|
يعطيك العافيه ضم ضم انا قلت من اول ماراح يكشف عناد الا ياسر وراح يقارن بين الصوره وبين رعد الله يعينك ياملوك اقولك اوقفي وقفة امراه حمشه ماعليك من عناد وقفيه عند حده يعني زوجته الاولى وزوجة اخوه خاينات كل الحريم يصيرون زيهن علميه ان اصابع اليد مو زي بعض وانك متربيه بيت ابوك قبل تشوفينه اتمنى من ملوك تشيل اغراضه وتروح عند الجده هيا مايادب عناد غيره ريان وش سبب تعبه لهالدرجه متاثر من موقف اخوانه من بعض او تاثره له سبب خفي والله كسرت خاطري مناهل صدق مركونه بالركن يارب يرزقه بالضنا الي يبرد قلبها ويعوضها خسارتها يالله ياضمضم لا تتاخرين علينا تكفين بداء الحماس وفك الرموز |
السلام عليكم
كيفك ضمني وكيف الصبايا جميعهم .. اولا : سلامات ماتشوفين شر ،، وان شاء الله السالفه بسيطه انا احيان لما اطول ع الجهاز احس ضغط شديد بالعين وان شاء الله مع الاجازه اللي راح تغيبي فيها عيونك ترتاح وترجعين لنا زرقاء اليمامه << تتمنى لك الخير .. ثانيا : لي تعليق بسيط ع ملوك بجد لو قعددت عند عناد بدون مايعرف حدوده في الشك بتكون ظلمه حالها كثير وهو لو ماشاف منها اي رده فعل ممكن يصدق وتكبر الخرافات في راسه صح عناد ماينلام في شكه لانه اتعقد من سيوف بس اكيد اصابع ايدك مو سوا و لازم تكون رده فعل ملوك قويه عشان يبدا يفرق بين الناس يعني معقول مع شغله ما اكتسب خبره في الناس بجد غريب موقفه المتسرع والاغرب انه ما راعى وجود اهلها في البيت معاها .. تقبلي مروري ،, اتمنى لك الصحه الدائمه |
السلام عليكم ..
هلا ضمضم ماتشوفين شر ياقلبي ..وعيونك حاولي تريحيهن بكماداات بارده .. عاذرينك والله وخذي راحتك ان شاءالله شهر >>مو من قلبي .. تعالي ضمضم الحين من الشخصيه الجديده ..؟؟؟ ساري ..ماغيره ؟؟ تدرين جاء ببالي روااف ..خطيب شهد ..بس قلت هذا مو جديد .. ياترى من اي الرجاال هالساري ؟؟؟؟؟؟؟ وصدق هو شايب ..والا بس مبالغه ...من الظبي علشان ماتاخذه ؟؟؟ بصرااحه هالساري شكله بيخرب مخططاتناا الله يستر وش بيجي منه .. مناهل ..اتوقع انها تلزم على سالفه الطلاااق ..>>وهذي وحده وطاحت يافلك افرحي .. ملوووك ..بعدي الحرمه السنعه ..اللي تعرف طبع رجلهاا ..ماعليتس من كلااام هالبناات بيتس هو مملكتس لاتروحين عنه او تتركينه لو يسحبتس عنااد بشوشتس للباب ..>>قولي والله ؟؟؟ لانه لاعصب قام يخربط بالحكي ..>>فيس يبرر له عناااااااااااااااااااد .. ياقلبي على المجروووح ..حراااااام عليكم ..انساان جرحه مابعد برى من سالفه زوجه اخوه المخزيه .. اللي كرهته بالحريم وصورت له المرأه بأبشع الصور ..!!..تبونه يمر الموقف عليه مرور الكراام ؟؟؟ والله لو مايزعل على ملوك ومايقطع شعرهاا انه مهب رجاال ..حقهاا وماجاهاا ..انساان غيووووووووووووور ..ومايغاار الا اللي يحب ..يعني تحمد ربهاا انه يحبهاا ..والا كان شوتهاا مع الباب بدون ولا كلمه ..>>فيس مناصر للابد ههههههه مالومه بس الحمد لله ان ربي سخر انسانه حليمه وصبوره وتعرف ان الرجاال في لحظه الغضب مايتواجه ..ومايميز اصلا وش يقول ..حتى الطلاااق في لحظه الغضب مايعتبر ..لان الانساان مايملك نفسه في لحظتهاا .. احسن حل يوم تخبت عنه .. >>قايله لكم ضمضم بتدبر لنا حل بدل الضرب ...تسلمين ياام اليزيد ..من يد مانعدمهاا يارب ..>>فيس ممتن لك .. رعودي ..يازين صيااحك بتالي الليل ..خلك كذا كل ماشفت ان الصرااع احتد ..اطلق صافره الانذاار علشاان يهدوون ويتركون عنهم هالخباال ..فيس يبوس رعودي منقذ المواقف الحاسمه ههههههه ياسر .. تدري اتوقع ان ام عسااف هي اللي راح تحكي لك عن سالفه ولدهاا ..لانها ارتاحت لك وتعتبرك ولدهاا .. بس هل راح تقول اسم زوجهاا الاول..سطاام ؟؟؟ عاد هناا بتصير القصه اكشن من جد ... واحساسي على كثر ماكره عنااد ياسر بيجي يوم ويحبه ..وينسى سالفه العاشق .. ضمني .. ماتشوفين شر يالغاليه ..تروحين وترجعين بالسلااامه ..>>بنفقدتس والله .. لاتنسين طمنيناا عليتس يالغلا .. بحفظ الكريم ونشوفتس على خيييييير وبصحه وسلاااااااااااامه يارب .. |
أنصدمت في عناااااد
وأنصدمت من حركات ياسر المقصوده إش اللعانه هذي ياياسر عناد مريض ... وشاك بجميع الحريم الأمثله بدأ" بزوجته السابقه والبرفوسوره في قلّة الأدب سيوف صدقيني حركاته ماقاعد يحكمها العقل ........ شكوك وشكوك وشكوك وحب يصل للغيره ... لكن لاتعدّت حدودها صارت مرض هالغيره وين الجدّه هيا ... معقول ملوك مافكّرت تشكيه عندها والله لتعطيها حقّها ... إسأليني عن الشيبان ... تراهم عادلين ولو على عيالهم أما جسّار ... ياجسّار ياليت ياأختي تحاولون تقنعونه يخرج من الديره الظالم أهلها يعيد ترتيب وترميم نفسه حزينه عليه ........... ربي يعوضه ملوك ياااااعمري ياليتيم ........ والله حزنت عليها بس المفروض اللي يتعاقب مو هي ....... ياسر النذل زعلانه من زمان اتابعك بس مالقيت وقت أرد ومن القهر ردّيت ألف شكر بس تكفين لاتطولين والله إني انقهر لابدأت أقرأ روايه حلوه وطوّلت الكاتبه في إنزال البارتات خبرك إختك كازانتا .... عندها مرض النسيان الله يشفينا ويعافيكم فإذا طولتي ... بأرجع أقراها من جديد ومافي وقت وصدقيني رغم هذا النسيان ... لكن عناد ماينّسى ههههههههه أرجوك لاتعلمين ملوك ..... صدقيني نيتي طيبه ألف مليون ترليون شكر |
احب ان اقول هذا تعليقي الاول مع اني من متابعي القصه الرائعه
ويعطيش العافيه وماتشوفين شر انشاء الله ياسر الله يعينك ياالعاشق (وما الحب الا للحبيب الاولي) عناد عندك عقدة من تلك الافعى وبفعلتها بجسار بس لاتقيس افعالها على الكل تطبق على ملوك اعتقد انك حنون بس تغلب عليك العصبيه والتسرع ملوك الله يعينك على بلواك واحد خاين والثاني شكاك(وين ماطقهاعوجه) بس مالك الا الصبر رعود فديت الى انقذ الموقف رهوف كان خليتي ياسر يتكلم الله يهداش |
| الساعة الآن 12:55 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية