منتديات ليلاس
صفحة 2 من 4 1 2 34
عرض 200 مشاركات من هذا الموضوع لكل صفحة

منتديات ليلاس (https://www.liilas.com/vb3/)
-   القصص المكتمله من وحي قلم الاعضاء (https://www.liilas.com/vb3/f498/)
-   -   دفنت روحي بالثرى .. معاك ياولد عمي (https://www.liilas.com/vb3/t80623.html)

دانة الدوحة 13-03-10 04:55 PM
اقتباس:
المشاركة الأصلية كتبت بواسطة 00!!دلعي غييير!!00 (المشاركة 2203327)
*؛

..دانه..الدوحه..

..مسائج..ورد..

..فديتج..شعرفج..بزعلي..خخخخخخخخخ..

..ربي..يبارك..بالأمتحانات..

..تأكدي..أننا..بأنتظارج..

..دوم..هب..يوم..

..وفقتي..عزيزتي..

*؛
دلعي

ياهلا ياهلا ياهلا
شخباااارج ياحلوة؟؟ شعلومج؟؟
اول مرة ادري انج اتابعيني .. استانست والله
خخخخخ العصفورة قالت لي ..
الله يسلمج .. وياج يارب .. الله يوفق اليميع
الليله البارت
باانتظارج .. خلج قريبه
ولاعدمناج

دانة الدوحة 13-03-10 05:16 PM
اقتباس:
المشاركة الأصلية كتبت بواسطة ΑĽžαεяαђ (المشاركة 2209560)
السلااااااام عليكم .......

دندونة حبيبتي تسلمين على البارتين الخطيرة << فيس يبوسك ..

جزء اليوم يقهر صراحة ابعرف ليش الرجال في قصتك كذا اغبياء ما عندهم عقول اولهم علي والثاني خالد والحين جينا بسعيد وكلهم انخدعوا بالحريم يعني لهالدرجة ما عندهم نظرة في الناس ويعرفون يفرقون << فيس يبي يربيهم من جديد ..

سعيد :: شمسه حبيبتك ها <<< فيس يضحك ضحكة شريرة هههههاههههاهههها .. تصدق عاد كنت متوقعة اصلا انها راح تسوي فيك كذا اصلا باين من وصفك لها ان عقلها على قدها وبالاخير انت ما كنت غير اداة مؤقته عشان تحرك حبيب القلب بس والله ان هالشمسة بردت قلبي فيك الله يبرد على قلب الي راح يرتبط فيها << فيس متعاطف عليه من الحين ..
بس تعال سعيد الحين اش قوة الوجه الي فيك تروح لروضة وتبيها من تقبل عليها تستقبلك بالاحظان وترجع معك ولا كأن الي راح صار صدق انك طويل هبيل والله يا ان روضة لو بس جلست معك وما طردتك كان جتها علوم مني بس شكلها عارفتني زين عشان كذا اتقت شري << فيس كان مستعد للمضاربة خخخخخخخ
شوف سعيد الحين انت ما عليك الا انك ترابط في بيت روضة وما يخلو الامر من انك تتكفخ كم كفخة من خليفة عشان تفرحها شوي واكيد تترجى فيها لين ما يطيح راسها وبرضوا تستغل الاولاد عشان يلينون قلبها شوي عليك ...
وانتي روضة شوفي يا قلبي من اليوم ورايح اكشخي وغيري من نفسك حلو الواحد لما يغير شوي لان حتى النفسية تتغير واي تدلعي في كلامك شوي والمكياج لا تمسحينه ابد انا عارفة انه مضر للبشرة بس وش نسوي زوجك عاد عليه افكار وكله في سبيل انه يبقى معك على طول واي يا قلبي لا تنسين تتطلعين الي راح كله من عيووووووووونه << فيس يحرض ..

سارة ومنصور :: صراحة انا يا سارة من اشوف اسمك صرت ابكي حياتك مملة مملة مللة << فيس متأزم مرة .. يعني انتي الحين ابد ما في تغير كله بليستيشن واكل وشرب ونوم ما راح يتغير نظامك << فيس مل من السالفة ..
شوفي ساروه خطوة حلوة انك رحتي للدكتور الي ما دخل مخي لين الحين والا في دكتور ما يبوح بأسرار المريض لشخص قريب مثلك يعني اذا انتي ما عرفيتي كيف راح تساعدين في علاجه بس ما عليه انتي امشي في الي قاعدة تسوينه وربي معك << فيس يدعي لها وبقوة خخ

سلوى :: مبرووووك الخطوبة يا سلوى وعاش من شافك يا ابو تلفون الحين انت وش طلعك يعني بعد ما زانت مالت .. شوفي سلوى الحين انتي صعب تقولين للحمير الي عندك عشان كذا تكتمي على الموضوع واول شيء تقولينه لزوج المستقبل هذي الحكاية او تقولين لاخته توصل له الموضوع يكون احسن من قبل لا تتزوجون حتى لو في مشكلة تكونون للحين على البر << فيس يفكر بحلول بس للاسف رجال القصة كلهم لا يعتمد عليهم مدري اش فيك يا دانة على الرجال << فيس مبتسم هههههههه


أمل :: خلاص يا امل حكاية منتهية وقد بث الامر فيها شوفي هو واحد من اثنين يا ان هالولد يكون مافيه نخوة وتنسحبين انتي له ويكون مصيرك مصير لولوة او يهتدي ويشوف قد اش انتي صديتي ويتمسك فيك وتنتهي الحكاية على خير << فيس يحسن الظن على طول ...


حمدة :: خخخخخخخخخخخ والله ان الشغل مع هالمكشرة يجيب سدة نفس ولا كمان مو بس الشكل الا كمان الاخلاق مقفلة معها على طول ولعت فيك هههههه ربي يعينك بس شوفي حمدة انتي لعلي من اليوم ما راح تكونين لواحد ثاني << فيس يخطبها وراح يجيب الملاك خخخخ

دندون مشكورة مرة ثانية على البارت واعذريني تأخرت كثير على الرد الي يشوفني يقول هذي تكتب قصة مو رد كل يوم اكتب شوي واوقف بس اكتشفت اليوم شيء ان السهر هو الي كان مخليني كسلانة ومتضايقة وما فيني حيل على طول واليوم عشان نايمة تمام ومعدلة نومي كتبت ثلاث ردود << فيس يحصن نفسه

يا الله حبيبتي منتظرينك على 9 تسعة وخمس اذا ما شفت البارت نازل بتخد العقاب لك << فيس يطالع في الساعة من الحين ههههههههه

لك كل الود



http://www.liillas.com/up3//uploads/...f24646c5ec.gif
زوزو

وعليكم السلام ورحمة الله وبركاته
ياهلا ياهلا ياهلا
شخبارج يالغلا عساج بخير؟
وين هالغيبه .. من زمان ماجفنا طلتج ورايج ..
عسى المانع خير ..
ههههههه جفتي اشلون الابطال كلهم اغبياء .. ولا احد فيهم طلع عبقري .. جوفي الانتاج الغير ناجح ههههههه
سلمتي ع الرد الجميل .. ويعطيج العافيه
هههه حاسه فيج .. خلاص ولا تزعلين 9 يكون عندج
<> فييس يرتجف من الخوف خخخ
الف شكر لمرورج
ولاعدمناج
خلج قريبه

دانة الدوحة 13-03-10 05:45 PM
خلصت الردود الحمدلله ..
واتمنى اني مانسيت احد من الردود

برب لين الساعه 9

نلقاكم على خير

دانة الدوحة 13-03-10 07:55 PM
دقايق والبارت عندكم


..برب..

دانة الدوحة 13-03-10 08:02 PM
..::]][[ الحفنه العاشرة ]][[::..
(زوجي الصغير هل لا سامحتني؟ )

"علي "


كنت قاعد على شاطي جميرا الرائع .. ولفحات الهوى الصيفي تضرب بويهي .. حر حر حر .. يزيد من حواليني .. ماادري صراحة ماادري .. هي من جوفي؟ ولا الهوى نفسه حار .. فتحت اول زرارين من ثوبي .. قعدت على الحصايه الناعمه .. المصقله .. تذكر .. من سنتين .. كان قاعد بنفس هالمكان ..مع ربعه .. وروحه هايمه في ويه بدر .. تذكر .. تذكر انه بعد ماتزوج لولوة .. بالضبط .. ثالث يوم من زواجهم .. كان مستقر على هالمنطقه .. وكأنه يذكر هالبحر في ذاكرته وحبه للولوة الي خلاه يجوفها فكل شخص يمر عليه .. حتى بدر .. صار يحب يتأمل ملامحه لانه تذكره فيها .. تذكر ذيك الايام الحلوة .. الجميله الي قضاها مع هالانسانه البشعه .. اشلون صارت بهالبشاعه .. ترددت فباله كلماتها .. " انت السبب .. انت .. حاولت احبك .. حاولت .. " هز راسه يقطع سيل كلامها القاسي .. ومايدري اشلون تخيلها وهي قاعده على الحصايه الكبيرة الناعمه .. ساندة جسمها على يدها .. ويدها الثانيه بيده .. يكلمها عن حياته .. ويحاول يكسر حاجز الصمت الخجول الي كان يحسه وكان يتوقعه في لولوة .. ابتسم علي على هالذكرى الحزينه .. ابتسامه تكسر القلووب .. الي يجوفه يدري انه منجرح من شخص غالي .. غالي حيل عليه ..غمض عيونه مع نشيج البحر الحزين على حاله .. هبت نسمه مع البحر وصافحت ويهه الحزين بـ كل الم تقول له مبروك خلاصك من شقاك .. ويقول لها .. انا وين اروح الاقى صورتها معاي ... ترد عليه تقول هي ماحبتك اخدعتك كانت تلعب من وراك .. عيونه الحزينه تردد تقول كانت البسمه كانت الحياه كانت الماي .. تجيبه بغضب اشلون تطلب الحب من شخص مايذكر لحظة لقااك ؟ ... يجيبها بحزن راضي انا بعلمها الحب على اوتار الحزن والناي .. تصد عنه بوجع وتقول لا تطلب النجوم في سما ماهي بسماك .. تعانق نظراته الارض ويقول لها للاسف هي ماكانت النجوم كانت مناي .. اكتسى ويها حزن المنى هديه من ربي عطاك؟ ... يتنفسها بحزن ويرد عليها للاسف كنت احسبها الامل الشوق وطلعت هي شقاي .. آآآآآه يا نسمه .. آآآآآه بسج عتب .. بسج لوووم .. رن تلفوني رفعته بصمت طالعت الساعه كانت ساعه متاخرة على الرغم من هالشي ماكنت حاس بتعب .. غمضت عيوني وانا احرك ريلي بهدوء في هالماي .. تذكر ريحة عطرها .. تذكر بسمه ثغرها .. تذكر



أنا رحــت المكــان اللي جمعنــا مـن قبــل عامين ... بغيت أصبر مع الذكرى وأعيد أيام تذكارك

تصدّق!! شفـت ياعمري رسوم إبها حـروف أثنين ... ولقيت أن الجدار اللي لمسته يحمل أسرارك

بدأ بذاك المكــان اللي تحيــده كـــل شــيء إيلين ... نعـم يشفق على حالي ويتخبّــر عن أخبارك

وعطرك هو ترى عطرك ولو قد صار له سنتين ... أشمّـه بـس في الواقـع أشــم بغيبتـــك نارك

قعدت أتخيّلك تطلع وأشوفك بس ما أعرف وين ... ولكن وين ياعمــري وإنتــه بعيــد في دارك

بدت تخنقنــي العبرة وأنا أصـارع دموع العين ... ياليتك عشت هالموقـف بتعرف كيف مقدارك

سهرت يلين ما بيّن عـن إطلـوع الفجــر ثلثين ... أسامــر نجمــة غيابك وأكلّمهــا عن أعذارك

طلعت من المكان وكن قلبــي منقســم قسمين ... في عيني صورتك وإنته قبالي تسمع أشعارك

عرفت أن الزمـن قاسي ولكــن فرقـة القلبين ... صعيبه يابعد عمري وفي وسط الروح تذكارك

للشاعر : جمعه بن نايم الكعبي ..


صكر عيونه بتعب .. اليوم الشغل ارهقه .. قرر انه يبقى في الامارات على الاقل هالشهر .. وبعدها يفكر يرد قطر .. صكر عيوونه .. وتذكر بحزن شفاف وحنين .. الطفل الي جافه اليوم يلعب ويا امه وصوت ضحكته تلفت الانتباه .. يلعب بالحديقه الي قرب الشركة .. كان طالع مستعيل من الشركة .. بس لفت انتباهه هالمنظر خلاه مندهش .. يحس بالحب والحنان .. دخل الحديقه .. وقرب لمكان كله اطفال .. الي يلعب والي يصرخ .. والي والي والي .. لفت نظره طفله حزينه.. قاعده على الرصيف الي يفصل الرمل والحشيش .. تطالعهم بعيوون حزيينة .. ودمعه قهر متوسطة عيونها .. قرب منها .. ومسك كتفها .. فزت الطفله بفرحه .. بس بعد ماشافت ويهه .. اختفت الفرحه من عيونها .. وفرت ويهها لجهة الاطفال بخيبه امل .. ياقلبي عليها .. تكسر الخاطر .؟؟

قلت لها: حبيبي ليش قاعدة هني بروحج؟؟ ليش ماتلعبين ويا اليهال ...؟
قالت وهي اتمد بوزها بزعل : مابي العب وياهم .. .

طالعها بدهشه .. اول مرة تمر عليه طفله ماتبغي تلعب ؟ وتستانس وتعيش طفولتها .. قلت بدهشه: ليش؟؟ ...

اشرت على 3 اطفال يلعبون : انا كنت ابغي العب هاللعبه بس هذا الولد ويا امه يلعب وكنت ابي العب بس امه قالت خله هو يلعب اول .. طالعتني وعيونها مترووسه دموع .. عشان انا ماعندي ماما مايبون يلعبوني .. وبابا اصلا راح .. بس مارجع

مسحت على راسها بحزن عورت قلبي ضميييتها بقوة لقلبي .. ماعندج ام يا حبيبتي .. ؟ .. واشتبين بـ ام ممكن تكون مثل لولوة قاسيه ومايهمها احد .. ام ولا كأنها ام .. انتي ياقلبي محرومه من حنان الام؟ .. وانا محروم من وجود الضنى.. مسحت على شعرها بحنان .. شكلها يفطر القلب .. شعرها ناعم مثل بشرتها وبشره الاطفال الناعمه .. كان شعرها يتلامع مع اشعه الشمس .. ولونه صاير فاااتح وايد : زين حبيبتي وين راح بابا ؟؟ .. اشلون يخليج هني بروحج ..

مسحت ويهها بحزن وقالت وهي تمسك يبهتها وبعدين تأشر على جهة معينه من الحديقه : بابا راح يشتري لي ايسكريم .. وماريتا تكلم هذيلاك ..

اشرت على وحدة سمره تلبس حجاب ابيض قاعده ويا الخدامات تسولف وناسيه الياهله .. فزت وركضت صوب ابوها الي نادى عليها : شوق؟ ..

شلها ابوها عالي وضحكت هي بكل وناسه ناسيه احزانها .. ولمت رقبه ابوها وهي تضحك : ايسكريييييم ايسكرررريم ..

طالعني الريال وشكله معصب : خير يالشيخ في شي؟؟ ..

ابتسمت له وانا اشر على بنته : وايد حلوة .. الله يحفظها ويخليها لك .. بس ..كملت بغصه .. انتبه لها تراهم نعمه بس احنا مب حاسين ..

حسيته يطالعني بغباء وقهر .. مشيت عنه وابتعدت .. وطلعت اكمل اشغالي ..


فتحت عيوني .. ياالله مااجملها هذيج البنت .. الله يحفظها يارب ويرعاها .. تذكر حلمه باليهال بس عقد حياته بعصبيه وقام من البحر .. لين متى بيقعد يتذكرها .. خلاص هي صفحه وانطوت ..


...................
"سارة"


بعد مامرينا يسوف حبيب قلبي رحت بيت عمي .. الي بالاصح بيتي حاليا .. اااه تعبببببببببت اليوم تعبت .. من الصبح ويا سلوي دواره فهالاسواق .. وبعدها رحت المستشفى .. وجفت دكتور منصور ..!! امحق دكتور ! مايصلح دكتور .. يصلح يكون ..يكون تمثال ثمين .. صحيح ماكان الدكتور وسييييييييييم .. لكن كان فيه جاذبيه .. جاذبيه كبيييرة .. استغفر الله .. اعوذ بالله .. انا شقاعده اقول؟؟ ..وبعد مارجعت ورحت لمنصور .. رجعت لبيت امي.. تدرون من زمان ماجفتها وانا متعودة اجوفها مجابلتني 24 ساعه فصعب علي يوم كامل مااجوفها !!

طالعت الطريج ..لفت انتباهي سيارة صفرررررا .. لون اصفر فلاااشي فااااقع !! .. بالله عليكم هذا لون يصبغون به السياره؟ .. خلصت الالوان .. هزيت راسي بخفه واستهزاء .. اما يسوفي الصغير من شاف السيارة اشر عليها وهو يقول : تيييييييياله تييييييييييياله تفلا

بسته وانا اقول : فديييييييييت حجيييييييييييك انته من وين اتيب هالكلمات ها؟؟ كل شي غلط فغلط .. فديته انا فديته العصقول بو خدود فديييته

يسوف دز ويهي وهو يقول : توفي تياله تفلا

ضحكت على تسميته: اي والله تفله .. تفله طالعه من قلب ..ز خخخخ لا تفله واحد مزكم بعد .. فيها بلغم .. ويا هاللون خخخخخخخخخ

طالعني يسوف وهو معقد حياته وهو يقول : تنو تتولين ..؟ انتي هبيه"غبيه".؟؟

عضيت على شفايفي وانا اقول : ايا الملسووون ؟؟ انا عمتتتتتك يادبدوووب

يسوف الدلوع قال : انا مو دووووب انتي دووووووووووبا مكييييييييييييييييييييييييكا "يعني دبه وااايد خخخ"

صفقت وانا اقول حق يسوف : يسوف بو تمبه يشرب عصير بو همبه .. "همبه قديما = منجا حديثا " > مع المصطلحات جنه عيوز اتحندب خخخ

صكر عيونه وتجتف وفر ويهه عني وهو يقول : انا ماهبج كلاس لاتهاجيني

ضحكت وانا اقول: وي عشتو الشيخ يوسف ليش ان شاء الله عسا ماشر

قال بصوته وكانه زعلانه : انتي تهاجيني؟ انا زئلان اسلا

ضحكت بحب:فديت الزعلان انا

قال : استبين؟؟

عضيت شفايفي : له لاه له زعلان يسوف من صجه .. شلته من الكرسي .. وخليته فحضني : بودييييييك بيييييييييتنااااااا الكبيييييييييييييير

استاااانس وقال وهو يصرخ : نللللللللهب نفث امممممممث


حركت راسي يمين يسار وانا اضحك : اي اي ..

لمااااني بقوه:/ هيييييييييييييييييييييييييييه انا اهبببببببب عمممممممممممممممممة تااااااااااااااااااااااااااااااااااااااله

ابتسمت بتعب ووناسه يحليله يسوف .انتبهت ان السيارة وقفت من فترة بسيطه.. احنا صوب الاشارات الحين ... التفتت الا جفت ريال يطالعني .. وشكله كان يطالعني من مساعه ..!! .. عقدت حواجبي لا اراديا

ابتسم لي .. عقدت حياتي زيادة .. هذا شكلي جايفته من قبل .. بس وين ؟؟ .. وين .. ؟؟!! ...

سمعت يسوف يقول لي : اللللللللله توفي تالوه بيبي !! ..

انتبهت عليه .. وجفت الياهله .. وهني تذكرت .. بس هني تذكرت هالريال ..!! .. هو نفسه ..!! .. الي جفته .. بـ اللاند .. اي هو نفسه .. الي كان يلاعب بنته .. ايام امي ومرام يجهزون لي؟؟ !! .. صح صح .. انصدمت .. !!

نزلت انظاري ..افكر .. شالي طلعه فحياتي من يديد .. صديت مرة ثانيه للدريشه .. جفته يطالعني بااستغراب ...
عصبت اشفيه ذي .. مضيع شي فويهي ولا شسالفه؟؟ .. انفتحت الاشارات وانا بحيرة للحين .. لفت سيارتنا .. وسيارته راحت بطريجها لجدام .. ياريت اعرف ليش .. او شمعنى جفته الحين ؟ .. وياترى يتذكرني هو ولا .. بس صدفه !!؟

وصلنا للبيت ..نزلت .. ونزلت يسوف .. انتبهت في يد مسكت يدي .. طرا على بالي الريال الي فالسياره وخفت التفت بسرعه لليد .. وطالعت صاحبها المتلهف ..

: انتي يييتي؟؟ .. وينه .. وينه ؟؟؟!!

قلت بخوف: شنوووو؟؟

قال مستعيل : الشريييييييييييط..

ارتحت .. مادري ليش كنت خايفه ومتوترة .. تنفست براحه وقلت له : زين اصبر؟ .. بنروح داخل وبوريك الاشرطة مو شريط واحد ..

يراااني من يدي .. بالاحرى سحبني سحااااب .. يراني وياه للبيت وانا اتعثر .. : منصور اشفيك .. صبر باطيح .. !!

منصور : يالله يالله وينهم وصلنا البيت ..

تنفست بسرعه .. زفرت بسرعه .. وانا اقول : صبر .. باخذ نفسي .. فالغرفه بعطيك اياهم .. منصور اشفيك اوف !!
تنفست بقوة .. وانا اجوفه .. يتحرك من جدامي وهو يشل يوسفوه ويمشي على الدري ويقول .: يالله ؟؟ ..

ماتحركت لي ماجفته ينزل الخطوتين الي صعدهم ومسك يدي بيوديني فوق بسرعه .. بسرعه شلت يدي من يده :: بايي .. يالله .. انته روح اول وانا يايه وراك |...

طالعني كأنه يتأكد من صحه كلامي .. ومشى جدامي .. قصدي عدى دريات بسرعه ويوسفوه يضحك مستانس عباله منصور يلعب وياه ..!!

وصل جناحنا واختفى من انظاري .. وصلت اخر دريه .. وجفت سالم يطالعني بقهر وحقد .. عقدت حياتي .. اشفيه؟؟ ..هزيت جتفي مب مهتمه ..اصلا لو بيدي ذبحته بعد حركته السخيفه فـ الامارات .. عصبت يوم تذكرت الموقف ..وقررت اروح الجناح ومااعطيه فرصه يتحجى لانه شكله بينفجر اذا ماقال كلمه تجرح .. وانا ناقصته؟ .. طنشته .. وكملت مشيتي للجناح .. بس منصور طلع بسرعه من الجناح وهو يقول : يالله يالله ياللله؟؟؟

هزيت راسي وانا افتح عيني له بمعنى " صبر صبر .."

دخلت الجناح وصكر منصور بسرعه الباب ومسكني وقعدني ع الكنبه وهو يمد يده لي : وينه؟؟

هزيت راسي بااستنكار لعدم صبره .. ودعست يدي بالشنطه وسويت نفسي ادور وقلت بمكر : اوووووه نسيييييييته فالسيااااااااااااااارة ..

نقز منصور من الكرسي بيركض برع الجناح مت الضحك وقلت له : تعال تعال اتغشمر وياك .. كاهم الاشرطة ..

سحبهم من يدي .. وجافهم واحد ورى الثاني .. وابتسم باانتصار ورفع يد وحده وهو مسوي حركة "البوكس" وصرخ بوناسه: يـــــــــــــــــــــــــــــــــــــــــس !! ..

قرب من عندي .. ولماااني بالقوة ثواني.. تفاجأت .. وانصدمت .. ومايحتاي اقول لكم .. ان الدم الي في شرايني صار يمشي بسرعه .. ويضرب بكل عنفوان في قلبي بقوة .. وويهي زاد احمراره .. باسني على خدي وقال لي : شكرررا ..

عفوا .. بس لحظة.. صوتي وينه ؟؟ .. مب قادره انطق .. منحرجه .. فتحت حلجي برد بس .. صوتي مختفي .. يمكن نفسي مصدووم ..!! .. نفسي انا مصدومة .. ياتني الصيحه ليش؟ ماادري لا تسألوني .. جفت منصور بنظرة حنونة وتجمعت الدموع فعيني.. وهو يفتح التيلفزيون ويركب عليه السوني .. ويوسفوه قاعد عنده ومتسند عليه وبيده يد السوني .. متجهز الاخو يلعب وياه .. خنقتني العبره .. ليش ماادري ماادري ..

تحركت للغرفه .. ناداني : سارو؟

طالعته مستفهمه .. وفعيوني دموعي .. صوتي كان مبحوح يوم قلت : هـ ـ ـلا؟ ..

طالعني مستفهم .. ونظرة ثانيه ماليه عينه .. بس شنهي؟؟: وين رايحه مابتلعبين معانا؟؟

هزيت راسي بالنفي .. وقلت بهدوء: بـ ـااتـسـ ـ ـبـ ـ ح

دانة الدوحة 13-03-10 08:04 PM

طلعت عباتي وشيلتي .. حطيتهم بااهمال على السرير .. خذت ثيابي واحتياجاتي الخاصه ..ودشيت الحمام .. وماادري ليش صحت .. صحت من قلـــب .. ماادري اليوم يوم جفت سلوي تجهز عمرها للخطبه الي ماصارت لي .. والملجة والعرس الي بيكونون بعد 3 شهور بعد ماحددوهم ويا عمي .. ولا لاني حسيت اني وحيدة وحتى سلوى بتروح عني .. ولا لاني جفت ثاني اليوم بالسوق وماانتبه لي .. ولا لاني جفت منصور وحالته .. ولا ايش بالضبط .. انا ليش اصيح الحين؟؟ .. حاولت اسكت روحي .. بس ماقدرت .. كان اليوم بالذات فيني طاقه رهيبه للصياح .. قعدت فالبانيو وانا بملابسي والماي يتصبب فوق راسي .. ودموعي تصب .. بدون سبب .. مادري ليش كنت اصيح .. ليش ؟ .. ليش؟؟ .. مالقيت سبب .. مالقيت .. بس الي لقيته حسره .. حسره مُـرة على نفسي.. حسره تاكل قلبي آكال ... حسره على شبابي الضايع .. حسره على مستقبلي .. وحسرة على احلامي الي مثل كل بنت .. تحلم بالانسان الي يحبها وتحبه .. حياتهم سعيدة .. صحت من قلب .. وانا اتذكر احلامي وطفولية احلامي .. وامنياتي البسيطه .. وحتى مواصفات زوجي .. مواصفات الرجل الي ابغيه فحياتي .. ياااه .. شنو احلامي بسيطة .. شنو احلامي جارحة .. انا ليش اتذكر ليش .. صحت بمراره وانا اقول ليش ليش .. انسي انسي .. سارووة بلا ينون .. انسي .. صحت بصوت عالي وانا اضرب فالماي الي تيمع فالبانيو وقطرات الماي تتنطش على راسي وعلى حواف البانيو .. غطيت شفايفي بقوة ومسحت دموعي بقسوه .. امنع نفسي من الصياح بس مب قادره .. مادري مادري .. سألت نفسي مليون مرة ليش اصيح؟؟ .. ليش اصيح مافي سبب .. مافي ! .. لقيت نفسي اتذكر عمي ويوم جه بيتنا ويوم قالي بتزوج منصور غصبا عن خشمي .. ويوم صطرني طراق طيحني ع الارض .. وبنفس اليوم الي حلمت ان عمي يدوسني ويضربني .. تذكرت يوم حلمت حلم مرعب .. اتذكر تفاصيله بالضبط .. قمت خايفه من النوم حزتها والاحداث الي صارت لي اثرت فيني .. اتذكر يوم ملجو علي .. اتذكر يوم عرسي .. اتذكر اشلون كنت هاديه .. واحس ببرود داخلي .. اتذكر يوم صحت يوم جفت اخوي ماجد .. اتذكر يوم طالعت فيه بااستجداء بس مافهمني؟ او تغيشم؟ .. تذكرت طفولتي وحلمي .. تذكرت امنيتي فالزواج من ثاني .. تذكرت ايامي معاه هو وعبدالله وحياه .. كنا رباعي مانفترق حياة وثاني وعبدالله وانا .. اتذكرت من كنت فثالث اعدادي وانا حسيت اني بديت اميل بشكل كبييير لثاني .. كنت اقول مشاعر مراهقه بس كانت تزيد وتزيد لين وصلت القمه فثالث اعدادي .. اتذكر حتى اني قلت لحياه عن مشاعري لـ ثاني .. لانها فذاك الوقت كانت تحب سالم ويمكن تفهمني .. بس لقيتها تقول لي انتي توج صغيره يوم بتكبرين شوي بتعرفين انها مشاعر مراهقه .. بس انا ليش ماقاعده انساه ليش .. انا حبيت كل شي فيه .. كل شي .. حتى ويهه العادي حبيته .. ويهه ابدا مافيه وسامه مثل الوسامه الي يمتلكها منصور .. بس .. كانت فيه جاذبيه تشدك له .. بعد هالصياح .. تسبحت بهدوء .. حسيت بصدااع ينهش راسي بكل قسوه .. طلعت من الحمام بعد مالبست .. ارتعشت من برودة الغرفه .. بس مااهتميت .. توجهت للتسريحه مشطت شعري بخفه .. صليت .. وقعدت ع السيادة اسبح ..صكرت عيوني بتعب .. ومشيت بتهالك للسرير .. صكرت المكيف بالريموت لاني حسيت اني باتثلج .. قررت اطلع الصاله بس كنت متكيسله .. غمضت عيوني .. ورقدت بدون مااحس .. قمت بعد فترة وانا احس اني مصدعه بس اخف من مساعه بوااايد بوااايد .. مشيت للحمام وغسلت ويهي .. حسيت بيوع .. مسكت بطني ... وقررت اطلع اكل .. غريبه منصور وماجد مالهم حس .. تذكرت ان يبت يوسف بعد هني .. غريبه؟؟ .. مالهم حس .. !!..طنشت رحت للتسريحه ومشطت شعري بعد ماجفت اطرافه .. ولكنه للحين مبلول بس بخفه ..تنهدت بحزن ..بس سرعان ماتناسيته وقررت اروح لسلوي بس اول شي اجوف وين منصور ومجود ويسوفي وبعدين اروح لها ..توجهت للباب بخطى هاديه .. وانا احس براحه وهدوء ..كنت ماسكة جوالي وكان به مسج فتحت المسج وانا افتح الباب كان من ماجد يقول انه خذا يوسف لانه عنده موعد ..ابتسمت يحليلك يا مجود .. هالاخو احبه وااايد بس للحين مانسيت يوم خذلني .. يمكن لاني حقدت عليه وهالحقد صعب اني اتناساه بسهوله .. فتحت الباب باروح الصاله .. بس صدمتي خلتني ماسكة مقبض الباب وريلي ثابته فمكانها .. وعيوني تطالع المكان بصدمة .. كان بااختصار "مزبله" بمعنى الكلمه .. حبات الجبس متناثرة على الزوليه .. وقواطي بيبسي خاليه مقلوبه على الارض .. وجبل قشور حب .. وحبات متناثرة على الارض وموزعه بعفسه .. اكياس جبس متراكمه على الارض .. الكنبات معفوسه .. والكوشيات"مخدات" متناثرين على الارض .. وبعضهم واصلين لين باب الجناح .. بااختصار .. عيوني كانت مفتوحه ع الاخر .. كنت معصبه معصبه من قلب ..صرخت بعصبيه : منصوووووووور .. منصووووووووور ..

لكن كان جسمه هادي ثابت مثل مااهو .. ماتحرك .. نايم والتلفزيون شغال .. وعنده نايم ماجد الي كان حاضن منصور وهو نايم وياه .. الامبير وصل المليون عندي .. مشيت بعصبيه لمنصور .. هزيته بقوه وانا اقول بصوت عالي : منصوووور قوم .. منصوووور وصمخ .. منصوووووووووووورووووووووو ... منصووور !!! ..

زوج من العيون طالعني .. قلت بعصبيه : انتو الي مسوين هالمزبله صح ؟؟؟ ..

طالعني بخووف .. وهز راسه بنعم .. اشرت على منصور بعصبيه : وهالثووور الي ويااااكم موسخ معاكم؟؟ .. يهاااال انتوووو ؟؟؟ .. كل واحد اطول مني وجذي موصخين .. ماتستحوووون ؟؟؟ .... قووووم يالله نظف الي وصخته ..

هزيت منصور بعصبيه لانه كان راقد ومتعمق بنومته .. اما ماجد .. فطالعني بخوووف .. وشدد من احتضان منصور وهو يهمس بخوف : منصوور .. منصووور اخووي قوووم؟.. طالعني وبلع ريجه بخوف .. ترك منصور .. ووقف وهو يشل 3 قواطي بيبسي طايحين صوبه توجه للزباله الي كانت في نص الجناح .. وفلع القواطي بخوف فالزباله .. وثواني الا وهو يركض طالع من الجناح .. صرخت عليه عشان يرد وينظف مع منصور الزفت الي راقد .. هزيت منصور بقسوووة وبقوووة ,.. منصور قوووم .. منصوووووووور .... هزيته وهزيته وهزيته بعصبيه .. وكل شحنات الغضب طلعتهم اوانا اهزه .. فتح عينه فجأة .. وبحده .. طالعني وهو يقول : شنو؟؟ ..

قلت بعصبيه مماثله لعصبيه مساعه : انتو الي مسوين هالمزبله كلها؟؟ .. اعتدل في قعدته وهو يفرك عينه .. كملت كلامي بعصبيه : انته ماتستحي ريال شكبرك طول وعرض وجي توصخ؟؟ .. جوف المكان شلون مزبله .. ياتني الصيحه ,... ومن بينظفه طبعا الخدامه سااارة ... الشيخ منصور يوصخ ويخرب ويعفس الدنيا وتطييييييييح فوق راااااسي .. صرخت بعصبيه وانا اير منصور بقوه : قوووم ...

طالعني مستغرب ؟؟ .. وقام وياي .. طالع المكان بدهشه .. وكأنه بريء مب مسوي شي .. عصبت وانا اتجتف : تسوي روحك ماتدري عن هالخرابيط وشمهببين فالجناح على فكرة هذا جنااااح بييييييييت .. مب زرييييبه حيوواااناااات ..

طالعني وهو عاقد حياته كأنه مب فاهم بعض الكلمات وقال : مب انا واللـ..
صررررخت بعصبيه وانا اجوف نظرة الغباء فعيونه .. وقلت وانا ااشر على المكان العود : اتجوف هالمكاااان ابيه يلمع من النظافه .. والله يامنصور وهذاني حلفت والله .. ان عودتووها لاتجوفون شي ماجفتوووه فحيااااتكم سمعت ... " صرخت بعصبيه اكثر " والحين يالله قوم نظف ..

هز راسه بطاعه وخوف .. وقال لي : انزين .. بس مااعرف

هديت يوم قال انزين بس شياطين الدنيا ركبت راسي يوم قال مااعرف كملت بعصبيه : اي بس شاطر توصخ وتخرب .. مو الولد المدلل .. ولد البااااشا .. متعود توسخ ويخمون ويعدلون من وراااك .. مافي شي اسمه مااعرف .. تجوف هالوصاااخه كلهم بتيمعهم انت بروحك .. لانك الكبير الفاهم بينهم ومع ذلك موصخ وياهم .. وعشانك موصخ هالوصاااخه كلها .. "دنعت وفتحت البلاي ستيشن وخذت الشريط الي فيه .. وضغطت عليه بكل قووووتي .. تثنى بالخفيف بعدين انفلت من يدي وطاح ع الزوليه مكسوور وهني سمعت شهقه منصور القويه "

قلت بعصبيه : هذا بس شريط واحد والبقيه تحلم تلعب فيهم هالاسبوع ساااامع .. تحلــــــــــــم ..

كمل بصدمه وصوت مكسور: انتي ليش سويتي جي ؟؟ ..

صوته كان يكسرر الخاااطر .. بس لاء .. لازم يتعلم ويتأدب .. شنو هي لعبه .. وخصوصا ان هالموقف تكرر .. هذي ثالث مرة يسونها فالجنااح ويطلعون وانا الي ارد انظف ..

كمل وهو يطالع الدسك المكسور بحسره : انا احب العب هاللعبه لييييييييييش ! تيمعت الدموع فعينه ! ..

نزل للارض ومسك الدسك الي كان منقسم قسمين .. قسمين وبس .. وصورة الالعاب الي فالشريط مرسومه على جهة من الجهات المكسورة والجهة الثانيه كانت فيها النص الثاني من الرسوم ..

سمعت شهقته وتكتفت بعصبيه وانا اقول : يالله قوم نظف ..

رفع راسه وهو يجوف الدسك .. ويطالعني بألم .. وانكسار .. ويمكن حقد وكره ... بس سرعان ماتغيرت نظرته للصدمه .. رفعت حواجبي معصبه .. كنت احس بشي يحترق من جسمي .. احس بشي يحتررق .. ويعووورني .. بس وين هالمكان بالضبط للحين عقلي مابرمجه لين سمعت شهقه منصووور القويه : دددددددددددددددددددددددم

طالعته بسخريه .. هه .. مايبغي ينظف قام يتحجج بهالحجج ...لين مااشر على طرف قميصي طالعته بااحتقار وطالعت يدي الي حاطتها على قميصي .. وانصدمت يوم جفت قميييصي الابيض غرقااااان ببقع دم كبيييييييرة .. حسيت برررجفه فجسمي .. حرقاااان متوااااصل من يدي ... شليت يدي بخفه من يدي الثانيه وطالعتها .. كانت غرقاااانه دم .. تجمعت دموعي فعيوووني .. كان في جرررح متوووسط كف يدي .. ارتجفت يدي بقووة ... وانا اردد : دم ؟؟ ... دم ؟؟!!

انفتح باب الجنااح .. وسمعت شهقه سلوي وهي تقول : اااااه شصااار؟؟ ..قالت بمرح بدون ماتلاحظ الشحنات الي ماليه الجناح.. اعصار توسونامي صايب جناحكم؟؟ ليش جي وصخ؟؟

ااااااااااااه

شهقت هي بصدمه وهو تجوف قميصي الابيض وبقعة الدم الي عليه صوب جتفي اليمين .. ويدي اليسار جدامي واطالعها ودموعي تلمع فعيوني .. ركضت صوبي .. وتعثرت وطاحت من عفسه الجناح ومرة ثانيه قامت ويات صوبي وهي تقول بصوت مخنوق : شصااار؟... ليش يدج فيها دم ..

منصور رفع قطعه من السي دي وراوها الدم الي عليه .. وقال بصوت مكسوور : كسررت شريطي .. مال حلجه بحزن وكأنه بيصيح

قلت بعصبيه وانا ناسيه الم يدي الي تحرقني : ليش الي سويته شويه الجناح ووصاخته شي عاادي عندك ..

طالعني وشكله صج بيصيح .. وطالع سلوى وهو يقول : سلوي تشترين لي هالشريط؟ .. باعطيج فلووسه .. مابي منها شي الحسووودة ..

عصبت وكنت ناويه ارد عليه بس سلوي يرتني وهي تدقق فيدي ..وانا صحت وانا احس بيدي تحترق زيادة وودتني غرفتنا وراحت للحمام بسرعه طلعت عده الاسعافات الاوليه وابتدت تعقم الجرح .. وويها احممر وخشمها احمررر وعيووونها تلمع بالدموع وهي تقول لي : سارو حرام عليج منصور تعب وهو يدور على هالشريط ليش كسرتيه

قلت بعصبيه وحقد وانا امسح طرف ويهي بيدي السليمه: انتي ماجفتي شمسوي فالجناح شـ آآآآآآآآآآه سلوووووي يحتررررررررق مااقدر أأأأأأأأايي .. صحت باالم لانه يحرقني وسلوي صاحت وياي وهي تلف يدي بالشاش ..

تركت يدي ومن تركتها كنت بااضغط عليها لانها تألمني صحت باالم .. : اااه والله يحترررق.. مسكت الشاش بقوة بشله من يدي لانها تحترق بس سلوي صاحت وهي تقول : سروووي دقايييق وبيروح الاحتراااق صبررررررررري ..

صحت وانا اقول: مااقدر .. سلووي يحتررق .. يعووور !! ..

مسكت يدي وهي تقول تعالي ببدل قميصج ..صحت باالم وانا اقول .. مااقدر احرك يدي تعوورني .. تحرررررقني .. بس مشيت وياها لغرفه تبديل الملابس وانا للحين اصيح .. لانه يدي وااايد كانت تحترررق .. بدلت لي قميصي بس كانت مغمضه عيونها .. طلعت من غرفه الملابس وعلى طول قلت لها وانا اشااهق : سلوي يعووور .. بس سلوى كانت ماسكتني وخلتني انبطح ع السرير .. فتحت المكيف ... وانا للحين اصيح ..
: شييييلييييييه سلوي والله يحتررررررررررررررررق

انتبهت ان منصور يطالعني وهو عاقد حياته ويطالع يدي .. وفعيونه دمووع .. التفتت للجهة الثانيه من السرير وانبطحت وانا اكمل صياحي .. تلحفت وانا واقول : طلعووو برررع .. كملت صيااح وانا اقول :سلوي طلعي واخذي اخوج لا ارتكب فيه جريمه قتل ..


قالت سلوي بحذر: مب طالعه الا اذا وعدتيني ماتشلين الشاش

كملت صياحي وانا اقول : سلووووي ..

قالت بنفس نبرتي : سرووووي ..

صحت وانا اقول : انزين بس اخذيه مابي اجوووفه ..

صحت باالم وانا اسمع الباب يتصكر وصوت سلوى ومنصور الي كانت تكلمه يختفي بالتدريج .. !


..............


" حمده "

رن موبايلي .. ورفعته بضيق .. بعد اخر مرة صرخت علي "خوله" بأن ممنوعة المكالمات والشغلات الفاضيه الا وقت البريك وانا احط موبايلي سايلنت بس اليوم نسيت احطه سايلنت .. من السرعه .. رديت ع التلفون بهدوء : الو ..

ياني صوته الواثق : السلام عليكم ورحمة الله وبركاته .. هلا حمده ..

رديت بهدوء : وعليكم السلام ورحمة الله وبركاته ؟؟ ..

بنفس النبرة : شحالج ؟؟ ..

رديت بااستغراب : الحمدلله ؟؟ .. خير ؟؟ .. شي صاير حميد؟؟.. فيكم شيي؟؟

حسيته ابتسم وهو يقول : لااا لا يابنت الحلال هدي اشفيج خايفه؟؟ ..

قاطعته وانا اقول : حميد؟ ..

زفر بقله صبر : حمده بلاج مستعيله؟.. شي صاير؟ .. ابا اخبرج بس ان عفاري وشميس وامايه مش فالبيت ع اساس اذا رديتي ماتحاتينهم؟ ..

عقدت حياتي؟ .. وعويت بوزي.. ماقالت لي عفاري انهم بيطلعون؟ .. واييي يا فشلتي .. انا لازم اقول لهم اني ابي ارجع اسكن بيت ابوي؟ .. مايصير جذي مثقله ع العالم وغاثتنهم ..

سمعت صوته ينادي بصوته الواثق الرجولي: حمـدة معاي؟ .. الو؟؟ ..

رديت متخسبقه:اي اي معاك .. اها .. اوكي؟ .. مشكور؟؟؟

رد بهدوءه: العفو .. حياج بنت العم .. يالله اترخص ..!

رديت : فداعه الله ..

صكرت من عنده .. وانا مستعده لهوشه من هوشات الشيخه خوله؟ .. تراها ماتطيجني .. وتدور الاشارة علييه عسب تتضارب ..

تنهدت براحه وانا اراقب مكتبها خالي .. اوفف .. لفيت ع مكتب غاليه .. وكان نفس الشي فاضي .. غاليه اليوم مش مداومه .. وخوله طالبها المدير ..

خلصت من ادخال البيانات .. رن التلفون .ز وهالمرة كان تلفون المكتب .. تعايزت .. اقوم ارد .. لانه كان يرن من مكتب خوله ..

وقفت بروح ارد بس رد صكر من نفسه .. رديت مكاني .. وتنفست بضيج .. رن تلفون المكتب ورحت وشلته من مكتب خوله .. : الو ؟؟ ....

بس اكتشفت انه مب تلفون مكتب خوله ..تلفون مكتبي !! .. رديت شلته وانا اقول الو؟؟ ..

سمعت صوت حد يتنفس ؟.. وبعدها سمعت صوت .. ياااه .. غاب عني واااايد واااايد ! ..اشتقت له .. اشتقت له وااايد .. وااايد .. صحى فيني احساس مات .. صحى فيني شعور حزين .. يتيم .. ماحسيت بهالشعور من شهور .. ماحسيت اني يتيمه مكسورة فبيت عمي .. يمكن لانهم احتوني .؟. بس ليش احس بهالاحساس رد .. يوم سمعت صوته .. ليش الحين احس اني يتيمه مالي سند .. امتلت عيوني دموووع ..: السلام عليكم ؟؟ ...

صحيت من ذكرياتي الحزينه الموجعه قلت بصوت مبحوح من الذكريات الحزينه .. حاولت اسيطر على الخنقه الي بصوتي بس بكل بساطة فشلت : و و عليـ ــكم الـســلااام !

سكت فترة وبعدها قال: اختي ..! .. اممم .. ممكن اكلم الزميله "حمدة الـ "

الدمعه الي كانت متعلقه بعيوني انهارت على خدي .. اختي !! .. ماعرفني .! .. ياحسافه حبي لك .. يا حسافه ! .. :لا اخوي.. اقصد .. لاء ماعندنا موظفه بهالاسم .. غلطان !

دانة الدوحة 13-03-10 08:08 PM

تنهد بضيج .. ورد قال: متأكده اختي؟ .. ماعندكم موظفه بهالقسم ولا ماعندكم هي من الاساس .. !

بلعت ريجي الناشف .. وقلت بصوت حاولت اخليه حاد : اظن رديت عليك اخـ ــ ـوي .. اي خدمه؟؟

سكت لبرهه وقال: طيب اختي .. مشكورة ..!! .,, بس من معاي عشان بس اعرف؟

ارتجفت غصبا عني .. الظاهر خالد ماناويها على خير .. اشيبي فيني الحين بعد مامرت نص سنه على فراقه الحين تذكرني؟ .. ولا لايكون غدرت فيه مرته ؟ ولا صابها شي عشان جي تذكرني !! .. ولا .. ولا اشتاق لي !؟... لالالا ياحمده لا تضعفين حاسبي .. حاسبي .. هو اصلا مايحبج .. ورخص فيج !! ..
على طول قلت بدون احساس : خوله !! .. خوله!

سمعت صوته الهادي : اوكي خوله ؟ تشرفنا ...!! فـ امان الله؟!
رديت وصوتي يرجف: فـ امان الكريم !

صكرت وانا احس اني بصيح بصيح لا محاله .. يديني كانت ترتجف انفتح الباب .. ابرزت عيوني على الي دخل ..

كان



كان



كان ..







عميل يشتغل ويانا تنفست براحه .. وللحين عيوني زايغه .. كنت صج احس اني عايشه برعب بعد مكالمته .. للحين يلاحقني؟ .. يحبني؟؟ .. وانا؟؟ ... انا .. احبه؟ للحين؟ بعد كل الي صار؟؟ .. ليش .. بلعت ريجي بصعوبه وانا اقول : ايوه اهلا تفضل؟

..........

"لولوة"


اتصلت على جواله .. بس مغلق ..تأففت ..سمعت حس بدر .. وتحرقصت فمكاني .. سمعت دقه على الباب .. بس حتى نفسي ماقدرت اخذه .. هذا بدر .. بدر .. يمه يمه .. ارتجفت من الخوف .. سمعت امي تقوله واحد من ربعه ينطره فالميلس ؟.. نطرت ربع ساعه وبعدها .. فتحت الباب .. ياناس ملل .. انا الي مااقر فالبيت اسبوع من يصدق ان لي شهرين فالبيت .. اوفففف .. وكل ماقلت لامي باطلع .. تهاوشت وياي .. العده وهالخرابيط .. روحي زين شاسوي فالعده .. والناس بينتقدونا ومن هالسوالف .. ياخي انا من قال يهموني الناس؟ .. اصلا الناس شيرضيهم؟ يا شيخ لو ملاك نازل من السما مارضو به وطلعو فيه الف عيب .. يات علي انا؟؟ .. وخل يقولون خير ياطير ؟ شسوي لهم انا .. اوففف تنهدت بضجر وملل .. شاسوي .. ياناس متملله .. لا عندي رفيجات مقربين ولا عندي تيلفون ولا عندي شي يسليني .. تنهدت للمرة المليون .. تذكرت اني كسرت تيلفوني .. يالله لو اني ماكسرته جان ماتمللت هالكثر ..

طلعت الحوش بضجر .. وقعدت على الدري الي يودي على الليوان .. حطيت يدي تحت خدي .. وظليت اطالع بيتنا والحديقه .. شوي وبان لي قصر "منصور" .. اوووه .. شلون راح عن بالي؟ .. ايوووووووا ..

منصور ..



هو الي بيحل هالمشكله

^_^


...............


"سالم"

نزلت من السيارة وانا زهقان .. مشيت بثقل للقصر .. دخلت وسيييدة طلعت جناحي .. بدلت ثيابي .. وبقيت بالشورت .. حراااااااان .. وصيفنا حار مايرحم ولانه انتصف الشهر ف 7 يعني الحرارة حدث بلا حرج .. تنهدت متملل .. وحطيت يدي تحت راسي .. تحسست شي ناعم تحت يدي .. عقدت حياتي .. وسحبت هالشي ..

جفت بجامه ناعمه .. عقدت حياتي اكثر .. مالت من ذي؟ وشيابها عندي؟؟.. ثواني وطرا طيف سارة فبالي .. وتذكرت اني انا الي خذتهم .. ذيك الليله .. تذكرت ذيج الليله ... وضحكت على نفسي .. كأني حرامي .. لحظة؟ .. يعني الحين انا مب حرامي؟ ياشيخ ماخليت شي ماخذته وتقول مب حرامي .. اقول بس ..

تذكرت يوم سافرنا الامارات .. احلى سفرة .. صراحة .. حبيت هالسفرة وايد .. تذكرت اكثر من موقف جمعني مع سارة .. وعقدت حياتي يوم تذكرت هذاك الريال الي راحت سارة له .. تبون الصج .. ماقدرت امسك اعصابي .. زين مادفنتها ودفنته وياها .. عقدت حياتي وانا اتذكره وهو يقول : " انا ماني مراهق .. الاحق بنات الناس .. واختك يامحترم .!! .. انا بس جفت الياهل يصيح .. وخذته .. ومادريت انه من الاهل .. طبطب على جتفي بااستهزاء .. اسأل عن علي الـ........... وراح تعرف اذا لي بهالسوالف ولا لاء .." .. كان ودي اقوم واخنقه .. هالانسان .. اشلون يتجرأ ويتكلم ويا سارة .. وانا .. ..وانا الي هو انا .. حتى ماتكلمني .. اصلا هي شلون تكلمه هالخايسه .. بس زين انها تحركت من جدامي .. لان اعصابي كانت فايرة .. زين ماذبحتها ودست في بطنها .. تنهدت .. وانا اتذكر ملامح الخوف الي اعتلت وييها .. تدرون .. اكتشفت ان سارة ماتجي الا بالعين الحمرة .. الدلع والحنان ماايبها .. لانها شبعانه دلع وحنان من اهلها .. لكن لو جافت العين الحمرة .. تستعدل ..

التفت للجهه الثانيه .. وشميت البجامه بعمــق .. آآآآآآآآآآآه ياحظك يا منصور .. ياحظك ..

انا ليش اهوجس فيها هالكثر ليش؟ .. ليش افكر فيها هالكثر .. خلاص تمللت من كثر ماافكر فيها .. انا لازم ارجع لحياتي مثل ماكنت قبل لا تجي بيتنا .. اصلا ليش اثرت هي فيني هالكثر ماني عارف .. تنهدت وانا اشم ريحه البجامه من يديد .. غمست نفسي في الفراش اكثر .. سمعت دقه الباب .. نقزت من على السرير متخرع .. وبتوتر وارتباك رحت باافتح الباب .. تذكرت البجامه واغراض سارة الي على السرير .. وركضت بسرعه شليتهم وهم معفسين .. وقطيتهم فالكبت .. وقررت اروح افتح الباب .. بس بعدين فتحت الكبت وشليت ملابسي السبورت وخليتهم فوق ثياب سارة .. خفت احد يفتح الكبت ويطالعهم ..

بسرعه رحت باافتح الباب لاني طولت .. قبل لا اوصل الباب طالعت نفسي بالمنظرة رتبت شكلي وفتحت الباب ..


وكان




















كانت ..







































كانت ..











اقول؟؟ .. خخخخخ



اصبروا شوي < نذله هع هع







كانت " ............"
طالعتها بعصبيه وقلت لها : مو وقته احين .. رووووحي ...!! ..

عقدت حياتها .. بعد ماكانت مبتسمه بدلع .. قلت بعصبيه : بسرعه ..(حطيت يدي على راسي بعصبيه وضربت على خدها بخفه " ماتسمعين الاصوات ,, تبين تفضحينا انتي ...؟؟ يالله تحركي ..

دزيتها بعصبيه لبرع الجناح وانا اسمع صوت خطوات .. بس لمن؟ .. مادري ؟ ..

صكرت الباب بسرعه .. وتنفست براحه .. ووبسرعه رشيت من عطري فالغرفه .. وفالجناح .. قصورهم بعد يشمون ريحه عطرها .. وانفضــــــــــح !! ..

اندق الباب مرتين .. وهالمرة طاح قلبي .. وقلت اكيد هي .. مب وقت دلعها ومصاختها الحين.؟ فتحت الباب .. والا انصدم بمنصور .. هذا وقته؟؟ شيايبك انت؟؟ ..

عقدت حياتي وقلت : منصور؟؟ ..

هز راسه .. وهو يقول .. : اي ... عادي ارقد وياك اليوم؟ ..

تأففت فداخلي .. مب وقتك منصور .. هاد الملاك والقمر .. وياي ترقد وياي .. من زين شيفتي .. تهدها .. وياي ترقد وياي .. والله ماعندك سالفه .. لو انا منك .. ازبن فجناحي ولا احد درى عني .. وهذا وانا معرس .. لحظة .. طرت فبالي فكرة .. وابتسمت بمكر ..

: اي تعال حيااك ..

دخل .. وقعد على طرف السرير .. صراحة توترت .. خفت ناسي شي من اغراضها ولا شي .. التوتر عندي كان صاك الالف .. بس مشيت .. رحت لعنده وسويت نفسي باالحفه .. طليت تحت السرير واطرافه .. والحمدلله ماكان فيه شي .. تنهدت برااااحه .. يووووه .. خفت اكون ناسي شي وانفضح فااخر لحظة .. انسدحت فالطرف الثاني وافكاري تروح يمين ويسار .. ابتسمت على فكرة طرت فبالي .. وترددت اسويها؟؟ .. تراجعت فااخر لحظة .. مستحيل اسوي جذي .. واذا منصور .. تأففت .. وطليت على منصور .. لقيته هو الثاني مفصخ فانيلته .. اظاهر هو بعد مايحب يرقد ويا فانيلته .. ابتسمت بخفه .. وسرعان ماثار الدم فراسي .. يعني سارة تجوفه جذي .. القيت نظرة عليه .. لقيته مفتح عيونه ويطالع السقف .. شيفكر فيه؟؟ .. يفكر بسارة .. يفكر بشنو؟؟ .. خاطري اعرف داخل مخه الحين وشو ؟؟ .. اشلون يفكر ؟؟ .. بس صراحه عصبت .. اشلون جذي يرقد .. لالالا مستحيل اكيد جدام سارة يستحي ويلبس فانيلته .. مستحيل يرقد وياها جذي .. بديت اغلي من الغيض .. بس ماسك نفسي .. مرت ذكريات بسيطة ذكرتني باايامي ويا حياة .. تذكرت انها كانت تستحي يوم اقعد جذي عندها .. وتهاوشني بدلعها .. وتخليني غصب البس قميص البجامه .. وساعات كانت هي الي تلبسني اياها .. الله يا يا حياة .. اللــه .. يا محلى ذيج الايام .. ماحسيت بحلاوتهم الا الحين .. صحيح كنت احس بحلاوتها ذيج الايام .. بس مب مثل الحين .. اآآآآه آآآه يا حياه .. اوفف على الحياة من بعدج اوف ..

: اوفف ..

سمعته يتأفف .. طالعته ..وعقدت حياتي .. الا شيايبه عندي ؟؟ طاردته سارة؟؟ ضحكت فداخلي .. تسويها بنت العم .. اخ منها بس اخ .. : اقول منصور؟؟ ..

طالعني بااستغراب: ها؟

قلت بسأله عن سارة .. مايدري مضيع عقله وبيخر الاولي والتالي عنها .. هممم .. اخاف يحس اني متقصد سارة؟؟ .. لالالا شيحس .. اصلا ولايدري عن الدنيا؟؟ .. بس بعد ؟؟ .. اووووه .. بسأل وخلاص .. ؟: الا ليش انته ماراقد للحين؟؟

قال ببراءة: مافيني النودة ..

ولييين هذا يعني مب ناوي يجاوب مع غبائه ادري ماياتك النودة يعني لا ياتك بجوفك قاعد جذي .. قررت اصير دقيق اكثر واسأله سؤال فيه دقه : اها .. زين ... اشرايك نسولف؟؟

طالع السقف شوي .. كانه يفكر بعدين رد : اوكي ؟؟ ..

ابي اسأله عنها مب قادر .. متحرقص .. : ليش مارقدت للحين ..

قال لي بااستغراب /: قلت لك مافيني النودة؟

قلت له : زين وين مرتك عيل ؟ليش انت مب وياها؟

قال لي ببراءة: أأ ... راقدة ,...

طالعته .. اشفيه ياحظي جذي انقلب؟؟ .. : اها .. راقدة ..!!

قال لي : سالم اقول لك شي بس يكون سر بيني وبينك ؟؟ ..

تأففت ادري الحين بيب لي سوالف ويا سوالف ميود .. ياربي ياصبر ايوب .. : قول؟ ...

>>من غير نفس ..

شكله ماانتبه على طريقه كلامي .. كمل وهو يقول : سارة زعلانه مني ..

وشسوي لك يعني شـ .. هااااااااااه شنو؟؟ .. لحظة لحظة .. اشفيها ساروة؟ .. زعلانه ياقلبي ؟ .. اشفيج زعلانه .. : ها
؟؟

رد منصور يقول: اقولك زعلانه مني ؟؟

رديت : وانت شسويت " قص بلسانك .. قلتها بقلبي"

قال : والله ماسويت شي .. بس مادري هي كانت زعلانه لان ماجد ويوسف عفسو الكنبات !
ياقلبي .. وليش زعلانه .. مايستاهل زعلها .. : وليش عفستوهم؟

تثاوب منصور وهو يقول : مب انا .. اهما الي عفسو الصاله .. " تثاوب " .. والله .. انته بعد مب مصدقني؟؟ ..

قلت : لا امبلا مصدقك .. هي ماصدقتك ..

صكر عيونه وقاله : امممم .. شكله بينام .. لاعاد منصور .. تكفى .. مابغيت تتحجى عنها .. تكفى ماتنام .. منصور .. كمل .. اشفيها .. حتى لو هي زعلانه ابي اسمع عنها .. لا ...
اوففففففف ... ياريت الواحد يقدر يعبر عن كل شي فباله .. ياريت !!


..................



"لولوة"

اليوم اخر يوم لي فالمستشفى .. نسيت اقول لكم .. من يومين مرقديني فالمستشفى بسبب فقر الدم .. قمت ولبست ثيابي ... غيرت .. لبست عبايتي .. ومشطت شعري وبعدين لميته .. لفيت شيلتي بااهمال .. واحنا طالعين من المستشفى .. لمحت وحدة اعرفها

وقفت مصدومة .. وهي بعد .. من جافتني وقفت عن الحركة .. توجهت صوبي .. اما انا تمنيت الموت قبل لا اجوفها

وقفت سلمت علي امي .. وقربت وسلمت علي : هلا لولوة .. شخبارج؟؟ ..

بلعت ريجي وطالعتها بقهر وكره وحقد .. هي سبب كل الي انا فيييييييييييييييه هي السبب رديت ببرود وكره: اهلين مشاعل!

ابتسمت بمكر : هلا .. طالعت امي الي قالت لي بتروح تجوف السواق على مااخلص سوالفي ويا مشاعل .. كنت بمشي عن مشاعل بس سمعتها تقول : همممم سمعت ان طليقج "رصت على هالكلمه" سافر الامارات .. بس عشان ينفذ منج!

عصبت .. وطالعتها بعصبيه .. وقبل لا انطق بااي كلمه مسكت جتفي وهي تقول لي: لالالا ياقلبي .. مانبي نزعلج .. خلتني اصد لجهة معينه .. واشرت علي .. طالعت الي تجوفه كان شاب طويل .. ملامحه مب واضحه خصوصا ان نظري خف وماقمت اقدر اجوف من بعيد .. اشر لها بـ اوكي ..

قربت مني وباستني .. حسيت بتقزز .. مسحت خدي بالقوة وقلت لها : انتي للحين ماعرفتيني يا مشاعل

ضحكت مشاعل بقوة وهي تقول : وحتى انا ياحلوة .. للحين ماعرفتيني .. واذا حسبتي اني ابتعدت عنج خلال هالسنتين ثلاث مب لشي .. بس لان ريلج" الوسيم" هددني اذا مشيت بس بطريج انتي فيه .. ضحكت بسخريه وكملت .. والحين هو مايبي يمشي بطريج انتي مشيتي فيه .. ياربي كرهاج خلاص عاد .. بس الحين .. من الي بيشلني من طريجج .. ابتسمت بمياعه .. وقرصت خدودي .. وباستني بالهوا .. سلام ..!!


حقيـــــــــــــــــــرة حقيــــــــــــــــــــــــرة اكرهـــــــــــــــها اكرهــــــــــــها .. حسيت بتعب .. بغيت اطيح .. امي مسكتني وهي تسمي علي .. ابتديت اصيح .. تذكرت علي .. فكل شي كان له اثر ايجابي حتى هالحقيرة مشاعل هو الي وقفها عند حدها .. صحت بندم وقهر .. لييييييش ياعلي لييييييييش ماعطيتني فرصه اخيره !!

















(انتهى ..!!)
تنويه : الجمعه اليايه ماراح يكون فيه بارت .. عندي امتحانات .. ادعو لي..!

eng_saleh 13-03-10 09:20 PM
يعطييييييييييييييكي الف عافيه عالبارت

الي رجعه للتعليق

مجروح مالي روح 14-03-10 01:51 AM
ياهلا وغلا


روعة البارت


ايداعتي

وعودة حميدة

بنت البصراوي 14-03-10 08:27 AM
حيااتي تسلمي دنوو ع البارت الحلو والطويل
والله يوفقج ياربي باالامتحانات وتعدي ع خير..

ساره:والله كلامها صح مسكينه والله يعينها..شنو ذنبها هيه ابتلت
بهالزوج المريض..كله من وره عمها..كل بنت اصلا خاله مواصفات
لزوج المستقبل بيه فلان شي وفلان شي..وهي شنو ذنبها زوجها متخلف
ومريض بين قووسين طفل..كل همه لعبته ومادري ايش..والله حراام
حيل كسرت خاطري ساره هنا..جنت دائما اقول عنها قويه ومن هالكلام
بس الانسان اله قدره ع التحمل..واولها الانسان ماعنده صبر
ودائما مستعجل..اخ الله يعينج حبيبتي..

علي:الله يوفقك بالي احسن من لوولوه..وتلاقي الي تحبك من صدق..
واكيد مية وحده تتمناك..والحياة ماوقفت يم لولوه خانم..روح
وشوف حياتك وتوونس..والله ان شاء الله يدزلك بنت الحلال الي تقدر
قيمتك وتعرفك..وتجيلك الجهاال الي تحبهم ماتدرين تقوول..

سالم:لا اني من اول بارت قتلج اني احب سالم هههههههه..يعني وجوده
بالنسبه الي يحلي البارت اكثر والله..لا عبالج مثلا اذا ماكو سالم
فالبارت مو حلو..لالالا ابد والله بس سالم اله مكانه جبيره بالبارت..
ياربي حاسه اخرة ساره ويه سالم يعني يتزوجها<<اكثر من مره قلت
لاني حاسه بهالشي..ههههههههههه احلى شي من خلاه عقله بعقل منصوور
وقعد يساله ههههههههه..اخ لو تدرين يا ساره شكد يحبج سالم..
ناايمه بالعسل وهالمسكين مايناام بس يفكر بيج <<ترا اني الاثنين
احبهم ههههههه..

حمده وخالد:مو معقوول نسى صوتها؟؟بس لو قايلتله اني حمده..والله
قهرني خالد وسكر خاطري هنا..صح هو غلط بس مادري ليش اتمنيت تكله
اني حمده..اريد اعرف جان شراح يقلها يعتذر مثلا؟الرجال لو يعشق
الي يحبه لو مادري شنو لازم يخون ولحد يقول تفاهات لان هاي العالم
كله مجتمع ع هاي النقطه وهم الرجال الي قالو هالكلام..الرجال
مهما عشق وحب ومهما سوا للي يحبه لازم يخوون..ليش لانه رجاال..
هنا بالخيانه ماقصد مثل خيانه خالد..لا الي اخف منها شوي..
ع العموم اعتقد حمده راح تشوف نصيبها ويه غير خالد..يمكن احد
يتقدملها ويمكن خالد يوقف بوجه هالخطوبه..ويمكن هالتوقعات ماراح
تصير..

تسلمين دنوو حبيبي..عاشت ايدج..
والله يووفقج..واحنه بانتظارج..

ألما 14-03-10 09:43 AM
ننتظرك ياحلوة بس لاتطولين ... شـكــ وبارك الله فيك ـــرا لك ... لك مني أجمل تحية .

بوح قلم 15-03-10 06:44 AM
دندونه تعالي جريب فديتج<< فيس يبوسها

تسلمين فديتج عالبارت

علي

الحينه ابي افهم شي واحد.. انته اشعنه ما تبي تنساها.. جوف يا ولد الحلال.. دامك تروح الاماكن اللي يمعتكم قبل لا تنفصلون معنى هالشي انك مستحيل تنساها.. وبعدين وياك يعني ما قلت لك بيوزك الاخير عنها<< فيس متاثر بس مقهور منه

لولوة

مليتي من البيت احلفي بس.. دواج انتي ما تستاهلين حد يدلع.. جوفي علاوي وحليله دلع وخنتيه<< فيس ما يحبها.. بعدين شو منصور بعد.. الريال وتخبل شو تبين منه بعد<< فيس يقول معقوله يكون لها دور في علاجه

منصور

افا تروغك من الحجرة.. نسيت انك انته الريال<< فيس نذل يحرضه.. الا اقول شو اسم الشريط اللي كسرته<< فيس بيشتريه حقه.. بعدين تعال بلاك قلت قصة حياتك كلها حق اخوك.. شرايك تعزمه لحجرتكم يشوف الحدث من ارض الحدث بعد<< فيس ينقد عليه

سارة

تعالي اجوف ايدج<< فيس دختر.. لا باجر بيخوز الويع.. بس دواج.. الحينه اشحقه تكسرين شريطه.. وحليله تعب لين حصله<< فيس عيونه ممزورة دموع.. بلاج ضيعتي حاسيتج.. نسيتي انه هب في حاسيته ولا من عاشر القوم صار منهم<< فيس قاهرتنه حركتها

حمده

بلاها هالخوله عليج.. انتي بعد الله يهدج تقول لج ممنوع وانتي كل يوم صوت تلفونج واصل لاخر مكتب في الدوام.. الا اقول سمعينه رنتج<< فيس ينصحها.. بس زين سويتي في هالخالد الحينه يوم ودرته حرمته اتذكرج.. خليه يولي.. ما ابي قلبج يلين له<< فيس نذل

نترياج فديتج<< الفيس راعي الورود

http://www.liillas.com/up3//uploads/...29afe633ce.gif

بنت العزيزية 15-03-10 08:37 AM
تسلم يدك مشكووره على الجزء

الله يوفقك ياارب

اموره المزيونه 15-03-10 03:15 PM



الله يوفقج دنونه


وننطرج يالغاليه بفارغ الصبر


وصج كفيتي وفيتي

على هالبارت الطويل

أحلآمي كبيرة 16-03-10 04:03 AM
السلام عليكم ورحمة الله وبركاته
انا متابعة جديدة وما شاللة عليك يا دندون رواية رائعة واصلي والى الامام وننتظر البارت الجديد جزاك الله الف خير

eng_saleh 16-03-10 04:17 AM
خدي راحتك و ادرسي لامتحانك كويس

و نحنا بنستناكي

ΑĽžαεяαђ 16-03-10 10:04 AM
السلااااااااااام عليكم


هلا والله بدندون الحلوة مدي يدك يا شاطرة طراااااااااخ هذا عشانك تأخرتي دقيقتين وانا محذرتك ما تتأخرين صح والا لا << فيس عادل ..
وش هالجزء يا دندون حلو وعجيب والله .. بس يعني انتي منزله هالجزء ومحاسبتنا عليه اسبوعين كمان << فيس راضي نوعا ما مع انه كان نفسه في بارت هالاسبوع بس مقدر ظروفك الله يكون في عونك ويوفقك في اختباراتك عشان تفضين لنا << فيس يأمن معي


علي :: الحين انت ما راح تخرج من الجلسة على الاطلال وتذكر الماضي يعني ما ينفع تمر الشركة عند حمدة تشوفها تمر عليها يمكن تعجب فيها << فيس مصمم على حمدة .. شوف علي انا اشوفها اكثر وحدة مناسبة لك لانكم اثنينكم جرب الخيانة وعرف قد ايه هي معذبته يمكن تكونون لبعض مثل البلسم الي يداوي جروح قبله ..


سارة :: حبيبتي اش فيك اليوم فيوزاتك جرى لها شيء << فيس شاك فيها
ليش تكسرين الشريط والله ان الولد يحزن >> فيس متعاطف مع الطفولة المتأخرة << وفيس بينتف شعره من هالوضع ..
صراحة سارة هالايام صارت تواجه ضغط كبير جداا لانها في البداية كانت متخيلة الموضوع يوم اثنين ثلاث ويعدي لكن الحين صار لها كم وصعب جداا انها تتعايش مع انسان عاشت معه وهو كبير عقلا وشافت كيف تفكيره ترجع تعيش معه وهو مثل ما احنا شايفين لانها راح تنهار في الاخير من كثر المقارنة ومن كثر ما تتمنى ترتاح وتخلص من الموضوع حتى لو كان طلاقها هو الثمن ..


حمدة :: شاطرة حبيبتي أي خلك كذا قوية ولا تضعفين ابداا اصلا هو مهما يسوي ما راح يرجع لك << فيس يعطيها هدية عشانها سمعت الكلام وابتعدت عنه ... شوفي حمدة الحين انتي صرتي تحسين نفسك ثقيلة على الناس يعني المفروض من يجي هالعلي يخطب تروحين معه على طول لان صعبة قعدتك في بيت ابوك لوحدة طيب حبيبتي << فيس يمسح على شعرها عشان تسمع الكلام

لولوة :: بالله صدق الا قولي انه صدق تعالي بشوف انا معك هو صدق الحين منصوور بيحل لك المشكلة وين يا حسرة خله يحل مشكلة نفسه اول بس يمكن انتي تحلين له مشكلته باعتبار انه بدأ بالعلاج وتقدم خطوة ممكن انتي تكونين الدافع لتقدم اكبر << فيس يقول ان شاء الله ......


سالم :: والله انك تقهر انا خلاص عجزت الاقي لك حل واخيرا بقي شيء واحد اني اتزوجك حتى لو مسيار واقتلك دفاع عن النفس لانك انسان مريض وتافه الحين وش تبي تدخل نفسك بينهم الا الحشرة في النص << فيس نفسه يسب فيه من اليوم لين يموت بس ما يبي الاثم يجيه << فيس مطوع

لولوة ومشاعل :: صراحة هالبنت شكيت في هويتها احسها كذا كنها بوية صح او لا مدري تقززت منها اول مرة راح ادعي للولوة ربي يكون في عونك في الي راح يحصل لك منها << فيس متعاطف معاها


دندون تسلمين مرة ثانية على البارت وهذي بوسة لين الاسبوع الي بعد الجاي << فيس يحب يطول السالفة

راح نشتاق لك وللبارت يا عسل

http://www.liillas.com/up3//uploads/...19078e4ddc.gif

دانة الدوحة 21-03-10 08:53 PM
للتذكير : هالاسبوع فيه بارت يوم الجمعه ان شاء الله .. وان صار في اي تحديث راح يكون بينا تواصل...


باانتظاركم

داررررين 22-03-10 07:18 AM
يعطيك الف عافيه دندونه....هذا اول رد لي على القصه مع اني متابعه من اول القصه بس بصمت ..الله يوفقك في إمتحانك يا الغلا.
&&&&********&&&&

اموره المزيونه 23-03-10 03:28 PM
اقتباس:
المشاركة الأصلية كتبت بواسطة دانة الدوحة (المشاركة 2224133)
للتذكير : هالاسبوع فيه بارت يوم الجمعه ان شاء الله .. وان صار في اي تحديث راح يكون بينا تواصل...


باانتظاركم








انشالله يالغاليه


نلحق الجمعه وننطر البارت


لان من اسبوع واتنطر البارت الجاي


وبالتوفيق باختباراتج

شدي حيلج .....

دانة الدوحة 25-03-10 11:07 PM
اقتباس:
المشاركة الأصلية كتبت بواسطة eng_saleh (المشاركة 2210191)
يعطييييييييييييييكي الف عافيه عالبارت

الي رجعه للتعليق
ياهلا ياهلا ياهلا
شخبارج انجلش عساج بخير؟؟
الله يعافيج حبيبتي الف شكر على مرورج
خلاص باانتظار تعقيبج
لاعدمناج

دانة الدوحة 25-03-10 11:14 PM
اقتباس:
المشاركة الأصلية كتبت بواسطة مجروح مالي روح (المشاركة 2210597)
ياهلا وغلا


روعة البارت


ايداعتي

وعودة حميدة

ياهلا ياهلا ياهلا بـ مجروح
الف شكر لمرورك الكريم
الاروع تواجدك
لا حرمناك

دانة الدوحة 25-03-10 11:15 PM
اقتباس:
المشاركة الأصلية كتبت بواسطة بنت البصراوي (المشاركة 6256066)
حيااتي تسلمي دنوو ع البارت الحلو والطويل
والله يوفقج ياربي باالامتحانات وتعدي ع خير..

ساره:والله كلامها صح مسكينه والله يعينها..شنو ذنبها هيه ابتلت
بهالزوج المريض..كله من وره عمها..كل بنت اصلا خاله مواصفات
لزوج المستقبل بيه فلان شي وفلان شي..وهي شنو ذنبها زوجها متخلف
ومريض بين قووسين طفل..كل همه لعبته ومادري ايش..والله حراام
حيل كسرت خاطري ساره هنا..جنت دائما اقول عنها قويه ومن هالكلام
بس الانسان اله قدره ع التحمل..واولها الانسان ماعنده صبر
ودائما مستعجل..اخ الله يعينج حبيبتي..

علي:الله يوفقك بالي احسن من لوولوه..وتلاقي الي تحبك من صدق..
واكيد مية وحده تتمناك..والحياة ماوقفت يم لولوه خانم..روح
وشوف حياتك وتوونس..والله ان شاء الله يدزلك بنت الحلال الي تقدر
قيمتك وتعرفك..وتجيلك الجهاال الي تحبهم ماتدرين تقوول..

سالم:لا اني من اول بارت قتلج اني احب سالم هههههههه..يعني وجوده
بالنسبه الي يحلي البارت اكثر والله..لا عبالج مثلا اذا ماكو سالم
فالبارت مو حلو..لالالا ابد والله بس سالم اله مكانه جبيره بالبارت..
ياربي حاسه اخرة ساره ويه سالم يعني يتزوجها<<اكثر من مره قلت
لاني حاسه بهالشي..ههههههههههه احلى شي من خلاه عقله بعقل منصوور
وقعد يساله ههههههههه..اخ لو تدرين يا ساره شكد يحبج سالم..
ناايمه بالعسل وهالمسكين مايناام بس يفكر بيج <<ترا اني الاثنين
احبهم ههههههه..

حمده وخالد:مو معقوول نسى صوتها؟؟بس لو قايلتله اني حمده..والله
قهرني خالد وسكر خاطري هنا..صح هو غلط بس مادري ليش اتمنيت تكله
اني حمده..اريد اعرف جان شراح يقلها يعتذر مثلا؟الرجال لو يعشق
الي يحبه لو مادري شنو لازم يخون ولحد يقول تفاهات لان هاي العالم
كله مجتمع ع هاي النقطه وهم الرجال الي قالو هالكلام..الرجال
مهما عشق وحب ومهما سوا للي يحبه لازم يخوون..ليش لانه رجاال..
هنا بالخيانه ماقصد مثل خيانه خالد..لا الي اخف منها شوي..
ع العموم اعتقد حمده راح تشوف نصيبها ويه غير خالد..يمكن احد
يتقدملها ويمكن خالد يوقف بوجه هالخطوبه..ويمكن هالتوقعات ماراح
تصير..

تسلمين دنوو حبيبي..عاشت ايدج..
والله يووفقج..واحنه بانتظارج..
ياهلا ياهلا ياهلا ببنت البصراوي
شخبارج يالغلا عساج بخير؟؟
مشكووورة حبيبتي
الله يسمع منج .. محتاجه لدعواتكم
نتلاقى باجر
سعدت بتواجدج

دانة الدوحة 25-03-10 11:19 PM
اقتباس:
المشاركة الأصلية كتبت بواسطة ألما (المشاركة 2210946)
ننتظرك ياحلوة بس لاتطولين ... شـكــ وبارك الله فيك ـــرا لك ... لك مني أجمل تحية .

ياهلا ياهلا ياهلا الومه
شخبارج يالغلا عساج بخير؟؟
مشكورة حبيبتي على الرد المتألق
نتلاقى باجر ع خير
سعدت بطلتج

دانة الدوحة 25-03-10 11:22 PM
اقتباس:
المشاركة الأصلية كتبت بواسطة بوح قلم (المشاركة 2212545)
دندونه تعالي جريب فديتج<< فيس يبوسها

تسلمين فديتج عالبارت

علي

الحينه ابي افهم شي واحد.. انته اشعنه ما تبي تنساها.. جوف يا ولد الحلال.. دامك تروح الاماكن اللي يمعتكم قبل لا تنفصلون معنى هالشي انك مستحيل تنساها.. وبعدين وياك يعني ما قلت لك بيوزك الاخير عنها<< فيس متاثر بس مقهور منه

لولوة

مليتي من البيت احلفي بس.. دواج انتي ما تستاهلين حد يدلع.. جوفي علاوي وحليله دلع وخنتيه<< فيس ما يحبها.. بعدين شو منصور بعد.. الريال وتخبل شو تبين منه بعد<< فيس يقول معقوله يكون لها دور في علاجه

منصور

افا تروغك من الحجرة.. نسيت انك انته الريال<< فيس نذل يحرضه.. الا اقول شو اسم الشريط اللي كسرته<< فيس بيشتريه حقه.. بعدين تعال بلاك قلت قصة حياتك كلها حق اخوك.. شرايك تعزمه لحجرتكم يشوف الحدث من ارض الحدث بعد<< فيس ينقد عليه

سارة

تعالي اجوف ايدج<< فيس دختر.. لا باجر بيخوز الويع.. بس دواج.. الحينه اشحقه تكسرين شريطه.. وحليله تعب لين حصله<< فيس عيونه ممزورة دموع.. بلاج ضيعتي حاسيتج.. نسيتي انه هب في حاسيته ولا من عاشر القوم صار منهم<< فيس قاهرتنه حركتها

حمده

بلاها هالخوله عليج.. انتي بعد الله يهدج تقول لج ممنوع وانتي كل يوم صوت تلفونج واصل لاخر مكتب في الدوام.. الا اقول سمعينه رنتج<< فيس ينصحها.. بس زين سويتي في هالخالد الحينه يوم ودرته حرمته اتذكرج.. خليه يولي.. ما ابي قلبج يلين له<< فيس نذل

نترياج فديتج<< الفيس راعي الورود

http://www.liillas.com/up3//uploads/...29afe633ce.gif
ياهلا ياهلا ياهلا ببوحة
شخبارج يالغلا عساج بخير
فيس مستحي من اخته ويبوسها يشكرها ع الرد الحلو
تسلمين فديتج .. وان شاءالله باجر نتلاقى ع خير
سعدت جدا جدا بوجووودج

دانة الدوحة 25-03-10 11:25 PM
اقتباس:
المشاركة الأصلية كتبت بواسطة بنت العزيزية (المشاركة 2212829)
تسلم يدك مشكووره على الجزء

الله يوفقك ياارب
هلا ياهلا ياهلا بالبنوتة
شخبارج ياحلوة عساج بخير؟
الله يسلمج حبيبتي تسلمين .. ويوفق اليميع يارب
نتلاقى باجر ع الموعد
سعدت جدا جدا بمرورج

دانة الدوحة 25-03-10 11:29 PM
اقتباس:
المشاركة الأصلية كتبت بواسطة امار80 (المشاركة 2213050)



الله يوفقج دنونه


وننطرج يالغاليه بفارغ الصبر


وصج كفيتي وفيتي

على هالبارت الطويل
ياهلا ياهلا ياهلا امورة
اخبارج عساج بخير؟؟
الله يسلمج حبيبتي .. ان شاء الله الياي يعجبج
باجر نتلاقى على خيرة الله
سعدت جدا جدا بتواجدج

دانة الدوحة 25-03-10 11:32 PM
اقتباس:
المشاركة الأصلية كتبت بواسطة بعيش بدونك (المشاركة 2214098)
السلام عليكم ورحمة الله وبركاته
انا متابعة جديدة وما شاللة عليك يا دندون رواية رائعة واصلي والى الامام وننتظر البارت الجديد جزاك الله الف خير
وعليكم السلام ورحمة الله وبركاته
ياهلا ياهلا ياهلا بعيش
شخبارج يالغلا؟؟
عساج ماتفارقين غالي وتعيشين بدونه ..
تسلمين حبيبتي احرجتي تواضعي خخ .. نتلاقى بكرة ان شاء الله
بس ها ترى ابغي رايج
سعدت جدا بطلتج

دانة الدوحة 25-03-10 11:36 PM
اقتباس:
المشاركة الأصلية كتبت بواسطة eng_saleh (المشاركة 2214100)
خدي راحتك و ادرسي لامتحانك كويس

و نحنا بنستناكي

ياهلا ياهلا ياهلا باانجلش
سعدت بعودتج ..
والف شكر لج ..
الله يوفقنا يميع يارب
تسلمين ع التفهم .. لاعدمناج ياذوق

دانة الدوحة 25-03-10 11:39 PM
اقتباس:
المشاركة الأصلية كتبت بواسطة ΑĽžαεяαђ (المشاركة 2214532)
السلااااااااااام عليكم


هلا والله بدندون الحلوة مدي يدك يا شاطرة طراااااااااخ هذا عشانك تأخرتي دقيقتين وانا محذرتك ما تتأخرين صح والا لا << فيس عادل ..
وش هالجزء يا دندون حلو وعجيب والله .. بس يعني انتي منزله هالجزء ومحاسبتنا عليه اسبوعين كمان << فيس راضي نوعا ما مع انه كان نفسه في بارت هالاسبوع بس مقدر ظروفك الله يكون في عونك ويوفقك في اختباراتك عشان تفضين لنا << فيس يأمن معي


علي :: الحين انت ما راح تخرج من الجلسة على الاطلال وتذكر الماضي يعني ما ينفع تمر الشركة عند حمدة تشوفها تمر عليها يمكن تعجب فيها << فيس مصمم على حمدة .. شوف علي انا اشوفها اكثر وحدة مناسبة لك لانكم اثنينكم جرب الخيانة وعرف قد ايه هي معذبته يمكن تكونون لبعض مثل البلسم الي يداوي جروح قبله ..


سارة :: حبيبتي اش فيك اليوم فيوزاتك جرى لها شيء << فيس شاك فيها
ليش تكسرين الشريط والله ان الولد يحزن >> فيس متعاطف مع الطفولة المتأخرة << وفيس بينتف شعره من هالوضع ..
صراحة سارة هالايام صارت تواجه ضغط كبير جداا لانها في البداية كانت متخيلة الموضوع يوم اثنين ثلاث ويعدي لكن الحين صار لها كم وصعب جداا انها تتعايش مع انسان عاشت معه وهو كبير عقلا وشافت كيف تفكيره ترجع تعيش معه وهو مثل ما احنا شايفين لانها راح تنهار في الاخير من كثر المقارنة ومن كثر ما تتمنى ترتاح وتخلص من الموضوع حتى لو كان طلاقها هو الثمن ..


حمدة :: شاطرة حبيبتي أي خلك كذا قوية ولا تضعفين ابداا اصلا هو مهما يسوي ما راح يرجع لك << فيس يعطيها هدية عشانها سمعت الكلام وابتعدت عنه ... شوفي حمدة الحين انتي صرتي تحسين نفسك ثقيلة على الناس يعني المفروض من يجي هالعلي يخطب تروحين معه على طول لان صعبة قعدتك في بيت ابوك لوحدة طيب حبيبتي << فيس يمسح على شعرها عشان تسمع الكلام

لولوة :: بالله صدق الا قولي انه صدق تعالي بشوف انا معك هو صدق الحين منصوور بيحل لك المشكلة وين يا حسرة خله يحل مشكلة نفسه اول بس يمكن انتي تحلين له مشكلته باعتبار انه بدأ بالعلاج وتقدم خطوة ممكن انتي تكونين الدافع لتقدم اكبر << فيس يقول ان شاء الله ......


سالم :: والله انك تقهر انا خلاص عجزت الاقي لك حل واخيرا بقي شيء واحد اني اتزوجك حتى لو مسيار واقتلك دفاع عن النفس لانك انسان مريض وتافه الحين وش تبي تدخل نفسك بينهم الا الحشرة في النص << فيس نفسه يسب فيه من اليوم لين يموت بس ما يبي الاثم يجيه << فيس مطوع

لولوة ومشاعل :: صراحة هالبنت شكيت في هويتها احسها كذا كنها بوية صح او لا مدري تقززت منها اول مرة راح ادعي للولوة ربي يكون في عونك في الي راح يحصل لك منها << فيس متعاطف معاها


دندون تسلمين مرة ثانية على البارت وهذي بوسة لين الاسبوع الي بعد الجاي << فيس يحب يطول السالفة

راح نشتاق لك وللبارت يا عسل

http://www.liillas.com/up3//uploads/...19078e4ddc.gif
وعليكم السلام ورحمة الله وبركاته
ياهلا ياهلا ياهلا بزوزو
شخبارج يالغلا عساج بخير
هئ هئ .. يعني ليش تطقيني الا دقيقتين .. خلاص بااشتكي عليج فالحقوق خخخ
الف شكر حبيبتي على طلتج المميزة .. انا بعد اشتقت لكم وايد وايد
|>< فيس بيصيح خخخ

سعدت بطلتج جدا جدا

دانة الدوحة 25-03-10 11:41 PM
اقتباس:
المشاركة الأصلية كتبت بواسطة داررررين (المشاركة 2225172)
يعطيك الف عافيه دندونه....هذا اول رد لي على القصه مع اني متابعه من اول القصه بس بصمت ..الله يوفقك في إمتحانك يا الغلا.
&&&&********&&&&
ياهلا ياهلا ياهلا بدارييين
شخبارج يالغلا عساج بخير؟
ياهلا فيج حبيبتي .. وان شاء الله دوم نحظي بتواجدج الحلو
يوفق الجميع يارب
نتلاقى بكرة على خيرة الله
سعدت بوجودج

دانة الدوحة 25-03-10 11:44 PM
اقتباس:
المشاركة الأصلية كتبت بواسطة امار80 (المشاركة 2227636)




انشالله يالغاليه


نلحق الجمعه وننطر البارت


لان من اسبوع واتنطر البارت الجاي


وبالتوفيق باختباراتج

شدي حيلج .....
ياهلا ياهلا ياهلا امورة
شخبارج عساج بخير؟؟
ان شاء الله من عيوني باجر البارت ولا يهمج
عسى يعجبج
شكرررا .. يوفق الجميع يارب ..الف شكر لطلتج العطرة
سعدت جدااااااا بتواجدج

دانة الدوحة 25-03-10 11:51 PM
تم بحمد الله الرد على الجميع

نراكم غدا بين الساعه الـ 9 وحتى الساعه ال12 مساءا

دانة الدوحة 26-03-10 08:49 PM
ثوووواني وينزل البارت


باانتظار ارائكم



>< فيس عيونه مليانه دموع ؟... تدرون بنات بالغلط نزلت هالرد في المقلط تلخبطت في الصفحات ..!
سامحوني

دانة الدوحة 26-03-10 08:52 PM

..::]][[ الحفنه الحاديه عشر ]][[::..
(اميرتي سندريلا ..هل تقبليني؟)

قمت من النوم وانا احس يدي تعورني .. فتحت عيوني بتعب ..ورجعت غمضتهم .. فتحتهم بعد فترة .. تحركت من على السرير حكيت راسي ونثرت شعري بااهمال وانا اتوجه للحمام سمعت التلفون يرن بااستمرار .. طنشت متوجهه للحمام .. سكت التلفون .. ورد مرة ثانيه يرن باالحاح .. يه شفيه يرن هذا .. ازعجني وبروحي مصدعه .. تأففت بضيج .. مسكت السماعه ورديت بس عشان يوقف هالازعاج ..

رديت :/الو؟؟؟؟؟

سمعت صوت مرت عمي نورة "ام محمد=ام منصور" تقول لي انزل .. واتزين ..ولو احتاج حد يساعدني بالمكياج بتصل للصالون؟؟ .. اشصاير؟؟ ترى وين بنروح .. بس ماعطتني فرصه اسأل قالت لي ان رفيجاتها "من كباااااااار الشخصيات يايين يباركون لي " خير ومن وين اعرفهم انا .. اوففف اكره هالنفاق كله .. بس شسوي مجبورة انزل

رحت الحمام ؟. وتذكرت يدي المجروحه ! يحررق الجرح وايد يحترررق .. غسلت ويهي بيدي الثانيه .. ترا وهقه والله .. طلعت من الحمام .. اتصلت على سلوي .. عشان اتيي تفتح الشاش لاني مااعرف فهالسوالف بكل بساطه"خرقه"
يات سلوي وهي مسطله نفسي .. ههههههههه .. فكت لي الجرح ونظفته وهي فاتحه عين وعين ثانيه مغمضه .. ضحكتني بس كتمت ضحكتي حتى ماتنتبه .. ضربتها على راسها: هيييييييييي اصحي عن تشوهين يدي

قالت سلوى بصبر: هي بروحها مشوهه مايحتاي اشوهها

هالمرة ضربتها وهي ضحكت .. وبعده صكرت عيونها وردت فتحتهم وشكلها بدت تصحصح وتستعيد نشاطها : الا وينه منصور؟؟

راقد؟ التفت اجوفه .. ويييييييييييييييييييييييييييييي وينه ذي؟؟ .. ياربي وين راح؟؟ متى يه رقد اصلا؟؟ مادري والله من التعب غطيت وماقمت الا الحين .. يووووه فاتتني صلاة المغرب والعشا والفير .. بسرعه بسرعه رحت الحمام .. فجيت الشاش .. وتوضيت .. وبعدين يت ابي اصكره ماعرفت .. طنشت ورحت صليت كل صلواتي .. وطلعت برع .. جفت سلوي منبطحه على الكنبه .. ياربي سرير اشكبره ..ارقدي عليه: سلوي قومي ارقدي ع السرير اشوله راقدة ع الكنبه "اشوله= ليش = اشحقه= لماذا >>خخ فيس يفكر بضحكه اعجبته لماذا"

قامت سلوى وهي تقول: رايحه داري اصلا .. امي توها متصله اوففففففف بدينا حق هالضيوف

تأففت بضيج: اوففف سلوي انا بعد مابي انزل ؟..

ضحكت سلوي وهي تقول : لاءه ماينفعش دي على شرفك خخخ

مديت يدي لها : انجبي .. مممم حبيبتي انتي لفي لي الشاش مرة ثانيه مااعرف الف

كتمت ضحكتها وهي تقول .. انجبي وحبيبي .. مايليق ..كملت بضحكة وهي تقول: انتي اصلا شتعرفين .. مديت يدي باضربها رفعت اصبعها تهدد: ترا ها .. احبسج فالجناح

ضحكنا ويا بعض وانا قلت : احسن فكه من مجابلتهم

ضحكت وهي تقول: ادري عشان جي ابغيج تنغثين وتنزلين هههههه نذاله

بعد مالفت الشاش وحطت المطهر وبعد ماصراخي شل الدنيا ؟.. لان لازال الجرح يحرقني .. المهم .. : سلوي .. اختاري وياي شاالبس؟؟

قعدنا ندور على شي حلو .. وراقي .. امي ومرام اكيد راح يكونون تحت .. انا بسلم ع الناس وبروح اقعد عندهم على طول .. اي اي .. احسن حل .. عشان افتك من مصخرتهم .. اعرفهم انا هذيل يموتون ع المظاهر و"الحش"

لبست فستان احمر شيفون وتحته بطانه قطعه حرير خضره غاااااااامجه .. فكان الفستان رهييب طالع على لونين احمر بس البطانه خضره(يعني يعطي على شكل موج .. يووه مادري اشلون اوصل لكم اللون خخ) .. وحوالين الصدر مشكوك والكرستالات(شك ابيض وسوار فسكي ابيض مب ذهبي عجبني الابيض اكثر من الذهبي فخذيت الابيض) كانت تلمع .. عند الخصر كان فيه زم وخطوط درابيه على شكل قصه 7 حوالين الصدر وفتحة الصدر كانت وسيعه شوي .. بس وياه قطعه حمره اذا حبيتي تغطين الفتحه وانا غطيتها استحيت اطلع جذي .. المهم .. ويد الفستان كانت عبارة عن خيوط ضعيفه من السوارفسكي مرتبطه بدنعه الصدر .. يعني الفستان كان راقي صراحة ومايحتاي اقول لكم ان الفستان كان على مقاسي .. لانه ماكان على مقاسي .. خخخخ .. كان وسيع هع هع خصوصا عند الارداف كان صاير شوي وسيع وبعدها يسحب متر على الارض .. كح كح .. انطق الباب .. ودشت الكوافيره .. سوت شعري .. باف من جدام ومانزلت ولا خصلة من قدلتي .. فكانت قدلتي كلها مرفوعه .. واما شعري الباقي فسوته فير .. وصار الكيرلي رهيييييب ..
اما المكياج فكان حاله ثانيه .. اصريت عليها ماتحط لي دفش لاني مااحب المكياج الثقيل احس نفسي "ساحرة"
كثرت كريم الاساس حتى اني قلت لها تخففه بس مارضت لانه على قولتها " واخد ئطعا من وشيك" بس انا قررت يوم تطلع اخففه .. حددت عيوني بخط الاي لاينر .. وصراحة انا ينييت على رسمه العين .. كانت فعلا عيوني مميزة .. وكان الظل مثل ماطلبته راقي .. بس يبين انه مكياج عروس .. اما الروج فهذا اكثر شي ينني .. صراحة كان وااااااااايد رهيييييييييييييب .. كان احمـــر قاني .. بس صج صج كان روووعه .. حسيته فلاش ويا الكريم اساس ..

طلعت الكوافيره .. ومارضت تاخذ الحساب لانها متفقه مع ام منصور على الحساب !! .. غريبه !! صراحة استغربت هالشي من ام منصور .. ؟؟ ليش سوت جذي ماادري ..حسيت اني ظلمت خالتي ام منصور وايد .. عقدت حياتي على هالفكرة لا ظلمتها ولا بطيخ ! .. دشت وحده لابسه اصفر .. بس شنو اتينن من اصابع ريلها الي داخل الصندل الرفيع لين اطراف شعرها .. كانت فعلا اسطورة .. هذي الغاليه سلوى..

كانت مسويه تسريحه رومانيه .. وقدلتها طايحه على عينها بس فعلا كانت رهيييبه .. الله يحرسها من العين .. اما هي من جافتني اشهقت تخرعت وبسرعه طالعت ويهي فالمنظرة قلت لها بخوف / اشفييييييييييج يالهبله هاي انا مب كاسبر .. سلوووووووووي لحقي علي .. حلو ولا لاء؟؟


قالت سلوي : ساروة انتي شمسويه شمهببه ها؟؟

صراحه خفت .. يعني صج ماعجبها .. : سلوي مب حلو؟؟

طالعتني سلوي تتفحص المكياج والشعر والفستان: لا امبلا حلو .. بس سرووي خفيييف وااايد !

قلت بعدم اهتمام : ادري انا قلت لها ابي خفيف .. عازمينهم ع الغدا مب ع العشا عشان اثقل المكياج .. صراحه انا ابي امسح الشادو .. مااحب الشدو وهالحركات تعرفيني

يرتني من يدي وهي تقول :جب يالله .. قصورج بعد .. ها لبستي طقمج والا لاء ..

فتحت عيوني بقوة .. اوووووه راح عن بالي .. وبسرعه بسرعه رحنا ندور فالتجوري عن طقم يناسب ثيابي .. انا اشلون راح عن بالي ..

المهم بعد حوسه ساعه ونص زيادة .. نزلنا تحت .. وسلمت على حشوووود من الناس
اعرفهم ومااعرفهم .. خخخ .. السلام ببلاش ..استقريت بين العنود وتيوم وكل شلة المدرسة وسلوي وضحكنا وسولفنا وشوي خرطت ع العنود لانها ماتدري ان منصور فاقد الذاكرة او بالاحرى مايدري شي عن العالم فكان لازم اخترع شوي من عقلي عشان ماتشك بشي ..مممم سلمت على وايد نااااس .. واايد ناس يصيرون لمنصور اول مرة اعرفهم .. عمرها سلوي ماتكلمت عنهم.. بس تبون الصج يدة منصور عجبتني واااايد .. وشكلها عجيبه .. مممم انا احب العيايز خخ .. وصراحة هي عجيبه دشت خاطري .. المهم .. هي ماطولت .. سلمت عليها شوي .. وبعدها يرت خدامتها وياها وردت بيتهم .@.@ عيوني طلعت جذي .. مادري ليش خالتي مااصرت عليهم يقعدون؟؟ .. معقوله ماتحبهم؟؟ لالالا يالخبله سروي اشلون ماتحبهم مب امها وخواتها؟؟ .. بعدها رحت لعند امي ومرام .. وسولفت وضحكت وياهم .. بعدها نادونا ع الغدا .. ومايحتااااي اقول لكم ان البوفييييييه والسفرة كانت من بدايه الصاله الكبيررررررررة ليييييييييييين نهايتها بالاضافه الى الاكل الي على طاوله الطعام .. كان فيها كل مالذ وطاب .. انا مااشتهيت اكل شي ثقيل خصوصا اني توني قايمه من النوم .. كليت خفايف .. و بعد الغدا .. وبعد ماحلو الناس .. ابتدوا يقلون شوي .. بس لان القصر ماشاءالله كبير والصاله عوووووووووووووووووووووودة .. تقولون حجم بيت .. فكان المكان يبين اوكي بالنسبه للناس الي ياو .. تحركت ابي اطلع فوق .. لاني تعبت .. وحسيت اني دايخة

سمعت همس : ها اعجبتج؟؟

ردت عليها : اي .. وايييد حلوووه وشكلها بعد حليوه ونفسها حلو

قالت الاولى: اي اي .. ايبين عليها ماشاءاالله ..بس انتي ليش حاطة عينج عليها تراها متزوجه؟؟

الثانيه: ادري انها متزوجه .. بس الي عرفته ريلها يحب وحدتن ثانيه وبيطلقها .. فأنا ابيها لحمود ولدي

شهقت الاولى: لحميييييييييييييد؟

الثانيه: اي لحميد .. جوود " يمكن" تعقله

الاولى : وانتي بس همج تزوجين حميد .. خليه يصير ريال بالاول

عصبت الثانيه : وشفيه شقصورة ولدي خيرة الشباب

الاولى : اي خيرتهم الله يهداج؟؟ .. كل يوم من بنت لبنت ومن غرشه خمر للثانيه تزوجينه هالمزيونه .. تظلمينها حرام

الثانيه : لا والله مهب ظالمتها .. ماتجوفين يدها انتي؟؟ .. اكيد هذا ريلها مسوي فيها شي .. واذا هي تحملت ينونة وخباله وهو مهب صاحي .. اكيد بتتحمل ولدي .. وبعدين ولدي مايقصرة عن منصور شي ..جمال ودلال وفلوس .. بس منصور مهب عاقل وحميد الله يهديه طايش اشوي

قالت الاولى : اي .. على قولتج .. يمكن بعد تعقله ماتدرين الي بتتحمل مينون ؟! تبينها ماتتحمل صاحي؟؟


عوررررررررررني قلبي على هالكلام ..وانترست عيوني دموووعي .. فتحت عيني و التفت بادور عليهم .. هذيلا مايستحون؟؟ مايخيلون .. انا مرة متزوجة .. ويفكرون يطلقوني ويزوجوني .. ولا بعد من سكير؟ خمااار .. انا مرض نفسي مب متحملته هالمرة خماااار .. ياربي انا شسويت بدنيتي .. فبيتي وبيت منصور وبعد جذي يقولون عنه .. عصبت و

مسكت روحي لا اصيح .. يعني عشان ريلي فيه مرض نفسي .. يبون يطلقوني ويزوجوني على كيف كيفهم وحتى يطلعون علي اشاعات .. طالعت يدي .. منصور؟؟ .. منصور وين يقدر يجرح ولا يعرف اشلون يمسك السجينه عشان يجرح يدي .. ظلموك يا منصور .. وظلموني وياك ..
اكيد هذي الي تتحجى عن منصور جذي قريبه من خالتي "ام منصور" ولا ماكان عرفت هالتفاصيل عنه .. حررررررام حراااام ..

طلعت من الميلس وتوجهت للصاله العودة .. حتى مالتتفت على الاصنصير .. ماكان لي بارض .. مشيت بخطوات سريعه متوجهه فوق كنت حاسه اني بااصيح وانا صاعده دعمت حد وبغيت اطيح من الدري من فوق لي تحت .. بس مسكتني يد هالانسان .. رفعت عيني المليانه دموع .. وجفت سالم يطالعني باانبهار ..

بعدت يده عني .. وتحركت بسرعه من جدامه بااركب فوق .. بس من تحركت خطوتين ع الدري .. الا وانا انسحب من يدي .. واصير مجابله ويهه ..

سالم بصوت هامس يشبه فحيح الافعى ويمكن اشد اثر من فحيحها : سارة ؟؟؟ .. لا مستحيل

عقدت حياتي .. وانا اير يدي من بين يدينه .. قرب لعندي .. وصكر عيونه دقايق .. وانا مصدومة .. هذا مب صاحي .. اكيد مب صاحي .. هذا اشفيه ين؟؟ .. ليش جي ماسكني ... ياخي فج ..@@ ..

صرخت : انته شتسوي .. هدنــي !

قرب لعندي وهو يمسك شفايفه ويقول : اشش .. لا تفضحين نفسج .. خلينا خلينا .. نتفاهم

طالعته مصدومه : نتفاهم على ايش ...وبعدين مابيني وبينك شي .. هدني .. انا مب لابسه شيله@

طالعني وهو يتأملني : سارة .. بينا وايد اشياء .. سارة .. ابيج تفهميني .. انتي .. الحين مرة متزوجة .. واكيد تعرفين الفرق بين المتزوجة والبنت .. ومنصور فاقد .. صدقيني سارة انا بعوضج .. بس انتي عطيني فرصه .. انا .. انا ماراح .. سكت وهو يبلع ريجه ويكمل .. انا ماراح ابخل عليج بشي .. بس انتي .. طيعيني .. صدقيني مابتندمين .. انا ياسارة ابيج لـ

قاطعته وانا اصرخ .. ودزيته بقوة من صدرة وانا مصدومة من كلامه .. حتى انه ترنح بغى يطيح من دزتي القويه والمفاجأه.. ركضت لداري وانا اصيح .. ياربي ليش كلهم اجتمعو اليوم ضدي ليش


دخلت الجناح وانا اصيح واشاهق بقوة .. دشيت الغرفه وعلى طول توجهت للسرير .. كانت فيني طاقه غير طبيعيه كنت ابي اكسر كل شي يطيح بين يديني .. كانت المزهريه قريبه من يدي .. ضربت يدي فيها بالقوه وهي تحركت خطوتين وطاحت وتكسرت .. ويت باكسر المنظرة بيدي .. بس منصور مسكني .. وهو يقول بصدمة : سارة انتي ليش تصيحين

بس طالعته .. وطالعت عيونه الجذابه زدت في صياحي .. دفنت ويهي بثوبه ولميته وانا اصيح بقوة ... ضماني وهو يحاول يهديني بكلماته البريئه : سارة خلاص انتي ليش تصيحين ؟؟ قالو لج مب حلوة؟ ايجذبون عليج والله انتي احلا وحدة ..سارة لا تصيحين ..(بعدني عن صدرة وهو يجوفني .. وانا اطالع فثوبه مب قادرى اجوفه خايفه لا انفجر .. لاحظت اثر كحلي وروجي والبلاشر الوردي معلم على ثوبه ) شنو تبين انا بااشتري لج .. "صكرت عيوني اصيح بقهر .. كلامه حسسني بالذنب واااايد .. ماسمع جواب مني بالتالي حضني وكأنه بهالطريقه بيخفف عني .." خلاص لا تصيحين .. حتى الشريط الي كسرتيه مالي .. انا خلاص سامحتج .. سارة .. انتي تصيحين تبغين شريط؟؟

صحت اكثر وانا المه بقوة اكبر ..منصور انا احتاجك انت .. انــــــــــت ! بس لساني مانطقها ماقدر ينطقها


....................

"سالم "

لو ماجفت نظراتها ولون عيونها كنت باابصم لكم انها حياة .. الشبه بينهم غير طبيعي .. ارتجفت وانا اتذكر دموعها وضعفها .. سارة اول مرة تكون جذي .. الفرق بينها وبين حياة .. حياة ضعيفه حساسه تحسها هشه اقل شي يكسرها .. بس سارة لاء .. سارة قويه وتتحمل .. استغربت دموعها .. ليش كانت تصيح ..

سكت شوي نزلت بهدوء من على الدري بعد ماترنحت بغيت اطيح من ذزتها .. استوعبت اخيرا انا شقلت .. عقدت حياتي بالقو وانا افكر فكلامي .. ..وبعدها رفعت حواجبي بدهشه وفتحت عيوني على كبرها .. وانا اجزم اني خريتها اليوم .. ياربي ماقدرت امسك نفسي .. انا اشفيني مب صاحي .. قمت ادور ويه حياة فكل بنت .. كل بنت تطلع لي ابيها حياة .. وسارة .. وسارة الشبه بينها وبين حياة قاعد اينني .. يخبلني .. ولان سارة وحياة تربوا نفس التربيه .. راح يكونون نفس الشي .. انا ابي سارة .. لانها انسانه بريئه طاهره ماتعرف ومالها علاقات بالشباب .. ولا لها نظرة طمع وتعالي وغرور
انسانه تبغي تعيش حياتها بحب ووناسه .. انا احتاج انسانه جذي .. من وين بااحصلها من وين؟؟

ندمت كثر شعر راسي ع الي قلته وايد استعيلت ومافكرت بالي اقوله .. ماكنت حاس بروحي .. خريت الاولي والتالي .. حسيت بقهر يتراكم بداخلي .. انا اشلون جذي نذل .. ليش كنت بهالحقارة .. معقوله هذا كان تفكيري ..

سحبت غترتي وعقالي وفلعتهم ع السيت الي عندي بقوه ... ظليت قاعد فالسيارة مب مستوعب انا شقلت .. عضيت على شفايفي بقوة وانا احس بطعم حديد فحلجي .. تحسست شفايفي .. لقيتهم يصبون دم خفيف .. حركت سيارتي وانا امسح حلجي بالفاين .. لفيت عن البيت وانا افكر ومهموم .. انا اشسويت اشسويت ؟!؟!اشلون باااقدر اجابلها من يديد

ماراح اقدر احط عيني بعينها بعد الكلام الي قلته .. يالله !! ..

تأففت بضيج .. رن موبايلي وظهر لي اسم "منصور" للحظة شكيت ان منصور درا بالي صار بيني وبينها .. حسيت بالذنب انا شقلت .. انا .. انا حقير.. حيووووان .. ماكنت راح ارد .. بس تذكرت ان منصور مايدري عن الدنيا شي .. رديت وصدمني صوت البنت

: السلام عليكم ورحمة الله وبركاته

طالعت الشاشه بااستغراب : وعليكم السلام ..؟؟

كان مكتوب اسم منصور .. بس هذي من؟؟ .. مستحيل تكون سارة .. مستحيل ..


سمعت حسها متردد : يالشيخ .. جوال ولدكم عندنا ..

بس تذكرت هالبنية "الوقحه" عصبت وقلت: مو قلت لج مانبيه؟ يوم قلت لج باجي اخذه سويتي فيها النون ومايعلمون والحين متصله تقولين جوال ولدكم؟؟

كانت ساكته وكانها تفاجأت من هجومي

قلت بعصبيه : ماتتكلمين؟؟

سمعت صوتها المخنوق وهي تقول : انا الحين بحط لك التيلفون فمحل "........." في ".........." تعال بعد نص ساعه.. انقطع صوتها شكلها تصيح .. واسمحلنا باي..

صكرت على طول .. تلومت .. احين انا كنت معصب احط حرتي فهالبنيه ؟ زين منها بترجع التلفون غيرها ياخذه ولا على باله ..

مشيت وتحركت للمكان الي قالت عليه ماحطيت فبالي اني لازم اتحرك بعد نص ساعه .. مدام اني ضايج .. وطالع .. فخليني امر اخذ تلفونه وافتك .. وصلت للمكان بعد ربع ساعه و3 دقايق بالضبط .. طلعت من السيارة .. وجفت وحدة معاها ياهل صغير .. وشكله شيطان لانه كل ساعه راح يجيب لعبه لها وهي تحاسب؟؟ .. لالا شكلها ماتحاسب شكلها تتفاهم مع راعي المحل وهو مب فاهم عليها


:..مليوووووووووم جوفي جوفي هالثيااااااااله انا ابيها ابيها

دانة الدوحة 26-03-10 09:01 PM
.. سمعتها تقول : علووي انجب اشوي .. لعوزتني والله باخذك وباحطك بالسيارة .. ايي بابو .. احين ياجي نفر .. يبي هاي تيلفون .. في معلوم؟؟

...: مايسير مادام .. انا شو يئرفني مين هازا نفرات؟

سمعتها تتأفف : نفر رجال رجال يجي .. يقول انا يبي تلفون في بنت حطي هني .. انته في معلوم؟ .. مب كل واحد بييك يدري ان معاك موبايل ياربي شالغباء الي عليك

سمعته يقول وهو يعدل نظارته: سنو في قول؟ مافي معلوم ..

طالعت هيئتها .. كانت متوسطة الطول .. جسمها متناسق .. عبايتها وسيعه .. وشكل الزخارف الي فالعبايه بسيطة تدل على الرقي والاناقه ..

تقدمت عشان اجوف شالمشكله :: خير الشيخه اشصاير؟؟ ..

التفتت لي .. وشكلها خايفه ! .. طالعتها بتفحص .. عيونها كانو متوسطين الحجم .. لونهم جوكلت عجييب .. البؤبؤ الي فعينها كان وايييد عود .. نسبه القزحيه الي فيه كانت اشويه .. وهالشي اول مرة الاحظه فـ أحد ماشاءاالله .. خشمها قصير .. شفايفها خطة قلم .. صغار .. خدودها مليانين .. وعندها دقه ع حنجها .. وبياضها كان الكفيل لتكمله جمالها ..(مريم كانت جميله جميله .. واجمل من حياة بوااايد بس سالم كان يطالعها عاديه .. وكأن حياة تفوقها بكل شي) طالعتني مرتبكه وخايفه .. وصدت تكلم راعي المحل .. : المهم في نفر يجي يبغي موبايل هذا ..انته عطه اياه .. التفتت تدور اخوها الصغير .. وابتعدت عن الكاشير ..

عقدت حياتي من تصرفها السخيف ! .. تابعتها لين اختفت بين احد الرفوف وهي تبحث بعيونها عن اخوها

ثواني وسمعت صوت صراااااااااااااااااااااااخ عج المكان .. سديت اذني .. والتفتت ادور مصدر الصوت .. وكان من احد الرفوف ..طليت بلقافه وجفت الولد الصغيرون الي جفته اول مادخلت المحل منسدح ع الارض ويصارخ .. اما اخته فكانت واقفه وتحاول توقفه بكلامها .. بس هو معاند ومايبي يقوم .. ويصااااااااااارخ بصوت عالي ..

جفت ويهها الي انقلب احمر مجرد ماالتفتت وجافتني وجافت كم بنت يطالعونها ويطالعون اخوها

دنعت بااحراج لاخوها وهي تقول بغيض : علوي خلاص .@@ .. ياولد الناس مب سيارتك

سمعته يصارخ يصيييييييييح : امبببببببببببببببببببببببببببببببلا ثياااااااااااالتي انا ثايلها ويا عمي .. ابيييييييييييييييييييييييييييييييييييييييييييييييييييييييييي ييييييييييييييييييييييها .. خل ايجيييييييييييييييبها .. مايخصني مابي مابي ماااااااااااااااااااااااااااااااااااااااابي


سديت اذني .. بل بل بل حشى مب بلاعيم عليه العن شكل ابليسه عليه احبال صوتيه؟@ تنفع حق .. حق .. يووووه .. اشفيه قام يزود بصراخه؟؟


مشت عنه وهي مفتشله .. طالعتها متسبه !!! .. هذي شلون تمشي واخوها فارش الارض ويصيح شايل الدنيا فوق راسه .. والله قويه هالبنت! .. اخبر البنات قلوبهم حساسه؟! وهذي هاده اخوها وبتطلع من المحل


بس تصدقون ياللعجب .. !! .. من جافها تحركت من عندة وبتطلع قام يركض لها وهو يصييييييح بقوة .. من جافته يه لعندها دنعت لمستواه وكلمته بخوف ومسحت دموعه .. شلته وياها .. وتوجهت لقسم التلوين .. خلته يتنقى الي يبيه وراحت تشتري له .. كل هذا وانا اتابعهم .. بعدها طنشت ورحت للكاشير اسأله عن تلفون منصور .. اول شي مافهم علي .. لعوزني تلعوز .. بس فالنهايه فهم .. ومن مسكت التلفون حسيت بشي طاح ع الارض .. التفتت .. لقيت هذيج البنت مرتبكه وعلبه الالوان طايحة من يدها ...



رفعت حاجب وطلعت مستغرب من امر هالبنت !
صج مراهقه!! مشيت بغرور لسيارتي وحركت !





................


" علي"
وصلت اليوم الدوحة .. بعد الرحله .. كانت متعبه بالنسبه لي .. خصوصا اني مارقدت قبلها بيوم .. صكرت عيوني بتعب .. واتصلت على دريولي .. حتى يجيني .. مااقدر افتح عيني ..

قررت امر امي قبل لا ارد بيتي .. تثاوبت بتعب ..

واخيرررا وصلنا .. دشيت البيت وانا احس اجوف الشي اثنين .. تراولي صوت ضحك وسوالف .. وقفت وعقدت حياتي اركز اكثر .. فعلا في صوت حد يضحك ويثرثر بس من اي جهه مب داري لان الجهات صارت عندي مليون والباب الي اطالعه صاير خمس بدال واحد ..

مسكت راسي .. شكلي قمت اهلوس .. صكرت عيوني بقوة .. ترددت الضحكات فااذني .. تحركت .. وضربت ريلي بالغلط على الدري .. فتحت عيوني بقوة .. وقعدت ادقق فالصوت ابي اكتشف من وين هالصوت طالع؟؟ ..
هدووووووووووووووووووووووووووووووووء ماينسمع الا صوت هبات الهواء.. عقدت حياتي؟؟ .. انا كنت اهوجس .. ولا فعلا كان في صوت .. تميت خمس دقايق .. بس بعدها استحريت .. ولاني ماسمعت صوت تقدمت للصاله ..

دشيت وسلمت على اهلي كلهم .. وقعدت بينهم وانا اجوف الواحد عشره .. دقايق ودخلت امل وهي تعدل شعرها .. عقدت حياتي .. مادري سلمت عليها ولا لاء .. يوم جفتها تبتسم لي .. وتقرب صوبي خمنت اني ماسلمت عليها .. لا تلوموني دايييخ حديييي يوم كامل مارقدت فيه 5 دقايق .. يعني مواصل .. ويبي لي نومة محترمه ..

استئذنت وكنت بروح بيتي بس امي حلفت علي ارقد عندهم .. وتبون الصج فكتني من الطريج .. دشيت غرفتي .. وتسبحت وغيرت ثيابي صليت المغرب والعشا وقطيت روحي ع الفراش مب قادر اركز بشي .. غطيييت بنوووم عميييييق .. وقبل لا ارقد كانت فكرة تدور براسي ..

" ليش ماارد واسكن هني من يديد؟؟ احسن من وحدتي هناك .. وهم ويا اهلي ..؟"



.......................

"روضه"

قاعده بين عيالي ابغي ارقدهم .. خصوصا ان باجر اخر يوم لهم هني .. وبعدها بيروحون ويا سعيد .. من بعد ماقال لي سعيد انه تراجع عن قرار زواجه وانا محتارة ومحتاسه .. اصدقه؟؟ ..ارجع له؟؟ .. بس خايفه من قراراتي .. خصوصا ان محد كان يبغي يتدخل غير خليفه الي عصب علي يوم رضيت ارد لسعيد .. بس مع ذلك ماحب يخرب علي حياتي .. قال لي افكر زين .. وبعدين اتخذ القرار ..

تنهدت بضيج سمعت حمدان يقول: ماما

طالعته بحب : عيون ماما

الي حمدان وهو يلم يدي : ماما .. متى بتردين البيت؟! .. انا مااعرف ارقد الا اذا انتي كنتي ويانا ..صح حمدوه؟

هزت راسها حمدوه موافقه ع كلام حمدان ..

اهتزت مشاعري .. عيالي يحتايوني .. وسعيد؟ .. لالا .. انا مااقدر ادوس ع كرامتي .. كرامتي قبل حبي وتضحيتي لسعيد .. الي سواه مب شوي .. جرحني .. جرح عمري ماراح انساه .. صحاني من غفوه احلامي !


سمعت حمدوه تقول : ماما .. امث بابا كان يثيح .. ليث؟؟ ..

انصدمت .. سعيد؟! .. سعيد يصيح .. وع شوه؟؟ .. معقوله ع فراقي ؟ .. لالالا يا روضه لا تتوهمين .. هو مايحبج .. انتي مجرد حرمته .. والحب الي كان يجمعنا ايام الخطوبه والملجة .. لالا قصدج حبج انتي .. اما هو فكان مستانس عليج لانج مرحله يديدة فحياته وبس ! .. تنهدت بضيج .. لاني متأكده ان سعيد مايكن لي مشاعر حب ولا حتى يبادلني اياها .. يمكن مشاعر ود .. بس حب .. لا ! ..

قلت بعلثمه : مادري ماما .. يالله ننام ؟

قالت حمدوه: ناء .. انتي قولي لي ليث؟

رن تلفوني .. وكان المنقذ الي ينقذني من اسئله حمدان وحمده .. طالعى الموبايل .. وكانت صدمتي اكبر من صدمة اسئلتهم .. كان سعيد .. من زماااان مااتصل فيه .. من هذااااك اليوم ..!! .. شو يبا ؟؟ .. ارد؟؟ .. لاء..

زين ليش متصل؟؟ اكيد شي ضروري ؟!!

ارد؟

كنت مترددة والشوق ذبحني لهالانسان مهما كابرت .. هالانسان متغلغل في كياني ..

رديت بهدوء على اخر رنه..: السلام عليكم ..!

رد بصوت مكتوم : هلا ؟.. وعليج السلام .. اشحالج روضه !

دق قلبي بقوه ؟.. وحااولت اظهر صوتي باااارد .. : بخير ...(سكت ثواني طويله ) .. ومن صوبك يابوحمدان !!..

تعمدت اتجاهل اسمه .. سمعت انفاسه المكتومه ورد بصوت مرتبك : بخير .. ااا العيال راقدين؟؟

طالعت عياله الي يطالعوني بااستفهامات ..ابتسمت لهم ..: لا .. هذولي حذالي .. تبا ترمسهم؟

رد وكأنه يفكر : امممم .. هيه .. !

عطيت التلفون عياله .. وتهاوشو حمده وحمدان .. منو يكلم ابوهم اول ..

حمدان : انا الريال انا الي اتكلم قبل

حمده : ناء ناء .. انا اول ..! انا اثطر منك ..

حمدان دزاها: روحي زين قال اشطر قال ..انتي حتى ماتعرفين تتكلمين كل كلامج حرف الثين .. مافي انا اول

حمده تطالعني وتقول بشكوى : ماما ثوووووووفي حمدااااااااااااااااااااااااااانوه

حمدان الي كان يكلم ابوه شل السماعه عن اذنه : شووووه منو حمدانوووو؟ .. مد ايده بير شعر حمدوه .. وحمدوه تصارخ وتضحك وتنخش ورا ظهري ..

حمدان يحاول يضربها بدون مايضربني .. وهو قاعد مجابلني .. وحمدوه تضحك وهي تلتف حواليني حتى مايقدر يصيدها ..

ضحكت وانا اقول : حمداان امايه عن الخبال ..

حمدان مصر : لا ماشي .. ليش تقول حمدانوو ..

حمدوه تضحك وهو تقول : كيييييييفي ..

قام حمدان بيمسكها وهي صرخت وهي تتخبى فظهري ... وتدفن روحها في ظهري ..حسيت بوخزة بسيطة فبطني غمضت عيوني وانا اسمع حمدوه تستغيث فيني :ماااااااااااااماااااااااااااااا .. ههههههههه


ضحكت وانا امسك بطني وامسدة بخفه ..قلت لحمدان: خلاص خلاص ياريال خل عنك .. غد ريال ومايخصك فيها ..

قعد حمدان وهو مغصوب ويطالعها بحقد اما حمدوه فكانت مطلعه لسانها لها وهي تتخبا وراي .. ضحكت ع خبالهم .. ورديت سدحتهم ع السرير حتى ينامون .. نسيت سعيد الي كان ع الخط .. وهادي .. مافي حس له..

واحنا منبطحين قالت حمدوه": ماما ..

رديت وانا مصكره عيوني شراتهم عشان يرقدون : همممم ..

كملت حمدوه ويه تحاول تقاوم الرقاد: بنروح المدرثه باجر؟

صكرت عيونها المفتوحه: اي حبيبتي .. اي ..

صكرت عيونها ..كملت وهي تقول بنعاس: مع بابا ولا خالي خليفه؟

تذكرت سعيد الي كان ع التلفون .. اووه .. دورت التلفون لقيته طايح عند بطن حمدان .. شلته وانا اجوف سعيد للحين ع الخط .. عقدت حياتي وانا احطه عند اذني واقول بتردد : الو؟؟ .. سعيد بعدك ع الخط ..

سمعت صوته يرد بهدوء: ايي ..


قلت بأسف : اسمحلي .. نسيت انك ع الخط ..!!..

قال لي بنبرة مافهمتها : لهالدرجة؟!

قلت بااستفسار : .. شو؟؟ ..

استدرك الي كان بيقوله وقال :لــ.... تصبحين على خير .. خبري حمدوه اني انا الي بمرهم وباخذهم للمدرسة .. اممم اي .. وباجر .. اخـ ..

قطعت رمسته: اوكي .. باجر بيكونون عندك ..!!! كنت باصكر بس سمعته يقول

: وانتي ؟؟ ..


رفعت حياتي وقلت : وانا شو ؟؟ ..

قال بتردد : متى بتردين ..
؟؟

قلت بهمس عشان مايسمعوني عيالي : عفتك !والي مايبانا .. مانباه!

هدوووء من الطرف الثاني .. توقعته ماسمعني .. فقلت : الو؟؟ .. معاي؟

تنهد بقوه : وياج ... غناتي ... (يوووه ياااااني اشتقت لهالكلمه من ثمه .. ياليتك ترد سعيد الي عرفته ياليت ! ) لو مب عشاني .. عشان عيالنا .. عيالنا يا روضه ..!!


صكرت عيوني باالم ودموعي تطيح من طرف عيني ع مخده حمدان قلت بصوت مخنوق : مااقدر ..!

رد بااصرار : تقدرين .. بتقدرين ..

قلت بهمس : بوحمدان .. لاتضغط عليه !

كمل بااصرار: روووضه .. هذي الفرصه احتاجها انا .. وعيالي ياروضه .. عيالنا .. شو ذنبهم ..

تحركت يوم شفت حمدان وحمده غاطين برقادهم .. طلعت من غرفتهم ودخلت غرفتي صحت وانا اقول : وليش ماقلت هالكلام لنفسك يوم كنت بايعنا كلنا .. الحين تقول لي شنو ذنبهم؟؟

سمعته يتنهد بقوة .. ورد يقول : ياروضه ياحبيبتي .. عيالنا يحتاجونا احنا الاثنين . وانا غلطت وماابغي الغلطة تستمر يا روضه ! .. حرام عيالنا يعيشون مشتتين وامهم وابوهم عايشين .. !

صحت بقهر .. صحت لان مابيدي حيله .. انا اقدر اطلب الطلاق .. بس عيالي ..آآآآه .. مسكتني من يدي الي تعورني ياسعيد .. :.................


مرت عشر دقايق وكلا الطرفين ساكت .. انا اقلب الافكار براسي واقلب الحجي .. بس مااقدر .. مااقدر .. صعب صعب ..

تنهدت بعذاب : انا برد .. بس على شــــــــــرط !

سمعته يرد بلهفه : صج .. امـــــــــــري .! .. موافق ..!!

رديت بغرور : اول شرط مايكون لك راي علي هذا اولا .. ثانيا .. انا لي غرفه وانت لك غرفه

رد مقاطع : بس اليهال بيحسون فينا ياروضه!

دانة الدوحة 26-03-10 09:08 PM
قلت بقهر: وانا مابي سقف يجمعنا بروحنا .. انت انت ..

قاطعني وهو يقول بحزم: لاء هالشرط لا

قلت بعصبيه: عيل مب راده ..

قال بحلم: سمعي .. مدام انج ..... تبين ترقدين بروحج .. رقدي ع السرير.. وانا برقد ع احد الكنبات .. بس انا فغرفه وانتي بغرفه لاء .. عيالنا بدوو يفهمون يا روضه .. ومانبي نعقدهم


عصبت وقلت: ومن الي سواا هالسالفه كلها .. انــــــــــا ؟ انا الي بعقدهم الحين؟ وكلامك شو نسيته؟

شكله هو بعد عصب : روضــــــــه يعني شنو واحد وغلط بتمسكينها علي طول العمر يعني ..؟؟؟

هديت نفسي .. يالله .. وانا شعلي منه .. خلاص من يوم ورايح .. هو بطريج .. وانا بطريج .. والله ياسعيد بالعب فيك بخليك القريب البعيد .. !

قلت : اوكي .. بس مثل ماقلت كل واحد بطريج !!

قال سعيد معترض: روضه .. كل واحد راح تكون له حريته وماله خص بالثاني .. بس بحدووود ياروووضه .. سامعتني؟؟ .. ماراح اوافق على الحريه الكامله .. شي مايعجبني ياروضه تردينه .. مهمها يكون انتي زوجتي للحين وعلى ذمتي .. ! ..

هــه !! .. قال شنو قال زوجته هـه ..!! ..

حسيت اني طولت وياه وايد .. فقلت اختصر : على خير .. فـ امان الله

صكرت بدون مااسمع رده .. هين يا سعيد ..هــين !! ..

فتحت عيوني .. انا شلون غفلت عنه ؟ .. كان يسمع شروطي ويعارضني وانا الي قررت انه اذا مانفذ الشروط مثل مااباها انا ماراح ارد .. آآآآآآآآخ .. كيف فاتتني كيف؟

.................

...: ياعمي .. انا مستعيل..

سكت يفكر بالكلام الي قاله .. كلامه صحيح .. هو لازم يتعرف عليها خلال هالفتره عشان زواجهم ماباقي عليه الا شهرين .. فليش مايخليها خطبه وملجة مرة وحدة ..؟؟ .. همممم .. فكر يا سلطان فكر .. ترضى ولا؟؟ ..بس ؟؟ .. لالالالا خلك من التفكير السلبي يا سلطان الولد وده فيها ويبغيها .. اي اي يبين عليه؟ .. بس بنتي ماتجهزت؟؟ .. تتجهز شبتسوي ترا؟ كلها فستان ومكياج .. واصلا هم كانو حاجزين للخطوبه يعني ماراح يضر لو صارت ملجة بعد ... ؟؟ .. اشاور امها؟؟ .. زين والمعازيم؟ والبطايق ؟؟ .. تذكر انهم كتبو في البطايق "حفل خطوبه" مب عقد قران او "ملجه" .. سكت يفكر ويقلب الامور بمخه ..

سمع صوته يحثه ع الموافقه: ها ياعمي اشقلت؟ وانا من ايدك هذي للثانيه ..

سلطان : خلاص يا ولدي .. الي تجوفه .. انا بخبرهم .. وانت بعد خبر جماعتك !!

صوته الي يعج بالسرور كان هو الي مريح اعصابه : تسلللللللم يا عمي .. كفووووو ..خلاص .. ع الخميس .. اجوفكم .. ياعمي ماتحتاجون شي؟؟ ولا ماشيات؟؟ ناقصكم شي؟؟ .. ترى مايردك الا لسانك يابومحمد .. المهر وسوالف الحريم دزوها اليوم لكم؟؟

سكت ورد بالموافقه : اي عندي خبر .. لاهنت ياولدي .. على خير ..

:خلاص ياعمي .. مع السللامة ..

:ياهلا ..

................
"سارة"

رجعت من غرفه سلوي مستغربه .. ياحليله خطيبها مستعيل على زواجهم؟؟ .. يراكض ورا هالعرس .. من فندق وحجز وبطاقات وغيره .. هه وانا مالت علي وعلى الي عندي ولا اهتم ولا درى عن الدنيا .. تذكرت ايل صار الظهر .. ياتني الصيحه .. دشيت جناحي .. ودخلت غرفه النوم .. كانت الغرفه ظلااااااااااااااااااااااااااااااام وباااااااااااااااااااااااااااااااااااااااااااااااااااااااااا اااااااااردة ارتعشت.. وبسرعه قربت من السرير .. وصكرت المكيف بالكنترول .. تلحفت لاني مت من البرد .. خمس دقايق .. عشر دقايق .. مروا .. فتحت الابجورة الي عندي وبعدها التفتت لمنصور الي نايم بعمق ومايدري عن الدنيا .. ناديته كمن مرة .. وتمللت لانه ماقام بسرعه

تأففت بضيج شهالحياااة الممله.. اوففف .. رديت اناديه جفت ماينفع وياه هزيته كمن مرة .. فتحت النور كله .. بعد عشر دقايق .. فتح عينه ..

قررت اقول له فكرتي الي فكرت فيها طول الظهر حتى اتخلص من الهموم الي فوق راسي .. النسوان .. وسالم فوقهم اكملت .. صار الحمل حملين ..

تمغط وهو ع السرير .. قام قعد انزاح اشوي من اللحاف عن صدرة وتفشلت من جفته ويهي قلب الوان من الاحراج .. كان نايم وازره القميص كلها مفتوحه وقميصه معفوس ... طلعت برع وانا اقول له : منصور بدل وتعال بكلمك في الصاله ؟؟

طالعني بااستغراب .. وتوجه للحمام .. صكرت باب غرفتنا .. قعدت افكر اشلون ابتدي وياه الكلام ..

بعد عشر دقايق من الانتظار وحسيت اني قاعده احترق .. اشفيه هذا تأخر بروحي متوترة ومب عارفه اشلون اشرح له الي بيصير والي لازم يسويه ..!!

انفتح باب الغرفه تعلقت عيوني بويهه .. تجدم وقعد عندي وهو عاقد حياته ..تثاوب .. ابصم لكم ان شكله كأنه عاقل بس تصرفاته هي ال تحير وانا لازم احط حد لهالتصرفات حتى .. حتى .. اعيش حياتي هانئه

شبكت يديني وطالعتهم مو عارفه اشلون ابتدي .. قررت .. اقول له نص الي صار لي حتى اريح ضميري ولاني محتاجه فضفضه : منصور .. انا احتاجك في مساعده .. تقدر تساعدني؟؟

طالعني بااندهاش : انا؟؟ .. اساعدج؟؟ ...

هزيت راسي بنعم

قال بااندهاش: بس سالم يقول ان .. نزل عيونه وطالع ريله وهو يلعب بالزوليه بطرف ريله :ان مافي مني فايده

التمعت عيني بالدموع .. الله ياخذك يا سالم .. اكرهك .. وفكل مرة تثبت لي انك انسان حقير .. قذر مايتساهل مشاعر الود الصافيه .. : لا منصور من قال .. هو يكذب عليك .. اصلا محتر منك ..

طالعني بااستفهام .. كملت بترجي : بتساعدني؟؟

هز راسه بحماس: اي .. ابتسم

ابتسمت له وانا مترددة .. : منصور .. انا .. انا .. ابي اطلب منك طلب ..

طالعني مستفسر وقال : احين طلب ولا مساعده

ضحكت غصب عني .. وقلت له : الاثنين؟ .. انا ابيك تمثل عليهم انك رجعت طبيعي .. لمعت عيني بالدموع .. يعني يعني انا بساعدك وبعلمك كل شي لازم تسويه في وجود الناس .. بس ارجوك منصور لا تخيبني .. صحت وانا اغطي ويهي

طالعني متفاجأ .. ومد لي علبه الكلينكس : لا تصيحين .. خلاص خلاص .. باامثل ... بس شنو يعني امثل؟ ..

ضحكت على كلمته وانا اصيح.. ياحليله يبي يراضيني وهو مب فاهم شسالفه ..هديت شوي .. وشرحت له كل شي بالتفصيل كل شي لازم يسويه ويتصرف فيه جدام اهله .. ماكان يخلو شرحي من بعض الضحك والصياح .. منصور عجيب .. يقدر يزيح الالم بطهارة قلبه وبراءة تفكيره

عقد حياته وهو يقول لي بصوته الخشن : روحي ايبي لي ماي

فتحت له عيوني وتخصرت لا ارادياَ: نعم نعم؟ قلت لك تحت .. جدام الناس .. هني لاء ..

كمل وهو يقول : اي اي .. ولازم تثقل مو من تجوف مجود يلعب فالسوني تركض تروح تلعب وياه .. لاء لاء .. تبي تلعب اصبر لين انيي فوق والعب على كيفك .....طالعني وهو يقول : صح؟؟ ..

كتمت ضحكتي وانا انزل عيوني عن عينه : صح .. بس انت ليش اتسمع الي قلته؟

قال لي ببراءة : مب انتي تبيني امثل؟ اكا ؟

ضربت على يبهتي ومت من الضحك عليه .. قعدت افهمه من يديد .. هز راسه .. وهو يحاول يفهم بقدارته البسيطة ..

قلت له اذكره : اي ويوم يقولون لك اشلون رديت طبيعي تقول لهم انك سخنت ورديت طبيعي اليوم الثاني ... يعني من باجر بتمثل عليهم كلهم انك رديت طبيعي .. اتفقنا

ضرب يدي بكفه وهو يقول : اتفقنا .. قف مي فايف"حافظها من مجود" .. انزين متى تشترين لي الشريط الي كسرتيه؟؟

التمعت عيونه بحزن .. انحرجت من نفسي وقلت : ان شاء الله بعد ملجة سلوي باروح اشتري لك اوكي؟؟

قال لي وهو يفكر : لاء لاء .. انتي قلتي مايصير تطلعين بروحج لازم انا اوصلج عشان عشان عشان ايييييييي عشان الريال مايرضى مرته تروح بروحها صح؟؟ .. كمل وهو يقول بوناسه الللللللللللللله بايي وياااج بشتري "قعد يعدد على اصابيعه اسماء الاللعاب الي ناوي يشتريهم " ابتسمت براحة

وقفت باانزل قال لي منصور انه بينزل هو الثاني بعد

نزلنا وكانت سلطانه في الصاله .. واليهال هوااااش على السوني .. ماجد وولد سلطانه وجسوم ولد محمد ..

ساسرني منصور : عادي اروح العب اليوم؟؟

ابتسمت .. احسن شي في اليهال انهم نبيهين ويفكرون صح لانه مافي شي يشغل بالهم .. اشرت له باايي .. وراح بسرعه بيلعب وياهم ..

وابتدى الصراخ طبعا من يلعب بفريق "مانشستر .. وفريق رويال مدريد .. "

سلطانه كانت تتكلم بالتيلفون .. وبيدها مجله تأشر عليها شنو بتشتري لسلوي ..

مشيت للمطبخ لاني عطشت ..

وانا طالعه من المطبخ صادف وجود مرت محمد "ياشييييييييييييتها هالقشرة" طنشتها وكنت باكمل طريجي .. بس وقفت بطريجي وقالت بحقد: هييييييييييي انتي جوفي مو معناته انج يتي هالبيت انج بتلفتين نظرهم .. وتاخذين الاضواء فاهمه؟؟

طالعتها مستغربه لكنها كملت بنرفزة : وبعدي عنا احسن لج ؟؟

عقدت حياتي اشفيها هذي مب صاحيه؟؟ : اشعلي انا منكم؟؟ .. والله !!.. حبيبتي عندي ريلي شاابي فريلج؟؟ والله اخر زمن ..

مشيت بااروح عنها بس يرت يدي بعصبيه .. وقفت وانا بعد ابتديت اعصب خصوصا ان انا اعصابي بسرعه تفلت مني

قالت بشر : لاتحطين راسج براسي ياسارة

طالعتها بااستفزاز وعصبيه : هي انتي .. شتحسبين نفسج ها؟؟ .. مثل ما لج فهالبيت لي .. ويمكن لي اكثر منج .. فاهمه يازوجة ولد عمي "العزيييز"؟

طالعتني بعصبيه ونرفزة .. اطلقت ضحكه سخريه ومشيت عنها

والله حاله والله ناس مستخفه سمعتها تقول بتهديد : هين ياسارة .. تذكري انج انتي الي بديتي .. وانتي الي دخلتي هالشي فمزاجي .. وتحملي


اشرت بيدي بلا مبالاه عليها وكأني ااشر عليها انتي بلا قيمه عندي؟؟ .. توجهت للصاله

وجفت سلوي قاعدة ودمعتها على خدها .. وسلطانه تكتب فورقة .. عقدت حياتي .؟؟ اشصاااير؟؟

ياخي شهاليوم الي مو راضي يمر على خير؟؟؟

قعدت عند سلوي وانا اكلم سلطانه : اشصاير؟؟ اشفيها؟؟ >اشرت على سلوي؟

ضحكت سلطانه : دلع بنات .. مافيها شي .. تصيح ماتبي هالخميس تكون خطوبتها وملجتها؟؟ .. وماتبي تعرس بعد شهرين ؟؟

عقدت حياتي:" شهرين؟ مب كانو بعد 3 شهور؟؟

قالت سلطانه : لالا .. بعد اربع شهور بتكون باديه الدراسه في لندن من شهر .. عشان جذي بيجدمون عرسهم شهر ونص .. اتعرفين لازم بيروحون شهر العسل

صاحت هني سلوي اكثر؟؟.. طالعتها وضحكت : اييييييي سلوي شفيج ههههه ..

سلوي قالت : خلاص مابي اتزوج ..؟؟ .. ردت تصيح

ضحكنا انا وسلطانه بالقوووووووووووووه فلعتنا بالمخدات الي وراها واحنا لازالنا نضحك على سلوي وحركاتها

كتمت ضحكتي يوم جفت سالم داش البيت .. مايحتاي اقول لكم اني بديت ارتجف من الخوف .. والكره .. بلعت ريجي .. وتحركت بسرعه .. بارووح فوق ..

مسكتني سلطانه : على وين سوسو؟؟

بلعت ريجي بخوف : بروح الحمام ..

تحركت بسرعه .. تعديتهم وصلت لباب الصاله

كان سالم متمايل على باب الصاله .. وصلت لباب الصاله سمعت همسه : سارة ..

تحركت بسرعه وتعديت الباب ودموعي تجمعت بعيني ركبت الدريات بسرعه وانا اسمعه يهمس : لحظة .. سارة صبري .. سارة ..

تعديت ثلاث دريات وطاحت دموعي .. سالم انسان مريض مريض .. مااقدر اعيش وياه بهالبيت .. معقوله جي يفكر فيني .. ليش؟؟ اشجايفني

صحت بقوة وانا اتوسد السرير.. تذكرت هاليوم الكئيب ..ربع ساعه وحسيت بيد على جتفي .. كان منصور ..

صحت زيادة .. متى ايي باجر .. متى ..

قال لي منصور : سارة انتي ليش تصيحين؟..

صحت زيادة .. ومارديت عليه .. رن تلفوني ..مسحت دموعي وهديت شوي وانا اطالع الشاشه |"عضيدي فهالدنيا" كان ماجد .. مالي بارض له .. وبعدين انا مااكلمه الا اذا احد وياي او وياه .. بروحنا ماراح اكلمه .. اي حقودة .. كيفي انا حقودة .. الي سواه مو شوي ..



رن تلفوني من يديد ..وصديت عن التلفون بااهمال وانا اتنفس براحه .. اخخخ بس من يقول ان الصياح هم وكدر .. الصياح راااحه .. ونعمه ...

منصور بلقافه سأل : من ذي "عمري كله فدوة "

سحبته من يدة بعنف: مايخصك .. سكت متلومه اشلون جي كلمته وانا طالبه طلبات قد الدنيا منه .. طالعت ويهه كان يطالعني مصدوم .. وبعدها صد عني وشكله زعل ..


مسحت دموعي الباقيه ومسكت يده : انا اسفه .. مب قصدي .. بس .. بس انـ

قاطعني وهو يبتسم : انا بسامحج .. على شرط ؟!

طالعته بنقمه: ياكثر ماتتشرط يامنصور

ضحك منصور والمعت عينه و هو يقول : لاء شرطين مو واحد .. اشر على صبعينه جدام عيوني .. شوي ويدخل اصابيعه داخل عيني

بعدت ويهي وانا اضحك .. مب كأني من شوي باصيح : اييييييييي بتعميني الحين ..

قال وكأنه مب مهتم للي قلته : هااا توافقين ولا لاء؟؟؟

طالعت السقف وكأني افكر : امممممممم .. اممممممم ..

ضربني على ظهري : يالله ساعه

صرخت متألمه : ايييييييييي .. حسبي الله على ابليسك .. تحسب يدك خفيفه .. كسرت ضلوعي

ضحك منصور وفج عيونه : شنو يعني ضلوعي .؟؟

اشرت على الضلوع الي فجسمه .. وهو كان يتابع مسرى يدي .. وفاتح عيونه بدهشه .. كأنه اول مرة يعرف هالشي .. : ليش يقولون له ضلوعي؟

تأففت : لانه ضلوع جمع ضلع

عقد حياته وكأنه يركز فالمعلومه ورد سأل : انزين شنو يعني ضلوع جمع ضلع؟؟

سكت وانا افكر .. ليش سمينا الضلع .. ضلع؟ ..لانه ؟؟؟ .. ااا .. لانه ضلع .. الله يخس ابليسك يا منصور .. جانك بتيينني مع ينونك هذا .. : ماعلينا ؟.. شنهي شروطك ياحضرة الامير منصور؟

ابتسم بوسعه وهو يأشر على نفسه : انا امير؟؟ .. ضحك بفرحهه وهو يكمل .. ابي كيك .. طالعني وهو يأشر على وراه ويقول ... الي اول سويناه هذاك بو جوكلت ؟ تذكرين؟ الي حلو .. شكل .. امممم .. صبري خذيناه ويا المدرس .. مب مربع .. ولا متسطيل ..صرخ متذكر .. اييييييييييييييييييييييييييي دائرة .. دائري

ضحكت على متسطيل وقلت اصحح له : مستطييييييييييييل

ردد وراي بنفس كلمته : متسطيييييييييييييييييييييييييييييييل

ضحكت وانا اعلمه : لالا .. جوف اول شي تقول السين بعدين التاء .. فهمت؟؟

ردد وراي .. : اول شي تقول السين بعدين التاء؟ ..

صرخت متنرفزة : منصوووووووووووور

نقز متخرع وهو يقول : هااا .؟؟

ضحكت على شكله .. وكملت : رفعت ضغطي الله يهديك .. مستطــــــــــيل .. اول شي السين .. جوف اول شي ننطق حرف السين وبعدين حرف التاء فهمت مسسسسسسستطيل

حرك شفافيه وهو ينطق نفس جملتي بالضبط بس بدون صوت اول شي السين جوف اول شي ننطق حرف السين بعدين حرف التاء

صرخت : مستطييييييييييل

صرخ هو بعد : متسطييييييييييييييل

ضربت راسه : يعلك يالمسطل انت .. زين خلصني شنهو الشرط الثاني؟؟

لمعت عيونه بحلاوه .. ياناااس مااقدر اقاوم عيونه ..لمعت عيونه.. بعد ماحط طرف راسه وهو يميل شعره صوب الي ضربته : تقولين لي .سكت وهو يقرب من عندي .. وحسيت ان جسمي صار حار وبدا يعرق ,,, مادري ليش خفت .. ابتعدت شوي بس سمعت همسه فأذني
: تقولين لي قصه الليله ..

تنفست براحه بعد ماكنت حابسه انفاسي .. مادري ليش جي صار فيني .. تنفست بقوة وانا اقول : صار ..



بعد 4 ساعات .. قضيتها ويا سلوي وسلطانه .. توجهت للجناح .. كان منصور منبطح الارض .. وماد ريله ع طرف الكبت الي عليه التلفزيون .. ويتابع فلم بس على كرتون .. اممم هاي الفار الازرق .. مادرس شسمه

المهم انا مب من متابعين الافلام الانجليزيه عشقي الافلام الهنديه .. واااو .. افلامهم كششششخة ..

طالعني منصور بكسل : هممم انتي يتي؟؟ .. وينج ياتني النودة انا "تثاااوب بعمق "

اوووه تصدقون نسيته منصور .. ولا طرا فبالي اتصل الجناح اسأل عنه .. حسيت بااحراج من نفسي .. ابد مااتحمل المسؤوليه .. عيب علي والله ! .. قلت بااحراج : هاا .. اي كنت اسولف ويا البنات .. !!

هز راسه وتثاوب من يديد .. كسر خاطري .. قلت : زين ليش مارقدت؟؟

طالعني : اخاف ارقد بروحي ..! قعدت انطرج ..

واعليييييييييه .. انزين جان اتصلت يامنصور .. عور قلبي .. مسكين .. المهم طنشت مشاعري .. ورحت للحمام .. بدلت وغسلت .. طلعت ومشطت .. بعدها تعطرت .. ورحت للصاله .. جفت منصور وهو يدش الغرفه ..

طالعني متفاجأ : مابترقدين؟؟

هزيت راسي بلا .. مافيني النودة اصلا : لاء ..!

تثاوب بالقوة وهو يقول لي : انزين معليه تقعدين وياي لين ارقد .. اخـ ..

قطعته وانا اقول : اوكي يالله ..

دش فالفراش .. وتلحف بفراشه .. قلت له يفتح الابجورة الي صوبي .. فتحها بطاعه .. صكرت ليت الغرفه ..

توجهت للسرير بحذر .. انبطحت وانا اصكر الابجورة .. سمعت منصور النعسان يقول لي : سارة

رديت عليه : هممم

قال بااستفهام .: انتي قلتي بتقولين لي قصه .. قولي لي قصه ؟؟!

سكت منجلطه .. مالي بارض حق شي .. مااعرف اقول كلمتين على بعض اقول قصه؟؟ .. اوفف .. حست فبالي على قصه مايه فبالي شي .. قررت اقول له قصه السندريلا .. واذا طلعت صح كان بها واذا غلط مابيدري هههههههه >اما خبيثه ياسارة : كان يا مكان في قديم الزمان .. كانت بنت فقيرة حلوة اسمها سندريلا تعيش ويا مرت ابوها واختينها من ابوها .. ابوها مات وهي اصغيرة .. ومرت ابوها كانت تعاملها بقسوة ......... وفي يوم كانت في السوق جافها الامير وهي تشيل الخبز .. الامير مارتن .. كان هو مختفي بثياب غير عن ثياب الامراء حتى يشوف احوال الرعيه ويعرف منهو الزين ومنهو الشين ......وعزمها على حفلتهم الي مسوينها حتى يختارون له عروسه ......بس ماراحت سندريلا المسكينه لان مرت ابوها خافت يحبها الامير ........يات لها الفراشه وساعدتها..... وبعد الساعه 12 ركضت سندريلا .. وهي تركض مستعيله .. طاح جوتيها عند اعتبه القصر ......... ولان سندريلا كانت طيبه وتحب اهلها وتحب الخير .. الله جازاها وزوجها رجل غني اغناها عن كل الي كانو يعاملونها بجفاء .. وتوتة توتة خلصت الحتوتة .. حلوة ولا خربوطة .. (...... = هذا يعني في كلام في القصه بس تكيسلت انا اكتبه خخخ فااختصرت)

رد : حلوة .. انزين وبعدين شيصير؟؟

قلت له : يالمفهي .. خلصت القصه !! .. اشفيك يا بابا .. خلاص تتزوج الامير ..

رد : انزين وبعدين؟؟

ضحكت اوانا اقول : وبس؟؟

سكت كأنه يفكر .. وبعدين سأل : اسمها سندريلا؟؟ .. وهو اسمه الامير مارتن؟؟

استغربت من سؤاله : اي؟؟

فكر شوي وبعدين قال ببراءة : نفسنا يعني؟

قلت له مب فاهمه: ها اشدخل؟؟

قال لي منصور بذكاء طفولي بريئ : انتي اسمج سارة .. وهي سندريلا .. يعني 3 حروف نفس الاسم .. وهو اسمه مارتن .. يعني نفس منصور 3 حروف مثل بعض .. وهي كانت فقييرة .. وانتو بيتكم اصغير .. وتزوجت واحد غني .. وانا بيتنا كبير .. يعني انتي سندريلا وانا الامير مارتن















(انتهى)

دانة الدوحة 26-03-10 09:09 PM
هذا البارت بالذات احتاج لرايكم ..

لاعدمناكم

جوودي1 27-03-10 12:14 AM
ياععمري كان يوم عصيب على ساره واخر شي منصور وقصة السندريلا

دندن احسس تاخرتي في شفاء منصور حده البارت الجاي او الي بعده

احسس الكشن الي بعد الشفاء احسسسن بكثييير هذا قطع قلوبنا عليهمم

وسالم هذا وجعتن توجعه قااهرني بشكل مو طبيعي ودي ادووس في بطنه

وسلوووى يمكن يكوون هو راعي المسن والمبايل

ننتظرك ياقلبي بفارغ الصبر

جــ,ــ,ــودي

لطوووفه 27-03-10 10:39 AM
السلام عليكم ورحمة الله وبركاته

اشلووووونج اختي دااااانـــــــــه

احب اهنيج بهالقصه الاكثر من رائعة... انا ما اعرف اكتب ردود :(

بس بحااول عشااانج

اول شي سالم كاسر خاطريااحسه مريض نفسي و دواه مرايم خخخخخخخخخخخ

بس الصراحه اليوم قهرني مع حركته البايخه ... صج مو ريال ... احد

يتحرش بمرت اخوووه ؟!!!!

بليييييييييييييييز مثل ماقالت جودي رد منصووور لطبيييعته حتى بدون

لا تدري سارة ... احسه طول واايد واهوه مريض :(

اما سلوووم فهذي نكته و ودي اتعرف بخطييبهاا ..

اتوقع له دوور بالقصة


اممممممممممم حاليا هذا اللي قدرت عليه و السمووووحه

وعساج عالقووووووه

NoOoFy 27-03-10 09:29 PM
دانو بارت رائع تسلم يدييتس مع اني اشوف غموض الى الان والتوقع صعب



تصدق انك ياسالم خبيث وقليل حياء واناني وماتستحي على وجهك البنت متزوجه وماخذه اخوك ولله انك تقهر بصراحه وشتبي فيها
انا متاكده انك ماتبيها بس كله حب تملك ومتكاثرها على منصور ولا لو ساره زوجتك ماعبرتها وسويت فيها مثل ماسويت بحياة واكثر
هل فيه علاقه بين سالم ومرة اخوه محمد ولا ليش تهدد ساره هي متاكد ان ساره مهيب يم زوجها اجل ليش تهددها هل لانها تشوف اهتمام سالم فيها وهي تتوقع انها مثلها راميه نفسها على سالم كلن يرا الناس بعين طبعه
اذا كان الموضوع كذا الله لا يوفقك ياسالم حتى مرة اخوك ماترمتها المفروض تعلم اخوك عنها هذي ماتصلح تربي عياله
لان بالك مشغول في كيف تقدر تحصل على ساره مالفتت انتباهك مريم على انها احلا واجمل ملامح من ساره بس انانيتك مسيطره على الموقف وانت من النوع اللي تبي اللي عند غيرك



هل بيضبط منصور الدور ياساره يمكن يضبطه وترجع بعده الذاكره المنصور بس ياترا هل بتتقبل ساره يامنصور ولا بتروح دور على لولوه ياخوفي انك تترك ساره بعد مابدت تتعلق فيك مادري عندي احساس ان منصور ماراح يكون الساره وعندي احساس ان ساره راح تكون الفهد اللي ماحرك ساكن في حالة منصور عشان ماترد له ذاكرته ويكون زوج ساره بحق وحقيق وهو يبيه



حلو ياروضه انتي صح روحي مع سعيد البيتس وخليتس على نفس شروطتس وحاولي بقدر الامكان ان العلاقه معه تكون علاقة صداقه لااكثر ولا اقل وانتي عاد اهتمي بنفستس وارجعي روضه قبل ماتجيب عيال اهتمي بجسمتس والبسي قدامه ملابس تبرز فيها انوثتس خلي قلبه يفر من القهر يشوف العنب ولا يقدر يطوله تفنني في تعذيبه


دانو بارت روعه الله يوفقتس يارب منتظرين البارت الجاي وبكل حماس الجمعه الجايه <<<وحده مصدقه عمرها

فور ايفر 27-03-10 09:55 PM
السلام عليكم ورحمة الله وبركاته
احييك اختي دانه الدوحه على ها الرواية الرائعه

ماادري ليةاحس من بدايةما قريت مرض منصور وانا احسة يمثل على الكل المرض بمساعدة من دكتورة حتى يعرف حقيقة مشاعر اللي حولة ويساعدة على تعدي ازمته النفسيةونسيان حبيبته الاولى..........
اتمنى توقعي يكون صحيح لانه وقتها بيكون شاف سارة على طبيعتها وعرفها صح وبعد سالم ولولوة وغيرهم

وطبعا هذا كلة مجرد توقع مني يمكن يكون صح او خطأ

مرة ثانية ابدي اعجابي بكتاباتك وننتظر البارت الجاي بمنتهى الشوق

ألما 28-03-10 06:11 PM
وااااااو يادندونة ...البارت مرة حلو ..يجنن ...

منصور وسارة حالتهم حالة ..بس ياربي منصور يتقن دورة عدل ...ونفرح بعدها برجوع ذاكراتة ...يارب

دانة الدوحة 28-03-10 08:44 PM
اول شي الف شكر لمروركم سعدت جدا جدا جدا بطلتكم .. ولي عودة ع التعليق عليكم رد رد
لكن معاي خبر مب حلو .. الاسبوع الياي عندي امتحانين بنفس اليوم فـ عشان جي ماراح اقدر اكتب بارت وادرس .. فياليت تتغاضون عن امر البارت هالاسبوع .. ونجوفكم على خير بعد اسبوعين .. الجمعه الجايه مافيه البارت الي بعده ان شاء الله ...

اسفه والله .. بس هذا الي طلع بيدي .. سامحوني

اموره المزيونه 28-03-10 09:23 PM
اقتباس:
المشاركة الأصلية كتبت بواسطة دانة الدوحة (المشاركة 2233862)
هذا البارت بالذات احتاج لرايكم ..

لاعدمناكم





تسلم ايدينج يالغاليه


بصراحه ممبدعه


حبيت مقارنه منصور وساره بسندريلا ومترتن

يمكن يكون بدايه للفرج وترجع ذاكره منصور

ناطرين ابداعج يالغاليه

بوح قلم 29-03-10 08:25 AM
دندونه.. تسلمين عالبارت فديتج<< فيس يبوسج

مع انيه شميت ريحة انه ماشي بارت هالاسبوع<< فيس بدا يعصب

سالم

سلوم وحرمه قرعه ان شاء.. حشا انه هب ادامي.. ما تستحي على ويهك.. بلاك ضيعت المذهب.. من بارتين وانته ريال والنعم فيك.. شو استوى بك اليوم استخفيت<< فيس يقول هدوني عليه.. لازم اذبحه<< فيس ارهابي

سارة ومنصور

احلف بس.. لا يالامير انته.. وبعدين يعني متى بترد لك حاسيتك<< فيس مقهور من سلوم.. انته اسمعنيه عدل.. لازم ترد لك حاسيتك يا ريال بس<< فيس طفران الاسبوع.. ولا بنشوطك يمكن الصدمات الكهربائية ترد لك حسايتك<< فيس راكبنه الشر اليوم.. سارونه فديتج خلاص<< فيس حزين يصيح وياها.. ادري فديتج انتي حاسه فيج.. انتي فاقده الامان.. عسب جي متضايجه غير هالهبلع حرمة محمد اللي فجاة ظهرت لنا في الصورة<< فيس يجوفها بنظرة

روضة وسعيد

زين تسوين بع..دواه.. عسب مره ثانيه يحرم يفكر مجرد تفكير انه يعرس عليج.. لازم تحطين له حدود.. مع انيه احسه ولا بينشد عن هالحدود<< فيس يحرك راسه.. وانته احلف بس.. اونك بتردها.. وينك عنها يوم بغيت تعرس واتيب لها عديله ها<< فيس يلومه.. بس دواك تستاهل اللي بييك<< فيس يحرك حياته

نترياج فديتج<< الفيس راعي الورود


http://www.liillas.com/up3//uploads/...29afe633ce.gif

ΑĽžαεяαђ 29-03-10 10:37 AM
السلام عليكم

دندون مشكووووووورة حبيبتي على البارت الله يكون في عونك على هالاختبارات والله اني رحمتك مو بحالة ذي كل يومين قالوا اختبار الله حسيبهم << فيس يدعي عليهم ..

نجي للبارت ..

سارة ومنصور :: اليووووم فطست ضحك على سارة ومنصور وتعريق كلمة ضلوع بجد الاطفال فيهم لقافة وثقالة غير طبيعية تهربين من كلمة يدخلونك في عشر >> فيس حاس بالمعاناة
سارة حبيبتي لا تبكين خلاص << فيس حزن على حالها .. وهذي اللي تبي تطلق وتزوج انا اوريك فيها >> فيس قرر يقتلها ..
وبعدين هذي مرت محمد شكلها عندها علاقة مع هالسالم وشافتكم مع بعض وغارت ربي فوقها الحقيرة << فيس ما يحبها ..
وتعالي الحين لا يكون التمثلية هذي بتنقلب جد وبتروحين انتي فيها وينخلع قلبك << فيس خايف ..
منصور :: انت كذا << فيس مسوي اوكي
شاطر حبيبي صرت تعرف تربط بين الاشياء وتفكر صح بس لو انك تربط الحاضر بالماضي كان استفدنا اكثر << فيس يتمنى هالشيء يحصل قريب ...


سالم :: ما احبك الحين انت اش اللي قاعد تسويه مع سارة للدرجة هذي ما تخاف على عرضك ترى هذي زوجة اخوك مو وحدة من الشارع احترم نفسك وفوق شوي وبعدين عندك هذي اللي اسمها مريم خلي بالك عليها هي اللي راح تكمل معك لا تخاف لقينا لك وحدة اخيرا >> فيس ارتاح ..


روضة وسعيد :: فيس يصفق روضة انتي اليوم 10/10 تمام خلك ماشية على الخطة اللي كتبتها لك وخليه يتمنى انه ما فكر حتى في هالشمسة ووريه ان الله حق بس ها نبي نشوفك البارت الجاي وانتي معه اش راح تسوين وما اوصيك بالكشخة تفنني فيها واحرقي قلبه اوكي << فيس ينصحها ..

دندون شكرااا مرة ثانية منتظرينك حبيبتي متى ما فضيتي اوك ..



http://www.liillas.com/up3//uploads/...3002621add.gif

دانة الدوحة 06-04-10 08:25 PM
على اللقاء .. نراكم مساء الجمعه ان شاء الله



لي عودة للرد على ردودكم .. ابهرتني توقعاتكم .. ولربما اصبتم .. لربما ..

دانهـ

دانة الدوحة 09-04-10 09:44 AM
اقتباس:
المشاركة الأصلية كتبت بواسطة جوودي1 (المشاركة 2234142)
ياععمري كان يوم عصيب على ساره واخر شي منصور وقصة السندريلا

دندن احسس تاخرتي في شفاء منصور حده البارت الجاي او الي بعده

احسس الكشن الي بعد الشفاء احسسسن بكثييير هذا قطع قلوبنا عليهمم

وسالم هذا وجعتن توجعه قااهرني بشكل مو طبيعي ودي ادووس في بطنه

وسلوووى يمكن يكوون هو راعي المسن والمبايل

ننتظرك ياقلبي بفارغ الصبر

جــ,ــ,ــودي
ياهلا ياهلا ياهلا جووودي
شخبارج يالغلا عساج بخير؟؟
حبيبتي الي معاهم هالمرض صعب جدا جدا يردون طبيعين في فترة قصيرة مثل هالفترة شهرين .. فترة قصيرة حتى يرد المريض لعافيته خصوصا انه يعيش حاله من التوتر والخوف الاجتماعي ..
هههههه خلج قريبه يالغلا
الليله البارت
على فكرة لا تغيبين وايد تراج توحشيييينا
باانتظارج لا عدمناج

دانة الدوحة 09-04-10 09:48 AM
اقتباس:
المشاركة الأصلية كتبت بواسطة لطوووفه (المشاركة 2235117)
السلام عليكم ورحمة الله وبركاته

اشلووووونج اختي دااااانـــــــــه

احب اهنيج بهالقصه الاكثر من رائعة... انا ما اعرف اكتب ردود :(

بس بحااول عشااانج

اول شي سالم كاسر خاطريااحسه مريض نفسي و دواه مرايم خخخخخخخخخخخ

بس الصراحه اليوم قهرني مع حركته البايخه ... صج مو ريال ... احد

يتحرش بمرت اخوووه ؟!!!!

بليييييييييييييييز مثل ماقالت جودي رد منصووور لطبيييعته حتى بدون

لا تدري سارة ... احسه طول واايد واهوه مريض :(

اما سلوووم فهذي نكته و ودي اتعرف بخطييبهاا ..

اتوقع له دوور بالقصة


اممممممممممم حاليا هذا اللي قدرت عليه و السمووووحه

وعساج عالقووووووه
وعليكم السلام ورحمة الله وبركاته
ياهلا ياهلا ياهلا بلطوفه
شخبارج يالغلا عساج بخير؟؟
الله الله شهالرد الحلو؟؟.. كل هذا وماتعرفين تكتبين ردود
تراج صكيتي علي فالردود والتوقعات الحلوة
الله يقويج حبيبتي .. الليله البارت
خلج قريييبه ولا عدمناج

دانة الدوحة 09-04-10 09:50 AM
اقتباس:
المشاركة الأصلية كتبت بواسطة NoOoFy (المشاركة 2236001)
دانو بارت رائع تسلم يدييتس مع اني اشوف غموض الى الان والتوقع صعب



تصدق انك ياسالم خبيث وقليل حياء واناني وماتستحي على وجهك البنت متزوجه وماخذه اخوك ولله انك تقهر بصراحه وشتبي فيها
انا متاكده انك ماتبيها بس كله حب تملك ومتكاثرها على منصور ولا لو ساره زوجتك ماعبرتها وسويت فيها مثل ماسويت بحياة واكثر
هل فيه علاقه بين سالم ومرة اخوه محمد ولا ليش تهدد ساره هي متاكد ان ساره مهيب يم زوجها اجل ليش تهددها هل لانها تشوف اهتمام سالم فيها وهي تتوقع انها مثلها راميه نفسها على سالم كلن يرا الناس بعين طبعه
اذا كان الموضوع كذا الله لا يوفقك ياسالم حتى مرة اخوك ماترمتها المفروض تعلم اخوك عنها هذي ماتصلح تربي عياله
لان بالك مشغول في كيف تقدر تحصل على ساره مالفتت انتباهك مريم على انها احلا واجمل ملامح من ساره بس انانيتك مسيطره على الموقف وانت من النوع اللي تبي اللي عند غيرك



هل بيضبط منصور الدور ياساره يمكن يضبطه وترجع بعده الذاكره المنصور بس ياترا هل بتتقبل ساره يامنصور ولا بتروح دور على لولوه ياخوفي انك تترك ساره بعد مابدت تتعلق فيك مادري عندي احساس ان منصور ماراح يكون الساره وعندي احساس ان ساره راح تكون الفهد اللي ماحرك ساكن في حالة منصور عشان ماترد له ذاكرته ويكون زوج ساره بحق وحقيق وهو يبيه



حلو ياروضه انتي صح روحي مع سعيد البيتس وخليتس على نفس شروطتس وحاولي بقدر الامكان ان العلاقه معه تكون علاقة صداقه لااكثر ولا اقل وانتي عاد اهتمي بنفستس وارجعي روضه قبل ماتجيب عيال اهتمي بجسمتس والبسي قدامه ملابس تبرز فيها انوثتس خلي قلبه يفر من القهر يشوف العنب ولا يقدر يطوله تفنني في تعذيبه


دانو بارت روعه الله يوفقتس يارب منتظرين البارت الجاي وبكل حماس الجمعه الجايه <<<وحده مصدقه عمرها
ياهلا ياهلا ياهلا خوالي
شخبارج خيتو ؟؟ وحشتينا ياختي
ههههههه شهالتوقعات الحلوة؟؟ ..انتظري الليله وجوفي بتخيب ولا بتصيب
بس عجبني مثل العنب ولا حد يطوله ههههه .. جبتيها والله ..
الاروع طلتج حبيبتي ... احرجتي تواضعي خخخ
باانتظارج الليله .. وخلج قريبه
لاعدمناج

دانة الدوحة 09-04-10 09:55 AM
اقتباس:
المشاركة الأصلية كتبت بواسطة فور ايفر (المشاركة 2236043)
السلام عليكم ورحمة الله وبركاته
احييك اختي دانه الدوحه على ها الرواية الرائعه

ماادري ليةاحس من بدايةما قريت مرض منصور وانا احسة يمثل على الكل المرض بمساعدة من دكتورة حتى يعرف حقيقة مشاعر اللي حولة ويساعدة على تعدي ازمته النفسيةونسيان حبيبته الاولى..........
اتمنى توقعي يكون صحيح لانه وقتها بيكون شاف سارة على طبيعتها وعرفها صح وبعد سالم ولولوة وغيرهم

وطبعا هذا كلة مجرد توقع مني يمكن يكون صح او خطأ

مرة ثانية ابدي اعجابي بكتاباتك وننتظر البارت الجاي بمنتهى الشوق
وعليكم السلام ورحمة الله وبركاته
ياهلا ياهلا ياهلا حبيبتي فور ايفر
شخبارج يالغلا عساج بخير؟؟
مرورج الاروع حبيبتي .. احرجتيني بكلماتج العذبه
توقع حلو .. خلج بالانتظار وراح تعرفين اذا توقعج اصاب ولا اخاب
سعدت بطلتج جدا
الليله البارت .. لاتعدمينا تواجدج
خلج قريبه

دانة الدوحة 09-04-10 09:59 AM
اقتباس:
المشاركة الأصلية كتبت بواسطة ألما (المشاركة 2237164)
وااااااو يادندونة ...البارت مرة حلو ..يجنن ...

منصور وسارة حالتهم حالة ..بس ياربي منصور يتقن دورة عدل ...ونفرح بعدها برجوع ذاكراتة ...يارب
ياهلا ياهلا ياهلا الوومة
شخبارج يالغلا عساج بخير؟؟
عيونج الحلوة .. وانتي الي اتجنين
هههههه ان شاء الله امين .. بس مثل ماقلت هالمرض صعب فيوم وليله ترد مثل ماكنت
خلج قريبه
ولاعدمناج

دانة الدوحة 09-04-10 10:07 AM
اقتباس:
المشاركة الأصلية كتبت بواسطة امار80 (المشاركة 2237339)



تسلم ايدينج يالغاليه


بصراحه ممبدعه


حبيت مقارنه منصور وساره بسندريلا ومترتن

يمكن يكون بدايه للفرج وترجع ذاكره منصور

ناطرين ابداعج يالغاليه
ياهلا ياهلا ياهلا امورة
شخبارج خيتو؟؟ عساج بخير؟؟
واااو .. شنو هالتوقع الحلو؟؟
تتوقعين فعلا بيرجع منصور مثل اول؟؟ .. بس هالشي نادر جدا
ماالابداع الا انتي ياحلوة .. مشكورة .. والله احرجتيني ..
الليله البارت
خلج قريبه ولا عدمناج

دانة الدوحة 09-04-10 10:12 AM
اقتباس:
المشاركة الأصلية كتبت بواسطة بوح قلم (المشاركة 2238160)
دندونه.. تسلمين عالبارت فديتج<< فيس يبوسج

مع انيه شميت ريحة انه ماشي بارت هالاسبوع<< فيس بدا يعصب

سالم

سلوم وحرمه قرعه ان شاء.. حشا انه هب ادامي.. ما تستحي على ويهك.. بلاك ضيعت المذهب.. من بارتين وانته ريال والنعم فيك.. شو استوى بك اليوم استخفيت<< فيس يقول هدوني عليه.. لازم اذبحه<< فيس ارهابي

سارة ومنصور

احلف بس.. لا يالامير انته.. وبعدين يعني متى بترد لك حاسيتك<< فيس مقهور من سلوم.. انته اسمعنيه عدل.. لازم ترد لك حاسيتك يا ريال بس<< فيس طفران الاسبوع.. ولا بنشوطك يمكن الصدمات الكهربائية ترد لك حسايتك<< فيس راكبنه الشر اليوم.. سارونه فديتج خلاص<< فيس حزين يصيح وياها.. ادري فديتج انتي حاسه فيج.. انتي فاقده الامان.. عسب جي متضايجه غير هالهبلع حرمة محمد اللي فجاة ظهرت لنا في الصورة<< فيس يجوفها بنظرة

روضة وسعيد

زين تسوين بع..دواه.. عسب مره ثانيه يحرم يفكر مجرد تفكير انه يعرس عليج.. لازم تحطين له حدود.. مع انيه احسه ولا بينشد عن هالحدود<< فيس يحرك راسه.. وانته احلف بس.. اونك بتردها.. وينك عنها يوم بغيت تعرس واتيب لها عديله ها<< فيس يلومه.. بس دواك تستاهل اللي بييك<< فيس يحرك حياته

نترياج فديتج<< الفيس راعي الورود


http://www.liillas.com/up3//uploads/...29afe633ce.gif
ياهلا ياهلا ياهلا ببوحة
ياهلا بالي ماتبين .. عسى ماشر من كم يوم مب مبينه؟؟
فديتج تسلمين ياقلب قلبي ع المرور الروعه والتوقعات الاروع
دايما انتي عندج تحليل صحيح .. بس ماندري ايهم؟؟
الليله البارت ..خلج قريبه
وباانتظارج
لاعدمناج

دانة الدوحة 09-04-10 10:17 AM
اقتباس:
المشاركة الأصلية كتبت بواسطة ΑĽžαεяαђ (المشاركة 2238269)
السلام عليكم

دندون مشكووووووورة حبيبتي على البارت الله يكون في عونك على هالاختبارات والله اني رحمتك مو بحالة ذي كل يومين قالوا اختبار الله حسيبهم << فيس يدعي عليهم ..

نجي للبارت ..

سارة ومنصور :: اليووووم فطست ضحك على سارة ومنصور وتعريق كلمة ضلوع بجد الاطفال فيهم لقافة وثقالة غير طبيعية تهربين من كلمة يدخلونك في عشر >> فيس حاس بالمعاناة
سارة حبيبتي لا تبكين خلاص << فيس حزن على حالها .. وهذي اللي تبي تطلق وتزوج انا اوريك فيها >> فيس قرر يقتلها ..
وبعدين هذي مرت محمد شكلها عندها علاقة مع هالسالم وشافتكم مع بعض وغارت ربي فوقها الحقيرة << فيس ما يحبها ..
وتعالي الحين لا يكون التمثلية هذي بتنقلب جد وبتروحين انتي فيها وينخلع قلبك << فيس خايف ..
منصور :: انت كذا << فيس مسوي اوكي
شاطر حبيبي صرت تعرف تربط بين الاشياء وتفكر صح بس لو انك تربط الحاضر بالماضي كان استفدنا اكثر << فيس يتمنى هالشيء يحصل قريب ...


سالم :: ما احبك الحين انت اش اللي قاعد تسويه مع سارة للدرجة هذي ما تخاف على عرضك ترى هذي زوجة اخوك مو وحدة من الشارع احترم نفسك وفوق شوي وبعدين عندك هذي اللي اسمها مريم خلي بالك عليها هي اللي راح تكمل معك لا تخاف لقينا لك وحدة اخيرا >> فيس ارتاح ..


روضة وسعيد :: فيس يصفق روضة انتي اليوم 10/10 تمام خلك ماشية على الخطة اللي كتبتها لك وخليه يتمنى انه ما فكر حتى في هالشمسة ووريه ان الله حق بس ها نبي نشوفك البارت الجاي وانتي معه اش راح تسوين وما اوصيك بالكشخة تفنني فيها واحرقي قلبه اوكي << فيس ينصحها ..

دندون شكرااا مرة ثانية منتظرينك حبيبتي متى ما فضيتي اوك ..



http://www.liillas.com/up3//uploads/...3002621add.gif
وعليكم السلام ورحمة الله وبركاته
ياهلا ياهلا ياهلا بالزين كله..هلا بزوزو
شهالرد الخطير ها؟؟
سعيد وروضه .. صبتي فيهم .. لكن .. ماندري .. خلج قريبه وبتعرفين شبيصير
اخ والله لا تجيبين طاري الامتحانات .. صارت عندي حساسيه هههههههه
فديتج الليله البارت
خلج قريييبه ولاعدمناج خيتووو

دانة الدوحة 09-04-10 08:14 PM
ثـــــــواني وينزل البارت ..


اتمنى يكون عند حسن ظنكم

دانة الدوحة 09-04-10 08:16 PM
..::]][[ الحفنه الثانيه عشر ]][[::..

(والله لخليك عقبي تصفق كفوفك .. وأشرّب الي تغطرس كاس غطرسته )
"سلوى "

خايفه .. مرتبكه .. متوترة .. هذا ولا شي .. احس اني بااصيح فهاللحظة .. لا تقولون ليش عادي .. ماقدر احس بخوف .. ياريت احد يفهمني .. ويفهم شعوري .. من ثواني كنت انسه .. والحين انا صرت مدام .. يعني بااختصار تزوجت .. ارتجفت اطرافي .. ياترى اشلون بيكون زواجي .. هل بيكون سعيد ونهايته سعيدة مثل الي اقراه فالقصص .. ولا بيكون تعيس ومحبط مثل الي نجوفه فالمسلسلات .. خاييفه .. اقل شعور احس فيه .. ماادري شنو مصيري .. ولا شنو بيصير لي ..

سمعت العنود تبارك لي .. وصوت سارة وسلطانه .. احس بتعب ودوخة .. قالو لي ان المعرس بيي .. عشان جذي احس بالدوخة .. بليييز لا لا .. انا مااعرفه ..!!

" الشوفه الشرعيه ..الي ماقبل الملجه وبعد الخطبه الرسميه.. عند اغلبيه اهالي قطر قليله .. مب منتشرة بكثرة .. يعني لا العريس يطلب يجوف العروسه ولا العروسه .. وهذا لحد الان ماندري لاحقا شيصير خخخ .. "

ارتجفت وانا اجوفه مقبل يمشي ع الاستيج حتى وصل عندي .. باس راسي وهو يهمس : الف مبروك حبيبتي ..!!!

لحظة لحظة في شي خرط .. "حبيبتي؟؟" من متى المعرفه؟؟ اشلون صرت حبيبتي؟! وانا مااعرفه ولا يعرفني ..
بلعت ريجي ..
جفت الصندوق العود المذهب .. وداخله قطعه حرير تحوط بالقرآن .. ارتاح قلبي يوم جفت القرأن .. كان فيه صندوق ثاني للعطورات وخرابيط الدزة .. واخيرا .. قربوا الشبكة لنا .. وانا قلبي يدق دق .. تحسبت على العنود يوم سمعتها تقول له .. لبسها ..

فيصل بااحراج : العنود ترا مااعرف ..

ضحكت العنود : شنو ماتعرف لبسها اجوف لبسها العقد ..

حسيت بيده على رقبتي مت من الخوف .. والتوتر .. حسيت اني بااصيح .. تيمعت الدموع فعيني .. يالله مو وقته الحين اصيح واخرب كل شي .. جفت امي تطالعني معصبه مني .. ياربي شاسوي.. مب بيدي ؟؟.. والله خفت اني اصيح مب عشان الفشله من الناس .. عشان امي ماتلطني بكف ..

اخيرا .. انجز المهمه .. والعنود كملت وصكرت العقد زين مازين .. قربت منه الشغابات "التراجي" .. اهني سمعته يقول : عنودوه يالغبيه اقولج مااعرف عقد وباليالله .!!

قرب من عندي وبغا يلبسني الشغاب .. لااراديا رجعت خطوتين .. وقرب لبسني الاشغاب مايحتاي اقول لكم انه سوى فااذني حفرياااات من كثر اللخبطه .. الاشغابه الثانيه لبستني اياها العنود وبمساعدة ام فيصل ..

لبسوني الساعه .. واسوارتين الماس باليد الثانيه .. ويوم قعدنا .. لبسني فيصل الخاتم .. مايحتاي اقول لكم اني كنت منحرجه ومتوترة وشوي واصيح ..

ربع ساعه مرت بينا بدون كلام .. استحيت اجوفه .. اما هو .. فاانا ماادري عنه .. بس كل ثانيه تمر وانا احس ويهي يطبخ من الاحراج ..


ثواني .. واعلنو العشاء .. وبعد اعلان العشاء بثواني .. زفونا لصااله متوسطة .. ومجابل الصاله بابين .. واحد غرفه .. جهزوني فيها بالميك اب والشعر وهالخرابيط .. والثانيه كانت حمام ..

سمعته : الف مبروك يا .. سلوى ..!!

همست ..وانا قلبي يدق ويدق ويدق .. حتى شكيت ان معاي مرض القلب من كثر دقات قلبي السريعه : الله يبـ ـ ـارك فـ ـيـ ـك .. !!

سمعته يقول : مرتاحه اهني .. ولا تبينا نروح بيتكم ..!!

رفعت عيوني له .. واستحيت .. نزلتهم على طول .. مااشاءالله عليه .. صحيح ماكان وسيــم لحد الثمااله لكنه جماله ملفت !! .. اصلا انا مايهمني الجمال .. لان مثل ماانتو عارفين الرجال مخاابر مهي منااظر ..

عجبتني طريقته .. اظاهر ان فيصل ريال يعتمد عليه ولا ماكان سألني واهتم بشعوري .. سكت افكر .. ارد ولا لاء ؟؟ .. بس فعلا انا ابغي اروح بيتنا .. : يصير .. نروح بيتنا !

حسيته ابتسم وهو يقول : ياعمري على صوتهم .. يصير ليش مايصير .. بس قرري بيتنا ولا بيت ابوج ؟؟

رفعت عيوني وكأني اسأل شالفرق ؟؟ .. ابتسم فويهي .. بسرعه نزلت ويهي وانا احسه يطبخ من الاحراج .. وصيحتي كاتمتها داخلي .. : بيت ابوي .!

سمعته : حاظريــن ... اتصل على العنود وقالها تبلغ امي .. دقايق ويات امي لي والضجر باين عليها

لبست عبايتي .. ومرني اخوي محمد !! وتوجهنا للبيت .. وفيصل يــه بيتنا بـ سيارته !! ..

صراحة كنت اجوف ماله داعي فيصل ايي .. شيسوي ايي..وبعدين انا استحي .. قررت اروح فوق واطنشه .. بس محمد .. قال لي اروح الميلس واقعد وياه اشوي وهو ثواني ويلحقنا على مايصف !! .. فعلا حسيت بسخافه اشلون اطنشه عيب وفشله .. شبيقول عني؟

دشيت الميلس وانا للحين بعباتي .. فسخت شيلتي ورتبت شعري وجيكت ع شكلي .. ودخلت ..

فتحت ليتات الميلس .. واتصلت للخدامه اتييب عصير ..

سمعت حس حد ع الباب .. ارتجفت .. وبلعت ريجي .. فتحت الباب كان فيصل .. والعنود معاه ..

دخل فيصل وقعد.. وانا رحت بااقعد ..

العنود : هي هي هي سلوي .. فسخي عباتج ترا ريلج عادي يعني

طالعتها بقهر .. هو ماتكلم انتي شلج .. شعليييج .. حسيت اني باصيح .. فصخت عباتي .. ورتبتها عندي ع الكرسي ..

سمعت فيصل يقول : وبعد شخبارج سلوى ؟؟ ..

انحرجت ورديت بخفوت: بخير !

سمعته يقول : ها؟ .. ترا ماسمعت .. يا تين عندي يا اانا ايي عندج !

ويهي مو بس يطبخ الا احترق من الاحراج .. ماتكلمت ولا رديت ولا حتى رفعت عيوني .. له ..

حسيت بخطوات حد قريبه لعندي .. كان فيصل ..

قعد ع الكنبه الي عندي وحمدت الله انه قعد شوي بعيد يعني حس بااحراجي ومايبي يزيدة ..!! .. سألني عن التخصص الي ناويه ادخله .. وهالسوالف .. سوالف عامه بحته !!

تبي الصراحة تراني صـدق حبيتـك
واحترت وشلون أعبرلك عن اشواقي
يابعد هالناس أنا من قلبي أغليتـك
حبك جرى بالعروق وعاش بأعماقي


................

"عذبه"

ااااخ اخ .. تعبت .. هذا واحنا واصلين امس .. اشلون عيل لو واصلين اليوم ..تمددت على السرير تعبانه حتى مالي بارض اغير ملابسي ..ابتسمت يوم تذكرت شكل سلوي يوم دخل فيصل هههههههههه .. ياحليلها سلوى .. هالبنت واااايد واااايد تستحي .. شكلهم حلو .. لايقين على بعض .. مع اني حسيت شكل فيصل واييد اكبر من عمره !! .. صكرت عيوني .. وتذكرت هذاك الشاب الي التقينا فيه فحديقه "زعبيل" يااه .. شكله ريااال صج صج .. حشييم .. وريال .. واخلاق .. يوووه يا عذوب اشدراج انتي .. ماغير موقف واحد وياه ..!!
ايييييييييييه تنهدت .. موقف وللحين محفور بذاكرتي ..!!

تذكرت العرس ..وابتسمت .. يوم تذكرت اني طلبت اغنيه امارتيه وارتبشنا انا وعلايه ونجول .. ويلسنا نرقص .. وعليوه السباله يبست من قلب .. والكثير من البنات ارتبشن وخصوصا ثنتين من ربيعات سلوي .. شكلهن امارتيات خخ

ارفع جبينك فوق يابن الامارات
واتفاخر انك فرد من شعب زايد
ديرتك ديره مالها ند واخوات
وقايدك ماشرواه في الكون قايد

فوووق ..

ديرة خليفه عزنا وعز الذات
ديرة محمد فخر بن عوايد
امجاد زايد الي بكتها الطويلات
وامجاد راشد والشيوخ الفرايد

فوووق ..

بشت المكارم واهلها عطر الوقات
روح الاصاله والاصوله التلايد
تحلم بها النفوس وعقول حليمات
وترقص لها قلوب وتغني لها بدايد

اي والله فووق

امي وابوي وحبها في الحشى بات
سبع تعلت فوق روس النوايد
احني لها راسي وتل المنيات
وانزف لها من دم قلبي قصااايد يالاماراااات

يابس .. يابس ..
ضحكت وانا اتذكر طيحة ع عليوه ع اخر الغنيه .. هههههههه .. والبنات يصلون ويقرون عليها .. اونه .. ضربوها بعين .. ههههه .. تذكرت ان عليوه مافصخت كعبها في الرقص عسب جي اتحنقلت وطاحت هههه .. بس اشوا طيحتها ماكانت قويه ولا كان انفضحنا جداهم .. صكرت عيوني بتعب .. وسمعت عليوه ترمسني .. بس لاني كنت تعبانه فظروف ثواني

وطارت عذبه في الاحلام ..

حسيت بااحد يصحيني من الرقاد .. فتحت عيوني بشويش .. : هممممممممم .. ساروه ابي ارقد اوفف ..

سمعت حسها النشيط : لالا مافي ارقاد .. قومي بنروح البحر ..

همست: انتي وحدة متفرغه ..!!

ردت تحن وتزن فوق راسي .. وفالاخير قمت : ها ست سارة فضحتينا .. اشتبين؟؟

ضحكت : يالله .. ريلي بيودينا يدورنا ..!!

ابتسمت : ساروا انتي مستانسه وياه؟؟

لحظات واختفت ابتسامتها وردت تبتسم : اومال ايه يا وليه؟؟ .. عبالج لو مب مستانسه بتم وياه دقيقه .. شو يا بنتي انسيتي اني سارااا ولا بلااااااااااش

ضحكت عليها : زين زين يالله ياييه .. ببدل وباايكم ... اشرت على عليوه .. اصحيها؟؟

ضحكت ساروه بخبث : افكورس افكورس .. هي دوم نومها جي ثقيل؟؟

طالعت عليوه الي غاطه بسبات عميق ولا حاسه فينا .. : هيييه ..

قالت لي بخبث: امشي نصحيها ..

لمعت عيوني بمكر .: نصحيها بالماي؟؟

ضحكت ساروه : لالاا .. هاي شي قديم ازلي .. امشي نروح المطبخ ..

مشيت بااطلع ويااها .. جان تلتفت علي : انتي يالمفهيه العودة بتطلعين بفستانج !!

اوووووووووووووه انا شلون نسيت .. طالعت ويهي فالمنظرة .. يوووه لا تجوفوني الفضايح كلها اطلعت خخخخ ..

دخلت الحمام .. وغسلت ويهي 600 مرة .. اوففف وباليالله راح المكياج .. حشى موب مكياج اسميت !! .. بدلت ملابسي ولبست عبايتي .. تجحلت .. وطلعت .. دورت على ساروه مالقيتها اتصلت فيها قالت لي انها فالمطبخ .. رحت جفتها ماسكة قالب ثلج واتقولب فيه : هلا صباح الخير

ردت علي باابتسامه: صباح النور .. ها نروح؟؟

طالعتها وقلت: يالله؟؟

دانة الدوحة 09-04-10 08:18 PM

قالت لي : امشي نقوم عليوه .. وضحكت بمكر ههههههههههههه

طالعتها وخمنت انها بتقومها بالثلج .. اااااااااااخ .. مايستوي بتتثلج عيلنا عليوه بروحها تتلحف بـ 77 لحاف بس عشان البرد اونها تحب الحر ..

دخلنا بحذر .. وجفناها للحين نايمه مايبين منها الا راسها وشعرها المتناثر .. كانت نايمه بعد مافسخت فستانها ومسحت مكياجها ..هي ماسوت نفسي ,.. تبهدلت لي ماطلع الفستان ... خخخ .. زين انه ماتفزر من نومتي المعفوسه ..

تسللنا بهدوء واصلا حتى لو تسللنا بقوة ماراح تحس .. عليوه نومها ثجيل شرات ساروة .. كل وحدة فينا قعدت بجهة تهز عليه ..

عليوه بغيض : خوزو .. ابا انام .. دخلت ساروه حبتين ثلج تحت رقبتها بشطانه وانا رفعت حبه وحطيتها على ويهها

نقزت عليوه متخرعه : برررررررررد .. شو بسم الله .. بسم الله .. شو صاير ؟؟ مطر مطر ..


فطسنا من الضحك انا وساروه ع شكل عليوه وهي متخرعه..

طالعتنا مب فاهمه من وين البرد .. يوم طالعت قالب الثلج عصبت .. وقامت تركض ورانا .. وقمنا نركض نحن بالغرفه .. ونتفالع بالثلج .. اخر شي ساروه النذله طلعت وخلتني ويا عليوه ..

سمعتها تقول : بتفااااهم ويا ريلي .. لا تأخرونا ولا رحت عنكم


نذله بالقو .. صح؟؟ ..

فلعتني عليوه بقطعه ثلج وصابت راسي : اييييييييييييييي عليوه .. عورتيني ..

قالت عليوه بغيض : تستاهلين عيل ترشوني بالثلج .. مب حرام عليكن .. وايييه .. بغيت اموت


فطست من الضحك : اتموتين حق شو؟؟ كلها حبتين ثلج ..

ركضت ع السرير ووصلتني ودخلت الثلج بقميص تميت اصارخ واضحك والثلج يدلدغ جسمي ..

بعد ربع ساعه .. كنا كلنا البنات بسيارة منصور .. الشيخة سارة متفيزرة يدام .. وتشرح لنا الاماكن .. وملخبطة منصور .. يحليله ولد خالي.. معطيها ويه هالنتفه خخخخخخ .. تقوله يمين يلف وياها يمين .. واخر شي يطلع المكان غلط .. وتقعد تدلينا سلوى .. استغربت تصرف منصور .. معقوله مايدل؟؟ .. خخخخخ .. يحليله مايحب يطلع ويدور هالاماكن .. صدقه .. شو يسوي مب متفرغ وراه شركة .. يقعد يدور؟
هييييييي نحن البنات نحب سوالف الدوارة خخخخ

فرشنا ع الرمل .. ويلسنا .. طلعنا دلال الشاي والقهوه .. والفطور ..

بعد شويه دق عليه منصور "اخويه" يتخبرنا عن مكانا .. وصراحه ماعرفت عطيت منصور .. ومنصور شرح له نحن وين .. ويا وياب معاها ماجد ولد خالي .. وماجد اخو سارة ومرته وولدهم .. وخالتي ام سارة .. حليلها .. وحشتني هالحرمه .. طيبه بشكل لا يطاق .. ورهييبه صراحة ..

يلسنا نسولف وبعدها قمنا نلعب " اونو "

ساروه : جوفي عليوه .. سحبي احسن لج

عليوه بغيض : مابا .. شو كلكن متفقات عليه .. مسحبني الحين 12 مرة .. حرام عليكن ..

ضحكت وقلت : هييييييه شو اتحسبن نحن ضيفات عندكن"اقصد ساروة وسلوى وسلطانه" .. يايات تسحبونا ..يالله ساروه اشوف .. سحبي بدال بنت عمي .. والله .. متفقات علينا

ضحكت ساروه وضربت يد منصور .. اتاريها متفقه وياه

صرخت مقهورة : شوووو منصووور الحرمه شلت عقلك .. ماشي ماشي .. ماتغش

ضحك منصور وهو يغمز لساروه : اوك .. ولا تزعلين اخذي ؟؟ ..

صرخت : لااااااااا شو اسحب 4 .. ماابا .. مابا ..فررت في الي عندي .. وضحكت بخبث .. ههههه ..سلوي دامج للحينه عروسه .. سحبي فديتج ... وقطيت اسحب اربعه

سلوى وهي فاتحه عيونها : الله يخسكم .. 8 .. اخ يالقهر اخر ورقتين وافوز عليكم .. طالعت منصور .. الفزززززززعة اخوي ..

ضحك منصور : لعبي لعبي .. القيم الاول مسحبتني 5 مرات .. وتقولين في اللعب مافي اخوان وخوات .. يالله يالله .. اكليها ..

برطمت سلوي : لا والله ..!!

ضحكنا كلنا عليها .. ماجد .. اخذ ولده الصغير وراح يتمشى ع البحر .. ومنصور اخويه .. راقد .. ام ساررة تشرب شاي وتسولف مع سلطانه ومرام حرمه ماجد

كملنا لعب .. بفوز منصور .. عليوه .. انا .. وبعدنا ساروه .. وبعدها سلوي .. خخخخخخخخخ .. حتى ساروه قلب عليها منصور وقال لها .. مافي اللعب لعب ..

صراحه استانسنا .. كل وحدة مسكت لها عصير .. ورحنا نتمشى ويا بعض .. وقعدنا نسولف ونضحك .. صراحه احلا طلعه ..

بعدها .. ردينا للزوليه ويلسنا نتريق ... ماجد كان طالب فطاير وااايد من مطعم مشهور بقطر .. اما منصور اخويه ومنصور ريل ساره .. فـ راحو وشروا لنا جاي كرك "جاي حليب" ومعاه جباتي هندي "براتا" وسندويجات بيض وبراتا .. صراحة رهيييب ..

بعد ماتريقت وقفت اتمشى بروحي ..

جفت منصور "اخوي" يطالع البحر .. رحت عنده .. ومسكت ايده وشديت عليها : شو .. للحين مانسيتها؟؟

طالعني ببرود : امبلا .. من زمان اصلا .. من يوم انخطبت ..!!

قلت بقهر : هيه واضح ..!!

طالعني بلا مبالاة .. وبعدها تنهد وهو يشوف البحر : كانت طفولتنا وحدة .. من ننزل من الامارات نقضيها وياهم .. نسافر ونروح ونقعد دوم وياهم .. كانت مميزة .. كانت دوم غير عنكم .. مرهفه .. حساسه .. خجوله .. وحلوة .. كل شي فيها كان يشدني .. كل شي .. اتذكر مواقفنا يوم احنا صغار .. تذكرين عذوب؟ .. كنا نلعب عروس ومعرس .. تذكرين؟ .. كنت دوم اختارها زوجتي وانتي وساروة عيالنا ؟؟ .. اخ .. وسالم خذاها مني .. وضيعها !! ... ماحافظ عليها ..!! ..

طالعني وقال بقهر والم : بذمتج كان يستاهلها؟؟ ..

دمعت عيوني : منصور .. البنيه ماتت !!

طالعني باالم : لا تقولين مااتت ..!! ... ذكرياتنا ماماتت للحين .. كمل بضعف .. كل شي اتذكره عنها كل شي .. حطيت امل انها ترفضه .. لكنها شكلها ماكانت منتبهه لي ..!! .. هه .. وشلون تنتبه وانا ماصرحت بهالشي ؟ .. توقعتها تعرف مشاعري .. توقعتها تتذكر لعبنا .. ووعدي لها .. ! .. تذكرين؟ .. سكت شوي .. وظل يتأمل اخر نقطه فالبحر

طالعته بحسرة .. اخ عليك ياخوي اخ .. شنسوي حياة وهي الي اختارت سالم .. اخ ياخوي قلبي متقطع عليك وعلى حالك .. سنين راحت وانت للحين تتذكرها ياخوي ..للحين !!

فترة هدوء قضيناها انا افكر .. وهو يفكر .. ومحد فينا تكلم .. اخر شي قطع علي تفكيري كلامه : كنت من اقول بنسسى .. اجوف شي يذكرني فيها ... صحيح حبي لها الحين مايقارن بحبي لها قبل .. لكن للحين تشغل مشاعر فقلبي ياعذوب للحين ..

طالعته وقلت بهمس :ترحم لها

صكر عيونه وابتسم : الله يرحمها.. طالع السما .. اوووه صافيه السما اليووم

طالعت السما وقلت بمزح : تباها تمطر؟؟

ضحك وهو يقول : فـ عز الحر؟ لا يابوج هذا بيكون عقاب من الله !! ..امشي امشي نروح لهم

ابتسمت له : يالله ..!
قضينا ساعتين زيادة ..الشباب كانو مكيفين يلعبون كرة .. ونحنا نتمشى ونسولف ولا نقعد ناكل ونكسر حب وبعدها ردينا البيت .. امايه كانت راقده لانها تعبت من امس عشان جذي مايت ويانا .. اما ام سلوى فهي ماتحب هالطلعات .. وخالي شراتها مايه .. سالم .. هممم .. الريال ايحيرني واييد ..كنت كارهته بس مادري ليش احسه غااامض ومسكين .. رحلتنا الليله ساعه 12.. وسارروه عصبت .. ليش قعدوا وحاولت فينا بس نحن مارضينا لان قوم عليوه عليهم جامعه للحين ماخلصن .. اما انا .. فكنت بطاليه لا شغل ولا مشغله خخخ .. لاني موقفه سنه .. امااايه مارضت تنام ببيت خالي .. بس فالاخير اقنعها خالي وماردته ..

..............

"سالم"

نزلت تحت مستعيل .. وجفتهم كلهم قاعدين فالصاله .. ماشاءالله .. من متى ماجفت يلسه فبيتنا .. وناس تضحك بفرح من قلبهم ؟؟ ..

لفت نظري سارة قاعده عند امها وحاطة راسها ع جتفها وشكلها بترقد .. اااااااااخ ياربي .. اتينن .. عضيت على شفايفي بقهر ..من نفسي .. تعوذت من الشيطان .. تفكيري صار منحط .. انا ليش صرت جي؟ .. وطالعت جهة البنات .. سلمت عليهم .. لاحظت ان سارة عقدت حياتها مشمئزة .. صديت مقهور وطلعت

رن موبايلي .. كانت " اللولو" .. اوففف .. مالي بارض لها .. هالانسانه متفرغه .. وحدة متزوجه اشلها في الريايل بعد .. صج ان البنات مالهم امان .. تنهدت بقهر .. وانا اتذكر كل البنات الي تعرفت عليهم .. ولا وحدة فيهم صادقه .. كلهم شكلهم يلعبون .. ولا وحدة فيهم ذكرتني بحياة .. كل وحدة تعرفت عليها على امل الاقي حياة فيها .. لكن للاسف .. مافي مثل حياة ..
اصلا شنو يطلع من بنات قبلو على اهلهم وقبايلهم وسمعتهم؟؟ شنو يطلع منهم ؟؟
هه .. ولا شي طبعا ..

رحت للشباب .. كانو قاعدين بالكوفي .. منصور رجع طبيعي من امس .. ياربي .. انا مابغيت اتقرب من سارة .. يقوم يرجع لي هذا طبيعي اوفف .. جفت ولد خالتي فهد ... ياكرهي له .. يسوي نفسه غصب مثقف وانسان مثالي .. ياكرهي لهالانسان .. اوفف ..

فهد .. .: الا شخبارك ..يا سالم ... من زمان عنك؟؟

رديت بخياس نفس : بخير .. موجود !!

رد بهدوء: اها .. دوم ..

قلبت عيوني فالي حوالينا مب متفرغ لهالانسان .. صراحة كريهه .. ويقهر .. ويبط الجبد ..اوففف .. جفت بنت ويها مألوف بالنسبه لي خصوصا انه مر علي قبل كم يوم .. همممم |.. اذن هذي هي البنت الي كانت فالمحل؟؟..حلوة.. بس طبعا مستحيل توصل لحياة .. اخخ يا حياة اخ بس .. وينج عني .. انا ضعت من بعدج اكثر واكثر .. اااخ على ايامج !

سمعته يهمس لي : بس بس .. قطعت البنت .. ارحم عيونك ..

انتبهت من سرحاني .. وطالعته بقهر وحقد ..

طالعني بجديه : سالم .. ليش ماتمرني المكتب ابغيك شوي ؟؟ ..

طالعته بكره : ليش ان شاء الله؟؟

مافهمت نظرته بس الي عرفته انه ودة يعالجني .. ليش انا مريض؟؟ ولا مينون؟؟ لا يكون يعتقدني منصور اصدق باعتقاداته وراح ايي وافضفض عنده .. هه .. اخر همي هو ومنصور فوقه : اقول ياحضرة الدكتور .. لا تصدق نفسك بس ؟؟ .. واذ منصور قبل ايي لعندك ..فهذا من قله عقله .. هه ..


طالعني فهد : مو عيب عليك جي تتكلم عن اخوك؟؟ .. وبعدين منصور .. كاهو تشافى والحمدلله ؟؟ ..

طالعته بسخريه .. ومارديت عليه .. هالانسان مصدق نفسه بزيادة .. هالكريه ..!!


رن موبايلي .. وطالعت " اللولو " .. وبعدين يعني؟؟

رديت بعصبيه : نعم ؟؟؟ ..


صوت ريال : السلام عليكم؟؟ ...

عقدت حياتي .. ورديت طالعت الرقم .. لايكون هذا زوجها .. لا يبه اشعلي انا توهقني ويا ريلها اوففف : وعليكم السلام .. خير؟؟ ...

الطرف الثاني : ابد الخير بوجهك ..بس شفت الرقم متكرر لاكثر من مرة في فاتورتي .. حبيت اسأل ؟؟من صاحب الرقم لا غير .؟؟

دانة الدوحة 09-04-10 08:22 PM
عقدت حياتي .. هاللعبه ماتطوفني .. : لا غلطان ..انا تيني ازعاجات كثيرة .. ومااتذكر اذا هذا الرقم كان من ضمن الازعاجات .. عن اذنك ..باااي


صكرت وانا زهقان من هالحياة .. شنو هلحياة الممله السخيفه .. مافيها شي يستاهل .. مافيها شي يونس ..!! .. حتى البنات صرت مااحب اكلمهم .. احس بخنقه .. اصلا بعد حياة قمت التهي فيهم حتى يلهوني عن حياة .. بس بعد سارة .. كرهت البنات .. اخ يا سارة .. اخ بس .. متى تتطلقون وتردين لبيتكم وايي اخطبج متى ...

تذكرت ان منصور ردت له الذاكره ؟.. تنهدت بحزن .. يعني معقوله تكونين لغيري ..لـ اخوي؟؟ .. انا مستعد ادفع الي وراي ودوني بس تكونين لي ؟؟.. وحتى لو صار ولمساج انا راضي .. بس تكونين لي ..توعديني ...؟

؟؟؟


..........

"سارة"

صكرت من منصور وانا مبتسمه .. الحين بيي ياخذنا .. قلت له يودينا حديقه اسباير .. صراحة وااااايد امدحوا لي هالحديقه .. وياريييت اروحها .. كلمته على اساس بندور عذوب وعليوه وخالتي ام منصور .. ونوديهم الحديقه بالمرة انا وسلوي وسلطون وولدها ووعيال محمد ويسوف قلبي بيون وياانا >الجيش الوطني كله خخ
المهم

يعني بس احنا البنات >بنفللها خخخ .. الشباب معزومين ع الكوفي .. ومحد منهم بيي .. اوففف ياوناستي .. ومنصور مب داري عن هوى دارنا .. ياسلام .. اتصدقون متحمسه اروح اجوف الحديقه .. واااي اليوم احلا يوم .. الصبح مصبحين ع البحر وريحته الي تبط الراس .. وبالليل نمسي ع الحدايق .. حلو ياحلو الطلعات بس وه وه وه

نزلت بسرعه وانا اجوف منصور قاعد وهو معصب : ساعه ساعه؟؟

ضحكت بداخلي وطالعت حواليني .. يحليلهم امصدقين ان منصور معصب من صجه .. وانه رد طبيعي .. غمز لي منصور يعني جدامهم .. وانا حاولت اكتم ابتسامتي وقلت بصوت حاولت اخليه مقهور : زيييييييين اوف .. يالله .. نروح.؟؟

طالعني وقال : يالله ..

طلعنا برع ووقفت محتارة .. شنو البس جوتي ..طلعت جوتي وسمعت منصور من وراي يقول : اي اي اي تعالي .. نبنروح الحديقه مب العرس؟ اشفييج لا بسه كعب بتتحنقلين واتطيحين ..

قالها بقمه البراءة .. طالعته بقهر .. اقوله يكلمني شوي بحدة جدامهم حتى يصدقون انه منصور رد طبيعي .. اوفف مايفهم .. لازم يكلمني شوي بكره جدامهم عشان اتعرفون انتو لا انا ادانيه ولا هو .. واذا كلمني ايزي نفس الحين الكل بيشك .. لصقت فيه وانا ارفع نفسي وانزل راسه خشيت شفايفي بااصابعي وساسرته : نووويصر تكلم شوي بعصبيه ..

عقد حياته وهو يقول : بعد اكثر من جذي؟؟

طالعته وافضيحتاااااااه مايعرف يتحجى بصوت واطي .. مسكت شفايفي وانا اقول : اششش .. فضحتنا .. مسك شفايفه ببراءة وهو يقول .. : بييي نسيت !

صكرت عيوني بقهر .. ورديت ساسرته : اي اكثر من جذي فهمت؟؟

همس لي وهو يهز راسه : انزين ليش؟

ياربي شااقول له ذي .. : عشان الريال يصير شخصيه جدام الناس ويكون عصبي شوي على مرته فهمت ؟؟ ,.. عشان تحترمه جدامهم ..

طالعني مفهي .. زفرت وانا اطالع فوق وطارت قدلتي( الي كانت طالعه بدون قصد) من هفتي القويه.. مسك قدلتي ودخلها داخل شيلتي ..
قال لي : عيب البنت اطلع شعرها

توني باارد بهجومي المعتاد الا

سمعنا صوت عذوب وهي تقول : بسكم مغازل .. قلنا معاريس بس عاد مب جدامنا ..

ارتبكت .. وبسرعه تحركت من جدامها وانا اقول لها : جبي عن السخافه ..

رجعت وانا اتذكر اني ماخذت الجوتي .. قررت البس سطاحي"فلات" عشان يريحني بالمشي .. اصلا صدفه طاح الكعب فيدي .. وصارت هالسالفه ..

رجعت لهم السيارة وكان منصور مشغل السيارة .. قررت اقعد ورا منصور عشان ادليه ومايشكون بالسالفه .. بس اول ماوصلت جفت الكل ميت ضحك علي وهم يتهامسون .. ومنصور يبتسم ببراءة .. مايدري شسالفه ..!!

طالعتهم ببراءة : اشصاير ؟؟ اشفيكم تضحكون؟؟

سلطانه : ياعيييييييييييني ع الجو الرومانسي .. صراحة خطييييييير الفلم ولا تامر حسني ومي عز الدين "قصدها فلم عمر وسلمى"

سويت نفسي انزل للفلات مالي اما سلطانه ماتت ضحك وهي تصكر الدريشه .. يت بركب ورا .. بس سمعت سلطانه تقول : هييي اركبي جدام .. عمتي ام سعيد مب يايه .. وعيال محمد بعد مابيون امهم مارضت ... انا وولدي الحبيب ويسوف والمخبل البنات

ضحكت وركبت جدام .. وسمعت البنات يقرصون سلطانه وهي تصارخ وتضحك ...

ربط منصور حزامه .. ونطرته يتحرك .. بس ماتحرك .. طالعته وجفته يطالعني ..

قلت باانحراج لاني حسيت السيد الي ورا يراقبونا تمام تمام : يالله منصور مابتحرك؟؟

طالع جدامه وقال: لاء .. ربطي احزامج اول ... !! عشان مايصير لج شي

صفييييييير حااااد ياني من ورا راسي .. وتصفق .. البنات : عاشو عاشو عاشو .. مانقدر ع الرومانسييييييييييا

ضحكت منحرجة .. وصكرت حزامي .. مديت يدي من خلف الكرسي وقرصت سلطون وهي صرخت .. التفتت لها منصور .. وانا اتحسب عليها

منصور : اشفيج سلطانه؟؟ شي ايعورج؟؟ اوديج المستشفى ..

وامصيبتاه انفصحنا .. انا ادري خطتي بتفشل .. منصور هذا ويا تصرفاته بيينني .. قرصه بسيطه يوديها المستشفى .. اكيد بيشكون بعقله الله ياخذ بليسك يا منصور جانك بتفضحنا ..!!

سلطانه بضحك :: لاالا مايسوى \.. العقربه مرتك فرصتني .. يعلج ياساررروة بـــــ "ولد" يطلع ينونج ..!!

سكت منحرجه ... هذي شتقول ؟؟ .. مارديت عليها .. ثواني ووسمعنا صوت مسج " تنغ تنغ اس ام اس sms"

ضحكنا ع النغمه ويسوف ابتدى يقلد : اث ان اث .. عليوه وعذوب جيكو ع موبايلاتهم لان هذي نغمة مسج تلفونهم

ضحكنا على صوت يسوف .. وضحكت عليوه منحرجة وهي تقول : واااايه علني فداها رويض مانستني ..

قالت لها عذوب : فديت حرمة اخويه .. شو صاير ؟؟ .. خبرينا؟؟

ضحكت عليوه : بكره عيد ميلادي ومطرشتنلي مسج .. حليلها .. مانستني .. ضربت عذوب هب شرات بعض الناس .. 74 ساعه وياهم ونسوني

ضحكت عذوب : اوييييييييه نسسسسسسسيت

غنينا كلنا ويا بعض .. Happy birthday to you ..Happy birthday to you? Happy birthday happy birthday to 3lioooooooh
سنـــــــــــه حلوة ياجميـــــــــل .. تش تش تشا(صفقه خخخ) .. سنــــــه حلوة سنــــــه حلوة .. سنه حلوة يا عليا ..


ضحكت عليا باانحراج .. فديتكم ..

تكلمت سلطون بصوت عالي والصغاريه يقولون وياها مع اللحن: كل عاااااااااااااام وانتي بخييييييييييير .. وعقبااااااااااااااااااال 100 سنه

قالت عليوه وهي اترمش بدلع : بس 100 سنه؟؟؟

ضربتها سلطون : اي بسج .؟. بعد شو ؟ خلي ريلج يتزوج ويفرح من بعدج

ضحكت سلوي وقالت عليوه باانفعال : شووووووووووووو عيوني ؟ يخسي يناظر غيري بطيت عيونه حياتي ..(اما منصور فطير عيونه وهو يهمس : بااال حشا مجرمه ..

وكملت عليوه وهي تتخصر : هاي الي ناقص شو اتحسبيني ارويض بسكت عنه؟ اشرشحه بالمحاكم

ضحكنا على تعليقها وقالت عذوب : شو حبيبتي .. اشوفج مستهينه بحرمه اخوي؟؟

قالت عليوه : لا فديتها لو ماطرشت لي المسج يمكن

ضحكنا كلنا ع كلامها ..

وصلنا فيلاجيو .. ووصلنا الحديقه .. استغربت ان منصور يعرف الحديقه بدون مساعدتي وبدون اي شي .. اول ماوصلنا .. كلمت منصور ع جنب : اشدراك بالطريج منصور؟؟

طالعني وقال ببراءة : انا كل يوم كنت ايي هني اتمرن ويا فهد رفيجي .. انتي ماتعرفينه .. بس لان تزوجت ماييت .. بس اليوم فهد يابني هني .. عاد انا نسيت الطريج وماتذكرت .. بس هو دلني عليه .. ويوم قلتي لي ان نبي انيي .. خلاني فهد اسوق وايي وياه .. ماتدرين سارة بغينا انموت وانسوي حادث ..

طالعته مصدومة .. اشلون يعرف ايسوق؟؟ .. معقوله مانسى هالمهارات .. تذكرت ان بعض الناس الي ترد طفولتهم لهم بهالحالات ماينسون كل شي بس ينسون المشاكل والامور العاطفيه (او الامور الي كانو يهوجسون فيها وااايد).. شهقت من سمعت حادث : شنوووووووووووو حاااااااااااااادث؟؟

صراحة الكلمه الي خلت قلبي يفز من مكانه من الخوف "نموت"... يموت؟؟!

هز راسه ببراءة وكمل : اييي .. عاد انا شجاااع ضربت بريك على طول .. اهني اهني بغينا نسوي حادث ..

اشر لي ع الباركينج .. خفت بس هديت شوي .. تأملته شوي .. معقوله يسوي حادث ويروح عني؟؟ ..لالا .. اوووه شنو يعني وحادث خير يا طير |.. وحتى لو راح يعني وشو نهايه العالم؟؟ .. لا بس حرام امه وابوه واخوانه وسلوي؟؟ .. والبنت الي تحبه اكيد بيتدمرون .. اي صح .. حرام .. اكيد حرام ..

كمل وهو اير يدي ويدخلني السيارة .. جفت البنات تحركوا ويا اليهال يعطونا مساحه خصوصيه اشويه "اونهم عبالهم ان احنا معاريس طبيعين .. ضحكت بسخريه فبالي).. قعدني مكان السايق .. وقعد هو احذاي ع الكرسي الثاني .. فتح الليل الي بيني وبينه .. واشر لي على مكانين واحد للبترول والثاني للبريك ..

جوفي انا ضربت هااااذي .. "اشر لي ع واحد من الدوسات" بس وقفت السيارة بسرعه حتى جوفي .. شل الغترة والعقال ووراني شعره .. سحب يدي وحطاها على شعره وانا اجوفه مثل المفهيه المصدومة .. تحسست المكان .. وكان فعلا فيه انتفاخ .. ضغطت عليه لا اراديا ..

صرخ متألم : اييييييييييييييييييييييييييييييييييييي .. يعور ..!!

شليت يدي بسرعه وانا احس بالذنب .. مسكين .. قلت له بغياض : احسن تستاهل .. اتيي ولا اتيبني احسن احسن

طالعني وشكله يكسر الخاطر : لا مب احسن انا تعورت ..

حكيت يبتهتي مطنشه وجفت البنات وكانو مبتعدين شوي .. اوفف متحرقصه ابي اروح لهم .. وهذا قاعد يسولف .. فتحت عيوني الوسيييييعه وييييييي لا يكون يبني اسولف وياه طول الليل .. لا ياقلبي ابي اروح استانس وياهم ..

حسيته مسك يدي وقال لي : اجوف؟؟

طالعته مب فاهمه : ها؟؟ .. شتجوف؟؟

طالع الشاش الي على يدي : اجوف يدج .. رحتي اليوم المستشفى وغيروا اللصاق مالج؟؟

ضحكت على "اللصاق " :خخخ اسمه شاش(وكملت بالمصري) ياابني ..(رجعت اتحجى عادي) اي رحت .. خلاص باجر اخر يوم واشيله ..

رفع جف يدي وظل يتأمل الشاش .. وكأنه يتأمل الجرح .. ولان الليت الي بيني وبينه لا زال مفتوح فكنت اطالع تعقيدة حواجبه.. بعدين رفعهم لشفايفه وباسهم .. فتحت عيوني على اوسعها ..هذا شيسوي؟؟.. لا هذا ين رسمي .. قال لي بأسف: انا اسف بس والله مب انا الي وصخت والله انا رقدت"رفع عيونه لي وانا اطالعه مصدومة ومنحرجة ومرتبكة ومتلخبطة وكل شي .. ماعرف اشلون اوصف لكم ... كمل " .. اليوم جفنا فالتلفزيون الام تبوس ريل بنتها الي تعورها وتصير احسن ..طالعني و سألني .. يدج احين احسن يوم بستها؟؟

سحبت يدي بقوة وانحرجت .. طلعت من السيارة .. ومشيت بسرعه وانا اروح للبنات .. ارتجفت مع ان الهوا حلو على شويه حرارة ..

سمعته يقول وهو يحاول يسايرني ويمشي وياي : ساااارة صبري .. انزين انا اسف .. وقفي ..


وقفت .. وكنت اتنفس بالقو

قال لي منصور : اسف .. انتي زعلتي .. اسف والله اسف ..

دانة الدوحة 09-04-10 08:24 PM

تنفست بقوة والدموع تلمع بعيوني .. حاولت اهدي نفسي .. الحين ليش انا ابي اصيح ابي افهم؟؟ ليش؟ اشسوا لي عشان اصيح .. مادري؟ .. ارتجفت .. وانا احس بيده تمسك يدي : اسف .. والله اسف ..

سكت .. مادري شاارد عليه ..فقررت اغير السالفه .. حاولت اغير الجو : اشرايك منصور نروح نشتري ايسكريم من باسكن روبنز .. للبنات بمناسبه عيد ميلاد عليوه ..

هز راسه وقال لي : اوكي .. بس انتي مب زعلانه .. والله اسف .. انا ماادري انج بتزعلين البنت مازعلت من امها ..

تنهدت : لا مب زعلانه .. يالله نروح نشتري ..

دشيت السيارة .. واول مادشيتها تذكرت الموقف .. حسيت بربكه .. بس ماتكلمت .. جفته يروح طريج ثاني .. قلت له بسرعه : منصور وين رايح ؟؟ مب من اهني؟؟

قال لي : امبلا امبلا هني في محطة بوديج لها


جووفووووووووووا هالغبي .. انزين جنغل زون قريب من اسباير .. فيلاجيو اقريب بعد .. نروح من هناك وناخذ ايسكريم صج انه مفهي


اتصلت للبنات وقلت لهم ان احنا رحنا نشتري لهم ايسكريم ..وانواع التعليقات منهم سكتهم وقلت لهم كل وحدة تقول شنو تبي .. رحنا محطة ابو هامور لان الشيخ منصور ماكان يدري ان فيلاجيو وحياة بلازا فيهم باسكن .. المهم بغيت انزل اطلب بس هو مارضى .. قال شنو ريايل داخل .. هه .. والله قمت تفهم يا منصور؟؟ ..

بعد مارد ووياه الطلبات .. قلت له : مشكووور ..

بعد عشر دقايق وصلنا الحديقه قبل لا ايصكر السيارة قلت له : منصور .. ؟؟

طالعني بااستغراب : هلا ... ؟؟ ..

قلت وانا احس بالخجل : ممم ... ليش مارضيت انزل مساعه؟؟

قال لي ببراءة : فهد قال لي واييد اشياء لازم اسويها ومااخليج اتسوينها لان عيب .. ومايصير اتدشين فمكان فيه ريايل لان بعدين بيقولون عنج كلام مب زين .. انتي ماتعرفين هاي كلام ريايل .. هو قال لي ..؟؟انتي اتعرفين؟؟

ابتسمت بصدق له يقصد بأن يقولون عنج كلام مب زين .. انهم بياخذون فكرة غلط عن البنت الي تدخل في مكان متروس شباب .. يحليله .. يخاف علي .. وعلى اسمي ...حتى لو مافهم شكثر مهم الي سواه .. بس يعني لي وااايد .. حبيت تصرفه وايد .وحبيت اهتمامه .. وسعيه انه يرد مثل ماكان .. هزيت راسي باانكار : لا مااعرف.. مشكور .. يالله ننزل ..

نزلنا .. تمشيت وياه واحنا نسولف .. وكان منصور هالمرة هو الي يتكلم .. يقولي اشسوا ويا فهد "شكل فهد يعلم منصور كل شي؟..فتحت عيوني يوم استوعبت فهد هو نفسه الدكتور .. صج اني غبيه " .. وويا رفيجه احمد .. شوقني اجوف هالرفيج ههه .. وشوي يسولف عن الحديقة واشصار اليوم العصر يوم يه هو وفهد يسون رياضه .. ممم .. شوي ورحنا للبحيرة .. صراحة ماادري شقول لكم الحديقه رووووووووووووووووووووووعة احلا من الهايد بارك الي ماجفتها انا اصلا خخخ .. بس يعني فعلا فعلا الحديقه وايد وايد حلوة وكبيرة وتشرح النفس عن جد ..

عليا : ياهلا ياهلا بالحامل والمحمول

ابتسمت لها .. اما منصور مال وهمس لي : من الي حامل؟.. وطالعني متفاجأ .. انتي حامل؟ يعني عندج بيبي؟

ضحكت بالقوووو .. وهمست باانحراج من كلامه : لالا قصدها ايسكريم باسكن روبنز

فريت ويهي عنه ومت من الضحك بس بدون صوت .. (مساعه سلطون تدعي علي اني اجيب ولد واينني .. والحين منصور .. شسالفتهم هالاخوان خخخخ )

طالعني مستغرب .. وطالع عليا وقال : اييي .. اشفيج مرتي مااحملت للحين؟!يوم بتحمل باقول لج

ضحكت عليا والبنات عبالهم منصور ينكت !! خخخخخخخخخ مادروا انه من صجه يتكلم .. هههه .. عطيتهم الكيس وانا منحرجه من البنات ..

قعدنا ع الكراسي ناكل ومنصور رن موبايله .. وظل يتكلم شوي .. واشر لنا انه بيروح يتكلم .. وبيرد ..

رفعت حياتي .. من المتصل ومايبي يتحجى عندنا .. بدا الرقم القياسي للقافه يرتفع .. بس طنشت وقعدنا نسولف

عليا : هوب هوب هوب .. بعد هب هين منصور .. طلع غشمرجي .. توقعته جاد

ضحكت عذوب وهي تقول : هيييييييييييه شراتيه .. انا بعد توقعته جاد وامره مايضحك الا فالمناسبات

ضحكنا كلنا .. وانا اقول فخاطري .. فعلا هذا رايي بعد قبل .. قلت : زين خلكم من بعلي .. وقولو لي .. شرايكم بالحديققه ..خطيييييييييره صح؟؟

عذوب : يب انا عجبتني وااايد حتى بسميها هايد بارك قطر ؟؟

طالعتها بسخريه : شنو يا عين امج خخخخخخخخخخخ .. ئال ايه ئال هايد بارك ..

ضحكت عذوب وعليا .. وقعدنا نلاعب يوسف بعدها سلطانه خذت ولدها ويسوف لانهم كانو يحنون يبون يجوفون البط .. رن موبايل سلوي .. كان رقم غريب .. ثواني وياها مسج ..
نطينا بناخذ التلفون من يدها .. كل وحدة من جهه ماسكة يد سلوي .. بس فالنهايه شلته عذوب وهي تضحك ضحكه شريرة وتركض عنا

:ههههههههاي مابتقدرووون تاخذونه مني .. ركضت الخبله : لحقووووووووني

ضحكنا واحنا نركض وراها .. ولان الحديقه كانت فاضيه فااحنا اخذنا راحتنا .. حاوطنا عذوب الي تركض بكل قوتها واحنا بعد .. حاوطناها .. واخر شي طحنا ع العشب ميتين من الضحك .. ثواني ورن التيلفون من يديد .. وبعده ع طول رنه مسج

عذوب وهي تضحك:ههههههه وااااااااايه تعبت .. تصدقين سلوي هذا الي متصل مزعج طول ماانا اركض وهو يرن باايدي ..ههههههههههههه

يريته من يدها .. وفتحت المسج " السلام عليكم .. سلوى ليش ماتردين؟؟ ..انا ريلج خذت الرقم من سالم .. ردي"
" سلوى ردي"

" سلوى ردي تراني ريلج مب غريب "

" وبعدين؟ .. ردي "

"ردي"

هههههههههههههههه ضحكنا ع المسجات : واااااااااااااااااي ياحلاته الرومانسي مانقدر هههههههههه ردي ردي .. اكاهو قام يتصل

انحرجت سلوي : لالا مب راده

ضحكنا على ويه سلوي الي قلب احمر ..

عليا : شاد حيله الريال من ثاني يوم متصل ههههههههههههاي

ضحكنا ع تعليقات عليوه .. واخر شي حلفنا عليها ترد .. وافقت ترد .. بس هو شكله يئس .. ومااتصل ..
عذوب : اتصلي له

سلوي فتحت عيونها : شنو حبيبتي؟؟ عيدي؟؟ اشقلتي؟؟

ضحكت عذوب : صج .. حرام عليج جوفي اشكثر متصل ومطرش مسجات ..

عليوه : هييي راعي شعور الريال ولا شو رايج سارة ... مب يحترق شرات منصور .. وغمزت لي

دزيتها وانا اضحك : انجبي ..ثواني واتصل .. ضحكت وقلت لها : سلوي ردي اكاهو اتصل

طالعتنا وشكلها متوهقه .. : ها .. اي انزين باارد

يرت عذوب التيلفون .. وفتحته .. وحطته ع السبيكر ..


قالت سلوى بااحراج بعد مادزيت جتفها عساس اترد .: الو .....؟؟

سمعنا صوت حد يتنحنح : احم .. السلام عليكم .. هلا هلا هلا بالقاطعه .. وينج ماتردين ؟؟

طالعتنا مستغربه وهي تأشر على صدرها وتقول بهمس : القاطعه؟ ليش من متى المعرفة

ضحكنا كلنا بهمس وشلته من السبيكر وراحت خمس دقايق وردت وويهها محمرررررررررررر من قلب

قعدت بينا وهي تتراجف : جوفوا ..مانطول اكثر من نص ساعه الله يخليكم ..

ضحكت وقلت : ليش؟؟

طالعتني برعب وهي تقول : على مايرد من الشمال .. اخاف يوصل فـ اقل من نص ساعه ... طلبتكم نرد بسرعه ترا ناوي ايي الحديقه ..

لمحنا صيحتها المكتومة وانفجرررررررررنا ضحك .. جفنا يسوفي يصارخ من بعييييييييد .. وولد سلطانه يركض وراه


ضحكت ..وقالت عذوب اتغير السالفه لان سلوي شكلها منحرجه موت: يوووه تذكرين ساروة يوم تصيحين الولد وايج هاك الريال ويلعن شكلج هههههههههههه

ضحكت وانا منحرجه : ايييييييييييي .. امبيه فشيله والله .. ولا انا فاتحه حلجي واصارخ عليه .. مسكين قال لي عبالي مضيع خواته .. خخخخخخخخخ بس وقسم بالله انها فشيلتون عظيمتون ..

سلوي : ياسلام \.. اقول اقول .. اسكتي لا ينتحر استاذ العربي

ضحكت وانا اتذكر استاذ العربي الخصوصي الي كان يجي ويدرسنا .. كنا ميننينه انا وسلوي :ههههههههههههههههه.. تذكرين سلوي اشسوينا فيه اخر مرة ..

انفجرت سلوي ضحك .. وعليوه وعذوب مبتسمات : شالسالفه؟؟

قالت سلوي وهي تضحك : هههههههه .. اخر .. اسبوع قبل ههههه الامتحانات هههههههههه .. حطينا هههههههههه في الجاي .. فلفل حمر مطحون هههههههههههههه والاستاذ من شرباه ههههههههههههههه ويهه انتفخ وصار احمر من العصبيه وحلف انه يطلع ههههههههههه

صكرت عيني اتذكر الموقف وانا اضحك

استاذ محمد : طب .. يالله نبتدي .. كول وحدة فيكو تفتح ملزمة القواعد وتفتح على صفحة الاختبار النهائي للفصل التاني .. بوصي يا ست سلوى .. انتي عليكي ده السؤال .. وانتي يا ست سارا عليكي ده السؤال .. مفهوم ؟؟ ..

رن موبايله : هالووو.. ايوه .. مين ؟؟ .. لاء .. في اييييييييه؟ .. لاءة .. دني بئول لك مش انا؟ .. ياراجل مش انا ..

مسك كوب الجاي .. وهني ضحكت انا وسلوى شقت الحلج .. خذا رشفه كبييييييييرة من الجاي .. وبعدها كح .. وويه صار احمر .. اكلمك بعدين .. ايييييييي داااااااااا .. سارااااا .. مين الي عمل داه؟ .. هاه؟؟ .. كح كح .. قسما عظما دي اخر مرة اجي ليكو .. اي داه ؟؟ كح كح .. عيال انتو ولا بنات .. يالهوي يالهوي .. والنبي يا سلوى عاوز مايه ..

ضحكت سلوي وراحت تيب له ماي

قال لي الاستاذ : وكده يا سارا ؟؟ اي الي عملتيه ده هاه؟

طالعته منحرجة وانا اضحك : اسفه استاذ بس شسمه .. ههههههههه .. نتغشمر وياك عشان ماتنسانا اخر يوم يعني ..

فوووول الاستاذ .. وامبيرالعصبيه عنده وصل الالف : ايييييييييييييه؟ مزح ايييييه وبطيييييييييخ ايه؟ .. ده مريئي احترئ خالص مابئدرش اشرب حتته ميه .. قسما عظما ياساااارا لو تكرريها تاني .. قسما عظما حئول لاخوكي ده .. ايه اخوكي انا كمان مااخوكي مابيطلعش باايدوه حاجه دا هو المصيبه التانيه .. قسما عظما اكلم امك تخليكي تتلمي .. يابت ماتختشي دنه زي جدك ..




ضحكت :ههههههههههههه

عليا وعذوب وسلوي وانا :ههههههههه

عذوب : خسكن الله ههههههههههههههههههههه واعليه .. حرام .. استحن شو هالحركات بعد

ضحكت سلوي : مب انا هاي ساروة السباله هههههههه

..:ايييييييييي لا تسبين سارة؟

طالعته عليا : شو العاشق مايرضى على سارة ؟؟

طالعني منصور وقال : طبعا اذا سارة سباله وانا ريلها يعني سبال؟؟ .. فتح عيونه .. انا سبال؟؟

ضحكوا البنات عليه .. وانا بعد .. يحليله منصور .. بعد هالدوارة العجيبه ردينا البيت لان عليوه وعذوب يبون يجهزن اغراضهم ..



...................

دانة الدوحة 09-04-10 08:26 PM

" روضه "

حطت الخدامه العشا في المطبخ .. ونادت علي .. كنت منبطحه انا .. ويدي تمسح على بطني بهدوء .. تفقد طفل لك هذا شي فضيييع .. مسحت بيدي على مكان عمليتي .. دمعه طاحت من عيني .. آآآآآه..يمكن انها خير .. مسحت دمعتي بهدوء ..كان الهدوء يعم المكان لكن ثواني سمعت صوات خطوات قصيرة سريعه ويلاحقها صراخ

انفجعت .. وقمت استويت بألم اجوف اشصاير .. ثواني وينفتح الباب قبل لا اخطي اي خطوه وتركض حمدوه وهي تصرخ : ماااااااااااااااااااااااااااامي .. جافتني .. وركضت بحركات رشيقه وتسلقت السرير .. ووقفت وراي بحيث انها توقف ع السرير وانا ع الارض بس مغطيتها

التفتت لها بحنان .. ومسحت شعرها الاسود ابتسمت نصف ابتسامه وانا اطالعه تخبي جسمها وتطلع عيونها ويبهتها وشعرها من ورا جتفي .. ابتسمت بخفه: ياقلبي اشفيج؟ ها.. شمسويه؟؟

ضحكت بشطانه اليهال .. ومن سمعت صوت خطوات قامت تصارخ وتضحك : ماااااااااامي خثيني خثيني ..

دقيقه ودخل حمدان وهو فاتح عيونه وبيده مسدس لعب : لقد اصطدتتتتتتتتتتتتتتتتتتك .. هيييييييا يا اابي .. انها هنا ..

صرخت حمدوه بوناسه وضحكت بصوت عالي .. والصقت فيني زيادة .. حسيت بوخزات الم خفيفه .. ركض حمدان لجهتنا وهو يقعد عند السرير ويحط المسدس الكبير على جتفه ويقرب عيونه شوي من عدسه المسدس : سأقتلك ايتها القطوة الشيطانه

ضحكت على تعبيره وتقرب خطوتين وحمدوة تضحك بالقو .. وتحاول تتلصق فيني زيادة وهي تضحك وتضم رقبتي : لا تثتطيع ايها المقناث الغبي .. التفتت لي برجاء .. مامي .. قولي له انا مب قتوة ..!

ضحكت وانا ابعدها شوي .. تفاجأت بوجود سعيد فالغرفه .. متى دخل ؟ ماادري .. جفته واقف قريب حمدان .. عقد حياته وسحب المسدس بيد واليد الثانيه سحب حمدوه من وراي وحمدوة متشبصه فيني وتضحك تحسب ابوها بيصيدها

مدت يدها فالهوا محاوله فيها تمسك رقبتي بعد ماشلها سعيد .. صارخت وصاحت : مااااااابي مابي .. ابا ماما ..

سعيد بحنان : حبيبي ماما تعبانه .. التفت لي وعقد حياته .. نزل حمدوه ويراني خلاني اقعد ع السرير .. من قعدت ع السرير لصقت فيني حمدوه .. وحمدان نفس الشي .. وضحكو بصوت عالي ..

طالعت سعيد وكان يطالع عياله ويبتسم .. رفع عيونه لي .. تلاقت عيوني بعيونه .. صديت كارهته .. بس شكله ماعجبه ..احسن بالطقاق

حسيت بثقل يوم قعد ع السرير قريب منا : ووخروا عن امكم بعدها تعبانه

طالعتني حمدوه : ثدق ماما تعبانه؟؟

ابتسمت لها بتعب وانا احس بغثيان : اشوي ماما ..

حمدان وهو اير شعر حمدوه : وخري انا برقد عند امي ..

حمدوه وهي تضمني زيادة : لا انا ..

حمدان :انا ..

شليت يده من شعر حمدوه .. وهو دفع بنفسه لعندي زيادة : انا بنام عندج .. مابا ارقد فوق ..

حمدوه هزت راسها موافقه: انا بعد .. مابا ارقد بروحي .. طالعت عيوني وقالت لي ببراءة .. ماما توكفين

حمدان : هيه انتي مايقولون توكفين .. تكفين ؟! ماتعرفين انتي

طالعته بحقد : انته الي ماتعرف ..

قاطعهم سعيد : ياربي من هاليهال دوم ضرب ومضارب .. يالله كل واحد يروح يتعشا يالله ..

حمدوه مدت بوزها بزعل وحمدان نفس الشي : مانبا .. بناكل ويا ماما .. التفتو لي .. صح؟؟ثح؟؟

ابتسمت لهم بتعب : صح ..


سعيد طالعهم شوي وقال : زين يالله انتو روحو قولو للشغاله تجيب العشا هني دار امكم

طالعو اثنينتهم بعض وكأنه كل واحد يرمي المهمه ع الثاني ..

ابتسمت على حركاتهم .. فدييييتهم ياربي ..

قال سعيد لهم يحاول يشجعهم : الي يروح اول .. ويقول لهم .. بخليه يرقد عندي ..

يوم ماجاف اي تجاوب منهم وكل واحد مب مهتم .. حك راسه بااحراج شوي .. بخلييييييييه يرقد عند ماما

من نطق بـ ما .. وماكملها الا وحمدان وحمدوه يركضون بسرعه لبرع

طالعتهم لين مااختفو واختفت ضحكتهم البريئه

سمعت صوته قريب وخمنت انه قاعد احذاي : شخبارج؟؟

طالعته بطرف عيني؟؟ ورديت صديت .. قلت بجفاف : بخير !

سكت ثانيه ورد سأل : بترقدين هني؟ .. مابتيين فوق؟؟ ..

ظليت ساكته متجاهله سؤاله .. مسك يدي .. وحسيت بقشعريره من مسكته الحنونه .. : تبين ترقدين هني عشانج تعبانه...؟ ولا تطعنين بااتفاقنا ؟؟ ..

رديت بسرعه : لا لاني تعبانه !

لف ويهي لجهته وهو يقول : صدق .. ولا ..؟!

طبع قبله على يدي الي بين يدينه.. سحبت يدي بقوة وانا اهتز بعنف .. : لو سمحت .. لا تتعدى حدودك وياي!!

طالعني بألم : لو سمحت؟!

طالعته بااحتقار : اي ؟

ورديت صديت .. ظل ساكت ثواني .. وبعدها تنهد .. : بطنج للحين يعورج ؟؟ ..

صوته اثر فيني .. خلا الدموع لا اراديا تجتمع فعيني .. : شو تتوقع يعني؟؟ ..

سكت مرة ثانيه .. : متى موعدج الياي مع الدختر؟؟

رصيت على عيوني عاااساس ماتطيح دموعي .. قلت بصوت مخنوق .. : بعد باجر ..

لف ويهي له .. وظل يطالع عيوني وانا منزلتهم مابي اطالعه .. رفع ويهي شوي .. وباس يبتهتي .. نطق بهمس : اسف ..

ابتعد خطوتين .. وروحي تناديه .. لاااااا تبعد عني .. بس نهرت روحي بقسوه .. الي سواه مب شوي .. سمعت خطواتهم السريعه وضحاتكهم الي تملا الجو حياة وبهجه .. حمدوه ماسكه طرف قميص حمدان وشادته بالقو وحمدان شاد شعرها .. عشان محد يوصل قبل الثاني من وصلو للسرير نقز حمدان ونقزت حمدوه اسرع بتنط لصوبي .. مسكها سعيد بقوة .. وقعدها ع ريله وحمدان ع الريل الثانيه

: ياعيال امكم تعبانه لا تناقزون صوبها

صكرت عيوني .. وانا اتلهى عن صوته ونبرته الحنونة .. سمعت الخدامه تكلم سعيد وتستأذنه اذا اتيب عشا اليهال عشان ياكلون وياي؟؟ .. سمح لها وهو يقول لها اتيب العشا كله لانهم كلهم بياكلون وياي ..!!!


صكرت عيوني .. لا لا مابيك وياهم ماابيك !!

طلعت الخدامه .. قرب لي سعيد : شكلج تعبانه ؟ .. نطلع وانتي تنامين؟

هزيت راسي بلا وانا مشغوله بسوالف حمدوه وحمدان .. ماابا اكسر فرحتهم ..

رفعت عيوني .. جفته يطالعني بتأمل .. وختمها باابتسامه جميله ..

صديت بسرعه

وصكرت عيني






(انتهى)
هذا الجزء طويييل بما فيه الكفايه .. وان شاء الله يعوضكم ...

همسهـ : احتمال اذا خلصت البارت بسرعه انزله الثلاثاء ...

نلقاكم على خير

NoOoFy 09-04-10 11:34 PM
فديت قلب اللي طولت البارت على شانا ولا يمكن تنزل بارت الثلاثاء يشيخه وشذا العز اللي حنا فيه
بارت ا ليوم مثل العاده حلو دنو


ياخوفي ياساره تحبين منصور وتنصدمين فيه بعد مايرجع الطبيعته بس نقول انشاءالله ان الحال مايتغير وماينسى منصور ساره حتى لو رجع الطبيعته هو تعلق فيها وهي اقرب شخص بالنسبه له معقوله فهد يحرص منصور على ساره عشان يبي يحميها لان مردها له ولانه مايقد يحميه بحكم انه مو محرم ولانه متاكد ان منصور اذا رجع الطبيعته راح يرفض ساره ويدور على اللولو وراح يطلق
ياللى ياساره ياكثر اللي ينتظرون طلاقتس من منصور بس ان شاءالله ربي يخيب رجاهم ويتمسك فيتس منصور اكثر



صدق انك ماتحشم ولا تستحي ياسالم الذا الدرجه تنتظر طلاق ساره من منصور وتتمنى انه اذا رجع الطبيعة يطلقها موت حره انا متاكده ساره ماراح تطول شعره منها يبو البنات انت ماتستاهل الا خمام مثلك ياللولو او مرة اخوك الدعله محمد
الا تعالي من اللي متصل على رقم سالم من جوالها يمكن يكون اخوها ان شاءالله انها مقطوطه الحين في مصيبه واهلها يدورون عليها عشان نريح على حياة منصور وساره



الا دخيلتس دنو وشموقع محمد من الاعراب يايودي ولا يجيب بس ماله حوار ولا عمرتس جبتي موقف بينه وبين زوجته ابي اعوف وشلون تتعامل معه وليش هو بعينها صغير ودايره على حل شعرها ودور غيره



لبي قلب حمدوه وحمدان صدق يمكن هم راح يقربون بين امهم وابوهم بس قبل خل روضه تعطيه دروس وبعدين اذا غدا رجال وتسنع يمديه ذيك الساعه يحاول يراضي روضه ولله ان الرجال مايجون الا بالعين الحمره مالت عليهم الزين والسنع قباله واذا شاف زول بنت ملطط وجها كله مكياج لحقها ونسى عشرة الحرمه ونسى بعد عياله



مشكوره دنو على البارت وتكفين حطي اكشن خطير في بارت الثلاثاء غيري بروتين ساره ومنصور ولا حياة سالم او سعيد وروضه او حطي العله اللي دايره على حل شعرها اللولو في مصيبه

اموره المزيونه 10-04-10 06:38 AM




ماقصرتي يالغاليه


بارت طويل ولا احلى منه


الاحلى ان فهد كاشف حركه ساره


وموصي منصور ومعلمه عشان تكمل الي براسها


وستانسا مع حفله الملجه


بس شنو قال حق سلوى بالحديقه


فقط ان بيجي للحديقه؟؟؟؟


كان فصلتي المكالمه\ عرق اللقافه وصل لين الف


على قوله ساره



ماقصرتي يالغاليه


وناطرين البارت الجاي...

ΑĽžαεяαђ 10-04-10 10:47 AM
السلاااااااااام عليكم ..

هلا والله دنونة .. مشكوووووووورة على البارت حبيبتي << فيس يبوسك ..
بعدين تعالي من قال البارت طويل << فيس داخل يضارب انا ابيه اطول من كذا << فيس طماع ..
انتي ما ينشبع منك ومنتظرينه الثلاثاء واذا ما في مانع الاثنين هههههههه

سارة ومنصور :: ياويل حالي ويلاه انا ترى شوي واقول هالمنصور قاعد يلعب علينا وشووي اقول لا مسكين مايدري بشيء اليوم اشوفه رومانسي وبوسة يد ومدري وشو ولا قال اش شفت الام تبوس ولدها يا رجال روح خليت البنت تتعلق فيك والله مسكينة هالسارة شكلها رايحة فيها بجد هههههه بس هالمكالمة اللي قام فيها خلت قلبي يزيد الشك يعني معقولة واحد ما يفهم شيء بيقوم عشان يتكلم بعيد طيب لييييييش ؟؟
دندون ارحمينا وخلي منصور يطلع على حقيقته يا الله ياحلوة خلنا نشوف اش راح يحصل مو معقولة بنقعد للنهاية كذا ابي اشوف هالمنصور جدي في يوم وبشوف لما يفوق من هاللي فيه اش راح يسوي .. سارة اش موقعها في حياته ..
بس مواقف اليوم عجبتني كثير وحبيتها ولو تزيدين من الرومانسية شوي ههههههههههه << فيس رومانسي حالم ..




منصور ولد العمة :: اجل تحب حياة ها وانا شاكة فيك من اول خلاص يا رجال الحرمة ماتت ادعي لها بالرحمة وانت عيش حياتك ولا تقعد تبكي على الاطلال خلك رجال وروح شوف لك وحدة طيبة وحبوبة وعيش حياتك معها << فيس ينصح ..





سلوى :: فيس يبارك مبروك حبيبتي يا الله بقي الفرح نبي نشوفه قريب حلو الخجل يا بنت بس هالفيصل انا للحين قلبي ما ارتاح له معقولة يكون اللي كلمك في التلفون هذا شيء مستبعد لان انتي مستحيل تنسين صوته او حتى تلخبطين فيه عمر هالشيء ما راح يصير لو سمعتي صوته بعد عشرين سنة بتفتكرين .. بس حبيبتي ومن اول مرة يقابلك خخخ الولد ما عنده ون تو داخل بقوة خخخ .. لا وكمان يبي يلحقك بالحديقة يا ريت نشوفه ونشوف اش بيسوي .. << فيس منتظر متى يجي الاثنين << فيس يألف مواعيد بنفسه ههههههه ...





سالم :: انت يا تافه يا اللي افكارك مثل وجهك اش تبي في سارة والبنات خلهم في حالهم وبعدين هالمريم اللي رجعت تظهر مرة ثانية وجودها مو عبث خلك وراها ولو تسمع لكلام فهد يكون احسن انت اللي تبي العلاج مو منصور الله يشيلك ويريحنا منك ..





روضة وعلي :: فيس دايخ اش هالنظرات يا ناس الله يعينك يا روضة علي هذا مو سهل يشتغل صح يبي يحنن قلبك عليه هو الحين عرف بغلطه ويبي يصلحه بس يمكن لو انتي سامحتيه على طول بيرجع يكرره مرة واثنين وثلاث خلك قوية ولا تضعفين لما تتطلع عينه ..
دندون كثري من مواقف روضة وسعيد عشان خاطر زوزو هههههههه << فيس يحبهم
وهالولاد الصغار تحفة هم فاكهة الرواية والله يهبلون ويجي من وراهم كثير ..<< فيس ميت عليهم ..





دندون مشكورة يا قلبي مرة ثانية على البارت ومنتظرة البارت القادم بكل شوق يوم الاثنين مثل ما وعدتي لا تنسين << فيس يضغط عليك



http://www.liillas.com/up3//uploads/...53a205781a.gif

حورآء إنسية 10-04-10 01:52 PM


دندونه ترا متابعتك بس فيني كسل <<مستحيه منك

بارتات روعه بصراحه مو قاهرني الا سلوم الكلب

قبل تكون مرة اخوك هذي عرضك وبنت عمك

اما منصور اتوقع رجعة له الذاكره وجالس يمشي على خطه

<<مسويه ذكيه

ربي يسعدك دندونه ومنتظره الباقي بكل شوووق
..

dlo 11-04-10 06:49 PM
يعطيك العافية بارت رائع
اتوقع الي متصل على سالم اخوا للولو
واتوقع علي يكشف امل

eng_saleh 12-04-10 10:14 AM
يعطيكي الف الف عافيه

بارت ممتع و رائع و راقي

يسلموووووووووووو ايديكي

دانة الدوحة 13-04-10 10:19 PM
اقتباس:
المشاركة الأصلية كتبت بواسطة NoOoFy (المشاركة 2257123)
فديت قلب اللي طولت البارت على شانا ولا يمكن تنزل بارت الثلاثاء يشيخه وشذا العز اللي حنا فيه
بارت ا ليوم مثل العاده حلو دنو


ياخوفي ياساره تحبين منصور وتنصدمين فيه بعد مايرجع الطبيعته بس نقول انشاءالله ان الحال مايتغير وماينسى منصور ساره حتى لو رجع الطبيعته هو تعلق فيها وهي اقرب شخص بالنسبه له معقوله فهد يحرص منصور على ساره عشان يبي يحميها لان مردها له ولانه مايقد يحميه بحكم انه مو محرم ولانه متاكد ان منصور اذا رجع الطبيعته راح يرفض ساره ويدور على اللولو وراح يطلق
ياللى ياساره ياكثر اللي ينتظرون طلاقتس من منصور بس ان شاءالله ربي يخيب رجاهم ويتمسك فيتس منصور اكثر



صدق انك ماتحشم ولا تستحي ياسالم الذا الدرجه تنتظر طلاق ساره من منصور وتتمنى انه اذا رجع الطبيعة يطلقها موت حره انا متاكده ساره ماراح تطول شعره منها يبو البنات انت ماتستاهل الا خمام مثلك ياللولو او مرة اخوك الدعله محمد
الا تعالي من اللي متصل على رقم سالم من جوالها يمكن يكون اخوها ان شاءالله انها مقطوطه الحين في مصيبه واهلها يدورون عليها عشان نريح على حياة منصور وساره



الا دخيلتس دنو وشموقع محمد من الاعراب يايودي ولا يجيب بس ماله حوار ولا عمرتس جبتي موقف بينه وبين زوجته ابي اعوف وشلون تتعامل معه وليش هو بعينها صغير ودايره على حل شعرها ودور غيره



لبي قلب حمدوه وحمدان صدق يمكن هم راح يقربون بين امهم وابوهم بس قبل خل روضه تعطيه دروس وبعدين اذا غدا رجال وتسنع يمديه ذيك الساعه يحاول يراضي روضه ولله ان الرجال مايجون الا بالعين الحمره مالت عليهم الزين والسنع قباله واذا شاف زول بنت ملطط وجها كله مكياج لحقها ونسى عشرة الحرمه ونسى بعد عياله



مشكوره دنو على البارت وتكفين حطي اكشن خطير في بارت الثلاثاء غيري بروتين ساره ومنصور ولا حياة سالم او سعيد وروضه او حطي العله اللي دايره على حل شعرها اللولو في مصيبه
ههههههههه هلا والله حبيبتي
تسلمين ياحلوة ع الرد الحلو
جفتي اشلون .. اليوم بارت .. عساى يعجبكم؟؟
خلج متابعه لا عدمناج

دانة الدوحة 13-04-10 10:24 PM
اقتباس:
المشاركة الأصلية كتبت بواسطة امار80 (المشاركة 2257521)




ماقصرتي يالغاليه


بارت طويل ولا احلى منه


الاحلى ان فهد كاشف حركه ساره


وموصي منصور ومعلمه عشان تكمل الي براسها


وستانسا مع حفله الملجه


بس شنو قال حق سلوى بالحديقه


فقط ان بيجي للحديقه؟؟؟؟


كان فصلتي المكالمه\ عرق اللقافه وصل لين الف


على قوله ساره



ماقصرتي يالغاليه


وناطرين البارت الجاي...
الله يسلمج حبوبة .. تسلمين ع المرور العطر
ثواني وينزل البارت باانتظار رايج
خلج قريبه ولا عدمناج

دانة الدوحة 13-04-10 10:29 PM
اقتباس:
المشاركة الأصلية كتبت بواسطة ΑĽžαεяαђ (المشاركة 2257622)
السلاااااااااام عليكم ..

هلا والله دنونة .. مشكوووووووورة على البارت حبيبتي << فيس يبوسك ..
بعدين تعالي من قال البارت طويل << فيس داخل يضارب انا ابيه اطول من كذا << فيس طماع ..
انتي ما ينشبع منك ومنتظرينه الثلاثاء واذا ما في مانع الاثنين هههههههه

سارة ومنصور :: ياويل حالي ويلاه انا ترى شوي واقول هالمنصور قاعد يلعب علينا وشووي اقول لا مسكين مايدري بشيء اليوم اشوفه رومانسي وبوسة يد ومدري وشو ولا قال اش شفت الام تبوس ولدها يا رجال روح خليت البنت تتعلق فيك والله مسكينة هالسارة شكلها رايحة فيها بجد هههههه بس هالمكالمة اللي قام فيها خلت قلبي يزيد الشك يعني معقولة واحد ما يفهم شيء بيقوم عشان يتكلم بعيد طيب لييييييش ؟؟
دندون ارحمينا وخلي منصور يطلع على حقيقته يا الله ياحلوة خلنا نشوف اش راح يحصل مو معقولة بنقعد للنهاية كذا ابي اشوف هالمنصور جدي في يوم وبشوف لما يفوق من هاللي فيه اش راح يسوي .. سارة اش موقعها في حياته ..
بس مواقف اليوم عجبتني كثير وحبيتها ولو تزيدين من الرومانسية شوي ههههههههههه << فيس رومانسي حالم ..




منصور ولد العمة :: اجل تحب حياة ها وانا شاكة فيك من اول خلاص يا رجال الحرمة ماتت ادعي لها بالرحمة وانت عيش حياتك ولا تقعد تبكي على الاطلال خلك رجال وروح شوف لك وحدة طيبة وحبوبة وعيش حياتك معها << فيس ينصح ..





سلوى :: فيس يبارك مبروك حبيبتي يا الله بقي الفرح نبي نشوفه قريب حلو الخجل يا بنت بس هالفيصل انا للحين قلبي ما ارتاح له معقولة يكون اللي كلمك في التلفون هذا شيء مستبعد لان انتي مستحيل تنسين صوته او حتى تلخبطين فيه عمر هالشيء ما راح يصير لو سمعتي صوته بعد عشرين سنة بتفتكرين .. بس حبيبتي ومن اول مرة يقابلك خخخ الولد ما عنده ون تو داخل بقوة خخخ .. لا وكمان يبي يلحقك بالحديقة يا ريت نشوفه ونشوف اش بيسوي .. << فيس منتظر متى يجي الاثنين << فيس يألف مواعيد بنفسه ههههههه ...





سالم :: انت يا تافه يا اللي افكارك مثل وجهك اش تبي في سارة والبنات خلهم في حالهم وبعدين هالمريم اللي رجعت تظهر مرة ثانية وجودها مو عبث خلك وراها ولو تسمع لكلام فهد يكون احسن انت اللي تبي العلاج مو منصور الله يشيلك ويريحنا منك ..





روضة وعلي :: فيس دايخ اش هالنظرات يا ناس الله يعينك يا روضة علي هذا مو سهل يشتغل صح يبي يحنن قلبك عليه هو الحين عرف بغلطه ويبي يصلحه بس يمكن لو انتي سامحتيه على طول بيرجع يكرره مرة واثنين وثلاث خلك قوية ولا تضعفين لما تتطلع عينه ..
دندون كثري من مواقف روضة وسعيد عشان خاطر زوزو هههههههه << فيس يحبهم
وهالولاد الصغار تحفة هم فاكهة الرواية والله يهبلون ويجي من وراهم كثير ..<< فيس ميت عليهم ..





دندون مشكورة يا قلبي مرة ثانية على البارت ومنتظرة البارت القادم بكل شوق يوم الاثنين مثل ما وعدتي لا تنسين << فيس يضغط عليك



http://www.liillas.com/up3//uploads/...53a205781a.gif
وعليكم السلام ورحمة الله وبركاته
ياهلا فيج حبيبتي .. فدييييتج تسلمين والله ع الرد
ثواني وينزل .. لا تصيرين طماعه خخخ
خلج قريبه ولاعدمناج

دانة الدوحة 13-04-10 10:33 PM
اقتباس:
المشاركة الأصلية كتبت بواسطة سعوديه وافتخر (المشاركة 2257848)


دندونه ترا متابعتك بس فيني كسل <<مستحيه منك

بارتات روعه بصراحه مو قاهرني الا سلوم الكلب

قبل تكون مرة اخوك هذي عرضك وبنت عمك

اما منصور اتوقع رجعة له الذاكره وجالس يمشي على خطه

<<مسويه ذكيه

ربي يسعدك دندونه ومنتظره الباقي بكل شوووق
..
حبيبتي والله تسلمين ع المتابعه الجميله
لاعدمناج .. ثواني وينزل البارت
وخللللج قرييييييييبه

دانة الدوحة 13-04-10 10:34 PM
اقتباس:
المشاركة الأصلية كتبت بواسطة dlo (المشاركة 2260177)
يعطيك العافية بارت رائع
اتوقع الي متصل على سالم اخوا للولو
واتوقع علي يكشف امل
الله يعافيج غاليتي ..
ثواني وينزل البارت
خلج متابعه ولاعدمناااااج

دانة الدوحة 13-04-10 10:37 PM
اقتباس:
المشاركة الأصلية كتبت بواسطة eng_saleh (المشاركة 2261014)
يعطيكي الف الف عافيه

بارت ممتع و رائع و راقي

يسلموووووووووووو ايديكي
الله يعاااااافيج يالغلا ..
تسلمين رفعتي المعويات
ثواني وينزل البارت خلج قريبه
ولاعدمناج

دانة الدوحة 13-04-10 10:53 PM
ثواني وينزل البارت ..


ملحوظة : البارت كان جاهز من 9 ونص .. والي حاولت انزله ماكان النت يشبك معاي .. حاولت وحاولت .. وبلا نتيجة .. حتى اني اضطريت استخدم لاب توب اختي .. ونفس النتيجة .. من شوي شبك وياي .. ورديت عليكم ع السريع.. احس اني مقصرة فالرد عليكم .. بدون ماارتب الالوان وانسقهم .. وارد عليكم مثل ماتستحقون .. لكن والله عشان مااتأخر زيادة ..


ثواني .. ولنا لقاء ..

دانة الدوحة 13-04-10 10:57 PM


..::]][[ الحفنه الثالثه عشر ]][[::..
(عش مع غيري وجرب والختام ..لا تفكر رجعتك في اي يوم ..؟ )

ياخساارة حبنا فيكم حرام
واتضح لي معدنك على العموم
ماعلى شوقك ولا حبك ملام
والملامة هي على قلبي الوم
لو نستيك من حياتي والسلام
نعمه النسيان من ربنا الرحوم
من ثريا تحملك بد الانام
غير قلبي انت ماعندك عزوم
انت قبلي كنت عايش في ظلام
كنت في بحر الهلاك ولا تعوم
انتبه واحذر وشاي الريام
قبلكم يوم ينعن يومك يدوم
اشفق على حالك وحال الابتسام
وانت عقبي صدق بتعيش بهموم
كيف بتطفي شمعه احلام الوئام
وعقب هذا الشهد تسقيني سموم
عبر انغام المغني والكلام
الحب يتجدد مع غيرك لزوم
عش معا غيري وجرب والختام
لا تفكر رجعتك في اي يوم

"روضه"

قمت من النوم وجفت حمدان راقد عن يساري وحمدوه راقدة على يميني .. ومتمسكه بذراعي .. ويووهم البريئه خلتني ابتسم مع هالصباح واتفاءل فيه حسيت بحركة حمدوه .. ارتفعت شويه ..فتحت عيوني وصحصحت شوي .. سمعت شخير .. التفتت لمصدر الصوت بس ماكان حمدان ولا حمده .. عقدت حياتي شوي .. التفت يمين ويسار .. من هاي؟ ومن وين ياي الصوت .. عدلت قعدتي وطليت من السرير .. لقيت سعيد فارش له فرش ع الرخام ونايم !!

كسر خاااااطري .. خصوصا وشكله مو نايم عدل .. ولاني سمعت شخيرة تأكدت 100 % ان رقبته مب عدله .. لانه مايشخر الا اذا ماكان نايم عدل .. او اذا كان مزكم !! ..

حسيت بحركه احذاي التفتت جفت حمدوه قايمه وتحك عيونها بنعاس .. بعدها ابتسمت بشطانه ولمتني وهي تقول : مامااااا .. بنلوح الملاااااااهي؟؟

ابتسمت بحنان وانحنيت : لاء .. بنروح نتريق ماشي ملاهي

ضمتني اكثر وطومرت : مااااااااااااااااااااااابي نبي نلووووووووح مااااااااما

مسكت شفايفها : ياقلبي اششششش .. نايم حمدان .... و ...... بابا !

عقدت حياتها ثواني اتفكر .. وعيونها ذكرتني بـ سعيد : بابا اهني؟ وينه؟!

اشرت لها ع الارض ورديت بخفوت : اششش ..

هزت راسها بـ اوكي .. وتحركت هي من ع السرير .. وطالعتني بنظرة شيطانيه وركضت بسرعه صوب ابوها ونقزت بقوتها ع بطنه

فز متخرع وهو يقول :شووووووووووو صااااااااير

ضحكت حمدوة بقوة وهي تأشر علي : ماااااااااماااااااااااااا قالت لي ههههههههههههه

عقد حياته سعيد وعدلها ع بطنه .. مد يدينه يلعب في شعرها ..وبعدها التفتت وطالعني وكأنه يسألني انتي الي طلبتي منها؟؟

هزيت راسي لا اراديا بـ لا .. وبعدها انتبهت ان حمدان قام من الازعاج .. كان مكشر .. ومبوز .. قعد عندي .. وحط راسه بحضني بهدوء .. ابتسمت ع حركته بسته على راسه .. همست له : حبيب امه .. قوم روح تريق

صكر عيونه وطلع صوت بمعنى لاء .. مسحت ع شعره وهو ظل ع وضعه يطالع حمدوه وابوه وهو حاط راسه فحضني .. ثواني بس غيضت حمدوه وركضت من عند ابوها ويات لعندي ..

وتخصرت وهي تقول : ماما تحبين حمدااانو اكتر مني؟؟!

ابتسمت بحنيه لها: لاء .. اثنينتكم نفس بعض

طالعت حمدوه حمدان وعيونها تقرص فيه وهو يطالعها بكل هدوء اعصاب ومتشبث بيدي حرك راسه فحضني وكأنه يغيضها وفعلا فتحت حمدوه حلجها وابتدت تصيح .. مطاااالبه بان حمدان يقوم من حضني ..

جفت سعيد يتأفف وهو يخربط شعره .. وبعدها قام وقعد ع السرير سحب حمدوه وسد حلجها : اوففف شو هاي الازعاااج .. من الصبح عاده!

صاحت حمدوه اكثر وصارخت .. اما سعيد فشكله كان مروق عشان جي ماعصب عليها : بس انتي هييه شو هالحشره بس بس

سمعت حمدوه وهي تدز يد ابوها واتقول له : انا ماباك انته ماتبا ماما .. انته بتتزوج عليها ..

اخ يا حمدوه لا تذكريني لا تذكريني دخيييييييلج

صديت مجروحة .. اما سعيد فضم حمدوه وهو يقول لها : لا حبيبي .. انا مابا غير ماما .. مابا غيرها

حمدان فز وراح لجهة ابوه .. : صدق .. صدق؟؟

هز راسه سعيد بـ اي .. واليهال استانسوا وااايد وقامو يصارخون بوناسه.. اما انا اكتفيت بنظرة استهزاء وحقد !


بعد ماتريقنا .. وكان الريوق في غرفه الطعام بااصرار مني .. بعدها يلسنا في الصاله .. ويلسو اليهال يلعبون ويا سعيد .. كان سعيد منبطح ع بطنه شرات حمدوه .. ويلون وياها .. اما حمدان فكان يالس يجرب سيارته بعد ماصلحوها له .. رن موبايله وارتبك من سمع النغمه .. رفعت حياتي .. وسكت مطنشه طولت ع صوت التيلفزيون بحيث اوضح اني منزعجه من النغمه .. طلع سعيد ع طول .. انا طبعا كنت هامشته .. يالسه وياهم وارمس وياه بس ..ببرود اذا حاول يفتح حوار معاي ..

تذكرت موعد حبوبي .. تحركت من الصاله ورحت لغرفتي .. خذت دواي .. وانا طالعه سمعت سعيد يقول بحده وشكله مب منتبه ع نبرته العاليه وع مكانه .. كان واقف بنهايه الممر الي انا كنت واقفه فيه

: شوووو؟؟ .. انتي اكيد ينيتي يا شمسه !! بعد ماهدمتي مستقبلنا ويا بعض .. الحين؟؟! ...زين خلاص لا تصيحين.. حبيبي؟!..

طالعته بااحتقار يوم التفتت لي : عش معا غيري وجرب والختام
لا تفكر رجعتك في اي يوم
ياخسارة حبنا فيكم حرام
واتضح لي معدنك على العموم
ماعلى حبك وشوقك ملام
والملامه هي على قلبي الوم

تحركت وانا اسمعه يحاول يصكر من شمسه .. وهو يناديني ..

ماكنت ابغي اهرب واروح غرفتي بيحسبه ضعف .. رحت للصاله .. قعدت بهدوء .. مسحت دمعه وحيدة نزلت بشموخ من طرف عيني .. التفتت لحمدان .. ويلست العب وياه .. يا سعيد منحرج .. وقال لي : روضه .. اباج شوي ..

طالعته بااحتقار ..وصديت لحمدان : العب مع حمدان الحين ..!!

فهم اني ماابا اكلمه طالعني برجاااء عميييق .. وكأنه يطلب مني اكذب سمعي .. هه يا خسااارة !!


...................









"سارة "

قمت من النوم بتعب .. احس بصداع فضيييع .. كحيت بالقو .. مااتذكر اشصار البارحه؟؟ .. بس اتذكر اني كنت اصيح .. بس ليشش مااادري .. ضغطت على راسي حاولت اتذكر ..

رفعت عيوني جفته راقد ع الارض صوب سريري .. راسه ع السرير .. وبقيه جسمه ع الارض .. كان شكله قاعد وهو قاعد رقد.. اشفيه واشجابه لجهتي .. عقدت حياتي ..

سمعته يتنهد .. قلت بتردد : منصور؟

رفع راسه .. وتخرعت يوم جفت عيونه .. كانو عيونه حمــــــــــــر بالقو .. وعروج عينه كانت باينه .. تخرعت ... شكل عيونه كانت تخرع .. عكس شكلها كل يوم .. وتحت عيونه نفس هالات بس ماكانت غامجه حيل لان بشرته بيضه بالاصل..

اول ماالتقت عيني بعيونه جفته فز وقام قعد عندي ع السرير .. مسك راسي وتحسس على شعري .. وهو يطالعني بلهفه .. جفته مصدومة ... اشفيه ؟؟ .. اشصاير؟؟

ثواني وسمعته وهو يدفن راسي بصدرة العريض : انتي قمتي؟ انتي بخير ؟؟ مسح على شعري وانا لازلت مصدومة وراسي على صدره .. باس راسي : سارة انتي تسمعيني؟؟ ..

هزيت راسي وانا ابلع ريجي مصدومة .. ياناااااااااااس اشصاير؟؟

قلت وانا احس بجفاف في بلعومي وخشمي احسه صاير ثقيل ودي اجلعه .. اااخ بلعومي يعورني .. وعيوني مزغلله شوي .. راسي يعورني بعد .. حتى اذني تعورني .. عطست مرتين وانا للحين احس بالدفى لوجوده : اشصاير ؟؟

حسيت بلعومي يعورني .. مسحت عيوني مرتين احاول اثبت الرؤيا عندي ..

سمعته يقول : انتي كنتي مريضه .. طول الليل كنتي وايد مريضه .. حتى سلوي يات هني وقالت انج مصخنه ؟ .. اظاهر انج تبين تزكمين ؟؟ .. سألني .. انتي بتزكمين؟

هزيت جتفي بـ ماادري .. عطست ودقيت خشمي صدره .. اخ خشمي يعورني .. بعدت راسي .. وانا احس بالخمول .. صكرت عيوني .. ومديت يدي للكوميدينو وخذت حبة فاين .. مسحت فيها خشمي ..

حسيت فيه وهو ينبطح ع السرير .. سحب فراشه .. وانا تلحفت بفراشي .. فتحت عيوني .. جفت المكان منور شوي من النور الي ياي من الدريشه .. تعايزت اقوم اصكر عازل النور ..

ملت على منصور وانا اقول : نصووور

سمعته : همممم

قلت بحيله: صكر العازل ... ابي ارقد !!

تثاوب بكسل: ابي ارقد ! .. تعبان انا مب راقد من امس !

صكرت عيوني ..وسكت .. مزاجي مايسمح لي اتناقش او اتجادل .. غبث في عالم حالك السواد .. فتحت عيوني وانا احس باازعاج من حولي ..النور كان ساطع .. حسيت ان عيوني انعمت لا اراديا بسرعه

صكرت عيوني ..ورديت فتحتهم من يديد بتثاقل .. صكرتهم ورديت فتحتهم حتى تعتاد عيني ع النور.. تثاوبت بكسل وتمددت.. جفت منصور لابس الثوب ومتوهق بالعقال والغتره .. واقف وهو كل ساعه يعدل غترته بطريقه ويطالع نفسه في المنظرة .. ويهز راسه بـ لا ...

ابتسمت وقلت بنعاس وصوتي صاير ثقيل : صباح الخير ..

طالع نفسه متفاجئ .. والتفت لي .. حك طرف يبهته .. : صباح النور ..اسف قومتج من النوم؟؟

تمددت من يديد .. مديت يدي وصكرت المكيف بالكنترول .. طالعت الساعه وكنت متفاجأة بالوقت ..شهقت بسرعه .. وقمت من السرير اسرع وانا اركض للحمام .. بووه اذن الظهر .. طلعت من الحمام .. صليت .. وخلصت ..التفت له ..جفته للحين يطالع نفسه فالمنظرة .. وكل ساعه يعدل فهالغتره ..

ابتسمت له .. بس اختفت ابتسامتي على طول وانا اتذكر شكلي ..كتمت شهقتي ..لايكون ..!!! ... حسيت ويهي ينطبخ من الاحراج .. انا ادري عن نفسي دايما ثيابي ترتفع من علي وقت النوم ... يعني قميصي كان مرتفع .. فتحت عيوني على اوسعها من هالتوقع .. طالعت منصور بنظرة ثاقبه .. وكان للحين يحاول يضبط غترته

تعوذت من الشيطان لالا .. مستحيل جافني جي .. واذا جافني مستحيل يكون جي عادي .. اي صح مسستحيل .. اكيد بيقول شي او بينطق .. بيعصب مثلا ؟؟ .. حاولت اخفف رجفات قلبي ..


صكرت السيادة وتوجهت له .. طقيته ع جتفه بخفه : شتسوي ... للحين ماضبطتها؟؟

دانة الدوحة 13-04-10 10:58 PM
هز راسه بـ لا ..

تفلسفت وانا اقول : ايب ايب انا بسويها لك ..

وقفت قريب من عنده .. ورفعت يدي ووقفت على اطراف اصابيعي حتى ارتب له الغتره ..كان طويل وكان صعب علي ارتب له الغتره عدل ..خليته يقعد ع الكرسي .. وقعدت اعدل غترته \... ضحكت وانا اسوي حركات المخابيل فيه .. وهو كل ساعه يجوف نفسه في المنظرة ويشهق : اااااااااااه ساااااااااااارو غلط غلط ؟؟ اشلون جي غلط غلط .. انتي ماتعرفين ..سلوم اخوي بيعلمني وخري وخري

ضحكت .. واختفت ضحكتي تدريجيا من سمعت اسمه ... ارتجفت من طاريه .. وحسيت بكل قهر الدنيا اجتمع فيني فهالوقت .. طالعت التسريحه بضياااع .. مقهورة مقهورة .. اكرهه اكرهه .. بلعت غصتي .. مسكت نفسي عشان لا اصيح .. جفت مشطي ع التسريحه طايح بااهمال .. كانت فرصه ذهبيه بالنسبه لي حتى .. حتى افج غيضي وقهري


صرخت على منصور بااعلى شي عندي وانا اجوفه واصل للباب : انته اشلون تسمح لنفسك تستخدم اغراضي الشخصيه ؟؟

التفت لي بعدم فهم ؟


رفعت المشط بعصبيه .. كان القهر الي فداخلي يتزايد ويتزايد .. قهري من عمي .. من اخوي .. من زواجي .. من منصور .. من سالم .. من شهد .. من الكل من الكل ..

طالعني وقال : ماعندي مشط!!

صرخت بعصبيه : وماعندك تستخدم مالي ... اسمع .. مرة ثانيه ان مسكت شي من اغراضي مايصير طيب ؟؟!!

طالعني متفاجأ .. وسكت .. بعدها طلع بسرعه .. وانا مقهورة فلعت المشط بالقو ع التسريحه .. غطيت ويهي وصحت بالقو .. حسيت الصداع زاد علي .. ثواني وسمعت حس سلوى .. ومنصور ..

دخل منصور وهو اير سلوى : مادري صاحت مرة وحدة وهي تصارخ ؟!

طالعته .. وجفت سلوى متفاجأة : خلاص خلاص انت روح وانا اجوفها

طالعني وكأنه يستأذن مني .. كسر خاطري .. المفروض .. مااعصب عليه ..!! وافهمه بالهدوء .. اه .. اسفه منصور .. اسفه !


هزيت راسي بـ اي .. طلع منصور وهو عاقد حياته.. يات سلوى وقعدت مجابلتني ع السرير : سروي اشفيج؟؟.؟ من فترة وانتي مب طبيعيه ؟؟ منصور سوا لج شي؟؟

هزيت راسي بـ لا ..مسحت دموعي ..ضغطت على ويهي شوي اخفف من الي فيني .. سكت ثواني .. وحسيت بفراغ داخلي ..وهدووووووووووووووووووووء .. ولا كأني من شوي اصيح ..

سكت اطالع بسلوى .. كانت تطالعني بخوف .. ابتسمت لها .. واشرت ع راسي : مصدعه .. عشان جي احتجت اصيح؟؟

ضحكت سلوى بملل: هههه .. خرعتيني .. قلت البنت سوالها منصور شي .. خصوصا انه .. رد .. يعني .. آآآ

عقدت حياتي .. وقلت : لالا افا عليج؟ .. انا ساروه ولا بلاش؟ عبالج بسكت عنه؟؟ يخسي

فتحت عيونها على اوسعها : ها؟؟؟؟؟

ضحكت وانا اسمع رنة جوالها : خخخ .. من متصل؟؟

طالعت الجوال .. وويها انصبغ بالوردي : ها .... مادري ..

جفت الجوال .. وضحكت من قلب وانا اقرى .. " فيصل " .. قلت لها : ردي ردي ..

قالت بااحراج : ها .. اي .. شسمه يبي ..

قلت بلقافه وشهقت : ااااااااااااااااااااااه يبي بعد؟ شهالقله الادب ها

طالعتني مفجوعه: شنو؟؟

قلت بمصخره : اتقولين يبي ها ؟.. شهالقله الادب ها؟ يبي ها يبي؟ اعلم اعلم؟؟ افتن افتن؟؟

قالت مصدومة ووببراءة : شنو؟؟

غمزت لها .. وهي ضربتني بقوة : يادببببببببببببا .. قلــــــــــــــــــــــــــــــيله ادب من تزوجتي صرتي قليله ادب .. ضربتني مرتين بالقو .. وانا ميته من الضحك ..

والتلفون لازال يرن .. قلت بخبث: ردي عليه تراه يبي وضحكت

قاطعتني وهي تصارخ وويها احمر وانا ميته من الضحك دفتني ع السرير وطحت وشلت المخدات وفلعتني فيهم مت ضحك .. وهي تقول : دببببببه .. يبي يجوفني مع ويهج .. سباله وحدة


زدت فالضحك .. فلعتني بقهر .. وطلعت .. بس كنت قاصدة احرجها لا يروح بالكم بعيد


ضحكت شوي .. ورديت اضحك من يديد .. ركضت وراها .. كانت للحين فجناحنا عند الباب .. ركضت لها وانا اضحك .. فتحت هي الباب وركضت لعندها وانا اسحب شيلتي .. نزلت وياها ع الدري ..طالعتها كانت لابسه شيلتها .. ولابسه تنورة طويله حرير نيلي بقصه فرنسيه وقميص حريري نيلي تحته بدي فضي فولك .. ابتسمت .. يحليلها .. سلوي .. والله وقمنا نلبس حق ريايلنا .. خخخخ ..

واحنا ع اخر دريتين .. نزلت سلوي بسرعه وهي تسمع سالم يستعيلها .. دخل سالم مستعيل .. وارتجفت ريلي ع الدري .. حتى حسيت اني راح اطيح .. تماسكت .. وانا اطالعه .. يطالعني .. ومانزل عينه

طالعته بااحتقار .. ورديت بسرعه ابي اروح فوق بسرعه

سمعت صوت منصور يوقفني : سااااارة !!

التفت وانا احس بقهر وحقد على هالانسان .. سالم .. اكرهه .. : نعم .. منصور ..!!

طالع منصور سالم بااستغراب .. ورد طالعني وقال: نسيت اقول لج .. اتصلي ع تلفوني .. سالم لقى تلفوني ..

هزيت راسي بقهر .. ومشيت بسرعه ع الدري .. وانا افكر شكلي باانحبس فهالجناح .. والسبه سالم الحقير .. وشهد ..

سمعت منصور ينادي من يديد : سارة ..

رديت وانا معطته ظهري .. :هلا؟

سمعت منصور يقول لي : تجهزي .. نص ساعه .. وابيج تكونين تحت .. بااخذج وياي .. بنروح بيت يدتي .. نسلم ع يدتي وخالتي!! ..


اخييييييرا افراج؟؟ .. تحركت بسرعه للجناح بعد ماهزيت راسي بـ انزين .. عطست بقوه وبغيت اطق راسي ع الدرابزين .. اااخ .. شكلي بزكم بالقو !


..........

"سلوى"

دشيت الميلس منحرجة من نفسي اشلون ادخل بدون عبايه .. بس امي مارضت ادخل ويا العبايه اصلا مارضت ادخل بالشيله بس طبعا انا مارضيت .. حلوة هذي ادخل بدون ششيله .. لااااا مستحيل استحي .. كفايه مرة جافني بدون شيله وعبايه اصلا احراااج..تقدمت وفتحت الباب .. جفت محمد اخوي يسولف ويا فيـ فيصـ ـ ـ ـ ـل وسكتوا لمن جافو الباب يتحرك .. بلعت ريجي بخوف .. ونزلت عيوني سلمت بخفوت.. : السلام عليكم ..رفعت عيوني ثانيه وجفت فيصل

رد محمد وهو مبتسم : وعليكم السلام ... والتفتت لـ فيصل؟

ابتسم فيصل ووقف :وعليكم السلام والرحمة ..ياهلا ..

..تخسبقت .. مادري شسوي اشلون اسلم يعني؟؟ ..نزلت عيوني بسرعه .. بس جفته مد يده يوم جافني واقفه مترددة ..

ترددت شوي .. ودخلت مديت يدي وسلمت عليه .. باليد .. : اشلونك؟؟ ..

اتسعت ابتسامته وهو يسمع صوتي الواطي عكس صوته الجهوري الواثق : بخير.. انتي شخبارج؟؟ ..

حاولت اسحب يدي بس ظل ماسكهم لين ماوقفت اقريب منه .. بعدها فج يدة عن يدي.. اضطريت اقعد ع الكرسي الي هو قاعد عليه .. لانه كان ماسك يدي ..وماقدرت افج يدي عن يده الا يوم وقفت عند الكرسي .. وفشله ارد اغير مكان الكرسي .. اخاف يفهم غلط ..


ابتسم محمد : يالله عيل .. اخليكم شوي .. اي فيصل ترا بس نص ساعه
طالعته بسرعه .. وين بيروح ويخليني بروحي معاه؟؟ .. طالعته بخوف .. ورغبه في البكاء .. ورجاء للبقاء .. بس كأنه مافهم علي ؟ او حاول مايفهم علي ..

ابتسم فيصل وهو يطالعني : بس نص ساعه؟ ياخي حرام عليكم ..!! ماجفتها من زمان .. من يوم الملجة !! ..

ضحك محمد .. وطالعني .. حسيت ويهي يحترق .. كنت اطالع تحت بس حسيته ابتسم : زين وهديه مني نص ساعه زيادة ..

حسيت بفيصل يبتسم ..طلع محمد .. وحسيت بيد فيصل الي مسكت يدي .. انتفضت .. وارتجفت يدي .. حاولت افج يدي من يدة ..

قلت برجفه : فيـ ـصل .,

تنهد : ياعيونه؟ ..

انحرجت .. وحاولت ابعد يدي .. بمعنى فج يدي .. بس الاخ مب فاهم علي : امري ياحياتي؟

آآآآآآ .. حسيت ويهي يطبخ من الاحراج .. هذا ليش جي يقول .. ليش يقول هالكلمات .. ياخي انا استحي ... عضيت ع شفايفي منحرجة .. تنهد وقال بقهر : اخ بس .. ليش لابسه الشيله؟؟

رفعت عيوني بسرعه مستغربه من سؤاله .. حركت يدي الثانيه لا اراديا اعدل شيلتي وبقت يدي الاولى سجينه يده ...

اندق الباب وفثانيه ترك فيصل يدي وبسرعه عدلت شيلتي باانحراج ..

دخل منصور اخوي .. وسلم ع فيصل شوي .. همس لي فيصل بدون مايسمعنا منصور

سلامــي علــى من يخجل الورد بملفاه
سلام عدد ســيل مــاطر مــن سحــابي..
سلامــي علــى من يزيــح الــهم ذكـراه
ســلام عــدد قــول مخــاوي ياعذاابـــي..
سلامي على من لاجار علينا الوقت نلقاه
ســلام عــدد قــول كــاظـــم ســـلامي..

انا كنت اطالع الارض منحرجه .. منحرجة من اخواني كلهم ومن ابوي ومن اهل بيتنا ومن ومن فيصل واهله كلهم ومن العالم كله .. احس بااحراج .. وفشييله .. لاني انخطبت ماادري هو شعور كل بنت ولا بس شعوري؟؟ خفت منصور سمعاه رفعت عيوني بسرعه لمنصور .. جفته يتكلم فالتيلفون .. شكله يكلم سارة لانه قال لها انه ينتظرها في السيارة

تذكرت اخواني يوم ياو وسلموا علي في الملجة .. قبل لا نروح القاعه .. يوم وقعت فالبيت ع العقد .. ياااه كم حسيت بالاحراج .. وكنت بصيح من صجي .. بس اخواني كانو يتغشمرون وياي ويحاولن ينسوني شوي ..

استأذن منصور .. وقال بيزور يدتي .. ااااخ ابي اروح معاهم .. والله خاطري اروووح .. من زمااان عن بيت يدتي .. صح ماكنت احب اروح عشان بنت خالتي عووش.. هاالانسانه خببببيثه .. ومكااارة .. امها وابوها توفوا من وهي اصغيرة في حادث وهم راجعين من الحسا .. ومن بعدها قامت تعيش ويا يدتي "ام امي" هي وحيدة .. ماعندها اخوان .. وتعيش مع يدتي .. ودايما يوم نروح هناك تقط نغزات تحررر .. احب اروح بيت يدتي لان هناك اجوف خالتي ام فهد هذي الخاله امووووووت فيها لانها اتينن بكل معنى الكلمه .. انا اعتبرها امي مب خالتي

طلع منصور وانا عيوني تطلبه يبقى او ع الاقل يقول لي تعالي ويانا .. بس ولا شي من هالاماني تحققت ..

قررت اتجتف حتى مايقدر فيصل يمسك يدي .. وفعلا من نويت اطبق الفكرة .. الا يد فيصل تتوغل على ريلي وتمسك يدي وتاخذها لجف(كف يده) يدة .. مرر اصابعه على جف يدي واصابعي : كلميني عنج سلوى ..؟!

كنت منحرجة وانا اطالع الارض .. ومتوترة واايد متوترة من لمسته .. ومن يده الي تتحسس يدي .. : آآآ .. شـ اقول؟؟ ..

ابتسم فيصل .. وقال ببساطة: اي شي ..

دانة الدوحة 13-04-10 11:04 PM
رفعت عيوني له .. وبلعت ريجي نزلت راسي وانا مصدومة من قربه .. متى قعد عندي؟؟ اظاهر يوم طلع منصور قرب من عندي .. امبيييه وايييد قريب مني .. لالا مااقدر .. مااحب جي .. وقفت فجأة .. ويدي للحين بيدة ..

قال لي مستغرب : على وين؟؟

بلعت ريجي وطاحت عيني على صينيه بيتيفور .. : ها .. اييي .. ماتبي تتقهوى؟؟ ..

يراني لين ماقعدت عنده : لا مابي .. تقهويت انا ..

وقفت مرة ثانيه ناويه اشرد : عيل بااخليك تحلي؟؟ ..

مرة ثانيه سحبني لعنده .. وهالمرة حكم قبضته علي .. ومسكت انفاسي وكنت متوترة وخايفه من قربه .. سندني وجابل ويهي .. حسيت بالاوكسجين انقطع من الغرفه .. وكنت احاول اتنفس ..قال باابتسامه جميله : وانا اشقاعد اسوي تراني قاعد احلي .. يكفي اجوفج واحس بطعم الحلا كله ...عض شفايفه .. ومد يده يفتح الشيله ..

شهقت مصدومة .. وانترست الدموع فعيوني بسرعه رهيبه .. وبسرعه اكثر نزلت دمعه وحدة من عيني .. وانا احاول ادفعه عني ..

طالعني مستغرب ومصدوم لثانيه .. مد يده لخدي ومسح دموعي : ليش تصيحين سلوى ؟؟ ..

غطيت ويهي بيدي وقعدت اصيح .. ابتعد شوي عني .. وقعد عندي "سوري" قعد لاصق فجنبي .. حاوط جتوفي: ياقلبي ليش هالدموع والصياح .. بس ياحبيبتي .. بس ياقلبي .. قوليلي اشسويت انا .. اسف اسف .. مو قصدي شي .. بس كنت ابي اجوفج بدون شيله .. يالله بس عاد .. بس اجوف ..

حاول يبعد يدي عن ويهي وانا مازلت اصيح .. شد على جتفي وهو يقول : بس يا سلوى .. بس ياعمري ..

هديت شوي .. بس للحين مغطيه ويهي بيدي .. حاول يشيل يدي من ع ويهي بهدوء بس جافني مصره اغطيه .. بس هو شكله عنيد .. شل يده عن ويهي .. واستسلمت ليده .. كنت احس بالفشيييييييييييلله

بللت شفايفي .. ومديت يدي امسح دموعي .. تلامست يدي بيده الي مسحت دموعي .. نزلت يدي .. بس مسك يدي .. رفعها لشفايفه ..باسهم برقه

: اسف خلاص مااعيدها

امتلأت عيني مرة ثانيه بالدموع مهددة بالسقوط .. مابي يبوسني .. مابي استحي انا .. اصلا مااحب جي .. حسيت اني باانفجر من الحياء .. هذا ليش مايفهم علي .. هو وااااايد جريء .. يعني بيراضيني يقوم يبوس يدي .؟؟ اشسوا يعني ..

ظليت ساكته وهو يحاول يراضيني : انزين رضيتي ؟؟.. ليش ساكته ..؟؟ .. زين ماتبيني احلي ..؟؟"من سمعت هالكلمه وشكلي بااصيح من يديد " .. قومي ضيفيني قومي .. خلاص تبت مابي احلي بشوفتج .. باكل اي حلا .. يالله قومي حليني ..؟

كنت منحرجه من ومن كلماته ورقته واسلوبه .. صراحة كنت وااايد مستحيه منه .. ياربي اكيد احين بيقول شالي الله بلشني فيها هالياهل .. انزين شااسوي انا جي .. بس فديته والله حنون ورومانسي ... والله ماينعرف لج ياسلوى؟!

بسرعه قمت من مكاني .. وكأني اهرب من افكاري .. مسكت صحن ..ومسكته شوي بالقو اهدي رجفتي.. وحطيت له كل نوع من الحلا .. ويوم بغيت ارد رفعت نظرتي ببراءة صوبه .. جفته يطالعني وبعدها ابتسم يوم جافني اجوفه .. نزلت عيوني ..وشددت ع مسكتي للصحن .. وانا احس بخصلي القصيرة تغطي عيوني .. امبيه شعري طالع .. بسرعه خل اعطيه الصحن وادخلهم .. ولا بيطيح الصحن وماعاد اقدر احط من يديد ..

قربت لعنده .. وهو عدل الطاوله الصغيرة جدامه وقف ومسك الصحن من يدي .. وحطاه ع الطاوله جدامه.. التفتت بروح اجيب له القهوى .. بس مسك يدي .. التفت له والتفتت معاي قدلتي .. انحرجت اشلون نسيت ادخلهم.. ابتسم .. وتعدى الطاوله ووقف مجابلني .. حاولت اشيل يدي من يده بس كان ماسكهم وكان يتأمل ويهي .. نزلت عيوني ..

حسيت يدة هدت يدي .. بس انمدت يده على ويهي .. وهني بغت تطلع عيني من الصدمة والخوف .. بس مد يده ولامس قدلتي ودخلهم بالشيله رفعت عيوني له جفته يبتسم لي ..نزلت عيوني ورموشي تظلل عيوني لان الماسكرا كانت عامله عمايلها خخخ .. نزل يده ع خدي .. وقرصني ع خفيف .. (كنت حابه اكون طبيعيه اكتفيت بالكحل والماسكرا وخط اي لاينر رفيع فوق عيني"وتر بروف ..ضد الماء" والروج .. فقط لا غير .. امي عصبت يوم جافتني وقررت تتصل ع كوافيره دوم تتعامل وياها .. بس انا عندت .. وحلفت اني ماادخل عنده اذا حطت لي ميك اب)

طالعته ببراءة وخجل .. ابتسم لي .. وعض شفايفه بقوه : جيبي القهوه لا اسوي شي اندم عليه انا وانتي ..!

تحركت بسرعه متخرعه من كلامه اما هو ضحك على طول.. انحرجت ويبت القهوه .. قعدت هالمرة ع كنبه فرديه .. شوي بعيدة عن كنبته..

سمعته يتكلم عن نفسه وعن دراسته وتخصصه .. وعن شقته الي بلندن .. سألني اذا حابه ياخذ فيلا بدل من الشقه .. بس قلت له انه عادي .. استحيت وانا اتخيل نعيش بنفس الشقه امبيه فشيييله ياالله !! ..

كلى له شوي من الحلا .. وبعدها استأذن وهو يحذرني ارد على كل تلفوناته ولا بيجي لي البيت .. على طول رفعت عيني له .. وهو ضحك : ياربي انا على مرتي الخجوله .. يالله حبيبتي .. مع السلامة ..


انحرجت منه وااااايد .. انا للحين اعتبره ريال غريب علي .. وطبيعي استحي منه .. وهو شكله جريء .. لايكون متأثرر من الغرب؟؟ .. عقدت حياتي وانا افكر هالتفكير .. بس الشي الي طمني انه مب مغرور .. وانه مب سطحي في تفكيرة .. لاني كنت خايفه واييد وايد من هالجانب .. بس الحمدلله ..


تنهدت وانا اتذكر شكله العذااااب بالغترة البيضا والثوب الابيض .. ابتسمت وبعدها ضحكت على موقفي احسه كان يقول فنفسه شنو هالسخيفه صاحت بس عشان قلت لها فصخي شيلتج .. بس والله من حقي !! ..

ابتسمت بمودة ومشاعر يديدة تلهب صدري .. اول مرة احس فيهم .. كنت احس بشي يتغير بين طيات قلبي كل ثانيه .. واني اخذ انفاسي بصعوبه من اتذكر موقفه وقربه مني ..

صعدت غرفتي وانا مبتسمه .. دشيت الغرفه فتحت اللليت .. قفلت الباب .. طلعت شيلتي .. جفت نفسي بالمنظرة .. ابتسمت لشكلي .. طالعت شعري المسشور والي كنت رافعته بعضاضه "كليب" .. فتحت شعري ... وتناثر بنعومته على جتفي وتعداه لين وصل لنهايه ظهري (شعري مدرج من الكتف الين نهايه الظهر تقريبا .. شوي ارفع يعني ثلاث ارباع الظهر تقريبا).. رتبت قدلتي .. وشعري .. ابتسمت لنفسي .. ورحت للسرير انبطحت وانا الم مخدتي الصغيرة .. صكرت عيوني وانا ابتسم ..


...................

" سالم"
فنفس الوقت

طالعتني بكل احتقار الدنيا .. كرهت نفسي يوم جفت نظراتها .. تكلمت ويا منصور .. وراحت .. غابت عن عيني .. تنهدت بحسرة .. ياليت منصور مارجع لطبيعته .. الحين حتى مااقدر اخذ راحتي واجوفها .. تنهدت .. اااخ ياسارة .. ادري تتعذبين ويا منصور ..وصبرج على منصور .. ادري انه بيعذبج معاه .. خصوصا وهو يحب لولوة .. بس انا .. انا بعد كنت احب حياة والحين اكن شعور لسارة.. معقوله منصور بعد جذي؟؟ يكن لـ لولوة شعور خاص ولسارة شعور خاص ثاني .. فار الدم فعروقي ... وانا اتخيل شالي يصير بينهم لا تصكر عليهم باب واحد .. اخ يالقهر اخ .. سارة انتي نجم ساطع وعاااااااااااااااااااااااااااااااااااالي .. صعب احصل عليه .

لكن صدقيني .. صدقيني وعد وعد .. تكونين سعيدة ..

التفتت بطلع من الصاله .. كرهت البيت من يوم سارة تصد عني .. من يوم سارة تناظرني بكل احتقار الدنيا .. حسيت نفسي حشرة من جد .. بس مااقدر مااقدر .. يوم اجوفها مااقدر اتمالك نفسي .. صدقوني مااقدر.. لا تتوقعون اسوي هالشي باارادتي .. صدقوني غصب عني غصب عني ..!!!


جفت شهد واقفه وتراقب الموقف بصمت .. طنشتها وكنت بااطلع .. بس سمعتها تقول وهي شكلها بتصيح : تحبها يا سالم؟؟

التفتت عليها ونكرت بقوة : منهي؟؟

قالت لي بقهر : شينة الحلايا المدام سااااااااااارة؟

بلعت ريجي .. وقلت بعصبيه : شهالحجي ؟؟ من وين طلعتي هالخرافه ..

ضحكت بسخريه .. وقربت لعندي ويرت يدي بقوة طالعتها معصب وجفت عيونها المترووسه دموع : اسمعني يا سالم .. ابتعد عن سارة .. مالك خص فيها .. اهيييييييييي اتحب ريلهااااااااااا !! سامعني ؟؟ وريلها شكله يحبها

طالعتها بقهر : وشالمشكله؟؟ ..

صرخت وضربتني على جتفي : سالم افهم افهم .. انا احبـــــــــك احبـــــــك .. ومستحيل اخليها تاخذك مستحيييل ..

بعدت يدها بااحتقار: انتي ماتستاهلين محمد

صاحت بالقو وهي تقول : عشاني احبك صرت مااستاهل اخوك؟؟ .. انت لي .. وماراح تكون لغيري

جفتها بقهر : وبعدين وياج انتي؟؟

لصقت فيني .. بعدتها بسرعه: انتي ماتخافين حد يجوفنا ..

طالعتني بمكر .. اعرف هالنظرة زين ماازين .. يرتني لغرفه قريبه من الدري .. دخلت وهي تسحبني وياها وانا ماشي مصدوم .. دخلت الغرفه وقفلت الباب .. وتساندت عليه ..فتحت شيلتها .. وفكت شعرها .. تناثر على جتوفها .. حركته بدلع .. وقربت لعندي .. لصقت فصدري .. ومالت براسها عليه : والحين سالم .. بعد خايف حد يجوفنا .. مدت يدها وتحسست ذقني

غصبا عني انمدت يدي ومسكت شعرها .. شكلها مغري .. مسحت على شعرها .. قربت هي لعندي .. وطبعت بوسه على خدي .. صكرت عيوني .. تذكرت حياة ...

وسارة


مرت دقايق و و بعدت عنها بسرعه وانا مشمئز منها .. طالعتني بألم .. وبعدتها : انتي ماتستحين .. انا ا

سدت شفايفي وهي تصيح : انت تحبني .. تحبني ,. انا حاسه

عضيت شفايفي وانا ابعدها : لا .. انا مااحبج .. افهمي يا بنت الناس .. افهمي ..!!

صاحت : عيل هذا شنو؟؟الي سويناه شنو؟

قلت بقهر : انا ريال .. ريال تعرفين وشو ريال .. ريال محروم من هالشي .. وانتي استغليتيني .. انا ماارح اسامحج .. \


ضربتني بقهر : انت .. انت .. ماكملت وصاحت ..

غطيت ويهي بقهر .. وحسرة .. صحيح لمست بنات بس برغبتهم ..ماكانو اصلا شريفات !! .. بس هذي مرت اخوي .. اخوووووووووووي .. تعرفون شنو يعني اخوووي؟؟.. اشلون .. بستها .. اشلون تجرأت ضغطت على شفايفي مقهوور ..

تحركت من الغرفه .. مقهووور ..

طلعت بسرررعه ... خذت السيارة .. وجفت منصور وسارة طالعين ويضحكون وهم بالسيارة .. اشتعلت غييييض .. وكره ... تذكرت شهد .. ياكرهي لهالانسانه .. انسانه استغلاليه . اشلون استغلت وضعي .. اشلون .. انا ..

آآآآآآآه .. لهب يشتعل بصدر .. لهـــــب .. وشلون تتجرأ .. وتقول هالحجي لي .. اشلوووون .. وانا .. اخو ريلها .. مااستحت على ويهها .. اخ يالقهرر .. اخخ .. حسيت بفوران دمي بزيادة .. واحتقرت نفسي اكثر واكثر .. معقوله انا كنت جي ؟؟ .. ومعقوله سارة حست بنفس احساسي .. لا لا .. مستحيل ..

انا .. انا

صج صج ياسارة ماكنت اقصد
انا اسف

صكرت عيوني ودمعه وحيدة تتسلل من جفوني .. حقير .. حيوان .. ضربت صدري بقوووة .. اخ بس .. شنو هالشعور الخايس .. اشسويت انا .. اشسويت .. ااااه بس متى ارتاح متــى؟؟

>><< والي سويته ياسالم لسارة .. اقل حقاره ولا اكثر حقارة واستغلال من الي سوته شهد !!

تذكرت موقف شهد مرة ثانيه .. اشلون قدرت اتسوي جي ؟؟ .. الشون اتخون اخوي؟؟.. واشلون ترضى على نفسها .. انسانه وصخه .. قذره .. اشلون تجرأت اصلا ؟؟؟ ..

فجأة حسيت ان هالموقف كله يتكرر ... نفس الي انا .. طلبته من سارة ... وقفت السيارة بالقوووو ...



لكن بعد فوات الاوااان
........................

" علي "

عقدت حياتي وانا اتذكر هالويه .. وين انا جايفه .. انا جايف هالبنت .. بس فوين مااتذكر .. صديت عنهم .. وانا كارههم .. اكره البنات اكرههم .. كلهم نفس الشي كلهم سواسيه .. التفتت لامل الي قاعده عندي ..

ماقلت لكم .. اختي امل قررت تسافر هالمرة معاي لـ الامارات .. قلت لها اني احتمال اطول لكنها قالت " شـ وراي ..صيف وحر .. ومحد بيسافر قلت اسافر وياك اونس عمري "

تنهدت وانا اركب السيارة .. متوجهين للفندق الي حاجزه انا ..

قالت لي امل : علاوي .. ماعندك بيت هني؟؟؟

اخ ياامل لا ترشين الملح ع الجرح .. تكفييين : كان !

قالت بمزح : ياسللااام على ايام لولوة ها؟؟ تشتري لها واحنا بالطقاق ؟؟

حسيت بالذنب ..ياترى اهملتكم وااايد ياامل؟؟ اهملتكم والتهيت ويا زوجتي؟؟ وياها الخاينه؟؟ ماتستاهل ماتستاهل اهملت عيلتي عشانها ماتستاهل .. فجأة .. يه فبالي هروبي من الدوحة ... ولجوئي للامارات .. هذا بعد راح يبعدني عن اهلي هذا بعد ..

اقنعت نفسي اني فعلا جاي عشان هالصفقه المهمه .. ومب عششان هروبي .. واني قريب .. وقريب جدا راجع الدوحة .. بـ علي ثاني .. خصوصا اني قاعد اتعالج فهالفترة لاني حسيت ان نفسيتي زفت .. ولان حميد ماسمح لي ابقى جذي اتعذب ..

دانة الدوحة 13-04-10 11:06 PM

نصحني الدكتور بمتابعه الرياضه والاستمرار عليها لانها تخفف الضغط النفسي علي .. وهم تلهيني عن تفكيري..!! .. بس فعلا .. انا حاس اني سويت شي كبير .. انا ماصرت اهوجس بذكرى لولوة الا اذا احد ذكرني فيها او اذا مريت بمكان جمعني فيها


عشان جذ احاول دايما اتجنب الكلام عنها .. او اني اروح لمكان جمعنا سوى ..

يوم جافت امل ويهي الي تغير قالت بأسف : اسفه .. مب قصدي


قلت بعدم اهتمام : لا عادي .. لولوة شي وراح .. ورقه وانطوت ..!!

التفتت علي وقالت بحزن: افهم انك ماراح ترجعها من يديد؟؟

عقدت حياتي .. من دخل هالفكرة فراسها انا مستحيل ارجع لها : لا .. مستحيل؟؟!!

قالت : ليش؟؟ .. لولوة زينه .. صح انها ..

قلت بعصبيه : امــــــــــــــــل .. صكري الموضوع .. ولا عاد اسمعج تتدخلين بشي مايخصج

طالعتني بصدمة .. وصدت وانا احس بدموعها .. كتمت تنهيدتي .. مااقدروا يجرحون ويسفلون فيني الجنس الناعم الا لاني طيب القلب .. لا صرت قاسي وصارم وصلب .. يهابونك ولا تهاونت شوي عنهم .. لعبو بذيلهم ..

بنات حواء .. مالهم امااااااان



>كلهم يا علي؟ كلهم؟؟


..................
"سارة"

قعدت وانا مستحيييييه موووت من ترحيبهم الحار لي : واااي فديت مرت منصور .. قعدي قعدي يمه ..اشفيج حاطة الكشمه يمه احنا العصر مهب الصبح ..

"الكشمه= النظارة قديما"

ضحكت على كلمتها ياحبي لسوالف العيايز .. نزلت النظارة من عيوني وانا منحرجة .. : وهذي نزلناها

ابتسمت يدة منصور : فديت السنع ..

ابتسمت .. وخفت انها تقصد العكس .. قعد منصور احذاي وهو يقول ليدته : هاي يدتي (اشر على يدته).. جفتي سارة؟؟

ابتسمت يدة منصور وهي تمد يدها وتمسك راسي وهي تقول : ماشاءالله ماشاءالله عليها "مسحت بيدها على ظهري" كامله كامله والكامل الله ..

ابتسم منصور .. وفهاللحظة دشت خدامه .. وطالعتني باانبهار .. وهزت راسها .. ضحكت عليها .. عطتنا صحن فطاير وصحن حلويات ... وبعدها وزعت استكانات الجاي والحليب كرك .. بس انا قلت لها اني مابي .. قالت متعجبه .. يبي عصير ماما؟؟

ابتسمت لها : لا شكرا ..

كليت فطيرة جبن .. وكليت شوي جيز كيك .. التفت لليدة وقلت لها : خالتي تبيني ااكلج؟؟

جافتني مستانسه : اي يمه .. تعالي يالمزيونه تعالي

ضحكت منحرجة ومستانسه عليها قعدت عندها .. : يالله فتحي حلجج خالتي وسمي...

طالعتني وهبت فويهي : شنهوووووووو خالتي؟؟ قولي يمه يمه ..

طالعتها مستغربه انزين ليش تصارخ بالعدل تقول باافهم .. بس مع ذلك ابتسمت : اوكي خالـ اووه يمه ...

عدلت بطولتها .. ومديت الفطيرة :يمه رفعي البطوله اشوي حتى تاكلين ..

شهقت وهي تزخ صدرها :وشوووو .. هذا الي ناقص .. انا عيااااالي ماجايفين ويهي تبيني اتفصخ ..

احين من ياب طاري التفصخ ؟؟ الله يهديج .. سحبت الفطيرة من يدي وهي تقول بنقمه : هاتيها هاتيها انا باكلها

كلتها وهي منزله راسها ومحتاسه تعابل فالبطوله .. مسكت البطوله اشوي ارفعها حتى تاكل براحه وجنها استانست على حركتي

وقعدت ااكلها شوي .. وشوي اعلق .. وشوي منصور يضحك وهو يقول انا بعد اكليني؟؟ .. مصدق روحه الاخو ..

مضى الوقت بسرعه .. لين سمعت صوت الباب .. التفتت جفت وحدة طوويله .. بيضا عيونها مثل عيون خالتي ام منصور بالضبط .. وملامحها شوي ماطمنتني .. حسيت بنغزة في قلبي .. مااستلطفتها ع الرغم اني ماتحجيت وياها

وقفت وسلمت علي وقالت : هلا .. اكيد انتي ماتذكريني؟؟ .. بس لا تخافين حظرت عرسج .. انا بنت خالة منصور .. العاااش ..

ابتسمت مجامله "قالت شنو قالت العاش؟ .. وايد اسلوبها مب شي .. اي طبعا تاخذه من من؟؟ .. ام منصور مب مقصرة .. حسيت بااحراج لاني طولت ومارديت " هلا عايشه.. عاشت الاسامي ...

قعدت وحطت ريل على ريل : عاشت ايامج ..

طالعتها بدقه ... يعني هاي عادي تقعد جي وياهم .. بدون شيله؟؟ .. مب جنها كبيرة .. وللحين مب متحجبه .. او يمكن عشان منصور مايدري عن الدنيا قاطه الشيله؟؟ لالا مااتوقع اكيد وصلها خبر ان منصور تعافى ...

طالعتني وقالت وهي تلعب بشعرها بخفه : لايكون تغارين ليش اني مو لابسه شيله جدام منصور؟؟

يعني اتعرفين انه غلط ؟؟ ومستمره .. رفعت حاجب واحد وقلت وقلت باابتسامه : الي يغلط دايما يتوقع الهجوم من الاخرين ..

مالحقت اكمل كلامي الا وقفت بعصبيه وبحدة : اشقصدج ها؟؟؟ ..

طالعتها مصدومة .. يعني مهما كان ماتوقعت جي ردة فعلها .. امبيه لا يكون ردي كان وقح بزيادة؟؟ .. بس انا اجوف تصرفها الوقح ..!! ..

ماانتظرتني اجاوب .. طلعت بسرعه من الصاله .. وصفقت البيبان فبعض .. احين جي يستقبلون الضيف !! ..

حسيت اني مصختها بردي .. وكان للازم ارد عليها بااأدب يعني مهما يكون انا "اعتبر للحين عروسه وشخص يديد بالنسبه لهم حتى لو مرت شهور على زواجنا" والمفروض ردودي تكون مهذبه خصوصا ويا ناس اول مرة اجوفهم واعرفهم ..

طالعت منصور .. كان عاقد حياته .. ويدته بيدها المسباح وتسبح .. يوم تصكر الباب بقوة .. صرخت اليده منفجعه : وجعه توجعج ميلانووووو .. ميلااااانو وصمخ ..

دشت خدامه هنديه وهي تهز راسها : نئم ماما كبير ..

هزت راسها اليدة معصبه : اشقايل تصوفقين في البيبان ها؟؟ (اشقايل= ليش ) (تصوفقين= تصكرين الباب بااقوى ماعندج)

ميلان: ماما هاي ئاييشااا سكر باب ..

اليدة معصبه : لا انا جفتج انتي .. وشحقه ها .؟؟

عقدت حياتي .. الحين بنت بنتها تصكر البيبان وتهاوش الخدامه والله خوش؟؟ .. مساكين يالخدم كل شي طايح فوق روسكم حتى الي مالكم ذنب فيه ؟؟ الحين تجوف بنت بنتها وتحط السبه ع الخدامه !!

ميلان : ماما .. واللاا ئايشششا سكر باب ..انا مافي يجي هني.. انا في كيتجن سوي بورجار ئايشااا يبي !

اليدة معصبه وهي تقول واتحندب"اتحلطم" : بوجاد(جارهم) ياكلج ان شاء الله .. يالله روحي يالله .. هزت عصاتها وضربتها ع الارض تنهرها ..

راحت ميلان وهي معصبه وتتحلطم: كول يوم كول يوم ماما كبير موشكل .. ئايشااااا في مشكل ... سنو هازا .. هزا هرام .. واجد هرااام


تحسبت عليها اليدة وهي ترفع طرف جلابيتها من صوب الصدر: حسبي الله عليج يا ميلانو جانج مأذيتني ومرفعه ضغطي .. غطت عيونها بشيلتها وهي تصيح

وانا ومنصور نطالع مصدومين من المسرحيه .. سمعت حس ريال يتنحنح : احم احم(بسرعه عدلت شيلتي) .. الله يهداج يدتي .. اشفيج ويا المرة .. دومج تهاوشينها وهي الي قايمه فيج توديج واتيبج اتأكلج واتشربج

حسيت الصوت مب غريب علي .. التفتت يوم صاحت اليدة : مابيها .. رجعوها الهند لا بركتن فيها .. خلها تتنقع هناك مابيها انا ..

ضحك .. وهو يتقدم بيبوس يدته .. وجافنا قاعدين صوبها .. قام استقام واقف بسرعه : اوووه اسمحولي .. اشلونج اختي سارة ؟!

طالعته مصدومة .. هذا ... هذا .. الدكتور فهد .. حسيت بمغص فبطني .. ياربي ليش يه هني ؟؟ .. اخاف يزل لسانه ويقول شي عن ييتي .. بلعت ريجي وانا اقول باارتباك :.. بـ ـ بـخير .. لا .. عادي .!!..

التفت سلم على يدته .. وباس راسها .. قالت اليده متحلطمه : وشووو .. منهي سارة ؟؟ ... فتحت عيونها من ورا النظارات السمييييكة : انته تزوجت يا فهوود وماقلت لي

ضحك فهد وهو يأشر علي : لا يمه .. زوجة منصور؟؟ اشفيج

ضربت اليدة صدرها وقالت بشهقه : وووووووووووووه منصور تزوج ؟؟ .. وانا اقول منهي هالمزيونه الي قاعدتن عنده .. وانتي يامال الي مانيب قايله .. ماخذتن منصور وهادة ريلج؟؟

فتحت عيوني مصدومة .. عيل من مساعه شنسوي؟؟ .. انااااااااااا متى خذت ريال وهديت ريلي؟؟ اشفيها ذي؟؟ .. اشر لي فهد وهو يضحك انها فاقدة .. : فيها الزهايمر .. يمه يمه هاي زوجة منصور .. اشفيج قمتي تقطين خيط بخيط

اهااااااا .. توني افهم .. مت من الضحك فبالي يوم شبهت عووش بـ ميلان ههههههه لان ثنتينهم لابسين خضر اليوم فعبالها ميلان ههههههههههههههههههههههههههاي يحليلها يدة منصور ..

ابتسمت وانا اسمعها تصيح : اهئ اهئ ياولدي .. ايه عليك

ضحك فهد وهو يلم يدته ومنصور يلمها من الجهة الثانيه : شفيج يمه تتحسرين؟؟

طالعت منصور وهي تتحسر : اييي .. ودووووني لابوووويه .. ابي اروح لابوووويه

منصور : يمه من وين نطلع ابوج الحين؟؟

صاحت : ودوني له .. اهو فالسوق هاي حزته "وقته" يروح دكااانه .. صاحت شوي

منصور وهو يلمها زيادة : ان شاء الله احين انا وفهد نوديج له

وقف وهو يقول لفهد : يالله ؟؟

ضحك فهد : وين؟؟ من صجك ياخي ؟؟ .. خخخ اقعد اقعد احين تنسى ؟؟ ولا ناوي تدور فيها مابين الدكاكين ..

كنت اطالع فهد مستغربه .. كلش مايبين عليه غشمرجي .. تذكرت يوم رحت له .. يمه ..شكله يبعث الهيبه والخوف .. بس الصج .. وايد احلا عليه وهو يضحك .. عقدت حياتي وكتمت ضحكتي يوم جفت منصور قايم بيودي يدته حق ابوها .. هههه .. يحليله منصور ..

رن جوال منصورر .. ورد عليه : الو ... اي ... لا للحين ماطلعنا من عند يدتي؟؟ .. لا خالتي مب موجودة ... تبين فهد؟؟؟ .. لحظة .. فهد .. تلفون ...

سمعت فهد يرد : الووووو ... ياهلا .. افا افا ليش تصيحين .. وقف بسرعه .. شنوووووووووو ...طالع منصور ويدته وبعدها طالعني .. ورد يطالع منصور : زين زين .. ابششررري .. خلاص ياين لكم

دانة الدوحة 13-04-10 11:10 PM
ضربت اليدة صدرها وقالت بشهقه : وووووووووووووه منصور تزوج ؟؟ .. وانا اقول منهي هالمزيونه الي قاعدتن عنده .. وانتي يامال الي مانيب قايله .. ماخذتن منصور وهادة ريلج؟؟

فتحت عيوني مصدومة .. عيل من مساعه شنسوي؟؟ .. انااااااااااا متى خذت ريال وهديت ريلي؟؟ اشفيها ذي؟؟ .. اشر لي فهد وهو يضحك انها فاقدة .. : فيها الزهايمر .. يمه يمه هاي زوجة منصور .. اشفيج قمتي تقطين خيط بخيط

اهااااااا .. توني افهم .. مت من الضحك فبالي يوم شبهت عووش بـ ميلان ههههههه لان ثنتينهم لابسين خضر اليوم فعبالها ميلان ههههههههههههههههههههههههههاي يحليلها يدة منصور ..

ابتسمت وانا اسمعها تصيح : اهئ اهئ ياولدي .. ايه عليك

ضحك فهد وهو يلم يدته ومنصور يلمها من الجهة الثانيه : شفيج يمه تتحسرين؟؟

طالعت منصور وهي تتحسر : اييي .. ودووووني لابوووويه .. ابي اروح لابوووويه

منصور : يمه من وين نطلع ابوج الحين؟؟

صاحت : ودوني له .. اهو فالسوق هاي حزته "وقته" يروح دكااانه .. صاحت شوي

منصور وهو يلمها زيادة : ان شاء الله احين انا وفهد نوديج له

وقف وهو يقول لفهد : يالله ؟؟

ضحك فهد : وين؟؟ من صجك ياخي ؟؟ .. خخخ اقعد اقعد احين تنسى ؟؟ ولا ناوي تدور فيها مابين الدكاكين ..

كنت اطالع فهد مستغربه .. كلش مايبين عليه غشمرجي .. تذكرت يوم رحت له .. يمه ..شكله يبعث الهيبه والخوف .. بس الصج .. وايد احلا عليه وهو يضحك .. عقدت حياتي وكتمت ضحكتي يوم جفت منصور قايم بيودي يدته حق ابوها .. هههه .. يحليله منصور ..

رن جوال منصورر .. ورد عليه : الو ... اي ... لا للحين ماطلعنا من عند يدتي؟؟ .. لا خالتي مب موجودة ... تبين فهد؟؟؟ .. لحظة .. فهد .. تلفون ...

سمعت فهد يرد : الووووو ... ياهلا .. افا افا ليش تصيحين .. وقف بسرعه .. شنوووووووووو ...طالع منصور ويدته وبعدها طالعني .. ورد يطالع منصور : زين زين .. ابششررري .. خلاص ياين لكم


عقدت حياتي متخرعه .. اشصاير .. عسى خيييير؟؟

قال لمنصور باارتباك : يالله منصور .. اوصلكم البيت ولا ...

طالعني منصور وقال : تبين انروح؟؟

هزيت جتفي بـ ماادري وانا متفاجأة .. وخايفه بنفس الوقت .. شكل فهد يدل انه صاير شي .. اشر لي ولمنصور .. باس راس يدته وطلع مستعيل بحجى عنده شغل ؟؟ ..\


نفس الشي باس منصور راس يدته .. وانا سويت مثل ماسوى منصور ..

توني بااخطو خطوة والا يدة منصور تقول : تعالي يالمزيووونه .. وين رايحة عني .. تعالي تعالي

ضحكت وقعدت عندها : يمه انا بروح بيتنا .. اصلي ..

تنهدت اليدة وهي تقول : اييي .. زين يمه روحي ..

ابتسمت : ماتبين شي يا يمه؟؟

قالت لي : لاء مابي شي .. بس مب تتأخرين باانطرج انا ..

ابتسمت بتوتر .. بست راسها .. وطلعت جفت منصور عاقد حياته ومستند ع السيارة .. وفهد ساكت وعاض طرف شفايفه ..

: شسالفه ..؟؟؟

قلتها وكلي خوف صاير شي فــ امي .. حسيت بالدموع تتيمع فعيني وانا اهوجس خايفه على امي ..

هز راسه فهد : سالم .. سالم .. سوى حادث

شهقت مصدومة : شنو؟؟

طالعت منصور الي كان صاد .. ومنزل راسه


يعني مااات؟؟ .. حسيت بغشاوة تغطي عيني .. صحيح دعيت عليه طول الطريج في السيارة بالموت بس .. بس انا مب قصدي .. والله مب قصدي انه يموت .. يعني شي .. اي شي .. الا المووووت


حسيت بالذنب .. انا اشلون دعيت عليه بالموت .. اشلون ياني قلب ادعي على ولد عمي بالموت



مات !!


...............



" امل"


نزلت من الغرفه .. وقعدت فاللوبي .. صراحة ملل .. علي طول اليوم بالشغل .. اليوم هو اليوم الثاني لي .. وانا مارحت اي مكان ..

رن جوالي .. ارتبكت .. وابتسمت بنفس الوقت .. طالعت المكان .. اجوف اذا علي جــه ولا لاء؟؟ ..

تطمنت ورديت باابتسامه : هلا والله ..!؟

حسيته ابتسم: ياهلا بناعم الصوت .. السلام عليكم ..

استانست وانحرجت فنفس الوقت : وعليكم السلام .. والرحمة ..

قال بوله : شخبارها حبيبتي اليوم ؟؟ ..

ابتسمت : حمـــــــد كم مرة قلت لك ..

ضحك وهو يقول : ماقدر .. اذا مااقول لج حبيبتي اقول لمن؟؟ .. حبيبتي ومرتي وام عيالي ان شاء الله ..

استحيت وظليت ساكته ..

قال لي بشوق : امل .. امووله .. ياحلوة انتي ردي .. زين عطينا ويه " ابتسمت" .. يافديت المبتسم ..

عقدت حياتي .. وسمعته يقول : رفعي راسج؟؟


رفعت راسي .. وكانت الصدمة


قعد حمد على نفس طاولتي .. انصدمت سحب الكرسي وقعد .. حط موبايله وسويج سيارة .. وبطاقه الغرفه ..

قلت بصعوبه : حـ ـ ـمـ ـ ـد !!

ابتسم ابتسامه مافهمت معناها : بشحمـه ولحمـه وعظامته وكل مافيـــــه !!!







(انتهى)


الجمعه اذا الله راد .. واذا قدرت اكتب .. بنزل لكم بارت ..
هذا البارت .. لكل من طلب البشارة والحلاوة ^_^

dlo 14-04-10 01:45 AM
يعطيك العافية على البارت توقعاتي
سالم ماتوقع مات
امل بيذبحها علي
روضه ماظنتي تسامح سعيد
ومشكورة مرة ثانية على البارت

بحور الاسرار 14-04-10 01:39 PM
السلام عليكم ورحمة الله وبركاته
روعه الروايه
الله يعافيك

ان شاء الله سالم ما يموت
و اتمنى منصور ترجع له ذاكرته
ويحب ساره
شهد اكرها ما تستاهل محمد
علي
ان شاء الله يحصل البنت اللي تستاهله

اموره المزيونه 14-04-10 01:57 PM




دندونه

ماقصرتي على هالبارت الي يهبل


ياليت سالم عايش ويتوب عن اغلاطه

ويمكن علي يرتكب جريمه في امل ...

ويمكن منصور مع الصدمه ترجع له الذاكره


وناطرينج....

بوح قلم 15-04-10 09:52 AM
ندونه.. تسلمين عالبارت فديتج<< فيس يبوسج

تعالي الحينه انا يايه ارد عالبارت الجديم اجوف منزله بارت يديد.. شو هالدلع هذا ترانا ما نروم<< فيس مبتسم ويلمح انه ما رد عليج

فيس ثاني عق الفستان اللي كان لابسين للملجه دام الحفلة خلصت في البارت الجديم

سلوى وفيصل

بسم الله الرحمن الرحيم.. خير اخت سلوى.. شو سوابج حليله.. والله انه اليف<< فيس مصدوم.. عاد يوم جفتج تصيحين قلت يمكن عضها ولا ضربها<< فيس بدا يفقد اعصابه..فيصل انته جي<< فيس رومانسي حالم.. يا ريالما عليك منها.. هالبنات دومهن جي حركاتهن هبله مثلهن<< فيس رومانسي مقهور من سلوى

شهد

لا ما حصلتي الا اسم شهد<< فيس يحب هالاسم.. جان سميتيها علقم<< فيس مصدوم..انتي ما تستحين على ويهج.. ما تخيلين ها.. بلاج ضيعتي المذهب ها<< فيس قرر يخبر محمد على سوالفها

روضه وسعيد

زين تسوين به.. دواها زين على بدايه البارت كنت متعاطف وياه بس دام هاي سواياه طنشيه وخليه يولي<< فيس يحرضها.. وانته توه ما شي اخير عنك.. شو خبل بك وخلاك ترمس هالشمسه ها.. انته شكلك تبي تخرب بيتك باي طريقة<< فسي يهد عليه

علي

زين يا ريال.. ونعم الراي.. تعالج ودر هالخايسة عنك..وباجر بس ايي في بالك تعرس بتجوفينه خاطبه لك احسن وحدة في الدوحه<< فيس خطابه

امل و حمد

ما شاء الله والله واتطورت العزبه.. تلفونات وحب وخرابيط.. مواعيد بعد.. امول يالدبه انتي اللي عطيتيه المجال يعني لازم تتوقعين انه يطيح عليج في اي وقت<< فيس يحرك راسه.. << فيس روح يخبر علي

سارة ومنصور

لا شو هالثنائي الغاوي هذا<< فيس مبتسم ابتسامه خبيثة.. منصور انا شاكة فيك.. انته هب الاولي.. شكلك ردت لك حاسيتك.. وبديت تمثل على سارة<< فيس ذكي

سالم

لا .. صح ما احبك بس لا تموت<< فيس حزين

http://www.liillas.com/up3//uploads/...29afe633ce.gif

دانة الدوحة 16-04-10 08:29 PM
اقتباس:
المشاركة الأصلية كتبت بواسطة dlo (المشاركة 2263714)
يعطيك العافية على البارت توقعاتي
سالم ماتوقع مات
امل بيذبحها علي
روضه ماظنتي تسامح سعيد
ومشكورة مرة ثانية على البارت
شكـــرا لك

دانة الدوحة 16-04-10 08:33 PM
اقتباس:
المشاركة الأصلية كتبت بواسطة بحور الاسرار (المشاركة 2264588)
السلام عليكم ورحمة الله وبركاته
روعه الروايه
الله يعافيك

ان شاء الله سالم ما يموت
و اتمنى منصور ترجع له ذاكرته
ويحب ساره
شهد اكرها ما تستاهل محمد
علي
ان شاء الله يحصل البنت اللي تستاهله
شكـــرا لك

دانة الدوحة 16-04-10 08:35 PM
اقتباس:
المشاركة الأصلية كتبت بواسطة امار80 (المشاركة 2264600)




دندونه

ماقصرتي على هالبارت الي يهبل


ياليت سالم عايش ويتوب عن اغلاطه

ويمكن علي يرتكب جريمه في امل ...

ويمكن منصور مع الصدمه ترجع له الذاكره


وناطرينج....
شكـــرا لك

دانة الدوحة 16-04-10 08:36 PM
اقتباس:
المشاركة الأصلية كتبت بواسطة بوح قلم (المشاركة 2265799)
ندونه.. تسلمين عالبارت فديتج<< فيس يبوسج

تعالي الحينه انا يايه ارد عالبارت الجديم اجوف منزله بارت يديد.. شو هالدلع هذا ترانا ما نروم<< فيس مبتسم ويلمح انه ما رد عليج

فيس ثاني عق الفستان اللي كان لابسين للملجه دام الحفلة خلصت في البارت الجديم

سلوى وفيصل

بسم الله الرحمن الرحيم.. خير اخت سلوى.. شو سوابج حليله.. والله انه اليف<< فيس مصدوم.. عاد يوم جفتج تصيحين قلت يمكن عضها ولا ضربها<< فيس بدا يفقد اعصابه..فيصل انته جي<< فيس رومانسي حالم.. يا ريالما عليك منها.. هالبنات دومهن جي حركاتهن هبله مثلهن<< فيس رومانسي مقهور من سلوى

شهد

لا ما حصلتي الا اسم شهد<< فيس يحب هالاسم.. جان سميتيها علقم<< فيس مصدوم..انتي ما تستحين على ويهج.. ما تخيلين ها.. بلاج ضيعتي المذهب ها<< فيس قرر يخبر محمد على سوالفها

روضه وسعيد

زين تسوين به.. دواها زين على بدايه البارت كنت متعاطف وياه بس دام هاي سواياه طنشيه وخليه يولي<< فيس يحرضها.. وانته توه ما شي اخير عنك.. شو خبل بك وخلاك ترمس هالشمسه ها.. انته شكلك تبي تخرب بيتك باي طريقة<< فسي يهد عليه

علي

زين يا ريال.. ونعم الراي.. تعالج ودر هالخايسة عنك..وباجر بس ايي في بالك تعرس بتجوفينه خاطبه لك احسن وحدة في الدوحه<< فيس خطابه

امل و حمد

ما شاء الله والله واتطورت العزبه.. تلفونات وحب وخرابيط.. مواعيد بعد.. امول يالدبه انتي اللي عطيتيه المجال يعني لازم تتوقعين انه يطيح عليج في اي وقت<< فيس يحرك راسه.. << فيس روح يخبر علي

سارة ومنصور

لا شو هالثنائي الغاوي هذا<< فيس مبتسم ابتسامه خبيثة.. منصور انا شاكة فيك.. انته هب الاولي.. شكلك ردت لك حاسيتك.. وبديت تمثل على سارة<< فيس ذكي

سالم

لا .. صح ما احبك بس لا تموت<< فيس حزين

http://www.liillas.com/up3//uploads/...29afe633ce.gif
شكـــرا لك

دانة الدوحة 16-04-10 08:38 PM
دانة تعبه لذا انا من يقوم بالتنزيل

دانة الدوحة 16-04-10 08:48 PM

...::]][[ الحفنه الرابعه عشر ]][[::..(طاح القناع وانكشف كل مافيك ..لا وحسافه وقتي الي خذته )


" امل"


نزلت من الغرفه .. وقعدت فاللوبي .. صراحة ملل .. علي طول اليوم بالشغل .. اليوم هو اليوم الثاني لي .. وانا مارحت اي مكان ..

رن جوالي .. ارتبكت .. وابتسمت بنفس الوقت .. طالعت المكان .. اجوف اذا علي جــه ولا لاء؟؟ ..

تطمنت ورديت باابتسامه : هلا والله ..!؟

حسيته ابتسم: ياهلا بناعم الصوت .. السلام عليكم ..

استانست وانحرجت فنفس الوقت : وعليكم السلام .. والرحمة ..

قال بوله : شخبارها حبيبتي اليوم ؟؟ ..

ابتسمت : حمـــــــد كم مرة قلت لك ..

ضحك وهو يقول : ماقدر .. اذا مااقول لج حبيبتي اقول لمن؟؟ .. حبيبتي ومرتي وام عيالي ان شاء الله ..

استحيت وظليت ساكته ..

قال لي بشوق : امل .. امووله .. ياحلوة انتي ردي .. زين عطينا ويه " ابتسمت" .. يافديت المبتسم ..

عقدت حياتي .. وسمعته يقول : رفعي راسج؟؟


رفعت راسي .. وكانت الصدمة


قعد حمد على نفس طاولتي .. انصدمت سحب الكرسي وقعد .. حط موبايله وسويج سيارة .. وبطاقه الغرفه ..

قلت بصعوبه : حـ ـ ـمـ ـ ـد !!

ابتسم ابتسامه مافهمت معناها : بشحمـه ولحمـه وعظامته وكل مافيـــــه !!!

بلعت ريجي خايفه وتلفت بسرعه : حمد انت شتسوي هني؟ .. واصلا اشلون عرفتني ..!!

فتحت عيوني مصدووومة بالقو .. ارتجفت بخوف .. هذا عرف شكلي ومكاني؟؟ .. صحيح قلت له بااسافر بس ماقلت له وين .. او حتى وين بنسكن .. مت من الخوف .. على جذي فهو يعرف كل شي عني !! فتحت عيوني مفجوعه ..

جفته يمسك يدي مطنش الاسئله الي طرحتها عليه : شخبارج ..

سحبت يدي وانا متخرعه .. : حمد .. الله .. الله يخليك رووح ..

تلفت خايفه يدش علي فااي وقت

قال بااصرار : يه .. امل يبه ليش خايفه؟؟ ..

طالعته وقلت بصدق : اشلون مااخاف؟؟ اجابل ريال وماتبيني اخاف؟؟ .. ارجوووك .. ارجووك رووح

ابتسم على جنب .. وقال : زين انا .. رايح الحين... بس اتصدقين؟

طالعته خايفه ومرتبكه ومتوترة .. خايفه فأي لحظة يجي علي والله يقصبني ..! .. كمل وهو يتأملني من فوق لتحت : طلعتي احلا من تصوراتي

حسيت بقشعريرة .. انتفضت بخوف وتلفت .. تحركت بسرعه من الطاوله .. ورحت للفت .. فتحت ضغطت ع زر اللفت ..مرة ومرتين وثلاث لعل وعسى يجي اسرع ..

مادري اللفت بطيئ ولا انا الي كنت بااطير .. طالت المدة ووصل اللفت .. دخلته وانا مرتبكه واتلفت يمين يسار .. تحرك اللفت وكانت فيه عايله .. تطمنت .. بس العايله نزلت فالدور ال3 .. ودخل ريال ارتبكت يوم شفت ملامحه .. وابتسامته .. كان بااختصار "حمد"هذا متى صعد طابقه؟!.. فضى اللفت الا مني ومن حمد .. وكنت مرتبكة واطالع الارضيه .. وصلت الدور الـ 20 .. سمعته يقول : مابتنزلين؟؟

رفعت عيوني له وانا خايفه .. ومرتبكه...رفعت عيوني للفت .. جفته فعلا الطابق الي احنا فيه .. انتفضت وقلت بخوف : اشـ اشـدراك انـ انـ انـي بالطابق الـ

قاطعني وهو يبتسم: كل شي تتخيلينه وماتتخيلينه ع ـنج .. اعرفه !

صدمة .. هزتني .. ظليت ساكته في مكاني ..

سمعته يقول : حبيبتي .. يالله ..

سحب يدي .. ورحت وراه مثل الضايعه

قبل لا ادخل انتبهت على رقم الغرفه .. هذي مب غرفتي؟؟!!!


.......................

"سالم"

فتحت عيوني بصعوبه ..اخ .. احسها تحرقني ..صكرت عيوني بتعب.. ايي راسي يعورني بعد .. رفعت يدي باامسح على عيوني .. وتألمت زيادة .. فتحت عيوني بتعب.. جفت يدي مجبسه !! .. عقدت حياتي وحسيت بالالم يزداد فويهي .. تأوهت ..

وصكرت عيوني لعل وعسى يخف هالعوار .. انتبهت على صوت ..فتحت عيوني وانا احس بضباب فيها مب قادر اركز في الشكل .. سمعت صوته: سالم .. سالم تسمعني؟؟

قبضت على يده بيدي السليمه :مـ ـ ـاي !

سمعت ضجه حولي تزداد .. عقدت حياتي اكثر وصكرت عيوني .. متألم ومتضايق .. ثواني وسمعت صوته يناديني .. والازعاج فجأة اختفى : سالم .. سالم .. قوم .. اشرب ماي ..

حسيت ببلل في شفايفي فتحت عيني .. جفت صورة ضبابيه .. صكرت عيوني وشربت من الماي .. شربت حتى حسيت ثيابي تبللت بالماي .. تركت الجلاص الي ماسكه هذاك الريال الطيب الي سقاني الماي . صكرت عيوني متخدر ..

فتحت عيوني من يديد وانا احس اني شبعااان رقاااد .. تثاوبت ع الخفيف .. رفعت يدي السليمه وحكيت فيها عيني .. الغرفه كانت مظلمة .. وكان فيها جسد شخص متكي ع الكرسي .. حاولت ارفع روحي بـ يدي السليمه .. ولقيت صعوبه صرااحة وانا ارفع نفسي .. تنفست بتعب عقب ماسندت نفسي ع المخده .. فتحت الليت الجانبي .. وتوجهت انظاري للشخص الي نايم بكل هدوء

كان منــــــــــــصور .. ابــدا ماتوقعت يكون منصور ..!! .. غيمه من الاحزان رفرفت فوق راسي .. انا مااستاهل منصور يجي وينام عندي ..انا .. انا .. صكرت عيوني بألم ..

وافكاري تاخذني يمين ويسار .. اشلون ييت للمستشفى هذا كان اكبر سؤال ناوي اسأله منصور او اي احد يزورني باجر انتبهت على ساعه معلقه على جدران الغرفه تشير للساعه 3 الفير ..

تنهدت .. وحاولت اغمض عيوني واغط لعل وعسى اقوم والقاهم عندي يجيبون على استفساراتي


.............

"سارة "

اليوم اول يوم ارقد ومنصور مب حذاي الا هذاك اليوم الي نام فيه مع سالم.. كان دوم يزعجني بأسألته بكلامه ..وحتى بااستفساراته الغبيه .. بالمصطلحات الي يسمعهم .. بسوالفه واشسوى فيومه .. تقلبت .. يسار .. وانا اشم ريحة عطره فالمخده .. ياحبي لهالعطر .. سامعيييييييييييين للعطــــــــــر .. مب تطلعون علي اشاعات لا صارت ولا استوت .. صكرت عيوني وانا اتنفس ريحة العطر ..

طرشت له مسج من الملل " شتسوي؟ " ... رد علي بعد فترة طويله " مستيقظ "
هههههههههههههههههههههههههاي .. حلوة مستيقظ وين قاعدين بحصه عربي هههههههه الله يخس ابليسك يا منصور .. ههههههه لالا والله مااقدر .. حلوة حلوة مستيقظ هههه.. رديت طرشت له " قام سالم؟؟"

" استيقظ قليلا ثم نام من جديد" هههههههههههه يقطع العربيه الي عليك ؟.. والله خوش عربيه هههه لو انا ماعرفت اعبر ولا اكتب ..> اصلا انا وايد فالحه ..

خخخخ .. سكت .. قررت مااطرش له شي .. لاني حسيته بيقلبها حصه عربي ههههههههههه وانا مابغيت افتك من المدرسة يجي هذا يكملها علي هههههههههه .. بس والله هههههههههاي

قعدت ع السرير وانا ميته ضحك .. قررت اروح انام عند سلوى لان بااختصار جناحنا كبير .. واخاف ارقد فيه بروحي .. قمت اتخيل اصوات .. ومادري ليش طرا فبالي طبعه الريل الي جفتها ذيك المرة .. من ردت لي هالذاكرة لهذلك اليوم الا فزيت متخرررعه .. وبسرعه رحت توجهت لغرفه الملابس

لبست عبايتي ولفيت شيلتي .. شليت مبايلي معاي هههههههههه يمكن منصور يطرش لي شي يضحكني هههههه ..توجهت لغرفه سلوي طقيت الباب .. وفتحت لي بعد فترة مستغربه .. اشرت لي ادخل .. وقالت للي تتكلم معاها ع التفلون : ثواني ...!

سدت الخط بيدها وهي تقول بااستغراب : ساروة شفيج؟؟ فيج شي؟؟ منصور؟ سالم؟؟ فيهم شي

هزيت راسي بالنفي واستلقيت وياها ع السرير : لالا .. برقد عندج" كملت بطنازة فنفسي" مااعرف ارقد بدون منصور ..هه!

ابتسمت وغمزت لي .. ضحكت .. مع ويهها تحسب اني احبه ولا تحسب انه رد طبيعي .. ياعمي .. انا ماادري اشلون مخلينه ينام ويا سالم .. راح ايجننهم الحين .. همممم فكرت .. اني فعلا اشتقت لمنصور حتى لو اخفيت هالشي .. صكرت عيوني وانا اتذكر يوم قالو لنا ان سالم سوا حادث .. وانا لاني كنت ادعي عليه طول الطريج حسيت بالذنب وخطر فبالي انه مااات ..بس فهد انفجع يوم سألت مااااات؟؟ قال لي متخرع لالا فال الله ولا فالج !! يابوي حادث بسيط .. بس كسر ورضوض بسيطة ..!! ..

عقدت حياتي تعااالو مب يقولون في المستشفيات مافيه اماكن واسره"جمع سرير" والغرف بالليالله تكفي مرضاهم ولا الواسطات وعمايلها؟؟

ضحكت على غبائي اكيد الواسطات تلعب دور .. وبعدين هذا ولد الوزير سلـــــــــطان الـ ............. مايلقون له حجره هه؟؟ ..

انسدحت عندي سلوي ويدها تلعب بشعرها ووعلى شفايفها ابتسامه خجوله : اي ..مرت اخوي .. هههه .. اي .. رحت له؟؟ .. والله؟!... اممم ... يالله عاااد فيييييصاال .. راقبتها وهي مبتسمه وتتكلم بسعاده وخجل .. ياحليلج يا سلوي والله تستاهلين ..

ياترى بيمر علي يوم واتكلم بعد انا بهالسعاده مع انسان احبه ويحبني بعيد عن منصور ..مادري ليش طرا فبالي ثاني ..أأأأاخ يا ثاني .. نهرت نفسي بقوة .. وظليت اتأمل سلوي بحالميه ..

:لا عاااد ..كملت بخجل .. مااقدر استحي .. ههههه .. ان شاءالله ..شكرا "احمر ويهها زيادة " نغزتها وانا اهمس لها : اشقال الا قلب ويهج طماط

اشرت لي وهي تبتسم بخجل ..: وانته من اهله ..!! ... باي !

صكرت الموبايل وهي عاضه شفايفها وتقول بااحراج: ياربي سروووي .. اينن هالريال اينن .. من اسمعه يدق قلبي .. ويدق ويدق ويدق ..

ضحكت وانا اتمصخر : حشا ساعه ذي مو قلب

ضحكت سلوي معاي .. وانسدحت اكثر براحه طالعت السقف وهمست : سروي

كنت حاطة يد تحت راسي واليد الثانيه ع بطني وانا نفسها اتأمل بسقف الغرفه المظلم : هممم

التفتت علي : تحبين منصور؟؟ ..

تفاجأت من سؤالها .. احبه؟؟!!! .. حسيت بشي يتغير فاانفاسي وقلبي.. مادري هو تلاطم بحور فقلبي بالصخور ولا ايش بالضبط .. ضياااع !! ... : ها ...اممم .. عادي !!

حسيتها ابتسمت وهي تقول : سروي انا ...

قاطعتها وانا ابتسم : تحبين فيصل .. يبين عليج اصلا !!

ضحكت وسدت ويهها بخجل : قولي والله ياربي فضييييييييييحه ..

ضحكت وانا اقول : لا عادي تراه ريلج .. وبيني وبينج شكله ينحب

شهقت وهي تقول : شنووو؟؟ واشدراج انتي

ضحكت على ردة فعلها :هههههههههههههه .. هدي هدي اعصابج ..(فكرت بجديه) همممم .. من طريقه كلامج عنه .. من افعاله .. يعني انا عمري ماجفت ريال رومانسي وكل يوم مشقل"مشتري|" له هديه حق مرته وداز لها سلة ورد .. ولا علبه تلفون ولا خرابيطه الي ماتنعد

تنهدت سلوي وانا اطالعها تضم الموبايل لصدرها : بس تصدقين .. هو وايد جريء

استعدلت بقعدتي : اشلون يعني؟؟

قامت هي بعد قعدت وهي تقول : يعني .. مادري .. اتعرفين انتي .. اكيد منصور فيه جرئه .. بس هو ريلج وانتي فبيته يعني من حقه .. بس فيصل وااايد جريء

فتحت الابجورة وانا اطالع ويهها شوي وينفجر من الحرارة : اشلون يعني وايد جريء

قالت لي بخجل : يعني يمسك يدي ... ومرة .. مرة حاول يبوسني.. "قالت بطريقه سريعه ودفاعيه" بس ماخليته ظليت مصدومة ..

عضيت شفايفي .. امبيه هذا جرريء والله !! .. هذا وللحين ماتزوجها وجذي .. بس يحليله .. اكيد يحبها .. الله يوفقكم ويا بعض ..

كملت : قعدت اصيييح .. وهو يحاول يسكتني ..

ضحكت عليها : ياغبيه ههههههههههههه .. انزين ليش تصيحين .. ههههههههههه

سلوى طقتني : سرووووي احراج وعيييب .. والله زين مااغمى علي ...لا ويعني يهدي فيني شوي ويلمني

فتحت عيوني مصدومة وفقعت من الضحك عليها : ههههههههههههه

قالت سلوى بااحراج|: اتفقت وياه ان خلاص الزياارات توقف .. بس شكله يمشي الي براسه .! بعد باجر بييي يزور سالم ويقول لي طلعي استقبليني .. ياشيييخ انا زين مااسيح من الاحراااج اروح استقبلك


ضحكت انا وياها .. انبطحنا من يديد ... وانا اضحك على سلوي .. سمعتها تقول : واشلون منصور وياج .. اقصد .. عقب ما...........سكتت شكلها ماعرفت شتقول ..

ارتبكت ..وماعرفت شـ اارد عليها .. شـ اقول لها اصلا .. بس انقذتني رنة المسج بجوالها .. وفزت هي تقرا المسج .. ضحكت عليها بداخلي ودعيت لها الله يوفقها .. وظليت محتارة انا .. كانت وايد اشياء تارسه مخي
ومن ضمنهم .. دورة الايلز الي قررت ادرسها ..


صكرت عيوني .. ونمت بدون حاسيه من التعب وانا احس بتقلبات سلوى
.................

"روضه "

شيكت على شكلي لاخر مرة .. وتعطرت بكثااافه .. طلعت من غرفتي وقعدت في الصاله .. ثواني واسمع سعيد يرحب ويهلي بـ امه .. واخته ..وعيال عمه وفعلا .. دقايق واستقبلتهم باابتسامه حيوية من شفت عذوووب .. ياقلبي على هالبنت .. وكانت نيلا وعليا موجودات ويا امهم ..

قعدت وسولفت ويا عليا : العفو حبيبتي ولو |.. اذاا ماتذكرت علايه اتذكر منو؟؟

عليا وهي تبوسني : فديييييييت حرمة ولد عمي .. تعرف السنع .. مب ... وتنغز عذوب .. بعض الناس

ضحكت عذوب : يابوي خلاص ذليتيني من قطر وهي تتمدح فيج حتى منصور ريل ساروه انعجب فيج من المدح الزايد

فتحت عيوني وضحكت على عذوب

عليا : عذوووب يالخبله .. لا يسمعج سعيد ويظهر فيوزاته الحين هههههههههاي

عذوب : لالالا اتغشمر انا ههههههههه شو كل شي تصدقون

ابتسمت على عليا وعذووب .. هالثنتين دووم يضحكوني .. بس اضطريت استئذن منهم .. واروح ايلس مع عمتي ام سعيد ..رحت ويلست حذالها

مسكت يدي وهي ترحب فيني ورتبت ع جتفي يوم يلست قريب منها : فديييت رواضي .. شحالج امايه ؟؟ان شاء الله احسن ومب تعبانه

ابتسمت بخفه .. : الحمدلله ..

سكتت ام سعيد متلومه من موقفها ع زواج سعيد : ياامايه انا ماكان باايدي شي .. تراه هو الي قرر وكـ

قاطعتها باابتسامه : حصل خير .. انا وسعيد متفاهمين ونزلت راسي ..خفت عيوني تفضحني

دمعت عيونها ومسحتها بطرف ايديها : فديتج يااميه الله يكملج بعقلج .. قربت مني وحاولت اتبوس راسي بس انا مارضيت بست راسها .. وهالحزة رن التيلفون .. تحركت بثقل وشليته .. سمعت سعيد يتخبر عن الاكل جان وصل ولا لاء .. لانه حلف انه يطلب من برع عسب مايتعبني او شي جذي ..بس مادري ليش طلب مني اجي لعند باب الدهليز لانه بيعطيني شي؟؟

رفعت حياتي بااستغراب ورديت بفتور : اوك ...

استئذنت منهم .. ورحت للباب .. اول مارفعت عيوني شفت سعيد يطالعني باانبهاااااااار قربت للباب وقلت وانا اعدل شيلتي ع راسي ... : بغيت شي؟؟

ابتسم لي .. وجفته بجمود .. سمعت اطراءة .. بس ماكان عندي اي تعبير .. قرب لعندي.. وبعدت خطوتين : شو تبا؟؟

سكت وشكله محطم : ماشي .. اندوج هالجيس من اخويه منصور .. لسلامتج !!

قلت وانا ارتب شكلي : طيب .. ناده ابا اسلم عليه

طالعني وشكله معصب : بدون عبايه؟؟!

طالعت لبسي وقلت متعمده اقهره : شو فيها؟؟ .. فستاني طويل لعند الركب .. وتحته بانطلون .. يعني ماشي ظاهر؟؟ " كنت لابسه فستان حريري باذنجاني بقصه رووعه عند الخصر .. وتحته بانطلون استرج مقلم بالذهبي الغامج والفاتح وكان طقم مع الفستان"

قال وهو يصك ع اسنانه : ردي داخل احسن لج ..

تعمدت اطيح شيلتي بشكل مايثير شكه انه متعمد وكأنه تلقائي .. وانساب شعري من تحت الشيله بتموجاته العريضه الي سويتها .. وخصوصا مع صبغتي اليديدة كان شكله "مغري" بااختصار ..

دانة الدوحة 16-04-10 08:50 PM

وقفت وكأني نسيت شي التفتت له وجفته يطالعني مبهووت .. ومبهووور بنفس الوقت .. قلت له: آآآ .. حمدان وحمدوه .. بالميلس؟؟ ..

بلع ريجة وقال لي : هيييه... روضه.. شو مسويه؟ محلووة ومتغيره؟؟!

رن موبايلي وكانت عذوووب .. استاانست واايد عشان خطتي بتنجح بااتصالها .. ابتسمت بمكر وانا ارد عليها بنعومه واعطي سعيد ظهري متجاهلته : هلا حياااتي؟.. ضحكت بخبث .. وتحركت خطوتين رايحة لداخل .. قاصده اثير غيرته..

بس الي ماتوقعته يد سعيييد الي يرتني بقوووة :وقفي ..

طالعته وعقدت حياتي معصبه من تصرفه .. بس كنت حابه اثير غيرته .. لكنه سحب الموبايل من يدي .. ورد ع عذوب .. وصرفها بالمختصر ..

صكر الموبايل وقال لي بغيض : شو هالحركات اخت روضه؟!

طالعته بقوة وقلت له : انت قلتها اخت ! .. وبعدين انا قلت لك من قبل لا ارجع هني .. كل واحد وله طريج !! ومااظن نسيت هالشي ...

سحبت ايدي بالقوة من ايده .. ومشيت عنه بسرعه داخل .. خفت يثير مشكله ثانيه .. بس الحمدلله .. نقذت نفسي فااخر لحظة !!

..............
"حمدة "

قلبي يرقع ..كانت صدمة لي ان .. حميــــــــــــــــــد .. يتقدم لي .. يعني صدق صدق ماتوقعت حميد !! .. حميد انا كنت احسبه شرات اخوي .. الحين يصير ريلي؟؟ .. اصلا انا كنت اشوفه شي .. شي صعب المنال .. من .. من يوم نحن صغار .. لان بااختصار .. كان .. كان بعيوني غيــر .. عشان جذي ماتكسرت هالصورة من سنين .. ولا حاولت تتكسر .. بس بس صدقوني صدمة صدمة .. بعد تجربتي القاسيه انا خلاااص عفت الدنيا وعفت كل شي .. اشلون الحين اتزوج حميييد ..

صكرت عيوني.. ياحميد مابغيت تتقدم لي الا .. الا يوم تطلقت ..!! .. هه .. انته تستاهل الاحسن مني ياحميد مستحيل اظلمك مستحيل ..!!

رن موبايلي .. ورفعته بسرحان : الووو .!!

سمعت حس واحد .. وكان يرمس بالانجليزي .. ولاني هب ذاك الزود فالانجليزي .. زقرت عفاااري تيي ترمسه ..

يلست عفروه وهي تقول : what?? وكملت بغيض now do you ask about her?? Where were you when she need you?? Where were you when she was tired? Where were you when her father dead? Now do you ask?? Oh my god just I want to know which kind of heart do you have??

طالعتها مب فاهمه هي حق شو مغيضه ؟؟ .. وحق شو مطوله الرمسه .. شو يبا هالريال .. ومنو هاه ؟؟ ..يعني معقوله يعرفني هالريال؟! .. صكرت من الريال وهي مفوووورة ع الاخر

قلت لها بااستغراب : عفاري شو يبا الريال؟؟


قالت بعصبيه وارتباك : ها ؟؟ .. لا ماشي يتحسبج حرمته !!

عقدت حياتي وانا استرجع بعض كلماتها .. بس وقفت الدمعه فعيني : هذا غيث صح؟؟

فتحت عيونها منفجعه : شو ؟!

صرخت وانا اهزها : هذا غيث ؟ .. انا متأكدة .. صحت .. انا انا .. حسيت من نبرة صوته .. شرات نبرة صوت ابويه .. هزيت راسي ااكد كلامي .. هيه هيه .. انا اتذكر .. صحت .. عفاري شو يبا اخويه؟؟!

قالت بضيج عفرا وهي تلمني : يسأل عنج .. وكان يبا ..!!

صرخت : شوووو ... يبا شو ؟؟ ..

سكتت ونزلت راسها .. هزيتها بقوة : رمسي عفاااري ..

قالت بنبرة قاتله : يبا يجسم "يقسم" الورث .. ويبا .. يبا توكيل ع فلوسج بما انج اطلقتي ..!!!

طحت من طولي : شووو !!


..................
"سالم"

قمت من النوم وانا مصحصح عدل .. واحس بنشااااط غير شكل .. تحركت من السرير وانا احس كل عضله فجسمي متشنجه من النوم والاداوي .. اخ .. احس وكأنه احد توطى فبطني وكفخني ذيج الكفوف العدله ههههه ..
رن موبايل قريب من الكومدينو .. رفعته وانا اجوف مكتوب "بدون اسم " .. عقدت حياتي .. مااتذكر اني مسجل اسم بهذا الاسم؟!

حركت جتوفي بـ "مادري" والمتني يدي .. اااااااااخ .. فتحت الجوال .:الو......؟

ياني صوتها النشيط واسمع صوت ازعاج عندها: هلا واللله .. وينك؟؟.. تأخرتواااا ..

طالعت الجوال اتأكد .. هاي ساروة ولا انا اتخيل : .. اهلين .. ريلج راقد .. اما انا من الصبح مخليني بروحي

كنت اسمع صوت ادراج تتصكر.. بس بعد جملتي كان هدوووووووووووووووء ..:..........

قالت بعد مدة :سالم؟؟؟!

قلت بهدوء وانا ابتسم على طريقه كلامها: اي؟!

طااااااااااااااخ .. صكرت فويهي .. عضيت على شفايفي منقهر ومنحرج بنفس الوقت .. وقحــه هالبنت !! .. تذكرت الـ"هلا والله" اااخ ويهي .. ابتسمت على شطانتها وعلى برائتها ياحليلج يامــــــرت اخوي.!!

صكرت الموبايل واكتشفت انه موبايل منصور مب موبايلي .. اوووه صج اني مضييع بالقوو !!

تحركت للحمام .. تغسلت .. وغيرت البجامه بعد معاناه ولبست ثوبي وكانو قاصين وحدة من اليد عشان الجبس..طلعت من الحمام .. ومنصور على نومته..ابتسمت .. بس سرعان مااختفت ابتسامتي حسيت بالذنب منه ..!!

قعدت افكر بوووايد اشيااء منها حياتي ..حسيت اني وااايد وااايد اخطيت في حياتي .. قررت اغير من اسلوب حياتي .. وقررت اني ....

انطق الباب .. ودخل وراه واحد لابس ثوب وعقال وغترة .. دققت فيه .. وابتسمت بخجل منه : هلا فهد

ابتسم لي : هلا بولد الخاله .. اشدعوه اشدعوه تقيس غلاتك ولا شنو؟؟

سلمت عليه وحضني .. حسيت لوهله بحب اتجاهه .. ابتعدت عنه وقلت : لا بس .. شوي كنت شارد وماانتبهت ع العامود ..!

ربت على جتفي: ياخي سلامات .. ماتجوف شر .. ادري فيني مزعج وياي من صباح الله .. بس يالله استحملني شوي

ضحكت وقلت له :هو مزعج مزعج ماقلت شي يديد ..

فتح عيونه وضحكنا ويا بعض .. ياااه اول مرة احس فهد شخصيه حلوة ..

قعد فهد وااشر على منصور : للحين نايم؟؟

قلت بمزح: اي مادري عنه .. شكلهم ماعطينه مخدر بدالي

ضحك بخفه .. وحاولنا نقعد منصور .. بس ابد مافيه فااايدة .. اول مرة اكتشف ان منصور نومه ثقيل .. عفوووا .. اول مرة اكتشف شي عن اخواني .. وعن حياتهم الخاصه .. حسيت بالذنب .. ياترى هالكثر كنت بعيد عنهم ..
آآآآخ بس .. الحمدلله ان الحادث غير شي ولو بسيط فيني ..>مااتوقع بسيط يا سالم مااتوقع

قعد منصور بعد فترة طويله .. وطبعا يابو لي ريوق المستشفى بس فهد كان سابقهم ويايب معاه الريوق .. استانست وااايد خصوصا يوم جفت اهتمام الاغلبيه فيني .,. بس الي عور قلبي ابوي .. ابوي الي ماكلف على نفسه يجي لي .. منغمس في الشغل والركض ورا الفلوس ..

كرهت الفلوس كرهتها .. لانها هي السبب في كل الي يصير لنا .. كلنا من كبيرنا لين صغيرنا .. محمد زوجاه وحدة اكتشفت انها خايسه وماتستاهل اخوي .. بس عشان ابوها شريك ابوي في شركة من شركاته ..وسلطانه تزوجت من واحد له شركات في الغرب قبل الشرق و يكبرها عشر سنين .. بس طلع ولد اصل وناس \.. هه .. ياخوفي من سواياه من ورانا .. بس الله كريم .. ويارب يارب توفقها .. وانا .. انا تدمرت .. والبنات ملتمين حولي عشان افلوس ابوي مو اكثر .. والي اصدقت معاي راحت وخلتني .. ومنصور ااه مسكين يا منصور .. ابوي حرماه يتزوج البنت الي يحبها بس عشان ابوها مب غني كفايه .. وسلوى .. اكيد يتبعها الدور دامه زوجها مصلحه .. لكن انا متأكد ان فيصل غير عن ابوه .. ان شاء الله بس يسعدها ويكون مخالف ظني وخوفي .. وماجد .. اصدقاءة ينعدون ع الاصابع .. وبمدرسة انجليزيه .. مايختلط ويا اعيال كبرة وفي عمره ومثل عاداته وتقاليدة اكثرهم اجانب وانجليز .. واذا صادف والتقى بواحد قطري هناك .. ولد ملياردير وتفكيرة مصلحة× مصلحه

فتحت عيوني وانا احس بالهم .. وامي .. هه .. زارتني وماتمت الا شوي وراحت .. قال ايش قال نجهز لسلوى .. ومن صوب ثاني هي رايحة عزيمه ماادري من ..!! انا بس ابي اسأل دام مافيج ذرة امومه .. دام مافيكم على العيال ومشاكلهم ليش جبتونا عشان نتعذب؟؟

منصور : سالم اشبلاك"اشفيك"... ويهك صاير اصفر ؟؟

قلت باارهاق بعد النشاط الي حسيت فيه الصبح : لا بس .. ماودكم تتريقون؟؟ ..وانت متى قمت؟

فهد : افا عليك .. انا جايب الريوق وتقول مابتتتريقون .. يالله شباب كل واحد يشمر عن اكمامه ويسمي .. هو صح ريوق متواضع ولكن ..

ضحكت وانا اقول : ياشيخ جايب لنا فلافل و فول من اول الصبح .. ارحم بطني متفجرات بيصير فيه

ضحكنا كلنا .. اول مرة اكتشف الجانب المرح في شخصيتي ..

قال منصور : اخ بس تعبان .. ظهري متكسر

قال فهد وهو يفتح عيونه بالقو : وشو ؟؟ تعبان؟ من الليل وانت راقد وهالمسكين قاعد بروحهه

ضحكنا كلنا .. وقلت لمنصور بصدق : ياريال اشعليك بترد البيت المرة مجهزة لك السرير .. وتهمزك .. اخ بس يا فهد لنا الله

فعلا كنت صادق من كلامي .. وسبحان الله .. الشعور الي كنت اكنه لسارة بس هو حمايه لها .. مش حب .. انا بس كنت اهلوس بـ حياة وتمنيت بنت مثلها وكانت سارة هي البديل لها .. والصدمة الي صدمتني فيها شهد خلتني اصحصح من الي انا فيه .. معقوله انا كنت افكر في مرت اخوي؟ .. كنت نذل .. حقير .. الي تقولونه قولوه ماالومكم .. اذا انا نفسي كرهت فعلة شهد والي سوته .. معقوله انا كنت بهالدناءة وبهالتفكير الوسخ .. اخ يالله سامحني

عبس فهد بتمثيل : اي والله .. نتبادل منصور

ضحكت انا وياه .. اما منصور طالعنا بطرف عيونه : اكلو بس اكلو .. لا اكلكم تراب .. قال شنو قال نتبادل .. ياشيخ خلوني اتهنى للحيني معرس

ضحكنا عليه .. وكملنا اكلنا بعدها رخصوني بااصرار مني خصوصا انه مافيني شي .. ماغير شويه رضوض .. وكسر باليد وبس ..

وصلنا للبيت .. وكانو بااستقبالنا .. سلوى .. شهد .. و,, عيال محمد .. سلطانه .. وسارة يوم جافتني دخلت .. طالعتني بااحتقار وصدت للجهه الثانيه .؟.

سامحيني يا سارة .. انا اسف ..

صدقيني كنت غلطان وغلطان واييد .. اسف .. اسف ..!! ..

طالعتها بحسرة .. اما هي طالعتني بغيض وبعدها على طول جافت منصور .. وبعدها تحمدوا لي السلامة .. وكانت شهد نظراتها حزينه وتشيع يدي ..

اما انا فكنت احتقرها وكارهه وجودها .. بالضبط مثل ما سارة كارهه وجودي ..

ياو عندي عيال محمد وقعدوا عندي يتسائلون عن الجبس .. اما انا كنت اطالعهم وافكر .. ياترى شهد خاينه .؟ وباعت جسدها .. ياترى

صكرت عيوني متألم .. لالا.. حتى لو كانت وقحه بس ماتوصل .. اي اي .. اقنعت نفسي انها فعلا ماتوصل وتتجرأ .. مستحيل .. مسحت على شعر جسوم ولدهم الصغير .. اما هو فكان يلعب في الجبس ..

ابتسمت وانا اسمع ميروه تقول حق اختها : لااااااا يالغبيه بيعطونه اجازة

دفتها منيرة وهي تقول : انتي الغبيه

ميروة وهي تدافع عن نفسها : انتي .. عمي صح انته بتاخذ اجازة من شغلك عشان يدك اتعورك؟؟

عقدت حياتي .. شغلي؟؟ .. صحيح يا ميروة يبتيها .. لازم اأسس نفسي من يديد واشتغل .. لين متى بااعتمد على ابوي في المصاريف لين متى ؟؟ انا ريال .. وكل الي كبروا اسسو عيله ..وحتى منصور الي هو منصور يشتغل! .. ياالله .. انا اشلون كنت افكر؟؟ لا دين ولا اخلاق ولا حتى شغل !! .. انا اشلون كنت عايش؟ اشلون

هزيت راسي وانا اقول : انتي اذكى وحدة ..

بوزت منيرة وهي تقول بدلع ومعترضه على كلامي: عممممممممممممي واااااااااااااناااااااااااااااااا؟؟

ابتسمت وانا ابوسها : وانتي بعد

تدخل ولد سلطانه حمودي الشيطان : وانااااااااااا خالي .. مب شاطر ؟؟

ابتسمت وانا اقول لسلطانه : ياذي البلشه .. لايبه كلكم شطار واشطر مني بعد

قال لي حمودي الصغير وهو يأشر على نفسه باافتخار : اصلا انا ابوي يشتغل احسسسسسسن منك ويوووووو


فتحت عيوني على اخرها وعضيت طرف شفايففي : ايا الدب .. هذا وانا خالك جي تقول عني

ضحكت سلوى وهي تقول : صاج ولدي

قلدت حجيها وبطنازة: ثاد ولدي .. .. يالله.. قلت لها بعد مادزيت جتوفها بخفه : يالله اجوف .. بسج .. بدال مااتدافعين عني تدافعين عن الغول وابوه

عصبت سلطانه : سلوووم وويعه ..

ضحكت انا اما هي اشرت على نفسها : يعني الغول ماياخذ الا غوله .. قصدك اني غوله


مت من الضحك على سلطانه وتفكيرها ياحليلها سلطانه : ههههههههههههههاي .. لافديتج محشومه ..

بست راسها .. وهي شكلها انحرجت وباست يبهتي .. حسيت اني وايد وايد كنت بعيد عن هلي وبالاخص الوردات الرقيقات خواتي .. سمعت سلطون تقول وهي توقف وتمسك يدي تساعدني: يالله قوم نوديك غرفتك .. ترا سلوي من الصبح ترتب فيها

جفت سلوى واقفه على الدري ..ابتسمت لسلوي بحنيه ورتبت على مكان عندي : تعالي سلوى ..

تقدمت شوي بخجل وقعدت عندي .. همست لها /:اشلونج عساج بخير؟؟

ابتسمت وعيونها تلمع بالدموع : دامكم وياي انا بخير ..طالعتها وهي تشاهق..عقدت حياتي يوم جفتها صاحت وهي تلمني .. تكفى ساااالم انتبه على نفسك .. شهقت بصياح : مابي افقدكم ..

ضميتها وانا احس بحنان اتجاهها .. : فدييييت الحساسين انا .. خلاص باانتبه ولا يهمج .. همست لها .. اشلونج ويا فيصل ..

ويهها قلب احمر من الاحراج والصياح .. مسحت دموعها ونزلت راسها وقالت بخجل كبييييييييير : بخير ..!

ضحكت وانا مستانس يارب يوفقها : ان شاء الله دوم .. زارني امس ريلج فالمستشفى

طالعتني مصدومة وبعدها قالت ببراءة \: صج ؟ هو قال لي ان بيي اليوم لك ..

دانة الدوحة 16-04-10 08:51 PM

ابتسمت ...وقلت محاول احرجها : وقمنا نكلم ريايلنا بعد

عضت على شفايفها منحرجة وقالت ببراءة : انته ماترضى؟؟ عيل اشلون هو قال لي انه خذا الرقم منك

ضحكت وقلت لها : لا ياحبيبتي ارضى ليش ماارضى هو ريلج الحين ومالي حق امنعه .. بس الزيارات مانبيها تكثر زين ياحلوة

هزت راسها بطاعه ..


انتبهت ان منصور وسارة محد .. رفعت حياتي .. وابتسمت .. الله يسعدهم .. ياريت يا منصور تحافظ عليها يارييت ..



..............

"سارة "

انتبهت على منصور وهو يأشر لي على فوق ؟؟ .. رحت فوق وياه وانا مستغربه .. دخلنا الجناح .. فتحت شيلتي على طول لان اليوم بدت الحرارة تعلى خصوصا ان احنا في الصيف ودخلنا شهر 7 .. اوووه ماباقي الا شهرين وتخلص الاجازة الصيفيه اوووه لاااء مااصدق .. مر شهرين على زواجي لالا 3 شهور؟؟ لالا اشدخل 3 اشهور صج اني مفهيه .. انا تزوجت شهر 5 يعني تقريبا شهرين واذا بندقق اكثر شهرين وثلاث ارباع مادري وشولالا كملت شهرين وشوي يمكن واسبوعين؟ امبيه معقوله .. والله ماحسيت فيهم .. يووه طارو طيرااان

دخلت غرفه النوم .. ومنصور دخل وراي .. توجه للحمام .. قعدت مجابله التسريحه متملله .. اوفف .. تذكرت اليوم العصر بروح ويا سلوي نشتري لها ونجهز .. اكتئبت صراحة .. انا فزواجي ماجفت هالاهتمام كله .. طبعا امي ومرام ماقصروا .. بس فرق .. حسيت ان احنا كنا مضغوطين حيل .. وسلوى عطوهم مهله .. وحتى انها بتسافر لبنان ودبي وجدة وغير الدول الاوروبيه الي بتروح لهم و تشتري لها فساتين وهالخرابيط .. حسيت بقهر اتجاه عمي .. اكرهه .. وكل يوم يزيد كرهي له

تذكرت يوم كنت بثاني ثانوي .. يوم سافرت ويا ابوي علاج للندن .. يوووه ياكرهي للندن .. كرهتها من قلب .. لان الغالي توفى هناك .. اخ يابوي .. تذكرت ان ابوي ياته جلطة بعد مااكتشف ان عمي نهب شركته .. وفلوسه .. تبعا للصفقه الي كانت بينهم .. كرهت عمي كره شديد .. ولازلت اكرهه .. كل هذا حقد على ابوي .. كل هذا الحقد متوارث بينهم .. اتذكر اشلون عمي كان يعامل ابوي .. كان يكره ابوي .. يكرهه حيل .. لان ام ابوي غير عن ام عمي .. وكانت ام عمي هي السبب في اشعال فتيل الكره والحقد والثأر لنفسها عن طريق ابوي .. كانت تحاول تثأر لنفسها ليش ان يدي .. كان يحب ام ابوي اكثر من ام عمي ..

دمعت عيوني وانا اتذكر هالاحداث .. تذكرت ان منصور بلا رحمه علموني بموتت ابوي .. كرهتهم .. كرهتهم حيييل .. زيادة عن كرهي لهم من قبل .. فعلا كانو قساة .. قساة .. قلوبهم كانت سودة مثل ابوهم

اكرههم كلهم .. انتبهت اني اصيح .. حاولت اهدي نفسي شوي .. رن جوالي وكانت شيوم تذكرني ان باجر بنروح نسجل للدورة .. سولفت وياها اسوي ونسيت اني كنت اصيح .. ونسيت كل شي ..شيوم هالانسانه فعلا رهيييبه ..

صكرت من عندها وفتحت شعري قعدت امشطة .. شوي وتعطرت .. شوي وحطيت لي كحل .. شاسوي ياناس متملله .. قعدت العب فعيوني وحطيت ماسكرا طولت ارموشي حييل .. حتى حسيتهم لازقين بحواجبي من طولهم خخخخ .. اتغشمر .. بس عيوني صارروا حلووين .. مسكت الروج وحطيت لي روج لحمي .. وكان وايد حلو علي ..

طلعت من الغرفه ومنصور شكله يتسبح لانه طول .. طلعت برع .. وقعدت فالصاله قعدت افرفر بالتلفزيون متملله .. واستقريت ع مسلسل لبناني وااايد حلوة مع انه قديم بس وايد يعجبني "ابنه المعلم"

قعدت شوي .. وحسيت بحركه في الغرفه .. ولاني متملله ومابي انزل واجابل ويه النحس سلوم الخايس .. رحت للغرفه لعل وعسى يجي منصور ونلعب شوي نغير الجو بدل من الملل

كان منصور لابس ثوب بيت .. ويمشط شعره بمشطي ..

عصبت ورحت لعنده ويريت المشط من يده : منصور وبعدين ؟؟ قلت لك مااحب احد يستخدم مشطي .. يعني شنو ماتفهم؟؟

ابتسم وهو يحط المشط : اعصابج .. خلاص كاني رديت المشط ..!

طالعته وانا عاقده حياتي .. قرب لعندي وهو يقول : يه يه كل هالكشخة حقي

عقدت حياتي زيادة وانا مرتبكه .. هذا شيقول ؟؟ .. تراجعت خطوه .. وهو تقدم خطوتين .. مسك خصري وهو يقول بمدح بطريقه مافهمتها .. وهالطريقه اشعلت ام الارتباك فكل خلايا جسمي : الله الله .. شهالكحل ..!!

قلت باارتباك وتوتر وانا امد يدي ليبهته واحس بحرارة تنبعث من جسمي قبل جسمه : منصور ..انته مريض نزلت يدي وانا احس حرارتي بدت ترتفع

ثبت يبهته على يبهتي وهو يقول: اي

توترت زيادة وعصبت بعدت يده بعصبيه : منصور .. اشفيك .. ليش جي تتصرف وياي ؟! ..

كملت وانا اقول : تمثل عليهم هم ان ردت لك ذاكرتك مب انا ..!! اشفيك منصور ..

ضحك منصور بسخريه :هههههه .. حلوة .. حلوة .. انا ذاكرتي ردت لي من زمااان .. ههه .. قبل لا اخذج اصلا !

طالعته مصدومة .. اشقصده .. يعني ؟؟.. يعني هو اصلا ماكان فيه شي؟؟ .. يعني كل الي صار تمثيل؟؟ .. يعني انقلب السحر ع الساحر ..

يعني طول الفترة كان يكذب علي؟؟ احتقن ويهي بالعصبيه واحتقنت عيني بالدموع ؟؟ .. يعني يعني تزوجت واحد عاقل مافيه شي ؟؟ طول هالفترة .. وكل المواقف الي صارت بينا .. كان .. كان فيها واعي لكل الي يصير
يعني شهر العسل .. وو و المواقف الي جمعتنا ... السرير جمعني معاه كان يدرك وقتها اني زوجته؟؟ يعني .. يدري ان ابوه زوجاه بالغصب؟ يعني يدري اني ماابيه؟؟ اشلون وافق وحبيبته .. لحظة شوي .. يعني هو الحين من صجه يتكلم .. يعني صج هو .. هو يفكر نفسي مب نفس منصور الياهل؟؟ يعني .. يعني هو صاحي

بس


اشلون؟؟ .. والدكتور شقال لي .. يعني .. كله كذب؟؟ ..

لحظة لحظة .. انتو مستوعبين؟؟ منصور مافيه شي؟؟
كان يتلاعب فيني .. مب بس فيني .. فينا كلنا

كنت فاتحه عيوني بصدمة : ايييش؟؟ قعدت ع السرير مصدومة : مافهمت .. طالعت عيونه العسليه بااستفسااار ومااخبي عليكم فهيييت شوي وبعدها حسيت فيه يوم

ابتسم لي وقعد حذاي .. سوري .. لصق فيني ..حسيت برعشه تسري على عامودي الفقري عفوا رعشه فكل جسمي :شنو الي مافهمتيه .. مرر يده على رقبتي وقعد يلعب بشعري :وانا افهمج اياه



..............


"علي "
حسيت اني طولت على امل وااايد .. واني مطنشها هالايام وااايد .. قررت ارد بسرعه اليوم .. تأففت وانا امسح على يبهتي .. اليوم تعبت وايد .. اصلا من اليوم بتفرغ لـ امل .. وبطلعها .. لاني خلاص خلصت كل شغلي هني .. صحيح ضغطت على نفسي بقوة عشان اوفر باقي الاسبوع لامل .. حتى ادورها في الامارات قبل لا نرد الدوحة .. طالعت ساعتي .. اووووه شكلي من قلب تأخرت عليها الحين الساعه 7 بتوقيت الامارات يعني عندنا بقطر همممم 6 ؟؟ .. يالله بتصل لامي اكلمها ..

شغلت السيارة .. وتحركت متوجهه للفندق .. وانا بالطريج كنت اكلم امي .. بس الشي الي استغربته ان امي قالت لي ان امل طول اليوم ماترد ع الموبايل ولا ع رقم غرفتها

؟؟!

خرعتني .. ومشييييييييييييييت بااسرع مااعندي

وصلت الفندق .. وعلى طول توجهت لللفت .. ضغطت الطابق ال 20 .. حسيت اللفت بطيء حيل .. اتصلت فاامل يمكن فوق ال 20 مرة ولكن مافي رد وفالاخير عطاني مغلق .. خفت عليها وااايد ..

واخيرا وصل اللفت الطابق العشرين


وبكل سرعه توجهت لغرفه امل .. وطقيت الباب .. مرة واثنين .. ومافتحت لي .. وفالاخير .. اضطريت استخدم البطاقه "السبير لبطاقتها" لاني خذت بطاقه زيادة لغرفتها وغرفتي عشان اذا احتجت شي او هي احتاجت شي بالليل يكون عندنا بطايق بعض ..

فتحت غرفتها وانا قلبي يرقع من الخوف

لكني تفاجأت بـ أن غرفتها ....






خاليه منها ..!!!









(انتهى)

لطوووفه 16-04-10 09:56 PM
OMG :o
منصووووووووووووووووور مافيه شي ؟!!!!
و من البداااااااية؟؟؟؟!! :0
وساااالم انقلب 180 درجة ؟!!! حنووووون ويخاف الله ؟!!!

سبحان الـــــــلــــــه ههههههههههههه

داااااااااااااانه مشكوووووووووووورة على هالاحداث الاكثر من رائعة

وعسااااج عالقووووووه

جمرة غضى 16-04-10 11:33 PM
اللللللله رجعت ذاكره منصووووووووووور
نبي باااااااااااارت حماسي لهم ونفهم السالفه
عطينا موعد بلييييييييييز

NoOoFy 17-04-10 01:44 AM
بارت صاروخ وقوي حيل بصراحه اعجبني حيييييييييييييل واعجبني اكثر مفاجئتس الخطيره عن منصور مع ان فيه كثير من البنات قالو ان منصور يمكن يقص على ساره بس مادري انا الفكره مادخلت في راسي


تدرين يوم رد منصور على فهد في المستشفى وقال نتبادل حسيت ان رد منصور عليه رد واحد صاحي مهوب كلامه من تدبير ساره
بس المفاجئه الخطيره يوم صار عاقل ومدرك ومغبي عن ساره كل هذا شكل منصور يبي يعرف وشتاليتها مع اهله اللي زوجوه بنت صغيره وحلوه بالقوه عشان حالته ولا لو كان عاقل ومدرك تصرفاته مازوجوه ساره وخذو بنت ناس يستفيدون من نسبهم
لكن تدرين الموضوع صار بصالح ساره اكيد قرب ساره وتعاملها مع منصور صار يحبها وتعلق فيها وشاف وشلون الكل ينظر له وساره وشلون معه
بس ياترا منصور بيستمر مغبي على اهله الموضوع ومايعرف الاساره ولا شلون
لكن وشلون يغبي وساره الحين معطتهم فكره ان منصور رجعت له ذاكرته
مادري وش بيصير بعدين صدق دنو خبلتي فينا لكن الشي اللي متاكده منه ان منصور الحين يموت في تراب رجلين ساره
بس تكفين السوري لا تجرحينه ولا تنفرين منه عشانه خبى عليتس اعرفي اسبابه وتقربي منه لا تفقدينه ولله انتي ومنصور ثنائي روعه




احلا ياروضه تو ماعرفتي اتادبين الهيس سعيدان شوفي شغلتس وريه جمال روضه ابو الحريم بلا في شكلكم مايملا عينكم الا التراب تحومون كبدي اذا الرجال شاف حرمه متزينه حبتين طار وراها ونسى ام عياله اللي عاشت معه على الحلوه والمره
يعني اذا روضه مهمله عمرها حبتين ليش مانبهتها للي تبيه وقلت اللي بخاطرك وطلبت منها تعدل لك مو عيب الرجال يطلب من زوجته حقوقه لكن يبصبص في الحريم ويجرحها نووي البنت على بالها تحبها في كحالاتها
ومكرسه وقتها كله في خدمك وخدمة عيالك



جاك الموت ياتارك الصلاة وش سالفة حمد يويل قلبي والوين خذ البنت ياويلتس يامل اكيد اللي يراقبتس وين رحتي واين جيتي عخطير وعنده سوالف وغرضه موهب شريف حمد اكيد خذ امل الغرفته بس ياترا ماسوا فيها شي لاولله ماظنتي
بس علي بيفكر اللي صار الامل غصب ولا برضاها
وش انت ياحمد هل بتنتقم من امل ولا من علي في امل مادري عندي احساس ان لك سالفه
صحيح البنت غلطت بس بعد خوافه ومابغت تتمادا لكن حمد خطير وبراسه شي


ابدعتي دنو تسلمين على كل كلمه كتبتيها بارت خيال ماشاءالله عليتس ويدت الروئيا توضح في القصه منتظرينتس قلبي

جوودي1 17-04-10 04:24 AM
دندن يعطيك العافيه بس منصور يمثل من اول قويه

مدري ليه احسسس فهد بعد داري ان شاء الله مايسوي شي لساره

ننتظرك ياقلبي بفارغ الصبر

eng_saleh 17-04-10 07:48 AM
مين حمد !!!!!!!!!!!!!!!!!

ما مر عليي من أبل



يسلمو دندون عالبارت

كتييييييييييييييييير روعه

منصووووووووووووووووووووووور .............خطييييييييييييييييييييييييييير

اموره المزيونه 17-04-10 09:18 AM



بارت رائع جدا


منصور طاح من عيني

مخلي ساره طول هالفتره تتعذب من سالم

وتحملل مشاكله وتصرفاته الطفوليه...

شنو طرا عليه عقب حادث سالم

يعلن عوده ذاكرته له....


وسالم الحمدلله على تغيره الجذري

الي طرا على حياته ...

دندونه نبي بارت جديد قريب حيل

قبل لا تبلش اختباراتج وتنشغلين فيها ...


لا تبطين علينا يالغاليه ...

ΑĽžαεяαђ 17-04-10 11:19 AM
السلاااااااااااااااااااام عليييييييييييكم ...


دندووووووووووون سلاااااامتك يا قلبي طهور ان شاء الله الف الف سلامة عليك << فيس جايب لك باقة ورد ..
وااااااااااااااااااو جزء اليو يهبل بالذات اني كنت داخلة ارد على الجزء اللي راح تفاجأت بالبارت واحلى مفاجأة والله والصدمة الثانية كااااااااانت منصور لالالالالالالالالالا يعني هالولد كان بعقله من البداية وقاعد يضحك علينا .. يخليني اشك فيه وارجع اقول مسكين وما يفهم ويجي البارت اللي بعده يقلب مخي ويحليني اشك من جديد << فيس مصدوم ودايخ ..والمسكينة سارة يا قلبي عليها اش راح يصير فيها البنت ضاعت علومها كلها الحين اش راح يكون رد فعلها وهي اللي متعلقة فيه والله انها تحبه وهو شكله رايح فيها وغارق في الحب << يضرب الحب شو بيذل هههههههههههه





أمل :: يا قلبي عليك يا امل رحتي فيها خلاص هالحمد مو سهل ابد وانتي غبية وتافهة الحين الله يستر اش جرى لك وعلي بيحصلك مع حمد والا بتعرفين تتصرفين شكل نهايتك مثل نهاية لولوة ...


سالم :: لالا يه يه اش هالتطورات يا رجال اش هالصحوة هي صحيح متأخرة بس اهم شيء انها جات وان شاء الله ما تكون فترة وترجع مثل ما كنت يا الله هالحادث كان خير لك يمكن يخليك تشوف اوضاعك تمام وتفكر انك ترتبط بانسانة عشان تكف نفسك عن الحرام وتكمل حياتك صح ....



روضة وسعيد :: اووووووف يا روضة اش هالتطورات يا بنت لا اليوم انتي مية مية قاعدة تنفذين النصايح تمام وماشية على الخطة غيرتي من الشكل وقاعدة تغيرين في التصرفات الحين خلك على كذا يومين بس وبتشوفين هالسعيد كيف انقلب تعيس هههههه << فيس حب روضة بالمرة وياريت لو تكثرين يا دندون من هالاثنين << فيس يحب يشوفهم ...



حمدة :: يا ويلي عليك يا حمدة كل ما تجين بتفرحين يجي شيء ويكدر عليك الحين هالحميد متقدم لك ويجي اخوك ويقلب فرحك حزن وهو يطالب في الورث اللي لا بارك فيه ولا وفقه هالغبي الحقير اللي ما فكر فيك الا فكر في الفلوس وبس << فيس كره ومو طايق سيرته ...






دااااااااااااااانة اليوم الجزء رهيييييييييييب رهيببببببببببب بجد خلاني متشوقة للبارت الجاااااااااي مرة والله متحمسة كثير واحس بنفجر من الحماااااااس يااااااا سلاااااام لو كان البارت باكر والا بعده << فيس يتحلم ..
ربي يعاااااااافيك يا رب .. ولا تتأخرين علينا لاني مشتاقة من الحين ..

منتظرة الجزء الجاااااااااااااااي بكل شوووووق





http://www.liillas.com/up3//uploads/...c50ca8cc3e.gif

ana 17-04-10 11:24 AM
ماشاء الله قصة حلوة
منصور ياخطير كيف راح تتعامل مع سارة بعدين
هل راح يعاملها بجفاء أأم بحنية
والعم وش هالحقد اللي مالي قلبك

ألما 17-04-10 04:01 PM
وووووووواووووووووو خيال ياعسل

قنبلة ها البارت ..أبدا ماتوقعت أن منصور كذا

يارب بس أنه مايكره سارة ويطلقها بعد وألا سارة تتركة لانة خبا عليها

الصراحة نبغهم سوى لاتفرقينهم أبدا بليز

dlo 18-04-10 11:00 PM
ررررررررررروعه الله يعطيك العافية
توقعت منصور عاقل بس اكيد سارة بتذبحة
اتوقع حمد لولو هي الي طرشتولأمل

بوح قلم 19-04-10 02:11 PM
دندونه قبل كل شي سلامات فديتج ما تجوفين شر وتسلمين عالبارت<< فيس يبوسج

هي لا تنسين تشكرين لنا اللي نزلت لنا البارت<< فيس يعرف الواجب

سالم

الحمد لله عالسلامة.. جفت كيف كنت مبتعد عن ربك وهلك.. وتركض وراء متاع الدنيا.. الحينه لازم تثبت للكل انك تغيرت..وهب سلوم الاولي<< فيس ينصحه

روضة وسعيد

حلوو... زين تسوين به.. يعني بدال لا يحمد ربه انج رديتي له.. يروح يرمس شمسوووه الخايس.. يستاهل اللي ياه<< فيس مستانس..ها اخ سعيد شي في خاطرك<< فيس نذل يستفزه

امل

انتي شو سويتي ها.. عن تطلعين مروحه وياه لا<< فيس مصدوم

منصور وسارة

دندونه اتحيدين مرة قلب البترول قلت من اول رد رديت فيه علاموضوع يوم اللي ريول منصور تعورت قلت لج ان حاسيته ردت له<< فيس يبي نجمه.. يلا فديتج متى بتعطينيه النجمه<< فيس مصر عليها.. سارة لا ما اتخيل وضعج<< ثالث فيس ينصدم في هالرد

نترياج فديتج<< الفيس راعي الورود

http://www.liillas.com/up3//uploads/...29afe633ce.gif

جافيني النوم 22-04-10 01:28 AM
رووووووووووووووايتك تجنن
انا على نار انتظر منصور يرجع لعقله
ابي اشوف رده فعله
مشكووووووووووووووووره ياعسل
برجع اقرا البارت

حورآء إنسية 22-04-10 07:26 AM


دندونه إبدااااااااااااااااااااااااع

ومصدومه يعني منصور من قبل لايتزوج ساره وهو صاحي

<<فيس مصدوم

بس تسلم ادينك بارت رررررررررررررروعه

ومتشوقه للبارت الجاي
..

بنت المطــر 23-04-10 05:34 AM
لا لا لا يعني منصور يلعب عليها ؟؟؟؟ ليش يمكن عشان عرف ان ماله امل بلولوة وحب يختبر ساره ويشوف في احد بحياتها والا لا اما سالم كويس رجع لعقله بس كيف يعتذر لساره افضل حل يثبت لنفسه اولا ثم للاخرين انه تغير للافضل
في انتظارك ياعسل مشتاقه اعرف ردة فعل ساره

ابشر ولبيه 23-04-10 02:20 PM





يسلموو دنوو على البــآرت ..


والله البآرت هذآ ..أحلى بآرت قريته .. يمكن عشآن المفآجأهـ ..
انــآ يوم نآدآهــآ ورآحوا لغرفتهم .. قلت الرجآل مو طبيعي .. او من اول البآرت
ملآحظة ان تصرفآت منصوور غييييييير ..
بس ابداً مآتوقعت ان منصوور يمثل انو مريض ..
خآصة يوم يقرب منهــآ .. انــآ خفت شــــــلوون هي ..!


بآنتظـــــــــــــآر البآرت الجآي ..
الله يستـــــر بس ..لآ يتأجل اليوووم ..

سووري مآرديت عليك من ذو مبطي .. بس لآن وحدة من البنآت تنزلة بالمنتدى اللي مرآبطة فية ..وقليل مآادخل هينـآ
ولكن لمــآ شفت التطورآت قلت برد عليك ..


بآنتظـآرك اليوم يآحلووهـ ..








:flowers2:

دانة الدوحة 24-04-10 01:15 PM
السلام عليكم ورحمة الله وبركاته


مرحبا ياحلوين .. شخباركم عساكم بخير؟؟

اعتذر ذاك الاسبوع كنت مريضه وااايد .. وماقدرت ارد عليكم .. وحبيبتي الغاليه هي الي نزلت لكم البارت .. وردت عليكم .. بعدها بيومين استصحيت .. يعني لو ماكنت مكمله البارت ماكان نزلته هي لكم .,.
اما هالاسبوع فـ ماراح يكون فيه بارت يالغالييات .. وذلك لان امتحاناتي هالاسبوعين وااايد .. بعد ساعه بدخل قاعه الامتحان .. ادعولي ..
راح يكون لنا لقاء ان شاء الله .. في يوم الجمعه ..تاريخ .. 7 / 5 /2010 ان شاء الله .. بعد الساعه التاسعه .. انا ماحبيت اعلقكم على امل كاذب .. ودخلت حتى ابلغكم عن موعد البارت الياي .. ولا حبيت اتجاهلكم .. لانكم ماتستاهلون ..
حبايبي
سامحوني يالغاليين .. بس فعلا هالاسبوعين مضغوطة بالاكزامات والكويزز .. لكن تاريخ 7 ان شاء الله بيكون لنا لقاء ثاني ..

واحب اشكر كل الي دعولي بالشفاء .. وكل الي سألو عني سواء بالقصه او بالخاص .. وحسيت اني خذلتكم يوم مانزلت لكم بارت .. لكن الظروف لكم عليها شوي ..
واعتذر عن التأخير الي حصل امس .. ماقدرت ادخل وابلغكم ..

ولي عودة ع الردود



دانهـ

دانة الدوحة 24-04-10 01:19 PM
اقتباس:
المشاركة الأصلية كتبت بواسطة داررررين (المشاركة 2275237)
تسلمين يا الدانه........
إن شاء الله فيه بارت اليوم.
حبيبتي البارت ان شاء الله تاريخ 7
مافي بارت هالاسبوعين ..

معليه استحملوني شوي .. لين ماننتهي من الروايه


بالنسبه لكل الي سأل عن نهايه الروايه .. للحين مابي استعيل في الختام .. خصوصا ان ماباقي شي على انتهاء الروايه ... النهايه قريبه .. لكن كم بارت يبقى .. صدقوني انا للحين ماادري .. لاني يوم اكتب انزل لكم على طول .. بس للحين الروايه تحتاج بارتات كثيرة حتى ننهيها .. لا تستعيلون ..

اموره المزيونه 24-04-10 03:38 PM
اقتباس:
المشاركة الأصلية كتبت بواسطة دانة الدوحة (المشاركة 2275929)
حبيبتي البارت ان شاء الله تاريخ 7
مافي بارت هالاسبوعين ..

معليه استحملوني شوي .. لين ماننتهي من الروايه


بالنسبه لكل الي سأل عن نهايه الروايه .. للحين مابي استعيل في الختام .. خصوصا ان ماباقي شي على انتهاء الروايه ... النهايه قريبه .. لكن كم بارت يبقى .. صدقوني انا للحين ماادري .. لاني يوم اكتب انزل لكم على طول .. بس للحين الروايه تحتاج بارتات كثيرة حتى ننهيها .. لا تستعيلون ..






ماتشوفين شر دنون ...

وبالتوفيق بكوزاتج...

ولا تستعجلين بالروايه ...

نبيها تطولين في احداثه كثر ماتقدرين...

لانها حلوه وخاطري ماتخلص بسرعه ...

الحياة صعبه 24-04-10 11:28 PM
السلام عليكم ورحمة الله وبركاته

كيفج؟؟

دندون شفيج على هالقصه كانج دايم تتعذرين
البارت يبغى الج شهر على ماتنزليه وقليله اذا كنتي تنزلي كل اسبوعين دايم دايم تتعذرين نتحمس وتفتري حماسنا ونجلس ننتظر وبعدين تحطي بارت وينتهي وتكون المواقف قليلة بين الابطال الظاهر هالقصة مابتنتهي اصلاً لان الاحداث ماتمشي ماتغيرين اصلا في مسار القصة ولا في التوقعات

وتحيتي..

بنت السعوديه 25-04-10 12:12 AM
لو سمحتي مانبيها التخلص بسرعه نبيها تطول ومواقف محبوكه


لاتذذكري النهايه الان تو الناس

فجر الامال 27-04-10 03:39 AM
دانه جزء خطير

توقعت انه منصور مافيهه شي يمكن بشوف الحياة كيف بذات مع سارة

سالم حلو التغير للاحسن

شهد بس من يجيبها لي واوريها شغلها مالت ماعجبها الا اخو زوجها
من حلاته تحبينه

سارة ياقلبي عليها من جد صدمه الله يعينها

سلمت يمينك على الجزء الرائع

دانة الدوحة 06-05-10 03:13 PM
اقتباس:
المشاركة الأصلية كتبت بواسطة لطوووفه (المشاركة 2267453)
OMG :o
منصووووووووووووووووور مافيه شي ؟!!!!
و من البداااااااية؟؟؟؟!! :0
وساااالم انقلب 180 درجة ؟!!! حنووووون ويخاف الله ؟!!!

سبحان الـــــــلــــــه ههههههههههههه

داااااااااااااانه مشكوووووووووووورة على هالاحداث الاكثر من رائعة

وعسااااج عالقووووووه
هههههههه ياهلا لطوووفة
شخبارج ياحلوة؟؟
ههههه حسيت فيج .. لوول
خلج متابعه
وبكرة باذن الله البارت
لاعدمناج

دانة الدوحة 06-05-10 03:15 PM
اقتباس:
المشاركة الأصلية كتبت بواسطة جمرة غضى (المشاركة 2267554)
اللللللله رجعت ذاكره منصووووووووووور
نبي باااااااااااارت حماسي لهم ونفهم السالفه
عطينا موعد بلييييييييييز
هههههههه هلا والله جمرة
خخخخ اي اي رجعت له الذاكرة >< اصلا هو فقدها؟؟
باجر باذن الله تعالى
تسلمين ياقلبي ع المرور لا عدمنا هالطله

دانة الدوحة 06-05-10 03:19 PM
اقتباس:
المشاركة الأصلية كتبت بواسطة NoOoFy (المشاركة 2267910)
بارت صاروخ وقوي حيل بصراحه اعجبني حيييييييييييييل واعجبني اكثر مفاجئتس الخطيره عن منصور مع ان فيه كثير من البنات قالو ان منصور يمكن يقص على ساره بس مادري انا الفكره مادخلت في راسي


تدرين يوم رد منصور على فهد في المستشفى وقال نتبادل حسيت ان رد منصور عليه رد واحد صاحي مهوب كلامه من تدبير ساره
بس المفاجئه الخطيره يوم صار عاقل ومدرك ومغبي عن ساره كل هذا شكل منصور يبي يعرف وشتاليتها مع اهله اللي زوجوه بنت صغيره وحلوه بالقوه عشان حالته ولا لو كان عاقل ومدرك تصرفاته مازوجوه ساره وخذو بنت ناس يستفيدون من نسبهم
لكن تدرين الموضوع صار بصالح ساره اكيد قرب ساره وتعاملها مع منصور صار يحبها وتعلق فيها وشاف وشلون الكل ينظر له وساره وشلون معه
بس ياترا منصور بيستمر مغبي على اهله الموضوع ومايعرف الاساره ولا شلون
لكن وشلون يغبي وساره الحين معطتهم فكره ان منصور رجعت له ذاكرته
مادري وش بيصير بعدين صدق دنو خبلتي فينا لكن الشي اللي متاكده منه ان منصور الحين يموت في تراب رجلين ساره
بس تكفين السوري لا تجرحينه ولا تنفرين منه عشانه خبى عليتس اعرفي اسبابه وتقربي منه لا تفقدينه ولله انتي ومنصور ثنائي روعه




احلا ياروضه تو ماعرفتي اتادبين الهيس سعيدان شوفي شغلتس وريه جمال روضه ابو الحريم بلا في شكلكم مايملا عينكم الا التراب تحومون كبدي اذا الرجال شاف حرمه متزينه حبتين طار وراها ونسى ام عياله اللي عاشت معه على الحلوه والمره
يعني اذا روضه مهمله عمرها حبتين ليش مانبهتها للي تبيه وقلت اللي بخاطرك وطلبت منها تعدل لك مو عيب الرجال يطلب من زوجته حقوقه لكن يبصبص في الحريم ويجرحها نووي البنت على بالها تحبها في كحالاتها
ومكرسه وقتها كله في خدمك وخدمة عيالك



جاك الموت ياتارك الصلاة وش سالفة حمد يويل قلبي والوين خذ البنت ياويلتس يامل اكيد اللي يراقبتس وين رحتي واين جيتي عخطير وعنده سوالف وغرضه موهب شريف حمد اكيد خذ امل الغرفته بس ياترا ماسوا فيها شي لاولله ماظنتي
بس علي بيفكر اللي صار الامل غصب ولا برضاها
وش انت ياحمد هل بتنتقم من امل ولا من علي في امل مادري عندي احساس ان لك سالفه
صحيح البنت غلطت بس بعد خوافه ومابغت تتمادا لكن حمد خطير وبراسه شي


ابدعتي دنو تسلمين على كل كلمه كتبتيها بارت خيال ماشاءالله عليتس ويدت الروئيا توضح في القصه منتظرينتس قلبي
هلا هلا هلا نوووفي
تدرين استانست واااايد ع التعليق .. مادري ليش كشخت ضروسي
تسلميييين ياقلبي ع التعليق الجميل اوي اوي اوي
لاعدمناااج .. وخلج قريبه
البارت بأذن الله باجر

دانة الدوحة 06-05-10 03:24 PM
اقتباس:
المشاركة الأصلية كتبت بواسطة جوودي1 (المشاركة 2268102)
دندن يعطيك العافيه بس منصور يمثل من اول قويه

مدري ليه احسسس فهد بعد داري ان شاء الله مايسوي شي لساره

ننتظرك ياقلبي بفارغ الصبر
الله يعاااافيج جوددي
وحشتييييينا عساج بخير؟؟ .. من زمااان عنج
توقع فوق الصحيح .. خلج متابعه
البارت الجمعه ان شاء الله
لاعدمناج

دانة الدوحة 06-05-10 03:30 PM
اقتباس:
المشاركة الأصلية كتبت بواسطة eng_saleh (المشاركة 2268170)
مين حمد !!!!!!!!!!!!!!!!!

ما مر عليي من أبل

انتي وينج ها؟؟
وحشتييييينا .. عسى ورا غيبتج خير؟؟
وحمد هو الي كلم امل فالجات يالغلا
تسلمين ع المرور الروعه

دانة الدوحة 06-05-10 03:34 PM
اقتباس:
المشاركة الأصلية كتبت بواسطة eng_saleh (المشاركة 2268171)
يسلمو دندون عالبارت

كتييييييييييييييييير روعه

منصووووووووووووووووووووووور .............خطييييييييييييييييييييييييييير
هلا هلا هلا انجلش
شخبارج دبوه؟؟ عساج بخير؟؟
انتي الاروووووووووووووع والاروع
ثانكس ع المرور لا عدمناج

دانة الدوحة 06-05-10 03:41 PM
اقتباس:
المشاركة الأصلية كتبت بواسطة امار80 (المشاركة 2268192)



بارت رائع جدا


منصور طاح من عيني

مخلي ساره طول هالفتره تتعذب من سالم

وتحملل مشاكله وتصرفاته الطفوليه...

شنو طرا عليه عقب حادث سالم

يعلن عوده ذاكرته له....


وسالم الحمدلله على تغيره الجذري

الي طرا على حياته ...

دندونه نبي بارت جديد قريب حيل

قبل لا تبلش اختباراتج وتنشغلين فيها ...


لا تبطين علينا يالغاليه ...
ياهلا ياهلا ياهلا امورة
سووووؤال ذكي .. شالي خلا منصور الحين يعترف ؟؟
خلج متابعه يالغلا
باجر ان شاء الله البارت
وبنتظر ردج وتعقيبج
عسى يعجبج
لاعدمناج

دانة الدوحة 06-05-10 03:46 PM
اقتباس:
المشاركة الأصلية كتبت بواسطة ΑĽžαεяαђ (المشاركة 2268223)
السلاااااااااااااااااااام عليييييييييييكم ...


دندووووووووووون سلاااااامتك يا قلبي طهور ان شاء الله الف الف سلامة عليك << فيس جايب لك باقة ورد ..
وااااااااااااااااااو جزء اليو يهبل بالذات اني كنت داخلة ارد على الجزء اللي راح تفاجأت بالبارت واحلى مفاجأة والله والصدمة الثانية كااااااااانت منصور لالالالالالالالالالا يعني هالولد كان بعقله من البداية وقاعد يضحك علينا .. يخليني اشك فيه وارجع اقول مسكين وما يفهم ويجي البارت اللي بعده يقلب مخي ويحليني اشك من جديد << فيس مصدوم ودايخ ..والمسكينة سارة يا قلبي عليها اش راح يصير فيها البنت ضاعت علومها كلها الحين اش راح يكون رد فعلها وهي اللي متعلقة فيه والله انها تحبه وهو شكله رايح فيها وغارق في الحب << يضرب الحب شو بيذل هههههههههههه





أمل :: يا قلبي عليك يا امل رحتي فيها خلاص هالحمد مو سهل ابد وانتي غبية وتافهة الحين الله يستر اش جرى لك وعلي بيحصلك مع حمد والا بتعرفين تتصرفين شكل نهايتك مثل نهاية لولوة ...


سالم :: لالا يه يه اش هالتطورات يا رجال اش هالصحوة هي صحيح متأخرة بس اهم شيء انها جات وان شاء الله ما تكون فترة وترجع مثل ما كنت يا الله هالحادث كان خير لك يمكن يخليك تشوف اوضاعك تمام وتفكر انك ترتبط بانسانة عشان تكف نفسك عن الحرام وتكمل حياتك صح ....



روضة وسعيد :: اووووووف يا روضة اش هالتطورات يا بنت لا اليوم انتي مية مية قاعدة تنفذين النصايح تمام وماشية على الخطة غيرتي من الشكل وقاعدة تغيرين في التصرفات الحين خلك على كذا يومين بس وبتشوفين هالسعيد كيف انقلب تعيس هههههه << فيس حب روضة بالمرة وياريت لو تكثرين يا دندون من هالاثنين << فيس يحب يشوفهم ...



حمدة :: يا ويلي عليك يا حمدة كل ما تجين بتفرحين يجي شيء ويكدر عليك الحين هالحميد متقدم لك ويجي اخوك ويقلب فرحك حزن وهو يطالب في الورث اللي لا بارك فيه ولا وفقه هالغبي الحقير اللي ما فكر فيك الا فكر في الفلوس وبس << فيس كره ومو طايق سيرته ...






دااااااااااااااانة اليوم الجزء رهيييييييييييب رهيببببببببببب بجد خلاني متشوقة للبارت الجاااااااااي مرة والله متحمسة كثير واحس بنفجر من الحماااااااس يااااااا سلاااااام لو كان البارت باكر والا بعده << فيس يتحلم ..
ربي يعاااااااافيك يا رب .. ولا تتأخرين علينا لاني مشتاقة من الحين ..

منتظرة الجزء الجاااااااااااااااي بكل شوووووق





http://www.liillas.com/up3//uploads/...c50ca8cc3e.gif
وعليكم السلام ورحمة الله وبركاته
ياهلا ياهلا زوزو
شخبارج دبوه؟؟
يه يه يه شهالرد العجيب
وينج يالقاطعه ها؟؟ .. وحشتييينا ..
تسلمين ياقلبي .. البارت باجر بأذن الله
خلج قريبه ولاعدمناج

دانة الدوحة 06-05-10 03:53 PM
اقتباس:
المشاركة الأصلية كتبت بواسطة ana (المشاركة 2268225)
ماشاء الله قصة حلوة
منصور ياخطير كيف راح تتعامل مع سارة بعدين
هل راح يعاملها بجفاء أأم بحنية
والعم وش هالحقد اللي مالي قلبك
ياهلا ياهلا انا
شخبارج ؟؟ عساج بخير؟؟
عيونج الاحلى ..تسلمين ياحلوة
البارت بااذن الله باجر
خلج قريبه
ولاعدمناج

دانة الدوحة 06-05-10 03:58 PM
اقتباس:
المشاركة الأصلية كتبت بواسطة ألما (المشاركة 2268353)
وووووووواووووووووو خيال ياعسل

قنبلة ها البارت ..أبدا ماتوقعت أن منصور كذا

يارب بس أنه مايكره سارة ويطلقها بعد وألا سارة تتركة لانة خبا عليها

الصراحة نبغهم سوى لاتفرقينهم أبدا بليز
ياهلا ياهلا الومة
شخبارج عساج بخير؟؟
انتي الاروع ..
خخخ ان شاء الله بفكر >< فيس نذل هع
خلج قريبه
ولاعدمناااج

دانة الدوحة 06-05-10 04:04 PM
اقتباس:
المشاركة الأصلية كتبت بواسطة dlo (المشاركة 2270306)
ررررررررررروعه الله يعطيك العافية
توقعت منصور عاقل بس اكيد سارة بتذبحة
اتوقع حمد لولو هي الي طرشتولأمل
ياهلا ياهلا دلوو
شخبارج دبوة؟؟ عساج بخير؟؟
وحشتنا طلتج..
هههههههههههه تسويها سارة
لاعدمناج .. وخلج قريبه

دانة الدوحة 06-05-10 04:16 PM
اقتباس:
المشاركة الأصلية كتبت بواسطة بوح قلم (المشاركة 2270776)
دندونه قبل كل شي سلامات فديتج ما تجوفين شر وتسلمين عالبارت<< فيس يبوسج

هي لا تنسين تشكرين لنا اللي نزلت لنا البارت<< فيس يعرف الواجب

سالم

الحمد لله عالسلامة.. جفت كيف كنت مبتعد عن ربك وهلك.. وتركض وراء متاع الدنيا.. الحينه لازم تثبت للكل انك تغيرت..وهب سلوم الاولي<< فيس ينصحه

روضة وسعيد

حلوو... زين تسوين به.. يعني بدال لا يحمد ربه انج رديتي له.. يروح يرمس شمسوووه الخايس.. يستاهل اللي ياه<< فيس مستانس..ها اخ سعيد شي في خاطرك<< فيس نذل يستفزه

امل

انتي شو سويتي ها.. عن تطلعين مروحه وياه لا<< فيس مصدوم

منصور وسارة

دندونه اتحيدين مرة قلب البترول قلت من اول رد رديت فيه علاموضوع يوم اللي ريول منصور تعورت قلت لج ان حاسيته ردت له<< فيس يبي نجمه.. يلا فديتج متى بتعطينيه النجمه<< فيس مصر عليها.. سارة لا ما اتخيل وضعج<< ثالث فيس ينصدم في هالرد

نترياج فديتج<< الفيس راعي الورود

http://www.liillas.com/up3//uploads/...29afe633ce.gif
هلا هلا هلا بوووحة
تسلمين قلبووو ع المرور المتألق
لوول توقعات حلوة .. بس مايندرى
ياسلاام .. شكرا ع الورود يا وردة
كفايه وجودج وبعد ورود .. لا استحيت انا
ههههه ..
خلج قريييبه ولاعدمناج

دانة الدوحة 06-05-10 04:32 PM
اقتباس:
المشاركة الأصلية كتبت بواسطة جافيني النوم (المشاركة 2272903)
رووووووووووووووايتك تجنن
انا على نار انتظر منصور يرجع لعقله
ابي اشوف رده فعله
مشكووووووووووووووووره ياعسل
برجع اقرا البارت
ياهلا ياهلا ياهلا جافيني
شخبارج يالغلا عساج بخير؟؟
انتي الاروع حبيبتي ثاااانكس ..
خلج قريبه ولاعدمناااج

دانة الدوحة 06-05-10 04:45 PM
اقتباس:
المشاركة الأصلية كتبت بواسطة سعوديه وافتخر (المشاركة 2273136)


دندونه إبدااااااااااااااااااااااااع

ومصدومه يعني منصور من قبل لايتزوج ساره وهو صاحي

<<فيس مصدوم

بس تسلم ادينك بارت رررررررررررررروعه

ومتشوقه للبارت الجاي
..
هلا هلا هلا سعوديه؟؟؟
شخبارج؟؟ وينج من زمان عنج .. وحشتينا
يسلموووو ع المرور الروعه
ولاعدمناج ياغلا

دانة الدوحة 07-05-10 01:38 AM
اقتباس:
المشاركة الأصلية كتبت بواسطة ام رنا (المشاركة 2274661)
لا لا لا يعني منصور يلعب عليها ؟؟؟؟ ليش يمكن عشان عرف ان ماله امل بلولوة وحب يختبر ساره ويشوف في احد بحياتها والا لا اما سالم كويس رجع لعقله بس كيف يعتذر لساره افضل حل يثبت لنفسه اولا ثم للاخرين انه تغير للافضل
في انتظارك ياعسل مشتاقه اعرف ردة فعل ساره
ياهلا ياهلا ياهلا ام رنا
شخبارج خيتو عساج بخير؟؟
لا صدقي خخخ
ان شاء الله باجر توضح لج ردة فعلها
لاعدمناج

دانة الدوحة 07-05-10 01:50 AM
اقتباس:
المشاركة الأصلية كتبت بواسطة سنوويت (المشاركة 2274781)
جزاك الله الف خير
ياهلا ياهلا سنوايت
يسلمو ع المرور .. لاعدمناج

دانة الدوحة 07-05-10 10:00 PM
اقتباس:
المشاركة الأصلية كتبت بواسطة ابشر ولبيه (المشاركة 2274839)





يسلموو دنوو على البــآرت ..


والله البآرت هذآ ..أحلى بآرت قريته .. يمكن عشآن المفآجأهـ ..
انــآ يوم نآدآهــآ ورآحوا لغرفتهم .. قلت الرجآل مو طبيعي .. او من اول البآرت
ملآحظة ان تصرفآت منصوور غييييييير ..
بس ابداً مآتوقعت ان منصوور يمثل انو مريض ..
خآصة يوم يقرب منهــآ .. انــآ خفت شــــــلوون هي ..!


بآنتظـــــــــــــآر البآرت الجآي ..
الله يستـــــر بس ..لآ يتأجل اليوووم ..

سووري مآرديت عليك من ذو مبطي .. بس لآن وحدة من البنآت تنزلة بالمنتدى اللي مرآبطة فية ..وقليل مآادخل هينـآ
ولكن لمــآ شفت التطورآت قلت برد عليك ..


بآنتظـآرك اليوم يآحلووهـ ..








:flowers2:
هلااااااااا والله بالي وحشتنا
شخبارج بشورة عساج بخير؟؟
وين هالغيبه يالغلا؟؟
يسلموووو ع الرد المتألق
ثواني وينزل البارت خلج قريبه

دانة الدوحة 07-05-10 10:02 PM
اقتباس:
المشاركة الأصلية كتبت بواسطة امار80 (المشاركة 2275990)



ماتشوفين شر دنون ...

وبالتوفيق بكوزاتج...

ولا تستعجلين بالروايه ...

نبيها تطولين في احداثه كثر ماتقدرين...

لانها حلوه وخاطري ماتخلص بسرعه ...
الشر ماايج يالغلا ..
مشكورة ياقلبي ع التفهم
من عيوني ..
ثواني وينزل خلج قريبه ولا عدمناج

دانة الدوحة 07-05-10 10:07 PM
اقتباس:
المشاركة الأصلية كتبت بواسطة الحياة صعبه (المشاركة 2276484)
السلام عليكم ورحمة الله وبركاته

كيفج؟؟

دندون شفيج على هالقصه كانج دايم تتعذرين
البارت يبغى الج شهر على ماتنزليه وقليله اذا كنتي تنزلي كل اسبوعين دايم دايم تتعذرين نتحمس وتفتري حماسنا ونجلس ننتظر وبعدين تحطي بارت وينتهي وتكون المواقف قليلة بين الابطال الظاهر هالقصة مابتنتهي اصلاً لان الاحداث ماتمشي ماتغيرين اصلا في مسار القصة ولا في التوقعات

وتحيتي..
وعليكم السلام ورحمة الله وبركاته
ياهلا ياهلا ياهلا بالشيخه
شخبارج عساج بخير ؟؟ ..
اسفه يالغاليه .. طولت عليكم وايد .. ولعوزتكم وياي .. بس شسوي حبيبتي والله عندي امتحانات كل اسبوع او اسبوعين .. واضطر اني اغيب لانه مش امتحان واحد امتحانينين .. وفالجامعه يالغلا في امتحان فيرست وسكند وثيرد وفاينل .. فكل مادة .. فـ المواد دايم تتعارض معاي
معليش اعذريني .. وحقج علي ..

نورتي ياحلوة

دانة الدوحة 07-05-10 10:09 PM
اقتباس:
المشاركة الأصلية كتبت بواسطة بنت السعوديه (المشاركة 2276516)
لو سمحتي مانبيها التخلص بسرعه نبيها تطول ومواقف محبوكه


لاتذذكري النهايه الان تو الناس
ياهلا ياهلا ياهلا بالبنوتة
شخبارج خيتو عساج بخير؟؟
انشاالله من عيوني ..
سلمتي ع الطله الرووعه
وخلج قريبه ولاعدمناج

دانة الدوحة 07-05-10 10:16 PM
اقتباس:
المشاركة الأصلية كتبت بواسطة فجر الامال (المشاركة 2278854)
دانه جزء خطير

توقعت انه منصور مافيهه شي يمكن بشوف الحياة كيف بذات مع سارة

سالم حلو التغير للاحسن

شهد بس من يجيبها لي واوريها شغلها مالت ماعجبها الا اخو زوجها
من حلاته تحبينه

سارة ياقلبي عليها من جد صدمه الله يعينها

سلمت يمينك على الجزء الرائع
ياهلا ياهلا ياهلا فجووورة
شخبارج شعلومج عساج بخير؟؟
يسلمووووووو ردج انتي الخطييير
الله يسلمج ويسلم غاليج ومعليج
ثواني وينزل البارت خلج قريبه
ولاعدمناج

دانة الدوحة 07-05-10 10:19 PM
معليش يالغالين .. النت يلعب وياي خشيشه ..
وتوني مخلصه الردود من المنتدى الثاني ..


ثواني وينزل البارت ..

دانة الدوحة 07-05-10 10:22 PM


..::]][[ الحفنه الخامسه عشر ]][[::..

(لعبت بكل شي فيني .. وذبحت بلعبتك انسان )



طالعته مندهشه مب مصدقه .. يعني كل هالفترة الي عشتها جذب × جذب .. تمثيل في تمثيل؟؟! يعني .. بلعت ريجي بألم .. يعني كان يقص علي؟؟! صحييح يقص علي؟ يحسبني لعبه يلعب علي؟

صرخت فويهه مشمئزة من قربه بعدت راسه عن شعري بعصبيه : انته انسان جذاب .. حقييـــر .. اشلون هانت عليك تقص علي ؟! .. هذا وببدايه زواجنا باديها بجذب ..

مسكت راسي مب مصدقه : منصور انته من صجك تتكلم .. يعني انت مب مريض مافيك شي ..

صرخت بعصبيه : لييييييييييييييييييييييش سويت جي ليييييييييييييييش

وقف وشكله معصب .. وتحرك بيطلع ركضت لعنده ووقفت جدام الباب

قال لي بعصبيه : وخري قبل لا اصكج كف يعدل لسانج هذا .. في وحدة تكلم ريلها جذي؟؟

قلت بعدم استيعاب : وفي حد يسوي سواتك .. انت خدعتنا كلنا كلنا .. مب بس انا .. اشلون طاوعـ...

سد حلجي .. طالعته ودموعي فعيوني .. ترك شفايفي وانا كنت متصنمه.. و سحبني من يدي .. وتوجه فيني بقوة للسرير .. قعدني عليه .. وقعد حذاي .. : سارة .. انتي اشتبين بالضبط؟؟

طالعته معصبه من برودة ياناااااس ماجفت انسان بهالبرود بعد كل الي سواه ويسال بكل بساطة وكأنه بريء مب مسوي شي ؟؟ مب كأنه يخدعنا طول هالشهرين .. حسيت صداااعي زاااد ..

ضغطت على يبهتي عشان استوعب الي يصير لي .. مب معقول مب معقول هذا الي يصير ؟؟! |..

تنهد وهو ينزل يدي ويمسكهم .. كان يتنفس بالقو .. تحجى بدون ماانطق انا بحرف .. كنت اطالع ويهه متألمه .. اشلون جذب علي ؟؟ اشلون انا الغبيه مااكتشفت هالشي واشلون وايد اسأله كانت بكل بساطة تتراكم فمخي .. طالعت عيونه انشد الصدق ودموعي بدت تنزل مني لا اراديا .. من الضغط النفسي الي كنت عايشته هذيج الفترة .. : كنت حالي حال اي شاب ..يتمنى يتزوج وحدة ويكون اسرة وعيله ..ريااال وطبيعي يبي يتزوج .. مرة من المرات وانا طالع مستعيل من البيت بالسيارة دعمت وحدة .. مب قمر؟ .. الا ملاك .. ماتعورت لان اصلا مادعمتها فعليا .. كنت راح ادعمها على بعد خطوات \.. تحركت من جدامي ودخلت بيتهم .. كانو جيرااانا .. بيتهم مجابل بيتنا .. انبهرت بهالانسانه .. وبديت اجوفها فكل مكان .. انجذبت لها مثل اي شاب يحب الجمال .. بعدها بديت اتعرف عليها .. ويشهد ربي ان نيتي كانت صافيه .. حبيييتها .. حبيتها واااايد .. وقررت فيوم من الايام اخلي اختي تتعرف عليها .. ولكن اختي ماكانت تيي وياي ليش؟ لان بنت عمها المصون تحرضها علي .. كانت دوم اختي عندها .. طبعا مايحتاي اقول بنت عمي (كمل بس بمصخرة)تموت فيني وانا اموت فيها .. (عقدت حياتي من كلامه بس كمل وهو يرفع ويهي له ) ولا واحد فينا يطيق الثاني ..فترة وعدت وبعدها قلت لابوي اني احب هالبنت وابي اخطبها ولا خلاني .. لين ماطارت هالبنت من يدي ... وتزوجت \.. وقتها عصبت حييل ..مرت سنين وبعدها قرروا امي وابوي يلاقون لي حل ..عزوفي عن الزواج(كنت اسمع قصته وانا مسبهه اول مرة ادري عن هالشي) وكالعادة الحل هو الزواج من وحدة ثانيه .. ماكنت ابي اتزوج .. تعبت هذاك اليوم وودوني المستشفى .. ولان ولد خالتي هناك ترجييييته يخليني يوم زيادة حتى مااجابلهم ..خصوصا انهم يبون يزوجوني بااسرع طريقه .. كان فهاليوم مريض يزور ولد خالتي بس تصرفاته كانت شوي غريبه .. اسئلته هاديه وبريئه ماله خص فااحد.. يحب الاشياء الالكترونيه .. استغربت من حالته .. وسألت فهد عنه .. قال لي انه تعرض لصدمة عصبيه فحياته كانت وايد قاسيه عليه .. فكانت مقاومته للي صار له ضعيفه .. ورد مثل ماكان وهو ياهل .. قررت اني اسوي نفسه لعل وعسى ينقذوني من هالزواج الي ماابغيه .. ومااقدر اعترض ..ببساطة لانها بنت عمي وتكلم ابوي .. يبيها لي ولو رفضت بيطلعون كلام عنها! .. المهم ..فهد عارض وايد وقال انه بيكون تلاعب ولكن على مسؤليتي .. قلت له ان اهلي مستحيل راح ينشرون الخبر خوفا على سمعتهم وفعلا محد يدري عن شي .. حتى انتو ماقالو لكم عن الي فيني ,, .. مرت الايام وقررت اتقنص هالشخصيه .. شخصيه الي مضيع وومايدري عن الدنيا .. جفت الي حولي عدل .. انا وايد اشياء صدمتني واايد وماتوقعتها .. وانتي ياسارة بعد ماتوقعتج جذي ابد .. توقعت راح اجوف منج اشياء كثيرة كنت اجوفها سلبيه فيج لكني ابد ماجفتها فيج من يوم تزوجتج .. فالبدايه توقعتها شفقه بس مستحيل هالشفقه راح تستمر شهرين .. سكت شوي .. ورفع راسه يكمل .. انا كنت ناوي اكمل الي بديته ..واليوم عند سالم بالذات ناوي اكمل الطريج الي خذته .. بس ماقدرت ضعفت اليوم .. ماقدرت يوم .. يوم جفتج جذي..مسك يدي وهزها وكأنه يهز مشاعري معاه .. انا مهما يكون رياال .. اول مرة اتزوج ... ضغطت على نفسي وايد وايد .. ماتدرين اشلون كنت اتعذب .. ارقد ووياي انثى كامله مكمله .. واصبر .. اقهر فنفسي .. اقوم نصايف الليالي واروح اركض بس عشان ارد هلكان تعبان مايكون فيني حيل اسوي شي ..
كل يوم اجابل هالانثى ليل وصبح .. ولا اقدر المسها ..حسيت ويهي يطبخ من الاحراج ,.وسحبت يدي بقوة .. ولا اقدر حتى ابوسها ابسط شي ! ..رد مسك يدي .. وبعدت يدي بسرعه بكرهه .. تنهد وقال .. جفتي ؟ من عرفتي اني سالم ومافيني شي رديتي لطبعج .. وين قبل ووين الحين؟..سكت

وانا اطالعه مصدومة قلت بكرهه : حتى لو .. هذا مب سبب .. ومب معناته كل واحد يه بيهرب من حياته وبيجوف اشلون بتكون مرته وياه جي يسوي .. سواتك الخايسه !

فجأة طرى فبالي انه من شهر كان يمثل عليهم انه رد طبيعي .. عقدت حياتي وقلت له بحقد: من بعد يعرف ان ماكان فيك شي ؟؟ ولا انا اخر من يعلم؟؟

رفع حواجبه وقال : اعتبر هذا تدخل؟!

تحجيت بسرعه بدفاع: مب مرتك ومن حقي اعرف عن ريلي "شخرت بسخريه" هه

طالعني من طرف عينه .. وقال لي : فهد واخوج وانا وبس !

فتحت عيوني على اخرها .. حسيت بغصه كبيرة داااخلي مب قادره ابلعها او انزلها .. يجذب علي .. ويهيني .. يبعني لـ منصور .. حرام عليهم والله حرااااااام.. صرخت باانفعال مندهش: مااااااااااااااااااجد؟!!!!!!!!

طالعني وقال بهدوء : اي

وقفت متفاجأة ..منفعله وبسرعه : السخيييييييييف وليش رضى من الاساس اني اتزوجك


صحت بقهر .. تذكرت يوم كنت اتصل له وكان يطنش .. ومسجاتي .. وايميلاتي .. اشلون ماجد جذي خذلني .. وليش؟؟ لييييييييييش .. حرام ..

غطيت ويهي وصحت وايد وايد على حياتي .. كنت احس بشتات يلمني بهدوء .. ليش ليش

حسيت فذراعه وهو يلمني .. قاومته ودزيته بعصبيه وصرخت عليه .. كنت احس اني ابي احطم شي .. ابي اطلع الطاقه الي تكونت فداخلي من دقايق .. صدقوني .. لو حطيتو جدامي عصى كان كسرتها من حرتي .. احس بحرررة تحرق يوووفي .. صدقوني ماتقدرون تحسوون فيها .. انخذلت من اقرب الاشخاص لي .. اخووووي .. ياناس اخوووي .. وريلي الي المفروض مايكون بيني وبينه كل هالكذب .. دمعت عيوني وصرخت اعبر عن بعض انفعالي : اطلع برع من الغرفه .. اطلللللللع برررره

سمعت اعتراضه : ســارة ...اسكتي ..!

صحت وصرخت بعصبيه وانا ادزة من صدرة وهو ماتزحزح من مكانه : اقوووووووولك روح .. مابي اجوفك .. انا اكررررررهك ..مسكت صدره ادزة وانا اصيح بألم ..: تفهم شنو يعني اكررررررهك .. ا ك ر ه ك ..

غطيت ويهي وصحت بعمق .. حسيت نفسي لعبه رخيصه وتسلايه .. تسلى فيها منصور .. وماجد هو الي اهدى هاللعبه له .. صحت مقهورة مقهورة اشلون هنت على اخوي اشلون ..

بعد يديني عن ويهي وهو يقول لي: بس انزين .. خلاص صرتي اتخرعين مع هالدموع وكحلج سايح

صرخت بعصبيه من كلامه انا فوييين وهو فـ وييين: كيفي كيفي انته مايخصك فيني .. قلت بضعف ..ياخي اكرهك انت ماتفهم .. جفت علبه الفاين وعلبه الماي الي مشروب نصها .. خذت الفاين وفلعته وبديت افلع عليه كل الي موجود ع الكوميدينو حتى الابجورة ماسلمت يرتها بكسرها .. بس هو يراها وعدلها .. وحاولت مرة ثانيه وانا اصيح بضعف وحسيت اني مااقدر اجرها مثل مساعه .. فجأة صارت .. وايد ثقيله .. اما هو فكان يضحك .. يحسب اني العب وياه؟؟

طحت ع الارض مقهورة وصحت من قلب وانا اردد فنفسي .. غبيه .. غبيه .. غبيه .. حسيت بالضياع .. والغرفه كانت باردة .. قرب من عندي ويراني وهو يمسح دموعي ..

وضحك وهو يقول : اوبيه تخرعين ..

بعدته بعصبيه : قلت لك لا تكلمني ولا تحاجيني اوففف .. اكرهك واكره اسمع صوتك يالجذاب يالمنافق يالممثل .. اشلون قدرت تجذب علينا .. وانا الغبيه الي صدقت كلنا كنا اغبياء ولا انت الي اجدت الدور؟ اكررررررررهك وخر عني ..

بس هو اظاهر ماقام يسمع .. قعد يرتب شعري ويمسح دموعي الي كل شوي نازلين من اتذكر اخوي ماجد الي خلاني تسلايه لهم.. اكرررهك منصوور .. اكرررهك .. مستحيل اسامحكم .. مستحيييييييييل ..كان يبوسني برقه على خدودي ..دزيته بالقوو.. ماجد .. ماجد اي كرهته كرهته وكرهت منصور اكثر واكثر .. مقهووورة ياناس ..

ابتعد عني وراح للتسريحه اما انا قمت من على الارض وقعدت بقهر على السرير وانا الاحداث الي صارت لي في فترة زواجي كلها تمر على بالي .. كل المواقف الي صارت لي ويا منصور مرت فبالي ...جفته رد يقعد صرخت عليه : انته ماتفهم غبي؟؟ مينووووون؟؟

فتح الماسكرا جدام عيني وهو يقول متجاهل جملتي المستفزة: حق شنو هذي؟؟؟

يريت الماسكرا من يده بعنف: مايخصك .. انجللللللللع!

ضغط على يدي وقال وعيونه حمرر .. وشكله متمالك نفسه من العصبيه: احترمتج وايد وصبرت وايد .. تحجي عدل وياي .. انا مب منصور الي تهاوشينه بهذيج الفترة ومايفهم

قلت مقهورة : يعني طول هالفترة كنت تجذب انا الغبيه اشلون صدقت اشلون ؟؟!تدري؟ نصيحه روح طلع مواهبك في المسلسلات مب فالبشررررررررررررر لانك اتعل الواحد... محد يعرف صجك من تمثييييييييلك

تحركت باقوم من السرير لكنه رزعني بالقو : قعدي .. (كنت اشاهق بين الفترة والثانيه .. وامسح دموعي بقوة من على خدي .. قعدت اتأمل فالسرير بألم وقهر .. وبعد فترة صمت .. ) هذي حق شنو ؟؟ اشر ع الماسكرا الي فيدي

رفعت عيوني له .. وقلت بعصبيه من القهر الي احس فيه .. من الخذلان .. من الكذب .. ليشش ؟؟ .. ليييش ؟؟ .. هالسؤال كان يعيد ويزيد فبالي مع كل شهقه اشهقها غصب عني من صياحي القوي: حق الشعر الابيض الي فراسك ولحيتك

مات من الضحك بكل برودة اعصاب .. وطل على نفسه فالتسريحه وهو يتحسس قمه راسه الي غزاها الشيب واطراف من عارضه الخفيف المرتب وهو يمسك كم شعره بيضه .. ويقعد جدامي من يديد ... مد يده وقرص خدي وانا بعدت يده الي استقرت على خدي بعدتها بكره : ياحليل مرتي .. تصدقين مادريت انج تحبيني هالكثر .. حط راسه على ريلي وكمل .. يعني تحبين ريلج وتهتمين فشكله وماتبينه يكون الا انيق لدرجة انج ملاحظة الكم شعره البيضه الي براسي وناويه تصبغينهم لي ههههههههه..تحسس شعره ورفع عيونه لي ولازال راسه ع ريلي


دزيت راسه من ريلي وقمت واقفه مقهورة من هالانسان البارد الي مايحس .. ااااااااااخ يقهر ..انا الي اعرفه الريايل حارين وعصبين مادري هذا من وين طالع لي باررررد وبلييييييييييد ماعنده مشاعر مايحس ذي؟؟ اوفف
اقوله اكرهه يتكلم لي عن اشيا ثانيه .. جوفوه مب يبط الجبد ويقهر


اخ يالقهر اخ

تحركت ورحت الحمام غسلت ويهي .. وطبعا مايحتاي اقول لكم ان الماسكرا ساحت .. مسحت ويهي اكثر من مرة لان صوب عيني كان يمليه السواد خصوصا ان الماسكرا كانت مب ضد الماء مسكرا عاديه يعني تسيح وروجي كان مثل مااهو ..كانت اصيح وانا احاول امسح ويهي .. شعور محبط كنت احس فيه .. شعور .. شعور .. ماعرف اشلون اقدر اوصفه لكم .. ان شاء الله ماتحسون بهالشعور فحياتكم .. لانه صعب صعب .. مسحت ويهي .. و تذكرت ان هالروج مايروح الا بالكريم الي يزيل المكياج لان عليه مثبت ومايروح بالماي بسهوله

طلعت من الحمام وانا لازلت معصبه .. ومحتره من الي صار لي مقهورة بااختصار .. قررت اواجه اخوي ماجد لانه بااختصار كرهته بعد موقفه خذلني .. خذلني بكل معنى هالكلمه

مشيت للتسريحه معصبه .. وبسرعه .. وبحذر خصوصا اني طلعت وليت الغرفه مصكر ..والابجورة الي من جهتي هي الوحيدة الي مفتوحه ومنورة جزء ضئيل من الغرفه

سمعته يقول : يمه يمه هدي هدي ...

طنشته ..وسمعته يغني : هدي هدي .هدي هدي. اخدعوك وصرت ضدي .. لا اتسرع في قرارك وتاخذ القصه تحدي ..

جفته بخياس نفس ولفيت عنه وقعدت احوس ادور على كريم الميك اب .. والفاين الخاص فيه

سمعته يقول من يديد : شتدورين؟؟

قلت وانا مشغوله بالتدوير : مايخصك


ارتعبت من سمعت حسه شوي عالي : سااااارة ..!

قلت بعيله ونرفزة: اوووه .. ادور على كريم .. خلاص ارتحت؟؟

وقف هو بعد .. وحسيت فيه وهو وراي : كريم شنو؟؟

طنشته .. لقيت الفاين ..ويت باامسح الروج .. بس هو سحبني من يدي .. : لا تمسحينه حلو ..

يريت يدي من يده بس ماقدرت اشلها من يده: كيفي .. ابي اشله.. انته مايخصك .. اصلا اشلون تسمح لنفسك تقول رايك .. "كملت بااستهزاء " لا وياريت راي بعد يتأمر؟

رفع حاجبه اليمين .. ومال علي متجاهل كل كلامي ومركز على جملتي الاولى..طق يبهته بيبهتي : عناد ولا عناد؟؟

طالعته بتحدي : سمه الي تسميه

طالعت عيونه الي دوم تجذبني .. حسيت بكره شديد .. وانا اطالع عيونه حسيتهم متغيرين نظرة البراءة الي كنت اشوفها بعينه ماقمت اجوفها الحين .. كانت فيهم نظرة خاصه مافهمتها .. سحبني وهو يقول: عنج يامرتي العزيزة .. انا بشله لج .. وسحبني للسرير

حاولت ابعد يده بس سمعته يقول : مب تبغين تمسحينه؟ خلاص انا امسحه لج بس بطريقتي وابتسم ابتسامه كريهه


...............

"علي"

للحين واقف ومتنح .. مادري وينها هالبنت .. تحركت بسرعه وانا استشعر الهدوء الي يملي الغرفه .. تحركت يمين يسار لعل وعسى اجوف شي منها .. تحركت بتوتر .. وضغطت على يبهتي .. فتشت جيب ثوبي .. وطلعت احد موبايلاتي .. واتصلت ع رقمها .. مرة واثنين وثلاث واربع .. وانا احوس بغرفتها .. .. ورديت اتصل واتصل .. ولان الغرفه كانت مظلمه وباااردة صقيع .. كنت شوي واموت .. خايف لايكون احد خطفها ولا سوى فيها شي .. لاحظت نور يشع من طرف السرير ..

هرولت له بسرعه .. وماكان الا موبايل "امل " يرن ع السايلنت .. بدون صوت .. ضوء فقط ..

"عزوتي"

حسيت بالذنب من قريت الاسم .. اشلون اهملتها هالكم يوم ..

ثواني وحسيت باب الحمام ينفتح .. والنور من وراه يشع .. اما هي فكنت اجوفها سواد فسواد ,.. نظرا للنور الي وراها اعمى عيوني .. اما هي شهقت وهي تقول بخوف : مـــ ن ؟؟

التفت لها بقوة : امل ...؟ انا علي اشفيج؟؟ يعني من بيدخل عندج الغرفه غيري؟؟

حكت طرف يبهتها .. وانا مشيت وفتحت الليت ..من انتشر الضوء فالمكان حتى تبين لي شخصها وهي واقفه بتعب .. وبانطلون بجامتها الوسيع الطويل حاضن اطراف الارض .. وقميصها مبهدل عليها .. وشعرها مبهدل ومعفوووس .. ومن وصلت عيني لطرف ويهها .. انفجعت من جفت ويهها .. كااان احمر احمر احمر قاتم .. وعيونها غزييييرة بالدموع .. وخشمها كان وكأنه مليان دم من لونه الاحمر القاتم ..

تحركت بسرعه لها متخرع: اموله حبيبتي اشفيج ..

صاحت امل بسرعه .. واانا طالعتها مصدوووم .. قعدتها على السرير .. اما هي من دخلت السرير واستلقت فيه .. وغطيتها بالفراش حتى دخلت في نوبه من البكااااء الحاااد ..

قلت وانا مصدوم وزامسح على شعرها .. وتكلمت بحنااان غزير : حبيبي امل .. اشفيج ؟؟ .. ليش تصيحين .. تعبانه ياعمري؟ .. قومي خل اوديج المستشفى

صاحت زيادة وهي تهز راسها علامة الرفض وشعرها يمسح على المخدات بنعومه..

دانة الدوحة 07-05-10 10:31 PM
مسكت يدها وانا اضغط عليهم بخوف وحنان : ياقلبي اشفيج .. قومي قولي لي .. تعبانه من شنو؟؟.. اشفيج حبيبتي قومي ..

عدلت نومتها اما هي فصاحت زيادة .. وضمتني بقوة وهي تقول بصوت متقطع من الصياح : انا .. تـ ع ـبانه !

وردت تصيح وتهذي بكلام غير مفهووم .. مافهمت ولا كلمه .. الا .. اسفه !!!



...................


"روضه "

قعدت من النوم وانا احس بحركات حد على ويهي .. وشعري .. فتحت عيوني.. رمشت بخفه .. حسيت الحركة انعدمت .. صكرت عيوني براحه عشان ارد ارقد مرة ثانيه .. بعد فترة بعد حسيت بهالحركات .. فتحت عيوني .. جفت يد سمراء ممدودة لخدي .. وتداعبه بوردة وبرقه عميقه .. صكرت عيوني .. شكلي اهلوس واحلم .. تذكرت هاليد .. دايما كنت امسكها .. وكنا نركض .. كنا نحلم .. نمسك ايدين بعض ..

فتحت عيوني بعده فترة .. وجفت وردة طايحه ع الكوميدينو .. والغرفه كانت هاديه .. تحركت بهدوء من ع السرير .. مسكت الوردة .. وقربتها من خشمي .. شميت ريحتها .. وتنفست بعمق .. امبلا نفس الريحه الي حسيت فيها وانا راقده؟؟

لالالا شكلي كنت اتخيل .. مشيت للحمام بااهمال .. تسبحت بكل حذر ..عشان مااضغط ع الجرح .. ولا يصيبه ماي ..

تسبحت بعد المعاناه .. واخيرا طلعت ونشفت شعري .. وسشورته حتى قصته تبين واضحه .. طلعت بعدها لبرع الغرفه .. جفت حمدوه وحمدان .. منبطحين ويتابعون "توم& جيري" ابتسمت لهم .. وهم اول ماجافوني .. نقزوا وياو سلموا علي .. وردوا انبطحوا متجاهليني وهم مندمجين فالرسوم ..

ناديت حمدان .. وهو كان يرد بآاليه .. وعيونه مسمرة ع التلفزيون : شوووو مااماا


ترددت اسأل عن ابوهم او لا .. خصوصا وان ماله حس اليوم كلش .. نزلت خصل شعري على ويهي .. ويت بحركهم واردهم ورا اذني بس حسيت بيد حانيه تمسك هالخصل وترفعهم

رفعت عيوني لهاليد .. وجفت صاحبها .. كان نفسه .. سعيييد .. شمهم بخفه .. ورد حطهم ورا اذني : سوري .. بس اشتقت لهالخصل

انحرجت وماحبيت ابين له ان حركته اثرت فيييني واااايد .. تذكرت تعليقه قبل كمن يوم على ستايلي اليديد .. حاولت اكبت شبح الابتسامه الي مرت على طرف ويهي .. من تذكرت نظراته .. ولهفته الواضحه ..

سمعت صوته وهو يحاول يخلق حوار بيني وبينه : صباااح الخير ... ان شاء الله رقدتي عدل؟؟

عقدت حياتي بخفه .. وانا افكر بالمغزى من كلامه .. وقلت بهدوء متكاسل : صبااح النور ..

مادري ليش تثاااوبت ... وتعمدت اضرب يدي بيده وانا اتمدد : سوري ماقصدت ..

مسك يدي قبل مااحركها وخلاها بيدة : لاعادي .. اشدعوه يبه ! .. حسيت بيدة وهي تتحسس اصابيعي.. مسرى عروقي .. اطراف اصابعي .. حاولت اسحبهم .. بس هو قال : خليهم ..

سكت متبعثرة من حركته الي تذوب الجليد الي ابنيه بيني وبينه ..

سمعته وهو يقول : اليوم بودي حمدان وحمده الــ ملاهي .. ودج اتين ويانا؟؟

عقدت حياتي ومسكت بطني بخفه وانا احس بنغزات بسيطة : لا ..

حسيت بضغطه ع ايدي .. فتحت عيوني بهدوء .. وارتسمت جدامي ملامحه والقلق الي بارز على ويهه : رواضي تعبانه؟؟

صكرت عيوني وانا انفض راسي بـ "لا " ..

رديت افتحهم .. وطالعته .. سحبت يدي .. وخليها ترتاح ع ريلي .. وطالعت التلفزيون متجاهله وجوده .. وانا احس بدقات قلبي بتوقف من كثر سرعتهم .. كنت بين الثانيه والاخرى احاول اكتم نفسي واضبطه .. خايفه انه يحس انه يأثر فيني بكل هالقوى والاثر والمدى .. على الرغم من كل الي سواه ..

صكرت عيوني وعقدت حواجبي لا اراديا .. وانا احيط طرف بطني بيدي اليمين وكأني احاول احميه من الالم الي بدأ يسري فهالمنطقه .. حسيت بيدة .. تضغط على يدي الي على ريلي .. سمتعه يهمس : يعورج وايد؟؟ ..

فتحت عيوني .. وقلت له بنقمه : مب كثر مايعورني هاي "اشرت ع قلبي" .. المه بسيط على الي تجرعه قلبي منك ..

كنت قاصدة هالجمله بكل محتواها .. من الم حبه .. والم طعناته .. تحركت متوجهه لغرفتي .. اخذت الدوا .. وانبطحت ع السرير .. رفعت طرف قميصي .. ولان ابانطلون كان ويست فكان يحتاي انزله شوي عشان الجرح يبان بأكمله؟؟ مررت اطراف الكريم على اطراف الجرح الاحمر .. غطيته مرة ثانيه بشاش يديد .. صكرت بانطلوني .. وتركت القميص مرفوع شوي .. حطيت يدي على اطراف خواصري .. متألمه شوي .. صكرت عيوني بقوة .. وكأني بهالحركه اقلل من اثر الم بطني .. وانا اتنفس بعمق .. حسيته ريحني ..

نزلت قميصي .. وجيت بااقعد .. حسيت بسعيد وهو يرتب وياي القميص الحريري .. عقدت حياتي وقلت بشوي من الغضب : سعيد من سمح لك تدخل الغرفه ..

رفع حياته .. وانسدح على السرير .. : انا سمحت لنفسي ..

قلت بعصبيه : اظن بينا اتفاق ..محد يخالفه من الطرفين ..

صكر عيونه متجاهل كلامي .. اما انا هالحركة ثورت براكيني : سعييييد انا اكلمك ..!!

فتح عيونه .. وبعد ذراعه عن عيونه .. استقام فقعدته : امري يالغلا .. يا كاندل السهره ..!!

طالعته بسخريه .. وقلت : مايليق ..!!

عقد حياته : شنو؟؟

قلت بااحتقار :مايليق عليك تمثيل دور الغرام والهيااام ..!!

طالعني بصمت .. ويوم بغى يتكلم قلت : سعيييد .. نحن بينا شروط وانت وافقت عليها .. ومن ضمنها محد له دخل بحياة الثاني .. فكيف تسمح لنفسك تنقض هالشرط وتدخل علي وانا احط كريمي ؟؟

قال بسخريه : حبيت اساعدج وبس ؟ .. لا تصدقين شي ماصار ..؟!

طالعته بااحتقار .. وصديت طالعه من الغرفه .. وانا في قمه النرفــــــزة !


...................
"حمدة"

كنت قاعده ادخل البيانات .. رن تيلفون مكتب خوله .. وكانت قاعده ع المكتب .. وفاضيه .. ردت ع التيلفون .. : الو ..هلا .. اي اي .... حمده؟؟ .. اي موجودة .. "رفعت عيوني بااستنكار واستغراب .. من هذا الي متصل لها؟ ويعرفني؟؟!! .. انتظرتها تناديني عشان ارد اذا احد طالبني؟ .. لكنها كملت ولاكأنها ذكرت اسمي " .. هههههههه .. افا عليك .. "طلعت عيوني من مكانها ؟؟ ... رياااال؟؟! " .. شووو؟؟ .. هيييه .. همممم .. اوكي؟؟ .. خلاص .. فداعه الله ..

صكرت التيلفون .. والتفتت علي وانا كتا اطالعها قالت لي : اشعنه اطالعيني جي؟؟


قلت بقهر : لا ابد .. سلامتج .. ترمسون عني؟؟

طالعتني بااستخفاف وماردت .. اما انا قعدت ادخل البيانات مقهورة .. وطرا على بالي غيث اخوي \.. حسافه .. حسافه يوم يكون "حاميها حراميها"

كنت احس بنظراتها تحرقني .. وكان ودي .. اطل عليها واقول نعـــم ؟ بصوت عاااالي يطلع كل الي فخاطري من صوبها .. تقهــر .. انتو معاي صح؟؟

حسيت باارتباك .. خصوصا يوم سمعتها تقول : مدير العلاقات العامه ... يباااج ..!

طالعتها بسرعه مب فاهمه شقصدها ؟؟ .. عقدت حياتي لا اراديا وقلت بتساؤل: عفواٌ؟؟

قالت واسلوبها حسيته حقييير : ماتسمعين انتي ولا شو؟؟ تستهبلين عليه؟!

قلت بسرعه : لو يباني بيتصل ع مكتبي هب يطرشج!؟

وقفت ووتحركت من مكتبها بكل بطئ وعيوني تتبعها بفضول وقرف .. وصلت لمكتبي وتساندت عليه : موتي واعرف انتي شو مسويه ابهم؟؟ مطلقه فلتاااانه

طالعتها مب فاهمه قصدها ..ومن كملت جملتها فتحت عيوني ع اوسعها ... شو قصدها بفلتانه؟؟"صايعه" عقدت حياتي وحسيت عيوني انحقنت بالدموع: انتي شو تقولين؟!؟

شكلها غيضت وراحت بسرعه ع مكتبها وانا اسمع دوسها ع الارض بقوة وصوت كعبها سبب لي صداع وهو يرج فالاركان بكل قوه .. صكرت عيوني وانا خايفه تطيح دمعتي ..

ووقفت عن تدخيل البيانات .. تحركت رايحة لـ مدير العلاقات مريت ع مكتب خوله وطالعتها بااحتقار .. طلعت من المكتب .. وصكرت عيوني وسمحت ليدي تمسح عيوني .. تحسست من كلمه "مطلقه فلتانه" .. ليش يعني كل المطلقات هب زينات؟؟ .. بلعت ريجي بحزن .. تحركت متوجهه لمكتب مدير العلاقات وانا اتسائل شو يبا؟؟..


............


"سلوى"

رن تلفوني .. وكانت "العنود " .. ابتسمت وانا احس بخجل كبييييير .. رديت بخفوت :هلا ...!

سمعت حسها وهي تضحك : ياهلا ياهلا .. شخبارها مرت الشيخ فيصل

ابتسمت بخجل .. ولعبت فطرف المخده : عندووه عن المصااااخه ..

ضحكت وهي تقول : ياناس فديت الي يستحون ..

كنت مستحيه مووت وحبيت اغير السالفه \:انزين شخبارج؟؟

ضحكت بصوت عالي .. قلت بخجل كبير : عندوه والله اصكر فويهج

ضحكت هالمرة بخفوت : لا يامعودة لا خلاص خلاص اتوووب .. المهم .. شخبارج؟؟

ابتسمت بخجل : بخير .. وانتي اخبارج؟؟

تنهدت بعمق: تمااااام .. اقول سلوي .. بديتي تجهزين صح؟؟

قلت بخجل كبييير .. وبصوت باليالله طلع : اي ..

حسيتها تبتسم : واللهـ زين زين .. اهممممم .. باجر وين بتروحين؟؟

قلت بخجل : باجر اوف .. اختي سلطون بتروح بدالي

قالت بتفهم : آآآها .. لاني كنت ابي اروح وياج ..

قلت بااعتذار لطيف : خلاص ولا يهمج .. بعد باجر باروح انا ..!!

حسيتها استانست من نبرة صوتها : صـــــــــــــج ؟؟ .. اوك اوك ..

مادري ليش قلت لها : همممم .. عندوه .. بسافر لبنان .. بتيين؟؟

ضحكت وهي تقول : لا ياقلبي احنا بنسافر اوروبا .. اتعرفين انتي صيف .. وانا صراحة مااقدر اتنقع فهالحر .. !

هزيت راسي بتفهم .. واستوعبت انها مب معاي وقلت بهمس : اها ..

قالت العنود بشقاوة : بس لا تخافين .. بااتشررررررررى لج .. خصوصا ان الحبيب فيصل موصينا عليج .. اقول اقول سلوي .. انتي متى جافج فصول؟؟

قلت بااستغراب وخجل : اممم .. هو اليوم يبي ايي يسلم على اخوي .. ويتحمدله السلامة .. "كملت بخجل فضيع" ويمكن اجوفه! .. "كملت بغباء" تبين اقول له شي ؟!

ضحكت وهي تقول : لاللالا اذا ابي شي بقول له .. مو تراني مجابلته عشرين ساعه .. اسولف عنج خخخخخخخخخ

انحرجت .. وظليت ساكته ..مب عارفه بـ شنو ارد .. بس احس الغرفه ضاقت علي .. ومب قادرة اتنفس عدل .. واخ قلبي .. قلبي يعورني من الدق الغير طبيعي .. تنفست بسرعه .. وحاولت اخذ نفس طويل حتى اخفف من تنفسي السريع والمضطرب ..

دانة الدوحة 07-05-10 10:36 PM
سمعت حسها : ياعيني ع المستحييين .. زين ماقلتي لي ..

قلت بهمس : شنو .. ؟!

قالت بعبط : وين جافج فصول وتخبل عليج؟؟ اعترفي اعترفي .. تراج خبلتي فيه .. تقولين مب اخوي الي اعرفه ..

قلت بحييرة : يعني مب انتي الي رشحتيني؟؟!

ضحكت : لالا .. هو الي قال لنا اخطبو لي سلوى سلطان الـ .... عارفج بالاسم .. خخخ ..

سكت منحرجة .. وقلت بخجل : صج .!

قالت : اييي .. مابتعترفين؟؟

قلت بصدق : والله ماادري .. اانا مااتذكر اني جفته .. من قبل ..! ..

انحرجت من كملت جملتي

قالت عندوه وهي تضحك : انا اقول لج .. تذكرين .. قبل امتحان النهائي بااسبوعين؟؟ .. كان اخوي نازل لقطر .. عنده اجازة .. المهم .. رجع .. وكان فهالايام اييي ياخذني لان الدريول .. كان مسافر .. وابوي مسافر مثل ماتعرفين ..!

سكت منحرجه .. يعني .. هو .. يحبني؟؟ ... من تبلورت الفكرة فراسي حسيت بااحراااج كبير |.. وكأن الغرفه تضيق علي اكثر .. تنفست بعمق .. وخفت ازفر وتحس فيني العنود ..

سمعتها تصارخ : لااااااااااااااااااااااااا بااجي ..صبري هنود .. سلوي قلبي اكلمج بعدين اوكي ... ؟!

قلت بخفوت : اوكي .. بااي ..!

العنود :باي


وصكرت بسرعه .. وشكلها مستعيييله .. تنهدت .. وانا ارد استرجع كلامها .. معقوله .. فيصل يحبني .. اي .. صح .. لو مايحبني ماكان جذي رومنسي .. ويزورني على طول .. والاتصالات ماتوقف منه .. والاهم مااقال حبيبتي .. يوم الملجة .. ابتسمت بخجل وفرحه وانا اتذكرها ... تذكرت اشكثر كنت منحرجه .. وشكثر كنت مستغربه .. ليش قال لي حبيبتي وهو اول مرة يجوفني .. طلع الاخو جايفني وشابع مني ..

رن موبايلي .. وابتسمت بخجل .. ورفعته اجوفه .. وكان رقم غريب .. بس كان مألوف .. عقدت حياتي لا اراديا ... انا توقعت المتصل فيصل .. ! .. بس تفاجأت بالاتصال .. ارتبكت .. وخفت ..

سمعت دق ع الباب .. : سلواااااا تعال هذا هازبن يجي ..!

تحركت بسرعه وانا اسمع الطرف الثاني يتكلم : يعني سويتيها ها .. سويتيها وتزوجتي ..؟؟

ارتبكت .. و .. و .. و طاح تلفوني من يدي .. تجمدت فمكاني وانا خااايفه .. نزلت انظاري للموبايل .. وصكرت الخط وانا اسمعه مستمر في الكلام والتهديد .. خايفه .. خايفه وايد .. حطيت يدي على حلجي وانا احاول اكتم صيحتي .. ضغطت على عيوني بالقو حتى مااصيح .. حسيت بتوتر بالغ .. سمعت دق ع الباب .. ارتعبت .. ووقفت في مكاني .. ارتجف .. سمعتهم يتسعيلوني .. مسكت موبايلي بقوة .. وياني مسج .. بس ماجفته .. خفت .. خفت افتحه .. اخاف هالمينون يسوي شي فيني .. او فـ فيصل .. او يفركش خطبتنا .. اصلا اخاف انه يشوه سمعتي ..!!رن موبايلي .. وطالعته برعب .. بس كان رقم بيتنا .. وكانت امي .. محمقه ... وتستعيلني ..رحت الحمام .. غسلت ويهي .. ورجعت الغرفه وانا احس ويهي شاحب .. مسكت الكحل .. وكحلت عيوني ع السريع .. وحطيت غلوس .. وكنت راح اطلع لولا اني لاحظت فرشه البلاشر .. مسحتها بخفه على ويهي .. .. ونزلت تحت وانا ارتب شيلتي .. وقفت على اخر دريه .. وانا اسمع امي تقول بعصبيه : .. شلي شيلتج .. ناويه تطفشين الريال انتي؟؟ .. انتي مرته الحين يعني ماله داعي الشيله ..!!!

طالعتها بصدمه .. وتجمدت يدي فالهوا .. هــــــــا ؟؟ .. يعني انا ناقصتج يايمه .. ناقصتج؟! ..

قربت امي مني بعصبيه .. وسحبت شيلتي .. وطالعتني بغضب وقالت لي : كم مرة اعلم فيج ؟؟ .. انتي بنت سفير .. بنت ناس راقيه .. هاي كلاااس ..

عقدت حياتي لا اراديا ..بروحي الي فيني مكفيني لا تزيدي هم فوق همي يمه .. صكرت عيوني متألمه.. ليش بنات الهاي كلاس .. لازم الحيا يكون معدوم عندهم؟؟ ..فتحت حلجي بـ ارد .. بس امي .. راحت للفت .. وطلعت غرفتها وهي متنرفزة .. وتتحلطم .. ومعاها شيلتي .. وانا .. واقفه ع اخر دريتين .. نزلت يدي وانا افرك يبهتي .. امي شسوت .. اشلون جي اطلع له ..! ,, استحي ..

نزلت عيوني .. وتنهدت بقلق وحزن واحراج .. سمعت صوت خطوات سريعه .. رفعت عيوني .. ولقيت سالم ينزل من ع الدري وبيده تيلفونه ..

رفع عيونه .. وطالعني .. ابتسم وهو يأشر على تلفونه : ريلج متصل .. يقول وصل .. يالله نروح

طالعته باانحراج .. وانا احس ان ويهي يحترق من الاحراج

اشرت على رقبتي بدون قصد وقلت بلخبطه : امي الي قالت لي ..!! .. والله !

طالعني وعقد حياته : ها؟ شنو؟!

بلعت ريجي وانا خايفه ومنحرجه : .. آآآآ .. اقصد .. امي .. يعني .. هي الي شلتها .. والله يعني

قاطعني وهو يقول : بسم الله عليج اشفيج .. مسك يبهتي ..

بعدت يده بااحراج .. وقلت بتوضيح : امي الي ..

تنهدت وانا اكمل بااحراج .. هي الي خذت شيلتي والله .. انا ...

ضحك سالم : شيلتج؟؟ ليش ريلج مب غريب؟؟ .. عادي يعني ...!!

طالعته بعدم فهم.. وبااحراج .. واندهاش .. يعني يرضى اطلع جذي بدون شيله جدام فيصل .. وهو للحين ماتزوجني .. مجرد انخطبنا وملجنا ..!!

حاوط جتوفي .. وهو ينزلني من اخر دريتين ..: يعني ياحبيبتي .. هو ريلج .. بس للحين ماسوينا حفله العرس .. بس مب معناته انه مب ريلج .. عقد حياتي وبوز بنفس طريقتي .. وداعب خشمي بغشمرة .. انا لو مرتي تلبس شيله واتيني على طول اطلقها

فتحت عيوني بدهشه .. اما هو ضحك .. وهو يخربط شعري .. : يالله امشي جدامي ..

مشيت باانحراج وانا فخاطري اجوف شكلي .. واستحي اعدل شعري جدام سالم .. اخاف يفهم غلط .. !! يعني .. احم .. ماعرف شااقول لكم .. منحرجة ..!!

احس شكلي غلط..ومنحرجه اعدل شكلي .. تقدمت من الميلس الداخلي بتردد واضح .. اما سالم فـ ابتسم لي بحنيه وهو يفتح الباب .. ويدخل ويقول لي : تعالي لا تستحين ..

انحرجت زيادة .. وانحشرت فمكاني مابي ادخل .. انحشرت صوب زاويه الباب .. وانا اهز راسي بالرفض .. ضحك وهو يمد يده ويسحبني للميلس ..

حسيت بااحراج بالغ .. نزلت راسي .. وجفت الارض .. منحرجه موووت .. وخصوصا ان سالم موجود .. وان .. واني .. اني بدون شيله .. صكرت عيوني بالقو .. من الاحراج ..

رفعت عيوني لثانيه وجفت عيون فيصل الي تتابعني باانبهار .. نزلت عيوني بسرعه منحرجه .. ومسكت يد سالم بالقو .. قعد سالم وهو يضحك .. بعد ماسلم على فيصل .. وجه وقعد عندي .. وانا تمسكت بيده السليمه بالقو ..

كانو يتبادلون اطراف الحديث .. وكان سالم بين الحديث والاخر يتعمد يكلمني ويدخلني فكلامهم

رن جواله فجأة .. وطلع .. بعد مااستئذن .. مسكته ناويه اخليه يقعد بس .. تكلم وياي بأدب .. واشر لي بعيونه على فيصل .. وانه بيتضايق .. برطمت بخفه .. وطلع هو ..


سمعت حسه وهو يقول لي بصوت مبحوح من مشاعره : اشلونج سلوى ......!

رفعت نظري له ..وتعلقت عيوني بعيونه .. خايفه .. بااختصار .. وضايعه ..!! .. مادري شـ اسوي .. نزلت عيوني بااحراج بعد ماابتسم لي : بخير .... كملت باارتباك .. وانت ..

قعد عندي .. ومارد .. رفعت عيوني له .. وابتسم ابتسامه خطيييرة .. : اليوم متغيره ..!!

قلت بااحراج وانا احسه يقصد شيلتي .. قلت بسرعه وبتبرير : والله العظيم امي الي خذت الشيله مني والله .. انا مـ

قاطعني وهو يبتسم ويمسك يدي : زين سوت .. خلني اجوفج .. "كمل بمزح" بعد مايصير تغشوني .. واخر شي يطلع شعرج خشن ؟!

طالعته بااستفهام وتعجب من رده علي ..!!

ضحك وهو يمد يده .. ومسك خصل شعري .. وبعدها ابتسم وهو يقول : ممكن؟؟ ..

عقدت حياتي لا اراديا اما هو .. فاابتسم .. وكشر .. رفع يده ومسك ويهي : ليش هالتكشيره ؟؟ .. وعقد حياته زيادة وكأنه يقصدني ..

نزلت عيوني .. وانا اعقد حياتي زيادة لا اراديا .. رفع ويهي له .. وقال وهو مبوز : لا تكشرين عاد ..!!صايره شينه مع هالتكشيره

طالعته متفاجأة من جرائته فالكلام .. شنو صايرة شينه .. وفتحت حلجي مفهيه وطالعته ..!! ..

ضحك وهو يقول : فديت هالويه والله .. تدرين سلوى اكتشفت شي ..

طالعته بتعجب .. وقلت بهمس : شنو ؟!

عض شفايفه وهو يتنهد ويقول بهمس : اني اتحجى واتحجى .. وانتي ساكته ماتردين لي الصوت ..!

سكت هو .. وانا سكت .. رفعت عيني له .. وانحرجت موووت وانا اتلقى نظراته المتأمله .. قلت باارتباك : تشرب جـ

قاطعني وهو يبتسم : لاء مابي اشرب شي .. ماجفتيني مساعه اشرب جاي ويا سالم؟؟ ..

هزيت راسي بـ اي ..

رن موبايلي .. وطالعته .. وكان نفس الشخص الي يهددني .. حسيت باارتباك وخوف .. رفعت عيوني بسرعه لـ فيصل .. كان واقف بضيج .. وقال لي : اشفيج ماتردين؟؟ ..

ترددت اقول له .. ولا ...؟! .. بس تذكرت تهديده .. وخفت .. خفت وايد .. وقلت باارتباك : ها .. لا .. اقصد رقم غريب مااعرفه ..!!

رفع حاجبه اليمين .. وقال لي : زين .. مرة ثانيه ماابيج تردين ع الارقام الغريبه سامعه؟؟!!

هزيت راسي بطاعه وبسرعه ..قرص خدي بمزح : فديت مرتي .. يالله حبيبتي مابطول .. مع السلامه ..

حبيبتي ,!! .. يعني .. انحرجت وحمر ويهي زيادة ..كنت خايفه يسمع نبضات قلبي الي تدق بجنون .. اخافه يدري .. اني انا بعد احبه ..!

وقفت بااوصله للباب ..كان هو يتقدمني .. بس التفت علي فجأة.. وقفت .. وهو تراجع خطوتين .. حتى وقف مجابلني .. طالعته مستفهمه ..

وقال لي : نسيت اقولج شي ..

طالعته بااستغراب وبفضول : شنو ..؟!

يوم حسيته طول وهو يتأملني .. انحرجت ويت بتراجع خطوه بس هو مسك يدي .. :اشفيج مشيرة اليوم على شنو؟؟ .. ماسمعت منج الا بخير وانت وشنو ..؟؟!!!

ضحك .. وانا ابتسمت بااحراج .. وانا احك طرف رقبتي بااحراج .. قربت يده من ويهي .. رجع قذلتي ورا اذني .. وهو يقول : قدلتج ذي باقصها انا .. ذبحتني من مساعه مغطيه ويهج .. ولا جفتج ..

فتحت عيوني متفاجأة من مساعه وهو يتأمل ولا جافني؟؟ .. عيااار ..! .. وضحكت برقه .. وكمل هو : نسيتيني شكنت بااقول ..

قلت بااهتمام : شنو .. طالعته مبوز .. وضحكت وقلت بخجل .. اقصد .. امر ..!!

ضحك وهو يقول : اي جي .. خلينا نسمع نطق الكلامات منج .!! .. ابتسم لي .. وكمل بطلب .. مرة ثانيه يوم بتدشين تسلمين .. ياخي قربي سلمي ع الاقل باليد .. ع الخد .. اشدعوه اشدعوه ..!!

انحرجت .. وسكت مب عارفه شـ اقول .. عضيت طرف شفايفي بااحراج ..طاحت قدلتي على عيوني ..وقلت : سوري نسيت .!

حسيته مبتسم .. تنهد .. رفعت عيوني له .. وعين وحدة مغطيه بقدلتي .. قرب من ويهي .. وصراحة وااااااايد خفت .. قلبي طاح فبطني .. مب متعودة .. ريال يكون قريب مني جي .. باس يبهتي واطراف من قدلتي كانت طايحه على يبهتي .. باسني فوقهم بعمق .. وابتعد بسرعه وهو يقول : مع السلامة..

طلع .. وقلبي احسه يرتجف .. يدق بالقو بالقو .. تراجعت وقعدت ع الكرسي وانا اشم ريحه عطره .. انتبهت اني قاعده مكانه .. صكرت عيوني وانا ازفر واشم ريحه عطره الرهييبه .. رن تيلفوني وافزعني ..وسلب مني كل المشاعر الجميله .. واحتل الخوف محلهم وقلبي لازال ينبض بالقو .. كان هو نفسه الي يهددني ..!!!



............

امل ..


كنت اصيح .. اصيح بقو .. اسبوعين .. اسبوعين بعد الي صار .. و حمـــد .. ماله حس .. ماله وجود .. صحت بقهر على نفسي .. صحت مقهورة .. رخيصه .. رخيصه انا ..

صحيح .. انا للحين عذراء .. بس .. بس الي سويته ماتسويه عذارا .. اشلون طاوعته ودخلت غرفته .. اشلون سمحت له يمد يده ويتلمس ويهي .. اشلون سمحت له يبوسني .. اشلون .. اشلون ...!!

غطيت ويهي بالقو .. وانا اتذكر اني طلعت بسرعه مصدوومة من قبلته .. ورجعت غرفتي .. تذكرت الاسبوع الي قضيته هناك مريضه .. ولا حتى سأل عني ..وتيلفوني مفتوح ليل نهار اتمنى بس اسمع اعتذاره .. اتذكر بالضبط ان علي كان مصر يعرف اشفيني وليش فجأة مرضت .. والصخونه تروح وترد علي بااستمرار ..

ومن يوم رجعنا وامي تحن علي اوافق ع المعرس الي متقدم لي قبل لا اسافر دبي .. صحت باانهيار .. اشلون اتزوج وانا قلبي مع غيري .. اشلون .. واشلون .. انا انا .. قذرة .. رخيصه .. رضيت على نفسي .. اشلون ارضى اخدع الي جاي وخاطبني .. حرااام ...

اتصلت فيه للمرة المليون ؟؟واخيرا رد ببرود : نعم ؟؟

قلت بلهفه : حمد .. صحت بقهر .. ليش يطنشني .. ليش مايرد علي ..!؟

تافف : اشتبين خير ؟؟!

قلت بخوف يقطع قلبي : حمد اشفيك علي ..!! ليش تغيرت ..

زفر بضيج : اوففف .. اشتبين انتي الحين فكيني؟؟ .. انا ماتغيرت انا مثل ماانا .. وانتي ماتهميني .. انتي بس كنتي هه تسلايه ..

تسليه ؟!! ... صحت بعمق وانا اقول له : ليش .. ليش ..

قال وهو معصب : جوفي انا ماعندي وقت اضيعه ويا حقارتج وناس مثلج .. الي ترضى تبيع عمرها ياقلبي لا تسال بعدين ليش ضيعتوني وهي الي ماده يدها بكل قوة للضياع ..!! .. اي وعلى فكرة .. انا انسان خاطب .. وخطيبتي اشرف منج بمليون مرة وعرسنا قريب.. ويالله فارجي ..


صكر التيلفون فويهي ..

غطيت شفايفي وانا اصيح بكل قهر .. وقفت بقوة جدام المنظرة .. وصطرت نفسي بقوة .. انا غبيه .. غبيـــــــه ..

غطيت ويهي وانا اصيح .. طحت ع الارض منهارة .. انا وسخه .. انسانه ماتستاهل اتعيش .. حقيييرة .. خربت سمعه اهلي .. نزلت راس اخوي ... اكرهــــــــــــــج لولوة .. اكرهـــــــــــــــــــج .. انتي الي ضيعتيني .. انتي ..


دقيت على رقمها .. وتذكرت انه عند علي .. اتصلت على رقمها الثاني .. رن .. ورن .. وانا اصيح واشاهق .. ليش مادري ليش اتصل لها .. بعد كل الي سوته فيني ..

ردت اخيرا .. وصحت بقهر .. : ليييييييييييييييييش يالولوة .. لييييييييييييييييش؟؟

قالت بااستفهام .: امل ؟؟ اشصاير؟؟ بعد كل هالشهور الحين متصله فيني؟؟ اشتبين؟؟ ..


صحت مقهورة : ليش ضيعتيني ليش .. ؟؟ انا شضريتج فيه؟؟ ..

هدوووء ساحق هذا الي سمعته منها .. صحت زيادة باالم : ضيعتيني .. حرام عليج .. حسبي الله عليج ونعم الوكيل

ت1كرت يوم شجعتني اني استمر ويا حمد .. واني مااخاف واعطيه رقمي .. خصوصا انه يحبني .. ويغار علي .. من كلامه .. واكيد انه يبي يخطبني .. مادريت ليش بالضبط لولوة ضيعتني ؟؟ .. ليش؟؟ ... انا احبها .. حرام ليش مانصحتني .. ليش ماقالت لي ان درب الجات غلط .. لييييش ماوقفت وياي ... ليش شجعتني ليييش لييييش؟؟


قالت بعصبيه : لا اتحسبين علي .. اي .. اي انا الي بغيتج تضيعين .. مب بس انا الي اضيع .. مب بس انا الي ضعت .. مب بس انا الي اعاني .. ليش انتو بعد ماتعانون معاي .. ليش ماتحسون فيني بعد .. ليش بس انا الي تتشوه سمعتي .. ليش بس انا الي اصير رخيصه .. انتي بعد صيري رخيصه .. انتي بعد ..


شاهقت باالم .. اشدخل ..قصدها يعني انا .. صايعه؟؟ .. بس انا مااكلم شباب .. انا بس كلمت حمد .. بس والله بس ..يعني انا .. حالي حال الي يكلمون 100 شاب .. هذي شتقول ؟؟ : انتي شتقولين ؟!!

قالت بعصبيه وصياح : يعني بتفهميني ان اخوج ماقال لكم اني نفسج الحين .. ههههههههههه .. مب بس انتي النجسه .. هههه .. انا كنت قبلج " صاحت بقهر" .. انا تعذبت سنين وسنين .. واخوج زاد عذابي زيادة وطلقني .. يعني انا .. انا ,,, شذنبي .. انا بعد .. ضحيه ..

كملت وهي تضحك : هههههههه حتى انتي مب بنت الحين .. مب بس انا هههههههههه .. يا شماتي فيك يا علي .. ههههههههه .. ويقول اختي اشرف منج .. هههههه .. كلنا فالهوى سوى ... صاحت وهي تقول .. بس الفرق انج مب متزوجه .. يعني بتبيرين خههههههههههه .. وانا تزوجت ..صاحت بحزن ..وخذت واحد على عيونه .. مايدري الي خذاها بنت ولا ... مايدري عن مشاعرها .. مايدري عن مأسيها .. تدرين؟ .. اشكر اخوج صراحه .. خخخخخ .. تدرين ؟؟ .. ينفع يستر ع البنات |.. سلمي عليه .. ولا تدرين ؟؟ .. انا بسلم عليه .. واقوله عنج .. اقصد ابارك له على ضياعج ههههههه ..


صكرت الخط بويها وانا اصيح بندم .. ليـــــــــــــــــش يالولوة ليــــــــش .. يعني بس خلتني اروح هالطريج بس عشان اصير نفسها ماتبي احد يكون احسن منها .. غطيت ويهي وانا اصيح بكل قوة .. انا ضعت وانتهيت .. والي ضيعني خاطب وبيتزوج قريب ..

مسكت تيلفوني.. وانا اصيح باانهيار .. مدام انه خطب .. ويحب زوجته ليش ليش ضيعني .. صحيح مالمسني بس .. بس صحت وانا اتذكر اني انا الي ضيعت نفسي .. وطرشت له


امسح الارقام الي عندك
ولاتحاول تتصل ثاني
انتهى ياصاحبي عهدك
مالفاني منك يكفاني
قلي بالله وش حدك
اتعمد جرح وجداني
ذا جزا الانسان الي يودك
تنكر عهوده والايماني
الغلا يا زين الي بدك
ماعطيته لواحدن ثاني
لين صرت تقول من قدك
من خلق شرواتك انساني
كم شكى الفواد من صدك
وكم وليله اسهر اعياني
حتى قال من الوسى حدك
لين متى بااعيش بااحزاني
ما انتظر ياصاحبي ردك
اقنعت نفسي بهجراني
لو يسيل الدمع ع خدك
امسحه يا زين وانساني
طرشته .. ورن تيلفوني على طول .. وكان .. علي .. رديت بسرعه : انا موافقه ,,,!!

وتلاه تلفون من حمد .. تلفون وحييييد ... صكرت عيوني متألمه .. انا صرت لغيرك ياحمد .. وانتهينا ..!

دانة الدوحة 07-05-10 10:37 PM

كل واحد معطي الثاني ظهره .. ويفكر ..

"سارة " ..

كانت دموعي تنزل بضعف .. وانا كاتمه صيحتي بالقو .. بعد الي صار بيني وبينه .. وبعد ماعرفت عن كذبه .. مستحيل اسامحهه .. ومستحيل اسامح ماجد .. طاح من عيني خلاص .. ومابي اكلمهم .. مااحبهم .. خلاص .. كانت الغرفه سابحه في الظلام .. ماعدا النور البسيط الي جاي من اطراف الستاير .. كنت منحرجه اقوم .. واطلع اجوفهم .. كنت مستحيه من نفسي .. ومن الي صار بيني وبين منصور .. يعني خلاص انا زوجته .. الي الكل كان يشوفها زوجته من شهرين .. احس نفسي منحرجه .. احس اني ماابي اجوف احد .. مستحيه من نفسي .. اشلون استسلمت .. كان المفروض .. كان لازم امنعه .. لاني اعرف مصيري وياه .. عبست وانا احس عيوني تحرقني من يديد .. وانا احاول اكون هاديه ومااصيح .. اخافه .. يكون قايم ومب راقد .. ويحس فيني وفضعفي .. لا مستحيل ابين له .. انا اصلا لازم ابين له انه حتى بعد الي صار ويانا .. اني اكرهه .. واستحقره اكثر من اول .. لازم ابين ان هالشي مااثر علي .. اصلا هالشي ماااثر علي .. اي انا اعرف عن نفسي .. هالشي اصلا مااثر علي ..

صحت وانا مب قادرة امسك نفسي زيادة ..

تحركت بسرعه من السرير ... ورحت الحمام .. تعثرت قبل لا اوصل الحمام .. بفانيله منصور .. !! .. رفعتها وانا اقبض عليها بقوة واعفسها بين يدي .. مسكت حلجي امنع شهقتي ..

ركضت للحمام .. وصلت الحمام .. دخلته برجفه .. صكرت الباب .. وتساندت عليه .. نزلت ع الارضيه وصحت بقوة وانا ادفن ويهي فركبتي .. صحت بقوة .. مادري اشفيها مشاعري متلخبطه .. شميت ريحه منصور ..وخفت انه دخل الحمام بس تذكرت اني قفلت الباب عيل هالريحه من وين؟؟ .. ويوم فتحت عيني لقيت فانيلته بين يدي .. صحت زيادة .. وانا احس باانحراج كبير من نفسي ..


............

"منصور "

ماقدرت ارقد او ارتاح بعد الي صار بيني وبينها .. عضيت على شفايفي بندم .. اكيد حست بحاجتي لها ورغبتي فيها .. غبي غبي غبي .. اكيد تتوقع ان لها مكانه فقلبي ؟ لا طبعا لا تحلم اصلا انا مااحب الا لولوة .. اخ يالولوة وينج وينج اختفيتي عني سنين .. من يصدق .. تنهدت بتعب وانا امسح طرف ويهي .. اشلون ماقدرت اتحكم فنفسي .. يعني خنت لولوة .. لالا .. هذي زوجتي وهالشي مفروض يصير من زمان.. بس .. بس لولوة ..؟؟

هزيت راسي وانا انهي الصراع الي اعيشه بداخلي ..توجهت لغرفه الملابس بغير ثيابي وبطلع .. مااقدر اواجهها مااقدر .. احس اني منحرج ومستحي منها .. عضيت على شفايفي وانا اسمع صوت صياحها .. عورني قلبي .. بس طنشت لبست ثيابي وطلعت من غرفه الملابس وانا ازرر ثوبي .. وتوجهت للتسريحه .. مشطت شعري بمشطها .. وتسبحت بالعطر .. توجهت للكوميدينو وخذت بوكي ومفتاح سيارتي ..

وطلعت من الغرفه .. مشيت بهدوء بطلع من البيت .. سمعت حس سالم معصب وهو يتحجى بالتلفون .. اشر لي اروح الميلس اسلم على ريل سلوي .. اوف مب متفرغ لـ احد .. بروحي الي فيني مكفيني ..

مادري ليش احس اني مهموم من الي صار وبنفس الوقت احس اني فرحان .. مادري اشلون اعبر لكم .. تنهدت .. دخلت سيارتي .. وفتحتها .. وانا اتذكر يوم وديتهم حديقه اسباير .. اشكثر كانت حلوة الرحله .. صكرت عيوني وانا مبتسم .. ورديت فتحتها وانا اسمع رنه التيلفون تتصاعد برنين نوكيا المعتاد قطعت تفكيري فهالانسانه الي عجزت افهمها .. فكل شي مختلفه ولها ردات فعل مب طبيعيه بالمرة .. عمري ماتوقعت شي وصار صح بالنسبه لها

فتحت الخط وانا عاقد حياتي .. رقم غريب .. وسمعت حس اشتقت له وااااايد واااايد : حبيبي .. وحشتني ..

صكرت عيوني بألم احتفظ بهالكلمات .. اخ يا لولوة محتاجج .. محتاجج وايد وايد .. استمرت تكمل: ليش اختفيت من حياتي مرة وحدة .. منصور .. انا تطلقت بس عشان ارجع لك ..(وقالت بقهر) لاني اكتشفت اني مااقدر اعيش من دونك


فتحت عيوني مفجوع .. تطلقت ؟؟ .. عشاني ..!! .. ياحبيبتي يالولوة .. ضحت بريلها .. ومستقبلها واسمها .. عشاني .. ياحبيبتي .. صرتي تحملين اسم مطلقه بس عشاني .. تفاجأت .. معقوله للحين تحبني مثل ماانا احبها ..
ياريت يا لولوة قلتي هالشي من قبل .. قبل لا المس سارة.. واضيعها معاي ..! .. ياريت ..!

..............


"حمدة "

كنت اسمع كلامه متفاجأة .. رمشت بالقو .. هذا شيقول ؟؟ .. طالعته متفاجأة .. وانا اشم ريحه السجاير ..

قعد على كرسيه الوثير ..وافتر نص التفاته وهو يقول : من يوم دخلتي هالمكتب .. وانتي داشه خاطري ..

حسيت اني تجمدت في مكاني .. وخفت .. بلعت ريجي ..








شـ يقصد ..!؟



(انتهى)

Jewely 07-05-10 10:53 PM
أفااااااا لييش خلص الباارت >> كنت خااشه جو وبقووه

ياانا حااقده على منصووور حقققد

مالت عليييه وعلىآآ لوولووه معااه




سلوى الله يعينها على اللي يهددها

بصرااحه موقفها يخررع الله يكفيها الشر بس


ويسلموو دندوون ع الباارت الحلو ذا


وبالتوفيق لك بامتحاناتك

dlo 08-05-10 12:06 AM
يعطيك العافية عزيزتي بارت حلو
اتوقع حياة سارة ومنصور بيفرض فيها العناد بين الطرفين وبيكون لولوة ثاتير في حياتهم
سلوى اتوقع تطلق من فيصل ممممم وبس

داررررين 08-05-10 12:37 AM
صراحه منصوروه حقير توقعته يحب ساره
مسكينه ذا الساره ما لها حظ .........
سلوى ..المفروض خبرت فيصل بالي يهددها.
تسلمين يا الدانه.

بحور الاسرار 08-05-10 03:32 AM
تسلمي على البارت

منصور و ساره

اتمنى تتحسن علاقتهم

ويتركون العناد

ولولوه ما تستاهل ترجع لحياة منصور

امل

الله يعينها

ΑĽžαεяαђ 08-05-10 06:13 AM
السلااااااااااااام عليكم

دندون يا هلاااااااااا والله بهالرجعة القوية بعد غياب الاختبارات والامتحانات اللي شكلهات حبتك وما تبي تفارقك اليوم البارت صدق صدق خطير عجبني مرة واهم شيء اللي اتضح لي ان منصور متعلق بشبح لولوة وما يحبها صدق هو تعود بس على انه يكون للولوة لكن سارة لها في القلب مكان على ما يقولون ولو عرفت تتعامل مع منصور بشويت شطارة بتمسح سيرة لولوة وخيالها اللي قاعد يرجع بقوة ..






سارة :: يا قلبي انتي حبيبتي انتي وين وهالرجال وين واحد فيكم في الشرق والثاني في الغرب انتي تسبين واكرهك وابعد عني وهو هذي المسكرة لايش << فيس مستغرب من عديم الاحساس هذا ..
بس ها الحين بعد ما صرتي زوجته صدق دافعي عن واجك وبكل قوة مو عيب انه الحين ما يحبك بس العيب انك تستلمين وتقولين لا هو ما يبيني فاهمتني عاد كيف تخلينه لك هذا انتي وشطارتك بالذات بعد رجوع لولوة للموقعها وحركاتها الخبيثة انا اقول ان منصور بيكتشف لولوة وحقارتها يمكن سالم بعد ما صار طيب وضميره يأنبه يقول لاخوه الخوف لا سالم يخليه على هواه عشان يطلقك وهو يتزوجك وتكون نهايتك معه ..








منصور :: تصدق عاد انا ما زعلت منك كثير صدق انقهرت منك وانت تمثل دور البريء اللي ما يعرف شيء بس بعد كنا نضحك على حركاتك ويمكن هالدور كان له الفضل بانه يعرفك على سارة ومميزاتها بدل لا تتزوجون وكل واحد يطين عيشة الثاني وتنتهي حياتكم في ثاني يوم خخخ << فيس استفاد من دور الطفولة ..
بس اللي تعال الحين انت تقول لك سنين من لولوة بس انت قابلتها في يوم زواجك مدري ملكتك في حديقة بيتكم انا متذكرة هالشيء تمام حتى في هذاك الوقت كنت شاكة انك تلعب علينا بس لما شفت انك ما ثأثرت قلت لا حرام مدام شاف حبيبته وما سوى شيء اكيد انه تعبان هاااااااااا قلي الحين انت صدق صدق ايش وراك يا منصور ؟؟؟ << فيس منتظر الجواب ..






سلوى :: يا هو يا بنت يا سلوى والله تطورات انتي وهالفيصل اللي مدري ليه قلبي للحين مو مرتاح له لا تسألين ليه بس كذا من ربنا في ناس ما تقدرين تتقبليهم وانا فيصل مع كل الحب اللي يظهره للاسف مو قادرة اصدقه ..
المهم هاللي تكلمينه اتوقع انك تقولين لسالم عنه يمكن يطلع من ورا هالسالم خير في اخر الرواية وينفعنا << فيس متكل على سالم خخخخخخخخ ..






علي وروضة :: أي يا روضة خرجي كل اللي عشتيه من عينه لا تسامحينه الحين ذليه ذل بسس ها مو تزيدين العيار عليه بعدين يروح منك ويدور له بدل شمسة نجمة والا قمره خخخخخخخ
.. مثل ما تذلينه ارجعي حنيني قلبك عليه ترا الرجال يملون بسرعة ويقولون من تغلى تخلى يا قلبي ..





حمدة :: الله يعينك يعني انتي مأساة هالقصة كل المصايب دانة مخليتها على راسك هالدانة شريرة صح << فيس يقول لدندون غمضي عينك خخخخخخخ ..
الحين رئيسك في العمل وبكرة الله يعلم وومو بعيد هالخلوة تتطلع اشاعة عنك تكملة للمصايب اللي عندك ما راح تأثرك اشوفك متعودة على الدموع ههههههه .. الله يعينك دندون ارحمي البنت وفرحيها شوي حني عليها قطعت قلبي من كثر ما تبكي ..




امل :: الحمد لله المفروض تسجدين شكر لربك ان هالحيوان ما سوى فيك شيء كبير يا اختي خليه ومالك منه والمفروض ما كان كلمتي هاللولوة الحين بتروح تقول لاخوك بس عاد انتي ضامنه نفسك فلا توضحين مدام ربي ستر عليك استري انتي على نفسك وخطوة حلوة انك تقبلين بالعريس ..





دندون مشكورة يا قلبي على البارت مع اني ممنية نفسي ببارت اطول من كذا عشان مدة الغياب بس عاد الحين بنطلب منك بارت مثله قبل نهاية الاسبوع ولا تردينا هالمرة ..
منتظرينك يا قلبي بكل شوق ...




زوزو

احساس مجنونه 08-05-10 06:17 PM
مرحبا دانه البارت مره كئيب حزنتني ساره

بس عندي سؤال مش مره رح منصور مع سالم غرفة وفتح الجوال على السبيكر وكان يكلم لولوه يعني اكيد سمعهاولالا

وليش ماجد سوا كذا فى اخته الوحيده ياليت توضحين فى الاجزاء القادمه
وتصرف منصور مره غريب يعني وحده منهاره وهو يستهبل عادي حسستين انه معدوم من المشاعر حتى لو مايحبها فهي اهتمت فيه فى الشهرين الفاتو اكثر من اهله000000000000

دمتى بود00

عشقي امي 08-05-10 08:52 PM
يعطيك الف عافيه على البارت الاكثر من رائع
كنت متابعه من خلف الكواليس

ماقدرت اتمالك نفسي ورديت

دلع الماسه 09-05-10 02:42 AM
بصراحة تسلم يدك حبيبتي على هالقصة الرائعةوالمميزة
وياريت ماتطولين علينا يالغلا
ودمت بالف خير

#دهن العود# 09-05-10 07:39 AM
السلام عليكم ورحمة الله وبركاته
مشكورة يالغلا عالبارت بس أحسه قصير

منصور>سخييييف لاخر درجة يعني لعب وشاف بعيونه الكذب وعاده على حب لولوة والله أن ماتستاهل ظفرك يالخاين

سارة>يالبـــــى قلبها الله يعينها على منصور هذا جزاها بانها مستحمله الغثيث وصاينته واخر شي يطلع كذاب وخاين
والله يصبر قلبها على أخوها بصراحة شي صعب بان اخوها كذب عليها بس احسن شي عطيهم الحرف السين واصفطيهم على جنب

سلوى>الله يهنيش مع فيصل بس اموت واعرف من اللي يهددها واتوقع بيسبب مشاكل مع زوجها

روضة&سعيد>بس خلاص الى متى واللعب استانسوا في حياتكم واقولك ياسعيد تمسك بيدينك ورجولك في رواضي لانها ماتستاهل واقولش ياروضة بس خلاص ارجعي له

لولوة>كفاااااااااااية لعب باعراض الناس والتفتي حول نفسش واتركي منش الناس يرتاحون ويفتكون منش ومن شرش قبل لا يفضحش الله قدام خلقه

سالم>الله يكملك بعقلك وبعدي اترك السوالف البطالة واتوقع بان له دخل في موضوع سارة ومنصور وبيحل المشكلة وبيفضح لولوة قدام منصور

وسلامتــــــــــــكم
وتسلم يدينش ووننتظرش في بارت جديد
أختكم
#دهن العود#

بوح قلم 09-05-10 12:00 PM
دندونه تسلمين فديتج عالبارت الاهبل<< فيس صريح مقهور من البارت

منصور و سارة

انته شو ما تحس.. ولا ما تعرف شو تبي بالضبط.. عاد انا متاكده انك توك استخفيت.. يعني مصدق ان هاللولوة تحبك<< فيس قرر يعطيه على راسه يمكن ترد له حاسيته.. ان يخونك انسان من المفترض ان يكون هو من يحميك.. ويقدمك هبه وعلى طبق من فضة لتكون وسيلة لانتشال الاخر من حزنه وعالمه الكئيب.. هنا يتسلل الخذلان لقلبك.. ليعتصر الحب الكامن فيه ليحل الاسى والكره محله.. خلاص فديتج لا تصيحين<< فيس يمسح دموعها اكيد اخوج عنده اسبابه<< فيس يهديها

حمد وامل

رميت كلعبه باليه ضجر منها صاحبها ورمها.. دواج يعني توج تكتشفين انه ما يحبج.. ولا يمكن كنتي مصدقه انه يحبج وعايشة الدور بعد<< فيس معصب عليها.. وانته ما تستحي على ويهك ها.. ما عندك خوات تخاف عليهن<< فيس يحرك راسه

لولوة

من الطبيعي ان يجذب كل من وقع في الوحل الناس حوله ليقعوا معه.. الشعور بتحقير الناس ونظراتهم النافرة يشعر الانسان بانه منبوذ.. فمن الطبيعي ان تجترف الاخرين ليشاطروك الاحتقار.. ناهيك اذا اندمج الاحتقار بالرغبه في الانتقام حينها يتلذذ المرء برؤيه خصمه وهو يتجرع ذلك الهوان.. صدق انج مضيعه المذهب..بدال لا تنصحينها تخلينها ترمس.. بس لو اخوج كسر لج راسج جان زين..ولا ما تستحين بديتي تلعبين مرة ثانيه ولا جنه شي مستوي<< فيس بيذبحها خلاص

سلوى

تستحين<< فيس يحرك حياته.. ما علينا من هالساله لاحقين عليها.. خلينا في هالمفلع اللي رد لج مرة ثانيه.. انتي لازم تتحركين وتخلينه يودرج.. خبري سالم دام الله هاده << فيس استهم على حالتها

علي

حليلك حاس بالذنب.. خلها تصيح يمكن يخف احساسها بالذنب<< فيس يحرك راسه

نترياج فديتج<< الفيس راعي الورود



http://www.liillas.com/up3//uploads/...29afe633ce.gif

دانة الدوحة 10-05-10 12:28 PM
سعدت بطلتكم جدا .. وسعدت اكثر واكثر بتحليلاتكم .. لاخلانا الرب منكم ..

الجمعه ان شاء الله البارت .. وعلى موعدنا .. بعد الساعه الـ 9



نجوفكم على خير .. ولي عودة ..

دانة الدوحة 14-05-10 09:01 PM
اقتباس:
المشاركة الأصلية كتبت بواسطة Jewely (المشاركة 2296701)
أفااااااا لييش خلص الباارت >> كنت خااشه جو وبقووه

ياانا حااقده على منصووور حقققد

مالت عليييه وعلىآآ لوولووه معااه




سلوى الله يعينها على اللي يهددها

بصرااحه موقفها يخررع الله يكفيها الشر بس


ويسلموو دندوون ع الباارت الحلو ذا


وبالتوفيق لك بامتحاناتك
هلا هلا هلا بالجوهرة
شخبارج يالغلا عساج بخير؟؟
ياسلام شنو هالرد الحماااسي ,.. ثواني وينزل البارت
عيونج الاحلى ياحلوة ..
خلج قريييبه ولا عدمناج

دانة الدوحة 14-05-10 09:13 PM
اقتباس:
المشاركة الأصلية كتبت بواسطة dlo (المشاركة 2296863)
يعطيك العافية عزيزتي بارت حلو
اتوقع حياة سارة ومنصور بيفرض فيها العناد بين الطرفين وبيكون لولوة ثاتير في حياتهم
سلوى اتوقع تطلق من فيصل ممممم وبس
هلا هلا هلا دلو ..
شخبارج يالغلا عساج بخير؟؟
مشكووورة ياقلبي ع المرور الاكثر من رائع
عيونج الحلوة ..وتوقعاتج احلا واحلا... ثواني وينزل البارت
خلج قريبه ولاعدمناج

دانة الدوحة 14-05-10 09:16 PM
اقتباس:
المشاركة الأصلية كتبت بواسطة داررررين (المشاركة 2296921)
صراحه منصوروه حقير توقعته يحب ساره
مسكينه ذا الساره ما لها حظ .........
سلوى ..المفروض خبرت فيصل بالي يهددها.
تسلمين يا الدانه.
هلا هلا هلا دارررين
شخبارج يالغلاا عساج بخير؟؟
لووول .. اجوفكم غيرتوا رايكم فمنصور ؟؟ ..هذا هو منصور مثل مااهو.. قبل لا يكذب على سارة .. مافيه شي تغير
الله يسلمج .. ثواني وينزل البارت
خلج قريبه ولا عدمناج

دانة الدوحة 14-05-10 09:18 PM
اقتباس:
المشاركة الأصلية كتبت بواسطة بحور الاسرار (المشاركة 2297185)
تسلمي على البارت

منصور و ساره

اتمنى تتحسن علاقتهم

ويتركون العناد

ولولوه ما تستاهل ترجع لحياة منصور

امل

الله يعينها
هل اهلا هلا بحووورة ..
شخبارج يالغلا عساج بخير؟؟
الله يسلمج ويسلم غاليج ومغليج ..
لوول ..حلوة التوقعات لكن مايندرى شبيصير
خلج قريبه ولا عدمناج

دانة الدوحة 14-05-10 09:21 PM
اقتباس:
المشاركة الأصلية كتبت بواسطة ΑĽžαεяαђ (المشاركة 2297376)
السلااااااااااااام عليكم

دندون يا هلاااااااااا والله بهالرجعة القوية بعد غياب الاختبارات والامتحانات اللي شكلهات حبتك وما تبي تفارقك اليوم البارت صدق صدق خطير عجبني مرة واهم شيء اللي اتضح لي ان منصور متعلق بشبح لولوة وما يحبها صدق هو تعود بس على انه يكون للولوة لكن سارة لها في القلب مكان على ما يقولون ولو عرفت تتعامل مع منصور بشويت شطارة بتمسح سيرة لولوة وخيالها اللي قاعد يرجع بقوة ..






سارة :: يا قلبي انتي حبيبتي انتي وين وهالرجال وين واحد فيكم في الشرق والثاني في الغرب انتي تسبين واكرهك وابعد عني وهو هذي المسكرة لايش << فيس مستغرب من عديم الاحساس هذا ..
بس ها الحين بعد ما صرتي زوجته صدق دافعي عن واجك وبكل قوة مو عيب انه الحين ما يحبك بس العيب انك تستلمين وتقولين لا هو ما يبيني فاهمتني عاد كيف تخلينه لك هذا انتي وشطارتك بالذات بعد رجوع لولوة للموقعها وحركاتها الخبيثة انا اقول ان منصور بيكتشف لولوة وحقارتها يمكن سالم بعد ما صار طيب وضميره يأنبه يقول لاخوه الخوف لا سالم يخليه على هواه عشان يطلقك وهو يتزوجك وتكون نهايتك معه ..








منصور :: تصدق عاد انا ما زعلت منك كثير صدق انقهرت منك وانت تمثل دور البريء اللي ما يعرف شيء بس بعد كنا نضحك على حركاتك ويمكن هالدور كان له الفضل بانه يعرفك على سارة ومميزاتها بدل لا تتزوجون وكل واحد يطين عيشة الثاني وتنتهي حياتكم في ثاني يوم خخخ << فيس استفاد من دور الطفولة ..
بس اللي تعال الحين انت تقول لك سنين من لولوة بس انت قابلتها في يوم زواجك مدري ملكتك في حديقة بيتكم انا متذكرة هالشيء تمام حتى في هذاك الوقت كنت شاكة انك تلعب علينا بس لما شفت انك ما ثأثرت قلت لا حرام مدام شاف حبيبته وما سوى شيء اكيد انه تعبان هاااااااااا قلي الحين انت صدق صدق ايش وراك يا منصور ؟؟؟ << فيس منتظر الجواب ..






سلوى :: يا هو يا بنت يا سلوى والله تطورات انتي وهالفيصل اللي مدري ليه قلبي للحين مو مرتاح له لا تسألين ليه بس كذا من ربنا في ناس ما تقدرين تتقبليهم وانا فيصل مع كل الحب اللي يظهره للاسف مو قادرة اصدقه ..
المهم هاللي تكلمينه اتوقع انك تقولين لسالم عنه يمكن يطلع من ورا هالسالم خير في اخر الرواية وينفعنا << فيس متكل على سالم خخخخخخخخ ..






علي وروضة :: أي يا روضة خرجي كل اللي عشتيه من عينه لا تسامحينه الحين ذليه ذل بسس ها مو تزيدين العيار عليه بعدين يروح منك ويدور له بدل شمسة نجمة والا قمره خخخخخخخ
.. مثل ما تذلينه ارجعي حنيني قلبك عليه ترا الرجال يملون بسرعة ويقولون من تغلى تخلى يا قلبي ..





حمدة :: الله يعينك يعني انتي مأساة هالقصة كل المصايب دانة مخليتها على راسك هالدانة شريرة صح << فيس يقول لدندون غمضي عينك خخخخخخخ ..
الحين رئيسك في العمل وبكرة الله يعلم وومو بعيد هالخلوة تتطلع اشاعة عنك تكملة للمصايب اللي عندك ما راح تأثرك اشوفك متعودة على الدموع ههههههه .. الله يعينك دندون ارحمي البنت وفرحيها شوي حني عليها قطعت قلبي من كثر ما تبكي ..




امل :: الحمد لله المفروض تسجدين شكر لربك ان هالحيوان ما سوى فيك شيء كبير يا اختي خليه ومالك منه والمفروض ما كان كلمتي هاللولوة الحين بتروح تقول لاخوك بس عاد انتي ضامنه نفسك فلا توضحين مدام ربي ستر عليك استري انتي على نفسك وخطوة حلوة انك تقبلين بالعريس ..





دندون مشكورة يا قلبي على البارت مع اني ممنية نفسي ببارت اطول من كذا عشان مدة الغياب بس عاد الحين بنطلب منك بارت مثله قبل نهاية الاسبوع ولا تردينا هالمرة ..
منتظرينك يا قلبي بكل شوق ...




زوزو
وعليكم السلام ورحمة الله وبركاته
ياهلا ياهلا ياهلا بزوزووووو
شخبارج يالغلا عساج بخير ؟؟ ..
يه يه يه شهالرد الحلو .. لا صراحه بااتكشخ فيه هههه
تسلمين ياقلبي .. وه لا تيبين طاري الاختبارات راح انجن .. بتعرفين ليش مع نهايه البارت >< فيس يعودها ع الصدمة هع
خلج قريبه يالغلا .. وتحليل اكثر من رااائع
لاعدمناج ..

دانة الدوحة 14-05-10 09:24 PM
اقتباس:
المشاركة الأصلية كتبت بواسطة احساس مجنونه (المشاركة 2298356)
مرحبا دانه البارت مره كئيب حزنتني ساره

بس عندي سؤال مش مره رح منصور مع سالم غرفة وفتح الجوال على السبيكر وكان يكلم لولوه يعني اكيد سمعهاولالا

وليش ماجد سوا كذا فى اخته الوحيده ياليت توضحين فى الاجزاء القادمه
وتصرف منصور مره غريب يعني وحده منهاره وهو يستهبل عادي حسستين انه معدوم من المشاعر حتى لو مايحبها فهي اهتمت فيه فى الشهرين الفاتو اكثر من اهله000000000000

دمتى بود00
هلا هلا هلا احساس ..
شخبارج يالغلا عساج بخير؟؟ ..
انتباه عجيييب .. خلينا الحين من هالسيرة .. وبنجوف اذا منصور .. كان يتذكر هالحادثه ولا لاء؟؟ ..
ماجد .. وليش سوا جي .؟؟ .. هذا هو الشعور بالخذلان من اعز الاقارب .. ياترى وراه سبب ولا لاء..
سلمتي ع المرور الحلو
لاعدمناج

دانة الدوحة 14-05-10 09:26 PM
اقتباس:
المشاركة الأصلية كتبت بواسطة عشقي امي (المشاركة 2298610)
يعطيك الف عافيه على البارت الاكثر من رائع
كنت متابعه من خلف الكواليس

ماقدرت اتمالك نفسي ورديت
ياهلا والله عشووقه
شخبارج عساج بخير؟؟
نورتينا بطلتج .. عاد لاتحرمينا من طلتج وتتخبين وراء الكواليس
الاروع طلتج
خلج قريبه ولاعدمناج

دانة الدوحة 14-05-10 09:28 PM
اقتباس:
المشاركة الأصلية كتبت بواسطة دلع الماسه (المشاركة 2299016)
بصراحة تسلم يدك حبيبتي على هالقصة الرائعةوالمميزة
وياريت ماتطولين علينا يالغلا
ودمت بالف خير
ياهلا والله دلوووعه
شخبارج يالغلا عساج بخير؟؟
الله يسلمج ويسلم غاليج وكل من يغلى عليج
مرورج الاروع .. سلمتي ياحلوة .. ع الطله الذوق
لاعدمناج وخلج قررريبه

دانة الدوحة 14-05-10 09:30 PM
اقتباس:
المشاركة الأصلية كتبت بواسطة #دهن العود# (المشاركة 2299248)
السلام عليكم ورحمة الله وبركاته
مشكورة يالغلا عالبارت بس أحسه قصير

منصور>سخييييف لاخر درجة يعني لعب وشاف بعيونه الكذب وعاده على حب لولوة والله أن ماتستاهل ظفرك يالخاين

سارة>يالبـــــى قلبها الله يعينها على منصور هذا جزاها بانها مستحمله الغثيث وصاينته واخر شي يطلع كذاب وخاين
والله يصبر قلبها على أخوها بصراحة شي صعب بان اخوها كذب عليها بس احسن شي عطيهم الحرف السين واصفطيهم على جنب

سلوى>الله يهنيش مع فيصل بس اموت واعرف من اللي يهددها واتوقع بيسبب مشاكل مع زوجها

روضة&سعيد>بس خلاص الى متى واللعب استانسوا في حياتكم واقولك ياسعيد تمسك بيدينك ورجولك في رواضي لانها ماتستاهل واقولش ياروضة بس خلاص ارجعي له

لولوة>كفاااااااااااية لعب باعراض الناس والتفتي حول نفسش واتركي منش الناس يرتاحون ويفتكون منش ومن شرش قبل لا يفضحش الله قدام خلقه

سالم>الله يكملك بعقلك وبعدي اترك السوالف البطالة واتوقع بان له دخل في موضوع سارة ومنصور وبيحل المشكلة وبيفضح لولوة قدام منصور

وسلامتــــــــــــكم
وتسلم يدينش ووننتظرش في بارت جديد
أختكم
#دهن العود#
وعليكم السلام ورحمة الله وبركاته
ياهلا ياهلا ياهلا بدهن العود كله
شخبارج يالغلا عساج بخير؟؟
ياسلام شنو هالرررد الحلو .. والتحليلات الاحلى
ان شاء الله هالبارت مايكون قصير
خلج قريبه ولاعدمناج

دانة الدوحة 14-05-10 09:32 PM
اقتباس:
المشاركة الأصلية كتبت بواسطة بوح قلم (المشاركة 2299408)
دندونه تسلمين فديتج عالبارت الاهبل<< فيس صريح مقهور من البارت

منصور و سارة

انته شو ما تحس.. ولا ما تعرف شو تبي بالضبط.. عاد انا متاكده انك توك استخفيت.. يعني مصدق ان هاللولوة تحبك<< فيس قرر يعطيه على راسه يمكن ترد له حاسيته.. ان يخونك انسان من المفترض ان يكون هو من يحميك.. ويقدمك هبه وعلى طبق من فضة لتكون وسيلة لانتشال الاخر من حزنه وعالمه الكئيب.. هنا يتسلل الخذلان لقلبك.. ليعتصر الحب الكامن فيه ليحل الاسى والكره محله.. خلاص فديتج لا تصيحين<< فيس يمسح دموعها اكيد اخوج عنده اسبابه<< فيس يهديها

حمد وامل

رميت كلعبه باليه ضجر منها صاحبها ورمها.. دواج يعني توج تكتشفين انه ما يحبج.. ولا يمكن كنتي مصدقه انه يحبج وعايشة الدور بعد<< فيس معصب عليها.. وانته ما تستحي على ويهك ها.. ما عندك خوات تخاف عليهن<< فيس يحرك راسه

لولوة

من الطبيعي ان يجذب كل من وقع في الوحل الناس حوله ليقعوا معه.. الشعور بتحقير الناس ونظراتهم النافرة يشعر الانسان بانه منبوذ.. فمن الطبيعي ان تجترف الاخرين ليشاطروك الاحتقار.. ناهيك اذا اندمج الاحتقار بالرغبه في الانتقام حينها يتلذذ المرء برؤيه خصمه وهو يتجرع ذلك الهوان.. صدق انج مضيعه المذهب..بدال لا تنصحينها تخلينها ترمس.. بس لو اخوج كسر لج راسج جان زين..ولا ما تستحين بديتي تلعبين مرة ثانيه ولا جنه شي مستوي<< فيس بيذبحها خلاص

سلوى

تستحين<< فيس يحرك حياته.. ما علينا من هالساله لاحقين عليها.. خلينا في هالمفلع اللي رد لج مرة ثانيه.. انتي لازم تتحركين وتخلينه يودرج.. خبري سالم دام الله هاده << فيس استهم على حالتها

علي

حليلك حاس بالذنب.. خلها تصيح يمكن يخف احساسها بالذنب<< فيس يحرك راسه

نترياج فديتج<< الفيس راعي الورود



http://www.liillas.com/up3//uploads/...29afe633ce.gif
ياهلا ياهلا ياهلا ببوووووووحة
شخبارج يالغلا عساج بخير؟؟ \
صراحه استمتع وانا اقرا ردج .. احس الخطاب الموجة للابطال عجييب ..
تسلمين ياقلبي ع المرور والتعليق الاروع
خلج قريييييييبه وبتعرفين شبيصير
لاعدمنــا هالطله

دانة الدوحة 14-05-10 09:34 PM
ثواني وينزل البارت

قرائي في ألـــ* اعتذر منكم المنتدى مغلق .. ماقدرت انزل البارت عندكم ولا حتى ارد على ردودكم .. اتمنى تقدرون توصلون للبارت ..

دانة الدوحة 14-05-10 09:37 PM

..::]][[ الحفنه السادسه عشر ]][[::..
(بعثرة مشاعر)

"حمدة "

كنت اسمع كلامه متفاجأة .. رمشت بالقو .. هذا شيقول ؟؟ .. طالعته متفاجأة .. وانا اشم ريحه السجاير ..

قعد على كرسيه الوثير ..وافتر نص التفاته وهو يقول : من يوم دخلتي هالمكتب .. وانتي داشه خاطري ..

حسيت اني تجمدت في مكاني .. وخفت .. بلعت ريجي .. شـ يقصد ..!؟

طالعني وثبت نظراته علي : بـ كم الليله ..!؟

استوعبت الي يبغيه .. وانغرزت دموعي غصب فعيوني .. وقفت بسرعه .. : انـت .. انـت ..

سكت مب عارفه ايش اقول .. دموعي ملت عيوني .. صكرت عيوني بكل الم .. انا هب رخييييصه .. هب قليييله ادب .. ليش جي يقول لي؟؟ .. انا مب بنت ليــــــل !

قام من مكتبه .. ووقف مجابلني .. : 10000 يسدونج ولا تبين زيادة ؟؟

طاحت دموعي وقلت بكره : انته حقير ..وانا بستقيل ..!


التفتت باطلع .. مسك يدي بالقو ولفني لجهته : 30000

رفعت يدي وصفعته بقوه وقهر : وهذا ردي عليك ..

شكله عصب .. وقال لي : انا جي تقولين عني ...!؟

قرب مني وانا مب مستوعبه .. مسك ويهي وباسني .. بعدت يديه عني وانا ادزه .. انفج الباب .. وانصك بسررعه ..

مسحت شفايفي بقوة وغيض وانا اصيح .. اما هو قال لي : جفتي كيف فضحتينا؟؟ .. حق شو الصراخ يعني؟ ..

تحركت بقهر باطلع من المكتب .. وانا اصيح بالقو .. سمعته يقول : مطلقه شو تترين ريال بيي يخطبج يعني ..؟ تعالي ماتفاهمنا .. ماعجبج ال30 .. ازيدهم لعيونج 50 ..

ركضت بسرعه لمكتبي .. دخلت بسرعه ... ومسكت شنطتي ..توجهت للحمام .. غسلت ويهي وايد .. مادري كم .. بس وايد .. حتى ان شفايفي تشققو واحمر حنجي .. ونزلت تحت وانا اصيح بكل غيض وقهر والم .. لاني مطلقه .. لاني مطلقه ..

اتصلت ع عفاري .. وقلت لها ابا الدريول .. بس الدريول طالع ويا ام عفاري.. اتصلت ع حميد .. وانا منهارة ..

اما حميد .. فـ تخرع وهو يحاول يفهم شو السالفه .. وصل بعد حوالي ربع ساعه .. وانا هب راضيه ادخل المكتب مع ان خوله اتصلت عليه مرتين تزفني عسب ايي اكمل البيانات .. وانا صرخت فيها .. خلاص طفح الكيل ..

من لمحته .. صحت زيادة .. ودخلت السيارة وانا منهاره .. وحميييد متخرع : شصاير .. حمده .. ليش تصيحين .. بلااااج ..



.............
"سالم"

قعدت ع الكرسي تعبان .. احس يدي شوي تعورني اذا حركتها وايد ... خصوصا اني اليوم داومت في شركة محمد اخوي .. ابتسمت وانا اتذكر السكرتيره الصارمه .. كانت تتعامل بكل جفاف معاي .. وكانت تعاملني وكأني موظف عادي .. تحترمني وبس ... لا تكلمت مني ولا مناك ..

عجبني موقفها وايد .. ويوم قريت ملفها بالدس .. انصدمت حييييل ... مطلقه ..!!! ...... بس اصغيرة صغيرة وايد ... تخيلو عمرها 18 .. ومطلقه ... مادري ليش يات فبالي سارة.. خفت منصور يطلقها .. معقوله وهي صغيرة تتطلق .. انا صحيح .. كنت ابغيها كـ زوجة .. بس هي .. راح تتحمل هاللقب .. وانا ادري فمجتمعاتنا القاسيه الي ماترحم ... قعدت افكر لو سارة تطلقت لاسمح الله .. ورحت تقدمت انا لها ... بتوافق؟؟ .. وبعد الي قلته لها ... اخ ... اكتشفت اني وايد وايد كنت حقير .. وكانت تصدر من تصرفات غير مسؤله وغير مباليه ... يمكن لوجود سارة في بيتنا خطوة كبيرة فحق حياتي ... غيرت حياتي
وصحتني من غفوتي


فسخت غترتي وفلعتها ع الكرسي .. وتوجهت للسرير .. انبطحت عليه وانا حتى مالي بارض افسخ ثوبي .. مادري ليش حسيت اني لازم اتزوج ... اول شي عشان اصون نفسي من الحرام ثاني شي .. لان حياتي كلها جفاف في جفاف .. احتاج وحدة تحن علي .. تسأل عني .. تحبني .. تراعيني .. تجوف شنو ابغي شنو ماابغي .. تشتاق لي اذا غبت ... تحس فيني اذا مرضت .. ابغي وحدة .. ماتخوني ... ابغي وحدة .. اذا حبت تحب بصدق ..ابي وحدة ماتكون قويه راس .. ولا ضعيفه ... ابي وحدة ... غير ... ابي وحدة طاهره ... نظيفه ... عفيفه ... مالها غيري حبيب ... مالها فسوالف الحب والخرابيط .. ولا عندها مغامرات عاطفيه ... ابي اكون الاول والاخير في حياتها
ابغي اكون محور اهتمامها .. وابغيها تحتويني واحتويها .. ابغيها لا غلطت تصحح اغلاطي .. ابيها لا جافتني ندمت تمسك بيدي .. وابيها لا تعبت تزيل همومي ...
بس بس .. ماراح تعتبر خيانه لذكريات حياة؟؟ ..

حياة حياة حياة ..


رحلت من سنين .. وانا كنت عايش فعز معاها ... عرفت الحب والحنان والامومه والدلع كل هالاشيا الي ماعرفتها بحياتي الا معاها .. كنت قاسي عليها اي نعم اعترف .. بس انا طول حياتي عشت جلف .. جاف .. مااعرف اعبر .. حياتي عودتني اكون جذي .. اشلون خلال شهرين ثلاثه تبغيني اصير رومانسي واعبر عن اهميه وجودها في حياتي

انا تعودت فحياتي على الكتمان .. صعب علي جدا اني اعترف ولو بااهميتها وقيمتها عندي .. لاجيت اعبر ... غصب عني قسيت ...انا حياتي فهالبيت بدون مشاعر علمتني اتجرد من مشاعري .. علمتني اكتم مشاعري لاني لو بحت فيها ضعفت ...

تنهدت بتعب وانا محتار ... اتزوج ... ولا لاء؟؟
طرت ع بالي البنت الي ويانا بالشركة .. ليش .. ماادري ..!!


...............



"منصور"

رديت الباب وانا هلكان وتعبان .. جفت سلوى قاعده فالصاله وتهز ريلها بتوتر .. ابتسمت بحنان لها .. باافقدها وااايد .. بتسافر الليله لبنان .. تجهز لعرسها .. ابتسمت.. بس سرعان مااختفت بسمتي وانا احس بمكانها ووجودها فهالبيت .. يعني معقوله بتغيب عن هالقصر الكبير .. وتتركه خالي من المشاعر .. يعني ع الغدى بس انا ومجود وعيال محمد واحيانا سالم .. بااشتاااااق لها وااايد ..

طالعتها بحنيه كبيرة .. وحسيتها متوترة .. عقدت حياتي وانا اقول : السلام عليكم ..

رفعت راسها بسرعه وهي تقول : وعليكم السلام .. انته رديت .؟؟ ..

ردت بدفعه وحدة .. عقدت حياتي .. ومادري ليش طرا فبالي اتصال سارة يوم كنت تعبان الظهر .. وكنت منسدح ع الكنب .. همممم .. كان عندهم امتحان فلسفه ؟؟ .. اي .. تتذكرون؟؟.. من بعد ذيج السالفه نحست علينا ..!! ..ابتسمت من ردت لي السالفه ..


التلفون يرن .. يرن .. يرن ..الصاله هدوء يقطعها صوت الرنين .. انتبه من سرحانه الي شاغل كل وقته .. حس عضلات ريله متبنجه وماله بارض يتحرك ويرد .. طالع الساعه لقاها 3 الظهر .. من الفاضي الي متصل هالحزة؟ تكيسل يقوم .. واول ماهم بالقومة .. توقف التلفون عن الرنين .. ماتعب نفسه بالتفكير وانسدح اول ماغمض عينه رن التلفون .. عصب .. وقام شال التلفون توة بينطق وبيلعن الي متصل الا تاكله بلسانها: ساعه؟ ساعه لين تردون؟ من ساعه وانا اتصل؟ لا صباح الخير جان مارديتوا؟ .. بسرعه ودي التلفون لماما سلوى

طالعت الشاشه رقم جوال .. من هاذي؟ قليله الادب الي متصله هالحزة وتتهاوش بعد : خيـر اختي؟ ..

حس بالحركة الي كانت تصدر من التلفون هدت .. والبركان الي انفجر من شوي استقر .. قالت بعد فترة قصيرة : ا .. ا .. هذا مب بيت سلطان؟؟؟

عقد حواجبه: ايه نعم ؟

حسها مفتشله وهي تقول: .. احم .. السلام عليكم .. ممكن سلوى؟

حسها ثقيله دم .. ومن استوعب الرقم كشر بويهه : ايه لحظة ..



ابتسمت على هالذكرى ..و قعدت بتعب ع الكنب : اي رديت .. اشفيج مفجوعه ..

طالعت وراي وكأنها تتأكد من شي ..قلت بااستغراب : شتدورين؟؟ ..

قالت بحذر : سارة مب وياك؟؟ ..

عقدت حياتي مستغرب .. صج تعالو .. وينها .. كل يوم اجوفها ترتز ويا سلوي ومن سوق لسوق عشان جهازها او منخشين هالثنتين في غرفه سلوي .. قلت بااستغراب : لاء مب وياي .. هي مب وياج؟؟ .. (تذكرت الي صار وانحرجت بيني وبين نفسي ..مادري ليش حسيت اني راح ابتسم .. بس مسكت ابتسامتي ..وينها ليش مب ويا سلوى .. اكيد مستحيه تنزل ..؟؟ )

قالت وهي تبوز : لا .. من اول ماطلعت من جناحكم .. هي طلعت .. وراحت بيتهم ..

فتحت عيوني مصدوم : اي بيت؟

عقدت حياتها: اشفيك بيت ابوها .. تعال .. صج انت ليش ماتنتبه لها ها؟؟؟

انصدمت من كلامها ..وعصبت .. يعني معتبرتني ولاشي حتى ماقالت لي انها بتطلع من البيت .. وسكت ماعرفت شاارد .. لكنها كملت : مسكينه طاحت من السرير ولا ساعدتها واعليه زنودها تعورها ..!!

عقدت حياتي .. طاحت من السرير؟؟ .. وزنودها تعورها؟؟ .. مساعه يوم كنا ويا بعض ماكان فيها شي .. تذكرت الي صار بينا .. وانحرجت .. واستحيت .. نزلت عيوني لتحت ورديت رفعتهم : من العصر الي طلعت انا هي طلعت؟؟

قالت لي بااستغراب : اي شفيك؟ .. ماقالت لك ؟؟ .. انا يوم كلمتها قالت لي انها قالت لك .. !!

ارتبكت .. ووقفت اغطي ارتباكي : اي امبلا تذكرت .. خلاص باروح اجيبها ..

نزلت تحت وانا عاقد حياتي .. سارة طلعت من البيت بدون ماتقول لي ؟؟ .. انا زوجها والمفروض انا اول واحد يدري عن تصرفاتها ..عصبت من تصرفها الصبياني اللا مسؤوول اكيد راحت لانها ماتبيني ... مب بكيفها .. احنا ماقاعدين نلعب .. وبعدين .. وبعدين .. انا .. انا اليوم احتاجها .. ماقدر ..

وصلت لبيتهم وانا مفووول ع الاخر .. اتصلت لمجود .. وسمعته يضحك وهو يقول : حياك حياك تحت .. احنا فوق .. الا مرتك الدلوعه وامي وولدي .. خخخخخخخخ

ابتسمت .. وقلت وانا اهدي من اعصابي : اي ماخذ راحتك ها

ضحك ماجد وهو يقول : ياخوك شنسوي من زمان عن المرة .. ملتهين .. خذ مرتك لازنطها .يالله بصكر يوعان بتعشى .. حياك

ابتسمت بخفه واستهتار: ليش؟؟.. اوه تتعشى بالعافيه

ضحك وهو يقول : ياخي لاصقه فـ امي طول اليوم .. يقول تبي حنان خخخخخخخخ .. اقولك انا بزي لا اتطول السالفه بطني قارصني من اليوع

تجمدت ابتسامتي وانا اسمع جملته الي يقول تبي حنان .. قلت بعد سرحان: يعني ادخل امان؟؟ ولا مرتك تحت؟

ماجد قال بااستعيال: دش دش .. اقولك انا ومرتي فوق .. يالله فارج

وطبع الخط بوييهي .. مب هين ولد العم دخلت البيت .. وانا احس بخجل طفيف منهم .. ام سارة .. احبها هالانسانه ..؟ وايد احبها .. اتذكرت يوم كنت امرهم كنت دوم اجي اسلم عليها لانها انسانه وايد زينه .. وصلت للصاله الي يقعدون فيها يوم اجيهم ..

بس كانت خاليه .. عقدت حياتي .. وقعدت على طرف الكنب وانا ناوي اتصل ع سارة .. سمعت حس ضحك من الصاله الثانيه .. الي نادرا .. مايدخلوني اياها ..

توجهت بحذر للصاله .. وكان الباب مردود .. "يعني مب مصكر .. ولا مفتوح ع الاخر .. مابين وبين " ترددت اطل او لاء .. بس تذكرت ان ماجد قال لي ان مرته فوق .. طليت بهدوء .. واندهشت .. كانت الصاله قعده عربيه .. يعني "مساند وقعده ع الارض" كانت سارة حاطه راسها ع ريول امها وتلعوز يوسف .. وامها تكلمها بحنان ... وتلعب بشعرها الحريري الي طايح ع ريول امها .. والتلفزيون مفتوح .. بس صوت ضحكهم وسوالفهم مغطيه ع صوت التلفزيون ياتني رغبه عارمه بااني امسكها واضمها بقوووة ... والعب بشعرها واشده .. ذهلني منظر شعرها الي يتراقص بين اصابع امها بنعووووومة بالغه وكانه شلال ماي عذب

هالمنظر اثار فيني مشاعر غريبه .. اول مرة احس فيها .. الفه .. حب .. مادري .. احساس .. ماعشته .. بأنانيه .. دخلت وتنحنحت .. قامت سارة بسرعه .. وقعدت وهي ترتب شعرها وتصكره طالعتني مصدومة ..لاحظت ان شعرها طولان عن بدااايه زواجنا ..زواجنا؟؟ هه.. نزلت عيونها على طول .. وعقدت حواجبها .. وهي تطالع الارض وكأنها ماتبي تجوفني .. او تتهرب مني .. وكأن الي صار بينا .. حرام..وكأنه عـار .!

سلمت على ام سارة .. طبعا بست راسها وكانت عمتي مستحيه كالعادة يوم ابوس راسها.. ابتسمت بداخلي على حيا عمتي .. وجفت سارة الي كانت مستمرة تطالع الارض .. واذا رفعت نظرها شتته بين يوسف .. والاثاث .. حتى امها ماطالعتها ..

بعد شوي .. تحركت سارة ويات قعدت عندي همست لي فنفس الوقت الي امها كلمتني : اشلونك يا ولدي ..

سمعتها تهمس وهي تقول : اشيابك ؟؟ ..

طالعتها وانا عاقد حياتي .. وطنشتها .. رديت على خالتي ام سارة باابتسامه رقيقه : هلا والله .. انا تمام ..انتي شخبارج؟؟

ابتسمت وهي تقول : بخير ..وينك ياولدي ماتنجاف ..

ابتسامتها الحلوة ذكرتني بماجد .. نفس الابتسامه .. تحسهم ناس طيبين .. بريئين .. مالهم في هالدنيا .. مايحبون لا المشاكل ولا عوار الراس ... مسالمين .. عكس بنتهم

سمعت سارة تقول بقهر هامس : انا طرشت لك مسج .. قلت لك ابي ارقد هني .. يعني لازم تحرجني ..! .. اوففف

طالعتها بطرف عيني .. خبيثه .. تتكلم بالوقت الي تتكلم فيه امها عشان ماتحس فيها .. بس متى طرشت لي مسج؟ .. ماقريته ؟! .. وليش من الاصل تبي ترقد هني .. لاحظت انها ماحطت عينها بعيني ابد .. ابتسمت لخالتي وقلت : والله موجود .. مشاغل وجي ..

سمعت سارة تقول بهمس : عشتاو ..

رفعت حاجب وحبيت احرجها : سارة ماسمعتج اشقلتي سامحيني كنت اسمع امج..

دانة الدوحة 14-05-10 09:44 PM
طالعتها ويه بويه .. وجفتها مفوووله ع الاخر .. وويها قلب احمر ... حطت عينها بعيني وحسيت عيونها ترسل شرار.. كتمت ضحكتي ..بس ابتسمت لاني ماقدرت اخبي ابتسامتي ..

سمعت عمتي ام سارة تقول : سارة يمه قومي صبي جااي حق ريلج

جفت سارة وهي محمقه .. ومعصبه .. ابتسمت اكثر .. بس قلت : لا .. لا تتعبينها"طالعتها من طرف عيني وهي تستريح اكثر فالقعدة وتستند ع المساند" مابي اشرب شي .. بس جاي اسلم عليكم .. جفت ملامح سارة استكانت وارتاحت .. رفعت حياتي وكملت .. واخذ سارة ..

كانت فهالوقت تشرب من الماي الي بيدها .. ومن سمعتني غصت وبدت تكح بصوت عالي .. حتى عيونها انترسوا دموع من غصتها .. وظلت تكح .. وويها قلب حمر .. ضربت ظهرها بخفه .. اما هي طالعتني ناقمه ..

قالت امها وهي تأكل يوسفوه ملتهيه عنا : والله ماتروحون ياولدي الا وانت شارب جايك وتتعشى معانا.. سويير ..قومي صبي لريلج

طالعتني سارة معصبه وابتسمت باانتصار .. ارفعت حاجبها وقالت : يمه مايبي غصب ..

امها قالت بحدة وهي تطالعها : سااااارة ..

توسعت ابتسامتي وانا اجوفها معصبه ..تحركت سارة وانا احسها تتحرك بالغصب .. وراحت تصب لي استكانه جاي .. والخسيسه ماحطت لي شكر ..

ام سارة : سارة حطي شكر لريلج ..

طالعتني وقالت بخبث : لا منصور مايحب الشكر ..

فتحت عيوني .. انا ؟؟؟ ... انا اصلا احط 2 ونص شكر لي .. قربت وقعدت عندي .. وعطتني الاستكانه .. خذيت الاستكانه من يدها .. وتلامست اطراف اصابعنا .. شدت يدها بسرعه .. قبل لا امسك الاستكانه عدل .. وطاحت الاستكانه من يدي .. على ريلي..

تأوهت لاني ماتوقعت الاستكانه تطيح على ريلي .. وخصوصا ان الجااااي .. ضــــو ..

صرخت سارة متفاجأة ..وبسرعه امها قالت لها : روحي يبي ثلج .. حسبي الله على ابليسج من بنت .. ماحاسبتي زين جي حرقتي ريلج ..!!

اما سارة فكانت واقفه متجمده وهي تطالعنا .. وبعدها استوعبت وبغباء ركضت للجهه الثانيه من الباب .. وفتحته .. وكملت بغباء : اوه هاي الحمام ..! .. وبعدها ركضت برع ..

تحركت وانا عاض على طرف شفايفي .. وقلت لعمتي : اسمحيلي عمه .. بغسل ريلي .. تحركت وانا احس ريلي تحرقني .. وحاااااااااااااره ضووو .. دشيت الحمام .. وكان متوسط الحجم .. توجهت للبانيو .. فتحته .. وكان الماي دافي .. حطيت ريلي تحت الماي .. وبسرعه بعدتها لاني حسيتها تحترق من الماي .. وخصوصا فالصيف الماي يصير حااار حتى لو فتحت البارد .. ثواني وسمعت حس ساروه الغبيه .. يابت كيس مليان ثلج ..

حطته ع ريلي .. وطلعت من الحمام .. وانا احس بخنقه .. طلعت وقعدت برع وعيون سارة وعمتي ام سارة وحتى يوسف الصغيرة تراقبني وتجوف ريلي كل ساعه .. سمعت عمتي ام سارة تقول لسارة : قومي انجبي عشا حق ريلج .. يمه منصور الحين انت احسن؟؟

قمت واقف بسرعه وحلفت قبل لا تحلف: لا والله متعشي .. الحمدلله احسن بوايد..غيرت وجهة نظري وطالعت سارة ... يالله سارة .. ؟

طالعتني مستغربه وكأنها تقول على وين .. يعني كل هالسالفه الي صارت بسبة سارة وييتها وبعد تسأل غبيه ! .. : بنرد البيت؟؟

عقدت حياتها وقالت بااعتراض : لااا .. برقد هني اليوم ..

طالعتها وانا معصب من نفسي ومنها .. : لاء.. يالله ..!

بوزت .. ومن استوعبت ان هاي انا منصور .. وسرحت شوي .. وبعدها قلب ويها احمر بشكل فضيييع .. كل واحد يقدر يلاحظ هالاحمرار الي صار بوييها .. تحركت بسرعه .. وراحت فوق .. اماا انا تحركت ببطئ للسيارة .. بعد ماودعت ام سارة .. وبست يسوف هالياهل عجيييب .. صاح اشكثر يبغي ايي وياي بس يدته مارضت

قعدت ع الكرسي وانا احرك الكيس بخفه ع ريلي .. تأخرت سارة .. وخمنت انها متعمده تطفشني .. فتحت المسجل .. وكانت اغنيه

القوس قوسك والسهام سهامك
مالي على رمش"ن" تسله قوه

انفتح الباب بقوة .. ودشت ساروه وهي تتأفف وتتحلطم بس بصوت واطي.. قعدت ..وصكرت الباب بقوه حتى اني صكرت عيوني من قوة تصكيرتها للباب .. لكن عندت وماتحركت .. طالعتني وكأنها تسأل ليش؟.. كنت كاتم عصبيتي .. بس اشرت ع الحزام وانا اسمع صوت المغني يعيد

انا اسيرك واقف"ن" قدامك
والي تبا تسويه فيا سوه

تحركت عن بيتهم .. ووقفت صوب الاشارات .. وكان صوت المغني هو الوحيد الي ينسمع في السيارة وغير اصوات الهرنات الي ماليه الشارع من الزحمه .. ومع زحمه الدوحة .. فكنت متأكد ماراح نوصل البيت الا بعد نص ساعه ع الاقل .. التفت لها وكانت تطالع الشوارع من الدريشه .. تنهدت ..

وثقت في قلبك وطيب انسامك
ماظني تظلم وانت فيك مروة
قلبي رهيف ولا يروم هيامك
توه تعلم كيف يعشق توه

عقدت حياتي اسمع الكلمات .. توه تعلم كيف يعشق توه ؟.. انا اول مرة اسمع هالمقطع ..!..
قلبن خطفته لا ترص احكامك
خفف على قلبن حكمت بجوه
يفداك لكنه يشيل احلامك
ملكك ولالي منه غير مخوه

تأملت اصابعها الصغيره الي ماسكه يد شنطتها .. والثانيه عاقدتها على بطنها .. وشكلها معصبه وهي تطالع برع عضيت شفايفي كاتم فيهم ابتسامه من شكلها المعصب .. شكلها يحلو اذا عصبت.. رجعت اطالعها بتأمل وانا اسمع المقطع الي بعده ..

بك زين من راسك ايلين ابهامك
والليل ياخذ من صباحك ضوه
مايحجب الويه الصبوح لثامك
طلتك دايم يالحلا محلوه

فتحت الاشارة .. وطافو الناس .. بس للحين ماوصل دورنا .. لان صج صج الشارع زحمه .. وانا تعبان ومب فاضي لهالتأخير ..

اتبعتها اغنيه على طول .. وكانت توصف حالها

حلوة منك حلوة منك حلوة منك
يعني زعلان انته مني ..
يعني انك ..

حلوة منك مره احبك حلوة منك
يعني زعلان انته مني
يعني انك
مااصدق كل هذا من غيابي
ياعساني مااخلا في يوم منك
ابتسمت ع الاغنيه .. وع الكلمات ..
حلوة منك حلوة منك .. يعني زعلان انته مني .. يعني انك
وين ظنك
راح قلبي وين ظنك
قلبي الي دوم مشتاق ويحنك
مافي غيرك في حياتي ياحياتي
اعشقك واموت في عشقي لفنك

التفتت لي بعصبيه وهي تقول : قلت لك ابي ارقد فبيتنا ..

تفاجأت لكن قلت ببرود : ماقلتي ..

قالت بعصبيه : طرشت لك مسج ..

رفعت تيلفوني ببرود .. وفتحته .. وفعلا كان فيه 3 مسجات .. 2 من "عذاب الروح ".الي هي لولوة. وواحد من" بدون اسم" والي هي سارة .. نسيت اغير اسمها من بدون اسم لين سارة! .. فتحت مسج بدون اسم " انا بنام فبيتنا "

رفعته لها وانا اقول لها : هالمسج ؟؟ ..

قالت بعصبيه : تستهبل؟؟

قلت ببرود : لاء .. انتي كاتبه فبيتنا .. وانا يت اخذج .. لبيتنـــــــا ..

يوم كنك ماتبيني يوم كنك
طفل بااحضاني واشيل الحزن عنك
انتشي بك وانتظر في دلالك
واتهنى واتمنى ضحكة منك

صكرت المسجل بعصبيه وهي تسمع هالمقطع وردت تقول بعصبيه اكبر : انا اقصد بيتنا .. مب بيتكم

قلت ببرود وانا انتبه للاشارة الخضرة : انتي قلتي بيتنا .. وجمعتي .. ودامج جمعتي .. وانا ريلج ..(حركت راسي وخذت اللفه ولفيت وانا اكمل ببطئ شديد وكأني ناوي العب بااعصابها) فالمكان الي ارقد فيه ترقدين فيه .. والبيت الي انا فيه بيتج .. اما بيت ابوج .. فتقولين بيت ابوي .. مب بيتنا ..!!

صفقت هي بمصخره : ايوا ايوا شاطر .. من وين حفظت هالكلام ..

طالعتها ببرود وانا فاهم قصدها زين ماازين .. وصديت عنها وانا الف .. رن جوالي .. ورفعته كانت " سلوى" : هلا .. تمام .. اي ... الحين.؟؟ .. همممم .. زين .. الله وياكم .. اول ماتوصلون اتصلو .. طالعت سارة الي صاده ورديت اطالع طريجي .. اي يات .. لا مابنلحق عليكم ..انتو توكلو .. زين .. وانتي من هله .. يبلغ..

قالت سارة : بيروحون؟؟ ..


قلت ببرود : اي ..


قالت مرة ثانيه : الحين ؟؟ ..

سكت ومارديت عليها .. ردت تسأل مرة ثانيه بعصبيه : اكلمك انا .. الحين بيسافرون؟؟ ..

طالعتها باستخفاف .. ولفيت .. قالت بعصبيه اكبر : منصوووور ..!

قلت ببرود: مابتلحقين عليهم .. وكملت بااستخفاف .. ولا من زود المحبه ؟؟ ..


طالعتني بعصبيه .. وقالت : روح بسرعه .. ابي اسلم على سلوي ..

طالعتها وقلت ببرود: اطير يعني؟ ماتجوفين الشوارع .."كملت بمكر وانا اطالع ملامحها المحمره من العصبيه" اصلا هم تحركو .. \

قالت سارة بعصبيه : كللللله منك .. كانت بتمرني سلوي قبل لا تسافر .. كله منك ..

طنشتها .. ولفيت .. وكانت جدامي "مرة" تسوق .. وماتعرف تسوق .. وبصراحه بطت جبدي .. كل ساعه توقف .. ولا تضرب اشارات وتروح العكس .. سندرتها بالهرنات .. وقلت بعصبيه : هااااي الي يسلم القيد والمقيد للمرة .. حد يعطي مرة تسوق .. من هالحماااار الي عطاها ليسن ..

ضربت لها هرن واشرت لها انها توخر وتاخذ الطريج الثاني لان الطريج الي خذته سريع .. والطريج الثاني للي يمشون بالبطيء وهي الغبيه مب راضيه تفهم وبروحي اعصابي تلفانه سمعت حس سارة وهي تقول : والله يازين سواقه الحريم .. ولا سواقه الريايل تقول قاعد على جمل


صرخت معصب: سااااااااااارة انكتمي احسن لج

طالعتها وجفت عيونها الوسيييعه مصدومة وهي تأشر على صدرها وكأنها تستفسر " انا؟؟" .. لفيت بالقو وانا اسمع شهقه سارة ..

صكرت عيوني بتعب .. وانا احس ان حيلي مهدود .. سمعت صوت شهقه قويه .. فتحت عيني مفجووووع اذا صار بسارة شي على مسؤليتي .. صج اني غبي .. جفت سارة تصيح .. وهي مغطيه ويهها .. الحمدلله ماصار فيها شي .. انا اشلون نسيت ان سارة وياي بالسيارة .. تطمنت عليها .. وانا اير يدها عن ويهها .. مسحت دموعها بيدي .. اما هي فكانت مستسلمه تصيح بخوف لكن بدون صوت.. نزلت يدي عنها وتحركت من السيارة ورفعت كيس الثلج عن ريلي.. طلعت وقعدت على الرمل .. شوي وحسيت بباب السيارة ينفتح وتطلع سارة .. وتقعد قريب مني .. على الرمل .. وظلت نفسي تتأمل بصمت البحر .. مادري اشكثر قعدنا .. حطيت يدي فجيب ثوبي حتى اشوف الساعه كم ؟؟ .. ولاحظت ان موبايلي مب فمخباي.. تحركت للسيارة وانا احس ان احنا طولنا واحنا قاعدين .. دخلت السيارة .. بدون ولا كلمه .. فتحت السيارة .. وفتحت ليتات السيارة .. منتظر سارة تتحرك ..وكانت صامده وماتحركت .. رفعت حاجب واحد .. وضربت لها هرن .. التفتت .. وكأني صحيتها من سرحانها .. قربت للسيارة بعد ما نظفت ريولها وعباتها ..توجهت للبيت واحنا في حاله صمت ..

رفعت جوالي على رنة المسج .. وكان من سلوى .. تقول فيه اننهم وصلو لبنان .. طالعت الساعه .. اوووه ... ساعتين ونص مرو .. بدون لااحس فيهم .. وصلنا البيت .. نزلت سارة بدون اي كلمه .. وراحت للجناح .. اما انا فـ تنهدت .. وسندت راسي بتعب على المقود ..تنفست بعمق .. وطلعت من السيارة وبيدي كيس الثلج .. وقطيته بااقرب زباله.. توجهت للجناح على طول .. لان محد في الصاله ...وماجد مسافر مع امي وسلوى .. وابوي كالعادة محد .. سالم للحين مارد .. ومحمد وعايلته مالي خص فيهم .. فتحت باب الجناح وكان الهدوء هو اسير الجناح .. تحركت بتردد للغرفه .. وفتحت الباب .. دارت عيوني فالغرفه .. ادورها .. واستقرت عيوني عليها وهي واقفه جدام التسريحه .. وتطالع نفسها وكأنها تبي تتعرف على شكلها لاول مرة؟ .. تحركت حتى وصلت لعندها .. لفيتها لي .(وتذكرت هالموقف .. هالموقف مر علي اليوم الصبح وياها).جفت عيونها وانا احس بـ انجذاب لملامحها البسيطة بالنسبه للولوة ..لكن ويهها فيه شي غير .. فيه شي غير يجذب مدري نظرة البراءة ولا عيونها الحاده الواسعه .. ولا تصرفاتها المتهورة الصبيانيه .. تأملت ويهها .. وتنهدت بعذاب .. وبـ حيرة .. هديتها وتوجهت لغرفه الملابس بعد ماشفت تكشيرتها ..

تسبحت ع السريع ماخذا من وقتي 5 دقايق .. طلعت لبست صروالي وفانيلتي .. وتوجهت للتسريحه وين ماكانت تمشط شعرها .. ووقفت يدها وهي تشوفني متوجه لها .. وبسرعه تحركت وطلعت من الغرفه .. قعدت على الكرسي وانا اتسائل لين متى بتتهرب مني ...؟؟ ..

تنهدت .. ومسكت مشطها وبلعانه مشطت فيه شعري .. ادري فيها تعصب لا درت اني مشطت من مشطها .. بس .. عادي .. اهون من انها تتم جي ساكته وماتتكلم معاي؟؟ ..

لمعت فبالي فكرة .. مدام هي طلعت للصاله .. وراها وراها .. خل اطفرها شوي .. ابتسمت بوسعه .. وتحركت ووصلت للباب باطلع .. وقبل لا افتح الباب .. غصبت نفسي اني اكشر .. لان سارة .. كل ماتساهلت وياها تدوسك ..

هذا الي اكتشفته ..

طلعت لقيتها منسدحه .. واول مادخلت قامت قعدت وعدلت قعدتها .. رفعت حاجب واحد .. وبعدين يعني .. متى بترد طبيعيه .. وليش ساكته .. ليش ماتتحجى تتكلم تتحلطم اي شي .. بس بلا هالهدوء ..

جفتها مطنشتني وتطالع مسلسل لبناني .. ومندمجه في الاحداث .. قايست المكان الي بنسدح فيه .. وحكيت لحيتي وانا اروح لعندها .. لااما هي تلفتت يمين يسار حتى تشوف الشاشه لاني سديتها عن الشاشه .. انسدحت على نفس الكنبه وتحت راسي مخدة .. رفعت عيوني لها .. وكان راسي قريييب وايد من ريلها الي ثانيتهم وفحظنها مخده ضامتها وهي تشوف المسلسل بااندماج ..

دققت في ويهها .. وملامحها .. صكرت عيوني وانا احس بتناقض فداخلي .. رديت فتحتها .. وطالعت المسلسل وياها .. كان المسلسل يتحجى عن صحفيه تنفجر فيها الطيارة .. وتفقد ذاكرتها .. وويلاقونها اهل البنت الي كانت حاظنتها في الطيارة معتقدين بـ ان هذي هي ام هالبنت .. كان اسم المسلسل " غريبه" هذا الي قريته وهم يحطون الاعلانات .. رفعت عيوني لها .. وكانت متسمرة عيونها على التلفزيون ويدها تتحرك بتوتر على المخده الصغيرة الي فحضنها .. ابتسمت على حركتها ..

انتهى

دانة الدوحة 14-05-10 09:48 PM


















لاء مب البارت ..


















انتهى الفاصل الاعلاني .. وابتدى المسلسل .. ولاحظت علامات التركيز في ملامح سارة .. وانها مطنشتني تماما .. تأملت في ملامحها .. يالله سبحان الله .. اشلون الله قدر يحط عينين مب ثلاث .. خشم .. وشفايف .. واشلون نسق بينهم وفي اماكنهم ووظايفهم .. سبحان الله .. نزلت عيوني لذقنها الي ساندته على يدها الصغيره .. يالله اشكثر صغير كفها .. وبعدها امتدت عيوني لرقبتها بلعت ريجي وانا اتابع بقيه جسمها .. صكرت عيوني وانا احس بسكرة لذيذه .. وبنفس الوقت الحرج الي تولد فيني من الي صار ويانا .. حسيته راح وانتهى .. وماله سبب ..

حركت راسي بخفه .. وشليت المخده من تحت راسي .. وبخفه تسللت وحطيت راسي ع المخده الي حاضنتها بيد وحدة واليد الثانيه سانده فيها ذقنها .. حاولت بقدر الامكان مايكون راسي مرتخي ع الاخر حتى ماتحس بالثقل ..بثقل راسي وتنتبه اني راقد فحظنها

صكرت عيوني وانا اعض شفايفي وماسك يديني بالقو .. اخاف .. اخاف اتهور .. راح فيني الخيال لبعيد .. وفتحت عيني \.. وكانت سارة للحين مب منتبهه لراسي الي تقريبا فحظنها .. رفعت عيوني لها .. وماقدرت امنع نفسي من اني اقوم واخرب عليها اندماجها .. واطبع بوسه عميقه على جبينها .. تحركت بسرعه لغرفه النوم بدون لا اشوف ردة فعلها ..دخلت الغرفه وصكرت الليت ..كنت احس بارتجاج في مشاعري .. و عم الظلام فالغرفه ..وياريته يعم الظلام والسكون في داخلي .. كنت احس ببراكين بتتفجر هالحين .. لو تميت زيادة عندها .. وخذيت دقايق اتنفس بصعوبه واختناق .. بعدها

توجهت للسرير بخفه وانا احرك يديني حتى ماادعم شي فوسط هالظلام .. وصلت للسرير بعد ماطقيت ساقي بطرف السرير .. انبطحت على جانبي .. وتذكرت ان سارة .. ترقد على الجانب المعاكس لوجهي .. عشان جذي قررت ارقد مكان سارة حتى انها ماتقدر ترقد الا مجابلتني .. اي .. اي ... تحركت لجهة سارة .. صكرت الابجورة .. وانا فعلا دايخ .. وتعباااااان .. بس سارة .. ماتحس ..

.................

"سارة "

عيوني طلعت من مكانها .. مسكت يبهتي اتحسس مكان بوسته .. وانا .. وانا احس بـ شتات .. مشاعري ماعرف شـ اعبر ولا شـ اقول لكم عنها .. احس احس .. بضياع .. عمركم حسيتو بـ هالاحساس؟؟ .. زين .. فهموني .. انا .. اقصد .. يعني .. اااا .. ليش باسني؟؟ ... اشيقصد ... ؟؟ .. ارتجفت شفايفي وغصب عني صكرت عيوني وانبطحت على المخدة .. وانقلبت على بطني .. دفنت ويهي فالمخده .. وانا اتذكر ملامحه .. كنت الاحظه يحاول يلفت انتباهي .. ويحاول يعصبني .. بس طنشته .. لاني اولا واخيرا .. مستحيه من الي صار لنا اليوم .. احس بخجل .. واحس احس .. مادري .. تنهدت بعجز .. مب عارفه اشلون اوصف لكم شعوري واحساسي ..

صكرت عيوني بقوة وانا اتذكر بوسته تحسست جبهتي .. ودفنت ويهي اكثر فالمخده .. وبست المخدة .. بستها بكل احساس .. كنت مصكرة عيوني ..وخايفه افتحها والاقي منصور طلع وجاف حركتي .. حسيت بتوتر .. معقوله .. معقوله طلع وجاف حركتي .. لاء .. لاء اخاف يفهمني غلط


قمت بااندفاع من على المخدة .. وهديت .. وحسيت براحه نفسيه عاااليه وانا المح الصاله خاليه وباب الغرفه موصد .. تطمنت .. وحطيت يدي على صدري اهدي نبضاته السريعه ..

ترددت ادخل الغرفه ولا لاء ؟؟ .. اخر شي قررت ماادخل .. وقعدت اتابع المسلسل وانا عقلي فوااادي .. والمسلسل فوااااااااااااادي اخر تماما ..
من خلص المسلسل وانا احس الذروة فداخلي عدت المليون .. والعداد فداخلي يعد نبضات قلبي .. ترددت .. ادخل الحين ولا اتأخر زيادة ..

عقدت حياتي وانا اشجع نفسي : دشي سارة عادي .. اصلا انتي تبين ترقدين .. ماتبين تجوفينه؟ .. اصلا من زين ويهه .. المخادع الكذاب الممثل .. اي .. اي .. لا تنسين سارة .. هو .. يحب غيرج .. وكل الي سواه بس عشانج انتي تطلبين الطلاق ويكون القصور منج .. فتحت عيوني على وسعها .. معقوله ؟؟ .. معقوله جي يفكر .. زين يا منصور .. عناااااد .. حامض على بوزك .. ماراح اطلب الطلاق .. تبي العيب مني ... هييين ..

مشيت بغرور للغرفه وانا احس بااحتقار لمنصور .. ولماجد اخوي .. ولفهد ... حقيرين .. مخادعين .. وكذااابين .. اشلون رضوو اشلون .. اليوم بطوله ماجفت ماجد الا يوم دخل مستعيل رايح لجناحهم حتى انه ماسلم على امي .. كنت ناويه اروح وانفجر فيه .. من يوم مارحت لهم وانا اترقب حظورة .. حتى اعرف سببه .. ليش باعني برخيص .. خذلني فعلا .. تذكرت احلامي الي بنيتها على ثاني .. تذكرت طفولتي .. وتذكرت كل شي .. كل مشاعري الحلوة .. قضوا عليها ثلاثه .. منصور وماجد وفهد .. يوم رضوا يتلاعبون فيني .. دمعت عيوني على هالذكريات ..

ومشيت وقلبي متشبع حقد لهالثلاثه .. دخلت غرفه النوم .. وارتجفت كان البرد يفتت العظام ..

توجهت للسرير .. ويوم يت بنبطح حسيت بحد راقد مكاني .. فزيت بسرعه قبل لا يرتخي جسمي .. وفتحت الابجورة بعصبييييه ... اشلون يتجرأ وينام مكاني .. اشلون يتجرأ ينام على مخدي ويتلحف بفراشي .. عصبت .. ويوم انحنيت بهزه .. تراجعت يدي بسرعه بعد مالامست ظهره العاري .. ارتجفت يدي .. وبسرعه ضميتها لصدري اطمنها .. سكت مب عارفه اشلون اتصرف؟؟ ..

خل انام .. وباجر حسابي معاه هالنذل .. الجذااااب .. الممثــــل الوسيـــــــــــــــــــــــــــــم .. ليش هو حلو ليش؟؟ .. احس انا ولاشي عنده .. ماجفت ريال حلو مثله ... احس يوم انا عنده .. صفر على الشمال


توجهت للطرف الثاني من السرير وانبطحت عليه بعد ماصكرت الابجورة الي فتحتها برجفه..يت بـ اتلحف .. لقيت لحاف منصور منعفس وطايح تحت ريله فتحت ابجورة منصور سابقا .. وابجورتي فالوقت الحاظر .. وانتثر النور في الغرفه بعد ماكانت حالكة السواد .. يريت اللحاف بقوة .. وماتحرك منصور .. اظاهر انه راقد .. تأففت بصوت عالي وقلت بعصبيه قاصدة اقومه من رقاده ..: اووففف .. على كيفه يرقد مكان غيره ... اوفففففففففففففففف .. ماعرف ارقد هالصوب .. الله يخس ابليييسك .. مع هالحكرات الئررررررررررررعا "القرعه "

لكن مالقيت اي ردة فعل .. لاحظت انه ضام مخدة ويدة الثانيه تحت مخدته ممتده للمخدة الثانيه الي برقد عليها .. حركت يده وانا احس بكره ومشاعر ثانيه مب قادرة احددها فقلبي .. بعدت يده اخيرا .. وتلحفت وانا ارتجف .. وارجعت سبب ارتجافي لبرودة الغرفه .. صكرت الابجورة .. والافكار اتيني من كل صوب .. وكاني قاعده فحصار .. شهقت بقوة وانا احس اني انسحب ؟.. غطيت شفايفي خايفه .. ولقيته منصور ... زادت دقات قلبي .. و وحسيت ان جسمي يتصبب عرق من الخوف ... حررت نفسي بهدوء .. وانا اسمع نفس منصور المنتظمم العميق ... تقلبت وايد لين ما غفت عيني بعد هاليوم الطويل ..



.....................

" روضه "
كنت قاعده اصب خليط الكيك الي سويته في البايركس .. التفتت مرة وحدة عندي ادور على قفشه .. وطاحت المسكه الي كانت جامعه شعري .. وانتثر شعري بتدرجاته الكثيفه مغطي ويهي ماعدا شفايفي وخشمي .. حركت راسي يمين يسار .. حتى تبعد الخصلات عن عيوني .. لاني مب قادره احركهم .. ويوم عجزت احركهم .. مديت ذراعي وحاولت امسح فيهم على شعري وابعدهم عن عيوني بدون ماامسكهم بااصابعي ..

حسيت بدفى يد تنتشل خصلاتي من عيوني .. وتجمع شعري على ورا .. خمنت انه سعيد .. خصوصا يوم شميت ريحة عطر رجالي.. تنرفزت بداخلي يعني بعد سواد ويهه ياي ويبي يكمل معاي .. ومايكفيه يبي يرجعني بقوه له مثل اول .. هه .. تنرفزت اكثر وانا استنشق ريحه عطره.. يعني جدام الي فالشركه جي متعطر .. ليش متعطر بهالعطر .. يعني عشان يجذبهم له؟؟ ..

حبيت العب بااعصابه مثل مايلعب بااعصابي بتصرفاته : رييييتا شكرا ..(مسكت القفشه وبديت اصب الخليط بتروي) بس نادي حمدان وحمده .. يبون يشوفون الكيك وهو يستوي بالفرن ..

بعد ماصبيت الخليط كامل حسيت بااصابعه ترسم رسوم عفويه على رقبتي ..توترت .. والتفتت له بسرعه .. ابتسم لي وقال : يعطيج العافيه .. طوق خصري بعد مارتب شعري على جانب من كتفي .. خصل كثيرة ردت تتمرد وترد لجهة ويهي الثاني ..

قلت بعصبيه : فج يدك..

رفع حاجب واحد :: واذا مافجيت .. ؟؟ ..

قلت بعصبيه اكبر وانا احس باارتعاش في مشاعري .. : بس انا قلت لك فج .. مااطيجك ..!

طبع بوسه على رقبتي الي ردت الخصلات تحيطهم .. توترت .. وحسيت باارتباك .. وزدت عصبيه وقلت له : هذا ماكان اتفاقنا ..؟؟ ..

قال لي : بعد ماكان اتفاقنا نجرح بعض

قلت باانكار: مااظن شرطت هالشرط من قبل ..!

تنهد بتعب وهو يقول : اشتقت لاستقبالج لي كل مارديت من الشغل ..

صكرت عيوني بحنين لذيج الايام الي كنت احسب عودته بالدقايق .. وبالثواني .. بس شنو الرد على تصرفاتي وياه .. يتزوج غيري .. ويحب غيري .. وين سنين الحب الي عشناها وين؟؟ .. يعني عشان دلع بنت في مراهقتها .. يتعلق فيها .. صياعتها .. هذا الي عاجبه؟؟ .. عقدت حياتي وانا احس ان كل الريايل جي .. بس يشبعون منج .. يدورون على غيرج .. متناسينج .. ومتناسين شعوركم وسنينكم .. وعشرتكم مع بعض طوال هالسنين .. آآآآه .. منهم .. آآه

فتحت عيوني ولقيته مب موجود والمطبخ فاضي ..تنهدت بحزن .. وفتحت الفررن .. وحطيت بايروكس الكيك ..فيه ..غسلت يدي .. ونزلت لتحت اخذت شباصتي ورفعت فيها شعري ..وتحركت للصاله .. جفت سعيد منبطح وحمدان وحمده قاعدين ع بطنه يلعبون .. وهو راقد بعمق .. معقوله انا سرحت لهالدرجة .. يوووه .. او اظاهر هو الي تعبااان .. ناديت حمدان وحمدوه ..وتحركو مستانسين للمطبخ ..سبقوني .. وانا بطئت خطواتي وانا اتأمل ويه سعيد التعبان الي نايم بعمق ..

صكرت عيوني بقوة ورحت للمطبخ مطنشته .. نص ساعه وخمس دقايق وحتى ظهرت ريحة الكيك .. طلعت الكيك وخليته يبرد .. وخذت اليهال ورحنا لغرفه المطعم عشان نتغدى .. رحت بتردد لسعيد .. اقومه ولا لاء ..

بس من جفته متعمق برقاده .. رجعت لغرفه المطعم بعد ماقعدت قريبه من عنده .. كنت متردد اقومه يرقد ع الكنب او يروح الغرفه ينسدح ع السرير بدال رقدة الارض اليابسه!

بس فالاخير رجعت غرفه الطعام .. بدون لا ااناديه


...................

"سلوى"

قمت من النوم وانا احس ان المكان غريب .. صكرت عيوني اكيد احلم .. ولا وين يطلع هالمكان .. فجأة طرت فبالي فكرة ان مابقى على عرسي الا كم اسبوع متى بلحق اكمل جهازي ماادري ..

فتحت عيوني بسرعه على هالفكرة .. وتحركت للحمام بكسل .. وتذكرت تفاصيل يوم امس المتعب .. من اول ماوصلنا وامي مارضت نرتاح .. فرفرت فيني فالسوق لين مادار راسي .. وكنا نتنقل من مصمم مشهور لاخر مشهور .. ليش؟؟ .. عشانج بنت السفيييييييييييير مايصير تكونين اقل من غيرج من بنات الشيوخ والسفراء والوزراء .. وعشانج بتاخذيج ولد السفير السابق الوزير الحالي ..! .. هه .. عمري ماحسيت بـ ان اسم السفير والوزير غيروا شي فيني .. يمكن بالعكس نفروا وايد ناس مني .. تذكرت اني صحت اشكثر ثالث اعدادي مصره يطلعوني من المدرسه الخاصه .. ابغي اروح مدرسة حكوميه .. اتذكر دوم ويه سارة وحياة واتذكر كلام سارة عن رفيجاتها ومغامراتها وياهم

اما انا .. فما كانت عندي ذكريات .. ماكانت عندي صديقات صديقات مقربات .. مجرد صداقه زماله و "مصلــــــحه " لا غير .. شي حلو يوم تحس بااحد يهتم بوجودك فالصف لنفسك .. مش عشان يتفاخر عليك بنسبه وحسبه وفلوسه وكم ارض له ..

كان يومي نفس الامس ونفس بكرا .. اللهم .. ان البنات يزيد جذبهم ويزيد غرورهم وتكبرهم .. وانا كنت اكره هالصفات .. وخصوصا صفة النفاااق الي فيهم ... لاحظت ان اغلبيتهم يتصفون بهالصفات من جدامج يمدحونج ومن وراج يذمونج ..ماكانو الكل .. لكن كان من النادر هناك تلاقي لك احد يكون بسيط في تعامله .. لان هذيك المدرسة كانت معروفه انها للـ "كباريه" ..

ابتسمت على ذكرياتي الي تغيرت في الثانويه من دخلت مدرسة حكوميه حالي حال البنات العاديين .. تذكرت في البدايه نظرة بعض البنات .. وتعليقاتهم ونغزاتهم .. لكن ماكان يهمني هذا الشي وايد .. خصوصا لاني كنت فرحانه .. وكنت مكتفيه اني مع سارة " وبنت عمي المفضله " وياي بنفس المدرسة .. وبعدها كنت حابه انقل وياها بنفس الصف بس امي مارضت .. خصوصا ان مستوى عايله عمي .. ماكانت بنفس مستوى عايلتنا على الرغم من الشركة الي يمتلكها عمي وشراكه بينه وبين ابوي .. لكني كنت احس امي ماتحب خالتي ام سارة .. وابوي ماكان يحب يسمع طاري عمي ابد .. ليش وشالسبب انا ماادري ..

وحتى سارة .. كانت في البدايه مب متقبلتني كـ بنت عم .. بس بعدين بدت هي تتقرب مني حتى انها طلبت من الوكيله " الي كانت تحب سارة ووهبالها ونشاطها الدايم " تنقلني لصفهم وفعلا نقلتني على بدايه الكورس الثاني .. وكنت فرحانه بشكل ماتتصورونه .. وبنات صفهم كانو مشاغبين وايد
ماانكر اني كنت في البدايه هاااااديه ومنطويه .. بس بعدين قمت اسولف واضحك بس كنت اعتبر الاهدئ بينهم .. وخصوصا اني مالي خص بسوالف المشاغبه ,,, عكس بنت عمي .. كانت هي وشلتها .. واغلبيه بنات الصف يستعملون قاعده " نعم لتطفيش الابلوات"

كانو المدرسات يكرهون حياتهم اذا درسوا صفنا خصوصا ان احنا كنا بنات اول ثانوي وبس كان فيه 3 صفوف للاول الثانوي في المدرسة .. نظرا لصغر حجم المدرسة وكبر عدد البنات .. كان صفنا يحتوي على 40 طالبه تقريبا

ابتسمت على ذيج الذكريات وحسيت بالحنين والحب لهذيج الايام .. ياني مسج .. وتلهفت افتحهه وانا امشط شعري ؟.. واحكم القبضه على ربطة شعري .. كان المسج من العنود .. كانت مطرشة مسج .. تخرعني بموعد قرب العرس .. ابتسمت .. ان شاء الله تكون العنود زينه .. صراحة انا مو خايفه من العنود .. انا خايفه من عمي بو فيصل وخالتي ام فيصل .. اخاف ام فيصل تكون شريرة .. خصوصا اني سمعت انها عصبيه شوي .. كنت متخرعه .. وخايفه اعيش معاها ..


ابتسامتك تجلي كل هم يكون
ياامير المشاعر ياسمو الهنا
فز لك نبض قلبي واطلبتك العيون
واندفع لك خفوقي ياالغلا وانحنى
امتلكت المشاعر واعشقتك بجنون
وازهر العمر بااسمك واحتويتك ضنى
مايخونك خفوقي لا حشى مايخون
كيف يقدر يخونك وانت كل المنى
من يوصف جمالك ضيعته الظنون
كل لحظة تزيدك ياحبيبي سنا
فيك رقه ونعومه وفوق هذا حنون
والله يديم وصل"ن" فيه انته وانا
كل عمري فدا لك وانته والله تمون
ياشريك المحبه عنك مالي غنا
ساعه دون شوفك يالحبيب الفتون
مالها اي داعي جعلها للفنا
ابتسامتك تجلي كل هم يكون
ياامير المشاعر ياسمو الهنا


ابتسمت وانا اسمع هالكلمات العذبه .. هذا المتصل " فيصل " .. من اخر مرة زارنا وانا حسيت هالاغنيه تلح علي من اجوفه .. فغيرت نغمته لهالاغنيه .. احسها احسها مكتوبه له .. هالانسان .. صج صج .. حبيتــه ..


حسيت بخجل كبير من اعترافي لنفسي .. معقوله انا حبيته ..فهالفترة البسيطة .. أأخ يا فيصل.. دخلت قلبي من اوسع ابوابه

صكرت عيوني وانا لازلت اسمع الاغنيه تتردد في اصداح الهوى .. فتحت عيوني .. وابتسمت ... بس مارديت .. لازم خلاص ماارد عليه .. مابقى شي على الزواج الا كم اسبوع يفصلنا عنه ..

سمعت حس امي تستعيلني عشان نروح السوق .. تنهدت .. غريبه امي صاحيه بسرعه اليوم ؟؟ .. تحركت وتوجهت للباب وانا ارتب شيلتي وعباتي ..

حاست ويهها يوم جافتني ارتب عباتي .. : اشحقه العبايه؟؟... مايبتي البالطو مالج؟؟

سكت افكر .. وقلت بكذب : لاء .. مايبت معاي الا عبي ..!!

نـورة : زين .. يالله امشي ..

كانت امي انيقه بالعبايه المزخرفه والي تبين انها من جد راقيه .. ومشتغلين فيها .. امي .. ويهها مايفضى من المساحيق ... بس لاحظت انها بس حاطة كريم اساس .. وخط اي لاينر يزين عيونها الواسعه .. امي بطبيعه بشرتها بيييضه وااايد .. ووانا ومحمد ومنصور .. خذنا عنها هالبيااااااض .. اما سالم وسلطانه وماجد .. فكانو مثل ابوي ..بشرتهم اسمر منا .. بس سلطانه ومنصور وسالم اخوي .. خذو لون عيون ابوي العسليه .. يوم كنت بالثانويه .. لالا يوم كنت بالاعداديه .. كنت اغار وايد يوم يقولون ان اخوانج احلى منج .. رفيجاتي بالمدرسة .. اتذكر شكثر كانو يرتبون في نفسهم يوم اخوي سالم يجي ياخذني .. او منصور .. كانت عيونهم تبين انها ذايبه وهيمانه في جمالهم .. وفي مرة وحدة تهاوشت معاي .. لانها كانت تبي تشبك مع اخوي .. وعبالها انا حبيبته .. خصوصا ان منصور ماكان يعطي البنات ويه ..! .. كان لما يجي ياخذني .. يفتح الجريدة ويقرا .. والبنات ميتين عليه .. خصوصا انه كان وقتها اولى جامعه .. وملامحه بدت تكبر وتحلو اكثر واكثر .. اما اخوي سالم .. فكان مطيح كل بنات المدرسة من كبيرهم لاصغيرهم .. لانه بااختصار اوسم واحد جافوه وخصوصا فذيج المرحله الصغيره .. اما انا فكنت اشتعل غيره .. ماكنت ابغي اي احد يقول عن اخواني حلووين .. او انهم احلى مني بوااااااااااااااااااايد ..

كانو اخواني الشباب يفوقون جمالي وجمال سلطون اختي .. لكن سلطانه كانت بعد جميييله .. انا ماانكر اني انا جمييله .. ويمكن اكثر من كلمه جميله بمراحل كثيييرة .. بس .. في فترة الاعداديه .. كنت حساسه بزيادة .. اتذكر شكثر كنت اجوف شهد بغيرة .. لانها خذت اخوي محمد اخوي .. خصوصا ان محمد اخوي كان قريب مني وايييد في فترة الاعداديه .. ومن تزوج .. وهو يبتعد .. حتى صار بيني وبينه حاجز كبير .. اما اخوي سالم .. فهذي قصه ثانيه ..

دانة الدوحة 14-05-10 09:52 PM
اكثر واحد كان ممكن تعتمد عليه فبيتنا هو اخوي سالم .. لكن سالم بعد تغير .. من دخلت انا الثانويه وهو تغير تغير تغير .. ماعرف ليش .. ماكان انسان مستهتر .. ولا كان بارد .. ولا كان انسان مايهمه الا نفسه ... كان انسان متكامل فعيوني .. كان .. كان انسان نادر ..كانت متناقض يمكن .. فيه نزعه الشر والطيبه .. كان الغرور هو الي يميزه ويميز منصور معاه .. كانو الاثنين رافعين خشومهم وانا مااقدر انكر هالشي .. بالاخص منصور ..

منصور كان يكره عيال عمي .. اقصد .. سارة .. لان ماجد .. كان ويا منصور فكل شي ..كان منصور وماجد .. جسم لا يتجزء .. فكل شي فيه ماجد فيه منصور .. وكل شي فيه منصور فيه ماجد .. وبعدها بسنين .. يوم ابتدو دراستهم الجامعيه .. افترقوا عن بعضهم .. لان ماجد ياته بعثه للخارج .. ومنصور اخوي لا .. وكان بمقدور اخوي منصور يروح ويدرس برع .. بفلوس ابوي وعلى حساب ابوي ... بس منصور اعتبرها اهانه من الدوله .. انها ماتعطيه هالبعثه ... خصوصا انه دخل علمي .. واجتهد .. وجاب 81 .. وهذا كان اعجاز فعايلتنا .. خصوصا ان اخوي محمد وسالم .. نجحو على حافه النجاح .. واحد جاب 72 وهو نفس توقعاتكم .. نعم .. محمد ... اما سالم .. فلا تسألون عن نسبته .. من دخل الثانويه ونسبته منحطة .. بعد ماكان يجيب الامتياز .. قام مايحصل الجيد .. سالم اخوي تغير مثل ماقلت لكم .. حتى مااهتم بالنسبه الي حصل عليها ... جاب .. 58

كنت حاسه ان وراء تغير اخوي شي صار له .. بس ايش هالشي ماندري ... وليش تغيرت مفاهيمه واخلاقه ماندري .... يوم رحت الثانويه ويوم خذت مادة علم النفس .. بديت اخمن .. انه كان يبغى يلفت انتباه ابوي .. الي التهى بشركاته .. وبـ شراكته مع عمي ..

كان ابوي بينه وبين عمي شي .. كان ابوي مايحب يزور عمي وايد .. الا في المناسبات .. بالاصح .. عمي هو الي يجي لنا ... ابوي بنى حاجز كبير بينا وبين عيال عمي .. بس ايش السبب انا ماادري .. ؟!؟ ..

كنت دايم يوم اسأل امي .. تزفني .. وتقول مالج خص بهالسوالف .. امي .. امي عكس كل امهات الدنيا ..

للاسف كل بنات الدنيا يفتخرون باامهاتهم .. كلهم حسو بحنان امهاتهم .. الا احنا .. اي نعم .. الا احنا .. اقولها وقلبي يتقطع مليون على هالكلمه

امي عمرها ماحسستنا بالامومه .. كنت دوم احسد عيال خالاتي وانا صغيرة على امهاتهم .. امي من يوم واحنا صغار كانت قاطتنا ع الخدم .. تصدقون يوم سافرت مربيتي انا ومنصور وسلطانه وسالم صحت عليها واااايد .. صحت حتى اني مرضت اسبوع وانا اصيح عليها .. ابغيها .. كانت هالمربيه موجودة من عمر سالم ومنصور من يوم كانو صغار .. ومن يوم وانا لي يوم .. كانت هي الي تهتم فيني ..

امي هالانسانه الي عمري ماقدرت افهمها .. انسانه للاسف مايهمها الا المادة .. الجشع والغرور اعموا عيونها ..

امي كانت ولازالت مثل مااهي ماتغيرت .. يمكن فهالسنه ابتديت احس انها تغيرت ولو بجزء ضئيل .. عمرها امي مااهتمت مرضت ولا صحيت؟؟ .. قمت ولا قعدت؟؟ .. حزينه ولا سعيدة .. لا فيني ولا فـ اخواني .. كانت امي وابوي وجهان لعمله واحدة .. عمله اللا مبالاة والماديه والجشع والانانيه ..

يؤسفني ان اهلي بهالشكل .. بس .. بس انا مابيدي حيله ابد في تغيرهم .. حاولت وحاولت .. وياما فشلت .. وكان سالم دايم يسخر مني .. ويقول لي .. عمر الحديد مايلين من ضوء الشمس .. كنت دوم اسأل اشيقصد بكلامه هذا .. ومافهمته الا متأخر .. متأخر وايد ...

كنت دوم اروح لخالتي ام فهد .. كنت دوم ارقد فبيتهم .. بس عشان احس بااحساس بناتها .. ماكان عندها الا بنت وحدة .. والله اخذ امانتها من يوم كانت صغيرة .. ومن يومها وانا احب اروح ارقد عندهم .. رغم ان مافيه احد كبري هناك الا اني كنت احب انام فبيتهم ..

كنت احس بشعور غريب .. كنت استانس وايد يوم احس فيها فنص الليل تجي وتقعد عند راسي وتمسح على شعري .. وتبوسني .. تعدل لحافي .. وتطلع .. فـ ايام الاعداديه .. احرموني من خالتي ام فهد .. وكان هالشي تعبني جدا جدا .. حتى اني مرضت .. استمريت كل اسبوع اسخن بااستمرار .. ومحد عرف هالسبب .. الا انا .. كنت مابي افقد خالتي ام فهد .. لانها كانت الام بالنسبه لي ..

كل بيتنا عاش بتشتت .. كل بيتنا تعلق بـ شخص معين ورحل عنه .. منصور تعلق بعمتي فاطمة .. الي تركت بيتنا وراحت قعدت عند عمي .. لان امي كانت سليطة اللسان .. ولان امي ماكانت تحب احد يشاركها فـ اي شي ..منصور بعد ابتعاد عمتي الي كانت بلسم لجروحنا .. الي كانت تلم شتاتنا وشملنا .. انهار .. انهار وايد .. وصار اكثر عدوانيه .. كانت تصرفاته تدل على العدوانيه الكبيرة ..كان اغلبيه الايام يحطم اكبر المزهريات الي موجودة فالبيت واثمنهم .. وكانت امي تعصب عليه وايد .. ومرات تحبسه في السرداب ..

كنت اخاف اقرب من منصور ساعات .. اخاف يفج غيضه وعصبيته فيني .. قرر ابوي يدخله مركز التكواندو .. حتى يخفف من عدوانيته .. لكن عدم اهتمام امي وابوي فينا .. خلا منصور يتمرد .. يتمرد وايد .. فـ فترة من الفترات .. منصور كان يكره عيال عمي .. ويكره عمي ... لانهم خذو عمتي منه .. عمتي الي كانت الام لمنصور ..

اخوي محمد مالحقت على تشتته .. لانه كان اكبر مني بوايد .. مدري بـ من تعلق وتركاه .. حتى يكمل معانا .. مرحله الشتات ... اخوي مجود .. تعلق فيني .. وفعيال اخوي محمد وايد وايد .... ومن فترة لاحظت انه متعلق بسارة ومنصور وااااايد .. واااايد .. حتى انه بات عندهم مرتين قبل لا يرد منصور طبيعي .. اما اخوي سالم .. فهذا الي كان سر غامض بالنسبه لي .. ماكان مثل منصور يعبر عن غضبه وغيضه بالكسر والضرب .. كان كثير الطلعات .. ماكنت اجوفه يستقر فالبيت الا وقت الغدا والي وجبه محببه لعايلتنا مانجتمع الا ع الغدى ومب اي يوم بعد .. هه .. كان سالم كثير السفر .. ماكنت اعرف ليش وسبب سفراته .. لكنه كان مع منصور .. كان هو بعد يكرة سارة .. مادري ليش ..

ياترى سارة كانت لهالدرجة مب زينه؟؟ .. اجوف الكل يكرهها فعايلتنا .. اخوي محمد مااعرف مشاعره .. لانه بعيد عنا وايد وايد وايد ... اما سالم .. فكرهه واضح لسارة بس ايش السبب ماادري .. بس اخوي سالم مثل ماقلت لكم تغير تغير وايد صار قاسي .. مادري ليش صار قلبه جذي .. يمكن من كثرة الحرمان .. كان دايما يفج غيضه فسارة .. وكان يكره ولد خالتي فهد كره العمى .. خمنت لان ولد خالتي فهد شاطر وناجح .. واهو فشل في شي معين .. ولان كانو دايما يقارنون بينهم .. ومنصور ماكان يحب سارة ولا يطيقها .. بس الحين احس ان منصور يحبها وايد وايد ..

ركبنا السيارة .. وشغل السواق اغنيه لبنانيه .. خلتني اسرح مع كلماتها
نسم علينا الهوا من مفرأ الوادي
ياهوا دخل الهوا ... خدني على بلادي
ياهوى ياهوى .. يالي طاير بالهوا
في من ترى بطائه وصورة
خدني لعندون ياهوا
فزعانه يائلبي .. تكبر فيها الغربيه
ماتعرفني بلادي خــــــــــدني ..
خدني على بلادي ..
شو بينا شو بينا ؟؟ ..
ياحبيبي شو بينا؟؟
كنت وكنا اتظلو عنا وافترئنا شو بينا؟؟
وبعدا الشمس بتبكي .. ع الباب وماتحكي
تحكي هوا بلادي .. خدنــي ..
خدني ع بلادي

يااااني مشتاااقه لقطر .. مع انه ماصار لي يومين رايحة عنها الا اني اشتقت لها .. سرحت بقطر .. وبااهل قطر ..

انتبهت من سرحاني على صوت امي وهي تتناقش مع المصمم على اختيار القطعه .. انتبهت على اناقه امي .. امي تقدرون تاخذونها كـ قطعه فنيه للجمال .. قطعه .. بدون مشاعر .. امي مستحيل تحمل اي نوع من انواع المشاعر .. عمري ماجفتها تضحك من قلبها .. او تصيح من قلبها ... ماجفت شعورها .. اصلا مااجوفها .. اغلبيه يومها مع صديقاتها .. هه .. تقدرون تاخذون راي امي في الجمال والموضه وسوالف الفشخره لانها حريفه فهالامور .. اما في حصص المشاعر والامومه والحنان .. فخالتي ام فهد بلا بديل .. وخالتي ام سارة .. هالانسانه الي تحسها مليانه حب وحنان .. انسانه على الرغم من جسمها الغير متناسق .. المحمل بالدهون .. تحسه مليانه حنان وحب وطيبه .. وامي على الرغم من رشاقه جسمها وتماثل تقاسيمه .. الا انه اذا حضنتها ماتحس الا بالبرود ..

البرود الي يشعرك بالتجمد .. برود يرغمك تتعمق في الحضن تدور الدفى لكن تضيع بين الصقيع .. تضطر تبتعد قبل لا تتجمد .. وتطيح قطعه ثلج .. ! ..

....: سلـــــــــوى .. جوفي هاللـــــون على هذا المودييل بيطلع بيرفكت !

رفعت عيوني لها .. وانا اوافق على مضض .. امي ذوقها رفيع وتقدر تتخيل شكل القطعه ع موديلات مختلفه .. بس انا عقلبي بعيد .. عقلي وقلبي كلهم .. يدورون .. الحنــان والحــــب .. ياترى بتسقيني يـا فيصل ؟؟ .. بـــتروي هالشعور الجاف الناقص الي اعاني منه؟؟!


....................
" علي "

..: الو .. هلا والله من معاي يالشيخ؟؟

....: اي والله ياهلا .. علي؟؟

ابتسمت : وصلت خير يالغالي .. خير؟؟ ..

....: ممكن تظهر شوي .. في ظرف خاص لك ..

عقدت حياتي : ابشر .. وين القاك؟؟ .. ممكن اعرف بخصوص شنو؟؟ ..

...: الظرف على سيارتك يالغالي .. فداعه الله

: لحظة .. انت من؟؟ .. الو .. الو ؟؟؟ ..

رفعت الموبايل من على اذني وطالعته بااستغراب .. بدون رقم ... "مكالمه" .. شكله واقف من كباين الاتصالات او شي ؟؟ .. ليش مو ظاهر الرقم ؟؟ ... وملف ايش الي يخصني؟؟ .. شنو داخل الظرف؟؟ ..

اعتراني الفضول .. وطلعت .. خذت الظرف البني .. ودخلت داخل.. من يعرفني .. لدرجة انه يوصل لي ظرف خاص؟؟ .. عقدت حياتي .. واجريت اتصال لـ جاسم ..

: الو هلا والله ..

..: هلا والله بو حسن .. شخبارك؟؟ ..

ابتسمت .. : تمام الله يسعدك .. وانته شخبارك؟؟ ..

جاسم : بخير الحمد لله .. ها اجوفك متصل .. انشالله خير؟؟ ..

ابتسمت وقلت بحب : لا متصل ابشرك .. الاهل وافقو .. يعني تقدرون تزورونا بأي وقت ..

حسيت جاسم مبتسم وهو يقول : الله يبشرك بالخير .. نسبكم والله ينشرى يالغالي .. استأذنك عيل ابشر الوالده

صكرت وانا مبتسم : اجوفك على خير .. فمان الله .. طاحت عيوني ع الصور .. ودق قلبي ..


فتحت عيوني مفجوووع .. وانا اطالع .. صورة .. ورا صورة .. رفعت راسي بحدة على دخله مريم ..وبسرعه جمعت الصور داخل الظرف .. وتحركت بااقوى سرعه عندي متجه لفوق ..

............

" منصور "

مسحت بخدي اكثر على ملمس الحرير .. اكثر واكثر .. فتحت عيوني مبتسم .. بس عقدت حياتي لان هالحرير ماكان الا خصلات شعر سودة .. وهالخصلات ناعمه .. ناعمه وايد .. دققت فصاحبه هالشعر .. كانت راقدة .. قريب مني .. وذراعي بين يدينها اسيرة .. عيونها وخدها كان مغطيهم الخصلات الناعمه .. وجزء من ويهها مدفون في المخده .. شفايفها العذبه كانت مرسومه بضيق .. يتناسب مع عقده حواجبها .. رفعت حاجب .. شكلها تحلم حلم مب زين .. هههه .. قربت عندها اكثر .. وبلعت ريجي و انا ارتب قميصها الي كان اخر زرين فيه مفتوحين .. ابتسمت على نومتها المعفوسه ..عدلت الفراش عليها .. وبعدت خصل شعرها عن عيونها .. ورفعت الخصل الي كانو طايحين تحت خدي وضميتهم للخصل الي رفعتهم .. تأملت ويها .. من شهرين .. من شهرين وانا ارقد قريب من عندها .. ساعات كنت اتهور وابوسها .. بس سرعان ماكنت اقوم من الفراش فعز تعبي .. واروح اركض فالليل .. اخاف اخرب كل الي سويته .. تعودت خلال هالشهرين ارقد وياها .. النوم بدونها متعب .. على الرغم انها طول ماهي راقدة تتحرك وتتقلب مليون مرة .. وساعات كانت ترفس ..! .. لكن كل شي يهون على سبيل التعود عليها .. خلاص هذي حياة .. وعشره .. مب مسأله يوم ولا يومين ..


الزواج شي مقدس .. والانفصال بيكون صعب .. خصوصا اني بديت اتــــــــــعود على وجودها في حياتي .. وخصوصا ان الحمدلله .. مافي مشاكل كبيرة تصير بينا .. وخصوصا ان سارة من امس بس الي درت عن جذبتي .. ياترى شبتسوي .. انا متأكد ان سارة ماراح تسكت .. سارة مب من النوع الي يسكت .. سارة اندفاعيه وايد ..

مسحت على شعرها وانا احس بمشاعر يديدة تتراكم فقلبي .. اكيد انها مشاعر التقبل .. والود .. لان .. لان سارة حبوبة .. وتدش القلب .. صحيح .. كنت احقد عليها وااااااااااااااايد .. خصوصا انها خذت امي .. "عمتي فاطمة " .. هالانسانه الاولى في حياتي .. هالانسانه الي من فتحت عيوني وهي تهتم في وجودي .. هي .. وميلان .. ميلان خدامتنا السابقه .. وبعدين خذتها يدتي .. ومن بعدها يات مربية ثانيه .. بس بعد ماتعلقت فيها مثل ميلان .. تذكرت عمتي فاطمة .. تذكرت من كم يوم .. يوم ياو عندنا .. ضحكت وهي تقول .. من يوم كنت اجوفك تيي تزورني وانا ادعي الله انه يزوجكم انته وساروة هالبنت العنيدة .. ابتسمت فخاطري .. هي عنيدة عنيدة ..! .,,

تذكرت عمي .. عمي يوم توفى كنا مسافرين انا وسالم ومحمد وابوي له .. خصوصا ان خالتي ام سارة .. اتصلت لنا تقول لنا ان عمي يبي يكلمنا .. وانه تعبان وايد وايد ..
عمي خسر الكثير من فلوسه وخصوصا بعد المناقصه الي رست لصالح منافسينهم .. وماكان هذا الي طيحه .. كانت الاشاعه الي ظهرت بـ أن ابوي هو الي سرب المعلومات للشركة المنافسه .. وهالكلام كان جذب .. لان ابوي مهما وصل فيه حقده وكرهه لاخوه الي من ابوه بس من ام ثانيه .. ماراح يساعد على فشل شراكته ويا عمي .. لان ابوي بعد كان له اسهم كثر عمي واكثر .. عمي كان يمتلك 46 من الاسهم ... لكن ابوي يملك الاكثر 48 وشريك ثالث .. كان من الدول العربيه .. ويملك 6 من الاسهم وشرى هالاسهم من عمي .. عمي كان يملك اكثر من ابوي .. لكنه باع 6 من اسهمه لرفيجه العربي .. ورفيجه ماكان كثير الزيارة لقطر .. لكنه كان يساهم وايد بالمعلومات وغيرها من امور الشركة ... كان رفيج عمي يتكلم مع رفيجه عن ربحهم وطموحهم في تطوير شركتهم .. وان المناقصه اذا رست عليهم بيرتفع دخلهم .. وكان الانسان الي يكلمه .. سكرتير الشركة المنافسه ..
كان رفيج عمي مب قاصد ينشر هالمعلومات .. كان مجرد يسولف مع زميل معاه .. لكن هالزميل كان ذكي .. واستغل طيبة رفيج عمي .. واستغفله واخذ المعلومات عنه بطريقه احترافيه .. تبين فيها انه موظف صغير ناوي يستفيد من خبرته ..
وطعن فيه .. وفي عمي وابوي .. اما عمي .. فـ وصله ان ابوي من وصل له هالمعلومه .. خصوصا ان ابوي بعد يوم واحد من قالو لعمي الخبر .. سافر لاستراليا .. لان شركته الثانيه كانو متعاقدين مع شركة استراليه ..

عمي يومها كان مسافر ويا عيلته لندن .. سياحه .. ياته نوبه قلبيه .. طيحته على الفراش .. ولان كان معاه القلب .. فكانت حالته خطيرة جدا .. وصلنا له .. بعد اسبوع .. يوم اتصلت لنا مرته .. وكانت صدمة لنا بأن عمي تعبان وايد وايد .. ابوي هو الي دخل لعمي .. اما انا وسالم ومحمد وماجد وخالتي ام سارة .. كنا فقاعه الانتظار برع .. لان عمي طلب من ابوي يكلمه على انفراد .. حتى بدون وجود زوجته ..

سارة فهاليوم ماجات معانا الصبح .. لانها كانت مريضه .. يومها رديت انا قبلهم للبيت .. وللحين اتذكر الموقف بحذافيرة .. كنت راجع توني واصل لبيتنا " الي فلندن" اتصل لي ابوي ..وبلغني برحيل عمي .. عمي ..؟! .. يقصد ابوي الثاني .. اي نعم .. هو ابوي الثاني .. كان لي الاب .. والاخ .. كان دومة قريب منا .. مني ومن ماجد .. كان قريب من الكل .. ماقدرت الا اني اصيحه .. هالانسان يملك مقدار كبير فقلبي .. وبلغني ان ام سارة منهاره .. وماجد وياها .. وهو بالمستشفى يكمل معاهم الاجراءات .. وسالم .. مايدري وينه ..! .. من درى ان عمي توفى .. وطلع على طول .. بدون اي ردة فعل .. سوى انه شد على كتف ماجد .. وانسحب ..

وكانت القشه الي كسرت ظهر البعير يوم وكلني امر تبليغ سارة .. خصوصا ان الكل ملتهي .. وسارة مب موجودة .. توجهت بثقل لشقتهم الي كانت قريبه من المستشفى .. حسيت عيوني تحرقني .. صعب تكون بهالمهمه الصعبه .. انك تفجع بنت فـ ابوها .. انك تبلغ اليتيم بيتمه .. انك تسلب الحب والحنان والوطن والامان من قلب طفل صغير ... رن الجرس وايد .. وكنت على اعصابي .. اعصابي كانت منشدة وايد .. طال وقوفي عند الباب .. وطالت ذكرياتي مع صاحب هالشقه .. معقوله ماراح نجوفه من يديد؟؟ .. معقوله ماراح يلعب معانا مباراة مثل ماتعودنا دوم .. معقوله ماراح نتسابق معاه .. ماراح نسافر معاه؟ .. نروح كشتات معاه .. نتغشمر ونطبخ وياه في الكشتات؟؟... انفتح الباب وقطع سيل ذكرياتي دمعه طاحت من عيني .. بس شكل الي فتحت الباب مب مهتمه .. فتحت الباب ودشت داخل الشقه ..

كانت لابسه عباتها وشيلتها وبريلها جوتي .. وريلها الثانيه حافيه ,,, لبست دلاغها بكل حماسها الطفولي .. ودنعت تربط جوتيها وهي تقول : وين ميود اخوي؟؟ ...

طالعتها بـ اسى .. تفقد عزوتك .. تفقد عمود البيت شي صعب .. عمود الخيمه اذا طاح ماترد الخيمه تقوم الا بعمود بديل .. وعمود خيمتهم طاح .. وماله رجعه .. : ابوج ... مات ...!!!

ماتأثرت ابد .. والتفتت لي بعيون صقيعيه ورفعت يدها بتهديد : تكرهيني .. اكرهني .. بس انك تقول جي عن ابوي ..! .. لا تتعدى حدودك .. انت سامعني ..

كررتها : مات ..!

ركضت بااندفاع صوبي .. وحاولت تصكر الباب فويهي وهي تقول: انا اكرهك اكرهك ..ومستحيل اصدقك ..ادري انك تكرهني .. وماتحبني .. بس لا تدعي على ابوي .. صاحت هني ..

قلت بقلب مفطور : والله ماادعي عليه ... ادعيله بالرحمه ...

ردت فتحت الباب : منصور .. منصور انت اتحب ابوي .. ليش جي تقول عنه؟؟

طالعت فعيونها الغرقانه دموع وجفونها الي تحولت للون الحمر .. وخشمها الي سرعان ماستشف رغبتها بالصياح وقلب احمر.. ووييها الي احتقن بالاحمرار ..
قلت بعطف غصب عني : سارة ..

صاحت اكثر وهي تقول لي: منصور لاتجذب علي

غصب عني طاحت دمعه لحالها .. لرحيل عمي .. لتشتت عايلته الصغيرة ..

من لمحت دمعتي انهارت تصيح بصوت عالي .. طاحت عند باب الشقه ودفنت ويهها في ركبها وهي تصيح بقوة : لالا .. ابوي ما مات .. ابوي حي ... رفعت راسها ومسكت يدي بترجي ... قول انك تكرهني ومسوي هالمقلب فيني .. قول انك تقص علي .. قول ان ابوي حي ... قول .. رصت على يدي بالقو وهي لازالت قاعده ورافعه راسها بترجي .. قووول قوووول ..

ويوم مانطقت بكلمه .. تركت يدي بأسى وردت دفنت راسها بين ريولها وهي تصيح : يبه ليش تروح .. يبه ليش؟؟ .. يبه انا ابيك؟؟ .. يبه انا بنتك؟؟ ... اهون عليك؟؟ .. انا .. انا .. سارة يبا .. يبا يبا .. اهئ اهئ ...

قعدت عندها وانا احس بالضياع .. اذا انا الي مهب ولدة جي منهار .. عيل سارة .. شتقول ... اكيد مشاعر البنت تختلف عن مشاعر الريال .. الريال صبور في هالمسائل بس البنت لا .. البنت تظل بنت ..! ترددت ارفع يدي واضمها ... بس مسكت يدها وضغطت عليها بمواساه : سارة ... ادعيله

صاحت بقوه وهي تقول بهستريا : مابـــــــــــــــــــي مابـــــــــــــي ... مابي ادعيله مابي ... هو اصلا حي .. انته اصلا تجذب علي .. صح ؟؟ ...

طالعت عيونها المنتفخه ودموعها الي تسيل على خدها .. : سارة ...

صاحت زيادة وهي تقول : لا تقول لي سارة .. لا تحاجيني بهالطريقه .. انته اصلا ماتدري ابوي في المستشفى .. انتو توكم تيون ماتعرفون شنو حاله ابوي ؟؟ ... اصلا انا امس كلمت الدكتور .. وقال لي انه مع الراحه راح يرد نفس قبل بس شلل نصفي ... صاحت بقوة ... وردت التفتت علي ... والله انا مابقول شي .. خله يكون فيه شلل نصفي بس لا يروووووووووووح ... لا يروووووووووووووووووح عني ... لا يهدني ... رفعت راسها وكأنها تناجي ربها : يالله انك تقومه بالسلامة .. يالله انك ترده لنا ... يالله .. يالله ... شهقت بقوة وهي توقف : منصور ابي اروح المستشفى

تعلقت فيدي : ادري انك تكرهني بس ارجوك ودني حق ابوي ... هذا ابوي .. ابوي .. بروح اتطمن عليه ... هزت راسها تأكد .. اكيد انت سمعت غلط .. ابوي اصلا مافيه شي ... ضحكت وهي تأكد والله الدكتور امس قال لي انه احسن ... وردت تصيح : منصور ودني حق ابوي ...

قطعت سيل الذكريات حركه يد سارة الي تركت يدي ... ملت عليها .. وبستها برقه ...وابتعدت بسرعه .. دشيت الحمام .. وخذت دش سريع .. طلعت من الحمام ووللحين هي راقدة ... ابتسمت .. ياكثر ماترقد هالبنت ... امس .. رقدت بعدها ... سمعتها وهي تتحلطم .. وحسيت بتقلباتها ... لين ماهدت ونامت .. ساعتها التفتت لجهتها .. وحاولت انام ... لكن خيال جسمها فالظلام ... خلاني ارتجف غصب عني ... قربت لعندها .. ضميتها لي مثل كل ليله ... ونمت ...

تعطرت ... وعدلت غترتي للمرة الاخيرة ... وطلعت من الجناح .. ورحت لبرع الجناح ... رن موبايلي .. رقم غريب .. بس مب غريب علي .. كأني جفته من كم يوم؟؟وحتى اني غيرت الاسم .. اي نعم .. غيرت الاسم .. صار مايحمل سوى " بو لولوة " بعد ماكان " عذاب الروح "

.......

" لولوة"

هزيت ريلي بتوتر .. ليش مايرد .. يالله رد .. رد ... ثواني وياني صوته ::: هلا والله ...

ابتسمت بغنج .. اشتقت له .. الله على ايام زمان .. معقوله انا كنت احب منصور وانا مب حاسه .. انا غبيه اشلون ضيعته من يدي عشان علي .. غبيه ... "هلا حبيبي ... شخبارك؟؟؟

تنهد : بخير ...وانتي

حسيت قلبي يدق بالقو : بخير حبيبي .... وحشتني ...

كح وهو يقول : كح كح .. آآ .. كح ..

قلت بعيله : حبيبي بسم الله عليك .. اشفيك ..

سمعت صوته متغير ::: وانتي بعد ... وايـــد ...

فكرت شقصده ... وتذكرت الي قلته ... وقلت بحالميه : حبيبي والله ..... متى نجتمع ..!؟

قال لي : قريب حبيبي ...

جفت مشاعل مقبله ... وحسيت بغصه ... : زين منصور ... اكلمك بعدين .. باي ..

تلفت عشان ماتشوفني .. بس شكلها كانت قاصدتني لانها يات لعندي ومسكت يدي وهي تقول : قعدي .. ابي اكلمج فموضوع ..

ارتجفت فداخلي ويريت يدي بعصبيه وانا اقول : نعم ؟؟ ... موضوع ايش؟؟ انا علاقتي فيج انتهت من زمان من اكثر من 3 سنين

غمزت لي وهي تقول : لا لولوة .. نسينا الصور والافلام الي بينا والعيش والملح ...؟؟! انصدمت من كلامها وبديت ارجف للحين محتفظة فيهم .. بس .. بس .. وعدتني انها تحرقهم ...!!!

انترست عيوني دموع واشرت على واحد شكله ماكان غريب حسيت ويهه مألوف .. تذكرت هذا هو الي جفته في المستشفى .. يه وقعد عندنا ع الطاوله ...



فتحت عيوني على اوسعها .. انا انا .. خلاص .. مابي ارد لنفس الطريج ... انا ... ابي منصور .. مابي غيره ..




دارت فيني الدنيا وانا اسمع اتفاق مشاعل مع ... مع الريال



(انتهى)
الحين فعلا انتهى .. مب غشمره .. ^_^

همسهـ
الاسبوع القادم ماراح يكون فيه بارت .. نجوفكم فالاسبوع الي بعده ..

جمرة غضى 14-05-10 10:07 PM
بارت يجنن
يسلموووو

Jewely 14-05-10 10:20 PM
هههههههههه

ياأنا أكلت المقلب الأوول لما قلتي إنتهىآ

قللتتت لااااااااا ماأمدااااني أتحمس

بس الحمدلله لما حدثت الصفحه طلع فيه تكمله

البااارت مرره رااااااااايق

شكل سكوت ساره على منصور الهدوء اللي يسبق العاصفه


توقعت ردة فعلها أعنف من كذا

وهذا منصور ماينفهم له :(




حميد رافع ضغطي لآخر درجه

هذا أنتم يالرجال يوم طحيت وجهك حيبتك وضحكت عليك تذكرت مرتك وجيت لها ركض ... يبى روح مناك بس >> وحده معصبه

ويسلمو دندون ع البارت الروعه

وبالتوفيق لك

ولاتنسين بالبارت الجاي نبي اكشنات كثير بين منصور وساره هع

سي يو

بحور الاسرار 15-05-10 02:52 AM
خياااااال

البارت


حلو التقدم بين منصور و ساره

سالم

زين فكر يستقر بحياته

روضه و سعيد

خلاص سامحيه رواضي هو عرف غلطه

ألما 15-05-10 01:57 PM
ياملحك والله ..يادندونة ........البارت خيال وروعة وكل شئ ....
وسارة ومنصور ,,أكشنهم مرة يجنن ...وكلام سلوى عن أمها وأبوها وأخوانها مره مؤثر ,,,,

الله يعطيك العافية ....بس اسبوعين مو كثير علينا ...ياربية وش يصبرنا ...الله لايخلينا منك وبس

رقة مشاعر 15-05-10 02:06 PM
لحظه اخذ نفس .... واخيييييرا لحقت عليكم

دندون اهنيش على اسلوبش الرائع ...

سالم اعجبتني شخصيته وش صار عليه بالمرحله الثانويه وخلاه يتغير كذا ومشاعره لساره وين راح تقوده

منصور فديت عيونه العسليه يا ناس من كثر ما ساره تذوب وتغوص في بحرها صرت انا بعد ابحر معها (صارت سفينه على غفله لا تاخذي على بالش شطحت شوي هع)منصور وش مخبيه لك الايام مع ساره وانت وش مخبي لهااممممممممم وليش ترد على مكالمات اللولو بعدها لها مكانه في قلبك

سروي يا عنيده خليش كذا وجنني بمنصور لحد ما توصليه لشوطأنك ...

ااممممم نجي لبارت اليوم اكثر مشهد اثر فيني هوموت ابو ساره وموقف منصور وهو محمل بنقل الخبر لساره وانهيار ساره امامه فقد انسان عزيز عليك صعب جدا اكبر اكبر من انك تتحمله وما يحس بهذا الشي الا من جرب الفقد,,

باقي الشخصيات فالبارتات الجايه نتكلم عنهم ان شاءالله اذا ربي قدرني واقدر ارد...

دندون يسلم يدينك على هالبارت,,,

اموره المزيونه 15-05-10 04:12 PM



بانتظار القادم ....


صراحه بارت اكثر من رائع ...


شعور منصور من ناحيه ساره بدا يتغير ....

وهل راح يحن للولوه او راح يتلاعب بمشاعر اي وحده

منهم ...

ناطرين الاحداث القادمه بصراحه بدت تحلو..

ويكثر الحماس والتطورر الخطير بالاحداث ....

حورآء إنسية 15-05-10 08:39 PM
هلابك دندونه يامرحبا

والله بارت يجنن واللي لفت نظري

تغير مشاعر منصور أتجاه ساره والاكيد انه الفه وحب

وهو تعود عليها خلال اشهر زواجهم وشاف ساره صافيه بدون رتوش

واغلب وقتها كانت مشاعرها مكشوفه اتجاه منصور ويمكن حس فيها

وهو مسوي انه مريض ^.^

ولؤلؤه بصراحه استغفرالله تستاهل كل اللي صار فيها

بس في شيء غامض بعلاقتها بعلي وشكل هالشيء خاص خلاها تخونه .^.*

ورجعتها لمنصور ماراح يتقبلها منصور اكبر دليل تغير اسمها بجوال

لانه خلاص تعلق بساره :)

سلوى وفيصل للحين حاسه اني مو مرتاحه لفيصل واسلوبه

وهاللي يهددها اتوقع بيصير شيء ..!

اما الصور اللي وصلت علي فا اتوقع أنها صور أخته امل يوم قابلت حمد

او صور لؤلؤه .؟؟

سالم وتفكيره بالزواج قرار صائب واتوقع البنت اللي بالشغل بيكون لها دور

....

يسلمووو دندونه ع البارت الحلو وبنتظارك الاسبوع مو الجاي اللي بعدوه

والله يوفقك غلاي

جافيني النوم 16-05-10 05:32 AM
السلام عليكم ورحمة الله وبركاته شـكــ وبارك الله فيك ـــرا لك
بارت روعه تسلم يدك يادانه
ليش بارت الاسبوع الجاي والله نشتاق لاتطولون انا افضل ياقلبي تكتبين البارتات وراء بعض لإنك اذا اجلتيها ما تأمنين ظروفك الفتره الجايه
صراحه اعجبني في الروايه منصور وساره
وسالم برزت شخصيته الروعه
لؤلؤه احسها ظهرت لمنصور عشان تسبب له مشاكل واحس وقت ظهورها كان غلط المفروض تطلع لمنصور قبل ماتعرف سلوى بحقيقته بس ظهورها بيكشف لنا
سلامته وصحته من اي مرض قبل ان تكتشفه ساره
سلوى احس احوالها ماراح تبقى على كذا الله يستر من الجاي
علي مصيبه ان شاءالله مايتهور احس أخته كانت لعبه سهله بيد حمد الله يهديها انقهرت عليه

بوح قلم 16-05-10 09:40 AM
دندونه تسلمين فديتج عالبارت<< فيس يبوسج

سالم

صحوة الضمير والاحساس بالذنب.. خلوه يحاول فتح صفحة يديدة يكفر فيها عن كل الذنوب ولامصايب اللي سواها في حياته.. وهالشي هو اللي خلاه يفكر في البنت الصغيرة اللي تشتغل وياه.. يعني يكفر عن ذنبه ومعاملته لساره فيها<< فيس يحلل

علي

شو اهلصور اللي جفتها.. اكيد وقت انتقام حمد حان.. واللي في الظرف رد اعتبار خصوصا عقب الطريقة اللي رمسته امل فيها<< هد اعصابك يا ريال.. انا اقول كفخها بس هب وايد يعني قد غلطتها<< فيس عادل

لولوة

الخطا يجر ورائه العديد من الاخطاء.ز ما ان سلكت دربه حتى اغرق في دوامته.. لتبقى دميه في ايدي الاخرين يعبثون بها ويرمونها لغيرهم.. دواج.. انتي اللي يبتي هالشي لعمرج.. وبدال لا توبين وتعرفين ربج كملتي في الغلط

سلوى

البحث عن الحنان والاحساس بالضياع.. ان تعيش مجردا من الاحاسيس والحب.. تشعر بصقيع احساسيس الاخرين حولك.. تنتشل من حضن احبابك ليرمى بك وحيدا في سجن يفتقر للحب والحنان.. تكرس حياتك باحثا عن ما يروي ضماك ويعوضك عن هذا الفقد.. ما عليه فديتج ان شاء الله فيصل بيعوضج<< فيس خاطره مكسور عليها

منصور وسارة

هل التعود كفيل بزرع كل هذا الرضى والانتماء.. ام هو من يعلقنا بطيف الاخر.. نبحث عنه في ارجاء المكان.. ونتحين لحظة ظهوره ووجدوه قربنا.. ام هو الحب الذي يقرع ابواب قلوبنا بلا استئذان<< فيس كاشفنهم.. يلا عاد بلا لف ودوران وحركات يهال.. انتو تحبون بعض بس يالسين تكابرون.. انتوا الحينه اسرة وحده وكيان واحد.. المفروض تصارحون بعض وتتفاهمون..هب جي جنكم اعداء عفانا الله<< فيس قرر يصلح بينهم

نترياج فديتج<< الفيس راعي الورود


http://www.liillas.com/up3//uploads/...29afe633ce.gif

ΑĽžαεяαђ 17-05-10 03:31 AM
السلااااااااااااااام عليكم ..


دندون تعرفين كيف بقتلك لو عاد تسوين هالمقلب فيني ثاني مرة ما راح يجرى لك خير اجل انتهى ها لا تخليني المرة الجاية ادعي اختباراتك ما تنتهي هي خلقة اصلا ما راح تنتهي بس مع دعاي يمكن تدوم اكثر واكثر << فيس يهددك بأخطر شيء ممكن يخطر على بالك ..
دانة حبيبتي اليوم الجزء << فيس يصفر تصفير حار خطير يا اختي احس هالبارتات الاخيرة من يوم ما رجع منصور وهي تحلو اكثر واكثر والقصة قاعدة تأخد لها طريق ثاني وان شاء الله ما نرجع لمنصور الاولاني ابو شريط ولعبة هالمنصور احلى واكشخ وحركات خخخخ << فيس يغمز لك .. فيس حبه خلاص ..




حمدة :: والمعاناة المستمرة هالكلب الحمار اللي ما يخاف ربه يبي له قتل اجل يتعدى على محارم غيره والله ان هالمسؤولين يبي له قص رقاب اللي عينوه في هالمنصب اللي ما يستاهله الله يشيله وهذي بس تعرف تتبكبك يعني ما تعرف تصرخ فيه وتجمع الناس كلها والحين السكرتير اللي شاف بيقول اللي شافه للكل وراحت سمعتك يا حمدة في شربت ماي الله يهينك وحميد هذا ليش ما يتصرف من بداية القصة وهو بارد بس هااا << فيس بيضربه عشان يتحرك ..






سالم :: والتغير للافضل شيء حلو وايجابي اننا نشوفه يفكر في المستقبل بهالصورة الوردية والمتفائلة يا رب يكمل على طول كذا بس غريبة هالسكرتيره ام 18 سنة ما تشوفها انت يا منصور صغيرة على كلمة سكرتيرة والا لا .. امممممم هل مريم هي هالسكرتيرة والا لا ...قرارك الجديد صائب جداا يا الله مبروك من الحين بس اعرف من تختار مو تجيب لنا أي وحدة << فيس يتشرط ..




منصور وسارة :: فيس محمر خخخ
اشوف اشوف رجلك يا منصور لا لا والله محمرة بجد هالخبيثة جابته حار عشان تنحرق لازم تعاقيبها خخخخخخخ ساروه حبيبتي ما تدلين الحمام من المطبخ خلاص منصور شال عقلك والله رحتي وطي مع هالمنصور ما صرتي تعرفين شيء حتى مشاعرك مو قادرة تحددينها ..
اجل ما تبين تطلبين الطلاق عناد فيه والا عشان ما تقدرين تبعدين عنه هااا << فيس يطالع بنص عين ..
منصور حبيبي هذا اللي عايش فيه انت حب مو لا تكذب على نفسك بالذات ان لولوة صارت بدون اسم وهذا شيء اجابي من عذاب الروح لبلا اسم يعني الشتات اللي كنت عايش فيه بدء ينحل وتعرف وين تبي وحتى سارة مقرر انك ما تفارقها بس تعال يا واد يا منصور اش هالحركات واش هالتصرفات انت اليوم << فيس ما يعرف يوصف .. رومانسي خخخخ
..




روضة وسعيد :: احسن يا روضة خله ينام على الكنب يمكن يوجعه ظهره ويحس بوجع ظهرك بس وجع القلب كيف راح يحس فيه .. بس الحين ما حزنتي عليه هو صدق غلط بس انتي ذليتي اهله لا تشدين كثير عشان لا ينقطع الحبل ويروح يدور على غيرك انتبهي .. وبعدين حلوة هذي الغيرة اجل ليش مكثر من هالعطر هااا تغارين عليه والله لو انك قلتي له كذا كان طار في سابع سما خخخخ الله يعينك يا سعيد روضة للحين ما طاح اللي في راسها بس انت قاعد تشتغل تمام كمل وهي في الاخير راح ترضى << فيس يحرضه ...



سلوى :: اليوم يا سلوى عطيتينا تقرير مفصل لاغلب الشخصيات تقريبا دخلنا لدواخل كل شخص وعرفنا ليش يتصرف هالتصرف وليش تغير وصار شخص ثاني عرفنا ليش منصور ما كان يحب سارة وعدواني معها لهالدرجة وسارة ليش ترد عليه بالمثل .. سالم وتغيره .. كل واحد اكتشفنا الجانب المخفي منه .. مشكورة سلوى على هالكم من المعلومات ساعدتنا كثير وانتي انتبهي مع امك وتقضي زين لا اوصيك ...





علي :: الحمد لله انك رديت على الولد اول شيء وقلت له موافقين يعني لو شفت الصور قبل ما كنت رحمتها والحين هالصور روح تفاهم مع امل ويا ريت تقول لك لولوة هي اللي دلتني يكون احسن عشان تكره لولوة زيادة .. وهي لا تخاف للحين ما صابها شيء خلها تتزوج وتروح في حال سبيلها << فيس يهديه ..






منصور وخبر موت عمه :: فيس متأثر ويبكي دندون صدق صدق هالموقف اثر فيني الله يرحمه ويرحم جميع موتانا << فيس للحين يمسح دموعه ..
فيس ما يبي يتكلم عن هالفقرة من البارت ..




لولوة :: ورجوعها من جديد في اللي كانت تتهرب منه الا وينه اخوك يا لولوة خارجة من وراه هااا .. وهالمشاعل كانت سبب في ضياعك واستمرار هالضياع ما راح تخلصين منها الا اذا خلصتي عليها وموتيها << فيس مجرم .. بعدين موتي نفسك لا تنسين << نفس الفيس اللي فوق ..


دنودن الف شكر على البارت حبيبتي .. وان شاء الله ننتظر بعد اسبوعين بس ها نبي بارتين مو بارت واحد عوضينا عن هالغياب والا بنزعل عليك صدق << فيس يتغلا وبيشوف مقدار غلاه ..
الله يوفقك حبيبتي وتجيبين النسبة الي تبينها ..





زوزو








غدر الحياه 17-05-10 03:18 PM
السلام عليكم
انا ضيفة جديدة ع القصة الاكثر من رائعة اتمنى انك تقبليني
اكثر شي عجبني ولاحظته من خلال قرائتي انك ما تطولين يعني بالكثير اسبوعين يكون البارت نازل . في الحقيقة من زمان ما دخلت هذا القسم لانه كثير من القصص تعلقت فيها وتغيب الكاتبة لاشهر وما تنزل بارت وهذا منو موجود عندك . لاني بصراحة حبيت اسلوبك وايد وحبيت تفسيرك لبعض الكلمات الي يمكن ما تكون مفهومة . حبيت اسلوبك المرح والكوميدي يعني تتغشمرين............. وكثير حلو انك تتكلمين بضمير الانا (المتكلم) لان هذا يحسسني بصدق الوصف والتقرب اكثر للشخصية................... يعطبك الف عافية واتمنى ما اكون ضيفة ثقيلة .:lWR04888::lWR04888:

دانة الدوحة 26-05-10 05:10 PM
السلام عليكم ورحمة الله وبركاته

ياحلوين ليش هالضجه؟؟البارت ان شاء الله يوم اليمعه ..
وعلى موعدنا بعد الساعه 9

وبالنسبه للي يسألون عن نهايه القصه .. ان شا ءالله من عيوني بكملها .. بس عطوني فرصه .. لاتضغطون علي بليز ..
نجوفكم على خير
وسعدت جدا جدا بردودكم
لاخلا ولا عدم

دانهـ

دانة الدوحة 27-05-10 11:10 PM
اقتباس:
المشاركة الأصلية كتبت بواسطة جمرة غضى (المشاركة 2307208)
بارت يجنن
يسلموووو
الله يسلمج غاليتي ..
لاهنتي

دانة الدوحة 27-05-10 11:12 PM
اقتباس:
المشاركة الأصلية كتبت بواسطة Jewely (المشاركة 2307222)
هههههههههه

ياأنا أكلت المقلب الأوول لما قلتي إنتهىآ

قللتتت لااااااااا ماأمدااااني أتحمس

بس الحمدلله لما حدثت الصفحه طلع فيه تكمله

البااارت مرره رااااااااايق

شكل سكوت ساره على منصور الهدوء اللي يسبق العاصفه


توقعت ردة فعلها أعنف من كذا

وهذا منصور ماينفهم له :(




حميد رافع ضغطي لآخر درجه

هذا أنتم يالرجال يوم طحيت وجهك حيبتك وضحكت عليك تذكرت مرتك وجيت لها ركض ... يبى روح مناك بس >> وحده معصبه

ويسلمو دندون ع البارت الروعه

وبالتوفيق لك

ولاتنسين بالبارت الجاي نبي اكشنات كثير بين منصور وساره هع

سي يو
ههههههههه تسلمين حبوبة .. تحمست وانا اقرا ردج
لاعدمناج

دانة الدوحة 27-05-10 11:15 PM
اقتباس:
المشاركة الأصلية كتبت بواسطة بحور الاسرار (المشاركة 2307501)
خياااااال

البارت


حلو التقدم بين منصور و ساره

سالم

زين فكر يستقر بحياته

روضه و سعيد

خلاص سامحيه رواضي هو عرف غلطه
يسلمووو قلبوو مرورج الخيال
ولاهنتي

دانة الدوحة 27-05-10 11:23 PM
اقتباس:
المشاركة الأصلية كتبت بواسطة ألما (المشاركة 2307912)
ياملحك والله ..يادندونة ........البارت خيال وروعة وكل شئ ....
وسارة ومنصور ,,أكشنهم مرة يجنن ...وكلام سلوى عن أمها وأبوها وأخوانها مره مؤثر ,,,,

الله يعطيك العافية ....بس اسبوعين مو كثير علينا ...ياربية وش يصبرنا ...الله لايخلينا منك وبس
هههه فديتج تسلمين والله .. الله يعافيج
شسوي يالغاليه .. خلاص هانت ..
لاعدمناج

دانة الدوحة 27-05-10 11:28 PM
اقتباس:
المشاركة الأصلية كتبت بواسطة رقة مشاعر (المشاركة 2307919)
لحظه اخذ نفس .... واخيييييرا لحقت عليكم

دندون اهنيش على اسلوبش الرائع ...

سالم اعجبتني شخصيته وش صار عليه بالمرحله الثانويه وخلاه يتغير كذا ومشاعره لساره وين راح تقوده

منصور فديت عيونه العسليه يا ناس من كثر ما ساره تذوب وتغوص في بحرها صرت انا بعد ابحر معها (صارت سفينه على غفله لا تاخذي على بالش شطحت شوي هع)منصور وش مخبيه لك الايام مع ساره وانت وش مخبي لهااممممممممم وليش ترد على مكالمات اللولو بعدها لها مكانه في قلبك

سروي يا عنيده خليش كذا وجنني بمنصور لحد ما توصليه لشوطأنك ...

ااممممم نجي لبارت اليوم اكثر مشهد اثر فيني هوموت ابو ساره وموقف منصور وهو محمل بنقل الخبر لساره وانهيار ساره امامه فقد انسان عزيز عليك صعب جدا اكبر اكبر من انك تتحمله وما يحس بهذا الشي الا من جرب الفقد,,

باقي الشخصيات فالبارتات الجايه نتكلم عنهم ان شاءالله اذا ربي قدرني واقدر ارد...

دندون يسلم يدينك على هالبارت,,,
هههههههههه تسلمين حبيبتي .. يعطيج العافيه على هالرد
لاعدمناااج قلبوو

دانة الدوحة 27-05-10 11:32 PM
اقتباس:
المشاركة الأصلية كتبت بواسطة امار80 (المشاركة 2307979)



بانتظار القادم ....


صراحه بارت اكثر من رائع ...


شعور منصور من ناحيه ساره بدا يتغير ....

وهل راح يحن للولوه او راح يتلاعب بمشاعر اي وحده

منهم ...

ناطرين الاحداث القادمه بصراحه بدت تحلو..

ويكثر الحماس والتطورر الخطير بالاحداث ....
هههه مرورج الاروع .. ماندري شبيصير
خلج متااابعه

دانة الدوحة 27-05-10 11:34 PM
اقتباس:
المشاركة الأصلية كتبت بواسطة سعوديه وافتخر (المشاركة 2308277)
هلابك دندونه يامرحبا

والله بارت يجنن واللي لفت نظري

تغير مشاعر منصور أتجاه ساره والاكيد انه الفه وحب

وهو تعود عليها خلال اشهر زواجهم وشاف ساره صافيه بدون رتوش

واغلب وقتها كانت مشاعرها مكشوفه اتجاه منصور ويمكن حس فيها

وهو مسوي انه مريض ^.^

ولؤلؤه بصراحه استغفرالله تستاهل كل اللي صار فيها

بس في شيء غامض بعلاقتها بعلي وشكل هالشيء خاص خلاها تخونه .^.*

ورجعتها لمنصور ماراح يتقبلها منصور اكبر دليل تغير اسمها بجوال

لانه خلاص تعلق بساره :)

سلوى وفيصل للحين حاسه اني مو مرتاحه لفيصل واسلوبه

وهاللي يهددها اتوقع بيصير شيء ..!

اما الصور اللي وصلت علي فا اتوقع أنها صور أخته امل يوم قابلت حمد

او صور لؤلؤه .؟؟

سالم وتفكيره بالزواج قرار صائب واتوقع البنت اللي بالشغل بيكون لها دور

....

يسلمووو دندونه ع البارت الحلو وبنتظارك الاسبوع مو الجاي اللي بعدوه

والله يوفقك غلاي
الله يسلمج غلاتي ..
فديتج لا عدمناج ولا عدمنا هالتفهم ..
ان شاء الله باجر البارت ..

دانة الدوحة 27-05-10 11:38 PM
اقتباس:
المشاركة الأصلية كتبت بواسطة جافيني النوم (المشاركة 2308799)
السلام عليكم ورحمة الله وبركاته شـكــ وبارك الله فيك ـــرا لك
بارت روعه تسلم يدك يادانه
ليش بارت الاسبوع الجاي والله نشتاق لاتطولون انا افضل ياقلبي تكتبين البارتات وراء بعض لإنك اذا اجلتيها ما تأمنين ظروفك الفتره الجايه
صراحه اعجبني في الروايه منصور وساره
وسالم برزت شخصيته الروعه
لؤلؤه احسها ظهرت لمنصور عشان تسبب له مشاكل واحس وقت ظهورها كان غلط المفروض تطلع لمنصور قبل ماتعرف سلوى بحقيقته بس ظهورها بيكشف لنا
سلامته وصحته من اي مرض قبل ان تكتشفه ساره
سلوى احس احوالها ماراح تبقى على كذا الله يستر من الجاي
علي مصيبه ان شاءالله مايتهور احس أخته كانت لعبه سهله بيد حمد الله يهديها انقهرت عليه
وعليكم السلام ورحمة الله وبركاته
تسلمين ياقلبي .. والله يالغلا انا لو بيدي كتبت .. وريحتكم من الانتظار .. بس صدقيني مافي وقت .. كل اسبوع وعندي شي .. ومااقدر اكمل .. بعد اسبوعين ان شاء الله بنهي الاختبارات النهائيه وبتفرغ للقصه بشكل تام

لاعدمناج

دانة الدوحة 27-05-10 11:40 PM
اقتباس:
المشاركة الأصلية كتبت بواسطة بوح قلم (المشاركة 2309135)
دندونه تسلمين فديتج عالبارت<< فيس يبوسج

سالم

صحوة الضمير والاحساس بالذنب.. خلوه يحاول فتح صفحة يديدة يكفر فيها عن كل الذنوب ولامصايب اللي سواها في حياته.. وهالشي هو اللي خلاه يفكر في البنت الصغيرة اللي تشتغل وياه.. يعني يكفر عن ذنبه ومعاملته لساره فيها<< فيس يحلل

علي

شو اهلصور اللي جفتها.. اكيد وقت انتقام حمد حان.. واللي في الظرف رد اعتبار خصوصا عقب الطريقة اللي رمسته امل فيها<< هد اعصابك يا ريال.. انا اقول كفخها بس هب وايد يعني قد غلطتها<< فيس عادل

لولوة

الخطا يجر ورائه العديد من الاخطاء.ز ما ان سلكت دربه حتى اغرق في دوامته.. لتبقى دميه في ايدي الاخرين يعبثون بها ويرمونها لغيرهم.. دواج.. انتي اللي يبتي هالشي لعمرج.. وبدال لا توبين وتعرفين ربج كملتي في الغلط

سلوى

البحث عن الحنان والاحساس بالضياع.. ان تعيش مجردا من الاحاسيس والحب.. تشعر بصقيع احساسيس الاخرين حولك.. تنتشل من حضن احبابك ليرمى بك وحيدا في سجن يفتقر للحب والحنان.. تكرس حياتك باحثا عن ما يروي ضماك ويعوضك عن هذا الفقد.. ما عليه فديتج ان شاء الله فيصل بيعوضج<< فيس خاطره مكسور عليها

منصور وسارة

هل التعود كفيل بزرع كل هذا الرضى والانتماء.. ام هو من يعلقنا بطيف الاخر.. نبحث عنه في ارجاء المكان.. ونتحين لحظة ظهوره ووجدوه قربنا.. ام هو الحب الذي يقرع ابواب قلوبنا بلا استئذان<< فيس كاشفنهم.. يلا عاد بلا لف ودوران وحركات يهال.. انتو تحبون بعض بس يالسين تكابرون.. انتوا الحينه اسرة وحده وكيان واحد.. المفروض تصارحون بعض وتتفاهمون..هب جي جنكم اعداء عفانا الله<< فيس قرر يصلح بينهم

نترياج فديتج<< الفيس راعي الورود


http://www.liillas.com/up3//uploads/...29afe633ce.gif
فيس يلمج وحشتيييه وااايد وايد
ياسلام مانقدر مانقدر ع الدرر هذي
يعطيج العافيه فديتج
لاعدمناج

دانة الدوحة 27-05-10 11:43 PM
اقتباس:
المشاركة الأصلية كتبت بواسطة ΑĽžαεяαђ (المشاركة 2309776)
السلااااااااااااااام عليكم ..


دندون تعرفين كيف بقتلك لو عاد تسوين هالمقلب فيني ثاني مرة ما راح يجرى لك خير اجل انتهى ها لا تخليني المرة الجاية ادعي اختباراتك ما تنتهي هي خلقة اصلا ما راح تنتهي بس مع دعاي يمكن تدوم اكثر واكثر << فيس يهددك بأخطر شيء ممكن يخطر على بالك ..
دانة حبيبتي اليوم الجزء << فيس يصفر تصفير حار خطير يا اختي احس هالبارتات الاخيرة من يوم ما رجع منصور وهي تحلو اكثر واكثر والقصة قاعدة تأخد لها طريق ثاني وان شاء الله ما نرجع لمنصور الاولاني ابو شريط ولعبة هالمنصور احلى واكشخ وحركات خخخخ << فيس يغمز لك .. فيس حبه خلاص ..




حمدة :: والمعاناة المستمرة هالكلب الحمار اللي ما يخاف ربه يبي له قتل اجل يتعدى على محارم غيره والله ان هالمسؤولين يبي له قص رقاب اللي عينوه في هالمنصب اللي ما يستاهله الله يشيله وهذي بس تعرف تتبكبك يعني ما تعرف تصرخ فيه وتجمع الناس كلها والحين السكرتير اللي شاف بيقول اللي شافه للكل وراحت سمعتك يا حمدة في شربت ماي الله يهينك وحميد هذا ليش ما يتصرف من بداية القصة وهو بارد بس هااا << فيس بيضربه عشان يتحرك ..






سالم :: والتغير للافضل شيء حلو وايجابي اننا نشوفه يفكر في المستقبل بهالصورة الوردية والمتفائلة يا رب يكمل على طول كذا بس غريبة هالسكرتيره ام 18 سنة ما تشوفها انت يا منصور صغيرة على كلمة سكرتيرة والا لا .. امممممم هل مريم هي هالسكرتيرة والا لا ...قرارك الجديد صائب جداا يا الله مبروك من الحين بس اعرف من تختار مو تجيب لنا أي وحدة << فيس يتشرط ..




منصور وسارة :: فيس محمر خخخ
اشوف اشوف رجلك يا منصور لا لا والله محمرة بجد هالخبيثة جابته حار عشان تنحرق لازم تعاقيبها خخخخخخخ ساروه حبيبتي ما تدلين الحمام من المطبخ خلاص منصور شال عقلك والله رحتي وطي مع هالمنصور ما صرتي تعرفين شيء حتى مشاعرك مو قادرة تحددينها ..
اجل ما تبين تطلبين الطلاق عناد فيه والا عشان ما تقدرين تبعدين عنه هااا << فيس يطالع بنص عين ..
منصور حبيبي هذا اللي عايش فيه انت حب مو لا تكذب على نفسك بالذات ان لولوة صارت بدون اسم وهذا شيء اجابي من عذاب الروح لبلا اسم يعني الشتات اللي كنت عايش فيه بدء ينحل وتعرف وين تبي وحتى سارة مقرر انك ما تفارقها بس تعال يا واد يا منصور اش هالحركات واش هالتصرفات انت اليوم << فيس ما يعرف يوصف .. رومانسي خخخخ
..




روضة وسعيد :: احسن يا روضة خله ينام على الكنب يمكن يوجعه ظهره ويحس بوجع ظهرك بس وجع القلب كيف راح يحس فيه .. بس الحين ما حزنتي عليه هو صدق غلط بس انتي ذليتي اهله لا تشدين كثير عشان لا ينقطع الحبل ويروح يدور على غيرك انتبهي .. وبعدين حلوة هذي الغيرة اجل ليش مكثر من هالعطر هااا تغارين عليه والله لو انك قلتي له كذا كان طار في سابع سما خخخخ الله يعينك يا سعيد روضة للحين ما طاح اللي في راسها بس انت قاعد تشتغل تمام كمل وهي في الاخير راح ترضى << فيس يحرضه ...



سلوى :: اليوم يا سلوى عطيتينا تقرير مفصل لاغلب الشخصيات تقريبا دخلنا لدواخل كل شخص وعرفنا ليش يتصرف هالتصرف وليش تغير وصار شخص ثاني عرفنا ليش منصور ما كان يحب سارة وعدواني معها لهالدرجة وسارة ليش ترد عليه بالمثل .. سالم وتغيره .. كل واحد اكتشفنا الجانب المخفي منه .. مشكورة سلوى على هالكم من المعلومات ساعدتنا كثير وانتي انتبهي مع امك وتقضي زين لا اوصيك ...





علي :: الحمد لله انك رديت على الولد اول شيء وقلت له موافقين يعني لو شفت الصور قبل ما كنت رحمتها والحين هالصور روح تفاهم مع امل ويا ريت تقول لك لولوة هي اللي دلتني يكون احسن عشان تكره لولوة زيادة .. وهي لا تخاف للحين ما صابها شيء خلها تتزوج وتروح في حال سبيلها << فيس يهديه ..






منصور وخبر موت عمه :: فيس متأثر ويبكي دندون صدق صدق هالموقف اثر فيني الله يرحمه ويرحم جميع موتانا << فيس للحين يمسح دموعه ..
فيس ما يبي يتكلم عن هالفقرة من البارت ..




لولوة :: ورجوعها من جديد في اللي كانت تتهرب منه الا وينه اخوك يا لولوة خارجة من وراه هااا .. وهالمشاعل كانت سبب في ضياعك واستمرار هالضياع ما راح تخلصين منها الا اذا خلصتي عليها وموتيها << فيس مجرم .. بعدين موتي نفسك لا تنسين << نفس الفيس اللي فوق ..


دنودن الف شكر على البارت حبيبتي .. وان شاء الله ننتظر بعد اسبوعين بس ها نبي بارتين مو بارت واحد عوضينا عن هالغياب والا بنزعل عليك صدق << فيس يتغلا وبيشوف مقدار غلاه ..
الله يوفقك حبيبتي وتجيبين النسبة الي تبينها ..





زوزو







وعليكم السلام ورحمة الله وبركاته
ياهلا ياهلا بالزوز كله
شخبارج؟؟ .. ياقلبي مشكورة على هالرد الاكثر من رائع .. بحاول حبوبة مااوعدج .. البارت باجر بااّذن الله تعالي .. وسمحيلنا ع القصور.. والف الف الف الف الف الف مبروووك ع الفوز بالمركز الثالث >> جكيتج من التوقيع

دانة الدوحة 27-05-10 11:45 PM
اقتباس:
المشاركة الأصلية كتبت بواسطة سهام (المشاركة 2310168)
السلام عليكم
انا ضيفة جديدة ع القصة الاكثر من رائعة اتمنى انك تقبليني
اكثر شي عجبني ولاحظته من خلال قرائتي انك ما تطولين يعني بالكثير اسبوعين يكون البارت نازل . في الحقيقة من زمان ما دخلت هذا القسم لانه كثير من القصص تعلقت فيها وتغيب الكاتبة لاشهر وما تنزل بارت وهذا منو موجود عندك . لاني بصراحة حبيت اسلوبك وايد وحبيت تفسيرك لبعض الكلمات الي يمكن ما تكون مفهومة . حبيت اسلوبك المرح والكوميدي يعني تتغشمرين............. وكثير حلو انك تتكلمين بضمير الانا (المتكلم) لان هذا يحسسني بصدق الوصف والتقرب اكثر للشخصية................... يعطبك الف عافية واتمنى ما اكون ضيفة ثقيلة .:lWR04888::lWR04888:
وعليكم السلام ورحمة الله وبركاته.. الاروع وجودكم يالغلا .. اكيد اكيد .. خلاص انتي من المتابعين الحين .. فديتج شهادة اعتز فيها
بكرة البارت وخلج قريبه

دانة الدوحة 27-05-10 11:47 PM
تم تغير موعد البارت .. لظروف خاصه

الى الساعه الـى مابعد الساعه الـ 10 صباحاً .. نجوفكم باجر

دانة الدوحة 28-05-10 12:05 AM
افتقدت الكثير .. عساكم بخير

دانة الدوحة 28-05-10 08:53 AM
ثواني وينزل البارت ..

دانة الدوحة 28-05-10 08:56 AM

..::]][[ الحفنه السابعه عشر ]][[::..
( تهت انا وروحي غريقه .. في بحر ماله مواااني )
بعد اسبوع ...~


"سارة "
كنت قاعده وياه بالغرفه بروحنا ... طلبت منه يجي لاني ابغي اكلمه .. حسيته يتهرب مني ... ورحت لبيت ابوي ... ويوم جفته بالجناح .. طلبت اكلمه على انفراد .. صحيح انصدمت مرام من طلبي .. بس ماابغيها تنصدم بريلها الي خذلني ... خذلني وكسر قلبي ...


قلت بعتاب ودموعي تنزل سيلان على خدي : اشلون رضيت تزوجني وانا اختك الوحيدة

قال لي بخجل : سارة .. سارة انتي ماتعرفين شي ..

قلت بعتب اكبر : وبعد مااعرف انك تدري عن حاله منصور .. وانه مستغفلني ومستغفلنا كلنا .. وانته ساكت وراضي ... ماجد .. انت طحت من عيني ... خيبت ظني فيك ... ماتوقعتك بتخذلني " شهقت بصياح"

مسك جتفي يهديني.. وانا رفعت يده عن جتفي وكملت : انته حطمت مستقبلي ...اشرت على صدري بألم وانا اكمل .. حطمت احلامي وامنياتي ... رفعت عيوني الغرقانه فالدموع لعيونه ... انته مب بس حطمتني .. حتى هو حطمته ... ماجد ... اشلون رضيت اني اتعذب .. وانت عارف ان الزواج مب يوم ولا يومين .. مب يوم ولا يومين ... عشره ..! ... عشره عمر ... اشلون رضيت تزوجني بدون ماتاخذ رايي ..نزلت جتوفي بخيبه امل .. انته كنت داري اني بااتزوج ..رفعت راسي له وقلت باانفعال .. ليش ماكنت ترد على تلفوناتي ... ليش ماترد على ايميلاتي ... صحت بخذلان وقهر وانا اضرب المخدة الي عندي.. تتوقع اني بااعيش سعيده وانا ادري اني مفروضه على هالانسان؟؟ ... بعيش سعيده مع انسان انا ماقدرت اختاره فحياتي .. ؟؟

سمعته يقول بسرحان : يوم الي توفى ابوي .. دخل له عمي .. مارضى ابوي حد فينا يدخل .. كان يوصي عمي علينا بوصايا كثيرة ... من ضمنها انتي ياسارة ... تتوقعين ياسارة انا بـ ارضى ازوجج بدون مااشاورج ... تهقين يعني باارضى انج تعيشين تعيسه؟؟ ... سارة .. انا نفسج .. حالي من حالج ... عانيت من ضغوطات كثيرة من عمي ... انا واجهت عمي ورفضت ازوجج لولده حتى وان كان رفيجي .. بدون مااخذ بشورج .. بس ياسارة ابوي وصى انج تاخذين واحد من عيال عمي ياسارة ...

طالعته مصدومة ... مستحيل ... مستحيل ابوي يدري ان عمي مايحبنا .. ومايحبه ... ليش يبي يزوجني من واحد من عياله ؟؟ ... ابوي يدري ان عمي باقه "سرقه" .. ليش عيل يبيني اخذ ولد الحرامي .؟؟ ... طاحت دموعي من عيني : ماجد لا تقعد تبرر وتجذب علي ... انتو ليش تخدعوني .؟؟ ... ليش ماتحبني ياماجد ولا تحب لي الخير ..

مسك يدي وضغط عليها بالقو : والله ياسارة اني ماكنت برضى والله شاهد علي .. بس يوم قريت وصيه الوالد سكت ورضيت بالامر الواقع .. ابوي كان يبيج لمنصور بالتحديد .. هو كاتب فوصيته يزوجج لاحد من عيال عمي .. بس يوم راح له عمي المستشفى قال له زوجها منصور .. وعمي اجل الزواج لفترة عشانج بالمدرسة .. صدقيني سارة انا مستحيل اقبل تعيشين بتعاسه .. مستحيل .. لو الحين انتي ماتبينه والله مايردج الا لسانج .. انا ماسويت هالشي الا تنفيذ لوصيه الوالد ياساره ..

صحت مقهوره .. لماني ماجد لصدره وصحت وايد وايد .. حسيت اني ظلمت اخوي ماجد وايد .. انا توقعته بس بغا يزوجني لرفيجه انحياز لرفيجه وحتى مايكسر خاطر رفيجه .. وعشان المصلحه ويا عمي .. طلع ان ابوي موصي هالوصيه ... معقوله يبه تحكم علي اتزوج بدون ماتاخذ شوري وتجوف جاني ابغيه ولا لاء ...


يات فبالي ذكريات مغيمه .. يوم كنت اصغيرة فبدايه الاعداديه .. يوم كنت احس بااعجاب صوب منصور ..وكيف كنت اتلهف على جوفته .. خصوصا انه كان جميل وكان فهذيج الفترة بالثانويه بثالث ثانوي يعني ريال واللحيه خطت ويهه الجميل وزادته وسامه ولاني كنت صغيره فشي اكيد الشكل كان عندي مهم .. وانعجب فيه .. اتذكر يوم كنت اسأل ابوي عن منصور اذا جى يدرس مع ماجد واتجسس عليهم خلسه .. اتذكر يوم مرة رحت ابي اسمع رايه في قصه شعري اليديدة .. لكنه استهزئ فيني .. واني مسترجله ... بعدها بديت اكرهه .. وبديت اتجنب اشوفه .. وصرت مااطلع ولا اروح بيتهم لاني حسيته يكرهني وانا كنت اكن له مشاعر خاصه .. بعدها بكم سنه .. لفت انتباهي ثاني .. الي حسيته يبادلني مشاعر وديه .. وبديت انعجب فيه ... ويمكن اني كنت احبه ..

شدد ماجد من احتضاني وانا حسيت اني ارتحت يوم عرفت ان ماجد ماكان يبي يتخلص مني وماكان شايفني هم قاعد على قلبه .. حسيت اني ارتحت .. صعب تحس بالخذلان من اقرب شخص بالنسبه لك .. والاصعب والامر .. ان تنجبر تتعايش مع هالخذلان ولا كأن صار شي ..

ابتعدت عنه وانحرجت اشوي .. بس كان يداعب خدي وكأني ياهل : يالله عاد يالدلوعه لا تصيحين .. فاتحه لي مناحه

مسحت خدودي وقعدت وتذكرت شي : انزين انته كنت تدري ان منصور طبيعي ليش ماقلت لي ... ليش عيشتوني فوهم ... حرام عليكم... انتو وايد تلاعبتو فيني ...


طاحت دموعي من يديد ..وحاوط جتوفي وهو يقول لي : هالفكرة كانت فكرة منصور .. وانا كنت بقولها لج .. بس يوم جفت ان منصور مرتاح وانتي مرتاحه ومتقبلته جذاك .. ماكنت بخرب ... عشان تتعرفون على بعض احسن

قلت بقهر واحساس بالظلم: بس هو كان يجذب علي .. اسلوبه كان اسلوب يهال ... يعني انا ماعرفت عنه اي شي .. سوا انه مغرور وكريه ..

ضحك ماجد ... : انتي ماتتوبين مع هاللسان الطويل ها؟؟ ... فديتج ياسارة والله ان منصور طيب وحبوب .. بس مادري ليش انتي جذي تجوفينه .. صدقيني اذا شليتي هالفكرة من بالج بتجوفينه صح .. انتي ليش تجوفينه كريه ومغرور؟؟ ...

سكت ماعرف اشلون ارد عليه ...رد يلمني مرة ثانيه : مب زعلانه حبيبتي

قلت بصدق : للحين زعلانه .. اجذب عليك اذا قلت لك ماشلت بخاطري ... ترا وايد وايد زعلتني وخيبت ظني

ضحك وهو يبوس راسي : فديت الي خايب ظنهم .. والله ياحبيبتي ماكان هالشي بيدي والله ..

سكت وانا حسيته متلوم ... ومتعذب ... حتى اني لاحظت هالات سود خفيفه تحت عيونه ... وخطوط ارهاق باينه فوجهه ... معقوله توني الاحظ ان اخوي تعبان من اول ماتزوجت ... ياحبيبي يااخوي ... سندت راسي على جتفه وانا اقول : زين اشلون بتراضيني ...

ابتسم وهو يقول : بعزمج

بوزت وقلت : مابي عزيمه ... تبي تراضيني لازم تسفرني

ضحك وهو يقول : ياعمري احين انتي متزوجة يعني اراضيج واراضي ريلج فوقج؟؟ لا ياعيوني مااقدر عليج وعلى ريلج مرة وحده

بوزت زيادة : مايخصني

قرص خدودي : ولايهمج بطلعج البر وباحجز لنا في الشاليهات

ابتسمت بفرحه : صـــــــــــج الـــــــــــــــلاي متـــــــــــــــــى؟؟؟

ويوم حسيت بنفسي وانا جي اتحجى بكل هالاندفاع رديت استعدلت فقعدتي وسويت نفسي مب مهتمه : بس توديني الشاليه والبر هاي رضوتك يعني؟؟؟ ...

ضحك ماجد وهو يقول لي : امري وين تبين بعد ...؟؟؟

سكت افكر واكتفيت اني اهز جتفي : جوف اول شي نروح البر والشاليهات وبعدين يصير خير

ضحك ماجد : يالعياااارة ... تبين تسافرين وتروحين وتردين على حسابي ...

ضحكت وانا اقوم وابوسه فوق راسه : متى بنروح؟؟

حك يبتهته وهو يقول : احنا ترانا متفقين ويا عيال خالتي نروح باجر ... بس احنا الشباب بدونكم يعني ... بس ولايهمج بنغير الرحله عشانكم ... باجر نروح البر .. والي عقبه نروح الشاليهات ... زين انـــّـا حجزنا اكثر من 4 شاليهات ولا جان توهقنا ...


.................

"سالم "

قال لي منصور عن رحلتهم ... للبر والشاليهات .. وترددت اروح ولا لاء ... اخاف اروح .. واخرب على سعادة سارة .. خصوصا وانا ادري فيها تكرهني .. واذا مارحت اخاف اتندم .. قررت اروح وياهم البر .. واما الشاليهات مالي حايه فيهم ؟...

قعدت فالصاله .. وسمعت حس سارة وهي تتكلم ... شكلها داشه الصاله ومب منتبهه على وجودي : ههههههههه لالا يالعبيطه .... مممممممممممم .. اتعرفين يعني انا بزنس ومن وماعندي وقت .. طالعت اظافيرها وردت تكمل .. يعني تعرفين شركاتي ماليه الدنيا وماعندي وقت احك راسي عشان اسجل وياج دورة ايلز ... انتي من صجج؟؟ .. يالله زيـــــــــن مب متفرغه لهم ... ضحكت وهي تقعد ع الكنب : لا انا فبيت عمي ... وي وي .. حلفــــــي ؟؟ ... متى؟؟ ... ماقالت لنا .. زين يصير لها؟؟ .. وييييييي .. اللاااااي فللله ... باركيييييييييييلها .. يحليلها ... الا اقول شيوم ..مابتسافرين هالاجازة؟؟ ... والله؟وين؟؟.... اممممم ... قلتي لي ... عيل بتروحين تجهزين لعرسج .. ياسلام ... انا ..!؟؟ .... حسيتها ارتبكت وهي تقول .. آآآ .. اي مادري .. اممم .. اسمعهم ينادوني بكلمج بعدين ... هههههههههههههه لالا والله .. زين... ممم باجر لا رايحين البر .. ياسلاااام .. خخخخخخخخخ حياج افا عليج عيوني اوسع لج من المكان .. لاوالله عادي .. شيوم ترا صج بازعل لاتقولين هالحجي ؟..لا يوم بيي ريلي بقول لج ما بستحي منج .. ياربي شيووم ...هههه اوكي حبيبتي يالله باي ...


رفعت راسها ولفت تتأمل الصاله ويوم طاحت عينها بعيني .. شهقت بالقو .. ووقفت بسرعه بتطلع من الصاله ..

بدون شعور ..وقفت بسرعه وتحركت اسرع منها .. ووقفت عند باب الصاله : ابي اتفاهم وياج


صرخت بعصبيه وعيونها مليانه دموع ..والمسافه بينها كبييييييييرة .. انا عند الباب وهي تقريبا بنص الصاله : مافي كلام بيني وبينك .. والله يا سالم لو مابعدت عن طريجي لاصرخ واسويك فضيحه .. اعنبوووو استح على ويهك ... طاحت دموعها على خدودها .,.. انا بنت عمك قبل لا اصير مرت اخوك ...

قلت بعطف : سارة سمـ...

ياني صوت من وراي : ســــارة ؟؟ .... سالــــــم ؟!

التفتت








وكان









كان






كان محمد .. ومعاه مرته الي تطالعني بعصبيه .. وتجوف سارة بحقد ... طالعت سارة باارتباك .. اخاف يظنون فيها ظن السوء ... ولاني اعتبر سارة .. اخت .. غالــــــــــــــــــــــــيه علي جدا .. مابي يمسها كلام ... او حتى شك ..!!

دخلت وقعدت ع الكنب قال محمد وولحين هو واقف عند الباب : اشفيج سارة ... ليش اتصيحين ...


اما سارة فكان وييها جامد .. ملامحها مب مبينه ولا ينعرف شنو يدور فداخلها .. بصراحة خفت وارتبكت .. هزيت ريلي باارتباك .. خايف لا تتكلم شهد وتفضحنا ...

اما شهد فكانت تطالعني بحقد وغضب وعصبيه كنت احس عيونها تشتعل فيها نيراااان غضب .. ياكرهي لهالانسانه .. طنشتها .. والتفتت لسارة اطالعها .. قالت سارة وهي تمسك طرف ويهها وتدعكه باارتباك : لا ولاشي .. بس ... التفتت طالعتني .. وردت طالعت محمد ... وتجاهلت شهد الي اتوقع ان سارة ماتحبها ...

بس عيوني اتعورني ... عن اذنكم ...

دانة الدوحة 28-05-10 08:58 AM

تحركت بسرعه وانا اتابعها بنظري .. وحتى محمد الي عقد حياته .. اما شهد .. فتحركت على طول بعد سارة

شسالفتها هذي؟؟ ... ترددت اقول لمحمد عن شهد مرته .. اخاف مايصدقني ... ؟! ... اصلا صعبه اشلون ابتدي وياه .. شـ اقول له؟ .. بأي ويه ؟؟ .. واذا قلت له ..

قلت لمحمد بعد مالاحظت شكله المبهدل : محمد ... صاير شي؟؟ ..

قعد ع الكرسي وتنهد بتعب : لا .. مو صاير شي ... ليش؟؟؟

قلت بتردد وانا المح الهم فملامح ويهه الي يحاول تكون طبيعيه ...: لا بس .. حسيتك تعبان؟؟

ضحك بسخريه : هه ... من متى نحس فبعض ياخوي؟؟ ...

انحرجت .. صحيح من متى؟ .. من زمااان واحنا ماندري عن بعض .. من زمان وكل واحد لاهي بعالمه .. من زمان وكل واحد حاط له حدود مايبغي احد يتعداها .. ليش صرنا جي؟؟ ... ليش كنا جي ... قلت بشفافيه : صحيح ماكنا قراب من بعض ياخوي .. بس .. ليش مانحاول من يديد ..

قاطعني : مابقى شي من العمر .. الحين تبينا نحس فبعض؟؟ هه عقب ماصار عندنا عيال؟؟!

حسيت بلوعه من كلامه .. كلامه حسسني بغصه كبيره .. اشلون كان يجمعنا بيت واحد .. بيت واحد .. وكل واحد مايدري عن الدنيا .. ولايدري عن اخوه واخته ... : وليش مانعيش العمر الي بقى لنا .. قراب من بعض ..

وقف محمد وهو يقول : فات الاوان وايد ... سلوى وبتطلع .. سلطانه وطلعت ... وانت ماتبي احد يتدخل في حياتك .. واخوك لاهي ويا مرته واخوك الصغير ..

قلت بحيرة : وانته ؟!؟

حسيته يسأل بـ ألم .. استشفيته من ملامحهه الغامضه : انا؟ .. انا شفيني؟؟ ... عايش حياتي ومرتاح .. ابتسم ابتسامه جانبيه .. حسيتها سخريه من حاله ..

اشفيك يامحمد ..اشفيك .. ياترى شفيك ياخوي؟؟ ..


انتبهت اني كنت سرحان وان محمد طلع من زمان فوق .. صعدت فوق .. وترددت .. توجهت لجناح محمد اخوي .. ابغي اكلمه .. سمعت صراخ حاد من الجناح وتخرعت .. كنت بافتح الباب اجوف اشصاير وليش هالصراخ

بس تداركت نفسي .. انا مالي خص فيهم .. خصوصا يوم سمعت محمد يقول : شهـــــــــــد قصـــــــــري حسج ترانـــــــــي وايد استحملتــــج وداريـــــت عليـــــج بـــــس لانـــــج ام عيـــــــالي ..!ولا الغـــلا والمشـــاعر الحلـــوة الي كانــــت بينــــا انتهــــت من زمــــان ... من زمــــــان وايد ..

سمعت صراخ شهد بس كلامها ماكان واضح ... الا .. انها بتروح بيت ابوها .. احسن فكه .. من ويهها ... السباله الحقيــــرة .. تحركت ورحت جناحي .. وانا افكر في حياتنا ... واشلون تسامحني سارة ... لاني اعتبرها اختي .. اختي الي مقامها من مقام سلوى ..


..................

"سارة"

وقفت وانا اسمعها تقول بعصبيه : يعني انتي مصره؟؟ ..

التفت لها بغضب .. تراها واصله لخشمي .. خل تبتعد لا اكسر راسها .. كفايه الحقير الي تحت .. قلت بعصبيه ونرفزة : جوفي شهد .. انا مرة متزوجة وعيب عليج تشكين فيني وفـ ابو اعيالج .. سامعه

قالت لي بغضب : انا جايفتكم بعيوني ..

حسيت اني بــــ أستين"اصير مينونة يعني" .. انا متى قعدت مع ريلها عشان جي تتكلم وجي تقول: متى؟؟ ..

قالت بعصبيه كبيرة وغيره : توه ..

قلت بسخريه : لا يكون غيرانه ليش سألني عن حالي؟؟ ...

طالعتني بنظرة غريبه : ليش كنتي تصيحين .؟؟ .. اشسوى لج سالم؟؟؟ ..

هالاسم اينرفزني .. حسيت بشياطين الدنيا فوق راسي .. مسكتها بقوه وبعدتها عن ويهي : سمعيني زين يا شهد .. اذا انتي راسج عود ومحد قدر يكسره .. ان شاء الله تكسيرته على يدي .. فاابعدي عني احسن لج .. اذا انتي شرانيه .. فـ انا اكثر منج ..

فتحت عيوني لها بوسعه : سامعتني؟؟؟


هديتها بغيض وتحركت لجناحي .. غبيه وكريهه .. اشلون تظن فيني وفريلها؟؟ .. هذا اخو ريلي .. وولد عمي فنفس الوقت .. اشلون تظن اني بااخون عايلتي .. وعايله عمي .. وريلي؟؟ ...

ليش ماتفكر هذي؟؟




..........


"حمدة"
كنت افكر في حميد .. حميد الرجل الي حطم كل المواصفات الي كنت احلم فيها .. كان فوق الخيال .. اشلون يفكر فيني ؟؟ .. انا مب قادرة استوعب .. ليش ياترى خطبني وهو الكامل .. ويتزوجني انا .. انا المطلقه .. طرت فبالي اغنيه ياما سمعتها بس احسها .. هذي .. غير ..


ماتمنيتك

ماتمنيتك لإنك كنت
أبعد من خيالي
ماخطر في بالي مره
إني ممكن أوصلك
كنت أشوفك مثل نجم
في السما ساطع وعالي
يابعيد وجابك الله
لين عندي وصلك

جيتني مثل الشروق
اللي محا عتم الليالي
جيت فرحة للحزين
اللي من همومه هلك
جيتني وإنت يحبك
ألف محبوب بدالي
سخرك سبحانه اللي
في عيوني كملك

هو صحيح إحنا التقينا
هو صحيح إنت قبالي
هو صحيح إني حبيبك
كان لي حق أسألك
كانني أحلم طلبتك
خلني هايم لحالي
خلني بالحلم عايش
فيه دامي به معك

ممتلي بالحب قلبي
وغير قلبي قلب مالي
أهدني قلبك حبيبي
خلني فيه اعشقك
سمعت صوت عفاري وهي تحايل فيني عشان انزل .. بس انا ماكنت ابغي انزل .. فتحت ليت الغرفه : قلت وانا اصكر عيوني : صكري الليت عفاري

يات وقعدت عندي : افا ليش عاد؟؟

مارديت عليها .. وغطيت ويهي بين ريولي ..::حمده لين متى بتمين حابسه نفسج؟؟ .. انزين اشفيج ؟؟ قولي لنا شي ع الاقل صار لج اسبوع ونص مادري اسبوعين ماتداومين .. حد قايل لج شي في الشغل؟؟

انترست عيوني دموع وحاولت اسيطر على نفسي : مافي شي صدقيني ..

سمعت تنهديتها ؟: لو صج .. جان جطيتي عيني بعينج .. حمدوه .. صج اشفيج لايكون متضايجه عشان سالفه حميد ولانه خطبج؟؟!!


رفعت عيوني بسرعه لها وقلت ببلاهه: لا؟! ...

قالت بصدق وهي تطالع فعيوني مباشره : عيل ليش متضايجه؟؟ .. وماتردين تنزلين تحت؟؟ .. حد قالج شي؟؟ .. شموه؟ عيالها؟؟ .. انا ؟؟ امايه ولا حميد؟؟؟

هزيت راسي بالنفي وقلت بعد فترة بكذب .. : شاغلني اخويه غيث ... ؟!

عقدت حياتها وقالت : خلج منه .. مايقدر يسوي شي غناتي ..

تنهدت بتعب .. وانترست عيوني بالدموع .. يتيمه .. بدون اب .. ولا سند .. اخو مسافر معاه عياله ولاهي مع حرمته ..! .. من سنيييين طويله .. طويله طويله .. من يوم وانا فالاعداديه وهو مسافر يدرس فالخارج ..! .. راح ولا اهتم ولا اتصل فينا .. لا يسأل عن اب ولا حتى اخت ! هه ... وذياب البشر حولي .. تنهشني بلا رحمه .. لاني مطلقه .. ويتيمه .. شنو ذنبي اني تطلقت؟؟ ... لي دايم نظرتهم سلبيه للبنت المتطلقه ؟؟ ... بتقولون مجتمعنا تطور؟ .. الا فهالشي مستحيل يتطور .. مستحيل يتغير ...

صكرت عيوني بندم .. للحظات حسيت بندم من طلاقي لولا طلاقي ولا ماكان الي صار صار .. ارتجفت شفايفي وحسيت برعشه تسري فداخلي ونوبه قويه فالبكاء تلح علي .. وعفاري يالسه مجابلتني مااقدر اصيح وازيدها هموم .. شـ بقول لها؟؟ .. اقول لها مديري تجرا وباسني؟ .. صكرت عيوني باالم .. تحاملت ع نفسي .. ورحت للحمام .. طحت تحت البانيو والماي ينكت علي كت .. ودموعي تطيح غصب عني .. ليش لـــيش ليـــــــــــش؟؟

شباسوي؟ .. شـ اقول؟؟ ..وموضوع علي؟؟ .. علي يستاهل الافضل مني ..

صكرت عيوني متألمه .. حياتي كلها عذاب فـ عذاب .. الم فـي الم .. متى ارتاح ,.. متى؟؟!


حمــيد .. اي حمـــيد .. هو الي بيشلني من هالعذاب .. هو السند والاخو وابن العم والاب .. بس بس .. ترددت ... اذا هو خطبني شفقه .. ولا .. ولا ستر .. ولا ايش بالضبط؟؟؟


بس السؤال الي لازال يدق فقلبي وعقلي

استاهله؟؟؟؟

.............


"لولوة"

طالعت المكان بكره وغيض .. مجبورة اجي هني مجبورة .. انا قلت اني مابرد لهالدرب مرة ثانيه .. ماراح ابيع جسدي مرة ثانيه .. صحيح .. صحيح الي صار اول مرة .. هو السبب في جري لهالرذيله .. بس بس كان غصب عني ... حسيت بغصه في بلعومي ومب قادرة ابلع ريجي من كبر الغصه .. ااااااااااااااااه اااااااااااااااااااااااااه .. ياليتني ماعرفتج يا مشاعل ياليت ماشكيت لج وحدتي .. ياليت ماكنت بنت بريئه تصدق كل شي ينقال لها.. ياريت ياريت ..

تذكرت اني من الثانويه وانا اطلع ويا الشباب واكلمهم .. تذكرت خوفي .. وترددي .. تذكرت يوم صحت بندم .. وتذكرت يوم مشاعل مسكت يدي وسلبتني برائتي .. تذكرت لحظة اغتصابي تذكرت هاللحظات وارتجفت مشاعري .. وحسيتها انهزت بالقو .. اه اه .. ومن بعدها فقدت شرفي .. فقدت اغلى شي عندي .. بعد مافقدته جاتني حاله هستيريه .. كنت كله اصيح واصارخ واخاف انام في الظلام .. لاني انغصبت في الظلام .. لكن .. لكن .. بعدها انغمست فذيج الرذيله .. حتى اني كنت ارقد مع اي احد بدون مااعرف شي عن نفسه .. صار عندي ادمان على هالرذيله .. صار وقتي كله مايشغله الا هالشي .. فكري مايشغله الا هالامور .. ماقمت اعرف نفسي .. انا الطالبه المتفوقه الي كانت تجيب نسبه فالتسعينات صارت مب قادرة تنجح .. الكل تسائل عن السبب .. والكل ارجح هالشي لفقداني جدي بهذيج الفترة .. صحيح تأثرت بموت جدي وااايد .. بس الي صار لي .. وعفافي الي انتهك .. كان هو السبب.. لا .. مشاعل هي السبب ..

سمعت صوتها وهي تقول : افا يا لولو .. نسينا هالغرفه .. مب غرفتج .. غرفتج الثانيه؟؟


صكرت عيوني بألم وانا تنعاد على ذكريات اغتصاب برائتي .. ذكريات دمرتني .. حطمتني .. وانا .. وانا الحين نفس الشي ارجع لنفس المصير .. بخطوات خايفه مرتجفه .. هالمصير الي من زماان تركته .. من بعد ماتزوجت علي ماقمت ارقد ويا احد ثاني غيره الا في الضرورة القصوى .. بس .. هذا ماكان يمنع من التبوس والاحضان وتبادل العناق ..

اااه ااه كم كنت حقييييره .. لاء .. لاء الحقارة كانت جزء بسيط مني .. تعلمت الخبث .. تعلمت الحقد والمكره والجذب والنفاق والمصلحة .. حياتي صارت اساسها هالاشيا .. والمااادة .. الماااادة رغم ان ابوي كان وزير سابق .. وحالتنا الماديه عاليه جدا .. بس .. صرت ماديه .. صرت مااعطي شي الا بمقابل .. هذا الي تعلمته من مشاعل

وتغلب التلميذ على استاذه .. كانت شهور تحاول تطيح اكبرها واسمنها .. لكن لاني كنت اتميز بجمااااال حاد يفوق اي جمال رأته عيون .. كان نصيبي هالهامور .. الي طاح بيدي .. ولسوء حظي ماقدرت اسحب منه الكثير .. لانه سافر يكممل دراسته .. حقدت علي مشاعل يومها اكثر .. وقامت تعرضني اكثر واكثر.. وبعدها تزوجت .. والخسيسه .. كانت مصورة كلشي يصير معاي .... كانت كاميرة المراقبه الي تعمل في الظلام شغاله على طول .. حتى من قبل لا اغتصب .. ومن قبل لا اعرف عن مشاعل الكثير .. كانت لي صور كثيرررة ,. خليييعه .. ولي صور وانا .. في موقف محرج جدا .. مش بس صور .. فيديوكليبات .. صوت .. كل شي .. حتى صوت وصورة وحركة ..

كانت مشاعل تهددني خصوصا يوم اني تزوجت ومارضيت ارضخ لطلباتها من يديد .. مارضيت ارقد من يديد خصوصا اني تزوجت علي .. الا يوم كان يسافر علي .. والا يوم يطول عن البيت .. ساعات كنت احتاجه بس اهو محد .. وينه؟ بالشغل ..


قلت بحقد وكره بعد ماانتبهت من سرحاني : وبعد هالمرة راح تعطيني الكاسيتات والاشرطة ولا صدقيني يا مشاعل ماراح تجوفين خير !

ضحكت بااستهزاء : بتعلمين علي يوقفني عند حدي؟؟ ولا بتبتلغين الشرطة؟؟ هه ؟؟

صكرت عيوني بالم وحنين لطاري علي .. ياااه ياني اشتقت له ولطيبته ولقلبه الكبير .. لحبه واهتمامه ودلعه ..

فتحت عيوني على صوت رجولي .. ارتجفت ... وناظرت مشاعل الي كانت مبتسمه بخبث .. طلعت من الغرفه وهي تقول : تجهزي ياعروووسه ..


...................


"امل "

حسيت بغصه وانا ادخل الميلس .. تنفست بعمق .. وزفرت بضيج ..امس كانت الملجه .. وكانت عائليه .. وريلي مارضى يدخل .. وانا اصلا قلت لهم اني مابيه يدخل .. احس بالخوف والبرود ..خايفه يدري عن .. حمــد .. وخايفه من نفسي ومشاعري نفس الوقت .. دخلت .. سلمت : السلام عليكم ...

وعليكم السـ ـلام ..!


حسيت بخوف مو طبيعي هالصوت سامعته .. صوته يذكرني بحمد .. معقوله من حبي لحمد قمت اتخيل صوته ..

رفعت عيوني شوي شوي .. خايفه .. طاحت عيوني فعيونه .. و


طحت مغمى علي ..!!

............

دانة الدوحة 28-05-10 09:05 AM

"علي "

طلع الدكتور والتمينا حوله .. قال لنا انها تعاني من فقر دم .. وهذا الي سبب لها الدوخة ..ولازم ناخذ حذرنا ونهتم بأكلها .. انا لاحظت انها في الفترة الاخيره ماقامت تاكل عدل .. وحتى امي كانت تغصبها ع الاكل .. وكانت تاكل كم لقمه تسكت فيهم امي ... ياترى ليش؟؟... معقوله هي ماتبي خطيبها .. انزين ليش مارفضت؟؟ .. هي بلغتني بلسانها انها موافقه ... عيل اشفيها؟؟ ..

رفعت نظري لريلها .. جاسم .. كان موقفه غريب .. ساكت .. هادي.. او يمكن مب مهتم .. عمره 26 سنه .. يشتغل فـ احدى المؤسسات الحكوميه .. انيق .. طوييل حبتين .. اخلاقه عاليه .. وحيد امه .. اخلاقه حلوة ..

تفاجات يوم سمعته يتصل فيني ويقول لي اختك طاحت ..!!! .. ويوم دخلت جفته قاعد عندها بتردد ويحاول يصحيها ... شلناها ويبناها المستشفى ..والحين يحطون لها مغذي ..

قلت لجاسم : مشكور يالنسيب .. والله مفتشل منك ..!!

رد علي بهدوء : العفو ولو .. لا والله ماصار شي عادي ..اشلونها الحين؟؟

طالعت باب الغرفه : بخير .. قايمه .. تحب تدخل؟ ..

وقف جاسم وقال لي : لا .. وقت ثاني ان شاء الله .. تعرف هي تعبانه .. ومب حلوة ادخل الحين .. كمل بمزح .. خبرك البنات يحبون يطلعون شي فعيون ازواجهم .. واذا رحت الحين بخرب خطتها .. وغمز لي


ضحكت .. وبعدها سلمت عليه وطلع .. مادري ليش يـا فبالي طيف لولوة .. انسلبت ابتسامتي غصب عني .. وحل محلها الجمود .. تنهدت .. وحركت راسي امنعها من تفكيري .. دخلت عليهم .. وكانت امي موجودة وتأنب امول على اكلها ..
اختي مريوم نفس الشي .. طبعا ماكانت تخلو السوالف من احراج امول اختي

مريوم : يووه امول ماصدقت يجيها معرس راحت تتطمن اذا صج هو معرس ولا خيال .. وتنصدم ويغمة عليها

امول بتأنيب : مريووووووووم .. انا جي؟؟

ضحكت مريوم وابتسمت انا على حجيها .. : ماتذكرين قبل لا تدخلين اشكثر لولشتي "زغرطتي" وقمتي ترقصين من الفرحه؟؟

طالعتني امل بصدمه وهي تقول والدمعه معلقه فعيونها : جذاااابه والله

ام علي : مريوم بسج .. من اول مادشيتي وانتي طايحتن فهالمسكينه

ضحكت مريوم بقوه وهي تقول : يمه جوفيها اغير جوها .. قامت تتحجى ولا من مساعه وهي ساكته مادري شيدور فمخيخها

ابتسمت .. وقلت لامول : حبيبتي .. يسلم عليج جاسم ...

رفعت عيونها لي وقالت بااستغراب ..: من جاسم؟؟ ..

مريوم : خلف الله علي .. يعني انها ماتعرف .. ريلج منو بعد؟؟ ..

قالت بغرابه : اسمه جاسم؟

قلت لها : اي.. اشفيج .. قلت لج انا اسمه من قبل ..؟؟

قالت بااحراج : سوري .. يمكن وقتها ماكنت منتبهه ..

ردت تسرح .. شالي يدور فعقلج يــــا امل .. شنو؟؟؟

تذكرت قبل كمن يوم يوم جاني ظرف .. فيه صور .. لـ لولوة .. صحيح عصبت .. لكن .. تنهدت .. خلاص انا مالي سلطة عليها .. ترد ويا مشاعل .. ولا غيرها؟ ..تروح ويا علانه ولا فلانه ..انا مايخصني.. بس واجب احذر بدر؟؟.. لا بس انا مايخصني .. اي مايخصني .. هو اخوها .. واكيد بيدري .. بس .. بس من هذا الي مطرش لي الظرف .. واشقصده؟؟ .. قصده اني انبه بدر ...ولا ايش بالضبط؟؟؟



..................

"منصور"

رديت من برع .. كنت طالع ويا فهد .. كلمني ماجد وقال لي اني معزوم وياهم .. بيطلعون البر باجر .. هم وعيال خالتهم .. وقال لي اعزم محمد وسالم بعد .. سالم احتمال ايي .. بس محمد ماراح ايي .. مابغيت اضغط عليه .. انا اول شي ماكنت بروح .. بس جفت نفسي احتاج اغير جو من جد .. خصوصا بعد الضغط الي صار بيني وبين سارة .. اثنينتنا نحتاج نغير نفسيتنا .. وخصوصا ان ماجد قايل هالطلعه عشان ساروة .. واني لو مابغيت ايي .. اسمح لسارة تروح وياهم ..

دخلت الجناح .. وحطيت موبايلي وبوكي ومفتاحي ع الطاوله الرخاميه الي مجابل باب الجناح .. مشيت لين وصلت الصاله .. وكانت الصاله هااااديه ..

فجيت ازراري الاول والثاني .. وفلعت غترتي ع الكنب الي عندي .. حكيت شعري .. حسيته متيبس .. لمست شعري .. حسيته خششن .. اي طبعا خشن .. من يمسك نعومة شعر سارة مو بس يقول عن شعره خشن الا ليفه ..! .. انا شعري مو ناعم ولا خشن .. متوسط يعني .. وجااااف وايد ..يميل للخشونة.. ابتسمت يوم تذكرت ملمس شعر سارة .. اليوم الصبح يوم قمت .. ماخليت شي فخاطري ههه .. حتى شعرها ماسلم مني .. واحسن شي احسن شي ان سارة يوم ترقد ماتحس بالي حولها .. ابتسمت يوم تذكرت انها كانت متعلقه فذراعي .. وشعرها الناعم مغطي عيونها وخدها .. وجزء منه تحت رقبتي .. اخ بس .. عضيت على شفايفي .. لايكون ماردت من بيت ابوها؟؟؟ ..

طلعت موبايلي اتأكد .. اذا كان فيه مسج ولا مس كول؟ ... كان فيه مس كول من ساعتين من موبايل سارة .. اتصل ع تلفونها .. ورن هني فالصاله .. يعني ردت البيت؟؟ .. حلو حلو ..

رحت المطبخ لانه ع طريجي ... وماكانت موجودة ؟ .. لا في الصاله ولا في المطبخ؟ .. اكيد بالغرفه .. توجهت للغرفه .. فتحت الباب .. وتميت مسبه اطالعها .. هذي شمسويه؟؟


الغرفه بااختصار كانت عفيييييسه .. ومن قلــــــب بعد ..!! .. هاند باق مرمي على السرير بااهمال .. وبانطلون جينز طالع منها .. وتحت الشنطة .. كم قطعه بلايز مرميه ..

ومب هاي المصيبه بس؟؟ .. المصيبه كانت عند الي واقفه على حافه الكبت تطلع لها ملابس .. وترميها بكل بساطة على الارض ..

نزلت نظري للارض .. ولقيت اكوام من الملابس .. الي جينز .. والي تيشرتات .. والي بجامات .. شصاير؟؟ .. وين بتسافر؟

عقدت حياتي ... والاخت للحين مشغوله .. ناديت عليها .. وطنشت .. عصبت .. اكره شي عندي التطنيش ..

قربت لعندها .. ويريتها من يدها حتى انها طاحت من على حافه الكبت ع الارض بس لاني كنت ماسكها بقوه كانت ريلها ع الارض .. وجزء من جسمها مايل مع حركة يدي .. لاحظت علامات الدهشه والخوف .. وصرختها البسيطة الي طلعت بعد شهقتها القويه يوم يريتها .. لاحظت سماعات الاذن الي كانت حاطتهم .. وصوت الاغاني المزعج دق راسي دق .. عشان جي ماسمعتني ..يالله .. فشله جي يريتها ..

لاحظت تعقيدة حواجبهاتدريجيا .. نزلت السماعات وتخصرت بعد ماحررت يدها : خيـــــــــــــــر داش جنك اعصار توسونامي؟؟؟

عجبني شكل شعرها المبعثر ..شكل ويهها بشكل عام والاحمرار الي ساكن خدودها .. نظرة غريبه ساكنه عيونها .. وروح الشطانه تلمع فعيونها .. صكرت عيوني .. ويريتها .. بست خدها وقلت : جي الحريم يستقبلون ريايلهم مب يعطونهم الاذن الصمخه؟؟

احمرت خدودها وتخصرت وهي تتجاهل خجلهاوتقول بصوت شوي عالي وكأنها تقول لي ترا انا مااستحيت : والله ماسمعت زين؟ .. والله بس يبي يتهاوش .. اشرت ع السماعات الي فأذنها .. اسمع من الـ mp3 .. برطمت وطنشتني .. ردت تعفس فالكبت ؟؟ ..

تخصرت وانا اجوفها مطنشتني : ياسلام ؟؟ .. والمرة العاقله تعطي ظهرها لريلها؟؟

قالت بصوت واطي : مشغوله اانا الحين .. بعدين يصير خير

ابتسمت غصب عني .. وحاولت اخشن صوتي : شتسوين انتي ها؟ ليش عافسه الغرفه جذي؟؟

التفتت لي وقالت ببراءة : اشفيك انت؟ اشحقه معصب؟؟ ..ابي اروح ويا اخوي رحله ..

قررت العب فعقلها شوي : نعم حبيبتي عيدي عيدي؟ ... وين تبين تروحين؟؟؟

قالت لي وهي مستغربه : ماقال لك ماجد؟؟

سويت نفسي غشيم : يقول لي عن شنو؟؟؟ ..

رفعت عيونها للسقف وهي تكلم روحها .. قلت بصوت عالي شوي : شتقوووولين؟؟

مسكت اذنها وهي تقول : ايه ايه تراني احذاك مب فالشمال؟؟ قصر على صوتك ترى صمختني ..

ياتني الضحكة بس مسكت روحي .. طالعتها بطرف عيني : لا تتهربين من السؤال ليش معفسه الغرفه جذي؟؟

ردت تتعبث في القمصان : مااتهرب .. قلت لك ..بروح ويا اخوي .. رحله .. بتيي ويانا؟؟

قلت بعصبيه مقصودة : تروحين ويا اخوج وبأذن من ان شاء الله؟؟

طالعتني بدهشه : ها؟ وبسرعه قالت .. انا مو محتاجه اذن من احد ..

مسكت باب الكبت وملت لجهتها: ليش مو متزوجه؟

التفتت لي : امبلا بس اشله خص الحين؟؟ .. مابروح ويا ريال غريب ويا اخوي؟!

قلت بعصبيه : ريال غريب .. والله هاي الي قاصر بعد ..

وقفت وتخصرت : انت شمشكلتك اليوم؟؟ .. اشتبي ياي تتهاوش يعني ؟؟ ..

هذي مايفيد الاخذ والعطا وياها .. كان ودي اخذها واعضها عض عشان تتأدب .. هديتها ورحت غرفه الملابس .. وكانت نفس الشي معفوسه ..هزيت راسي بـ لاحول.. دشيت الحمام .. تسبحت وطلعت وهي الحبيبه للحين تعفس فالكبت .. كانت واقفه على حافه الكبت .. واتير القميص لانها ماتطال .. ابتسمت بخفه .. ورحت وراها .. يريت القميص الي تبيه وعطيتها اياه : تفضلي ..

عقدت حياتها .. وخذت القميص بهدوء : شكـرا ..


رحت للسرير .. يريت الشنطة وخليتها ع الارض .. حاولت ارقد بس بدون فايدة مافيني النودة وخصوصا ان الليت مفتوح .. ياخي مادري شفيني .. فيني حفووز مب طبيعي ..

قلت : صكري الليت .. ورتبي عفستج ابي ارقد ..

سمعت حسها وهي تقول : انزييييين ..

مرت خمس دقايق وانا مصكر عيوني .. عشر دقايق .. ربع ساعه .. فتحت عيوني .. لقيتها ترتب شنطتها .. هذي من صجها؟؟ .. الا يوم الي بيروحون فيه البر ويومين بيروحون الشاليه؟؟ .. شنطة هالكبر حق شنو؟؟ .. ولا ياريت حاطه فيها ملابسي .. ولا شي يخصني .. بس لها .. هذي تبي تروح تبيع ولا شسالفه؟؟ ..

صراحه عصبت انا تعبان .. طول اليوم بالشغل .. واخر شي الخانم لين هالحزة تعفس فااغراضها .. اوففف .. الواحد مايرتاح يعني .. صكرت عيوني وانا دايخ فعلا وتعبان :انتي تفهمين ولا لا؟ .. اقولج تعبان صكري الليت ابغي ارقد ..

سمعتها تتحلطم ..ويات لين عند السرير وقالت لي : اشمعنى راقد مكاني .. انا مااعرف ارقد فهاي الجهه .. قالتها بقهر ..

احسن لاترقدين .. : انا من قبل زواجنا وانا ارقد هالصوب .. رقدي الصوب الثاني .. شهرين متنازل لج عن هالمكان .. ورقادي معفوس فوق تحت بس بسبتج ..

تأففت : اوففف

قلت لها وانا اغمض عيوني : لا تتأففين؟؟ .. ويالله خلصينا ولا مافي روحه ..

تحركت بسرعه : زين زين .. احين بااخلص ..

اي مو لله .. للطلعه .. مادري جم مر من الوقت حتى يات ع السرير بعد ماصكرت الليتات ومادري جانها رتبت عفستها ولا لاء .. بس كنت تعبان .. ومع ذلك ماقدرت انام ..

رقدت فجهتها اليديدة .. وانا ابتسمت بيني وبين نفسي .. يعني مايصير زوجين وكل واحد صاد عن الثاني .. من شهرين وانا ارقد وهي صادة عني .. ولاني مااعرف انام الا ع الجهه الي هي ماعطتني ظهرها .. غيرت مكانها حتى نصير متجابلين .. ..

استقرت ع السرير .. وظلت تتقلب مرة يمين ومرة يسار .. لعوزتني .. بس مع هذا سكت .. بعدين جفتها ترتب مخدات بالطول .. عقدت حياتي وقلت وانا ااشر ع المخدات : حق شنو ذيلا بعد ؟؟

شكلها تفاجأت لانها سألتني : انته مارقدت ؟؟ ..

فتحت عين وحدة من يديد : لا .. (صكرت عيوني وانا اقول بطنازة) وانتي تخلين الواحد يرقد ..

سكتت .. ورديت سألت : ليش حاطتهم؟؟ ..

دانة الدوحة 28-05-10 09:10 AM

قالت بعبط : الحدود بين منطقتي ومنطقتك

ياسلام حتى في السرير في حدود؟ : حدود فعينج .. يت باارفعهم .. بس هي حطتهم وهي تقول : مب كيفك .. خلهم .. انا ابي ارقد جي ..

طالعتها وكانت عيونها تلمع تحدي وعناد وسط الغرفه الي شبه مظلمه مع نور بسيط من الابجورة.. قررت اسكت عنها .. وقلت بطنازة : ئال ايه حدود ئال ..

قالت بعناد : اي .. حدود الله .. ومايصير اي احد فينا يتعداها .. كل واحد يرقد فمنطقته ..

قلت بطنازة : لا؟؟ .. صج عاد ..

طنشتني يوم حست فيني اتطنز .. صكرت عيوني .. سمعتها تقول : منصور .. تدري ان احنا بنروح البر والشاليهات

ابتسمت : اي ادري .. "وكملت بكذب" توني ادري منج

قلت بااستفسار : وبتيي ويانا؟؟؟

قلت : اي .. ليش ماتبيني ايي؟؟

قالت : مب عن جي .. اسأل شنو حرام بعد اسأل؟؟

قلت بغيض : صكري ابجورتج صكري لاقوم اخنقج الحين ..

صكرتها وهي متخرعه ماتدري ليش عصبت .. ياخي تبط الجبد .. كل مايت بسولف وياها .. وقلت انها تغيرت عن قبل .. ترد اخس عن قبل .. وحدة تحب تتحرش وتتهاوش شسوي فيها يعني؟؟ .. اوف منها ..

ردت سألت : انزين .. من بيي بعد من بيتكم؟؟؟


اشتبين توصلين له ياسارة بالضبط؟؟ .. ليش كل هالاسئله اكيد وراهم شي ؟؟ .. قلت بغموض : رقدي احسن لج

سمعتها تقول : انـ..

قاطعتها بحده : ساااارة ابي ارقد .. انتي طول النهار راقدة وانا مارقدت الا كمن ساعه ورحت الدوام

قالت بغيض :محد قالك اتداوم .. وبعدين امس رقدت من وهل اشلون مارقدت الا كمن ساعه؟؟

لاني ماقدرت ارقد الا يوم رقدتي .. ماقدرت ارقد الا يوم رقدت حذاج مثل كل ليله .. قلت : مايخصج .. وانخمدي .. لوعتي جبدي .. الواحد مايقدر يرقد هني؟؟

قالت : اي مثل ماانت ماتخلي الواحد يرقد فمكانه

ابتسمت .. يعني تردينها يا ساروه .. يام راس يابس؟ .. زين .. نجوف ..

تأففت من يديد : وبعدين وياج ماتخلين الواحد ينام يعني؟؟ ..

شكلها عصبت لان صوتها كان متنرفز : تدري اني اكرهك

ابتسمت ابتسامه جانبيه .. وحتى لو ابتسمت ابتسامه كامله ماتقدر تجوفها فهالظلام : شعور متبادل .. وارقدي خلصيني ..

قالت بعصبيه : انزين لاتزف .. شوي وتاكلنا ..

شلت المخدات الي حاطتهم وقلت بعبط : يالله احين باكلج ..

تخبطت يدها بيدي وبعدها يرت المخده وحطتها بيني وبينها : مب تبي ترقد \.. تصبح على خير .. بعدين ماترقد وماتخليني اروح ..

ضحكت وانا اقول : تطمني .. مب مانعج من الروحه ويا هلج ..

سكتنا فترة وانا احاول ارقد بس مب قادر وانا اسمع تنفسها الهادي .. سمعت صوتها وهي تقول بااستفسار : منصور رقدت؟؟ ..

قلت بهدوء : لا ...

قالت بتساؤل : منصور .. يعني صج .. انت مافيك شي ..

ابتسمت عليها : تبين اثبت لج اكثر من الاثبات من الايام الي راحت؟؟ ..

ماردت فترة بعدين قالت : انزين عيل اشلون انجرحت ريلك .. يوم .. يوم كنا بالشاليه .. يعني اقصد آآآآ .. اممم .. اول ماتزوجنا ..!

تذكرت هذاك اليوم .. يوم رحت تهاوشت مع الريال الي كان يكلم سارة .. كانت هوشه جااايدة من قلب .. طحنا ع الحصى وقتها .. وريلي انجرحت .. وماقدرت اقوم بعدها .. فرقوا بينا الشباب .. واصروا ياخذوني للمستشفى بس انا مارضيت .. اشلون اخلي سارة بروحها هني بالشاليهات .. وبين هالذيابه بعد .. اكملت ؟؟ ..

: ولاشي .. تهاوشت هوشه بسيطة ورديت ..!

سمعت شهقتها القويه وفتحت الابجور الي عندها وطالعتني بخوف : صج؟؟ .. ليييييييييييييييييييييييييش؟ .. اشلون تهاوشت .. غطت يدها حلجها المفتوح بصدمه .. وليش ماقلت لي .. تعورت وايييد ..

كانت نظرة عيونها .. هي الي خلتني ابتسم ..قمت وتسندت على يدي وانا ملتفت لها: اشفيج .. ماصار فيني شي .. وغمزت لها .. نسيتي اشلون داويتيني؟؟ ..

احمر ويها .. وردت حطت راسها ع المخدة وعطتني ظهرها وهي تصكر الابجورة :.. سخيف .. نام نام .. احسن لك ..

ضحكت وانا اقول لها : مافيني النودة ..

قالت : اشششش ابا ارقد فيني النودة انا

قلت بعند : وانا مافيني ..

حسيتها تخصرت وهي تقول : لاوالله ومن الي مساعه يتهاوش ابي انام ابي انام تعبان >< قلدت صوتي

وضحكت على طول .. :ههههههههههههههههههههههاي

حسيت بيدها تتلمس ويهي وكأنها تدور شي .. تكهربت فمكاني .. استقرت يدها على عيوني ..: يالله غمض عيونك ونام ..

عضيت على شفايفي .. وحطيت يديني الثنتين تحت رقبتي عشان ماامسكها .. لمستها كهربتني .. واستانست على يدها الي على عيني .. ويوم حسيتها بتشل يدها قلت وانا للحين ارص على يديني تحت رقبتي : خليها .. مابي اجوف النور

قالت : اي نور؟ قمت تخرف .. االغرفه ظلام اتخرع

قلت بمسكنه : نور الجناح .. ماصكرت الليتات قبل لا ادش نسيت .. ومالي بارض اقوم اصكرهم ..

سمعتها تقول بخوف ويدها ارتجفت بخفه فوق عيني : ولا انا .. تدري مرة جفت ريول عند باب الجناح

ابتسمت على خوفها .. قامت تتخيل اشيا مب موجودة : كنتي تعبانه وتخيلتي هالشي .. يالله نامي عاد تأخرنا فالنوم ..

قالت : زين ماعرف انام ويدي جي ممدودة ..

قلت لها : بس شوي .. لين انام ..

حركت ويهي اعدل راسي ع المخدة وسمعتها تقول : اييي .. ويهك اينغز .! ..

ابتسمت : اول امس محلق .. عشان جي بدى يطلع الشعر ونغزج ..

قالت : زين بشل يدي .. ابي ارقد ..

رفعت يد وحدة من تحت رقبتي ومسكت يدها : لاء ..

شكلها تعبانه .. عشان جي ماردت .. ويدها للحين على عيني .. صكرت عيوني وانا احاول اكتم نفسي .. الي حسيته يتصاعد .. ومابي سارة تسمعه .. مر وقت ماحسيته قصير لين ماحسيت بسارة نايمه ومنقلبه لجهتي .. ولامه المخدة الي على قولتها الحاجز .. ويدها الثانيه مرتخيه على عيوني .. شليت يدها عن عيوني وحطيتها على شفايفي بستهم .. ورديت حطيتها على عيني ... وغفت عيني ..


....................

" روضه "

قمت من النوم وانا احس بنشاط مو طبيعي .. اخذت علاجي الي قبل الاكل .. ودهنت مكان العمليه .. رحت للمطبخ .. وسويت الريوق مع الخدامات .. كنت طول الليل افكر .. سعيد لين متى بظل اعاقبه ..خصوصا وانه يترجاني ويحاول يستسمح مني ويرضيني .. ماابغي اكون قاسيه عليه وايد .. لان القسوه ممكن تنزع الود بيني وبينه ..

حسيت بااحد واقف يراقبني من باب المطبخ .. لمحته من طرف عيني .. وعيون مصكرة وعيون مفتوحه .. وحوالينه عيالنا .. ماقدرت والتفتت لهم .. ابتسمت لحمدوه الي متسنده على ريله ومغمضه عيونها .. حمدان الي كان متشبص بذراع ابوه وعيونه تتصكر وترد تنفتح من يديد ..

ابتسمت غصب عني .. ورفعت عيوني له .. اما هو فعقدة حياته .. وسحب يده من يد حمدان وبدا يمسح فيه عينه .. وكأنه مب مستوعب ..

قلت بهدوء : صباح الخير حبايبي؟؟ ..
حمدان وحمده قربوا مني بهدوء نزلت لمستواهم بستهم .. واثنينتهم راحو ع طاوله الطعام .. حمدان سند راسه ع الكرسي وصكر عيونه .. اما حمدوه فـ سندت راسها بكسل على الطاوله وغطت ..

سمعت حسه : صباح النور .. حبيبي ..

التفت له متفاجأة .. لكنه رد علي : كنت نعسان .. وكلمتج كانت السحر .. حبايبي .. انا من ضمنهم صح؟؟ ..

رفعت عيوني له .. وكانت نظرته مليانه رجاااء عميييق ..

قلت بهدوء : صح ..!!


لمعت عيونه بفرحهه .. ويا بيلمني .. بس انا ابتعدت : الريوق جاهز ..

توجهت لغرفه الطعام وحطيت بعض الصحون ورديت المطبخ بشل الباقي بس جفت سعيد محتاس وهو يحاول يشلهم كلهم مرة وحدة ..ضحكت عليه .. وهزيت راسي بلا .. رحت عنده وطقيته بخفه ع ايده : ناوي تكسرهم وتيوع اليهال؟؟

ضحك سعيد وحك رقبته بوهقه : قلت بساعدج .. اشدراني عاد .؟؟ ..


تقاسمنا الصحون ورحنا غرفه الطعام .. تريقنا .. وبعدها قلت لليهال يروحون يلبسون ملابسهم .. وينزلون حتى امشطهم وارتبهم ..

بس سعيد فاجأني لما قال لهم : البسو لبس رياضي .. لان بنطلع اليوم بنغيييييييب


وكأن هالكلمه السحريه هي الي طيرت النعاس من عيونهم وصرخوا بقوة : هيييييييييييييييييييييييييييييييييه

وظلو يتناقزون مستانسين ويلمون بعض .. طالعت سعيد بعتب بعد ماطلعو اليهال رايحين يبدلون : ليييش؟؟ .. انته جذي بتعودهم ع الكسل ..


قال لي سعيد : مافيها شي هم مشتركين بمعهد للغه مش مدرسة يعني مب اجباري الدوام .. واليوم خميس .. خليهم يستانسون .. وعلى فكرة بتطلعين ويانا؟؟


رفعت حواجبي بااستغراب : امر؟؟ ...

قال لي باابتسامه لطيفه : لاء .. بس جفتج مستويه طيبه اليوم وابتسمتي لي .. قلت استغل الموقف واطلعكم


ضحكت من قلب على كلامه .. اما هو ابتسم .. تداركت نفسي وهزيت راسي بـ اوكي ..

طلعنا وتمشينا في المجمع وبعدها خذنا اليهال للالعاب .. حسيت ان سعيد يحتاج مو بس زوجة .. يحتاج وحدة تفهمه وتحاول تجوف شالي بخاطره بااستمرار .. سعيد يحب وحدة متجددة .. ماتكون على نفس النمط كل يوم .. زين ياسعيد .. كان قلت لي بدال هالحوسه كلها .. ..!!


.......................
"سلوى "

..: يمه اي واحد احلا؟؟

طلت امي وياي :اجوف؟؟ .. اشرايج هاللون اللؤلؤي احلا صح؟؟ ..

طالعت اللون .. وحسيته فخم وشوي مبالغ فيه : يمه ماتحسينه تو مااج على بطاقه عرس؟؟

امي : لا مب توماج .. سمبل ..

كانت البطاقه من خيوط الساتان السكريه .. ومرتبه بطريقه راقيه .. على طرفها فيونكة ذهبيه .. كانت نوعا ما غريبه .. ومفصصه بالكرستال ...

طالعتها بعدم اقتناع .. : يمه احسها وايد دفشه ..

تأففت امي : سلوى هاي احلى شي .. انتي فستانج ابيييض .. وصعب تلاقين بطاقه بيضه حلوة

قلت حق امي بملل : بس انا مسكتي مافيها شي سكري ..ماراح يكون حلو؟؟ .. ومتناسق ؟!

قالت امي لي : انا ادبرها .. اوكي .. ؟

هزيت راسي برضوخ : اوكي ؟؟ ..


طلعنا من المحل الاماراتي المشهووور في عمل بطاقات الافراح .. صراحة البطاقات الي جفناهم في لبنان ماكانت وايد حلوة .. كانت موديلات غريبه صح بس انا ماتستهويني .. امي كانت بتسوي على كيفها بس انا تدخلت في اللحظة الاخيرة يوم انصدمت بالبطاقه ابدا ماعجبتني .. وقلت لها اني ماراح اخذ بطاقه من لبنان .. اليوم راح نروح جدة.. مدحولي جدة كثييير خصوصا في تجهيز العرايس .. وبعدها انا برجع قطر بس امي بتروح فرنسا عشان الفساتين الي طلبناهم وحجزناهم .. وبيني وبينكم .. تبغي تروح تشتري ملابس .. ليش مادري هالكثر ..؟؟ .. اوففف .. تكسرت ريلي صراحة ..

.................



"سارة "

من الصبح وانا عندهم سمعت حسه كالعادة : دلال القهوه وياكم؟؟

رديت بآاليه : اي اي . كل شي وديناه .. اشفيك ..

سمعته يقول : زين.. المكسرات والجبس وهالسوالف

قلت بملل : كل شي

ماجد : زين ردي اتصلي فثاني جوفيه جاب البطابط وياه؟؟

تسبهت .. ثاني .. يوووه من زمااااااااااااااااااااااااااااااان عن حس ثاني .. خذت نفس بعمق .. واتصلت له .. الارقام حافظتها ياما اتصلت فيه هو وعبود ..وياما كنت اتصل اطلب منه يشتري الشي الفلاني والفلتاني ..

بعد فترة رد : هلا والله ..

ابتسمت بشقاوة يوم سمعت صوته : اهليييييييييين وسهلين .. شخبارك ثنوي؟؟ ..

تنحنح ثاني : هلا هلا سوير .. شخبارج يالقاطعه شعلومج؟؟ خلاص يعني تزوجتي وقمتي تتغلين ..

ضحكت بخجل : هههه .. يالله يالله .. وينكم؟؟ من الصببببببببببببببببح واحنا ننتظركم ؟؟

رد ثاني : احنا عند الباب .. وين الي جاهزين؟؟

ضحكت بغباء : اقصد جاهزين بس قاعدين داخل .. عبوووووود وياكم؟؟

ثاني وشكله يكلم الي عنده : اي اكاهو لعوزنا .. ياخي فج والله سوير مب خطيبتي,,, عله تعلك ماقاعد اغازل .. يالدب


خطيبته.. ؟؟؟ .. حسيييييييييت بغيييييييييره .. لايكون بتيي ويانا بعد ؟؟ اوففففففف اكملت ؟؟ .. حست حلجي يمين ويسار وقلت بدون نفس : زين يالله باي ..


صكرت فويهه مقهورة .. مادري شنو شعوري بالضبط ... انتبهت على صوت منصور وهو يقول لي : مطوله؟؟

طالعته مصدومة .. متى يه؟؟ .. وصلني الصبح بيت ابوي قبل لايروح الشركة .. هذا متى يه؟؟ .. عقدت حياتي وقلت بااستغراب : انته يت؟؟ ..

ابتسم وهو يقول .. : من الصبح واحنا ننتظركم؟؟ ... تنتظرون من؟؟!









(انتهى)



همسه : بدينا باامتحانات الفاينل .. اجوفكم تاريخ 14/6 ان شاءالله ..وبعدها اتفرغ تمام للقصه .. دعواتكم

وقار الصمت 28-05-10 10:11 AM
الله يوفقك ف امتحانتش
اتوقع ان لولوه نفسها رسلت الصور لعلي
حمد هو جاسم نفسه وانصدمت امل لما شافته
سارة ايش تبغي من ثاني خلاص هي المفروض تحترم زوجها

ارادة الحياة 28-05-10 10:43 AM
السلام عليكم ورحمة الله وبركاته
صباح الورد >>فيس مستحي من التأخير
قصتك روعة واشعر انها لم تنصف ابدا واشعر بتقصير كبير اتجاهها
واشكرك من الاعماق لأنكي عدتي بعد انقطاع ووفيتي بالوعد ولم تماطلي ابدا
الف شكر لعودتك التي نتمنى ان تتوج بقصة مكتملة
لندخل القصة
تدرين في المقطع الي جمع سارة وماجد
وعندما تكلمت عن اعجابها بمنصور الذي كانت تظن انه حب وبعد ان سخر منها تحول الى كره ومن ثم بعد مدة قصيرة اكتشفت حبها لثاني
وصفتي بدقة اضطرابات الفتاة العربية بفترة المراهقة اغلب الفتياة تنحصر افكارهن بفترة المراهقة بالحب وضروته في حياتها حتى بالمدرسة اذكر على ايامنة البنات يسألون معقولة متحبين وكأنه ضرورة قصوى
اني ما اقول الحب مو حلو بس يكون بوقت الصح وماكانت تشعر به سارة اتجاه منصور وثاني مو حب هو وهم التعلق بالحب >>وجهة نظر
لولوة
الظروف واصدقاء السوء وغيرها من الحجج الواهية تنطلق من الافواه
لماذا لاتقول انا من دفعت نفسي لمستنقع الرذيلة انا من كنت اخطط لكي اذهب الى مكان الرذيلة من وراء اهلي واتحمل المخاطر واعرض سمعة اهلي للخطر مو احمل مشاعل وغيرها رغبتي الجامحة الاعتراف بأحطاء النفس يشفي الانسان من العقد النفسية وتحميل اخطاء النفس لاناس اخرين يضاعف العقد النفسية >>وجهة نظر
لذا لحظة صراحة بيننا وبين انفسنا قد تقلل من عقدنا النفسية >>وجهة نظر

امل وجاسم
شنو القصة جاسم هو حمد تدرين دانة يمكن لان علي ستر على لولوة وضع الله شخص بطريقه يستر على عرضه بأمل
يعني جزاء الاحسان هو الاحسان

المطلقة بمجتمعنا
شوفي دانة هنا انا لا اتفق معك صح المطلقات يتمتعن بسمعة غير جيدة
بس مع ذلك لايوجد من يتجرأ عليهن بهذه الطريقة الجريئة ما لم يكن عرف انهن فعلا سيئات يعني المرأة المطلقة عندما تعمل بعمل ما ممكن تثبت اخلاقها وتمنع عن نفسها الكلام لايوجد من يقحم نفسه ويتعرض لفتاة سواء مطلقة او غير مطلقة اذ لم يأحذ اشارة القبول منها >>وجهة نظر
مع ذلك اقول لك وعن اطلاع لطلاق وحدة من معارفي تطلقت لان المشاكل وصلت لطريق مسدود تزوجت بعد ان اكملت العدة برجل لم يسبق له الزواج
لانها نسانة يشهد لها المجتمع والمكان الذي تعمل به بلاخلاق الحسنة
صح المجتمع لا يرحم احياننا ولكن اخلاق الانسان حقيقة واضحة مثل اشعة الشمس قد تحجبها غيمة وتنقشع ولكن الغربال لايحجبها ابدا >>وجهة نظر

سارة ومنصورة
كلاهما لم يعرف من الحب سوى حب المراهقة المتقلب وكلاهما امسك طرف الحب المستقر ولكن هناك عناد للمشاعر داخلهما اعتقد مع الوقت والعشرة سوف تكون مشاعرهما اوضح

روضة وسعيد
شوفي دانة الرجل في وقتنا الحالي عليه ضغوطات كبيرة من ناحية النظر يعني يشوف البنات ولبسهم ومكياجهم ومهما غظ النظر فهو سوف يتأثر والمرأة بالحمل والولادة تتغير معالم جسمها ومسؤوليات الاطفال تمنعها من الاهتمام بنفسها
لذا على المرأة ان تجدد مو ضروي تصبغ شعرها الى ان يحترق او تنفخ شفايفها الى ان تنفجر يمكن اذا غيرت لون الملابس الي متعودة تلبسها واضافت كلامة حبيبي وعيوني لقاموس كلماتها اليومية واهتمت بزوجها وجعلت منه ملك بحياتها
صدقيني راح تحصل على نتيجية ايجابية خل تكون صديقة وحبيبة واخر شي تكون زوجية >>وجهة نظر
يعني اذا ما متعودة تتصل بيه بالتلفون خل تعود نفسها تتصل وتسأل وتاخذ وتنطي معها بالتلفون مو الا اذا عدها مصيبة تتصل
وغيرها من الامور التي ان بحثت المرأة عنها في حياتها لوجدتها ممكن ان تكون نقطة تجدد حياتها الزوجية
غاليتي دانة اعذرين لتقصيري
وفقك الله غاليتي

حورآء إنسية 31-05-10 05:29 AM
السلام عليكم ورحمة الله وبركاته

دندونه أحبك وآآآآآيد <<فيس يبوسها من جبينها ^.^

بااااااارت رووووووووووووعه واللي شدني فيه لمن ساره تتكلم

مع ماجد بجد أبدعتي بالوصف ..

ومنصور علينا لا أنت رايح فيها وميت على ساره وانتي سارونه بعد

يلا الرحله بتكون فاتحة خير عليكم يارب ^^.

اقول دندونه في شيء قلب مخي خخخخ للحين مو مستوعبة هع

جاسم معقوووووووووول يكون حمد ..؟؟؟؟؟

للحين مو مستوعبة اللي صار <<اغمى عليها مثل أمل خخخخ

ولولوه واللي قاعد يصير لها شيء وذكرياتها مع مشاعل وسواد وجهها

يعني للحين مصره تمشي طريق الغلط ومعقوله علي رضي فيها وهي

على حالها او أنه ستر عليها ..؟؟

ومحمد وسالم بحوارهم المؤلم بصراحه عورو قلبي :(

يعني عارفين انو علاقتهم ك اسره مو مزبوطة ومتفككه :(

وممممم احس مخي مقفل للحين

عموما الله يوفقك دندونه باختباراتك ويسعدك يالغلا

ونشوفك على خير

غدر الحياه 31-05-10 04:31 PM
في الحقيقة توقعت ردة فعل سارة بتكون اقوى
واشوف ان الحياة بينها وبين منصور رح تتيسر بشرط ما يكزن اي تدخل لللوة في السالفة
يعطيكي العافية وبالنجاح انشالله في امتحاناتك

بوح قلم 03-06-10 10:35 AM
تسلمين فديتج عالبارت<< الفيس راعي الورود
ونحن بعد متولهين<< فيس خنقته العبرة

امل وجاسم

شو استوى بج الله يهديج..نشي..<< فيس يشممها البصل.. وانته عن تظهر حمد يازت لك البنيه يوم اتشبث ببقايا كرامتها.. وصانت عفتها.. وقررت تستر عليها وتتيوزها..واهني تظهر نقطة ثانيه.. لو كان حمد هو نفسه جاسم.. ما مقدار الثقة اللي بتكون بين الطرفين<< فيس منطقي

لولوة

غياب الوازع الديني.. رفقة السوء.. لذة المعصية.. بريق المال.. غرب ان يبيع الانسان نفسه.. يستحل جسده.. مهما كانت الضغوطات.. وكان هذا الجسد منح له ليكون وسيلة لكسب العيش.. واثرت هد سوارها الحامي.. والعيش في جنبات الظلام<< فيس قرر يذبحها خلاص.. انتي شو من البشر ولا هالخدية مشاعل اللي وياج<< فيس قرر يشتكي عليهن ويريح عمره

حمده

المطلقه.. يعتبر البعض وصمة عار.. انسانه حكم عليها بالنبذ خارج دائرة العفيفيات.. يا بنت الحلال وافقي على حميد وفكينا.. ومديركم المفلع هذا ربج بياخذ حقج منه<< فيس يخفف عليها

منصور وسارة

بسم الله لو انج بتهاجرين ما بتسوين جي.. ما خليتي قطعه في الكبت ما شليتها.. انا اقول لو تخطفين على السوق تاخذين كم قطعه اخير لج.. يمكن اللي شلتيهم ما يسدونج<< فيس يجوفها بنظرة.. وانته بلاك ضاعت اعلومك من حدرت<< فيس مستغرب

نترياج فديتج<< الفيس راعي الورود

الله يوفقج في امتحاناتج.. واتيبين فل ماركس.. وتتخرجين بامتياز بعد<< فيس رافع ايديه يدعي

http://www.liillas.com/up3//uploads/...29afe633ce.gif


الساعة الآن 01:52 AM.
صفحة 2 من 4 1 2 34
عرض 200 مشاركات من هذا الموضوع لكل صفحة

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية