صباح الخير ياحلوييين ،،



أخيراً رجع الموضوع وانتعش القسم ،، فيس يبوسج ام رنو ،،

الله يعطيج العاااافيه ،،

حياكم الله جميع وشاكره جدا تفاعلكم مع الموضوع لا حرمني الله منكم

السلام عليكم ورحمة الله وبركاته
فديت ام رنوش على هالكلام الحلو بحقي
اخجلتيني فديتس
والساعة المباركة اللي اشارك بهالموضوع العجيب

مضيفتنا الكريمه بتجاوبنا على هالاسئله
هلا وغلا امريني اسالي ماشاتي من عيوني اجاوب





1-متى اول مره طبختي ؟
كنت بالبتدائي يمكن صف رابع

2-اول طبخه طبختيها ؟
حمسة طماط وكانت عجيبة عباره عن حبتين طماط وملح وكوب زيت تقريبا

3-اول طبخه نجحتي فيها وممن تعلمتيها ؟
البيض بالبطاط من الوالدة الله يحفظها

4-كتاب طبخ دائما ترجعين له ؟
اول مابديت اطبخ كنت اخذ وصفات من كتب شركة المطاحن الكويتية
بس الحين ما اعتمد عالكتب ابد

5- متى تجهزين الغدا ومكوناته من الليل او في وقت الطبخ؟
اجهز من قبل بيوم بحلتين ان يجيني ضيوف او اني اشتهيلي طبخة بعز الليل وماينفع اطبخا اجهزلها كل شي
ومن الصبح اسويها حتى قبل الريوق
والا العادةكل يوم بيومه الا اذا الطبخة تبي تنقيع مثل الستيك

6 –هل تستمتعين بالطبخ وتحبينه والا تحسينه واجب ثقيل ؟
اول ما عرفت طريق المطبخ كان احلى اوقاتي اقضيها فية واتفنن بالاصناف واستمتع فيها
بس من عقب ماتزوجت تنذكر ماتنعاد كرهت المطبخ والاكل احسه اثقل واجب على قلبي

7-تحرصين على تزيين اطباقك والا بالبركه ؟
شخصيا ما احب العبالة ولا اشغل نفسي بالتزيين المتكلف انا احب بس ارتب شكله

8طبخه تتقنينها وكل ما عملتيها لازم اللي ذاقها يسألك عطيني المقادير وطبعها تحطين لنا الطبخه بمقاديرها
ام علي وحلا الحليب المحموس
الحلا ام رنوش حاطته بقسم الحلويات فديتها
وام علي جدام شوي بتلاقونها

9_اداه في المطبخ لا تستغنين عنها ؟ واذا كان بالامكان صوره لو من النت ؟
السكين ولوح التقطيع ما اظن محتاج صورة

10- شيف او طباخ تحبين تشوفينه يطبخ ؟
اسامة السيد وجيمي اليفر

ونايجلا لاوسن احسها تتبع نفس اسلوبي طباخ الرفلة (المدهولة بالمصري والخوثة بالشامي اعذروني ماعرفها بالمغربي)


واخيرا تخيلي اننا موجودين عندك ومدي لنا سفره من صنع يدك
عاااد هنا انتي وكرمك وياليت تكون بالصور والطريقه
عند الاستطاعه ؟
طبعا ما نبي كلفه حنا خوات
الساعة الباركة والله عيوني المركبة موبس عزيمة حياكم فديتكم

لحظة رادة لحد يرد