منتديات ليلاس - مرســـــــــــــــــى !!!

ياقلبي ارحمني ولا تعشق اليأس
ذبحتني واللي ذبحني عنادي

إنسان أنا مثلي مثل باقي الناس
ياخي أبي ارتاح حزة رقادي

أتعبتني ولكل الأشياء مقياس
وأنآ آنسحب مادام فيها تمادي

ياليتني عايش بلا قلب وإحساس
ولا أحس إني كذا شي عادي

تقتلني أوجاعي وأناْ آقول لابأس
وتخنقني الوحده وأنا في بلادي..!

تحشرجت في داخل الصدر الأنفاس
وصار الغلا والحب كبوة جوادي

من كثر طيبي صرت في يدينهم كأس..!
لاصار فاضي ماانحمل بالأيادي

بنيت من نفسي لهم مسند وساس
ولا أحد لبى الندأ يوم أنادي

خسرت يامآ..بس..مآ أنزل الرأس
تبقى المبادي في حياتي مبادي

عطيت يامآ..بس..لآ يمكن انداس
هذآ البحر ينهاب لو كان هادي

نفسي عزيزه والقناعات نبراس
وصدري كتاب أبيض ولا هو رمادي

مؤمن لو إن الضيق والهم..وسواس
واتعب وأقدم للحلال اجتهادي

كني جذع وأقدار عمري هي الفأس
تضرب على حلمي...وتقطع مرادي..!

..