|
الله يعافيك يا ضمضم على هاروايه انا اول مره ارد بصراحه حلووووووووو
|
السلام عليكم هلا ضمضم اتيتي قبل الموعد ووفيتي به جزاك الله خير قليلا من يفعلون ذلك بارتين خورافيين اعجبوني حيل رغم انه مافيه احداث بس انك فكيتي الشفرات للبارتات السابقه بس حلوين وعلى قد الانتظار الي ما طال :flowers2: ساري -- هههههههههههه ها الانسان عجيب رهيب شخصيته عجبتني عربجي من قلب ولا اقلامه ال3 مسكته والله فطست ضمضموم كان وصفك له رهيب ماشاء الله تخيلته واقف قدامي وضحكت واخواني يسمون علي يحسبوني جنيت هههههه اعتقد وجود وظهور ساري موب لزواج بيكون عنصر فعال للشراك الجديده وذكائه ولسانه راح يخدمهم كثير واكيد مقرن ماراح يستحمل رجال مثل ساري على الفاضي اكيد شاف فيه شيئ زين ياسر حبيت اجاوبك على سؤالك عن اقلام ساري هذا دليل على انه موب متعلم بس تعلم اشياء احسن من المتعلمين من مدرسه الدنيا وانا احي ها الشخص الجديد هههه وراه يا يسور ماسلمت عليه وحبيت راسه بعد كم يوم بيصير زوج عمتك ههههههعز الله انتحر يسور وترملت رهوفه خخخخ ياسر --قل امين جعل دلع رهوفه يذوبك ويوديك في خبر كان واخواتها ههه الحين موب عاجبك فيها دلالها ولا تبي تتزوج وحدة هي بطريق والانوثه بطريق والله يانتو الرجال ماينعرف لكم ام عساف قلبي تفطر عليها وهي تبي ولدها عبد المجيد شد الهمه وشوف لها وليدها انا مستغربه وشلون ماشكو بابوه للحين وانشاء الله ينكشف السبب بالبارتات الجايه ملوك وعناد عفيه عليتس ملوكه زين سويتي فيه قليل الخاتمه وش ها التصرفات عناد ابد ماتلوق برجال مثلك ولا تقعد تحط بلا مرتك وسيوف عليها المشكله من زود جبه وتعلقه فيها موب راضي يلمسها الهواء لكن اتوقع انه ام عساف تعرف ولدها عن طريق ملوكه شلون الله اعلم جسارى زمان عن كلامك الي يضرب بالصميم لكن كلامك عن جدة والي صار فيها اعجبني حيل بدال ماتغطي مواضيع التجار جدة اولى والدمار الي فيها الله يسامح المسئولين عنه الجدة وزيارتها لعناد ما هيب لخير ابد واتوقع انه شهد ماراح تتزوج ولد عمها المهبول ريان انقلب ميه وسبعين درجه واكيد يحمل ضي سبب تبري ابوه منه دليل انه موب طايق كلمه وحدة منها وصار عصبي هي صابره فعلا هاذي المره السنعه الي تحافظ على بيتها وتساعد رجلها بالشدائد الله يعينها وبس هذا شويه كلام بصدري وحبيت اسدحه هنا مشكوره ضمضوم على البارتين الف شكر لك غاليتي :flowers2: |
السلام عليكم
ياصبااح الخيراات ..والليراات ..واجمل البارتاات .. ضمضم ياقلبي تسلمين والله على هالكرم الحاتمي ..ربي مايحرمنا منتس وبإذن الله ربي يشفيتس ويصلح الحاله النفسيه والصحيه والنتيه والاتصاليه ........ وكل شي في دربتس ربي يسهله لتس ..يااااارب شوفي ضمضم ..احنا اتفقناا واجتمعناا نحن قراء بعض العيون .. ان الظبي لجسااار ...وغيره لاتفكر ولا تحتاار ..>>شعارنا الجديد علشاان هالشي يصير...لازم تكون هنااك نقطه بدايه نقدر ننسج هالمخطط ..واحساسي ان ماخااب ان العشر اورااق اللي جابهن طارق يخصن شغل الظبي ..لان طارق كان المدبر لكل شؤونهاا ..>>فيس يدعي ان احساسه يصدق .. الجده هياا ..هالعجوووز احسهاا العصا السحريه لكل مخططاتنا ..ماعندتس رقم جوالهاا ياضمضم ابيها بسالفه بيني وبينهاا ههههههه جييتهاا واضحه تبي تقرب القلوب لبي قلبهاا ..ومثل ماخدمتنا بسالفه عنااد وملوك ..جايه الحين تدهن السير وتبي عنااد يحضر ملكه الشهد .. بس ماأضمن موافقه عنااد الا ان جيت أنا وكلمته ..اتوقع يوافق ..وبما اني مو موافقه على هالروااف كنسلت الجيه ..ونشوف غلا الجده عند الغالي بيروح علشاانها والا لا ؟؟؟ اقتباس:
رحمت هالشهد ..انا ودي اعرف امهاا وش نوع الاحساس عندهاا ؟؟؟؟؟ عيالهاا كل واحد بجهه والحال متلخبط وتبي تقتل فرحه بنتها بهالملكه اللي مالها طعم .. الا تعالي ياضمضم ..الحين مو شهد غاليه عندتس ومن أول القصه وانت تقولين (حقرص بقرص من يجيهاا جعله يقرص )..هههههههه ليه تبين ترمينها هالرميه الشينه على هالمعفن روافوووه ؟؟؟؟؟؟ ملووووك ..ربي يكملتس بعقلتس ياحرم الغالي ..اتوقع الحين عرفتي طبعه وطبايعه ..ولا تخافين ولاتغارين ..روحاته وجياته شي اكبر من اللي يدور بعقلتس ..وراح تعرفين سره من أول مره راح تستخدمين المسدس فيهاا ..يعني ارقدي وطامني مافي باله وحده غيرتس ..يالملوووك .. ام عسااف ...شوفي ضمضم ..انا مستغربه ان ام عسااف ابد ماجابت سيره زوجهاا السابق ؟؟ يعني معقوله مايجي بخاطرهاا تسأل عن ولدهاا عنده ؟؟ طيب مااستغربت ان سطام ساكت وما ماجا لهاا وحملها مسؤوليه اختفاء ولده ؟؟ يعني احس فيه نقطه مو واضحه بين علاقه سطام والغيوض ..طيب وش سبب انفصالهم ؟؟؟ معقوله الجده هياا ..؟؟؟ والله نسيت كان تطرقتي للسبب في الاجزاء السابقه ..وكان انت ذكرتيه ياليت احد يقوله لي ..لان ام عسااف بتجلطني بسكوتهاا ؟؟؟ خاطري اسوي معاهاا تحقيق عن سالفه اختفاء ولدهاا ..وهل راحت لزوجهاا وانكر وجوده عنده ؟؟ والا اسكتت وهي السكته ؟؟؟ عناااااااااااااااادي ..واللي غاير يرقد بالوادي ..ههههههه شوفي ضمضم اكتشفت ان الغيره مقطعه بعض ناااس في بعض العيووون ..من رومانسيه عنااااااااادي يالبي قلبه .. وخاطرهم يمعط شوشهم بس يحلمووووون ..ههههههه اقتباس:
كان خاطرك تسحبه من جذوره حلاااااااااااااااالك .. المره الثانيه ..ابيك تعلم الملقف وشلون الرومانسيه العنااديه ..لانهم يجهلون خباياهاا .. يقول المثل (حب نصه عضوض ) ههههههههههههه ضمني بين الاهدااب .. ماتشوفين شر يالغاليه ..تروحين وترجعين بالسلاااامه .. مايحتااج نقول الاجزاء راائعه لان هالكلمه ماتجي شي عند هالدرر اللي تنثرينهاا لناا في بعض العيون ..ربي يسلمك من كل شر يااارب .. بحفظ الرحمن .. |
صباح الورد على كل متابعات بعض الورد
الله يسعدك يا النوري والله ضحكتيني من قلب انا بجاوبك بما ان اتصال ضمضم اعمى وانا اشوى منه ولو ان اتصالي اعور ضمضم ما جابت سيرة طلاق سطام من الغيوض ولا حتى اسبابه انا في ظني والله اعلم ان سطام والغيوض بعد الطلاق سافروهي بعد سافرت وام سطام في واحد من البارتات قالت ان ام عساف واهلها جا عليهم حادث وان ام عساف توفت با الحادث والحادث صحيح لكن الي مات كان اخوها وزوجته >>عساني بس ما ني ناسيه وحست الدنيا ليت تصححين لي ضمضم وبما ان سطام طليقها اكيد ما راح تجيب سيرته تبي تطوي صفحة الماضي انا ما قاهرني غير ها الفاغره الي فاتحه فمها رهف بعمرها ما سألت امها ماما وش اسم زوجك الاول والا اي شي عن حياة امها قبل ترى والله في بنات كثير مثلها باردات ما يهم شي عااااااادي حتى لو يسمعوت الشي يفوتون وينسون والا كان على طول القطته من تعرفت على شهد والدليل ان ام سطام وام جسار بغت تطير عقولهن يوم جابت شهد طاري رهف الدايس قدامهم يعني شهد على اني ما احب ها البنت لكن عندها مخ اكبر من مخ ها المدلعه طلعت البر مدري ليش جا في بالي ان المعاط قصدي عناد القناص بيعلم ملوك على السلاح الله يسعدك ضمضم مثل ماتسعدينا |
صباااح الخير على متابعين ضمضم ،،،
طيف ،،، حبيت ارد على تعليقج السابق ،،، ذكرتيني بأشياء كنت ناسيتها ،،، جزاج الله خير ،،، بالنسبه للحادث وخوف الجده وام جسار يوم سمعوا اسم رهف عند شهد !!!! الحين تذكرت ،،، ومستغربه انو عبدالمجيد معقوله ماسمع باسم سطام وخاصةً انه صاحب مستشفى كبير ومعروف ؟؟؟ ضمضم الغاليه ،،، توقعات وتحليلات تنافس تحليلات الجزيره للأحداث الجاريه ،،، هههههههه |
| الساعة الآن 07:48 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية