبدالعزيز بثقة المؤمن: بأذن الله.. نصّار بذات التوتر: بس يا عزيّز أخاف يأخذو الفدية.. ويكتلونا.. على مود يخافون نفشي سرهم.. عبدالعزيز بثقة كبيرة:بالعكس.. أنا أشوف العملية مثل بيع وشراء.. يعني هم مايبون يورطون نفسهم في قضية قتل.. يبون عملية خفيفة ياخذون من وراها مبلغ محترم وعقب يختفون... نصار بخفوت: أنا بعد أكول هيج.. بس الوسوسة اللي يبعدنا عن شرها.. وإن شاء الله أنه زوج أختك يكدر يطلعنا عبدالعزيز بود كبير: نصّار أنت ماتعرف عبدالله مثل ما أعرفه.. عبدالله مثل لي من طفولتي لحد الحين الرجل السوبرمان.. عبدالله مايحط شيء برأسه وما يسويه.. ابتسم عبدالعزيز رغم أن وقتهم الصعب أصعب وقت للابتسامات: حط برأسه يخطف عيال أختي خطفهم حط برأسه يرجع أختي رجعها.. حط برأسه يربي عياله أحسن تربية مع أنه وحيد في غربة رباهم.. حط برأسه أعلى منصب بنكي في الشرق الأوسط: وصل له رغم صغر سنه بالنسبة للمنصب... وأشياء كثيرة أتذكرها من طفولي لحد اليوم.. لا تخاف نصّار: قل لن يصيبنا إلا ماكتب الله لنا.. وأنا إن شاء الله عندي أمل كبير بعبدالله، والله لا يخيب أملنا.. ********************** جواهر تدور متوترة في البيت.. عبدالله طمنها كثير.. وهي قررت ما تتوتر أو توتر عيالها اللي خبت عليهم الموضوع.. وتعطي عبدالله مهلة الأسبوع اللي وعد يرجع عبدالعزيز خلالها.. عبدالله مشغول باتصالاته.. عشان موضوع عبدالعزيز.. جواهر نزلت تحت تحاول تفرغ شوي من توترها بالمشي في البيت.. رن موبايلها.. كانت عائشة بعد السلامات المعتادة، عائشة بقلق: ديمة من لما رجعت من المدرسة اليوم وهي تبكي.. أنا خايفة عليها وايد وايد.. ديمة أخر مرة بكت فيها وهي عمرها 7 سنين.. لي 8 سنين ماشفت دمعتها.. تكفين جواهر أسألي عزوز بطريقتج الخاصة.. السواق يقول أن عبدالعزيز رجع معاهم للبيت.. وصلها ...وعقب جاكم... عدا أنهم تأخروا عن موعد الطلعة المعتادة أكثر من نص ساعة.. عائشة نقلت حالة القلق لجواهر جواهر من البداية فيه شيء مو مرتاحة له بين عزوز وديمة.. قررت أنها تطلع لعزوز فورا وتطالبه بتوضيحات.. ولكن بطريقة المسايسة الأمومية.. جواهر دخلت غرفة عزوز بهدوء وقفلت الباب وراها بالراحة قربت من عزوز اللي قاعد على مكتبه يدرس.. جواهر بحنان: يمة عزوز.. احنا ربع صح؟؟ عزوز بحب: أكيد يمه.. وأكثر من ربع والله.. جواهر باستدراج: والرفيق مايخبي على رفيقه - أكيد يمه.. - يعني لو فيه شيء صاير معاك.. أكيد بتقول لي.. - بدون شك.. - مهما كان خطير؟؟؟ - مهما كان خطير جواهر بهدوء وحنان: وش صاير بينك وبين ديمة اليوم؟؟ عبدالعزيز انصدم من السؤال هو يعرف ديمة عدل.. مستحيل تقول من وين عرفوا؟؟ بس ماحب يستبق الأحداث..: ليه يمه ديمة قايلة لكم أنه فيه شيء صاير.. جواهر بود: أمها تقول إنها صاكة على روحها تبكي.. وبما أنك اللي رجعتها اليوم للبيت.. أكيد عندك خبر.. عبدالعزيز تنفس بهدوء وحمد ربه أنهم مو عرفوا السالفة بس حب يجيب لهم سالفة كبيرة وفيها جانب صدق عشان تضبط حكايته: يمه السالفة ومافيها إني تخانقت أنا وديمة اليوم خناقة شديدة في المدرسة عشانها رابطة حجابها على خصرها.. فحلفت عليها أنها ماترجع للمدرسة.. وبكرة باسحب ملفها.. عشان تروح لمدرسة نوف القديمة.. وهي عشان كذا تبكي: خايفة السنة تضيع عليها.. جواهر باستغراب: من حقك تنهاها عن المنكر اللي هي سوته بخلعها لحجابها.. بس مو من حقك أنك أنت اللي تقرر مستقبلها.. ديمة أمها وخالها موجودين وهم اللي من حقهم القرار.. موب أنت ولا غيرك.. عبدالعزيز بهدوء: خلاص يمه الموضوع منتهي.. ديمة ماراح ترجع لذا المدرسة لو مهما صار.. جواهر ببعض غضب: بس عزوز.. عزوز قاطعها بوقوفه وتقبيله لرأسها بود: يمه فديتج ديمة خلاص موافقة.. وأسألوها لو بغيتو.. جواهر احتارت في طريقة ولدها في فرض قرارته بطريقة تجبر الآخرين على تقبلها.. وبعدين ابتسمت في قلبها (هذا الشبل من ذاك الأسد) بس بعدين حست بنوع توتر عزوز ليش شايف أنه له حق على ديمة لدرجة إنه أنه يمشي عليها كلامه بهذي الطريقة الحادة.. تكون مجرد الأخوة اللي هو يقول عنها؟؟ أو شيء آخر؟؟ قررت جواهر تقصح عن أفكارها بصراحة: للمرة الثانية عزوز أسألك: فيه مشاعر خاصة بين وبين ديمة؟؟ عزوز كح بحرج : يمه أنا شايفج معطية الموضوع أكبر من حجمه؟؟ جواهر بجدية: لأنه فعلا لو فيه علاقة ود مختلف أو خلنا نقول بصراحة (حب) بينك وبينها.. بيكون شيء مرفوض وغير مرضي لأي أحد.. عبدالعزيز كح كحات متواصلة من صراحة أمه الصادمة، بس بعدين عبدالعزيز تماسك ورد بهدوءه المعهود: يمه على فرض وانا أقول على فرض أني أحمل مشاعر لديمة، فتأكدي أني ماقلت لها ومستحيل أقول لها أنا واحد بين المراهقة والشباب وديمة بين الطفولة والمراهقة.. يعني أي شيء ممكن يربط بيننا بيكون دماره كاسح.. ولو فعلا ديمة لها مشاعر خاصة في قلبي.. تأكدي إنها بتظل في قلبي ومستحيل تطلع.. ولو على فرض أني أحبها اليوم.. احنا المراهقين متقلبين.. يمكن بعد سنتين أو 3 تلاقين مشاعري تغيرت.. فأنا أبيج يمه تتطمنين من ناحيتي.. ولدج رجّال يمه.. ومو أنا اللي ألف على بنات الناس وأشاغلهم بكلام حب وغرام وخصوصا أني أنا وديمة متربين سوا.. يعني هذي قلة مروءة لو سويتها.. وأنا ما أني بعديم مروءة.. جواهر حست الانفعال يهزها بعنف.. وهي تسمع كلام عزوز اللي أكبر من سنة (صحيح ياعبدالله عرفت تربي) جواهر حضنته بحنان كبير وهي تقول بعمق: الله يكملك بعقلك.. وسلمت يمين اللي رباك.. أنا أشهد أنه رجّال ولد رجّال.. الله يغفر لعمي محمد.. ويخلي لنا أبوك... وعقب جواهر طلعت تبي تدق على عائشة تبلغها بكلام عزوز عن سبب زعل ديمة وطبعا بدون كلام عزوز الأخير.. في الوقت اللي عزوز اتصل بديمة اللي ردت عليه من غير نفس.. مع أن أمها اتصلت فيها قبله 20 مرة بدون رد: نعم عمي عبدالعزيز؟؟ عزوز ببرود: عمج وغصبا عنج واسمعيني عدل (حكى لها السالفة بسرعة) وعقب قال بنفس البرود: عشان لما أمج تسألج.. تدرين وش تقولين.. وياويلج ياديمة لو طلعتيني كذاب قدامهم.. والله لأسود عيشتج.. ديمة اللي فارت من الحرة اللي فيها: أنت وش مفكر نفسك عزوز؟؟ يعني عشاني احترمت فرق السنتين اللي بيننا.. تسوي فيها ولي أمري.. تدري... أقلب وجهك.. وأنا بأقول لأمي اللي على كيفي.. موب شغلك.. وسكرت الخط بغضب هادر في وجهه.. عزوز طالع الشاشة ببرود.. وهو متأكد إن ديمة.. ماراح تقول غير اللي هو قال لها بالحرف.. ********************* محمد اللي مابعد وصله خبر استفاقة سالم من الغيبوبة كان موجود معهم في نفس الطابق في الاستراحة ينتظر خروج المره الزائرة من عند سالم.. شاف علي جاي ناحيته يركض.. ووجهه يشرق ومختلف لدرجة النقيض عن وجهه لما تركه قبل دقايق.. محمد نط من الكرسي وهو يتسند على عكازه.. علي وصله شده من يده وهو يصرخ بفرح جنوني: أبشرك أبشرك.. سالم فاق.. سالم توعى.. وتكلم.. محمد حس كأن كل حمائم العالم اطلقت أسرابا محلقة في روحه.. لتحمل هذه الروح معها وتحلق بها نحو أفق أرحب.. أرحب (يالله وش كثر انتظرت ذا الكلمة: سالم فاق.. وأخيرا يا سويلم.. !!!! والله حرمت أسوق سيارة في طريق طويل وأنا معي حد.. حرمت.. الحمدلله اللي ردك لنا بالسلامة) محمد لما وصل كان الدكاترة متجمهرين حول سالم في الوقت اللي كانت المره اللي جات تزور سالم.. تبكي بعنف على كتف أبو علي برا قدام الغرفة.. محمد اقتحم الغرفة بعنف.. (المره ليش تبكي يوم سالم فاق..؟؟) طالع في وجه سالم اللي كان قاعد باستواء.. (هذا هو قاعد ليش تبكي؟؟) هو وعلي بعدهم مو مستوعبين... لأن علي من سمع منيرة طلعت عليهم وقالت سالم فاق ركض لمحمد بدون مايسمع باقي كلامها.. قربوا من سالم اللي الدكتور كان يسأله بود مهني مدروس وهو يرفع يده قدام وجه سالم: سالم.. شايف يدي..؟؟ سالم بهدوء ميت بصوت حاول يستجمع فيه كل قوته: لا يادكتور.. ما أشوف شيء.. والحمدلله على كل شيء.. الله يعوضني أخير منها في الآخرة.. عكاز محمد سقط على الأرض.. تبعه جسد محمد اللي انهار بالكامل.. *************** منيرة من لما رجعت للبيت.. وهي تبكي بهستيرية حتى سارة انخلع قلبها عليها.. تروح وتجي وكل مرة توقف فوق رأس منيرة.. تبي تكلمها.. يمنعها زعلها عليها... بس في الأخير ماقدرت.. مهما كان هذي منيرة الغالية قربت منها بالراحة: مناري وش فيس؟؟ منيرة ماصدقت إن سارة تكلمها.. انهارت أكثر وهي ترمي نفسها في حضن أختها.. سارة حضنتها بقوة.. بحنان: مناري فديتس خلعتي قلبي.. وش فيس؟؟ منيرة وهي تشاهق: مايشوف ياسارة.. مايشوف.. كله سبتي.. أنا السبب... أنا ما أستحق أعيش على الدنيا.. ليت الله يأخذني ويريحكم كلكم من شري.. آآآه ياسارة آآآآه.. يا قلبي اللي احترق دعيت قلبس يحترق... وأثرني أدعي على قلبي أنا.. بأموت ياسارة.. باموت.. سارة لحد الحين مو مستوعبة حتى منيرة تتكلم عن من؟؟ سارة بحذر: من اللي مايشوف يامنيرة؟؟ منيرة وهي تشاهق بعنف : سالم ياسارة... سالم.. سارة بعدت منيرة من حضنها بعنف الحركة اللي خلت منيرة تنهار أكثر: أنا أستاهل أكثر من كذا.. أستاهل أكثر من كذا.. أستاهل كرهكم كلكم.. أنا حشرة.. حيوانة.. أنا مستحيل أكون إنسانه.. والحيوان مالازم يعيش على الدنيا.. الحيوان لازم يموت.. قالتها وهي تنط على المكتب.. وتمسك بالموس الطويل اللي ينقص فيه الورق.. سارة كانت بعدها مو مستوعبة منيرة وش تبي تسوي.. لكن لما شافت الموس في يدها وهي تهوي به بسرعة على عروق معصمها.. سارة نطت في قفزة وحدة جنب منيرة.. وعصرت يد منيرة وهي تحاول تخلص الموس من يدها.. في الوقت اللي منيرة كانت ماسكته بإصرار وحشي، وتصرخ صراخ أكثر وحشية: خليني أذبح روحي.. ما أبي أعيش في دنيا سالم مهوب قادر يشوفها بعيونه من سبتي.. أنا اللي حرمته نور عيونه بدعاويي.. خليني أذبح روحي.. تكفين.. أرحميني من العذاب اللي أنا فيه أم علي اللي سمعت صراخهم طلعت مفزوعة وقلبها بيطلع من مكانه، شافتهم يتخانقون على الموس.. وسمعت صراخ منيرة وهي تقول: خليني أذبح نفسي.. وماكانت محتاجة أكثر من كذا عشان تفهم.. جات من ورا منيرة وكتفتها في الوقت اللي سارة خطفت الموس من يدها.. ومنيرة مازالت مستمرة في صراخها الهستيري.. واستمرت أمها مكتفتها.. وهي تصرخ وتصرخ وترفس.. لحد ما أنهارت من التعب والحزن واليأس والألم.. #أنفاس_قطر# بعد الغياب/ الجزء الرابع والستون #أنفاس_قطر# بعد صلاة العشاء أبو فهد صار عنده خبر باختطاف عبدالعزيز في العراق.. بعد ما اتصل عليه عبدالله وبلغه.. أبوفهد اتصل في عياله وبلغهم.. الوضع في مجلس أبو فهد أكثر من مأساوي عبدالعزيز بمثابة ولد حقيقي لأبو فهد واخو لعياله... تقرر أن طلال هو اللي ينقل الخبر لنورة.. طلال حاول يتهرب من المهمة.. بس ماقدر.. طلال في سن عبدالعزيز تقريبا.. ونورة أخته اللي أصغر منه على طول.. بينه وبين نورة فرق 3 سنين.. العلاقة بينهم أكثر قرب وودية وحميمية.. طلال طلب من الشغالة تنادي له نورة وهو يحس المهمة صعبة عليه وتثقل روحه المثقلة أصلا بالخوف على عبدالعزيز.. (يطلبون مني أذبح أختي.. ويسمونها : انك أنت اللي لازم تبلغها) نورة طلت عليه من فوق وهو تحت وصاحت بطريقتها المرحة وابتسامتها اللي ما تفارقها على طريقة نبرة الشخصيات المدبلجة: من عندنا؟؟ ياللهول... طلول بعل العنود عندنا.. وكيف أطلقت العنود أسارك ولاتتبعك مثل الصخلة المرفوسة التي تتبع أمها؟؟... سجل سجل في كتاب جينيس.. طلول بروحه بدون ظله المقرود العنود هانم.. أنتظرني.. انتظرني جايتك.. على جناح السرعة وجلست على الدرابزين نص جلسة وتزحلقت لين تحت.. طلال كان يتابع جنونها ومرحها وهو يحسها سهام تخترق صدرة بكل وحشية نطت عليه تحضنه وهي تقول: شفت من فرحتي بشوفة حريتك الغالية اليوم من أسر المحتل الغاشم.. مانزلنا بالطرق المعتادة.. استخدمنا الطريق السري.. طلال وهو يحاول يرسم ابتسامة ميتة: أنتي متى بتعقلين..؟؟ ماكنج خلصتي جامعة ولا مره متملكة.. نورة وهي تضحك: ذنب الحكومة وعزوز... الحكومة ماوظفتني رغم مضي أشهر على تخرجي الميمون.. وعزوز أبو تمبة صار له مالك علي سنة ونص.. وخبر خير.. بس خلاص صدناه الحين مافيه فكة.. طلال كح بحزن: نورة يمكن عرسج يتأخر شوي.. عبدالعزيز يمكن يتأخر شوي في سفرته.. نورة بمرح: له له له.. بايخة طلول.. دور غيرها.. أنا أقول لك تبي دروس عندي في صنع النكتة المعتبرة طلال ماحب يكذب عليها، هم مايدرون هل عبدالعزيز يطلع سليم من عملية الاختطاف أو لا.. فمعرفتها للخبر بتهيئها للي أكبر منه، قال لها طلال بجدية: نورة... عبدالعزيز مخطوف في العراق... نورة انفرطت تضحك لحد مادمعت عينها: هذي حلوة طلول.. وربي حلوة.. تطورات عندك والله وعقب حاولت تتماسك وهي تقول من بين ضحكاتها: تدري أنا كنت حاسة أنه عبدالعزيز بيهرب مني قبل العرس لينفذ بجلده من جنوني وأني بأخلي الانتربول يجيبونه لي مكبل بالأغلال .. بس توقعت يهرب سويسرا مثلا بعد مايهرب فلوسه، على طريقة الأفلام المغبرة... بس العراق حلوة منك على قد سنك... بس لاتعيدها.. تراها عقب تجيب لك حساسية مخية.. وانت مو ناقص... كفاية عليك الحساسية المخية اللي اسمها العنود.. طلال مسك يد نورة بحنان وهو يقول: نورة ياقلبي.. ياروح أخوج أنتي.. لا تخافين.. إن شاء الله بيرجع.. هم طالبين فدية.. وعبدالله رجّال جواهر قاعد يتفاوض معهم.. أسبوع بالكثير ويكون هنا.. وعقب كمل بتوتر: ولو الله بغا فيه شر.. ماحد يقدر يرد قضاه.. وأنتي إنسانة مؤمنة.. نورة كانت مبتسمة ابتسامة واسعة.. بس لما بدت تشم في كلام طلال ريحة الجدية بدت ابتسامتها تنطفئ تدريجيا حتى انطفت نهائيا مع انتهاء طلال من كلامه.. حست كأن روحها سحبت منها بالكامل.. تماما مثل مصباح كان في غاية الإنارة والإشعاع.. بكبسة زر.. ينطفئ إشعاعه ليظلم ماحوله.. هكذا كانت نورة التي كانت كلمة طلال لها هي كبسة الزر التي أطفئت أنوار روحها.. لتغرق في ظلام دامس.. عبدالعزيز نور الأرض وبهجتها.. نورها هي.. القلب الطاهر المحلق النقي الذي حمل هموم كل البشر دون أن يُحمّل أحدا همه قد يختفي من الحياة.. لتبقى هي فيها وحيدة تجتر ظلام روحها الأبدي.. نورة اعتصمت بصمت موحش دون أن تنطق بكلمة واحدة عيناها جامدتان لا أثر للمعة الحياة في رفيفهما ..شفتاها مطبقتان في تلازم يائس.. ويداها متشابكتان بعنف ضائع.. طلال بتوتر: فديتج نورة قولي شي.. صمتج هذا يذبحني.. أبكي.. أصرخي.. سبيني.. أضربيني حتى.. بس لا تسكتين كذا.. لا تقهرين روحج تكفين.. صارخي..طلعي اللي في خاطرج كله.. نورة لم ترد عليه.. وقفت بصمت.. وعيناها تائهتان..خاليتان من أي نبض يوحي بالحياة.. وشفتاها المزمومتان تفتقدان رفيقة دربهما التي مافارقتهما يوما: ابتسامة نورة وصعدت الدرج بخطوات صامتة أشبه بخطوات شبح على سلالم بيت مهجور.. ************************* بعد صلاة العصر دانة قاعدة مع عمتها أم سعود تحت يتقهون.. الجازي دنقت على خشم دانة، وقالت بعيارة: قولي تم.. دانة بود: تم.. الجازي باستجداء: تكفين قومي وديني الصالون أبي أقص شعري قبل المدرسة.. دانة بمودة: ماطلبتي شيء.. بس خليني أستاذن سعود.. سعود كان في المخيم مع جابر.. رخص لهم يروحون.. بس يرجعون قبل المغرب.. دانة والجازي لبسوا في السيارة دانة سألت الجازي: أي صالون تبين؟؟ الجازي: الماجدة.. دانة بتردد: بس شارع النصر وفي زحمة الدوحة العصر.. يمكن يفوت المغرب مابعد رجعنا.. الجازي برجاء: تكفين الدانة.. أنا متعودة أقص شعري هناك.. الدانة: لو قايلة لي كان وديتش الصبح.. الجازي برجاء أكبر: خلاص صرنا في السيارة.. خلينا نروح .. كلها هالشعرتين اقصهم ونرجع بسرعة.. دانة كانت متوترة وماتبي تخلف وعدها لسعود انها ترجع قبل المغرب.. بس ماحبت تكسر خاطر الجازي: سيد علي اطلع للماجدة اللي في النصر.. الصالون كان زحمة.. والمغرب أذن والجازي دورها مابعد جاء.. سعود اتصل في دانة بعد ماصلى المغرب وهو راجع من المخيم للدوحة: الدانة وينكم؟؟ الدانة وهي تبلع ريقها: في الصالون؟؟ سعود بغضب: انا موب قايل لكم ترجعون قبل المغرب... يعني كسرتوا كلامي.. دانة وهي تحاول تمتص غضب سعود: سعود الله يخليك مايحتاج الأمر لكل ذا العصبية.. الحين الجازي بتخلص وبنرجع على طول.. سعود بنفس نبرة الغضب الهادر: والصالون هذا وينه ان شاء الله؟؟ دانة بتردد: في النصر.. سعود ولع: يعني خلصت المحلات ماتلاقون الا في النصر وفي ذا الليل.. شكلش انتي وياها تبون لكم تربية مهيب ذي.. دانة فولت حست كأنه يبي يهينها ردت بصوت مكتوم: سعود أنا متربية في بيت هلي.. منت اللي بتجي الحين تربيني.. لو كانت الدانة نادت سعود بدل اسمه بكلمة (حبيبي) كان يمكن سعود مشى الموضوع عنده بدون شد الأعصاب هذا كله.. يعني كان شد معاهم بس بشكل معقول.. بس سعود بدت تنتابه حالة عصبية سيئة سببها إحساسه أن دانة يمكن أنها ما تحبه، وأن مشاعرها تجاهه نوع من الرضا بالقسمة والنصيب من باب: سعود خلاص صار زوجي خليني اتعامل معه، مثل ما أي مرة تعامل زوجها.. عشان كذا كان رد سعود مبالغ فيه شوي: زين دانة دواش عندي.. اذا ماربيتش يا بنت هادي.. ما أكون ولد أبي.. دانة اللي ماحبت يزودنها في الحكي قالت له بكلمة حادة: مع السلامة، وقفلت الخط.. سعود على الناحية الثانية ولع: قليلة أدب.. أنا بأربيها.. خلصت الجازي قبل أذان العشا، طلعوا على طول، بس مالقوا سيد علي واقف برا، دانة اتصلت فيه وهي واقفة في البرد هي والجازي: سيد وينك؟؟ سيد بنبرته الهندوعربية: بابا سعود كلام.. انتا روح بيت.. انا يجي شيل بنات.. دانة توترت: شكل سعود مايبي يجيبها البر، والله اليوم العصر كان وش حليله .. وش قلبه ذا القلبة السودا.. جاو بيرجعون ينتظرون في الصالون لين يجيهم سعود لولا أنا راكبين الدراجات النارية اللي غالبا متواجدين في النصر من بعد المغرب لنص الليل.. قطعوا عليهم الطريق وهم يصيحون صيحاتهم التشجيعية المعتادة لفوا لفتين ثم حركوا درجاتهم ومشوا، لكن مع وصول سعود اللي شاف المشهد كامل.. سعود حس بنار تطلع مع أذونه وخشمه وعيونه، مع زفيره وشهيقه.. من الغضب اللي فيه حس أنه ممكن يكسر الدنيا بجنونه.. ممكن يحرقها بزفراته الحارة لولا أن الزحمة مسكته..وهو يشوف المشهد قدامه.. أو كان يمكن صدم سواقين الدراجات بالسيارة من شدة استحكام حالة الجنون اللي صابته.. ركبت دانة قدام والجازي ورا.. والكل صامت.. والصمت أشبه فعلا ليس بالصمت قبل العاصفة.. ولكن الصمت قبل الأعصار.. سعود حاول يمسك نفسه.. لأنه عارف نفسه.. لو عصب..ماراح يشوف قدامه و يمكن يصدم الحين في إشارة مرور.. كان كاتم في نفسه وساكت.. ودانة مستغربة وساكتة.. أول ماوقف سيارته في حوش البيت: ألتفت على البنتين مثل فيضان مدمر من الغضب.. هزئهم وهزئهم وهزئهم.. مرة تهزيء جماعي.. ومرة تهزيء منفرد لكل وحدة.. واللي نالت أكبر قدر من التهزيء كانت دانة بحكم أنها الكبيرة.. وظل يهزئ لحد مافرغ طاقة الغضب اللي عنده كلها.. الجازي نطت من السيارة وهي تبكي.. دانة لولا وجود الجازي او كان لها كلام ثاني مع سعود.. كما أنها من ناحية ثانية ماحبت تشد مع سعود اللي كان واصل أخره من الغضب.. قررت تنزل بهدوء.. وسعود مستغرب من صمتها.. سعود مسكها من ذراعها بقوة قبل تنزل: يعني ماعندش رد على سواد وجيهكم؟؟ دانة بهدوء: خلاص سعود أنت كفيت ووفيت.. ماعقب حكيك حكي.. سعود بغضب: تتمسخرين حضرتش؟؟ دانة نفضت يدها من أسر يده ونزلت وهي تقول: أفهمها مثل ما تبغي.. دانة لو كانت في طبعها الحقيقي كان خلت سعود يندم على كل كلمة قالها.. وكان عندت وأصرت على موقفها.. بس مع سعود أصبحت تقدم الكثير من التنازلات لمجرد إرضاءه.. على الجبهة الأخرى سعود كان مجروح ومتألم: يعني كأنها تقول لي قلعتك.... بس انا بعد زودتها.. شنو زودتها.. باقي الكلاب اللي على الدراجات يمدون يديهم.. عشان أقول الحين أتكلم.. بس هم ماكان لهم ذنب.. وبس.......... وبس........... ويمكن..... سعود سبب توتره العالي أنه بدأ يحس أن حبه الخرافي لدانة قد لا يكون له نظير أو حتى شبيه في قلب دانه.. (أنا قبل كنت مكتفي بقربها مني.. بس الحين أنا أبي كل شيء.. أبيها قلب وروح وجسد.. يعني معقول تكون محتلتني بهذي الطريقة.. ومستولية على كل مشاعري بهذا التسلط.. ومايكون لمشاعري العنيفة في قلبها صدى؟؟؟؟!!!!) سعود حرك سيارته.. ورجع للمخيم.. ولجابر.. ولرغبة عارمة في جر أشعاره الحزينة.. #أنفاس_قطر# |
صباحك ورد انفاس قطر صحيح بارت اليوم لاهث
نشفتي ريقنا من الصبح نجي حق احداث البارت سالم مسكين صار اعمى وردة فعله تدل على قوة ايمانه برب العالمين وان الله بيعوضه خير في الاخرة ومنيرة تستاهلين العذاب اللي انتي فيه تو ذا الحين حسيتي بالذنب بس وش قلة الايمان عندج رايحه تنتحرين ناقصه انتي ذنوب هذا بدل متوقفين مع سالم وتكونين له العيون اللي يشوف ابها بدل ماتشجعينه وتقولين له انا معاك ماراح اتخلى عنك اهوا ذا الحين محتاجج اكثر من اي وقت محتاج منج حب مب شفقه بس اتمنى يكون العمى اللي عنده مؤقت ويحتاج عمليه ويسويها وتنجح وتوقع انه بيقول لمنيرة انه بيطلقها لانه مايبيها ترتبط بعمي .محمد مسكين اكيد نفسيته بتكون في الحضيض لانه حاس انه اهوا السبب في الحادث واهوا المسبب في عمى سالم مع ان هالشي قضاء وقدر . عبد العزيز ان شاء الله يرجع في البارت الجاي ويتزوج في الموعد اللي حددوه نورة مسكينه ماستوعبت بسهوله الكلام الل قاله اخوها طلال اتفكره يمزح الله يعينها بس ضحكتني واهيا تنزل الدرج الله يعين عبد العزيز عليها بتخبل فيه . عزوز ياخطير كل حركاتك وتصرفاتك مثل ابوك عبدالله ومثل ماقالت امك هذا الشبل من ذاك الاسد . سعود جنك مصختها مع دانه ذا الحين بتزعل (ظبيه شرقيه (زارا )) بس ماعلي منها احس انك اناني ومتسلط والموضوع مايحتاج كل هالزعل والعصبيه كل هاذي عشان دانه ماقالت لك احبك استنى عليها وبيجي يوم وتقولها يمكن المرة تستحي توكم متزوجين خلها تطلع عفويه احسن فكر في الموضوع ياسعود لو دانه ماتحبك جان ردت عليك بعد كل هالتهزيء والكلام اللي قلته فكر في التنازلات اللي قاعده تقدمها لك كل هاذا لانها تحبك الله يهداك يارجال .ماجد ودلال ماجبتي طاريهم في هالبارت وفاطمه بعد اختفت هل انتهى دورها ومها متعب زوجها نبقي نعرف عنهم ويون لهم دور ونجلا تزوجت جواهر وانتهت مشكلتها مع دلال واختفت .مشكورة انفاس وتسلم ايدينك. وجه الصباح |
روايــــــــــــــــــــــة رائعة
حـــــــــــــــــــــــــــــــــد الجنون .. هربتـــ من جو الاختبارات المشحووووون لأجد ضالتي في هذه الرواية العذبة ... حبكة رائـــعة ،، كنت اظن ان بمعرفة غموض هروبـــ عبدالله بابناءه ستفقد القصة بريقها .. لكـــن الحكاية تزداد حلاوة وامتاعا شهيا ... منذ زمن لم اقر يتلك الروعة .. أحببت بجد شخصياتها .. أنت اللي أسعد الله صباحك كما ابهجتني في هذااا اليـــــــــوم .. ولأعلن نفسي معكم متابعة بشغف سلمت يمناك يــــــــــ أنفاس ـــا أحببت قطر منكـ .. |
صباح الخير على أحلى طير
أحداث كتمت انفاسنا ياأنفاااااس مسكينه النوري يعني كان لازم يعلمونها ؟؟؟حرام عليهم قتلو فرحتها الله يرجعك سالم يابو منصور بس علشان هالعصفوره الي اذبحوها انا متأكده لو تدري وش كثر هي تحبك وأكثر وحده انفجعت عليك ماقعدت سنه ونص مالك عليها ومخليها >>ياقسي قلبك سعود الي فيه طبع مايخليه الحين يوم قلنا صافي يالبن تجي حضرت جنابك وتحوس اللولي والتاالي الله يهداك ماهكذا تورد الابل ياسعوود..؟؟؟؟؟ منيرة ....لاتعليق ؟؟؟ أنفااااااااس بكل الحب ننتظر خلجات انفاااسك ... |
صباحك ورد وفل وياسمين
احلى صباح لاحلى نفوسة عودتينا نبدا يومنا بقرائة قصتك الرائعة مع احداثها العاصفة اليوم سالم يا قلبي عليك ما شافش يوم حلو بس ربنا يصبرك بايمانك وقوته منيرة انت عقلك سليم مش كفاية الدعاوي الي دعتيها على سالم من غير ذنب اقترفه غير انه يريدك له حليلة كمان عاوزة تكفري برب العباد لهذه الدرجة ايمانك بربك ضعيف بدل ما تستغفري ربك وتدعيله يعافي عن سالم ويشفيه بدل ماتقفي بجوارة وتكوني الزوجة التي تمناها تفضلين الموت تفضلين معصية ربك ربنا يهديك عبد العزيز الكبير فعلا رجل يا اخي بايمانك القوي بالله عز وجل وان شاء الله يفك كربك ويرجعك سالم لعرستك واختك عبد العزيز الصغير صحيح صغير في السن بس كبير في اخلاقك وعقلك كلامك اكبر من سنك ربنا يحفظك من كل شر جواهر الام الحنونة المتفهمه التي تحتوي اولادها بعقلها وحكمتها لتكسب ودهم وتكون الصديقة قبل الام عبدالله لم يظهر دورك في هذا الجزء لكن عندنا امل كبير انك تستطيع مساعدة عبد العزيز ان شاء الله سعود ايه يا ابني بالهداوة فيه واحد يتنرفز بالطريقة دي على سبب عادي انت يظهر مش عاوز دانةتعترفلك بحبها عاوز تزود البعد بينكم ليه حتى لو فرضا هيه رضت بيك كامر واقع تقدر انك تغير احساسها ده بحنيتك وبالمعاملة الحسنة مش بالشدة والعنف نورة يا قلبي عليك ربنا يصبرك انطفات بسمتك احلى بسمة في القصة كلها ربنا يرجعلك عبد العزيز سالم ان شاء الله سلامي اخت انفاس ولك مني كل التحية لانتظامك اليومي بالبارتات بصراحة كرمك لا حدود له معنا لان اكيد مثل الجميع عندك ظروف تمنعك من المواصلة اليومية ورغم كده مواظبة يومياعلى التنزيل |
السلام عليكم..
نفووووووووووووووووووووووووس تهبل قفلة اليوم..مثل ما البارتين يهبلوووووون...يسلموووووووووو.. نـورة قطعــت قلبـي..وشلون عبالهـا انه يتغشمر وبعدين طلع صج..وشلون تغيرت ملامحهـا..الخبر مو هيـن..كلش..بتم متوترة والافكار توديهـا يمين يسار..والي يخوف..جمودهـا..لو بجت او صارخت..عادي لان ردة فعل طبيعيه..بس ان تكبت بنفسهـا..لا الله يعينهـا.. منيـره واحساسهـا بالذنب الي يقطعهـا..ومحاولتهـا للانتحار..بتبتعها محاولات ثانية..قلبي شي صار وخلص..انتحارج مارح يفيده بشي..ادعيله.. ديمـه ليش العناد..تدرين انج مارح تقولين لامج غير الي قاله عبد العزيز..اهو ما رح يخسر شي..بس انتي الخسرانه عبد العزيز ذكي ما شاء الله عليه..وحده عاقل..تحسين عقله اكبر من سنـه..بس شكله يحب ديمه..! عبد العزيز الكبير وايمانه بالله..وثقته الكبيرة فيـه..الله يكتب الي فيه الخير.. سالم الحمد لله الي صحى من الغيبوبة..والحمد لله على كل حال..صج صعب عليه..بس لازم يتعود..ويبيله فترة علما يتقبل هالشي..الله يعينه محمد وشعور الذنب..شلون بكمل حياته واهو يحس انه السبب بالي صار لسالم..الله يعينه هذا الي طلع معاي:) تقبلي مروري |
بارت رااااااااااااقي جدااااا
ورااااااااااااااااااائع جدا.. اعجبني بروعته الراااااااااائعة ادهشني بجماله الرقيق.. مبدعة كعادتك.. تتألقين بكل يوم كوردة تزداد جمالا.. اتمنى ان لاتتأخري علينا.. نحن دومااا بانتظارك بشوق.. حفظك الله ورعاك.. |
السلام عليكم ورحمة الله وبركاته
أنفاس الرقيقة لك مني أجمل تحية عزيزتي.. الرواية غاية في الرقي والجمال.. أقدم لك إعتذاري على طول صمتي ولكن هي ظروف الإمتحانات.. سلمت يمينك ولا عدمناك أخيتي.. |
السلاااااااااااااااااااااااام عليكم ورحمة الله وبركاااااااااااااااته ...مســــــــــــــــــــاااااء الـــــــــــــــــوووووووووووووورد...والجــــــــــــــــــ ــوري مرحبااااااااااااااااااااا نفووووووووووووووووسه.... اول شي..بااااااااااااااااااااااااااااااااقة شكر...كبيره ابعثهااااااا لروحــــــــــك...الراااائعه...:flowers2:واهتمااااااااااااام ك بتنزيل البارتااااات..على طوووووووووووووول. .وبنفس الموعد تقريبااااااااااااا......مجهووووود كبير الله يعطيك العاااافيه عليه.... وبااااااااقة اكبر واكبـــــــر واكبـــــــــــــــــــر...:flowers2: ..على ان اليووووووووووووووووم الباااارت كااااااااان خالي من القفلاااات المميته...اللي تعودناها...وش صار عليك اليوووووووووووم....ليش رحمتينااااا<<<اكيد وراك شي...خخخخخخخخخخ حااااسه,.,, ,ان وراك قفله مفجعه وممميته.....الله يستر منك.... نفووووووووووووووسه...وربي انااا من اول بارت في روايتك وانااا حاسه نفسي بسبق مع الزمن..وان الاحداااث تركض ركض..مو قااادره... الحق عليك....ماااااا شااء الله عليك....نخرج من شي ندخل بشي ثااااني.... ماا ادري احس كاننا ببداية الاحداااث.وانك تبين تمشينها بسرعه... وتبين توصليناا لنقطه. ..معينه..وبنبدا نهدي اللعب...عندهاااااا...<<<<والله ذا احسااااااسي.. .خخخخ..على فكره احساسهااا ما يصدق ابد..فما عليك منه... حبيبتي..ماعليك من بربرتي الزاااايده... امممم ذا الجزء انااا ابي اسميه ...(باااارت ما قبل الحدث...) يعني ... احس لكل جزء فيه بدااية لحدث معين... دانه وسعووووود واللي صار بينهم بمشهد اليووووم..كانه بدااااية ...لشي كبير بيصير بينهم.. . وكله من عصبية سعوووود..واللي من شوووقه لكلمة في باله.. .مو قادر يتحكم باعصاااابه....وبدا كانه ينتظر الزله لدااانه..... ديمــــــــــــه...عزوووووووووووز امممممم...والله طلع خطير هالعزوز صدقت جواهر هذا الشبل من ذاك الاسد... الواضح...ان عزووووووز...عقله كبير...وانه يكن مشاعر لديمه... يمكن ديمه ما تدري عن هالمشاااعر..ومن هنااا بتبدا..تفكر في تصرفات عزوز ناحيتهااا...وبتنتبه...لمشاااعره...يمكن لانها طووول عمرها تبي احد يشد عليهااا ويدور عليهاااا. .بسبب اهمال امهااا..وتلبتها لرغباتها..بدون معارضه...فبتلاقي بعزوز. .النقيض تماما..بس يا ترى للحين ببالهااا..افكارها المجنوووونه.. .ولا مشاعرها الجديده.,..اللي ممكن تنولد تنهي هالرغبه.... ساااالم...ومنيره.... امممم اول شي..انا استغربت جدا..صحوة سلووووم المفاجاه من الغيبوبه.. .ما توقعت انه بهالسرعه بيفوووق..انا قصدي بهالسرعه..ان واحد يكوون مغمى عليه. .وفي ضربات شديده براسه..اقل شي...لما بيصحى بياخذ وقت لما يتكلم... وخصوصااا اذا كان على جهاز تنفس..صناعي...لانه كان بغيبوبه..يعني ما بيقدر يتكلم...والجهاز بحلقه....؟؟؟؟؟ يكون من غير..جهاز يعني؟؟؟؟؟..لان اغلب المرضى الفاقدين الوعي.. .ينحط لهم..جهاز تنفس. صناعي ؟؟؟؟!!!!! المهم انه صحي..والحمدلله...بس ياااتر ى كيف بيتقبل هالحدث... عزووووووووووووووووز..و...نوووووووووووووووووووره.. وش بيصير..يا ترى نفوووسه...باسلوبهااا اللا متوقع دايمااا بتخلي الموضوع ينحل بكل سهوووله..واسلوب تقليدي عبدالله يجيب الفديه..ويرجع عزووز. .لنوره ويتتممون زواجهم... ولاااا ماطاااااااااش.. نفووووووووووووووووووسه..الله يسلم يدينك عن الناار حبيبتي.... ومشكووووووووووووووووووووووووره لو بقووولها من هناا لبكره..ما بوفيك حقك....على هالابدااااع..وعلى هالتواااصل الداايم... ودي لرووووووووووووووووحك.دوووماااا.. والشكر موصووووول لمذهلتنااااااااااااااااااا..دوووووووووووما وابداااااااااااااااااااااااا الله يعطيكم الـــــــــف عااافيه |
وآآآآآآآآآآآوك خطيره
على قولتك انقطعت انفآآآآآآسي وانا اقرا هع مشكووووره يا عسل |
راااااااااااااااااااااااااااااائع بارت رااااااااااااائع ...الف الف شكر لك يا مبدعة وتقبلي تحياتي
|
صباحك خير أنفاس
أربعة أجزاء مفعمة بالعاطفة حد الإشباع أكاد أجزم ألا إمرأة في الكون لا تتوق إلى رجل ك(عبد الله)سندا وحبيبا وصديقا أبدعت في في رسم هذه الشخصية كما ابدعت في تصوير العواطف بينة وبين زوجته وكذلك بين سعود ودانه وأخيرا ظهرت عوطف جديدةبين سالم ومنيرة وماجد ودلال أوجدها الشعور بالذنب في الأولى والتحدي في الثانية عاطفة واحدة هي(الحب)محور تدور حوله كل الروايات إلا القليل لا نجد بينها كثير إختلاف ولكن.؛في قصتك أجدني أقف متعجبة فلله درك ماأقدرك على التنويع في العاطفة الواحدة وعرضها بطريقة رومانسية راقية كم كنت أتمنى أن تصعدي الأحداث بين المحبين لتتأجج المشاعر ويتجلى صدقها وقد حدث أتوقع أزمة قادمة في الطريق لعبد العزيز الصغير مع ذلك الذي هدده تعجبت من هيام سالم وتعبيره عن حبه لمنيرة فور إفاقته فهل كان يمثل الغيبوبة(سؤال غبي صح؟) كتبت هذا الرد وأنا أتوارى خجلا من مشاغلي هذا غيض من فيض أجدني غير قادرة معه على التعبير ولكني اشكر لك أنك جعلتيني أكتفي بقراءتك فقط ثم اخرج راضية لاابحث عن أخرى سوى تلك (الرائعة )حد الإنهاك سلمت يمينك! مع خالص مودتي |
السلام عليكم
كيف حالك نفوسه؟ يعطيك العافيه وسلمت اناملك عبد العزيز :: سبحان الله لما الوحد يقدم على فعل الخير او عمل ديني مهما واجته المخاطر يبقى قلبه مطمئن وتلفه السكينه عكس لما يكون عمله فاسد تلاقيه في توتر وشوي يفقد عقله من الخوف والريبه سالم :: هل غرفة امه وابوه اللي اعتاد يشوف فيها الظلام والسواد خارج عيونه روٌضته لان يرى السواد داخلها في كل شي بالدنيا للابد يمكن مصيبته في وفاة امه وابوه في الحريق من اشد المصائب عشان كذا هان عليه فقدانه لبصر.....ربما عجبة لصبرة وثباته ورضاه وقوة ايمانه منيرة :: مشاعر واحاسيس عاصفه وهائجه تحمل بين تياراتها خليط من الندم واحساس بالذنب وحرقه وضعف الايمان ...ضغط نفسي فجرته بمعاقبة نفسها بطريقه هستيريه اتوقع سالم بيطلق منيرة برغبته حتى تشوف منيرة نصيبها مع اللي احسن منه و هالشي بيخليها حياة بلا روح ديمه :: ان شاالله يكون هاللي صار لها درس لها وان مهما اخفت انوثتها ومهما بلغ ذكائها تبقى بنت ضعيف ورقيقه دانه وسعود :: يبدو ان شغل دنه ماثر على علاقته فيها صاير مبالغ في ردة فعله اما دانه فبدات ترضيه شوي بداية بقبول فكرة الطبيبه المدرسيه وسكوتها لما هاوشها شكرا لك اختي لك خالص حبي و احترامي |
صباح البهجة والسعادة
وكوب القهوة الساحنة تتدفق رائحته المنعشة إلى الأنوف لتنعش العيون الناعسة أشتقتم لكم وأنا على طوول مشتاقة لكم القارئات الوفيات اللي أصبحوا بالفعل أكثر من صديقاتي وخواتي وعيوني تبحث بلهفة مستميتة عن اسم كل واحدة منهم حتى أطمئن عليها وعلى تواجدها وأنها بخير تطالع عينيها سطوري في حبل من الود المتين بين قلبي وقلبها أود أن أشكر بكل العمق والقوة قارئاتي الجديدات المشتركات الجدد في الرواية من أجلي يبقون دائما لهم الوضع الخاص وإحساسي بجميلهم يطوق عنقي استلموا البارتات الجديدة 65 66 الجزئين اليوم مختلفين مشاعر مختلفة حب جارف غضب جارف تجدي جارف اليوم يوم المشاعر الجارفة لتستعد كل منكم بمركبها لتبحر في بعض الغياب حتى لا تسحبها التيارات الجارفة أطالب فقط بحمايتي وبقوة من bent el-q8 لأنه في أحداث اليوم حدث هي حذرتني بقوة وبتهديد ألا أفعله وفعلا كانت أكثر وحدة انتبهت له وحذرتني ولكن وش أسوي بلعاتني سامحيني يا شيخة بنات الكويت قراءة ممتعة مقدما لا حول ولاقوة إلا بالله . . . . |
بعد الغياب/ الأجزاء65، 66
بعد الغياب/ الجزء الخامس والستون
#أنفاس_قطر# الفجر قبل الأذان .. في غرفة سعود ودانة سعود تأخر كثير في الرجعة.. الفجر قرب يأذن.. ودانة خلاص اعصابها انهارت وبدت تبكي خوف وقلق على سعود.... أول شيء كانت كرامتها مانعتها تتصل فيه.. (وش معنى هو اللي مافكر حتى يعتذر لي أو يطلع وراي يأخذ بخاطري.. هو اللي هزئني بدون سبب) بس لما شافت الفجر قرب يأذن وهو مارجع قالت: خلاص لا أبوها لا بو ذا الكرامة بعثت له مسج (وينك؟؟) مثل مابعثت له كلمة وحدة رد عليها بكلمة وحدة (المخيم) كل واحد منهم جرحته حدة الكلمة الواحدة وانعدام عاطفيتها.. وفي نفس الوقت كانت الكلمة الواحدة مصدر هدوء لكل منهم.. سعود عرف انها مشغول بالها عليه.. ودانة ارتاح بالها عليه وانه بخير. ******************** صباح اليوم الثاني عبدالله في مكتبه في البنك.. يطوف به قلق عاصف، يحاول تنظيم أفكاره ليصل للهدف المرجو.. بلهجة هادئة واثقة كان يوجه حديثه لراوي الخبير القانوني في البنك العراقي الأصل الأمريكي الجنسية والذي تربطه بعبدالله علاقة ود متينة نمت من أيام دراسة عبدالله الأولى في أمريكا وتوطدت بعد عودة عبدالله لأمريكا.. وتوطدت أكثر بعد أن عينه عبدالله في وظيفته الحالية: هاه راوي .. وش رأيك؟؟ رواي بلهجة هادئة يشوبها بعض توتر: عبدالله أنا ما أدري شأكول لك..الموضوع بسيط إن شاء الله..بالغالب هذولا يريدون فلوس وبس.. بس من ناحية ثانية ما أكدر أأكد لك أنه الخاطفين ممكن يسلمون نسيبك وكت ما يستلمون الفدية.. عبدالله بهدوء وثقة: ولو أنا رحت بنفسي عشان أتفاوض معهم.. راوي برعب: أنت أكيد مجنون عبدالله.. شنو حجي المخبلين اللي كاعد تكوله؟؟ أهلي كلهم هناك حاضرين.. أهلك وكأنك موجود وأكثر.. يعني نسيبك مايندرى حي وإلا ميت.. تريد تلحكه..؟؟ عقب تنهد راوي بعد تماسكه: على العموم عبدالله الوضع الحين أحسن من أول بكثير.. والأمن أكثر استقرار.. بس مهما كان الوضع فيه اضطراب.. وأنا أخاف يصير لك شيء أحس أنه ذنبي.. عبدالله يتنهد: عبدالعزيز مثل ولدي... وأنا ماني بمرتاح لوجود وسطاء.. أخاف أرسل الفلوس تصير مشاكل وأنا موب موجود عشان أحلها.. عشان كذا أنا حاب أسافر للعراق بنفسي.. راوي بخوف ودي: أعرُفك زين عبدالله.. يوم تصمم على شيء.. طيب وأنا حاضر باللي تريده.. عبدالله بثقة: أنا بأحجز على طيارة بعد بكرة لبغداد.. أبيك بس تدبر لي رجّال يكون ثقة.. يدل في العراق زين.. عشان يستقبلني ويكون معاي لحد ما أخلص.. راوي بحزن متوتر: ابن عمي فاضل.. مافيه غيره.. جن مصور.. هو الوحيد اللي كان يكدر يفلت من كل حصار وحظر تجول.. ذكي وشجاع والموت أخر همه.. لو أكو أحد ينفعك هناك وفي مثل موقفك بيكون فاضل.. وعبدالله يتكلم مع راوي رن موبايله كان ولده عبدالعزيز عبدالله بحنان: هلا يبه عزوز باحترام: يبه وش سويت في الموضوع اللي قلت لك اليوم واحنا على الريوق..؟؟ عبدالله بثقة: أفا عليك.. أوراق ديمة ودها لها هي.. ومن بكرة خلها تداوم في مدرستها الجديدة وعقب كمل بفضول: أنا باعرف أشلون قدرت تقنعها.. وانا اللي تعبت أقنع في أمها تجبرها وتطلعها من المدرسة ذي.. عزوز بهدوء: أنت توجهت للرأس الكبيرة..بس أنا صوبت على الرأس الصغيرة.. عبدالله باعجاب: عفية.. ولد أبوك.. أبيك كذا.. يوم تحط شيء في رأسك تسويه.. بس طبعا مايكون هذا الشيء متعارض مع دين أو اخلاق.. عدا هذين الشيئين توكل على الله.. واقتحم.. عبدالله مبسوط جدا بشخصية عزوز اللي بدت تبرز بقوة من تحت ركام خجله وشخصيته الحساسة.. عزوز بابتسام: حافظ الدرس يبه.. لا تحاتي ******************* أول يوم دوام لدانة بعد زواجها مانامت الا ساعتين بعد صلاة الصبح.. والحين الساعة صارت 3 ونص.. تأخرت أكثر من نصف سعادة عن موعد خروجها.. لأن الحالة الاخيرة احتاجت شغل زيادة.. كانت سيدة عجوز تحتاج خلع أضراس العقل.. وكانت محتاجة بنج كامل.. فتأخرت دانة معها.. لحد ما تأكدت انها بخير.. خذت موبايلها تبي تتصل بسيد علي تشوفه جاء هو الخدامة او بعد رغم أنها قالت له يجي 3 بالضبط.. لقت في موبايلها مسج له أكثر من 20 دقيقة من زميلتها المقربة الدكتورة تهاني: " إذا المزيون اللي سيارته فكسار ذهبي سعود تراه برا معصب واقف جنب سيارته مثل أسد مستعد للانقضاض على فريسته أطلعي واستلئي وعدك ياحلوة إن شاء الله نلقى منج شوي أشلاء ندفنها" دانة بتوتر: يا ويلي قبل ثلث ساعة كان معصب.. أكيد الحين مولع نار.. توه موقف أمس مابرد.. وش بيفكني من لسانه.. وبعدين هو ماقال لي بيجي.. ولاحتى عرفت انه بيجي وهو بايت امس في المخيم.. دانة شافت سعود قاعد ينطرها في السيارة، ووشكله مبين عليه عصبيته المعتادة مع تغير لون وجهه في دليل لازياد عيار الغضب شوي.. دانة ركبت بهدوء: السلام عليكم.. سعود بغضب: وعليكم السلام ياحضرة الدكتورة المبجلة.. دانة سحبت نفس عميق (من أولها كذا) بس ماردت عليه، سكتت.. سعود بنبرة غضب مكتومة: كان تأخرتي أكثر.. دريول حضرة جنابش قاعد في الشمس.. ينطر سموش تخلصين مرضاش.. دانة ماردت عليه.. سعود بدأ يفول من تجاهلها: قدمتي طلب النقل..؟؟ دانة بهدوء: قدمته.. سعود حاول يتسلح ببروده المعتاد بس ماقدر مع نفسيته المرهقة فسألها بعصبية: ومتي بتروحين هناك؟؟ دانة بذات الهدوء:بباشر هناك بعد بكرة سعود تنهد بغضب: يعني بكرة بعد مداومة في الرميلة؟؟ دانة بهدوءها اللي ذبحه: إن شاء الله.. سعود بحدة: بكرة لا تروحين.. انتظري لبعد بكرة وروحي داومي في الصحة المدرسية.. دانة وهي تسحب نفس عميق وتحاول تسيطر على أعصابها اللي بدت تفلت: أسفة سعود..ما أقدر سعود مسك الفرامل في نص الشارع وهو يلتفت عليها بحدة: نعم؟؟؟؟ دانة اللي ارتعبت من حركة سعود، والسيارت بدت تطلق هرنات غاضبة وراهم.. دانة برعب: أنت أكيد مجنون.. فيه حد صاحي يسوي كذا سعود مارد عليها، شغل السيارة وحرك... دانة حست بتوتر غير طبيعي، وإن سعود حالته غير طبيعية أكيد.. غصبا عنها بدت تبكي.. وسعود لما سمع صوت شهقاتها الخافتة، وهي تلف وجهها للناحية الثانية.. حس قلبه يتكسر مثل ورقة شجر جافة تحت قدم عملاق متجبر.. يحس نفسه ضعيف ومحطم قدام دموعها.. كان كل اللي هو سواه.. إنه ألتزم الصمت باقي الطريق.. ودانة استمرت في دموعها الصامتة وفي قلب كل منهما حزن غريب.. وحب أغرب.. ****************** ماجد في مجلس الحريم في بيت أخته نجلاء.. نجلاء بحب: هاه حبيبي أبو فيصل.. آمرني... ماجد مد يده بظرف لنجلاء وقال لها بثقة: هذا مهر دلال أبيج تودينه لها بكرة المساء.. نجلاء بصدمة: ماجد أنت أكيد مجنون.. وش مهره والبنية ماوافقت عليك أصلا.. أنت تبي تفشلني.. ماجد بخبث: ومن قال لج إنها ماوافقت علي؟؟ نجلاء بصدق: أنا أمس كنت عندهم.. واليوم أم جاسم كلمتني.. وماحد منهم بلغني بهالموافقة الفجائية اللي ماحد عنده خبر فيها غيرك.. جاسم اللي في رأسه مخطط مجنون: هي بنفسها قالت لي.. يعني أنا بأكذب عليج في موضوع مثل هذا.. أنتي روحي وعطيها مهرها .. ومالج شغل.. بس ماتقولين لأحد شيء لين تعطينها المهر.. نجلاء بتوتر: أكيد ماجد؟؟؟ ماجد بثقة مجنونة: أكيد يا أم حمودي ********************** أبو علي في بيته متوتر.. طلب من أم علي تنادي منيرة له.. منيرة من عقب محاولتها المجنونة الليلة السابقة للانتحار.. اللي هي ندمت عليها كثيرا.. واستغفرت ربها منها كثيرا.. وهي محطمة تماما نفسيا وجسديا ومعنويا.. منيرة دنقت على رأس أبوها وجلست جنبه، وقالت له بصوت مبحوح من كثر البكاء: لبيه يبه.. امي تقول انك تبيني؟؟ ابو علي بتوتر وبعض حزن: سالم يا أبوس منيرة حست قلبها بيطلع من مكانه وهي تسمع اسم سالم، سألت بحذر: وش فيه سالم؟؟ ابو علي في كلمة واحدة حادة: يقول يبي يطلقس.. #أنفاس_قطر# بعد الغياب/ الجزء السادس والستون #أنفاس_قطر# منيرة حست قلبها بيطلع من مكانه وهي تسمع اسم سالم، سألت بحذر: وش فيه سالم؟؟ ابو علي في كلمة واحدة حادة: يقول يبي يطلقس.. منيرة بصدمة وهي غير مستوعبة: سالم يبي يطلقني.. ليه؟؟ أبو علي بحزن: يقول منيرة صغيرة ومالها ذنب تعيش مع رجّال أعمى.. سبب عمى سالم شخصه الأطباء بإصابة في مركز البصر في المخ.. وهذا النوع قد يكون مؤقت في حالة استعادة المركز لحيويته.. وقد يكون دائم في حالة كون ضرر المركز دائم.. منيرة وهي تأخذ نفس عميق وتحاول تطرد كل أحزانها: سالم ماله حق يطلقني .. والعمى امتحان من رب العالمين لي وله.. لاني بجازعة منه ولا هو بجازع منه.. أبو علي باستغراب: مهوب أنتي اللي كنتي ماتبينه.. وتبين الطلاق؟؟ منيرة بثقة: كنت غبية.. وغيرت رأيي.. أبو علي بهدوء: بس يا أبوس أنا ما أقدر أجبر الولد ياخذس لو هو أصر على الطلاق.. وشكله مصر.. منيرة بثقة كبيرة: يبه أنا أبي أروح لسالم الحين.. وخلاص يبه أنا ما أبي عرس ولا شيء.. و أنا من اليوم مرت سالم بكل معنى الكلمة.. وبلغ كل جماعتنا.. وبأرجع معه لبيته يوم يطلع من المستشفى.. أبوها بصدمة وعصبية: موكنس زودتيها يا أبوس.. تبين تجبرين الولد عليس.. منيرة وفي رأسها مخطط كبير: أنت الحين ودني لسالم وبتسمع منه هو بنفسه.. نفس كلامي.. أبو علي رغم غرابة تصرفات بنته.. إلا أنه كان مرتاح من إصرارها على البقاء مع سالم.. لأنه هذا هو اللي يبيه أبو علي.. إن سالم مايكون بروحه بعد طلعته من المستشفى ******************** عبدالله راجع من دوامه من البنك.. جواهر كانت جالسة تحت هي ونوف..نوف قاعدة جنب أمها.. وشابكة ذراعها بذراع أمها ورأسها على كتفها.. عبدالله سلم وعقب قال بابتسامة: ماشاء الله كناري حب.. موب أم وبنتها.. نوف باست كتف أمها بعمق وعقب نطت تحضن أبوها وقالت بحب: الله لا يحرمني منكم اثنينكم.. عبدالله بحب: ولا منج يا أحلى البنات.. وعقب عبدالله جلس جنب جواهر وسوا نفس حركة نوف.. شبك ذراعه بذراعها باس كتفها.. وعقب حط رأسه على كتفها وهو حاضن ذراعها بقوة.. جواهر كحت وقالت بصوت واطي: عبدالله عيب نوف واقفة.. عبدالله وهو يرجع يبوس كتف جواهر: نوف عندج اعتراض؟؟ نوف وهي تضحك: حاشا وكلا.. براحتك طال عمرك.. وانا بعد بأطلع أتصل في حصوص... عشان ما أكون عزول.. لما طلعت نوف جواهر قالت بعصبية: عيب عبدالله مايصير.. عبدالله بمرح وهو يشدد من أحتضانه لذراعها: شنو عيب.. هذي نوفتي.. لو عزوز كان قلت ماعليه.. مايصير قدامه.. وبعدين أنا ماسويت شيء.. الحين بأسوي... بما انه نوف راحت بأسوي اللي في خاطري أسويه من يوم دخلت وشفتج جالسة.. وكانت نوف صاكة علي. جواهر بتوتر وهي تبي تخلص يدها من عبدالله تقوم: وش تبي تسوي يالمجنون؟؟.. خلني أقوم من جنبك أحسن.. عبدالله مسك يدها بقوة وجلسها، وهو يقول بحب: خلاص اقعدي.. أبي أقول لج شيء.. جواهر رجعت تجلس.. وعبدالله يفلت يدها بالراحة ويلتفت عليها ويقول..: خلينا نروح للخور الليلة ونرجع بكرة.. جواهر باستغراب: ليه يعني؟؟ عبدالله بعيارة: أبي أستفرد فيج شوي.. خاطري أشوفج بقميص نوم قصير طول اليوم.. بدون جوز الغفر اللي عندنا.. جواهر بحرج: عيب عبدالله وش هالكلام؟؟ عبدالله بعمق: حبيبتي جد والله نفسي نقعد بروحنا شوي.. والسبب بأقوله لج لما نرجع بكرة.. جواهر بتردد: والعيال.. ما أقدر أخليهم بروحهم عبدالله بهدوء: خالي ثاني بيجي يقعد عندهم.. لا تحاتينهم جواهر بود: يعني مخطط لكل شيء عبدالله بثقة: أنتظر موافقتج بس.. ********************** عائشة كانت تنتظر بنتها ديمة تنزل عليها.. عشان توديها لموعدها عند طبيب الاسنان.. عائشة كانت مستغربة من تأخر ديمة عليها.. بالعادة تكون قبل امها تحت.. واحيانا تنتظر في السيارة.. وتعطي أمها محاضرة عن أهمية دقة المواعيد.. بس هذا ليس بالشيء المستغرب الوحيد.. كل شيء صار غير مستبعد بعد ما أرسل لها عزوز اليوم مع السواق ملف ديمة.. في الوقت اللي عائشة بعدها مو مصدقة بعد إن ديمة وافقت أصلا.. ووصول الملف أكد لها.. عائشة اللي رفعت عينها تفاجأت بشدة من منظر ديمة المختلف 180 درجة.. كانت ديمة تنزل الدرج بتردد وهي لابسة عباية مسكرة، وشيلة مثبتة على رأسها... وبدون نظارة.. ديمة مرت من جنب عائشة اللي فاتحة فمها مذهولة وهي تقول بخجل: يمه بلا تعليق بليز.. وإلا بأرجع أفسخهم .. عائشة ابتسمت ابتسامة واسعة صافية وهي تقول: قدامي على السيارة يا أم المواعيد الدقيقة.. ******************* سعود بعد ماوصّل دانة للبيت ماقال لها ولا كلمة.. كأنها غير موجودة في الغرفة.. تحمم.. بدل ملابسه.. ولبس لبسه العسكري وطلع لدوامه اللي راح يكون يومين متصلين.. يعني ماراح يرجع إلا بعد بكرة في نفس الوقت.. دانة اللي كانت تشوف حركته المتوترة في الغرفة.. أعتصمت بصمت مدروس.. وهي تقلب في كتاب بيدها تدعي الاستغراق به.. لين طلع وسكر الباب بهدوء وراه عقبها تنهدت دانة بعمق.. رمت الكتاب من يدها وسندت رأسها على الكنبة بهم كبير سعود قبل يطلع.. مر على غرفة محمد.. اللي ماطلع من غرفته من يوم أمس.. إلا للمسجد ويرجع.. حتى الأكل مارضى يأكل شيء.. دق الباب دقة واحدة.. فتحه ودخل.. كانت الغرفة غارقة في ظلام ولدته الستاير الثقيلة على الشباك.. سعود قرب من الستاير وفتحها.. عشان يسمح لأضواء العصر الناعمة بالدخول.. محمد بصوت مكتوم من تحت الغطاء: مها.. سكري الستاير وأطلعي.. سعود قرب من سرير محمد وجلس عليه، وهو يسحب الغطاء من رأس محمد.. سعود انفجع وحس قلبه شظايا متفجرة... وهو يشوف وجه محمد المتورم من البكاء.. نط سعود واقف من قوة الانفعال وهو يقول: أنا ولد أبي!!!!!.. تبكي يا أخيك؟؟ أفا ياذا العلم.. محمد جلس على سريره وهو يمسح وجهه: خلاص يا سعود باح سدي.. ماعاد فيني قدرة أكتم أكثر من كذا.. سالم استعمى من سبتي.. سالم استعمى من سبتي سعود قعد جنبه وهو يحضنه بقوة: أفا عليك يامحمد.. استغفر ربك... اللي صار لسالم مكتوب له قبل مايولد حتى.. ما انت اللي بترد قضاء الله المكتوب.. محمد بصوته المبحوح: ونعم بالله.. بس الله عز وجل يسبب الأسباب.. وانا كنت السبب ********************** عبدالله وجواهر صاروا في شاليه عبدالله بالخور.. عبدالله متوتر كيف يوصل خبر سفره للعراق لجواهر هو قرر مايقول لأحد نهائي إلا لجواهر.. مايقدر يخبي عليها موضوع مثل هذا.. لكنه أجل أخبارها لحد بكرة.. لما يرجعون للدوحة.. جواهر طلعت تبي تصلي المغرب.. في الوقت اللي عبدالله خلص صلاته وطلع للشاطى.. جلس على الكرسي الطويل المبطن وتمدد وهو يتامل في البحر والدنيا اللي بدت تعتم شوي شوي.. جواهر طلعت تدور عبدالله كان الجو بارد... تهب خلاله نسمات البحر المحملة بنسائم باردة.. عبدالله متمدد وعيونه مسكرة.. طالعته جواهر للحظات بحب كبير.. رجعت داخل.. جابت بطانية وغطت فيها عبدالله.. وجات تبي ترجع في الوقت اللي حست بيد باردة قوية تمسك بيدها عبدالله اللي عيونه بعدها مسكرة يقول لها بعمق: تعالي جنبي حبيبتي.. جواهر قربت منه.. جلست على الكرسي حطت رأسها على صدره و تمددت جنبه بعد ماوسع لها وحضنها بقوة وهو يغطيها معه ببطانيته.. لفهم صمت مهيب ساحر لعدة دقائق.. وكل منهما يستمتع بقرب الآخر لدرجة العجز عن إيجاد كلمات تناسب جلال الموقف.. عبدالله اول من كسر الصمت وهو يقول بعمق مهيب: جواهر أعرف أنه أحنا من أول زواجنا تجنبنا التكلم في الموضوع.. بس أعتقد أنه لازم نتكلم حتى نصفي كل شيء بيننا......... جواهر ياترى سامحيتني بالكامل.. أو قلبج بعده فيه شيء علي؟؟ عبدالله حس بجسد جواهر وهو يتصلب في حضنه.. لكنه كمل بذات العمق: جواهر لا تعتقدين أن أي إجابة أنتي بتقولينها.. مهما كانت قاسية أو غريبة إنها راح تأثر على عمق مشاعري ناحيتج أنا يكفيني أني صرت أعرف وش كثر تحبيني.. وأي شيء ثاني ممكن نتجاوزه سوا.. جواهر جسدها يرجع يستكين في حضن عبدالله.. وذراعها تشد احتضانها لخصر عبدالله وتقول بعمق مذهل: عبدالله سمعت قصيدة نزار قباني (ما أحلى الرجوع إليه) اللي غنتها نجاة الصغيرة... هذي القصيدة هي أفضل تعبير عن حقيقة مشاعري.. مادام التعبير يخونني حمل الزهور إليّ.. كيف أرده؟ وصباي مرسوم على شفتيه ماعدت أذكر والحرائق في دمي كيف التجأت أنا إلى زنديه خبأت رأسي عنده وكأنني طفل أعادوه إلى أبويه حتى فساتيني التي أهملتُها فرحتْ به ..رقصتْ على قدميه سامحتُه وسألتُ عن أخباره وبكيت ساعات على كتفيه وبدون أن أدري تركت له يدي لتنام كالعصفور بين يديه ونسيت حقدي كله في لحظة من قال إني قد حقدت عليه؟ كم قلت إني غير عائدة له؟ ورجعتُ..ما أحلى الرجوع إليه عبدالله أحس بالانفعالات تجتاحه بعنف وهو يستمع للشعر المنساب كرقرقة مياة الجداول وزقزقة العصافير من بين شفتي جواهر بنبرة صوتها الساحرة المؤثرة العميقة.. زاد من احتضانه لها وهي تكمل بذات العذوبة: عبدالله أنت كنت ومازلت وبتظل الرجل الوحيد في حياتي.. عقبك ماملا حد عيني.. لحد مارجعت أنت ومليتها مرة ثانية.. حتى وانا أكرهك.. كنت أقارن كل رجل فيك.. وأجدهم كلهم خسرانين مقارنة عمرها ماكانت في صالحهم من البداية.. عبدالله حس أنه فعلا الكلمات تخونه.. وهو يحس بعظم كرم الله عليه.. اللي رجع جواهر لحياته عقب مرور هالسنين.. رفع وجهها له بحنان ذايب.. وطبع قبلة عميقة على شفايفها في الوقت اللي كانت رائحة أنفاسه المعطرة أبدا تخترق رئتي جواهر إلى أقصى حويصلاتها الهوائية.. وهو يقول لها بشجن عميق: أنا أعشقك.. ولو فيه شيء فوق العشق والهيام والغرام والوله والحب.. أكيد أنه حبي لج.. **************** منيرة تدخل على سالم في غرفته.. بعد ماطلع من العناية لغرفة عادية.. كان عنده علي بروحه.. بعد ماتعب محمد وجاء سعود وشاله للبيت من يوم أمس منيرة دخلت على علي.. وأشرت له يجي عندها.. وعقب همست له: أبي أكلم سالم بروحه.. سالم كان قاعد السرير والسرير مرفوع لوضعية الجلوس.. يد سعود اليسار المكسورة كانت معلقة في رقبته.. شكله متعب.. شعره ولحيته محتاجين ترتيب.. بصوت حزين: علي أنا سمعت الباب انفتح.. من اللي جا؟؟ بس علي مارد عليه.. سالم يحاول يدقق السمع.. لحد الحين مازال يحاول تقوية حاسة السمع التي تصبح أهم حواس الضرير.. سالم بتوتر: من اللي هنا.. منيرة قربت بتوتر.. وحالة سالم قلبت حالها من النقيض للنقيض.. حتى أصبح من الصعب توقع تصرفاتها.. جذبت الكرسي وجلست جنب يد سالم اليمين.. حطت يدها بهدوء على يد سالم اللي كانت ترتاح جنبه.. سالم أنتفض لما حس بملمس اليد الناعمة.. وسحب يده بقوة..: من؟؟ منيرة بهدوء رغم أنها كانت تذوب من التوتر والخجل والانفعال: أنا.. منيرة.. ليه فيه وحدة غيري ممكن تسمح لنفسها بالتعدي على شيء لي.. سالم توتر من جرأتها الأقرب للوقاحة..: هلا منيرة.. أشلونس؟؟ منيرة بود: إذا أنت طيب أنا طيبة سالم بحزن: طيب إن شاء الله.. منيرة بتردد وهي تقرر تطرق الحديد وهو ساخن: سالم ممكن أعرف معنى الكلام اللي قلته لأبوي.. أنت تبي تطلقني؟؟ سالم بهدوء: أشوف أن هذا هو الحل الأنسب لنا كلنا.. منيرة بذات هدوءه: إذا هو الأنسب لك فهو مهوب الأنسب لي.. سالم بقسوة: أخر ما تحتاجينه أنتي أنس تكونين خدامة لأعمى.. وأنا بأجيب لي خادم يخدمني.. يوديني ويجيبني مثل كل العميان اللي أشوفهم.. منيرة انجرحت بعمق.. تنهدت: مالك حق تقرر نيابة عني.. أنا مستحيل أخليك.. لمعلوماتك أنا قلت لأبوي يقول لكل الناس أنه خلاص أنا صرت زوجتك من الحين.. وبنرجع لبيتك عقب ما تطلع من المستشفى بالسلامة.. بس أبوي ينتظر أنك تأكد على كلامي عشان يتمم.. سالم المصدوم: أنتي أكيد مجنونة... منيرة بهدوء: أنا مجنونة لو خليتك تطلقني.. سالم بغضب: يا بنت الحلال.. أنتي ما تفهمين .. أقول لس ما أبغيس.. ما أبغيس.. وعقب كمل بسخرية مريرة: وبعدين مهوب أنتي اللي كنتي تبين الطلاق.. علي قال لي ببراءة: يا سبحان الله اللي يشوف خوف منيرة عليك.. مايقول إنها كانت تبكي دم قبل أسبوعين تبغي الطلاق منك.. منيرة شهقت وفي نفسها (الله يخسك يا عليان ما أطول لسانك) وسالم يكمل بغضب: يعني قبل لما كنت رجّال كامل.. ما كنت عاجبس.. والحين وأنا نص رجّال.. حليت في عينس.. أنا ما أبي شفقة حد.. خلي شفقتس لرجالس اللي بتاخذينه والطلاق بأطلقس.. أصلا موافقتس غير ضرورية.. أنا يومين باطلع للمستشفى.. واول مشوار قبل أروح بيتي بيكون للمحكمة عشان أطلقس منيرة خذت نفس عميق واستجمعت كل شجاعتها وقالت: وانا ماراح أسمح لك تطلقني.. سالم بثورة: واشلون بتغصبيني؟؟ أعتقد أنه حتى لو كنت أعمى.. الطلاق في يدي مهوب في يدس..يعني مخي مافيه شيء عشان تحجرين على قراراتي.. منيرة بهدوء: لا تجبرني ياسالم أسوي شيء يجبرك.. ويخليك توافق تتمم زواجنا غصبا عنك.. #أنفاس_قطر# |
يسلموووووو
بعد الانتظااار ... حجززز |
هلا أنفاس وشلونك؟
وش بتسوي منيرة وش اللي يجبر سالم على الزواج عجيبة ذا البنت!!! عبدالله عسى بس ماينخطف انتبهي عليه ديمه هههه ضحكت عليه هي ومحاضراته مستحية تنزل خخ دانة وسعود ذولا موب موصلين للبر..يادانة قوليله أحبك أغديه يتعدل..والله يضحكن سعود أحس التعامل جنب وهو جنب مع انه ماشاء الله غدى وش زينه بس بدى ينتكس.. محمد ذبحه تأنيب الضميرالحين وش بيقنعه انه قضاء وقدر.. مايحتاج أني أقول الجزئين رائعات وبذلك ظلم لانهن تجاوزن حد الروعة والجمال.. |
ياسلام ياسلام وش ذا يااابنت والله انج يانفوسه داهي ماحد يقدر عليج كل جزء تعلقينا في الاحداث بالله الان منور العله >>>وش الى ناااويه عليه وبتجبر الولد فيه واللله عجزت اشوف حل لي هذي المسائلة بالله وش بتسوي افتر راسي عشان كذا مااارح افكر وانا ادري انا نفوسه مستحيل تقول كلامج صح وبتغيره من الان لو قالت اي شي وطلع صح عشان كذا بنطم انا ابغي اعرف سعود العله وش قصتها مستلم دندون يومين حسبي الله ونعم الوكيل على ابليسها >>>والله دعوتي تهبل خخخخخخخخخخخخخخ وش راح يسوي بعد مايرجع بعد يومين ننطر بشوق ديوم اي كذا من قبل المفروض وهذا عزوز خطير كل شي يامر فيه يتنفذ على طول عبود ليه تروح حرام عليك مايكفي عزوز ذبحنا تبغي تكمل اقول اعقل مسكينا جوجو صراحة انطر ردة فعلها متاكده انها بتكون عنيفه باذات بعد اعتراف الشعر واخ اخ لي نزارا بعد>>>والله انكم خطيرين الله يديم السعاااده عليكم |
صباح الخير على احلى انفااس بين الناس ...
جزء عميييق بعمق الاحاسيس والمشاعر التي اجتاحت ابطالنا منيره بقولتس كلام بس لاأحد يسمعه ترى الي صارلتس كله من دعاوينا عليتس انتي تدعين على سالم واحنا ندعي عليتس ...بس الحمد لله الي رجعتس لعقلتس وسالفه انتس تتزوجين الرجال غصب عنه هذي خطييييره >>اول مره اسمعها ههههه بس اكيد راح تجبرينه انا متأكده تدرين ليش لان (ان كيدكن عظيم ) ومن هنا الى ان نشوف وش بتسووين لك منا كل الدعاوي الصادقه ان تحقق لك انفااااس مبتغاك ... عبد الله...ياترى وش مخبيه لك أنفاااس بروحتك للعراق الله يستر سعوووووووووووووود خف شوي على البنيه والا تبيها تترك البيت وتروح احنا ماصدقنا انها لانت لك تقعد تستفزها كل شوي ... محمد لاتخلي احساسك بالذنب يقتلك شف سالم وش لون مؤمن بالي صارله ماعذب نفسه مثلك ويوم الله اخذ منه البصر عوضه بالمنايير من قدك ياسالم البنات اتحاذف عليك ....ههههههه انفاااااااااااااااااااااسنا العطره ننتظرك مع اشراقة كل صباح ... فلك منا كل الحب ... |
السلام عليكم.. عيل احمووني من بنوووتة..ها..شوفي لو كان قصدج اني حذرتج ان عبود يروح ويرجع بداله عزوز...ساعتها صج بذبحج..ومحد يقدر يحميج مني..بارتين اليوم..رائعين..بروعه كاتبته..بروعه جمال جواهر..بروعه المشاعر الي يحملها سعود لدانه..تسلم ايدج عليهم.. ماجـد واصراره على دلال..واصراره ان محد يدري..لين تستلم دلال الظرف..اممم يمكن الظرف في شي ثاني غير مهرهـا..دامها ما خلته يكمل كلامه بالتلفون..مثلا كتب الباجي وحطه بالظرف..الله يكتب الي فيه الخير.. سعود وعصبيته الي مالهـا معنى هالايام..كلها عشان كلمـه..ودانه المسكينه..تحسين كأن الظروف تعاندهـا..امس بتأخيرهـا.. والشباب..واليوم بالعيوز الي يتلهـا..وأخرتها على سعود..الشغل من اول بسوي مشاكل..ولو اي شي صار بسبب شغلهـا..رح يعايرهـا فيه...اهو المفروض يقدر ان هذا طموحها وانها درست عشان تتشغل..واهي المفروض تتنازل شوي..وتحترم رغبته..لازم كل واحد يقدم تنازلات..عشان تستمر الحياة..الاوضاع المتوترة بينهم..ان شاء الله تتعدل.. منيـرة واصرارها على سالم..يمكن عشان الذنب الي تحسـه..تجاهه..او ان عقلهـا رجع لهـا..ومهما كان هذا زوجهـا..ومن واجبهـا توقف معاه..اممم..شنو الشي الي بخلي سالم ياخذهـا غصب.!! سالـم شي طبيعي الي يسويه..واي واحد مكانه بسوي جذي..اول شي اهو يحس انه لو خذااها بكون عاله عليهـا..ومافي فايدة منـه..وما اعتقد احد فينا يحب يكون عاله على غيره..ثاني شي..يوم درى انها ما تبيه والحين تبيـه..اهو مو محتاج شفقه من احد..ولا يبيها تمنن عليـه..الي طمني ان ممكن بصره يردله..ان شاء الله ما يكون الاثر دائم.. محمـد حرام الي تسويه بنفسك..الي صار..قضاء وقدر..البجي مارح يرد..البصر لسالم..بس انك توقف معاه..وتدعيله هذا الي رح يساعده.. الله يعينك الشعور بالذنب مو سهل.. ديمـه شي وايد حلو انها سمعـت كلام عبد العزيز..ولبست عباية وحجاب..واهم شي فصخت النظارة..صدقيني احسن لج..بوايد.. عبد الله ان شاء الله يروح ويرجع بالسـلامه وما يصيرله شي..احسن لج نفوس..هع..قعدته مع جواهر..وسؤاله انها سامحته او لا..خوفني..يا خوفي تذبحينه..بس اعرفج نفوس طيووبة..انتي..مستحيل تسوين فيه شي..هع.. جواهـر الحمد لله الي سامحته..ومسحت الحقد ورغبه الانتقام..الي كانو بقلبهـا له..ان شاء الله ما تفقده..لاهو ..ولا عبد العزيز.. عبد العزيز الصغير خخخخخخ منت هين والله...صج ولد عبد الله.. بانتظار البارت القادم على احر من الجمر تقبلي مروري |
نفوووووووووووووووووووسه البارت حلو مولع من سعوووووووووووووود حرام عليك نفسه بكلمه تبرد قلبه فهمي دانه ترى جننته وبعدين شووووووووووووووو منيره هالانقلاب المدمر بس صح يعني شفقه عليه ولا حب متاخر ههههههههههههههههههههههه والله يخليكي بوصيكي بعبووودي عبد الله وعزووووووووووووز عبد العزيز بدك تروحيهم شكلك يلا بنستنا عنار البرتات الجاي اشي يبرد قلبنا وشكرا يا عسل
|
ياهلا والله بالغالية سلمت يمناك أو يسراك الي تسطر لنا هذه الأحرف الثمينة
بصراحة ماني عارفة أعلق عن شنو بس أحلى شيء عجبني موقف منيرة أنا قايلة لكم البنت وش زينها وش كبر عقلها بس كلكم كنت كارهين لها يعني هي الصادقة لو رفضت وماحد بيلومه بس أصيلة أه ياقلبي عليكي وسالم حيستسلم تخت الضغط أعتقد انها ناوية على شيء في بالي ياليت يطلع صح عبدالله رغم إني ماأدري لسه ماهضمتك بس والله انه لك وقفت رجال وإن شاء الله وترجعلنا بالغنايم ولو أنا منك أحمد ربي ليل ونهار على قلب مثل قلب جواهر جوجو ياناس عليكي يالخبلة إنتي ومشاعرك الرهيفة خفي على قلبي يابنت مخليتني أقول وين الزواج وطاريه والله إنك نسمة رقيقة وقلب دافيء مافي منك ثنتين ديمة شو هالسناعة والله إني قايلة مابيعدلك غلى عزوز ياقلبي على الحمش نوف عادي إنتي وناسة ومحبتي لك ماتوازيها محبة الله يرزقك واحد يموت على ترابك مين باقي اه سعود والله هالرجال ذابح قلبي ومزعلني عليه وايد أنا عارفة إنك بتموت غيرة وانك بعدك ماتطمنت إنك في قلب الدانة تراه البنية تموووت عليك بس بعدها يبيلها وقت عشان تعترف صبرك عليه يالعسكري وبطل دفش دانة انتي علامك بتموتين الرجال ريحي قلبه الله يريحك وهو بيوقدك لك أصابعه شمع ربيييييييييييي يرجعك سالم يابعد قلبي ياعزوز ويقر عين نورة بيك قولوا آمين تسلمييييييييييييييييييييي ياعسل ومنتظرينيك بأحر من الجمر رغم انه والله يحرق |
نفوووووسة حووووبي اعذريني ع المتابعةالصامته
فااحداثقصتكـ دائما تفاجئني بما هو جديد وغريب ايضااا شدني اليوم اصرار منيره ع الرجوع لسالم وياترى لوين الجنون بيوديهااا ؟؟؟!! ومعقولة تهدده بشي يمكن يجبره ع اخذهااا !!!!! دانة مثل اي بنت تتمسكـ بمشاعرهاا وتحتفظ بهااا دام القلب مجروح باخذ الحبيب بغصب ولم يتم هذا الزواج حتى بفرحة وفستان ابيض .. ارى ان الي تقوم به وان كانت تدل ع انها تحبه الا انه قليل جدا بحق سعود .. سعود بعد انت الله يبارك فيك حس بقلبهاا الرقيق ولا تعتصره الم عشان تقدر تهدي الكلمة المحببه لسمعكـ بسهولة ولا تصعبهاا عليها .. عبد العزيز الله يثبتك وتصلح ديمة ويهديها ع يدكـــ ..... وعزوز الكبير ان شااء الله ترديهه لحبايبه بالاجزاء الجاية .. كسرت خاطري نورة بصمتهاا وانغلاقها ع نفسهاا بعد المرح الي حزن وهم كل ابطاالكــ باوضااع متعة ونشتاق لهم بكل احداثهم موفقة عيووني |
ياالهوووي وش بتسوي يعني انا حاسه انه شي فيه قلة ادب خخخخخخخخخ صح يانفوستي:p
|
ahlane habibty anfasse ana karite kessateki ossloubeki raae (tres touchant) ana mine moojabate bi al kessasses al kataria thakatini be tohfa fania allah yrhamha ala koline ohayiki ala ikhtiarik al raee li al abtale (jawhara ,abd allah) abharti bina baide wa li ahassisse lame nataouade alyha mine khilale el kessasse al okhra we lamassti fi khayalina mintaka lam natakhataha min akable (merci et je t'embrasse fort) baoussa kabira mini liki
|
نفوووووووووووووووووووسة الغالية ربي يسعدك و يوفقك و يكون في عونك على المجهووووود الكبير الي تسوينه علشان تقدرين تنزلين باريت كل يوم و نكون اكبر طماعين و انانين اذا طالبناك باكثر من كذا
في البداية حبيت اعتذر منك لان لي كذا بارت ما علقت عليه و هذا بسبب جهازي الي دخل في وعكة حاسوبية خلتين انحرم منه اسبوع كامل و انا اقراء البارتات من الجوال و بدون ما اقدر اسجل دخول على العموم اتمنى انك ما تكون زعلانة مني يا عسسسسسسسل و اليو مبس راح اخلي تعليقي مختصر و هو جواهر يا قلبي ربي يطمن قبلك على عوزو الكبيرو عبوود عبووووود ربي يقدرك و تقدر تجيب عزوز و تجي بالسلامة و تفرح قلب جوجو بشوفتكم انتو الاثنين دييييييييييمة مو قلنا لك بس ما طعتي الكلام و ربي تهبليييييييييييين بالعباية الحجاب م خليه لك طلة غيييييييييييييير تخبببببببببببببببببل عزوز هذا الشبل من ذاك الاسد يا عيني عليك قدرت على عقلها و شكلك راح تقدر على قلبها ربي يوفقك يا ولد ماجد يا ربي على الحزم و الحنية أي لا تعطي دلال فرصة حار بحار و ربي يهنيك نجووول مبروووووك زواج ماجد مقدما يا قمررررررر دانة و سعود مثل امواج البحر مرة هادية و مرة ثايرة بس المهم و الي اتمنها انهم ياحاولوا يفهمو بعض دانه حاولي تكسبي ثقة و حب و احترام زوجك بكلمتك الطيبة و لا تبخلين عليه باي كلمة حلووووووووووووو سعوود لا تستعجل يا اخوي البنت ما هي متعودة تقول أي كلمة خلها تجي عفوية لها طعم احلى صدقني ^_* محمد و انا اختك لا تحمل نفسك شي فوق طاقتك و لا تنسى قل لن يصيبنا الا ما كنب الله لنا سارة كبيري قلبك و حاولي تسامحين منيرة تراها في الاول و الاخير اختك الصغيرة عليييييييييييييييييييييييان وش سويت خربة الدعوة يا ولد الله يسامحك منيرة و سالم هذا الاكشن الي راح نشوفه البارت الجاي و اخاف اقول شي و اكون شطحت في تفكيري على الفاضي خخخخخخخخخخخخخ <<<<<<<<< في بنات اخاف عليه من تفكير وحدة متزوجة ههههههههههههههههههههههههه يسلموووووووووووووا الايادي يا قمرررررررررررررررر ربي يسعدك مرة ثانية ويعطيكي الصحة و الطاقة و العافية و تتنظر جديدك بفارغ الصبر |
انفااااااس
روايه اكثر من رائعه ...انتظرها بلهفه كل صباح لاابدا بها يومي ...اشكرك على هذا الابداع وعذرا على الاختصار فانا لا اجيد التحليل تقبلي مروري واعجابي |
السلام عليكم ورحمة الله
أنفاس المبدعة .. أنفاس الروعة.. أنفاس المتميزة.. أنفاس المختلفة.. أنفاس المتفردة.. أنفاس الأكشن .. أنفاس الإحساس.. أنفاس المشاعر... كلها كلمات دارت في خاطري وأنا أقرأ أجزاؤك الجميلة.. ولم أعرف أي منها تعبر عنك أو تصفك أكثر.. لأنها جميعاً تنبع منكِ.. لا أقول هذا الكلام مجاملة لكِ ولكني أنقل ما اختلج في صدري وأنا أقرأ وأبحر معكِ في بعد الغياب.. استودعتك الله |
صباح الورد والفل والياسمين والعذوبة
وحشتوني كلكم مووووووت وبشدة وبلاحدود أو اتجاهات أمس أعترف أني ضعطت على روحي بشكل مهلك عشان أقدر أرد على كل اللي عبرو بارت أمس لكنه كان ضغط شهي وعذب وجميل أفتقدت بنات كثير بعنف وبشوق كاسح أتمنى أنهم كلهم بخير وأرى أسمائهم قريبا تعطر جنبات بين الغياب مهما الليالي واحنا ننطرج بعد الحجز الذي يكفينا اسمك فيه مها175 هلا والله بقلبي نجمة المساء وبهجته ونوره دائما حماسك متدفق وإحساسك بالشخصيات أكثر من رائع الله لا يحرمني طلتك اللي تبهج قلبي مذهلة الخليج هلا والله بمذهلتي وقلبي والله الله لا يحرمني منك شفتي عتاوية الغرام عبدالله وجواهر الحب اللي على ثقيل مو حب الشباب الخفاف اللي كل شيء يشلع قلوبهم وعندنا منهم سعود ودانة الله يصلح بينهم لاني أنا مالي ذنب باللي يصير سعود عصبي ودانة معندة ماتقوله الكلمة اللي هو ينطرها أنا وش أسوي لهم؟؟؟ شبيهة القمر أو القمر ذاته الله لا يحرمني طلتك العذبة المختلفة دقتك في المرور على الشخصيات شيء غاية في العذوبة لا تنسينا لأنه أنا وبعد الغياب ما ننساكم BENT EL-Q8 هلا والله بشيخة بنات الكويت شوفي الغالية أنا طلبت الحماية عشانج طلبتي مني ماأخلي عبدالله يروح العراق وهذا أنا وديته بس أنه يرجع أو مايرجع هذا شيء في علم البارتات الجاية انطرينا ياقلبي والله لا يخليني منج ولا من تعليقاتك الدقيقة اللي ما تخلي شخصية في حالها وردة الياسمين أهلا وألف مرحبا الأحداث مازالت مستمرة أتمنى أنك تظلين معانا وتستمتعين بكل جزء جديد WOROOD هلا والله بعطر الورود وأنفاسه وعبقه عطرتي كل شخصيات القصة بعطرك المختلف الذي يشبهك بإختلافه مريتي عليهم كلهم وكان لكل واحد باقة زهر كاملة جعلت حضوره مختلف أكثر من خلال منظارك NNOOR هلا والله بالمتابعة الصامتة المنثالة بعد الصمت ما أروع همساتك بعد الصمت فلاتحرمينا منها أنتظرك أنا وكل شخصيات بعد الغياب جي2006 هلا والله بمتابعتنا الجديدة التي طوقت عنقي بتشرفيها مكاني ومكانكم أتمنى ألاتحرمينا مرورك أنتظري وشوفي اللي بيصير على منيرة NASSIMASER أعترف أني تعبت وانا أحاول أن أقرأ ردك ولكن لنقل أني قرأته بقلبي قبل عيني وأنا أشعر بمشاعرك الفياضة وغفر الله لتحفة فنية وأسكنها فسيح جناته اللي حببت الجميع في الروايات القطرية شكرا على التفاعل الذي لم يمنعك عنه الكيبورد الانجليزي أتمنى أن أراك دائما هنا بندقة أهلا باللون الزهري المنعش ام البندقات والبنادق البندقات اللذيذة المغلفة بالشيكولت وبنادق الكلمات العذبة نورتينا وأنعشتينا غائبة وحاضرة أنا أقدر ظروف الجميع والله العظيم لأني بذاتي مشغولة وأعلم مشاغل الآخرين وأقدرها المهم فقط أن تطمنينا عليك ونرى وقع خطواتك الزهرية هنا من وقت لأخر رؤى يكفيني اسمك المسطر وحده في الفضاء الأبيض لاشعر بسعادة عارمة لمرورك من هنا لا تقاطعينا غربة الصدى العميق الصدى المتعمن الصدى المذهل كلها قرينة أسمك وسجينته اشتقت لك ولوقع خطواتك لكلماتك المختلفة وإحساسك المختلف الذي لا يشبه أحدا سواك أتمنى أن اكون دائما عند حسن ظنك المحلق بي |
صباح الورد مرة أخرى
ومرة ثانية وحتى المرة الألف والمليون أجزاء اليوم هي بعض من جنون منيرة الجديد وجنون ماجد القديم الذي أصاب دلال في مقتل وحب عبدالله وجواهر العميق وحب سعود ودانة المختلف استلموا البارتات الجديدة 67 68 قراءة ممتعة مقدما ولاحول ولاقوة إلا بالله . . . . |
بعد الغياب/ الأجزاء 67، 68
بعد الغياب/ الجزء السابع والستون #انفاس_قطر# سالم بثورة: واشلون بتغصبيني؟؟ أعتقد أنه حتى لو كنت أعمى.. الطلاق في يدي مهوب في يدس..يعني مخي مافيه شيء عشان تحجرين على قراراتي.. منيرة بهدوء: لا تجبرني ياسالم أسوي شيء يجبرك.. ويخليك توافق تتمم زواجنا غصبا عنك.. سالم ضحك ضحكة قصيرة: تدرين ضحكتيني وأنا مالي خاطر أضحك... قومي يا بنت الحلال لبيتس.. وانتظري ورقة طلاقس.. منيرة بثقة: أتحداك تسويها.. سالم توتر من ثقتها بنفسها أخر شيء يبغيه أنه يجبر وحدة تكرهه على العيش معه بسبب شفقتها عليه: ممكن أعرف سبب ثقتس اللي تبط الكبد ذي.. منيرة بهدوء: تدري وش بأقول لابوي ولعليان.. أول ما أطلع من الغرفة.. لو أنت ما ناديت أبوي وقلت له أنك أنت اللي تبي انه احنا خلاص نتمم زواجنا.. سالم بحذر وهو يشعر بمصيبة جاية له: وش بتقولين؟؟ منيرة بخجل حاولت تغليفه باكبر قدر من الثقة: باقول لهم أنك جيت للبيت مرة مافيه إلا أنا.. وانت عارف الباقي وأنك الحين تبي تخون فيني.. وتخليني.. وأنه الحين مستحيل حد يرضى فيني عقب اللي أنت سويته فيني.. سالم المصدوم: أنتي أكيد مجنونة.. فيه بنت عاقلة تقول كذا على نفسها.. منيرة بهدوء: أنا قلت لك أنا مجنونة لو خليتك تطلقني.. سالم بغضب: بأطلب يسون لس فحص.. عشان يثبتون براءتي منيرة بثقة: ماراح تسويها.. لأنك عارف أن مجرد إجراء فحص لي هو فضيحة بحد ذاته.. وانت ماترضاها لزوجتك وبنت عمك.. وخصوصا أنك عارف أن الدوحة صغيرة وما أسرع ما تنتشر الفضايح والاشاعات.. وعقب كملت : هاه أنادي أبوي تقول له أنك موافق.. أو أطلع له واحكي له الفيلم الهندي اللي أنا ألفته.. سالم بقهر: ناديه.. بس والله يامنور أن ذنبس على جنبس.. ولا تقولين أني ماحذرتس.. بأسود عيشتس.. لين أنتي بروحس تقولين طلقني.. منيرة بفرح: كيفك إن شاء الله تذبحني ونطت تنادي أبوها لسالم اللي كان مولع من فرض منيرة لقرارها عليه.. في الوقت اللي منيرة كانت تحمد ربها لنجاح مخططها.. لأنها أصلا كان مستحيل تقول لأبوها وأخوها الكلام الوقح اللي قالته لسالم... لكنها أعتمدت على انها تتكلم بثقة قدام سالم وتقنعه أنها ممكن تسويها.. ولو أنه كان أصر على الطلاق وقال لها تقول لأهلها اللي هي تبي.. ماكان قدرت منيرة تسوي شيء من أساسه أو حتى تقول لهم حرف.. وكان سالم طلقها.. ********************* في الليل في غرفة دانة وسعود.. دانة مع هواجسها وحزنها من تغير أحوال سعود اللي هي مو عارفة سببها..... ليس مجرد تغير بل هو انقلاب جذري.. ليش ياربي كذا؟؟ لها يومين ماشافت سعود إلا مرتين وفي كل مرة يكون معصب.. وماراح يرجع إلا بعد بكرة.. قضت الليل وهي تفكر..وتفكر.. وتعيد ترتيب ملابس سعود بدقة وحنان.. في محاولة للتغلب على شوقها القاتل له.. ********************** ثاني يوم عبدالله وجواهر في شاليه عبدالله في الخور عبدالله بعده نايم من عقب ماصلى الفجر.. جواهر قامت قبله لبست.. وسوت الفطور.. ورجعت له.. تمددت جنبه وهي جالسة نص جلسة.. ميلت عليه.. ونفخت بنعومة على وجهه.. عبدالله يحرك يده قدام وجهه كأنه يبي يهش اللي ينفخ عليه.. جواهر ابتسمت ورجعت تنفخ هالمرة على خصلات شعره المتطايرة على جبينه: عبدالله هالمرة أنت اللي كسلان.. قوم حبيبي عشان تفطر.. عبدالله فتح عيونه وهو مبتسم.. يطالعها بفستانها البحري الحرير اللي كان لايق على لون بشرتها الناعمة مد يديه ودخل أصابعه بحنان في شعرها.. ونثره على أكتافها وهو يقول بكسل: شعرج يأخذ العقل... بس ياليت ماتقصينه.. أنا أبيه طويل.. جواهر بود وهي تأخذ تمسك بيده المتخلله شعرها وتحضنها بحنان: زين قلت لي.. لأني كنت ناوية أقصه.. عبدالله بذات النبرة الكسولة المحببة: لا تكفين لا تقصينه.. بس تدرين جواهر وش في خاطري؟؟ جواهر وهي تميل تقبل جبينه وتقول: شنو حبيبي؟؟ عبدالله بابتسامة ناعسة مثيرة: الأخضر هذاك بعده في خاطري.. الله يلعن يباس الرأس بس.. كل ما أتذكر شكلج فيه.. أحس النمل يمشي بجسمي كله.. جواهر بود مغلف بالخجل: صدق أنك ماتستحي أنت ونملك.. وعقب كملت بود: بس ولا يهمك اليوم لما أرجع.. أوديه اللاندري وبكرة ألبسه لك.. عبدالله تنهد وهو يتذكر أنه بكرة بيكون في مكان ثاني بعيد عن حضن جواهر.. حضنها بعنف حاني مستميت: لا حبيبتي الأخضر هذاك مثل ماكان له ذكرى خاصة ليلة زواجنا.. أبيج تلبسينه في ذكرى مرور سنة على زواجنا إن شاء الله ..عشان فعلا يظل خاص.. جواهر بحب: ولا يهمك.. إن شاء الله.. إن الله كتب لنا عمر تنهد عبدالله: إن الله كتب لنا عمر ********************* دانة مع صديقتها الدكتورة تهاني وقت استراحة الأطباء.. الدكتورة تهاني قدمت انتداب للصحة المدرسية عشان تروح مع دانة .. تهاني بمودة وعيارة: عشان تعرفين غلاج.. باروح انتداب وراج.. وبكرة كلنا بنداوم هناك.. دانة بتحسر: انتداب شهرين وترجعين.. وأنا باقعد هناك بروحي. تهاني بعيارة: المهم حبيب القلب راضي.. دانة بحب: فديت روحه.. رضاه عندي بالدنيا كلها.. آه... اشتقت له، من أمس في الدوام وبيقعد لين بكرة.. وش بيصبرني لبكرة؟؟ وعقب كملت بتوتر: ولو أنه ذا الأيام مزودها شوي علي.. تهاني بالفضول الانثوي: ليه وش صاير دندون؟؟ دانة بتوتر: أحس أنه صاير يتصيد لي أي خطأ.. يبي يقعدني في البيت.. تدرين هذي مشكلة الرجّال لاعرف غلاه.. عشانه صار يعرف أنا وش كثر أحبه.. وما أقدر على زعله.. صار يتقعد لي على الوحدة.. وأنا والله خايفة نتزاعل تهاني... أنتي تعرفيني.. وحدة عنيدة..وكله ولا شغلي وانا أحس أن سعود بدأ يختبر صبري.. يعني هو قاعد يشد وأنا أرخي.. مع أن هذا مهوب طبعي.. (وكملت بابتسامة) بس يضرب الحب شو بيزل.. على قولت كاظم.. تهاني برقة: وه...فديت اللي يحب بس.. انتي حاولي تكسبينه بالسياسة.. ودام هو يحبك.. ماراح تكون مشكلة.. دانة تنتهد: المشكلة تهاني انا حاسة انه فيه شيء موتره من فترة.. يعني احيانا قاعد معي ونكون نسولف مبسوطين.. احس نفسيته انقلبت.. صار فيه قلق وتوتر وترقب غير مفهوم.. احس ان هذا القلق هو اللي مأثر على نفسيته ومخليه عصبي بزيادة ذا اليومين.. انا صرت متخوفة وقت الرجعة من الدوام لا يكون موجود.. لاني اخاف يقلبها ساحة حرب. لا واللي زاد.. انا بعد متوترة ونفسيتي تعبانة صار لي كم يوم ما اعرف ليه.. حتى دورتي الشهرية تلخبطت من سبة التوتر.. مع انها كانت منتظمة مثل الساعة.. تهاني عيونها لمعت ببريق عجيب: متى كانت أخر دورة جاتك.. دانة بلهجة عادية: قبل زواجي بكم يوم تهاني نطت مثل المفزوعة لشنطتها ورجعت وهي شايلة علبة مستطيلة نحيلة وهي تقول بجدية مخلوطة بالعيارة: تدرين أنج أغبى طبيبة في تاريخ البشرية.. وش خليتي للجهلاء..؟؟ قال من التوتر تلخبطت دورتها.. قومي أخذي وفزي للحمام.. دانة باستغراب: وش ذا؟؟ تهاني بسخرية: اختبار حمل ياحظي.. خبرج ما أتحرك من البيت من غيره.. عقب ما انلسعت أربع عيال في أربع سنين.. كل مارحت أبي أركب لولب قالوا لي حامل.. لحد ماصارت عندي حالة رعب مستمرة الله يحفظ عيالي لي... ولايعاقبني على كلامي وعقب كملت وهي ترقص حواجبها بخبث: خبرج أبو العيال طاقة طبيعية خلاقة.. دانة مدت يدها وخذت الاختبار وتهاني مازالت تتكلم.. و توترت بفرح خيالي متسع بلا حدود.. وهي تتخيل أنها ممكن تكون حامل طفل يهدي الوضع بينها وبين سعود ويقربهم أكثر من بعض.. طفل من حبيبها سعود سعود صغير ومع وصول تهاني لجملتها الأخيرة حمر وجه دانة : استحي تهاني.. بعدين ما تخافين تطسين أبو تركي عين.... تهاني بلعانة: شنو استحي بعد؟؟ وأقص يدي لو ما كنتي حامل.. وبعدين أنا شفت سعودوه البارح وهو واقف ينطرج.. شكله أبو الطاقة الخلاقة وأمها.. دانة غطت وجهها من وقاحة تهاني وهي تقول: الله أكبر عليش.. الله أكبر عليش.. لاحول ولاقوة إلا بالله وتركتها وهي شايلة الاختبار ورايحة الحمام.. في الوقت اللي تهاني عند باب الحمام واقفة تتحرقص ******************* نجلاء في بيت دلال.. دلال استقبلتها بمودة كبيرة.. وكانوا جالسين كلهم.. نجلاء وأم جاسم وبناتها الثنتين.. ودلال.. وكان باين على أم جاسم وبناتها الترقب.. بعد القهوة والسوالف... نجلاء طلعت الظرف من شنطتها بمودة: وعطته لدلال: وقالت تفضلي دلال هذا مهرج من عند ماجد.. دلال صُعقت والكلمات جمدت على شفايفها (أي مهر؟؟) في الوقت اللي بنات عمتها.. نطوا من أماكنهم يبوسون فيها.. ويقولون: ألف مبروك دلول تستاهلين والله.. وكملوا بعيارة: ياحظج واحد استخدام أول.. لا مطلق ولا أرمل.. دلال لحد الحين مو مستوعبة اللي يصير.. ونجلاء اللي كانت متوترة انبسطت لما شافت بنات عمتها يباركون كأنه كان عندهم خبر في الموضوع ( وأنا اللي ظلمت مجودي المسكين حسبته ألف سالفة موافقة دلال) واللي نجلاء ماتعرفه وكلهم مايعرفونه.. أن ماجد استخدمهم كلهم في مخطط دقيق كل وحدة منهم لها دور فيه.. مخطط اعتمد على توقع ردود الافعال بدقة.. ولو أن ردود الافعال اختلفت.. كان مخططه كله فشل أولا اتصل بدلال وأربكها بعقد مقارنة بينه وبين زوجها.. خلى أفكارها تتشوش.. ثانيا: أتصل في أم جاسم وقال لها إن دلال بلغته بمسج تلفون عن موافقتها.. بس لأنها خجولة.. رجعت غيرت رأيها.. وعقب رجعت بعثت له مسج و وافقت.. وقال لأم جاسم أنه مايبي يعطيها مجال ترفض بعد ماوافقت.. وإن نجلاء راح تجيهم بكرة بمهر دلال.. فياليت تكون موجودة هي وبناتها ومايقولون لدلال شيء لين تعطيها نجلاء المهر.. عشان مايحرجونها.. وطبعا أم جاسم ماخطر ببالها إنه ممكن يكون اختلق وألف الحكاية هذي كلها.. فسوت اللي هو قال بحسن نية.. عقبته الوحيدة كانت نجلاء لأن نجلاء كانت ذكية في إطار مخطط لم يكن بالذكاء الكافي.. فكانت أخر من اتصل فيه.. وخلا الكذبة بسيطة عليها.. وهي طبعا مستحيل تكذب أخوها الكبير.. فكرة ماجد فعلا ماكانت ذكية.. بل هي للغباء أقرب..وهو كان عارف هذا... لكنه كان مستعجل للوصول لدلال.. وأعتمد على أن خجل دلال.. وحسن نية أم جاسم.. وثقة نجلاء فيه هم ماسيتكفل بباقي المهمة وفعلا دلال انخرست وهو تشوف المهر بحضنها والناس يباركون لها.. وهي ما تقدر تقول شيء.. وبداخلها غضب عارم على ماجد وعلى خجلها اللي منعها من الصراخ: ما أبي أتزوج ياناس.. #أنفاس_قطر# بعد الغياب/ الجزء الثامن والستون #أنفاس_قطر# عبدالله وجواهر رجعوا للدوحة من الخور.. عبدالله يستعد لأخبار أولاده والناس كلهم أنه مسافر في رحلة عمل ولأخبار جواهر بوجهته الحقيقية: العراق ماجد حصل على موافقة دلال بالحيلة.. وأم جاسم قررت تكون الملكة في أسرع وقت.. وماجد قرر أنها تكون ثاني يوم الصبح عشان عبدالله يشهد على عقد زواجه قبل يسافر.. سعود مازال في دوامه وماراح يرجع قبل بكرة.. ما أتصل حتى في دانة اللي جرحها بعمق تجاهله لها.. رغم أنها ماسوت أي شيء يستاهل عصبيته وغضبه المتزايد.. وكم في هذا الغد من أحداث... سفر عبدالله زواج ماجد رجعة سعود سالم في غرفته بالمستشفى عنده منيرة بعد ماقرر علي يرجع للبيت يتحمم ويرجع.. وهي تظل عنده لين يرجع علي.. وخصوصا أنها أصبحت زوجته بشكل رسمي.. سالم بفوران غضب عالي: ممكن أعرف وش اللي مقعدس هنا..؟؟؟ ليش ماتروحين تذلفين لبيتس..؟؟ منيرة بهدوء: أنا مثل جحا، جحا قالوا له وين بيتك يا جحا؟؟ قال لهم: بيتي اللي فيه مرتي.. وأنا أقول بيتي اللي فيه سالم رجّالي حبيبي.. سالم بغضب: حبتس قرادة يا شيخة.. أنا مثل ملاغتس وقلة حياس ما شفت.. منيرة خلاص حطت أعصابها في ثلاجة... وقررت انها ماتزعل نهائي من أي شي يقوله.. وتكون مستعدة لأي كلام مهما كان قاسي وجارح.. ومن ناحية ثانية.. قررت أنها ما تعامله كرجل عاجز يحتاج للمساعدة والشفقة.. لكن تعامله كند.. حتى تمحي من رأسه فكرة الشفقة (حتى وإن كانت هي السبب الحقيقي اللي خلاها تسوي ذا كله) منيرة قالت بابتسامة: توني دريت أنك قرادة.. لأني ما أرضى حد يحبني غيرك.. سالم قرب ينفجر منها (هذا وإحنا أول يوم) سالم ما تعود يكون لئيم أو قاسي.. بس منيرة حدته على هالتصرفات الغير نابعة من شخصيته الهادية اللطيفة: أنتي يا بنت الناس تبين تجلطيني.. ريقي نشف والله العظيم.. قالها وهو يمد يده يدور زجاجة الماي اللي جنبه.. منيرة قربتها منه بدون مايحس.. عشان يلاقيها بنفسه بدون مايحس إنها هي اللي عطتها إياها.. شرب شوي وعقب قال: علي متى بيجي؟؟ منيرة بعيارة: أفا حبيبي مل من قعدتي.. سالم بعصبية: كلمة حبيبي ذي ما أبي أسمعها على لسانس منيرة : والله أنا أقول اللي على كيفي.. أنت بعد تبي تتدخل حتى رجّالي حبيبي أشلون أناديه.. سالم في نفسه (اللهم طولك ياروح) ****************** على العشاء في بيت عبدالله.. عبدالله بمرح هادئ: هدوء.. إعلان هام الوجوه الثلاثة على المائدة ركزت نظرها على وجه عبدالله بترقب: أنا بكرة مسافر رحلة عمل.. 3 أيام وراجع إن شاء الله.. الخبر اعتيادي جدا... بالنسبة لعبدالعزيز ونوف اللي قالوا بمودة واحترام: تروح وترجع بالسلامة إن شاء الله لكن جواهر شعرت بالتوتر: يعني ماقلت لي قبل.. وبالنسبة للموضوع اللي أنت قلت لي أنك بتخلصه خلال هذا الأسبوع.. أيش راح يصير عليه؟؟ عبدالله بثقة: مثل ماوعدتج.. العيال مهوب فاهمين حكي الألغاز هذا... وجواهر تصاعد توترها... بعد أقل من نص ساعة.. في غرفة عبدالله وجواهر جواهر بتوتر وقلق عارم: عبدالله شنو سالفة هالسفرة؟؟ وعبدالعزيز نسيته؟؟ أنت مو عدتني أنه إن شاء الله راجع هالأسبوع.. عبدالله بثقة: وأنا عند كلامي.. جواهر بتوتر: أشلون وانت مسافر؟؟ عبدالله بهدوء: حبيبتي أنتي عارفة أكيد أنه الوضع في العراق صار أحسن بكثير.. والأمن وضعه أحسن.. حتى الحين فيه شركات كثيرة صارت تسوي بيزنس هناك.. جواهر بنفس التوتر: عبدالله أنا متابعة الأخبار.. واعرف هذا كله.. بس أنت ليش تقوله لي.. عبدالله بثقة مغلفة بالحنان: يعني موب لازم أنه أي حد بيسافر العراق لازم أنه بيصير له شيء.... عبدالعزيز كان حالة شاذة وليس قاعدة.. جواهر بذكائها.. ما أحتاجت أكثر من كذا.. عشان تحس بألم مبرح يخترقها مثل رمح أخترق صدرها بوحشية لينفذ من كامل جسدها ساحبا معه روحها المفجوعة وأنفاسها المستهلكة ليقذف بهما إلى بعد سرمدي لا ملامح له عبدالله أنت مسافر العراق؟؟؟ ******************** في بيت أبو فهد.. أم فهد وبنتها موزة اللي توها واصلة من برا قاعدين في مجلس الحريم... موزة بحزن: يمه نورة أشلونها اليوم؟؟ أم فهد بحزن أكبر: على حالها.. موزة بألم: يعني لا تكلمت ولا كلت.. ولا حتى بكت.. أم فهد بصوت متغرغر بالدموع: ياحي بنتي... ما كنها بنورة نفسها.. كنها وحدة ثانية ما أعرفها.. نورة اللي كان ضحكها طول اليوم تارس البيت.. الحين حتى الحرف مايطلع من ثمها.. طول اليوم قاعدة في غرفتها.. بس تصلي الفرض وتقرأ قرآن.. ثم ترجع تجلس مثلها مثل الكرسي اللي هي قاعدة عليه.. لاترد على أحد.. ولا تكلم أحد.. موزة تصبر امها بيأس: لا تخافين عليها يمه.. إن شاء الله عبدالعزيز يرجع.. وترجع نورة الأولية.. هذا من صدمتها بس.. أمها بحزن: يا خوفي عبدالعزيز ما يرجع.. والبنية تستخف.. ***************** عبدالله حاضن جواهر اللي بكت بانهيار موجع مفجع على صدره.. ويقول لها بحنان: حبيبتي أنتي البكاء عندج هواية..؟؟ جواهر بين شهقاتها: وش أسوي إذا أغلى الناس على قلبي مايهون عليهم إلا يذبحوني.. حرام عليك عبدالله تسوي فيني كذا.. عبدالله وهو يشدد من أحتضانه لجواهر ويطبع قبلة حانية على شعرها: حبيبتي 3 ايام بس وأرجع أنا وعبدالعزيز.. جواهر برعب: ياخوفي أنه ماحد منكم يرجع.. عبدالله بحنان: إن شاء الله بنرجع كلنا.. حبيبتي أنا أبيج قوية عشان نوف وعبدالعزيز.. ما أبيهم يحسون بشيء.. واللي صبرت على عذاب 17 سنة.. ماتقدر على 3 أيام.. جواهر بحزن حاد جارح: ماعاد القلب نفس القلب يا عبدالله.. ولا قوة التحمل نفسها.. وجود عيالي في حياتي.. ووجودك جنبي بقوتك وحبك.. أعفاني من التسلح بالقوة اللي ادعيتها طول حياتي.. عبدالله بحب: اعرف انج ماينخاف عليج يأم عزوز.. ومعدنج الذهب هو اللي بيحكمج في النهاية.. أبي أسافر وأنا مرتاح بالي عليكم.. جواهر وهي تتنهد: خل بالك يرتاح وتطمن علينا ولا تشيل هم..بس أنت أوعدني ترجع حبيبي.. كله بيد الله بس أوعدني لو مهما صار أنك ترجع لي.. عبدالله بحب وهو يحضنها أكثر وأكثر: أوعدج ياقلب عبدالله.. ***************** جبر قلقه متزايد على محمد هذي الأيام.. محمد أنقلب 180 درجة.. كأنه محمد ثاني.. وبعد خبر عمى سالم.. نفسيته أصبحت في الحضيض.. جبر يتصل في موبايله.. موبايله مسكر على طول.. راح يزور سالم يتطمن عليه ويشوف محمد اللي كان على طول معسكر عنده.. مالقى عنده إلا علي (عقب مارجعت منيرة للبيت).. سلّم وقعد شوي وتطمن على نفسية سالم اللي كان مؤمن حقيقي ومتقبل قضاء الله وقدره.. الشيء اللي ريح جبر من ناحية سالم.. (بس محمد متى بيرتاح بالي من ناحيته؟؟) رجع يتصل على موبايله لقاه مسكر عقب أتصل على خالد اللي قال له أن محمد مسكر على روحه في غرفته.. ومقاطع العالم.. جبر بقلق: زين أنا بكره باروح له في بيته.. تجي معاي؟؟ خالد بود: إن شاء الله.. نتقابل في مجلسهم بكرة ********************** في الليل متأخر.. دانة نايمة وسعود وصل من شغله.. بعد ما أستأذن.. لأنه حس أنه بينفجر مو قادر يكمل.. كان بيموت بيموت شوق ..يبي يشوف دانة.. من أمس ماشافها ولا سمع صوتها.. وطالع من عندها وهي زعلانة عليه.. الشيء اللي خلاه كأنه قاعد على مقلاة من التوتر والحزن.. وخصوصا أنه هو نفسه حاس بزعل عليها.. من ناحية عشان شغلها.. والناحية الأخرى هي الأهم الأهم الاهم.. واللي لو أنها انحلت.. كان انحل كل موضوع حتى شغل دانة... يسمع منها كلمة وحدة تأكد له إن في داخلها نفس مشاعره المتوهجة الملتهبة .. لأن إحساسه إنها يمكن ماتبادله مشاعره بدأ يأكل من روحه وأعصابه وتماسكه النفسي شيئا فشيئا أشلون أراضيها الحين؟؟ وأشلون أرضى عليها؟؟ دخل سعود على دانة بشويش..اللي كانت نايمة باستغراق كبير كالعادة هي آسرته الأبدية.. كل مرة يشوفها كأنها أول مرة لهفة وشوق ووجع.. قرب منها بحنان يبي يتمعن في ملامحها.. شاف الشيء اللي خلاه يحس كأن روحه ماتت.. انذبحت.. كأنه طُعن في أعمق أعماق روحه بسكين مسمومة.. دمعة دمعة مازالت تسكن محجر عينها.. (تبكين حتى وأنتي نايمة ياقلبي!!! وش سويت فيش يادانة؟؟ وش سويت؟؟) سعود مسك دانة من عضودها وهي نايمة، قعدها بقوة.. وحضنها بقوة أكبر ويديه حولها بحنان ورقة مذهلة.. وهو يقول سامحيني حبيبتي.. سامحيني دانة تفاجأت إنها تصحى من النوم تلاقي وجهها مدفون في صدر سعود اللي بعده ببدلته العسكرية.. شهقت بعنف.. فرح ووجع وحب وامل ولهفة.. وحاوطت رقبته بكل قوة.. وهي تقول: أخيرا جيت.. قلبي ذاب وأنا أنتظرك.. كل مرة أموت من شوقي في انتظارك.. بس هالمرة أنتظاري كان غير غير.. موجع وحاد وقاسي ومتلهف.. سعود بحب وهو يبعدها شوي ويطالع في وجهها بهيام..: بسم الله على قلبك يا قلبي.. وليش يعني هالمرة انتظارش غير؟؟ دانة بحب كبير : عشان عندي خبر لك غـــــــــــــــــيـــــــــــــــــــــــــر ... #أنفاس_قطر# الحين بعد ماخلصتوا جزء اليوم واستمتعتم فيه أسمحوا لي أستاذنكم في أسبوع إجازة أنا كنت موظفة نشيطة ومثابرة وكل يوم مداومة من الصبح بنطلع نخيم أسبوع ومنها أنتم ترتاحون مني ومن شد الأعصاب ومنها الطالبات الشاطرات يدرسون امتحاناتهم أراكم بعد أسبوع على خير نلتقي إن شاء الله يوم السبت 7/2/2009 أستودعكم الله الذي لا تضيع ودائعه . . . . |
سلام عليكِ ورحمة الله وبركاته..
الله يصبرنا أسبوع..وماأوصيك استانسي بالتخييم.. دانة وسعود حركتات مبروك البيبي..متحمسة ودي أشوف رد سعود أخاف بس يجيب العيد.. منيرة خخخخ هبله هههههههههه أما سالم أحسه يطبخ من قلب هع هع.. ماجد خخخ والله مايلعب بس زين نفعت خطته.. عبود ها ما أوصيك لاترجع الا ومعك عزوز.. |
وآآآآآآآآآآه
حلو الجزء الله يصبرنآ اسبوع :( |
ههههههههههههههههههههههههههههههههههههههههههه شوفي اهني انا اضحك بخبث سبحانك يارب الي يغير ولا يتغير توقعت شي من كذا بس الفلم الهندي الي سوته منور مرررررررررررررره خطير وغطى على توقعاتي هههههههههههههه الحين جا الدور عليها عشان تركظ وراه شوط لين ما ينقطع قلبها وخاصه بعد ما عرف سالم انها كانت كارهته ورافضه وجوده زوج و شريك حياه في حياتها لزم تتعلم كيف توزن الامور قبل لا تنطق بها وتعرف الناس الي ناويه تجرحهم و ش راح تاخذ من الي تسويه وش نتايجه تدرين هي البقره طلعت تحبه بس كانت غبيه ومعمي على قلبها عمى الاقلوب هو اصعبها جواهر وعبدالله/الحب الناضج هو الحب الحقيقي و الي يتخطى المصاعب وتكون ركايزه قويه وشديده و من الصعب انه يهتز تحت اي ضروف بس ممكن ان يغطيه الركام وتمر عليه السنين و يكون به جروح بس يجي وقت وينزاح الركام و تنتفظ المشاعر و هذا هو الي صار حق عبدالله وجواهر ايقاظ من نوع اخر ايقاظ للقلوب و المشاعر جواهر عشات مع عبدالله كان الاول و بيكون الاخير لنها ما حبت غيره و ما افتحت قلبها ومشاعرها الا له عشان كذا كان انتظارها طول هذي الاسنين حتى مجرد ضنها انه موجود ما ماتت حي وعايش هو وعيالها عشان مشاعرها الي ما حيت الا به وله عبدالله الرجل العاشق الذائب في الانثى اليت كانت حلمه لكن طفولتها كانت الحاجز عاد ووجدها بعد حرمان بعد صبر و راح يتمسك بها دانه و سعود/كل الي اقدر اقوله اغبياء يا اخي اعترفو فوكونا تراكم تلوعون الكبد وتجيبون لي العصبي يعني تحبون بعض و حبكم واضح بس تتتعامون عنه لنكم بقر اووووووووووووف تحرون عززززززززززززززززززيزتي تحياتي لج وتسلم يدج و تروحين وتردين بالسلامه واقول البر السنه روعه ليفوتكم تحياتي لج .................................اختج حياتي عذاب |
السلام عليكم..بارتين اليوم يهبـلون..مثلج..ومثل التزامج..تسلم ايدج عليهم.. دلال ههههههههه موقف صج لا تحسـد عليـه...ما تقدر تفشـل نجلاء..ولا تقدر تنكر انها موافقـه..بس كل هذا بتطلعه من خشـم..ماجد..والله يستـر.. نـورة ليلحين مصدوومـه..ومو مصدقـه ان عبد العزيز مخطووف..وممكن بأي لحـظة يذبحونه..كابته..بقلبهـا..لابجي ولا صراخ..بس شي حلو انها تصلي فروضهـا وتقرا قرآن..دليل على صبرهـا.. منيـره هههههههههههههه خطيرة انتـي..بس الحمد لله الي نجحـت خطتهـا..صبرهـا على كلام سالم الجارح..شي وايد حلـو..والحلو بعد انهـا ما عطته قلاص الماي..قربته بدون لا يحس..وانها مارح تعاملـه كأعمـى..فرق بين منيرة ومنيرة الحيـن..والفرق وايد حلـو..ان شاء الله تتمين جـذي.. سالـم مو من قلبـه ما يبيهـا تقوله حبيبي..الا كان يحلـم فيهـا هع..بس لازم يثقل شوي..الله يشفيـه.. محمـد والسجن الي حابـس فيـه نفسـه..لتهمة اهو ماكان قاصدهـا..لو يدري ان سالم بنعمى كان ما ساق..بس هذا شي الله كاتبـه..قعدتك بروحك..بعيد عن الناس..مارح تفيد شي..ولا رح ترجع البصـر لسالم.. دانـه الف الف مبروك الحمـل..الله يثبته.. سعـود خوفـه وانهـا ما تبادلـه نفس المشاعـر..مو مخليه يتصرف عدل..موتره..ومخليه ينطر الزلة عليهـا..بس خبر حملهـا..ان شاء الله بغيره.. جواهـر وخوفهـا انهـا تفقد عبد الله بعد ما رجع لهـا..ورغبتهـا برجعه عبد العزيز..الله يعينهـا.. عبد الله حلوة ثقته وانه بيرجع ومعاه عبد العزيز..وان شاء الله تكون بمحلهـا.. عبد العزيز فقدته..اخاف سوو فيه شي..او انه سليم وانتي بتخلينا على اعصابنا هع.. آخر شي نفوس حتوحشيـنا.. ان شاء الله تستانسون بالتخيـيم وترجعين لنا بالسـلامه تقبلي مروري |
اتمنى لك التوفيق.......ورحله ممتعه ....
انفاسك لازالت......هي الانفاس التي ننتظرهاا...بكل الاشواااق.. عبدالله ...وذهابه للعراق سووود ودانه...مبروك.البيبي... جوااهر ..وغياب من جديد... دلال وماجد....الف مبرووك.... والله يصبرنااا.......ولكن نحن في الانتظااار ...لازلنااا استودعناك الله الذي لاتضيع ودائعه.... |
تسلمين ياعمري والله الشوق بيذيحنيييييييييييييييييييييييييييييي لين السبت
مشكورة وتروحي وترجعي بالسلامة يالغالية ماوصيكي انبسطي وارتاحي عشان ترجعي للكرف تعليقي سلومي وش بلاك عليها ترى غالية علي حيل الحمداله انها سوت الي فبالي ولاكنت ماعرف شو حتسوي يارجال المرة رايدتك بتصونك وتساعدك وانت تدلل بس الصدق معاك حق مجروح من كلام علي الخبل وخايف م الشفقة الي أيام وتروح بس تطمأن البنت أصيلة وماحتترك عبدالله يالله بدأت أرضى عليك ياعني حتضحي بنفسك عشان خاطر حبيب قلبي عزوز الله يرجعكم لجوجو ويقر عينها بيكم نوف وعزوز ان شاء الله مايحسوا بشيء من توتر جواهر مابيهم يقلقوا وحشتني ديومه بس إن شاء الله نشوفها في الجزء اليديد مممممممممممممممممممماجد شو هالتكتيك كأنك رايح تستولي على دوله لاومرتب معاهدات مع الدول الصديقة بس صراحة مررررررررررررة انبسطت وإن شاء الله تسعد قليبها هالمسكينة الي ماذاقت الفرح دلول أنا عارفة انه كبك بتنبط من هذا المجود بس تراه حليوه وشاريك اعطيه فرصه مو كل الرجال زي طليقك(الله يرحمه بس مابي أتكلم على الموتى ) وإن شاء الله يسعدك ويهنيك سعودي حبيبي شلونك يابعد هلي إن شاء الله تنبسط بالخبر الي جنن من دانة وياليت يادانة تفرحي قليبه بالخبر الثاني طالبتك يابنت الناس لاتشغلي بالي عليه سعود شوف لو تأمرت على دانه وقلت لها شغل مافي وهالكلام والله لأزع منك ولساني معد يحاكيك فرحها مسكين البنت تعبتها معك وهي ولاداريه اش فيك محمد ليش الزعل ياقلبي ان شاء الله سالم بيقوم ويصير زي الحصان بس انت ادعي له ووحد الله ترى هذا مقدر ومكتوب يالله فرج عن هالولد مصابه ورجعله بسمته يالله نووووووووووووووووووووووووة ياحياتي انتي والله اشتقت لبسمتك بس ان شاء الله الحبيب راد وان شاء الله العرس على نفس الموعد ادعيله ياقلبي الله يفرج عنه وعن كل الأسرى والسلام خير ختام ( السلام عليكم ورحمة الله وبركاته) |
السلام عليكم ورحمة الله وبركاته
صباحكم / مساءكم طاعة ورضا من الرحمن أنفاس قطر بعد الغياب لأن التميز سمة دوحة الابداع ولأن العطاء سمة القلم القطري و لأن الأنفاس كانت وفية بكلمتها ولقرائها يوما بعد يوم ولأن اجزاء بعد الغياب كانت تعود صباح كل يوم لتنير قصصنا ولأن ليلاس يعطي كل ذي حقٍ حقه وبإجماع مشرفات القسم تبقى بعد الغياب متميزة و مثبتة لأسبوع ثاني مبارك لك يا سيدتي و مبارك لكل ليلاسيـ / ـة تمتع و سيتمتع بقراءة قلمك المتميز كماً و كيفاً همسة للأنفاس الملتهبة بالابداع تستاهلي الاجازة ونلقاك وانتي باتم الصحة والعافية سلمت يمناك مشرفات قصص من وحي قلم الاعضاء |
السلام عليكم .. مساااااااك وصبااااااحك .. ورد .. وخير .. ونور .. . . . أبداع .. روعه .. تهبل .. تجنن .. تموت .. الخ الخ موب عارفه اش اقولك لكن والله قمه قمه قمه ربي يحفضك ويخليك والله تركت اختباراااتي بسبب بع غيااب .. :uJl04657: ربي يسسسلمك تعليق سريع .. لانو عندي اقزااام .. وراااجعه لك ان شاء الله ويلا انبسسسطي بالرحله .. :rfb04470: ربي يحفظش |
اهلييييييييييييييييييييييييييييييييين نفوووووووووووووس
تروحين وترجعين بسلامه الله يوسع صدوركمم بلعافيه يارب البارت روووووووووووووووعهـ واخير منيره بدت تكفر عن حركاتهاا ليييييييييش وقفتي عند بشارت دانه حرام كان خليتنا نعيش معهممم الجووووووو الله يرجع عبدالله وعبدالعزيز بسلامه ننتظرك ياقلبي جـــــــ,ــــــــ,ـــــودي |
انفاااااااس تروحين وترجعين بالسلامه
والله يهنيكم برحلتكم يارب ... ومشكوووووره على هالجزء الجنااااان والله منتي بهينه ياالمناااير كنت متوقعه ان هالشي هو الي بتقولينه ...بس قويييييييه يامنيره سبحان الله وين الي منهبله تبي الطلاق والحين حاذفه عمرها عليه بس صدق الدنيا عجااااايب ...ومتوقعه انك بتطفشها بمعاملتك القاسيه لها طبعا تسوي هالشي حب فيها مو كره ومتأكده انك راح تحبها زياده بعد ماتشوف صبرها عليك وتحملها لكل تجريحاتك ...وراح تتمسك فيها اكثر بعد مايرجع لك البصر تكفين نفووووووس نبي البصر يرجع له بدون ماتدري منيره عنه يعني خليه يمثل عليها علشان يشوف ردة فعلها ...وااااااااو بيطلع اكشن خيييييييييالي ههههههه عبدالله تروح وترجع بالسلامه ... سعود احس انك بتهبل بالبنيه حرام عليك تقومها من النوم بهالطريقه والله لو احد يسويها فيني كان انهبل ههههههه بس خطيييييير ... نفوووس وش هالشغل حرام عليتس نبي نشوف ردة فعل روميو زمانه على الخبر الي جاي بالطريق ...احسه بيشيلها ويطيرها من الفرحه ههههههه ماجد المؤمن لايلدغ من حجره مرتين ... وانت بعد رفض جواهر لك صارت عندك قوه خارقه انك تسوي اي شي بس ماتنرفض مرة ثانيه ... الله يتمم لك على خير ونشوف دلول وش بتسوي هههههه انفااااااااااااااااااس مشكوره حبيبتي على هالجزء الجناااااااان والله يصبرنا الى السبت ... ترجعين بالسلامه يارب |
يسلموووووو رواية رائعة الله يخليكي ويوفقك لا تقطعينا بعيد الشر
يعني كملي الرواية ولا اطولي علينا بليززززززز |
مرااااااااااااحب عزيزتي انفاس اسمحي لي أن اتقدم لك وأهنأك على هالابداع وعلى هالجواهر التي تظهر من أناملك . ولو كتبت لك من اليوم لبكرة بكلمات مدح ما اعطيك حقك على ابداعك .. عزيزتي قصتك رائعة جدا ورومانسيه لابعد حد .. شوفي ياعزيزتي : أنا عندي مبدأ من زمان ضد الأنتظار . أنا ما احبه ولا أطيقة . لذلك اتخذت قرار حاسم اني ما قرأ شي مو كامل وأنتي خربتي قراري باندفاعي لقراءة قصتك قبل ما تخلص والسبب انشدادي لها من الردود اللي لك والعذاب اللي أنا شايفته بردود القراء . ونصائح الأخت أقدار . والحين أنا انضميت لهم . وخلاصنا في يدك .. ياريت ما تطولي علينا . والله يحنن قلبك علينا .. أختك والمنظمة لحزب قراءك ومعجبينك . أم دودي اقتباس:
اقتباس:
أجمل مقطعين للآن . وللاصقيييييييييييين بعقلي .. وش هالرومانسيه وش هالدرر وش أقول وش أعيد . كل اللي رح أقوله سبقوني عليه وقالوه . الله يرحمنا برحمته يا أختنا أنفاس ..خخخخخخخخخخخخ |
وهلا خلصت المرة التانيه الرواية وبستنى فيكي اتنزلي الباي من لا ما رح اسمحلك يصير اشي لعبود وعزوز بليز لا اتخليني اتعلق فيهم وبعدين اتروحي اتغيبيهم كم شهر ويرجعو خلينا حلوين هيك انا مبسوطه عليهم هيك بجنوووووو احلى شي عبدالله وجواهر علاقتهم بتجنن الله يوفقك لا اطولي علينا واسقه ازا في شي دايقك من كلامي بس بمزح
ههههههههههههه يلا بنشوفك لا اطولي سلاممممم |
نفووووووووووووووووووووووسه يسلموووووووووووووووو يا عسل كل بارت لحلى من التاني ومستليينك عنار هدا الاسبوع ان شاء الله تروحي وتنبسطي وترجعي بالسلامه يا رب وشكرا حبي
|
هلا وغلا بانفاس ....قريت روايتس والصراحه اول مره اقرا روايه غير السعوديه...
وش اقول واش اكتب روووووعه ..تهببببببببببل ...تجنننننننننننن...لو اقول الى بكره ماوفيتس حقتس تستاهلين من يحب راستس ويشكرتس صراحه على روايتس والتزامتس بتنزيل البارتات والله انتس كريمه بنت كريم <ههههههههه>ياليت الكاتبات يصيرون مثلتس الله يسعدتس ويوفقتس.......... تكفين واللي يرحم والديتس لاتموتين عزوز وعبادي ....هذا اللي اقدر اقوله لتس والا انتي تستاهلين اكثر نفوسه ................ |
السلام عليكم ورحمة الله وبركاته انفاس قطر يعطيك الف عافيه على هالقصه الي قليل عليها كلمة روووووووووووووووعه:flowers2: صراحه اول مره اقراء قصه اتحمس لقرائتها كذا ومن شد مو انا متحمسه التهم الحروف حرف حرف والحين وصلت لحد اخر بارت...بس شكلي برجع اقراها ثاني<<<قليل عليها كلمة اعجبتن.... اسلوب مميز ...وجديد ...ومعقول(اقصد بكلمة معقول انه مو اشياء خياليه وخرافيه لاتصدق) لكن فيه نقطه وحده هي الي تعجبت منها ((بيت اهل سالم...جلسة فتره ماغيروا فيها ولا عدلوا الغرفه المحروقه....ليش؟؟؟ مع ان سالم عايش عند الجده...طيب البيت ماباعوه على الاقل كان عدلوا الغرفه المحترقه؟؟؟!!! علشان سالم مايتعلق فيها هالكثر...))<<<هذا الي يقرقع بقلبي وحبيت اقوله لك لان مافيه شي مر علي وتعجبت منه الا هالنقطه؟؟؟!!! اما التعليق على البارتات...ماتابعت معك من الاول علشان ارد كل يوم بيومه علشان كذا حبيت اقراها من خلف الكواليس على قولتهم <<<خخخخخخخخخ ومنها علشان يكون لها جوا خاص اذا تابعت بصمت لاني لو علقت واعتقدت اشياء بيتشتت فكري<<خلين ساكته احسن لي انتظر ابداع قلمك النير وحبيت اشكرك على التزامك بتنزيل البارتات الي تستحقين عليها جائزه<<ولاتوفيك الجائزه حق الشكر لكن اتفقت انا وباسكن روبنز على انك تستحقين منح جائزة الاوسكار ونوبل والمللك فيصل <<وبعد ماتوفي حقك ننتظر البارتات القادمه بفارغ الصبر الله يوفقك يارب رحله بريه سعيده<<<:f63: لكِ ودي:rdd10ut5: |
[ السلام عليكم ورحمة الله وبركاته
انفاس يعطيك العافيه عالاسلوب المتميز والطرح الرائع واشكرك من كل قلبي على احترااامك لنا كقرا والاستمرار في تنزيل البارتات في مو اعيدها....... اجازه سعيده وترجعين لقرائك وانت باتم الصحه والعافيه |
مرحبــــــــا أنفـــــــــاّس يعطيك العافيه على هالروايه الاكثر من رائعه وعلى هالبارتات المتتاعبه رحله طيبه ان شاء الله ننتظر البارت الجديد الله يصبرنا:pQ204444: |
نفووووووووووووووووووووووووووووووووس
من الان اقولك متعي نفسك قد ما تقدرين يا عيوني و لا تخلين في نفسك شي من الوناسة ما تسوينه و ريحي قلبيك على الاخر و بعدين وش هالكلام ترتاحون مني انا زعلت من الكلمة هذي شوفتك كل يوم ما هي تعب هذا عسل و احلى بعد المهم انا زعلت و بشوف كيف تراضيني اذا قلتي انك استمتعتي بكل دقيقة و لحظة في الاجازة هذي راح اكون في قمةالرضى خخخخخخخخخخخخخ<<<<<<<<<< ابو الثقة للي راح يراضونها المهم تعليقي المتواضع و المتاخر خخخخخخخخخخخخخخ<<<<<<كالعادة الله يعينا هالكم يوم و تخلص الامتحانات نجي للشخصيات منيرة ياهوووووووووووووووووووووووو عليكي با بنت مااقواكي بس عجبتيني لا تخلين سويلم يتهنى بيعد عنك و هذا جزاك و اقل بعد ربي يجمع بينكم بالمحبة و الخير يا رب سالم الله يعينك يا اخوي منيرة ناويتن عليك نية حلوووووووووووووووة بس انت اصبر عليها لحد ما تطلع من المستشفى و شوف وش راح تسوي خخخخخخخخخ راح توريك العجب العجاب ماعليش تحملها و لا تشره عليها و ربي يوفقكم دنيا و اخرة جبر هالله هالله في محمد خلك جنه ترى الولد انا خايفتن عليه و الله كاسر قلبي عيه من كثر ما اهو محمل نفسه ذنب هو ما سواه بس لانه كان هو الي يسوق السيارة محمد يا ولدي قُل لن يصيبنا الا ما كتب الله لنا و هذا مقدر و مكتوب يا اخي ارمي حمولك على ربك و لا تشيل هم و فكر في امك و خواتك من لهم اذا سعود راح الزام هم بعد محتاجين رجال حولهم قوي و ينشد فيه الظهر عصافير الحب دانه و سعود شوفو انتو الاثنين الحياة مو دوم الحلو و الرمنسية لا مرة عسل و مرة بصل بس حلاة الحياة لمن نتراضى و نصفي النفوس بعد كل مشكلة و ما نشيل في قلوبنا سعود انا قلت لك خف على البنت و لا تستعجل الكلمة علشان تحس بطعمها و صدقني وقتها راح تحس فيها و تحس انك فوق السحاب بس لا تستعجل و ربي عوضك بالخبر الحلو الي راح تقوله لك دنونتك دانة يا قلبي عليك مبرووووووووووووووووووووووووك عليكي البيبي يا قمر و ما اوصيكي انتبهي لنفسك و الي في بطنك خخخخخخخخ<<<<<<<< ام وش اسوي النصايح دوم في للساني ماجد يا خطييييييييييييييير و الله انك حركات يا ولد و الله و عرفت تجيب راس دلال مو قلت لك خل جواهر و ربي راح يرزقك بالي تستاهلك ربي يهنيكم دلال وش عليكي انا تركض وارى رضاك لا تخلين الرجال يروح من بين ايدينك تراه ما ينتعوض و ياختي يتيم اخذيه و كسبي اجر فيه بس لا تنسين تموتين فيه في الاخير خخخخخخخخخخ <<<<<<<<<<< عامل فيه البنت جوووووجووووو و عبوووووووود الله لا يغير عليكم و يرجعك يا عبود انت و عزوز بالسلامة و تقر عين جوجو فيكم و تفرحون في عزوز نوووووووورة يا قلبي عليك و لالا يهمك اذا نفوووووس ما رجعت عزوز و راسك لا اسوي مضاهرات على صفحات بعد غياب لحد ما ترجعه لك و حياة عيونك سمعتي يا نفوووووس خلك تفرحين بالاجازة و تزعلين نورة خلي عزوز يرجع و تفرح فيه و نسوي عرسهم في المقلط و الا راح نسوي مضاهرات لا يمكن قمعها ولا بقوات مكافحت الشغب راح تقدر علينا <<<<<<<<خخخخخخخخخ<<<<<<<<<<<<< و تعرف تهدد بعد قومي انتي ووجهك عزووووووووووووز يا عيوني عليك يا اخوي الله يجيبك بالسلامة و تقر عين جوجو و نوير فيك و نفرح في زواج <<<<<<<< عزوز لا تنسى ارسلي كرت العرس خاطري اشوفك مع نورة و ابارك لكم <<<<<<<<<<< افا ما تبي عواذل لالالالالالالالالالا زعلت منك يا ولد نفوس الغالية بارتين يهبلوووووووووووووووووون ربي ما تاخذين في خاطرك علي و على طوالت اللساني بس كل هذا من الميانة ربي يوفقك و يسهل دربك و يسعدك في اجازتك يا رب و دمتي لنا و نشوفك على الف الف خير |
متابعة لك بصمت لكن حان للصامت النطق
رواية جميلة باحداث غير متوقعه ومألوفه تحبس لها الانفاس وتشخص لها الابصار مع شدة الاحداث احببت ان اشكرك على هذة الرواية الرائعه المشوقه هذا ما استطاع قلمي البوح به بعد صمته الــــــــــــــــــــــــــــــــــى الامـــــــــــــــــــــــام ســـــــــــــــــــــــــــــــيــــــــــــــــــــــــري بارك الله فيك وسلمت يمناك قووووووووو هييييييييييييييييييد |
اهلين انفاااس... انفاسنا ...بجواهر وعبدالله....وغياب من جديد... سعود...والمفاجئه الى تنتظره.. سالم ..والدلع....من منيره... ننتظرك...بعد الغيااب....بانفاس جديده... |
عدت والعود أحمد
مشتاقة لكم حتى النخاع أكتب لكم وأنا مازلت بعباءتي وغبار الطريق يكسوني موعدنا الليلة مع خطاب خاص لكم وبارت جديد دسم بالمشاعر والأحداث أنفاسكم #أنفاس_قطر# . . . . |
السلام عليكم ورحمة الله وبركاته
مرحبااااا السااااااااااع عودا حميدا متابعة من خلف الكواليس كالعادة . لاحساسي بعدم قدرتي على التعليق بالاضافة الى ظروف دراستي .. من أوائل المتابعات في بداية الرواية...والى الان ننتظرك بكل شوق.. وتعويض عن اسبوع الغياب .. 7 بارتات طوال تقبلي تحياتي |
مساء الورد والفل والياسمين والخزامى
مع أني ماشفت الخزامى في البر ذا السنة ياحياكم الله كلكم كلكم وحدة وحدة ودي أوقف قدام كل اسم وحدة منكم ساعة كاملة عشان أعبر بس عن اشتياقي ولهفتي وحبي لكم لكم كلكم بدون أي استثناءات أو تحديدات أكتب لكم اليوم بالأخضر كأخضرار قلوبكم وحشتوووووووووووووووووووني i miss u all اشتقت لكم جدا كثير كتير أوي واجد وايد هوايا برشا هلبا بالزاف هذي كل اللهجات العربية اللي أعرفها.. وحطوا فوقها اللي ما أعرفها بعد والله العظيم فقدتكم جعلكم ماتفقدون غالي أشكر كل من سأل عني وكل من لم يسأل اعترف أني عتبت على الغالين اللي ماسألوا عني ولكن للعتب عندي دائما وجه آخر اسمه العذر الكل عندي دائما معذور الحياة مليئة بمشاغلها التي تلتهم وقت الانسان وتسحبه في دواماته يهمني بس أني أعرف أن الكل بخير وأنه مافيه حد عاتب علي فكما أبحث دائما عن أعذار للكل أتمنى أن يبحثوا هم لي عن بعض عذر حينما أحتاج هذا العذر فديتكم والله والله مايهمني إلا أنكم بخير طمنوني بس عنكم واللي عنده امتحانات يطمني وش سوى دعواتي الصادقة لكل الغاليات المنخرطات في امتحاناتهم بالتوفيق والنجاح ودعواتي للعائدات لمدارسهم ولجامعاتهم بفصل دراسي جديد مثمر وممتع برايفت: شكر خاص للعامرية وإرادة الحياة على الترحيب الخاص اللي يشبه خصوصيتهما أعود لكم من بعد الغياب بفصول جديدة من بعد الغياب تطورات جديدة وانعطافات خطيرة ومرحلة جديدة في القصة وشخصيات ستدخل في دائرة الضوء وأخرى سينحصر عنها الضوء شخصيات ستضحككم وأخرى ستبكيكم وثالثة ستشجيكم ورابعة ستنثر حنين عميق في قلوبكم وفي كل هذا أنا على وعدي القديم بالاختلاف الذي أتمنى أن يوفقني الله إليه لإرضاءكم استلموا البارتات الجديدة ثلاث بارتات فيها من المشاعر الشيء الكثير مشاعر اليوم مختلفة عميقة دافئة ومشبعة بالحنين ستمر بارتات اليوم على كثير من الشخصيات ولكنها ستركز على عدد محدود من الشخصيات لخطورة الأحداث التي سيمرون بها استلموا 69 70 71 قراءة ممتعة مقدما ولاحول ولاقوة إلا بالله . . . . |
بعد الغياب/ الجزء 69، 70، 71
بعد الغياب/ الجزء التاسع والستون
#أنفاس_قطر# سعود بحب وهو يبعدها شوي ويطالع في وجهها بهيام..: بسم الله على قلبك يا قلبي.. وليش يعني هالمرة انتظارش غير؟؟ دانة بحب كبير : عشان عندي خبر لك غـــــــــــــــــيـــــــــــــــــــــــــر ... سعود بتساءل: خير إن شاء الله... دانة رجعت شوي ورا وهي تتسند على رأس السرير بنصف تمدد وتقول بحنان: تعال سعود حط أذنك هنا.. وأشرت على بطنها.. سعود اللي مابعد استوعب تمام، لكنه حس.. قرب منها بالراحة وحط أذنه على بطنها وهو يقول وقلبه بدأ يرقع: وش فيه حبيبتي؟؟ دانة باستغراب مصطنع عذب: ما سمعت حد يقول بابا؟؟ سعود حس أنه عاجز عن مجرد التنفس من شدة الانفعال والفرحة المحلقة .. حس كأن كل الأكسجين اللي في العالم أخترق مسامات جسده لأبعد مدى من اتساع السعادة التي شعر بها.. (دانة حامل.. ولدي أنا ينمو في أحشائها.. ثمرة حبي لها) سعود ماعرف وش يسوي.. أو أيش يقول.. أو كيف يعبر عن فرحته.. كانت فرحته أكبر من تعبير.. شال دانة اللي تفاجأت بخفة.. وصار يدور بها في الغرفة وهو يصرخ بفرح مجنون: بأصير أب.. بأصير أب.. ودانة تصرخ بخوف: سعود تكفى نزلني.. نزلني.. يمه... خلاص.. حرام عليك.. بس هو ظل يدور بها لحد ماحس انه ممكن يتماسك ويتكلم فنزلها بالراحة على السرير عشان يحضنها بقوة بعنف بحنان، بحب لا نهائي ويقول لها: أنا أحبش... واحبش.. وأحبش.. ولاخر يوم في عمري أحبش.. الله لا يحرمني منش ولا من عيالنا.. ومن الحين أقول لش.. ياويلهم عيالش لو سووا مثل عيال ذا الأيام وقالوا (بابا) بأقطع العقال على ظهورهم خلهم يصطلبون ويقولون يبه.. وإلا أبو سعيد.. عادي تمشي الحال.. دانة تطالعه بحب كبير وتطبع قبلة رقيقة على خده وعقب تترك يدها ترتاح على خده وهي تقول: حرام عليك من الحين بتشتغل لهم شغل تخويف.. سعود بحنان وهو يشيل يدها من خده ويطبع في باطنها قبلة عميقة جدا: فديتهم.. هم بس خلهم يجون.. وانتي لا تتدخلين بيننا.. دانة برقة: خلاص طلعت من بينكم.. ******************* عبدالله صحى بدري شوي.. عشان عنده كم شغلة لازم يسويها... قبل موعد ملكة ماجد الساعة 10 ونص.. وقبل موعد طيارته اللي راح تكون الساعة 4 العصر.. كان يتحرك في الغرفة بشويش عشان مايصحي جواهر.. بس جواهر صحت.. وقعدت على حيلها.. وكانت تراقب عبدالله.. اللي كان قدامه أوراق يرتبها ويفرزها كانت دموع جواهر الصامتة تنساب على خدها.. وهي تراقب عبدالله بحب مؤلم.. وألم محب.. بتفتقده.. ماتقدر تقول غير إنها بتفتقده بوجع حاد منغرز في صدرها وروحها ووجدانها.. وستفتقد كل شيء فيه..كل شيء حركته.. كلامه.. حضوره..صمته.. حتى مجرد أنفاسه وهو نايم جنبها.. عبدالله رفع عينه شاف جواهر جالسة.. اجتاحته مشاعر فياضة.. عميقة..رائعة ومؤلمة وخيط متصل بين نظراتهم يتصل بإحكام.. والصمت يستحكم بينهم.. لأن مشاعرهم أصبحت أكبر وأعمق وأنضج من كل كلام وتعبير.. استمر الصمت واتصال النظرات الحانية المستعرة متصل لعدة دقائق.. قبل أن يقطعها عبدالله بوقفته بقامته المديدة وتوجهه ناحية جواهر بخطوات واثقة.. عبدالله وصلها وجلس جنبها قال لها بحنان مصفى: نفسي احضنج.. بس أرجوج لا تبكين.. جواهر رمت نفسها بحضنه.. وعبدالله حضنها بقوة.. بحنان.. برقة.. بعذوبة.. حضن مختلف لظرف مختلف.. عبدالله يهمس لجواهر: حبيبتي أوعديني.. جواهر ودموعها الصامتة مستمرة بالانهمار: بشنو حبيبي؟؟ عبدالله بحنان: أنه لو أنتي تحبيني فعلا.. ماعاد تبكين.. ولا تسمحين لذا الدموع الغالية إنها تنزل مرة ثانية.. خلاص حبيبتي أنتي جاج من الدموع ماكفاج.. تكفين أوعديني أنه ماعاد تبكين لو مهما صار.. الحزن بالقلب.. عمر الدموع ماكانت هي اللي بتخفف الحزن.. أوعديني تكون هذي أخر مرة تبكين.. أنا أبيج قوية عشاني.. جواهر وهي تمسح دموعها بكفوفها في حركة عذبة تشبه حركات الأطفال وتقول بثقة: أوعدك عبدالله.. اوعدك.. أنا عشانك مستعدة أضحي بروحي وأبيع عيوني.. فكيف بشوي دموع..؟!! عبدالله حس بالتأثر يجتاحه بعنف مهما قال أنها رائعة ومذهلة ونادرة الوجود.. وأنه مافيه مجال أكثر لروعتها.. لانها وصلت للحد الأقصى.. يكتشف كل يوم أشياء جديدة تعمق انبهاره فيها.. وتعمق من حبه الخرافي الأسطوري لها.. رجع يحضنها من جديد وهو يقول بعشق حقيقي: أحبج.. والله العظيم أحبج.. وتاكدي انه حبج بيظل محفوظ في أعمق مكان في روحي وقلبي ووجداني.. ***************** سعود صحا من النوم على صوت حركة دانة وهي تلبس سعود رفع رأسه وتسند على ذراعه وهو يقول بنعاس: وين بتروحين حبيبتي؟؟ دانة تلتفت عليه بود: باروح الشغل سعود.. اليوم يوم مباشرتي في الصحة المدرسية.. سعود نط واقف وهو يقول بصوت حاول أنه يكون هادئ: أنتي ناوية تداومين وأنتي حامل؟؟ دانة بحنان: وش فيها سعود؟؟ سعود بحنان: تعب عليش يا قلبي.. أنتي مهوب محتاجة لذا الشغل .. الخير واجد.. دانة بتوتر: وليه ياسعود أنت مفكرني أشتغل عشان محتاجة.. الحمدلله الخير واجد عندك وعند أبي من قبل.. الشغل هذا حاجة نفسية مهوب مادية.. سعود بهدوء: قدمي على إجازة لين تولدين.. ويصير عمر الولد وإلا البنت على الأقل سنة.. دانة برفض: لا ما اقدر.. وارجوك افهمني ولا تعصب علي.. أول شيء غصبتني أطلع من شغلي وأطلب نقل.. وافقت عشان أرضيك والحين يوم مباشرتي في شغلي الجديد... بدل ما أباشر عندهم.. أروح أقدم على طلب إجازة كلامك غير معقول .. ماأني أول وحدة حامل تشتغل.. خلني سعود فديتك أشتغل كم شهر.. عشان لو احتجت إجازة عقب يكون لي وجه أطلبها.. وبعدين ماشاء الله أمي وأمك كلهم بصحتهم الله يخليهم لنا... يعني بيساعدوني على البيبي وخصوصا أنه أول حفيد للثنتين.. مايحتاج سالفة الإجازة ذي... سعود اللي كان قاعد يستمع لها بهدوء قال لها بذات الهدوء: طبيعة شغلش نفسها متعبة... وقفة طول اليوم.. ومدنقة على المرضى.. يعني ضغط عليش.. دانة باستجداء: زين أنت خلني أجرب.. وانا أوعدك أني لو تعبت أني أقدم على إجازة.. سعود بتعب: أنا تعبت واجد من النقرة اللي صارت بيننا الأيام اللي طافت.. خلاص براحتش.. بس أبيش تعرفين أني ماني براضي بشغلش وانتي حامل.. دانة برعب: لا سعود تكفى.. لاتقولها كذا.. أشلون تبيني أروح وأنت تقول أنك مهوب راضي.. تكفى طالبتك.. رخص لي.. سعود غصبا عنه عشان خاطرها: خلاص روحي.. بس توعديني لو تعبتي أنش تقدمين إجازة.. دانة نطت بفرح تحضنه: أوعدك.. أوعدك.. **************** سارة ومنيرة يستعدون يلبسون عشان يروحون لسالم في المستشفى.. سارة اللي كانت تطلع لها ملابس من الدولاب لفت على منيرة اللي كانت جالسة على السرير تلبس جزمتها: منيرة منيرة بود: هلا سارة.. سارة بتردد: أنا عارفة أني قسيت عليس الأيام اللي فاتت واجد.. في خاطرس شيء علي؟؟ منيرة وقفت وتوجهت ناحية سارة وحضنتها من ظهرها: أنا ماجاني منس إلا أقل من جزاي.. أنتي اللي في خاطرس شيء علي؟؟ سارة لفت وجهها لمنيرة وحضنتها وقالت لها بحب: لا فديتس.. مافي خاطري شيء منيرة بعيارة : زين خلاص لاتسوين فيلم هندي ونقعد نبكي الحين.. استعجلي تأخرنا على سالم.. سارة بحنان: أنا بأقعد معس شوي عند سالم وعقب بأرجع لبيت سالم.. عشان أشوف وش قاصره.. وارتبه أنا والخدامات.. وأشوف غرفتكم الجديدة... لأنه سالم كان توه خلصها قبل سفره بيوم.. واشوف اللي قاصرها.. ثم أنقل ملابسس هناك.. لأنه سالم بيطلع من المستشفى بكرة إن شاء الله منيرة حست بتوتر كبير وهي تشوف أن حياتها الحقيقية مع سالم وفي بيته خلاص قربت.. بس سارة اللي كانت فاهمتها قربت من بشويش وحطت يدها على كتفها: لا تخافين منيرة.. أنا أعرف أنس سويتي ذا كله.. إحساس بالذنب وشفقة على سالم.. ولو أني ماني بعارفة أنه مشاعرس هذي كلها بتتغير إذا عاشرتي سالم وعرفتيه.. وبتصير حب حقيقي ما كان سمحت لس أصلا أنك تسوين كذا.. منيرة بود: خلاص ولا يهمس.. بأحب الغالي على قلبس إلى شوشتي.. بس خلصينا.. ****************** عبدالله أنهى ترتيب أوراقه.. نادى جواهر لجلسة الكمبيوتر.. فتح دولاب فيها.. يخبي خزنة وراه.. عبدالله بجدية: تعالي حبيبتي.. شوفي الخزنة هذي فيها كل أوراقي المهمة.. صكوك العقارات.. وأوراق المؤسسة.. وشهادات ميلاد العيال وجوازات سفرهم.. وفيها بعد أخر كشف لحسابي في البنك.. واخر كشف لعدد الأسهم اللي عندي وعند العيال.. بأعطيج رقمها وأحفظيه عدل.. والأحسن تسيفينه في تلفونج بأسم شخص لحد ما تحفظينه.. وعلى العموم أفضل يعرف كل شيء يخص العقارات واماكنها.. ومديرين شركات المؤسسة.. جواهر حست قلبها نزل في رجولها: عبدالله الله يهداك ليش هذا كله.. عبدالله بحب وهو يقبل رأسها: حبيبتي الأمر عادي.. أنا أصلا من زمان أبي أقول لج على الخزنة بس ماجات فرصة.. لا تصيرين حساسة.. جواهر لفت وجلست على الكنبة لأنها حست أن رجولها خلاص ماتقدر تشيلها.. عبدالله جلس جنبها بقلق: وش فيج حبيبتي؟؟ جواهر رفعت رأسها بابتسامة مصنوعة: مافيني شيء يومي قبل يومك.. وسندت رأسها على صدر عبدالله اللي حضنها بكل قوته وحنانه وعنفوانه..وهو يقول: والله بأرجع.. بإذن الله بأرجع.. ******************* سعود كان في الجبرة (السوق المركزي في الدوحة اللي ينباع فيه السمك والفواكة والخضروات) كان يشتري أغراض للبيت.. في الوقت رن موبايله طالع الشاشة كان اسم دانة يتالق على الشاشة رد سعود بحب: هلا حبيبتي.. صوت أنثوي غريب يرد عليه بحرج وقلق: السلام عليكم.. سعود حس بتوتر غير طبيعي: وعليكم السلام.. وين صاحبة التلفون؟؟ الصوت الأنثوي بقلق كبير: أنا صديقة دانة أم تركي.. ياليت تجي الحين احنا موجودين في مستشفى النساء والولادة.. سعود برعب متوحش: دانة وش فيها؟؟ تهاني بتوتر: مافيها إلا العافية.. إذا وصلت دق علي.. موبايل دانة معي.. عشان أقول لك وين احنا.. سعود سكر الموبايل.. وهو يحس بقلق قاتل.. وخوف موجع على دانة.. وقلبه بينفجر من تصاعد وتيرة دقاته المرعب.. (وش فيها؟؟ الصبح كانت طالعة مافيها شيء) #أنفاس_قطر# بعد الغياب/ الجزء السبعون #أنفاس_قطر# في بيت جاسم في مجلس الرياجيل.. الملكة تمت على خير.. دلال كانت متوترة.. لكنها صلت صلاة الاستخارة أكثر من مرة من لما وصلها المهر أمس وماقدرت تعترض عليه قالت في نفسها.. يمكن الله يكون باغي لي الخير عشان كذا ما قدرت أعترض وانخرست.. وكانت بعد كل صلاة استخارة.. تحس براحة نفسية أكبر.. توكلت على الله.. وقالت: إن شاء الله ربي مايخيبني ماجد في المجلس يتلقى تهاني عبدالله وجاسم اللي كانوا شهود العقد.. ماجد كان محلق من السعادة.. وعبدالله جالس جنبه ويقول له بود كبير: أخيرا يابو فيصل دخلت القفص برجولك.. ماجد بعيارة: مابغينا ندخل هالقفص.. ماعاد باقي إلا أبكي تحت رجول السجان وأقول دخلني القفص تكفى.. عبدالله وقف وأستاذن ماجد بعزم: وين بتروح مسوي غداء في بيتي .. عبدالله بتوقير: جعله عامر.. بس أنت عارف أنه وراي سفر العصر.. ماجد بجدية: العصر تو الناس.. تغدى وعقبه روح المطار.. عبدالله بعيارة: يا أخي أنت عريس اليوم.. بس أنا بعد عريس مالي كم أسبوع.. خلني أروح لأم عزوز.. ماجد باحترام ومودة وهو يحضن عبدالله: الله لا يغير عليكم.. وتروح وترجع بالسلامة.. بعد ماراح عبدالله.. ماجد اتصل بنجلاء وقال لها بلهفة: أبي أشوف دلال.. نجلاء بعيارة: يمه مافيك صبر.. العشاء الليلة.. وبتشوفها.. ماجد بنفاذ صبر: مافيني صبر.. أبي أشوفها الحين.. نجلاء ميلت على دلال اللي كانت ميتة من الخجل والكل يبارك لها..: ماجد يبي يشوفج... دلال برعب: لا نجلاء تكفين.. خلاص الليلة يشوفني مرة واحدة.. ماجد أصلا سمع رد دلال من التلفون المفتوح بيد نجلاء.. : هاه ماجد سمعت.. ماجد بطفش: اللهم طولك ياروح.. اللي صبرني 40 سنة بدون مره.. يصبرني كم ساعة.. بعدها نجلاء ميلت على أذن دلال: بعد أذنج.. أنا بس أبي أعزم صديقة وحدة لي.. دلال بود وخجل: على راحتج نجلاء.. أنتي ما تستأذنين أحد.. احنا اللي نستأذنج.. نجلاء بابتسامة واسعة: أمي أكيد أنها دعت لمجود ليلة القدر عشان حظه يجيبج.. ماردت عليها دلال بغير ابتسامة خجولة.. *********************** سعود أعصابه متوترة والشوارع زحمة.. يبي يوصل بسرعة.. يحس إن كل دقيقة تمر تاكل من روحه شوي.. بيموت يبي يتطمن.. بس مستحي يتصل في المره اللي معها موبايل دانة.. يبي لين يوصل ويكلمها مرة وحدة.. ماصدق أن المشوار يخلص وقف سيارته قدام باب المستشفى ونط وخلى السيارة واقفة.. السيكورتي وراه: يا الأخو.. وقفتك ذي ماتصير.. سعود عطاه مفتاح سيارتك: تكفى خذ المفتاح ووقفها وين ماتبي وخل المفتاح عند مركز الأمن.. السيكورتي حس فعلا أن سعود وراه مصيبة، خذ منه المفتاح تفاعلا مع سعود وتعاطفا مع حالته المتوترة.. في الوقت الي سعود اتصل على موبايل دانة وردت عليه تهاني هالمرة ماكان بتوتر لكن بحزن عميق: أنا موجودة قدام غرفة الولادة.. سعود قلبه وقف.. (أي غرفة ولادة ودانة مالها شهر ونص حامل..) في دقايق كان واقف قدام تهاني اللي عرفها من البالطو الأبيض اللي هي لابسته مع نقابها.. تهاني مالحقت تلبس عبايتها.. وطلعت مع دانة في سيارة الأسعاف بالبالطو.. سعود الكلمات ميتة على لسانه: دانة وش فيها؟؟ تهاني بحزن: الله يعوض عليكم.. دانة سقطت.. سعود اللي حس بحزن عميق: المهم دانة أشلونها.. وإلا الحمل الله جاب.. والله خذ.. والله عليه العوض.. تهاني بذات الحزن: دانة زينة.. دخلت عليها من شوي. . بس موتت روحها من البكاء على الجنين اللي راح.. ياقلبي المسكينة مالحقت تفرح فيه.. توها عرفت أمس أنها حامل.. سقطت اليوم عطوها مهدئ عشان البكاء موب زين لها.. والحين نايمة.. سعود بحزن مخلوط بفرح: الحمدلله على سلامتها.. دانة عندي بألف ولد.. وعقب كمل باستفسار: إلا هي أشلون تعبت؟؟ تهاني بتحسر: كان عندها مريض طفل عمره 5 سنين.. الولد الله يهداه كان شيطاني زيادة عن اللزوم.. أول ماحطته أمه على الكرسي.. وشاف دانة قربت منه.. رفس دانة في بطنها.. المسكينة جات تبي ترجع.. بس الاستاند اللي عليه الأدوات.. كان مسحوب وراها.. فالولد رفس في بطنها لحد ماقال يا بس.. أمه هي اللي قالت لي.. كانت هنا توها راحت وبترجع.. سعود حس بألم يطعن روحه من كل ناحية.. وهو يتخيل ألم دانة وخوفها ورعبها على الجنين اللي في بطنها.. والولد يرفسها في بطنها.. (يعني كأنها شافت ولدها ينذبح قدامها.. وهي مهيب قادرة تنقذه..) سعود قرر يتصل بأمه يبلغها.. ياسبحان الله كان ناوي اليوم يبلغها بحمل دانة لمايرجع البيت.. يبلغها الحين بتسقيطها.. وأتصل على خالد عشان يبلغ هله بعد.. أم سعود وخالد كان تأثرهم بالغ وكبير أم سعود حزنت على حفيدها اللي ماكمل.. وخالد حزن على أخته الكبيرة الغالية.. ******************* دلال بعدها في بيت جاسم متوترة.. وقلقة نجلاء ميلت عليها وقالت بهمس: أشرايج دلال نروح لبيتج ترتبين أغراضج في الشنط وعقب نروح السوق نشتري لج شوي أغراض.. وبعدين نرجع البيت على وقت جية الكوافيرة.. أنتي تتعدلين وأنا اروح بيت ماجد أرتب أغراضج.. البيت أنا رتبته أمس وكملت بخبث: وحطيت لج شوي شغلات في الدولاب اشتريتهم البارحة لو ماجد شافهم يكون ماجاه نوم البارحة.. دلال كحت بحرج، وعقب قالت بصوت واطي: بيتي ممكن نروح نجيب أغراضي.. بس السوق مافيه داعي.. لانه أصلا كل ملابسي جديدة وحتى الشنط والجزم والعبايات والملابس الداخلية أنا اشتريتها بعد مافكيت الحداد.. كل ملابسي القديمة تصدقت بها.. حبيت أنسى أي شيء ممكن يذكرني فيه الله يرحمه.. نجلاء بابتسامة: يعني عروس جاهزة ماشاء الله.. ما أقول لج مجود أمي داعية له.. بس بعد لازم نروح السوق على الأقل تشترين فستان لليلة.. دلال بحرج: أي فستان؟؟ نجلاء برقة: ماعليه دلال حبيبتي لو كان كلامي بيضايقج شوي.. بس ماجد هذي أول مرة يتزوج.. نفسي أنه يشوف عروسته بفستان أبيض.. هو طبعا ماراح يكون فستان عرس بمعنى الكلمة.. بعد أذنج طبعا، ممكن نختار فستان ناعم وراقي يكون لونه أبيض.. دلال حاسة بفرحة نجلاء بأخوها وماحبت تكسر خاطرها: خلاص قومي نروح للسوق أول وعقب نرجع لبيتي.. أصلا شنطي جاهزة.. بس نشيلها.. ********************* الساعة 2 الظهر.. عبدالله يستعد لمغادرة بيته.. بس ينتظر عبدالعزيز اللي على وصول من المدرسة.. عشان يسلم عليه ويروح للمطار.. أفضل ينتظره برا.. وجواهر ونوف جالسين معه تحت في صالة البيت الرئيسية.. عبدالله يجلس بين جواهر ونوف.. عبدالله طالع بثوبه وغترته.. لأنه عارف أنه كثير من أهل العراق هذا لبسهم.. ففضل أنه يظل بثوبه وغترته.. جواهر تنظر له بثوبه الشتوي الداكن.. وغترته البيضاء.. كان طوال عمره استثنائيا.. وسيظل دائما في قلبها وعينيها وعقلها رهان الاستثنائية والعظمة التي لا تخسر.. كانت تنظر له بوله.. عشق.. احترام..دفق مشاعر لانهائي وغير محدود كانت تريد أن تحفر صورته الأخيرة في قلبها ومشاعرها.. لتحتفظ بهذه الصورة تصبرها عن غيابه الأيام القادمة عبدالله ينظر لها في تايورها الأبيض الناصع المكون من بنطلون وجاكيت ضيق يظهر بجاذبية بالغة طولها ورشاقتها.. يهمس في أذنها: بأتذكر أني تركت وراي حمامة بيضاء بأموت من شوقي لسكونها على صدري.. تبتسم له جواهر ابتسامة أشبه بالبكاء.. في ذات الوقت الذي أنزل عبدالله شفتيه الهامستين من أذنها.. لتحط على دفء عنقها.. ويطبع عليه قبلة عميقة لاهبة وهو يستنشق بعمق رائحة جسدها الطبيعية.. وكأنه يريد أن يملأ رئتيه وصدره وكل خلاياه بهذه الرائحة.. قبلة عبدالله طالت طويلا.. في الوقت الذي جواهر لم تعد تشعر بشيء سوى ملمس شفتي عبدالله على عنقها.. وقلبها يذوب ويذوب..ويذووووب ولكنها استعادت إدراكها بخجل وهي تتذكر وجود نوف.. حين بدأت تستمع بوضوح إلى صوت تنفس عبدالله العالي المتقطع من شدة انفعاله.. لكنها فوجئت أن نوف غير موجودة.. نوف انسحبت من بداية القبلة إلى مطبخ التقديم الداخلي.. عبدالله فقد إحساسه بأي شيء سوي ملمس عنق جواهر الناعم ورائحتها الدافئة المثيرة.. وكأنه أنفصل عن كل العالم..إلى عالمها هي .. هي فقط.. في الوقت الذي جواهر تعود باستسلام حاني مؤلم إلى عوالم رجولة عبدالله الآسرة.. وقبلته الدافئة المستمرة التي تمنت إلا تنتهي أبدا.. ولكن ككل شيء جميل لابد له من نهاية.. رفع عبدالله شفتيه عن عنق جواهر.. وانفاسه ترتفع وتنخفض بصوت مسموع.. ووجيب قلبه يجاوبه وجيب قلب جواهر بدقاتهما المستعرة.. لم يكن للكلمات معنى وهما يتبادلان النظرات اللاهبة العاشقة المشتاقة.. وكل منهما يعرف تماما ما الذي يستعر في قلب الآخر.. لأنه يدرك أن هذا الشعور العميق الموجع هو شعور متبادل بكل آلمه وروعته واختلافه.. واسطوريته.. قطع عليهما جوهما الخاص الاسطوري.. دخول عبدالعزيز عليهم وهو يلهث ويقول: سامحني.. تأخرت عليك يبه؟؟ عبدالله كح بنعومة وهو يحاول إخراج نفسه من عوالم وجود جواهر المسيطر عليه ويعدل وضع غترته على رأسه: لا يا أبوك.. بأطلع الحين المطار.. روح ناد أختك أسلم عليها.. في لحظتها نوف دخلت عليهم وهي تقول بعيارة: مافيه داعي حد يناديني.. أنا رحت بروحي ورجعت بروحي.. بس مو كأنه (الهوت هوت موفيThe hot hot movie) طوّل شوي؟؟؟ جواهر وطت عينها وهي بتموت من الخجل.. في الوقت اللي عبدالله وقف وقرص نوف من أذنها وهو يقول بعيارة ودودة وجرأة: وأنتي ليش تشوفين الهوت موفي ياللي ماتستحين؟؟ نوف فركت أذنها وهي تضحك: الهوت موفي جاء عندي أنا مارحت له.. في الوقت اللي عبدالعزيز ميل على أذن نوف وهمس: شالسالفة؟؟ نوف ردت عليه بصوت واطي: أقول لك بعدين.. عبدالله سلم على عياله بحنان كبير وخصوصا نوف اللي طولت وهي حاضنته.. لكن سلام جواهر عليه كان مختلف.. عياله مفكرينه رايح شغل.. كان وضع عادي هم متعودين عليه.. لكن جواهر تعرف أنه رايح مكان يمكن مايرجع منه.. جواهر حضنته بعنف وعبدالله يهمس في أذنها: أنتي وعدتيني ماتبكين.. جواهر تهمس له بحب آسر: وأنا عند وعدي.. عزوز بود وهو مستمتع بقوة العلاقة بين امه وابوه: بسج يمه خنقتي أبوي.. كلها 3 أيام وراجع لج.. جواهر فلتت عبدالله بالراحة لكنها ماقدرت وهي ترفع عيونها لتسكن في لمعة حنان نظرته.. رجعت ترمي نفسها على صدره من جديد وهي تشدد أحتضانها له وتهمس له: أرجع لي ياعبدالله.. لا تطول الغيبة علي.. أرجع لي أنت وعبدالعزيز.. أنا ما أقدر أعيش من غيركم أنت وياه.. عبدالله بثقة: إن شاء الله بنرجع.. بنرجع ****************** حوالي الساعة 2 و20 دقيقة.. في غرفة دانة بالمستشفى..توها وصلت لغرفتها أختها مزنة عندها..أم سعود وأم خالد طلوا عليها في غرفة الاستراحة من العمليات تحت.. وراحوا على أساس يرجعون العصر.. سعود مابعد شافها.. وقاعد يتحرقص لهفة وألم برا.. #أنفاس_قطر# بعد الغياب / الجزء الحادي والسبعون #أنفاس_قطر# في غرفة دانة بالمستشفى..توها وصلت لغرفتها أختها مزنة عندها..أم سعود وأم خالد طلوا عليها في غرفة الاستراحة من العمليات تحت.. وراحوا على أساس يرجعون العصر.. سعود مابعد شافها.. وقاعد يتحرقص لهفة وألم برا أتصل على موبايل دانة اللي ردت عليه مزنة مزنة سكرت.. وقالت لدانة بحنان: سعود برا يبي يدخل.. دانة من سمعت اسم سعود بدت دموعها تنسكب بصمت.. وهي تقول بحزن قاتل: وش أقول له..؟؟ أني ماقدرت أحافظ على ولدنا...!! مزنة رجعت تحضن دانة وهي تقول بحزن: حبيبتي وش ذا الكلام؟؟.. انتي وسعود توكم صغار.. والله بيرزقكم بالعيال والبنات إن شاء الله.. مزنة كانت عبايتها ونقابها عليها أصلا.. فطلعت نادت سعود.. وظلت هي واقفة برا.. سعود دخل بلهفة قاتلة موجعة وتوجه مباشرة لدانة عشان يحضنها بعمق.. بعمق بعمق مذهل: الحمدلله على سلامتش حبيبتي.. دانة انخرطت في بكاء حاد: سامحني سعود.. سامحني.. أنا ماقدرت أحافظ عليه.. سعود اللي كان جالس جنبها على السرير وحاضنها مسح على شعرها بحنان وقال بحنان كبير: حبيبتي المهم سلامتش.. والجنين إن شاء الله بيعوضنا.. لا تضايقين نفسش.. المهم أنه أنا وانتي سوا.. وعقب كمل بنبرة تقطر حنان وحب: أنا أحبش دانة.. وأعشقش.. واذوب في هواش.. أقدر أعيش من غير عيال طول عمري.. بس ما أقدر أعيش من غير وجودش في حياتي لو يوم واحد.. كان ردها إنها شددت احتضانها له ودموعها تنسكب بغزاره وهي تقبل كتفه برقة.. لكن الكلمات.. مانطقت بحرف.. دانة أعتصمت بصمت جرح سعود لأبعد حد.. سعود حس أنه سكب مشاعره وكرامته قدامها بدون أي مقابل منها.. حس أنه مايقدر يستحمل أكثر من كذا.. قرر يطلع ورأسه فيه موال ثوري.. وغريب وخر دانة من حضنه برقة، قبل رأسها وقال لها: تبين شيء دانة؟؟ أنا رايح الدوام وراجع بكرة إن شاء الله... دانة باستغراب: بس أنت اليوم ماكان عندك دوام.. سعود بهدوء وتفكير غريب يجتاح عقله: صار فيه تغيير في الشفتات.. واتصلوا فيني.. دانة بحزن لأنه ما فكر يعتذر من الشغل وهو عارف إنها تعبانة في المستشفى ومحتاجة وجوده جنبها أكثر من أي وقت ثاني: لا سعود سلامتك.. ما أبي شيء.. ****************** عبدالله مع أفضل في السيارة.. وقربوا على المطار.. عبدالله بود: ما أوصيك يابو محمد في أم عبدالعزيز والعيال.. أفضل بحنان: لاتوصي هريص يابو ئبدالئزيز.. تروح وترجء بالسلامة.. عبدالله بهدوء: أفضل أنت عارف أنه أنا وأنت أخوان.. وأكثر من أخوان بعد.. أفضل بتأثر: أكيد يائبدالله وش لازمة هازا الكلام..؟؟ عبدالله فتح شنطته الهاند باق وطلع منها ظرف، مده لأفضل المستغرب: شنو هازا ئبدالله؟؟ عبدالله بود: هذي أوراق فيها كشف بأسهم شريتها لعيالك من لما فتحوا باب المضاربة للأجانب.. وفيه كشف بحساب باسمك فيه مبلغ مهما كان كبير في نظرك ..بيكون أقل من قدرك عندي.. أفضل برعب رجع الظرف على عبدالله: وش هازا الكلام بو ئبدالئزيز.. أنا وئيالي ئايشين في كيركم من زمان.. كفاية أنه إهنا ئايشين في بيت ملك أنت شريته لنا.. وانت ئارف ئبدالله أنه حتى شغل ما أحتاج لشغل من كيرك ئلي.. بس أنا اللي حاب أكدمكم.. تجي الهين تبي تئطيني زيادة.. والله مايجيني شيء.. عبدالله بهدوء: استغفر ربك.. والله أن تأخذها.. أنا أبي أروح وأنا متطمن عليك.. أفضل برعب أكبر: ليه ئبدالله تقول كزا؟؟ عبدالله بابتسامة: والله مافيه إلا الخير.. بس أنا حبيت أتطمن عليك ليس إلا.. *************** بعد صلاة العصر جبر وصل مجلس سعود الخارجي.. لقى خالد ينتظره داخل.. مع أن خالد مزاجه معفوس من تسقيط دانة.. وكان يبي يروح لها في المستشفى.. بس ماقدر يخلف وعده مع جبر.. الشباب قاعدين في المجلس.. يتصلون على محمد اللي تلفونه مقفول.. عقب خالد اتصل على سعود سعود قال لهم أنه راح للدوام.. وأن البيت فاضي لأن أم سعود والبنات راحوا لدانة في المستشفى.. وعقب سعود قال بهدوء: روح أنت لمحمد وطلعه من الغرفة.. وطالبك تكفى ماتخلونه اليوم.. طلعوه أي مكان.. قرب يخيس من الحبسة.. خالد طلع من المجلس الخارجي متوجه للبيت بثقة وفتح الباب وعبر الصالة الخارجية للصالة الداخلية اللي درج البيت فيها.. كان متأكد أن البيت فاضي.. لكنه فوجيء بالكائن الغريب الموجود في الصالة.. كانت الجازي قاعدة في الصالة ببيجامتها اللي عليها ميكي ماوس باللونين الأحمر والأسود.. ورجولها ممدة على الطاولة قدامها وهي لابسة شوز فرو احمر ضخم عليه رأس ميكي ماوس الضخم.. وشعرها المتوسط الطول المصبوغ باللون الأشقر الداكن فيه كلبس ميكي ماوس باللون الأحمر.. خالد لما شاف شكلها ماقدر يمسك نفسه من الضحك.. الجازي توها تغطت منه من سنتين.. وشكلها ماتغير عدا شعرها اللي صار أشقر.. ويعتبرها طفلة لحد الحين.. (قلنا طفلة بس مهوب دعلة) الجازي لما شافت الرجال اللي واقف قريب منها ويضحك وهي كانت مركزة في مسلسل على mbc3 نطت وتخبت ورا أقرب باب وهي تصيح: خويلد أنت ماتستحي.. مدرعم كأنك مدرعم على بيتكم.. خالد اللي كان يحاول يتماسك من الضحك: أسفين ياميكي ماوس.. سعود قال لي البيت فاضي.. أنا بأروح للمجلس.. وأنتي اطلعي قومي محمد.. وحاذري على المسكين لا تروعينه بكشتش اللي كنه شاب فيها حريقة وعقب أرجعي للرسوم اللي تشوفينها ياالبزر وبعدين لاعاد أسمعش تدعيني خويلد قصيت لسانش.. ماعاد باقي البزارين.. الجازي وهي ورا الباب: تخسى تقص لساني.. ماحد له حق علي إلا سعود بن سعيد.. أنت روح قص لسان غالية عشان تأكلك بقشورك.. خالد اللي عصب عليها: والله وطلع لش لسان يالجويزي.. أنا أقص لسانش أنتي وغالية.. ولا يكثر حكيش يا قليلة الأدب روحي قومي محمد.. قولي له فيه رياجيل يبونه في المجلس.. الجازي اللي عصبت عليه: بأقول له فيه رياجيل ومعهم خالد.. ما اقدر أكذب عليه وأقول اللي في المجلس كلهم رياجيل.. وأنا ماني بقليلة أدب.. قليل الأدب اللي يدخل على بيوت الناس ومحارمهم بدون أستئذان.. خالد اللي كان طالع ومتوجه للباب رجع لما سمع كلام الجازي..اللي خلاه يولع ويتنافض من العصبية والغضب بينما الجازي أعتقدت أنه راح للمجلس لما مارد عليها لكنها فوجئت بيد تدخل عليها من ورا الباب.. واليد تشد شعرها بقوة من ورا الباب الموارب.. خالد اللي كان مفول ومعصب ومايشوف قدامه.. أول مادخل يده في شعرها بدون مايشوفها صدم يده ملمس نعومة شعرها الحريري.. لكنه ماخلا هذا الاحساس يأثر عليه.. شد شعرها بقسوة من ورا الباب... وكان حريص في نفس الوقت أن الباب ماينفتح.. لأنها مسك شعرها بيساره ومسك الباب بيمينه لا ينفتح : أسمعيني يا أم لسانين.. ذا المرة شديت شعرش بس.. بس والله ثم والله لا تطولين صوتش علي مرة ثانية.. يالعقال أن أقطعه على ظهرش ياقليلة الأدب.. وروحي أدعي محمد بسرعة وعقب هد شعرها.. وهي طاحت على الأرض وهي تبكي.. وصوت بكاها واصل خالد اللي طلع من البيت.. وفي قلبه احساس جديد لذيذ بالجازي اللي ذكرته تصرفاتها وعنفوانها بأخته الدانة.. ******************* عبدالعزيز الصغير يحاول يفتح إيميله اللي كل مره يعطيه وجود خطأ في الاسم أو الباسورد.. (غريبة!!! شالسالفة؟!!!) فكرة لمعت في رأس عبدالعزيز.. ألتقط موبايله ودق رقم معين.. جاءه صوتها الناعس على الطرف الآخر.. كانت تعاني من أزمة البنات الشهرية المعتادة..وكانت أكلت حبوب مسكنة ونامت : نعم عزوز.. وش هالأزعاج؟؟ عبدالعزيز بهدوء: وش مرقدج ذا الحزة؟؟ قومي صلي.. ديمة بصوت متعب: أنت أكيد ما أتصلت لي عشان تقول لي صلي.. لكن العموم شكرا على الاهتمام خلاص بأقوم أصلي.. ومع السلامة.. عزوز وقفها بحزم: أنا أتصلت.. وأنا أسكر موب أنتي.. ديمة وهي فعلا تعبانة: عزوز أنا ماني بمتفرغة لك.. وش تبي..؟؟ عزوز بجدية: أنتي عارفة وش أبي وخلي حركات الاستعباط.. ديمة توترت ونطت حالسة على سريرها: عزوز.. قول وش تبي بدون مقدمات.. عزوز بهدوء: أولا أنا اسمي عبدالعزيز.. ثانيا إيميلي مثل ماهكرتي عليه... أفتحيه.. ديمة بصدمة: والله العظيم ماجيت جنب ايميلك.. عبدالعزيز يعرف أن ديمة ممكن تهكر على الايميلات.. لكنه كان يعتقد أنها ماتجاوزت هذه المرحلة.. وماكان يعرف هي وين وصلت.. عزوز بنفاذ صبر: ديمة خلصيني أفتحي إيميلي أبي أرسل واجباتي للمدرسين.. ديمة بصدق: أقول لك والله العظيم ماجيت جنبه.. عزوز يعرف إن ديمة ممكن تخبي.. ممكن تعاند.. لكنها ماتكذب: زين.. على العموم افتحيه بنفس باسوردي القديم.. أعرف أنه سهل عليج تفتحينه.. ديمة بخبث: أفتحه كذا لوجه الله؟؟ مايصير عزوز اللي شم في كلامها ريحة ماعجبته: ليه وش تبين مقابل بعد؟؟ #أنفاس_قطر# |
بارتات رااااااااااااااااااااااااااائعة جدا
ومبهرة جدا... راااااااااااااااقية بكل معنى الكلمة.. ابداع يفوق الوصف... حروفك تطربنا بأنغامها وبألحانها.. كلماتك تآسرنا بجمالها ورقتها.. احساسك العذب يذهلنا برقته.. قلمك يخط سطوره بلون الابداع.. دمت مبدعه بهذا الجمال والتألق.. واهلا بك بعد غياب اشتقنا لك كثيرا.. أحبك في الله.. |
هلا وغلا باانفاس
اشتقنا لك كثيررررر الف الحمد لله على سلامتك الاجزاء روووووووووووووووووووووووووووووعه بس وانا اقرا خفت على عبدالله لا تسوين فيه شي جاني احساس ممكن يصير فيه شي بالعراق بليززززز لايصير فيه شي ودانه قهرتني ليه مااتكلم وتقول لسعود انها تحبه الله يستر من الجاي بس والله يعطيك الف عافيه |
السلام عليكم ورحمة الله وبركاته
اهلا وسهلا بعودتك نور المنتدى بك اشتقنا لك ولرقة عباراتك ولروعة المشاعر التي تخطين بصراحة كل المنتديات التي تكتبين فيها ومن ضمنها ليلاس محظوظ بوجود كاتبة ملتزمة بمواعيدها مثلك وفقك الله عزيزتي لندخل الحدث عبدالله جد خوفتيني عليه وهاي اني البارحة كنت في بغداد والدنيا امان ولله الحمد بس طريقتك في خطف الانفاس ووصف ترتيب الوداع والمشاعر الجياشة الموجودة بين عبدالله وجواهر جعلت الخوف ينمو بشراسة داخلنا لاطولين علينا طمنينا سعود ودانة جدا دانة بخيلة مشاعر او لديها اسباب للبخل يعني الرجال ما ضلت كلمة في قاموس الحب الا وقالها وهي كلمة بسيطة لاتستطيع ان تنطق بها اعتقد هناك سر وراء كبت دانة لمشاعر اتجاه سعود فهل من الممكن ان يكتشف جد انفاس تخطفين الانفاس سالم ومنيرة ما ادري ليش عندي تصور انو سالم راح يسكن منيرة بالغرفة المحروقة او هو راح يسكن بالغرفة المحروقة ومنيرة من واجبها كزوجة ان تعيش حيث يعيش عندها سوف تظهر المشاعر المدفونة لكي تحيل الغرفة السوداء الى غرفة زاخرة بالوان الربيع لان المكان غير مهم المهم مشاعرنا واحاسيسنا >>وجهة نظر عبدالعزيز وديما جائز هو محافظ على المسافة بينهم ولكن من غير المعقول ان يعتقد ان اطاعة ديما له هي مجرد كونها ابنة خالة والده واصغر منه عمر اعتقد هو يفهم مشاعرها وديما ليست بنت غبية عموما لنرى كيف سوف تستغل ديما حاجة عبد العزيز وأي سوأل مصيري سوف تسأل جاسم واخيرا ازوج جاسم يمعودة خطية يكسر الخاطر مشكلة الزواج في سن الاربعين الله يسعده يستاهل انفاس قطر الف الحمد الله على السلامة مرة اخرى وانتظر احداث العراق بشوق كبير جدا للعلم قصتك كانت محور نقاش دار في عائلتي خاصة نقطة اختطاف عبد العزيز اخبرتهم توجد قصة قطرية وهناك شخص بالعراق ماذا تتوقعون حدث له وهو يوزع اموال الزكاة كلهم توقعو ا انه اخذ من قبل الشرطة تحري ولكن بعد ان اخبرتهم كيف وضعتي مشهد اختطاف عبد العزيز وكيف كان الوقت وتخيلو احياء بغداد الفقيرة اقتنعوا بفكرة الاختطاف وفقك الله عزيزتي |
هلا وغلا بانفاس صاحبة القلم المبدع والكريمه ياحبي لتس وانتي بالبر تفكرين فينا الله لايحرمنا منتس ومن ابداعاتس صراحه قليل ينوجد مثلتس الله يوفقتس ويسهل عليتس كل صعب ...
وانا اقرا البارت ماسكه اعصابي ...تكفين واللي يسلم عمرتس لاتخلين عبدالله يتاخر ورجعيه عاجلاغير اجلا وعزوز معاه كافي على جواهر حزن 17سنه ويم جت تفرح سفرتي عزوز وعبادي ياقلبي عليها.. موقادره اعبر عن الباقين صراحه اثر فيني وداع عبدالله لجواهر وعياله عاد انا خلقه مااحب لحظات الوداع اشواني مو معهم كان جتني حاله هستيريه من الصياح ياكرهي للوداع .... بس ان شاء عبادي يرجع ومعه عزوز تكفين انفاس خفين علينا ههههههه.. مشكوره يالغلاعلى هالبارتات الرائعه مثل روعة كاتبتها وربي يوفقتس دنيا واخره ........ خخخخخخخخخخخخخخ وربي قريت البارت مره ثانيه رهيبه انفاس وربي انتس مببببببببدعه..... ابلا ارادة تكفين كانتس تعرفين احد خليه يطلع عزوز من السجن وانتبهي لعبادي وعزوز لايجيهم شي تراهم ضيوف عندكم بالعراق ههههههههههههههههههههههههههه وخليه يسكن عندكم احسن من الفنادق اخاف انها مو امنه الله يستر بس ههههههههه وكلمي جواهر عشان تطمنيها على عبدالله ............ |
الحمد لله علـ السلامه....،هذ الخزامـ:flowers2: يالي ماشفتيه...
بارتات ....مافيه احلا منها..سلمت اناملك... جواهر كفايه بعد...،معها عذاب... عبدالله ...لازم يرجع ومعه عبدالعزيز... عزوز..وديمه...بدايات... دانه...،تسقيطها...يافرحه ماتمت... سعود....جبل من المشاعر... ننتظر انفاسك....بعد الغيااب... |
غبت عن قصتج أسبوع ورجعت وما بوسي سوى ان اقول لج ربي يعطيج ربي العافية ابداااااااااااااااااااع بمعنى الكلام على سرد القصه جواهر ... القوه والعزييمة راحت بعد ما كانت متمسكة فيها كسرت خاطري في خوفها على اخوها و حبها اللي قاعد يعود لها من جديد واللي كان موجود ومدفون في اعماق قلبها عبدالله يعني لو نتكلم عن رجووله وعزييمتة القوية ما نخلص عزوز الكبير حرراااااااام عليك اصلا لازم غرامه ولاوم تسددها لنورة المسكينة وجواهر الغاليه عزوز الصغير لالا لازم نكتب عزووز الكبير والعاقل زيين سويت فيها \ بس يا العيار ليش تخش المشاعر دانة وسعود حياة مضطربه ولا راح تستقر اللا بانتشار الخبر الحلووو لكن للأسف يا فرحة ما تمت ولكن ان شاء الله تكون بداية خيير لهم\ وااي عليك اعصاب يا سعود رهييبه وعناد من دانه غريييييبه سالم و منور يه يه صار لنا ثنائي للاكشن غير سعود ودانة الفوز الاكيد والاقرب لمنور على سلوووووم اكيد ما يقدر على حركاته وما يشعر ماجد يا عيااااااااااار عليك حركات مو طبيعية بس زيين سويت في دلال تسلم الانامل الرائعه وان شاء الله قضيتي اجازة سعيده وعوده لنا بانطلاقه كبيره وموفقه بحياتج كلها |
اقتباس:
باسكن اطمأني جد الاوضاع امان ولله الحمد وادعونة تبقى أمنة والبارحة كنت بغداد ورحنا الملاهي والاسواق واكلنا ايس كريم من محل مشهور في بغداد الاوضاع جدا امنة والفنادق كلها امنة عاد الا اذا انفاس نواي نية على عبدالله وتريد تموته بحادث سيارة لو يطلع وي الشرطة الي تنقذ عبد العزيز ويجي طلق ناري او يسوي روحة ارنولد ويروح ينقذ عبد العزيزة بنفسه وقتها لومو انفاس اني ما علية لان حتى عملية انقاذ المخطوفين اصبحت اسهل من قبل يلة انفاس الكرة في ملعبك |
الحمد الله ع السلالالالالالامه نفوووسه
ثااااااااااااااااااااااانكيووووووووووووو ع البارت انا كنت عارفه انك قد الوعد وان شاء الله اقرا البارت ولي رجععععععععععععععععععععععه |
هلااااااااااااااااااا والله بنوور ليلااس
هلاا قلبي هلا والله اخيرا طليتي علينا وطمنتيناا عليج عسى انبسطتي باجازتج .... الباراتــ مره مره راائعه ومجهوودكــ بصيااغهااا مره دقيق ...... فديتج ومووفقه دائمااا اعذريني لعدم تعليقي ع الشخصيات لسرعه قرائتي وتسطيري لهذه الكلمات ع عجااله ...... ولكن لي عودة لتعليق .. عسى ربي يوفقك وجد فقدناكـــــ انفااسنااا سلامي لكـ ....نووووور |
يسلموووووو ع البارتات بجننوووووو متلك بس بليز لا يصب عبود وعزوز شي بليز الله يوفقك ويخليكي لا تعملسي فينا اكشن وقال يموت واحد منهم بعدين يطلع عايش ما اتحاول من مره انو تعملي فيهم اشي بليززززززززززز بحبكككك كتير بس ابعدي عنهم اخ شو بحب شخصية عبدالله بجنن
|
هلا والله بالرجعة الغالية...... عسى بس انبسطتي يالخاينة وأنتي تاركتني هنا
هذا أنا أشتركت عشان أقرفج في كل مكان... أولا أعلنها صريحة جدا بنت خالتي هذي علة وما تستحي على وجهها تصدقون أنها حتى بارت واحد ماترضى تسرب لي تقول حالج حال بنات المنتدى والمشكلة هي وين تخبي البارتات ما أدري.. ماخلينا مكان أنا وخواتها وبنات خوالي وخالاتي الباقيين قلبنا غرفتها ونكشناها فوق حدر وفتشنا في كل الفلاشات اللي عندها بدون فايدة المهم بارت اليوم يخرب مخج أنفاسوه على هيك إبداع وقفتي قلبي توقيفا حادا مريرا عصيبا وكل المصطلحات اللي تستخدمونها يالكاتبات بس علمن ياصلج ويتعداج عبدالله ترجعينه على جواهر وإلا والله أن أجي لج البيت وأحوس أبو كشتج والعلم الأهم حبيبي سعود وخري عنه ولا تشغلين الأكشن عليه المسكين جاه من الأكشن ماكفاه كل شيء ولا سعود.. كل شيء ولا سعود.. كل شيء ولا سعود وأنا سبق وعطيتج تحذير شفوي......وهذا أنا أحط التحذير التحريري أمام جميع مخاليق ربي وذنبج على جنبج وبأروح كل المنتديات اللي تنزلين فيها وأحط التحذير أنا بصراحة أحب عبدالله بعد بس عبدالله أحسه شيء يخوف شيء فوق مستواي مستواه على مستوى جواهر العالي وبس بس سعود.. وه فديت سعود واسم سعود وطاري سعود ........أبي اقعد اقول اسمه لين بكرة ولا أشبع والمقرودة دانة لو ماقالت له أنها تحبه باجي أحوس كشتها مع كشة انفاس وإلا أخبط رأس الثنتين في بعض فيه وحدة تشوف سعود وحنان سعود ورجولة سعود وماتخقها.... بلاه حظه أقشر وإلا ماكان حبج يالمثلجة أخلصي علينا وقولي له أنج تحبينه قدام تنوي عليه أنفاس النية القشراء اللي كنها وجهها الشخصيات الباقية كلهم أحبهم.. بس عقب طاري سعود أفقد الطاقة الطبيعية للكلام خليهم لبارت مافيه طاري سعود فديت سعود بس |
انفاس الحمد لله على السلامه وحشتينا وحشتينا كثير كثير
ان شاء الله تكونين انبسطتي في الاجازه ومشكورة انك على طول نزلتي البارتات ومانسيتي ان في ناس معجبين بابداعج منتظرينك على نار . بارتات اليوم متنوعه ومخلوطه فيها حزن وفرح وحب ودموع ومشاعر دافئه. سعود ودانه يافرحه ماتمت فرحنا معاهم بحمل دانه وانهم تصالحو مع بعض وزعلنا يوم سقطت دانه الله يعوض عليها بس سعود شكله بيرجع يزعل مرة ثانيه شكله ناوي على شي الله يستر منه كل هذي عشان دانه ماقالت له احبك مايكفيك ياسعود انها تعبر باالافعال اهيا اكيد تحبك بس يمكن تستحي تعبر لك الله يهداك ياسعود . جواهر وعبدالله الله يديم عليهم السعاده وان شاء الله يروح ويرجع مع عبد العزيز بالسلامه وموضوع الخاطفين ينحل بسرعه وعبدالله قدها وقدود كل شي يحطه في راسه ويصمم يسويه اكيد راح يسويه . ماجد مبروك الملجه والعرس بس صج انك مستعجل وان شاء الله تعوض دلال واهيا تسعدك وتجيبون فيصل صغير .وننتظر رومانسية ماجد ودلال . محمد الى متى بتظل حابس نفسك هذا سالم بيطلع من المستشفى وبيعيش مع منيره وانت بعد لازم تشوف عمرك الحياة لاتتوقف واكيد سالم عارف ان اللي صار قضاء وقدر وغصب عنك صار الحادث وانك مب متعمد . منيرة لازم تستعدين نفسيا للحياة مع سالم لان بتواجهين صعوبه معاه واكيد راح يلطش بالكلام عليج لانه عارف انج ماتحبينه ويمكن يحس انج شفقانه عليه وبعد انتي عامليه عادي كاانسان يشوف مب اعمى عشان مايتحسس من الموضوع وان شاء الله تحبون بعض . خالد حرام عليك ليش سويت جذي في الجازي الظاهر انك بطيح ولاحد بيسمي عليك اذا بس لمست شعرها وعجبك شكلنا بنشوف عاشقين جدد. تسلم ايدينك انفاس والله يعطيج العافيه. وجه الصباح |
الحمد الله على سلامتك
مشكوره على البارت الروعه |
:55:هلا وغلا بكل الحلا . عودا حميدا والله انك قد كلمتك
|
أعدك انت تريني بين صفحاتك ...........
|
نفوسه الحمد الله عالسلامه يا قمر ان شاء الله انبسطي ومشكورييييييييييييييييييييييييين عالبارتات الحلوه الله يخليكي بجد لا تمةتي عبد الله وعبد العزيز وبنستنا بشوق حبي البارتات الجايه لا طولي علينا يا عسل بجد الاسبوع كان طويل بدونك
|
http://www.liillas.com/up2//uploads/...fbbcb2f22a.gif
من بعد غيابك انتي انفاس تهنا وضعنا ..أفتقدنا الكلمه الحلوه ..والمواقف المؤثره أفتقدنا ...الجمال والبريق ..والجاذبيه منذ زمن بعيد .....علي هذه المتعه ... التي ...قيدتنا الي قصتك الرائعه بقيود من حرير صافي مغزول برقه وشاعريه الله علي الجمال....وبلاغه مشاعرك ...ووصفك الرائع....وكل حرف من حروف كلماتك أقل كلمه توصفين بها هي روعه خطفتي قلوبنا ...وحبستي أنفاسنا ...وكلما تنفسنا الصعداء جعلتينا نلهث ورائك ....من شده الأثاره ...والمتعه ...وترقب القادم لأبطالنا ماذا أحكي أو ماذا أقول ماشاء الله لا قوه الا بالله بلاغه في الأسلوب ...قوه في الكلمات ...وصف رائع وممتع تجعل المرء يتخيل كل كلمه وكل حرف يقرأه لا أعرف عمن أتكلم ,,,,وعمن أسكت كل شخص أدخلته بقصتك ,,,,جعلنه بطل منفرد....بمعزوفه خاصه به وحده وبأسباب مقنعه جدا .....وليست حواديت تافهه ....تدور وتلف حول هدف واحد... كلهم أبطال ..... عبد الله ...سعود ....عبد العزيز ( الخال ) عبد العزيز الصغير ماجد....محمد ....خالد.....سالم ولكل منهم حكايته التي نتمتع بها .....ونروي شوق ظمئنا للأحداث القادمه لهم رائعه هي أنتي أنفاس لا أحب أبدا أن تنتهي قصتك ..... وأتمني لو تستمر ...حتي يطول تمتعنا بكلماتك الرائعه ننتظر بشوق دائم ...بطلاتنا الحسان...والقادم لهم جواهر ...دانه....نوره ....ديمه ... دلال....مزنه الجازي ....منيره المعذره لعدم تعليقي منذ زمن بعيد ...ولكنها ظروفي تتحكم بي وخاصا مع عطل الكمبيوتر لفترات طويله ...في الأيام الماضيه وأحببت أن أعبر لكي اليوم ...... عن مدي سعادتي بعودتك....وتمتعي الفائق والذي بدون حدود ببارتات اليوم.....والتي لن تكفي كلماتي أبدا للتعبير عن مدي أعجابي بها كل باقات الورد مهداه أليكي عزيزتي ......من جميع قارئاتك المتشوقات دائما لأبداعك وحروفك الرائعه ولكي مني أنا... ورده واحده عطره محمله بأبلغ تحيه وتقدير ..... وسلامي وودي http://www.liillas.com/up2//uploads/...fceac4b5fd.gif |
تسلمين نفوسه ادري انج عتبااانا علي بس والله مو مني من الاتصال الزفت الى عندي والعتب على الاتصااالت الى كل شوي عملولي مشكل شكل مع النت الفتره هذي صااار يشبك اشوي ويفصل عشر وعطاااني تحطيم اللله لايوريج قهر بس ان شاء الله الايااام الجايه اعوضج المهم الف الف الحمد الله على السلامه >>>وجد وحشتينا والاسبوع الى طااف من غير بعد الغياااب ماله طعم عاد انا من غير نت مره وحده خخخخخخخخخخخخخخخخخخخخ وتسلمين ياااقمر مذهلة |
مررررررررحبآ نفوووووسه " الحمدالله عالسلااااااامه ,,,http://forums.graaam.com/images/smil...am%20(271).gif نوورتي المنتدى برجعتك ... ويسلمو ع البارتااات " رووووووووعه ::: إبداااااااااع !! حررام سعوود يكسر الخاطر تقهر دانه ليه ماتعترف له حرررام عليها حرقت قلبه اعتقد نو سعد رح يخلي دانه تحس بزعلها وانها زعلان او رح يخليا غار عليه يؤ ايش هه البرود اي هي فيها هذ البنت مو طبعيها ابدا دلال وماجد كللللللللللللللللللللللللللللللللللللللللللللللللل لللللللللللللللللللللللللللللللللللللللللللللللللل للللللوشhttp://forums.graaam.com/images/smil...aam%20(24).gif الله يسعهدهم ياااااااااارب عبدالعزيز و ديمة ,, هذول الاثنين2 ,, يموتني ضحك كل واحد منهم يغايض الثاني ويكابر الله يرجع عبدالله وعبدالعزيز للجواهر وقلبي عليه مررر حزنتني الله يحفظها من كل سو يارب انفاس برغم اني البارت اليوم خيال وحبس انفاسنا لا مخيمقفل مررررر ومني اقدر اكتب شي تسلمين ياقلبي والله لايحرمنا من ابداعااااتك |
هلا نفوسة وشلونتس وش أخبارتس؟عسى بس انبسطتي؟
الحمدلله على سلامتس.. نور المنتدى وبيتكم وحيّكم.. عبدالله وش هالتوصيات لتكونين بتموتينه..لالا ما أتوقع..وإن شاء الله ترجع ومعك عبد العزيز وتطمن قلب جواهر..والله يعين عيالكم على حركاتكم خخخخخخخ سعود ودانة الله يعوضكم يارب الحين سعود بيلقى له علثه عشان ماتشتغل..ودنو ذي متى بتعطيه وجه؟! ياحول تقطع ممن كثرما يقول أحبش هههههههههههههههههههه عزوز وديمة زين ماتسوي ديمة قاهرن عزيز بس ينافخ خلاص لبسة عباية ونقلت لمدرسة بنات وشو له هالمعاملة الزفت؟يارب تذله ديمة<<نذلة هع هع خالد والجازي شكلهم بيصرون سعود ودانة ثانين أما خالد مقلع يمعط شعره ماعنده وقت.. مشكـــورة نفوسة على الأجزاء الخطيرة كل واحد يقول الزين عندي.. والحمدلله على سلامتس ونور المنتدى.. |
أنفـــــاس الحمد لله على السلالالامه شكل الرحله مأثره عليتس بدليل هالكم الهائل
من المشاعر والاحداث اللي سكبتيها لنا ...>>عسى السعاده دوم يارب الاحداث كل مالها في تطووور بس هالدانه مو راضيه تتعدل وتصير مرة سنعه الحين ماتقولين لي ليش انتي بخيله بمشاعرتس لسعود اللي ماخلى شي ماقاله لتس بس انتي يبيلتس طقه على راستس علشان تصحين..والله يستر من ردة فعل سعود ؟؟؟؟ منيره وسالم مادري ليش خطر في بالي ان منيره ممكن تغير من الغرفه المحترقه وخاصه ان سالم أعمى يعني ماراح يشوف شي ...>>كل شي جايز عبد الله وجواهر ... ولحظــــــــات الوداااع ....من جد أنفاس تراتس خوفتينا على الرجال ...كنه يودع وقاعد يوصي ... تدريون بنـــــــات مالنا الا ابلا اراده هي الحل الوحيد اللي راح تخلصنا من هالمشكله تكفين ياأغلى إراده في الوجود داخلين على الله ثم عليتس ترى عبد الله وعبد العزيز أمانه بين يديكم بالتس يتأذون نبيهم مابعد خلصت القصه ...هههههه ابلا اراده الله يديم عليكم الامن والايمان يارب وجميع بلاد المسلمين .. أنفـــــــــــــــــــــــــــــــــــــــــــــــــــــــــ ـــــــــــــاااااااااااااــــاس انقطع نفسي وأنا اناديتس ] تكفين لاتأذين أبطالنا وراح أطق خيمه بالمطااار واستناهم ....لايتأخرووون كل الحــــــــــــــــــــــــــب اهديه لك ... |
انفاس قطر خاطفة انفاسنا بوجودها وغيابها .. الحمد لله على سلامتك يالغاليه .. حقيقة ياانفاسنا .. انتي اصبحتي تمثلين لي وجبة الفطور .. كونها احب وجبه لي .. وكون شهيتي فيها تكون مفتوحة وكل شي عندي مقبول بعكس الوجبات الأخرى !! شوفي انا بعوضك عن الخزامى بنفل وشيح وورد طايفي وبراد ومطر ومناظر طبيعيه خلابة .. << وش عندها الأخت !! ماعندي شي بس من غلاك مابيك تتحسفين على شي .. حياك الله في مدينة الجمال .. مدينة الطايف الفاتنة وبتلاقين كل اللي يسرك من طبيعة خلابة وجو مغري !! ،، خطفتي انفاسنا كالعادة جزء ملتهب .. مشحون .. مبكي .. مفرح .. مليء بكل شيء .. ودسم جداً .. لكنه لذيذ جداً وقابل للهضم .. ومايحتاج لاشاهي اخضر ولا كولا ولا بيبسي .. << قلت عن حالات الصباح حقتها ولا لا .. :smile: اذا قلت لك زيدي عليها حكم الشهية في الصباح .. :IuL04800: << كان الله في عون الصباح المسكين عليها !:rolleyes: عبدالله وجواهر الثنائي الاسطوري .. اجمل الحب عذابه !! بترجع لها ياعبدالله .. وبنشوفكم بأحاسيس مختلفة اترقبها بأكثر من لهفة وشوق وحماس .. سعود الله يلوم من لام بنت خالة انفاس فيك .. المشكلة عندنا او في البني آدم عموماً بعض الناس يطلب من الشريك الافصاح عن مشاعرهم او الترقب للإفصاح .. وكأن الدليل على الحب والمشاعر هو القول .. مايدرون ان اصدق وأسمى الحب حين يكون بالأفعال .. ياخي الحرمة دايبة في دباديبك .. فرحت بحملها منك .. وتبغى رضاك .. وماتبيك تزعل .. وباستمرار تبرهن لك حبها فعلاً .. بس ماعليه ياسعود معذور ومانقدر نلومك لأن فيه حريم كثيييير مثلك واسوأ من هذي الناحية .. لو زوجها يجيب لها الشمس في يد والقمر في يد وماقال لها احبك تنكدت وقلبت عليه حياته .. ومايحبني وماقد قال احبك .. << وحده عندها تشوف الحب فعلاً اهم من انها تسمعه قولاً .. الايام جاية ياسعود وراح تتأكد من حبها لك .. انتظر كيف ومتى .. بلهفة !! دلال .. دلال وخجلها الطبيعي اضاف لجمالها جمال .. ثقي يادلال ان الرجال ليسوا عملة واحده او شكلاً واحد .. مختلفون بعدد اختلاف الوجوه والألوان وخيرهم من هم على شاكلة ماجد ! الجازي .. حقيقة ياانفاس .. ضحكت من اعمق اعماقي على الجازي وخالد .. اجل يلحقها ويمسكها من شعرها وهو مسكر الباب عشان مايشوفها .. :biggrin: خالد رجل واصله كريم من صحة الباب عشان مايشوف بنت عمه هذا بحد ذاته دليل على طيب اصله ورجولته .. رغم دفاشته وفش خلقه فيها بس يبقى رجل في نظري .. من جد صناعة الموقف ذكية جداً اهنئك عليها !! خاصة حين ربطك له بتشبيه خالد للجازي بعناد وقوة دانه وهو المحب لها .. انتظر بقية الأكشن الذكي جداً مع الثنائي المتهور ! سلمتي انفاس .. تحضرين يحضر معك الارتباك وشد الأعصاب .. تغيبين يصيبنا القلق ونشعر بالافتقاد لشيئاً لذيذاً اعتدنا عليه !! تتحكمين في اعصابنا وشعورنا بحكاياتك الشهية الممتعه ( الإبداع ) اقبلي ودي ومحبتي واعتذاري على هذا الرد السريع الذي لايعبر ابداً عن مستوى القصة او مانحمله نحوك في قلوبنا .. فيفي الادارية عندنا دايماً تقول .. ان تأتي متأخراً خيراً من الا تأتي ابداً .. وانا اقول " ان تأتي بالقليل المعبر نوعاً ما خيراً من الا تأتي وتختفي تحت ستار الخجل من الا يكون حضورك مشابهاً لمن تحضر لهم " ورود الدنيا لروحك ،، |
صباح الورد والفل والعسل والقشطة
الظاهر فيه ناس متوقعين أني بأنزل بارت الصبح أنا توني نزلت البارح في الليل والبارت الجديد بينزل في نفس الموعد إن شاء الله الليلة وأنا رديت على كل اللي عبروا بعد بارت البارحة وٍمازلت أسجل الردود على كل عابرة جديدة بأحط الرد قبل الجزء الجديد كالعادة حتى أشمل كل العابرات لأخر رد الله لا يحرمني منكم كلكم أحبكم كلكم أنفاسكم أنفاس قطر |
صباحك...عسل...السموحه منك نبغى نرحب ...بنت خالتك....
اهلينات...بنت خالت انفااس قطر.....:flowers2:نفرش الارض ورد جوري:flowers2:...ولايسدن.. اهلا ب ريحة الغوالي...اصيله انفاس يوم تخبي عنكم...ياحبيلها..ولا اوصيك..على انفااس...الله يهنيك فيها.. وسعوود الله يخليه لدانه ...ليش تبين تخطفينه.... عبدالله وجواهر...الله يفكهم من ايدين انفاس... دانه..طلعي مشاعرج... عزوز ..وديمه...منتظرين اكشن بالاحداث الجايه... سعود ياسعوود ويا سعووود.....تكرار لبنت الخاله.....:friends: ننتظر بكل الانفاس...هذا اذا بقي انفاس.... |
هلا وغلا بنفوسة الجميلة
حمد الله على السلامة اجازة سعيدة ان شاء الله وعودة حميدة قبل ما اعلق على احداث قصتك لي عتاب عندك اختي الاقربون اولى مننا يعني المفروض اخواتك وعيال خالتك والقريبات كلهم يقرؤن القصة والبارتات قبل مننا كلناطبعا لهم الافضلية وده لسببين الاول عشان يرحموك من تفتيش اغراضك وملفاتك الشخصية يا ربي دول ما خلوش حاجة ما فتشوهاش الثاني عشان لماتنهي بارتاتك نهاياتك المعتادة الي تخلي الواحد مش قادر من كتر الشوق لقرائتها ومعرفة الاحداث نميل على واحدة منهم يمكن تفتن عليكي وتقلنا الاحداث هاهاهاهاهاها طبعا بارتات رائعة واكثر من رائعة بس قبل ما ابتدي اعلق على البارتات طلبتك اخت انفاس رجعي عبدالله وعبد العزيز الكبير بالسلامة واحد لسه عريس جديد من كام يوم بس والتاني لسه ما دخلش دنيا يعني حرام يحصل لهم حاجة اخت ارادة الحياة قالت ان الامن مستتب هناك والاوضاع كويسة انا ماليش دعوة بكلام الصحف والقنوات الاخبارية احسن تاخديها حجة صحيح انهم كل يوم نسمع عن كمية قنابل ومفرقعات بصراحة ما اعرفش بيجيبوا كل القنابل دي منين يعني كله كلام جرايد انا الاخت العزيزة ارادة الحياة قالت ان الامن مستتب يعني الامن مستتب ابدا بابطال روايتك الرائعة وبصراحة انت جعلت رجال هذه الرواية يخطفون الانفاس يعني لهم حق البنات يتجننوا عليهم بصفاتهم واخلاقهم من عبدالله وسعود وماجد سالم عبد العزيز الصغير والكبير محمد وخالد ابدا بعبدالله وجواهر اعيد عليك رجعي عبدالله لجواهر سالم بدون حتى اصابات حرام عليك دول ما لحقوش يتهنوا ببعض اصلي فعلا قلقانة من ساع ما عطاها ارقام الخزنة واعطى اكبر اسهم له ولاولاده وخصوصا ان في بداية البارتات انت قايله ان فيه ابطال سيخرجون من القصة خوفتيني عليه ولايكون قصدك جنين دانة وسعود طبعا الاشواق بزيادة بين عبدالله وجواهر وربنا يكون في عونهم بس لي عندك مؤاخذة قوللهم مهما كانت الظروف يجب ان لا تتعدى العلاقة بين الرجل و زوجته خارج غرفة النوم هذه هي حدودها وخصوصا الي عنده اولاد في سن حرج دي من اسس التربية الصحيحة للاولاد اول مرة وعديناها لما باسها امام الاولاد يوم زواجهم وقلنا معذور لما شاف جمالها وجاذبيتها وعارف انه حيتحرم منهم بشروطها الي وضعتها قبل الزواج بس بعد كده لا سعود ودانه ربنا يعوضكوا ويرزقكوا بالخلف الصالح ومش عارفة هوه سعود متاثر بعدم اعتراف دانة صراحتا بحبها له رغم انه ظاهر من افعالها وتصرفاتها معاه وحرصها على طاعته وبصراحة اقله يصبر لان تظل عند المراءة الكثير من الحياء لفترة طويلة حتى تستطيع ان تعترف بمكنونات قلبها وربنا يستر اعتقد ان فقد الجنين ستكون هي القشة التي قسمت ظهر البعير وانه سيرفض ان ترجع دانة لعملها مرة اخرى عبد العزيز الصغير يا ترى ايه الطلب الذي ستشترطه ديما لتضبط لك الايميل ماجد ودلال ربنا يوفقكوا في حياتكوا القادمة رغم ان دلال ناويه لك على نية ربنا يستر منها صحيح الي صبرك اربعين سنة على الزواج خلاص مش قادر تصبر ساعات سالم ومنيرة ربنا يهدي لكم طريقكم ويوفقكوا خايفة ان منيرة وخصوصا انها اخذت سالم عشان شعورها بالذنب فقط انها تتغير مع مر الايام وخصوصا ان سالم حالف لها انه يطفشها وممكن العكس ويصير الحب بينهم كبير خالد والجازي ابطال جداد مع تشابه وضعهم مثل سعود ودانه مش عارفة ليه رجالة العيلة دي رغم حنانهم وعطفهم اول حاجة تظهر منهم هيه طباعهم السيئة وحدتهم و لازم بالضرب يعني ولا شد الشعر وثانيا هوه مش محرم لها عشان يمسك شعرها يعني وجهها حرام وشعرها لا ترى اخ خالد ان النظرة الاولى هيه الي مش حرام مش المسكة الاولى اخت انفاس شوقنا لك كبير واعتقد ان فيه قراء لك يقراون قصتك بصمت دون تعليق وده لاسباب لازم اوضحها لك لانك جديدة على المنتدى انه يتم حذف الردود ليست التي بها كلام خارج فقط بل التي لم تعلق على القصة وخصوصا في منتدى قصص من وحي قلم الاعضاء ولا يسمح لك بالرد القصير او شكر الكاتبة او اطراء القصة فقط الا بعد نهايتها وتصبح مكتملة وده انت سوف تلاحظيه ولذلك تكتفي كثير من القارئات بالقرائه الصامته فقط دون الرد لان حذف الرد بيزعل الواحد حتى ولو بسيط بس هذه هي سياسة المنتدى ويجب طاعتها الى لقاء في بارت اخر اخت انفاس |
هلا والله بالغلا الحمدلله على السلامه
يسلمو على البارتات الحلوه يامبدعه |
لالالالالالالالالالالالالالالالالالالالالالالالالا
متى رجعتي انفاااااااس توني ادري بس ربي حابني البارت رفع من معنوياتي الي هدمها اختبار الزفت اهئ اهئ اهئ تسلميييييين ياقلبي على البارت والف الف الف الف الف الف الف الف الف الف الف الحمدالله على السلامهـ ونور المنتدى برجوعكـ ياقلبي دانهـ ياحر1111م توها ماتهمنت بلحمل بسسسسسس ليش ماترد وتقووول لهـ أحبك قهرتني الجازي وقصهـ جديده بينهمممممم وعبدالله وعبدالعزيز الله يرجعهم بسلامهـ يارب يعطيكـ العافيهـ ياقلبي وننتظركـ جــــــ,ـــــــ,ــــــودي |
السلام عليكم
يا حيا الله نفوسه عودا حميدا والله لك فقدة يالغاليه يامرحبا ترحيب ينشر فالاخبـار ترحيب من شاعر تحرك شعوره يامرحبا ترحيب يكتب بالانـوار والنور عم المنتدى مع حظـوره اسمك مثل برق يبشر بالامطـار والقلب بوجودك تزايد سـروره الطيب بين الناس ماهو بمنكور واللي يزور الناس لازم تـزوره هذا محلك وابتدى معك مشـوار على الوفا والطيب تكتب سطوره من الفرح رحبت بكي نثر واشعار يامرحبا باللي يشرف حظـوره عبد لله وجواهر :: مشاعر تنزف الم و وغياب وتوجس سعود و دانه :: احس انه مو الوقت المناسب لكبح مشاعرك نا حية دانه بما انها تعبانه وتنتظر منك مواساتها بعطفك وحنانك سلمت يدك نفوسه والله يعطيك الف عافيه لك حبي واحترامي |
صباحج ورد عزيزتي تسلمين وتسلم يدج على ما خطته الصراحه هذا البارت روعه كلمه قليله في
حقه البارت هذا المشاعر و الكم الهائل منها خلنا نقف عاجزين عن التعبير و التصريح شكل رحلتج افتحت نفسج و خلتج تبدعين اكثر و اكثر فتحياتي لج ................. جواهر و عبدالله /مشاعر صارخه عاصفه و قويه يحكمها لنضوج و الحرمان الطويل كل واحد منهم لقى نصف الاخر بعد ضياع وحرمان طويل عشان كذا كانت هذي المشاعر الجياش و القويه و التي انطلقت من عقالها لكي تكون رحمه وحب لهما بعد حرمان طويل و عذاب اطول فهنيائن لهم وربي يسعدهم ولو ان قلبي ناقزني اخاف تسوين في عبدالله شي ترجعين اخوها و تذبحين عبدالله ترى ما راح اسامحج اذا سويتيها انا ما احب القصص الغم الي يذبحون فيها البطل تقولين ما تصير قصه اذا ما سوى لنا فلم تراجيدي دانه وسعود/اقوم اصومع هذي المره والا ادور لها العذر شوفي بعض النسوان تخاف تعترف بحبها تخاف تقوله انها تعشق ترابه عشان ما يستغل هذا الحب ويكون نقطه الضعف الي يمارسها عليها و اقول يمكن لها عذر هنا بس بعد اقول لها لا ارحمي الرجال طايح يعترف بحبه كل لحظه وكل دقيقه ارحمو عزيز قوم ذل وقولي له انج تحبينه ولا راح يصير شي عكسي ويتحول الحب هنا الى كبرياء و جفا و اعتقد انج ما تبين يصير بينج وبينه حواجز علميه وما تخسرين سي بعض الرجال يبون الكلمه اكثر من الفعل قوليها وريحي و ارتاحي تراه من حقه يسمعها وانت تسلبين هذا الحق منه وهذا اكبر غلط ماجد و دلال /الخيره دائمًافيما اختاره الله سبحانه و يمكن تجربتج الاولى تكون رحمه لج وقدره على انج تصبرين وتلاقين الاجر و اعتقد ماجد اكبر تعويض من رب العباد شخصيه تشبهه عبدالله كثير فيه منه ولا ما كان صديقه نحن نختار اصدقائنا اشباه منا من افكارنا و مبادئنا ولو اختلافت الاطباع عزيزتي انفاس قطر ربي يبارك فيج و لا يحرمنا من تواجدج ولا من ابداعج ولنا لقاء غداً .............اختج حياتي عذاب ................................... |
مساكم الورد
وفالكم الطيب ماشاء الله تبارك الله تعبت واستمتعت واهلكت وتلذذت وأنا أرد على ردودكم الكثيرة المذهلة والعميقة والموجعة بروعتها.. قلبي رهيف مايستحمل كل هذي الروعة وقد أتأخر لفترة من الزمن حتى أرد عليكم ردود مفصلة كهذه وسأكتفي بالرد الشامل قبل البارت لأني والله العظيم مشغولة فوق ما تتخيلون سأخبركم يوما عن هذه الأشغال حينما انتهي منها وستتعجبون كيف أني أستطعت أن أستمر بالتنزيل اليومي حتى ولكني كما أخبرتكم قبلا أعتبر القضية ألتزام وأنتم والله العظيم بروعتكم ومساندتكم وتشجيعكم تستحقون ماهو فوق هذا الالتزام بكثير بكثيييييييير أتمنى فقط أن أبقى عند حسن ظنكم الرائع بي والآن عابرات البارت الماضي قدامي وحدة وحدة.. والباقيات من العابرات قبل البارت يسامحوني وأعتذر لهم من أعمق أعماق قلبي فراشة الوادي وأنا بالانتظار بعد القراءة وحيث أن الرد انحذف يكفيني طلتك والله العظيم وشكرا على ترحيبك العذب بي وببعد الغياب ممتنة فوق ماتتصورين أحلى وردة وانا والله العظيم أحبك في الله وأحبك الله الذي أحببتني فيه خجلتيني وربي يارب أكون عند حسن ظنك سحر الحلال هلا والله بالسحر كله نورتينا عبدالله وسعود ينتظرهم أحداث .............!!!!! أنتي بس أنتظرينا إرادة الحياة دائما مختلفة..دائما حنونة..دائما أنتِ تعرفين أم أحمد أنا في الأحداث التي تجري في العراق خايفة جدا من ردة فعل القارئات العراقيات بالذات.. لأن أهل مكة أدرى بشعابها أنا أتذكر أني قرأت مرة رواية لكاتبة أحدثت ضجة مؤخرا كان جزء كبير من الأحداث يجري في قطر وهذا الجزء كان مليء بالمغالطات الفاضحة وليست مجرد أخطاء بسيطة وهذه الأخطاء ضايقتني فعلا لذا عديني لو شفتي أنه في الأحداث القادمة شيء قد يكون غير منطقي، أو على الأقل ليس قريبا من الواقع لحد معقول أن توجهيني بدقة وأنا أعدك بتعديله في كل المنتديات ولو لي نية أسوي شيء بعبدالله.. إن شاء الله أنه بيكون حدث محكم.. نفس ماصار لعبدالعزيز دام لي حضورك العذب الذي يبهج قلبي باسكن روبنز أهلا بالطلة المنعشة اللذيذة كغرفة أيس كريم بلاك فورست مطمورة في الشيكولت الدافئ أنتظر قراءتك الثالثة للبارت وخجلتيني وربي بكل ذا المدح المشكلة لا أصدق عمري بس وأم أحمد ماقصرت.. وأهل العراق كلهم مايقصرون وبتشوفون البارتات الجاية مهما الليالي أهلا بالطلة العذبة كالليالي وأمتدادها العذب أتمنى أن البارتات الجاية يكون فيها مايرضيك وشكرا على التعليق مرتين..خجلتيني والله ونيابة عن بنت خالتي شكرا على ترحيبك فيها ولو أنها ماتستاهل الترحيب داخلة علي بالتهديدات من أولها سندوسة أهلا بالسندس وحلته المبهجة أنا فعلا سعيدة أن البارت أرضاكم بعد الغياب كل من ذكرتيهم جواهر وعبدالله نورة وعبدالعزيز ديمة وعبدالعزيز منيرة وسالم دانة وسعود ماجد ودلال كلهم سيعبرون البارتات القادمة أتمنى بالفعل أن يعجبك ماستقرأين بندقة الورد كله واللون الوردي الدائم يالابس الوردي والورد في خدودك <== أغنية ماحبيتها بس كلماتها الحلوة لابقة عليك هلا بك بعد العودة وقبلها Nnoor هلا والله بالنور كله أهلا بك وبعجالتك وقليلك عندي أروع من كل كثير لاحرمني الله طلتك وأنا والله اشتقت لكم الديراوية هلا والله بالطلة العذبة الأحداث تجري وستجري قد يكون في مساراتها بعض مالايرضيكم ولكن إن شاء الله أنكم ستستمعون بقراءة كل شيء بنت خالة أنفاس قطر رحبوا معاي ببنت خالتي وصديقتي الأقرب اللدودة الغالية جدا الله يفضحج يابنت خالتي على هالنك.. خلصت الأسماء يعني العالم كلهم عرفوا أنج بنت خالتي أما التهديدات وخري عنها أنتي عارفة أنج منتي بقدها الله يخلي جدتي بس وجه الصباح هلا والله بالصباح وطلته انثيالك الرائع بعباراتك المليئة بالحماسة شيء مذهل وأكثر من رائع توقعاتك كانت كثيرة متنوعة ومختلفة وأنا كعادتي أقول تابعينا وشوفي توقعاتك على أرض واقع قصة سلطانة الشرق الله يسلمك وألف شكر يالغالية أم الدرة أنتي اليوم بطلتي هنا في ليلاس وفي كل المنتديات اللي أنزل فيها قربتي تكملين سنة من اشتراكك في ليلاس وتشرفيني أنه توقيعك الأول يكون بين جنبات بعد الغياب!!!! والله العظيم بدون تزيد أو ادعاءات أنه شرف عظيم طوقتي به عنقي أنا عاجزة عن التعبير من شدة انفعالي وما أقدر أقول غير يارب أكون عند حسن ظنك اللي دفعك من عالم صمتك الجميل إلى عوالم التعبير الأجمل وأتمنى ألا تكون هذه مرتك الأخيرة التي سيعبر فيها عبق عطرك أرجاءنا روح بلا روح وأنا أنتظرك بين صفحاتي وفي قلبي وردة الياسمين هلا والله يالياسمين وعطره الناعم إن شاء الله ما أغيب عنكم مرة ثانية والقادم بعده أكثر بوسي حين أقرأ اسمك الرقيق وقبل أن أبدأ بقراءة تعليقك أشعر بخجل شديد يجتاحني لأني أعلم يقينا أن التعليق الذي سأقرؤه سيتجاوز ما أستحق بمراحل عديدة بوسي العذبة دائما عذبة..ورقيقة.. ومنثالة ومتدفقة ومختلفة صدقيني غاليتي.. أعلم بمشاغلك وأقدرها يكفيني أن أطمئن أنك بخير.. وعدا ذلك فأنا أعذر الجميع الغارقين في دوامة الحياة لا حرمني الله طلتك المختلفة العميقة الناعمة والغالية على قلبي أبطالنا جميعهم مازال ينتظرهم الكثير هناك بارتات ستصل قريبا ربما الأسبوع القادم أعلم أنها ستعجبك أنتِ بالذات.. ستكون نزف مشاعر غير مسبوق سأتكلم عنها في حينها وسأنتظرك في كل حين مذهلة الخليج مذهلتي ومذهلة قلبي أنا مستحيل أعتب عليج حد يعتب على روحه.. وانتي روحي المهم أنج بخير فديتج وغير كذا كله مسموح ومقبول والله معذورة ياقلبي مين اللي ماعنده ظروف العامرية هلا والله بالذوق كله هلا والله بالرقة كلها هلا والله بالعذوبة كلها دائما ذوق والسباقة لكل الذوق اليوم غريبة ماحطيتي على عبدالله كالعادة توقعت تقولين يروح مايرجع زين تبينه يرجع لجواهر بس ياترى أنفاس بترجعه؟؟ وإلا عندها مخططات شريرة؟؟ تسلم لي طلتك ومرورك والله خجلتيني من ذوقج الدائم ما أدري وين أودي وجهي منج مها175 ياهلا والله بالحلا كله النورك نورج ياقلبي هلا والله بمهاوي كأنه فيج من مها بعد الغياب الروح المرحة الصافية العذبة الله لا يحرمني طلة المها وتعبيره شبيهة القمر هلا والله بالقمر وشبيهته نورتينا وأنعشتينا وأبهجتينا ننتظرك في أرض مطار الدوحة الدولي عشان تنصبين خيمتج وأنتظر أنا وياج أبطالنا بالأعلام والأهازيج والعرضات بس ياترى ياشبيهة القمر بيرجعون كلهم وإلا بنقلب العرضات دموع؟!!!!!!!!! الله لا يحرمني من مشاعرك المتدفقة أقدار أقداري الغالية أخبرتك سابقا أنه إذا كانت هذه هي روعتك الصباحية فأنا أطالبك وبشدة وبكل لهجات الحسم والرجاء والتمنيات أن لا تكون بعد الغياب إلا وجبة فطور أمتنع وأشجب وأستنكر وأندد (كل مصطلحات الغثاء العربية) ان تكون وجبة غداء أو عشاء جيبي (بعد الغياب) وحطيها جنب الفول وخبز التميس لقمة من هنا ولقمة من هناك مافيه مانع المهم أنه الناتج بيكون تعبيرك المختلف الشهي اللذيذ ** سبق لك أقدار أن شميتي ريحة أشجار الفل المزهرة قبل شروق الشمس؟؟ **** الرائحة تكون شيء مؤلم من روعته وعمقه ورقته وتسربه داخل الروح مع برودة الجو الناعمة هكذا تماما مايفعله تعليقك الصباحي بي!!! دانة بالذات انتظريها في حضور خاص قادم ومختلف ومبهر على حد رأيي أنا.. والآراء أعلم أنها ستكون مختلفة الغالية جدا ..لاحرمني الله منك ولا من عذوبتك يارائحة الفل المختلفة العميقة أم عنان أهلا بالطلة الشفافة وأهلا والله بالتعليق المنثال الغزير تدرين عزيزتي أم عنان.. الركض خلف تعليقك مهلك ماشاء الله تبارك الله.. يدل على تفكير ناضج مختلف ومحيط بكل شيء خلينا نبدأ وحدة وحدة أولا: بالنسبة للأقربون انا ماعندي محاباة حتى خواتي يقرؤون معكم.. وهذي قضية التزام عندي ثانيا: جرأة عبدالله لا تلومينه.. حبه تجاوز الحد.. وبعدين هو مسافر.. يعني معذور.. عديها يا بنت الحلال ثالثا: خالد بعد لا تلومينه.. نحن يجب أن نراعي أن لا نعكس تفكيرنا الخاص على الشخصيات وهذا ماحرصت عليه.. إن تتصرف كل شخصية بطبيعتها واختلافها وخالد شاب صغير غاضب.. وتصرف وفقا لطيش الشباب وعنفوانهم رابعا: لا تحرمينا طلتك.. ولا حرمني الله تعليقك المختلف المحيط بالشخصيات كأحاطة السوار بالمعصم سهرانة الليل أهلا بالليل وسهره شكرا ياقلبي وأتمنى أن ارى وقع خطواتك دائما في أرجاءنا جودي هلا والله بالجود كله وعبق السحر الله يسلمك ياقلبي وليه كذا زعلتيني؟؟ ليه الامتحان زفت يعني؟؟ ماعليه تعوضينها إن شاء الله بس شدي حيلك وأنا سعيدة أن البارت كان له دور في رفع معنوياتك الغالية شوارفسكي اللونين اللي اخترتيهم السماوي الرائق والبنفسجي الفاتح ألوان مختلفة.. تدل على شخصية ذات مزاج رائق ومختلف بالفعل تبدين لي خلف حدود هذين اللونين مع اسمك رقيقة.. شفافة.. وذات ذوق رفيع يصعب إرضاءه.. كلاسيكية نوعا ما.. وتحبين معانقة حدود الفخامة بدون بهرجة <== موكنك مسختيها أنفاسوه.. قلبتي فرويد خجلتيني بالقصيدة والله يارب اكون أستحق بس أسعدني أنه فيه حد وقف مع دانة لا تحرمينا ألوانك المختلفة نونو/ حياتي عذاب أهلا بالطلة المشبعة بالحماس تعليقاتك تشبهك بالفعل عميقة وحماسية صدقيني حتى لو فعلت لعبدالله شيء فأنا على وعدي بالاختلاف والمهم هو ناتج المتعة النهائية الذي أعدكم أن يكون مختلف إن شاء الله دانة وسعود ينتظرهم أكشن فوق فوق المذهل ماجد ودلال سيكونون قصة لطيفة ستستمعون بها وأنا دائما في انتظارك يالغالية فلا تقاطعينا . . . . . . |
مساء الورد والفل والاختلاف
مساء من مساءات بعد الغياب مساء مختلف لمتابعات مختلفات لرواية أتمنى أن تكون مختلفة جزء اليوم سينقفل بقفلتين مختلفتين لشخصيتين مختلفتين أتمنى أن يعجبكم ويحمسكم ماستقرؤونه نتقرب من أجزاء حاسمة قادمة وأحداث ستكون أكثر من مثيرة أكثر من مختلفة أحداث تليق بمتابعين من مستواكم الرفيع استلموا البارتين 72 73 قراءة ممتعة مقدما ولاحول ولا قوة إلا بالله . . . . . . |
بعد الغياب/ الأجزاء 72، 73
بعد الغياب/ الجزء الثاني والسبعون #أنفاس_قطر# في غرفة دانة في مستشفى النساء والولادة.. كان عندها أمها وخواتها.. وأم سعود ومها.. دانة بصوت متعب توجه كلامها لأم سعود: يمه وين الجازي؟؟ خليتوها في البيت بروحها.. أم سعود: محمد عندها في البيت وهي خليناها راقدة... وانا عاجزة من الحنة.. وأني أتناها لين تقوم وتلبس.. خليناها راقدة حتى ماتعرف بدخلتش للمستشفى.. دانة بحنان: الجازي هذي حبيبتي.. غالية نطت: ياسلام هي حبيبتش وانا أخت الشارع.. ماكني أنا اللي بأختش.. دانة تأشر لغالية تعالي.. تقرب منها غالية.. وتحضنها دانة بحنان: غلاكم واحد يالخبلة.. مها بعيارة: تكذب عليش أنتي وياها.. القلب مايأخذه إلا واحد.. خذه حضرة الملازم وراح به معه للمعسكر.. دانة أصبحت تستغرب من شفافية مشاعرها.. الكل أصبح يعلم شدة تولعها بسعود.. " الكل يعلم إلا سعود يادانة.. إلا سعود" مزنة بعيارة تكلم مها: ليتش بس شفتيها اليوم عقب ماطلع من عندها.. عشانه قال لها أنه رايح الدوام.. تبكي كأنه رايح مهاجر.. مها بمرح: أصلا أنا أنبسط يوم سعود يروح للدوام.. أنط عندها في غرفتها.. لاني متاكدة أنها كالعادة تفل ملابس سعود وترتبهم.... آه ياقلبي.. لو أن الملابس تتكلم كان اشتكت من كثر الترتيب.. تقول ارحميني خليني مبهدلة شوي.. مزنة بلعانة: وإلا لما تجي عندنا تزورنا.. جعل أمحق أخت.. قاعدة وقلبها مع الساعة.. تعد الدقايق متى سعود بيجي يأخذها.. دانة وجهها ورم من الخجل والاحمرار.. في الوقت اللي أم خالد وام سعود.. كل وحدة منهم قبصت بنتها : صدق أنكم بنات ماتستحون.. المرة المتزوجة وجهها صار أحمر وأنتوا بنات البيت الوحدة منكم وجهها لوحة ******************** الحوار مستمر بين ديمة وعزوز ديمة بخبث: أفتحه كذا لوجه الله؟؟ مايصير عزوز اللي شم في كلامها ريحة ماعجبته: ليه وش تبين مقابل بعد؟؟ ديمة بثقة: تعتذر لي.. أنا مازلت أنتظر اعتذار على اللي أنت سويته فيني المرة اللي فاتت.. عزوز ببرود: ياحليلج.. روحي ألعبي بعيد.. أنا ماراح أعتذر لأني ماغلطت.. والايميل بتفتحينه غصبا عنج.. ديمة ببرود: أنت كل شيء عندك غصبا عني.. يعني عشان احترمك من صغري واللي تقوله أسويه.. صدقت روحك أنت اللي ياحليلك وروح ألعب بعيد أنت صاحب الحاجة.. والمثل يقول: صاحب الحاجة ذليل عزوز بنفس البرود: وانا أقول الله يلعن الحاجة اللي بتذلني لج.. بدل الايميل عشرة ديمة ببرود مثلج: كيفك ياحبيب أمك.. تشاو عزوز حس أنه مفول عليها.. كان وده إنها قدامه عشان يعطيها طراقين.. لكن عزوز كان مقرر أنه يتجنب الالتقاء بها قد مايقدر... رجع للكمبيوتر وهو يحاول يفتح إيميله اللي مو راضي ينفتح.. لكن بعد عدة محاولات فتح.. وابتسامة واسعة.. واااااااااسعة.. ترتسم على شفايفه.. لقط موبايله..وبعث مسج لديمة "شكرا...... وأنا أسف" مسج ديمة " العفو .. والأسف مقبول" ********************* خالد اللي راح من جبر بوجه رجع عليه بوجه ثاني.. وهو كل شوي يلمس يده اليسار.. كأنه وهو يلمسها يلمس شعر الجازي اللي عانق اصابعه من دقايق.. جبر بعيارة:خالد.. إيدك تعورك؟؟ خالد وهو في عالم ثاني: لا.. مافيها شيء.. جبر بنفس العيارة: عيل ليش ماسكها جذيه جنك خايف إنها تنحاش منك..؟؟ خالد بعيارة وهو يحاول ينفض ذكرى الجازي من رأسه: ياشين اللقافة.. يدك وإلا يدي.. تبيها عطيتك إياها..؟؟ جبر بعيارة: إيه أبيها.. هاتها... خالد يرجع يده لحضنه وكأنه خايف حد غيره يحس بملمس شعرها الغافي بين أصابعه.. جبر يضحك: المينون جنه صدق.. خالد يضحك: أيه صدقت.. يدي وعندي.. وكل واحد يده عنده.. وهم في حوارهم وضحكهم دخل عليهم محمد اللي انصدم الأثنين لابعد حد من شكله.. بل كانت صدمتهم شيء يتجاوز الصدمة بكثير.. ********************* جواهر كانت قدام التسريحة تبدأ بوضع مكياجها.. استعدادا لليلة.. (ليلة زواج ماجد) قلبها فيه حزن عميق.. وتحس كأن غرفتها قبر من غير إحساسها أن عبدالله ممكن يدخل عليها في أي لحظة.. من غير إحساس الترقب اللذيذ بوقع خطواته التي تحمل لها دائما عبقا مختلفا من المشاعر.. عبق يشبه اختلاف عبدالله في كل شيء في وسامته..في شخصيته.. في مشاعره.. في جراءته في قبلاته.. في لمساته.. في حنانه.. في قوته لكنها وعدت عبدالله أنها لن تبكي.. ولن تبكي.. رفعت رأسها للمرآه وابتسمت ابتسامة رقيقة شفافة.. كأنها تبتسم لعبدالله لذاته.. **************** محمد دخل على الشباب في المجلس.. بوجه متورم.. وغترته على كتفه.. وهو يسحب رجله وراه بدون عكازه.. وشعره الطويل الحريري..اللي كان يعتز فيه كثير أختفى.. كان شعره محلوق للأخر.. ويبدو في راسه عدة أصابات.. تؤكد أنه من قام بحلاقة رأسه بنفسه.. محمد سلم عليهم بهدوء.. وجلس بهدوء.. ثم أشر للمقهوي : صب قهوة باولد.. نط الشاب الهندي الصغير بدلة القهوة والفناجيل.. في الوقت اللي جبر وخالد قالوا مع بعض: تقهوينا محمد خلاص.. محمد بذات الهدوء وهو ينظر للأرض: متى جايين؟؟ جبر بهدوء: من شوي.. ندق على موبايلك ماترد علينا.. محمد بنبرة حزن: سامحوني.. بس شحنه فضا من زمان ولاعاد شحنته.. جبر بود: فيه واحد موصيني لاجيت عندك.. أتصل عليه.. جبر دق موبايله لما رد عليه الطرف الثاني.. همس له بصوت واطي ماحد ماسمعه: أنا عند محمد و ترا حالته ماتسر عدو ولاصديق.. ويهه شكله وارم من الصياح.. حتى شعره اللي كان أغلى عليه من كل شيء.. حلقه على الصفر.. جبر عطا محمد الموبايل، محمد خذه وهو يظن أنه يمكن يكون أبو جبر أو حد من أخوانه يبي يسلم عليه رد محمد بصوت ساكن عميق: ألو جاءه صوت سالم الحازم على الطرف الآخر: أفا عليك محمد ماظنيت هذا قدر صحبتنا عندك.. محمد قلبه وقف يحسب سالم زعلان عليه عشانه فقد بصره بسبب الحادث لكنه ألتزم الصمت وسالم يكمل: ولا ظنيت أني عقب عشرة ذا السنين كنت مصاحب لي بزر.. مهوب رجّال أشد ظهري فيه.. كذا يامحمد يكون ضعف إيمانك بالله.. الله سبحانه وتعالى قال (قل لن يصيبنا إلا ماكتب الله لنا) اللي صار لي شيء مقدر مكتوب.. حتى لو أنا قاعد في الدوحة مارحت معكم كان جاني قدري في أي مكان وأنا مؤمن بالله وشاكره على ابتلاءه.. وخير إنه يبتليني في الدنيا.. ولايبتليني في الآخرة والرسول صلى الله عليه وسلم بشر من يفقد عينيه أن يعوضه الله عنهما قصرين في الجنة.. يعني الله سبحانه وتعالى كتب لي ذا الخير كله.. وانت متكاثره علي.. محمد كان مصدوم من كلام سالم اللي كان يزيح الهم عن قلبه شوي شوي.. وسالم مستمر بالكلام: يامحمد .. والله لو عرفت أنك مسكر على روحك.. أو أنك قاعد حزين مكتئب.. أنه هذا أخر مابيني وبينك.. يعني الله خذ بصري وأنت تبي تأخذ رفيقي مني.. لا أشوفك المرة الجاية إلا وانت جايب محمد معك.. محمد اللي طلعت انا وياه من الدوحة سوا.. ما أبي محمد الثاني.. وأبيك تدرس المادتين الباقية عليك.. أنا عرفت أن امتحاناتك مع بداية الفصل الثاني.. والفصل الثاني باقي عليه أيام بس.. محمد ماقدر يقول شيء من شدة الانفعال.. وهو يحس إن روحه اللي غادرته ترجع له بقوة.. في الوقت اللي منيرة اللي كانت جالسة عند سالم.. دموعها تنسكب بصمت وهي تستمع لكلام سالم اللي يكشف عن معدنه الإنساني النادر.. ********************** عبدالله يصل إلى مطار بغداد أنهى إجراءاته وطلع لصالة استقبال المسافرين فتح موبايله.. كان يبي يتصل في جواهر يطمنها عن وصوله.. لقى مسج منها: " حين تطالع عيناك/نجمتا قلبي هذه الأحرف تكون أنت في مكان آخر ومعك ضيف محلق أنه قلبي الذي مااستطاع صبرا كن به رؤوفا..وعد به معك بسرعة أحبك.. الحمدلله على سلامتك" عبدالله تنهد (نعنبو لايمني في حبج) كتب لها مسج " وصلت بحمدلله والضيف معي..ملاصق لنظيره كلاهما يقتله الشوق لكِ وللرجوع لحناياكِ وأحضانك أحبكِ أكثر .. وأكثر" عبدالله أعاد موبايله لجيبه بحرص بالغ كأنه يعيد قلب جواهر وهو يتمعن في وجوه المستقبلين.. حتى وجد أحدهم يحمل لوحة بيضاء صغيرة كُتب عليها اسمه.. أقترب منه بود: فاضل؟؟ تبادل كلا من الرجلين نظرة تقييمية للآخر.. كان فاضل للقصر أقرب.. ولكنه قوي البنية.. يلمع في عينيه نظرة قوية واثقة أشبه بنظرة نمر متيقظ.. يرتدي بنطلون جيشي يعتليه بوت طويل.. وجاكيت كاكي ثقيل يدل على برودة الجو.. وقبعة صوفية زيتية.. يوحي مظهره المتحفز بثقة أنه لا يمكن أن يفوته شيء.. فاضل ابتسم ابتسامة ودودة: نعم أني فاضل.. أهلا بيك بوعبدالعزيز.. ثم كمل بمرح: لو راوي كايل لي أنه طولك هيج.. كان خليت أحد غيري يستقبلك على مود ما أضحك الناس في المطار لما يباوعونا ويا بعض.. رد عليه عبدالله بود: الرجال مخابر موب مناظر.. فاضل شد على يده بترحيب: نورت بغداد.. وإن شاء الله ما تشوف إلا كل أشي يسرك.. عبدالله باحترام: عامرة بأهلها.. بس أنا مستعجل أخلص المهمة اللي أنا جاي عشانها.. فاضل بثقة: ولا يهمك.. الموضوع بسيط هوايا.. وباجر مخلصينه إن شاء الله.. عبدالله طلع مع فاضل من المطار مع قرب أذان العشاء.. متوجهين للفندق اللي عبدالله حجز فيه.. ******************** جواهر وصلت لبيت جاسم.. عشان تحضر العشاء المقام لزواج ماجد ودلال... نجلاء استقبلت جواهر عند الباب وخذت عبايتها منها.. ماكان فيه حضور غير نجلاء وعمتها أم جاسم وبنات أم جاسم الثنتين وجواهر.. والعروس جواهر سلمت بود على الكل وباركت للعروس وجلست.. جات نجلاء جنبها وجلست وهي تأشر للمضيفة تجيب القهوة: وش هالزين كله يا أم عزوز!!! جواهر برقة: ماشاء الله ماعقب زين دلال الليلة زين.. نجلاء بعيارة: الله يستر على ماجد بس لا ينجلط.. هذا واحد ماعمره عرف حريم.. وعقب يلاقي وحدة مثل هذي.. ضحكت وكملت: مثل واحد طول عمره محروم من الكيك وعقبه عطوه قدر كيك.. جواهر ضحكت: الله يخسج على شبيهاتج اللي ما أدري من وين تجيبينها.. عقب غمزت نجلاء بعينها وكملت بخبث: بعدين مو بس ماجد اللي ملاقي له قدر كيك... عبدالله طايح في قدر كيك بالكريمة والمكسرات والتوفي والشيكولاته و..... جواهر بخجل: بس بس ياقليلة الحيا.. نجلاء بعيارة: تزوجتي وأنتي عادج مصرة على فيلم الحيا ذا.. إلا عبدالله أشلون خلاج تطلعين من عنده الليلة..؟؟ لو أنا من عبدالله.. على شكلج الليلة.. والله ما أخليج تطلعين من باب الغرفة.. جواهر تنهدت: عبدالله مسافر في شغل.. نجلاء تبتسم: آه ياقلبي على التنهيدة.. والناس الذايبين #أنفاس_قطر# بعد الغياب/ الجزء الثالث والسبعون #أنفاس_قطر# عشاء الرياجيل في بيت ماجد خلص وراحوا كلهم.. والحريم في بيت جاسم تعشوا وخلصوا بعد.. ماجد متوتر.. دلال متوترة أكثر.. نجلاء أتصلت على ماجد: ماجد منت بجاي تلبس عروسك؟؟ ماجد بتوتر: مافيه داعي نجلاء.. أنتي لبسيها ماجد اللي كان بيموت الصبح عشان يشوف دلال لما شاف الليل جاء وإن السالفة فعلا صارت حقيقية.. صابته حالة توتر حقيقية.. 40 سنة وهو عايش بحريته.. وله نمط حياة معين.. كان ساكن في بيت كبير بروحه.. معه بس خادم هندي.. أكثر الأحيان البيت يطلع منه الصبح لدوامه.. مايرجع الا اخر الليل عشان ينام بين المطاعم وبيوت أصحابه أو بيت نجلاء صحيح حياة فارغة.. وماحد مهتم فيه غير نجلاء.. لكنه تعود عليها.. أشلون بيتعود الحين على الدخيلة الجديدة في حياته وعلى وجودها الأنثوي في بيت ذكوري نجلاء حاسة بتوتر أخيها وخافت أنه يفشلها في الحريم.. فقررت تسأل دلال لو دلال تبيه يجي ويلبسها.. غصبته يجي.. لو هي متنازلة خلاص يكون أحسن سألت دلال اللي كانت بتموت من خجلها: أحسن نجلاء أنا بعد منحرجة من أنه يلبسني قدام الحريم.. لبستها نجلاء طقمها.. لكنها تركت الدبلة عشان ماجد يلبسها لها في بيتهم.. وعقب أتصلت في ماجد: خلصنا.. ماجد بتوتر كبير: خلاص خليها تطلع علي أنا أنتظرها في الحوش.. وتعالي معنا.. نجلاء بود: لا أنا بأخلي جاسم يجيبني.. عشان هو يرجعني على طول.. ما أبي اكون عزول.. جواهر كانت طلعت على طول بعد تلبيس الطقم.. السواق والخدامة ينطرونها برا.. وماكانت تبي تتاخر على عيالها.. وبنات أم جاسم كانوا ينتظرون يسلمون على دلال قبل تروح.. نجلاء لبست دلال عبايتها وشيلتها على وجهها كانت حريصة أنها ماتخرب شعرها أو مكياجها.. لما طلعوا برا.. كان فيه سيارتين واقفة برا.. سيارة ماجد وسيارة جاسم دلال شدت على يد نجلاء وهمست: تكفين أركبي معي.. تكفين خليج جنبي على نفس الكرسي نجلاء ماحبت أنها توتر دلال أكثر.. قالت خلاص اللي تبينه.. ركبوا الثنتين سيارة ماجد من ورا.. وجاسم تبعهم بسيارته.. نجلاء بفرح تكلم ماجد: مبروك ياعريس.. ماجد بتوتر حاول تغليفه بالثقة: الله يبارك فيج.. وعقب كمل برقة: مبروك دلال.. لكن دلال ماردت عليه.. ماجد شاف في خجلها متنفس لتوتره: أنا أقول مبروك دلال.. بس دلال ماردت عليه ...ريقها ناشف ولسانها لصق بحلقها.. وتفرك في أصابعها بعنف متوتر.. دلال بطبعها خجولة جدا.. وزاد عليها حياتها مع زوجها الأول.. اللي كان قاسي عليها جدا.. وخلاها تفضل أنها تعتصم بالصمت طول الوقت.. عشان مايلاقي سبب يضربها عشانه لكنه مع هذا كان يخترع أي سبب عشان يضربها وخصوصا لما يكون سكران.. دلال عاشت بالفعل حياة مريرة تعذبت فيها كثير.. لكنها كانت متصبرة ومحتسبة أجرها عند الله.. صحيح أنها صلت استخارة كثير وقلبها مرتاح لماجد.. لكنها اصبحت مرعوبة من جنس الرجال استمر الصمت مسيطر الباقي من الطريق بين بيت نجلاء وماجد.. لحد ماوصلو البيت.. ماجد نزل وفتح لهم الباب..مد يده لدلال.. لكن دلال بخجلها ظلت يدها بحضنها.. نجلاء بود: دلال مدي يدج.. ماجد ماد يده لج.. دلال بحرج.. عطته يدها ونزلت.. ماجد حس أن توتره كله يذوب ويحل محله حنان متعاظم ويدها الصغيرة تسكن يده وهو يحس بأناملها الناعمة المثلجة المرتعشة.. وهي تتسند على يده وتنزل من السيارة.. ماجد حس أنه يبي يسوي شيء يعبر عن الانفعال اللي اجتاحه فرفع يدها لشفايفه وطبع عليها قبلة دافئة.. دلال حست بالرعشة تهزها بعنف وهي تحس بدفء أنفاسه على أناملها الباردة.. نجلاء نزلت وراها وهي تقول لماجد بعيارة: مجود خف على البنية.. البنية موب قدك.. دخلوا نجلاء ودلال للبيت.. في الوقت اللي ماجد توجه لجاسم.. اللي كان قاعد في سيارته ينطر نجلاء.. بعد دقايق طلعت نجلاء.. وتوجهت لماجد وجاسم اللي كانوا يسولفون: مجود خلاص مالك شغل بجاسم.. جاسم أملاكي الحصرية على قولتك.. وأنت روح لأملاكك الحصرية الجديدة.. جاسم ونجلاء حركوا.. في الوقت اللي ماجد ظل واقف في الحوش.. تتنازعه اللهفة والتوتر.. خذ نفس عميق.. وعقب دخل.. كانت دلال جالسة في الصالة.. بعد ما نجلاء فسخت عبايتها وتأكدت من شكلها وتركتها.. كانت عيونها بحضنها.. وتفرك أصابعها بتوتر.. دخل ماجد عليها وقال بهدوء: السلام عليكم دلال رفعت وجهها بخجل: وعليكم السلام.. ماجد أول ماشاف دلال.. أنصدم واجتاحه شعور غريب الغضب كان إحساس متعاظم من الغضب يجتاحه وبعنف.. ****************** الشباب كانوا كلهم في عزبة أبو جبر اللي على البحر.. محتفلين بمحمد اللي طلع من حبسته اليوم.. جبر بود وفرح: يا حيا الله أبو سعيد.. تو مانورت عزبتنا.. محمد بعيارة ودودة: جبير أنت وذا التميلح.. كني ماني بحافظ عزبتكم وامترها كل سنة.. يبغي يسوي لنا حاتم الطائي.. جبر بعيارة: لحول.. رجع علينا أبو لسانين.. وين الأدب اللي كان نازل عليك.. ياحي محمد المؤدب.. محمد بعيارة: وخر بس.. جعل عمر أبو مبارك طويل.. لولاه وإلا كان أنتو الحين فاقدين طلتي الذهبية.. بس الله يهداه.. لو مكلمني قدام أتهور وأحلق الغالي.. يقولها وهو ينزل غترته ويمسح على قرعته.. : بس ماعليه فدوة لأبومبارك.. وأنتم يالله تمتعوا بصلعتي اللامعة.. جبر يضحك: وع.. على قولتك: حدبة.. لا وفيها فلوع بعد.. محمد وجبر يضحكون.. وخالد في عالمه الخاص يلفه صمت غريب.. عقب محمد ميل على أذن جبر: أنا لي زمان من خالد.. هو فيه شيء؟؟.. يده توجعه؟؟.. من عصر وأنا شايفه ماسكها.. ومايتكلم إلا بالقطارة.. وصلناه المستشفى وراح زار اخته ونزل علينا وهو ماسكها.. جبر بهمس: حتى أنا سألته.. لو هي تعوره.. بس هو قال لا.. محمد بقلق: شكلها توجعه.. ومايبي يقول لنا.. وعقب رفع صوته: خويلد خويلد.. خالد اللي اخرجه صوت محمد من عالمه الخاص..: هلا محمد محمد بحزم: قوم نروح للمستشفى.. خالد باستغراب: ليه المستشفى؟؟ محمد بثقة: يكشفون على يدك.. خالد بحرج: يدي مافيها شيء.. محمد بحزم وهو يقوم خالد بقوة: قوم.. يالله قوم.. بدون نقاش.. خالد وهو بيموت في ثيابه من الحرج: والله مافيها شيء.. محمد بدأ يعصب: خويلد والله أن قد تقوم ذا الحين.. قم جعل السلال يضرب بطنك.. يدك موجعتك.. ليه قاعد متصبر على الوجع.. قدامي على المستشفى.. جبر جاء بيقوم معهم.. حلف عليه محمد: والله ماتقوم.. أنا بأروح معه المستشفى.. وعقب بأخليه يرجعني للبيت.. خالد ماقدر يقول شيء.. وهو رايح للمستشفى عشان يده إلا مافيها غير ألم لذيذ اسمه: ملمس شعر الجازي.. ******************* في ثكنة سعود وقت المبيت وفق المصطلحات العسكرية.. همس يدور بين سعود وجابر اللي سرايرهم جنب بعض.. جابر بمرح: لا يمر القائد علينا ويكشفنا بس.. سعود بثقة: لا تحاتي.. القائد اليوم عنده أوف.. جابر بعيارة: إيه.. خلاص علوم القائد صارت عندك ياحضرة النقيب.. سعود بهدوء: توني ماتعودت عليها.. حضرة النقيب ذي.. تو الترقية من كم ساعة بس.. وبصراحة تفاجأت منها يعني أنا جاي للمعسكر في يوم غير يوم شغلي عشان أسوي لي شغلة.. لقيت خبر الترقية.. جابر بمودة: تستاهل والله.. ماشاء الله تبارك الله أول نقيب في الـ28 في كل الثكنة.. ترقيتك كانت استثنائية لأنك فعلا كنت أستثنائي.. وعقب كمل بمرح: وعشاء الترقية متى بتسويه لنا..؟؟ لازم تسوي عشاء كبير تعزم كل الثكنة من أصغر عريف للقائد.. سعود بغموض: إنا مسافر بكرة في مهمة بتطول شوي.. إذا رجعت سويت لكم عشاء في الفورسيزونز إن شاء الله.. جابر برعب أخوي: وش مهمته اللي بتطول ذي؟؟ #أنفاس_قطر# . . الجزئين اليوم إهداء خاص لأم أحمد إرادة الحياة التي يحل أبطالنا ضيوف عليهم في العراق . . . . . |
السلام عليكم ورحمة الله وبركاته
انفاس قطر انفاس الاصالة انفاس التي تحبس الانفاس الف شكر اغلى هدية من اغلى وفية اسمها انفاس قطر وانتي واهل قطر وكل متابعي القصة في كل المنتديات على رأسي الله لايحرمني من هدياك غاليتي استقبال عبد الله في المطار اهلا وسهلا في بلده الثاني العراق يارب ميشوف غير الخير وكل زوار العراق يارب ترجعو وشوفو عراق الغد اصبح اليوم احلى وفرص الامن والاستقرار اصبحت اوفر ادعو لنا حتى نتخلص من عقبة لابد من التخلص منها وهي الاحتلال . حسننا لندخل عمق القسة اعجبني وصف الشاب العراقي ملابسه وتيقضه وطوله وكأني اشاهد احد اخوتي الذي يمتاز بعائلتنا بطوله المتوسط مقارنة مع عملاقة العائلة الكثر هل تعرفين انفاس انعدام الامن والحروب التي خاضها العراق اوجدت شباب متيقضين يرمون بأنفسهم في اصعب المهام ولايهابون الموت اعتادو على مواجهته فألفهم وألفوهم لذا لا استغرب أستهانة فاضل بالمهمة فهو يعرف نفوس الخاطفين وداوفعهم الحمد الله الذي خلصنا من تلك الفترة المظلمة التي استهدفت خيرة عقولنا خطفو اولا من اجل الفدية دفعت الفدية وقتلو وهذا في احسن الاحوال هناك من يقتل ويساوم الخاطفون اهله على جثته كانت فترة عصيبة كان الاختطاف يعني القتل اما الان حا لات نادرة ويلتجئ لها ناس معروفين بأنهم يمارسون الاختطاف يعني الشغلة بسيطة ان شاء الله ماجد بصراحة قفلتك ادارت الرؤس يابنت الحلال الرجال وشيب وهو ينتظر العرس وانتي تخلي يثور غضب من اولها زين ليش شنو سوت دلال يلة خل ننتظر انفاس وهي تخبرنا سالم بصراحة انفاس اهنيج على دقة اختيارك للاحاديث النبوية والكلمات التي تليها وكلمات الصبر والايمان التي نطق بها سالم واهنيك كونك وضعت منيرة بمثل هذا الموقف حتى تعرف مدى خسارتها فيما لو لبى والدها طلبها وانفصلت عن سالم بوركت انفاس مع سالم احسست بمدى ضئالتي احياننا وانا اتذمر الله يهدينا دانة وسعود بصراحة انا مع ان يعترف الرجل لزوجته بمدى حبه وان تكون المراءة كريمة وتعترف بهذا الحب وتقدره بالنسبة ألي المراءة والرجل على حد سواء محتاج لكلمة حب بين فترة واخرى كلمة تنعش القلب وتبعث الامل بالنفس حتى يشعر ان عطائه يقدر وكلماته تحفظ بالقلب انا مع سعود في طلبه بكلمة لان الافعال ممكن ان تترجم الى كلمة حب اذن لماذا لا انطق بها ومجرد النطق بها تزدهر الورود حولي فهل سوف تنطقها دانة محمد انتي مذهلة يا انفاس وضعتنا في جو محمد القاتم وبعد مكالمة تلفونية وجدنا محمد القديم يعود لم نشعر بغرابة الامر لان حوار محمد كان كفيل في بيان نفسيته قبل وبعد . انفاس قطر ماشاء الله تبارك تجيدين الانتقال في نفس الشخصية من حال الى حال انفاس قطر ماذا اقول عن كاتبة ملتزمة ومواعيها تضبط عليها الساعة ماذا اقول عن مشاعر متدفقة وسطور يعجبني اعادة قرائتها لعفويتها ولانها واقعية وقريبة من كلام الواقع ونابعة من قلم يعرف كيف يختار الكلمات انفاس قطر وفقك الله وابعد عنك عين الحسود كوني دائما هكذا لتكوني دائما مختلفة لانك فعلا مختلفة |
بارتات اروع من راااااااااائعة
وارقى من راااااااقية.. قمة بالجمال والروعة والابداع والتألق الاسطوري... تدهشينا بحركة قلمك على السطور.. تبهرينا بمشاعرك الرقيقة.. تسلبين عقولنا بجمال نبضك.. انتِ اسطورة لا مثيل لها.. انت شمس دافئة تدفىء قلوبنا.. انت قمر يضيء ليالينا.. نحن بانتظارك دوما اتمنى ان لاتتأخري علينا.. وفقك الله واسعدك ودمتِ برعاية الله.. نفووووووووسة قلبي.. أحبك مووت.. |
انفااس :flowers2: عودا ً حميدا ً , ان شاء الله انبسطت وأفرغت كل طاقاتك , طبعا ً ماعدا طاقات حماسك لينا والي تكون زادت وصارت فول اوبشن هلا بيك يا غاليه .. عدت ِ راائعة بروعة اجزاءك المفعمة بكل المشاعر جواهر وعبدالله واسمى واروع الحب بعد الزواج حب ومودة في قمة الطهر والنقاء ولا تشوبه الشوائب جسدان بروح واحده تألمت وصبرت ونالت الذ وأجود الحب عبدالله واخلاصة لجواهر وبحثة عن سعادتها ورضاها وان كلفة حياته وصل بالسلامة للعراق وتتم مهمتة بسلام ان شاء الله حتى يعود القلبان بروح واحده من المفارقات المضحة في الحياه طبيعة الزوج والزوجة كثير من الرجال ان لم يكن اغلبهم يتعطشون للكلام المعسول وفلكهم يدور حول المراءة صاحبة اللسان الذي لاينطق سوى بالهوى واعذب كلمات الحب ويغضون الطرف عن أفعالها سواء ً كانت تصب في ينابيع الحب أو الشر اما الزوجه لا تعترف بالاقوال دون الافعال يكفيها أفعال زوجها لتبين مقدار ومدى حبه لها وهذا حال سعود ودانه تصرفات دانه لم تترجم أو لم ترضي عطش سعود للحب وكأنه لايتمنى من دانه سوى كلمة احبك ليتنفس ويعيش اما دانه فيكفيها حرص وعطاء سعود لتتبين مقدار حبه وعطفة وحنانه خالد وااااعجبي يعني بالله عليك صاك الباب عليها عشان ما تشوفها وحاط يدك على شعرها وعااااااادي ..!! ياحبي لبراءتك الي مدري لفين بتوصلك ..؟؟ والظاهر إن تصرفك العفوي أخذك الى بلاد الهوى وارض العشاق واستسلامك لمحمد لا يدل الا على انك مازلت في سكرة نخب الجازي انفااس الن تتوبي يا مراءة عن هذه القفلات المميته والتي تجعل انفاسنا تلهث كل دقيقة حتى يحين موعدنا معك ِ ايش الي صار لماجد وحل محل الاعجاب والترقب واللهفة الغضب يكون المكياج الملطخ وجهها ههههههه يمكن ليش لا .. احتمال يكون من نوعية الشياب الي يكهروا الاصباغ والحوسة في الوجه يعني يحب كل شيء Natural توقع لابأس به , وحتى إن لم يكن في محله فهو وارد في أحسن العائلات ,:tongue: عموما ً ننتظر ونحاول نلتقط انفاسنا قدر المستطاع انفاس يعطيك العافيه يارب وتسلمين يا احلى انجليزيه في مواعيدك لك ِ قبائل واجناس الورد والود ام احمد .. اهو عبدالله بشحمة ولحمة عندكم *__^ |
يسلمووووووووو كتير ع البارتات الي متلك حلوه يا قمر
طول البارت استني شي لعبدالله بس مسج هالقد بخيله علينا بشي اكتر كان خلتيه اتصال مش مسج لجواهر اخ شو بحبهم احلى شي همه التنين الله يوفقك ويحميكي يا رب ونشوف البارتات اجاي احلى دير بالك ع عبود اخت ارادة الحياة دير بالك ع عبوي وعزوز بليززززز احميهم بجوز انفاس هلا بعيده عنهم انتي اقرب شي الهم ما بوصيكي فيهم بعرفك حبوبه وحنونه رح تحميهم بشفكم بكرا يا حلوين مع البارتات الي من القمر بتيجي سلام |
انفاسك جديده....ياقلبي عليها... البارتات..ممتعه.. جواهر...الـ متـ الانتظاار.. عبدالله....انها المهمه..اهم شي ماتكون شاقه... عزوز ....ياطعمه يانااااس... ديمه وسعووود....كفايه ... خالد...شبكت..وانت ماتدري... العفو انفاس....ماسوينا شي...لبنت الخاله... الدور ...علينا،،،نبغـ زياره للابطال.،.،.،.،الـ السعوديه... ننتظر انفاسك..بكل لهفه... |
السلام عليك ورحمة الله وبركاته
اختي لقد أخطأت في الاية http://quran.al-islam.com/GenGifImag...0-0/9/51/1.png |
يااااااااااهلا بأنفاس
حيّاك الله واستراحة ممتعة إن شاء الله اشتقنا إلى مشاعرك المبثوثة عبر رائعتك واصبحنا نردد : يانسيم الروض قولي ل.......... لم يزدني الوِرد إلا عطشا يالك من نموذج يحتذى في الوفاء بالوعد تستحقين معه كل التقدير والاحترام ليت الكتاب غيرك يقتنعون أن التباعد بين اجزاء القصة يؤثر في اسلوبها وشغف القارئ بها ، آسفة خروجي عن الموضوع ولكنه أمر طالما اردت البوح به قبل أن اتحدث عن الأجزاء الجديدة أود الإشارة إلى ملاحظة على جزئي ماقبل (غيابك): رائعة هي التفاصيل ،ممتعة كذلك ،ولكن كاتبة بمثل حسِّك أربأ بها عن مثل ذلك الإيحاء الذي دار بين دانة وصديقتها حول الحمل والرجولة غير ذلك مستمتعة أنا بكل كلمة تكتبينها وخاصة التطور الأخير في الأحداث وأخيرا أظن أن هناك خطأ مطبعي في الآية ((قل لن يصيبنا إلا ما كتب الله لنا)) مع خالص مودتي |
اه اخت انفاس احنامش اتفقنا على ان نهاية البارت ما ترفعش الضغط يعني لازم نستنى البارت الي جاي عشان نعرف ايه الي حصل لماجد وخلاه يغضب كده ولا سعود مسافر فين
اولا مساك بالخير اخت انفاس اتعودنا اننا نصبح عليك كل يوم بس من امس ونحن نمسي المهم كالمعتاد بارت رائع اختي طبعا عاوزة اعرف ايه سبب غضب ماجد المفاجيء ومش قادرة اتخيل سبب لذلك وتصرفه ماذا سيكون مع دلال التي تحتاج لكل حنيته وحبه وعطفه حتى تنسى معاناتها من زواجها الاول شكل سعود مهمته في العراق وانت ادرى بس ده اعتقادي لان حتى الان لا توجد علاقةبين اسرة سعود واسرة عبدالله غير ان جواهر دكتورة الصديقات الثلاث وده علاقة بعيدة خالد شكله وقع ولا حد سمى عليه بس الجازي ستبادله هذا الحب بعد معاملته السيئة معها ولا حيحصل بينهم زي سعود ودانة وتغصب على الزواج منه ردي اليوم مش طويل بس اوعدك برد مطول المرة القادمة لي تسائل هل ستظلي تنزلي البارتات بالليل ولا ستعود صباحية كما عودتينا ان نبدا يومنا بروايتك الرائعة |
تم تصحيح الآية القرآنية
وبالفعل لا أعلم كيف تسلل هذا الخطأ؟؟ أعوذ بالله من الشيطان الرجيم اللهم أني أستغفرك وأتوب إليك اللهم لا تؤاخذنا إن نسينا أو أخطأنا خالص الشكر لتنبه الغاليتين سديم الذكريات وكادية وهمسة في أذن كادية في بعد الغياب ألون الشخصيات وأنطق كل شخصية بخوالجها ولو كنت سأعكس تربيتي وأخلاقياتي على حوار الشخصيات فالبتأكيد لن يقولوا أي شيء يذكر تهاني شخصية موجودة وبكثرة وفي كل جلسة نسائية لانعدم واحدة مثلها أحببت أن تكون خطا في الرواية ودائما أقول أن من هي في ذكائك تلتقط حراكي الدائم أنا وشخصياتي . . . . . |
السلام عليكم كاتبتنا الرائعة حبيت اهنيك على الرواية الروعة و المشوقة بكل معنى الكلمة لقد ابدعتي مشكورة اتنمى لك التوفيق و النجاح انا من متابعيك الصامتين بس حبيت اقول كلمة على ابداعك و مشكورة مرة اخرى |
ياعلتي علتاه.. بنت الخالة ذي علتني الله يعل أبليسها خل جدتي بس تطلع من عندهم مسيرة هنا وإلا هنا والله مايفكها من يدي شيء
سعود شالع قلبي وهو في الدوحة تبي تبعده عن عيني ذا المتوحشة يا بنت الحلال يا أنفاسوه فديت روحج خليه يطلق ذا العلة دانووه.... وتدرين من تزوجينه؟؟؟ زوجيه سويرة بنت فالح أنتي بروحج قايلة أن أبو علي صار يعز سعود واايد عقب حادث سالم............ حرام سويرة أختها منور الصغيرة تزوجت وهي بعدها.. فكي عنوستها وفكينا من دانة وغثاها وخلي سعود عندي تكفين طالبتج.. جعلني فدا خشمج إذا راح سعود وش عاد أشوف في الدوحة عقبه؟؟ وأشلون أصبر على الدوحة عقبه؟؟ أشلون أتنفس وهو موب في الدوحة؟؟ تدرون يابنات أني من حالة الجنون المستعصية اللي عندي صايرة كل فكسار ذهبي أشوفه في شوارع الدوحة تنكسر رقبتي عليه... أحسبه سعود أدري أن سعود من تأليف بنت خالتي المحترمة.. بس بنت خالتي هبلتي فيني.. من قد ماهي توصف خلتني أصدق أنه موجود فديت سعود وفديت الفكسار الذهبي والله أنه ذوق ويعرف الذوق أما البق بوس (عبدالله) هذا عالم بروحه.. هذا أسطورة الرجال.. سبحان ربه اللي خلقه على قولت نجلاء أول الأجزاء على فكرة أنا أعيد وأزيد في قراءة كل الأجزاء من أولها لأخرها... ما أقو لكم بنت الخالة النذلة خبلت فيني بس عبدالله دايما أقول حق جواهر وبس..لايقين وربي على بعضهم.. اثنينهم خيال....... تكفين نفوستي رجعتي عبدالله لجواهر.... أنا حاسة أن الغراميات الجامدة اللي أنتي جايبتها موب لله... تبين تشلعين قلوبنا عقبها......تكفين تكفين تكفين... حرام عبدالله مايستاهل ماجد وش أنتي ناوية عليه... جواهر بروحها كانت تقول ماعقب زين دلال الليلة زين... يعني مجود المعفن وش اللي هو شاف خلاه يعصب هو ووجهه شايب النخرة؟؟؟ مايحمد ربه ويمسك قاعه.. قدام أجي له أكوفنه... تراه عال كبدي من أول القصة.. محمد فديت محمد عشانه اخو سعود..وخالد فديته عشانه ولد عم سعود..وجبر فوقهم فديته عشانه رفيق أخ سعود..والله أنهم ثلاثي فلة.. كيوت وعسل والله العظيم فاضل الوجه الجديد عجبني وااااااااايد وصفج له الله يحفظج أنفاسوه ماشاء الله تبارك الله طالبتكم كلكم يابنات تذكرون الله عليها ...لاحول ولاقوة إلا بالله ماشاء الله وتبارك الله مبدعة فديتج وفديت روحج الغالية وجعل يومي قبل يومج وجعلني فدوة لعيونج ولا خلا منج يوم قولي آمين |
سووري الردد مكرر.. ياليت تحذفونه حبيبااتي المشرفات..
|
السلاااااااااااام عليكم...
انفااااااااااس يااااااااا الدبـــــــــــــيـــــــــــــــــــــــه.. اشووف غياابي وحظوووري كله عندتس وااحد.. ؟؟؟ لاا سالتي ولاا قلتي وين نظر عيني الزوري..؟؟ فديتها وفديت منطوووووقهاااا. القصه مظلمه بدووونها.. .. وش اخباارهاا واخباار اختبااررااتها..؟؟ عسااها جااابت الاولى على الجاااااااامعه؟؟>> حشى مع هالتشره كله .. امي على غفله مو انفااس قطر؟ هخهخهخهخهخه نفوووووووووووسه اخبااااااارتس يااعسلووله... الف الحمد الله على السلااااااامه.. اخباار الكشته.؟؟. عسى استاانستي وانبسطتي ودبغتي جلدتس على قوولة عمي >> كناايه عن كثرة الاستمتااع... هخهخهخه اقوول نفووسه .. شكلتس بطيرين كل ابطالنا خاارج قطر...عبد الله وعرفنا سبب سفره ورحلته برا بس القلب سعود وين تبينه يغطس ويساافر؟؟؟ وليش من الاصل سفرته؟؟؟ ايـــــــــــــــــــــــــــــــــــــه صدق تعالي تعالي.. وش سالفه بنت خالتس هذي اللي نطت لي بنص الطريق وتبي تخطف مني القلب سعوود.. ؟؟؟ شووفي نفووسه قوولي لهاا هذااا سعوود من املاك زارا الحصريه.. من اووووووووول مااطااحت عيني عليه وانا مصاادرته.. الكل كان يسبه الا انااااااااا .. ويقول وش هالجلف وش هالشديد اللي مايرحم..؟ الا انااااااا من شفت عيوونه عرفت انه طيب وحنووووووون بس عاد يبين شي غير اللي بقلبه.. ولوو قلتي انها عرفت عنه قبلي وقبل مااا يشرف سعود هنا بالنت... بقوول الاتفااقياات اللي من تحت لتحت هذي مااتمشي عندي.. كل شي لااااازم يكون بالنوور وقداام الكل والا بيكون مرفوووض كل الرفض من قبلنا ومن قبل كل الاشرااف اللي يعرفون بالقانون العام لمصاادرة الابطااااااال.. هع هع هع.. والحين عقب مااا سندرت رااستس بكل هالموال احب اقوول.. والله اشتقنااااااا مرره مرره.. لاا تفرحين موو لتس..هع. لعبوود ولجواهر .. ولسعود ودانه.. وحتى مااجد.. هخهخهخه.. كان والله خاطري اني راده على الاجزاء اللي نزلت امس.. بس والله هالاختباارات ماا تعطي الواحد فرصه .. وانا حرمت(ن) ان استلمت الكيبورد ماا تركته الا عقب ساعتين ..وسااعتين من وقت دراستي الثمين معنااته حرماااااااااان فووري لي من السلطات العليااا من جهااازي الحبيب... هخهخهخهخه بس عاد بكره عندي اووف قلت من زماان عن انفااس خلني اروح واشرفها بحظوووري المهيب..هخهخه بالنسبه لاجزااء اليوم.. عبدالعزيز وديما : والله انتم ياا البزارين ماتهموني .. انا ابي اهلكم الناس الكباااريه.. هخهخهخه عبد الله وجواهر : والله انكم شي شي شي.... تخلون الواحد يقوول للدراسه انقلعي انتي والضيقه اللي تجي من وراتس .. نخلي هالمزايين و علومهم.. ان سوينا كذا بحنا فاقدين عقولنا>> الله يعين اجل العقول مفقوده منذوو زمن.. هع هع هع عبوود والله انك حركات ياا الشيبه.. والا عاد جوجو .. كل ماا اذكر اوول الاجزااء وانتي تدعين عليه.. والحين وانتي دمووعتس اربع اربع.. اقوووول حريم وعقوولهم ناااقصه.. بكلمتين ينقص عليكم.. هع هع هع لاا عاد عبوود حمد الله على السلامه والله يستر عليك ياارب ويردك بالسلامه.. مع ان هذا مشكوك فيه وانت مصيرك بيد انفااس.. الا لااااااااااازم بتغربلك وبتطلع رووحك وبعدين بتردك لقطر.. مع اني شااكه انك ببتعرض لاصاابه يمكن يجي منها خبر وفاتك .. بس بنلاقيك مثل الجني رااده الحياة لك.. >> ادري ياا الدبيه بتقوولين فشنك وطاش ومدي وشوو بعد.؟؟ هخهخهخه الاصدقااء الاربعه.. والله ونعم فيكم.. جبر وخالد و سالم ومحمد .. والله تبينون ان كل واحد ماله غنى عن الثاني.. خالد انت ياا ابو يد.. والله حالتك صعبه.. ومحمد افاااااااااا ياا ابو سعيد كذااا تكون قليل ايمان وتسووي حركات باايخه من بااب الحزن .. والله ترى اللي سوويته هذا من باب الجزع والتسخط على اقدار الله.. اجل تحلق شعرك من الحزن.. ؟؟ وش خليت للجاهليه؟؟؟ بس والله سالم اويلاااااااه عليك وعلى منطووووقك الذهب... الله يزيدك ايمان ياارب.. نفووسه تدرين اعجبني مرره كلام سالم لمحمد .. مااحسيته حشوو للادله والاحاديث .. حسيت انه فعلا واحد يتكلم عن نفسه وان هاللي صار له كله ابتلاء من رب العالمين.. والله احييتس على هالحوار الطبيعي اللي قاله سالم لمحمد.. واهم شي ان هالكلام قدام مأصووفت الرأبي منيره.. خليها تعرف هي وش بغت تفرط فيه .مالت عليها..والله للحين قاهرتني كل ما اذكر دعااويها على هاليتيم.. دانه وسعود : سعووود آآآآآآآخ عليك ياا القلب.. والله انك غرقاان ومنذوو مبطي بعد.. وين راحت الشراسه...؟؟ وين رااحت الشده؟؟ وين رااحت القووه والصلابه؟؟ اجل نقوول لها مع السلامه طارت حمامه.. هخهخهخه اقوول سعود اترك عنك داانه هالبلاا .. وارجع شد عليها مثل اوول وهي بعوون الله بتطلب الطلاق وبعدين تصير حر مثل اوول .. وانا عاد استااانس.. هع هع هع.. ايــــــــــــــه صح مبرووووووووك سعود الترقيه.. تستاااااهل والله.. ياا حضرة النقيب اللواء الركن العميد.. تساااهل اكثر بعد.. وتدري بعد حط معها لواء ركن طيااااااااار.. هخهخهخه.. موو كله كلام ؟؟ انا ابيك طياار.. هع بس تعال انت وين بتساافر وش لاا زمت هالسفره؟؟؟ اتوقع انها ممهمة عمل؟؟؟ والله مدري ليش بتساافر بس الله يردك بالسلامه؟؟؟ الا اذا كنت بتساافر بدانه شهر عسل؟؟؟ ماجد ودلال : مبرووك مبرووك .. منك المال ومنها العياال.. كلووووووووووويــــــــــــــش... بارك الله لكما وبارك عليكما وجمع بينكما بخير.. وكلوووويــــــــش... هخهخهخه اقوول مااجد والله انت بعد مااتبااعد صديقك عبوود حركاتكم هالرومانسيه يالعووده بتخليني ارفع السن القاانوني لابطالي اللي اصاادرهم.. هع هع هع.. بس تعال ليش تعصب من دلال .. حليلها تووك شاايفها وبديت العصبيه.. تدري انت ياا انك شاايفها قبل.. او انت شاايفها قبل..؟؟ هع هع هع.. والا ليش تعصب؟؟ بس تدري وش طلع معي الحين ياا ماجد.. وانا عارفه ان انفاااس بتقوول طاش وفشنك والذي منه.. بس والله توقع يقرقع بقلبي ولاااااااااااازم اقووله.. انا اتوووقع ان اللي شفتها عند نجلااا لما جابت ولدهاا مو جواهر .. هي دلال؟؟؟ ولما شفت دلال عصبت امممممم ..من ايش ماا ادري؟؟ يمكن من فكرتك انها جواهر وهي دلال؟؟؟؟؟؟؟؟؟؟؟ يعني يمكن صاار لخبطه بالموضوع....؟؟؟ المهم نفووسه مااقصرتي والله تهببل هالاجزاااء ونستنى البااقي بكل شووق.. على فكره.. افضل وينه؟؟ والله انه شخصيه هالهندي.. رجل المهمات الصعبه...ههههههههه.. يضحكني وهو يقول ئبو أأبد ألعزيز.. هههههههه نستنى اجااي بكل شووق.. ونفووسه عوداا حميدا... ايـــــــــــــــــــــــــــــــه صح . تستااااااااااااهل ابلاااا اراده الهديه. بس اقوول ترى ياا ابلاا لو صاار لعبوود شي.. انتي اللي تتحملين اللي بيصير له لاننا بنثأر لعبوود فيتس وبنخطفتس .. وهذيك الساااعه ابوو احمد يقعد يدوور على ام احمد بكل انحاااء المعمووره.. هخهخه. فالله الله بعبود.. لان مصيرتس صاار متعلق بمصيره.. هع.. . اقوول اذا جوو للسعوديه يتشوون والا بيروحون عمره.. استنى الجزء يكون هديه لي.. ههههههههههههههههههههههههه... بحفظ الله نفوووسه.. |
تسلمييييييييييين نفوووووووووسهـ على الجزء
زارا اغلب المنتدى بنات السعوديهـ ليش الهداء يكوون لكـ وربي ميته ضحكـ ههههههههههههههههههآآي زارا الله يدووووووم عليك الفرح ياربي بس بقول لك شي كلنا بنات ابو متعب فا الهداء يكون للكل ياحلوهـ انفاااااااااااس الحين وش معنات كلام ماجد لا يكوووووون الي شافها هي دلال مو الجوهره وحسسسسس بلغضب ولا ايش ..!! اهم شي بكره بينزل جزء على فكره ساحبهـ على المذاكره ودخلت اشوف نزلتي جزء ولقيت سوسو بعد منزلهـ يعني سحبهـ معتبرهـ هع هع سعووووووووود بليزززززز وييييين رووووووووووح يجي اقول له أحبكـ بدال دانهـ بس لا يروح هع هع << ياويلي من زارا محمد الله يدوووووووم عليهـ البتسامه وخالد طب في مطب مو طبيعي مدري كيف راح يطلع منه الجزء الجاي ابي اشوف وش يصير في سالم ومنيره بليزز يعطيكـ الف الف عافيه نفوووووووسهـ ويارب يهوون عليك شغلك وتنجزينهـ ياربـــ جــــــ,ـــــــ,ــــــــودي |
اقوول ياا بنت خالة انفااااااس.. تجين نتصاادق على انفاااااس ونخلي سعوود برا السالفه.. هخهخهخخه
وش راايتس انتي بماا انتس تعرفين مكانها تسرقين ورقها.. وحنااا عاد نلعب بالادوااار لعب.. وابشري باللي يخلي سعوود يطلق دانه ويزوجها السوري.. وبنخليه بالدووحه.. بس عاد انا اقصد دوحه غير.. هع هع هع.. اكييد انتي مااتعرفين وش قصدي بالدووحه هذي.. هههههههههههههه |
صبااااااااااح الورد والعنبر والكااااااااااادي علي انفااااااااااس لي ماخلت فيناا ا انفااااااااس وسحبتها كله من الخليج اعربي الي اقصي بلدان العااالم وخلتها كلهابالدوحه متجمعها عندها علشان تنفك منا مااابغت يابنت حرااااااام عليك مايجوز كذا تموتين خلاق الله تار يعدمونك بعدين وانتي منتي ذبحها وحد انتي ذبحها العالم كها بس اكيد امريكا بتعطيك اكبر هديها عندهم علشانك ذبحتي العرب من كتم انفاااسهم ليييييييييييييييييييييييييييييييه الحيييييييييييييييييييييييين هذه القفله لي ماااااااااالها داعي اهااااااا يانفووووووووووووووس يؤؤؤؤؤؤؤؤؤؤؤؤنفوس احبني لبنت خالتك هي ولقبها اقسم باله مووتني ضحك هذه البنت يااليتها عندي بسسس علشان نتفرد انا وهي زواير بالقصه ونرحم ابنات من قفلاات لي مدري من وين تطلعينها هذه وياحبني لجدتك تااره لو عند بغليها تغرر وتقول وين حط الوراق ح عمل لها كل شي تحبها الحين عد مافرغت مافي قلبي لك بقولك ليييييييييه قولت ان شاااااء عبدالله يرجع برغم ني مني طيقتها بسسسسس رحمت حااااااله رجال ر هو مولع وخاف انها يموت ولا يصرعليهاشي يمووووت من الحصره حرم يموت هو نفسا فيه وان شاايف نو جواهر مات الحرمه عليها عاد حنيت عليهم بسس بعد ماغيرت نظرتي نو تافه وغثيث بس عاد ايش اسوي جواهر شكه تبه ويقلون من الحب ماقتل ماجد ودلال ال يوفهم ويمر حياتهمعلي خير واكيد ماجد رح يشوف نو دلا ل هي النسب لها ولافضل سعووووووود شوف انامن اول قايل لك كسر ضلوع دنوه هذهليماتفهم يني نفسي وش فيها اا قالت قلي وحبيبي مالت عليك من حرمه انا الي عرفها دايم البنات هم كثارشي يقلونها جد ان تقهرين بس احسن خليها يسااافر علشان يقهر وتحس فيها برغم اني مااعتقد انها رح تحسسس سالم ومنير الله يوفقهم ويسعدهم ويعدي الغمه لي م فيها بسلام نفوس اقلبي تسلمين علي البارت وعلي اقفلةلي مدري لييييييييييه تبينا يابنت لاتكونين انتي لم نولدتي وقفتي بعدين رجعتي خرجتي مرة ثاني فعجبك القصه سلمت ايدايك ياقبي والل لاحرمنا منك ياااااااااب |
ياسلام وش ذا الجزء صراحة حلو بس كاسرين خاااطري جوجو وعبود البعد صعب الله يصبر اقلوبهم وقلوبنا معهم>>>متاثره مره خخخخخخخخخ لحظه مجود ابغي اعرف اخاف من صدمة الجمااال صابه مرض الغضب اتوقع كذا مادري ليه ماجاني احساااس كايد >>>مسكينا دلال لو كان شي ثاااني الله يعين قلبها فضول العراق حياااك معنا بس المهم حافظ على عبودي لايصيبه شي عزوز وديمه رهيبين بس بالله وش بيسوي اذا اكتشف بلوي ديمه وناااطرينج بي فاااارغ الصبر مع الجزء الجديد مذهلة |
صباح الانفاس المعطرة على احلى انفاس في قطر
اعذريني يالغاليه مارديت على البارت من اول مانزل لان زوجي حبيبي مريض وحرارته اربعين درجه فقريت البارت وطلعت بسرعه . عبدالله وجواهر الله يعينكم على فراق بعض وتجتمعون من جديد بسرعه انفاس اغلب الاعضاء يتوقعون انك بتسوين شي في عبدالله الا انا لانهم مايعرفون عبدالله عدل اهوا رجال عند كلمته وعد جواهر انه يرجع عبدالعزيز في اسبوع ووعدها انه يرجع لها وانا متأكده انه عند كلمته وبيرجعون اثنينهم ان شاء الله وبتنحل المشكله بمساعدة فاضل . خالد انا قايله بطيح ولاحد بيسمي عليك انقلب كيانك بس من لمسة شعرها وهذي واهيا مطوله لسانها عليك اجل شلون لو عاطيتك وجه وش بتسوي .فك نفسك عاد ذا الحين من محمد وحنته واهوا بيوديك المستشفى يفكر يدك تعورك . محمد زين طلعت من غرفتك وسجنك اللي حابس نفسك فيه وانك سمعت كلام سالم بس اللي ضحكني انك قرعت شعرك لو تشوفك مزون بتضحك عليك لين تقول بس . ماجد مبروك الزواج حشى مابقيت يارجال عنست مثل الحريم بس ليش مشاعرك تحولت الى الغضب يوم شفت دلال عصرت مخي وانا افكر وما طلعت الا بنتيجه وحده انك يوم شفت دلال متزينه ولابسه فستانها الابيض خفت ان الخادم اللي عندك يشوفها واهيا جالسه في الصاله هذا اللي طلع معاي بس انتبه ياماجد انك تصرخ عليها وترعبها اهيا المسكينه طالعه من مأسآة زواجها السابق وزوجها السكير اللي كان يضربها لاتخليها تنصدم فيك ياماجد وتخاف منك . مادري ليش احس ان دلال بعدها بنت وتوقعت ان زوجها عاجز عشان كذا ماجابت عيال وانها ماصبرت على زوجها السكير الا انها ماعندها احد تروح له اذا تطلقت . سعود حبيب الجماهير واللي البنات قامو يتهاوشون عليه ياسعود انت بس قل حق دانه ان زارا وبنت خالة انفاس يتهاوشون عليك وشرط بتقولك انها تحبك وتموت عليك وبتقولك احبك في كل دقيقه .نجي للصج الحين انت وش ناوي عليه هل بتسافر وتترك دانه عشان تحس فيك اذا فارقتها وإلا عندك مخطط ثاني في مخك مادري ساعات احس انك اتمنن على دانه بهالحب ياليتك ياسعود تسمع كلام مزون واختك مها عن حب دانه لك جان ماعذبت نفسك وعذبت دانه معاك نشوف وش بتسوي انفاس فيك . مشكورة نفوسه والله يعافيج. وجه الصباح |
صباحك مسك .. ! ، عود ازرق .. ، عطورات فرنسية .. ، وورود طائفية بكل الوانها التي تسر الناظرين !! ورائحتها اللتي تلهب المشاعر والأحاسيس .. صباحك روائح عطرة فخمه كما حضورك العَطِر كل يوم !! انفاس .. اذا انا الفل فأنتِ حديقة ورد وزهر .. تنثرين الورد وتسكبين العطر في صباحاتنا لِتُوَشَّى بكِ ايامنا !! كما تضيفين لوجبة افطاري رائحة غير ، ونكهة غير ، واحساس مختلف ..!! ،،، ،، ، كل الأحداث في كفه وغضب ماجد ومفاجئته في كفة اخرى !! مممممم مااذا اقول ..؟ ذكية ؟؟ قلتها سابقاً ومللتِ منها ..! لئيمة ..؟؟ ربما !!!! لؤم طيب ورقيق وممتع .. وياليت كل لؤم مثل لؤمك في خطف انفاسنا وإرهاق عقولنا بالتفكير اللذيذ ..! بصراحة حار عقلي ودارت افكاري ورحت وجيت وحست ام الدنيا بالتفكير .. وش سوت له البنت .. يعرفها قبل ..؟؟ مااظن !! طيب يمكن البنت مممممممم لا لا مو يمكن ..!! اش هالتخريف .. آخر شي رجعت لتوقع زارا بأن يمكن ماجد ماشاف الا دلال .. لو تصير ياانفاس ..!! كان هم وبينزاح عن قلب عبدالله .. وماجد راح يتأكد ان الخيره فيما اختاره الله له . . حبيت هالدلال والله .. وتستاهل الخير والحب من ماجد والدلال !! الحمد لله على سلامة الاقرع محمد .. ضحكني كثير شكله .. وشفت آثار الشفرة في جمجمته وكأنها شخابيط هههههههههه اما خالد .. صحيح بالغ بس حقك وماجالك ياخويلد .. عساه الاحساس يقلب لك كيانك ..!! اجل تمسكها بشعرها ماتبغى ربي ينتقك لها المسكينه من هالحال وزود ياربي .. عشان نستانس على مشاعرك الجديدة .. مشاعرك اللي اثق وأجزم ان انفاس راح تبدع فيها !!! وفي الأكشن حق الجازي ! الله يسعدك انفاسنا .. كان ودي اعلق على كل فقرة وجزء وشخصية !! بس البنات ماقصروا وماابغى اكرر توقعاتهم وآراؤهم واوجع لك راسك !! .. هكذا انتِ تحلقين للعلو للعلو للعلو دون الهبوط او النظر لأسفل وتأخذينا معكِ محلقين بكل المتعه والانسجام ! ومن هالنجاح لأكثر يارب .. ولاحول ولاقوة الا بالله .. ماشاء الله تبارك الله .. ام احمد .. تستاهلين الجزء .. وهديتك كأنها هديتي والله .. فرحت لك وأحببت الجزء هذا خاصة لأنه خاص فيك .. الله يرزقكم الأمن والأمان ويكفيكم الشرور والمساويء ويعمر العراق بأهلها وناس .. كل الود لصاحبة بعد الغياب وروادها !! |
الله يسعدك يا قمر قطر كان ودي اعلق على كل فقرة وجزء وشخصية بس للاسف ما اعرف للتعبير كثير !!
بس البنات ماقصروا وماابغى اكرر توقعاتهم وآراؤهم واوجع لك راسك !! بس ابي اضيف ممكن انو ماجد شاف دلال تصيح وتتنافض من الخوف عشان كذا عصب سلمت يمناك قووووووووووووو هيييييييييييييييييد |
فعلا القفله اليوم مسكته ...
ياترى ماجد ليش عصب يعني من أولها بيبدا شغل التسلط .. مارحمت الا دلول مسكينه متعقده خلقه من الرجاجيل يجي أمويجد ويعقدها زياده ...بس أتوقع انه عصب لانها لابسه ثوب الزفاف ابيض ..وهو حاط في باله انها بتكون عاديه ؟؟؟ بس اذا كان هذا السبب فقولك يامجود مالك داعي خل البنت تفرح وتعيش لحظاات الفرح اللي انحرمت منها ... سعود ماخبرتك جباان ليش تبي تهرب من مشاعرك اللي خانتك اتوقع تبي تبعد عن دانه لحد ماتهدى مشاعرك المتلخبطه ... ويمكن تبي تشوف اذا سافرت هل راح تفقدك دانه اولا ... والله سفرك مسبب لي قلق مادري وش ناوي عليه ... من البدايه كنت خايفه من ردة فعلك بعد صد دانه لك ...الله يستر أنفااااس لاتنسين سميتي اللي متعذبه من سنه ونص وهي تنتظر فارس الاحلام ..وأخرتها تنفينه لمجاهل العراق ...تكفين أنفاس.... عبد العزيز لايجيه شي مادري ليش حاسه انه مو طالع من هاللي ورطتيه فيه ويمكن عبد الله يرجع لجواهر بدونه وتكون هذي اللحظه هي القشه اللتي قصمت ظهر البعير ؟؟؟ أنفاااس سلمت الاياادي ...وسلمت لنا أنفاسك الطيبه .. ياحيا الله بنت خالة أنفاسنا هذي الساعه المباركه اللي شرفتينا فيها ... و نتمنى دائما وابدا تكونين معانا ....حياتس ربي يابنت الخاله ...شوفي تراتس بتصيرين حلقه الوصل بينا وبين تنفيذ مخططاتنا يعني اذا انفاس بتسوي شي بأبطالنا مو زين... نبيتس تبردين حرتنا فيها >>ههههه وين بتروحين منا ياأنفاس مسكناتس مع يديتس الي توجعتس .. أنفاااااااس كل الحب اهديه لك وماأنسى بنت الخاله الغاليه ... |
احلى صباح الى احلى نفوسه
القصه روعه والاحداث في تسلسل مشوق ومحير بالذات ماجد لما شاف دلال حس بالغضب مع ان كنا متوقعين يفرح او يتفاجا وبالنسبه الى سعود ويش في مخه الاخ كل هدا علشان دانا ماقالت حبيبي وبالنسبه الى بطلنا الله يرجعه بالسلامه وتفرح برجعته جواهر واشتقنا الى عزوز وفرفشة نوره |
بما أني مسكينة وماعندي الـ100 مشاركة المقدسة
فاسمحوا لي أهني حبايبي هنا أم لولو العامرية ، مذهلة الخليج ألف ألف ألف مبروووووووووك والله أقل من حقكم وتستاهلون والله الأشراف ومع الاشراف يأتي التكليف والمسؤولية وأنا متأكدة أنكم قدها وقدود مبسوووووطة لكم هوايا <== تأثير العراق بعده ماكن |
مساءات البهجة.. مساءات الحب.. مساءات المتعة
مساءات التواصل.. مساءات مشاعركم الدافئة مساءات بعد الغياب البارت اللي فات سبب غضب ماجد أبسط وأعمق من كل ما توقعتموه وكله كوم وتوقع أنه اللي يكون شافها عند نجلاء هي دلال كوم وكالعادة من بدأت بهذا التوقع ونشرته ماعليها شرهه بتوقعاتها الفشنك المعتادة بس ياحبي لها ورب الكعبة هي وتوقعاتها المختلفة مثلها يعني يابنات ماجد شاف وحدة عند أخته وعجبته.. أكيد سأل أخته عن اسمها.. يعني هو بيقول أنها جواهر من عند مخه!!! أنا متاكدة أن إبتسامة شفافة ستعلو جميع شفاهكم بعد أن تقرؤوا السطر الذي يلي الجملة اللي قفلنا عليها المرة اللي فاتت لبساطة سبب الغضب وعذوبته وعمقه ورقته " ماجد أول ماشاف دلال.. أنصدم واجتاحه شعور غريب الغضب كان إحساس متعاظم من الغضب يجتاحه وبعنف.. ............................... <== السطر المقصود" سعود وين بيروح بتعرفون بس مو في بارت اليوم؟؟ بأوديه مكان مايخطر على بالكم وخل الأذوة اللي حرقتني بالتلفونات عشان سعودوه أبو فيكسار ذهبي تحترق شوي والله لو أدري كان خليت سيارته عراوي كحلية!!! خالد ومشاعره الجديدة ناحية الجازي ينتظرها أحداث ومشاعر عذبة ومختلفة بس مو قريب.. أنتظروا عليهم كم بارت بارت الليلة بارت ماجد ودلال هم أبطالنا الرئيسيين اليوم وبارت الليلة لن ينتهي بقفلة من قفلاتي المعتادة ولكنه سينتهي بما يشبه القفلة في موضعين الأول منهما سيكون مليء بالترقب الإنساني الجامح والثاني بالفضول الأنثوي المعتاد.. استلمو بارتات الليلة 74 75 قراءة ممتعة مقدما ولاحول ولا قوة إلا بالله . . . . . |
بعد الغياب/ الأجزاء 74، 75
الجزئين اليوم
إهداء لحبيبة الجماهير وحبيبتي زارا بما أنها قررت أن تفكر برفع العمر الافتراضي لأبطالها لتوصلهم لسن الأربعين بارت اليوم بارت المشاعر الاربعينية مشاعر ماجد بعد الغياب/ الجزء الرابع والسبعون #أنفاس_قطر# ماجد أول ماشاف دلال.. أنصدم واجتاحه شعور غريب الغضب كان إحساس متعاظم من الغضب يجتاحه وبعنف.. كان غضب عنيف على زوجها الراحل.. اللي تجرأ ومد يده على ملاك مثلها.. كانت دلال قدامه في فستانها الأبيض أشبه بملاك تنقصه الأجنحة ليطير.. شافت ماجد واقف مذهول.. ماعرفت أيش تسوي فوقفت هي بعد.. ومشاعر ماجد تتلون وتتغير من الغضب إلى الاعجاب إلى الانبهار.. صحيح أنه أنبهر بجواهر لما شافها.. وصحيح إنه جواهر أجمل من دلال بكثير.. لكن إحساسه بدلال كان مختلف.. أعمق وأجمل وأروع.. وأكثر عذوبة.. دلال حلاله وملكه.. له هو.. كانت دلال تقف بفستانها الأبيض الشيفون المتسع على الطريقة الرومانية.. كتف عاري وكتف مغطى.. وناحية الكتف المغطى الفستان يكون أقصر من ناحية وحدة.. فساق مغطاة وساق مكشوفة.. وتسريحة شعرها الكستنائي هي التسريحة الرومانية المرفوعة اللي تنزل منها خصل لوبية بدون ترتيب.. مكياجها كان ناعم جدا وخفيف.. لأنها تركيبة وجهها وبشرتها لا تحتمل ولا تحتاج الكثير من الألوان الميزة الأبرز في دلال.. واللي تجذب النظر فورا.. بياض لون بشرتها الناصع وصفاءها.. كانت بشرتها اشبه ببشرة طفل في إشراقها ونقاءها وروحها.. كان لها جاذبيتها الخاصة جدا.. وجمالها الناعم.. ماجد قرب منها برقة.. شعر بتوترها وارتعاشها.. طبع قبلة حانية على جبينها.. وقال لها بحنان عشان يكسر حاجز الخوف والتوتر عندها: تحبين أوريج البيت تشوفينه.. دلال بخجل كبير: براحتك.. ماجد بمودة مسك كفها المرتعشة بحنان وقال لها: تعالي معي... وأي شيء تحبين تغيرينه في البيت براحتج.. أنا حاضر.. وأنا عارف أنه أكيد محتاج تغييرات كثيرة ماجد لف فيها البيت من تحت.. فرجها على الصالات والمطبخ..ومجالس الاستقبال.. ويده بيدها اللي ماوقفت عن الارتعاش.. وعقب طلع بها فوق وهي توترها يتزايد.. البيت كان واسع.. فوق مستخدم غرفة واحدة لماجد بس.. غرفة واسعة في طرفها جلسة صغيرة للتلفزيون.. تحمل ذوق رجالي واضح.. تشبه المكاتب في طريقة ترتيبها.. فخمة بس جامدة.. دلال لما دخلت غرفة ماجد حست قلبها بيوقف من التوتر والخجل.. ماجد بمودة: نجلاء رتبت كل ملابسج في الدواليب.. دلال ماردت.. ماجد بهدوء وهو مقرر مايستعجلها في شيء لأنه لاحظ خجلها الغير طبيعي: لو تحبين تبدلين... فيه غرفة تبديل ملحقة بالحمام.. ولو تحبين أطلع من الغرفة لين تبدلين.. طلعت.. دلال واقفة ساكتة تفرك إيديها بتوتر.. ماجد تنهد وتوجه للدولاب.. خذ له بيجامة جديدة من البيجامات اللي جابتهم نجلاء له.. مع أنه عمره ماتعود ينام ببيجامة.. كان ينام بالسروال/ البنطلون الأبيض بدون فانيلة حتى.. كان عايش حياته بطريقته الحرة الخاصة.. وجه كلامه لدلال برقة: أنا بأطلع أبدل في غرفة برا.. وأنتي بدلي براحتج ... ****************** محمد وخالد طالعين من المستشفى.. بعد ما أصر محمد أنهم يصورون يد خالد.. خالد بيموت في ثيابه من الحرج ( تقول الجازي دعلة.. والله مافيه دعلة غيرك ياخالد.. خليت الجويزي البزر تلعب بحسبتك.. وتفشلك في الرياجيل) محمد باستغراب وهم في السيارة: يدك سليمة.. بس يمكن على قولة الدكتور شد عضلي.. لا تنسى تستخدم الكريم اللي هو عطاك.. خالد بحرج وهو يشغل السيارة: إن شاء الله.. ان شاء الله... محمد بمودة: خلاص وصلني للبيت وعقب روح لبيتكم خالد حاس إن انفعاله اللي كان فعلا غير طبيعي وحتى هو مستغرب منه كان يمنعه من الرجعه لبيت عمه مكان إحساسه الجديد بالجازي فقال: أنا تعبان.. يدي توجعني .. خل نروح بيتنا .. واخلي السواق يوصلك.. *********************** عبدالله وجواهر الليلة الاولى لكل منهما بعيد عن الآخر بعد حوالي شهر من انصهار وذوبان كل منهما في الآخر روحيا وجسديا.. النوم يبدو حلما بعيدا بعيد المنال.. الافتقاد الموجع يحز في خلايا كل منهما.. كان عبدالله يغفو لثواني لتعبه الشديد.. ولكنه كان يصحو من نومه بإنفعال وهو يتحسس ذراعه بحثا عن جواهر التي أعتاد كلما صحا أن يداعبها بلمسة شفافة من أنامله الحانية أو قبلة دافئة من شفتيه الوالهه.. حتى وإن كانت هي نائمة على ذراعه كالعادة... جواهر لم تنم مطلقا.. وهي جالسة على السرير تضم ركبتيها لصدرها.. وتحتضن بحنان فانيلة عبدالله التي خلعها اليوم قبل استحمامه.. الملابس التي كانت تلاصق صدره وتشربت بعصارة جسده ورائحته العذبة.. لطالما كانت جواهر هكذا.. حاسة الشم عندها هي الأكثر حضورا.. والاكثر وجعا.. من افتقادها الموجع لأولادها.. حتى اشتياقها المبرح لعبدالله.. كانت تستنشق ملابس عبدالله بعمق.. ورائحته الرجولية العميقة الخاصة تعبق منها بتركيز مؤلم.. ولكن حتى متى ستحتفظ ملابس عبدالله برائحته؟؟!!!! ****************** ماجد رجع لغرفته.. لقى دلال مابعد طلعت من الحمام.. دلال خذت لها شاور.. ولأنها مستحية تطلع بالروب والفوطة.. تأخرت وهي تستشور شعرها عشان ماتطلع وهو مبلول ثم لبست لها بيجامة حرير بيضاء كمها طويل.. ماجد كان قاعد على السرير وعلبة الدبلة في يده.. أول ماطلعت دلال.. وقف ماجد وهو يستمتع بمنظرها الشفاف.. قال لها برقة: تعالي دلال.. قربت منه بخجل.. ماجد فتح العلبة وطلع منها الدبلة.. وقال لها بنفس الرقة: عطيني يدج اليسار.. دلال مدت يدها له وهي بتموت من خجلها ماجد لبسها الدبلة بحنان.. ثم رفع يدها وطبع عليها قبلة دافئة.. ثم فتح كفها وطبع في باطنها قبلة أعمق وأدفأ.. ثم سحب كفها وقبل داخل معصمها قبلة أعمق.. وكان يبي يتعمق أكثر.. لولا أن دلال سحبت يدها بقوة وبتوتر.. وابتعدت خطوتين وهي تحس قلبها بيتوقف من الانفعال والخجل.. ماجد توتر من ردة فعلها اللي حس إنها مبالغ فيها شوي.. تراجع وجلس على السرير.. وبعد دقيقة صمت ماجد جالس على السرير.. ودلال واقفة حاضنة نفسها وترتعش.. قطع ماجد الصمت وهو يقول بعمق: انا اعرف ان زوجج الاول الله يرحمه كان تعامله قاسي جدا معاج بس أنا غير عنه.. واللي اتمناه منج واحنا في بداية حياتنا سوا أنج تحاولين تنسين زوجج الاول وتصرفاته معاج عشان نبدأ حياة جديدة أنتي تحكمين علي فيها من خلال تصرفاتي انا موب من خلال تصرفاته الله يرحمه سكت شوي وعقب كمل بنفس النبرة العميقة: مافيه داعي لكل هذي الحدة والخجل.. خلينا نتعرف على بعض بدون حواجز وتأكدي أني ماراح استعجلج على شيء دلال ظلت واقفة في نفس مكانها ساكتة.. ماجد وقف.. مسك يد دلال بحنان.. ثم جلسها جنبه على السرير.. دلال بنفس توترها وخجلها اللي بدأ يعصب بماجد.. لكن ماجد قرر انه يتمالك نفسه للآخر وقال لها برقة: حبيبتي دلال أنا غير والله غير ومع العشرة بتكتشفين بنفسج.. ماجد قال كلمته ومد يده يبي يحضنها.. لكنه فوجئ بدلال تتراجع بعنف وتنخرط في بكاء هستيري.. ماجد نط واقف من الرعب.. (ماسويت شيء عشان تبكي كذا.. كنت أبي أحضنها بس وش أقول؟؟ أبي أدعي عليه بس ما أقدر بأقول الله يجازيه باللي يستحقه شكله مرعبها من كل ملامسة المتوحش) ماجد حس بغضبه على زوج دلال المرحوم يتزايد ويتزايد لدرجة الاختناق.. فقرر يطلع للبلكونة يأخذ نفس.. طلع ماجد لبلكونة الغرفة.. وترك دلال اللي كانت منهارة من البكاء.. ماجد حاس بنار تحرقه وهو يتخيل زوج دلال كان يعاشرها بوحشية.. عشان كذا هي مرعوبة من ماجد ومن كل لمسة منه ********************* سعود ماقدر ينام.. يفكر في بكرة وأشلون يوصل الخبر لدانة.. ولأمه.. أحيانا يشعر انه استعجل في قراره.. لكن الأحيان الأكثر تؤكد له إن قراره صائب لأنه خلاص قدرته على الاحتمال انتهت.. والابتعاد عن دانة والشوق لها واللهفة عليها أهون من قربها واستجداء كلمة حب لا تشعر بها منها *************** عبدالله في غرفته بالفندق.. ماقدر ينام عدل.. أندق عليه الباب دقات خافتة.. عبدالله نط واقف وطل مع العين السحرية للباب كان فاضل واقف على الباب بتحفز فتح عبدالله الباب وهو يقول بود: هلا فاضل.. فاضل بهدوء: صحيتك؟؟ عبدالله: لا والله انا مانمت اصلا.. فاضل بثقة: زين هيج.. ألبس بسرعة.. خلينا ننزل عبدالله باستغراب: وين؟؟ فاضل بنفس الثقة: نجيب اللي انته جاي للعراق على موده.. #أنفاس_قطر# بعد الغياب/ الجزء الخامس والسبعين #أنفاس_قطر# عبدالله باستغراب: وين؟؟ فاضل بنفس الثقة: نجيب اللي انته جاي للعراق على موده.. عبدالله بفرح مخلوط بالاستغراب: بهالسرعة؟؟ فاضل بثقته المعتادة: لا تؤجل عمل اليوم إلى الغد.. واللي خاطفين نسيبك شوية اطفال معاهم سلاح ويريدون فلوس.. ماخذوا في إيدي شوية.. وعقب كمل فاضل باستفسار: الفلوس وياك؟؟ عبدالله يفتح الخزنة اللي في غرفته ويطلع منها الفلوس.. فاضل يقول له بود: جيب نص المبلغ بس.. خليناهم يسوون دسكاونت.. عبدالله بإعجاب: والله ماوفاك راوي حقك.. خلاص النص الثاني لك.. والله العظيم ماتقول شيء.. فاضل باستنكار وغضب: أنته تريد تهينني بوعبدالعزيز؟؟ عبدالله باحترام: محشوم يافاضل.. هذا حقك والحق حق.. ******************* ماجد رجع للغرفة بعد ماهدأ شوي الغضب هدأ لكن الحرقة في قلبه كانت تتعمق.. كانت دلال هي الأخرى هدت.. وتجلس في نفس مكانها على السرير بصمت.. ماجد فضل أنه مايرجع لها.. لأنه صار يخاف من ردات فعلها توجه لجلسة التلفزيون وجلس هناك بصمت... مضى وقت طويل.. والصمت سيد الموقف.. بعدين قرر ماجد يتمدد على الكنبة .. عشان يعطيها فرصة لو كانت تبي تنام.. مر وقت أطول لين قررت دلال تتمدد على السرير ويغلبها النعاس وتنام.. في الوقت اللي ماجد مانام نهائيا لحد أذان الفجر.. لما اذن الفجر قام يتوضأ كانت أنوار الغرفة كلها مضاءة.. قرر يطفيء بعضها ويترك بعضها لأنه خاف أنها يمكن تكون تخاف من الظلام.. (شيدريني بعد؟) قرب منها بشويش (خلني أمتع عيوني بطلتها.. قبل تصحى وتتخرع مني) (يا سبحان الخالق ملاك نايم.. الله يجازيه زوجها الأولي لولا فعايله فيها وإلا كان الحين نايمة بحضني) ماجد كان يبي يروح للمسجد.. لكنه خاف يخليها في البيت بروحها.. لأنه حتى خدامة مامعها في البيت.. هو يعرف أنها عندها خدامة في بيتها.. بكرة بيجيبها.. عشان ماينشغل باله عليها لما يطلع.. قرر يصلي في البيت.. مع أنه ماتعود يفوت الصلاة مع الجماعة وهو صاحي.. لما خلص صلاة.. رجع على دلال.. صحاها بدون مايقرب منها بصوت هادئ: دلال.. دلال قومي صلي الفجر.. دلال فتحت عينها بشويش.. وهي تشوف ماجد واقف بعيد ببيجامته الرمادية.. وشعور غريب دافئ يجتاحها.. كانت هي أول أيام زواجها بزوجها الراحل.. هي اللي تصحيه للصلاة.. لكن رده الدائم عليها كان كفين معتبرين يلونون في خدها الأبيض لثاني يوم.. بعدها توقفت عن إيقاظه للصلاة.. في محاولة لتلافي أن تبدأ يومها بالضرب.. حتى لا يترك ضربه لها في وجهها علامات وهي متوجهة لعملها في المدرسة.. (دلال مدرسة كيمياء في مدرسة ثانوية) دلال تصبرت طويلا على زوجها على أمل إصلاحه.. وعندما يأست كانت على وشك طلب الطلاق.. لولا أن والدها توفي بعد زواجها بسنة.. وبعدها بدأ زوجها بتهديدها.. أنه سيشوه سمعتها بل وحتى سمعة والدها الراحل.. إذا هي طلبت الطلاق منه.. ولأنها تعرف دناءته وحقارته.. قررت الصبر من أجل ذكرى والدها وخصوصا أنه لا سند لها.. وأن تحتسب عذابها معه عند الله سبحانه لأنها أعتبرت أنه هذا الزوج ليس أكثر من ابتلاء في الدنيا.. فهل يكون ماجد هو مكافأة الله لها على صبرها؟!! دلال ردت برقة: إن شاء الله.. بأقوم الحين.. خلصت دلال صلاتها ورجعت تتمدد على السرير.. وماجد متمدد على الكنبة يتقلب.. بعد دقايق ماجد نط قاعد.. وهو يوجهه كلامه لدلال: لو ماعندج مانع أبي أفسخ القميص أنا ما أقدر أنام كذا.. ولو بيضايقج بأروح أنام في غرفة ثانية.. دلال خافت يخليها بروحها في البيت الغريب عليها.. فقالت له بخجل: على راحتك.. ماجد خلع قميصه ورجع يتمدد ********************* عبدالله وفاضل في مكان التسليم الوقت قبل الفجر بساعة حسب توقيت بغداد.. والمكان غرب بغداد.. طريق زراعي مهجور بالقرب من الرضوانية.. كانت سيارات الخاطفين الثنتين واقفة على جنب الطريق.. سيارة صغيرة.. وسيارة ميكروباص.. وسيارة فاضل تجاوزت سيارتهم بشوي.. ووقفت.. فاضل طلب من عبدالله ماينزل من السيارة نهائيا.. لحد مايخلص إجراءات التسليم والاستلام ويجيب المخطوفين الثنين ويركبهم السيارة من ورا.. بدون ماينزل عبدالله.. اللي المفروض مايظهر في الصورة مطلقا وقفا لمخطط فاضل.. ********************** دلال صحت بدري من النوم.. الغرفة أصبحت تقريبا مضيئة تماما.. مع نور الشمس المتسلل عبر الشبابيك التي لم تُغلق ستائرها البارحة.. دلال قامت تتسحب ناحية ماجد تشوفه صاحي أو نايم.. صدمها بعنف مظهر جسده العاري.. فرق شاسع بين بنية ماجد الرياضية (وهو اللي أهلكه عبدالله بالركض خلفه على الكورنيش وبين نوادي رفع الأثقال طوال السنوات الخمس السابقة بعد عودة عبدالله من أمريكا) وبين جسد الراحل الذي عبث الشراب بصحته وكان يعاني هزالا جعل عظامه تكاد تمزق جلده من نحوله.. تراجعت بذات عنف صدمتها.. وهي تشعر بإنفعال بالغ بعثه فيها منظر ماجد الرجولي الغريب عليها.. غسلت وبدلت.. وقررت تنزل تتمشى في البيت.. وتسوي لماجد فطور قبل يصحى.. وتتلهى عن المنظر اللي بدت فيه صباحها.. دلال نهائي ماعجبها ترتيب أغراض المطبخ ولا نظافته.. لقت لها مريلة جديدة.. لبستها وبدت تنظف.. وتعيد ترتيب الأغراض وتشوف شنو اللي ناقص وتسجله في ورقه قضت ساعات وهي تشتغل.. كانت منهمكة في الشغل لدرجة أنها ما انتبهت للظل الطويل المنعكس على بلاط المطبخ.. للشخص اللي كان متسند على جانب الباب وله دقايق يراقبها بابتسامة واسعة.. قاطع انهماكها صوت مرح يقول: فيه عروس تبدأ صباحيتها بأشغال شاقة مثل هذي.. دلال ارتبكت.. توجهت للمغسلة وغسلت يدها عدل.. ونشفتها وخلعت المريلة بارتباك وهي تقول: صحيت بدري وحبيت أتسلى.. ونزلت عينها بخجل بالغ وهي تشوف أن ماجد لابس قميص البيجامة بدون مايسكر إزراره.. ماجد كان باله مشغول بطلتها الناعمة ..تنورتها القصيرة لتحت الركبة بشوي والواسعة باللونين الليموني والأخضر.. وبلوزتها الهاي نك الليمونية بدون أكمام.. ماجد قرب منها ومسك يدها برقة وطبع عليها قبلة دافئة وهو يقول: الإيدين الحلوة هذي تنخدم ماتخدم.. دلال انتزعت يدها من يده..و تراجعت بحدة لكن الحائط خلفها حجزها وثبتها.. في الوقت اللي ماجد تقدم منها وهو يسند يديه على الحائط ويحبسها في الفراغ الضيق بين ذراعيه.. #أنفاس_قطر# . . . . . . . . |
واااااااااااااي قلبي قلبي.. ياا حظي الجزئين هديه لي... والله ماا اقصرتي ياا حبيبة الجمااهير الثاانيه طبعا المرتبه الاولى بلالا مناازع انااا ومعي بعد وحده مكرر بس ماراح اقوول من هي.. هخهخهخه
خلااص انفااس اليووم انا مساامحتس على السخريه اللي سخرتيها من تووقعاااتي المثيره.. هع هع هع.. والله عرفتي لي نفووسه.. بس الخطه الجااايه. بنت خالتس هالاذووووه هذي .. بنحطها قدام الفيكساار ونخرعهاا اننا ندوووسهاا فيه.. و تصيير القصه اكشن على اصووووووله.. هع هع هع.. نفووووووسه الف شكر على الهديه. من ايد مانعدمهاااااااااااااااش.. لي عوده بالرد اذا الله احياني..ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ السلااااااااام عليكم... عـــــــــو دنــــــــاااا ــــ رديــــناااااااااا ـــ جــــيــــناااااا وهـ بس ياا نفووسه.. ليش هالوقفه عاد.. تدرين احس اني على غيم.. وشلوون والله مدري. بس احس لوو اوقف طحت.. هع هع هع.. اووول شي .. الف شكر نفووسه على الاهدااااااااء من كريم لمستحق.. هخهخهه وتعيشي وتهديني اقين واقين واقيين.. هع وثاني شي.. تدرين اني متحسفه اني ماالهطت مااجد وصادرته من اووول ماشفته..؟؟ ههههههههه والا انتي مااقصرتي قلتي بتبهرينه وتسووين عليها تعديلات بس مااتوقعت هالتعديلات تاااصل لهالصووره.. اقوول نفووسه فيه امكاانيه ارجع بقرااري واصاادره جنبا لجنب مع سعود.. ؟؟؟ هع هع هع.. والله مهوووب سهل هالمااجد.. لاااا والاخس من هذاا .. انه يسووي حركات لهالمكسينه اللي مااا عاشت مثل خلق الله دلال.. وبعدين فيه فااارق السن هذاا مهووب سهل بينهم.. ماا ادري احس دلال يمكن بالكثير عمرها 27. يعني اتوقع بينه تقريبا 15 سنه.. ومن حركات دلال وخوفها من ماجد.. اتوقع ياا انها خااايفه من عنف يمكن يسوويه ماجد عليها... اوو انها اصلاا خااايفه انه يكتشف انها بنت وان زوجها السكير ماا عمره لمسها.. ؟؟؟ يعني هي توترها كله متعلق بزوجها الاول الله لاا يرده ولاايرحمه.. مهبّل بالمسكينه ومخليها تشووف كل الرجال سوا.. بس تفكيرها بان الله عوض عليها بماجد هذا صراحه نقطه حلووه لها.. اتمنى انها تقدر تتاقلم مع ماجد وتعيش معه برااحه.. ومن اللي شفته اليووم مو بس بتعيش برااحه الا بتعيش بجنة الله على ارضه.. هخهخهخهه بس صراحه ماجد قهرني اوول مااشافها مااخطر على باله الا زوجها اللي قبل وكيف كان يتعامل معها.. والله توقعت انه بدأ يغار.. بس كلام ماجد لدلال صحيح لاازم تنسى زوجها الاول وعماايله.. اصلاا مالت عليها وش تبي تذكره له.. من زين سواياه..؟؟ انسيه وانسي اياامه .. انتي مقبله على اياام بتغرقين فيها بالعسل ياا الدبيه.. عبوود وجوجو : والله رحمتكم وحسيت ببعد كل واحد منهم وشووقه للثاني.. الله يردكم لبعض ياارب.. واتمنى ان مهمتك ياا عبود تنتهي على خير.. وبدوووووووووووون مشاكل خااطري نعيش مرره بهالقصه بدون ما نكون بحالة ترقب.. ياخوفي وانت قاعد بروحك يجي احد ويخطفك انت والسياره.. وهذيك السعاده نكون بثنين بدل واحد.. وتجي جواهر شخصياا عشان تنقذكم.. هخهخهخهخه.. يله الله يردكم بالسلاامه ياارب. والله الدووحه مو حلووه بدوونكم لاا انت ولاا عبد العزيز الخال؟؟؟ خالد والجازي : هههههههه.. والله لعبت فيك الدعله ياا الدعله... هههههه. تستااهل هذي البزر اللي انت حااقرها خلتك ماعاد تعرف رااسك من رجليك.. بس صرااحه شكلك وانت شاايل يدك وكل شووي ماسكها.. والا والدكتور الاهبل اللي يقوول يمكن شد.. وربي يمووت ضحك..هههههههههههه شوف ياا خلود اللي اتوقع انك بتصير تتحين الفرص عشان تشووف الجازي . ويمكن يغير تعاملك معها من الاحتقاار والتسفيه لشي ثاني.. هخهخهخه سعود : لاااا .. مهيب الهقووه فيك ياا ابو سعيد.. تترك البلد والديره عشان داانوه مااتقوول انها تحبك.... حبتها القراده ياارب.. عنها ماا حبتك ياا شيخ... سعود وين قووتك ؟؟ وين شدتك وصلابتك؟؟ وين بتساافر؟ هخهخهه لاايكون بتروح مع جيوش الامم المتحده مدري وين؟ ياا الصومال والا افغانستان.. هع هع>> ادري فشنك مايحتااج تفضحيني عند الله وخلقه.. بيدي لاا بيد انفااس.. هع هع هع.. صدق سعود وين بتروح؟؟؟ شكلك بتروح بقلعة وادرين دامه مكان مو متوقعينه؟؟؟ والا بتصير في السلك الدبلوماسي العسكري؟؟ وبيصير شغلك بسفارة قطر باي دوله اجنبيه بالجناح العسكري؟؟؟؟؟؟؟؟ نفووسه تسلم ايدتس ويسلم رااستس ابوو الافكاااار.. بس تكفين سعود تراه يتيم ارحميه .. وارحميني معه .. وبنت خالتس لاا ترحمينها .... وعلى فكره المقدم سعوود يجنن بكل حلاااااته ان كان راكب فيكسار والا عراوي كحلي.. والا بعد حنطووور.. الرجال مخاابر مهووب سيارات.. هع هع هع.. نستنى الجاي بكل شوووق.. ومشكووره مرره ثانيه على الاهدااء يااعسل.. |
يسلمووووووووووووووووو يا قمر يا حلو ما شاء الله عليكي اللهم لا حسد شو هاد بجنننننننووووووو البارتات حبي الله يخليكي دير بالك ع عبود حاسه رح تعملي فيه اشي بليززززززز طلبتك ما ترديني بليززززز الله يحميكي ويوفقك ويزيدك كمان وكمان يا رب الله يحفظك لا اطولي علينا بروح من الجامه فورا بفتح اللاب توب عشان اشوف ازا نزلتي او لا وبضل حاطه ع الصفحه لحتى اتنزلي وهاي انا اول وحده رديت عليكي بشوفك يا قمر
|
السلام عليكم ورحمة الله وبركاته
الله يهديج انفاس غرب بغداد وطريق الرضوانية بس ميخالف فاضل سبع (كلمة عراقية تقال للرجل الشحاع ) اجدتي وصف الخطافين فعلا من يقوم بالاختطاف حاليا شلة مراهقين اما افسدهم الدلال او افسدهم الفقر تدرين ليش فاضل خايف على عبدالله ينزل لان من ينزل يحسون لهجة مغايرة وعندها فاضل بدل ميصير بثنين يصير بثلاثة اتمنى عبداللع مينزل انفاس رحمينا تقطعت انفاسنا من كثر هلعنا على عبدالله وما أدري من وين تندلين هاي الاماكن حواري بغداد الفقيرة وطريق الرضوانية وهذا اني شايفته وماشية بيه والسماء والطارق أيام زمان بس على حد علمي مثل هيج مناطق كانت مركز توتر سابقا لاتخلو من دورية شرطة او جيش فيها والله اليستر مو من الخاطفين لا والله من انفاس قطر شوفي انفاس اليوم اني نواية على دلال مو يقولون الجواب يبان من عنوانة هذا بدل متحمد ربها وتشكره وتخدم هذا الرجال بعيونه تقعد تتنافض يمعود هو لو يريد يضربج كان من زمان ضربج بس ماجد رجل يقدر المراءة وهذا المفروض تحسي بغيرزتك الانثوية الله يهديك ويهدي دانة على سعود انفاس اليوم عتبانة عليك الاجزاء جد قصيرة ونحن تعودنا >>ناس متنطي وجه على اجزاء اطول ونتمنى تكون بعد اطوال انتي ظاهرة في عالم الكتابة النتية لاتكرر ابدا ولامثيل لها مطلقا لذا تجدينا متشوقين جدا جدا جدا لك اعذري عتبي والف الف مبروك الهدية ابنتي النتية زارااااااا تستاهلين عزيزتي |
بارتات قمة بالرومانسية الرااااااااااااااااااااائعة
مذهلة الى حد جعلت حواسي مشدوهة من شدة جمالها.. لديك اسلوب راقي بالكتابه.. تخطفين عقولنا بجمال حرفك.. تآسرين قلوبنا بجمال بوحك.. انت رااااااااااااااائعة ياعزيزتي.. عنوانك الابداع دوما.. بارككــ الله عزيزتي.. وحفظك من كل شر.. ودمت برعاية الله.. أحبك في الله.. |
هلا وغلا بااحلى انفاس ومشكورة على البارتين الحلوين
ومبروك يازارا على الهديه والمكافأة الحلوة من انفاس عشان توقعاتك الحلوة .تستاهلين يازارااحس هالبارتين مافيهم احداث كثيرة بس اللي ضحكني السبب اللي خلى ماجد يغضب احنا فكرنا شي والسبب طلع زوج دلال لاتخاف ياماجد بنساعدك في الدعاوي على زوج دلال السكير عساه يحترق في نار جهنم الحمراء .ودلال مسكينه متعقده من الزواج بالقوة وماتنلام المسكينه بس ان شاء الله ماجد يعوضها عن كل اللي راح .وانت ياماجد خلك هادي وتحكم في اعصابك قدامها وشوي شوي بتتعود عليك وانت قدها يابو فيصل . عبدالله احس ان بتصير بينه وبين الخاطفين مواجهات ويمكن يصيبه طلق ناري . اتمنى هالتوقع يطلع فشنك ويرجع عبدالله وعبدالعزيز بالسلامه لقطر وحق جواهر اللي تنتظرهم بكل شوق. سعود وش وراك يمكن بتنقل شغلك لمنطقه ثانيه ولا بتسافر عشان تبتعد عن دانه بس اتحداك انك تنسى دانه مهما سافرت او ابتعدت إلا بيزيد شوقك لها اكثر واكثر احنا ننتظر انفاس عشان تقولنا وش بتسوي فيك. انفاس جنك نسيتي سالم ومنيرة وينهم لاحس ولا خبر .وفايز الزفت مع هندوه اخته انتهى دورهم والا بيرجعون .تسلم اناملك الذهبيه واستنى الحداث الجايه على نار. وجه الصباح |
يسلموووو...سلام يملآ الانفاس.. واخيرا تكلمت دلولي...وماجد ...ياعيني عليه... عبدالله ...لايصيرله شيييي..انتبهي.. خويلد..وقعت وماحدش سمـ عليك.. ننتظر...انفاسك الجديده... |
بسم الله الرحمن الرحيم اهلين بانفاس الابداع البارت منور بماجد ورقه ماجد واحساس ماجد والله حلوو الدلع من ماجد بس شكله ناوي على دلال لا وكل شي ولا خلووووووود عذاب كيف لو مسكت ايدها الخوف يدخلوك العنايه وعبدالله الله يرجعك سالم لجواهر ومعاك عبد العزيز وسعود الحب مو بلكلام الحب بلفعل خلك من لافكار والوساوس البارت حلوو بس قصير عاد لا تكوني بخيله نفوسه تعمقي اكثر وشوقينا اكثر ومشكوره على هلابداع الاكثر من رائع ترى العايله كلها جانه على هلقصه الرائعه بعد ماسويت اعلانات كاني احرج على بضاعه .... والسوالف كلها عن جواهر وعبدالله ودانه وسعود ويش فيه وخالد وعبدالعزيز الصغير بحب ديمه لو لا يالله الله يعينا على الاحداث الجايه وتسلمي حبيبتي |
اقتباس:
ابلااااااااا اراااااااده .. وش يعني هالكلااااااااااااااااااااام؟؟؟؟؟؟؟؟؟ نوريناا الله ينووور عليتس.... |
تسلمييييييييين نفووووووووسهـ على الباارت
دلال وردت فعلهااا مع ماجد مبالغ فيهاا شوي راح تخف بعد ماتشوف تعامل ماجد معهاا جووووووووواهر ياعمري وانتي منتقله من لبس لبس من لبس عيالها لبس عبدالله هع هع خالد هذي عقوبتك في الجازي اخر شي اشعه ومستشفى وانت طيب اليووووووم مافي شي عن سالم ومنيره ولا سعوووووود ودانهـ جـــــ,ـــــ,ـــــودي |
غرب بغداد طريق الرضوانية
هذا الله يسلمك واحد من مناطق التوتر الشديد اول السقوط سواء مواجهات بين الامريكان والمجاهدين او بين المليشيات المتنوعة سنية وشيعية او مكان قوي لتواجد الارهاب هو طريق يحوي على بعض القرى والمزراع الخاصة ويمكن للخاطفين الهروب عن طريقه الى طريق سريع يذهبون بعدها اما الى الرمادي او الى الحلة هذا الطريق حاليا حسب معلوماتي امان هل تعرفون لماذا لان بيت احدى قاريبات يمر بهذا الطريق ولكن الامر لايخلو من حادثة هنا وحادثة هناك والضاهر انفاس معتمدة على هذه الحوادث والمسكينة جواهر الضاهر ما مكتوب الها السعادة مع انفاس قطر >> انفاس ناوية عليج اتمنى وصلت الفكرة |
مساء الخير والرضا على احلى انفاس .. ماجد ياحبي لـ مشاعرك الصادقة والحساسة خليتنا نحوس ونضرب اخماس في اسداس من وراء غضبك وشلنا هم المسكينة دلال الي ما في احد مو متعاطف مع حالها و وضعها السابق والله خفنا انك تكمل عليها المنسكينه بس الحمد لله انها جات على كذا وغضبك كان عشانها مو منها دلال خجلها وتوترها فوق الحد الطبيعي حاسة وراها هالدلال قصة تنسج خلف كواليس خجلها بس ما راح اقول الي في بالي عشان ما اجيب العيد جواهر لام الله من لامك ياختي حاسة فيك وبشعورك الحزين يعني كويس الي ما دخلتي في دولابه والله غيبة ابو الشباب تخلي الدنيا باهتة بلا الوان كذا تحسي حياتك صايره رمااادي وما فيها اكشن مدري عن عبودك بيثبت في محلة والا بيخرب على فاضل مخططه .. ويزيد همك همين انفاس يعطيك العافية ودمت ِ بحفظ المولى .. |
ياهلا والله بي نفوسه والبااارت الجنااان الله يبااارك فيج يعسل يااانفوسه ويالله قريب بتوصلين 100 ونتبااادل الحوتيت خخخخخخخخ تسلمين ياااقلبي نفوسه من اول يوم في بغداد صااادتج ام احمد خخخخخخخخخخ الله يعنج على الجاااي اجل ههههه مجود بعد عمري 40 سنه ويوم يجي حللك يمك يصير فيك كذا الله يعين قلبك بس مو مشكله قريب انت بي افكرك العبقريه الي بجيب لك دلول بنفسه وحنا ننطر هاليوم صح نفوسه انا قلت ان مجود راح يكون تاثير صدمة اعجاااب مالي دخل>>>ابغي تعويض سلمة عبودي باذن الله هههههههههههههه خلود والله مت ضحك ههههههههههههههههههههههه يستاااهل اجل المستشفى هااااااااااااااااا شوفي نفوسه بنسبه لي كلامج عن عبود صحيح فاضل خله في السياااره بس انتي شريره واعرف انج مارح تخلينا في حااله وضامه له مصيبه وننطر المصيبه حقة عبود بس ان شاء الله ماتكون كايده ويويلج منه ترها عبودي رجاء يااانفوسه لاتسوين فيه شي اعتبري الى بتسوين فيه اذا انقذتيه ورجعتيه هديه بي مناسبة ترقياااتي الجديده>>خخخخخ مصدقة وننطر بكره بكل شوق مذهلة |
هلا نفوسه .....بارت يجنن خاصه مجود ودلول الله يوفقهم ويعوض دلال خير من زوجها الاول وان شاء الله تلقى السعاده مع ماجد....
وش فيه طريق الرضوانيه ..الله يهديتس ياانفاس مالقيت الاغرب بغداد ياقلبي عليتس ياجواهر .... الله يحفظك ياعبادي وياعزوز ويرجعكم سالمين والله اني على اعصابي اتخيلهم ماسكين عبادي قامت الافكار توديني وتجيبني ..تكفين انفاس رجعيهم واللي يرحم والديتس ويخليلتس جدتس وبنت خالتس..خخخخخخخخخخخخخ وكل من يعز عليتس..................... ان شاء الله اذا رجع عزوز وعبادي ابعطيكم اشتراك مجاني لايس كريم باسكن وانفاس اشتراك سنتين هههههه....لا وش سنتين مدى الحياة هههههههههههههههههههههههلانتس تستاهلين اكثر وسعود وين بطيرينه اذا كان خارج قطر جيبيه للسعوديه ههههههههههههههههه ..... مشكوره وربي يعطيتس الف الف عافيه على التزامتس بتنزيل البارتات ياليت الكاتبات ياخذونتس قدوه في التزامتس وفي كرمتس ..........ربي يوفقتس دنيا واخره .................. |
السلام عليكم
كيفك نفوسه؟ الله يعطيك العافيه عبدالله :: ياخوفي بدال ماتكون الرهينه واحد يصيرون اثنين دلال :: خجلها مو طبيعي على وحد ة مطلقه فاتوقع انها بكر وزجها المرحوم ما دخل عليها يمكن مريض يعاني من نقص في رجولته وكان يضربها يطلع حرته فيها في نفس الوقت ما طلقها حتى ما يبين عيبه عند الناس<<< شطحت صح ننتظرك بكرة باذن المولى لك حبي وتقديري |
نفوووووووووسة
مساء الحب و و الرومنسية مساء العود و و الاحلام الوردية مساء الغلا يا غناية مساء بكل لغات الورود الغاوية ربي يسعدس و يخليس لنا على البارتات الحلووووووووووة ما راح اطول عليك يا قمر نجي للشخصيات خويلد يا دب كل هذا مسكت شعر و صلتك للمستشفى انت لو ما سك يدها وش صار فيك خخخخخخخخخ حمووووووووود حمد لله على سلامتك من السبات الكابي الي كنت فيه يا اخوي خل ايمان بربك قزي و الي الله كاتبه لازم ان نرضى فيه دااااااااااااااانة حمد لله على سلامتك يا عسسسسسسل و ربي يعوضك عن الي راح احسن منه و يا عيوني ربي مو كاته لك في الدنيا لا ربي كاتبه لك في الاخر فاحتسبي و ربي يعوضك انتي و سعوووووووووود سعوووووود الله يصبر قلبك وش رايك زوزو تقولك احبك و يا يا حبيبي بعد تراها مزيونة و ما عليها كلامة كاملة و الكامل وجه و بعدين تعال وش هالمهمة الي انت خايفا و متردد انك تبلغ لدانة و الوالدة عنها وين راح تروح يا سعووور الله يستر هذا الي نقدر نقووولة عبود و جوجووووووو ربي يصبركم على البعاد و ربي اني احاتي عبود و عزوز بس علشان خاطر جوجو و من بعد كلام ابلة ارادة ما نقدر نقول غير الله يستر من الي جاي ما توقع نفوس ما ترجع عبود و عزوز لجوجو و نورة و الا ما كان رجعت عبود لجوجو من البداية و ما كن لها دعي الحرب الي قبل خخخخخخخخخ واثقة الاخت ديمة و عزوز : تصدق محد راح يكشف ديمة غيرك يا بطل و العلاقة بينكم احسها راح تاخذ مجرى جديد دلال : يا بنت وش فيك خليتالرجال يشك في نفسه الله يعينه بس اقولك دامك استخرتي و ارتحتي حاولي انك تسترخي و بلاش شد الاعصاب الي انتي فيه ارحمي نفسك و ارحمي الرجال الي راح يموت عليك ماااااااااااااجد على كل الي صار منك في البداية بس بصراحة رحمتك يا اخي الله يعينك شكل زوجها المرحوم مسوي لها فلم رعب من الي قلبك يحبها الي مخلي اببنت تتلفت وراها و هي تخطو اي خطوه تسويها بس ولا يهمك علاج دلال عند و هو الكلمة الطيبة و المعاملةالي اطيب و الكلام الرومنسي تسمع رومنسي و اذا تبغى دروس اسال عبدالله لم يجي بالسلامة من العراق ما شاء الله عليه ما شاء الله عليه هذا قاموس متحرك للكلام الرومنسي خخخخخخخ بس علشان ما تقولون عيني حارة نفووووووس البارتات مررررررة حلوووووة تسلم ايدينك يا قمرررررررررر و ربي يوفقك و ننتظر ك يا عسسسسسسسسسل |
مساكم خير ياوجيه الخير الطيبة
تأخرت في الرد لأني كنت مرابطة في بيت خالتي أبي جدتي تتعب تقوم ترقد.. مافيه.. أخبرها من عقب صلاة العشاء راقدة......الليلة مارقدت طرا عليها أيام الشباب والسهر عشان أنفاسوه تقعد تحرني وترقص لي في حواجبها وهي منسدحة في حضن جدتي آه يالقهر.. وأشلون أرقد الليلة وأنا مافشيت حرتي فيها.. لا وتبي تبعد سعود عني وملزمة بعد هي والخشة.. الأمورة زارا/ ظبية الشرقية أقول لها بكل الاحترام والود: قم بس قم أنتي ماعندج مانع تضمين عشرين واحد جنب سعود... بس أنا القلب مافيه غير واحد: سعود ثم سعود ثم سعود وانفاس قالت لي عنج.. وعن البنية الثانية اللي اسمها ونات قلب اللي صارت توشوش مثل سعود (فديت سعود ووشوشته) وقالت لي أنج صادرتيه وما أدري شنو.. وانا أقول لج أنتي وأنفاس اضربوا رووسكم ببعض موب شغلي اتفاقاتكم.. اتفقوا بعيد عن سعودي.... ودام ماجد عاجبج.. على روحج بالعافية هو وبهاراته <== زار /ظبية لا تزعلين مني.. ترى الخرطي هاهنا واااايد.. نعود للمهم .. والمهم عندي سعود.. لا وألف لا لمخططات أنفاس الشريرة لابعاد سعود عن أحضان بنت خالتها المسكينة تدرون بنات أني الحين شارطة على أنفاس مثل ماعلقتني في سعود.. تدور لي عريس اسمه سعود وسيارته فيكسار ذهبي.. وملازم ثاني في القوات المسلحة.. بس عقب الترقية غيرنا الشرط لنقيب... بس وين اللي مثل سعود وصار نقيب قبل الثلاثين... فديت سعود وتميز سعود ماجد يا حليلك ياشايب النخرة.. وإلا أنك فليتها... جدع يله.. وخروا عن دربه بس ذا الخطير.. عبدالله... وه ياقلبي.. من عبدالله وطارئ عبدالله... صدق إنه هو وجواهر عالم راقي بروحهم... فديت البق بوس تكفين نفوسة للمرة الألف.. رجعي عبدالله لجواهر.. خلود.. ياحليلك أنت ويدك.. باقي يحطونها في المتحف ويقولون هاهنا يد محنطة سنة الفين وحطبة.. دخلت التاريخ لأنها حضيت بتصوير اشعاعي خوفا من كسور حدثت جراء ملامستها لشعر الجازي خويلد والله أنك فلة.. بس تدري جعل الجويزي الزين فيك.. خلها تأخذ حق سعودي من أختك العلة.. وين سلوم ومناري؟؟ وراج وازتهم عنا ناطرينهم البارت الجاي لا تاخرينهم علينا ماشاء الله تبارك الله.. طالباتكم يا بنات ماتنسون تذكر ون الله على بعد روحي الغالية |
لااااااااااااااااااااااااااا نفووووووووووسه هيك قطعتي المشهد دايما بتخلصيالبارت بطريقه يعني بتخلينا متشوقين اكتر الله يسامحك حبيبتي لا طولي علينا يا قمر مستنيين عنار وبدنا نعرف كل اشي سكرتي عليه بغموض سعود وين بدو يسافر وشو صار اعبد اله وعبد العزيز واخيرا عصافير الكناري الحلوين مجود ودلال وشكرا يا عسل
|
مرحبا نفوووووووسها يابعد قلبي انتي والله غااااااااليه علي قلوبنا والله لايحرمنا ايااااك ياارب انتي وابداعااتك والله يباااااارك بعمرك يارب انجي البطاااااااااااااااال الباااااااااارت اليوم دلوله وماجد يااااااحبني لهم بس تدرين عاد انتي دوم غير ياانفاس اش هذه يااااااابنت انا اول مر اسمع ولا اشوف وحد يعصب من جماااااااااال ورقه ونعومه مفروض يفرح يصير من الفرحه نو زوجها الاول مات علشاان هو يتزوجها بس جد مر صدما علي قول ميثو اقتباس:
بس يارب يسعدهم يارب ويوفقهم سعووود ودنوووووووو شوفي هي من اول رفع ظغطي هذه البنت مرررررررر وتستاااهل مايجيها من عقااااااااااااب علشان تادب وتعرف كيف تطلع الكلام وتكون رومانسيه مو جلفها ماتعرف تكلم ولا كلمه ولا تعبر عن مشاعرهاا محمد وسالم الله يسعدك ياسالم انت وقلبك الطيب الحنون لي فيها من المشاعر والاخوه والايمان بقضاء الله وقدروه وخلي منيره تعرف قيمتك اكثررر خال طاح ومافي احد سما عليها بس متي الزواج يانفوسها الحيييييييييين جيناااااااااااااااااااااااااااااا عبدالله ياااااااااااااارب علي الرومانسيه اذا جءت علي كبر شينها ماهي حلو يعني الحين الجوال فيها قلب جواهر صدق انك استخفيت الحمدلله علي نعمة العقل ياااااااارب المهم حفظ علي نفسك علشنها و برغم بصراحه نفسي انك تنخطف وتكون جواهر حامل وتنقهر انت بزيده وماترجع الا بعد ماتجين نونو علشااااااان برد حرتي فيك بس عاد كذا بتموت نوره من الحر وجواهر انت واخوه عاد انت خليك ورجع عزوز جواهر يابعد قلبي لا تخاافين عليها هذه بسبع ارواح بيرجع وتلقينها ناط عندك علي السرير وفي حظنك ب سلا تحرين قلبك نفوس انا قرت اقرا اني مارح توقع اي توقع ليينك وبكل صارح كل ماتوقعنا شئ جتي بشي مختلف عن التوقعات علشان كذا لييييه ح نفسي وجلس افكر وانت بتقلين شي ثاني اييييييييه نفوس قول لبنت خالتك اذا لقت اوراق ترسل لي نسخها اخخخخخخخخخخخخخخ وبعدين تنسي سعود في حالها مو تاخذه من امنا الروم الا امنا تار نقوم حرب علشنها اخخخخخخخخخ ولك كل ودي واحترامي وتقدير |
أفا يالعامرية أفا ...........ماهقيتها منكم يا أهل ليلاس
حسستوني كأني مثل اليتيم على مائدة اللئام زارا لها لسان.......وأنا لي لسان وشكل كل وحدة منا لسانها يلوط أذانها.. يعني اطلعوا من بيننا.......... وبعدين ماراح يصير حرب ولا شيء احنا في زمن المفاوضات... أنا وزارا بنجلس على طاولة المفاوضات ونتناقش بكل شفافية ووضوح وستنتهي المناقشات بقرار بالإجماع سيكون على النحو التالي: سعود لبنت خالة أنفاس أولا وأخيرا... زارا لها اللي تبيه من الباقين تأخذهم كلهم عدا عبدالله.. لأن عبدالله لجواهر وبس تم بحمدالله وتوفيقه ايه نسيت... العامرية الأوراق مشي بوزج منها... يعني واقفة مع زارا ضدي وتبين الاوراق.. البارتات مالقيتهم لروحي عشان أسربهم لاي أحد <=== أنتوا مابعدكم تعرفوني.....فلا تزعلون مني... قلبي أبيضاني وهذرتي وااااااااايد.. وسعود حبيبي وبس |
هلا أنفاس وشلونتس وش أخبارتس؟
انقطع النت قبل أمس الله لايوفق العدو عاد جددنا اشتراكنا ودخلت بس أقولك النت محشش تخيلي أمس دخلت القصة وهو قاضي اشتراكنا ويوم جيت بدخل صفحة ثانية مير يفطن انه منقطع خخخخ أما ماجد عليه حركتات ما أدري وش تبي أجل يوم شافه حمق عشن رجله مدن يده عليه (رجله السابق)<<خافت يذبحه ماجد بس عاد تصدقين متوقعه انه بيصير شيء من هذا القبيل بس عاد ماتوقعت وشو بس انه شيء كذا<<شرح ولا بالمليون سعود أفا يا ريال تسافر عشان دانوه ماهقيناه منك يا أخي هي خبله تستحي ولا مسويه ثقل خخخخ خالد هههههههههههههههه الله لايفشلنا وش ذا ياخالد شد هاه والله لو يدري محمد ان يدفنك بمكانك والجازي وش شعوره لاتكون حاقده عليك مب بعيده.. عبدالله بسرعة رجعيه مع عزيز بدون أضرار لاتهور جواهر وتجي تنقذهم على قولة زارا.. أوه أشوف هنا مفاوضات ونزاعات على سعود تبون رأيي<<من زينتس أنتِ ورايتس أقول يازارا خوذي العلم مني قولي لبنت خالة أنفاس لتس سعود بس على شرط تسربين لنا الأوراق بعدين لاجابت الأوراق خوذي سعود منه<<اقطع أبو أبو النذالة >>ها وش رأيكم أعرف أفكر بعــــد أحسن من أنفاس>>والله من قله الله يستر لا أحد يحقد علي تراي عضوة مسالمة وأحبكم بس هالفكرة لمصلحة الجميع ومعكم علم مصلحة الجميع فوق مصلحة الفرد<<والله وغديت مثقفة هع هع |
emomsa
ألف ألف مبروك ياقلبي وسام التميز تستحقينه بتميزك فعلا إلى الاعلى دوما يارب ومزيد من الأوسمة التي ستتشرف هي بتعلقها على صدرك |
Good afternoon
بما أنه احنا لاحنا ليل ولا صبح عصرية حلوة مع بعد الغياب وفنجان قهوة العصاري أو كأس كرك لبعض الناس وأنا منهم أو كأس كابتشينو للناس الكلاس المتفرنجين أو كأس شاي للناس اللي يحبون التمخيخ أو شاي أخضر للناس الرايقين أنصار مريم نور أو قطعة جالكسي لمحبين نكهة الشيكولاتة الذائبة في الفم بعد قيلولة ناعمة أو بيبسي (أبعدنا الله عنه) لمدمنين البيبسي أصحاب الأعصاب القلقة هذولا كلهم أعرفهم.. وأنا وأنتم وهم منهم الزبدة عقب ذا الهذرة البارت ليه نزل في غير موعده؟!!! فيه ناس غالين جدا جدا جدا يطالبون أن البارت يرجع صباحي لأنه له نكهة مختلفة مع الصبح حسب تعبيرهم أنا بصراحة لما صرت أنزل في الليل كان لسبب هو أنه أعرف بنات كانوا يظلون سهرانين لحد مايقرون البارت وحسيت أنه هذا في زيادة ضغط نفسي عليهم مع أجواء القصة اللي هي بنفسها أعرف أنها ضاغطة وتنتهي دائما بقفلة حماسية توتر شوي بينما الوقت اللي صرت أنزل فيه الأيام اللي فاتت وقت عادي جدا.. مناسب للكل خالي من الضغط بأي صورة لا هو في الليل متأخر ولا الصبح بدري المطلوب منكم المشاركة برأيكم بما أني نصيرة الديمقراطية على الطريقة العربية كل وحدة بتعلق على البارت وتعبر أجواءه ياليت تذكر لنا رأيها أي الوقتين أنسب؟؟؟؟ وعشان كذا بارت اليوم نزل في وقت بين البينين لأن بارت بكرة بينزل في الوقت اللي من اختياركم نرجع لبارت أمس ياحليلكم بس أنتم وحرتكم تبون تعرفون حركات مجود صدق حريم!!! خلاص اليوم تدرون وبارت اليوم دلع لكم 3 بارتات (إن شاء الله ماحدش حوش) مليانة أحداث وتطورات ومشاعر بشكل مكثف بنعرف وش صار لعبدالله وعبدالعزيز.. وهم في ضيافة إرادة الحياة.. سعود وين بيروح تطورات الأوضاع بين ثنائيات بعد الغياب سعود ودانة ماجد ودلال سالم ومنيرة وبينتهي البارت في ثلاث مقاطع قفلتين والثالثة مايشبه القفلة أتمنى بالفعل تستمتعون ببارتات اليوم الكثيفة قراءة ممتعة مقدما ولاحول ولاقوة إلا بالله . . . . . . |
مساء الانوار
تدرين اليوم عندي يوم فري في الريجيم يعني اني من الناس الي جالسة اكل شكولاتة بس مو كلاكسي بما انو يوم فيري فأكل شي يستاهل لذا اكل ماكنتوش نرجع للجزء انا مع انصار الجزء الصباحي لاني اقرأه بروقان وكوب النسكافة بالحليب بيدي واشعر بكل رشفة بأنتعاش ومع كل سطر بأستمتاع هذا رئي اول صوت مع الجزء الصباحي وحاك ونورتي بالعراق ويارب تنورينا شخصيا بس اطمأني اضمنلك سلامة الوصول وسلامة العودة لان اني التزمك مو قلم انفاس قطر يلتزمك يلة عزيزتي انتظر ابداعك وانا كلي انفاس محبوسة |
بعد الغياب/ الأجزاء 76، 77، 78
بما أنه حبيبتي مذهلة سبق أن أهديتها بارتات سابقة
فبارتات اليوم إهداء خاص للغالية العامرية وألف مبروك الإشراف وتقبلي الإهداء يمكن ترحمين عبدالله شوي بعد الغياب/ الجزء السادس والسبعون #أنفاس_قطر# في بغداد في فندق فلسطين.. في غرفة عبدالله تحديدا.. عبدالله كل شوي يحط يده على كتف عبدالعزيز كأنه يبي يتاكد أنه موجود.. اليوم الفجر كان عبدالله على أعصابه.. خايف أن عملية التسليم يصير أي شيء يعرقلها.. وكل شوي كان يبي يفتح الباب وينزل.. في الأخير كان بيسويها وينزل.. لولا أن فاضل فتح الباب الخلفي وركب فيه اثنين بسرعة.. في الوقت اللي فاضل ركب بسرعة وقال بحزم: بدون أي انفعالات، خلونا نطلع من هاي المنطقة أولا.. ألتزموا الصمت للحظات حتى طلعوا لطريق الرضوانية الرئيسي.. عبدالله كان أول من تكلم بلهفة وهو يلتفت ورا: عبدالعزيز؟؟ عبدالعزيز انصدم وبعنف، أخر شخص توقع أنه يكون على الكرسي الأمامي... بصدمة: عبدالله!!! عبدالله بود كبير بلا حدود وهو يمد يده للخلف عشان يحضن يد عبدالعزيز: الحمدلله على سلامتك يا بو منصور.. عبدالعزيز بفرح وهو يحضن كف عبدالله بود أخوي متسع: ماقلت لك يانصار.. ماقلت لك.. عبدالله بيسويها.. عبدالله بود: أنا ماسويت شيء.. كله بفضل الله ثم فضل فاضل.. فاضل بذات الود: أنا ماسويت شي.. أنتو ناس طيبين على مود هيج.. الله سهلها عبدالعزيز بود وهو يشوف عبدالله كل شوي يلمس كتفه: والله أني طيب ياعبدالله.. مانقص مني يد ولا رجل.. عبدالله بود مخلوط بالعيارة: أختك كلت كبدي.. لازم أشيك عليك كامل نتأكد لا يكون ناقص شيء.. عبدالعزيز بحنان: فديتها أم عزوز.. القلب الاطيب في كل الدنيا.. أشلونها؟؟ طمني عنها؟؟ عبدالله بحب: تمام.. مشتاقة لك .. أنت اللي ناقصها وبس.. عبدالعزيز بهدوء: ومتى بنرجع إن شاء الله؟؟ عبدالله: أنا كنت حاجز على بعد بكرة.. كنت خايف إن الشغلة تطول.. لكن بما أنه أحنا خلصنا طلبت من فاضل يشوف لنا حجز أبكر.. بكرة إن شاء الله نكون راجعين الدوحة.. ********************* دلال تراجعت بحدة لكن الحائط خلفها حجزها وثبتها.. في الوقت اللي ماجد تقدم منها وهو يسند يديه على الحائط ويحبسها في الفراغ الضيق بين ذراعيه.. دلال توترها تزايد .. في الوقت اللي ماجد قرب منها أكثر.. لدرجة أنها أصبحت تشعر بأنفاسه حارة لافحة على وجهها.. وهي تشعر بمشاعر دافئة جديدة عليها.. لكن توترها البالغ وخجلها العارم دعاها للهرب من أسر هذه المشاعر الجميل العميق.. نزلت جسدها شوي.. ثم انحنت وطلعت من تحت ذراعه.. ماجد نظر لها بتسلية وهو مبتسم وهي تطلع أكواب من الدولاب بارتباك وقال لها بنبرة مرحة عميقة: على فكرة أنا فلتج بكيفي.. وانتي منتي بعيدة عن يدي.. حطي هالشيء في بالج ماجد طالع من المطبخ وهو يقول لها: أنا بأطلع أخذ لي شاور.. وياريت تجهزين لي جوازج عشان أبي أقدم على الفيزا وأحجز لنا.. دلال بخجل: جوازي منتهي من سنين.. وماله داعي أنا أصلا ماأبي أسافر.. ماجد مصدوم: منتهي من سنين.. وليه ماجددتوه؟؟ دلال وطت عيونها بخجل.. وماجد يحس إن غضبه على زوجها الراحل بدأ يخنقه.. وبعنف ***************** اليوم موعد طلوع دانة وسالم من المستشفى دانة ينتظرها خبر سيشطر قلبها نصفين.. وسالم تنتظره حياته الجديدة كرجل متزوج يبدأ حياته الزوجية في ظلام رؤيته المعتم ****************** فاطمة كانت مستغرقة في النوم.. بين دباديبها وشراشفها الوردية.. رن موبايلها.. رن المرة الأولى وسفهته.. الثانية وسفهته.. الثالثة : " لحول.. مافيه حد لحوح ومزعج كذا إلا مها" لقطت الموبايل حتى بدون ماتشوف الاسم: نعم يالدبة يالمزعجة؟؟ صوت مها المرح: مافيه دبة غيرش.. نعنبو دارش راقدة للظهر.. قومي على حيلش.. أبي أقول لش شيء فاطمة تطالع الساعة وتقول بنعاس: فارقيني.. باقي على الآذان شوي.. أبي أنام.. مها بلعانة: مافيه ترقدين.. قومي صحصحي.. أبي أكلمش.. خلاص وش أسوي.. مناري ماعاد تسأل .. دوبها دوب ذا المستشفى.. وسالم اللي هي خنقته بغثاها.. فاطمة ضحكت بنعومة: سبحان مغير الأحوال.. اللي يشوف دعاويها عليه.. مايشوفها وهي لاصقة فيه جذيه وهو اللي يشوت فيها.. مها باستفسار: تظنين منيرة تقدر عليه؟؟ فاطمة بابتسامة: وعلى أبوه بعد.. مها بود: أشرايش نروح لها اليوم في بيتها الجديد؟؟ اليوم سالم بيطلع من المستشفى.. فاطمة بود: واي نوت.. مها بحماس: زين تجين نروح الحين السوق نشتري لها هدية معتبرة .. وعقب ورد وشيكولت.. ونروح لها دايركت عقب فاطمة نطت من السرير: أصلي الظهر ونمشي... مها بعيارة: وين اللي كانت من دقيقة بتموت على روحها من النعاس.. فاطمة بنفس عيارتها: وخري عاد.. هاي السوق.. السوق.. وعقب منيرة *********************** دانة في غرفتها في بيت أهلها.. قررت تقعد عندهم يومين ترتاح وعقب ترجع بيتها.. عقب ما استأذنت سعود اللي أذن لها.. بعد صلاة الظهر بشوي.. رن موبايلها.. كان سعود ردت بحب: هلا سعود (كان متأمل للحظة الأخيرة إنها ممكن تقول له هلا حبيبي) رد عليها بهدوء: هلا حبيبتي.. أنا تحت وأبي أشوفش.. ممكن؟؟ دانة برقة: أكيد ممكن... دقايق بس.. مزنة بتنزل لك.. وتطلعك توريك مكان غرفتي.. دانة أشرت لمزنة اللي راحت تلبس عبايتها.. ونزلت وطلعت سعود اللي كانت عينه في الأرض لحد ماوصل غرفة دانة.. مزنة خلته قدام الباب وانسحبت.. خذ نفس عميق.. وفتح الباب.. مع دخلته أشرق وجه دانة.. لكنها شعرت بانقباض وهي ترى وجه سعود البالغ الجدية.. سعود قرب منها وجلس جنبها على السرير.. وطبع قبلة على جبينها.. وعقب مسك يدها بدفء وأحتفظ بها بين يديه: الحمدلله على سلامتش حبيبتي.. دانة بتوتر لاتعرف سببه: الله يسلمك.. سعود بهدوء: باركي لي.. دانة بود وترقب: على شنو؟؟ سعود بذات النبرة الهادئة: علقت النجمة الثالثة.. دانة سحبت يدها من يده.. وحاوطت رقبته بيدها وهي تحضنه بقوة ورقة وتقول بفرح غامر: مبرووووك.. ألف مبروك.. ماشاء الله تبارك الله.. بس مو كنك صغير على حضرة النقيب ياحضرة النقيب؟؟ سعود بهدوء: الترقية كانت استثنائية ومفاجئة حتى لي.. (وجات في وقتها عشان تضبط سالفتي) سعود فلت دانة بالراحة ثم طلع من جيبه ظرف.. وحطه على الكوميدينو جنب سريرها.. دانة بحذر: وش هذا؟؟ سعود بهدوء: فلوس.. دانة بحذر أكبر: ومن قال لك أني أبي فلوس... مهري تقريبا ما أنصرف منه شيء.. من غير أني اصلا عندي فلوس.. الحمدلله الخير واجد.. لأيش ذا الفلوس؟؟ سعود بهدوء: زيادة الخير خيرين.. أنا مسافر وما أبي شيء يقصرش في غيابي.. دانة بحذر حزين: وين مسافر؟؟ سعود بذات هدوءه: بأنضم للقوات القطرية اللي في قوة حفظ السلام (اليونيفيل) اللي في جنوب لبنان.. وعلى فكرة ماحد راح يدري أنا وين بروح غيرش أنتي ومحمد.. دانة حست الخبر مثل طعنة خنجر حاد تخترق إحشائها لأبعد مدى.. وكأن روحها تبصق دما وألما مبرحا.. لكنها تماسكت وشيء معين يخطر ببالها.. سألت سعود بهدوء: وهل هذا الالتحاق باليونيفيل تكليف وإلا تطوع؟؟ سعود ارتبك من سؤالها الذكي.. وماخطر بباله انه ممكن يخطر ببالها.. رد عليها بهدوء: تكليف جاء مع الترقية الجديدة.. دانة هنا حست إنها انطعنت طعنة أعنف وأقسى وأحد لكنها تماسكت أكثر وهي تقول بهدوء ميت: سعود ممكن أعرف السبب اللي يخليك تهرب مني؟؟ أنت تعاقبني على الجنين اللي راح؟؟ سعود بحدة: وش هالكلام يادانة؟؟ أنتي مجنونة؟؟ دانة بحزن ونبرة متماسكة: سعود أنا ماني بغبية.. أنا أعرف أن القوات القطرية اللي في اليونيفيل كلهم من قوات الأمن الخاصة (لخويا) .. ومافيهم حد من القوات الأميرية المسلحة إلا لو كانوا متطوعين أو أصحاب تخصصات خاصة.. ومعنى كذا أنك أنت اللي تطوعت.. واتخذت الترقية حجة.. أنا ماعندي مانع أنك تتطوع.. وأكون سعيدة بتطوعك حتى لو كان شوقي بيذبحني لك.. لكن لما تروح تتطوع.. وتكذب علي عشان تروح .. وأنا في ظرفي الصحي هذا.. أفهم بوضوح أنك تبي تعاقبني.. سعود كان مذهول وهو يستمع لكلام دانة القوي المنفعل المنساب من بين شفايفها بحزن عميق.. وخلاص مايقدر يكذب عليها.. رد عليها بهدوء: ايه أنا اللي طلبت الالتحاق باليونيفيل.. لكن مهوب للسبب الغريب اللي في رأسش.. أنتي مالش ذنب في نزول الجنين عشان أعاقبش على قضاء الله وقدره.. دانة سحبت نفس عميق وتنهدت بحزن: طيب ممكن أعرف السبب.. سعود بحزم يائس: أنتي.. #أنفاس_قطر# بعد الغياب/ الجزء السابع والسبعون #أنفاس_قطر# دانة سحبت نفس عميق وتنهدت بحزن: طيب ممكن أعرف السبب.. سعود بحزم يائس: أنتي.. دانة باستنكار: أنا؟؟ سعود بهدوء حزين: أحس العلاقة بيننا متوترة ومن قبل ماتسقطين.. عدا أن... (وسكت) دانة بنفاذ صبر: أيش ياسعود؟؟ سعود قرر يصارحها.. عشان خلاص مايترك لنفسه او لها عذر.. سعود بعمق: أحس إن مشاعرنا غير متبادلة على ذات المستوى من القوة... دانة باستفسار: والمعنى؟؟ سعود بحزن: كم صار لنا متزوجين؟؟ دانة بترقب: حوالي شهر ونص سعود بذات الحزن: كم مرة قلت لش حبيبتي وأحبش وأعشقش وأهواش.. وكل مصطلحات الغرام المعروفة وغير المعروفة..؟؟ دانة بتوجس: كثير.. سعود بحزن أعمق: وأنتي كم مرة قلتيها لي؟؟ دانة سحبت نفس عميق: ولا مرة.. لحظتها سعود وقف بقوة وهو يقول بحزم رقيق: وصلتي للسبب اللي خلاني أبي أهرب منش ومن لهفتي على كلمة انتي مستخسرتها فيني.. أو مابعد حسيتي فيها.. خليني أعطيش فرصة يمكن تشوفين أني أستحقها أو تخليش أيام البعد تحسين فيني وفيها.. دانة أعتصمت بصمت موجع .. سعود طبع قبلة حانية على رأسها وانسحب.. كانت هي صامتة جامدة وكفيها متشابكين في حضنها وهو يفتح الباب.. كان متمسك بالأمل للحظة الأخيرة قال لدانة وظهره لها ووجهه ناحية الباب بصوت يقطر حزن وترقب ووجع: دانة.. خلي بالش من نفسش بس دانة ماردت عليه بكلمة.. سعود تنهد بألم وسكر الباب وراه في ذات الوقت اللي دانة اللي كانت متماسكة انهار كل تماسكها.. وانهارت تبكي بكل عنف وهي تقول: غبي.. غبي.. طول عمرك غبي.. ********************* جواهر سلمت من صلاة الظهر.. وهي تصلي سمعت الموبايل يرن.. والحين قامت تبي تشوف من.. عشان ترجع تتصل عليه.. مع وصولها للموبايل.. كان الموبايل يرن مرة ثانية.. كان عبدالله هو المتصل.. جواهر لقطت الموبايل بلهفة وردت بلهفة موجعة: هاه حبيبي بشرني عنكم... جاءها الصوت الدافئ الحنون: أنا أنفع بشارة.. جواهر صرخت بفرح مجنون يكاد يمزق صدرها: عبدالعزيز.. ياروح أختك كانت تريد أن تبكي.. وكانت ستفعلها لولا أنها تذكرت وعدها لعبدالله فتماسكت وصوتها يرن بفرح خاص محلق عميق جدا: حبيبي طمني عنك.. أشلون صحتك.. أنت سليم مافيك شيء؟؟ عبدالعزيز بحنان: والله العظيم أني طيب وزين وصحتي على خير حال.. أنتي اللي أشلونج؟؟ واشلون العيال؟؟ جواهر بحنان أكبر: كلنا طيبين.. موب ناقصنا إلا شوفتكم.. حلفتك بالله: أنت طيب ومافيك ولا شيء؟؟ عبدالعزيز بود: والله العظيم أني طيب يا بنت الحلال.......... زين أبو عبدالعزيز حاسدنا في الشوي اللي كلمناج فيها.. يبيج كلج له بروحه.. خذيه كلميه.. جواهر تنهدت بعمق في الوقت اللي سمعت عبدالله يسأل عبدالعزيز: بكت؟؟ وعبدالعزيز يرد عليه: لا ..وغريبة صراحة.. جواهر ابتسمت.. وأول ماقال لها عبدالله : ألو.. ردت عليه بابتسامة: عشان تعرف أني عند وعدي.. عبدالله بحب: كفو يا أم عزوز.. قرت عينج بسلامة عبدالعزيز... جواهر بود كبير: وعينك.. عبدالله طلع للبكونة وقفل الباب وراه.. في الوقت اللي عبدالعزيز كان يبتسم.. عبدالله جلس على الكرسي اللي في البلكونة وهو يقول بلهفة وعمق: اشتقت لج.. جواهر بذات اللهفة العميقة: وأنا أكثر.. عبدالله بتساؤل حنون: أشلون نومج البارحة؟؟ جواهر بعيارة: نمت بعمق لأول مرة من شهر كامل.. بدون إزعاج الناس اللي كانوا طول الليل يتحركشون فيني ويزعجوني بتحرشاتهم الدائمة عبدالله بنبرته العميقة الخاصة اللي تذبحها وخصوصا لما يهمس فيها بخفوت مثل ماهو يسوي الحين: كذابة.. مرت لحظة صمت وقلب جواهر يذوب من صوت أنفاسه على الطرف الآخر..ردت بصوت ناعم: خف علي عبدالله.. حرام عليك عبدالله بعمق مذهل: أول خفي علي أنتي.. جننتيني.. البارحة كل شوي أقوم من النوم مثل المجنون أدور عليج.. مشتاق.. مشتاق... مشتاق.. مشتااااااااااااق الله يصبرني لبكرة بس.. جواهر بلهفة: جايين بكرة؟؟؟ عبدالله بحب: ولو حصلت طيارة اليوم كنت جيت اليوم.. خلاص مافيني صبر.. زين حبيبتي عبدالعزيز يأشر لي.. تبين شيء ياقلبي؟؟ جواهر بعشق: سلامتك حبيبي.. عبدالله بوله: أحبج.. تذكري على طول.. جواهر بذات الحب: وأنا احبك أكثر.. ******************* سالم وعائلة عمه أبو علي تصل كاملة لبيت سالم.. منيرة حاسة بتوتر بالغ.. وابوها مثلها الأثنين كارهين دخلة البيت هذا وغصبا عنهم يدخلونه.. سارة وعلي هم الوحيدين اللي يدلون في البيت لانهم اللي كانوا يزورون سالم فيه.. سالم وعلي وأبو علي دخلوا المجلس.. كان فيه غداء على سلامة سالم.. وبيجيهم رياجيل كثير.. في الوقت اللي أم علي وبناتها دخلوا داخل.. منيرة كانت تقدم رجل وتؤخر الثانية.. وحاسة بشيء ثقيل كاتم على روحها.. سارة مسكت منيرة من يدها بحنان: تعالي منيرة أوريج غرفتج.. منيرة كانت تفر عينها في البيت بأثاثه الراقي.. وعينها تحاول تتجنب الدرج اللي يطلع للدور الثاني.. لحد مادخلتها سارة لغرفة باين عليها التجديد الكامل.. من الصبغ للسقف للستاير للغرفة الفخمة.. والجلسة الناعمة في طرفها.. منيرة ابتسمت: ذوقس.. أشم ريحته عن بعد.. سارة تضحك: تقدرين تقولين ذوق مشترك.. أنا وسالم.. وعقب كملت سارة وهي تفتح الدواليب: أنا رتبت ملابسس هنا.. وملابس سالم نزلتهم من فوق.. ورتبتهم هنا.. منيرة في غاية التوتر.. عندها رغبة حادة في البكاء لكنها كتمتها في نفسها ****************** سعود خلص ترتيب شنطته.. شالها وتوجه أول شيء لغرفة البنات.. كانو مها والجازي قاعدين جنب بعض على سرير الجازي يتفرجون على كتالوج أزياء.. أول مادخل نطوا الثنتين باحترام وحطوا الكتالوج وراهم.. سعود بهدوء: بنات تعالو.. لما قربوا منه باس كل وحدة منهم على رأسها وقال بحنان أبوي حازم: أنا مسافر.. ما أوصيكم في أنفسكم وفي أمكم.. أنا بأخلي فلوس مع أمي ومع محمد.. أي شيء تبغونه أطلبوه منهم.. البنات حسوا قلوبهم طاحت في رجولهم من التوصيات اللي أول مرة يقولها لهم.. رغم أنها مو أول مرة يسافر.. بس عمره ماطول في سفر أكثر من 10 أيام.. مها بتردد: وش ذا التنبيهات..؟؟ شكلك مطول..؟؟ سعود بهدوء: شهرين أو ثلاثة.. الجازي سمعت شهرين أو ثلاثة.. رجعت رمت نفسها على سريرها وقعدت عليه ودفنت وجهها بين إيديها وهي تبكي بهستيرية مريرة.. سعود قلبه انخلع وهو يشوفها تبكي بذا الطريقة.. رجع عليها وجلس جنبها وطبطب على كتفها وهو يقول بحنان: أفا.. ليش تبكين كذا؟؟ الجازي رمت نفسها على صدره وهي تشهق سعود حضنها بحنان وقوة وهو يحس قلبه يذوب من بكاها.. الجازي بالذات ماعرفت لها أب غيره.. أبوها مات وهي عمرها سنة.. وسعود كان أبوها الوحيد اللي هي عرفت.. سعود حس بتقصيره في حقها.. صحيح إن حبه لها كبير كبير كبير.. لكن عمره ماحسسها بمدى ذا الحب.. لكن الجازي ماكانت محتاجة إنه يحسسها لأنها كانت حاسة بحنانه حتى في قسوته.. مها اللي كانت تراقب المشهد.. بدت دموعها تنسكب بصمت.. الجازي بين شهقاتها: حرام عليك سعود.. شهرين واجد تقول 3 بعد.. حرام عليك.. سعود وخر وجهها بحنان ومسح دموعها برقة: أنا طالع في مهمة.. والايام بتمر بسرعة.. وشوي وتلاقيني عندش.. الجازي وهي بعدها تشهق وتمسح وجهها بأكمامها: انا كبرت ماعادني ببزر.. تضحك علي.. سعود رجع يحضنها وهو يقول بحنان: فديت اللي صارت كبيرة.. والكبيرة خلاص تفهم وتقدر ظروف شغل أخيها وتقول له تروح وترجع بالسلامة.. صح وإلا لا؟؟ الجازي سكتت وهي تقول بحزن: تروح وترجع بالسلامة.. سعود وقف وشاف مها البطل الصامت بدموعها الصامتة، حضنها بحنان وهو يقول: شكلش أنتي وأختش سهرانين البارحة على فيلم هندي.. حبيتوا تطبقونه اليوم... مها وهي تطبع قبلة على خده: الله يردك لنا سالم ياسعود.. حنا من غيرك ولا شيء.. تذكر ذا الشيء سعود بذات الحنان المغلف بمشاعره المنطلقة بتدفق اليوم: محمد موجود وأمي.. ما أنا ماني بمتأخر عليكم.. مها بتساءل متردد: قلت لدانة؟؟ سعود حس بكهرباء تجتاحه لمجرد سماع اسمها، لكنه رد بهدوء: قلت لها.. مها بتساءل حذر: وأشلون ردة فعلها؟؟ #أنفاس_قطر# بعد الغياب/ الجزء الثامن والسبعون #أنفاس_قطر# مها بتساءل متردد: قلت لدانة؟؟ سعود حس بكهرباء تجتاحه لمجرد سماع اسمها، لكنه رد بهدوء: قلت لها.. مها بتساءل حذر: وأشلون ردة فعلها؟؟ سعود بهدوءه المعتاد: عادي... مها باستغراب: أنت متأكد أنه عادي.. سعود بنفس هدوءه: عادي.. ثم طلع من غرفتهم بعد ماحضن كل وحدة منهم ووصاهم من جديد في أنفسهم وفي أمهم.. توجه بعدها لغرفة محمد لكن محمد كان على الغداء في بيت سالم.. أتصل فيه.. وطلب منه يرجع بسرعة.. خلال أقل من 10 دقايق كان محمد واصل جايبه خالد.. وطلع لسعود اللي ينتظره في غرفته وهو يقول برعب: عسى ماشر ياسعود؟؟ سعود كان في غاية الفرح وهو يشوف محمد طلع من قوقعته ويرجع محمد القديم.. وأحسن شيء في الأزمة اللي مر عليها من ناحية تفكير سعود أنه حلق الشعر اللي كان سعود معترض عليه سعود بابتسامة: ليه يعني؟؟ ما أطلبك إلا وراي شر ؟؟ محمد بنفي: محشوم يابوسعيد.. بس روعتني.. سعود بمودة: بغيت أسلم عليك قدام أسافر.. محمد بمودة: وين بتروح؟؟ سعود بجدية: عندي انتداب في اليونيفيل في جنوب لبنان.. شهرين وإلا 3 وبأرجع.. بس مافيه داعي حد يدري أنا وين رايح.. اللي يسأل عني قل مسافر مع المعسكر وبس.. محمد باستغراب: وماقدرت تأجل سفرك شوي.. مرتك توها مسقطة أمس.. مهيب زينة تروح وتخليها وهي تعبانة.. سعود بهدوء: ظروف شغلي منعتني.. محمد بتردد: تروح وترجع بالسلامة.. سعود عطاه ظرف فيه فلوس.. وعطاه مفتاح سيارته عشان يستخدمها لما يفك الجبس.. سعود بود: إذا رجعت إن شاء الله اشتريت لك سيارة جديدة.. بس تكون خلصت الامتحانين الباقية ونجحت.. محمد حضنه وهو يقول: إن شاء الله المحطة الأخيرة كانت أم سعود اللي قطعت قلب سعود بالبكاء رغم أنه ماقال لها وينه بيروح.. عطاها الفلوس.. ووصاها في البنات والبيت ومحمد.. ووصاها كثير في دانة.. *********************** ماجد ودلال كانوا يتغدون في مطعم برا.. ماجد حب أنهم يطلعون من البيت.. من بعد تهوره اليوم في المطبخ.. وهو حاس أنه خلاص مافيه صبر بس هو مايبي يخوف دلال منه.. فقال خلنا نطلع شوي وجودنا بين الناس بيحميها مني.. رن تلفون ماجد.. طالع الاسم.. وابتسم - حيا الله الغالي.. - الله يحي عريسنا.. صباحية مباركة ياعريسنا على قولت العجايز.. - الله يبارك فيك طال عمرك.. - مبسوط يابو فيصل في القفص؟؟ ( عبدالله بعيارة) - والله لو أدري ذي حلات القفص.. كان قلت أحبسوني من زمان.. (ماجد يضحك) - الله يونسك بالعافية.. ويطول عمرك في الطاعة.. - متى جاي؟؟ - بكرة إن شاء الله.. بس تراني ما أبي أشوف وجهك ولا أسمع صوتك إلا عقب أسبوعين على الأقل - ومن قال لك أني أصلا أبي أطل في وجهك وإلا أسمع صوتك.. خلاص راحت عليك طال عمرك.. أنت الحين سكند هاند.. - لنا الله (عبدالله يضحك) يالله رخص لنا الله يحفظك.. مع السلامة.. - مع السلامة.. ماجد ابتسم وهو مقدر بعمق أخوي غامر اتصال عبدالله فيه.. رغم انه مسافر في شغل.. وما لهاه شغله عنه.. (وليتك تدري يا ماجد وين شغل عبدالله؟؟؟) ************************ دانة من لما طلع سعود من عندها وهي موتت روحها من البكاء.. والنحيب والشهيق.. بكل الأنواع والمستويات.. ومزنة تحاول تهدي فيها لحد ماهدت شوي.. وقالت لمزنة: مزنة أنا ما أبي حد يدري بحالة البكاء هذي.. مزنة بحنان: إن شاء الله.. بس أنتي أرحمي نفسش شوي.. البكاء مهوب زين لش.. توش سقطتي أمس.. وهي تتكلم مع مزنة رن موبايلها رنة مسج.. " أنا طالع الطيارة بعد شوي أستودعك الله الذي لا تضيع ودائعه خلي بالك من نفسك وياليت تطلين على أمي وخواتي" دانة حست برغبة عارمة في البكاء.. لكن خلاص تعبت من البكاء الحين آوان الفعل.. (تبي تهرب مني سعود.. زين.. بس وين بتروح مني؟؟ وين) دانة يرتسم في رأسها موال مجنون ردا على موال سعود.. ******************* ماجد ودلال راجعين من بعد ماتغدوا برا.. وماكان يبي يرجع للبيت.. لولا إنها قالت إنها تعبانة وتبي ترتاح شوي.. وفعلا هي كانت قايمة بدري واشتغلت كثير اليوم.. بس مر ماجد أول جاب شغالتها من بيتها.. وعقب رجعوا لبيته.. طلعتهم مع بعض كانت لطيفة وممتعة وفرصة لفتح باب للحوار وإذابة الثلج بينهم.. ماجد كان يستدرج دلال بذكاء إنها تتكلم.. تكلمت كثير عن أبوها الله يرحمه.. وتكلمت عن مدرستها وطالباتها.. وتشعب الحديث لمواضيع مختلفة بعد مارجعوا.. دلال دخلت تأخذ شاور بعد ماصلوا العصر.. في الوقت اللي ماجد قعد يشوف التلفزيون.. دلال كانت تعبانة موت تبي تنام لبست بيجامتها الحرير القرمزية.. وفوطتها بعدها على رأسها.. وتوجهت للسرير مباشرة.. لولا أن توجهها المباشر قطعه جسد صلب وقف في طريقها فاصتدمت فيه.. دلال بلعت ريقها وهي تشوف ماجد واقف قدامها (هذا متى لحق وصل هنا؟) ماجد بصوت عميق: ليش مستعجلة؟؟ دلال وهي تنزل رأسها عشان ماتجي عينها بعينه: أبي أنام.. ماجد سحب فوطتها من شعرها.. وتناثر شعرها المبلول على وجهها وظهرها ماجد قرب منها وسحب نفس عميق من رائحة شعرها المبلول دلال بخجل: ماجد تكفى وخر عني.. ماجد بعمق مرح: في فن المفاوضات قدم شيء للحصول على شيء.. يعني تبيني أخليج تنامين قدمي لي مقابل.. وانا ما أبي إلا شيء بسيط جدا.. دلال بحذر: وشنهو هالشيء؟؟ ماجد بخبث: بوسة.. بس بوسة وحدة.. شفتيني أشلون قنوع!! دلال تراجعت بعنف وهي تقول بخجل بالغ: بوسة؟؟ أنا؟؟ ماجد باستغراب: دلال أنتي على هالخجل المرضي اللي عندج.. متأكدة أنج تزوجتي قبل؟؟ **************** سالم وصله الخادم اللي كان أصلا عنده البيت.. لحد باب البيت الداخلي من المجلس الخارجي.. سالم وقف على الباب وهو يحس انه تعبان يبي حد يتسند عليه لين يوصل لغرفته يرتاح.. نادى بصوت عالي: سارة.. سارة.. منيرة كانت في غرفتها ترتب شوي والباب مفتوح.. أول ماسمعت صوته..نطت تركض له لقته واقف متسند على الطاولة اللي عند الباب.. وشكله تعبان.. منيرة جات بسرعة ومسكت يده اليمين وهي تقول : لبيك.. سالم نفض يده من يدها وهو يقول بقسوة: أعتقد أني قلت سارة ماقلت منيرة.. منيرة تراجعت بهدوء وهي تقول: سارة راحت البيت وبترجع بعد المغرب عشان تقابل صديقاتي اللي بيجون يباركون لي.. إذا أنت تبي تنتظرها للمغرب براحتك.. سالم مارد عليها وحاول أنه يدخل بنفسه بس ماقدر يتسند على رجوله اللي بعدها ماتعودت على الحركة.. منيرة حست أن قلبها يتكسر من شكله بس ردت عليه بصوت هادئ: إذا انت ماتبي تتعنز علي.. تبي أنادي العامل الهندي اللي عندك؟؟ سالم بغيرة حاول يخبيها بس ماقدر: وأخليه يدخل عندس في البيت.. لا خلاص أنتي تعالي عنزي لي.. منيرة قربت منه وحطت يده اليمين على كتفها..بينما يدها اليسار تحتضن ظهره شعور القرب الأول كان ملبس.. لذيذ.. ومؤلم لكل منهما إحساسه بنعومة كتفيها.. وإحساسها بصلابة صدره.. سالم بصوت خافت حاول يخبيء فيه انفعاله من إحساسه بقربها: أنتي على رشاقتس الزايدة ذي تبين حد يعنز لس منيرة برقة: ماعليك رشاقة بس مغلفة بالعضلات.. سالم كان نفسه يرد عليها رد رقيق نابع من طبيعته، لكنه ماحب يعطيها مجال: ياشين الملاغة.. وصليني وأذلفي.. منيرة بنفس النبرة الرقيقة كأنه كان يغازلها مو يسبها: إن شاء الله حبيبي.. حست بجسده يتصلب وهو يقول بغضب: أنا كم مرة قلت لس حبيبي ذي لاعاد أسمعها منس.. منيرة بنفس هدوءها وهي خلاص توصله للسرير: وأنا قلت لك ردي.. بأقول حبيبي على كيفي.. سالم بنفس نبرة الغضب: ياقو وجهس.. وجهس هذا مغسول بمرق.. مافيه حيا.. منيرة ماردت عليه.. جلسته بالراحة على السرير.. ثم نزلت وجلست على الارض عشان تخلع الجزمة والجوارب.. سالم حس بحركتها عند رجله.. وقفها بحركة عنيفة من يده: وش تسوين؟؟ منيرة بهدوء: أبي أخلع جوتيك.. سالم بغضب: أنا أعمى بس ماني بمكسح.. منيرة بذات الهدوء: أنا عارفة.. بس أنت الحين يدك اليسار معلقة برقبتك.. ويد وحدة ماهيب مساعدتك.. خلني أساعد الحين لين تفك الجبس.. وعقب ماني بجاية جنبك.. سالم بنفس الحدة: ولو.. دام أنا ماطلبت منس شيء.. لا تجين جنبي ولا تلمسيني.. منيرة تراجعت رغم أنها بتموت تبي تخلع جزمته وثوبه عشان يرتاح.. وخصوصا أن هذا أول يوم له برا المستشفى.. لكنها تركته براحته.. سالم بدأ محاولاته المؤلمة لخلع جزمته.. منيرة عشان ماتحرجه .. قالت: أنا بأروح المطبخ.. تبي شيء؟؟ سالم بحدة: يكون أحسن إذا ذلفتي وقعدتي في المطبخ على طول منيرة ماطلعت تراجعت لاقصى الغرفة قريب من الباب ووقفت.. عشان مايحس بصوت تنفسها.. سالم عانى وهو يخلع جزمته بيد وحده.. الأمر كان يمكن يكون سهل لولا أن رجوله أصلا تؤلمه.. وصعب عليه يرفعها.. في نفس الوقت اللي صعب عليه ينحني مع الجبس اللي في يده اليسار.. حاول لوقت طويل لحد ماخلعها.. وعقب رماها من الحرة والقهر اللي فيه بكل كل قوته.. لتضرب بشكل مباشر وعنيف جدا جبين وطرف عين منيرة اللي كانت واقفة عند الباب.. #أنفاس_قطر# . . . . . |
لي عوده
باذن الله |
بنت خالة انفاس...
اقوول شوفي ربي رحمتس اني دااايخه الحين. بس تلقين الحين مرتزه هنا استنى علوم مااجد ودلاال.. يعني وحده تحب الخبر.. جالسه ابي اتخبر عن خلق الله.. لكن هذاا مااايمنع اني اقووووول لااااا للمفااااوضاااااااااااااااااات.. هذااا شي اتم الله امر من زماان .. وانتي جااايه تفاااوضين الحين.. اقوول ياا بنت خالة انفااس.. رددي يااا قلب قلبي.. ياااااااااااااالــــــــيـــــــــــــــــــــــــل ماا اطوووولك... تبيني اعطي بناااتي هناااااا نمووذج بالتخااااااذل.. لاا والله.. مااا هكذا تورد الابل... وش جاب الابل هنا بقوولتس لاني توو عشاان اناام كنت اعدها.. بس مع هذاا مااانفع عد الابل .. فلما قررت اني اعد السمك .. طرت القصه على بالي وجيت اشوف نزل شي والا لأ؟؟ ولقيــــــــــــــــت علووووووووووم .. وافكاااااااااااار ونااااس لعيوني بتقووم حرب.. فديتهم والله الباارين.. هخهخهخهخه وانتي يااقلبي بالاراااضي الليلااسه لتس الحشيمه يااقلبي. وياا مرحباا فيتس من ممشااتس لملفاتس... بس عاد موو تبين تلهطين املاك الام الرؤووم ويقعدون بنيااتي يتفرجون على امهم وهي حلاالها بيروح من بين يدينها.. هنا تتجلى التربيه الحسنه وبر الوالدين في شخص حبيبات قلبي.. هخهخهخهخه يعني وش تفهمين من هذااا ياا بنت خالة نفووسه.. انه حرميتس حتى تفكرين انتس مره ثاانيه تتطرحين مثل هالافكااااااااااااار اللي تبعث على الضحك.. هخهخهخه اقوول بنت خالة انفااس ماا عندتس اسم اصغر من هذااا.. والله يتعب و والواحد يكتبه وحتى والواحد يقووله.. عطينا صموول نيم مااي دير.. هع هع هع.. وعلى فكره.. ترى قلبي ابيض من قلبتس .. ومن يوووم دخلتي هنااا دخلتي جووات صمااصيم ألبي.لانتس تذكريني بنفسي.. يله من قدتس تشبهيني هع هع هع.. بس عاد موو توصل تحسبين انتس عاد بتقدرين تااخذين عين السيح سعوود.. لاااااا هذا خلاص من املاك زارا حصرياا. يكفي انه هو اللي حببني باسم سعود من بعد ماا بديت اكرهه.. هخهخهخه |
هلا نفوسه شوفي بااارت الصباااح يجنااان تخيلي اقوم من نومي اقراء البااارت ورجع انااام >>>>الله تجنااااااااااااان هذي الايااام بس انا هاليومين مجتهد ونومي صحي وبغيه الصباااح قبل لا اخرب ابو نومي وحط ذنبي في رقبتج نفوسه خخخخخخخخخخخخخخخخخخ ام لولو مبروك الجزء وشوفي مابعد قراءة الجزء بس لو تقولين كلمه عن عباااادي قلبي مايحصل لج طيب >>>هااااااااااااااااااااااااااااا ترى اقلب عليج كلشي ولا عبودي خخخخخخخخخخخخخخخخخخخخخخخخ تسلمين نفوسه>>>ادري انا البااارت يهبل مثلج مذهلة |
يؤؤؤؤؤؤؤؤؤؤؤ البااارت اهداي لي وانا مدري نوووووووووووووالله ولي رجع بسس حجز مكاااااااااااااااااااااااااااااااااااااان وابشر بعزكم بمدح عبدالله يؤؤؤؤؤؤؤؤؤؤؤ البااارت اهداي لي وانا مدري نوووووووووووووالله ماتصير ماافروض ارد اول وحده ولي رجع بسس حجز مكاااااااااااااااااااااااااااااااااااااان وابشر بعزكم بمدح عبدالله اولا: ها انت بنعومة اناملكـ وقلمكي الرائع .. الان انا اشعر بها الف كلمة شكرا تلثم اقدام قلبكـ ولكـ من التحايا مايليق بشموخكـ اقسم انفاااااااس انك غيررررررررر الكل غير ومالكي شبيها ابدااااااااا احمممم نبدا دانه وسعووووووووود >>> صاحب الشعبيه الأكبر في هذه الروايه فالموقف اصعب من اني اعبر عنه عواطف متدفقه سعود عواطفه انفجرت بشوفته لدانه واما عواطف دانه لازالت مكبوته س عندي احساااااس جديد نولد في هذه البارت انها تحها من زماااااااان زارا وبنت خالت انفاااس>>>>>>> الله يكفينا شر الأنفجارات سالم ومنيره حياة صعبه سالم يغلف مشاعر الحب بمشاعر الكره وماندري كيف بتطلع هذي المشاعر على حقيقتها ومنير الله يعطيها الصبر احممممممممممم شوف علشان البارات هداء لي وعلشان عيون ذهوله بخ علي عبدالله حقكم هذه بس بطريقتي الخااااص يعيني علي الشيبااااااان اذا صارو الشباب ويسون حركات الشبااااااااااب يرحنو الشباب وطي اش هذه عبود البنات والله حركات تغار عليها من اخواه وكمان يسال اها بكيت ولا والا حركة البلكونه يعيني اش هذه ولا كلا الرومنسي يولي ويلها وش هذه هذه كلها من الكبت لي كااااااااااان عندك تفجرت مر وحده والله ماخليتي للشباب من حركااااااااااااااااات اواوف اوف العجز مشكلها جد الشياااااااايب اذا عرس تصير مشاكل في الحياء يالله بنشوف اذا رجعت اش رح تسوي فيك نفووووووووس وسلامتكم حمدو ربك اني جلس امدح فيها |
نفوووووووووووووووووووس تسلمييييين على الجزء
ياقلبي مرررررررررررررره النوووووووووم ذبحني بس قلت انتظر تنزلين الجزء اممممممممم انا كل الوقتين بنسبه لي حلووووووووه والرجح الفجر يكوووووون حلووووووووو داااااااااانه سخيفه ليييييييششششششش خلتهـ يروووووح والله ماعندها سالفه سعووووووووود متىى ناوي يرجع ثلاث شور مو كثيره شوي سالم اما عليه حركات ترفع الضغط بس حلووووووووووه الشوز في راس منيره مررره الموقف شين كذ1 بيعرف انها جالسه تشوفه عبدالله للحين مارجعع مو متئخره في رجعته نفوووووووووس ..!! يلله ننتظرك بكره الصباح << قررت ((الذين يشاهدون محتوى الموضوع الآن : 40 ( الأعضاء 35 والزوار 5) جوودي1, سلطان الحلو, lonlygirl, Bint_englise, ارادة الحياة, ست الحريم, @ قوت القلوب @, التختوره, #أنفاس_قطر#, ==مرفأ==, وضاحي, لولو الصغيرة, lyly, ميـرال, مر مثل العسل, HOPE LIGHT, اخطوطه, زارا, ديـ*M*ـوم, أميرة منسية, شبيهة القمر, شجن الروح, مها 175, شموخ المحبة, راجا, الود, &*لحن المفارق*&, *فجر*, مناة الروح, بعيد الهقاوي, أمل الغد, غموووض, ملكةالقمر, الديراويه, wsxdr )) جـــــ,ــــــــ,ــــــودي |
السلام عليكم
يعطيج العافية انفاس اممم انا اجوف تنزلين البارتات الصبح او الفير وايد احسن من فليل وان شاء الله الاعضاء يوافقوني في الرأي :YkE04454: |
هلا أنفاس وشلونك؟!
أنا رأيي يكونن الأجزاء الصبح أحلى بس قبل 7 لان الساعة 7 يجون عيال أختي الموقرين بما إن أمهم موظفة تحطهم عندنا كل صبح.. بس اللحين ولده اللي برابع وبنته اللي بأولى عطلواعاد تعالي شوفي الإزعاج البنت توجع رأستس بالقرق والولد يحوس ويدوس يا حبيل أختهم الصغيرة ماله حس<<قصة حياتي وبما أني أريد أن أقرأ بجو هادئ وبدون ازعاج أطالب بتنزيل الاجزاءقبل الساعة 7 نجي للاجزاء.. سالم ومنيرة ههههه يضحكوني أما لو من منيرة كان مسكته من زمان ماتعبت من تلقيط الوجه كل شوي مفشله بس تستاهل<<مازالت حاقدة هع هع وش شعور سالم لدرى انه بالغرفة وهاكتن عليه ماراحت للمطبخ أحسه بينجرح بس يمكن مايفطن مع دوشة اصابة منور دانة وراه سعود غبي عشانه ماانتبه لحبتس بس هو يبيتس تبادلينه وبعدين وش ناوية عليه؟ ماجد الله يعين دلال عليك مستعجل وذا البنت حييه زيادة عبدالعزيز الحمدلله على السلامة انا منب مطمئنة لما ترجع لديرك ينخاف منه أنفاس هع هع شكراً أنفاس على الأجزاء الروعة.. |
ماشاء الله ينفوسه على الجزء الحمااااسي الحمد الله على السلامه يااعزوز الكبير >>>الى صح عزوز الصغير من زمااان عنه المهم ادري ان الى الان الحلوه انفاااس مارح تطلعكم كذا من العراق اكيد حاطه مصيبه ولي عبود ابعدي والله لازم تخليني ابكي مايطوعها قلبها الحلوه بس مو مشكله بنشوف وش بسوي عشااان تطول المده ولا تخليه يروح لي جوجو سعود مخبول بس والله دانه بتطلع كل ذكاء العالم فيك شكله بتروح لك تطوع حتى هي خخخخخخخخخخخخخخ تستاااهل عشااان مره ثااانيه تسوي حركتك السخيفه مجود شوف من كلمة نفوسه لك على عبود انك لو تدري وين هو فيه ؟؟؟شكله نويه تلحقك به هناااك في العراق >>الله لايقول خلي الولد توه معرس ههههههه بس مااادري يااامجود كلمك صح عن دلول او لا يعني تعتقد انها بنت يجوز ليش لا وناااطرين اكتشااافتك الخطيره خخخخخخ سلوم تدري بردة خاااطري في منيره وصفعة الى على عينها خخخخخخخخخخخخخخخخخخخخخخخخخخخخخخخخخ شلون بتقاااابل ربعه الان صراحه صااار عندي حمااااس ويسلموووو ياااعسل مذهلة |
شوفي يازارا يا شيخة العرب أنا بأقول يا ليل ما أطولك بس موب لج
أنتي خليج شغل ثاني لان سعود لي مهما حكيتي أنتي وبناتج كلهم بأقوله لبنت خالتي الموقرة....... تبين تقلعين سعودي لجنوب لبنان لا و3 شهور يالظالمة أنا اللي بأبكي موب الجازي مالت عليج من بنت خالة ما تخافين الله في قلبي الغض الأخضراني.... الحين وش أطالع في الدوحة وراعي الفيكسار الذهبي طارت به الطيارة وطار قلبي يباريها.... تحول عيوني على الفيكسار وأخرتها يطلع عليه محيميد الأقرع هو وفلوعه زين الحين قلعتيه قلع الله عدوينج.... إن شاء الله ناوية تخلين اسرائيل تقصف جنوب لبنان..... إرادة الحياة تقول الأمن مستتب في بغداد.. وانا أقول الأمن مستتب في جنوب لبنان.... وياويلج وياسواد ليلج لو خليتي فيه قلاقل أمنية وإلا اضطرابات عسكرية والا أي شيء من أفكارج الخبيلة محترة محترة محترة... بس زين دواج عندي.. زين يا أنفاسوه الحولاء وحتى ماهان عليج تبردين خاطره وهو مسافر بكلمة وحدة من أم جبل الجليد اللي اسمه دانة..... لا ويحب رأسها بعد!!!!!!!! ليته فلعها يمكن تفتهم الباقين لا تعليق لين تبرد حرتي إلا شكلها ماراح تبرد قبل أنسى البق بوس عبدالله يا ويلج لو مارجعتيه... سمحت لج تقلعين سعود غصبا عني.... بس تسوين شيء في عبدالله ذبحتج ذبح النعاج وقبل أنسى لا تنسون فديتكم تذكرون الله على الحولاء اللي قلبي الأعمى يموت فيها ما شاء الله تبارك ولا حول ولاقوة إلا بالله |
[SIZE="5"]ياهلا وغلا ومرحبا بنفوسه....ياربي يلوموني فيتس بعد اذا قلت انتس كريمه ومبدعه ماشاء الله تبارك الرحمن .....
الى الان قلبي ماارتاح الين اشوف عزوز وعبادي في الدوحه وتحديدا عند جواهر ..... ياربي على سعود في لبنان قضينا من بغداد وبدينا في لبنان بس مو لبنان اشوا من بغداد..... ربي يرجعه بالسلامه ويعدي هالشهور على خير ... دلال وماجد ربي يتمم عليهم ويزيدهم ....ماجد طاح ولااحد سمى عليه ,,,خخخخخخخخخخ منيره احسن خليها تنفعتس دعاويتس خبز خبزتيه يالرفلا كليه ههههههههههههه مشكوره نفوسه ياكريمه يامبدعه على البارتات الحلوه والرائعه الله لايحرمنا منتس ومن ابداعاتس.. نجي لموعد تنزيل البارت...انا رايي من راي ابلا ارادة ينزل الصباح ونمخمخ عليه مع كابتشينو ونقراه برواقه ..وتمعن خخخخخخخخخخخخخخخخخخخخ[/SIZE] |
يهووووووووووووو بجنننننننننن بسطل بهوس يا احلى قمر بعرف يكتب ع الكون يسلمو كتير قلبي ريتو يا رب يزيد عليكي هالنعمه اكتر واكتر مشان انضل انشوفك قدام عيون القراء والكاتبات الله يسلمك ويحميكي ويحفظك لاهلك يا رب لا تنسينا بكرا البارتات الحلوه كبري شويه صغنونه البارات بليز بليز بليز بنشوفك بكرا
|
اقووووووووول انا عندي اكتشاف خطير انا فكرت ليش زوج دلال يضربها شكل دلال بكر وزوج دلال عنين دخلة مالها داعي انفاس بس والله هذا الي توصلت له رووووعه قصتك صراحه مشاعر وصف رهيب جدا الله يعطيك العافيه يارب وانا كل الشله يعجبوني صراحه من عبدالله لسعود لماجد لمحمد لسالم لو يحق لنا نعدد كان عددت :) الله يعطيتس العافيه يارب مره ثانية |
انفاااس... شكلك هالايام تشوفي الاخبار كثير اقول نفوسه حبيبتي سكري الجزيره والي يعافيك وحولي على اوربت والا افلام art , يمكن تخرجي من قوقعة التاثر بـ اوضاع العالم العربي رغم الأمن مستتب في جنوب لبنان إلا انك شكلها بتولعينها حريقة بين حزب الله واسرائيل عشان تشلعين قلوب العذارى على سعود الاناني يعني بالله طاير لجنوب لبنان عشان حاس بعدم التجانس مابين مشاعرك ومشاعر دانه طيب امك واخواتك ما لهم حيز في حياتك مافكرت ايش يصير فيهم لو صارلك شيء احنا كلنا فداء للمسلمين بس انت اصلا ً روحتك لهدف ثاني .. مو لخاطر عيون جنوب لبنان ..!! ودانه في راسها موال يخلي سعود يرجع يحبي حبي للدوحة كني عارفة بالي راسها بس ماراح اقوول جواهر الحمد لله على سلامة دودك وتقر عينك برجعتهم سالمين منيره ياكثر ما لقطة وجهها اليوم تهزيئات معتبره , وختامها مسك ضربة موجهه بدقة لوجهها عشان ماعاد يطيح لاااا جد مسكينه حزنتني بس عقابها كثر ما دعت عليه المسكين ما طاحت فيها الا هي وذحين بس تصرخ بكشفها سالم وياسواد ليلها منه بالنسبة لوقت التنزيل ما تقرق معايه اهم شيء عندي ان كوب الكابتشينو اشربه على صفحات بعد الغياب >>...لاتحافين ماراح اكبوه بس اذا بتنزليه صباحي يكون قبل 7 على قولة مها عشان الناس السهرانه مثلي تقراء وتنام والناس إلي تنام في الليل عيني عليهم بارده يصبحوا بـ احلى صباحية اما العصر احسه مناااسب للكل >> كني المتحدث الرسمي هااا ام لولو بعد الاهداء يستاهل عبدالله يكون صاااروخ ههههههه |
مرااااااااااااااااحب
كيفك عزيزتي أنفاس .؟ أن شاء الله نفسيتك ثابته ؟ أنا لو مكانك كان أحتست بين افكاري وافكار البنات ..خخخخخخخخ أشوف كلن يغني على ليلاه .. أنا ماانكر أني مثلهم أنسجمت بالروايه كثير والله .. ومااريد أحد يتأذى , بس انتي صاحبة القصة وشورك هو الأهم .. بس ياريت ماتخلي احد يموت .. خصوصآ اللي بينهم حب يهد جبال .. وبالنسبه لسعود انا قريت أنهم طلبو منك أنه يطلق دانه ويتزوج سارة . أنا أقول لك ليش قلو الرجال اللي بالقصه ؟ أكيد فيه واحد متخبي بالقصه هنا ولا هنا فطلعيه وزوجيه سارة .. خخخخخخخخ لا تخلين حب دانه الخجول يتدمر . تكفين وكلمة تكفين تهز رجال .. شوفي انا مو كاتبه مثلكم وأعبي الصفحة بكلام مؤثر ورائع . بس انا قارئة مدمنه قصص وروايات . وتوني الله قردني وطحت بالقصص الخليجيه .. وعساني حتى النوم ماعد انام كل ليلي وانا فاتحه هالجوال واقرى .. ههههههههه على العموم انا قد قلت سابقآ وأرد أقول مرة ثانيه أنتي رااااااااااااائعه والله يعطيكي الصحه والعافيه .. والله يعينك على بنت خالتك شكلها ناويت لك على نيه وتقبلي هالكلمات الرائعه مني لك .. دام راسك حي وتشم نسناس الهبوب--- واللة انك فزعة اللي زمانة ظالمة--- واللة اني قلت قولي ولاني بمغصوب بس مثلك نمدحة والخلايق عالمة---- انت ساس الطيب والطيب يبقى ومحسوب---- من تزبن مثل شرواك يقضي لازمة بخشيش علشان تزودي بالبارتات .. خخخخخخخخخخخخخخ تقبلي مرور أختك أم دودي الحلو ... ياعسل مع شكري على تعبك وعلى البارتات الجميله .. |
نفوسه البارت وربي روووووووووووووووووووووووووووعه بس والله حزنت عمنيره صح هي جننتنا بالاول والكل كان حاب ينكسر شوكتها بس والله الي عملته رهيب موقفه جنبه عالاخر ومسيحمله حرام الي يصير فيها
ويسلمو يا عسل انك نجيتي عبد الله وعبد العزيز بس قلبي ما رح يطمن الا لما يوصلو البيت ودلول بجد غريبه هالبنت ما هواما كان يا حرام عنيف معها عالاخلر زوجها الاول او انه ما صابها بس ضرب شطنا بفكارنا صح نفوسه لا طولي علينا عمري مستنيين عنار حبيبتي نسيت اقولك عن سعود ودانا اتوقع تلحفه بالصليب الاحمر اخخخخخخخخخخخخخخخخ هههههههههههه :flowers2::flowers2::flowers2::flowers2: :55::55: |
ماشاء الله تبارك الله ...
أنفاس كلمه شكر لا توفيك حقك التزامك معنا بمواعيدك اليوميه.. وكرمك الحاتمي بثلاث اجزاء يوميا ...تجعلك في اعيوننا مثال الكاتبه المتميزه ...فإن كان هناك وساام الكاتبه المتميزه فأنتي من تستحقينه ... أجزاءك اليوم لاهبه ومحرقه ...وما أقلقني هو تفكير دانه بعد كلام سعود ياترى الى اي مدى وصل بها التفكير ...ربما لحد السفر للبنان ربما؟؟ لما لا ..؟؟؟؟ دلال مع خجلها وخوفها من حركات ماجد أثبتت لنا ما لا يدع للشك .. بأن زوجها السابق لم يمسها لذا هي تستنكر حركات ماجد او ربما تخجل منها ... انفااااااااس انا ممن يحبذون قرأه الاجزاء صبـــــــــاحآ ...لما لها من تأثير إجابي على نفسيتي ...>>فيه احلى من ان الواحد يصبح بوجه انفاس ... لك مني كل الحب اهديه لك ... |
هلا و غلا بحلاى نفوسه ههههههههههههههههه لا تزعلين برق و اعذب نفسفس
شوفي انا ما راح ارد مثل كل مره بس يمكن هذي الابيات الي سمعتها بصوت عبادي توصل احساسي وتكون عبرت عنه وعن تقصيري هذي المره بعد الغياب ........... بعد الغياب .. بعد الغياب ودي اشوفك مقبله .. من لهفتك مستعجله .. بعد الغياب .. في خطوتك شوق وأمال .. في نظرتك معنى الامان ........... وفتح إيديني للقاء ساعه .. ..................... تنسيني الشقى بعد الغياب............... بعد الغياب .. تبحر مراكبنا سواء................. بعد الغياب .. ترسى على مرسى الهواء..................... نسهر في أحضان القمر .......... ننسى العتب والي هجر............... بعد الغياب .. جتني بشاير طلتك ............. ضمت عيوني بسمتك........ تحياتي لج اختج حياتي عذاب ..........اوه نسيت على فكره انا مع اغلب البنات احب البارت يكون صباحي امخمخ عليه مع فنجان القهوه في الشغل بعد ما اكون التعن خيري مع المراجعين و العملاء بارتج يروقني على الاخير فبليززززززززززززززززززززززززززززززززززززززززززز خليه صباحي |
انفاس ...اشكرك..من اعماقي.... بارتات...ولا احلى.... دانه وسعود....الى اين... جواهر قرة عينك... دلال..وماجد....اتمنى انها تتخطى الحواجز... ننتظرك..يااااااااا |
السلام عليكم ورحمة الله وبركاته
يعطيك العافيه انفااااااااااااااااس على البارتات الرائعه...التي تحبسين بها انفاسنا عند نهاية كل بارت لكن الجميل انك تترفقين بقرائك ولاتطيلين حبس انفاسهم:55: لا اوفيك حقك مهما قلت من عبارات شكر ...ومديح....:flowers2: انا طبعي ماارد الا اذا كنت متابعه مع الكاتبه من اول بارت لكن قصتك لم اعلم عنها الا بعد وصولك البارت 40...ولكن هذا احزنني عندما قراتها لانني لم اكن من المتابعين لها... ولكن مع كل هذا كسرت قانوني ورديت عليك وشكرتك. لان قصتك جعلتني اتكلم بها ليلآ ونهارآ... ((ومن شد اعجابي بها رحت اخرب على بنات المدارس والجامعات الي عليهم اختبارات واقولهم ترى فيه قصه تستاهل انك ترمين كتبك وتقرينها<<<خخخخخخخخخ))):party0033: لكن الشكر لن ولم يوفي حقك وهاانا اعود وارد عليك بالشكر والتوسلات...!!!!:f63: البارتات روعه...والاروع ان سالم رمى منيره بالجزمه<<<ههههههههههههههه ضحكت ضحك الله يستر ماتقوم امي وتلخن<<<خخخخخخخخخخخخخ:ydJ05010: سعود بهالبارت قهرن ليش يسوي كذا كل هالي تسويه له دانه ومايحس؟؟؟:mad::confused: الحين يوم قلت لها عن الترقيه تشعمطت برقبتك واخرتها تقول ماتحبن؟؟؟<<<((تشعمطت=تعلقت=تمسكت)))كلها تؤدي الى روماخخخخخخخ دانه كفو عليك والله انك صادقه غبي واغبى من الغبي<<<ياويلي من زارا وبنت خالتك:cool::cool: سالم هههههههههههههههههههههههههه والله اني مت من الضحك عليك يوم رميت الجزمه بس عليك عتب المفروض تخف عليها شوي ..على الاقل هي تسوي كل هذا علشانك..قدر هالشي منيره تكسرين الخاطر ادري ان دعاويك على سالم قبل ماكانت الا بسبب خوفك من هالبيت الحمدلله الي هداك الله..وفكرتي بهالفكره علشان ماتجلسين كل عمرك متحسره عبدالله وجواهر الكناري اللطيف الله يردك لجواهر سالم ..يكفي عليها 17 سنه فراق..قلبها ماراح يتحمل اكثر عبدالعزيز ونوره الله يردك لنوره الي قطعت قلبي يوم قالت امها لموزه انها مسكره على نفسها وبس تبكي<<<احس طفى حس بيتهم...بما ان حصوص هاديه<<<تخيلت شكل البيت موحش خالد..ابو يد <<<خخخخخخخخ على قولت بنت خالتك خطيررررررررر هو ويده بس هالبارتات مالنا حض نشوفه ان شاء الله البارتات الجايه انفااااااااس لكِ كل الاحترام على التزامك بأنزال البارتات وعلى اخذ رأي القراء بموعد نزول البارت<<<الف الف شكر مني لكِ لكن انا مالي حق اني اقول رأيي بوقت الانزال لان هذا ثاني رد لي...واتمنى تقبليني من متابعينك بالرد<<لاني كنت متابعه بصمت<<لكن الصمت لا يتحمل الكبت ونطق بما لديه... ننتظر بفارغ الصبر لكِ ودي |
السلام عليكم
اخيراً رديت<<<<<<<<< party0033: تسلمي انفاس وتسلم ايدج وبعد كل شي فيج شوفو انا اتوقع ان سالم مب عمي وبلعمد شات الجزمه بويه المقروده تستاهل اشرايكم :55: |
مرحباا ترحيب كلهاا لشششششششش من اقصي الخفووق لادناه
تدرين أني شووي وأفجر الشاشة رد طووويل وعريض ينمسح بلحظة
ياااحر كبدي حرااااااااااااااااااااه بسسسسس وش اسووي من غلاتتش الي زرعتية بقلبي كتبته مرة ثانية مع اختلاف كبير انفااااااااااس وش ذا كلة ياويلي قلبي وحالي وعقلي وش ذا الرومنسية كلهاااااااااا وش خليتي ماخليتي شي فديتشششش ربي يسلمك قلبتي المواصفاات المعرس في بالي وخليتني نزيد كم صفة عاد وقتهاا لو جلست علي كبد هلي بجيك قطر تراا مابينا الا حذفة عصي وخنجر وقتهااا مالي دخل تلقين كل الصفات الي أبيهااااااااااا عبدالله كرهتك بالاول والحين بدور شي اكرهك فيه مالقيت ماخليت شي رومنسية بصوب وشهامة بصووب وحنية بصوووووووووب تدرين جواهر كنت اتمني انك ماتسامحينه بس يووم فكرت وتخليتك أنتي بحنيتك وطيبتك ومشاعرك وأحاسيسك كلهاا مالومك يااام عزوز احنا الحريم من ضلع اعووج الحنية والرقة والمشاعر كلها فينااا وننسي بسرعه لذلك سموناا نسوووة <نساء < تمنيت والمني حبل لاينقطع لوو ماصار انك تعذببينه لفقدانك عيالك بسسس مع عبدالله مالومك لو نسيتي حليب امك هههههههه ابو عزوز سبع يعرف من أين تأكل الكتفنفاس لاتحرمينهم من بعض ترا الفقد كبير وبذات علي الكبار جواهر وعبدالله مب حمل الفقد الفقد يووم يجي علي كبر يكون موجع وقااسي ويذبخ وقتهاا من لي عزوز ونوف بعد رب العباد من دانة حيالله بلي خلت الرجال يهج تدرين حلو الشعور انه يدور رضاك والكملة الطيبة والحلوة منك شعور جميل وطيب وشرير هههههه بس تدرين اناا موقنه ومؤمنه انه الرومنسية كلهاا بقلبك بسسسسسس الحياا مانعك وطريقة تربيتك ودرااستك واعتمادتك علي نفسك كله خلا كلمة احبك تترجم لك بشكل أفعال مب أقوال سعوود تدري انه دانه صدقت يووم سمتك غبي<<ترا الكلمة عورت قلبي قبل ماتعور قلبك << بس وش أسووي اشووفك صاير اعمي ماتشوف تهج من الديرة لاجل ماقالت لك احبك الحين كل دموعهاا وتتببكهااا وليه تروح وتخليني ماابينت لك ياخي حتي العمي يشووف ويفهم بس وش نقوول الغبا زايد هل الاياام طيب خلنا من ذاا كله البنت كل شووي ناقز بحضنك وتبكي ليه وش يسمي ذااا لحظة تعارفة ولا عربون أخوة هاااااااااااا المرأة مااتحضن الا الي تحبة افهم ماعلمتك امك يووم تحضنك وانتي صغير يووم تسووي شي زين هااااااااااا بس اخ وش نقوول أماااااا يجي رجال يفهم وقااسي ولا مايفهم وحنون بس عسااها توريك يووم تلحقك لبناان ولا شكلهااا بتجيبك لقطر وانت ماتشووف الطريق وقتهاااااااااااا سالم حيالله بالسبع النقووشي عليك تصوويب خطيررررر حتي وانت اعمي قنااااااااص اولاااااا الحمدلله علي السلامة ومأجور ان شاء الله وكلامك لمحمد كلام رزين من رجل رزين وعااقل بس تدري غلط يووم عاملت منيرة كذاا يأخي تبي تتطفشهاا في اكثر من طريقة بس مب كذااااااا ماتدري انه كل وحده لسانهاا طويل عنيدة وعندهاا علي طول لساانهااااااااا هههههه مااقول ياازين الاكشنات والعناد يووم تكون من رجال رزين وبنت لسانهاا طويل منيرة حيالله ام لساان طويل يالله ماتخافين من ربك يووم تدعين علي اليتيم ليه هااا ماتبين العرس قوولي لا مااتتولين وتدعين علي الرجال دريناا انك مغصووبة بس أبووك هو الراس المدبر فكري من ورا العرس مب ذا المسكين بس سبحانه ردت دعاويك لنفسك ومنهااا ضربة جوتي سالم علي رااسك خوفك يجيك ارتجاج بالمخ وتفقدين الذاكرة ونضيع بينكم من يداوي من ههههههه بس عندي ثقة مدري من وين جااية أنه ضربة سالم بتأتي بنتاائج عكسية لكم خالد خوووووووووووويلد جعلني ماني قايلة وش سوويت وش هببت تجر شعر الجاازي ووين راح عقلك لو انها سبتك حكم عقلك انت الرجال واكبر منهاااااا مب تنااكشهااا اخخخ يااجوويزي لو أنك جويدة كاان عضيتي أصاابع يده ليماا طحنتيهم طحن لاجل يعرف أنه العيب عيب عسااك تتعلق فيهاا ليماا مااتشوف فالدنيا الا هي شعور بنات الناس لعبه لاجل تجر شعرهاااااااااااا أخخخخخخخخ فيني حرة منك بس ياارب تبرد الجازي حرتي فيييييييييك يااااقليل الادب ماااجد بعرف وش صبر الرجال علي جواهر كل ذا السنين هل لانه يحبهاا ولا حب التملك لشي جميل شاافة نظراتك لدلال تقوول شي وصبرك لجواهر تقوول شي ومااجد فيك صفاااااااااااات كل وحده تقوول الزين انت ودلال فيكم تشاابة وفيك أختلاف ونااطرة الجاي بكل شووق بالاخير أنفااااس شكرا كبير كبر قلبك الكبير علي هل الاجزاء الي كل واحد يقوول الزود عندي |
مرحبا .. أنفاس قطر .. صراحة الرواية إبداع طحت عليها من جم يوم وعجبتني .. والحمدلله قدرت اخلص كل الاجزاء.. انا ما اعرف احلل شي شي ..بس الرواية ما شاء الله توب .. والشي اللي يعجبني في أنفاس قطر .. انها قد كلمتها فديتج والله على هالمسؤولية والوعي والالتزام .. يعني لما تقول اليوم الفلاني ينزل البارت .. نلقاه نازل.. وعشان ما اصكج عين مع ان عيني مو حارة بس اقول ماشاء الله لا اله الا الله عليج وعلى التزامج وعلى روايتج .. موفقة حبيبتي .. |
بما أني أرى أن الحرب على سعود استعرت
دعونا نميل بالحرب إلى جناح عسكري آخر ساعرفكم اليوم على متابعة رائعة غالية جدا على قلبي وهي في منتدى آخر هذي البنت مجنونة عبدالله إلى حد غير طبيعي سأضع لكم تعليقها الأخير المختلف كأختلافها في محاولة لبعث المرح وروح جديدة فيكم بعد ماهلكتونا بسعود عدنا من جديد للرد على أحلآآ رواية لأحلآآ كاتبة .. أنفآآآسي ^__^ أخبارك يا الغلااا .. ؟ وربي وحشتيني أوي أوي على قولة أخواننا المصريين .. صح تذكرت أنا قلت راح اهاوشك .. اسبوع كآآمل يا الدبه ..!! اسبوووع هااا!! ما لمحت فيه لعبووودي أي أثرر حرآآآم عليك وربي وحشني مووووووووووووووت وحتى سعووود وحشني .. بس عبادي عندي حآآآجه غيـــرر وهــ بس ... المهم لا تعآآآودينهاا ثآآني مره ولا ترى أجيب العصآآآ >>>>>> برااا ×××××× أنفآآآسي يا عمـــــرري إذا انت مشغولة أنا أحب أقدم يد المساعده ارسلي لي الرواية و أنا راح التزم بتنزيلها كل يووووم بنفس السآعه و الدقيقة و الثوآني بعد آآمري كم عندي أنفآآآس أناا ... >>>>>>>>>>>>>وش رآآيك بس ههههههههه ×××××× المهم أبدأ بالتعليقآآآت الي أكيد وحشتك >>>>>>> يا شيين الوثوووووق عبدالله : حبيبي ذاا عمري و روحي و قلبي و كلللللللللل شي .. أنفآآآس يا ويلك يا سوااااد ليلك لو يصير له شيء بالعــراااق ترى اسحبك مع أذونك و أعلقك بالمروحه خخخخ وهــ يا قلبي على عبيد يا لبى خشته .. وربي حبيته من قلب كله منك يا أنفآآآس الحين اشلون احصل واحد بمواصفآآت عبآدي متأكدة مليوووون بالميه أني ما رآآآح أحصل .. >>>>>>>>>كأنها خرجت شوي عن صلب الموضووع كح كح .. الي ابي اقوله أني اتوقع انه راح يصير لعبآآدي شي و اذا صآآآر في كاتبه هنا تقرأ على نفسها السسسلام .. مفهوووووم خخخخ ×××××××× جـــواهر : يا عممممري عليك .. اذا انا مو قادره على فراق عبوود أجل وشلووون انتِ .. تهئ تهئ تهئ ما عندي توقعآت بالنسبه لجواهر بس أبي اكتب اسمها خبرك أحب الي يحبهم عبووود و يآآآلبى عبووووودي ××××××× مــــاجد : اوووووخص يا ولد و صرت راعي حركاااات .. اقووول والله لو صآآر في دلال شي لأفقع لك وجهك صدق انت صقيق عبووود بس معليه أنا حبيت دلاال مع انها رفعت ضغطي بصمتها .. بس مين يلومهاا في زوجها الأول حسبي الله عليه .. متأكدة انه بيصير عندك سلسله طويييله من أرتفآآع الضغط عشآن صمتهاا >>>>>> ترى دايماً توقعآتها خطأ هع ×××××××××× خـــآلد : والله و كثروا العآآشقيين .. سلامة يدك من كل شرر خخخ المهم والله يا خويلد ضحكتني لما جلست مآسك يدك و تخيلت نفسي مكآآآنك احرااااااااااج لووووووول المهم أحس ان الجازي صعبه المنآآل و راح يتعذب خالد لين يجيهاا مممم...! ×××××××××××× سعـــــود : ويا وييييل قلبي على سعوووود وربي حبيب هذا الانسااان .. بس مو زي عبدالله عبآآدي الحب الوحيد بحيآآآتي >>>>>>>> وش رآآيك بس خخخ يا بعد حيي يا سعوود تكفى لا تخوف قلب الدانه عليك هي تحبك يا دلخ واسمح لي على هالكلمه بس لا تروووح مكآآآن ما يكفي عبدالله .. تهئ تهئ تهئ لازم يعني كلكم تسوون الأبطآآآل .. ريحوونا و خليكم المهم ترى دانه راح تزعل عليييك لو رحت هناك و تركتهاا >>>>>هناك المكآن المدري وين الي بتقطه فيه أنفآآس الشريرة .. ××××××××××××××× مممم..!! >>>تتذكر الشخصيآآت لا يكون نست أحد مهم .. أنفآآآآآآآآس يا الشرشبيله >>> (شرشبيل) الشرير الي بالسنآآفر إذا تعرفينه هع لايصيــــر بعبآآآدي شي .. تكفييييييييييين يا الدب .. ما يصيييير ينشغل بآآلي عليه و انا بإختبآآرآآتي بآكر علي ملاغة أقصد بلاغة .. و أدعي لي .. و حطي ثلاث بارتات لعيوناتي السووود >>>>>> برااا هههههههه ××××××××××××××× رواية مختلفه .. لكاتبه مختلفه .. هكذا عودتنا يا أنفآآس انسي كل ما كتبته و أبدعي .. اريدك أن تبهريني أكثر و تثبتي لي أكثر أنك فعلاً مختلفه .. صدقيني .... يجتاحني شعور غريب كلما قرأت روايتك و عندما تختفي الفصول ... أشعر بأن يومي لم يكتمل لا تنقطعي عنآآ أبدا .. ××××××××××××××× >>>>>>> طولتهاا موو !! سلااام حبيبتي .. و بوستين لك و بوسه لمن حكآآ الحكآآية كلهااا ^___^ مع حبي / رومه الحلوة . . . . .. |
صباح الورد والفل والياسمين
صباح متابعات بعد الغياب المختلفات الراقيات العذبات هانحن نعود للصباح من أجلكم ومن أجل رغبتكم الغالية عليّ... الغالبية أرادته صباحي وهاهو صباحي والله العظيم أني أحبكم كلكم وأنتم عندي فوق الغلا وكل الغلا الله لا يحرمني منكم ولا من طلتكم ملاحظات عامة صحيح أنا ديمقراطية فيما يتعلق بما حول القصة يعني موعد التنزيل ، وأحيانا عدد البارتات <= وخر عن الصواريخ لكن بالنسبة للاحداث، مستحيل حد يأثر على أفكاري فيها اللي أنا مقررته بأسويه.. لأني حريصة أن الرواية تظل على نفس الخط الفكري اللي هو خطي بدون أي تدخلات أو ضغوطات خارجية <= مثل حال بعض ناس... ماراح أقول عشان الغالين مايقولون منقعة عند الجزيرة بالنسبة لسعود دانة... لا تخافون راح يكونون شيء مختلف جدا عن عبدالله وجواهر لأني سبق وقلت أني ما أحب أعيد الأفكار بارتات اليوم 79 80 بارتين دسمة جدا.. ستعبر خلالهما الكثير من الشخصيات ولكن الأبرز سيكون حضور سالم ومنيرة اتمنى أن تعجبكم بالفعل قراءة ممتعة مقدما ولا حول ولا قوة إلا بالله . . . . . . |
بعد الغياب/ الاجزاء 79، 80
بارت اليوم
إهداء خاص للغائبة الحاضرة الغالية بوسي التي نفتقد وقع خطواتها ولكن بالتأكيد عطرها يعبق حولنا بشفافية بعد الغياب/ الجزء التاسع والسبعون #أنفاس_قطر# سالم عانى وهو يخلع جزمته بيد وحده.. الأمر كان يمكن يكون سهل لولا أن رجوله أصلا تؤلمه.. وصعب عليه يرفعها.. في نفس الوقت اللي صعب عليه ينحني مع الجبس اللي في يده اليسار.. حاول لوقت طويل لحد ماخلعها.. وعقب رماها من الحرة والقهر اللي فيه بكل قوته.. لتضرب بشكل مباشر وعنيف جدا جبين منيرة اللي كانت واقفة عند الباب وطرف عينها.. منيرة أطلقت صرخة مكتومة.. سالم نط واقف: منيرة وش فيس؟؟ منيرة وهي تحاول تقول بصوت متماسك: خوش استقبال سلوم.. أنا داخلة جاية من المطبخ.. لقيت جوتيك طاير صوب وجهي.. سالم حاول يمشيء صوبها وهويقول لها بتوتر: أنتي بخير.. منيرة وهي تحاول تمسك وعيها: سالم الله يهداك..مافيني شيء.. الضربة بسيطــــ لكن الضربة ماكانت بسيطة.. جزمة رجالية رسمية بكعب قاسي.. الكعب ضربها بشكل مباشر في وجهها.. والضربة كانت قوية جدا.. ومنيرة بعد لها يومين ماكلت شيء تقريبا.. فحاصل جمع كل الاحداثيات السابقة أغمي عليها.. سالم بنفس النبرة المتوترة القلقة: منيرة وش فيس سكتي؟؟ بس منيرة ماردت عليه.. سالم وقلقه يتزايد: منيرة.. منيرة.. منيرة.. سالم إحساسه بالاتجاهات مازال ضعيف.. حاول أنه يمشي لناحية الباب.. لانها كانت جاية من المطبخ (مثل ماهي تقول) سالم كان يمشي بشويش ويتحامل على رجوله اللي تصرخ ألم.. وهو متوجه للباب.. حتى حس أنه تعثر بشيء لين عند أقدامه.. انحنى بشويش وهو يتحسس.. كان جسد منيرة سالم حس قلبه نط في بلعومه من الرعب والخوف عليها.. صار يحسس عليها بالراحة وهو يناديها بصوت موجوع.. رحلة اللمس عنده بدأت من بطنها.. لكن بما أنها فقدت وعيها فأكيد الضربة كانت في رأسها.. ظلت يده اليمين المرتعشة بتزايد مع تلمسه لجسدها تصعد شوي شوي.. حتى وصل وجهها وهو يتحسس بالراحة.. حتى احس بملمس أشبه ببيضة ضخمة في جبينها المنطقة الملاصقة للعين.. سالم حس بالقهر المر.. والعجز القاتل.. لأنه مايقدر يسوي شيء.. حتى الموبايل مايعرف وينه عشان يدق على أي حد.. إحساسه بالعجز مزق روحه ألف مره في كل ثانية.. وهو يحاول يدعك مكان الضربة.. وينادي منيرة بحنان منيرة صدر عنها آهة ألم وهي تحسس جبهتها لتتلاقى يدها مع يد سالم في نفس المكان..وتنتفض اليدان.. منيرة قالت بمرح متعب: سالم خلي بيضتي في حالها لا تفقشها علي.. سالم بقلق بالغ حاول تغليفه بالهدوء: أنتي بخير..؟؟ منيرة بهدوء متألم: بخير والله أني بخير.. قلت لك الضربة بسيطة سالم بألم: كل هذي وبسيطة!!.. أنا أسف.. مادريت أنس جايه ولا وين الجوتي رايح.. منيرة بهدوء: عادي يا بن الحلال والله ماصار إلا الخير سالم بغضب: لا مهوب الخير.. أنا ما أبيس يا بنت الحلال تقعدين عندي.. فارقيني لبيت هلس.. واللي يرحم والديس.. منيرة بلعانة رغم ألم رأسها المدمر: ويوم الناس يشوفوني راجعة بيت هلي من أول يوم.. وش بيقولون علي؟؟ وش بيقولون على عمك فالح؟؟ نهون عليك ياسلومي.. سالم وقف وهو يقول بحدة: أنا وش سويت في حياتي عشان ربي يعاقبني فيس.. مهوب كفاية علي العمى.. تجين أنتي فوقه.. منيرة بهدوء وهي تقوم متحاملة على نفسها: تبيني أوصلك سريرك؟؟ ************** ماجد باستغراب: دلال أنتي على هالخجل المرضي اللي عندج.. متأكدة أنج تزوجتي قبل؟؟ دلال بحرج قاتل: تزوجت.. بس.. بس بس ما انلمست.. ماجد تراجع بعنف وبصدمة: وش تقصدين؟؟ دلال ميلت وشالت فوطتها من الأرض.. كحركة لنزع التوتر.. حطتها على جنب.. ورجعت تجلس على السرير وهي تقول بخجل مميت: ماجد أنا ما قصدت أقصر في حقك.. بس اللمسة الرجولية الرقيقة والمختلفة غريبة علي.. أنا ست سنين ماعرفت من اللمسات الله يرحمه إلا الضرب.. أنت عارف أنك أول حد يبوس يدي أمس.. عمره في حياته ماباسني ولا بأي صورة.. ولاقرب مني بأي شكل.. ماجد حس بانفعال جارف عميق مفرح إلى درجة الوجع يجتاحه بعنف كطوفان هادر وهو يشكر بألم موجع الله سبحانه اللي حافظ عليها من أجله.. كلها له..كلها له كما شعر من البداية هو الرجل الأول في كل شيء.. جسدها الطاهر كان ينتظره هو.. ليكون هو من يحضى بالقبلة الاولى واللمسة الأولى والأنفعال الأول الآن علم لما شعر بعنف انها ملكه.. ولابد أن يحضى بها ولما خطط على إجبارها من الزواج منه.. لأنه هو رجلها الأول والوحيد.. في ذات الوقت الذي كانت هي أنثاه الاولى والوحيدة.. للمرة الأولى يحس أنه راضي عن زوجها وغصبه ناحيته يتلاشى (كفاية أنها ماجاء جنبها وتركها كلها لي ماقدر يلمسها لأنها لي أنا وحتى وهي عنده.. كانت لي وتنتظرني.. أنا وبس) ماجد جلس جنبها.. وحضنها بعنف حاني عميق هادر مختلف وهو ينثر قبلاته المشتاقة على وجهها.. بكثافة.. بحنان.. برغبة.. دلال بعد ماصارحته بكل شيء حست إن الحاجز اللي بينهم انهار.. حاجتها لماجد كانت اكبر من حاجته لها.. كانت محتاجة وبشدة لرجل بمعنى الكلمة.. بعد عاشت ست سنين في قهر موجع.. بالقرب من مسمى رجل أستكانت دلال على صدر ماجد وهي تشعر براحة نفسية عميقة وامان ماشعرت بمثله طوال عمرها ***************** عبدالله وعبدالعزيز ونصار وفاضل في مقهى على على نهر دجلة.. الجو كان شديد البرودة.. والشمس في أضعف حالاتها.. شمس الأصيل.. بعد العصر وقبل المغرب كلهم كانوا يلبسون ملابس ثقيلة وجاكيتات.. عدا عبدالله اللي كان مكتفي بثوبه الشتوي.. فاضل بود: مايصير هيج بوعبدالعزيز.. برد دجلة هوايا مضر.. عبدالله بنفس الود: بالعكس أنا شايف إن الجو منعش ولطيف.. عبدالعزيز وهو يرتعش: وش منعش ياعبدالله.. أنا قربت أصير قالب ثلج الثلاثة المتمترسون خلف جاكيتاتهم استمر بينهم الحوار بينما عبدالله أعتصم بالصمت وهو يعبث بموبايله.. كان يبعث مسج لجواهر كعادته المتكررة كلما غلبه شوقه لها: "أتذكر كل شيء فيكِ بألم موجع مبرح.. سرمدي.. همس صوتكِ الذائب في حناياي سحر عينيكِ وأهدابكِ المتماوجة الذي أغتال قلبي رائحتكِ التي سكنت خلاياي طعم شفتيكِ الغافي بين شفتي ملمس بشرتكِ الساكن بين أصابعي كل هذا الذي يذكرني بكِ يصبرني عن فراقكِ مرة ولكنه يعود ليقتلني ألف مرة أحبك" ********************* ماجد يصحي دلال بحنان.. يهز ذراعها برقة: حبيبتي المغرب أذن قومي تسبحي عشان تلحقين الصلاة.. أنا تسبحت خلاص.. وبأروح المسجد.. دلال كانت تنظر له برقة.. في الوقت اللي هو كان ينظر لكفه الغافية على ذراعها العاري ويقول بمرح: الحين عرفت ليش دايما يقولون حليب بالشيكولاته.. هذا انا وانتي.. دلال بعذوبة: لا ماجد حرام عليك انت أصلا موب أسمر عشان تقول كذا.. ماجد بعيارة: أنتي بلونج الفارق فيني.. خليتني أبو السمار وامه.. دلال برقة: إذا كذا.. خلاص سمارك يجنن.. ماجد بخبث لطيف: يمة منكم يالحريم.. الحين الصبح خايفة مني.. المغرب تغازليني.. ******************* بعد المغرب في بيت سالم.. سالم متمدد في غرفته.. في الوقت اللي منيرة وسارة ومها وفاطمة في مجلس الحريم.. طبعا الكل استلم منيرة على البيضة المتضخمة في جبينها واللي أثرت على عينها وخلت عينها متسكرة بالمرة.. منيرة قالت لهم أنها طاحت في الحمام على زاوية المغسلة.. سارة كانت تبي توديها للمستشفى بس هي مارضت.. قالت بعند: رضة بسيطة وبتفش.. عقب سارة أستأذنت منهم عشان تشوف سالم مها وفاطمة بنفس واحد أول ماطلعت سارة: ها منور وش مسوية مع سويلم؟؟ منيرة بخجل: زين.. مها بعيارة: عاده يشوتش.. البنات طبعا عارفين بمخطط منيرة بالتفصيل الممل.. منيرة بعيارة: أبو التشويت وأمه.. بس والله ما أخليه..أسبوعين بالكثير واخليه يستوي.. فاطمة بخبث: منتي بهينة يامناري.. منيرة برقة: لا والله مهوب أنا اللي ماني بهينة.. لكن سالم هو اللي طيب زيادة عن اللزوم مها حطت يدها على قلبها وهي تقول باللهجة المصرية المتقنة: يالهوي.. يالهوي.. مش ئادرة.. أمسكيني يابت يافَطنه.. الست منيرة هتشجينا دلوئتي.. فينك ياست سومه (وهل رأى الحب سكارى مثلنا)؟؟ عظمة ياست!! بس خلاص الست منيرة بت فالح هتئفل السوق عالكل منيرة خذت الكوشية اللي جنبها ورمتها على مها.. لكنها وقعت في فاطمة.. فاطمة تضحك: ماعليج شرهه يالحولاء.. تبين تضربينها تجي فيني.. الحوار المرح الودي المعتاد يدور بين الصديقات الثلاث في الوقت اللي سارة دخلت على سالم.. اللي كان متمدد بس ماكان نايم.. سارة كلمته بشويش: سالم.. سالم رد بهدوء: هلا سويره.. سارة بحنان: أشلونك فديتك؟؟ سالم بحزن: طيب لو أن أختس تفارقني.. #أنفاس_قطر# بعد الغياب/ الجزء الثمانون #أنفاس_قطر# سارة بحنان: أشلونك فديتك؟؟ سالم بحزن: طيب لو أن أختس تفارقني.. سارة برعب: منيرة مضايقتك في شي.. سالم بنفي: بالعكس أنا اللي مضايقها.. تكفين سارة خليها تروح معس.. سارة بود: حتى لو قلت لها ما أعتقد إنها بتوافق.. سالم بحزن: شفتي جبهتها.. أشلون وضعها؟؟ سارة بتأثر: صحيح الضربة قوية ومأثرة على عينها بس هي مارضت تخليني أوديها للمستشفى سالم برعب: مأثرة على عينها؟؟ أشلون؟؟ سارة بتوتر: عينها متسكرة.. بس أنا بعد أعتقد أن هذا من أثر الرضة.. وبكرة بيروح.. الطيحة على زاوية المغسلة مهيب هينة.. سالم بصدمة: هي قالت لكم أنها طاحت على زاوية المغسلة؟؟ سارة باستغراب: إيه.. سالم بحزن: بس هذا مهوب سبب الرضة.. سارة باستغراب أكبر: عجل وش السبب؟؟ سالم بحزن: أنا ضربتها.. سارة نطت وقالت برعب وغضب: أنت ياسالم ضربتها بذا الوحشية..؟؟ كنت بتروح عين البنية.... والله................. سالم قاطعها بهدوء: اسكتي أقول لس.. عشان تعرفين أن قعاد منيرة معي ضرها جسديا وضرني نفسيا سالم حكى لسارة.. سارة ماتت من الضحك وهي تتخيل الجزمة الطايرة لوجه منيرة (تأثيرات بوش وحذاء منتظر اليزيدي) لكنها قالت بحنان: فديتها مناري والله ماتستاهل.. سالم بحرة: يعني أنا أسولف لس.. وأنتي ميتة على روحس من الضحك.. يابنت الحلال تكفين أخذي أختس معس وأنتي رايحة بيتكم.. سارة بجدية: صدقني سالم مهيب موافقة.. اللي خلاها توافق تدخل بيتك وهي مرعوبة منه مستحيل يخليها تطلع منه.. هي بس مو مرعوبة هي ميتة من الرعب.. ومع كذا هذي هي هنا يعني مهما أنا حاولت فيها صدقني مهيب سامعة لي سالم تذكر إن سارة قالت له إن منيرة متخوفة من البيت عشان الغرفة اللي فوق.. بس ماقالت له مرعوبة.. لا وميتة من الرعب بعد!!!! (زين يامنور... يعني مرعوبة؟؟ إذا ماخليتس تهجين من البيت الليلة ما أكون ولد مبارك) ***************** جواهر كانت تعيد ترتيب غرفة ولدها عبدالعزيز وملابسه كانت تبي شيء تفرغ فيه طاقة الفرح اللي هي حاسة فيها بسبب رجعة عبدالله وعبدالعزيز بكرة الرجعة اللي قررت ماتقول لأحد عنها لحد مايرجعون عشان تكون مفاجأة رائعة للكل.. عبدالعزيز طالع مع ربعه.. وجواهر أصرت على نوف ترتب معها.. نوف تحلطم: يعني هو يطلع مع ربعه يستانس.. وأنا أقعد أرتب غرفته.. في أي قانون الظلم هذا؟؟ جواهر بحزم: في قانوني أنا.. وما أبي أسمع كلمة.. نوف بدلال: خلاص جيجي لا تحمقين.. موبايل جواهر رن.. وكان لنوف أقرب وجواهر لاهية ترتب الكتب في المكتبة.. جواهر لنوف: ردي حبيبتي.. شوفي من؟؟و وش يبي؟؟ نوف لقطت الموبايل، كان رقم بدون اسم: آلو.. الصوت الرجولي العميق اللي يتكلم بنبرة احترام بالغة: مساج الله بالخير يا أم عبدالعزيز.. نوف بأدب: هلا.. من؟؟ الصوت الرجولي: أنا راشد .. ماعرفتيني طال عمرج في الطاعة.. نوف باستفسار: أي راشد؟؟ راشد استغرب الصوت: أنا أسف على الازعاج.. هذا رقم أم عبدالعزيز ؟؟ نوف بادب: نعم .. تبيها؟؟ راشد وهو يتذكر الصوت لمن وسالفة (صف أولى جامعة ياعمي) تعود لمخيلته بكل حرج: إذا ممكن أكلمها؟؟ نوف وخرت الموبايل عنها وهي تقول بنبرتها المحببة المعتادة بدلعها الطبيعي: مامي .. واحد اسمه راشد يبيج.. جواهر كان كل بالها مع أشياء لقتها في وسط أغراض عبدالعزيز.. خبتها بسرعة قبل تنتبه لها نوف.. وهي تقول بجدية : إذا كان راشد الـ رفيق خالج.. قولي له بأكلمه أنا بعد دقيقة .. نوف رجعت الموبايل لأذنها وهي تقول بأدب لطيف: أنت راشد الـ رفيق خالي...؟؟ راشد بأدب أكثر وحرج أكبر وأكبر: أيه نعم.. نوف تذكرت مثل اللي انضربت على رأسها.. أنه هذا هو اللي كان السبب في اصرار أمها على أنها تلبس النقاب تذكرت السالفة وحست بحرج كبير: زين أمي تقول أنها بتكلمك بنفسها بعد دقيقة.. سكتت نوف ثواني وقالت بخجل كبير: وأنا أقول لك أنا أسفة على اللي صار في فيلاجيو قبل شهر.. ماكان قصدي أحرجك وسكرت نوف الخط فورا.. لكن بعد ماتركت أثر غائر في نفس راشد النقية.. كمل على الأثر السابق يوم اللقاء في فيلاجيو *************** دانة ومزنة يتحاورون.. دانة كانت هادئة جدا في نفس الوقت اللي مزنة معصبة وغاضبة ومستثارة لأبعد حد: دانة أنتي أكيد مجنونة.. هذي أفكار مجانين.. يعني عشان سعود سافر في مهمة .. تسوين الجنون هذا.. (دانة ماقالت لأحد سعود وين راح تنفيذا لطلبه منها) دانة بهدوء: مزنة على فكرة أنا أبلغش بقراري ما أخذ رأيش.. وإلا يعني عشان تخرجتي من الجامعة.. صار لش حق تطولين لسانش على أختش الكبيرة.. مزنة بعصبية: يابرودش.. والله لو يدري سعود باللي أنتي ناوية تسوينه أنه يقصبش مثل الذبيحة.. ***************** جواهر طلبت من نوف تروح تجيب لها كأس شاي من تحت عشان تشغلها لحد ماتخلص التدقيق في الأغراض اللي لقتها بين أغراض عبدالعزيز وفاجأتها.. نوف نزلت.. جواهر قررت أولا تتصل براشد قبل تنسى.. راشد كان يبي بس يتطمن على أخبار عبدالعزيز جواهر ماقالت له شيء لكنها طمنته.. وقالت له قريب بتسمع أخبار بتسرك جدا.. بعدها رجعت للأغراض اللي كانت خبتهم.. وطلعتهم.. ************** الليل أتى.. والليلة ليلة مختلفة.. تحمل صدىً لمشاعر مختلفة متباينة الليلة الثانية لجواهر وعبدالله وكلاهما يعاني الشوق القاتل الليلة الأولى لعبدالعزيز بعد الحرية من الأسر.. الليلة الأولى لسعود خارج قطر حيث أنفاس دانة تعبق الليلة الأولى لدانة وإحساس الفقد الموجع الليلة الأولى لشهر عسل لذيذ لماجد ودلال الليلة الأولى لسالم ومنيرة في حياتهما الجديدة الليلة الأولى والثانية لقلوب رجالية شابة أذابها التلامس الأول مع الوجود الأنثوي الناعم.. الأولى لراشد والثانية لخالد.. في الوقت الذي لم يكن لمشاعرها أي صدى مشابه لدى الطرف الآخر: نوف والجازي اللتان تجاوزتا الموقفين ببساطة.. واعتبرتاه موقفا عابرا.. بينما اعتبره الشابان موقفا حادا ترك أثره الحاد في قلوب لم تعرف الحب بعد (راشد وخالد كلاهما في الثانية والعشرين.. راشد كان الفصل المنصرم أخر فصل له في الجامعة وينهي إجراءات تخرجه خالد بعد أن ينهي امتحاناته المتاخرة.. يكون تبقى عليه الفصل القادم ومادة واحدة في فصل الصيف ويتخرج كلاهما يتمتعان بمستوى طيب خلال دراستهما الجامعية راشد تخرج بتقدير جيد جدا وخالد يتوقع أن يتخرج بجيد جدا أو جيد مرتفع خلافا لمحمد الذي أطال في الجامعة وسيتخرج إن شاء الله بتقدير جيد وهو يرفع أكف الشكر لله سبحانه الذي نجاه من الجامعة) الليلة أيضا ليلة اكتشاف جواهر النسبي لسر عبدالعزيز الصغير .. بعد أن أنهت جواهر اتصالها براشد.. عادت للأغراض المخبأة في ظرف تحت ملابس عبدالعزيز.. كانت مجموعة من الصور لطلاب مدرسة عبدالعزيز.. الصور تبدو كما لو كانت في تجمع طلابي ما.. ويبدو أن عبدالعزيز هو من كان يصور لأنه لا يظهر في أي صورة حتى الآن الموضوع اعتيادي.. فما الذي أثار قلق جواهر بشأن هذه الصور؟؟ #أنفاس_قطر# . . . . . |
يسلموووووووووووووووو يا عسل البارت رااااااااااااااااائع التطور الرائعبين مجود ودلول بس شو الي مخبيه عزوز والله هبطي قلبي بصراحه انا شخصيه عزوز حلوه وتعجبني هيك رجال يقبرني شو رجال اللهيستر من هالسر بس والله يستر من الي دانه حتسوي ما بينتيلنا والي الاحلا انه الاكشن رح يبتدي عند سالم ومنيره ازا حيصير يخوفها هههههههههههههههههههههه شكرا يا عسل مستنيينك عنار
|
هلا نفوسة وشلونتس؟
منيرة أشوى انه قالت له اني تو جايه من المطبخ زين عنده سالفة هالمنيرةخخخخ سالم ياعمري هو بس ان شاء الله تقوى عنده حاسة السمع ويبدأ يعرف لدخل أحد.. دانة وش هي ناوية عليه لا والسالفة فها قصب رقاب.. دلال ماأقول يمة منكم يالحريم.. الحين الصبح خايفة مني.. المغرب تغازليني..خخخخخخخ راشد هههههه أتخيله أحس اني قادرة أتخيل شكله هو فشل..الله يعنك على قلبك الرهيف ياعمي راشد خخخخخ عزوز وراه وش به الصور؟ شكراً نفوسة على الجزئين الحلوات كتير كتير |
نفوسه مشكوره على الجزء ويحلو فطور الصبااااح عليه وشكري عني انا معجبت عبود بس للاسف عبود لي انا محكور ولا احد يقدر ياااخذه >>>وشي طبيعي اي مشهور له معجبين لا عجب في ذلك >>خخخخخخ ياااوثقه عزوز وش السر الى اكتشفت جوجو هل هو مصيبه ؟؟؟او صدمه لي شاااب يعتبر في سن المراهقه سلوم والله احس انك انت المتضرر الوحيد لان منيره بتلزق فيك وسعتها بتعرف انك بدل ماتبعدها قربتها >>>تستاااهل خخخخخ رشود وخلود الله يعين اقلوبكم يااارهفين انتم بس البنااات اصغااار خخخخخخخ دانه اكيد بتروح تبرع مكان ماموجود سعود حبيب زارا >>خخخخخخخخ مجود مبروك عليك دلول خخخخخخ صج الله يعوض وهذا نهاية الصبر عبودي تكفين يااانفوسه رجعيه لي جوجو يكفي الاشعااار لا تفطرين قلوبهم ولي ياااسلامج صيري مررره بس طيبه ورحمينا ماجبتي طاااري الثوب الى ناااويه عليه ان هو الوحيد الى بي ينصاااب >>>الله يسااامحج بيتفطر قلبي بكره اهئ اهئ اهئ وننتظر بكره بي فااارغ الصبر ومع الفطور جزء نفوسه وتشويق مذهلة |
يسلموا نفوسه عالبارت الاكشن
انا من معجبين عزوز ولد جواهر اما عبود احس فيه الشخصية الاسطورية الخيالية المعروفه يعني عندي عادي اما عبدالعزيز اخو جواهر عندي انا شخصيته احلى اكش على مغامرات ما احب الشخصيات المالوفه احب الغموض والاكشن هذا تعليقي على ردك الاول اماالبارت جميل جدا وشيق الله يسلمج والنهاية محيرة بالنسبة لي والله يعين سلمت يداك قوووووووووووو هييييييييييييييييييييد |
http://C:\Users\Public\Pictures\Samp...2a8[1].gifصبحك بالخير احلى نفوسة
احلى صباح نبتديه كل يوم معك صباح معطر بالفل والورد والياسمين وبانفاس عطرة تفوح لنا من قطر كنت اقرا بارت امس اليوم وقبل ان ابدا بالتعليق عليه وجدت البارتات الجديدة اخجلتينا اخت انفاس بكرمك الزائد عن الوصف وبالتزامك الشديدالذي للمرة الاولى اجده في كاتبة منذ بدات اقرا الروايات العربية وادمن عليها صحيح انت ديمقراطية في مشورتنا في موعد نزول البارتات بس بدون زعل ديكتاتورية في امور اخرى يعني اول شيء اصرارك انك تنهي البارتات كل يوم نهاية تجعلنا نحلم بالبارت القادم وايه حيحصل فيه ونتوقع احداثه والي في الغالب تكون بعيدة عن تخيلك وتصورك الا حالة واحدة وهيه خجل دلال الزائد الي توقعةالكل انها تكون الزوجة العذراء وده طبعا نتيجة ادمان الزوج السابق طيب الدكتاتوريه ليه اختي احنا مش عاوزين حد من الابطال يحصله شيء وحش لا عبدالله ولا سعود ولا عبدالعزيز الكبير هوه ده طلب صعب واضح انك من محبي قناة الجزيرة خالص بس الخوف الا تودي احد من الابطال المرة الجاية غزة ربنا يستر دانة وسعود صحيح غبي بس الي يحب يتمنى يسمع الكلمة دي من حبيبه حتى لو التصرفات تثبت ذلك بس يهرب منها ويبعد عنها كدة وهيه في وقت محتاجة له بشدة فعلا غبي بس ربنا يستر منك دانة ناوية على ايه الا تكوني ناوية تسافري وراه تعمليها ولا تكوني ناوية تعيشي فترة الخطوبة الي انحرمتوا منها من اول وجديد وتبعتيلة رسايل تنسيه اسمه لا ما اعتقدش مادام اختك خايفة من الي حتعمليه اكيد حاجة كبيرة ربنا يستر منيرة وسالم هههه يا سالم بالجزمة مرة واحدة يعني بيدبحلها القطةبس بدون قصد بس الي ضحكني تعليق الاخت العزيزة الي توقعت انه بيشوف ورمى الجزمة عن قصد ونية مبيته للغدر ولا شكلك مبيت لها نية ربنا يستر عليها وخصوصا خوفها من الغرفة المحروقة الا تكون ناوي تطلعلها عفاريت منها ولا تبيتها فيها عبدالله وجواهر اه يا قلبي على الرومانسية الزيادة بينهم ربنا يحفظهم ويخليهم لبعض وترجع يا عبدالله سالم من العراق انا قلقانة من دكتاتورية انفاس ربنا يستر طيب ليه تقلقينا على عبد العزيز الصغير كان الواحد متطمن عليه وقال رجال ابن رجال ليه خوفتينا وربنا يستر ايه الي شافته جواهر قلقها عليه خالد وراشد ثنائي الحب الجديد والحب من طرف واحد وتقدم هذه العلاقة ورد فعل الجازي ونوف طبعا مستنيين افكارك المبدعة وكيف ستكون العلاقات بينهم اخت انفاس ترى الرواية ناقصة بطلين كمان لازم تدوري على عريس لسارة وفاطمة مش كفاية عشمتيها بسعود وبعدين ضحكتي علي ولو مش لاقية قوليلي بصراحة عندي شباب زي الورد في العيلة ولو مزنوقة في اثنين قوليلي بس وانا جاهزة شفتي حشتغل خاطبة لجل عيونك والى لقاء في بارت جديد ان شاء الله |
احلى صباح لاحلى نفوسه مشكوووووووووووووره على رجوعش للفتره الصباحيه لانها مناسبه ليي اكثر لان الكمبيوتر دوامات عندنا ودوامي صباح اما على البارتين السابقين فماصار عندي وقت لتعقيب عليهم لان قريتهم في بيت قريبتي بس قمه في الروعه واهم شي عزوز رجع بلسلامه اما على ضربت الجزمه الي اكلتها منور الله يعينها على العوار عورت قلبي الحين جاء دور البارت الجديد والله انه بارت روعه حليب بالشوكلاته ياماجد<<<موكانه طب ولا احد سما عليه ولله سالم شكله بيسوي فلم رعب اسمه البيت المسكون الى منيره اخ ياعزوزو انكشفت <<<جواهر امسويه شغل المباحث عليك نرجع لدانه شكلها الا خت بتسووي فيها اكشن وبتلحق سعود <<<بتطوع شكرا لك غاليتي على هلروايه الا كثر من رائعه باحداثها وابطالها ونشوفش على خير في البارت الجاي بس عاد الله الله في عزوز مو ياكلها بهدله من جواهر خلها تخف عليه ترى الولد عاشق |
مدري انا كنت كاتبه رد كا حجز يالين ارجع بس مو موجود شكله انحذف..!!!!!!
المهممم نفوووووووووووس يعطيك العافيه وابشركمممممم بنات فاتني المتحان وجالسه اخذ اجرئات اختبار بديل المهممم نجي لتحليل امااا ساااااالم هذ1 خطير يبي يخوف منيره صدق صدق ماعنده قلب..!! اهممممم نفوووووووووس مابينتي ايش الي في نفسسس دانه وش راح تسوي ..!! دلال كنت متوقعه انهاا بنت بس اخر كلام ماجد احراج الله يهديه هع هع شكرا ياقلبي ننتظرك ياعيني جـــــــ,ـــــ,ــــودي |
[SIZE="5"]صباح العسل ياعسل ....
ماقلت لكم اننا نصبح بوجه انفاااس يكون يومنا كله أجمل احساااس اجزاء تنساااب مثل العسل المصفى ماشاء الله ... بس اللي قهرني سويلم الدب الحين ليش مايحمد ربه ان ربي سخر له منايير تداريه وتراعيه بس على قولة المثل( قال خذ خير قال مامعي له ماعون ) تراك الخسران ياسالم وبعدين حرام عليك ليش تبي تروع البنيه لاتكون تبي تحبسها بلغرفه المحترقه ان سويتها لانسوي عليك انقلاب ماصار ولا استوى..ههههه دانه من امس وانا احترق ابي اعرف وش نااااويه عليه المجنونه ؟؟؟؟ مادري حسيته شي فوق الواقع بس شنو ..؟؟؟؟؟؟؟؟ انفااااااس دمتي لنا ....[/SIZE] |
صباحك...عسل وقشطه ....:flowers2: منوره...انار الله طريقك الى الجنه...آآآمين... الكلمات ....مهما قيلت ..لاتفيك حقك...:f63: يااهل قطر عندكم مزيووونه......بارك الله فيها.. تعليق..فيما يجول في خاطري...>>>لا يقدم ولايأخر...ولكنها حاجه في نفس يعقوب قضاها.. اغراض عزوز...كان فيه شي يخص...ديمه...<<<دايما تفكيرنا..يدور.. منيره...وسالم ..مين يغلب... سعود...ودانه...وش بتسوي...جاري الهباال... ننتظر....بكل الانفاس.... |
السلاااااااااام عليكم...
مرحباااااااااا نفوووووووسه.. شووفي انااا اليوم مزاتااجي فوووووووووق.. عاالي جدااا.. الله يجعله دوووم.. جااايه من الاختباااااااااار مستااااااااانسه لاني ولله الحمد حليت زيــــــــــــــــــــــــــــــــــــن .والامتحاان كااان موويــــــــــه.. بس يااخوفي اسووي مثل ولد عمي اللي كل ماااطلع السنة اللي فاتت من الاختبار يقووول الامتحاااااااان هوااااء .. الامتحااااااااان موووويه.. واخرتها كل هواااء وسقط بسته..ههههههههههههههههههههههههههه نفوووسه.. مدري ليش اناا خاااايفه منتس وخااايفه انتس تلعوزين عبوود ومااا تردينه لجوجو.. والله مساااكين قطعوا قلووبنا بحركاتهم ورسايلهم.. اقوول نفووسه انا للحين اقوول انتس ام النذاله كلهاا ومااراح تردينه الا ملعووزتهم لعووزه.. وبتخلينهم يصطوون مطاار بغداد عشاان تزيدين الاكشن.. والا يسكرووووون طريق سوريا البري عشاان بتسووين لهم مصيده قوويه... بس الله يكفيهم شرتس ويردون لبعض غصب عنتس... ايــــــــــــــــــــــــــــــــــــــــــــــه صح نسيت اقوولتس شفتي تووووقعي عن سعوووود طلع صح. موو فشينك.. . وانه بيروح مع القوات لمكان برااا..؟؟ صح مااا حددت المكان بس جبت الموضوع صح.. فديتني ما اذكاني.. هخهخهخهخهه.. وبعد من شفت كلام بنت خالتس وهي تقوول انتس حولاااء. قلت الحمد الله.. دامها حولا فهي بدال مااتخلي الرجال يروح لبنان بتخليه يدخل سوريا.. هع هع هع.. المهم نفوووسه.. الحين كل هالعلووم بتصير لربعناا هنااا.. ترى علوومهم.. وااااااااااااايـــــــــــــــــد.. تعوور رووسنا وحنا رووسنا تعورنا خلقه من الاختباارات.. المهم انا برد بسرعه على احدااث اليوم.. بس يمكن اهوون عن السرعه واصير امشي على اقل من مهلي.. على فكره تستااااااهل بووسي الاهداااااء.. والله حتى انا فااقده ردودها بالقصص.. منيره وسالم :: منوور تستااااااااهلين مااا جاتس.. احسن.. والله من امس وانا ميته ضحك كل ماااضكرت الكفخه اللي جت بر ااستس.. اقعد اضحك احس ان سالم خذ بثااره وهو مااايقصد.. بس ربي ولله الحمد سدد ضربته عدل وجات برااستس هالخرمان.. ههههههههههههه بس بعد صرتي تعجبيني وانتي مخااطره بحيااتس وتغلبتي على خوووفتس وجيتي تسكنين ببيت سالم بكل طيبة خاطر.. بس الحين استعدي عااد لللسكووون وللجنااانوه وللارواااااااح اللي بتقعد تطيـــــــــــــــــــــــــــــر بالبيت طيران.. لاني اتوووقع ان هذا اللي بيسوويه سالم لتس... هخهخهخه.. اقوول منووور.. تووني الاحظ ان اكبر مشاكلتس مع سالم من سبه اخوانتس.. اوول علياان رااح يبربر ويقوول لسالم انتس كنتي تبين الطلاق والحين سالم يبي يتخلص منتس عقب كلام اخوتس.. والحين اختس كملت السالفه وقالت لسالم عن رعبتس الكبيييييير من بيت عمتس والحين شكله والله العالم انه بسبب كلام اختس بتجيتس الجلطه بسبب الحركات اللي بيسوويها سالم.. هع هع هع.. راااشد .. ياا حليلك والله.. اتاااريك مانسيت البنت من هذيك الاياام؟؟؟؟؟ وش ممكن يصير بينكم رشوود؟؟ تتوقع ان نوف الصغيرونه بتكون انت محووور تفكيرها..؟؟ عزوز الصغير: وش اللي شاافته امك بالصووور ؟؟؟؟؟؟؟؟ اتوقع الصور يمكن من انت صغير..؟؟ بس يمكن ان ابووك بالصوووره ؟؟؟ ويمكن معه وحده شقرااااااااااء ؟؟ والا وحده مدري من.؟؟ . وهالصوووره بتسووووي لابووك برووبلم؟؟؟ ميبي اي ثنك ذات؟؟؟ هع هع هع.. >> نفوووسه هااه فشنك والا اصبت الهدف ؟؟؟؟؟؟؟؟؟ بس بما ان السر خاص بعزوز فانا بنفسي بقوول انه فشنك.. هع... اممممممم والله مدري وش ممكن يكون هالسر؟؟ بس يااخوفي ان هالتجمع يكوووون تجمع غير لاااائق. مع ان عزوز حبوب.. ماجد ودلال : كلوووووووووويـــــــــــــــــــــــــِش..واخييرااااااااا .. مااابغيت ياا ماجد ترتااح بزواجك.. والله دلول.. عقب هذاك الحمار الله لااايرده..المفروووض ماتقولين لماجد بيووم لأ.. وهـ الله يقطعك ياا مجوود صااير تهبببببببببل.. هخخهخهخهخه دانه : شووفي دانه انتي صراحه عقب موقفتس مع سعوود امس ودي اني دااايسه ببطنتس.. وقسم بالله حرقتي اعصاابي. وش انتي ماانه فيه مالت عليتس وعلى حبتس.. كلها الا كلمها.. قوليها جعلتس للطرم مو تضيقين صدر القلب وتخلينه يرووح يرمي نفسه على خط الناار عشاان خشتس الودره مالت عليتس انتي وحبتس.. وهعو الخبل مدري وش يبي بهالحب اللي يلووع الكبد.. بس عااد ماانقدر نقوول شي دامه يشووف انتس انتي وجهتس اللي لووع الكبد سعاده لااازم نووقف معه.. وعشان كذا انا اقوول انتي بتسووين شي من اثنين ياا انتس بتقدمين خطاب ترووحين عند سعود مع هالقوات؟؟ مع اني عجزت القى موقع لدكتورة اسنان بلبنان بالحرس الاميري.. ..؟؟ ويمكن انتي تقدمين شكوى عليه وهالشكوى تخليه ممنوع من الخروج من البلاد؟؟؟؟ هذي احسها اهوون من الفكره الاولى.. ويمكن يطلعون الثنتين فشنك؟؟؟؟؟؟؟؟؟ عبود وجوجو: اممممم.. الله يردكم لبعض.. مع اني حاااسه انكم ماراح تشوفون بعض قريباا بس مانقوول الا الله يستر عليكم.. نفووووووووسه.. ميرسي خالص على البارتي ده.. .. ونشووفك بالبارتاات القايه ياا عسووله.. على فكره وقت نزول الجزء حلوو بالصبااح بس لوو كان من الساعه خمس بيكوون احــــلـــــــــــى بوااااااايـــــــــــــــــــــــــــــد.. |
اليوم أنا ريلاكس عقب ماتجاوزت صدمة سفر سعود البارحة.. طبعا بقيت الحسرة الأبدية بقلبي لين أشوفه راجع أنفاسوه وينه سعود ماله طاري في بارت اليوم.. ياشينج أنتي ووجهج عدوتي الغالية زارا/ظبية الشرقية.... أولا ناديني مثل ماتبين.. أنفاسي تناديني ناني.. ناديني ناني لو تحبين ثانيا ما أرضى حد يقول على أنفاسي حولاء أنا بس اللي أقول لها.. من الحرة عليها أقول وإلا هي فديت عيونها الحلوة اللي مالها شبيه المهم بارت اليوم ياااااااااااقلبي على عبدالله ورمانسية عبدالله.. مايصير الله يبعث لي واحد برومانسية عبدالله واسمه سعود ونقيب وسيارته فيكسار ذهبي...... ياسلااااام.. صدق وقتها أمي داعية لي عبدالله واه ياعبدالله وكلام عبدالله اللي يذوب الصخر... أرحمي قلوبنا أنفاسوه ورجعيه لجواهر فديتج أنتي.. وفديت روحج.. تكفين يا اختج تكفين.. سعودي قلعتيه عن عيني.. ردي عبدالله لعيون جواهر راشد ونوف وخالد والجازي وعبدالعزيز وديمة... قصص على لائحة الانتظار... ماجد ودلال ... وه بس على الشيبان الخطيرين.. والله أنه خطير ويستاهل وفعلا الخيرة فيما اختاره الله والله استانست له وللمسكينة دلال... بصراحة دلال ذي حبيتها تدخل القلب دانة ذي دوري لها صرفة وأدبيها.. أبيها تتأدب مثل مامنيرة تادبت بالجوتي على راسها طالبتج أحرقيها واحرقي قلبها واعصابها شوي مثل ماسوت في بعد روحي سعود تدرين؟؟؟؟؟طرت علي فكرة... زوجيه لبنانية شقراء بيضاء طويلة تقطع القلب.. تخلي دانة تعرف أن الله حق ختام ماشاء الله تبارك الله الله يحفظ أنفاسي من كل شر ويخليها لعيون ترجيها وأنا منهم |
مررررررررررررررررحب
كيفك أخت نفوسه ..( معليش خليني أخذ وجه شوي عليك .) عزيزتي مشكووووووووووووووورة على هالأبداعات الرائعه .. وسلمت أناملك والله يحفظك من كل شر .. و الله لا يحرمنا ابدعاتك يارب . خصوصآ عندنا بليلاس كلمة بس بيني وبينك : خخخخخخخخخ ترى خليتينا نحبط من عيشتنا . وصرنا نحلم برومانسية أبطال قصتك .. فخفي علينا شوي من هالرومانسيه خخخخخخخخخخخ ( كذابه انا لا تصدقين بس كثري كثري منها ) بس مقهورة شسوي ..هههههههههه الله يعينكم يابنات .. بس على الأقل عندكم أمل . ممكن تلاقو شي من هالرومانسيه . بس حنا راحت علينا ... وهاالقصص صحصحت عندنا مشاعر كانت مدفونه .. الله يسامحكم ياكاتبتانا الراقيات والمبدعات .. أنا توني ماصحصحت من قصص أقدار . والحين جتن نفوسه تكمل على مابقى عندنا من صبر واحلام صعب تحقيقها ...هههههههههههه عزيزتي ألف شكر لك ولأبداعاتك . و حنا دائمآ رح نكون بأنتظار أبداعاتك في أي وقت تنزليها .. بس مثل ماقلت لك .. ياريت ماتموتي احد ولا توجعي قلب احد من أبطال قصتك .. رجاااااااااااااااااااااااااااااااااااااااااااااااااااااااااا ااااااااااااااااااااااااااااء خاص وديهم كل البدان ودخليهم مستشفيات وكسريهم وكل شي بس لا تموتينهم .... هذي امنية قلبي .. مو فرض رأي .. وتقبلي مروري .. أختك أم دودي الحلو ... وعساكي على القوة دايمآ وأبدآ ... والله يخليكي لعين ترجيكي .. |
ألحقوني خلاص......خلاص
هيغمي عليه يا بنات.... يالهوي ....أهههههههههه,,,,قلبي..... قلبي أنا مش قادره أمسك نفسي من الضحك قاعده بكتب الرد وبنوتي بتبص لي بأستغراب لأني ببحلق في الشاشه وانا مش مصدقه نفسي وبضحك زي اهبله لأن البارت مهدي لي من نفوستي الغاليه البارت روعههههههههههههههههههههههههههه .... فظيع ....مريع .,,,,ساحق ماحق صواريخ بتضرب في كل مكان يا بنات بليز خدوا ساتر ..... تسلم أديكي أنفاس وتسلمي أناملك الذهبيه وأفكارك الألمعيه ويسلموا يا قلبي علي الأهداء أنا سعيده جدا بصراحه,,,,,لأن المصري بتاعك رووووعه لكي حق تخافي علي نفسك من الحسد يا بنت قولي ماشاء الله لا قوه الا بالله ربنا يبارك لنا في أفكارك وأسلوبك الروعه تسلمي يا جميل المهم بسم الله أبدأ التعليق ماجد ودلال,,,,, ههههههههههههههههههههههههههه أنا أول واحده قلت ان دلال لسه بنت ....والحمد لله توقعي كان صحيح ربنا يبارك لهم ويرزقهم الذريه الصالحه,,, له حق ماجد يتجنن ,,,,ويتهبل عليها صحيح صبر ونال عبدالله وجواهر ربنا يستر منك يا أنفاس يا تري ناويه لهم علي أيه أعتقد أنك ممكن ترجعي موضوع أخو هند الي كان بيعاكس جواهر لأنه مش معقوله يستسلم كده بسهوله دانه وسعود الأثنين أغبي من بعض,,,, طيب هو شايل منها ...ليه هي ما بتنطقش حاجه تجنن فعلا,,,, أعتقد أنها احتمال تروح له لبنان مع خالد أخوها بعد ما تقول أنه هو الي باعت لها تيجي ,,, سالم ومنيره ضحكت عليهم لما قلت بس.....لما الجوتي جه في دماغها ولما قالت البيضه هتفش ,,,,, ولا لما نزل لها علي الأرض علشان يفوقها قلبي وقف وهو بيفوقها,,,, وصفك رائع جدا ,,,أنفاس وجريئ جدا كمان بس متميز جدا,,,, أنا أسفه ...مش هقدر أطول في التعليق أكثر من كده كتكوتي بتعترض وبتطالب بالكرتون....فهستسلم مع الأسف وأنسحب.... ولكني سعيده جدا جدا ....بالبارتات الي تهبل والمعذره منك أنك قصرت يوما أبطالك كلم رائعيين ومميزين ومواقفك وأحداثك كلها مختلفه وتميزه تستحقين خمسين نجمه وتثبيت للأبد تسلمي لي الموهبه والعبقريه الفذه وتسلم بنت خالتك ...ذات الدم الخفيف ... .التي بتخاف عليكي من الهوا الطاير وربنا يخليكم لبعض سلام يا جميل :flowers2::flowers2::flowers2: |
| الساعة الآن 12:21 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية