|
ارادة
فوز94 نوفاه كل الشكر على التواجدوالمتابعه بصراحه شرفني تواجدكم |
الجزء السادس والعشرون
للامــــــــ بقيه ـــــــــــــــل حنان: ناصر ليش قافل الباب ناصر : ........ حنان : ناصر رد علي طلعت من الحمام ولقيت حنان واصله حدها من الزعل ناصر: نعم أمري حنان : ناصر ليش الباب مقفل ناصر : أنا قفلته حنان: ليش ناصر: من غير ليش حنان : ناصر ناصر: نعم حنان: ناصر هونت عن المراح لل زواج ناصر : من قال حنان : انت ناصر: أنا قلت أني هونت ماني برايح حنان: ماقلت قلت بس فعلت ناصر: يالليل تصدقين حنان كل يوم أكتشف فيك شئ جديد حنان: ياسلام موأنت بس حتى أنا ناصر : أنا كيف حنان : راح أجاوبك بس قلي أول شئ بتوديني زواج أختي ولا لا ناصر: بوديك بس مو اليوم خلاص بانفجر ماني قادر أستحمل زواج أختي بكرة وانا مو قادرة أروح حولت أظبط أعصابي حنان : ناصر الله يهديك ليش ماتبي توديني ناصر: الله أن شاء الله هاديني بوديك بس أول شئ بنام ملاحظه أن هذي جيتي من الدوام وانتي حتى قهوة ما قهويتيني مالي حق أرتاح طول الليل مواصل وانت ماعندك ألاودني ودني حنان : ناصر أنا اسفة بس أنت تدري انا من يوم عزا هيام الله يرحمها وانا ماشفتهم وبدون شعور جلست أصيح ناصر: حنان خلاص حنان: لارد ناصر : حنان الله يرحم والديك خلاص اللي فيني مكفيني حنان تعالي رحت لعنده وانا ماتوقعت اللي قاعد يصير ناصر ضمني وكان هذا أقصى أمنياتي بس تفاجأة من لما قربني منه وباسني على راسي حسيت أول مرة أني أنثى متزوجة عشت مع ناصر ثلاث شهور عمري ماحسيت أنه مهتم فيني ألافي حلات نادره بعدت ناصر عني وانا أحاول أتماسك علشان أساله حنان: ناصرليش غيرت رايك ناصر: بوديك ياحنان بس بكرة مواليوم حنان : ليش بكرة ناصر: عندي أسبابي أولا أمي مورايحه وانا ماقدر أخليها لحالها ثانيا أنا جاي مواصل وماقدرأسوق في الليل بنام شوي ممكن حنان: بس هذي هي كان قلت من قبل لازم تقفل الباب علشان تقولي الكلام هذا ناصر :لا لاني أبيك في موضوع أهم قفلت الباب خفت من حنان أنها تروح تتكلم على أمي وانا حنان ماضمنها لازعلت معاد تعرفها من بعد ذاك اليوم في بيت أهلها وأنا تاكدت أني ماعرفت حنان وان الحنان اللي أخذته وتوقعت أني ممكن أتأقلم معه وأحس فيه ضاع وحل محله اللي ماكنت أتوقعه حنان وهي زعلانه خالتي أم نادر على حصاة حنان : لحظه لحظه تغطوا بسرعة وبدون شعور تراجعت للغرفه وشفت حنان جت مسرعه وسكرت الباب علي حنان: ناصر كيف تنزل كذا ناصر: وش دراني أن عندكم أحد حنان : لاوالله يعني تبي تعلمني أنك ماشفت الحريم اللي دخلوا على أمي بكل براءة ناصر : لا والله حنان تقولينه صادقه حنان:ايه صادقه ونص ناصر: حنان لاتكبرين الموضوع وروحي لخالتي وقولي لها تلبس عباتها وتطلع للسيارة وانت جهزي أغراضك لاجيت بنمشي حنان:ناصر ناصر : وجع يقوله ناصر حنان: الله يسامحك ناصر:آمين يالله بسرعه أخلصي علي طلعت وبسرعه رجعت حنان: أقول ناصر ناصر: سمي حنان : وين بتروح بامي ناصر : أبد ياعمري بروح أناوياها للمحكمه علشان سالفة بنات هيام الله يرحمها حنان: أبوي بيروح معكم ناصر: لاماودي أتعبه المدعيه خالتي وهي الوحيدة اللي معها الصلاحيه للتنازل وانا بصراحه ماوي يروح أخاف الرياجيل يطيحون عليه ويتنازل ويروح كل اللي بنيناه في الهوا حنان: ناصر قلبي لاتطلع من الغرفة لين أناديك ناصر: الله ماطولك ياروح أنتظرت في الغرفه لين نادتني حنان ورحت للسيارة أنتظر خالتي فجأة داهمتني الافكار من الحريم اللي خلوا وخلواحنان تنجن ماكان ودي أسالها شفتها معصبه والاوادم حولها ولاشئ لاعصبة قلت أسكت أحسن لي قلت في نفسي مالي ألاخالتي أسالها واشوف من اللي خلى حنان تعصب بالشكل هذا أم نادر : مرحبا ناصر : هلا وشونك خالتي اللحين أم نادر:بخير جعلك بخير ناصر: آسف خالتي طلعت من عند ضيوفك بس وش أسوي ببوهيا أزعجني أم نادر : أبدمافيه أحد غريب هذي أشواق وأمها جايبين فطورلنا صدمة بس الحين عرفت سبب حمق حنان ياقلبي أنا صراحة شعور لايوصف أقول ياربي الحرمه عارفها وعارف زولها أجل أشواق وأمها خلصت أنا وخالتي الاجراءت ورجعنا للبيت والبنات صارن تحت ولايه خالتي وارتاحت نسبيا الحمد لله لقيت حنان جاهزة وتحتريني أخذت الشناط وحطيتهم في السياره وحنان ركبت جنبي حنان: السلام عليكم ناصر: وعليكم السلام تكيت على السيت وجلست أفكر والتفكير ذبحني اسال ناصر ولاماساله ياربي بانفجر حنان: أقول ناصر ليش نزلت اليوم بدون ماتنحنح ناصر: أبد جت عفويه قلت اكيدمافيه تحت ألاخالتي وحنونتي حنان: صدق ناصر ناصر: وش هو اللي صدق حنان: أني حنونتك ناصر: أفا حنونتي ونص بس أقول حنان حنان: نعم ناصر: من الحرمتين اللي كانوا عندكم حنان: وانت وش يهمك ناصر: أبد فضول حنان: شحادات مسكت نفسي بالغصب ماودي أضحك واكشف عمري أني عارف الحريم أجل مرت خالك ياحنان شحادة XXXXXXXXXXXXXXXXXXXXXXX حنان: ناصر وين رحت ناصر: أبد موجود حنان تعالي حنان: وين ناصر : أسم الله عليك ننام حنان: هالحين ناصر: أيه هالحين عندك مانع حنان: أيه مافيني نوم ناصر: وانا فيني النوم ويالله غيري ملابسك وتعالي XXXXXXXXXXXXXXXXXْْXXXXX ياربي الرجال وش صارله بصراحه خفت منه ياربي وش أسوي أحترت في البدايه بس بعدين فكرت وقلت أدخل الحمام أول شئ أخذت لي قميص نوم لونه كحلي صحيح لك عليه بس أستر ماعندي العوض ولاالقطيعه زي مايقولون XXXXXXXXXXXXXXXXXXXXXXX تاخرت ياربي وين راحت وش فيها أبطت في الحمام ناصر: حنان وين رحتي حنان:ناصر دقايق بس ناصر: بسرعة أستعجلي حنان: طيب XXXXXXXXXXXXXXXXXXXXXX ماحبيت أن حنان تغافلني وتنزل تح حطيت أحتمال أنها تشوف امي وانا مابيها تقول كلمه يمكن ماتصدها وتأثر في الوالدة علشان كذا فضلت أن حنان تنام في حضني واضغط على نفسي على أنها تزعل الوالده ويصير بينهم سؤتفاهم XXXXXXXXXXXXXXXXXXXXXXX من يوم راحت شغالتي وانا أحس نفسي مو مرتاحه أبد أحس عمري عاله على اللي حولي وخاصة حنان لما يقول لها ناصر شوفي علاج الوالدة ولاحظيه يالله بحاول في ناصر يايجيب شغالة والاأنا بجيبها لاني بجد في حاجتها فكرت في عمري والضيوف اللي بيجوني بكره وش أسوي استعنت بالله وسواته أبرك XXXXXXXXXXXXXXXXXXXXXXX ماجاني نوم قمت أفكر والهوجاس يلعبي وشلون أستعطف خالتي أم ناصر وأخليها ترجعني لناصر وبطريقه تحفظلي كرامتي وماتخليني أطلع كني راميه نفسي عليها فكري يانجلاء فكري مافيه غيرها حنان نفسها هي اللي بتوصلني لناصر XXXXXXXXXXXXXXXXXXXXXX أحس بثقل ظاغط على صدري ياربي حلم ولاعلم وش الشئ اللي قاعد يصيرلي أحس أني وسط مكان ضيق وان فيه شخص قاعد يضغط علي بيدينه وموراضي يفكني أجيه يمين يروح لي شمال وش السالفه ياربي أقوم من الحلم هذا ليش عيوني موراضين يفتحون وش العله قمت مرتاع وانا عيوني ترمش بسرعة وادعي الدعاء اللي علمنياه الشيخ بسم الله حنان,حنان ليش مو راضيه تقوم شلت يدينها عني وحاولت أقوم ماقدرت في حلقي شئ يشبه الشعر اللي يوديه المشط ويجيبه وضايق وحالتي حاله مالي غير الوضوء رحت امشي وأنا شبه متوازن للحمام وأول ماقلت بسم الله أحس صدري أشرح XXXXXXXXXXXXXXXXXXXXX كنت أسمع ناصر وهو يناديني بس مابغيت أقوم لاني كنت آخذه راحتي في النوم وعايشه جو كنت أتخيّل نفسي في بيت اهلي لها الحين والى الان عايشه أحلامي ويجني حبيبي ويبوسني ويحضني وانا حاطه يديني من ورى ظهره وأحس بالامان في أحضانه كنت أحس بطعم البوسه على شفايفي ولاني مصدقه أحس نفسي في الجنه موعلى الارض XXXXXXXXXXXXXXXXXXXXXXX ناصر: حنان .حنان حنان: لارد ناصر: حنان أسم الله عليك يالله قومي حنان: وين ناصر: لاأكيد فيك شئ ماتبين تحضرين زواج أختك حنان : ألا ليش تقول كذا ناصر: لاانتِ عقلك مغيب ماتحسين يالله قومي غيري والبسي عباتك حنان : أن شاء الله XXXXXXXXXXXXXXXXXXXXXX شفتها وهي جالسه على طرف السرير وتتحسس شفايفها بطراف أصابعها تاهت مرة ثانيه في عالمها ناديتها ماردت ماقدرت قلت في نفسي بروح أقومها شكلها تعبانه جيت ومسكتها مع زنودها بقومها ويوم قومتها ماقدرت اقومها وأقاومها بستها وانا قول سامحني ياشيخ ما قدرت أسيطر على نفسي وصار اللي صار |
حناااان : الصرااحة مستغربه منها ليش تعاامل ام ناصر هذي المعااملة يعني اول الابتساامه شااق الحلج لها والحين بعد ما تزوجت ولدها تمللت منها وتسوي لها مو عن طيب خاطر الصرااحة طحتي من عيني و اتمنى انها تغير طريقة معاملتها مع ام ناصر .. ناصر : هذا المتناقض يعني مره يفتك من حناان ومره يبي اهتمامها وما تغيب عنه .. ام نااصر : يحليج والله والله يعطيج على قد نيتج .. يعطيك العافية اخوي على الباارت .. وبناتظااار الباارت اليااي .. |
بارت رائع بس الموت لا توصل نجلاء بمخالبها الى حنان وانتي يا حنان حسي فيها مرة ضعيفة ما لها بنت تقوم فيها انت بنتها وزوجة ولدها ودمت بود
|
بسم الله الرحمن الرحيم السلام عليكم ورحمة الله وبركاته جزء جميل وضح الكثير من الأمور رغم أنه لا زال يحمل الغموض بين طياته فما سر التغير الذي طرأ على حنان تجاه أم ناصر ولماذا في هذا الوقت بالذات؟؟؟ هل لذلك علاقة بصرف ناصر للخادمة بحيث أنها أصبحت تحس بإهماله لها وأنها لا تعني له أكثر من ممرضة أحضرها لأمه ثم ما سر أنها تشبه أمها تماماً إذا غضبت هل يريدها جماداً لا تحس!!!!!!! ثم أن شعور الغيرة يجب أن يشعره بالسعادة وليس الغضب فهذا دليل على أنها تحمل له الكثير من المشاعر الجميلة توقعت أن المرأتان اللتان دخلتا لأم نادر لهما علاقة بناصر ولكن لم يخطر بخلدي أشواق وأمها أخيراً وليس آخراً شكراً جزيلاً على الكلمات الطيبة التي ذكرتها في تهنئتك لي على التميز وصدقني لولا تميز ما أقرأ لما كانت ردودي متميزة هكذا سلمت يداك بانتظار الجزء القادم دمت بحفظ الله ورعايته |
فوز94
نوفاه أرادة أحيانا لايمكن للمرء أن يتميز ألامن خلال من يقف خلفه ويمده بالدعم كل الشكر على المتابعه والتوقعات أتمنى أن ترضي القصه ذاقئتكم وتستمعون بها |
الجزء السابع والعشرون
للامــــــ بقيه ــــــــــــــــــل كنت أظن ،/ .. الحظ جابك وإبتسَم أثر أنا و ( الحظ ) مانواطن .. بعض الأمل في دنيتي .. ياما ، .. إنهدَم و " الفَرَح " مايوم في عمري ومَض شعور غير أحسه الحين أنا واقفه جنب زوجي والمصوره تصورنا ماكنت حابه الشئ هذا يصير بس وش أسوي علشان حلف الوالدة ماكنت أبي أزعلها خاصة بعد وفاة المرحومه XXXXXXXXXXXXXXXXXXXXX مزاجي ماكان رايق الوالدة الله يهديها مدري وش فيها كنت تناظر لي بنظرات مافهمتها كنها زعلانه ومو راضيه علي جا في بالي كلامها قبل يومين كانت مو طبيعيه أبد مادري وش فيها أم سعود: فيصل أبي اطلب منك طلب وترى زعلي ورضاي متعلق بها الطلب فيصل : أمري يمه والله لايجيب الزعل أبد أم سعود: فيصل خل مرتك عندي العشر أيام الاولى طلبتك يمه فيصل : يمه أنا مادري وش سبب تمسكك بان زوجتي تجلس عند وش السر أبي أعرف أم سعود: لاسر ولاشئ كل اللي أبيه أني أشوفك كل خميس وجمعه حولي تشوف هذا واجد علي فيصل :أسف يمه ماقدر اللي تطلبينه صعب علي أم سعود : والله يافيصل أن ماطعتني والله ماحضر زواجك أبوسعود : علي الطلاق لتحضيرين وحلفك كفري عنه عاجك والا لا فيصل: يمه لاتزعلين مني أم سعود : مبروك دوبك تذكربعد ماعصيتني فيصل : حشاك يمه ماقصدت في ذاك اليوم طلعت من عند امي وانا ماني عارف أرضي مين والامين خليتها على الله هو الوحيد المتصرففي جميع أحوالي لاني عارف مصير سارة لو طاحت بين يدين الوالدة XXXXXXXXXXXXXXXXXXXXXX ماني عارفه وش أسوي أحس أن يوم الوعد قرب وانا عاجل ولا أجل مصيري أفقد عيالي للابد صحيح قدرت أطفش مرت سعود وأخليها يطلقها بس هذا بين أنها راعية طويله وبتاخذ مني شغل وجهد أكبر من اللازم XXXXXXXXXXXXXXXXXXXXX سافرناصر وزوجة قريب الفجراليوم أحس البيت فاضي علي متى ياربي أشوف ضنا ناصر لازم أول مايرجع افاتحه في الموضوع واخليه يشوف حل لاحد يلومني أبي أشوف عيال ناصر وشكل حرمته مافيها ضنى أوساكته على شان وجع ناصر بس الحين وبعد ماطاب ماعنده عر أنه يتزوج ويملا البيت علي XXXXXXXXXXXXXXXXXXXXX اليوم على كثر حزني على كدة فرح الدنيا موسايعتني وانا أشوف الله اكرمني وخلاني أعيش لين شفت اليوم اللي بناتي متزوجات وكل وحدة ماخذه رجال والنعم فيه الحين بس أقول أني أرتحت من هم كان كاتم على صدري بقى نادر ياربي متى أفرح فيك ياقرة عيني XXXXXXXXXXXXXXXXXXX من يوم وصلت حنان عند أهلها وأنا احس اني على أعصابي خاصة أني أدق على الشيخ ما يرد والحين الساعه عشر في الليل أبي راي الشيخ ومشورته في الليل سويته وش راح اسوي بعد الخطوه هذي يارب سترك XXXXXXXXXXXXXXXXXXXXXX زهمت جارتنا أم ناصر على الوالده تعزمها على قهوة العصر قفلت أمي السماعه وسالتها بفضول حسين : من عندها أم ناصر أم حسين : وحدة من جارتنا ماتعرفها حسين : من يعني يمه أم حسين : أف منك هذي نجلاء وأمها حسين: نجلاء اللي طلقها ناصر أم حسين : عليك نور حسين : وش يوديها لبيت ناصر بعد ماطلقها أم حسين : مادري بس يمكن تبي ترجعله حسين : هي ماتزوجت أم حسين : ألا بس طامح عند أهلها وريحه للمحكمه وشاكيته تبي الطلاق حسين :معقوله الله يعينك ياناصر وش تشيل وتخلي XXXXXXXXXXXXXXXXXXXXXX زارتني العصر أم نجلاء وبنتها نجلاء اللي دريت بالصدفه من أمها أنها ناويه الطلاق من زوجها ولاني أعتبر نجلامن يوم هي صغيرة بنت لي سألتها أم ناصر : لا لا ينجلاء عطي نفسك فرصه أكبر نجلاء : ياخاله الحاله مايعلم فيها ألا الله ماتتوقعين وش كثر صبرت عليه بس الاجر عند الله مو عند الناس أم ناصر: الله يعينك موكل أحد ساكت متهني وانا أمك مابغيت أزيد على نجلاء خاصه بعد ماشفت حالتها بس في نفس الوقت بغيتها تقطع الامل نهائي في ناصر اللي نجلاء في نظري بانيه عليه حصار وعارفه أنه في النهايه بيرجع لها الحين وألابعدين الله المستعان XXXXXXXXXXXXXXXXXXXXX من بعد زياتي لبيت خالتي أم ناصر وانا أحس لأن الحياة دبت في جسمي من جديد كل شئ على حطت أيدي والشئ هذا أكد لي أن ناصر مازال متمسك فيني ولو بالذكرى تغافلت خالتي أم ناصر وقلتها أني أي الحمام وانا في الحقيقه غايتي ومقصدي شئ ثاني أشوف جناحي اللي ماتهنيت فيه ولاقدر أحقق حلمي من يوم أنا صغيرة فيه ناصر والله أحبك معقول الجناح على ماهو عليه شفت أثر النار اللي شبت وشكل الجناح اللي شكل ماأحد دخلته من مدة طويله فقت على صوت خالتي أم ناصروهي دورني وطلعت بسرعه وفي صدري صوت يقول ولو كونه خل الجناح فانا مازلت سكنة أفكاره ومعشعشه في قلبي ناصر الله يمدك بالعمر المديد وترجعلي وأكون أنا وانت تحت سقف واحد وعلي هذا غفيت XXXXXXXXXXXXXXXXXXXXXX سارة أذهلتني بجمال الخارجي وجمال المنطق لاشفتها ماذكر الاخالتي أم نادر ياحلو ردها على أمي وأبوي كانت في كل كلمه تقولها أحس بالسعاده وأحمد ربي ألف مرةأنها كانت من نصيبي XXXXXXXXXXXXXXXXXXXXXX شفت حنان في دخلة أختها الفرحه بتنط من عيونها معقول الكلام اللي قالوه خواني عنه يكون غير صحيح معقول ناصر صاحي وماهو مختلف زي مايقولون الناس اللي يشوف حنان يقول هذا عايشه في الجنه من كثر ماهي مبسوطه XXXXXXXXXXXXXXXXXXXXXX بعد ما الامور هدت وتم اللي أنا خططت له قررت أزور أختي بعد غياب دام سنتين |
مرحبا اخوي انا تابعت روايتك الي مده فعلا من الروايات الي تستحق القراءه جميله جدا وافكارها جديده وطرحها واقعي
ناصر فعلا امره غريب هو وحنان بتمنى ما يرجع لنجلاء لاني ما حبيتها ابدا وام سعود فعلا انسانه غير طبيعيه في حدا بيخرب على اولاده شكلها بتحب المشاكل الروايه روعه بصراحه وبتمنى تضمني لقرائك وتستمر ونشوف ابداعك دائما |
مشكوور على البارت . فيصل : مبرووك زواجك من ساره و الحمد لله انه مارضى انه ساره تجلس عند امه وهو عارف نوايها وان شاء الله تعيش ساره بسعاده بعيد عن ام فيصل الى ناويه لها نيه. ام فيصل : وش تبى من حريم عيالها مو كافى انه فرحانه انها فرقت بين سعود وحرمته بالطلاق تبى بعد تفرق بين فيصل وحرمه بس احس ابو فيصل جالس لها بالمرصاد ان شاء الله يوقفها عند حدها ولاتتدخل بحريم عيالها. نجلاء : الحيه الرقطاء بدت تبث سمومها على ام ناصر وتتقرب منها الله ماتستحى هى ووجها داخله غرفه نوم ناصر الله يستر منها ويعمى عين ناصر عنها ولايشوف مثل حنان احد . ام ناصر : هى عارفه انه ولدها مريض وليش مستعجله على عيال ناصر تصبر لين الله يشفيه ولا تفكيرها ان حنان مافيها عيال الله يعين حنونه عليها . بانتظار البارت القادم بشوق |
السلام عليكم
يعطيك العافيه اخوي قمم الاعالي ضلالي اجزاء ممتعه ام سعود ياربي وش جنسها من البشر خبري العجايز اللي يخربون حياة عيالهم يخربونها من غيرتها اللي تضهر بالمواقف والتصرفات وتادي للمشاكل مو تخطيط لهدم حياه قبل لا تبداء يعني معقول في ام مهما كان الشر فيها ماتبي تشوف عيالها متزوجين ومرتاحين احسها انسانه مريضه بقوه ********** ام ناصر لا يامنووور زعلتينا عليك تبين نويصر يعرس على حنان لا واللي يسلمك لا تحطين العقربه نجيل بباله اصبري عليه وحنون بعون الله تجيب لها عشر عيال اربع بنات وسته عيال فيس يبي يقضي على حنان مره وحده *********** في حوارات مافهمت هم على لسان من مثل ذا اقتباس:
اقتباس:
ياليت اخوي توضح هم على لسان من انتظر القادم بشوق |
تسلم على البارت بس ألاحظ أنك تكتب الموقف اللي صار في الماضي وتدمج مع الحاضر بدون مايكون هناك فاصل يوضح أنوا اللي الحدث اللي صار ماضي أتمنى في الأجزاء القادمه توضحه لو يكون بلون مختلف يوضح أنوا صار في الماضي أتمنى فهمت علي سلمت أناملك |
مساء الخير ،،،
بارت رائع ،، بين فيه دوافع ام فيصل انها تخلي ساااااره عندها ،، وهو حبها( الأناني ) لعيالها ،، ورغبتها انو تهدم حياة عيالها مثل ماسوت مع سعوووووود ،،، منتهى الأنانيه !!! والا مافي ام ماتتمنى تشوف عيالها في سعاده وهنا ،،، لها الدرجه الغيره اكبر من محبتها لعيالها ؟؟؟ اما نجلا وسعيها لاسترجاع ناصر ،،، أمر في منتهى الغرابه !!! حنان ،، أحياناً أعذرها وأحياناً أخرى الومها على تصرفاتها مع ام ناصر ،، مع انها في بداية الزواج ،، كان تعاملها ممتاز ،،، شاللي صاااااار ،،،، لكن هذا ماله تفسير الا غيرة الحريم ،، سواء كانت ام والا زوجه والا اخت وحتى بنت ،،، الله يعطيك العافيه ،،، |
يوووووووووووووه من نجلاء وش تتبي بعد ومشكور عالرواية وكم بقى بارت Thank you aloooooooot
|
بسم الله الرحمن الرحيم السلام عليكم ورحمة الله وبركاته صراحة هذا الجزء رغم قصره إلا أنه ملغوم من جميع النواحي أم سعود...... امرأة متسلطة ولوكنت مكان أبو سعود لداويتها بالتي كانت هي الداء وتزوجت عليها امرأة أخرى هنا ستنشغل بنفسها وتترك أبناءها بحالهم. أم ناصر....... الجميل في الأمر أن أم ناصر تعلم بنوايا نجلاء بذلك يمكنها أن تأخذ الحذر وتبعدها عن ابنها ولكن المشكلة في أنها بدأت التفكير بتزويج ناصر من امرأة أخرى دون أن تعلم من خلف مشكلة الإنجاب بعدين (( قال قوّه قال توّه )) الناس ما صار لهم فترة طويلة من تزوجوا ليش العجلة على الإنجاب؟؟؟؟؟؟؟؟ أم نادر......... مبروك زواج ساره والفال إن شاء الله لنادر والله يبلغها ببنات هيام وتزوجهم مثل خالاتهم مع إني لازلت أتمنى أن أبوهن ينال عقابه على ما فعل في أمهن نجلاء........ في نظري قليلة حيا الرجل وهي من طلبت منه الطلاق والآن على ذمة رجل آخر حتى وإن كانت تريد الطلاق منه فكيف لها أن تفكر بغيره حسين....... في الأجزاء السابقة كان ناصر كلما رأى حسين تضايق منه مع أن حسين في هذا الجزء يبدو أنه يرثى لحال ناصر مما قد يواجهه أي أنه ليس سيئا ولا يضمر له الشر فما السر بهذا الكره لحسين وهل يشك ناصر بأنه هو السبب فيما هو به؟؟؟؟؟؟؟؟؟ (( شفت حنان في دخلة أختها الفرحه بتنط من عيونها معقول الكلام اللي قالوه خواني عنه يكون غير صحيح معقول ناصر صاحي وماهو مختلف زي مايقولون الناس اللي يشوف حنان يقول هذا عايشه في الجنه من كثر ماهي مبسوطه )) هل من الممكن أن تكون هذه أشواق وقد ندمت على رفضها لناصر أتوقع ذلك أخي العزيز شكراً لك على هذا الإبداع بانتظار الجزء القادم دمت بخير |
روايه رائعه وفكره جديده في فرق السن بين الابطال احيك عليها وننتظر البارت الجاي بالتوفيق
|
شبيه الريح
نسمة أمل نوف بنت نايف طلع القمر بقايا روح في نو لي تر أرادة وجودي يكفي كل الشكر على تواجدكم العطر |
الجزء الثامن والعشرون
للامــــــــــ بقيه ــــــــــــــــــل دخلت لغرفة الفندق وانا أقدم رجل واخر الثانيه اليوم أنا أحقق الحلم اللي عشت تسع سنوات موراضي يفارق بالي مادري ليش أحس بروحي ضايعه ومو عارفه أتصرف أحس اللي قاعد يصرلي مو طبيعي وين الفرح اللي ممكن تحس فيه أي بنت مثل حالتي الدنيا عندي فراغ مو قادره أملاه دخلت وجلت علي كرسي بوسط صالة الجناح وصرت أتأمل الشخص اللي واقف قبالي صحاني صوته بكلمه فجرت كل أحاسيس الحزن داخلي فيصل : مبروك مادري وش فيهاأحسها مستغربه اللي قاعد يصير فها شئ موطبيعي يمكن لانها عروس حاولت أشيل بعض الحرج اللي حاصل بيني وبينها بس ماقدرت اطلعت معي الاكلمه وحدة وقلتها وليتني ماقلتها فكتها مناحه بسم الله هذي كيف اسكتها قربت من عندها وناديتها فيصل : سارة رفعت عيوني والدموع خانقتي ماقدرت أرد فيصل : سم الله عليك تحسين بشئ أشرت براسي علامة أني طيبه ومافيني شي بس وش أقول فجاه حسيت بحنين لامي وخواتي وقلت له ساره : فيصل بدون وعي كني سمعت احد يكلمني وردتها علي ثاني ساره : فيصل فيصل : أمري ساره: أبي مويه فيصل :من عيوني ثواني جبيت المويه وانا أركض كني ماصدقت احد أمر علي فيصل : سمي ساره : سم الله عدوك بغيت أقول وعدوك بس خفت تكون الوالده علشان كذا رديت رد دبلوماسي شوي وقلت فيصل :تسلمين بعد كذا شفتها جالسه وشكلها متوهقه بالفستان اللي عليها فقلت أبي أكلمها واذا شفتها ماعطتني وجه بسكت فيصل : ساره أذا مضايقك الفستان غيريه على مايجي الاكل XXXXXXXXXXXXXXXXXXXXXX اخيرا من اليوم أنتظره ينطقها لا الفستان مو مخليني أتنفس سارة : ياليت عن اذنك فيصل : تفضلي XXXXXXXXXXXXXXXXXXXXXXX دخلت دورة المياه وانا أتعوذ من ابليس احس قلبي يرقع كن تاتصير لي مصيبه الله العالم فيها اول شئ نزلت الفستان والجيبون حقه أنظرت شوي لانه أستنف كل طاقتي غيرت ملابسي وتوضيت وطلعت من الحمام لقيته مغير ملابسه وشكله متروش لان شعره مبلول فيصل : حياك سارة تعالي سارة : لامشكور فيصل : أفا ترديني ماتوقعت من بدايتها كذا سارة : ماعاش من يردك بس فيصل : لابس ولاشئ اذا ماترديني تعالي XXXXXXXXXXXXXXXXXXXXXXX البيت تغير علي مو بيت أختي الاولي كل شئ تغير من يوم صارت السالفه ورحت عند زوجي بالشرقيه معاد جيت مادري ليش هو خوف وألا ايش طقيت الباب وطلعت لي خادمة شكلها جديد سألتها وين ماما ونجلاء قالت مو فيه عند بيت جيران خليتها تدخل شنطتي ودخلت للمجلس أحتريهم وماطولت شوي ودخلت نجلا وامها أم نجلاء : هلا والله القمر والاشبيه زارنا اليوم عزيزة : لا أنا وويارب يكون مرحب فيني أم نجلاء:العين أوسع من البيت عزيزه : تسلمين هذا العشم والله أخبارك يانجلاء نجلاء :تمام عزيزه: مبروك الزواج الثاني نجلاء: ماقدر أقولك الله يبارك فيك لاني نويت الطلاق على قولتك للمره الثانيه XXXXXXXXXXXXXXXXXXXXXXX آخر ماتوقعت أن خالتي عزيزه تزورنا من بعد سالفه طلاقي من ناصربس الغريب أنها ترجع بعد المده هذي كلها في نفس الوقت اللي قررت فيه أرجع لناصر XXXXXXXXXXXXXXXXXXXXXXX شفت سياره غريبه موقفه عند بيت الجيران أستغربت ويوم نلت الحرمه عرفتها من ولها وطريقتها في العبايه كانت لابسه عبايه لف هذا عزيزة أم الفتن بس قلت أتاكد من السواق حقهم لاجا لصلاة العشاء XXXXXXXXXXXXXXXXXXXXXXX عند باب المسجد سألته حسين : هارفيق أخبارك السواق: تمام كلشئ تمام حسين : مبسوط كويس السواق: الحمد لله حسين : رفيق فيه اليوم سيارة غريب يجي عند بيت بابا مين السواق : هذا عزيزه أخت مدام يجي من شرقيه يمن يجلس أثنين اسبوع أوثلاثه بس هي يجي يزور مدام ياكثربربرتك حسين : صديق أنت كيف أعرف السواق : هذا شغاله مال هم كلام حسين : تدري صديق الصلاة فاتتنا ياالله عجل XXXXXXXXXXXXXXXXXXXXXX أحس البيت بعد ناصر ظلام البيت مافيه ونس أخذت تلفوني بانبهه لموعد علاجي لقيت مكالمتين من ناصر ورساله يمكن قبل دقايق فتحت الرساله كاتب فيها (يمه ردي علي فيك شي ) دقيت عليه ورفعت الخط من أول رنه ناصر: يمه فيك شئ ليش ماتردين منيره : سم الله لامافيني شئ بس أنت وش فيك ناصر: أبد تروعت عليك أحسب فيك شئ منيره : لامافيني شئ ناصر ناصر: نعم يمه منيرة : متى بتجي ناصر: بكره بعد صلاة الفجر كنت ناوي أمشي الليله بس بعدين أستخرت قلت الصباح رباح منيره :طيب ناصر نام بدري ولامشيت دق علي ناصر : طيب يمه يالله فمان الله منيره : فمان الكريم XXXXXXXXXXXXXXXXXXXXXX التفت للمجلس حولي مافيه أحد الدلال زي ماهي عقب الرياجيل خالي ونادر راحوا ينامون وفي الصجه واللجه ماحد ذكرني رفعت تلفوني أشوف ست الحسن اللي من يوم جت زابنه أمها وانا في خبر كان بس ولو شكلهم حالتهم صعبه الجوال يدق ماحد يرفعه وين راحت سويت أعاده للاتصال وأخيرا ردت حنان : هلا ناصر ناصر: هلا فيك حنان : ناصر وينك ناصر: وين بعد في الرياض حنان : ناصر من جدك متى سريت ناصر: من بدري حنان : وليش ماقلت لي ناصر: أنا ادري عنك من جينا ماشفت وجهك XXXXXXXXXXXXXXXXXXXXX ماصدقت ناصر لان ناصر شكله جالس بالمجلس لاني المكيف وراه يطلع صوت وهذا مكيف مجلسنا الخربان نزلت بسرعه أبي أشوف هو ليش جالس يكذب علي وكانت السماعه على أذني دخلت المجلس من الباب الثاني وكان معطيني جنبه اليمين ولا حاس علي ومستمر في الكذب نزلت الجوال وجيت من وراه بشويش ولفيت يديني على رقبته ناصر : بسم الله XXXXXXXXXXXXXXXXXXXXXXX فيصل : ساره ودي أقولك شئ بس ياليت تقدرين موقفي وتتفهمينه يوم قال الكلام هذا حسيت أن فيه شئ مو طبيعي أنا دايم كذا أذا تغير على شئ أتشاءم وبدون وعي حواسي كلها أتوجهت للشئ اللي راح يقوله فيصل : انا راح أخذك للمكان اللي أشتغل فيه وماراح نقدر نتمشى مع بعض أبي أقضي أجازتي معك هناك علشان تتعودين على المكان بدون شعورقلت : أشوى يوم سمعتها تقول أشوى ماقدرت أسيطر على نفسي فيصل : اشوى ههههههههههه انحرجت منه توقعته مافهم الكلمه بما أنهم ساكنين في المدينه واحنا في المزارع فيصل وانا مو قادر أسيطر على نفسي الى الان : اشوى ليش سارة : بس كذا حسيت دموعه بدت تصب صب من الضحك ولقيت نفسي أضحك معه بس فجاة توقف وسألني فيصل: سارة وين جوالك سارة : مادري فيصل : ماتدرين وين جوالك سارة : يمكن في الشنطه فيصل : وين الشنطه سارة : في الغرفه فيصل : تمام اجل أمشي أنا وياك نشوف وين الجوال مادري ويش أسوي صراحه أربكني دخل قبلي الغرفه قال عطيني رقمتك عطيته رقمي ودق على جوالي وعرف مكان الشنطه واخذ الجوال منها وانسدح على السرير وانا ماني مصدقه ومذهوله أنه فتح شنطتي واخذ جوالي منها فيصل : سارة تعالي هنا ساره : وين فيصل وين بعد جنبي ساره : علي السرير فيصل : على ويش أجل حسيت بشوي ضيق من لهجته وزريته علي قلت في نفسي هي خربانه خربانه هالحين والا بعدين أنسدت على السرير وانا حذره ماحسيت بعمري ألا وانا في حضنه سارة : يمه فيصل : وش فيك أبي الرقم السري XXXXXXXXXXXXXXXXXXXX حطت يدينها على رقبتي وعرفتها على طول ناصر : حنان بدال اللعب روحي جيبي فراش أبي أرقد حنان : الشرهه مو عليك على اللي ياخذ بخاطرك ويقول أنك موجود ناصر : ليه وانا في نظرك ماني موجود أدري مستخفه فيني ومعتبرتني بزر صح حنان : انا ناصر : أيه أنت حنان : ناصر ماعرفتلك أن دلعتك قلت أنا بزر وان سفهتك قلت اني موحاطه لك أعتبار ماعرفت أبقطك ناصر: تعالي بقولك من نظرت ناصر قلت أكيد بقولي كلام رومنسي جيت عنده وقلت حنان :لبيه حبيبي ناصر: روحي جيبي فراش أنصدمت بس مع ناصر أتجاوز الصدمات بسرعه ناصر : عندي أقتراح حنان : وش هو ناصر : نطلع غرفتك لان ظهري يوجعني ويبيلي أحد يمسح على ظهري لين أرقد حنان : لاوالله xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx ما ارتحت لجية عزيزة حيست أن وراها مصيبه وان الماضي راح ينكشف بس تأخر |
بسم الله الرحمن الرحيم السلام عليكم ورحمة الله وبركاته أخيراً انحلت عقدة فيصل وسارة وتزوجو<<<<< ألف مبروك لكن الغريب أنها تقول أنه حلم له تسع سنوات لم يفارق خيالها هي ليست كبيرة إلى هذا الحد حتى تيأس من الزواج فما الذي حداها لهذا القول؟؟؟؟؟؟؟؟ عزيزة........ الزائر الغريب والغير مرغوب به كما يبدو هل لها علاقة بسحر ناصر؟؟؟؟؟؟؟ أم أن لها علاقة بطلاقه من نجلاء؟؟؟؟؟؟؟ ثم ما هذه الصدفة الغريبة لعودتها في مثل هذا الوقت بعد أن بدأت نجلاء بالتفكير في العودة إلى ناصر!!!!!!! وهل والدة نجلاء على علم بمن سحر ناصر وما هو هذا السر الذي تخشاه ولما تخشى انكشافه؟؟؟؟؟ ناصر وحنان........... رغم أننا لم نعلم بعد ماذا كان يريد ناصر أن يسأل الشيخ الأمر الذي يبدوا أنه يتعلق بحنان إلا أنه اليوم يبدو أنه يبحث عن مشكلة ما ليثيرها معها ليصل إلى شيء في نفسه فما هو يا ترى؟؟؟؟؟؟؟ ألف علامة استفهام رافقت هذا الجزء نتمنى أن تحل في الجزء القادم أخي العزيز ألف شكر على جزء لم يشبع فضولنا حول كثير من الأمور ولكن الشيء الجميل يستحق من ينتظره ويتابعه باستمرار حفظك الله ورعاك |
تسلم على البارت فيصل & ساره :الحمد لله اخيرا تزوج فيصل من ساره وانه بياخذها معه لمكان عمله ومو تاركها عند امه . وناصر &حنان : وش فيه ناصر مره يبيها تدلعه ومره يتريق عليها الله يعين حنان عليه . نجلاء : الله يستر منها , ومنو عزيزه الى جايه زياره الله يستر منها لايكون لها علاقه بسحر ناصر . بانتظار البارت القادم بشوق |
بسم الله اللرحمن الرحيم السلام عليكم ورحمة الله وبركاته اليوم بارت طويل تسلم ايديك ساره موقفها غريب يعني حسيت عمرها 40 سنه ويأست من الزواج اما ناصر ليش تعامله مع حنان غريب وما سال الشيخ عنه ام عن حنان عزيزه شخصيه جديده وشكل قصتها طويله ولها دخل بسحر ناصر ونجلاء اخي العزيز الروايه روعه بس احيانا الاحداث تكون قليله ولا تترك اثر نريد بارتات فيها احداث ووصف اكثر للمشاعر لان الروايه قصتها رائعه |
ارادة
نسمة أمل شبيه الريح لايعلم الشخص مدى أهمية مايكتب ألا بمن يقف خلفه كل الشكـــــــــــــــــــــــــــــــــــــــر |
الجزء التاسع والعشرون للامـــــــ بقيه ــــــــــــل احس المشاكل راح ترجع من أول وجديد عزيزةماورى جيتها خير أبد XXXXXXXXXXXXXXXXXXX طلعنا من الفندق أنا وسارة وتوجهنا للربع الخالي المسافه حوالي ست ساعات لهناك قررت أقضي اللي باقي من أجازتي معها حتى تتعود على الجو والمكان طبعا ماغفلت عن شئ مهم أني أشتري لسارة سلاح وأعلمها عليه لاني أشتغل في منطقه نفطيه تبعد حوالي 70 كيلو عن البلدة الاساسيه اللي أغلب سكانها من الاجانب ونادرا ماتلقى سعودين وأنا خايف عليها ومادري وش لون أفاتحها الله يستر دق جوالي وانا اسوق وكانت سارة أقرب له مني ومدت لي كان المتصل أمي وشكلها تبكي بجد فيصل : الو يمه ام سعود : فيصل وينك من الصبح وانا أحتريك فيصل : يمه أنا أخذت سارة ورحت لبيتي أم سعود : تروح لبيتك وماتجي تسلم على هذي مو طبايعك يافيصل فيصل : اذكري الله يمه وانا قريب وأن شاءالله يوم الاربعاء أكون عندك أم سعود : طاوعك قلبك فيصل : يمه الله يهديك وش هالكلام يالله مع السلامه أم سعود: مع السلامه مو منك من اللي جنبك XXXXXXXXXXXXXXXXXXX الساعة 7:30 وناصر الى الان مادق ليكون غير رايه ومامشى والامشى وصار عليه شئ الله يسترأخذت جوالي ودقيت عليه XXXXXXXXXXXXXXXXXXX مادري ليه الدنيا غير الدنيا المكان ظلام وعيوني ماني قادر أفتحها أسمع صوت الجوال بعد شوي كني أستوعبت الوضع فتحت عيوني ولقيت حنان ترد على الجوال XXXXXXXXXXXXXXXXXXX الجوال من اليوم يدق وناصر موراضي يرد أبد وش فيه يارب كان صاير له شئ ناظرت جواله وكانت خالتي أم ناصر رديت عليها وانا أحس النعاس كابس علي حنان : الو منيره : حنان حنان : اهلين خالتي صباح الخير منيرة : صباح لنور حنان : أسفه خالتي رديت على جوال ناصر بس هو الحين نايم وانا عجزت فيه منيرة : أشوى أذا كان نايم خليه أنا حسبته مشى ومادق على خفت أنه صار له شئ لاسمح الله حنان : لا خالتي الله يحفظه خالتي ناصر قام تبينه أيه عطينياه XXXXXXXXXXXXXXXXXXXX ناصر بصوت كله نوم : هلا يمه منيرة : ناصر وينك كم لي أحتريك ناصر : يمه مسافة الطريق أن شاء الله منيرة : توقع يمك ناصر : يمه أخذتي علاجك منيرة: له هالحين ماخذته ناصر: يمه أخذيه وعلى طول أكلي لاتحتريني منيرة : أن شاء الله يمه XXXXXXXXXXXXXXXXXXX التفكير بيموتني وش الكلام اللي قاعدة تقوله نجلاء ليش تبي تتطلق من زوجها وش المشكله اللي له الدرجه بينهم معقول ناصر له دخل في الموضوع حتى ولو اللي وصلني من أخبار تقول أن زوجها الثاني ماعليه ماليان ومايشكي من شئ أنا لازم أقوم أسأل أختي عن الاسباب راسي بينفجر XXXXXXXXXXXXXXXXXX خالتي ماجت ألاوراها شئ بس وش هو أنا ليش غلطت قدامها وقلت أني بطلق من زوجي المفروض ماتدري ألالما أتطلق واخلص علشان ماتسوي لي مشاكل اللي يستر خالتي من يوم قات تزورنا في الفترات الاخيرة تسبب لنا مشاكل اولها طلاق أمي من أبوي مرتين والسبب هي وبعدين طلاقي من ناصر انا واثقه أنها وراه والا وش اللي خلاها ترجع في نفس ليلة زواجي لزوجها مع أنها كانت تبي الطلاق منه وش اللي جد بالموضوع ياليت أعرف السر XXXXXXXXXXXXXXXXXXX احس أخلاقي ضايقه والدنيا عندي ولاشئ خاصه بعد اللي سواة فيصل فك عمره من أمي وراح وأنا الى الان مقابلها وابكي على الاطلال مادري وش اللي صارلي اكيد أبليس يلعب علي امي مستحيل تفكر لي باللي يضرني لازم أخ قرار في حياتي قرار أقدر أستقل بعيد عن أمي XXXXXXXXXXXXXXXXXXXX نزلت عند أختي وماحبت اني أسألها من البدايه عن اللي صاير مع نجلاء وليش ماتبي زوجها لاني عارفه نجلاء وطريقتها لابغت شئ لازم تجيبه عزيزة: صباح الخير ام نجلاء : صباح النور عزيزة : وين الباقين أشوف البيت فاضي أم نجلاء :ابد نجلاء نايمه وابوها راح الدوام عزيزة : على طاري نجلاء وش صايرمعها ليش جالسه عندك وانت تقولين متزوجه أم نجلاء :أبد جالسه عندي لانها ماتبي رجالها وطامح عنه تبي الطلاق عزيزة : ليه وش المشكله وش صاير ام نجلاء : أبد تقول مارتحت معه عزيزة: حتى الاول مارتاحت معه وش جد أم نجلاء: والله مادري يا ختي XXXXXXXXXXXXXXXXXXXX منسدح على السرير النوم موراضي يجيني من بعد صلاة الفجر وافكر ياترى عزيزة ليش تختار الاوقات الصعبه وتظهر فيها اكيد وراها شئ ماني قادر أنسى ليلة زواج ناصر وش سوت الايام تجري بسرعه كنه البارح كنت طالع من البيت ماقدرت أروح للزواج جتني حمى ويالله أقدر اتحرك طليت مع الشباك كنت ابي الهوا البارد خاصه أن الوقت خريف وشفت حرمه تدخل بيت أم ناصر وشكلها مو مرتاح خاصه أنها تركض بسرعه توقعت أنها من اهل العرس لانها لابسه ملابس زواج وعليها عبايه رهيفه بس اللي تفاجاة من ذالك الوقت فتحت الباب ودخلت ودخل وراها هندي معه شنطه مارتحت للموضوع ونزلت أشوفه مع اني تعبان XXXXXXXXXXXXXXXXXXXX بعد الاحداث بفترة ثلاث أرامل نقضي فترة حداد صعبه لاأدري هل هوالحظ أم انه قدركتب علينا ونحن رضينا وقبلنا متى الايام تقبل علينا بالفرح مازال الامــــــــــــــــ باقي ـــــــــــــــــــــــــل في الجزء الاخــــــــــــــــــــــــير |
السلام عليكم
عزيزه خالة نجلا سؤال يحييير وش مصلحتها لو بتسحر نجلا وناصر وحسين هو اللي شافها ليش ما تكلم وريح ناصر من مشكلته فيصل قرار حكيم انه اخذ ساره معه ولا سمع شور امه واخوة اتوقع يرجع زوجته ويعيش بعيد عن امه ناصر الله يستر عليك بخط الرجعه لان القفله اليمه ياترى منهن الارامل الثلاث معقوله ام نادر وبناتها انتظر الجزء الاخيررر بفارغ الصبر متابعه لك رغم عدم ردي اعذرني |
بسم الله الرحمن الرحيم السلام عليكم ورحمة الله وبركاته أخي قمم........... رغم أنك حللت جزء من غموض عزيزة إلا أنك أغلقتنا بقفلة مؤلمة نشتم رائحة الموت منها لأحد أبرز الشخصيات فمن هن الأرامل اللاتي ورد ذكرهن؟؟؟؟؟؟؟؟ هل هن أم نادر وبناتها؟؟؟؟؟؟؟؟ أخشى ذلك كثيراً شكراً لتواصلك الدائم معنا وشكراً لقلمك الرائع وأسلوبك الجميل بانتظارك في الجزء الأخير دمت بحفظ الله ورعايته |
مشكوررر على البارت
ناصر& حنان: الله يستر عليهم ويرجعون لبيتهم بالسلامه . فيصل&ساره: الحمد لله انك اخذت ساره معك لمقر عملك ولا تركتها لامك والله يعينها على الغربه لانها بتحس انها بغربه لانه على قولك مافيه سعوددين واجد ان شاء الله انها تتاقلم مع شغلك وشكلها بتخاف ان اعطيتها السلاح علشان تحمى نفسها بغيابك. سعود: الحين توك فكره انك تستقل عن امك بعد ماخربت حياتك الله يعينك على قرارك لانه امك مو ساكته بتعصب وتزعل عليك . حسين: الحين ياحسين احسبك من اول انه لك علاقه بسحر ناصر اتاريك انت شايف منو الى سحره وساكت الله يهديك بنشوف وش بتسوى الحين بتعلم ناصر ولا بتجلس على سكوتك . عزيزه: الله العالم انها هى الى مسويه سحر لناصر ومفرق بينه وبين نجلاء ويوم درت عن نجلاء انها طامح عند اهلها وش بسووين فيها ان شاء الله تكسبين اجر وترجعينها لزوجها وتفكين ناصر وحنان منها ومن شرها. نجلاء: ليه خايفه من خالتها عزيزه وان شاء الله تكبرين عقلك وترجعين لزوجك وتنسين ناصر . بس والله انه القفله تخوف منهن الارامل الثلاث الله يستر لايكون ام نادر وبناتها . |
هلا اخوي شلونك
يعطيط العافيه على البارت سعود واخيرا هربت بزوجتك من امك وعمايلها الحمدلله ناصر وحنان ان شالله الامور اتكون بينهم تمام على طول ونجلاء لازم ترجع لزةوجها ولا تتدخل بحياة ناصر وحسين لازم يحكي عن عزيزة نستناك بالبارت القادم ولا تصدمنا بشي بحزن |
الجـــــــــــــــــــزء الاخير
هل مازال الامـــــ باقي ــل نزلت بسرعه كنت أراقب الباب وانتظرالحدث اللي راح يصير وش جاب الحرمه هذي وفي الوقت هذا بالذات وش تسوي في بيت ناصر هالحزه سمحت لنفسي أدخل البيت بما أنها دخلت هنود معها شفتها تطلع للدورالثاني ولحقتها بس بدون ماتدري دخلت وحدة من الغرف أنتظرت شوي وبعدين دخلت وراها كنت شاك أنها تبي تسرق شئ وألا وش يحدها تجي في الوقت هذا بالذات واهل البيت كلهم في الزواج كنت أمشي وراها هي وهنديها بدون ماتحس لقيتها تشيل بلاط من الحمام وتحاول في الهندي يطلع ثواني ولمحت معها شئ أشبه بالصرة لمحتني وقلت مافيه مهرب تنحنت وقلت حسين : ياولد عزيزة : من هنا حسين : اسف بس من أنتي عزيزة : أنت من حسين : أنا جار أهل البيت هذا شفت حركه غريبه كنت ببلغ الشرطه بس يوم شفتك قلت أكيد انت من اهل البيت والاتقربين لهم عزيزة : صحيح أنا خالة العروس حسين :أسف على سؤالي ولو فيه تطفل وش المشكله عزيزة: لامشكله ولاشئ ابد جايبه أغراض لبنت أختي ومالقيت وقت اجيبهن ألا هالحين حسين : الهندي ليش داخل عزيزة : أبيه يدخل الاغراض حسين :وشيل لبلاط وترجيعه من الاغراض عزيزة : يالاخو هذا شئ مالك دخل فيه حسين : يصير خير بس راح ابلغ أهل البيت باللي صار قدامي واسف مرة ثانيه عزيزة : لحظه لوسمحت حسين : نعم عزيزة: لك خمسه الآف ولا تعلم أحد حسين : ليه عزيزة : مالك شغل تبي الفلوس والا لا حسين : أبيها عزيزة : لحظه طيب XXXXXXXXXXXXXXXXXXXXXXX دخلت عزيزة في ذاك الوقت وجابت الفلوس وللاسف أخذتها حتى بدون ماأسأل عن مصدرها الى الان متندم لاني مابلغت عن عزيزة ماقدرت أتكلم لان الناس ذيك الايام أنشغلوا بسالفة طلاق ناصر يوم الصباحيه وانه دخل في حاله من الضيق مارتاح منها ألابعد ماطلق نجلاء كنت أرقب باب بيت أبو نجلاء علشان أشوف عزيزة واعرف منها وش اللي سوته لناصر بس مافيه أمل أذكر في وقتها جتني أمي وقالت لي أنه انسرق من بيت ناصر ليله الزواج مبلغ كبير بحدود العشرين ألف ويقولون اللي سرق واحد من الحارة يعني مافيه غريب كنت أيامها مراهق وخفت انه يتهموني بالمبلغ وخاصه أن معي خمسه ألآف وراح يسألون منين جبتها خفت خفت ولاحد يلوموني XXXXXXXXXXXXXXXXXXXXXX الحقد ماليني من كل جهه ماقدرت أتخلص منه الله ماقسم لبوي ألابنتين عايلتنا فيها سرعقم للاسف ماطلع ألا فيني تزوجت قبل أم نجلاء بدل الواحد أثنين وكل ماتقدم لها أحد ويعلمني فيه أبوي أحاول بشتى الطرق أن الزواج مايتم لحد ماتوفى أبوي أنا وقتها كنت متزوجه وعلى ذمة رجال وام نجلاء ساكنه عندنا زوجي ماكان حابها وانا ماكنت أبيها تعيش سعيدة من زود حبي لها حقدت عليها تقدم لها زوجها هالحين كان مطلق بنت عمه لانه مايجيب عيال قلت في نفسي هذا هو حاولت فيها لين قبلت تخذه مع أنه أكبر منها وعلى قد حاله بس للاسف مع أول سنه لها كانت حامل وأنا اللي ماخليت مستشفى مارحت لها ولامعالج ماجلست عنده حتى الدجالين بس ماكانت قسمتي أني أجيب أحد بس هي جابت نجلاء بعد سنه وحدة من زواجها يعني العيب ماطلع الا فيني ليه الدنيا ماتعطي الواحدعلى كيفه XXXXXXXXXXXXXXXXXXXXXXX قررت أسير على أم ناصر واحاول أتسلل لجناح ولدها علشان اشوف هل فكوا السحر عن طريق الصرة اللي تحت البلاط والابشئ ثاني بس كيف أقول لام نجلاء XXXXXXXXXXXXXXXXXXXXXXX عشت أحلى أسبوع مع سارة أنسانه هاديه ومطيعة وماترد لي طلب مشاء الله عليها كانت قمه في كل شئ الاكل واللبس والنظافه يعني مرة بكل معنى الكلمه وامها الله يستر عليها ماخلتلي على بنتها درب فيصل : سارة سارة : نعم فيصل : تعالي حبيبتي ودي أشورك بشئ سارة : آمرني فيصل : لاتعالي جنبي أول جت وجلست جنبي أسم الله عليها حطيت يدي ورا ظهرها وقربتها فيصل: الاربعاء بنطلع لاهلي وش رايك سارة : حبيبي ماعندي راي بعد رايك فيصل : خلاص تم سارة : تم XXXXXXXXXXXXXXXXXXXXXX سعود جهزت شنطة ملابس ولدي وقررت أوديه عند أمه واسافر للخارج أكمل دراستي هناك وأشوف نفسي احس ان اربع سنين راحت من حياتي هدر كله وانا امشي وراى امي وللاسف ماحصلت شئ ابي ابني حياتي بعيد عن اهلي بعيد عن تسلط امي وسليبة ابوي كذبت عليهم وقلت اني باخذ دورة تقريبا شهر ويوم اسقريت ارسلت لهم اني مراح ارجع الا بعد سبع سنوات وان ولدي تنازلت عنه لامه لين رجوعي من سفرتي XXXXXXXXXXXXXXXXXXXXXX فيصل اليوم الاخير رحت لاهلي يوم الاربعاء سارة ما كانت مبسوطه بس وش أسوي امي وحقها علي أني ماتذمر من تصرفاته من يوم جينا وهي تحاول تطفش سارة باي شكل نفس طريقتها مع مرة سعود ماكانت سارة ترد وألا تشتكي مادري اللي في نفس أي هل هو سبب منطقي للي قاعدة تسويه وتحاول تذيل أفعالها به مادري هل من الممكن أنه شخص يحطم حياة الاخرين بمجرد دعوة من شخص طاعن في السن ربما كانت في وقت غضب XXXXXXXXXXXXXXXXXXXXX أبونادر اليوم الاخير طلعت بسيارتي العصر كالعادة مع أني من يوم توفت هيام وحالة الوسواس من الموت صايبتني مع أني أنسان مؤمن بس ماأقدر أسيطر على الشئ هذا شئ خارج أرادتي كنت أسوق وافكر وش لزمتي في الحياة أحس الدنيا ضيقه علي واالشيطان ماخلا لي طريق أحيانا أطلع من غرفتي أركض واقول لام نادر أني هالحين بموت بس بعد شوي أكتشف أني روعتهم على الفاضي وأني مافيني ألا العافيه ماكنت عارف وين أنا رايح بس أكتشفت أني رايح البروامشي على غير هدى XXXXXXXXXXXXXXXXXXXXXXX ناصر اليوم الاخير رحت للوالدة بعد ماخليت حنان عند أمها تطمنت عليها ورجعت لدوامي وفي الفتره هذي تواجهت أنا وحسين اللي علمني بسالفه السحر وعزيزة وانه ندمان وتفاجأة يوم درى أني عارف أنه هو مشترك بالسالفه لانه كان يطلع لي في أحلامي والشيخ يقول لي أنه الرجال هذا هو اللي بيوصل لك للي سحرك بس للاسف يوم دريت عن الصرة كانت عزيزة قد أخذتها وسافرت بس الشيخ أكد لي أني أن شاء الله ماعلي خوف مادامها راحت بس أنتبه منها مع أن الشيخ قال لي أني مو المقصود من السحر بس قررت أبيع البيت وأدور لي بيت ثاني في حارة ثانيه بعيد عن الماضي وابد حياة جديدة مر أسبوع مثل البرق رجعت يوم الاربعاء العصر أجيب حنان خلاص ماصارت وصلت المزرعة وقلطني نادر في المجلس ناصر : وين خالي نادر: طلع مشوار ناصر: متى يرجع نادر : والله مدري ناصر: خلاص ناد خالتي بسلم عليها وخل حنان تجي معها نادر : ثواني XXXXXXXXXXXXXXXXXXXXXX جتني خالتي وسلمت عليها ولحظات وخلت حنان ياربي هذي حنان وألا القمر نور علينا كانت لابسه جلابيه حمراء وطالعه عليها شئ الوجه سبحان الله ينور شعرها على أني ماحب الشعر الطويل معطيها أكبر من سنها بس ماعليه كل شئ على حنان حلو ولايق قربت منا حنان : السلام عليكم ناصر : وعليكم السلام مدت يدها وخميتها بدون شعور وبستها على خدودها وجلستها جنبي وانا أشوف خالتي زاريه علي أم نادر: أخبار أمك ياناصر وانا مو حول الدنيا ناصر: بخير وتسلم عليكم أم نادر : الله يسلمها يالله عن أذنكم XXXXXXXXXXXXXXXXXXXXXXX طلعت خالتي وعلى طول ألتفت لحنان وبستها بسرعه ماانتبهت ألا يوم قالت حنان : ناصر بعد ناصر: حنان وش فيه حنان : خشمي يعورني ناصر: ألتفت لها وركزت في خشمها حنونه ليش لافه على خشمك حنان : راح أقول بس ما تزعل أنا قلت لامي أمس أني مشتهيه تحط زمام بخشمي وهي سوته لي ناصر: ياسلام وبأمر من ورى ماعلمتيني حنان : ناصر أنا حبيته وتوقعتك تحبه بس أصبر لين يتحسن هالحين هو ملتهب ناصر: ومن علمك أنه ملتهب حنان : أمي ناصر : أجل امشي ورى أمك لين يقطعون خشمك حنان : ناصر لاتبالغ ناصر: أصلا أنت مومعبرتني لو معبرتني كان شاورتيني حنان : ناصر الله يهداك ناصر : يالله روحي جيبي شناطك حنان : ماراح تسلم على أبوي ناصر: ماعندي وقت أنا مارقدت من البارح وأمي مخليها في البيت لحالها حنان : ثواني أجل ناصر : أحتريك في السيارة XXXXXXXXXXXXXXXXXXXXXXX طلعت حنان جنبي في السيارة وكان باين على وجهها أنها عندها شئ تبي تقوله ناصر : ها حنان وش عندك حنان : ولاشئ اخذت يدها في يدي وقلت يالله حنونه أعرفك أذا عندك حكي حنان : ناصر ودي أسألك من زمان بس خايفه ماتجاوب علي والاسؤالي يضايقك ناصر : لا أسالي ليش يضايقني حنان : ناصر ليش سفرت الخدامه ناصر: وبس هذا اللي شاغلك أحسب الموضوع أكبر من كذا حنان : بس الموضوع هذا محيرني من زمان وهي عندكم ليش بالوقت هذا سفرتوها ناصر : بساطه لاني أكتشفت أنها تنقل أخبارالبيت لعمال البقاله حنان : معقول بس شكلها هاديه وماتعرف الكلام ناصر : هذا بلا بوك يعقاب موبس العمال حتى الجيران وبصراحة خفت على أمي منها لاتعرف طبيعة علاج أمي وطريقه أستخدامه حنان : أذا كان كذا معك حق ناصر خفف السرعه أنا ماحبها ناصر : كيف نلحق نتعشى مع الوالدة XXXXXXXXXXXXXXXXXXXXXXX فقدت الامل في كل شئ خاصه يوم كسب زوجي الدعوة وقدر يرجعني لبيته فقدت ناصر للابد ماراح أقدر أرجعله لانه باين أنه نساني بعد اللي سمعته من أمه أنه راح ينقل من الحي ويدور مكان أقرب لوظيفته هنا الدنيا كلها تسكرت في وجهي ومالي ألا أجلس عند الجلف زوجي اللي أحسن مافيه أني ماأشوفه ألا بعد شهرين والا ثلاثه أسقريت صح بس ماخذت الشئ اللي حلمت فيه ناصر من كثر ما فكرت فيه احس أنه صار وهم مو حقيقه بس اللي أيقنت فيه أن الدنيا قسمه ونصيب XXXXXXXXXXXXXXXXXXXXXXX مابعـــــــــــــــ أمــــــــــلي ــــــــــــد الامل مازال باقي على فقدي أغلى ماأملك من أحبتي أتي في مقدمتها زوجي وحبيبي ناصرتوفي في حادث مرعب نجوت منه بأعجوبه ولاكني فقدت فيه المسبب الرئيسي ودافعي للزواج طفلي اللذي فقدت في أبشع يوم في حياتي حيث فقدت الزوج والابن والاب كم الانسان مبتلى ماذا بعد دخلت أنا وامي في الحداد وبعدها أنظمت لنا سارة عندما فقدت زوجها والسبب أنفجار في أحدى انابيب الغاز ياربي رحمتك مرت الاشهر الاربعه بطيئه علينا ماعندنا ألا نادرالوحيد اللي أعتمدنا عليه بعد مافكت سارة الحداد تفاجأنا باتصال من حماها سعود اللي طلب سارة للزواج وامي وافقت على طول بعد فترة جا واخذ ولدة وسارة وسافر خالتي أم ناصر كنت أتطمن عليها بين فتره وفترة بس بيوم جاني خبر وفاتها اثرنوبة سكر ماقدرت أروح للرياض لانها بعيدة وخبر الوفاة وصلني متأخر XXXXXXXXXXXXXXXXXXXXXX اتممت عامي الستين وأمي والحمدلله مازالت على قيد الحياة أمي أصبحت مقعدة وفقدت حاسة السمع والنطق نادر تزوج ويسكن بالقرب منا وله من الاولاد مايسد به عين الشمس كما يقول XXXXXXXXXXXXXXXXXXXXXXX ماذا حدث لم تكن عنوستي هي من أوصلتني الى هذا المصير اللذي توقعته امي وأخواتي ان أبقى وحيدة لازوج ولاولد لم أكن أعلم وانا أطاوعهم أني سافقد الاثنين في يوم واحد يال أقداري لم تبقي لي سوى الحسرة والندم ربي اني رضيت بقسمتي ونصيبي فرضني النهايــــــــــــــــــــــــــــــة عرفان نوف بنت نايف لم يكن لقلمي أن يستمر لولا دعمك ووجودك دائما توجهين وتنتقدين حتى ترقى كتاباتي بالمستوى المطلوب لك الشكر والقدير همسه الغالية أرادة حياة وعد لان أكتب عن معاناة حواء وسأدع القلم الانثوي يسطر ماتشعر به قد تتساءلين ما السبب سأجيب دون تحفظ عندما كنت حواء في نظرك كنت من المشجعين والمؤيدين وعندما كشفت أني رجل تراجعتي صدقيني ليس ذما بقدر ماهو عتب أخوي شكـــــــــــــــر اراده أم رنا الحان الوفاء نسمة أمل بقايا روح New Moon بياض الصبح فوز94 نوفاة وكــل اللي مروا من هنا الحرف يعجز أحيانا عن صيغ عبارات الشكر شكرا على التواجد الدائم والمستمر وصدقوني لم تستمر الروايه ألا بتواجدكم قمم الاعالي ظلالي |
بسم الله الرحمن الرحيم السلام عليكم ورحمة الله وبركاته أولاً: مبروك نهاية قصتك وأتمنى ألا تكون الأخيرة ثانياً:حرام عليك ما تصورت إنها تخسر كل شيء في النهاية أجريت دموعنا عليها وهي تتحدث عن حالها وفقدها للسبب الوحيد الذي جعلها ترتبط برجل أصغر منها وبقائها في الأخير لوحدها بعد كل الذي عانته للتخلص من هذا المصير ليس لي ما أقوله أكثر من هذا إلا شكراً ثم شكراً ثم شكراً قمم الأعالي......... شكراً لك كثيراً على ما قدمت لنا وشكراً لأنك أوصلتنا للنهاية دون انقطاع أتمنى لك التوفيق في حياتك دمت بحفظ الله ورعايته |
تسلم يدينك على الرواية بصراحه نهايتها حزينه جدا كنت أتمنى تكون نهاية أحلى من كذا لأن من بداية الأحداث وهم في صراع دون إستقرار في حياتهم أتمنى أشوفك في رواية تحمل قصه جذابة أكثر |
السلام عليكم ورحمه الله
مرحبا اخوي قمم اولا الشكر والفضل لله وحده وماسويت شي يستاهل الشكر وشكرك كان من ذوقك الراقي اخوي القصه متميزه وجميله نهايه للاسف مؤلمه جدااااااااا ليش الحياه قد ماتاخذ تعطي والله فضله وسيع صح رغم زواجها عاشت وحيده بالاخر وناصر كان بار بامه ومحبه لزوجته واخرها فقدوه الله يجيب الصبر والله لايورينا ماشافت حنان ومنيره الف مبروك ختامك للقصه واتمنى لك مسيره طويله للابداع باذن المولى اختك نوف 0 |
تسلم على الروايه الرائعه
على انه نهائية القصه حزنتنى كثير وتمنيت انه حنان تعيش حياتها كلها بسعاده مع ناصر وتجيب عيال تفرح فيهم . الحين عزيزه سبب سحرها لبنت اختها كل حقد على ام نجلاء يادافع البلاء لها الدرجه وصلت الحقد بين الاخوات انى اسحر بنت اختى الل يكفينا شر الحقد والسحر. على العموم روايه رايعه وبانتظار جديدك |
قمم من اول سطر لروايتك وانا متابعه لها اكيد من خلف الكواليس لاكن يشهد الله انني من المولعين بها وان كنت اعيب عليها امر ما لن يكون سوى ان المده بين بارت واخ تكون طويله نوعا ما وقصر البارتات ام الصياغه وفكرة القصة وروعة القلم فقد ملكتها بجدرة وسواء كنت ذكر او انثى فهذا لايقلل من قدراتك بل على العكس كلنا نتمنى ان نبني جيل قادم من الشباب المثقف والواعي والشباب لفظ تستخدم لكلا الجنسين
بانتظار جديدك لولا عتبي على هكذا نهاية الله يهديك كان جوزت حنان لو من قمم الاعالي ماهي حلوة ورزين اش تبي اكثر من كذا رجاء سجل اسمي دوما من متابعين قمم دمت بود اخي |
رووووووعه ،، قصة رائعه بكل معنى الكلمه ،،
على الرغم من نهايتها الحزينه ،، لكن أحداثها غامضه مما أعطى القصه جوها الخاص ،،، الله يعطيك العافيه ،، واتنمى نشوف المزيد من الابداع قريباً ،،، |
مبرروك اتمامك القصه ونهايتها بس حزنت مرررررررره على حنونه وقهرني حسين وعزيزه عسى من كان مثلهم يبيدهم ربي ويخلصنا من شر اللي فيه شر وبانتظار جديدك بس بشرط تكون النهايه سعيده
بالتوفيق اخوي |
القصه متميزه وجميله نهايه للاسف مؤلمه جدااااااااا ,,,,
الله يعطيك العافيه ،، واتنمى نشوف المزيد من الابداع قريباً ،،، |
روايه مميزه قصيره حزينه لك كل الشكر بنتضار جديدك
|
السلام عليكم
اخوي الروايه جميله لكن لماذا الحزن اعرف بان الواقع مليء به لكن لماذا لا يستوطن الامل في كتاباتنا ونشعر الاخرين للامل بقيه وارجو ان يتواجد الامل بحياتنا وحياتك اختك شبيه الريح |
انتي راااااااااااااااااااااااااااااااااائعة هذا اللي اقدر اقوله لكــ
|
تسلم يدينك على الرواية الله يعطيك العافية
وبصراحة ماتوقعت النهاية بتكون كذا .. ونشوفك ان شاء الله في رواية ثانية |
توني مخلصه الروايه صراحه الروايه روعه بس سريعه والاحداث ما اخذت حقها بس اذا كانت هذي روايتك الاولى فماشاء الله لك مستقبل كبير ويارب ما تطول وتكتب روايه ثانيه لان عندك مقومات الكاتب من الاسلوب والافكار والابداع , الله يوفقك اخي الكريم وعساك على القوه.
|
نهاية حزينة كما توقعت
وأسلوبك في الكتابة متفرد عن غيرك الرواية تحدثت عن السحر والحقد والسيطرة والظلم أمراض منتشرة في عصرنا هذا بقوة وكثرة ونسيان الخوف من الله وعقابه بانتظار القادم والاجمل بإذن الله |
اقتباس:
ارادة مشكورة واسف على الدموع ماكان قصدي واحاول ماتكون الاخيرة حسب ظروف عملي والشكر لكم لمتابعتكم |
اقتباس:
مشكورة على المتابعه ومولازم كل شئ نمر فيه يكون حلو وان شاء الله ليش لا |
اقتباس:
نوف بنت نايف تسلمين ومسيرة الابداع حسب الفضاوة وتجدد القلم كنت خير من وقف لجانب الكتاب |
اقتباس:
تسلمين وشهادتك بالروايه أعتز فيها وشرفني تواجدك |
اقتباس:
تسلمين على المتابعه وقصر الاجزاء شئ خارج عن أرادتي والاقتراح الاخير موب شين وشرف لي متابعتك |
اقتباس:
تسلمين على الاشادة وشرف لي متابعة مثلك لما يخط قلمي |
اقتباس:
تسلمين والله يبارك فيك وحسين وعزيزة وجودهم كثير بمجتمعنا |
اقتباس:
الله يعافيك وان شاء الله أقدر اتواصل معكم |
اقتباس:
شكرا للمتابعه |
اقتباس:
شبيه الريح اعدك بامل قادم أن شاء الله عن قريب تسلمين |
اقتباس:
رتاج مشكورة مع أني رجل ولست فتاة |
اقتباس:
الله يعافيك وتسلمين |
اقتباس:
طيوبه مشكورة على المتابعه وان شاء الله ولايهمك والله يقويك |
حاب أقول تعقيب أخير
أني كتبت الروايه وانهيتها لخدمة هدف معين اللي هو أن الزواج في حياة الفتاة مو كل شئ صحيح أن الاولاد والاستقرار مهمين بس في أشياء ثانيه أهم حنان كانت عانس وفقدت الامل في الزواج والعيش مثل باقي بنات أدم بس فجاءة يتجدد الامل وتتزوج وكان ممكن تكون أسرة بس ماأن كتب يعني اللي ماتزوج أوماتزوجت مونهاية العالم الله ماارزق كل من كان له أمل بالزواج به |
يعطيك العافية اخوي على الرواية ,,, ولو ان النهاية حزينه شوي ,, بانتظاار كتااابات جديده لك .. |
السلام عليكم
روايتك جميله جدا بس الاسم غير عن النهايه المفروض يكون اسمها ما للامل بقيه لان كلهم ترملو وين الامل ؟؟؟ لا طفل ولا شي والمسكينه هيام توفت والكل توفو؟؟ ليش التشاؤم هذا كله بالروايه وليه الكل مات فيها؟؟؟ حرام عليك الروايه كانت ماشيه عال العال ليه خليت الامل مفقود للنهايه عندهم وموتهم؟؟ الروايه كانت حلوه كثير بس النهايه ظالمه بقووووه وياريت بروايتك الجايه يكون فيه شويه تفاؤل وسعاده وخصوصا بالنهايات يعطيك العافيه والله يوفقك |
أبصرحة قمة البوئس ليش الحزن هذا
|
في العادة تتميز قصص الادب العربي ان نهاياتها سعيدة :V5N05075: وش اللي تغير بس مااخفيك أعجابي بالقصة روعة اسلوبك فيها ماشاء الله أستمر وبننتظر القادم الاحلى سي يو ذن |
القصةرائعة الله يعطيك العافية وإن كانت النهاية حزينة
|
رواية جميبلة لكن مع الاسف حزينة رغم ان اسمها يدل على الفرح ب
|
رد: للأمل بقيه
شكرااااااااااااااااا ولكن النهاية حزينة
|
رد: للأمل بقيه
حيا الله ادم وحيا قلمه واحنا كاعضاء نتشرف بقراءة روايتك والتي بالمناسبة تعالج موضوعا مهما ودمت مبدعا
|
| الساعة الآن 06:16 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية