|
سلاااااااااااااااااااااااااااااااااااااااااااااااااااااااااا ااااااااااااااااااااام
نفوسه ياقلبي عليك ما ودك تقهرينا وخليتي ماجد يجي بالوقت المناسب جد نفوس لوما جاء ماجد كان نطيت من الجهاز وجريته من شوشته خخخخخ الجزء هذاااااااااا اعتبره بدايه حرب لعبدالله والجوهر موووووووووو انتقام لا حب كل واحد رااح يحازل يخمد ها نشوف راح يقدرون ولا الجواهرة الحين مسويه مااااااااااااا ابي ابس ما ابي اتكشخ بس نوف عرفتلك يااا مره خلي الرجال ما يتندم ابد انه اخذك مع اني اشك انه راااح يحيه هذا الشعور بس لازم توريه هو وش خسر طول السنوات اللي فاتت عبدالله صرااااااااااحه الله يعين الجوهرة عليك ترووووووووع فضلت صديقك على ام عياللك وعيالك الله يعينك يااااااااااااااااااااااااااااا الجواهر على ما بلاك بس الحمد اللله ربك ستر وجاء ماجد الدب لا صااااار حليل الحين................ نوف عليك بامك ولاااااااااااااااااا ترحمينها ابد ................. عزوز مبروووووووووووووووووووك زواج الوالدة خخخخخ من جد هوالوحيد اللي رااااح يرتااااح من سالف هذة لانه هو الوحيد اللي متأثر بفراقها ............... دانه اناااااااااااااااااااا متأكدة انك تحبين سعود بس في سر تخبينه وترورين امك تكرهينك معقوله سوااااااااا سعود شيء لك وهو ماااااااااااااااا يدري راااح نعرفه الايام اللي حااااااااااايه دندون اتوقع سعود راااااااااح تعجبه سالفة تغيير لامسات الغرقة سعود الدب وين مختفي ؟؟؟؟؟؟؟؟؟؟؟؟؟؟ محمد عجبني انهقداااااااام اختك يطلع ويستهبل لاكن يوم جاء عند بنت عمه استحى واحرمها نفوسه قلبي اللع يعطيك العافيه على الجزء العسل اللي مااااااااااينمل منه مذهله يعطيك العافيه على النقل تقبلي مروري |
مشكورين بنااات على المرور الجنااان مثلكم الله لايحرمني مروركم يااارب قدوره ياقلبي على البنت الى تبغي تكتشف شخصياات الرجاال من فوق الى تحت بعدين تقرر >>>يعني في اخر جزء ممكن >>>اسمعي نصيحي لا يطير الرجاال اخذي لج والحمد الله ان زارا عتقتها لي وجه الله يعني مابعد يكون من ضمن المجموعة وخليه في يدج ترى الحساااااااد اكثير الله يبعنا عنهم >>>اسمعي كلام امج يابنتي خخخخخخخخخخخخخخخخخخخ تسلمين قدوره على كلامج العسل مثلج وعقبااال مانتعلق في بنتج الثلاثه ولا نتمنها تخلص خخخخخخخخخخخخخخخخ بس كل اسبوع باااااااارت مذهلة |
أنا حينما فتحت صباحا
لا أنكر أني سعدت بسعادة بالغة وأنا أرى أن عدد القراءات تجاوز 108 ألاف قراءة رغم أنه البارحة كان 98 يعني 10 ألاف قراءة خلال أقل من 12 ساعة اللهم لك الحمد والمنة.. وماشاء الله تبارك الله ولكن حينما رأيت اعتراض القيادة العليا علي شعرت بحزن غامر أنا قد أعاقب أنني أستاذنتكم علنيا بينما غيري يكتب مايشاء دون أن يستاذن ولا أعتقد ان هناك كاتبة حرصت على إظهار روح الحشمة والتدين والحرص على الصلاة والعادات الأصيلة كما حرصت فأنا بذاتي متدينة ولله الحمد والمنة لا أعلم قد ترون أنني طردت قريبا أو شيء من هذا القبيل ويكون الحق معهم.. فلابد من احترام القوانين كان بودي أن أرد على الكل ولكن النفسية تحت الصفر بكثير البارتات الجديدة 43 44 45 بعد الغياب/ الجزء الثالث والأربعون #أنفاس_قطر# أول ماطلعوا عيالهم جواهر ألتفت على عبدالله بغضب ناري: ممكن أعرف أيش معنى الحركة السخيفة اللي أنت سويتها..؟؟ عبدالله قام من جنبها وجلس على كرسي لوحده.. ورد عليها ببرود مثلج: مافيه داعي تسوين فيلم.. سوء تفاهم غير مقصود... المرة الجاية أجيب ماجلان او غارمن متخصص بتحديد مواقع القبلات وفق للأفكار النسائية.. وانا أيش عرفني بخرابيطكم؟؟.. ولا تخافين على الشرف الغالي.. محفوظ....... أنتي عندي مثلج مثل الكرسي اللي أنتي قاعدة عليه.. جواهر بغضب: إحنا موب اتفقنا على عدم التجريح.. عبدالله بهدوء مثلج: عشان نحط النقاط على الحروف أنا ما أضمن لج إنه موقف مثل هذا أو غيره ما يتكرر عشان أبين لعيالنا إنه حياتنا حياة أزواج عادية.. مو كل مايصير شي بتسوين لي فيلم.. جواهر بقرف: وهذا اللي انت جلستني عشان تقوله.. عبدالله ببرود: لا جواهر ببرود أكبر: وطيب؟؟ عبدالله بنفس اللهجة الباردة: لبس مثل اللي أنتي لابسته ما تلبسينه مرة ثانية قدام الناس.. يعني ماباقي شيء ما طلعتيه.. باقي تتفسخين.. جواهر اللي ولع وجهها من الاحراج، لكنها ردت ببرود: هذي غيرة.. أو مجرد فرض سيطرة.. عبدالله ببرود: اعتبريه مثل ما تبغين.. المهم تنفذين.. عبدالله وهو بيطلع... فوجئ بنوف وهي داخلة عليهم ساحبة المصورة الفوتوغرافية: يبه.. يمه.. باقي صورة وأنتو واقفين جنب بعض.. جواهر طفشت خلاص.. وتبي تخلص من عبدالله.. لكن عبدالله اللي كان مستمتع بإحراجها، قال: حاضرين وجذب جواهر بقوة حانية من خصرها ناحيته.. لصقها فيه ويده على خصرها.. كان طولها مع الكعب يتجاوز كتفه بسنتمتر واحد بس.. جواهر حست بيده على خصرها مثل نار تحرقها.. ماصدقت تخلص الصور عشان تدخل لداخل.. وعبدالله يطلع لولده اللي ينطره في الحوش.. ************ أول مادخلت جواهر البنات كلهم نطوا.. عشان يشوفون طقمها ودبلتها والساعة اللي كانت مفاجأة لهم.. وسط صيحات الإعجاب والانبهار والاستحسان بعدها جواهر جلست.. نجلاء نطت تجلس جنبها وهي تهمس في أذنها: والله مذوق أبو الشباب... إلا شأخباره؟؟ جواهر بغضب مكتوم وصوت واطي: الله يأخذه ابو الشباب.. قولي أمين.. نجلاء باستنكار : لا حرام عليج.. خلاص صار ريلج مايصير تدعين عليه.. جواهر بحقد: قهرني واحرجني بشكل ما تتخيلنه.. نجلاء بمودة: لا تلومينه.. من يشوف هالزين ومايخبط المخ عنده... جواهر بصوت واطي: لا من هالناحية لا تهتمين، كان ثلاجة فريزر.. وأنا عنده مثل الكرسي على حد قوله.. نجلاء بعيارة: لا تصدقينه يخرط عليج.. وبعدين شنو هالرجّال يا جيجي.. إحنا قعدنا نطالعه من الدريشة.. صراحة ما أقدر أقول شيء غير مسكت.. مســــــــــــــــــكـــــــــــــت.. والله حتى مسكت شوي عليه.. هذا القاموس كله ما يكفي لوصفه.. جواهر بعيارة: أنتي جاسم مارجع؟؟ نجلاء بحب: بلى فديت روحه رجع.. جواهر وهي حابة تفرفش وتنسى الهم شوي: زين هذاك اليوم في البنك عديتها لج... عشان جاسم موب موجود.. اليوم حدج ما تقربين صوب عبودي الله يأخذه ويرحيني منه.. نجلاء وهي تضحك: على قولت بنت خالج موزة يوم شافته: إن الله جميل يحب الجمال.. وعبدالله يا أختي شيء فوق الجمال بمراحل وايد.. جواهر تضحك: موزة عطته عين.. خلاص راح الدكتور فيها.. موزة اللي نطت جنبهم: سامعة اسمي... الله لا يبيح منكم... لو كنتو جبتو سيرتي بشيء .. إلا تعالي جيجي.. هالرجّال من وين جبتيه؟؟.. أنا خلاص راحت علي.. أخليهم يسوون لبناتي 2 مثله.. خلي بناتي يعيشون.. وبعدين ميلت على أذن جواهر وقالت شيء.. جواهر ولع وجهها منها: أنتي من يوم خذتي غانم وأنتي مضيعة السنع... قومي... قومي من جنبي.. موزة تضحك: عدال.. زين دواج عندي.. ورجعت تميل على أذن جواهر.. وقتها جواهر عصبت.. و قبصتها في ذراعها.. موزة ماسكة ذراعها وتضحك: ول قبصتها والقبر.. بس والله ما خليها لج.. إذا ما استلمتج.. ما أكون بنت أبوي ************* الساعة 3 الصبح سعود داخل بيتهم الهم ماليه.. ماكان يبي يرجع.. هو عارف إن دانة طلعت من اليوم المستشفى.. وأكيد راحت بيت أبوها.. لولا المطر اللي جاء ودخل عليهم في الخيمة، ماكان رجع.. الدوحة بكبرها حاس بضيقه ذابحته منها.. فتح الباب بدون اهتمام.. أول شيء صدمه الريحة اللي هبت عليه أول مافتح الباب.. كانت ريحه بخور مختلطة مع زيوت عطرية..ريحة عذبة ونفاذة.. استغرب من اللي بيبخر غرفته.. وعقب عصب مين اللي تجرأ ودخل غرفته وبخرها بدون ما يستأذنه.. ولع النور اللي كان مطفي..ودخل وهو داخل حس إن الغرفة فيها تغيير كبير.. كوشيات ملونة مرمية على الكنبات.. صحن كرستال فيه ورد مجفف على الطاولة.. مفارش حرير وشنتون هندي على التلفزيون والطاولات.. والأهم الأهم الأهم الأهـــــــــــــــــــــم المخلوق اللي نايم على الكنبة.. حس سعود إن قلبه بيوقف.. وفعلا رجوله ماكانت قادرة تشيله.. فجلس على الكرسي المقابل للكنبة وهو يطالع في دانة اللي كانت مستغرقة في نوم عميق.. ومتغطية موب باين منها إلا وجهها.. جلس سعود وقت طويل.. زمن طويل ما ينحسب بالدقايق أو الساعات..زمن مسروق من عمر الفرحة اللي هزته بعمق.. كان متخيل أي شيء أي شيء.. إلا أنه يلاقيها قدامه.. "لا وأنا اللي ما كنت أبي ارجع" جلس يتأمل وجهها يبي يشبع منه.. بس كان كل ما يطالع فيها أكثر.. كل ما يحس إن شوقه لها أكبر واكبر.. أخر شيء قرر يسحب نفسه ويقوم.. عشان يأخذ شاور ويبدل ملابسه.. دخل غرفته وكانت صدمته أكبر.. وأكبر.. المفرش الراقي المفروش على السرير مع العديد من المخدات بمختلف الأحجام.. الأغراض المرتبة على التسريحة.. عطورها ومكياجها على جنب، وتركت عطوره على جنب صغير جدا بعد ما تعبت التسريحة بعلب لا حصر لها .. وأهم شيء على التسريحة: صورة لها في برواز.. حس قلبه بيوقف وهو يطالع الصورة كانت صورتها في مناسبة بفستان سهرة.. حس في قلبه بعذاب صارخ لمنظرها اللي هزه بعنف.. كان سعود مستمتع وهو يسكتشف أغراضها اللي أعطت للغرفة زخم أنثوي حميم.. راح للدولاب عشان يطلع فوطته وملابسه.. فوجئ بملابسها تحتل الدولاب.. عصب: "وملابسي وينها؟؟" فتح الناحية الثانية من الدولاب.. لقى ملابسه الداخلية مصفطة ومرتبة بتنظيم شديد ، وثيابه وغتره وبدله العسكرية معلقة بنظام.. حس سعود بألم عميق في قلبه مايعرف له سبب... ورجع يفتح الدولاب اللي فيه ملابسها.. يتلمسها بحنان وهو ومايعرف سبب الحزن الغريب اللي غزا قلبه.. حط بيجامته على السرير.. وخذ فوطته ودخل الحمام.. اعتقد إنه يدخل حمام غير حمامه.. طقم الحمام الراقي بذوق أنثوي بأكسسوراته الكثيرة على المغسله... وفوطه، وسجاجيده الصغيرة المفروشة على أرض الحمام..وسلة الغسيل.. وسلة المهملات.. بقرب المغطس الكثير من علب الشامبو والكريمات والجل والغسول ..أشياء عمره ماشافها ولا اهتم فيها.. سعود في داخله تساؤل محموم ومؤلم: بما إنه جابت أغراضها كلها.. ونثرتها بهذه الطريقة في كل الغرفة، هل معنى هذا إنها قررت إنها تقعد معي؟؟ الأمل في قلب سعود كان كبير.. لكنه ماحب إنه يخلي هذا الأمل مفتوح.. لأنه يعرف عناد دانة، ومايعرف شاللي ممكن يدور في رأسها.. ***************** قبل ذلك حوالي الساعة 12 في بيت جواهر.. أم فهد استاذنت.. وموزة عشان عيالها.. ونجلاء عشان حمودي.. وشمسة والعنود اتصلوا فيهم فهد وطلال وكانوا يطلعون.. وحصة ونورة بعد ماشافوا الكل بيروح.. قرروا يستاذنون.. جواهر متوترة لأقصى حد.. نوف اتصلت في أبوها: يالله باباتي.. نمشي؟؟؟ الكل راح.. جواهر من سمعتها تكلم أبوها قلبها وقف.. طلعت تغير ملابسها.. قبل يجي عبدالعزيز.. لبست تايور أخضر لونه مناسب لتسريحتها ومكياجها.. كانت تبي عبدالعزيز يشوفها متأنقة ومتألقة.. عشان يحس إنها مبسوطة.. وما يحاتيها.. نزلت جواهر عبايتها على يدها.. كان عبدالله وعياله وأخوها قاعدين تحت ينطرونها.. نوف صارت لابسة عبايتها.. كانت تنزل بثقة رغم إن داخلها يذوب توتر واضطراب ماتعرف أشلون تسيطر عليه.. غصبا عنها كان نظرها وهي تنزل مركز على عبدالله اللي كان يطالعها ببرود.. أول ما وصلت نط عبدالعزيز يحضنها.. ويبارك لها.. كان نفسها تبكي في حضن عبدالعزيز.. لكنها مستحيل تسويها قدام عبدالله.. عبدالعزيز يوجه كلامه لعبدالله بتاثر: عبدالله تكفى.. وصاتك أم عبدالعزيز.. عبدالله بمودة وثقة: في عيوني يا بو منصور.. نوف لأخوها: عزوز قوم جيب شنطة أمي من فوق.. سيارة عبدالله البنتلي واقفة في الحوش قدام باب البيت على طول.. جواهر لبست عبايتها ورجعت تحضن عبدالعزيز.. وقتها ما قدرت خلاص.. بكت وبعنف : حبيبي فديتك لا تنسى تتسحر الأيام اللي تصوم فيها.. ولا تاكل حبوب بنادول وايد.. ولازم أشوفك كل يوم.. عبدالله اللي تأثر بشكل كبير.. طلع عشان يخليهم على راحتهم.. وراح لسيارته وشغلها ينتظرهم.. بعد دقايق طلعت جواهر وعيالها.. نوف فتحت الباب اللي ورا وركبت.. وعبدالعزيز جاء بيركب جنبها.. بس أمه مسكته من يده : يمه مايصير أنت الرجّال تركب ورا.. اركب جنب ابوك.. عبدالعزيز بحب: أنتي اليوم عرسان مايصير نخرب عليكم.. بس جواهر أصرت وركبت ورا.. ركبوا كلهم.. وعبدالله حرك سيارته.. في الوقت اللي كان عبدالعزيز الكبير.. يطالعهم مع الدريشة وحزن كبير وعميق يغتال مشاعره #أنفاس_قطر# |
بعد الغياب/الجزء الرابع والأربعون #أنفاس_قطر# هذه الليلة رجلان.. حياتهما كانت جافة دون وجود لمسة أنثوية.. يغتالهما الوجود الأنثوي فجأة.. وبكل الزخم.. أحدهما يذوب شوقا حقيقيا .. والأخر يتجمد برودا مصطنعا .. عائلة عبدالله بعضوها الجديد تصل لبيت عبدالله.. نوف أول مادخلت: واي مامي تعبانة موووووت... أبي أروح أنام.. عشان أصحا الصبح أدرس شوي.. قالتها نوف وهي تطلع الدرج فعلا.. عبدالعزيز وأبوه دخلو وراهم.. وعبدالله شايل شنطة جواهر.. عبدالعزيز أستأذن بعد ماحضن أمه بقوة.. وحبها على راسها وكتفها ويدها: أنا بعد ميت تعب.. أبي أنام.. وخل العرسان يأخذون راحتهم.. جواهر ظلت واقفة متوترة بعبايتها ونقابها.. عبدالله واقف قريب منها والشنطة بجنبه.. تناول الشنطة، وقال لها ببرود: جواهر إحنا صرنا في البيت.. جواهر بحرج خلعت نقابها.. ونزلت شيلتها على كتفها.. وقالت بحرج: عفوا عبدالله على السؤال.. بس أنا وين غرفتي..؟؟ عبدالله بنظرة ساخرة: وين بتكون يعني؟؟ اتبعيني.. عبدالله طلع الدرج وهو يشيل بخفة شنطة جواهر الضخمة..وجواهر وراه.. وصلها عبدالله لغرفته الشاسعة اللي عبارة عن 3 غرف مفتوحة على بعضها.. غرفة نوم.. وجلستين مختلفة وحدة منهم فيها تلفزيون بشاشة سينمائية والثانية فيها طاولة كمبيوتر كلها زجاج..عليها كمبيوتر موديل حديث جدا بشاشته البلازمية الضخمة.. حمام ضخم يفتح على صالة التلفزيون.. وغرفة تبديل ملابس واسعة.. جواهر عرفت بنفسها إنه هذي غرفة عبدالله قبل ماهو يقول.. حست إحساس الترجيع يرجع لها وبعنف.. هالمرة خلاص ماقدرت.. لأنها كانت شربت عصير تحت إلحاح نجلاء قبل حوالي ساعة.. يدها على فمها: وين الحمام؟؟ عبدالله وهو مستغرب أشر لها عليه: ركض للحمام وترجيع على طول.. عبدالله المصدوم واقف على باب الحمام المفتوح يسرق عينه المصدومة لها.. وهو يسمع صوتها تكح وترجع.. بيده كأس ماي وفوطة.. طلعت جواهر تناولتها منه بخجل.. وفي عيونه نظرة لوم وحزن.. عبدالله بحزن: لو سمحتي جواهر... اتبعيني.. عبدالله راح وجلس على الكنبة..جواهر جات وجلست مقابله.. عبدالله بحزن عميق حاول يدفنه تحت بروده المعتاد بس ما قدر: جواهر أعتقد إني ومن قبل زواجنا.. بينت لج إني ما ابي منج أي شي من اللي ممكن يدور في بالج.. والله ما أبي شي.. أرجوج جواهر لا تحسسيني إنج قرفانة مني لهالدرجة.. مهما كان أنا أبو عيالج... خلينا نتعامل مع بعض باحترام عشان عيالنا.. جواهر ردت بنبرة محايدة: أحاول.. هذي 17 سنة يا عبدالله كان حقدي عليك فيها يتزايد ويتزايد لحد ماخنق روحي.. لا تتوقع إني ممكن اتقبلك ببساطة.. عبدالله بذات النبرة المحايدة: أنا ماطلبت منج تتقبليني أو تحبيني.. بس احترميني على الأقل.. أنا الحين زوجج وقبلها أبو عيالج جواهر بذات النبرة: قلت لك عبدالله أحاول والله أحاول.. وبعدها كملت جواهر بصوت واطي: ممكن أخذ شاور الحين لو سمحت لي.. عبدالله بهدوء غريب: تفضلي.. **************** سعود طلع من الحمام.. لبس ملابسه.. صلى ركعتين.. وعقب..راح وجلس على الكرسي المقابل لدانة.. كان يبي يطالعها وبس.. يبي يملا عينه منها.. يبي يعبي روحه من ملامحها.. عمر سعود ما تخيل إنه ممكن يحب.. ويحب بهذا العنف الموجع.. كان بيموت يبي يقرب منها .. يلمس خدها.. يمسك يدها.. يستنشق عبير شعرها.. أي شي ممكن يبرد شوي من نار الشوق المستعرة في أحشاءه.. لكنه أكتفى بالجلوس صامت مكتفي بمتعة مراقبتها **************** جواهر طلعت من الحمام.. ملتفة بروبها وفوطتها.. وهي تشعر بحرج شديد من عبدالله.. لكنها طلعت فوجئت إنه غير موجود في الغرفة.. جواهر بدلت ولبست بيجامة حرير مشجرة بخطوط جلد النمر.. لبست فوقها ثوب الصلاة.. وصلت التهجد.. وهي تدعي ربها بكل صدق.. إنها تتقبل وجود عبدالله في حياتها عشان عيالها.. خلصت جواهر الصلاة.. وعبدالله بعده مختفي.. باقي على أذان الفجر حوالي نصف ساعة.. قضتها جواهر في قراءة القرآن.. لما أذن الفجر راحت تصحي عيالها للصلاة.. عبدالعزيز راح للمسجد.. ورجع.. وعبدالله بعده مارجع.. جواهر كانت تبي تسأل عبدالعزيز لوكان أبوه معاه في الصلاة.. لأنها عرفت من عبدالعزيز قبل.. إن عبدالله مايفوت أي صلاة في المسجد وخصوصا صلاة الصبح.. بس حست اولا إن السؤال ماله داعي(إن شاء الله مارجع.. أنا وش يهمني؟؟) ثانيا: ماحبت تقلق عزوز على أبوه.. رجعت جواهر لغرفتها.. تمددت على السرير.. لكن غصبا عنها ماجاها نوم.. وهي مو عارفة عبدالله وين راح.. حست إن الذنب ذنبها.. وكانت تبي تتصل فيه تسأل عن مكانه.. وكانت على وشك إنها تسويها لما سمعت باب الغرفة الرئيسي ينفتح.. (حمدت ربها إنها ماسوتها) جواهر سوت حالها نامت.. لكنها عقب خطر ببالها شيء خرعها.. (أنا جيت ونمت على السرير.. وما سألت عبدالله وين يبي ينام، ياربي..خلاص الحين ما ينفع.. انا سويت حالي نايمة) عبدالله اللي قضى الساعات اللي طافت على الكورنيش في هذا البرد.. وصلى في مسجد هناك.. ودار في الشوارع شوي بسيارته.. يحاول يبعد عن تفكيره منظر جواهر وهي ترجع من قرفها منه.. المنظر اللي هزه وجرحه لأبعد حد.. عبدالله دخل وخذ له شاور.. لبس بيجامته.. جا بينام.. لقى جواهر نايمة ومعطيته ظهرها.. جا بيرجع (بأنام على الكنبة، أخاف تصحا تلقاني جنبها ترجع علي........ وإلا ليش انام عالكنبة.. باظل عمري كله أنام على الكنبة.. بكيفها...... مصيرها غصبا عنها تتعود علي وعلى وجودي) جواهر اللي حست بحركة على الطرف الأخر من السرير.. حست بتوتر قاتل وخوف غريب.. لكن رغبة الترجيع كانت اختفت بالمرة (ياربي أشلون أنام الحين.. وهذا قريب مني كذا.. ؟؟ السرير كبير وايد.. نامي يا جواهر أنتي موب مراهقة وهو موب شاب متهور.. عشان تخافين من نومتج معاه بسرير واحد..) الأثنين قضوا وقت طويل وهم صاحين كل واحد منهم يعبث به توتره ويأسه.. لكن في الأخير ناموا وإحساس التعب يغلق الأعين الساهرة.. **************** دانة صحت قبل أذان الفجر بشوي.. كانت تبي تروح للحمام.. فتحت عيونها فوجئت إن النور مولع رغم إنها طفته امس.. وفوجئت اكثر بل انصدمت: لما شافت سعود نايم وهو جالس على الكرسي قبالها.. (هذا شاللي نيمه هنا؟؟) كانت تبي تصحيه ينام داخل.. بس استحت.. تركته نايم ودخلت الحمام... وهي في الحمام سمعت صوت الآذان.. توضت وطلعت برا وهي تنشف وجهها ويديها بالفوطة.. نزلت الفوطة عن وجهها عشان تتفاجأ اكثر بسعود واقف مقابلها يراقبها بتمعن غريب.. استحت دانة غصبا عنها من نظراته.. (وش فيه هذا يخزني كذا؟) دانة تجاوزته تبي تروح لسجادتها في الصالة.. وقفها صوته العميق وهو يقول :دانة.. دانة بتردد وهي معطيته جنبها: نعم.. سعود بلهجة محايدة: أشلونش الحين..؟؟ دانة: الحمدلله احسن.. لما شافته سكت.. كملت طريقها لسجادتها.. في الوقت اللي سعود تنهد.. ودخل الحمام وهو يقول لنفسه (غبي وبتقعد طول عمرك غبي.. ولا تعرف تتصرف) توضأ وطلع وهي بعدها تصلي.. لبس ملابسه وراح للصلاة.. ********** دانة ماحبت تواجه سعود وتأجل المواجهه لوقت ثاني.. فقررت إنها تخلص صلاتها وتمدد على كنبتها وتتغطى قبل يجي سعود.. دانة نفذت قراراها بسرعة.. سعود اللي رجع من الصلاة بسرعة.. تفاجأ بدانة متغطية موب باين منها شيء.. لأنها خلت وجهها هو الي ناحية الكنبة سعود حس بخيبة أمل كبيرة.. (مهيب طايقة تطل في وجهي أو حتى تتكلم معي....... من زين علومك تتكلم معك.. مابعد نشف الحبر اللي انكتب فيه عقد زواجكم.. كنت معطيها ذاك الكف المحترم.. ويعني الكلام اللي هي قالته ذاك اليوم كلام ينقال يعني..؟؟ ليه حتى تعبيرها عن الرفض مرفوض.. بعد ما غصبوها عليك..؟؟) سعود المحتار والمتردد والجاهل في طريقة التعامل مع الجنس الآخر.. كان يتمنى يعبر عن مشاعره لدانة.. يحاول يجذبها لناحيته.. ويصفي قلبها المليان حقد عليه.. بس مشكلته.. مـــــــــــــا يـــــــــــــــــعـــــــــــــرف.. *************** الساعة 9 صباحا غرفة عبدالله عبدالله صحا من النوم رغم إنه يمكن مانام إلا ساعتين.. بس هو أصلا متعود على قلة النوم والقيام بدري.. صحا من النوم وهو خالي الذهن ناسي الضيف الجديد اللي نايم جنبه.. فتح عيونه وكان وجهه ناحية الكوميدينو... تناول الساعة اللي جنبه يشوف الوقت.. جلس ومدد يديه.. وتلفت .. تفاجأ بالملاك اللي نايم جنبه ووجهه ناحيته.. أمس اللي كان أول مرة يشوفها.. شافها بالمكياج الكامل.. والشعر المرفوع.. لكن اليوم وجهها خالي تماما من أي مساحيق.. وشعرها الحريري مطلق العنان يعانق وجهها.. الغطاء لخصرها وبيجامتها النمرية تعكس ذوقها الرفيع بتناسقها مع لون بشرتها الصافية.. حاول عبدالله يصد ويفر وجهه بس ماقدر وغصبا عنه لقى نظراته سجينة ملامحها.. عبدالله رجع يتمدد وهو مسند راسه على كفه..وجهه ناحيتها.. اليوم حس جمالها أكثر من مبهر.. أكثر من موجع .. (شنو هالأنثى؟؟ معقولة فيه حد بهالجمال.. الفتنة.. البراءة.. والأثارة في نفس الوقت؟ حتى ولو عبدالله.. حتى ولو.. جواهر مو لك.. وانت وهي اللي أتخذتم هذا القرار.. بس إحنا ما أتفقنا إن النظر ممنوع.. مين يقدر يشوف هالجمال نايم جنبه.. ومايطالع.. ارحم نفسك شوي يا بو عبدالعزيز.. مهما كان انت رجّال..) عيون عبدالله تطوف بملامح جواهر وتمسح ملامحها بدقة متناهية.. وهو غارق في أفكاره اللي تبدأ من جواهر وتنتهي بها.. تذكر منظرها أمس وهي ترجع.. حس جرحه يتجدد.. ووجهه يلف للناحية الثانية.. بعدها عبدالله قام من سريره للحمام.. يأخذ شاوره الصباحي.. رغم ان الشاور اللي قبله ماكمل 3 ساعات.. جواهر صحت بعد دقايق.. عبدالله مو موجود.. لمست مكانه.. (بعده دافئ يعني توه صحا.. أكيد في الحمام).. حمدت ربها أنهم ماصحوا مع بعضهم.. توجهت للصالة وفتحت التلفزيون على أخبار الـbbc تنطر عبدالله يطلع.. عشان تدخل الحمام هي .. بعد دقايق عبدالله طلع بطوله الفارع وفوطته ملفوفة على خصره وقطرات الماي تنزل من شعره المبلول لتلمع على عضلات صدره وزنوده النافرة.. شاف جواهر جالسة.. قبل مايبدر من جواهر أي تصرف.. عبدالله رجع مرة ثانية للحمام.. وطلع هو لابس روب.. وينشف شعره بالفوطة.. جاء يمشي ناحية جواهر ومنظرها وهي جالسة بيجامتها وشعرها المسترسل على أكتافها.. وبشرتها الخرافية.. شيء أشبه مايكون بالعذاب الموجع لأقصى حد جاء وجلس على الكرسي الثاني و قال بابتسامة: عشان تعرفين أني مؤدب..... : الروب هذا أول مرة ألبسه.. ابتسامته عذبة.. وحلوة..وأسنانه رائعة أول مرة تشوف جواهر ابتسامته .. اول مرة من يوم عرفته من 18 سنة.. تذكرت تعليقها وهي نجلاء على الموضوع فضحكت.. غصبا عنها.. عبدالله سمع ضحكتها.. حس قلبه طاح في رجوله.. وكأنه أصيب بما يشبه الحمى.. وإن حرارته على وشك إنها تتجاوز الـ45... جواهر بابتسامة وهي تقوم: طيب يا مؤدب.. أنت خلصت شاورك.. خليني أنا بعد أخلص.. عبدالله ماقدر يرد عليها.. حس أعصابه فالته منه.. وجواهر تجاوزته.. ودخلت الحمام.. وهو لما تاكد إنها دخلت.. جلس يهف على روحه من الحرارة اللي هو حاسس إن جسمه ولع منها.. #أنفاس_قطر# |
بعد الغياب/الجزء الخامس والأربعون
#أنفاس_قطر# أم فهد قاعدة في صالتها عند دلالها تتقهوى.. وعندها موزة اللي بناتها ناموا قبل يجي أبوهم البارح.. فخلاهم اليوم على أساس يجيهم الصبح إذا صحو.. أول حد صحا حصة اللي نزلت ووراها نورة.. الثنتين سلموا على أمهم.. وقعدوا موزة بعيارة: واختكم الكبيرة مالها سلام.. نورة بعيارة: والله أختنا الكبيرة قارفتنا في عيشتنا.. تقعد عندنا اكثر ما تقعد في بيتها.. زين غانم صابر عليج للحين.. وماقال خلاص اقعدي في بيت هلج مرة وحدة.. موزة وهي تضحك: زين خل نشوفج لا عرستي.. لا أجي وألاقيج عند أمي.. طردتج برا البيت.. نورة بعيارتها: ومن قال أصلا بأطل في وجهج أنتي وإلا أمج مع احترامي البالغ للسيدة الفاضلة أم فهد.. ما ابي حد غير عزوزي.. عزوزي وبس.. أم فهد مدت عصاها وخبطت نورة على رجلها: أنتي يا بنت ما تعرفين السحا.. قومي انقلعي فوق.. ما أبي أشوف وجهج.. في الوقت اللي موزة انفجرت تضحك.. وحصة تبتسم بخجل نورة قامت ونطت جنب أمها تبوس رأسها: أفا يا أم فهودي أفا.. كذا تشمتين مرت غوينم فيني أنا بنتج حبيبتج.. خل الضرب والمضارب إذا راحوا العوازل لبيتهم.. كفخيني على كيف كيفج حلالج.. أم فهد صدت عن نورة اللي أصلا ما تقدر تزعل عليها: موزة يا أمج.. حتى لو رحتي لبيتج.. نبي نروح العصر لجواهر في بيت رجلها نسلم عليها.. نورة وحصة مع بعض: يمه وإحنا بعد نبي نروح بس أنتو يعني اللي تبون تسلمون على جواهر.. أم فهد بعصبية: نعنبو أصبروا على رزقكم.. زين بتروحون راحت روح العدو... موزة تميل على أذن نورة بصوت واطي: شفتي رجل جواهر البارح؟؟ نورة بعيارة: صراحة شيء خارق للعادة.. كنه شيء موب حقيقي أو بطل في التلفزيون مسوين له خدع سينمائية ومكياج عشان يطلع بذا الشكل لانه مستحيل رجّال حلو بهالطريقة.. والله حتى اللي في التلفزيون عمري ماشفت حد منهم مثله.. موزة بخبث: على طاري رجل جواهر..ذكريتني بجواهر.. لها دين في رقبتي.. موزة طلعت موبايلها وكتبت مسج وبعثته لجواهر.. جواهر وقتها كانت في الحمام عبدالله خلص لبس وكان بيطلع يشوف عياله.. رن موبايله على التسريحة رنة مسج.. فتحه بسرعه.. تفاجأ إن المسج من وحدة اسمها موزة ولجواهر.. والكلام اللي فيه كلام ماينقال.. عبدالله غصبا عنه ابتسم واستغرب.. (المسج هذا أشلون وصلني..؟؟) تفاجأ اكثر لما اكتشف إن الموبايل اللي في يده موب له.. وموبايله بعده على الكوميدينو جنب السرير.. كان موبايله وموبايل جواهر نفس النوع واللون بالضبط.. عبدالله رجع يقرأ المسج.. ابتسم أكثر.. ورجع الموبايل لمكانه.. ************* عبدالله اللي راح ولقى عياله نايمين رايحين في النوم.. نزل تحت وطلب من العمال يغسلون سيارته وينشفونها بسرعة عشان هو يبي يطلع.. لف في الحديقة شوي عشان يشوف أشلون ترتيب العمال واهتمامهم فيها.. وبعد نص ساعة رجع كانت جواهر خلصت لبس.. وتبي تروح تشوف عيالها.. كانت لابسة تايور احمر سادة بنطلون رسمي واسع شوي.. وجاكيت ماسك طويل بدون أكمام أزراه صغيرة ومتراصة تتسكر من الجنب.. تحته بدي ماسك كم طويل هاي نك مشجر باللونين الأبيض والأحمر..وصندل ابيض كعب عالي.. مشطت شعرها.. وحطت روج أحمر بس.. وماكانت محتاجة أصلا لشيء أكثر من هذا كانت جالسة على التسريحة ووقفت لماشافت عبدالله دخل.. وعبدالله حس قلبه بيوقف لما شافها وقفت.. كل مرة يشوفها يعتقد إنها أحلى من المرة اللي قبلها.. وكل مرة يحس إن شكلها وطلتها وابتسامتها.. مصادر عذاب وتعذيب غير محتمل.. وكله ولا ضحكتها.. كل شيء كوم وضحكتها اللي يوم كوم.. عبدالله تجاوزها .. وحاول يبين إنه مشغول باخذ شيء من الدولاب.. جواهر جات بتطلع، سألها عبدالله كأنه غير مهتم: وين بتروحين؟؟ جواهر بهدوء: باروح أشوف العيال.. عبدالله بهدوء: نايمين توني جيت منهم.. جواهر بخيبة أمل: كنت أبي اشوف لو صاحين جلست معهم.. عبدالله بنبرة عتب خفيفة: وأنا ما أستحق إنج تجلسين معي جواهر بحرج خفيف: ما قصدت.. بس عبدالله قاطعها بحماس خفيف: تجين نطلع أريقج في أي فندق تبينه..؟؟ جواهر استحت.. واصلا ماكانت تبي تطلع معه: مافيه داعي عبدالله.. عبدالله يحس إن اسمه من بين شفايفها يكون له طعم وجرس غير: والله جواهر أن قعدتي حلوة.. بشهادة الكل.. مافيه داعي تخلين حساسيتج ناحيتي تحضر كل وقت.. على الأقل خلينا أصحاب..ألبسي عباتج خلينا نطلع.. العيال نايمين ماراح يصحون قبل الظهر.. وأنا ما تعودت أقعد في البيت هالحزة.. البنك معطيني إجازة أسبوع .. والمؤسسة بأروح لها العصر.. جواهر باستفسار: أنت عندك مؤسسة؟؟ عبدالله بابتسامته اللي بدت جواهر تستظرفها كثير: عندي مؤسسها تحتها عدة شركات، أمشي معاي ونمر على مقرها تشوفينها من برا.. وأقول لج كل شيء وإحنا في الطريق.. جواهر ما حبت تعقدها (الرجّال لطيف جدا ومحترم معي، خلينا نطلع نغير جو) : خلاص عطني دقيقة ألبس عبايتي.. عبدالله بتحذير: عباية مسكرة موب مفتوحة .. جواهر بابتسامة : أكيد مسكرة... عبدالله : زين أنا ناطرج في السيارة **************** عبدالله في سيارته جواهر نزلت وطلعت لعبدالله اللي واقف برا.. قربت من السيارة وقفت محرجة شوي وين تركب... عبدالله فتح الدريشة يكلمها: لا تكونين واقفة تشاورين مخج تركبين ورا.. لمعلوماتج أنا رجلج ماني بسواقج.. جواهر انحرجت وركبت معاه قدام.. عبدالله مبتسم: حيالله ام عبدالعزيز.. تو مانورت سيارتنا المتواضعة.. جواهر وهي تبتسم وتتلفت حواليها: سيارتك ممكن ينقال عنها أي شيء إلا أنها متواضعة.. التواضع في صوب وهي في صوب.. عبدالله بثقة ورجولة: والله إنها جاتج.. جواهر بابتسامة: يعني بتخليني أسوقها.. عبدالله يضحك: لا لا لا تضربين تحت الحزام.. أنا بجيب لج سواق من أحسن سواقين المؤسسة.. والبيت مليان خدامات اختاري اللي تبين منهم ترافقج على طول.. جواهر كانت مفكرته يمزح معها في سالفة إنها عطاها السيارة اللي كانت بنتلي فول أوبشنز أخر موديل... لها شهر واحد فقط عند عبدالله قالت بمرح : خلاص إذن ما أبي سيارتك.. دام بيسوقها سواق.. خله يسوق سيارتي.. عبدالله با بتسامة: انا ما أرجع هديتي.. من بكرة السيارة وسواقها تحت امرك.. وأنا اليوم بأشتري لي سيارة غيرها.. جواهر كحت بحرج: لا عبدالله لو سمحت.. لا تحرجني.. انا مشيت معك في السالفة أحسبها مزح.. عبدالله بثقة: وأنا ما أمزح.. خلاص الموضوع ما يستاهل.. أنا أصلا كنت أبي اجيب لج سيارة.. جواهر بحرج: بس عبدالله سيارتي جديدة، وبعدين مو تعطيني سيارة مثل سيارتك هذي وبذي القيمة..و لو سوا عليها السواق حادث لاقدر الله..؟؟ عبدالله بود: فدوة لراسج.. جواهر (لحول وش ذا البلشة.. الأخ شكله صدق روحه): مشكور.. بس اسمح لي ما أقدر أقبلها.. عبدالله اللي كنه بدأ يعصب.. بس مازال متماسك: جواهر أنا زوجج.. ويوم أهدي لج شيء.. مو من الذوق إنج تقولين اسمح لي ما أقدر أقبلها.. جواهر بحدة: مو كنك زودتها يا عبدالله.. وصدقت نفسك.. عبدالله تنهد وخذ نفس عميق: تدرين خلينا نأجل النقاش في هالموضوع اللي ما أعرف خلاج تعصبين كذا ليه.... أي فندق تبين تروحين؟؟ جواهر اللي كانت محترة منه.. وكان خاطرها تنزل لو أنها ما كانت السيارة تمشي..: كيفك.. عبدالله: نروح الريتز.. قعدتهم حلوة.. ******************* الساعة 10 ونص الدانة صحت من النوم.. قامت بشويش.. تتسحب تبي تشوف سعود على الجبهة الثانية نايم أو صاحي.. لقته نايم بس بدون مايخرب المفرش.. نايم عليه ومتغطي بفروته.. (وجه الفقر ما تعود ينام في مفارش مثل العالم والناس... حده سليب باق العسكرية) جات تبي تشغل السخان عشان تتحمم.. بس لقت السخان مشغل.. غصبا عنها ابتسمت.. وكانت بتضحك.. بس كتمت ضحكتها: يا حليله تأدب من المرة اللي فاتت.. دخلت الحمام روبها وفوطتها في الحمام معلقين من أمس.. سعود اللي نومه خفيف جدا.. صحا من لما سمع صوت باب الحمام ينقفل.. بس ماحب يقوم من السرير لحد هي ما تطلع.. حب إنها تأخذ حريتها شوي.. سعود اللي قاعد متمدد وهو خلاص مافيه نوم..(نعنبو.. ساعة تتسبح.. هذي لا تكون ساحت في الحمام) دانة طلعت بشويش.. وقفلت باب الحمام بشويش.. وفتحت باب الدولاب بشويش.. وطلعت ملابسها بشويش.. وسعود بيموت من الضحك على شكلها وهي تتسحب عشان ما تصحيه.. وهي مو منتبهة له.. رجعت للحمام ولبست هناك.. تنورة غجرية ستايل وبلوزة بدي ماسك لونهم خليط من البني والذهبي.. جات للتسريحة تبي تمشط شعرها المبلول.. طلعت مكواة السيراميك عشان مالها صوت.. جلست تحط ميكب خفيف تنطر المكواة تسخن.. وبدت تستشور شعرها اللي أصلا كان أقرب للنعومة فخلصت بسرعة.. وسعود مستمتع بمراقبتها وهي مو منتبهة له.. كانت تقريبا خلصت لما سمعت صوت الآذان.. (الآذان أذن والأخ بعده نايم.. خلني أصحيه) قربت بشويش منه : سعود سعود.. الأذان أذن... سعود كان بيموت وهو يسمع اسمه منها بهالعذوبة.. فمارد عليها مسوي روحه رايح في النوم.. قربت زيادة وهي تقول: سعود سعود.. أصحا الله يهداك.. الأذان أذن.. الحق الصلاة.. مارد عليها.. دانة وهي تضحك: شكلي لقيت واحد نومه اثقل من نومي.. سعود عجبته الفكرة..في نفسه: (ليش لا.. نومي ثقيل.. خليه ثقيل..) دانة قربت من سعود: وهزت كتفه بشويش: سعود.. سعود.. سعود اللي قال لروحه: أنا نومي ثقيل.. وهل على النائم حرج..؟؟ مسك يد دانة اللي كانت تهز فيها كتفه.. وسحب دانة من يدها جنبه.. *************** عبدالله وجواهر راجعين.. بعد ما تريقوا في الريتز.. كان بينهم حديث منسجم.. جواهر غصبا عنها.. لقت نفسها مستمتعة جدا بجلسته.. حست نفسها أميرة وهي معه.. يفرض هيبته واحترامه على الكل.. حضوره يفرض نفسه في المكان مثل ماشافت بنفسها من اهتمام الكل فيه.. عنده كاريزما غير طبيعية.. والعين ما تشبع من تكرار النظر له وهو يتكلم.. ألتواء شفايفه وقوة فكه وهو يتكلم شيء أكثر من ساحر.. متحدث لبق جدا لما يكون رايق.. ثقافته واسعة.. تكلموا في أشياء وايد.. في السياسة والاقتصاد..والسياحة والشأن الداخلي.. وفي كل موضوع كان يتكلم بثقة العارف.. غصبا عنها غصبا عنها: بهرها بشخصيته .. اللي كانت اول مرة تتعرف عليها عن هذا القرب.. جواهر لنفسها ( جواهر عادي انعجبي فيه كشخصية.. بس أحفظي حدودج معه كرجل وزوج) عبدالله على الجانب الأخر.. كان يقول لنفسها: ( مو لسان حية على طول.. يا حلوها وحلو كلامها وهي مروقة...) أول مرة يحس إنه فيه أنثى ممكن تكون ند له.. ثقافتها حضورها.. لباقتها.. عجبها كثير فلسفتها للاشياء.. بهرها نبره صوتها.. وطريقة كلامها.. وصياغتها لجملها وهي تخوض في كل نقاش بهدوء غريب ناضج.. وصلوا للبيت بدون مايحسون وهم مستمرين في حوارهم ونقاشاتهم.. عبدالله يوقف سيارته عند الباب: تفضلي يا أم عبدالعزيز.. وصلنا بحمد الله ورعايته.. أنا عارف أنه أنتي ماصدقتي نوصل.. تبين تفتكين مني ومن غثاي.. جواهر سكتت.. ماحبت تبين له إنه قدر يتجاوز وبكل سهولة كثير من الحواجز اللي هي كانت حاطتها بينهم.. عبدالله اللي حس بنوع من الحزن لصمتها لأنه اعتقده يؤكد جملته قال بهدوء: خل ننزل نصحي العيال لو مابعد صحوا.. الظهر أذن.. دخلوا داخل.. عشان يتفاجأون أكبر مفاجأة بالشخص اللي كان قاعد ينتظرهم.. #أنفاس_قطر# |
بااااااااارتاااااااااات ولا أروع تسلمين مذهلتنا
ووالله والتقو الحبايب :D عبدالله وجواهر حركااااات الله يهديهم ويحنن قلب جواهر واتوقع اللي جايهم ماجد بيبارك لهم واخته نجلاء دانه وسعود الله يستر منه سعود لايخربها مع دانه هههههههه عاد مشكلة الدفش !!!!! |
السلااااااااااام عليكم...
نفووووووسه.. يااربي رووعه صرااحه هالاجزاااء ..كل وااحد يقووول الزوود عندي.. حبيت مررررره العلاقه اللي انوجدت بين عبدالله وجواهر.. اهم شي الاحترام.. صراحه الاحتراام بيكون طريق للحب مع العشره لكن عمر الحب مااولد احترام..>>> والله اني حكيمه..هخهخه نجي عاد لربعناا اليوم.. صح نزلتي ثلالث اجزاااء بس الشخصيات الرئيسيه فيهاا هم جواهر وعبدالله وسعود ودانه.. سعود ودانه:: سعوود يااعيني عليك.. ويعيني على النااائم ماعليه حرج.. بس وهذاا اللي قدرك الله عليه.؟. وبعدين على هالفتوى اللي افتيتهاا لرووحك يااخوفي تكوون 24 ساعه وانت ناايم.؟؟.هخهخهه...سعود قلبي فتح مخك معي.. انت الحين ناايم وبكره وش بتسووي؟؟؟ تلحلح شووي واترك عنك هالخجل.. وبعدين لااتوقع انها تعيد هالحركه بعدين والله انت اتوقع انك بتخليهاا مااعاد تفكر تصحيك ابد.. وان حصل منها وفكرت انها تصحيك مااعاد فيه تصحيك من النووم باحترام ياا انها بتصرخ عليك من عند باب الغرفه او انها بتناديك مرتين الثاله بالمااي البارد على وجهك..هخهخهخه... عشاان كذاا شف لك فتوى ثاانيه تمشي معك وانت صااحي.. خهخهخهخه.. دانه : هههههههههه.. والله انتي اللي طلعتي مسكينه .. تستااهلين قااعده تطنزين عليه وتقوولين ماا تعود على الرحه وماله الا السليب باق حق العسكريه.. هذاا عقااب اللي تتطنز على زوجها يكون ماعليه حرج وهو ناايم..هخهخهخه امممم ودي اعرف الحين وش لوون بتتعاملين معه؟؟؟ جواهر وعبد الله.. جووووجووووووو.. ياا سلاام على الحرمه العاقله الراكزه اللي تمشي امورها بعقلهاا.. جوجو رووعه اللي توصلتي له مع عبدالله.. حلوو انتس ماا خليتي تعاملتس معه جامد.. خلي فيه مروونه بينكم.. والاحلى لما انتي قررتي تتجاوبين معه وتسوولفين وتضحكين.. اتوقع باذن الله انكم لوو استمريتوا كذا بتكون اموركم طبيعيه جدااا قريبا.. عبوود : يااعيني على الرجال اللي كرامته اهم من اي شي.. اشوووف علوومك رااحت خرطي وانت تتامل فيها وفي جمالها.. بس تدري والله لوو تستمر بالضحك معها وابنك مااتشد معها بقووه كل شووي وتعتبر المسأله بينكم تحدي بتكوون كل اموورك تمام.. انت اصلاا الحمل بيكون اغلبه عليك.. شف انت لماا ضحكت هي ضحكت ولما عصبت هي عصبت.. يعني انت شكلك اللي بتكوون مصيطر اغلب الوقت على الحالات اللي بتجيكم وبتكون بينكم.. بس تدري احلى شي وانك بديت معهاا بداايه طيبه والاحلى انها تجااوبت مع هالبداايه.. اليوم فطوور برا .. وبكره تسافر فيها براا.. هخهخه.. بس ياااااااخوووفي ان هاللي لقيتوه قداامكم يخرب الدنيااا كلهاااا... وان كان هوو موو مخربهاا.. ايه وهاللي مستنيكم والله مدري .من يطلع.. بس اتوقع حرمه.. وهالحرمه ياا انها تكوون عمتك ياا عبد الله.. بس والله نسيت اسمهاا.. وهذي ان شااء الله ماامنها خووف.. والثاانيه انها تكوون قليلة الادب هند.. وهذي اتووقع انها بتخرب اليووم كله.. نفوووسه تسلم ايدتس يااشيخه على هالاجزااء الرهيبه.. اعجبني مره الافكار اللي كانت تدوور براس عبدالله وجواهر وهم يفكرون في شخصية كل واحد فيهم.. |
راحة الاجزء اليوم تجنااااااااااااان رهيب الله يعطيج العافية يانفوسه وخليج>>>ياجبل لايهزك ريح خليج قوية وانا ماشوف اي خطاء غيرج يكتب الى ماينقاال ليش انتي ينقالج كذا....ماعلينا الجزء اليوم جنااان وسعود هذا مادري متى يتسنع >>>خلي زارا تعطيها دروس هي خذتها من ضمن المجموعة على الفااضي ترها فاااشل درجة اولى عبود وجوجو والله حرام عليج ياجوجو وش سوتي بالرجاال ارفعي من معنويتها اشوي ترها اربعينيي يعني حساااس مو مثل الثلاثيني خخخخخخخخخخخخخخخخخخخ شوفي سعود غير عبود فرق العمر له دور اتوقع الى ينطرهم في البيت هو واحد من الاثنين ياااااااااااااااااااااااااا خالة عبود او هند الغثيثه بس وش يجيبها هالوقت بذبح نوف لو تطلع هي وننتظر الباااقي من الابدااع ولا تهتمين من احد ياااقمر مذهلة |
انفاس رائعة ومشكوره الله يعطيك العافية
عبدالله وجواهر ياحليلكم نشوف ثقلكم على بعض أيش آخره سعود ودانه أول خطوه صح يسويها سعود نوره الله يستر من إلي ناوي عليه عبدالعزيز مذهله الخليج مشككككككككككككككككككككككككككككككككككككوره على النقل |
هلا أنفاس وشلونتس؟وسعي صدرتس^__^
وهـ تمنيت ان أنا أنتِ عشان أعرف وش قالت موزةلجواهر وتسبدي تقطر ودي أعرف وش مرسلة له.. الاجزاء رايقة كالمعتاد استمتعت معهم واجد.. جواهر وش هالتقدم ضحك وسواليف لا واعجاب بعد الحين ليش مارديت على عبيد زين كذا حزنتيه.. عبدالله ده أنت خلاص انتهيت على يد جواهر بس وش قريت بجوال جواهر وش مرسله الفضيحة موزة الله يعينك ياموزة لاكفشتك جواهر بتكسر رأسك.. سعود يبيله كورسات كيف يتعامل مع الأنثى رح ادرس عند محمد والا خل ظبية تسويلك اشتراك معه هههههههه ماعلى النائم حرج خخخخخ ما أدري ليش تذكرت الرجل اللي يقول لي 20 سنة متزوج ولاقد مدحت مرتي واشار عليه وحد يمدح مرته بأشاء سيطة مثل يقوله غداتس حلو..الزبدة الرجل ذاك اليوم عزم يمدح مرته و يوم أكل قال ماشاء الله وش هالغدى الزين لي20 سنة ماذقت مثله وحمقت مرته وش قصدك يعني انا ما اعرف أزين غدى.. <<أثري الغداء اختها مرسلته اليوم خخخخخخخخخ ليتنا بلى مدحه وهذا كنه سعود بس ظنتي سعود اهون بشوي بس تسلمين مذهلة على النقل^_^ |
تحية من #أنفاس_قطر# لأعضاء ليلاس
[FONT="Comic Sans MS"]اليوم أنا أحل ضيفة عليكم وعلى مذهلة الخليج التي أتوجه لها بخالص شكري أن طرحت روايتي بين يدي قراء النخبة مثلكم
ألف شكر مذهلة كنت أريد إرسال هذا الرد إلى مذهلة.. ولكن المنتدى حيث نشترك وإياها يشترطون 500 مشاركة للبدء بإرسال الرسائل الخاصة.. فرأيت أن الأصوب وألاكثر ذوقا والأسهل أن أشترك بنفسي هنا لإرسال هذا الرد.. ورغم مضي يومين على اشتراكي.. إلا أنني لي أكثر من أسبوع وانا أكتب هذا الرد.. لأني أردت أن أمر على كل الصفحات هلكتوني!!! واليوم بالذات قررت إرساله.. تطييبا لخاطر مذهلة.. مما حدث لها في المنتدى الآخر.. مذهلة أشكرك مرة أخرى.. واقبليني اليوم ضيفة على روايتك التي تنقلينها أنتِ قارئاتي ومتابعاتي اللاتي تعرفت عليهم في منتديات أخرى أو اللاتي جذبتهن مذهلة لي إرادة الحياة العامرية زارا شبيهة القمر ميثان أشتكي بصمتي مها175 بوسي BENT EL-Q8 جودي1 Emomsa لهن أقول أنتن الأروع والأعذب والاكثر ألقا.. أنتن بالذات أحد مصادر استمراري اليومي في النشر تفاعلكن غير المسبوق.. مساندتكن الدائمة روحكن الوثابة.. عباراتكن الحماسية.. توقعاتكن المتفاعلة.. تعليقاتكن المختلفة كلكن مختلفات.. كلكن رائعات كلكن في القلب في أعمق نقطة في القلب سوارفسكي عذبة التوصيف ورقة المشاعر ومنطقية التفكير شبيهة القمر بدا لي فعلا أنك تشبهين القمر رفعة وبهاء وألقا وسحرا لا حرمك الله القمر ولا حرم القمر شبيهته أقدار/ملامح الحزن العتيق لطالما كان بداخلي تساؤل ملح حتى قبل أن أطوق بشرف تعليقك على روايتي هل كان لك من اسم روايتك نصيب؟ هكذا كنت أشعر.. وأنا أبحر عبر ثنايا روايتك الشفافة بوصفها الموغل في العذوبة كدفء البيوت الطينية العتيقة (هو) مقصود وبشدة.. اردت أن أجرده .. أحيده أن يكون فقط (هو) حضور صارخ ومهمش في آن حتى يحين دوره ويعود من خلف غياهب (بعد الغياب) ليصبح (هو) == > عبدالله الشخصية التي مازال ينتظرها الكثير من اللامعقول/المعقول أما أسمي القافز من بين ثنايا سرد الرواية كعفريت خرج من القمقم في غير مكانه.. فقد كان مقصودا في حينه.. وقد تكونين لاحظتي أنه لم يعد للتكرر مطلقا.. لا تتخيلين كم أسعدني توقفك الطويل عند روايتي والروايات القطرية بشكل عام بنظرك الفاحص.. بعبارتك المنتقاة بحساسيتك البالغة للأحداث والعبارات دائما الكاتب هكذا: ينتبه إلى مايفوت غيره لأنه ينظر بروح القلم وعذوبة الفكرة أجدني عاجزة عن الشكر والتعبير هل تكفي شكرا بأحرفها الثلاثة؟؟؟ أعلم أنها لا تكفي ولا ألف مثلها.. ولكن هل تتكرمين بقبولها مني؟؟ ناتاشا من خلف الحدود المكانية واللغوية حضرت لتعبر عن إعجابها الذي هزني باختلافه ساعة بلاعقارب مبهرة في دقتك ووصفك وروعتك في تدقيقك في كل شخصية أنتي فعلا كالساعة دقة وحضورا حبر القمر اسمك جميل ومعناه عذب فعلا يوحي بأجواء الشعر والألهام القصة مازال بها الكثير بندقة اسم لطيف لروح ألطف تحمل تعبيرات ألطف وألطف حماسك رائع ودقتك مذهلة Reem99sh أتعبتني قبلك خيالية بعض القصص وشططها ليتني حقا أستطيع أن أقدم المختلف بقربه من الواقع وابتعاده عن الاسفاف والتكرار شفي2002/hna اهلا بالطلالة العذبة النبع الصافي كلماتك كنبض اسمك نبع صافي أؤمن أن لكل من اسمه نصيب حتى وإن كان اسما مستعارا سحر الحلال أخجلتي والصمت في حرم الجمال جمال فلحة تشبهين أمطار الوسمي حتى وإن قل قطرها الخير بوجهها حنين الذكرى بنفسي أكره أن أقرأ روايات غير مكتملة أعتقد أن قراءة هذا النوع يحتاج جلدا وصبرا لا أملكه ولكن ما أستطيع قوله أنه إن شاء أنا معكم مستمرة حتى ننهي الرواية سويا مهما الليالي مهما الليالي .. أكملي لابد لمهما من تكملة ولكن لطفك لا تكملة له هو هكذا بلا حدود ممتد في كل الجهات Amer-6630 أسوأ أنواع القراءة البدء من نهاية الرواية وهو عند البعض الأفضل حينما ينظر للقراءة أنها عملية حسابية يهم حلها.. وليس التمتع بها حياك في أول الرواية أو ختامها شوشو11 أقول دائما أن عشقي هو للمتابعات اللاتي يشرفنني بتعليقهم الأول ولكن شوشو هنا شرفت مذهلة الخليج بتواجدها الأأول بين صفحاتها أسامي خجلتيني وأتمنى بالفعل أن أكون عند حسن ظنك يتيمة فرحتي روحك البدوية المشابهة لروحي قفزت من بين ثنايا سطورك بعنفوانها بمرحها بشهامتها كشهامة بدوي أبي وعنفوانه رائعة هذه الروح دامت لكِ ودمتي لها بريق البرد هل هو البَرْد بالسكون؟ أم البَرَد بالفتحة؟؟ في كلا الحالتين هو جميل مرحبا ببريق برْدك وبرَدك كادية مختلفة أنتِ ياهذه!!! وخلف هذا الاختلاف ظهر تفكيرك المختلف حقا صياغتك لأفكارك أكثر من رائعة وانتباهك المذهل لشخصية عبدالله وتفهمها يدل فعلا على عقلية مختلفة تفهما وتفكيرا أتمنى حقا أن أكتب مايليق أن تتابعه رائعة مثلك خالص خالص مودتي لكل أعضاء منتدى ليلاس[/FONT] |
نفوووووووووووووووووووووووووس
و الله و الله اخجلتيني بكل كلمة قلتيها عن كل البنات :c8T05285::0041::c8T05285: يمكن تقولين بندقة تبالغ بالي تقوله بس صدقيني كلامك هذا اعتبره وسام على صدري و صدقيني كل الردود الي قراتيها هي نتاج ما تبدعينه من احداث شقية و مثيرة و تلامس الواقع و انا احب القصص القطرية لما فيها من اثارة و واقعية و انا اول مرة اقراء لك لكن ما يشدني ان اقرا و ارد على عجل و بعد وقت المهم اني ارد هو اسلوبك الاكثر من رائع في الكتابة و اسلوب الحلوة مذهلة في شدنا للاحداث قبل انا تنزل اي باااااارت فياربي يا رافع السموات و يا مفرج الكروبات يفرحك و يشرحك صدرك و يوسع رزقك و خيالك و تتحفينا باحداث اروع أكثر و أكثر نجي لتعليق مووووووز وش ذالرسايل على الصبح لا و الي شافها عبوود ما غيره مو جوجو الله يعينك يا جوجو على موز و رسايلها لا و تبغى عيال زي عبود خخخخخخخخخخخخخخخخ نجوووول و الله انك طلعتي شي المهم حنا نبي جواهر تعاقب عبود على سواياه شوي بس انتي مهمتك الضرب تحت الحزام و اثارة غيرة جوجو على عبود على شان يعيشون حياة زوجية و اسرية حلووووة عزوز الكبير الف مبروك يا عيون اختك و عقبالك يا رب و تنور نوير بيتك نوير مو قلنا اهجدي شوي و راك صايرة خفيفة خلك ثقيل احلى دااااااااااااااااااااانة بعدي البنت السنعة و الشاطر و يا بنت اذا هو وجه فقر و مو متعود على المفارش الحلووووة زيك هذي مهمتك ارحميه و علمية خخخخخخخخخخ و يا بنت افتحي معاه حوار و عطية فرررررررصة تعبت و انا اقول و الا راح نعطيه زوير عليها بالعافية و تجي تجلس على قلبك و تغثك خخخخخخخخخخخ سعوووووود الحمد لله انك رجعت و ما تميت في الخيمة يا ولد و تفوت هالشوفة الحلوة و الله انك كاسر خاطري يا اخي اسال اختكك مها و لا اقولك لا تسالها فشلة اسال محمد خخخخخخخخخخخ فشلة اقوى اي لقيتها اسال خالد وش اكثر حاجة تحبها دانة من باب الفضول يا اخي مسوي رعب لخواتك بنت مثل دانة تلخبط كيانك الله يساعد قلبك و قلبي عليك تعالي و انا اعلمك خخخخخخخخخخخخخخ و بعدين حركات النوم الثقيل حلوووووووة خلك عليها فترة و ما على النائم جرح مرة مسكت يد و مرة ............................ استحي اكمل خخخخخخخخخخخخخخ بس يا ولد مو كل مرة تسلم الجرة يعني حاول تغير الاسلوب يا حلوووووووووووو عبوووووووود لا تاخذ في خاطر على جوجو و الله انها تنرحم بس هي ما تنلام بس انت خلك عادي معاها و لا تترك موضوع ما تتكلم معها فيه بس لحد ما تتعود عليك عطها مما اعطاك الله و لا تخلي عليها قاصر يا اخي علقها فيك بالكلمة الطيبة و المعاملة الاحلى و كثرة الاحترام راح تلاقيها تستحي من اخلاقك معها و شوي بشوي و تلقيها ما راح ترضى عليك لو بحرف جرب و قول بندقة قالت جوجو مبروووووووووووووووووووووووووك عليكي السيارة الجديدة صارت احلى يوم ركبتيها و لا تردينه عاد و يا بنت انتي لا تقصرين في عبود من كشخة و صدى مع احترام يعني صيري مرنة معاه من شد و رخي بدون ما تفقدي احتامك لنفسك قدامه و قدام عيالك و حطيهم هم اول اهتمامتك و بعدهم يجي اي شي يعني حطيفي دماقك كل شي تسوينه علشانهم مو علشان حد ثاني منه الي يستنهم الله يستر ما تكون العلة هند و الله اذبحى و ما لها دية عندنا او تكون خالة عبود جاية لهم من الخارج تبارك لا ما توقع لا نجول و لا ماجدما توصل فيه الجراء الى الحد هذا مذهلة ربي يذهلك برؤية الجنة مثل ما فرحتينا بقرائت الرواية الاكثر من رائعة و ربييزيح همك يا عيوني و يرفع من معنوايتك و يخلي نفسيتك لونها الوان الربيع كلها قولي آآآآآآآآآآآآآآمين و يالله سامحوني على الطواله هذي خذت راحتي بالمررررررة خخخخخخخخخخ في ناس وراي جالسة تستنى دورها في الرد ههههههههههههههههههههه |
ياهلا وغلا بأنفاس قطر :flowers2::flowers2::flowers2:
نور المنتدى ياقلبي وهو منور من قبل بسطور روايتس الخاطفه للأنفاس بدون ماأبالغ وتسلمين على كلامس الطيب اللي يبين معدنس الطيب والله يوفقس في الدنيا والآخره |
السلام عليكم ورحمة الله وبركاتهhttp://www.liilas.com/vb3/showthread...68#post1826868
ياريت كل احباب انفاس قطر يرحون لهذا الرابط من اجل الترحيب بها اهلا وسهلا بيج انفاس قطر اخت عزيزة وغالية بين اخواتها واهلا وسهلا بيج كاتبة نعتز جميعا بمتابعتها وبألتزامها كاتبة تفردت بأنزال اكثر من جزء وفي اكثر من يوم خلال الاسبوع ويكاد يكون نزول الاجزاء شبه يومي التزام تفردتي به وموضوع مناقشة شددتي به الجميع اتمنى من كل قلبي ان تكون انفاس قطر كاتبة اساسية في منتدى ليلاس وتكون قصتها مكتوبة بأسم انفاس قطر وليست قصة منقولة وكل الشكر والعرفان لمذهلة الخليج على هذه الهدية القيمة وعلى هذه المعرفة الرائعة الف الف شكر مذهلة |
***انفاس قطر حللت اهلا ووطئت سهلا ً سعدين بتواجد انفاس قطر هنا لتضع بصمتها الراائعة والمتألقة بيننا احببنا تواجدك ورقة كلماتك يا انفاس كاتبة مبدعة وان كانت كلمة لا ارى انها عادلة ووفية بقدر انفاس قطر تلك التي ادمنى تواجدها عبر الرائعة ****** ((بعد الغياب ))******** ذلك الطرح الراقي الذي التف حولة الكثير واختلفت حول شخوصة الاراء ما بين مؤيد ومتعاطف وحانق ومحايد رسمت ِ لنا كل ليلة مناخا ً نهواه ونعشقة , , ,ولا اعلم كيف سيكون بعد الميلاد الجديد بتنى نعيش على انفاسها ونبضاتها احببناك يا انفاس فلكِ حرف مزدان بـ البهاء وعبق وجود فاخر وباهي فشكرا ً لك ِ بقدر حبنا وبقدر بوحك العميق يا سيدة الكلمة والحرف كوني بالقرب دوما ً والعرفان موصول للغالية مذهلة صاحبة الذوق الرفيع سلمت ِ لنا يامذهلة ليلاس |
السلام عليكم ورحمة الله وبركاته ياهلا والله وغلا بالغالية شرفتينا في المنتدى ...... أتمنى لك إقامة طيبة .....والله بتنبسطيين مرة عندنا أهنيك على هالقصة الرائعه اللي طيرت عقلي وخلتني أترك كل اللي حولي وأقراها أنا متابعة لها من البدايه لكن من خلف الكواليس .... بس من شفت # أنفاس قطر # حاظرة بينا ... عاد قلت لازم أرد وأشكرك على روعة ماتكتبينه ................. وعلى الأسلوب الراقي اللي قل مانجده في بعض الروايات . : : مأنسى العزيزة أختي _ مذهلة على الاختيار والنقل الموفق . شـكــ وبارك الله فيك ـــرا لك ... لك مني أجمل تحية . الجزء * 42 * ... بصراحة فضييييييع خطييييير يدووووخ ......... يحبس الأنفاس خخخخخخ أما سعود ودانه .. شي ثاني .... انتم قصة لحالكم ... والله ياسعود انك من تحت لتحت ياخي لاتكبت طلع اللي في خاطرك تلحلح خلها تعلق بك مو أنت تعلق بها وبس .. لا بعد وهي ماتدري عن احساسك .. واالله انكم ملح القصه عندي جواهر & عبدالله ... ما اقول إلا الله يخزي الشيطان وتعوذو منه .. وإذا كان الاحترام بينكم دام .. نتأمل خير ... جوجو تكفين عاد مانبغى حكاية " أرجع اللي ببطني " مره ثانيه ذليييتي الرجال مايصير ...صح اللي سواه فيك فضيع بس عاد الرجال تندم تراه ماينتعوض ... أكسبيه علشان عيالك ( وعقبها بتشوفين علومن سنعه ) أمممم ..... مين الشخص اللي كان موجود عند رجعتهم ؟؟ فكرررت وتذكرت يمكن خالت عبدالله أو عمته ماادري .... بس قريت في أحد الردود يمكن تكون هند يعلها الماحي .... ان شاء الله ماتكون هي.. الله يستر . : : مرة ثانيه أرحب فيك بينا ولاتقطعيين عنا .. && مذهلة الخليج && أذهلتيني بهذه القصة .... ربي يوفقك عزيزتي شـكــ وبارك الله فيك ـــرا لك ... لك مني أجمل تحية . |
ألف شكر
بل أنا عاجزة عن الشكر سواء كانت ألفا أو واحدا حين قدمت إليكم كنت في قرارة نفسي أنوي أن أكون ضيفة خفيفة تداعب سطوركم المنتقاة ولكنكم أخجلتموني بكرمكم.. بروعتكم.. بهذه الروح الحاضنة المختلفة أنا حقا عاجزة عن إيجاد الكلمات وأنا التي طالما طوعت الكلمات مشاعركم الفياضة أفاضت بئري وجففتها لأن بئري ليس فيها من الكلمات ماهو بحجم قدركم أخجلتموني وكنتم أكثر كرما مني (وكما قال عبدالله لماجد في بعد الغياب: أنت راعي الأولة يا بو فيصل وراعي الأولة ما ينلحق) وأنتم هنا أصبحتم راعي الأولة بكل ما تحمله الكلمة من معنى أتمنى فعلا أن تقبلوني بينكم وأن أستحق حفاوتكم البالغة وكرمكم الحاتمي #أنفاس_قطر# |
السلام عليكم.. صـج انهـا 3 بارتـات بس لو بقعد امدح فيهـا من اليوم لين باجر مارح اعطيهـا نص حقهـا..صج انتي مبدعـه نفووس.. جواهـر الكره والحب والمشاعر عموما شي مو بايدنـا نتحكم فيه..نقدر نخفيها بس الا ما تظهـر بعدين..وما الومهـا يوم رجعـت اول شي لانهـا ليلحين ما تعودت عليـه..ثانيـا معاها حق تلوع جبدهـا منه ومو سهـل تنسى الي سواه لهـا..بس شي يبشـر بالخيـر انهـا قدرت تتقبـله شوي وانهـا قدرت تسولف معـاه وان شخصيتـه عجبتهـا..وشوي شوي بتعرف ان عبد الله الاولى مو نفس عبد الله الحالي هع..اما لو تمت تذكر روحهـا بالي سواه وتحط حواجز بينها وبينه عمرهـا مارح تقدر تتقبلـه او تنسى الي سواه..امممم اعتقد الي انصدمو فيـه يا انهم ام فهد والي معاها وانتي بتسوين اكشن هع..او انه عبد العزيز..او نوف ناطرتهم ..او مااجد:) عبد الله الا كراامتي..وانا عايفهـا..وبس عشان العيال.. من الي قال هالكلام انا:q..بس بالنهاية ما ينلام ريال عايش بروحـه طول عمره عايش بروحه والحين يت مرة وسكنـت معاه..ومو اي مرة بعد..الا جواهر.. اكيد بيزعل وبيتضايق..شعور انه شخص مو مرغوب فيـه وان جبدهـا لايعه لوجوده معـاها..صج شي يضايق..بس الحمد لله الي بدا يتقـرب منهـا..وان شاء الله شوي شوي تتقبلـه.. سعـود شي يبشـر بالخيـر انه قام يحاول يعـبر عن مشاعره..امم يوم شغل السخان لهـا صج ان شي بسيـط بس بالنسبـه له شي وايد زيـن.. هههههههه ليس على النائم حرج والله منت هيـن يا سعوود.. دانـه وردة فعلهـا منـه..!! مذهلة الف شكر لج ما قصرتي:f63: تقبلي مروري وااااااااو نفووس معانا بليلاس منصدمة ومادري شقول من الفـرحة:dancingmonkeyff8::dancingmonkeyff8::dancingmonkeyff8 : حياج الله معانا وان شاء الله تلقـين الي تبينه هنـي |
مررااااااحب .......بالغاليييييين.......منوررر النتدى بوجودك [/CO[/SIZE] اتمنى لك التوفيق .......:flowers2: :f63: منتظرين انفاسك ....ياقطررر:f63: ومنتظرين جواهر واخر التطورات وعبدالله ........والستاره الي يختفى بها ....الاولاد نوف وبابي ومامي دانه وسعود والرقاد؟؟؟؟؟؟ على كراسي من الاشواااق |
انفاااااااااااااااس قــــطـــــــــــــــــر... مرحباااااااااااااا ملياااااااااااااااااااااااااااااااااااااااار.. وياامرحبااا مليوون فيتس من ممشااااااااتس لملقااااااااتس.. هلااا ومليوووووووون غلااا..
وصدقيني انتس مااراح تندمين باذن الله ولاااا ربع ربع الثانيه انتس قررتي تكونين هنااا.. وياااااازين اسمتس وهوو منوووور منتدانا... |
سلااااااااااااااااااااااااااااااااااااااااااااام
حياك نفوسه في ليلاس والله مااااااااااا رااح تنجمين ابد ابد انك جيتي ناس طيبه وتكتب ردود طيبه والله فرحاااااااااااااانه انك هنا حيااااااك بينااااااااااااا عبدالله والله انك تنرحم لاعبه بك جواهر لعب هههههههههههههههه والله ترحم ولا متنازل عن حقك الشرعي قاااابلني اذا صبرت هههههههههههههههههه بس جد جد اكبر رجال واقوى بيضعف قداااااااام مره مبالك اذا كانت تملك من الجمال الشيء الكثير من ام عزوز جواهر شوي سالفة الترجيع انا نفسي قرفت منها خلاص مصختيها عيب الرجال يهبل وانتي ماغير انك مووووووووووو وجه نعمه خلاص اركدي والله راااح تندمين بكره قولي ليتني سمعت كلام اشتكي ................. بس بما انك ما رجعتي يوم نام عندك في تقدم وان شاء الله تحبينه سعود امااااااااااااااااااااااااااااااااااااااانه نفوسه خلي دانه تحن عليه شوي الولد يموت عليها من زمان ياربي والله كسر خاطري يوم يجلس وتاملها وهي ناميه اني صحت من كثر ماني متاثرة وهي مالت عليها مع اني متاكدة انها تحبه وبس وش سالفة قوت راسها هذا هذا اللي بموت واعرفها نفوسه وش رايك تعلمينا بها البارت الجاي هههههههههههههههههههههههههههههههههههههههههههههههههههههههه الف الف شكر لك نفوسه الجزي الي يبرد الخاطر مع ان جواهر ارفعت ضغطي بس اسامحها المره هذي كود تتعدل الف الف شكر مذهله على النقل |
اولاً وقبل القصة والأحداث والأجزاء ونقل مذهله اللي كثير اسعدوني .. هلا بك ياانفاس .. حياك الله عندنا في ليلاس ضيفة قديرة وعزيزة .. حقيقة .. اسعدني وجود اسمك في ليلاسنا .. وتمنيت كما تمنت ارادة الحياة .. لكن يكفي قصتك فخراً انها باسم مذهلتنا الغالية .. شهادتي في مذهلتي مجروحة .. ويكفي قسم العام فخراً ان احدى قصصه باسم انفاس قطر ويكفينا هذا التواصل الأنيق من كاتبة لها حجمها في قلوبنا ومنتدانا ..!! جميل تعليقك على ( هو ).. حقيقة كان كما ذكرتي تماماً اقتباس:
عبدالله كان ولايزال المفاجأة المذهلة لكل من عرف عنه اكثر .. ملاحظتي كانت مجرد ملاحظة لااكثر وليست انتقاداً فقط رأيت لو استبدلت ( الضمير الظاهر ) بضمير مستتر لربما كان ظهوره بلا تكلف .. وعموماً ياانفاس اياً كانت ملاحظاتي فهي قابلة للخطأ قبل الصواب .. وأنتي هنا تبرهنين للجميع انك كاتبة فذة ولست بحاجة لاسداء الملاحظات والنقد لغتك تعجبني كثيراً واقحامك لبعض المصطلحات القوية ضمن سلاسة السرد دلالة على انك كاتبةٌ مختلفة وقادرة على عطاء الأجمل والأقوى .. وصاحبة المفاجأة في خلق الفكرة وصياغتها وسردها !! جواهر .. جعلتينا نرى جواهر في اكثر من مشهد .. وصفك فاتن وبسيط وغير متكلف .. انتظر انهيار جبروت جواهر وتلاشي قسوتها امام رجولة وهيبة عبدالله << اذا واحنا ماشفناه ياانفاس خقينا اجل وشلون اللي مقابلته وتسمعه وتحس فيه .. وهـ بس نفسي اشوفه لو من بعيد بس << مراهقة على كبر انتظر الأحداث القادمة بحماس ..! ،،، ، تسلمين انفاس .. وجودك اضاف للقصة والقسم والمنتدى ككل تميز جديد وتبقين ياانفاس خاطفة الأنظار والعقول .. الله يحميك ويستر عليك .. وماشاء الله لاقوة الا بالله .. سلمتي على اطراءك اللطيف لملامحي المتواضعه .. ليس بيني وبين الحزن علاقة سوى بالحرف .. فقط تستهويني الكتابة عنه .. ابعد الله عنا وعنك الأحزان ياعذبة .. هل لي ان اقدم الشكر لكِ انتِ ياانفاس فمن يستحقه اليوم انت لاانا .. شكراً انفاس على هذا الكم الهائل من الابداع والامتاع .. وشكراً لأنك ربطت اسمك بليلاس ورأيناك عن قرب فكان لقائنا بكِ كأنت لذيذاً جميلاً .. وحُييتِ في الوطن الحر .. والمساحة العريضة من الحرية والتي لاتقيدها قيود او كوابل .. مذهلتي .. تظلين ابنة ليلاس وأميرة القلوب في وطننا .. وتظلين يامذهلة راقية التعامل والحضور ومكسب حقيقي لأي منتدى تنتمين له .. شكراً لاهتمامك يامذهلة ووفاءك وحرصك .. لروحيكما انفاس ومذهلة أطيب الأمنيات وأرقها |
حي الله انفاااااااااااااااااس في قلب ليلاااااااااااااااس
حللتي اهلا... ووطأتي سهلا .... يكفينا شرفآ ان نشعر بأنفااااس تداعب قلوبنا بكلماتها... وبروعه حضورها الذي طالما تمنيناه .... نتمنى منك طول الاقامه... ولك منا كرم الضيافه ... همسه ... لايفوح العطر حتى يسحق ... ولايضوع العود حتى يحرق ... وكذلك الشدائد لك هي خير ونعمه... لك منا رياحين الحب اشواقا... ومن الاشواق حبا رقراقا... مذهلتنا الغاليه ... لاأجد ماأقول سوى ... الله يخليك لنا يامذهلتنا ...سلمت الايادي .. |
صباح الورد على ليلاس الورد
بصراحة أنا كان بودي أن مذهلة هي من تكمل معكم ما بدأته وأبقى أنا ضيفة عليها أستمتع بكرم ضيافتها ولكن شاءت الأقدار العذبة أن تنزلني وسطكم صاحبة دار ومكان سعيدة أنا جدا اليوم بكم ومعكم |
استلمو البارتين الجديدة
46 47 ورحبو معي بوجه قديم كان غائب ووجه جديد جدا وبيكون له حضور مميز جدا قراءة ممتعة مقدما ولا حول ولاقوة إلا بالله |
بعد الغياب/ الأجزاء 46 ، 47
بعد الغياب/الجزء السادس والأربعين
#أنفاس_قطر# صوت مرح: مشكلة الشيبان إذا عرسوا.. أنا قايلة لنفسي عرسان خلهم ينامون.. عشان كذا ماجيت إلا الظهر.. لقيت العرسان برا.. جواهر شافت وجه عبدالله يشرق إشراقة مذهلة.. وهو يشوف المره اللي كانت تنتظرهم.. ووقفت لما دخلوا: هلا والله وألف مرحبا.. نعنبو دارج 3 أسابيع برا الدوحة.. نسيتي ولد أختج وعياله.. (عبدالله بنبرة فرح غامر) كانت المره اللي تنتطرهم فاسخة عبايتها ولابسة تايور بيج رسمي.. باين إنها في الأربعينات.. وملامحها ودودة جدا وحنونة.. قرب منها عبدالله وحضنها حضن عميق جدا.. والمره تصيح بمرح: كسرت رقبتي وأنا أطالع فوق يالزرافة.. عبدالله يأشر لجواهر بمرح: تعالي تعالي.. أعرفج على أسوأ دكتورة أعصاب في الشرق الأوسط.. جواهر اللي كانت خلعت نقابها ونزلت شيلتها على أكتافها، كانت عرفت إن المره هي عائشة خالة عبدالله.. قربت جواهر بابتسامة ودودة.. سلموا على بعض بحرارة.. عائشة وهي تطالع جواهر بتمعن وإعجاب ألتفتت على ولد أختها وقالت له بعيارة: إيه ما ألومك مقاطع جنس الحريم هالسنين كلها.. اللي يشوف زوجتك يحس كل الحريم جنبها تماسيح وأنا أولهم وأكبر تمساح.. جواهر ابتسمت بخجل.. وعبدالله يقرب من جواهر ويضمها من كتفها: تستحق الصبر.. صح؟؟ جواهر كحت من الحرج من حركة عبدالله.. بس ماتقدر تسوي شيء.. وخصوصا إنهم متفقين يكونون طبيعين قدام الناس.. عائشة بمرح: أكيد تستاهل ونص وثلاث أرباع بعد.. عائشة التفت لجواهر تسألها عن صحتها واحوالها السلامات المعتادة.. ردت عليها جواهر.. اللي كانت تقوم بدور سيدة البيت بجدارة.. رحبت بعائشة وجلستها.. وراحت للخدامات تطلب منهم يجيبون الشاي والقهوة والفوالة.. عبدالله كان مبسوط جدا وهو يشوف جواهر تتصرف بحرية وكرم ضيافة كانها في بيتها... لكنه استاذن منهم عشان يصحي عزوز يلحقون الصلاة.. ***************** دانة قربت من سعود: وهزت كتفه بشويش: سعود.. سعود.. سعود اللي قال لروحه: أنا نومي ثقيل.. وهل على النائم حرج..؟؟ مسك يد دانة اللي كانت تهز فيها كتفه.. وسحبها من يدها جنبه.. سحب يدها تحت رأسه.. ونام على عضدها.. ورأسه مدفون بصدرها.. دانة من شافته سوى كذا أرتعبت/ وحست جسمها كله صابته قشعريرة شديدة وخصوصا لما حست بدفء أنفاسه تلفح صدرها.. حست إنه قلبها بيوقف وممكن تموت في أي لحظة من الخجل.. (لحول هذا طلع بعد يتحرك وهو نايم.. وش ذا البلشة؟؟.. ليتني ماجيت جنبه) سعود اللي كان ملك البرود والتحكم في الأعصاب، كان مسيطر على نفسه، ومستمتع لأقصى أقصى أقصى حد بقربه الشديد منها دانة كانت تحاول تخلص يدها من تحت رأسه بس ماقدرت، كانت متحطمة على الآخر وتقول لنفسها: (وش بيقول علي سعود الحين لا صحا ولقى نفسه في حضني كذا... بيقول هذي ما تستحي ولا تعرف العيب.. جايه هاجمة علي في سريري..) دانة لما وصل تفكيرها لذا النقطة خافت.. والعبرة خنقتها.. وبدت تشهق شهقات خافتة مكتومة.. سعود لما سمعها تشهق.. ارتعب.. خفف ضغطه على يدها .. ولف للناحية الثانية كأنه كان يتقلب.. دانة ماصدقت إنه ربي خلصها.. سحبت نفسها من جنب سعود و ركض للصالة وهي مو قادرة تمسك أعصابها.. كانت تنتفض بعنف.. عمره ماخطر ببالها إنها ممكن تكون بذا القرب الملاصق لسعود (يمه.. يمه.. قلبي كان بيوقف.. خلاص حرمت أقرب جنبه وهو نايم.. يمه.. يمه) سعود اللي كانت ابتسامته شاقة.. ويكتم ضحكه عليها في نفسه.. قام من سريره هو يقول: يا حليلها.. ماظنيت دانة تخاف كذا.. أنا توقعت إنها ممكن تعضني.. بس ما توقعت إنها تبكي كذا مثل بزر.. زين يادانة.. زين.. **************** عبدالله وعبدالعزيز رجعوا من الصلاة.. عشان يلاقون جواهر وعائشة منسجمين في الحديث.. عائشة قامت تسلم على عزوز..اللي كان باين عليه الفرحة لشوفتها.. في الوقت اللي جواهر أستاذنتهم تصلي.. وتصحي نوف تصلي.. عائشة بمودة: هلا بعزوز، قرت عينك بشوفة أمك.. عزوز بفرح: تسلمين خالتي.. الحمدلله اللي جمعنا من جديد.. عائشة اللي تاثرت من فرح عزوز اللي كان دايما جامد: الله لا يفرقكم.. عزوز بمودة: أشلونها ديمة؟؟ عائشة بجدية: ديمة زعلانة علي.. عبدالله اللي تدخل في الحديث: أفا.. شيخة البنات زعلانة.. عائشة بحزن: تقول تأخرتي علي وايد هالمرة.. عبدالله بمودة: لا تلومينها.. ديمة مالها غيرج.. وانتي كل شوي فاركة لها.. انتبهي لبنتج شوي.. عائشة بتوتر: هي بروحها صار لها فوق أسبوع في دبي مع خالها.. عبدالله: أدري.. هي بروحها أتصلت وقال لي.. بنتج أذرب منج.. وبعد خالي ثاني قال لي.. شيسوي عطلة بنتج جات وأنتي بعدج ماجيتي.. ماحب يكسر بخاطرها.. وداها مع إنه عنده سفرة للصين عقبها على طول.. عائشة اللي حبت تغير الموضوع: عزوز قل لي شأخبار ديمة في المدرسة..؟؟ عزوز بمودة: ماشاء الله عليها... كلت الكتب أكل.. حتى الامريكان منبهرين منها.. عائشة بفخر: بنتي.. طالعة على أمها.. ديمة بنت عائشة عمرها 15 سنة.. في نفس المدرسة مع عبدالعزيز.. Grade10.. يعني ورا عزوز بسنة.. بنت مؤدبة وشاطرة جدا جدا بس معقدة.. أبوها توفي وعمرها 5 سنين.. وامها من انشغالها في المستشفى والعمليات و من مؤتمر في مؤتمر.. مع إن عائشة حنونة جدا على بنتها.. بس اهتمامها بشغلها مخليها مقصرة في حقها كثير.. عبدالله ماكان راضي إنها تخليها لحد الحين في نفس المدرسة المختلطة.. عبدالله خلى نوف بس سنة وحدة في المدرسة هذي كمرحلة انتقالية بعد رجعتهم من أمريكا.. وبعدها نقلها لمدرسة بنات.. عبدالعزيز أستأذن منهم.. وطلع.. عبدالله بابتسامة وهو يطالع عزوز اللي اختفى: شوفيه ولد أمه.. مو قادر يبعد عنها شوي.. عائشة بابتسامة خبث: والكبير قادر يبعد أو لا؟؟ أحس إنك لاصق 24 ساعة.. وما ألومك.. عبدالله ماحب يشغل عائشة اللي توها وصلت الفجر بمشاكله رغم قربها الكبير من قلبه.. عبدالله بعيارة: تستاهل أم عزوز والله عائشة بود: على كذا ننطر بعد كم شهر بيبي جديد يجي يخرب على نوف وعزوز دلع 17 سنة.. عبدالله كح: بيبي؟؟ عائشة اللي صبت له كأس ماي وناولته اياه بمحبة: وشفيك تخرعت.. بسم الله عليك.. ايه بيبي.. صحيح انت شايب مخرف.. بس جواهر بعدها صغيرة.. صحيح انا ما احب أتدخل في مواضيع خاصة مثل هذي.. بس أنا أشوف أنكم ما تأجلون موضوع انجاب طفل ابدا.. حتى نوف وعزوز بينبسطون وايد على أخ أو أخت صغار في البيت.. عبدالله اللي راح تفكيره بعيد.. بعيييييد.. لأكثر من بيبي واحد.. وارتسمت على شفايفه ابتسامه واسعة.. رجع يكشر.. وافكاره تعيده لأرض الواقع.. واشمئزاز جواهر منه اللي رجعه لحالة الكآبة.. ******************** دانة لما سمعت صوت الحمام ينقفل.. ارتعبت.. وولع وجهها خجل.. وهي تتذكر اللي صار من دقايق.. "بس هو كان نايم.. يعني ما يدري عن شيء.. يعني تصرفي كأن شيء ماصار" "بس أنتي ما كنتي نايمة.. وتدرين باللي صار" "يمه.. ما أقدر أحط عيني بعينه" دانة لما وصل تفكيرها لذا النقطة نطت.. وطلعت من الغرفة لغرفة البنات اللي جنبها.. بعد ما حطت على رأسها جلال وغطت فيه وجهها.. تخاف تصدف محمد.. دخلت على البنات.. الجازي كانت تصلي.. ومها تدرس.. فتحت الباب بشويش ونزلت طرف الجلال عن وجهها.. "سلام بنات.." مها لما شافتها.. نطت مبتسمة: حيا الله عروستنا.. وخر عنها وش ذا الكشخة الصاروخية.. دانة بابتسامه: حيا الله مدام متعب.. مها بعيارة: وه.. فديت الطاري.. دانة بعيارة: اللي يسمع الطاري.. يقول يا شي هناك.. كله متعب أبو كرش.. مها تضحك: أنتي ما نسيتي شتيمته أبد.. والله إنه صار رشيق ذا الحين.. عقبالي يارب.. دانة تضحك: زين ممكن أصلي عندكم.. مها بعيارة: أفا من ذا الحين بدا التشويت.. لا يكون سعود شايتش من الحجرة.. شوفي إذا شايتش بزنوبة لازم ترفعين عليه قضية خلع.. إذا سيزارباشيوتي وإلا أرماني ماعليه ابلعيها.. دانة تضحك: شاتني بفيرزاتشي.. نخلعه وإلا نبلعها؟؟ مها تضحك: لا إبلعيها بالثلث.. ولا ترجعينها عليه.. هاتيها ادسها لتعوبي.. دانة: مالت عليش أنتي وتعوبي حقش.. لهيتيني عن الصلاة.. قالتها دانة وهي تتوجه لسجادة مها، وبعدين خطر ببالها سؤال وهي تلبس ثوب الصلاة.. سألت بشوي إحراج: إلا سعود نومه ثقيل على طول؟؟ مها المصدومة واللي تضحك: نعم نعم.. من اللي نومه ثقيل؟؟ دانة بخجل: سعود.. مها بابتسامة وثقة: سعود هذا يمكن أخف واحد نوم على وجه الأرض.. لو تمر ذبانة وهو نايم صحا.. دانة المصدومة: أنتي متاكدة؟؟ مها تضحك: إلا متأكدة.. محمد مسميه الذيب.. يقول سعود ينام عين مفتوحة وعين مسكرة من قد مانومه خفيف واقل صوت يقومه.. دانة حست إنها مو قادرة توقف.. جلست على سرير مها ووجهها ولع من الخجل لأقصى أقصى حد.. مها بقلق: دانة فيش شيء؟؟ دانة تأشر بيدها: لا مهاوي..بأقوم أصلي الحين.. (يعني كنت صاحي يا سعود.. يا ربي ..هو ليش سوى كذا.. صدق قليل أدب.. الحين أشلون أقدر أرجع أقعد معاه في نفس الغرفة) ***************** سعود اللي كان راجع من صلاة الظهر.. وقف سيارته في حوش بيته.. وأتصل بخالد.. خالد بنبرة خجل: هلا والله بأبو سعيد سعود بهدوء: الله يحييك.. خالد بمودة: فيك الخير.. أنا والله كنت أبي أكلمك.. سعود قلبه طاح برجوله، خاف إنه يبي يجي يأخذ دانة، لكنه رد بطريقته الهادئة المعتادة: خير إن شاء الله.. خالد بثقة: أنا كنت أبي أعتذر لك عن الموقف اللي صار يوم ملكتك.. أنا الغضب أعمى بصيرتي.. بس من ناحية ثانية.. مهوب معنى أني أعتذرت لك.. أني ممكن أسمح لك يوم إنك تهين دانة.. سعود بهدوء: أنا ما أحتاج حد يوصيني على دانة، دانة على رأسي وفي عيوني... وأنا أتصلت كنت أبي أسألك عن شيء يخصها.. خالد باهتمام: ويش؟؟ سعود بشوي حرج: دانة خوافة؟؟ خالد ميت من الضحك: مسرع اكتشفت.. مع إن دانة ما تحب تبين خوفها لأحد... دانة غريبة.. تشوفها احيانا تقول هذي أشجع مره في التاريخ.. بينما هي تخاف من ظلها.. سعود في نفسه: (خلاص صدناها).. مشكور خالد مشكور **************** كانت جواهر تسلم من صلاتها.. لما دخل عليها عبدالله.. وبيده كيس عليه اسم محل مجوهرات شهير.. جواهر خلعت ثوب الصلاة وتعدلت في المراية.. تبي تنزل.. عبدالله اللي كان قاعد على الكنبة ومسكر عيونه، بهدوء: وين رايحة؟؟ جواهر بنفس هدوءه: بانزل لخالتك.. عبدالله فتح عيونه وهو يمد لها الكيس: خالتي تسلم عليج.. راحت لبيتها.. وهذي هديتج منها.. جواهر وهي تأخذ الكيس بخجل.. وتحطه على الطاولة: وليش ماحلفت عليها تقعد للغداء.. عبدالله اللي قعد وهو مبين عليه التعب: والله حاولت فيها بس هي مارضت..تبي تروح لبنتها.. فحلفت عليها تتعشى عندنا جواهر تعرف عن بنتها من كلام عيالها اللي ماخلو شيء ما خبروها عنه.. عبدالله بهدوء وهو يقطب جبينه: ممكن أطلب منج طلب بس ما تسوين لي سالفة وفيلم هندي.. #أنفاس_قطر# بعد الغياب/ الجزء السابع والاربعين #أنفاس_قطر# عبدالله بهدوء وهو يقطب جبينه: ممكن أطلب منج طلب بس ما تسوين لي سالفة وفيلم هندي..؟؟ جواهر قلبها رقع من ذا المقدمة: عسى ماشر عبدالله؟؟ عبدالله بهدوء: اقعدي طيب.. جواهر اللي راحت تبي تجلس على الكرسي المقابل له.. أشر لها تجي تجلس جنبه على نفس الكنبة.. جواهر اللي ماكانت حابة تجلس جنبه.. ماحبت تسوي سالفة على موضوع مثل هذا لين تعرف هو وش يبي منها.. جات وجلست معه على نفس الكنبة بس على الطرف الثاني.. عبدالله حط غترته على على الطاولة اللي قدامه.. وحط رأسه على فخذ جواهر.. جواهر حست بمثل صاعقة البرق تخترقها من أقصاها إلى أقصاها.. عبدالله بهدوء متألم: رأسي بينفجر.. بالعادة نوف هي اللي تدلك لي رأسي.. رحت لها.. طردتني.. قالت لي أنا قدمت استقالتي.. عندك مره الحين.. وأنا أبي أدرس.. جواهر ارتبكت.. وماعرفت أشلون ممكن تتخلص منه، قالت بارتباك: بس أنا ما أعرف.. عبدالله اللي كان فعلا مصدع ورأسه بينفجر من شدة الألم: تكفين أي شيء.. رأسي بينفجر.. والبنادول ماتجيب نتيجة معي.. جواهر طالعت في وجه عبدالله اللي كان نايم على حجرها.. عيونه مسكرة..والألم باين عليه.. لفت جواهر أكثر ناحية عبدالله وطوت فخذها تحت رأسه..وحطت أصابعها السبابتين على صدغ عبدالله والأبهامين على مؤخرة الراس أعلى العنق وهي حاسة بتوتر وارتباك..وبدت تدلك بالراحة بطريقة دائرية.. شوي شوي بدت ملامح عبدالله تهدأ .. جواهر تتمعن في ملامح عبدالله لأول مرة براحتها.. بدون إحساسها بنظرته المتحدية أحيانا.. والمتسلطة أحيانا.. والباردة أحيانا.. لاحظت إنه ما تغير كثير عن أول مرة شافته فيها قبل 18 سنة.. نفس الملامح الحادة المرسومة بدقة.. الملامح اللي انحفرت في ذاكرتها ..... واللي..... (جواهر مو كنج خرفتي؟؟ اقلبي الأسطوانة.. قبل توديج أفكارج بعيد) جواهر حبت تفتح موضوع تتلهى عن الأفكار اللي بدت تتوارد لذهنها.. وهي مستمرة في تدليك رأس عبدالله: عبدالله أنت فحصت على الصداع اللي عندك؟؟ عبدالله بهدوء بنبرته العميقة: فحصت وسويت أشعة مقطعية ومغناطيسية.. مافيه شيء غير طبيعي.. بس هو كثير يجيني.. تفاجأت جواهر إن عبدالله جلس.. ورجع لمكانه في الطرف الثاني من الكنبة، وهو يقول بمودة: شكرا.. الحين أحسن بوايد.. أنا أسف لو كنت ثقلت دمي عليج.. ماتدري ليش تمنت في داخلها أمنية غريبة وغبية ومالها معنى.. ومع عبدالله بالذات.. تمنت إنه ماقام بذا السرعة.. واستمر نايم على فخذها لمدة أطول.. **************** سعود تغدى مع محمد ورجع لغرفته.. دانة مختفية.. مايدري في أي مكان في البيت.. دانة اللي تغدت مع أم سعود والبنات.. ظلت قاعدة في الصالة الداخلية.. أم سعود راحت تقيل شوي.. والبنات طلعوا لغرفتهم يدرسون.. وهي استحت ترجع لغرفة سعود.. "زين لمتى بأقعد هنا خايفة من سعود.. ومواجهة سعود" "من يوم رجعت من المستشفى وهو صاير رقيق معي.. لو يهادني أو يعصب علي.. كان لقيت لي سبب أسرع أرجع عشانه بيت هلي" موبايلها يرن.. ردت بدون ما تشوف الرقم.. دانة بهدوء: ألو.. ................... دانة كحت لما عرفت صوته: هلا سعود.. (وش يبي ذا؟) سعود بهدوء : دانة أنتي وين؟؟ دانة قلبها رقع (وش يبي فيني هذا): تحت في الصالة.. سعود بنفس نبرته الهادئة الباردة: ممكن تطلعين لي شوي لو سمحتي... دانة بلعت ريقها: ليه فيه شيء..؟؟ سعود ببرود: إذا جيتي عرفتي وش فيه.. دانة برجاء مغلف بالبرود: طيب ممكن تقول لي وش تبي الحين؟؟ سعود بذات بروده: دانة أنا قلت تعالي.. وإذا جيتي بتعرفين أنا وش أبي.. أي جزء من كلامي كان صعب عليش تفهمينه؟؟ دانة كان ودها ترفض وكانت خايفة منه، بس مستحيل تبين له: زين سعود أنا جايه الحين ****************** بعد الغداء الأسري الحميم الأول اللي جمع جواهر وعبدالله وعيالهم نوف وعبدالعزيز كانوا مبسوطين لأبعد حد.. بوجود امهم وابوهم معهم على نفس السفرة.. جواهر قامت بمهامها كربة بيت وأم وحتى زوجة لعبدالله قدام عيالها على أكمل وجه.. عبدالله اللي كان صداعه خف كثير.. كان فاكهة الوجبة بحديثة الشيق.. بأسئلته الدقيقة لعياله عن دراستهم وهواياتهم.. الشيء اللي كشف لجواهر اهتمامه الكبير فيهم وحرصه على معرفة كل شيء يخصهم بعدها العيال وابوهم طلعوا لغرفهم.. وجواهر طافت شوي في البيت.. وراحت للمطبخ تشوف شنو اللي ناقص.. تعرفت على الخدامات كلهم.. ومهمة كل وحدة.. وبدت تعيد تنظيم مهامهم من جديد جواهر بعدها راحت تطل على عيالها .. نوف كانت تدرس لامتحاناتها.. وعزوز يدرس لامتحان التوفل اللي كان مقرر يقدمه كتجربة أولى بعد حوالي أسبوعين.. قعدت مع كل واحد منهم شوي.. كانت مبسوطة فيهم كثير..وهم مبسوطين بوجودها أكثر.. إحساسها بهم كان أكثر من مبهج.. أكثر من رائع.. أكثر من مرضي لمشاعرها الأمومية.. عيالها الثنين ذكروها بولدها الثالث رغم إنها اتصلت عليه اليوم أكثر من 5 مرات.. كلمت أخوها عبدالعزيز.. وتطمنت إنه تغدى وكان يبي يريح شوي قبل صلاة العصر.. حتى جواهر حست إنها فعلا تعبانة ومحتاجة تنام شوي قبل العصر.. ( أروح انام في وحدة من غرف الضيوف دام عيالي لاهين موب دارين عني؟؟.. بس أنا لازم أبدل التايور اللي علي.. ألبس بيجامة أو قميص أنام فيه... لحول يعني لازم نروح لغرفة عبدالله) جواهر دخلت الغرفة بالراحة.. غرفة النوم كانت معتمة، معناها عبدالله نايم بعد.. حمدت ربها جواهر خذت بيجامتها وجات تطلع.. صوت عبدالله اللي معطيها ظهره: تعالي جواهر لو سمحتي .. خلي نسولف شوي لين انام.. لو ماعندك مانع.. جواهر لما يطلب منها بمثل هذه النبرة اللطيفة المهذبة تلاقي إنه صعب عليها إنها ترفض: دقيقة بس ابدل وبأجيك.. جواهر اللي لبست بيجامتها، جات وتمددت على أقصى الطرف الثاني من السرير عبدالله بصوت هادئ وهو معطيها ظهره: سولفي لي عن أي شيء تبينه.. إن شاء عن نيوتن والجاذبية أو تكوين الذرة.. أي شيء بصوتج.. **************** عائشة تدق باب غرفة بنتها ديمة اللي هي مسكرتها عليها عائشة برجاء حازم: ديمه افتحي لي الباب.. ياماما.. خمس دقايق صار لي أدق عليج.. وش تسوين ذا كله..؟؟ ديمة اللي فتحت الباب بقوة وهي لابسة تريننغ رياضة واسع لونه داكن.. ووقفت على فتحة الباب وهي تطالع أمها بتحدي: غريبة مافيه عمليات اليوم.. أو حد بيموت.. أو مؤتمر طاير من هنا أو هناك (قالتها بسخرية مريرة) كانت ديمة طويلة بالنسبة لسنها..سمراء وسمارها حلو .. شعرها بني فاتح على شقار خفيف وعيونها عسلي فاتح.. جميلة جمال استثنائي جدا.. لكنها كانت تخبيه بنظارة كبيرة سميكة (رغم إنه نظرها مافيه شيء).. شعرها كان لكتفها لكنه مقصوص قصة ولادية.. ديمه كان في حياتها مشكلتين وسرين.. المشكلة الأولى: إنها كانت ذكية لدرجة تتجاوز العبقرية.. المشكلة الثانية: إهمال أمها لها.. وتحسسها الشديد من الموضوع. في الحالات الطبيعية الذكاء لا يعد مشكلة.. ولكنه في حالة ديمة كان مشكلة كبيرة.. وخصوصا إنه أدى لحدوث سرها الأول.. سرها الأول: إن ديمة كانت هكر من أكبر الهكرز على الشبكة العنكبوتية، وإهمال أمها لها.. خلها تصنع شبكة علاقات معقدة مع أكبر الهكرز في العالم عشان تحس بأهميتها.. وهذا السر أصبح يتبعه العديد من الأسرار اللي العقل مستحيل يصدقها من هذه الأسرار إن الشاب البريطاني اللي اخترق موقع البنتاغون (وزارة الدفاع الأمريكية) قبل عدة أشهر كان أحد أصدقائها على الشبكة لكنها بذكائها لما قال لها على اختراقه للبنتاغون.. عرفت إنه خلاص نهايته قربت.. دخلت على جهازه ومسحت كل بياناتها عشان ماحد يقدر يوصل لها.. ومن أسرار هذا السر مثلا: إن ديمة أصبحت معروفة جدا في عوالم الشبكة الغربية وليست العربية، لانها كانت تحس أن الهكرز العرب أطفال ومبتدئين بالنسبة لها.. كان شغلها على كبير كبير لدرجة إنه صار لها أكثر من سنة، تتلقى عروض مهام من شركات ومؤسسات عالمية لتنفيذ أهداف على الشبكة: تدمير أو تخريب أو صيانة أو اكتشاف ثغرات أمنية.. وكانت تتلقى مبالغ مهولة ومرعبة على المهام اللي كانت تسويها المبالغ كانت تتحول لرقم حساب بدون اسم في جزر الكاريبي. كانت ديمه تديره عن طريق الشبكة.. عمرها ما استخدمت هذي المبالغ لنفسها أولا ماكانت تبي شيء يربطها فيها، ثانيا هي لا مادية ولا طماعة.. هي كانت تسوي كذا عشان تثبت نفسها بس.. ثالثا كل المبالغ كانت تحولها لحسابات اليونيسيف واليونسكو والانروا.. حتى جهات التبرع كانت تختار جهات معروفة.. تتبع الأمم المتحدة.. يصلها ملايين التبرعات من كل انحاء العالم.. حتى يصعب تتبع تحويلات الحساب الخبر اللي ممكن يسبب الجلطة لمن لا يصدق هذه الأشياء إنه حاليا متوافر بحساب ديمه في الكاريبي حوالي 3 ملايين دولار.... هي فقط ثمن مهمتها الأخيرة اللي كلفتها فيها شركة كمبيوتر شهيرة جدا.. لاكتشاف الثغرات الأمنية في أنظمتهم الحاسوبية.. كان نظامها في عملياتها هذي: إنها كانت تأخذ نصف المبلغ قبل العملية والنصف الآخر بعدها.. وماكان أحد من الطرفين يقدر يخل بالأتفاق.. لأن كل منهم محتاج للثاني وخايف منه.. الشركات تفكر بمنطق إنها ممكن تحتاج ديمة لمهمة ثانية، هذا أولا........ وثانيا يخافون إنهم ما يعطونها باقي المبلغ، تخرب عليهم مواقعهم.. أما من ناحية ديمة، فهي تحب تحافظ على سمعتها كهكر بروفشنال ينفذ وعوده بمصادقية ودقة... ومن ناحية ثانية تعرف إنها لو أخلفت وعدها مع هذه الشركات ممكن يجندون كم هكرز لتتبعها رغم إنها صعب تتبعها.. لكنها تحب تكون حذرة.. والاتفاق بينهم كان يتم بواسطة اسمها الحركي المستعار عن طريق شبكة معقدة من الايميلات..يصعب تتبعها هذا سر ديمة الاول المرعب وسرها الثاني كان أخطر... أخطر بكثير.. #أنفاس_قطر# |
حجز مكان >>لي عوده
اول شي يعطيج العافيه نفوسه على اول سطور البااار اليوم ذكرتي اسمي لا وشبكتيه في عبود>ياااويل حاااالي ((جواهر شافت وجه عبدالله يشرق إشراقة مذهلة..وهو يشوف المره اللي كانت تنتظرهم.. ووقفت لما دخلوا: هلا والله وألف مرحبا.. نعنبو دارج 3 أسابيع برا الدوحة.. نسيتي ولد أختج وعياله.. (عبدالله بنبرة فرح غامر)..)) خخخخخخخخخخخخخخخخخخخ جوجو وعبود يعيني عليكم عيني عليكم بااارده ان شاء الله وش ذا التفاهم >>بكره بيخانقون من عيوني وبعدين عبود طلع ذكي يخلي جوجو تسوي الى يبغيه بسلوب مره حلو وبعدين عوشه باين عليه خطيره حطة شي جديد في بااال عبود >>>يخوفي يستعين في نوف عزوز عشان يقنع جوجو>>شلون تجي هههههههههههههههه بعدين هو مايبغي بس واحد شكل نوي على منتخب كوره يعني 12 هههههه راحت فيه جوجو>>>صح نفوسه وش رسالة موزه مايصير الى الان مادرة عنها جوجو؟؟؟ سعود يالخبل وش ناااوي عليه وهي عرفة من اختك ان نومك خفيف وصار على النايم ذنب ههههههههههه>>>فتوى جديده شوفي نفسي سعود يكون مره خطير ويسوي شي مفجع عن نفسه نفسي يترك هالبرود لي الرجل الحديدي اشوي بس اخ منه ....ودانه ياعمري والله تكسر الخاطر مره بس لاتخافين السعود بغير نظرتج 180 درجة وديمه بسم الله بالله يانفوسه ممكن لو معليج امر دوره عندها عشان اتعلم الهكر نفسي >>>خخخخخخخخ خطيره هالبنت بالنسبه لي الشي الثاني اتوقع سلفة قصة البوي له سبب ودكتوره ذكرتني بالمثل ((عندي دو الغيري ماعندي دو النفسي )) الل يهديه بس بنته اهم من الدكتوره وننتظر بكل شووووق ياعسل مذهلة |
ديمة ماتلعب هكرز ماتعرفيني عليه عشان أسررق قصتك هع هع
اذا كان سره الثاني أخطر من الاول فهذه مصيبة ياحليله عايشة ماتوقعت انه متزوجه وله بنت.. وبعذر بنته بس والله ماشاء الله عليه ذكية.. عبود وجواهر في تقدم ماشاءالله.. دنو واو أحس احراج يوم درت انه نوم خفيف وهـ فشلة بس سعود وش بيستفيد من خوفه؟ ومتعب ذا متى بيشرف القصة؟ تصدقين ماحبيته هالمتعب أحسه بيصير غثه ويرفع الضغط<<خليه يجي أول بعد احكمي.. ايه صح ياهلا بديمة وأمه <<أنتِ قلتِ رحبوا بهمhttp://forums.graaam.com/images/icons/biggrinlove.gif ومرحباً ألف بأنفاس نورتِ ليلاس.. |
السلام عليكم.. صج بارتين يو بوقتهم بعد امتحان يهبل بس البارتين يهبلون اكثر هع.. تسلم ايدج عليهم.. دانـه هههههه اذا واهي عبالهـا انـه كان نايم مستحيـه وماتدري شلون تكلمـه..شلون يوم درت انـه كان قاعد...غير جذي سعود اول مرة يسوي مثل هالحركـه..يعني المفروض تستغرب هع.. سعـود ههههههههه بدعت..احلى شي ان كل واحد يسأل اخو الثاني عنـه.. شلون بيستغل خوفها..!! ما اقول غير الله يستر منـك طلعت منت هيـن.. عبد الله يقهـرني هع مع انـه ما سوى شي..من حقه انهـا تقعد وتسولف معاه ومن حقـه بعد انهـا تدلك راسـه..من حقـه يحلم يكون عنده عيال منهـا..بس اهو وعدهـا مو اهو يحب ينفذ وعوده لو على حساب نفسـه هع..بس شكلـه مهو هادهـا لين تتقبـل وجووده.. عايشـه صج انهـا مو قاصدة تهمـل بنتهـا او تتجاهلـها..او انهـا تبدي شغلهـا عليهـا..بس صج لازم توازن بين الشغل وبنتهـا..لو ابوهـا موجود اوك بس جذي بتعقد البنت لا ابو وام مشغوولة.. ديمـه اذا السـر الاول وجذي..السر الثاني شنو...لا وبعد اخطـر مااقول غير الله يستـر..كل هذا بسبب انشغال امهـا وان مافي احد يوجههـا.. آخر شي كما ذكرت اعلاه ان توني رادة من امتحان عشان جذي هذا الي طلع معاي هع تقبلي مروري |
ياهلالا والفييييين غلالا................لارق انفاس قطريه :flowers2: شكرا لتشريفك.....على اكمال الروايه هنااا.......والشكرر موصول لمذهله على نقلها ...البارت...:flowers2: ويهلا بالضيف... الجديد والقدييم .... عبدالله والراحه الكبير من ناحية جواااهر ..... جواهرر .....احفري ايام وزمان وطلعيها ...... ديمه وسعود ...واكتشافاتهم ..الخطيره دانووه هكرزز...............وسرها الثانيي.... انفاسك..............هاديه ...بانتظاار اخر الغيااب ..:f63: |
السلام عليكم ورحمة الله وبركة
همسة حب ونبضة شوق تقول لك صباح الخير لوجه الخير وي نفووسه هكر مرررررر وحده يحليله ديمه شوفي نفوسه ابيه تعلمني كيف هكر علي اجهزة علشاااااان هكر جهزه بعض الكاتبات وكمان في كم منتد غثييييييييييث ابي هكر علي اخخخخخخخخخخخخخخخ ياويلي حالي هذه السر الاول وكذا هكر وفلوس بلاملايين من التهكير اجل وشهو السر الثاني عايشه ياحبني لها والله شكلها مر طيبه وحبوبه وشكله رح توصل العلاقه بين جواهر والغثيث عبدالله مالت عليه من رجاااال يعني اشك عند احساااااااس نو راس مكان يوجعه :53:بسسسسسسسسسسس غثااااااثه منها يكرهني لها جواهر شكلك اكذ بتحنين علي الغثيث شوفي اذا بتحنين عليه وشكلها عجبك توكلي علي الله وعيش حياتك بسسسسسس دوم ذكريه بعملته التااافه لي تجيب اغثاه لي قلبي سعوووووووووووود وربي انك رهيب وعليك حركاااااااااات بس حلو منك خليك جري وعيش حياتك وبين لها حبك وشكل بتلعب مع دانه لعب وربي من هين دوم العسكر وره مصايب دايمه يااااااربي منك وش هذه الخوف يابنت عاد هذه زوجك ولازم تقبليه في حياتك وابد معها حياه جديد وحلوه ومراحباااااابك مرة ثانيه مليوووووووووووون بمنتدناااااااا ليلااااااس الحر الاصيل لي لها كل الفحر نظمامك معنا في كواكبة كتابت ليلاس ودمتي بحفظ الرحمن ياغلاتي |
يامال العافيه انفاس عالبارتين الحلوه
عبدالله والله خطير يبي يشيل الرسميه بينه وبين جواهر وهي خطوه صح له حاليا منها يتعرف اكثر وهي كذلك والضيفه الجديده عايشه شكلها لها دور قادم في حياة جواهر عبدالله زين الشباب هههههه وديمه هذي مصيبه ماشاء الله عليها إذا هذا سرها الأول شلون سرها الثاني !!!! سعود مهوبسيط على حركته :p دانه يحليها طلعت خوافه لابالله بيستقعد لها سعود هههههه[[/B] |
الله .. الله .. الله ...................... يسلااااام عليك يا نفوسه بصراحة فتحتي نفسي بعد ماجيت من الدوام ....... ماصدقت عيوني الله يعطيك ألف عافيه ... إيه كذا خلي نفسي تنفتح وأنا في البيت وأروق على عيالي نبغى بارت كل يوم زي هالوقت . |
مشكوره أنفاس على الجزئين
ونورتي منتدانا الغالي عبدالله وجواهر العلاقة بينهم راح تكون طبيعة بس راح ترجع بالتدريج وبدون مايحسوا الاثنين بنفسهم سعود عفي عليك استمر وإلى الأمام واستغل خوف الحلوة دانة عايشه وبنتها أتوقع الوضع بينهم صعب وعايشة لازم تبين لبنتها اهتمامها |
السلام عليكم كيفك نفوسه ؟ يا هلا والله وغلا فيك بيننا والل فرحت بوجودك معنا مبدعه في اسلوبك ووصفك ومميزه في احداث قصتك ما شاالله والله يحفظك جواهر وعبد الله :: امورهم لاباس بها واعصابهم بدت ترتخي امممممم عبد الله ونداء الابوة اللي هيجته داخله خالته ويبدو انه سيلبي هذا النداء للمرة الثانيه ولكن العائق امامه الان جواهر وهذا الموضوع اللي بيكلم جواهر ومتردد فيه هالموضوع بيكون له اثر ايجابي في حياتهم عندي احساس لو كلمها عبد الله ممكن يفجر عندها مشاعر الامومه وبيفيض قلبها بهالمشاعر وبتتمنى ان هالمشاعر تكون محسوسه وملموسه لانها ما عشتها مع مع عزوز ونوف وبتكون في صراع مع نفسها ...هل تلبي نداء الامومه ولا تصر على الاتفاق المبرم بينها وبين عبدالله انه ما يقرب منها ..... وقد تخاف انه لو لبت هالنداء يتكرر اللي صار و يرجع عبد الله يغدر فيها عائشه :: الصراحه انتي عجبتيني لما جبتي طاري البيبي لعبد الله ودخلتي الفكرة في راسه ما ادري ليه قمت اقارن بينك وبين جواهر اللي ما تمر لحظه الا وتتذكر عيالها وتتحسر عليهم اما انتي بنتك عندك ومهملتها وخصوصا انها يتيمه و وحيدتك غير عمر المراهقه اللي تمر فيه المفروض تضحين عشانها ما اقول اتركي شغلك بس تخصصين وقت لها حتى ما يكون بينكم جفاء ديمه :: عبقريتها اللي استغلتها في الحاسب والهكرز نتيجه للفراغ العاطفي وتعطي لنفسها اهميه لانخراطها في هالمجال وهذا بسبب اهمال امها ..... اما السر الثاني اممممممم ما بعد السر الاول توقعات سعود :: ههههه اول الغيث قطرة هالمرة تقربت لها وانت مسوي فيها نايم عقبال ما يسقط قناع البرود .... حلو اسلوبك مع الدانه وبديت تحسن اسلوبك معها وخصوصا ان الدانه حاليا تنتظر منك زله حتى تمسكها عليك وترجع بيت اهلها لكن باسلوبك الان انت تقربها منك وتخجلها \ شكر لك غاليتي نفوسه وايضا لمذهلتنا الرائعه والحبيبه لك ودي واحترامي |
السلااام عليكم..
نفوووسه منووره وربي منووره.. صرااحه لااايق عليتس المكاان.. الله يجبر بخاطرتس مثل مااجبرتي بخاطرنا وخااطر مذهله.. نفووووووسه.وااااااااااااي .. اناا اليووم اكتشفت عبوود من اووول وجديد.. يهبــــــــــــــــــــــل.. ياا حلاااته.. شي هالرجاال اذا صااار حبووب وجنتل...صرااحه رووعه هالجزئين وبدت الاحداااث تدخل في اسلوب مخابراتي..هخهخخه عايشه : والله حبيتها ..بس ماا ادري ليش مهمله بنتهاا بالشكل هذااا.. ومن عنده قااعده البنت.؟؟ وخصوصاا اذا سافرت امها.... اذاا ماالهاا جده وجدتها متوفيه من تجلس عنده؟؟؟؟؟؟؟ بس وربي احلى شي قالته لما قالت لعبود جيبو بيبي .. يااحلوو هالكلمه وخصووصا تاثيرها على عبوود.. والله يااليت يجيبوون بيبي نفرح فيهاا كلناا مو بس عزوز ونووف.. هخهخهخه ديمه : بل بل بل.. انتي جنيه موو ادميه.. اجل ام 15 سنه وتسووين كل هالبلااوي.؟؟ . وانا بس من عرفت اسووي ايميل فرحاانه بعمري.. وقااعده اعرض خدماتي على القااصي قبل الداني.. وانتي تهكرين اجهزه خلق الله.. اقوول ياا ديمه وش راايتس انتصاادق انا وانتي..؟؟ فيه ناااس ودي ومنى عيني ان موااقعهم ترووح وراااا الشمس.. وش رااايتس تهكرين مواقعهم .. كذاا خدمه مجاانيه كرمال الصداقه اللي تووها ماا ابتدت بيناا.. هخهخهخهخه بس هذا السر الاول طيب والسر الثااني وشوووووووووو؟؟؟؟؟؟؟؟؟ هاللي اخطر من التهكير على الاجهااز.. يااخووفي تكونين مكتشفه مواقع ارهااابيه وشاابكه معهم بسبيل انتس تبين تعرفين وش يسووون وهم يعرفوون انتي وين ويدمروونتس قبل ماايدمرون موووقعتس....؟؟؟؟؟؟؟؟؟؟ والله السر الاخطر هذاا مخرعني.. اذا الهكر راعي البنتاغون عرفتي وش بيصير له..؟؟ اجل السالفه فيهاا ارهاااب اوو مخدرات .. اوو بتشاارك بانقلاب بيصير بدوله من الدول وتديره هالانقلاب عن طريق النت.. وتكوون واسيلي ومامادوو عن طريق النت... هخهخهخهخه يعني اتوقع سرهاا يكون سياسي؟؟؟ ايه او انهاا تقدر تسيطر على الاجهزه عن طريق النت.. يعني مثلاا الطيارات تقدر تخترقها وتخليهاا تغيير مساارهاا؟؟؟؟؟؟؟؟؟؟؟؟؟ والله هذاا اللي وصلتني له عبقريتي لفعاايل ديمه.. سعود ودانه : سعووود واااي منك ومن حركااتك ياا الذيب.. اجل مستااانس بفعااايلك.. بس ودي وخاااطري اعرف الحين وش بتسوووي بهالسر اللي عرفته عن دانه.. لاايكون بتقعد تخرعهاا وكل شووي البنت ناااطه على صدرك من الخرعه؟؟هخهخهخه.. بس الحين انت ليش مناديهاا وش تبي فيهااا ياا سعوود بيه..؟؟ والله ضااربني الفضوول بشششششششكل ودي اعرف وشلوون بتتعامل معها.. لان سياسه النائم ماعليه حرج تم كشفهاا يااذكي..هخهخه.. وانتي داانه خليتس قوويه... يعني انتي ماا اقدمتي على هالخطووه الا وانتي حاااسبه حسااب كل شي.. خلااص اجل وش له منخشه تحت عن حضرة الضابط سعود..؟؟ يله الحين بالتوو واللحظه ابدئي صرااع البقاااء.. والله يووفقتس ياارب مع سعود.. والله شكل كل واحد فيكم بيلعب بالثاني لعب.. انتي يمكن تستغلين اللي عرفتيه بان نوومه خفيف باشيااء ممكن انتي تحرجينه فيهاا.. وهوو ممكن يستخدم معرفته بانتس خوافه لاشيااء بعد بيستفيد منها.. ؟؟؟ وحنااا عليناا الدعاااء بان الله يهديكم لبعض.. لان متى ماا الله هدااكم لبعض بتصيروون تووسوعوون صدرونا..هخهخهخه جواهر : والله يااجواهر لوو تقعدين تسووين كذاا بانتس مااتاخذين بيد عبوود الا اسبووع بالكثير 10 ايام..هخهخهخه.. والله هالرجال اليوم ماايلعب.. شكله بدأ فعلاا اللعب صح.. وانتي تسووين اللي يبي بدوون مااتقاومين بدعوى انه يطلب بكل ادب واحترام.. والله هذي خطه ونجح فيها عبوود.. وانتي اذا تبين الصراحه وبدوون زعل شكلتس مستاانسه بالهدوووء اللي انتم عااايشين فيه.. واهم شي اننا مااشفناا لووعة الكبد هاللي تجيتس وتخليتس ترجعين.. وخصووصا لما عبود حط راسه على رجوولتس.. اشووى انتس مااا لوعتي كبودنا ورجعتي على وجهه..يعععععععع..هخهخهخه عبوود: يااسلاااااااام والله ماا حد مستاانس هناا الا انت.. والله ماا احسنك من رجال.. تبي بيبي وانت ماا خليت ولاا كلمه تدل انك ماتبهاا الا وقلتهاا والحين من كلمه بس الضحكه شااقه الحلق من الخيال.. بس تدري عبوود والله اتووقع ان هالفكر تسيطر على راااسك وتكبر فيه لين تصير.. وسر وحناا معك قلباا وقالباا.. >> والله انا اليوم رااضيه عليك .. رح والقلب دااعي لك..هخهخهخهخه نفووسه الجزء اليووم فيه نشااط واحداث حلووه.. بس بسأل وش صاار على منيره وسالم.. ليش عندهم ركوود.. هخهخهخه. خليهم يدخلون ونشووف منيره وش صاار عليهاا عرفت عن زواجها والا للحين تدربي راسهاا بالاسواق تقيس ملابس صديقة سااره وهي يااغافلين لكم الله.. هخهخهخه تسلم ايديتس ونستنى الجااي بكل شووق... |
السلام عليكم انفاس مساء الانوار والسرور والطلة البهية المنوره شرفتينا بتواجدك يا انفاس والجزء اليوم رائع وفيه تطورات ما نقدر نقول كبيرة بين عبدالله وجواهر الا انها نوعا ما ًمسة القشرة الخارجية لجواهر وخصوصا ً ان عبدالله يعرف من فين تؤكل الكتف واكل العنب حبة حبة وكل شيء يجي بالهداوة وطولة البال ابرز شخصيته في الاول وبين لجواهر انه انسان قد الاتفاق وانسان راقي وشخصية محببه يعني يحاول يحبب جواهر فيه ولكن هذا الشيء ما يمنعه من بعض التصرفات الجريئة الي تلين القلب وتستدر مشاعرها الانثوية وبالفعل جواهر بدأت تنقاد مخيرة وليست مسيره لشِباك عبدالله من حيث لاتدري او تشعر واول بوادرها ذلك الشعور الذي راودها لما قام عبدالله من حضنها فكرة عائشة بالبيبي دخلت مزاج عبدالله واخذته الى العوالم الوردية لكن سرعان ما تذكر موقف جواهر من الموضوع فهل مع الايام تكون هذه رغبة نوف وعبدالعزيز الي يتمنون الاخ وطفل يناغي بينهم فبتالي امنية وجود طفل في حياتهم تكون هي سبب اجهاض للاتفاق ديمة ...وااااااااو والله حلوة شغلة التهكير فيها بنتاغون وشركات وعوالم كبيره حمستينااا انفااس ذكرتيني بفلم الكرتون الجاسوسات مدري الخارقات حاجة زي كذا .... حتى وصفك لشكلها عن جد راكب على شخصيتها شخصية علميه عبقرية ما عندها لعب وتضيع وقت على الاقل بعد امها عنها استغلتة في شغلات تفيدها وفي نفس الوقت تضرها اذا ما اخذت حذرها يعني كويس ان البنت ما انحرفت وصارت حقت شباب ومن ذا الكلام دائما ً نقرأ ونشوف ان البنت البعيده عن العين الرقيبة تسلك سلوك المنحرفين , صراحة انفاس طرحتي خط سير آخر مختلف ورائع ومحمس لمن يفتقدون العاطفة الاسرية سعود وعرفت نقطة ضعف دانه وهي الخوف فكيف حتستغل ذي النقطة لصالحك هل بتخوفها وترعبها من النومة في الصالة وعلى الكنبة .وتوصل للي تبي بالف والدوران وزي ما قالوا من له حيلة فليحتال انفاس يعطيك العافية وتسلمين ومرحبابك يالغالية |
هلا وغلا بانفاس بينا
والله نورتي المنتدى بوجودك نرجع للبارت رهيبه خالة عبدالله خلته يفكر بموضوع العيال وان شاء الله يكون لها تاثير على جواهر وعبدالله بس بنته مسكينه الله يستر لا تسوي لها مصيبه ونجي عند احلى ثنين هم سعود ودانه اخيراً ياسعود بديت تتحرك وتترك الجمود الله يعطيك الف عافيه |
لالالالالالالالالالالالالالالالالالالالالالالالالالالالالا
انا اجتج الحين انفاس هنا وانا مدري يامرحبا يامرحبا اهلين وسهلين وبوستين على الخدين امممممممممممممممممممممممممممممممممممممم كنت راح اشارك في المنتدى الثاني يالين توصل مشركاتي من 361 الا 500 عشان ارسل لك ردود البنات وهذ1 كان طلب من مذهله وانا مستحيه منها اني ماقدرت انفذ لهااا اول كان 150 وش خلاهم 500 مدري المهم مو هذي سالفتنا سالفتناا انك نورتي المنتدى على نور الموجودين ويامرحبا يامرحبا .. عبدالله هع هع يوم جاء يبي الجوهره على بالي بيقوول ابي عيال مادريت ان فيه صد1111ع بس قلبي عورني لا يكووووووووووون فيه شي بسم الله عليه انتبهي عشان خاطرنا ابعدي عن الامراض قلبي مات من الي يصير في غزه لا تكملين انتي انا حساسه بزياده حتى من القصص اتئثر الجوهره زيييييييييييييييييييييييييييييين والله توقعت بتفشل عبدالله من ركبت السياره بس حلوو طلع فيها سنع بس يالله يارب تستلطف عبدالله بسرعه ديمه انصدمممممممممممت هذي شكلها بتاخذ جزء كبير في القصه بس ماكملتي وش السر الثاني حر1111111111111111م طالعه بحركات التشويق انتي .. عبدالعزيز الصغير يارب ينجح في امتحانه والله يوفقه يارب نوف الله يبعد عنها صاحبتها اشريه انفااااااااااااااااااااااااااااااااااااااس عطينا بارت هديه بسبب انظمامك في ليلاس .. ننتظرك ياقلبي (( واشرك حبيبت قلبي مذهله الي عرفتنا على قصتك وجابتك عندنا تسلمين يامذهله )) جـــــــــــ,ـــــــ,ـــــــودي |
حلوه مره الروايه
بصراحه |
اقتباس:
جودي يادبه يادبه ليه ليه تقولين عبدالله ياقلبي >>>>عيب صار من ممتلكاتي من اليوم بعد العمايل السنعه مع جواهر على قولة زارا شكلها مارح تاخذ في يده 10 ايااام >>>>ياااعمري عليه بس وتسلمين ياقلبي انتي اخجلتي توضعي:f63:>>>>ولا عاد تمدحين عبود ولا تسبينااا خخخخخخخخخخخ |
تسلم ايديكي نفوستنا الغاليه ....رائع جدا جدا ...
ومتميزه حتي بأفكارك الرائعه والغريبه التي لم اشهد مثلها من فبل فلقد تميزتي بالتنزيل اليومي ..... وبالأهداءات ....بعده بارتات .... بالرغم من تهديداتنا بمظهرات واعتصامات والتهكير علي جهازك الا انك كنتي قدها وقدود ...واسعدتينا لأبعد حد,,,, اسعدتينا لأنك نورتي مكان غالي علينا كلنا ووضعتي بصمتك فيه.....منتدي ليلاس وربطتي قلوب كثيره بقصتك التي تستحق 10 نجوم ذهبيه مش بس خمسه... وتستحق أيضا التثبيت .... وكما كنت اقول من قبل لبعض الأخوات ان هناك بعض القصص تستحق التميز لأكثر من مره ......لأنها فوق الروعه بمراحل تميز علي الأبداع في الكتابه وتميز علي الوصف وتميز علي الألتزام والحرص علي قرائك وتميز علي الأفكار الجديده جدا والغريبه والتي تدل علي ذكائك الشديد وخيالك الخصب وثقافتك العاليه لا أستطيع التعبير عن أعجابي ببارت اليوم أكثر من هذا ....لأنه صاروخ .... وخاصا بقنبله البارت ديما ....الهكر الصغنونه أخشي أن تجر رجل عبد العزيز بن عبد الله معها ... الي شيئ اكبر منهما سويا أري الكثير من الأكشن بالجو ......والشرار يتطاير من بعيد واعتقد ان سرها ...أنها تحب عبد العزيز ابن جواهر ..... ولكنها تخفي هذا بمهاره شديده ربما يكون بمشاكستها له,,,, عبدالله ....شديد المهاره والذكاء .... يسحب جواهر ناحيته ....بمنتهي الحنيه ولا يشعرها انه يسحب السجاده من تحت أقدامها .... يعودها عليه بهدوء شديد .....حتي تحن هي وتطالب بوده وحنانه بشوق شديد... فكره البيبي ....فكره رائعه..... هل ستتحول الي أتفاق عملي يجمعهما سويا ام أن عبدالله سيجبرها علي تنفيذ رغباته؟؟؟؟؟ سعود ....اخيرا تحرك الجبل ,,,,,, بدأت اخشي علي ديما من التخطيط العسكري لأقتحام قلبها وجعلها تسلم الحصون وترفع الرايه البيضاء فهل سينجح؟؟؟؟ أنتظر القادم مع منيره وسالم .....ومها وخطيبها ..... وهند واخيها الغلس بتخطيطاتهم الخبيثه..... وعبد العزيز وزواجه القريب من نوره .... والأمر الذي يدبره في السر .... أعتقد أنه ربما كان يخطط للذهاب للعمره قبل الزواج .... وماجد .....هل سيعود للأحداث بمفاجأه ..... ويرتبط بأمرأه اخري بعد طول صبر؟؟؟؟ يا تري هل عائشه خاله عبد الله مناسبه لماجد من ناحيه السن أم أنها أكبر منه؟؟؟؟؟ مجرد سؤال؟؟؟؟؟؟؟ تحياتي نفوسه العزيزه ...والمعذره منك ان كنت قصرت بالتعليق من قبل ولكنها ظروف الحياه .....والمشغوليات لا تنتهي ... ولكن ....مهما غبت بقلمي ...... فسأظل أتابعك بروحي وعقلي .... الذي أثرتي بهم بقصتك ... وأمتعتيهم لأقصي حد ,,,, تحياتي عزيزتي ..... وكل التحيه والود مذهلتنا الغاليه ....جزاكي الله كل خير .... وجعلك من السعداء دنيا وأخره ومبروك عليكي عبدالله بوند ...الواد الفتك الخطير ..... أخشي أن زارا ترجع في كلمها بعد أحداث القصه ما تحمي وتحلو أكثر .... وتعلن عليكي الحرب وتطالب بوضعه بالمجموعه الماسيه ولا الؤلؤيه أنا قلبي معاكي علي الي حصل في المنتدي الثاني .....مالت عليهم كلهم هما يطولوا يكون عندهم عضوه رائعه مثلك ...... أخت عزيزه وحنونه ......ومحترمه جدا ..... هما الخسرانين صدقيني لأنهم خسروا أنسانه رائعه مثلك ..... أتمني من أخواتنا المشرفات ....انهم يعطوكي أعلي وسام بليلاس ...وسام العطاء ... علي كل مجهوداتك الرائعه ,,,,, وايضا يقوموا بتثبيت القصه بالأعلي بجوار قصه .....عتبات تخطو علي عتبات الرحيل ... وبجوار قصه أنت لي لأنك تستحقين هذا الأمر بالفعل تحياتي اختي العزيزه .... .وفقك الله ورعاك ..... وادام عليكي الفرح والسعاده |
هلااااااااااااا وغلااااااااااااااا ومرحبااااااااااااااا ومسهلااااااااااااااااااااااااااا
يا الله حي انفااااااااااااس نورتي ليلاس بطلتج الحلوه اول شي قصتج شي رهيب ما شاء الله بدعتي في كتابتها طرح جديد غير ترى انا ما اقرا القصص الا بعد ما تنتهي الكاتبه منها اخااف توقف بس انتي غير قصتج غير تقريبا مثل جده غير قلت لامي انفاس تقول انا مثل مطر الوسمي تقول بلاها ما عرفتج عدل هههههههه << دوم ظالمينها يا عسى يدينج ما تكسر << عسى ماشر عجيزنا هههههههههه الموهم البارت عجيب رهيب يخبل يجنن عبوووووودي يؤؤؤؤؤؤؤ يا عساني فدا راسك يا عبودي ههههه نفوسه ترى والله اعرف ادلك والله ههههههههه عجبتني تطوراته مع جواهر ياااارب تتحسن العلاقه بينهم وشكله قرب يروض جواهر جواااااااااهر ياعيني على اللي جبدها تلوع وتبي تستفرغ وهي ما ودها عبودي يشيل راسه ما عرفنا لج يا جواهر خليج خوش بنت ترى عبودي حبيب وطيوب صج ااخطا بس ربنا يسامح ليه حنا ما نسامح << ابجي بعد الله يهديج يا جواهر عواشه الصراحه حسيت بالغيره منها عبودي يحبها حيييييييييل بس عورت قلب عبودي بسالفه البيبي اللي ان شاء الله يجي يااااااااااااااااااااااااارب ديمااااااااا يممممممممممه تخرع لا كبرت وش بتسوي حاسه راح يكون له سالفه مع عزوز يعني مشروع زواج نجي عاد الحين لسعود يؤؤؤؤؤؤ يا سعودي طلعت منت هين وتفكر لا اله الا الله هههههههههههه حاسه انك بتمسك على دانه سالفه الخوف وكل شوي بتسوي فيها شي مقروده بس تستاهل عورت قلب سعودي فديته وفديت قلبه << احترنا فيج تبين عبود والا سعود هههههههه دندون يبيلها كف مني يطير وجهها وجع يوجع العدو تقول لسعودي شتبي المفروض ترقى له على طول حييييييييييييل متشوقه للي يبي يصير حاسه بي يسوي فيها شي يخرعها هههههههههههههه عاااااااااش سعودي انفاااااااااااااااااااااااااااس ما قصرتي كفيتي ووفيتي بالبارت لا خليت منج ونتريا منج بارت اليوووووووم |
يامرحبا يامرحبا دا نورك غطى عالكهرباء
والله ماني مصدقة عيوني أحلى نفوووسة عندنا هنا بالمنتدى ولا أقول خاطفة الأنفاس صراحة كل المنتديات حلوات بس المنتدى هذا غييير أحس فيه ألفة حلوة والله والله هالمنتدى حلو بس الحين صار أحلى يوم انضميتي لنا... اتمنى أنك عرفتيني أنا صدى صمت في المنتدى الثاني والله أنتي .. التميز.. والروعة.. والعسل بصراحة اليوم أثبتيلي أنك فعلاً ماشاء الله عليك خاطفة الأنفاس.. مع مفآجأة جزء اليوم صندوق الأسرار<< ديمة مشكلة حقيقية أن تكون عبقرياً في جو لايقدر هذه الموهبةالتي لديك ممايدفعك إلى سلك طرق غير صحيحة.. بس وش سالفة النظارة وليش تبي تخفي جمالها فيها.. عائشة.. وين أيامك ياشيخة والله طلع معك غبار وماراح أقول عنك شي لأن بصراحة البنات شرشحوك بمافية الكفاية على سالفة إهمالك لبنتك.. ماتسوى عليك أنتي وماجد.. حتى صارت الأفكار تودينا وتجيبنا أنك ممكن تاخذينة صراحة أنفاس أشكر الله الكريم على أن تعرفت بكاتبة بمثل مهارتك واستطعت التفاعل معك اسأل المولى بأن تكوني دائماً متألقة ونجمة في سماء الإبداع والتألق همسة...لمذهلة الخليج أشكر لك الذوق الرائع في نقل هذه الرواية.. والمنتدى الآخر هو الخاسر بخسارته لعضوة بمثل روعتك استودعتكن الله |
صباح الورد والفل والياسمين
من لما نزلت بارت أمس أنشغلت كثير لحد ماجاء بالليل يادوب صليت نمت مثل القتيل صرنا الصبح وابي أنزل البارت الجديد وحبايبي في ليلاس أول مرة أنزل عندهم، ما يصير الكسل كذا من أولها بعدون يرجعوني لمكتب الاستقدام حبيت أعبر عن فرحتي بتواجدكم للمرة الاولى ومشاعركم النبيلة تطوق عنقي أنتم المنتدى الوحيد الذي رددت على أعضاءه اليوم وأتمنى طبعا أن يسامحني غالياتي في المنتديات الأخرى ليس تقصيرا في حقهم ولكن فرحةً بليلاس وأهله مذهلة الخليج دوما مذهلة ومحلقة ورائعة قلبك ذهب صافي وحيويتك أكثر من مبهرة وبعدين شنو هالتطورات؟؟ القلب تحرك ناحية عبدالله اركزي يا بنت الرجّال توه عريس جديد مها175 يا هلا والله بنجمة المساء وكل مساء ديمة بعده دورها جاي بالسكة سعود بتشوفين وش بيستفيد من خوف دانة <= صار يرسم على كبير الولد متعب بعده دوره مو الحين لا تستعجلين عليه وتسلمين على الترحيب يا قلبي Bent el-q8 يارب يوفقك في امتحاناتك وكل شيء فول مارك يارب وتسلم لي حماستك الدائمة ودقتك في كل شيء وأنتي تفصصين كل واحد من شخصيات الرواية المسكينة انطرينا اليوم أتمنى البارت يعجبك مهما الليالي ألف ألف شكر على الترحيب يا قلبي خجلتيني يا قلبي والله انتظري الأنفاس القادمة التي ستضطرب أمواجها بين الهدوء والعواصف وصولا للأعاصير والتسونامي العامرية والله أنتي أم الذوق والكرم والروعة كلها يا عيوني أنتي ليش كذا كارهه عبدالله تدرين أنتي دواج بنية متابعة بس في منتدى ثاني مجنونة عبدالله بشكل ما تتخيلينه يعني مهما أوصف لك تولعها فيه ما تصدقين شيء فوق الخيال والله أم لولو يا قلبي أنتي حني على عبدالله شوي أرحميه المسكين النبع الصافي كلماتك كاسمك نبع صافي وشفاف لا حرمنا الله طلتك ومرورك Horan يارب اكون فاتحة نفسك على طول ولا اكون مغثة في يوم يارب شفي2002 شكرا يا قلبي على الترحيب حياك الله شوارفسكي أنتي تماما كما "شوارفسكي" :عراقة ..كريستال.. شديدة اللمعان أعجبني كثيرا تحليلك للأمور ولكن انتظرينا حتى ترى كيف ستطبق تحليلاتك على أرض واقع القصة شكرا ألف شكر على الترحيب زارا النور نورك زار خانم بس أفا شكلك ماركزتي معانا أو مالقطيتها ديمة قاعدة مع خالها ثاني اللي بتتعرفون عليه في وقتها بالنسبة لتوقعاتك عن سر دانة بصراحة مو فشنك إلا أبو الفشنك وامه وجدته بصراحة عديتي علي بشطحاتك المخرفة اللهم يا كافي أما عن منيرة وسالم خلاص قربوا.. وقربوا جدا أحداث مثيرة جدا في الطريق ميثان تسلم (أفنانك) وطلتك وترحيبك وكلامك الغير شكل أنتظري على عبدالله وشوفي هل هو بيقدر يكسر قشرة جواهر الخارجية وإلا اللهم ياكافي بتكون قشرة جوز هند بتكسر رأس عبدالله قبل يكسرها وفيه واحد من توقعاتك كان في الصميم بس أنا ما أحب أستعجل خليه يستوي وأنتي خليكي معانا سحر الحلال شكرا على الترحيب الذوق يا ذوق ويارب ما تحرميننا كم طلتك ومرورك جودي هلا والله بك وشكرا على الترحيب الحار والبوسات يارب يخليك خجلتيني بذوقك بالنسبة لعبدالله وانه يكون مريض لا أنتي ومذهلة ريحوا بالكم مع أني ما أحب أكشف أي شيء من الأحداث اللي بتجي لكن عبدالله ماخطر ببالي مطلقا أني أخليه مريض الصداع المتكرر أصبح مرض العصر..واعرف ناس كثير مايرتاحون منه إلا بالتدليك بس وبعدين فكرة المرض فكرة مستهلكة جدا في الروايات..وأنا ما احب الافكار المستهلكة عبدالله أنا مخبية له شوي أحداث غير مسبوقة..وماحدثت في رواية قبل بس أنتوا اصبروا علينا كله جاي في السكة Flood light شكرا يا قلبي وسعيدة أن الرواية عجبتك بوسي هانم هل سمعتي بالنقد الادبي الذي يقول أحيانا يكون نقد القصة أفضل من القصة نفسها هكذا أشعرتني بأنك بنقدك لقصتي وتحليلك لها تتجاوزين قصتي بمراحل عديدة لاحرمني الله طلتك العسل ومرورك وكلماتك العذبة ومخك الكبير بالنسبة لعلاقة بين ماجد وعائشة عائشة أكبر من ماجد بعدة سنوات لكن لو أردت أن أجعلهم يتزوجان لا مانع.. أستطيع أن أضبط الحكاية وخصوصا أن ماجد قد يستطيع انتشال ديمه المحتاجة لأب من جنونها؟؟ ما رأيكم؟؟ فلحة أنا سميتك أمطار الوسمي لاني حسيت الاسم فعلا لابق عليك وتستاهلينه يامزون الخير وعلى كذا: نبي فقع وربيع وخير لا تقصرين فينا والله زين عبودي كاثرين معجباته شكله بيسوي له رابطة مشجعات غربة عرفتك من أول سطر بلونه الاخضر وخطه المستقيم وروحه النابضة لك روح لا تشبه أحدا سواكِ غربة/ صدى صمت وجهان لعملة واحدة يحتكم الصمت بصداه فتحضر الغربة بصمتها مرحبا بك والف مرحبا وشكرا على الترحيب بالنسبة لتعليقاتك انتظرينا وتابعي تطوراتها كلمة أخيرة لبوسي وغربة يبدو أنكم فهمتوا خطأً أنني سأترك المنتدى الآخر نعم حدثت مشادة وسوء تفاهم ولكن لست من تخل بالتزامها أنا أصبحت ملتزمة بعشرات المتابعات الوفيات هناك ومن أجلهم فقط أنا مستمرة حتى أواجه برفض صريح لما أكتب كما أنا اليوم ملتزمة وبسعادة أكبر وأكبر بكم هنا في منتدى ليلاس لا حرمني الله منكم جميعا |
للكل
استلموا البارتين الجديدة 48 49 أكشن جديد وتغيير كبير في مسار الأحداث سيحصل قراءة ممتعة مقدما ولاحول ولاقوة إلا بالله |
بعد الغياب/ الأجزاء 48، 49
بعد الغياب/ الجزء الثامن والأربعين
#أنفاس_قطر# سر ديمة الثاني المرعب: إنها كانت مقررة تسوي عملية تحويل لجنسها من ورا أمها.. بس لحد الحين ماتدري أشلون.. هي قامت ببحث عن البلدان والمستشفيات اللي ممكن تسوي مثل هذي العملية.. لكن عائقها هو أنها لم تبلغ السن القانوني.. وماتقدر تسافر بروحها.. وحتى إن سافرت (لأنها تقدر تدخل على كمبيوتر وزارة الداخلية وتطلع تصريح سفر بأسمها يعمم على كل منافذ قطر"وأهلا بالحكومة الإلكترونية") لكن حتى حينها المستشفى بيرفض يجري العملية دون موافقة ولي أمرها. ديمة لا كانت شاذة ولا مثلية.. كانت بنت مشاعرها طبيعية مثل أي بنت.. لكنها تعاني من عقد عميقة.. وكانت تعتقد إن أمها مهملتها لأنها بنت، وإن أمها تتمنى لو كانت ولد.. عشان ما يكونون ثنتين حريم بروحهم.. عشان كذا كانت تبي تحول نفسها.. كانت تعتقد إنها بهالطريقة ممكن تكسب أمها لصفها.. وخصوصا إن ديمة كانت تعتقد إنها بنت بشعة.. فكانت تقول لحالها: الولد مايضره لو كان قبيح.. بس بنت وقبيحة ما تنبلع.. ديمة المسكينة كانت تعاني من انحرافات حادة في التفكير وانعدام في ثقتها بنفسها كأنثى.. وغرور كبير بعقلها كهكر، بدون ما تلاقي اللي يمد يده لها.. وينتشلها من جنونها اللي بيوديها في أكبر داهية من كل ناحية أمها بعدها واقفة عند بابها: حبيبتي هلكتيني أدق عليج.. هذا كله على النت.. شكلي أقطعه عن البيت أحسن.. ديمة برعب داخلي وبرود خارجي: واشلون أحل دروسي إذا قطعتيه..؟؟ أو بتعطيني من وقتج الغالي شوي تدرسيني فيهم..؟؟ عائشة اللي حاسة بتقصيرها: عبدالله عازمنا على العشا.. تعالي نطلع أشتري لج طقم لبس جديد تحضرين فيه.. ديمه ببرود: ما أبي أروح.. ولو بغيت اروح.. دولابي مليان ليش نشتري لبس جديد.. عائشة بحنان: أولا لبسج كله بناطيل وتيشرتات.. تعالي نشتري شيء بناتي شوي.. ثانيا: خبر جديد، عبدالله رجع أم عبدالعزيز ونوف وأنا أبيج تروحين تتعرفين عليها.. ديمه بلهفة: عزوز صار عنده أم..؟ وبعدين كملت ببرود مصطنع: زين نروح نسلم عليها.. بس لبس ما أبي.. عائشة باستسلام سريع: زين اللي تبينه.. ************** دانة واقفة على باب غرفة سعود، كانت مرعوبة (يمه.. وش يبي فيني؟؟) .. خذت نفس عميق.. ودخلت لقت سعود قاعد في الصالة.. قدامه رشاش كلاشينكوف يفككه.. دانة قلبها رقع( لحول هذا وولد عمه والرشاشات.. وش راه هو ورشاشه بعد؟؟) دانة بصوت واطي: السلام عليكم.. سعود عينه في الرشاش اللي قاعد يفككه.. مع إنه بيموت يبي يرفع عينه يمتعها بشوفتها وماسوى ذا الفيلم كله.. إلا يبي يشوفها.. سعود بهدوء: وعليكم السلام.. أنا أسف ..بس وانا أبي أنزل رشاشي من فوق الدولاب.. طيحت بعض ملابسش.. دانة تنهدت براحة: (الحمدلله مناديني عشان كذا بس).. وقالت بصوت هادئ: عادي ماصار إلا الخير.. ارتبهم الحين.. ودخلت ترتب الملابس اللي لقتهم واقعين على الأرض (بفعل فاعل مجهول تقصد اسقاطهم مع سبق الاصرار والترصد) .. وسعود قاعد ينظف الرشاش بعد ما فككه.. سعود فعلا استغرق في الشغلة اللي هو قاعد يسويها باستمتاع.. وهو ينظف الرشاش بدقة.. باستخدام عدة خاصة.. جات دانة وجلست وهو ما انتبه لرجعتها.. كانت تراقبه بفضول.. وهي تشوف دقته واهتمامه.. بعد ماخلص تنظيف.. رجع يركب الكلاشينكوف.. وكان يركبه بمهارة وسرعة.. أول ما خلص، ابتسمت دانة.. وقالت: برافو.. رفع سعود رأسه وهو يبتسم: أنا أسرع واحد في الثكنة يفك كلاشينكوف ويركبه.. دانة كانت مبتسمة وهو يكمل بحماس: من تدريباتنا الاعتيادية.. إنه نفك الكلاشينكوف ونركبه خلال أقل من دقيقة.. دانة بدهشة: لا لا.. ما أصدقك.. دقيقة وحدة تفكه وتركبه؟؟ سعود بحماس وسعادة وهو يشوف تفاعلها معه: تتحديني أفكه وأركبه في 40 ثانية..؟؟؟ دانة اللي تحمست: أتحداك.. سعود وقف ورفع أكمام ثوبه لحد كوعه .. وقال بثقة: خليني أسويها على طريقة المعسكر شال الرشاش وجا وجلس على الأرض على ركبه قدام دانة.. وبدأ يفك الكلاشينكوف في الوقت اللي دانة ركزت في ساعة يدها.. عشان تشوف كم الوقت من لما بدأ.. كانت أصابعه تتحرك بسرعة هائلة.. لدرجة عن دانة ماكانت قادرة تلحق على سرعة حركة إيديه.. فك القطع وصفها قدامه وعقب رجع يركبها من جديد.. خلال 38 ثانية كان مخلص.. دانة ابتسمت وقالت له: 45 ثانية.. يعني خسران.. سعود بصدمة: مستحيل.. عمري ما تجاوزت 39 ثانية أصلا.. دانة بعيارة: الساعة تقول مو أنا.. سعود وهو مبتسم: يالساعة مخبطة يا راعيتها مخبطة.. واحد منكم يغش.. سعود اللي كان طاير بالجو الرايق اللي بينه وبين دانة.. رن موبايله.. (من اللي يتصل هالوقت الله يأخذه).... كان جابر صديق سعود.. سعود بهدوء ومودة (وهو وده يزنطه): هلا جابر.. ................... في البيت .................. سعود بعيارة: زين يا ابن الحلال لا تبكي علينا.. جايك الحين.. دانة كان نفسها تسأل وين بيروح من فضولها.. بس كتمت الفضول في نفسها.. بس سعود أرضى فضولها بدون ما تكلف نفسها: هذا رفيقي جابر.. في مخيمنا اللي بروضة راشد.. وسيارته تعطلت عليه.. بأروح أخذ لي ميكانيكي وأروح له.. دانة بفضول: عندكم مخيم في روضة راشد؟؟ سعود بود كبير: عندنا.. لو تحبين تشوفينه.. وديتش يوم يكون الشباب كلهم في الزام..وعقب ما أنبه عليهم .. دانة اللي عارفة إنها خلاص مو مطولة في بيت سعود.. ماحبت تكون قليلة أدب قدام عرضه اللطيف، فردت عليه بنبرة لطيفة: إن شاء الله.. سعود دخل الحمام يتوضأ.. لأن أذان العصر ماباقي عليه إلا شوي.. أول ما طلع وهو يبلس غترته دانة سألته بهدوء: طيب دامك رايح لروضة راشد ويمكن تتأخر.. ممكن أروح لهلي؟؟... أبو خالد اليوم كلمني أكثر من مرة وشكله مشتاق لي شويتين.. بأتصل بخالد بعد صلاة العصر.. (حتى أنا مشتاق ..ومشتاق على طول.. وبأموت من شوقي.. وش تبين بذا الشيبه اللي قلبي ناغزني منه؟) سعود كاره طاري روحتها لبيت أهلها، يخاف تروح يمسكها عمه فسأل بطريقة عادية وقلبه يرقع في انتظار إجابتها: طيب أمرش وأنا راجع من المخيم؟؟ دانة بهدوء: مافيه داعي تتعب نفسك.. خالد بيرجعني.. سعود اللي تنفس بعمق وارتاح: مافيه داعي تتعبين خالد، قومي ألبسي عباتش أنا بأوديش وأنا بأرجعش.. ************** محمد اللي كان متمدد على سريره.. كان يفرفر في الكتب شوي.. استعدادا لامتحاناته.. هو أساسا ماعنده إلا مادتين.. والفصل هذا أخر فصل..بعد سبع سنين قضاها في الجامعة.. الأصح ست سنين ونصف.. طرأ عليه طاري، لقط موبايله: جبير يالعلة.. الوعد بكرة.. ترانا بنمشي عقب صلاة الفجر على طول.. طرف قشك.. جبر يضحك: زين قول السلام عليكم أول.. محمد: وعليكم السلام.. وما أبغي كثرة بربرة.. بكرة موعدنا للنعيرية.. جبر اللي يضحك: بس أنا عندي دوام بكرة.. محمد بابتسامة: فيه شيء اسمه أجازة عارضة.. يعطونك 7 أيام في السنة.. منت بميت إذا خذت يوم عارضة.. جبر اللي ميت ضحك: وامتحانك الاسبوع الجاي محمد: مهوب طاير... بينتظرني لين أرجع.. يعني بتسوي لي الفالح.. يأخي توك متخرج الفصل اللي طاف عقب ماشابت عيونك في الجامعة.. والنعيرية رايحين رايحين ولا لك عذر.. جبر باستفسار: ومن بيروح معانا..؟؟ محمد بعيارة : معنا معنا.. ريح روحك من الالف الزيادة ذي.. بيروح معنا خويلد وسويلم.. ****************** جواهر اللي صحت على منبه تلفونها لصلاة العصر.. صحت وهي مرعوبة.. لأنها قامت لقت نفسها تقريبا لاصقة في عبدالله.. وهي اللي كانت متحركة.. بينما عبدالله كان على نفس الجهة اللي نام عليها.. جواهر نطت واقفة: الحمدلله أني صحيت قبله.. لا يشوفني أنا اللي لاصقة فيه.. جواهر صحت عبدالله على أساس يتوضأ قبلها لأنه بيروح للصلاة في المسجد.. عبدالله المبتسم وهو توه يفتح عيونه: جواهر ولا عليج أمر.. شوفي عزوز توضأ أو لا.. عشان يروح معي المسجد. ابتسامته صارت تفــــــتنها.. وغصبا عنها.. صدت جواهر تحاول تكسر تأثير سحر ابتسامته عليها.. وطلعت تشوف عيالها ***************** جواهر بعد ماصلت العصر.. لقت مسج من نجلاء.. ومسج قبله من موزة: غريبة ماشفت مسج موزة قبل، يظهر اني فتحته بدون ما انتبه.. قرت مسج موزة... حست وجهها عطى كل ألوان الطيف من وقاحة المكتوب ( طيب ياموزة.. طيب مردودة) مسحته ..و دقت على نجلاء.. نجلاء بحب وعيارة: هلا والله بالعروس.. زين تذكرتينا.. جواهر بعيارة: انتي قلتيها.. عروس.. وش أبي فيج؟؟ نجلاء بخبث: أيه اللي نامت بحضن واحد مثل عبدالله.. تنسى العالم كله.. جواهر بحرج كبير: نجلاء عيب يا قليلة الأدب.. نجلاء بمرح: شنو عيب بعد، لا تكونين مفكرتني صدقت خرابيط التنازل عن الحق الشرعي.. والفيلم اللي ماله طعم كله.. جواهر بحرج: والله السالفة جد.. وانتي وحدة فيوز مخج ضاربة.. نجلاء اللي تضحك: والله مافيه حد فيوزه ضاربة غيرج أنتي وعبدالله.. لو كان الكلام اللي تقولينه حقيقة.. مع أني طبعا موب مصدقة.. جواهر بهدوء: وليه يعني موب مصدقة حضرتج..؟؟ نجلاء بهدوء: لأن هذا شيء مخالف الفطرة.. رجل وزوجته مقفول عليهم باب.. وماعندهم مشاكل صحية.. وخصوصا في وضعك أنتي وعبدالله بالذات.. كل واحد منكم يقول للقمر قوم وأقعد محلك.. لا ومحرومين طول عمركم.. يعني حد يلاقي الماي جنبه وهو بيموت من العطش.. ويقول لا ما أبي أشرب.. حدث العاقل بما يعقل.. جواهر كحت من الحرج: نجلاء شكلش استخفيتي.. كأنج منتي بعارفة عبدالله وش سوى فيني.. نجلاء بعيارة: وخري بس.. السبب اللي كانت حاقدة عليه عشانه.. وخلص بح.. عيالج في حضنج.. وش هالكآبة اللي تبين تعيشين روحج فيها.. صدق موب وجه نعمة.. يامره اسمعي الكلام.. عبدالله قبلج حارم روحه لأنه صاك على روحه هو وعياله، ومافيه حد لاصق بوجهه بس الحين عنده مرة صاروخ مثل القمر.. ما يقدر يحرم نفسه أكثر.. ولو هو يبي يحرم نفسه منج.. صدقيني بيطالع برا.. وعذره معه.. جواهر بدون ما تعرف ليه، حست بضيق غير طبيعي يكتم على قلبها وروحها.. وهي تتخيل إن عبدالله ممكن يطالع مره غيرها .. أو..... أو.... يكون معها... (لا لا مستحيل يسويها.. عبدالله رجال مصلي.. وسنينه كلها ماسواها يسويها الحين) نجلاء بعيارة: وين رحتي مدام عبدالله؟؟ جواهر : مدام عبدالله بعينج.. يالله سلمي على أم جاسم.. عندي شغل أبي أسويه.. جواهر نطت لدولابها تبي تلبس.. موب عارفة هي ليه مهتمة بشكلها كذا..وفكرت إنها محتاجة تروح للسوق تشتري لها شوي ملابس.. المهم طلعت تنورة بيضاء سادة ضيقة طولها لنص الساق بلوزة شيفون مشجرة بالأسود واسعة وأكمامها واسعة لكنها ضيقة ومزمومة من عند الخصر وأساور الأكمام ولبست معاها بوت أسود للركبة كعب عالي.. ولبست دبلتها اللي هي خلعتها وهي تتوضأ.. ماتدري ليه صارت تحس يدها ناقصة من غيرها.. مشطت شعرها الحريري.. وتركته منسدل على أكتافها بعد ماحطت ماكياج خفيف.. الباب يدق.. جواهر ارتبكت.. وحطت نفسها مشغولة بشيء في الأدراج.. كانت تحسب إنه عبدالله.. لكنها فوجئت إنه عزوز.. اللي ابتسمت بسعادة حقيقية من أعماق قلبها لما شافته.. عبدالعزيز قرب منها بحب.. حضنها من ظهرها وباسها على كتفها وجواهر حاضنة راسه بحب.. جواهر بحب: تبي شيء.. صح؟؟ عبدالعزيز بحب واضح: خلاص ما عاد استغرب من قدرتك على قراءة أفكاري.. صح أبي شي.. جواهر برقة: عيوني لك.. عزوز بهدوء: الليلة خالتي عائشة بتعشى عندنا.. صح؟؟ جواهر باستفهام: صح.. والمطلوب مني؟؟ عبدالعزيز بجدية: حاولي تقنعين خالتي عائشة تطلع ديمة من مدرستي.. توديها مدرسة بنات.. ثاني شي قولي لها تهتم في ديمه شوي.. ديمة مراهقة و محتاجة أمها جنبها.. جواهر بحب: يعني أنت اللي مو مراهق..؟؟ عبدالعزيز بهدوء: أبوي عمره ما أهملنا.. والحين أنتي معانا.. يعني من اللي مثلنا.. لكن ديمة أبوها متوفي.. وأمها مهملتها.. مع ان خالتي عائشة مافيه مثل قلبها أحد.. جواهر بود وحذر لأنها تتفهم تماما مشاعر المراهقين وحابة أنها تحتوي أي شي قبل مايستفحل: انا أمك وأحب أنك تكون صريح معي بدون خوف.. اهتمامك بديمه.. هل هو اهتمام عادي أو خاص؟؟ #أنفاس_قطر# بعد الغياب/ الجزء التاسع والأربعين #أنفاس_قطر# جواهر بود وحذر لأنها تتفهم تماما مشاعر المراهقين وحابة أنها تحتوي أي شي قبل مايستفحل: انا أمك وأحب أنك تكون صريح معي بدون خوف.. اهتمامك بديمه.. هل هو اهتمام عادي أو خاص؟؟ عزوز بحرج: ديمة مثل أختي الصغيرة.. جواهر بحب: وبتكون مثل بنتي.. خل بس علاقتي تقوى بعائشة وأنا أوعدك ما يصير الا الخير.. وعقب جواهرسألت بشكل حاولت إنه يكون طبيعي: الا أبوك وينه مارجع معك؟؟ عبدالعزيز بهدوء: راح المؤسسة.. جواهر حست بضيقة إنه راح قبل ماتشوفه ويشوف لبسها.. " صدق ما تستحين.. توج ماكملت يوم من يوم خذتي الرجّال.. بدت مشاعرج تخونج ناحيته" ************* عبدالله له ساعة من لما وصل المؤسسة.. في البداية كان مشغول جدا.. بس الحين خف الشغل.. فحضر التفكير.. ونتيجة للتفكير اللي مارحمه، تناول موبايله ودقه: مساء الورد أم عزوز.. جواهر على الطرف الثاني كانت حاسة برغبة كبيرة إنها تسمع صوته.. فكانت سعيدة جدا لما شافت إنه أمنيتها تحققت، لكنها ردت بصوت هادئ: هلا عبدالله.. عبدالله بهدوء وبنبرة فيها رقة: أنا خلصت شغلي.. أشرايج أعزمج على كوفي.. قبل موعد خالتي عائشة؟؟ جواهر ضحكت ضحكة ناعمة، عبدالله من سمع رنة ضحكته حس انه ساح على كرسيه: لا عبدالله ما أقدر.. خيرها في غيرها.. خالتي أم فهد وبناتها على وصول.. عبدالله بعيارة: خلاص لنا الله.. أروح أعزم أفضل.. جواهر بود: يستاهل أبو محمد.. عبدالله بود أكبر: زين خلاص أنا أستأذن.. نشوفكم بالليل.. ************** سعود كان متوتر.. ويبي يرجع الدوحة.. وسيارة جابر تأخر تصليحها.. جابر بعيارة: أنت وشفيك تحرقص كأنه راكبك 60 جني..؟؟ تركد يا معرسنا.. العروس مهيب طايرة.. سعود كح من الاحراج: جويبر تحشم.. قدام أخليك تحشم غصب.. جابر يضحك: أنت شوف حالتك أول.. يا أخي طرش لها مسج وإلا مسجين من المسجات الثقيلة.. تجيها تلاقيها مروقة.. جابر خبير بنات سابق.. تائب حاليا.. سعود ابتسم عمره ماخطر على باله ذا الشيء (صدق إنك عليمي) .. (دامني أحتاس إذا شفتها ولا أعرف أتصرف.. خل نستخدم أسلوب المسجات).. وبدأ سعود يرسم مخططه على كبير .. كبير *************** هند قاعدة في غرفتها تدور من الحرة والعصبية.. من لما عرفت إن عبدالله رجع جواهر.. كانت بنتفجر.. وهي على حالتها دخل عليها توأم الشر حقها: أفا هنودة وش فيها معصبة؟؟ هند بحرة: عبدالله أبو نوف رجع أم نوف.. فايز بتحسر: أفا الغزال طارت.. هند اللي ماكانت تبي فايز يعرف عن مخططها الشخصي قالت بكذب: الحين ماراح تخليني أكمل مخططك على نوف.. فايز بخبث وبرود واللي مخططه على نوف ماعاد هامه كثير: لكل خطة خطة بديلة.. أنا الحين أبيج تجيبين لي رقم أم نوف.. إلا هي شنو اسمها؟؟ هند بحقد: جواهر.. فايز في نفسه( يالبي الاسم وراعيته): جيبي لي رقم جواهر.. هند باستغراب: وش تبي فيه؟؟ فايز ببرود: موب شغلج.. نفذي وبس.. هند باستفهام: وأشلون أجيبه؟؟ فايز باستحقار: صج غبية.. اتصلي في نوف وقولي أبي أكلم أمج أبارك لها.. عطيني رقمها.. وش الصعب في الموضوع؟؟ هند باستفسار: وممكن أعرف وش تبي بأم نوف؟؟ فايز بعصبية: هند قلت لج موب شغلج.. في نفسه (جواهر هذي شغل خاص جدا..خارج نطاق الحسابات المادية) ******************** منيرة وسارة قاعدين يدرسون.. سارة رفعت رأسها عن الكتاب والتفتت على منيرة: الا انتي متى قلتي بتخلصين..؟؟ منيرة بعيارة: تدرين أنس سألتيني ذا السؤال 20 مرة.. اليوم الأربعاء وبكرة الخميس وعقبه الجمعة السبت عندي امتحان والاحد امتحان والثلاثاء امتحانين وعقبها خلاص... فهمتي والا اعيد.. سارة صايدتها حالة كآبة حادة.. كل ماقرب موعد إخبار منيرة بموعد عرسها.. سارة عارفة باللي بيصير.. وماتقدر تلوم منيرة.. وخايفة أنه اتفاق سارة مع سالم يسبب لها شرخ في علاقتها مع أختها.. سارة حاولت تطلع من الأفكار هذي من رأسها: منيرة تبين كابتشينو.. بأروح أسوي لي..؟؟؟ منيرة اللي كانت مستغرفة في المذاكرة: ليش لا؟؟ وسارة تطلع من الغرفة.. كان موبايل منيرة يدق.. كانت وحدة من بنات جماعتهم.. منيرة بمودة: هلا والله بالقاطعة.. ............................. طيبة الله يسلمس ................. الله يبارك فيس.. بس على شنو؟؟ ................... منيرة اللي طاح التلفون من يدها وصرخت برعب.. رعب موجع حاد قاتل : شنهو؟؟ ******************* كانت دانة جالسة مع مزنة في غرفتها.. ومزنة فاتحة معها تحقيق: شأخبار سعود معش؟؟ دانة بهدوء: زين.. مزنة بفضول: شنو زين ذي..؟؟ عطيني تفاصيل.. دانة بشوي توتر: ما أدري شأقول لش..يتعامل معي بلطف.. عليه حركات غريبة وتخوف.. بس بشكل عام لطيف.. مزنة بأمل: يعني فيه أمل؟؟؟؟؟؟؟ دانة بنفي: ما أعتقد.. لأنه شيء بدأ غلط لازم ينتهي غلط.. أنا انغصبت على سعود وماخذته برضاي.. حتى لو تجاوزنا ذا النقطة.. أنا عنيدة وسعود عصبي.. والطبعين هذولاء لا يمكن يتوافقون.. ودانة تتكلم مع مزنة رنة مسج وصل موبايلها.. فتحته..طلعت عيونها وكحت لما قرته.. كان من سعود: " اشتقت لك.. ممكن أقولها وإلا خويلد بينط في حلقي بعد" مزنة اللي شافت وجه الدانة ألوانه تتغير.. سألتها بفضول: ممن من المسج؟؟ دانة ماردت عليها لأنها كانت تكتب مسج.. (طيب يا سعود، تبي تلاعبني يعني؟؟) بعد ثواني كان فيه مسج يوصل سعود اللي كان متكي جنب النار.. فتحه سعود بلهفة: " تدري إنه فيه شيء أكتشفته اليوم؟؟" مسج سعود " اللي هو ؟؟" مسج دانة " أنهم مسمينك الذيب من قد ما نومك خفيف" سعود لما قرأ المسج انفجر من الضحك.. لأنه عرف إنه تقصد إنها كشفته اليوم.. جابر اللي واقف عند سيارته: يكلم سعود من بعيد: وشفيك استخفيت؟؟ تضحك بروحك.. سعود رد عليه: مهوب شغلك يالملقوف.. كتب لها سعود مسج " وتدرين إنه فيه شيء أكتشفته اليوم؟؟" دانة ردت عليه نفس رده " اللي هو؟؟" مسج سعود " إن ريحتك حلوة وتجنن وتطير العقل أنا عقلي طاير من الظهر لحد الحين الريحة عذبتني فكيف بصاحبتها" دانة وصلها المسج لون وجهها قلب أحمر دم.. ومزنة قاعدة تطالع اختها وتضحك.. دانة ما قدرت ترد ( وش يعني.. سكتني كذا.. ما أقدر أرد عليه؟؟) سعود أكثر من خمس دقايق ينطر رد منها .. عرف إنه خلاص حكرها في الزاواية.. واتسعت ابتسامته.. لكن بعد دقيقة وصله مسج منها: " شنو يعني؟ كلب بوليسي حضرتك" (طيب يا دانة) بعد ثواني وصل رد سعود اللي لما وصل دانة شهقت شهقة عنيفة منتزعة من أقصى أعماق روحها.. وبعدها خنقتها العبرة.. وبعدها ما قدرت.. صارت تبكي بهستيرية مريرة.. #أنفاس_قطر# |
الغالية إرادة الحياة
أنا يسعدني طبعا الاستجابة لطلبكم ونقل القصة لمنتدى قصص من وحي الأعضاء ولكن رجائي الخاص فقط أن يكون النقل بعد أخذ أذن مذهلة التي أنا أشعر اني دخيلة على مكانها ولطفها وكرمها ودمتي غاليتي متألقة كما أنتي على الدوام |
صباح الورد والفل على الحلوين لانه وبكل جدار تستحق التثبيت والمتيززززززززززززززز وي نفوس عبدود حقكم هذه نفسي ذبحه وعند فكار كثير نفسي سويه فيه بس اخااااف اا البنات يزنطوني 00000000000000000000000000 سعود ودانـه ههههههههههه طلع حيله سعود بالمسجات خخخخخخخخ كلب بوليسي ياحليلك ياسعود ماشاء الله في تقدم كبيربينهم يارب يسعدهم الاثنين وربي انهم ملح القصه شوفي نفوسه انا توقع سعود كتب لالمسن نو ايبي حقه الشرعي من دانه بم انه كلب بوليس وكلب جيعاااااااااا ن فاكيد يابي ياكل ومافي احد يوكله غيره هي :friends: ديمه يااااااااويلي حلالي وش هذه البنت تخيبلة بسسسسسسسسس هذه مايجيني علينا من التفك الاسره ونشغل الديم عن الابناء وبذات نو البنت لوحه لا اب والام الله يهديه لهايه في شغله وهي في بلد غير بلد ه والانحلل الفكريه هناك وصل للبنت لهذه نقطه وبذات انها من اكبر الاقتحام الهكر للكمبيوتر بس ان شاء الله تقدر جواهر تلحق عليه قبل فوات الاون عزووووووووو والله وصار لان لسان بعد مامنا جات ونعبر علي شعورنا ونطلب ونهتم بناس توقع نو في شي حب مرق كذا شكلها :9jP05261: فايز وهند الله لا يعطيكم عاااافيه من اثنين متخلفين عاقلين يااربي يكرهي لكم والله يكفينا شركم وبس ابيك تسون شي وحده نو ترفعون ظغط هذه الغثيث عبدالله بس شوي يعني حبه مو تقلبون دنيه فوق روسنا حنا وتقهرون وتسون حركات الافلم العربي :71_asmilies-com: منير،الله يعينك ياارب،ويوفقك جيجي الله يعينك ويصبرك علي لسااان موزه ونجول يارب بس جد لسنهم متبريه منهم وانتي جيجي شكلل بديتي تملين لهذه عبدالله وربي من قدر نفسي كتب انوه غثيث بس اكيد مذله بتذبحني مافي لهم تملين لها وتنعجبين فيه هو صح حلو ماقنا شي وانتمم محرومين وعلي قول نجول هذه امممممم للسانين اقتباس:
يقووول لا خذ حقك منها بس غثيه وقهري وطلعي روحه وخليه يلهث لهث من القهر وبعدين برد قلبه عبود برغم ماابي قول لك كذا بسسس علشان نفوسه ومذله طلبو مني اخف علييك شوي شوف زيد العيار عليه وهي بتحن عليك :ostrich_liam:بس بعد مطلع رحك مثلها هذه صوره اخخخخخخخخخخخخخخخخخخخخخخخخخخخخخخخخخ ننتظرك بكل ......الاشوواق والحب نفوسه |
خجز مكان ولي عوده>>>نفوسه سوي الي يريحج ياقلبي>>>لان هذا يعتبر نجاحج انتي واحنا بس مشجعين له>>وتسلمين على الكلام ياقمر
ام لولو اعقلي عن عبود والوعد اهناك في مقلط زارا خخخخخخخخخخخخخ>>تهديد ام لولو مافي فايده فيج ليه كذا نفوسه لاتسمعين كلامها وتقطعين قلوبنااا احم نبداء نفوسه يعطيج العافيه على الاجزء الجنااان >>>وخجلتي توضعنا احنا اليلاسين لان انفردنا بردودج علينا:liilas: منور ياقلبي عليه من هذي الى دمرتها قبل الامتحنااات ياختي انتظرة ليه اللقافه صراحة قهر تحطيم قبل الامتحناات >>>ليكون يصيبه انهيااار ههههههههههههههههه سعود ياخطير انت اجل مسجات خليك شجاع وخل نشوف كل شي مباااشره وجه لي وجه>>>شريره بجلط دانه دانه مادري وش قااال سعود له في المسج الى خل ردة فعلها كذا بس الله يستر ذا هو ورمنسي كل واحد في جهة ولا يعرف يتصرف كلش((يخوفي عمها بدل الكحل ))هههههههههههههههههههههه وديمه شكلها تميل لي عزوز صح من خلل كلامها التمستها مادري عاااد صح او لا؟؟؟وبعدين وش ذا الحركااات عزوز يبغيها في مدرسة بنااات يعني بداء الغيره ههههههههههههه >>>وش بيصير في العشاء؟؟ يومين ننطر حشي بالله خخخخخخخخخخخخخخخخ هند الله ياخذه وش ناويها عليه هالخبله تكفين يانفوسه لاتقولين فايز يرسل مسجات وجوجو تخاف تقوله ويكتشف بعد بصدفها ترى ملينا والله من ذي الاسطوانه احس من الادب اصلا ان مجرد اي احد يستفزج في التلفون الرجااال يدري بذبحها لو ماقالت لي عبود جوجو هههههههههههه اجل ماتدرين ان عبود فتح المسج قبلج من زماان السالفة وانتي ماسحتها بعد هههههههه خوف من عبود يشوفه اكيد >>بس للاسف ماعرفنا وش فيه هههههههههه عبود اليوم انت ويه جوجو مافي احداث كثيره ويه بعض يالله يمكن بكره نفوس تعوضنااا بوسي هانم اخجلتي توضعي وضع مني الكلام ولا ادري وش اقول كل هذا فيني >>>شكية في عمري صراحة خخخخخخخخخخخخخخخخخخخ مذهلة |
ههههههههههه طلع حيله سعود بالمسجات خخخخخخخخ كلب بوليسي ياحليلك ياسعود ماشاء الله في تقدم كبير.. ديمة ياويل حالي صدق انه أخطر من الاول بس ان شاء الله تهتم به أمه وجواهر وتتعدل تلقين أمه مافكرت باللي تقوله بس صدق غريبة أمه ليش ماتهتم به مع انه ماشاء الله شكله صاحيه.. عبود وجواهر الاسوار بدت تنهد بس شكل أخو هند بيسوي بينهم مشكلة كبيرة.. منيرة من هي ذا الملقوفة اللي اتصلت عليه ودي أذبحه تخيلي عاد تدرين عن زواجتس من الناس مصيبة وغير عاد انه ماتبيه راحت وطي هالمنيرة شكل سارة بتذبح والله يعينه ماأدري وشلون بتذاكر ايه صح وشلونتس أنفاس وش أخبارتس؟ ومتشكرة آوي آوي على الجزئين الرائعات.. |
صباااحك ورد..في ورد:flowers2:
تسلمم .... انفاااسك ....:55: جواااهر واهتزاز نبضهه......هكر عزوز.... يعني انت الي مو مراهق سعوود والله انك خطيير .....مسجات .....اول الغيث نقطه... دانه ....... منظرينك.... ديمه ....احسها مصيبه......عى نفسها...بس وااله ماهي سهله ... ننتظرك بكل ......الاشوواق:f63: |
السلام عليكم.. مثل ما عودتـينا نفوووس بارتيـن اكثر من رائعـين...وصج صج يفرحون الواحد ويطلعونه من جو الامتحانات:)..تسلم ايدج عليهم.. جواهـر لاا تقدم كبيـر صراحـه...فرق كبيـر بين ان بترجـع منـه كل ما تشوفـه..والحيـن اهي تبي قربـه..اهتمامهـا بلبسهـا وبشكلهـا عشان يشوفهـا..شي طبيعي لانـه مهما كان زوجهـا والمرة تحب ان زوجهـا يشوفهـا بشكل حلـو..وهذا شي يبشـر بالخيـر وانهـا بدت تتقبلـه كزوج..الي سواه فيهـا اعيد واقول مو سهـل انهـا تنساه او تسامحهـا بسهولة..بس لو خلت هالشي حاجز بينهـا وبيـنه وتمت تفكر فيـه بعمرهـا مارح تنسـاه.. منيـرة من اول غلـط انهم ما يقولون لهـا عن زواجهـا..اول شي لانهـا من حقهـا تعرف متى..ثاني شي انهم خشوه عنهـا وانهم ما يبونهـا تدري كان مسوين شي غلط..اممم وبعـد لو قايلين لهـا قبل بفتـرة عشان تتقبلـه وتحط نفسها جدام الامر الواقـع..بس جذي صدفـه تدري عن زواجهـا لا ومن احد غريب..بتحس روحها مادري شلون وان الكل يدري واهي لا..الله يعينهـا.. سعـود غير كلش عن اول..صج ان موضوعهم كان عن الرشاش بس انهم كسرو حاجز الصمت شي حلو...وشوي شوي بتغير مواضيعهم... وشي حلـو انه لقا طريقه يعبر فيهـا عن مشاعره تجاههـا.. دانـه يعنـي ليلحين حاطة ببالهـا فكرة انهـا مارح تطول ببيـت سعود... تقهـر..اوك انغصـب عليـه وهذا غلط بس مو لازم انهـا تنهيـه غلط..وبعدين تقدر تخفف من عنادهـا وسعود يخفف من عصبيـته..مو سيدا ما يناسبوون بعـض..اامممم المسج الي بجاها شنو...اخاف عصب يوم قالت جلب بوليسي ورجع سعود المتوحش اهئ.. ديمـه الحمد لله انها مو شاذه...وانها بتحول جنسهـا لمجرد انها تقرب منهـا وان امهـا تحبهـا..فكرة خاطئـه حطتها ببالهـا..اممم يوم استانسـت عشان عبد العزيز وان صار عنده ام..يمكن عشان حاسـه فيه.. عبد العزيز واهتمامه بديمـه..هل هو اهتمام عادي وانهـا مثل اخـته..او انه يحبهـا..!!فايز المعفن واخته العقربة ماا اقول غير الله يستر من النيـه الي ناويهـا فايز..نفوووس احنا ما صدقنا جواهر ترجع لعبد الله لازم تخربين عليهم:zkc04699::busted_red::mad::52::52: تقبلي مروري |
السلام عليكم
مشكوره انفاس على هالجزئين ..احس الجليد الي كان مغلف ابطالنا بدا يذوب وخاصه الذيب سعود والله واخيرا دليت الطريق واول الغيث مسج هههههه اما سر ديمه ياهو شي غريب ....؟؟؟معقوله فيه احد يفكر بهالافكااااااار الله يستر بس انا احس انه مافيه احد راح يعرف سرها لانها راح تلغيه من حياتها بعد ما تتعرف على جواهر وتشوف كيف تعاملها بحنيه ... هنيده واخوها الشر الله ياخذهم شكل المصايب بتجي من تحت روسهم ... منيره والضربه القاضيه ياترى راح تتحمل ؟؟؟وايش ردة فعلها؟؟؟ انفاااااااااااااس لك باقات الود بلا مقياااااااااس.... |
مدري ليش انا عكسكم نفوسه ضاق صدري من الأحداث
احاتي زين الشباب عبدالله وجواهر من مكيدة شين الحلايا اخو هند الفلس !!! ديمه الله يعينها على نفسها ويعين امها عليها واحس بتتغير على يد جواهر وسعوووووود يااااواااااد ياتأأييييل يامجنننييييي حلو تغيره مع دانه والمسجات احيانا تنفع بكسر الحاجز النفسي لأنه يوفرون المواجهه اللي يتحسسون منها وكلن يخاف من نتيجتها إذا صارت عكسيه .. وعالمسج الأخير أخاف مرسلها مسج غاسل شراعها أو مسج اعتراف بحبه وهذا مااتوقعه هالوقت ! منيره الله يعيينها وإن شاء الله تتقبل سالم وتعدي هالمرحله بسلااااام نفوسه مشكوره يالغلا عالبارت وخففي رفعة الضغط ترى قلبي رهيييييف هههههههههههه |
هلااااااااااااا والله كيفك ياعمري تسلمين على البارت ديمممممممممه مررررررررررره انصدمت كل شي تخيلته الا انهاا تغير جنسهاا بسسسس كيف راح تعرف امهاا من جد مصيبه وهذي قضه جديده ....... هند وخوها بيسببون كارثه في حياة جواهر وبنتهاا الله يبعدهم ان شاء الله .. والله حركات في تقدم في حياة عبدالله وجواهر الله يدوووووووم عليهم الهدوء دانه وش صيحهاا هع هع كل هذ1 خووووووووف ماعليه بس سعود وش بيسوي اتوقع ترفض ترجع معه يعني بد1ل مايكحلها اعماهاا ..!! يعطيك الف عافيه ياقلبي وننتظرك جــــــــ,ـــــــ,ـــــــودي |
السلام عليكم ورحمة الله وبركاته
مساء الورد انفاس قطر رائعه سطورك .. قمة الأحساس وصف دقيق للشخوص ..للحدث ...مواقف لا يمكن توقعها ...وقفات مشوقه.. انفاس تعجز حروفي عن وصف مدى أعجابي بحروفك ...التي ما ان قرأت بدايتها لم اترك اللاب توب من يدي حتى انهيت آخر حرف نزل من سطورك ... سلمتي انفاس ..من كل شر بنتظار القادم بكل شوق يامبدعه همسه ..لحبيبتي ..مذهله ..فعلا اختيارك مذهل يامذهله ...:friends: سلمتي على الاختيار والنقل ...:flowers2: |
السلام عليكم انفاس قطر
جد ما شاء الله تبارك الله عيني عليك باردة وعين الحسود بيه عود اختيار للكلمات متقن وبشدة و اختيارك للمواضيع اذهلني واخر موضوع وهو ابنة عائشة بصراحة ذهلت وحبست انفاسي وانا ارى هذه الصغيرة النابغة التي وجهت ذكائها نحو كل ماهو خطر ومثير وبه مغامرة ومخاطرة هنا اعتب على الام مهما وصلنا في مراكزنا العلمية لابد ان يكون اهتمامنا منصب على اولاد نجاحنا الحقيقي في هذه الحياة هو تربية اطفالنا تربية صحيحية وتوفير انفسنا لهم وهذا اذا استطعنا تقسم وقتنا جيدا سوف لن يتعارض مع طموحنا ومستقبلنا العلمي جواهر وعبدالله تدرون وكونو على ثقة انتو عدكم مراهقة متأخرة والي انتو عايشين بيه حاليا هو عبارة عن حرب نفسية وكلاكما خاسر بيه يمعودين فكوها على نفسك وحدة بطرانة واحدة مزودها بكرامة يلة خلو الناس تفرح وهاي المسكينة انفاس قطر خل تخلص من مشاكلكم >>شكلي عصبت عليهم نفوسة عقليهم سعود ودانة والله ما ادري من وين جبتي هذا الثنائي البارد واحد عسكري وكل معرفة وخيالة مشتغل بالعسكرية ايضا وحدة طبيبة اسنان ودماغها متجمد مع الاسنان او ربما كلاهما حبس نفسه في مجال عمله وهما كالبالون نملئها بالهواء الى ان تصبح ممتلئة تماما فتنجر وعند افجارها اما ان يضحك حاملها او ان يصاب بالذعر ما رئيك انفاس اي الاحتمالين ممكن ان يحصل منيرة وزواج هي لاتدري فيه جد انفاس مصيبة جواهر بجهة ودانة بجهة وهاي المسكينة بجهة اصعب شي تتفق اخته مع زوجها مع كل من حولها على اتمام زواج هي غير راغبة به والكل يحضر لهذا الزواج وهي لاتعلم الله يعينه بالمناسبة الاتصلح سارة ل ماجد >>ندور مرة لماجد كسر خاطرنة زوجية انفاس هند واخوها هل تعلمين انا جد متفائلة من مخططات فايز لان مخططاته سوف تصب في مصلحة علاقة عبدالله وجواهر لان مسألة زرعه الشك بقلب عبد الله اتجاه جواهر مسألة صعبة لان عبد الله يدرك تماما من هي جواهر كيف حافضت على نفسها وكيف استطاعت ان تكسر حزنها على اولادها بالعلم والمعرفة وكيف تقبلته من اجل اولادها يعني ان يفكر انها خائنة مسألة صعبة وايضا هناك نقطة مهمة لا اعتقد ان جواهر من النساء الضعيفات يعني تستطيع ان توقف فايز عند حده وبقوة وصرامة انفاس قطر بشوق كبير انتظرك واسفة لان تعليقي لايلق بمستوى كتاباتك >>ام اطفال وامتحانات وفقك الله |
مرااااااااااااااااااحب اخبار الحلوين الي مروقين
نفووووووووووووووووووووووسة و الله اني عارفة انا حنا ما نهون عليكي يا قمر و ما قصرتي و نخدمك في الافراح يا عيوني مذهلة و الله انك سوبر مذهلة و ما تقصري يكفي انك سبب في معرفتنا بالقصة الروعة و الكاتبة الاروع يا عيوني و هذا مو غريب عليك يا عسسسسسسسسل و سامحوني للظروف الي ما خلتني ارد على البارتات الي فاتو بس ملحوقة نرد الحين التعليق عائشة: الله يعينك و الله ان مسؤولية التربية ما هي سهلة و انا اختك بس حاولي انك تهتمي في بنتك اكثر من كذا و شكلي برسلك مجود اخو نجول و الله انه يصلح معاكي و يعوض احساس الابوة مع ديمة و لو شوي دييييييييييييييمة: المراهق العبقرية و الله هالبنت حبيتها و خايفة عليها اكثر ما ني خايفة منها بس عندي احساس ما احد راح يغير افكارها و يخليها تتراجع عن سرها الثاين المرعب غير جواهر و حنيتها عليها و لا وش رايك يا نفوووسة سارة: الله يعينك على الي راح تلاقينه من بعد ما تجيبين الكابتشينو هذا اذا لحقتي تجيبينة و ما جتك منور للمطبخ منوووور: دريتي يا قلبي عليكي و الله انك كاسرة خاطري الله يعينك على ذالخبر و بعدين الله يهديه صديقتك ما كان انتظرت لحد ما تخلصي امتحاناتك الحين وشلون راح تقدرين تقديمنصح ربي معاكي يا قمر عزوز: يا عين امك يالغالي و الله انك سنافي و تهتم بالغير و قلبك كبييييير بس يا ولد اخاف ان اهتمامك له اتجاه ثاني قول و انا امك ما راح احد يدري بيني و بينك خخخخخخخخخخخخخخخخ فايز و هند : الله لا يوفقك و يحط في كل خطوة تخطيها الف مشكلة ومشكلة و لا تقدر تكمل خططك الشيطانية و ربي يحمي جواهر منك و من الحية اختك هنووووود ربي يجازيكم على قد نيتكم الوسخة و ما تتهنون في الي بتسونه يا رب محمد: يا والد عليك بالعافية في هالكشتة و ربي ينجحك و تاخذ غلا قلبك مزووونة دااااااااااانة: يا بنت والله طلعتي حركات و تعرفي تلعبي بالوقت و تغشي بعد و يا عيني على المسجات مدام دخلنا في المسجات عليكي بالعافية في الي راح يسوية معاكي سعوووود اذا هذي اول المسجات خخخخخخخخخخخخخخخخ سعووووووووووووود: و الله انك راعي حركات حلووووووووووووووووة مو قلت لك اسال خالد و اذا جاتك حالت العلومية (يا عليمي) اسال اخيك جابر شكله شي خخخخخخخخخ و بعدين يا ولد شكلك جبت العيد المسج بديته صح و في الاخير جبت العيد و صيح البنت الحق عليها عاد لا تموت من الخوف خخخخخخخخخخخخخخخخخخخخيا ابو الخطط عبوووووود: يا عيني عليك اييييييييييييييييوة خلك على ذالحركات و لا تقصر و خصوصا قدام الاهل و بعدين يا اخي روح الؤسسة كل يوم و راح تشوف نتايج الروحة هذا في عيون جوجو خخخخخخخخخخخخخ و الله انك مستمتع يا ابو الكرامة خخخخخخخخخخخخخخ جواهر : يا قلبي على الي ما تحبه و تكهره هره العمى لمن انتي تكرهينة و راك كشختك دوووووووم صاروخية ها اهجدي و لا عاد تلوعي قلب الولد خخخخخخخخخخخخ و الله يستر من موووووزوووو و رسايلها و يا ربي يا جوجو لو تعرفين ان عبوود شافها لا تموووووتين من المستحى و بس خلاص ما لك مفر من حب عبوووود الي لو يعرف هبل فيك بالحييييييل و خخخخخخخخخخخخخخخخ ز مرة ثانية نفوووووسة و مذهلة سامحوني على القصور و ننتظكم على روقان |
أهلا بك أنفاس في منتدى ليلاس
أشكرك على الرد الذي اتحفتني به والذي زادني يقينا أنك كاتبة ناضجة تقصد كل حرف كتبته في قصتها وتستخدم كل كلمة في مكانها الصحيح للمساهمة في تطوير الحدث والسير به في طريق واضح للوصول إلى نهاية منطقيةوتقديم قضية من قضايا مجتمعنا المحافظ من خلال حبكات قوية لاتشعر القارئ أنه أمام(مجموعة من أحلام اليقظة لإحدى المراهقات: أحبها، تعذب ،تزوجها، تمنعت ،غيرت رأيها دون مبرر مقنع ،فرح القراء إنتهت القصة )وهنا أتسآءل بألم أين الكاتبة التي كنّا ننتظر منها أن تقف في مصاف الكتاب الكبار وهم كثر وتقظي على التافهين من أمثال كاتبة بنات الرياض التي لازلت استغرب كيف سميت رواية مع أنها مذكرات وكم بين الرواية والمذكرات؟!!!! لاتنزعجي مني أخيتي فماهو إلا رأي و(الخلاف في الرأي لايفسد للود قضية) أريد العمق الذي كان في قصتك قبل زواج عبدالله من جواهر ذلك الذي يجعلني استعيد العبارة أكثر من مرة لاضع لها تفسيرات كثيرة ونتائج مثيرة ليأتي الجزءالجديد بتفسير ونتيجة مذهلة ككاتبته يزيدني نشوة وشغفا بالقصة لا اكذبك عزيزتي اجد الأحداث الآن تبدو لي متعثرة وغير منطقية فجواهر (الأستاذة الجامعية التي جذبتنا بقوة شخصيتها تكاد تستسلم لأول ابتسامة كذلك عبد الله المتحرقشوقا في رسائلة يبدو باردا لم نرى تأثيرا لقربها يزيده اشتعالا سوى ذلك الموقف البسيط (عندما شكى إليها صداعا وجد أثره اسهل عليه من لمساتها فهرب بنفسه إلى البعيد مكتفيا بالتلذذ بسماع صوتها العذب ارجوألا يكون كجميل بثينه الذي يقول :يموت الهوى مني إذا مالقيتها ويحيا إذا فارقتها فيعود أيتها الكاتبة المبدعة: اتمنى عليك ألا تكثر من الأحداث الجزئية إلا إذا كانت تخدم الحدث الرئسي وتساعد في نموه ووصوله الى القمة حيث تتشابك الأحداث في سبيل الوصول إلى الحل وهنا أجد في نفسي سؤلا حتميا ماعلاقة قصة (سعودودانة)و(منيرة وسالم)و(مها ومتعب)بالحدث الرئيسي غير أنهن طالبات لدى الأستاذة جواهر وما وجه الإختلاف في الأحداث ارجو الأتؤثر قصة (سعود ودانة )في القصة الرئيسيةالتي بدت لي رائعة وقابلة للتطور وبث الكثير من التشويق في النفوس لا تعتبري ماسبق نقدا فربما كان استعجالا مني لتسرعي بعبدالله وجواهرنحو احداث اكثر حرارة وعممممممممممممممقاًًًًًًًًًً مع خالص مودتي:flowers2:((وحده اعطيتيها وجه)) |
سلاااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا اااام نفوسه مرررره اسفة اني مارديت على البارت اللي فاااااااااااارت بس الاختبارات واصله لين شوشتي بموت منها متى اتخرج وافتك منها من همها وتفرغ للقصص خخخخخخخخخخخخخخخخ نجي اللرد غير تطور فضيع بين عبد الله وجواهر ولاااااااااااااااا الاخت صاااااااااارت ماتبيه يبعد عنها اصلا انا قايله نها تحبه وتموت فيه ويمكن افقدته مع عيالها وهذا اللي خلها تكرهه لانها المفروض انها تحس بشعور الكره بس قلبها خانها ما زال يفقدة وهذا اللي خالها تكرهه وتكره الشعور الي يجيها له احم احم فلسفتي ههههههههههههههههههههه عبدالله احساسك بقرب الحوهرة ونك ما تقدر تقرب منها احساس مخيف معذب ولااااااااااااااااااااااااا ولا انسان كان عازف الحريم مثلك وش شعورهة ان في مره ملكه واه في حياااااااااااته متأكدة السالفة ما بطول بس من يبدا بكسر الحواجز انت ولا هي ولا كل واحد ذبحته الكرامه ههههههههههههههههههههه ياعالم روقونا ..................... سالفة تدليكة الراس هذي صحت مشاعر كانت نايمه ام تتنيم خخخخخ من ناحية جواهر هو ان عبدالله يكون قريب منها ب بشكل هذا وبقرب هذا ولااااااااااااا صاحي موووو نايم اتوقع له سبب كبير بتغير مشاهر جواهر لعبد الله .............. نوف اموت عليها وعلى حركاااااااااااتها تهبل ياخي محد يقدرا لامها وابوها لا هيههههههه عليك بهم ................. الخاله عايشه اممممممممممممممممم وجه جديد بنفس الوقت قديم الام المشغوله واللي تحاول انها قد ما تقدر تقدر تكون قريبه من بنتها بس الظروب اكبر منها من بنتها لاوم تلحق قبل لا تروح بها البنت ............ ديمه البنت هذي طلعت داااااااااااااااااااااااااهيه هكر بكبره والله مووو منك من المدرسه دااااااااااااااهيه اللي انتي بها ولاااااااااااااااااا تبين تحولين جنسك بعد يمه والله ابنت تعبااااااااااااااااااااااااااااااااااانه نفسي جد ولاااااااااااااا لازم انا خايفه انها تروح فيها العالم اللي هي داخلته مووووووووووووووو سهل .............................. فايز الدب وش ناااااااااااااااااااااوي عليه لاااااااااااااااااااااااا تقرب لام عزوز والل ثو والله اني اكون امسيحه دمك حنا نبي نصلح وانت تبي تهدم والله بزر ......................................... نفوسه قلبي الف الف شكر البارت هذا فوق الوصف والله كل انتي متعلقه بالقصة لااااااااااااااااااااااااازم ادخل واشيك اول ما اجي من الجامعه يعطيك العافيه نفووووووووووووووووس اشتكي |
نفوس الجزء هذا شيء لبداااااااااااااااااااااااااااع نا ما قدرت اقراء البارتات لان عندي اختبارات ادعيلي
ويمكن اتأخر في الردود بس بحااااااااااااااااااول ارد على لاجزاء نفوس المنتدى الاخر اللي تنزلين فيه عطوني تنبيه خخخخخخخخخخخخخخخخخخخخ لان الرد اللي لازم انزله هناااااااااااااااا نزلته هنااااااا وكله فيه اسم ليلاااااااااااس والله قعت ضحك على غبااااائي ............................. المهم نفوووووووووووووووووووس البارتات شيء فضيع قصةافضع تهبل مثل راااااااعيتها نسيت دانه وسعود هههههههههههههههههههه عاد ذولي اهم شيء سعود وش ورااااااااااااااااك سالفه فيها مسدسات خخخخخخخخ ما عند تفاهم ولد العسكريه نفسي اعرف وش ورااااااااااااااه دااااااااااااااااااااانه انت موتين على سعود ولاااااااااااتحاولين تنكرين واضح وش السبيه وتخرخر تستحين منه خخخخخخخخخخخخخخ بس ذا تعليق ادنه وسعود لاني ورااااااااااااااي اختبار بس كل ولا نفوس ان شاء الله سطر اكتب اهم شيء ادر عليك .................................... |
صباح الورد والفل والياسمين
أولا: اليوم راح أنزل 3 بارتات إن شاء الله، اعتقد كذا جدعنة مني وتمام التمام.. بس بكرة بارت واحد إن شاء الله وبعد بكرة بارت واحد كمان إن شاء الله اللي بعده يحله الحلال مابعد قررت تهديدات نو.. ابتزاز عاطفي نو.. مظاهرات نو نحن العرب لا نعرف الديمقراطية، ولا نعرف عن فكر المظاهرات سوى اسمها.. فكيف أشذ عن قاعدتي العربية الانتمائية؟؟ ثانيا: قدامي وحدة وحدة حياكم الله في دهاليز (بعد الغياب) العامرية هلا والله وش هالنهار الحلو اللي خلا بارتنا يتشرف أولا بطلتك الأحلى تعليقاتك ولا أروع دقتك شيء مذهل وراقي بس استحي يا بنت فيه واحد عريس جديد يكتب لعروسته مسج مثل الكلام اللي قلتيه <== جاري احمرار وجهي وعلى فرض أنه قال لها هالكلام المفروض تعصب ما تبكي نو.. نو.. نو توقع طاش مرة وحدة اقري وشوفي الناس المؤدبين وش يكتبون؟؟ مذهلة الخليج يارب يسلم العسل حبيبة قلبي مشكورة ياغلاي والله لا يحرمني منك لا تخافين أفكار مستهلكة وجات في 20 رواية قبل ماراح أجيبها احنا أنصار الحبكة الجديدة وبس مها175 تسلم لي الطلة العسل وهلا والله وألف مرحبا والله منيرة تكسر الخاطر انطريها البارتات الجاية بتكسر خاطرك أكثر وأنا تمام وخلصت امتحاناتي يا قلبي مهما الليالي صباحك ورد ياورد شكرا على المرور المعطر Bent_el-Q8 يا هلا والله بشيخة بنات الكويت وزينتهم عسى الامتحانات كلها تمام التمام دائما مبهرة كالعادة بدقتك وحرصك على امتاعنا مع كل كل شخصية من شخصيات الرواية الله لا يحرمني طلتك قولي آمين شبيهة القمر ياهلا والله بالتعليق وراعيته شرفتي المكان كضوء القمر يا شبيهة القمر مازال في الجعبة الكثير انتظرينا النبع الصافي بصراحة يعجبني صفك لحكيك ستايل.. وربي ستايل مخك نظيف وكلامك مثمن وتعليقك مبهر بحق وغير مستغرب الكلام الصافي من النبع الصافي جودي هلا والله بالجود كله سعود ودانة حكايتهم بعدها مطولة انطرينا وشوفي التطورات ولا تحرميينا من طلتك ومرورك أمل مجروح أنا سعيدة بالكل والله العظيم ولكن سعادتي يكون لها نكهة اخرى حين تكون القارئة من قطر إحساس بالقرب المكاني ليس إلا ولكننا في الفكر كلنا نفس واحدة أمل: سعدت بك وبمتابعتك لا تحرميني مرورك رجاء إرادة الحياة يا هلا والله بالطلة الناضجة المختلفة اللي تنعش قلبي جد والله عبدالله وجواهر تعبوني أجي لهم من هنا يجوني من هنا <= يعني أنا مالي ذنب في اللي بيصير عقب ماجد لا تستعجلون عليه بالزواج له حكاية ثانية بعدها جاية بالسكة يكفيني يا ام أحمد عبق مرورك الله ينجح لك أحمد واخوانه يارب بندقة المهم انك جيتي في النهاية محملة بالبندقات أو البنادق؟؟ أيهما؟؟ أنا رأيت بنادق من الحماس وبندقات من النكهة العذبة حماسك رائع وتعلقاتك تجنن وروحك الفياضة حاضرة في ردك المختلف بالفعل كادية قلت لك من قبل مختلفة أنتِ وأعيدها مرة اخرى، مختلفة بالفعل هل تعلمين قد أكتفي أن أقول لكِ جملة واحدة لأني أعلم أن من هي بسرعة بديهتك ستلتقط الإشارة سأقول: أنا وأنت أحد أمرين: أما أنك استعجلتي في السؤال أو أنا تأخرت في الإجابة؟؟؟؟؟؟؟؟؟ ولكني سأزيد عدة نقاط متطايرة أليست الأنثى تبقى أنثى؟؟ أستاذة جامعة كانت أو قائدة قاذفات صواريخ؟؟ جواهر أنثى شابة جميلة، لم تعرف من الرجال أحدا غير عبدالله، بدءا وانتهاء.. وكأن حياتها اختزلت فيه وله.. انتظرينا فأنا لا أحب أن أكشف الكثير بالنسبة للشخصيات الأخرى اللعدا عبدالله وجواهر وعلاقتهم فيهم أنا أكره النظرة الأحادية الحياة مليئة بالشخوص التي تتقاطع خطوط حياتهم أو تتوازى وهكذا (بعد الغياب) لنا عودة للحديث عن الكاتبات الشابات ورواياتهن المطبوعة إن أردتي ذلك بما أنك أثرتي قضية رجاء الصانع وبنات الرياض اشتكي بصمتي هلا والله بالحلوين وحشتينا يا بنت وش سويتي في الامتحانات؟؟ عسى كله تمام يا زينج يوم تتخرجين وتتفرغين بس لمقابل القصص والوظيفة زين؟؟ والا عاجبنك القعدة البطالية وبعدين يا قلبي اهم شيء الحين امتحاناتك ركزي فيها انا والقصة قاعدين ننطرك (عشان تجيبي الشهادة الكبيرة صوح) زارا خانوم وين مختفية اليوم وحشتينا يا بنت عل المانع خير.. على فكرة تراه فيه عضوة عزيزة اليوم أرسلت لي على الخاص تقول أنك خلاص طردتي سعود من مجموعتك العشرطعش وإنها تبي تضمه لمجموعتها الخالية جان أقول لها: سوداء الوجه زارا، تشوت سعود وهو توه بادي يتلحلح.. خلاص حلال عليها سعود اللي أنتي بعتيه، وبتندمين على تفريطك فيه لانه الاكشن الصح حق سعود مابعد جا بما أنه لا توجد لدي خاصية الرسائل الخاصة فأجدني مجبرة على الرد هنا 1) جاني طلب خاص من عضوة غالية، تم الموافقة عليه لعيونها، كما ورد أعلاه 2) جاني طلبين من عضوة عزيزة جدا الطلب الأول تم الموافقة عليه، وستراه في بارتات اليوم أما الطلب الثاني وهو تخصيص منتدى ليلاس ببارت حصري أجدني عاجزة عن تنفيذه لأني هكذا أكون أعاقب متابعاتي في المنتديات الأخرى اللي أعرف أنهم محروقين على البارتات لدرجة إن بعضهم يقعدون ساهرين لحد ما يقرونه.. وما أعتقد أنكم ترضون أني أخل بألتزاماتي مع أي كان فكما ستعرفون لاحقا بأني ملتزمة هم عرفوني بهذه الصفة.. ولست من يخيب حسن الظن فيه.. وغلاكم والله يا أهل ليلاس مافيه شك 3) إرادة الحياة أنا لا أريد أن أنشر روايتي في موضوع جديد وإنما اريد أن ينقل هذا الموضوع بتعليقاته وعدد قراءاته هناك إن كان هذا صعبا فلتبقى الرواية هنا.. المكان لا يهم.. المهم هو الروح.. لأني بنشرها من جديد كأنما أقتل أحد أولادي لأنجب مولودا جديدا.. هذا هو شعوري بكل صدق.. وأنا أصبحت إحدى كاتبات ليلاس سواء هنا أو هناك |
للكل
استلموا 3 بارتات جديدة 50 51 52 أكشن جديد ومختلف ويهيئ لأحداث جديدة قادمة مختلفة جدا ستركز على الشخصيات الأخرى عدا عن ظهور شخصية جديدة سيظهر اسمها اليوم انتظارا لحضورها الكامل قراءة ممتعة مقدما ولاحول ولاقوة إلا بالله |
بعد الغياب/ الأجزاء 50،51، 52
الاجزاء الثلاثة اليوم
وفي كل المنتديات إهداء خاص جدا للغالية مذهلة التي استقبلتنا في مكانها بكل الحب وكرم الضيافة بعد الغياب/الجزء الخمسون #أنفاس_قطر# منتدى ليلاس شابتان مقبلتان على حياتهما الجديدة تتلقيان صدمة عمرهما.. يفقدان التوازن.. تتفجر المشاعر.. لتغرق كل ماحولها.. سارة رجعت من المطبخ معاها الكابتشينو.. حطته على الطاولة وألتفتت على منيرة وقالت بمرح: كابتشينو إنما أيه.. يستاهـ ....... الكلمة ماتت على لسان سارة وهي تشوف أختها قاعدة على سريرة عيونها مبققة ومليانة دموع.. وكتبها وموبايلها مرميين على ألارض.. سارة نطت جنب منيرة، وقالت بقلق لاحدود له: مناري حبيبتي وش فيس؟؟ ردي علي فديتس.. حرام عليس لا تسوين فيني كذا.. منيرة .. منيرة.. ردي علي.. منيرة بعد فترة صمت طويلة.. ورجاءات كثيرة من سارة قالت بصوت ميت مرعب خاوي من الحياة: سارة أنا عرسي بعد حوالي 25 يوم..؟؟؟؟؟ سارة عبرتها نطت في بلعومها.. ما قدرت تقول شيء غير إنها هزت رأسها.. منيرة اللي شافت اهتزاز رأس سارة.. حسبته زلزال في قلبها.. وصارت تصيح صيحات مرعبة وهي تلطم وجهها بقوة بكل وتصيح : ليه ؟؟ ليه ؟؟ لــــــــــــــــيـــــــــــــــه؟؟ لـــــــــــــــــــــــــــــــــــــــــــــيــــــــــه؟؟ لـــــــــــــــــــــــــــــــــــــــــــــــــــــــــــ ــــــــــيــــــه؟؟ .. وبعدها هجمت على كتبها ومزعتها.. وموبايلها وخبطته في الطوفة بكل قوتها.. واستمرت تصيح بهستيرية وهي تكسر كل شيء في الغرفة.. وتصيح: ليه؟؟ لـــــــــــيه؟؟ لـــــــــــــــــــــــــيه؟؟ لــــــــــــــــــــــــــــــــــــــــــيه؟؟ ثم أغمي عليها ******************** مزنة اللي شافت دانة أنكبت على سريرها.. وهي تبكي بشكل هستيري.. أنخلع قلبها من مكانه.. عمرها كله ماشافت دانة (اللي كانت دايما قوية قدامهم) تبكي كذا.. عرفت أن سبب بكاها.. مسج وصلها.. لأنها كانت تقرأ وتكتب مسجات قبل حالة البكاء الغير طبيعية اللي اجتاحتها.. مزنة دورت على موبايل دانة.. كانت دانة ماسكته بكل قوة.. مزنة فلتت بالراحة أصابع دانة اللي كانت شادة على الموبايل.. وقرت المسج اللي كان سبب بكاء دانة الهستيري واللي عمر مزنة ماشافت دانة تبكيه في حياتها: " وليه ما تقولين عاشق ولهان متيم مغرم مجنون يعشق كل شيء فيك من ريحتك لابتسامتك لصدى اسمه على شفايفك أحبك والله أحبك ومن زمان زمـــــــــان قبل ما نولد حتى لأن حبك الأسطوري اخترقني من الوريد للوريد حبك أعاد تشكيلي وإطلاق الإنسان في داخلي هل فيه أمل أنه في يوم بتستقبلني جنة حبك في أحضانها؟؟؟" *************** جواهر حلفت على أم فهد وبناتها يقعدون للعشاء.. فكان عشاء نسائي بحت.. الكل كان منخرط في الحديث نوف وحصة ونورة مع بعض.. أم فهد وعائشة وموزة وجواهر مع بعض.. وديمة قاعدة لحالها.. حصة تهمس لنوف: إلا بنت خالتج هذي ليش كاشة وقاعدة بروحها..؟؟ نوف بنفس الهمس: ديمة لها أجواءها الخاصة.. نورة بعيارتها: موب منها إلا من لبسها اللي كنه وجهها.. فيه بنت أنثى مخلوق ناعم وحساس.. تلبس تيشرت عليه جمجمة يسيل منها دم.. وامها أشلون مخليتها على كيفها؟ نوف بشوي حرج: ديمة عنيدة شوي.. وخالتي عائشة تعتبر اللبس حرية شخصية.. عشان كذا ما تشدد معها عليه نورة بمرح: حرية شخصية؟؟ لو أنها قد ذاقت العقال على مقفاها كان نست أبو الحرية الشخصية وأمها.. على الجهة الأخرى كانت جواهر تميل على أذن عائشة: أم ديمة.. ليش ما تسوين لديمة نظارة أصغر من هذي واكشخ شوي.. حرام هذي بنت صغيرة.. هالنظارة ماكلة نص وجهها.. وستايلها قديم شويتين.. عائشة تتنهد: ومن قال لج إن ديمة محتاجة نظارة.. ديمة نظرها 6 على 6.. جواهر بدهشة: زين ليش تلبس نظارة؟؟ عائشة تتنهد تنهيدة طويلة: أول شيء كانت تبي تقلد ولدج عبدالعزيز.. جننتني تبي نظارة من يوم عمرها 8 سنين..فصلت لها نظارة حماية عشان تنبسط.. وحسبتها يوم ويومين وتخليها.. بس هي أصرت عليها بشكل.. وهذي النظارة هي اللي فصلتها بنفسها من 3 سنين واصرت تلبسها.. على فكرة جواهر.. ديمة حلوة وايد.. بس هي نهائي موب مقتنعة إنها حلوة.. جواهر تنهدت: طيب وموضوع ثاني: ليش للحين تاركتها بمدرسة مختلطة..؟؟ البنت صارت كبيرة.. ومايصير تدرس مع صبيان.. عائشة بهم: أنا حاولت بس هي موب راضية تترك مدرستها.. تقول خايفة علي من الأولاد؟؟.. لاتخافين.. لا هم يطالعوني ولا أنا أطالعهم.. جواهر بدهشة: هذي بنت صغيرة ما تعرف مصلحتها.. إذا هي أصرت على شيء تخلينها تسويه.. عائشة بتردد: أنا لأني مقصرة بحقها .. أعترف أني أحاول أعوضها بطرق ثانية.. جواهر بحكمة: بس أنتي عارفة إنه هذا غلط.. وأنتي مهما ماوصلتي من نجاح في شغلج.. بنتج المفروض تكون في المقام الأول.. اهتمي فيها أكثر.. وقربي منها أكثر.. بنتج محتاجتج وايد.. لو صار لبنتج شيء.. كل نجاح الدنيا.. ماراح يعوض دمعة وحدة من عينها.. عائشة برعب: بسم الله عليها.. ديمه هي الشيء الوحيد اللي أنا طلعت به من الدنيا.. بس يا جواهر أنا والله احس بمسئولية كبيرة.. اقول كم جراح أعصاب عندنا في قطر..؟؟ معدودين.. أحيان كثيرة أندم أني درست هالتخصص الدقيق اللي خذني من بنتي.. بس شاسوي؟؟ شاسوي؟؟ **************** عبدالله تعشى مع عبدالعزيز الكبير وعبدالعزيز الصغير في المجلس.. عبدالعزيز الكبير كان جاي يسلم على جواهر اللي جات وجلست معاهم شوي قبل ترجع للحريم عبدالعزيز أستأذن بدري لأنه متواعد هو وراشد.. عشان يستشيره في المشروع الخطير اللي هو مقبل عليه..واللي ماحد بيعرف عنه غير راشد.. ثم عبدالله بعدين.. عبدالله وولده كل واحد منهم طلع لغرفته.. عبدالله خذ شاور.. وجلس يسمع الأخبار.. عبدالعزيز في غرفته وباله مشغول بشيء **************** سارة جالسة جنب أختها اللي صحت من غيبوبتها... لكنها كانت صامتة جامدة بدون كلمة.. سارة اعتقدت إن صدمة منيرة هي صدمة وقتية.. وإنها بكرة بتروق وتتقبل نصيبها.. منيرة ماردت على سارة بكلمة وتمددت على السرير.. وتغطت حتى رأسها كله ***************** دانة اللي هدت هي الأخرى.. واللي مارضت تقول لمزنة عن السبب اللي خلاها تبكي كل هالبكاء لما قرت المسج.. والحين دانة خايفة ما تبي ترجع مع سعود لبيته.. كانت مطمئنة له وهي تعرف إنه يكرهها.. بس بعد ماعرفت إنه يحبها.. صارت مرعوبة.. مرعوبة.. مرعوبة لأسباب تتعلق فيها أكثر ما تتعلق بسعود.. موبايلها رن.. رقع قلبها لما شافت اسم سعود.. تركته يرن لحد ما قطع.. بعدها بعثت مسج لسعود: "سعود تكفى خلني الليلة هنا بكرة أنا بأرجع بنفسي" بعد ثواني وصلها المسج: " أنا صرت واقف تحت خلاص إذا أنتي حابة تصغريني وتحرجيني قدام هلش براحتش" دانة انحرجت.. وغصبا عنها.. قامت تلبس عبايتها ************** الساعة قربت على 11 ..في بيت عبدالله العشاء خلص على خير.. أستأذنت أم فهد وبناتها قبل حوالي نص ساعة.. باقي عائشة وديمه جواهر جات وقعدت جنب ديمة.. جواهر بود ورقة: أنتي أي صف الحين؟؟ (مع إن جواهر تعرف بس تبي تفتح باب للحوار) ديمه بثقة ممزوجة بحياء: Grade10 جواهر قربت من ديمة بحنية وسحبت النظارة عن عيونها.. ديمه حاولت تمسك نظارتها.. بس استحت وتراجعت لما شافتها خلاص بيد جواهر.. جواهر فعلا تعجبت من جمال ديمه اللي كان متخبي بالكامل ورا النظارة الكبيرة والبشعة التصميم.. وأكثر شيء تعجبت منه لون عيونها الغريب وطول رموشها.. جواهر بحنان: اللي عندها هالجمال كله تخبيه ورا نظارة مثل هذي؟؟ ديمه بحرج: أنا ما أقدر أشوف من غيرها.. جواهر ماقالت إنها تعرف إن نظرها مافيه شيء: لبس النظارة شيء اعتيادي وما يخبي جمال الحلوة.. بس لما تكون النظارة متناسبة مع الوجه.. أشرايج أروح أنا وانتي ونوف بكرة ونسوي لج نظارة جديدة.. ومنها تتمشون شوي وتشترون لكم شوي أغراض جديدة.. ديمه بحرج: مافيه داعي خالتي.. جواهر وجهت كلامها لعائشة: عائشة بعد أذنج ممكن بكرة العصر أمر ديمة نروح السيتي سنتر.. تفصل نظارة جديدة.. ونشتري كلنا شوي ملابس جديدة.. عائشة بابتسامة: أكيد ما عندي مانع.. خصوصا بكرة عندي عمليات من الصبح لليل.. ديمه حست انها انحكرت في زواية.. وصار لازم تروح معهم **************** سعود ودانة في غرفتهم.. دانة طول الطريق وهي ساكتة.. وسعود محرج وساكت.. (معقول لهالدرجة تضايقت من تعبيري عن مشاعري) دخلوا ساكتين.. بدلوا ملابسهم ساكتين.. دانة دورت أبشع بيجامة بين بيجامتها.. ماكانت تبي تحسس سعود إنها تحاول تعجبه أو تغريه بأي صورة.. بس المشكلة إنه أي شيء تلبسه أو تسويه كان في عيون سعود أحلى شيء وأعذب شيء.. دانة كان توترها واصل حده.. وسعود كان ترقبه واصل حده.. ساعتين كاملة وهم جالسين في الصالة ساكتين.. سعود يفرفر في القنوات.. وهو اصلا مو مركز في أي كلمة .. كل تركيزه مع المخلوقة اللي قاعدة مقابله تفرك إيديها بتوتر وهي سرحانة.. سعود لما تعب من الانتظار.. قرر إنه يقوم بواحد من مخططاته.. قام متوجه لغرفته.. وهو قايم مسوي نفسه رايح.. ألتفت على دانة وسألها بلهجة حاول إنه يدفع فيها أكبر قدر من عدم الاهتمام: إلا دانة كنت أبي أسألش عن شي؟؟ دانة اللي انتزعها صوته من عالم السرحان اللي كانت فيه: هاه سعود؟؟ سعود بهدوء مدروس : أقول كنت أبي أسالش عن شيء؟ دانة بهدوء متوتر: هلا سعود ببرود تحته عيارة خارقة: البارحة لما كنتي ترتبين في الصالة.. ماسمعتي أصوات غريبة؟؟ دانة با ستغراب: لا سعود ببرود تحته بيموت من الضحك: زين الحمدلله.. دانة اللي بدأ يتسرب لها الخوف: لا.. قل: أي أصواته؟ سعود مسوي حاله يبي يسكر الموضوع: خلاص يا بنت الحلال دامش ماسمعتي شي.. خلاص انسي السؤال... يالله تصبحين على خير.. دانة اللي نطت من مكانها قالت بتوتر ونبرة خوف: لا سعود مو تقول لي كلمة وتروح .. أصوات شنو؟؟ سعود بلعانة: يعني صوت بزر يبكي.. قطوة .. عنز.. كلب.. أحيانا ضحك.. أصوات مختلفة.. دانة رجعت تنط وهي تنفض ملابسها: بسم الله الرحمن الرحيم.. بسم الله الرحمن الرحيم.. ليه غرفتك فيها شيء..؟؟ سعود بخبث: يا بنت الحلال مافيها شيء.. أنا بس كنت أسأل.. يالله تصبحين على خير.. ودخل سعود لغرفته.. عقب ما سوى اللي يبيه.. ودخل رعب غير طبيعي في قلب دانة الخوافة.. #أنفاس_قطر# بعد الغياب/ الجزء الحادي والخمسين #أنفاس_قطر# سعود دخل وتمدد على سريره.. ودانة برا.. قاعدة فوق الكنبة ضامة رجولها لصدرها.. خايفة يطلع شيء من تحت الكنبة يمسكها.. (يمه.. يمه.. خلاص بكرة بارجع بيت هلي.. هو يخوف.. وغرفته تخوف.. ليتني مارجعت معه.. ليتني قعدت في بيت هلي) دانة خلاص موب قادرة تستحمل ..كل شوي تتخيل شيء.. نادت سعود وهي في الصالة، وهو داخل: سعود.. سعود.. سعود اللي متمدد على سريرة وبيموت من الضحك.. رد عليها بصوت مكتوم: نعم دانة؟؟ دانة بارتباك: تعال.. فيه فيلم حلو في التلفزيون.. تعال تفرج معي.. سعود اللي عرف إن مخططه نجح نجاح هائل رغم إنه ماثقل العيار عليها: لا دانة ..تعبان وأبي أنام.. خلال أقل من دقيقة، كانت دانة واقفة فوق رأسه، وبرجاء تقول له: سعود تكفى.. تعال أقعد معي.. سعود بخبث: ليه؟؟ دانة وهي تحاول تجاوب بثقة: عادي.. أبي أسولف عليك.. سعود ببرود تحته انفعالات حادة: تعالي سولفي هنا.. دانة كحت: وين هنا؟؟ سعود ببرود: تعالي جنبي وسولفي علي.. دانة بارتباك: لا خلاص.. بأرجع مكاني.. وعطته ظهرها استعداد للردة لمكانها سعود بنفس النبرة: كيفش..وكمل بلعانة: لو سمعتي شيء صحيني.. دانة اللي رقع قلبها من الخوف.. رجعت بخطوات مترددة.. وراحت لطرف السرير الثاني بشويش.. وقعدت على طرف طرف السرير بدون حتى ما تقرب جنب الغطاء.. وهي بتموت من الخجل.. سعود اللي رفع راسه وسنده على كفه ووجهه ناحيتها، قال بابتسامة: والله العظيم أنا ما أعض.. مخلوق مسالم.. دانة اللي عضت على شفايفها: بس أنا خايفة.. سعود اللي انلسع من كلمتها، جلس على حيله.. وقرب من دانة.. ومسك يدها..وقال بثقة وحنان ورجولة: أرجوش دانة إنش ما تخافين مني.. أنا أوعدش أنه عمري ما أمد يدي عليش مرة ثانية.. تنقص يدي لو أسويها.. دانة اللي هزها بعنف احتضان يده ليدها، جاوبت وعبرتها خانقتها: ومن قال إني خايفة منك... وبدت دانة تبكي بكاء هستيري.. ********************* جواهر اللي دخلت على عبدالله الساعة 12.. كان متمدد على سريره يقرأ كتاب.. لما شافها ترك الكتاب من يده وابتسم: ماشاء الله طولوا الحريم عندكم.. جواهر بإرهاق: شوي.. عبدالله بابتسامة: إلا قولي شويتين.. (ياحلو ابتسامتك) جواهر هزت رأسها تنفض الفكرة عن رأسها وهي تقول: تعبانة والله من طول الوقفة.. أحس رجولي مو قادرة تشيلني عبدالله بمرح: تعالي أسوي لج مساج.. أو اهمزج على قولت الشيبان.. جواهر كحت: لا شكرا.. بأخذ الحين شاور وأنام.. عبدالله ابتسم ورجع يقرأ في كتابه جواهر طلعت لها بيجامة من الدولاب علقتها في غرفة الملابس.. وتوجهت للحمام.. **************** سعود انخلع قلبه لما شاف دانة انكبت على المخدة تبكي..وخبت وجهها فيها.. قرب منها لحد مالصق فيها.. ويده تمسح على ظهرها بحنان، ويقول لها برقة: دانة حبيبتي ليش تبكين؟؟ دانة وهي تبكي ووجهها في المخدة.. تقول بصوت مكتوم: لا تقول حبيبتي.. سعود بنبرة تذوب حب وحنان: لا بقول حبيبتي وقلبي وعمري وروحي وكل شيء بحياتي.. دانة أنتي شاكة أني أقول لش كلام أنا ما أقصده.. أحبش والله العظيم أحبش.. أنتي وبس.. والقلب والله ما نبض لغيرش.. حرام اللي تسوينه فيني وفي نفسش.. قومي كلميني.. دانة ماردت عليه.. ومستمرة في البكي.. سعود مسكها وقعدها بالقوة.. خذ كلينكس ومسح وجهها.. وصب لها ماي وعطاها تشرب.. هدت شوي.. سألها بحنان: ليش تبكين؟؟ دانة وهي تتحاول تتماسك: ماعليه سعود.. أحب أحتفظ بالسبب لنفسي.. سعود يمسح على شعرها بحنان: براحتش يا قلبي.. المهم توعديني أني ما أشوف ذا الدموع الغالية مرة ثانية.. دانة بصوت واطي: أحاول.. ************* جواهر طلعت من الحمام.. بعد ما نشفت شعرها بالسيشوار اللي في الحمام.. ولبست بيجامتها اللي كانت بينتاكور سودا بدون أكمام.. جواهر حست إنه شكلها ملفت في ذا البيجامة تحسست شوي.. وقالت: وش بيقول علي عبدالله؟؟ قاعدة تشتغل لي شغل إغراء.. بس المفاجأة اللي صدمتها إن عبدالله كان نايم لما طلعت.. حست جواهر بضيقة غصبا عنها.. كان نفسها تسولف معه قبل تنام شوي.. راحت جواهر لبست ثوب الصلاة.. وصلت التهجد.. وعقب جات تمددت جنبه بشويش خايفة تزعجه بأي شكل من الأشكال.. بس اللي هي مو عارفته.. إنه عبدالله صاحي.. بس هو مثل النوم.. لانه حس إنه شوفتها في هالوقت بالذات بتشكل ضغط نفسي لا يحتمل عليه.. وقبل ما توصل جواهر وتمدد على السرير.. كانت ريحة عطرها المثير سابقتها.. (يالله صبرني) *********** دانة كانت متمددة على أقصى طرف السرير، وسعود كان قاعد براحته على الناحية الثانية.. دانة اللي كانت هدت تمام.. كانت مستمعتة جدا بحديث سعود.. اللي طوال أكثر من ساعتين.. ماخلى شيء ماسولف لها عنه.. المعسكر.. أيام الكلية العسكرية.. القنص وأيام البر.. سفراته.. سعود بحنان: هاه.. شأخبارك الحين؟؟ دانة بابتسامة واسعة: تمام والله تمام.. سعود بخبث: ويوم أنتي تمام.. ليه كاشة لطرف السرير؟؟.. قلت لش أنا والله ما أعض.. دانة قربت شوي بس.. وهي متوترة.. سعود بخبث: ماسويتي شيء.. قربي بعد.. دانة بخجل: لا خلاص مكاني زين.. سعود شد دانة من خصرها بيد وحدة ولصقها فيه، وقال بنعومة: كذا مكانش أزين دانة اللي حست بانفعالات سعود تجتاحها.. قالت بنبرة منفعلة: سعود واللي يخليك أصبر علي.. سعود بنبرة عميقة: أنا أنتظرتش عمري كله.. أحس مافيني أقدر أصبر دقيقة بعد.. أنتي ليش متوترة كذا.. ( وكمل ويده تعبث بخصلات شعرها بنبرة أعمق وأخفت): أنتي بس هدي.. والله العظيم ما أغصبش على شيء أنتي ما تبينه.. وعلى فكرة الغرفة عمري ما سمعت فيها صوت حد غيري *************** عبدالله ما قدر ينام.. بينما جواهر نامت بعد ما تمددت بشوي.. قام عبدالله وجلس.. شغل الأباجورة اللي جنبه يبي يشوف جواهر صاحية وإلا نايمة.. كانت جواهر رايحة في النوم.. وشكلها وهي نايمة في الأسود اللي مبرز صفاء بشرتها.. كان مصدر تعذيب حاد لعبدالله.. عبدالله قرر يقوم ويطلع من البيت كله.. يروح للمجلس الخارجي يتمدد هناك لصلاة الفجر.. عبدالله كل طاقة المقاومة اللي عنده خلصها أمس.. ليلة زواجهم.. كان يعتبر نفسه إنه قام بمجهود خرافي اللي ماخق وأنهار وسلم من يوم شاف الاخضر.. مثل البرود حتى على نفسه..وخدع روحه شوي.. لكن خلاص خلاص ماعاد قادر.. وفي نفس الوقت مستحيل يقدم على أي خطوة.. وهو يعرف إنها قرفانة منه.. والاهم إنه وعدها.. ومستحيل يخلف وعده.. المشكلة إنها صايرة لطيفة.. يعني لو أنها تعامله بتحدي أو قسوة.. كان نفر منها.. بس كل شيء فيها يجذبه.. بعنف.. حتى المجلس ماقدر يرتاح فيه.. قرر يرجع للبيت.. ويروح لغرفة الرياضة اللي تحتل صالة واسعة تحت.. ظل يرفع أثقال ويستخدم جهاز الجري بالتناوب وبعنف لأكثر من ساعة.. لحد ماحس خلاص إنه أنهد وغرق عرق.. عقبها ما قدر حتي يطلع فوق.. نام على أقرب كنبة.. جواهر اللي صحت لصلاة الفجر مالقت عبدالله.. استغربت: وين راح ذا؟؟ راحت صحت عيالها للصلاة.. عزوز سال عن أبوه.. قال بمرح: أمس عذرناه قلنا عريس جديد.. بس اليوم بعد موب رايح معي للصلاة.. جواهر بحرج: أبوك سبقك للمسجد.. عزوز هز كتوفه: غريبة بالعادة ينطرني.. ****************** سعود اللي كان يلبس ملابسه.. ودانة توها تطلع من الحمام بروبها وفوطتها.. دانة برقة: سعود تكفى لا تطلع للمسجد وشعرك مبلول كذا.. والله بتمرض.. تعال أنشفه لك بالسيشوار.. سعود بعيارة: وينها اللي قبل كم يوم تقول لي قلعتك..الحين خايفة علي أمرض دانة بخجل: مشكلة الناس الحقودين ما ينسون.. سعود وهو يلبس غترته: لا تخافين على الناس الحقودين.. بأتلطم.. سعود طلع يبي يمر على غرفة محمد يصحيه للصلاة.. لقى محمد على باب غرفته معه شنطته والسليب باق.. سعود برعب: وينك رايح؟؟ محمد بابتسامة وهو يحب خشم سعود: بلاك عريس جديد ماعاد دريت عن العالم.. أنا رايح النعيرية.. ومعي خالد وسالم وجبر.. سعود بغضب: أشلون تروح بدون حتى ما تعطيني خبر..؟؟ محمد بابتسامة: طال عمرك.. عطيتك خبر قبل كم يوم.. وأمس اتصلت عليك وقلت لك أبي أقول لك شيء.. قلت لي أنا مشغول الحين وباكلمك ولا كلمتني.. يعني أنا مالي ذنب.. سعود تذكر إن محمد فعلا كلمه.. بس وقتها كان مشغول بإرسال المسجات لدانة.. سعود بود: زين الله يحفظك.. وطلع سعود فلوس وحطها في جيب محمد.. محمد جا بيرجعها: معي فلوس طال عمرك.. كله من خيرك يا أبو سعيد.. سعود مسك يد محمد على جيبه: زيادة الخير خيرين.. وبعدين كمل بمرح وهو يمسك أذن محمد: ودرس السفر مع الرياجيل متذكره وإلا لا؟؟ محمد يفرك أذنه ويقول وهو يضحك: أفا عليك هذا درس ما ينسى: أولا : ماحد يباشر علي وانا اللي أباشر على الرياجيل (يباشر: يدفع.. تستخدم مثلا لما واحد يدفع عن غيره) ثانيا: سيد القوم خادمهم.. ثالثا: الصلاة أولا وأخيرا.. سعود وهو يضحك: عفية عليك.. ويالله أمش نلحق الصلاة *************** جواهر اللي كانت خلصت صلاة .. فوجئت بعبدالعزيز يدخل عليها معصب: يمه ممكن أعرف شاللي صار بينج وبين أبوي؟؟ #أنفاس_قطر# بعد الغياب/ الجزء الثاني والخمسين #أنفاس_قطر# جواهر اللي كانت خلصت صلاة .. فوجئت بعبدالعزيز يدخل عليها معصب: يمه ممكن أعرف شاللي صار بينج وبين أبوي؟؟ جواهر فوجئت بعبدالله يدخل ورا عبدالعزيز.. ويتوجه ناحيتها.. ويحضنها من كتفها ..ويحب راسها ويقول بمودة: أشفيك تتفول علينا يا ابن الحلال تونا مالنا يومين.. عبدالعزيز بخجل: اسمح لي يبه أنا ما أبي أتدخل بينكم.. بس لما أشوفك نايم تحت على كنبة وبدون غطا في ذا البرد.. أكيد لازم أشك أنه فيه شيء غير طبيعي.. وخصوصا أنه عمرك ماسويتها.. جواهر صارت في نص ثيابها.. ودها الارض تنشق وتبلعها، مع أنها ما سوت شي.. ولا زعلت عبدالله حتى.. عشان يشك ولدها إنها سوت لأبوه شيء.. بس الموقف كله كان محرج.. وخصوصا يد عبدالله اللي على كتفها.. كانت حاسة إنها تحرق كتفها بنار لاهبة.. عبدالله وهو يشدد من قبضته على كتف جواهر ويرجع يحب رأسها: يا ابن الحلال كنك أنت إللي أبوي.. أنا نايم أمس بدري.. صحيت قبل الفجر سويت شوي رياضة.. حسيت أني تعبان فنمت على الكنبة.. هذي كل السالفة.. عبدالعزيز بحرج شديد: أنا أسف يمه.. أنا أسف يبه.. وانسحب فورا برا.. وقفل الباب وراه.. عبدالله فلت جواهر بالراحة.. وقال بهدوء وتعب: سامحيني أني مسكتج وانا معرق كذا.. بس كان لازم اتصرف كذا قدام عزوز.. جواهر ما شمت ريحة عرق مطلقا.. كل اللي هي شمته ريحة رجولية عميقة وعذبة جدا.. حركت مشاعر دافئة وساكنة بأعماقها.. جواهر حاولت تتماسك وقالت لعبدالله بهدوء: والكلام اللي قلته لعبدالعزيز صحيح أو لا؟؟ عبدالله بجدية مصطنعة: صحيح جدا.. وكمل: والحين اسمحي لي اخذ شاور وألحق أصلي.. **************** مر يومين الخميس والجمعة.. وصرنا في يوم السبت خلال اليومين اللي فاتت سعود ودانة.. كناري الحب.. في غاية السعادة والانسجام.. سعود بيموت بيموت بيموت ويسمع من دانة كلمة " أحبك".. لكنه ما يبي يستعجلها.. لحد ما يحس إنها تقصدها.. وأنها فعلا طالعة من قلبها ينتظر محمد يرجع عشان يسافر هو ودانة يقضون الباقي من إجازتهم في أي مكان تختاره دانة دانة شرطت عليه عشان يكملون حياتهم سوا.. أنه ما يمنعها من شغلها.. سعود وافق عشان مايزعلها أو يخسرها.. رغم أنه داخليا كان رافض لشغلها.. منيرة مازالت منهارة.. ترفض تأكل أو تتكلم مع أحد.. أبوها حاس بذنب كبير.. أولا لأنه ضغط عليها توافق..رغم إنه عارف تمسك ولد اخيه ببيته.. (إذا كان أنا الشايب اللي عمري 50 سنة ما أقدر أدخل ذاك البيت.. أشلون بنية عمرها 20.. طاوعني قلبي أحكم عليها تعيش في بيت مثله.. وين قلبي وقبله وين عقلي) فالح (أبو علي) قرر أنه أول مايرجع سالم من النعيرية، إنه يطلب منه يطلق منيرة.. وكان قراره هذا قرار نهائي لا رجعة فيه.. لأنه البنية مستحيل تأخذه.. وحتى لو حاول ابوها يجبرها موب بعيد إنها تستخف.. اللي جاتها هالحالة.. من موعد العرس.. أشلون العرس نفسه..؟؟ أكيد إنها بتستخف بتستخف.. هذا إذا كانت ما أستخفت أصلا (أنا ماني بايعن بنتي وخايفن من عقوبة ربي على اللي سويته فيها.. والعذاب اللي تعذبته طول فترة ملكتها.. ياربي سامحني في اللي سويته في ذا الشوفه.. وسالم رجّال مهوب قاصره شيء.. يأخذ بدل الوحدة أربع) علي أخ منيرة كان مولع من الغضب على أبوه وعلى ساره بالذات : ( يوم أنتو عارفين إن البنية ما تبغيه من البداية.. ليه تجبرونها..؟؟ وأنتي ياسارة ليه ما علمتيني.. ؟؟ سالم مستحيل يأخذ وحدة يدري إنها ما تبغيه.. يعني لو أنتو قايلين له من أولها ما كان صار شي من ذا كله... الحين منيرة يمكنها استخفت.. يمكن الا أكيد.. هذي حالة وحدة صاحيه. الحين ارتحتو يوم جننتوها.. ارتحتوا.. وأنتي ياسارة ارتحتي يوم قدمتي اختس ذبيحة لأخوس سالم) سارة كانت حاسة بذنب فضيع فضيع يقطعها من داخل ألآف القطع..وخصوصا أن منيرة رفضت تدرس وشققت كل كتبها.. مها وفاطمة عرفوا باللي صار لمنيرة وكل يوم كانوا عندها من الصبح لليل.. بس هي ما كانت ترد على حد.. كانوا يدرسون عندها ويحاولون يقنعونها تدرس معهم.. لكنها ما كانت تستجيب لأحد.. فقرروا مها وفاطمة يقدمون لها الامتحانات (غير مكتمل) على أساس تقدمها مع بداية الفصل الدراسي الجديد.. عشان مايروح عليها الفصل اللي كان خلص خلاص.. عبدالله وجواهر الحكاية المستعصية الثنين يصحون الصبح بدري غالبا.. يطلعون سوا على سيارة عبدالله الجديدة لكزس فورويل.. سيارة عائلية على قولته بعد ماترك سيارته مع سواقها الجديد لجواهر اللي تقبلتها غصبا عنها .. يتمشون شوي.. يتقهون بكوفي.. يمشون على الكورنيش كانوا يقضون وقتهم يسولفون بانسجام كبير.. بينهم توافق مدهش في الأفكار.. وحديث شيق.. واستمتاع كل واحد منهم بصحبة الثاني وكلامه.. عبدالله وجواهر كانوا مستمعين جدا بحياتهم الجديدة كصديقين حميمين.. كأب وأم يشوفون الفرحة في عيون أولادهم.. لكن كزوج وزوجة كرجل وامرأة الأثنين كانوا أتعس مخلوقين في البشرية جواهربدت تحس بتبدل مشاعر سريع وثوري وجذري ناحية عبدالله.. كانت تحاول انها تمنع سيل مشاعرها الانثوية اللي عانت الكبت لسنين طويلة من الاندفاع ناحية عبدالله.. لكنها عجزت وفشلت.. يمكن لوكانت طباع عبدالله غير.. يمكن كان لقت لها عذر تستمر على كراهيتها لعبدالله.. بس عبدالله كان غاية في اللطف والرقة والحنان مع الكل.. وكان عبق رجولته الصارخة يغرق المكان من حوله.. الرجولة اللي تدير رأس أعتى امرأة.. وبسهولة من ناحية ثانية: سبب كرهها له.. أولادها.. لما شافت حبه لأولاده وحرصه عليهم وعلى تربيتهم.. ما قدرت انها ما تحس بفضله.. وخصوصا انه رباهم تربية ممتازة رغم انه كان وحيد في زمن يصعب فيه السيطرة على المراهقين.. صحيح نوف دلوعة شوي.. وعزوز حساس شوي.. بس هذا ما يعتبر عيب.. وعدا ذلك الثنين اخلاقهم وتربيتهم رفيعة جدا.. وكل هذا كان بفضل الله ثم عبدالله اللي قدر يحمي عياله ويحاوطهم برعايته وحرصه جواهر غزتها مشاعر الانثى بحدة وعنفوان.. قرب عبدالله منها فجر مشاعرها المدفونة تحت الرماد.. عبدالله اللي اصبح شبه عاشق وشبه متيم.. كان يقضي طول اليوم يسولف مع جواهر الصديقة وام عياله.. كعبدالله الصديق وابو العيال لكن لما يأتي الليل بسحره وتقليبه للمواجع.. يحضر عبدالله الرجل المفعم بالرجولة والعنفوان.. اللي مايشوف قدامه غير جواهر الانثى.. مايصدق ان جواهر تحط رأسها.. حتى ينط لغرفة الرياضة يهلك نفسه تمارين حتى ينهد ويرجع يرمي نفسه جنبها بدون ما يحس بنفسه.. لكن جواهر اللي من بعد اول ليلة راح وماعرفت وين.. صارت تحس فيه كل ليلة وهو يقوم ويغيب ساعة عشان يرجع مهدود تفوح منه ريحته الرجولية اللي دوختها.. وينام مثل القتيل... جواهر ماكانت متأكدة هو ليه يسوي كذا لأنه كان يعاملها باحترام كبير يصل احيانا لدرجة البرود.. وعمرها ما حست في نظراته برغبة او شوق.. او حتى انه شايف قدامه انثى من أساسه.. هذا الشيء كان يجرح جواهر بعمق.. ويشككها في أنوثتها (معقولة يكون مريض.. او يعاني من مشاكل..(جواهر مثل اللي انضربت على رأسها بمطرقة) ممكن يكون في هذا تفسير لبروده.. وانه قعد طول هالسنين بدون زواج.. والا رجال في عز شبابه اشلون بيصبر هالعمر كله بدون مره..؟؟ وعشان كذا سالفة التنازل عن الحق الشرعي عجبته.. لأنه بتخلي سره محفوظ) جواهر لما وصل تفكيرها لهذه النقطة.. حست بطعنة حادة في قلبها.. (معقولة..؟؟ معقولة؟؟) ونطت تتصل بنجلاء تفرغ بعض توترها لكن طبعا بدون مايخطر ببالها إنها تقول لها عن شكوكها في عبدالله. نجلاء بعيارة: هلا والله بعصفورة الحب.. جواهر بتحسر: والله انج متفرغة.. نجلاء بمرح: افا.. الحلو زعلان.. عبدالله مزعلج في شيء؟؟؟ جواهر بصوت عميق: بالعكس عبدالله ما باقي الا يحطني فوق رأسه.. نجلاء باهتمام: زين ليش زعلانة؟ جواهر بود: موب زعلانة.. متصلة أسولف معج.. نجلاء بحب: إلا زعلانة.. وخليني أنا أسهل عليج.. شأخبار خرابيط الحق الشرعي؟؟ جواهر تنهدت بعمق لتفهم نجلاء لها: الوضع على ماهو عليه.. نجلاء بصدمة: من جدج؟؟ جواهر بحرج: ليش مستغربة؟؟ نجلاء بدهشة: إلا ليش ما أستغرب؟؟ (وبعدين كملت بعيارة) وبعدين ليش زعلانة؟؟ مو انتي اللي تبين كذا؟؟.. وقرفانة منك...!! وارجع اللي في بطني إذا فكرت فيك..!! فيه وحدة تقول كذا لزوجها.. زين ماهج برا البيت من أول ليلة.. جواهر بتموت من الحرج: نجلاء..عاد اللي صار.. وكلام الواحد على البر.. غير إحساسه وهو في المعمعة.. أنا ما توقعت أن وجود عبدالله جنبي ممكن يفجر أحاسيسي بهذا الشكل.. نجلاء بعيارة: شنو هذا؟؟ حب؟؟ جواهر بعمق شديد: ما ادري هو هو حب أو شوق لماضي تمنيته وماعشته.. عبدالله كان الرجّال الوحيد اللي انا عرفته، وبعده سكرت قلبي وعيني...(جواهر سكتت لأنها ماحبت تسترسل في هذا الموضوع بالذات، ثم كملت ببعض انفعال) المشكلة نجلاء أنه كأنه يشوف أخته قدامه.. محترم زيادة عن اللزوم.. لطيف زيادة عن اللزوم.. يمكن مرت أوقات حط يده على كتفي.. حط رأسه في حضني.. باس رأسي.. بس كنت أحس أنه يسويها معي مثل لو كنت أخته.. مو زوجته.. وأنثى قدامه.. في الوقت اللي كنت أنا أحس أني بأذوب لقربي منه.. نجلاء باهتمام: طيب هل مشاعرج كانت واضحة بالنسبة له..؟؟ جواهر باستنكار: طبعا لا.. نجلاء بتفهم: وليش هو مايكون نفس الشيء؟؟ جواهر بشك: ما أعتقد.. الرجّال ما يقدر يكتم مشاعره مثل المره... (وطبعا جواهر مستحيل تقول لها عن إنها شاكة أنه مريض.. لأنه لو كان فعلا مريض مستحيل تخلي حد يعرف عن الموضوع) نجلاء بعيارة: أكتشفي بنفسج.. جواهر باستفهام: أشلون؟؟ نجلاء بخبث: أنا اللي بأقولج يعني؟؟؟ أغريه.. الإغراء لعبة تفنن فيها الزوجة.. وبعدين هذا زوجج.. حلالج.. جواهر كحت: أنا أغريه.. ومن؟ عبدالله؟ لا لا مستحيل.. نجلاء بعيارة: أنا قلت لج نطي في حضنه.. كل السالفة قميص نوم مغري.. وهو بيفهم بروحه إنج تعطينه القرين لاين.. جواهر باستنكار: لا لا مستحيل اللي أكون أبدأ بالخطوة الأولى.. هو اللي لازم يبدأ.. نجلاء بمرح: زين كل واحد منكم خله يقعد على كرامته اللي ذابحته.. وخلوها تنفعكم *************** في الوقت اللي كانت نجلاء تكلم جواهر.. كان جاسم داخل على أمه جاي من برا.. دنق على رأس أمه بحب واحترام.. أمه كانت قاعدة مهمومة ، جاسم بحب: أفا.. أم جاسم شكلها ضايقة.. قومي أروح أنا وياج سوق واقف.. نفر شوي أم جاسم بهم: همي مايوديه كل أسواق الدنيا.. جاسم برعب : أفا يمه.. لاعاش من يضيق خاطرك.. وش مزعلج..؟؟ كان جاسم في أواسط الثلاثينيات.. مربوع وملامحه طفولية جدا.. وقلبه أشبه مايكون بقلب طفل من قد ماهو طيب ونظيف.. متزوج نجلاء من حوالي خمس سنين.. لكنهم قعدوا ثلاث سنين لحد ماحملت نجلاء بحمد.. أمه بصوت حزين وعميق: يمه جاسم أنت عارف إن نجلاء غلاها من غلا خواتك والله العظيم.. جاسم بخوف: يمه نجلاء مضايقتج في شيء..؟؟ أم جاسم بحب: حاشاها أم حمد.. والله إنها تعاملني مثل أمها وأكثر.. جاسم اللي تنفس براحة: زين وش فيج؟؟ أم جاسم بقلق: دلال.. بنت خالك أحمد جاسم بحذر: وش فيها؟؟ أم جاسم بتردد: فكت حدادها من كم يوم.. جاسم وهو مو فاهم شيء: وطيب؟؟ أم جاسم مثل اللي تلقي قنبلة: أبيك تتزوجها.. #أنفاس_قطر# |
بعد الغيــــــــــــــــــــــــــــــــــــــــاب
بركـــــــــــــــــــان ظل لسنواااات في حاله من الكبت المظني ...مشاعر مختلطه واحاسيس متضاربه ....وفي لحظه انفجرت تلك المشاعر لتسيل حمما حارقه على تلك القلوب التي اعياها الصمت ... جواهر حملت حبا بريئآ لاول شخص دخل حياتها وفي لحظه غامضه توارى الحب تحت رماد الحقد الي ظل سنوات يكبر ويكبر ويكبرحتى شاخ وتهاوى امام مارد الحب الذي استيقظ فجأه من تحت الرماد .... عبدالله وعوودك كثيره ...واعتزازك بكلمتك ونخوتك لصديق عمرك ...ماجد ....شيئ ووعدك لمن ملكت الروح وانستك الجروح شيئ اخر ... هذا الجبل الشامخ الذي تعتلي قمته سينهار وسيتهاوى من اول لمسه حانيه من يديها ...وسترى.. سعود ومحاولاته المجديه في استمالة قلب دانه هل سيصل ام ستتعثر الخطوات ؟؟؟؟ منيره وسالم ...ومن سيحدد المصير ؟؟؟؟ انفاااااااس مشكووووره حبيبتي على كلمات الاطراء..وما عليك زود ننتظرك دائما ...ولك منا اكاليل من الحب ... |
ماشاء الله تبارك الله ام احمد تقول لنا انك ظاهرة سوف تحدث ثورة على كتاب القصص وانا اقول عز الله صدقت ام احمد وازيد على كلامها بأن انفاس الظاهرة الاستثناية المكتملة من جميع الجوانب ..! يعجبني كثير التنوع والانتقال بين الشخوص والأحداث واللي لايمكن يتقنه غير متمرس في الكتابة او كاتب يخوض الكتابة منذ المرة الأولى بالحس المبدع ..! ،، سعود ودانة الثنائي الجميل لوحدهم قصة .. اعجبتني فكرة الرسايل والاستدراج بالترهيب والترغيب سياسي خطير سعود ودانة مثل باقي الحريم حساسة ، خوافه ، تنجرف بسرعه نحو المشاعر والحب ..! وتثق وتحب !!! اتمنى مايشوب حياتهم مشاكل بسبب عناد دانة او قوة سعود وفرض سيطرته على كل من حوله .. ديمه لوحدها حكااااية طويلة عريضة وحقيقة اهنيك على اختيار ديمة وخلقك لشخصيتها بطريقة جذابة وممتعه ومشوقه وغريبة .. وصفك لها كأني اشوفها .. غير عن وصفك عن نوف اللي ابدعتي فيه لكن وصف ديمة كان بذكاء ومهارة .. الوحده والمراهقة لاتؤدي الا للضياع اياً كان نوع الضياع .. نفسي ، اخلاقي ، مرضي .. هذي نتاج الاهمال يادكتورة عايشة .. اتمنى ان ديمة تنجرف لحياة نوف وعزوز وتتغير حياتها على يد جواهر اذا هي مو متقبله من امها شي ..!! سالم ومنيرة .. الحين ياابو منيرة .. بعد ماشفت حالة بنتك وبعد ماتحدد الزواج وزوجها ماباقي الا يجي ياخذها من بيتك تجي تقول خلاص وياليت اللي كان ماصار .. ليه الآباء عندنا يسكتون يسكتون وغالباً يخلون البنت تطلع من بيوتهم بالقوة لبيت زوجها واذا اخذت ايام رجعت لهم قالت ماابيه قالوا مانقدر نغصبها ترى ماتفرق بينهم وبين ابو منيرة وش باقي عن العرس الله يهديك لمن اتخذت القرار هذا ..؟؟ اتمنى ان سالفة منيرة تكون رسالة لكل اب يعتقد ان رأيه هو الصح وماراح يتغير .. رسالة تبثين من خلالها ياانفاس ان الغصيبة ماتجيب الا المآسي .. حتى لو اسباب منيرة تافهه في نظر البعض الا انها مو تافهه بالنسبة لها هي كشخص وانسان .. ايضاً .. بعض الزواجات اللي فيها غصب وبالقوة مشت وعاشوا لكن عمرها ماكانت قاعده ..! لابد تخلي في النفس وصمة وذكرى باكية .. حتى زواج دانة وغصيبتها اوكي انحلت امورها وراح تحب سعود وتعيش معاه بس الشرخ اللي احدثه كف سعود الخوف والهلع اللي اصابها من رفع خالد للرشاش في وجه ولد عمها هذا كفيل انه يبقي الشي هذا نفسها ذكرى موجعه للأبد ..! واسم انها انغصبت وبالذات دانه البنت الكبيرة والمتعلمة ومختلفه عن بنات جيلها كونها طبيبة يبقى في نفس دانه ان كرامتها انهانت ومشاعرها انجرحت ..!!! والقاعده هي الرضا والموافقه بطيب خاطر وارتياح عشان تسير الحياة براحة كأدنى توقع .. 8 8 زودتها وطولت السالفه صح .. :confused: << زودتيها بقوة بس كملي :cool: ،، الشيخ محمد الله يرزقك بمزنه .. وينجحك ثم يزوجك ياحبي لمحمد :biggrin: بس يابنات تراه اصغر مني لاتقولون اقدار حطت عينها على محمد ولا من هالكلام محمد رجال ومرح وبايع الدنيا بدون تهور هههههههه الله يستر عليك بس وترجع بالسلامه تدرون الكاتبات مالهم امان عشان كذا خايفة :frown: انفاس مدري وش بيصير لو محمد بالذات صار له شي ولو اني اثق بالكاتبات القطريات مايتعبون نفسياتنا معاهم :uJl04657: ،، نجلاااء .. يانجلااااء :IuL04800: ياحلالة المشاكل .. :IuL04800: انتبهي من ام ريلج :biggrin: تراها ناوية على نية شينه :biggrin: والله ان نجلا حبوبة وعسولة وماتستاهل ان احد يغثها ولايكدر عليها بعض العجايز تنتهي صلاحيتهم من بدري مثل ام حمد اجل بنت خالك ارملة وانتهت عدتها ابيك تاخذها خير ان شاء الله واذا بنات العايلة كلهم ترملوا وفكوا العدة خلاص لازم نخرب بيوت الناس الثانية عشان ماتخرب بيوتهم الله يعينك يانجلا على الجاي .. ويصلح كل عجوز تفكيرها على شاكلة ام حمد ويامال العافية وحسن الخاتمة بس ياام حمد ،، الثنائي الرائع والمميز واحلى ابطال القصص ككل وأغربهم وأميزهم حقيقة ياانفاس انتي كاتبة ذكية جداً .. الكاتبة اللي خلقت شخصية عبدالله لوحدها مذهلة ورائعه ,, فمابالكم بربطها مع جواهر الأنثى بمعنى الأنثى نضوج ، وعلم ، وهيبة ، ونعومة يعني مزجتي معاني الأنوثه كلها بشي واحد هو جواهر وماشاء الله لاقوة الا بالله .. الله بس يحميك ويستر عليك اعجبني كلام عبدالله لعزوز وتصرف عبدالله الرائع شكل مابيخليهم يخربونها الا نوف وعزوز يخربونها هذي وش اقصد فيها:AaZ04485: <<<< ترى بريء قصدي ههههههههههههه:uJl04657: اقصد الحب والمشاعر والتجرد من التظاهر باللامبالاة والمكابر اشوا ان فراشة الوادي ماتقرأ معنا ولا كان مسكتها عليّ .. :IuL04800: انفاس سامحيني على الرد هذا انا وحده في الصباح تجيني حالات استهبال << عذبت البنات في قسم المشرفين باستهبالها .. والله يعين ام احمد عليّ .. // كان ودي والله ارد عليك برد تستحقه بعد الغياب وتستحقه انفاس :c8T05285: بس الأقدار شاءت اني اقرأ الصباح فاضية وماسكتها الحالة <<:biggrin: عموماً ،، بشهادة اجمل القراء على الساحة القصصية وفي الشبكة ككل .. اللي هم النخبة في ليلاس .. " وهذي حقيقة قالها اغلب الكتاب : ان قراء ليلاس هم نحبة قراء القصص .. " انتي حلقت في سماء الابداع ياانفاس اتمنى لك الاستمرارية بتألق ومزيداً من النجاحات .. موفقة يارب |
السلام عليكم
أنفاس قطر صباح الورد والنشاط يحفظك الرحمن من كل عين أولا حبيت اعلق على الكلام الي رديتي بيه على الاخت كاديه بصراحة انفاس اني حبيت اأحيك فعلا توجد في الحياة خطوط لاتلتقي ابدا مو ضروري في القصة تكون علاقات الشخصيات مع بعضها البعض ويكون هناك رابط طبعا هذا من وجهة نظري لأن في بعض الاحيان تصبح زحمة على شخصية معينة وممكن الكاتب لايستطيع من خلالها توصيل رسالة معينة وبذالك يتطلب الامر وجود شخصية اخرى لايصال هذه الرسالة وقد تكون هذه الشخصية لا علاقة لها بالشخصية الأخرى >>وجهة نظر استمري على هذا النهج لكل عائلة قصة ولكل منهم انفعالته ولكل منهم شخصيته المختلفة عن الاخرى والكل يرتبط بالمجتمع ومشاكله لتكون القصة تشكيلة مصغرة من مجتمع كبير موفقة انفاس عبدالله وجواهر ألم اقل لكي اثنان بمثل نضجهما سوف لن يبقيا يمثلا دورين صعب عليهما اجادته وبتدخل عبد العزيز الذي سوف يحرصان على عدم تدخله مرة اخرى سوف تتحسن الامور بينهم ولن تحتاج جواهر الى نصائح نجلاء منيرة اصبحت الان على المحك وخاصة بعد الذي قرره والدها بينه وبين نفسه يعني هل المشكلة سالم ام المنزل هذا السوأل الذي يجب ان تجد له جواب اذا كانت المشكة في سالم اعتقد قرار ابو منيرة سوف يتكفل بالامر اما اذا كانت المشكلة في المنزل هنا ممكن ان يكون قرار سالم هو الذي سوف يحدد الامر ولكن قبل كل شيئ يجب على منيرة تحديد مشاعرها هل سالم هو المشكلة ام المنزل ؟؟؟؟؟؟؟؟؟؟؟؟ سعود ودور الاخ الاكبر كم هو صعب ان تتخلى عن طفولتك وعمرك الحقيقي لتتقمص دور الاب وتحاول اجادته هناك الكثير من هم على شاكلة سعود وبصراحة مثل هؤلاء يتوجب على زوجاتهم ان يكن اكثر حنانا لانهم قضو شطرا كبير من حياتهم يعطون الحنان لذا هم اكثر ناس تقدر الحنان وتحتاجه ديمة بداية مشجعة مع جواهر بصراحة المفروض طبيبة الأعصاب المشهورة ان تفكر منذ صغر هذه الفتاة كيف تحتوي ذكائها وعنادها ولكن يبدو ان لكل نجاح ضريبة يجب أن تدفع اعتقد جواهر سوف تلعب دور في أصلاحها لان الفتاة عنيدة مع والدتها ليس كره بالوالدة بقدر ماهو اثبات قوة الشخصية وكيف هي قوية وتستطيع ان تكون بدل الولد بأعتقادها طبعا المشكلة هنا يبدو ان الام لم تعطي البنت لن اقول حنان كامل بل اقول تعزيز ثقة بجنسها وانوثتها الثقة مطلوب خاصة للفتاة هناك فتيات مستوى جمالهن تحت المتوسط وتجدينهن يشعرن انهن بمنتهى الجمال وثقتهن بأنفسهم تنعكس على الاخرين ليروهن مثلما يرين انفسهن اعتقد ديمة بحاجة لمثل هذه الثقة وهنا يبرز دور جواهر نجلاء وجاسم وعاصفة سوداء اقبح ما موجود بالمجتمع هو هذا الامر ان يضطر الرجل بالزواج من احدى اقاربه ويقحم نفسه واسرته وتصبح سعادته وسعادة اسرته هي الضحية في سبيل احتواء حزن انسانة او تقديم المساعدة لها طيب ياناس ياعلم هو أليس ببشر وزوجته ما ذنبها حتى ترى زوجها يزف لانسانة غيرها وهي لاعلة فيها لاتقول انسانية لاتقول تضحية لاتقولو واجب احترق بنار الغيرة واضغط على اعصابي وقد يصيبين مرض من اجل ان يقوم زوجي بالواجب جد هذا بمنتهى القسوة اذا على الرجل او على المرأة طيب ترملت قريبته يستطيع مساعدتها ماديا دون يزورها ممكن زوجته تقوم بهذا الواجب ويكون حريص اذا تقدم لها شخص مناسب ان يتمم هذا الزواج وان يبارك لها مو يروح يساعدها بأن يتزوجها صلو على النبي يمعودين >>عصبت وطلعت اللهجة العراقية أنفاس بمنتهى الشوق انتظرك >>وخفي على العزابية |
شبيهة القمر
قد يتهاوى الجبل ولكن حينها سيتهاوى على رأس من؟؟ "جواهر حملت حبا بريئآ لاول شخص دخل حياتها وفي لحظه غامضه توارى الحب تحت رماد الحقد الي ظل سنوات يكبر ويكبر ويكبرحتى شاخ وتهاوى امام مارد الحب الذي استيقظ فجأه من تحت الرماد ...." هل تعلمين أن وصفك يشبه اسطورة العنقاء العنقاء تحتاج جسدا حيا حتى تبعث من رمادها رائع هو تشبيهك هذا ورائعة أنتِ ورائع هو مرورك المختلف ومرحبا بالتعليق الأول بعد الجزء أقدار إذا كنتي كل صباح بهذا الانثيال والروعة أرجوكِ بل أتوسل إليكِ لا تقرأي (بعد الغياب) إلا كل صباح حتى أمتع نفسي بروعتك وانثيال عباراتك وصياغتك المذهلة لأفكارك التي تفتنني حتى الثمالة سعود ودانة مازالوا في البداية ينتظرهم مالا تتخيلينه سالم ومنيرة حكاية أخرى سيكون لها حضور آخر محمد كذلك تنتظره حكايته الخاصة رائعة أنتي يا أقدار كالأقدار الرائعة التي دفعتني بينكم سعيدة جدا بكِ وبمروركِ ووقتكِ الثمين الذي تكرمتي علي بالكثير منه إرادة الحياة حينما أرى اسمك اشعر بما يشبه نبض الكهرباء في أناملي لاني أعلم أنه ينتظرني رد جميل ومختلف وعامر بالدفء والحنان الميزة ألابرز في تعليقاتك بها كم مذهل من الحنان العميق "أنفاس بمنتهى الشوق انتظرك >>وخفي على العزابية" يأما أني مافهمت يا أما أني أتغابى؟؟ بس تدرين خلي الانسات ينبسطون شوي لانه نحن الآن في مرحلة الهدوء قبل العاصفة حبيبتي أم احمد أنا عملت حركة بسيطة في منتدى قلم الأعضاء لأني حسيت أنه هذا هو الحل الأنسب لي أتمنى مايكون عندكم مانع ولو كان عندكم عادي احذفي الموضوع بدون أي حساسية يا قلبي والله العظيم |
[COLOR="Pink"][SIZE="4"]
مااااشاااااء الله ....تبارك الرحمن... صباااحك ....ورد.. ومسك ...وجوري ....لانفاسك العطرر جد.. وجد.. احس اني ماقريت الا بارت واحد .......من كثر الانسجاام .....سلمت اناملك ... تجديد ...تنوع ..انتقال ...اثاره ...اكشن ..وتعمق ..اجتماع ...فراق ...حب.>>>>بعد الغياب اتمنى ....لك حياة سعيده...كما تسعديننا ... البارت .. جواهرر ...وعبدالله ....هانت بس خلو الكرامه بعيد شوي... عزوز...والله واكبرنا ...كلش الا ابويي ...ورقة ظغط اخرى.. سعووودوديمه بعد الاكشناات ....نايمين في العسل ...عشان مانحاتيهمم نجلالا.... لامايصير ...لااصار صاحبك عسل ..لاتاكله كله .... اهتمام جواهر بدانه ....لاجل عين تكرم مدينه .... ومحمد ......ودرس اللرجوله ....افضل درس.. منتظريين ....بكل اللاشووواق ...:f63: |
انفااااااااس بارتين انما ايـه...حلوين اوي..بياخدو العقل..تسلم دياتك عليهون هع... سعـود كل هذا وما يعرف يعبـر عن مشاعره..كل هذا وباارد..كل هذا ومو رومانسي..واااااااااااي توني ادري انك تهبـل..نفووس اذا في نسخة منه ابيـها عفيـه..احم نرجع للموضوع الاساسي هع..حلـو انـه حاول ونجـح..وشلون قدر يغير صورتـه بنظرهـا من سعود المتوحش لسعود الرومنسي..وان شاء الله يتم جذي دووم..وحلو منـه ان خلاها تشتغل صج انه مو راضي بس لازم يقدم تنازلات عشان تمشي حياتهم عدل..وبعدين مو من اول شي يبيها تتنازل عن شغلهـا..اممم بس اخاف شغلهـا يكون سبب مشاكل بينهم..وانه كل ما صار شي يقط السالفة على شغلهـا..الله يسـتر دانـه اممم ليلحين ما عرفت شالي بجاها..مسج سعوود كلش مافي شي..المفروض تستانس عليـه...الا اذا اهي بجت لانها فرحانة هع...بس الحمد لله الي غيرت رايهـا..وعرفت سعود على حقيقته..شغلهـا ما الومها لو ما تركتـه لانهـا تعبت وردست عشانه..غير جذي لو من الحين ضحت فيه رح تتبعـه تضحيات ثانيه.. نجلاء لااا..احنا ما صدقنا نخلص من سعود ودانه وجواهر وعبد الله..تين على نجلاء وجاسم..اممم صراحة تفكير سخيف..لان اول شي اهي قالتها بنفسهـا ان نجلاء ما يعيبها شي ومعاملتهـا جنهـا امهـا..شتبي اكثر من جذي..بعدين دلال وانفك الحداد عنهـا خير يا طير اهو شكو فيهـا...مو مجبور انه ياخذهـا..ويهدم حياتهـا عشان سعادتها وسعادة امـه..ما اقول غيرالله يستـر من ردة فعـل نجلاء..وجاسم شبسوي هاذي امه وذيج مرته..كلهم غاليـن عليه.. منيـرة رده فعلـها جدا متوقـعه..لانهـا اولا مو متقبلة هالزواج وخايفة منه..ثاني شي الطريقة الي تلقت فيهـا الخبر كلش مو شي..يعني بدون تمهيد ولا شي..غير جذي تحس بخيانه اختهـا لهـا وانهـا متفقة مع سالم عليها...الله يعينهـا..حرام تضيع تعبهـا ودراستهـا.. ابو منيرة ردة فعـل جدا متأخرة..يعني بعد ما صار الي صار حس بالذنب وانه ظغط عليها...امممم وبعد كلام الناس..وانه طلقهـا قبل ملجتهـا بفترة قصيـرة..غير جذي رده فعل سالـم لا درى بالي صار فيها لانها درت ان ملجتهـا قربت..رح يتحبط مسكين.. ديمـه اممممم لفت نظري انها لبست نظارة عشان تقلد عزيز...يعني تقريبا عبد العزيز يعتبر قدوتها<<عادي صبح وطالعه من امتحان لا تنصدمين هع.. وانهـا يوم تقول لامهـا ان صبيان مدرستهم لا تطالعهم ولا يطالعونهـا..امها يمكن قالت الكلام خوف على بنتهـا..بس ديمـه خذته بحساسيـه..شي حلو انهـا بتطلع مع جواهـر وان شاء الله شوي شوي تتغير شخصيتهـا.. جواهـر شي طبيعي الي تحـس فيـه..عبد الله الي تشوفه كلش غير عن قبل..بعد لان اول كان يعتبرها مثل اختـه يوم كانت اهي تحبـه..اما الحين لا يعني تقدر تعـبر عن مشاعرهـا بكل اريحية..اما عن افكارهـا وانه مريض..مو انتي الي طلبتـي جذي..!! اهو نفـذ طلبج ووعدج..غيرتي رايـج.. بس نفس ما قالت نجلاء.. عبد العزيزالصغير بعد الي شافه من ابوه..يا انه يطوفها..او انه يراقبهم لين يعرف الصج..والله يستر عايشة اممم تنفيذها لطلبات بنتهـا..وانها ما تقدر تزعلها او ترفضلها طلبهـا..يمكن عشان تعوضها عن غيابها..او انها مالها حق على بنتهـا..بس هالشي غلط...لازم تقلل من شغلهـا وتخلي بنتهـا اهتمامهـا الاول وتحاول تتقرب منهـا..لان مثل ما قالت جواهر لو صار لبنتهـا شي شغلهـا مارح يفيدهـا كلش..بانتظار البارت القادم بكل شوق تقبلي مروري |
بالله عمركم سمعتو وحده الاجزء مهداء له توها تدري>>>سوري انفوسه بس كسل النوم البرد ماخلني اقوووووووووم >>>>حجز مكان لي عود>>>مدري وش الفايده خخخخخخخخخخخخخ
>>اي صح نفوسه بعد ماجيت برد عرفت ان الجزء نزل وقت ماكنت قاعده يم النت وفصل من عند الشريكة وروح وشوف المودم الاشاره حمراء ونقهر والان دعوتي لهم>>>حسبي الله عليكم قهرتوني>>قصة حياااتي هههههه ياهلا والله بنفوسه فاح قلبي صراحة على هذي الاجزء الجنااان وخصوصا انها تتكلم اكثير عن عبود وجوجو>>يابعد قلبي والله ....وين ام لولو تجي تشوف الذرابه والادب في عبود مستعد يذبح نفسه ولا يهين كرامته وجوجو مستعده تختلق اشاء مو موجوده بس عشااان تبرر لي افعاااله والله ام احمد كلامه صح >>>تعبوج نفوسه وتعبونه معهم >>>بس بقول كلمه على فكره يشطااار مافي كرامه بين اي زوجين مو انتو توكم الصغاااار عشااان نفهمكم خلكم فاهمين منيره ياقلبي طيب ليه تمتنع عن الامتحنات تدرين نفوسه حقدة على داقه عليه وبقوى بعد >>خخخخخخخخ احس منور بتوفق على وقت الزواااج>>>ونننطر ردة فعل سالم اذا عرف زارا متى ياحظي طردتي الحلو السعود من المجموعة >>>يخوفي من شوق لي غيث نسيتي الكل هههههههه سعود والله طلعات خطير بسم الله عليك وعلى قلبك ذوبة البنت هههههههههاي هذا الرجااال العدل >>بس المره طول عمره بسرعة تنجرف لللعاطفة رغم انهم مايستاهلون >>حاقده بس على سعود يستاهل وننتظر وش بتسوي في دندون بعد ديمه تعلقه بي عبد العزبز وباين الان بيكون بعد في ام عبد العزيز اتوقع راح يطلعها لو نسبه بيطه من الى هي فيه والخاااااااااال عزوز الله يوفقك في مشروعك الجديد ومشكوره يانفوسه وبردتي قلبي يوم قلتي ماعندنا اشاء تقليديه >>>الى وينهم اليوم الخبلان مالهم حس |
حبيبتي لحظة زمن
نقل القصة صار فيه ربكة جامدة البارتين الأولين أصبحو في الصفحة 54 وأصبح الموضوع يبدأ مع البارت الثالث مذهلة هلا والله بقلبي يا أختي تستاهلين أكثر من الأهداء والله العظيم بالنسبة لسعود زارا مختفية والعضوة العزيزة اللي طلبت تضمه لمجموعتها هي اللي قالت لي وهي وزارا يتفاهمون أنا مالي شغل بس جد خلال البارتات الجاية انطروا سعود وأخوه محمد في أكشن سبيشل حياك الله يا قلبي |
اقتباس:
ههههههههههههههههههههههههههههه اعرف نفسي ام الربكات طيب انا عملت خيار خطأ بالنقل وخربطت الدنيا بحتاج كمان خمس دقايق لأعدل خطاي الفادح عذرًا وعذرًا وعذرًا منكي |
ياااااويل حاااااااااااااااااالي نفوسه الف الف مبررررررررررررروك
والله اسمج منور القسم الله لايحرمنا منج يااارب و من نور اسمج بينااا >>وعقبااال القصة الثااانية مشكوره ام احمد على الجهد >>>>ونشكر لحظة زمن لانها وقفت معنا الله لايحرمنا من طلتها اي صح زارا وينها فيه >>>خلاص راح يتم البحث عنها خخخخخخخخخخخخخخخخ مذهلة |
السلام عليكم ورحمة الله وبركاته
أولا أهلا و سهلا بكاتبة قطرية وأخت قبل كل شي لنا الشرف بأن نستضيفها بين صفحات منتدانا العزيز أنفاس قطر ما شاء الله تبارك الله سمعت عنك الكثير وبدأت بقراءة حروفك لكن توقفت بسبب الظروف وطبعا شهادتي مجروحة في اللي قرأته ان شاء الله بحاول انفض غبار الكسل القصصي عني و ارجع اقرأ حروفك القطرية المختلفة والمتميزة لي عودة بإذنه تعالى و ان بعد حين كل التوفيق لكِ .. أنفاس قطر.. في قصص من وحي قلم الأعضاء لحظة و ارادة الحياة كل ابجديات الشكر لا تكفي للمجهود الجبار في نقل القصة بكل حماسة و تلقائية ردودها لاروقة قسمنا شكرا برايفيت مذهلة العذر والسموحة من قلبك يا توأمي وعدتك بحضور ردودي ... لكن تأخرت كعادتي هالايام لكن الله يقويني واوصل لكم ان شاء الله <<وحشتيني حيييييييييييييييييل يا دوبااا |
اقتباس:
هلا والله بي توأمي اخيرا نورتي الصفحات اتركي عنج الكسل ياحلوه>>>شفتي احسن منج ماحد يقولي دبه غيرج خخخخخخخخخخخخخخخ ياللله ننطرج ياعسل |
تعرفنا عليها صدفة ألا يقال رب صدفة خير من ألف ميعاد
تجسد معنى المقولة في لقائنا كانت أولى أمنياتنا أن نظمها كاتبة ضمن كوكبة كتابنا ولكن مشاغلها حالت دون ذالك أول ألأمر ليزف لنا خبر موافقتها على أنزال قصتها في منتدانا الغالي مثلما زف لجواهر عودة أبنائها كاتبة قطرية بأسلوب مميز في كل شيء عن ماذا نتكلم أ نتكلم عن دقة اختيار المواضيع أم نتكلم عن جمال السرد وروعة الوصف أم نتكلم عن براعة الانتقال من مشهد الى أخر أم نتغنى بدقة المواعيد وغزارة نزول ألأجزاء التي تبرد قلب القارئ المتشوق كل هذه ألأمور وجدت في كاتبة اسمها أنفاس القطر كل هذه ألأمور جعلت منها كاتبة متميزة كل هذه ألأمور جعلت من قصتها قصة تحبس ألأنفاس بتميز ولأنها مختلفة وقصتها مختلفة استحقت منا التميز وبجدار ألف ألف ألف مبروك التميز أنفاس قطر التميز يلق بك وبقصتك همسة مذهلة الخليج مذهلة المنتدى ملكة القلوب هل هي ألقاب قليت صدفة أم روحك وروعتك هي التي جعلت لهذه ألألقاب بريقا مشعا استمدته من روعة روح صحابتها مذهلة كلمات الشكر والأ متنان لا تفيك حقك مذهلتي مليون كلمة شكرا لمذهلة الخليج المذهلة مشرفات القسم ماشاء الله تبارك الله ماشاء الله تبارك الله ماشاء الله تبارك |
بارتات شيء تسلم ايدس واحساسس وقلبس يالغلا
عبدالله وجواهر حلو تدرجهم ووصولهم لإفتضاح مشاعرهم << اللي قريب ان شاء الله :party0033: واحس صعب تدخل عزوز بحياة امه وابوه بهالسرعه من زواجهم بس يمكن غلب عليه اندفاعه وتصوره ان المفروض بهالوقت امه وابوه يكونون اسعد اثنين !! سعود ياحلو الرومانسي ايه يابعدي زود العيار على دوينه خلها تسييييييييييح هههههههه منيره صدق صدق هذا واقعنا مع انهم بالسنوات الأخيره تغير تفكير أهلنا واغلبهم صارو يعطون البنت حرية الإختيار لشريك حياتها ...الله يعيينها عالصدمه !! جاسم الله يهدي امه وش هالتفكير !!!!! قال ايش قال غلاها من غلا بناتي << اقول استريحي بسسسسس |
يا هلا ومرحبا ومبرووووووووووووووووووووووك الف مبرووووووووووووووووووك وجودك في
ليلاس وفي قصص من وحي الاعضاء اسمك منووووووووووووور حيل وسط الاسماء القطريه الي ابتدت تسطع بقوه فهلا ومراحب فيج مليوووووووووووووووووووووون مررررررررررررررررررررررره نجي الحين تحليل في ابطال قصتج عبدالله /انا كر هت هذا الرجل وفي نفس الوقت معجبه به كرجل كرهي له هو ما فعله مع جواهر خطف او حرمان ام من اطفالها هو ابشع الجرائم فأنت تحرمها من الهواء تحرمها من القلب الذي ينبظ بداخلها انت بكذا قتلت الام وبأبشع الطرق ليه كل هذا هل هو استعراض لقوتك كرجل ام لسلطتك عليها عذرك كان عذر اقبح من ذنب الام لا تخلق ام بل هو احساس فطري وتغذيه المعرفه و الممارسه فعذرك هنا بشع وتستحق عليه قرفها منك وربي انا لو مكانها لجلعك من على وجه الارض عشان تكون عبره و الحين نجي عندك كرجل يعيش مع انثى مكتمله و الكامل الله سبحانه هنا وجعك الف مره وموت بعد الف مره صعب تنام قربها وتشوفها وتنفس هواها وتكبت مشاعرك انت الحين قنبله على وش الانفجار فمتى سيكون هذا الانفجار وهل سيكون في صالحك اوضدك راح نشوف انفاس وش تقرر نجي عند ست الحسن و الاجمال تذكرني جواهر هنا باقصه قديمه نعرفها اغلبنا قصه البطه البشعه الي تحولت الى بجعه جميله وفاتنه وهي كانت في نظر عبدالله في الماضي البطه البشعه واليحن تحولت الى البجعه ويا ويله منها هههههههههههههههههههههه جواهر /الام طفله عاشت زواج كتب عليها وكتب عليها نضج مبكر قبل وقتها وقبل حتى لا يكون عندها الوقت تعيش مراهقتها طفله تتحمل زوج متقلب واطفال في احشائها ويسلبون منها لتعيش الوجع وجعين ليله حولتها من مراهقه مع رجل الى امراءه مع اطفال ورجل غاظب لها كل الحق ان تحمل حقدها طوال هذي السنوات على هذا الرجل الذي سلب منها امومتها وحرمها من ابسط حق اعطاه لها الخالق سبحانه وهي ترى ابنائها في احضانها ينهلون من حبها ومن حنانها ويزرعون بداخلها الرحمه و الحب كل هذا سلبه منها وش يتوقع حظرت جنابه انه لما يقول اتزوجج بتطيح في حظنه زين ما تذبحه بيدها وتبرد قلبها الي محترق طول هذي الاسنين بس بعد هنا ما ننسى انها بشر وانها انثى تعيش مع رجل ينضح رجوله وهي حرمت من ان تعيش انوثتها وفي ذاكرتها ليله حملتها زاد لها طوال هذي السنوات ليله عاشتها ولم تستمع بما تكون من عواقب هذا الزواج سعود/ هذا الحب المستتر الحب الخفي الي تجي لحظه تشعله في غفله من صاحبه انت كذا قسوتك عليها لنك تحبها خايف من هذا الحب خايف انه يضعفك ويضهرك اضعيف قدام الي اعرفوك قوي وقاسي خايف انك تدخل مملكه الانثى الي تضم الرجل بحبها وحنانها خايف انك تطول مشاعرها وعقب تنحرم منها عشان كذا كان اسلوبك منفر معاها بس الي صار لها فجر ينابيع الحب واضهرو حقيقيك واخرها مسجك الي كسر كل الحواجز واضهر سعود الانسان سعود الرجل و راح ننتظرك في مواقف قادمه دانه /تدرين انا حاسه ان هذي البنت فيها شي مو طبيعي بالمره يعني يكون عندها عرقين ظاربين في راسها رجلي ويقول لي انه يحبني لا ويموت في اتراب ابو الي جابني واقوم اطقها صياح هستيري ان اشهد انها خبل الااذا كان صياحها هذا رعب من القادم مع سعود رعب من سعود العاشق من الوجه الثاني له كرجل متيم فيها وفي انوثتها او يكون خوف من عواقب حياتها مع رجل راح يطلب منها شي ترفضه كبرياء الانثى فيها وتحكمه فيها راح ننتظر وش راح تكون الحياه بينكم ديمه /يا ويلي هذي مصيبتها مصيبه وكل وحده اكبر من الي قبلها هذا نتيجه اهمال الام وبعد لفقدان الرقابه اجل تبي تغير جنسها هذي خبله وابصملج عليها بعد اقول يبالها ضرب بالاعقال عشان تستعدل شوفي عدم وجود اب بعد له تاثير عليها كأبنت لن الاب او مثال الرجل في حياه البنت منا لزم فذا انعدم تختل الشخصيه فعلى امها تتلاحقها قبل لا تطيح الفاس في الراس انفاس قطررررررررررررررررررررررررررررررررررر قصتج تحفه وانتي تحفه فستمري وراح ننتظر جديدك دوم لكل كل الود و المحبه مني و تحياتي لك ...........................اختك حياتي عذاب |
مقنعة أنت يا أنفاس وماكتبته لم يكن نقدا لك بقدر ماكان يمثل نظرة متخصصة على ضوء الأسس الفنية لبناء الرواية.
استمتعت كثيرا بقراءة اجزاءك الأخيرةفقد كانت كنسمة باردة في ليلة صيف شديد الحرارة والرطوبة(تخيلي أنك ذلك الشخص الذي هبّت عليه تلك النسمة ..........كيف هوشعورك حينها؟؟؟؟ ^ ^ ^ ^ ذاااااااااااااك هـــــو شـ ع ــــــووري لا أستطيع له وصفاً وكأني بلسان حال جواهر يقول: لاتخف ما فعلت بك الأشـــــــــــواق واشرح هواك فكلنا عشّاق فعسى يعينك من شكوت له الهوى في حمله ،فالعاشقون رفاق وكأني بعبد الله يقول: أرى ماءَ وبي ظــــــمأٌ شديد ولكن لا ســبيـل إلى الــــــورودِ ألا يكفيــــك أنـــك تملـــكيني وأن الــنــاس كــلهــــمُ عبــيدي وأنك لو قطعتي يدي ورجلي لقلت من الرضى : أحسنتِ زيدي مع خالص محبتي :flowers2: |
انفااااسنا انفاس ليلاس انفاس قطر كاتبتنا الغاليه واللي اثارت الضجة اللذيذة في قسم المشرفين .. في مسنجرات البنات .. في المقلط .. وفي الرسايل الخاصة .... ويمكن في احاديثهم الودية عبر خطوط الاتصالات .. الف مبروك التثبيت والتميز .. احنا هدفنا وغايتنا انا نعطي كل ذي حقٍ حقه .. واتمنى انا ننصف كاتبة بحجمك .. موفقة يارب ومزيداً من الرقي والابداع والتميز .. ماشاء الله تبارك الله .. ولاحول ولاقوة الا بالله |
وآآآآآآآآآآآآآآآآآآخ روووووووووووووعهـ الأجزااااء
لكن بكرى نزليها بدري احرجتيني بمدحك شكرااااااا ياعسل :) |
أنفاس قطر :السلام عليكم
أأأأأأأأأأأأأأأأأألف ألف شكر على القصه الرائعه ..... والله أول مره أعجز عن أني أعلق على قصه ..... والله العظيم خايفه أني أضلمها فى المدح والتعليق ....... شكلج خذيتي الأبداع من الجميع يالغاليه...... ماشاء الله تبارك الرحمن عساني ماحسدج ....... وألف مبروك على التميز ....... تستاهلين كل خير ...... أسمحيلي على مرورى البسيط أختج :وهايب |
السلام عليكم..
نفوووسه.. والله امس تمنيت اكوون موجوده بالرد.. بس مجبر اخاك لاابطل..وبعدين عندي عاده شينه اناا اذا ماارديت من اقرأ الجزء على طووووووووول .. استصعب الرد بعدهاا.. وهذا اللي صاار لي امس بالاضافه للنفسيه امس لتس عليهاا.. لين عااد جاا تالي الليل وتغيرت 180 درجه.. عقب تبشري برجعة فارس فرسان مجمووعاتي. غيث بن علي.. قريباا.. واااي فديت طااريه ياارب.. هخهخه المهم اني كنت اتمنى امس يكون لي رد....وخصووصا بعد سعوود ماا بدأ يلعبها صح.. هخهخه.. فديت سعوود ماا احلاااااه .. وماا ارووعه وهوو يتميدح عند داانه بسلاحه.. وهـ الله يخلي لنا حمااة الوطن.. وبالنسبه لاجزاااء اليووم.. كل واحد يقوول الزود عندي. والله كلهن رووعه.. وكلهن بنفس الوقت يخليني اتمنى ادخل واسطر عبوود وجواهر. اللي كل وااحد راز خشمه ومسووي فيها كرامه.. نعنبو دااركم.. عذبتونا حناا قبل مااتعذبوون بعض.. >> طبعاا لاننا ملااقيف درجه اولى..هع هع هع.. المهم نفووسه.. احلى صرااحه اعجبتني مرره مره... التغيير السريع اللي صاار لسعوود وهالافاااضه من مشااعره اللي بدا يطلعهاا لداانه.. ومنيره وسالم وكيف بيحلوون مشكلتهم الحين...؟؟؟ سعود ودانه :: يااسلاام على طيوور الكناااري حقين الدووحه.. سعوود ياااشيخ رووح الله يرحم ابوك على هالسرعه العنيفه بالتغيير والتحركاات الجذريه.. يااشيخ والله الحين ارتحت وتطمنت عليك.. وخصووصااا لما شفتك بديت تتلحلح وتسووي تحركات عميقه عشان تغيير العلاقه مع داانه.. والله يااسعوود مااافيه ابداا احلى من كشف المشااعر والمصاارحه.. وبعد لين الجاانب . انا من اوول قاايله لك.. مااعليك من داانه وحركاتها.. قاايله لك الحريم خبلات كلمتين والا انت جااايب رااسها.. وكفوو والله لما سمعت كلاامي.. الحين باذن الله تستااانس وتكوون حيااتك جديده ياا سي سعود بيه..هخهخهخه دانه : اهم شي انتس ماااسويتي لي فيهاا كرامه وانا ماا اتنازل واناا ماا ابي..و مدري وشووو؟؟؟ اهم شي انتس فكرتي بقلبتس وهقلتس وعرفتي اخيراا وين مصلحتس.. بس مع هذاا خااايفه نفووسه ترجع وتحووووسكم وتحوووس اموركم.. هذيك السااعه بدخل واسطر نفووسه شخصيااا>> اموون صح؟؟؟هخهخهخه نجلااا وجاسم :: ياا عمري ياا نجوول.. نفووسه الظااهر اني دخلاتي عليتس وتسطيرتس بتزيد هاليومين..هخهخهخه.. تكفيين الا نجلااا .. لاا تزوجين جسووم من غيرهاا.. والله بعدين توووهم متزوجين خمس سنين مو شي.. ويحمد ربه ان عنده حموود... يااخوفي يسوويها ويتزوج على نجلاا والله نجلا اجوديه يااخوفي ياخذ وحده تجيب الهم والغم...هذيك السااعه اناا شخصياا بتزوج جااسم عشاان اسووي مع نجلاا حلف ونحرق اعصااب الثانيه.. هخهخخه ديمه : يااحماره انتي وش طلعتي.. ؟؟؟ انا الحين بعد ماا حط الله جواهر في طريقتس اتوقع انتس بتستقرين شووي وتبدين تفكرين بعقل وبدوون تاثير .. بس جواهر بيكون لهاا تاثير في حياتس.. وغير كذاا يمكن بعد عزوز يكوون له دووووووور... منيره وسالم : انتي ياامنيره ماعندي لتس اي كلاااااااام غير انتس لما تاخذين سالم بتصيرين تمووتين عليه.. واتوقع ان وسالم رااح يتكلم وجه لوجه مع منيره ويحددون كل امورهم... بس انا مااايقهرني الا هالعووده اللي يزووجون بناتهم غصب .. واذا مرضن قال بنقوول لرجلها يطلقهاا وتذبحه الحسوووفه على قراااره الاول.. يقهرون هالعوده.. الخال عبدالعزيز : نفسي اعرف هاللي بتسوويه ماااتبي اي احد يعرف فيه وشووو؟؟؟؟؟؟؟ مع اني حااسه انه بعيد عن الارهاب والسياااسه.. بس يمكن يكوون بعد هوو هالموضوع... جواهر وعبد الله.. ياااااااااااربي عليكم.. والله الكرامه اللي مدري شلوون كل واحد قااهر نفسه عشاانها.. مااا عندي لكم الا كلمتين... اماا تسنعوو واتركوا هالخبال.. وخلووكم على قد سنكم.. وكل واحد يعترف بهالاحاسيس اللي يحسها للثاني.. والا و كل واحد منكم يبطل هالحركات اللي تخلي الثاني يفكر فيه وتعاملواا ببرود اكبر وكل واحد يستقل بحياته بعيد عن الثااني. موو حاطين القاز جنب الكبريت وكل واحد يقول كرامتي ووعودي.. >>> هااه وش رايكم بحكيمة زمانها واوانهاا ظبووي هانم.. هع هع هع.. الحين انا خااايفه من شي وااحد وهووو ان كل هالمشااعر ترووح بكره وطي بفعل فاعل وبفعل تحركات خاارجيه... نفووسه تسلم ايدك يااقلبي.. وكنت اتمنى اني اقوووول اكثر بالجزء بس عاد الظرووف مااتسمح باكثر من هذاا.. نستنى الاجزاء الجايه بكل شووق ياا كل الذوق.. |
من هامش الورد تتناثر الكلمات .. وتزهو بجمالها الآخر ترسم غيمه .. وتصنعُ مستقبل وياخذها الحنين بعيداً .. حيث حدود الشمس http://www.redribbongifts.co.uk/images/red_roses.jpg نتقدم بجزيل الشكر الى إدارتنا الكريمه ومشرفاتنا الغاليات للتثبيت بعد الغياب http://www3.0zz0.com/2008/03/09/21/762787446.jpg انفااااااااااااااااااااس قطر |
انفاسا ً أاشرقة بنورها و أنارة وعطرة منتدانا بانفاسها الحلوه العطره
1000 مليون مبروك يا اجلمل انفاس بقطر كلها مبروك عليك التثبيت والتميز الله يعطيك القوه والعافيه يارب ويسعدك ويوفقك دوم يارب مهو يوم اعذريني بسبب انشغالي لم ارد عليكي على كل بارت لاكني متابعه يوميه لكي ننتظر ابداعك دوما وابدا اختك سوسو |
السلااااااااااااااااااااااام عليكم ورحمة الله وبركااااااااااااااته مرحبااااااااااااااااا نفووووووووووووووووسه..وياا هلااااااااااااااااااا...والله فيك..بليلااااااااااااس..نور ليلاس والله بوجووودك..وحياااك الله...حبيبتي.. والـــــــــــــــــــــــــف الـــــــــــــــــــــــــــــف مبــــــــــــــــــــرووووووووووووووووووك التثبيت والتميز..يااااا قلبي..ومن اعلى لاعلى يااااارب...تساااهلين كل خييييييييييييييييير..حبيبتي... نفوووووووووووووسه رواااااايه رهيييييييييييييييييييبه ورااااائعه بجد...بشهااادة الجميع..ودوختني هالاسبووووع دووووووووخه...خخخخخخ.. اول يوووم بداتها دااااومت مواااصله..خخخخ..وبقية الايااام...حاااااولت اني الحق عليكم..بس الظاهر انااا اركض وانتي تركضين ماشاء الله عليك...لا حووول ولا قوة الا بالله..والاحداااااث بعد تركض...خخخخخخ...ولاااا من البدايه واول ما بديت القصه..كااان على بااالي...ان جواااهر بتكووون طووول القصه تدور على عيااالها واول ما تلاقيهم بتنتهي القصه..خخخ فيني عجله..ويوووم التقت عيالهااا..قلت بس خلااااص...الحين بتقعد مشاكل مع عبووود عالعيااال..والعيال بيكرهوووونها..وبيحبونهااا بالحلقه الاخيره خخخخخ..ويوووم حبوها على طوووول قلت وبعدييييييييييييييييين؟؟؟!!!!! لااا ويوووم شفت عبوووود اعجب فيهاااا..قلت بس خلاااص بيتزوجووون بالحلقه الاخيره...خخخخ<<<<<وحده متعووده عالافلااام والحلقاات الاخيره...خخخخ بس الحمدلله...اني لحقت عليكم قبل الحلقه الاخيره...خخخخ..وان شاااء الله اكووون من متابعينك على طووووول..صرااااحه الروااااايه قمه....بجد..واسلوووووبك التشوووويقي ما يبيله كلااااااااااااام..تخلين الواااحد يخلص البااارت وهو فاااتح فمه ..انا اليوووم اول يووووم اعيش هالمعانااه لاني وصلت معكم... وبمووووت قهر..اجل لو عشت معكم الاجواااء اللي قبل ..كان صاار لي شي...خخخخخ نفوووووسه..سووووري..دخلت بالعرض..خخخ..والله احسني داخله ركض..ههههه للحين..ما ارتحت... اممممم والله ودي اعلق عالابطاااال كلن بروووحه... لان فيه اللي قااهرني وبااااط كبدي...ونفسي اكله بسنوووني..وفيه اللي محزني..ومعور قلبي..وفيه..اللي مخليني متشققه من الونااااسه..والضحك...من دهاااائه...خخخخ بس ان شاااء الله تشوووفي تعليقي بالبارتاات الجااايه باذن الله..... يسلموووووووووووو نفووووووووووووووووسه...عالقصه الاكثر من راااائعه...وسجليني من متاابعينك..على طووول..حتى لو خانني الوقت وما قدرت ارد بس الاكيد اني جيت وقريت... دمتي بكل خيـــــــــــــــــــر...وود.. |
السلام عليكم ورحمة الله وبركاته
مبروووووك التثبيت ياعمري قصه تستاهل ذالك وشكرااا على البارت يعطيك الف الف الف عافيه .. بس حرررررررررام شوووو هذ1 مسكينه نجلاء بس مااتوقع يصير لها شي رحمتهااا اخيراا تحرك الثلج الي في الجوهره اف مابغت هع هع تستاهل ياليت عبدالله يتجاهلهاا اسبوع ولا شهر عشان تعرف تتشرط هع هع دانه خخخخخخخخخخخخخخخ طاحت ومحدش سما عليهاا الله يتمم عليهم يارب منيررره ياعمري بس ماتوقع سالم يوافق اتوقع يسوي شي عشان ترضى تتزوجه .. يعطيكـ الف عافيه ياعمري ... |
يامـرحبا تـــرحيبتن كلها لش
تكسيش من راسش لي حد ماطاش من قـلــب مهيوم بحبه صفالش يلعب بــه الغربي لا سمع طرياش يفـرح لامنه قــالش كيف حالش ولولا غلاش وحشمتش كان ماجاش نورتي القسم يا الغلا كل مالها القصه تحلو زياده وزياده طريقة عرضش للاحداث رهيبه تعرفين تشوقينا وتبردين قلبونا بالبارتات اللي تجي عبووووووودي عزي لحالك بس تحمل كل شي ولا كرامتك يا عبود بس باقولك ترى جواهر بتسوي شي يسعدك بس صبرك عليها ههههههههههه جواهر خفي على رجلش حرام عليش واسمعي كلام نجلاء انتي ادري فيش تحملين مشاعر لعبود منذ مبطي بس ذبلت ببعده والخطأ اللي ارتكبه بحقش وبقربش منه وكلامش معه تجددت هالمشاعر وانتي خايفه من هالشي لا تخافين وحطي عبودي بعيونش وصدقيني هو يستاهل هالمشاعر نجلاء اه يا نجلاء انا اكره القصص مرات والسبب هذا ياربي ليه تزوجه حراااااااام ما تستاهل جسوم لا تسويها تكفى وبنت عمك مدري شتقرب لك ربك يرزقها << تكره هالمواقف بقووووووووووووه يارب تكون سحابة صيف وتعدي ديووووووووم اممممممممم بيصير لها تغيير جذري من قرب جواهر لها الله يهديها عزوز ودي اجيبه لعيادتي انا وغدوره واسوي له علاج نفسي خنت حيلي احسه متشتت وخايف انه يضيع ما الومك والله يا عزوز سعوووووووووود يمه هذا البرئي اللي ما يعرف يعبر ياما تحت السواهي دواهي بس عجبتني عبر وانا اختك ههههههههه لعبت بحسبة دانه طاحت ومحد سمى عليها دانه تكرهين سعود هااااااااااااااه ؟؟؟ هههههههههه يا حلوش انتي وسعود تهبلون وسعود عرف شلون يجيب راسك الله لا يغير عليهم منيره ااااااه يا منيره عزي لحالش الله يلوم اللي يلومش صدمه قويه مو هينه بس سالم يعاني يا منيره فقد غالين وانتي لازم تساعدينه وبعدين تغيرينه سالم بينصدم من قرار الطلاق بس حاسه بيسوي شي يرضي منور انفاااااااااااس يوم احترق بيت ابو سالم المطافي اللي طفو الحريقه حلوين ههههههههههههههههههه << لازم تطلع سالفه فيها المطافي << براااااااااااااااا ما قصرتي يا قلبي ونتريا ابداعاتك دوووووووووووووم |
السلام عليكم
مرحباااااا هييييل عدالسييييل بأنفااااااااس قطر،مرحبن بالكاتبه المبدعه نفووووسه عدد ماخطت الأقلام من حروف،وبعدد ماأزهرت الزهور،مرحباممزوجه بعطرالورد ورائحةالبخور،زدتي ليلاس نورا بحضورك ياالغلا،ومبرووك تثبيت القصه. والله إن وقتي ضيق والإختبارات قربت و الاستعداد لها بدأ بس ماقدرت امنع نفسي من الترحيب بك والرد على الاجزاء والاحداث اللي حصلت فيها. نبدأبعصافير الحب دانه وسعود الله يديم عليكم السعاده والله فرحت لكم مابغيتوا تريحونا. جواهر والله إنك قاهرتني معقوله عذاب سنين تنسينه في يومين يعني عشان كم أبتسامه من عبيد الله تطير عقلك ،أحس طيبتك زايده عن حدها ومثاليه أكثرمن اللازم،ترى ماتنفع الطيبه في هالزمن صدقيني،ماسمعتي الشاعر اللي يقول ترى الطيب في هالزمن يسمونه خبل. . عبدالله والله إنك ماتستاهل جواهر بس وش نسوي لنفوسه قررت ترجع لك جواهر بارده مبرده،اتمنى تصونها ولاتجرحها مره ثانيه. عبدالعزيز الله يستر عليك والله إني خايفه من مشروعك الجديد من شفتك تناظر قناةالمراسله وانا خايفه ليكون شي يخص الارهاب. دانه وش ذا التفكير الأهبل ياهبله والله إنه يبغى لك كوي مع جنوبك ترى انا ماأتفاهم مع هالنوعيه إلابالكوي. عبدالعزيز البزر والله إن امك معطيتك وجه اكثر من اللازم مايكفي إنها ضحت بكرامتها وآلامها وتزوجت الإناني أبوكم وجاي تحاسبها وتسألها وش بينها وبين عبدالله عشانه رقد في الصاله تحت طيب ليش ماتكفخ ابوك على اللي سواه في امك من سنين وإلا حاط حيلك في امك الضعيفه. منيره وش ذا الدلع الزايد كل هالبكى والحزن عشان بتتزوجين ولد عمك إلي مملكه عليه من زمان أجل وش هو له متملكه عليه عشان تلعبين معه مثلا،اكيدبعدالملكه بجي زواج أنا أقول اللي فيك دلع بنات وإذا تزوجتي بروح شرك هههه. نجلاءوجاسم وش بتسوي فيكم هالعجوز شكلها بتعفس حياتكم وبتخربها،والله ماتستاهل نجوله،بس أكيد فيه سبب اتمنى يكون مقنع. ومشكوره اخت مذهله الخليج على نقلك السابق ماقصرتي،ويعطيك العافيه نفوسه على الالتزام باالتنزيل. |
البارحة وحتى اليوم
عانى اتصال الانترنت في البيت من عطل ذاكرة مستعصي <= هذا عيب التكنولوجيا حين تصاب بالعند الفكري يصعب زحزحتها عن أفكارها تزحزح قليلا بعد صلاة الفجر ولكنه عاد للعناد بالعادة أنا كنت أقرأ الردود وأبدأ بالرد عليها والحفظ لأنه ماشاء الله تبارك الله الردود واااااااايد ويصعب أرد عليها مرة وحدة فأرد عليها بالتدريج حتى تكتمل الردود وأنزلها مرة واحدة أنا والله قريت الردود رد رد وسعادتي فيهم فوق الخيال وكان ودي أكتب معلقة على كل رد فيهم وكان ودي أرحب بكل وجه جديد وكل القراء الجدد وعشقي المتكرر للمشتركات عشاني واللي شرفوني بتعليقهم الأول بس بما أنه موعد تنزيل البارت تقريبا حان فاسمحوا لي أنزل البارت الحين وإن شاء الله أقدر أرد على كل العابرين على بارت اليوم بكرة إن شاء الله بارتين <== يا مسرع تتراجع في قراراتها، موب أنتي اللي صجتينا تقولين بارت واحد بس بكرة يوم خاص بكرة 23/1/2009 بتكون الرواية كملت شهر في عوالم الشبكة وهي مكملة بنجاح رائع أبهج قلبي حتى أقصى الحدود كان ودي والله العظيم أنزل 10 بارتات حتى بس بارتات بكرة خاصة وخاصة جدا تبي منكم قراءة متأنية وفيها أكشن خاص فيها اقرأوا بارت اليوم وانتظروا بارت بكرة واستلمو الجزء الجديد 53 وقراءة ممتعة مقدما ولاحول ولاقوة إلا بالله |
يا ود ليلاس هل جاءتك أنبائي ...........أن السعادة قد طافت بأرجائي
خانني النثر.. فهل ياترى أسعفني الشعر؟؟ لا أعلم ماذا أقول يوم أمس وحتى اليوم لم أستطع الدخول للشبكة ودخلت لأفاجأ بهذا الكم المخبأ لي من السعادة الصافية أشكركم على روعة الاستقبال أشكركم على دفء المشاعر أشكركم على الثتبيت الذي هو فوق ما أستحق أخجلتموني حقا شكرا لحظة زمن حقا شكرا شكرا أم أحمد شكرا أقدار والشكر موصول لكل المشرفات وكل أعضاء ليلاس الأفاضل بالفعل الكلمات تخونني |
بعد الغياب/ الجزء53
بعد الغياب/ الجزء الثالث والخمسون
#أنفاس_قطر# هند قاعدة في الصالة تشوف التلفزيون.. فايز اللي جاي من برا.. جاء وقعد جنبها.. سألها: وين أمي؟؟ هند بدون اهتمام: ما أدري.. عند خالتي.. عند الجيران.. في السوق.. هي أمك تقعد يعني..؟؟ فايز باستفسار غاضب: ووين الرقم اللي قلت لج جيبيه؟؟ هند بطفش: أتصل بنوف موبايلها مقفول.. تدري؟؟... السالفة ذي كلها أقرفتني.. ومالي مخ لها.. فايز بحدة: بس أنا لي مخ.. ورقم جواهر لازم تجيبينه لي.. هند ألتفتت عليه بحدة: من وين يعني؟؟ من مخباي؟؟ فايز بحدة أكبر: قومي ألبسي أوديج.. وخذي معاج ورد على أساس أنج جايه تسلمين وتباركين.. وجيبي لي الرقم.. هند بعصبية: فايز.. اعتقني من شوفة عجوز النار.. تركبني العفاريت لاشفتها.. فايز اللي فاهم أخته.. قال بخبث: يعني عشان شفت حد أحلى منج انطبقت الدنيا.. عشر دقايق وتكونين جاهزة.. انا ناطرج في السيارة.. *************** جاسم دخل على نجلاء وهو مهموم.. نجلاء من يوم شافت وجهه.. أعتفست.. جاسم ما يعرف يخبي مشاعره أو اللي داخله.. كان دائما بالنسبه لها زجاج شفاف تستطيع قراءة انعكاسات مشاعره وانفعالاته خلفه.. نجلاء قربت من جاسم اللي سلم وقعد على السرير سرحان.. خذت غترته من فوق رأسه وعلقتها.. ورجعت قعدت جنبه.. وقالت برقة: حبيبي وش فيك..؟؟ جاسم ألتفت عليها برقة.... وقال لها: مافيني شيء يا قلبي..لا تشغلين بالج.. نجلاء بالها أنشغل.. جاسم عمره ماخبا عليها.. وقالت بقلق: حبيبي تخبي علي؟؟ جاسم بتعب.. وهو يتمدد على السرير بثوبه: تكفين نجلاء ..لا تلحين علي.. أبي أنام شوي واللي يخليج.. **************** هند وصلت لبيت عبدالله بدون ما تعطيهم خبر دخلتها الفلبينية لمجلس الحريم بعد ماخذت الورد منها.. وطلعت تبلغ ربة البيت الجديدة.. جواهر وقتها كانت توها مخلصة لبس.. لبس جديد اشترته قبل أمس هي والبنات من السيتي سنتر.. كان فستان شيفون قصير لتحت الركبة بشوي صدره وأكمامه الجابونيز مزمومة.. ولبست معه صندل واطي مرصع بالكرستال.. وعملت شعرها كيرلي كانت تبي عبدالله اللي على وشك الرجوع من المؤسسة يشوفها بطلتها الجديدة.. إحساسها الانثوي حضر بحدة صارخة مؤلمة.. نزلت للضيفة اللي مادرت من هي لحد ماشافتها.. رحبت فيها بمودة.. رغم إنها ما كانت تبي تشوفها.. وهند ولعت لما شافت منظر جواهر الخيالي.. وقالت من تحت أضراسها: ألف مبروك خالتي.. وأمي بعد تبي تبارك لج.. ياليت تعطيني رقمج عشان تبارك لج بنفسها.. جواهر اللي ما تدري بشيء، وحسن النية رائدها.. قالت بود: إن شاء الله حبيبتي.. وعقب ماخذت هند رقم جواهر، قالت بود مصطنع: وينها نوف؟؟ جواهر ما كانت تبي بنتها تقابلها.. وخصوصا إن نوف عندها امتحان وتدرس فقالت لها بود : سامحيني يا قلبي بس نوف عندها امتحان بكرة.. وتدرس.. انتي ما عندج؟؟ هند بمياعة: عندي.. بس درست وخلصت.. وقتها دخلت الشغالة.. وخبرت جواهر إن عبدالله وصل ويبيها برا جواهر أستأذنت من هند : دقايق حبيبتي وراجعة لج.. هند ولعت ( نعنبو.. موقادر يصبر على بعدها دقايق..) ودقت تتصل على فايز اللي كان أصلا بعده ينتظرها تحت عبدالله وهو داخل شاف سيارة فايز واقفة تحت.. نزل عليه.. وسلم.. وحلف عليه ينزل يتقهوى.. بس فايز الل كان قاعد يتميلح عند عبدالله مارضى وقال مستعجل.. وهو يشوف بحقد عبدالله بطوله ووسامته منافس يتجاوز فايز رغم وسامته بمراحل كثيرة.. عبدالله دخل .. وطلب من الفلبينية تنادي له جواهر.. رغم انه ماكان يبي شيء... بس يبي يشوفها.. هذه الأيام عبدالله يشعر وهو في مشاويره برا البيت.. أن يسار قفصه الصدري شديد الخواء.. لين يشوفها فيشعر حينها أن هذا اليسار امتلأ إلى حد الانفجار.. إلى حد العجز عن الاحتمال.. شعور غاية في الروعة.. غاية في الوجع إلى حد الانتهاء عبدالله لما شاف طلة جواهر المختلفة.. حس قلبه بيطلع من مكانه لوعة ولهفة وإعجاب.. (حرام عليج يا جواهر خفي علي.. أنتي شكلج تبين تجلطيني) جواهر قربت منه مبتسمة وهي بتموت تسمع كلمة إعجاب وحدة.. وحدة بس.. تحسسها أن تعبها في التأنق له.. ولهفتها الحادة عليه.. ماراحوا خسارة بس عبدالله كتم مشاعره المتأججة المحرقة في داخله.. عشان ما يبين قدام جواهر إنه يخلف بوعده الغبي لها.. ابتسم وقال: حيا الله أم عزوز.. عندكم ضيوف؟؟ جواهر بابتسامة: فيه رفيقة نوف.. عبدالله بود: زين رفيقة نوف خليها مع نوف.. وانا وأنتي خلينا نطلع نتعشى برا.. جواهر بنفس الود: ما أقدر.. نوف عندها امتحان وتدرس.. وعلى كل الأحوال ما أقدر أخلي نوف وهي تدرس.. لازم أظل قريب منها.. عبدالله بابتسامته العذبة: الله لا يحرمكم من بعض.. وكانت جواهر تبي تستأذنه وترجع لهند لكنها تفاجأت بهند تطلع عليهم، وتمر عليهم وتقول بطريقتها المايعة: عن أذنج خالتي.. أخوي مستعجل..بأروح.. عبدالله لما شاف البنية طلعت نزل عينه، وكان يبي يروح.. لكن هند وقفته لما قالت: عمي بو عبدالعزيز.. مساء الخير ومدت يدها لعبدالله... عبدالله كان أصلا ما يصافح حريم.. لكن شاف البنت مدت يدها.. قال في نفسه: حرام هذي مثل بنتي.. وماني مفشلها.. فمد يده.. جاء يبي يفك يدها بسرعة.. بس هند ظلت شادة على يده.. وهي تقول بمياعة: الف مبروك عمي.. منك المال ومنها العيال.. إذا كان بعدها خالتي تقدر تجيب عيال.. جواهر هنا حست إنها خلاص على وشك الانفجار لشظايا محرقة مدمرة وعرفت إن عبدالله خلاص اقتحم أخر حصونها اللي كانت تحاول بضعف الاحتماء خلفها من طوفان مشاعرها ناحية عبدالله.. لأن الغيرة كانت دليل صارخ على حبها لعبدالله وشعورها أنه ملكها هي وبس. واللي كانت جواهر تحسه ماكان (مجرد) غيرة .. كانت حاسة بنار محرقة قاتلة مرعبة تلتهم بوحشية قلبها واعصابها وأحشائها.. نار مستعرة ممكن تحرق كل شي قدامها بلمح البصر.. وخصوصا إن هند كانت بنت حلوة وجذابة جدا.. وجواهر اعتقدت أن عبدالله هو اللي طول وهو ماسك يد هند.. عبدالله في الأخير شد يده بقوة وقال بشوي حدة: يا بنتي تأخرتي على أخوج اللي قاعد ينطرج.. هند بمياعة وهي تطالع عبدالله بنظرة خاصة: مع السلامة عبدالله.. والتفت على جواهر وقالت بملل: مع السلامة خالتي.. هند أصلا كانت قررت إنها ما ترجع لذا البيت.. عبدالله مستحيل يكون لها معه فرصة وهو عنده زوجة مثل هذي... ونوف أصلا تحسها أفكارها طفولية بالنسبة لأفكار هند الشيطانية.. لكنها قررت إنها تترك لهم ذكرى صغيرة.. وتركتها.. **************** الشباب طالعين من النعيرية متوجهين للدوحة محمد يسوق.. سالم جنبه وجبر وخالد ورا.. محمد بنبرته المرحة: هاه يا جبير.. عادك بتخاوينا؟؟ جبر يضحك: لا حرمت.. ذبحنا البرد يا أخوك.. محمد يضحك: مهوب حولك.. الاسبوع الجاي احتفالا بامتحاناتي اللي بأخلصها.. بنرجع.. وبنخيم أسبوع وكلكم معي.. سالم بابتسامة: أنا اسمحوا لي.. خالد بعيارة: إيه المعرس.. ما يبي يبعد من الدوحة.. ما يبي يبعد عن ريحة الحبايب سالم بضحك: نعنبو.. انتو تبون الواحد يذبح هله.. والا يذبح روحه عشان يخلص من تعليقاتكم.. محمد بعيارة: المهم يالربع.. تراني نسيت أقول لكم: ترا سالم عازمنا كلنا نخاويه لشهر العسل.. وبعد المداولات ولأنه ما يصير مره معنا واحنا كلنا شباب.. فإحنا بناخذ سويلم مربط معنا وبنخلي المدام تقعد في ربوع الدوحة تستانس بروحها.. وسالم يستانس معنا.. سالم يضحك: مهوب حولي.. أنا أصلا قبل عرسي بأسبوع بأعين بودي جارد معي.. أخاف تخطفوني. محيميد ذا يسويها.. وينكبني.. محمد بعيارة: يمكن أبي أنقذك.. جبر بمرح: عقبال ما تنقذني أنا.. خالد يضحك: وانا مالي نصيب في الانقاذ.. خاطري تنقذوني بعد.. محمد يضحك: أنت عادك بزر.. خلوهم لين يفطمونك من المرضاعة.. ******************** نجلاء نزلت شايلة حمودي عشان تقعد مع أم جاسم.. وبالها مشغول مع جاسم اللي تركته نايم في الغرفة.. مع أنه عمره ماسواها ونام هالحزة.. أم جاسم كانت قاعدة مهمومة.. لما جات نجلاء.. دنقت على رأسها.. وسلمت.. وقعدت جنبها.. أم جاسم بهم كبير: نجلاء أنتي عارفة بغلاج عندي والله الشاهد.. نجلاء قلبها رقع (وش ذا المقدمة): أكيد يمه.. مافيه شك.. أم جاسم تكمل بذات النبرة المهمومة الجادة: أنتي تدرين أن دلال بنت أحمد فكت حدادها..؟؟ نجلاء بمودة: والله..؟؟ لازم أتصل فيها واسلم عليها... زين والله.. عشان ترجع لشغلها المسكينة.. أكيد بتموت من قعدة البيت.. أم جاسم بتردد: وهذا هو الموضوع.. أنتي تدرين ان دلال كانت وحيدة أهلها.. وأمها توفت وهي صغيرة.. وأبوها توفى عقب عرسها بسنة.. وتعرفين إن دلال مسكينة لا تهش ولا تنش.. قعدت عند رجلها 6 سنين وماجابت عيال.. والحين مايصير تقعد بروحها.. البنية حلوة وصغيرة وينخاف عليها.. نجلاء عبرتها نطت ببلعومها وكأنها فهمت عمتها وش تبي: طيب يمه؟؟ أم جاسم بهم : أنا أبي جاسم يتزوجها.. أدري أنه الموضوع صعب عليج.. وما ألومج.. بس هالبنية نخليها لمن..؟؟ أخوي أحمد وصاني أنا وجاسم عليها.. مايصير تقعد في بيتها لحالها.. أدري ان المره مستحيل تقبل ضره.. بس دلال تعرفينها.. مافيه أطيب من قلبها.. نجلاء اللي حست إنها انذبحت بكل معنى الكلمة وكأنها تشوف دمها يجري نهر ثائر أمامها يضرب ضفتيه بقسوة محمومة ( مره تشاركها في جاسم... ولا.. من بين كل الحريم.. دلال.. دلال عاد!!!!!!!) نجلاء بنبرة مذبوحة: يمه تكفين بأخلي حمود عندج وجاسم لو سأل عني.. قولي له طلعت مع ماجد شوي.. وبأرجع.. نجلاء قامت..وهي تطلع الدرج تبي تجيب عبايتها اتصلت بماجد.. بصوت ميت: ماجد تعال ابيك الحين.. حاسة أني باموت والله بأموت.. أبي أطلع من البيت الحين.. تعال خذني.. تكفي يابو فيصل.. ماجد حس قلبه نُزع من مكانه بكل وحشية: 5 دقايق واكون عندج.. **************** جواهر بعدها واقفة حاسة بنار تحرقها .. تحرق كل خلية فيها وتحيلها لرماد.. نار تصهر جسدها وروحها وأعصابها ومشاعرها.. وعبدالله كان واقف محرج: أشفيج جواهر؟؟ جواهر اللي خلاص واصلة اخرها: لا تكلمني.. ما أبي أسمعك ولا أسمع صوتك.. وطلعت بحدة لغرفتها ماوصلت غرفتها إلا عبدالله وراها.. يمسكها من عضدها ويشدها ويلفها ناحيته بقوة.. وأصابع كفه تضغط بقسوة على عضدها ويسألها بحدة: ممكن أعرف سبب الكلام السخيف والحركة الأسخف اللي أنتي سويتيها.. أنا ماني بأصغر عيالج.. أنا رجلج.. جواهر اللي خلاص الغيرة والغضب اعموها: مبين رجلي.. ويا عيني على الرجولة.. أنت والطوفة واحد.. عبدالله اللي كان يحاول يمسك نفسه، عشان مايمد يده عليها.. رد عليها بغضب رجولي هادر: جواهر أنا رجّال وغصبا عنج.. ومن قبل تجيبج أمج رجّال.. ومنتي باللي تجين الحين تعلميني الرجولة.. ولا تستفزيني.. يصير شيء مايرضيج جواهر بغضب أكبر: وإن استفزيتك.. أصلا أنت منت برجّال ولا عندك إحساس.. كيس ثلج لا تحس.. ولا تراعي مشاعر الناس اللي عندك.. #أنفاس_قطر# |
السلام عليكم..نفوووس ما تبطلين عادتج لازم اكشن بالنهاية... الحين شبصرني لين باجر اهئ..بس صج ابدااع نفووس يسلمووو....ومبرووك التثبيت تستااهليــن... جواهـر شعـور جدا صعـب..تقولهـا ابي زوجج يتزوج غيرج..انتي مافيج شي بس امانـه..اوك امانـه..بس مو على حساب سعادة الغير..في الف طريقه وطريقة تحافظ فيهـا عالامانـه..بدون لا تخرب على غيرهـا..بس اهي دورت اسهل واسرع حل...اممم مبين ان علاقتها بدلال حلـوة..وهذا الاصعـب مهما كانو يحبون بعـض ومهما كانت علاقتهم زينـه..بس تبقى ضرتهـا ومشاركتها بريلها..الانسان بشكل عام يحب الشي يكون له بروحه ومايشاركه فيه احد..شلون لو كانت مرة وبتشاركها غيرهـا بريلهـا..خياراتها صعـبه حيـل..هذا لو كان عندها خيارات..لازم توافـق لان مهما كانت امـه مخرفة وتقهـر لازم يرضيهـا..فيا انهـا تترك جاسم لدلال او انهـا ترضى بقرار ام ريلهـا الي ودي اذبحها هع..بس دلال هل رح توافق تاخذه..!! او ان ام احمد رح تغصبهـا..لو غصبتها صج بنقهـر منهـا..مو تقول امانه واهلهـا موصيني عليهـا..لو اهلهـا ماكانو غصبوهـا يعني انتي لا تغصبينها هع..الله يستـر هنـد انتي بعد قاهرتني و ودي اقطعج تقطيع واحط حرتـي كلهـا فيج..الله ياخذج..يعني تدرين انهـا احلى منـج مو بس بشكلهـا بجوهرها بعد..وتدرين ان عمج عبد الله مارح يطالع وحدة كبر بنته..تخربين عليهم ليش..لهدرجة الغيرة عاميـه قلبـج..ما اقول غير حسبي الله عليـج.. فايـز انت حاله ثانية كلـش...قاهرني ورافع ظغطي..ومنرفزني..يعني لو شنو ما سويت فيـك ما انلام...اشك انك بليس بكبره..وشلون انه بيستغل غيره اختها من جواهر لصالحه..والرقم بعد..صج الله يسـتر.. جواهـر هالمرة وللاسف انتي قاهرتني مو عبوود..لو اخلف بوعده بتقولين مو ريال ولو تم عليه..مو عاجبج..بس ونستيني بشي واهو انهـا غارت عليـه..وانها تزيننت عشان يشوفهـا..يعني صج تقبلته وتقريبا نست الي سوااه..كلامهـا ممكن يكون من اول بقلبهـا وموقف هند زاد غيرتها واعطاها دافع انهـا تقوله..الله يستر من ردة فعل عبد الله.. سالـم حرااام..اكيد بتحبط لا درى بالي صار..يكسر الخاطـر.. تقبلي مروري |
مشكوره انفاس ننتظر أجزاء بكره على أحر من الجمر
جواهر أظن أخر جمله قلتيها راح تحل مشكلتك مع عبدالله سعود ودانه وحشونا |
أفاااااااااااا !!! جواهر تقول هالكلام ؟! ولمن؟ لعبدالله ؟ عجباً!!!!!
ما اتعس حظك أيها الرجل ! اهكذا أنت لا تتحرك إلا حينما تُستفز؟! وهل سيبقى شئ من الحب والمتعة حينها؟ أرجو أن يتفهم ذلك الرجل غضب تلك الأنثى فيعالجه كما ينبغى أتوقع أن يحل ماجد مشكلة أخته بزواجه من (دلال) التي يبدو أنها جميلة من خلال استنكار نجلاء للقبول بها كضرة طبيبة أنت (أنفاس)لكل عشاق القصص المتميزة الذين كادت تزهق أنفاسهم انتظارا لااااااااااااااااااااا حرمك الله هذااااااااااا التّميـــــــــــــــــــــــــز وسهّل لك كل صعب مع خالص مودتي |
روعه وجنان اسلوب شيق ووممتع وتعجز الكلمات عن الوصف والتعبير عن الااعجاب بالقصه
وموفقه يامبدعه وبانتظار الغد بشوق سلمت انامللك الذهبيه |
لابالله خربت الدعوى بين زين الشباب وجواهر ههههههههههههه
شكلنا حسدناهم بس جواهر تستاهل تذبحينه فيس ولاتبينه يسوي شكل تحملي الحين !! بس حلو ه غيرتس ماالومس وموقف هند رفع ضغطي انا شلون انتي والمسيكين الدلخ اللي مو فاهم شيء عبود هو يالهبله طارت عينه فيس مهو بصوب البزر هند!!! عبدالله الله يعيينك معذبتك وهي ماتبيك واليوم عذبتك وهي تبيك << افهما عااااااد هههههههههه جاسم ونجلاء الله يعيين قليبس على هالبلوى بس رحمت رجلس مشكلة الطيب بهالدنيا رحوم لغيره عسى اخوس يحل مشكلة هالبنت ويتزوجها اشوفه حل مناسب ;) يسلمووووو انفاس وبانتظار البارتات بكره ......... |
كيس ثلج؟؟؟؟؟؟؟؟؟ عبوود كيس ثلج؟؟ كيس الثلج الله اعلم منهوووو ياا انفاااااااااااااااااااااااااااس؟؟ انتي الا لاااااااازم تووقفين هالوقفااااااااااااات؟؟ اناا مووو الف مرره قاايله لتس هالوقفات ماانبيهاا؟؟ يااا ويلي ويلااه.. حراام عليتس.. والله اني تعباانه والكحه مقطعه جنووبي.. واخرتهااا تجيبين طاااري الثلج واناا بهالحاله.. وتنهين الموقف عليهاا.. من قالت جواهر كيس ثلج وانا الكحه شاابه فيني.. وعجزت اوقفهاا.. واحس بالبرد من طاااري الثلج. يعني ابي شي يهجد هالكحه.. وانتي اللي معتس اللي يهجدهاا.. وعلاااااجي هووووووووو الجزء الجديد.. انتي تبيني اقعد لين بكره وانا مااا اتكلم وكله اكحكح واتالم.. يرضيتس ياا نفوووسه.. ظبوووي تقعد برداااااااانه لين بكره.. ارحموووواااااا من في الارض يرحمكم من في السماااااااااااااء .. ياااااا عالم.. ياا بشر.. يااا خلق.. هالجزء ارهااااااااااابي.. وبيصير له تبعياات مهووب سهله.. ابدااااااا ابدااااااااا... كحححححح كحححححح كح كح كححححح كحححح.. >> نموونه من اللي فيني..هخهخهخه
هند واخوها : صراحه وانا اشووف هالاخوو وحركاته مع اخته وكيف يخليهاا تتعاون معه عشان يهدم بيوت الناس.. اقوول ودي اشووف شكله لوو انه عرف ان اخته تسووي مثله بالضبط.. وتتصل وتقابل رجال عشان نواياها الخبيثه.. عاادي عنده؟؟ والا بيكوون عنده غيره؟؟؟؟ وبعدين صرااحه الحين عرفت هم ليش فالتنين كذاا.. بلااهم هالام الحمد والشكر اللي عباايتها على رااسها وتفر من بيت للسووق.. وهاده عيالهاا على خلق الله يخربوون بيوتهم...عموما هالعيال... يلوعوون كبدي.. واعرف انهم حيوانات واهم شي انفسهم وبس.. وهذاا اسااسه التربيه الغلط وعدم الاهتمام فيهم.. بس صرااحه ودي وخااطري ادوووووووووووووووس ببطن هالهند وودي وخاااطري اكسر يديهااا.. بس قليلة ادب وش منتظرين من وحده زيهاا.. بس الحين الحيوان الكبير اللي اسمه فااايز جعل ربي يخسره من اللي يبي هوو واشكاله.. وش عنده برقم جواهر.. يعني مثلاا بيغرقها بالرسايل البايخه.؟؟؟ والا بيسووي شي اكبر من هذاا بالرقم؟؟؟ محمد وشلته : هههههههه. وربي رووعه شكلكم وانتم تخططون لعمليات الخطف.. رووعه والا عاد جبر وهوو يحرض على خطفه.. هههههههه.. يجنن.. بس سالم فيه حااجه خرعتني لما قاله نحمد ابي انقذك.. يمكن والله يصير شي بسالفته مع منيره ويظطر انه يخلي محمد ينقذه.. بس اتمنى انه يتم زوااجه بالوقت اللي حدده.. وبعد مااايتكلم مع منيره.. والله شكل سالم يجنن ودمه خفيف.. ليش منيره مااخذه عنه هالفكر مااا ادري؟؟؟؟؟؟؟ نجلا وجااسم : ياااقلبي عليتس ياا نجلاااا.. الله يفك همتس ياارب. والله اناا احبتس وتعجبيني وانتي مع افكاارتس تهبلين ..حساافه تجي الحين وحده تخرب بينكم.. بزعم انها طيبه ومااتهش ولاا تنش.. آآه من الحريم وغبن الحريم.. ابد بكره لوو يااخذهااا جااسم بترووح هالطيبه وتبدأ اللعااانه موو اسمهااا ضره.. والله لوو تكوون تتمتع بطيبة العالم كله الا لاابد يظهر منها شي يقهرررر ويغث.. والجاره تقهررر لوو هي بالقبر. وشلوون عاد جااايين يبوون موافقة الزووجه الاولى..؟؟ جاااسم اصحى ترضخ لامك والا تطيعهاا والله بتهدم بيتك بيدك.. واتوقع لوو تسوويها نجووول مااتجلس عندك ولااا للحظه.. الا في حاالة ان الله فكنا من هالدلاال بالخطه اللي بسوويها الحين.. هع هع هع.. مــاجد : حي الله ابوو فيصل يااهلاا ومسهلااا منوور يااشيخ من زماان عنك ياا الطيب... شووف اكيد انت مستغرب هالديبااجه وهالمقدمه... وهالترحيب الحاااار.. بس تبي الصرااحه اناا الحين اشووفك حل لانقاااذ احتك من الورطه اللي بتجيها وتطيح على رااسها.. تزوج دلاال وبنشيل معرووفك كــــــــــــــــــــــــــــــــــــــــــل ابووووووونا بس واللي يسلم عمرك لااتخلي اختك ضحكة القصه تنقهرررر..وننقهر معهاا.. خلنا نشووف منك فاايده.. موو توهقناا ابوول القصه بسوالفك مع عبوود والحين لما جت العازه لاختك تتخلى عنهاا؟؟ لااا مجود انت حبووب وطيب.. وهالدلال يمدحوونها .. وانت اوولى فيها خذهاا وفكناا من خشتها ببيت نجووول.. وابشر بعرس مطنطن بس فكناا منها واللي يرحم شيبانك... >> هااه عساااك اقتنعت.؟؟ هع جواهر : يااااااا ويـــــــــلي من اللي يغارون.. اوول شي ياا جوج بقوولتس اي شي بيصير ترى هذاا انتي اللي متسببه فيه..ليــــــــــــش ؟؟ قووولي لي ليـــــــــــــــــش؟؟؟ عشاان انتي تبين عبوود يكسر وعده.. ولاا تقوولين لأ.مستحيل انا ابيه يسووي كذاا؟؟ الا انتي اصلااا منقهره انه يشووف كل هالزين ومع هذاا مااا اهتزت له شعره.. وعشاان كذاا تفكرين انه مريض.. يعني انتي بعد تبين زواجكم هذاا يكون زواج كامل.. والا لوو انتي مااتبينه كامل .. كان ماالبستي اللي بالكبت كله وجاايه تدووورين كلمه حلووه تبين اعجاابه فيتس؟.. وعشاان كذاا اقوول ان هالغيره اللي صاابتس هذي ماا استغربت منهاا ابداا.. لان صراحه هذي اعتبرهاا الحسنه الوحيده لهند من يووم شفنا خشتها اللي تلووع الكبد هناا.. وعشان كذا اتمنى بس انتس مااا تقعدين تولولين وتملين الدنياا صيااح وتتدعين ان اي شي بيصير بعد كلاامتس اللي سبب لي الكحه.. كح كح كحححح.. تدعين انه موو عاجبتس ولااا هوو اللي تمنينه.. هع ..ترااني كاشفتس.. عبدالله : الحين انت بتثوور فعلاا لكراامتك.. اجل تقوول انت والطوووفه وااحد..؟؟؟ لاااااااا هذاا مهووووب احترام هذاا قمة الاجراام.. عليك فيهااا وورهاا العين الحمراااء.. >>يااا حبي للمشااكل . بس هناا انااا بعد بزيد الحطب ناار.. هع هع هع.. عبود شووف من اللي شفناه اليوم ومن كلام جوااهر الجاارح ومن ردك اللي يبين ان كلاامهاا اصااب وتر حساااس اقووول انك ممكن تتخلى عن وعدك تجااه رجوولتك المجرووحه... بس اذا ذكرت وعدك لمااجد وكيف كنت محاافظ عليه. قلت لاا يمكن يغيير الخطه.. بس عااد هذااك كلمة رجال لرجال ثاني يحترمه .. موو كلمة رجال لحرمه ماا تحترمه..؟؟ والله مدري بالضبط وش بيصير بس اتمنى انكم تحترموون بعض اكثر ياا شياابنا.. هع هع هع.. نفووسه.. فيه عبااره حلووه اعجبتني مرره.. وهي اقتباس:
يعطيتس الف عافيه ياا نفووسه ونستنى البارت الجاي بكل شووق... بس لاا تنسين انه بيكون بنفس الوقت علااااااااج لكحتي فلاا تتاخرين عليناا فيه.. كح كح كح كحححكككححححححكحححح. . |
نفوووسه..
الـــــ 1000 ـــــــــــــــــــف الـــــــــــ 1000 ـــــــــــــــــــــــــف الـــــــــــــــــ 1000 ــــــــــــــــــــف مـــبـــــــــرووووو 1000 وووووووك التمييييز والتثبيت.. تستاهلين اكثر والله على كل هالجهد اللي تسووينه وعلى كل هالالتزاام اللي ملتزمته معناا يوومياااا.. تستااهلين كل خير ياا نفوووسه. |
مبروووووووك التمييييز
باأمممممممم التميييييززززززز مبرووووووك ...التثبيت ........تستااااهليييين كلللل يوم انشاااء الله..............تثبيت ...تميييز بكل الانفااااس ......ا ن ق ط ع ت.......اااااه لي ع و د ه .....الاخت مسافره |
عزيزتي انفاس قطر اسمحي لي اعبر عن اعجابي بروايتك
واقولج نها قمه في الابداع وماتصدقين فرحتي يوم شفتها هنا في ليلاس لاني قريتها في المنتدى الثاني بس انا ماكنت مشاركه فيه وماقدرت ارد عليج بس لحقيقه راويتج جديده وفكرتها جديده وكل التوقعات اللي كنت اتوقعها في مخي مايصير شي منها وهذا دليل على ابداعج بتكلم عن بارت اليوم . جواهر ظهري على حقيقتج وقولي انج قمتي تحبين عبد الله وتغارين عليه وكل هالتزين والكلام اللي قلتيه له يوم سلم على هند الزفته يثبت هالشي بس فكري بعقلج لو عبدالله عينه زايقه جان تزوج من زمان مانطر كل هالسنين وانتي بكلامج اهنتي عبدالله وجرحتيه وردة فعله اتوقعهاخطيرة وياولج ياجواهر من عبود هالحين صار اسد وانتي اللبؤة بنشوف مين يروض الثاني .فايز ناوي نيه شينه شكله بيتصل على جواهر او يطرش لها مسجات عشان يخرب بينها وبين عبدالله الله ياخذك انت واختك يالضفدع. نجلا مسكينه اهيا وجاسم الله يعينهم وام جاسم مالقت غير هالحل .دلال من كلامهم يبين انها طيبه وانا مع زارا حسن شي يتزوجها ماجد اخو نجلا وانت ياماجد اتوقعك ماتتخلى عن اختك حل هالمشكله لها ويمكن تطلع دلال اهيا البنت اللي تحلم فيها طبعا بعد جواهر .سالم شكله تنطره مشكله مع عمه ومنيرة احسن شي يتكلم مع منيرة عشان تطمئن معاه وعشان تعرف انها ماخذه فكرة غلط عنه او انه يطاوع منيرة ويغير البيت اللي ساكن فيه او على الاقل يغير غرفة ابوه وامه وإلا ليكون ياانفاس تطلقين منيرة من سالم وتزوجينه فاطمه تراج تسوينها مثل مازوجتي سعود ودانه. محمد اهوا وربعه نكته يضحكون وانا حاسه انج ناويه على محمد بشي الله يستر. مشكورة الغاليه وانا معاج الى نهاية الروايه. وجه الصباح |
نفوسه الــــــــــــــــــــــــف الــــــــــــــــــــــــف الــــــــــــــــــــــــف مـــــــــــبـــــــــــــــــــــــــــــــــــــــــــــرو ك تدرين الجزء يجنن بس يقهر عبود بيظل معصب الى بكره حرام عليج يانفوس بيتعب نزل جزء المغرب تكفين>>ترها تهز الرجااال مالنا خاطر عشان خاطر زارا حبيبت ليلاس نبغي جزء المغرب جواهر لاتقعد تشتكي بعدين لان كلامها الان بيجي على راسها باذن الله وبيعلمها الرجوله وبنقول لي هند>>>يعطيج العافيه حركتي الثلج بدل مايحترق من داخل بس يطلع حرت الرياضه اليوميه فيها ههههههههههههههههههههه وهند هذي الله ياخذها هي واخوها وريح الناااس منها نجلاء ماجد راح يوقف وقفة رجال وبياخذ بنت الخااال هاااذي مذهلة |
ناتاشا هلا والله بمتابعتنا العذبة بارت قصير لكن لذيذ غدا بارت طويل لكن عميق ناتاشا انا قريت ردك قبل ينمسح وفعلا ليش رد ناتاشا انشال؟؟؟ اكيد خطأ غير مقصود ياقلبي Don't be angry PLZ شوشو انطرينا احنا جايين ندحدر بالتكملة Bent el-q8 هلا والله بشيخة بنات الكويت قاطبة <= حلوة قاطبة نكثر منها مستقبلا كالعادة مبهرة دقيقة ممتعة متنوعة ولذيذة مثل قطعة الشيزكيك الواحد يستمتع فيها بتضاد النكهات وتنوع الطبقات وتعدد الألوان شفي2002 سعود ودانة عطيناهم يوم عسل إجازة وبكرة راجعين كادية أنتي بالفعل تسيرين معي على نفس الخط الفكري (وهل سيبقى شيء من الحب والمتعة حينها؟؟) اقرأي أجزاء بكرة وستفهمين سهرانة الليل والله خجلتيني بذا المدح كله يارب اكون أستاهل ولا أخيب ظنكم فيني النبع الصافي حريم صدق حريم أفكاركم على طول تشفير وش رايك لا قريتي البارت الجديد أسمع علومك الطيبة؟؟ زارا وحشتيني يابنية والله العظيم سلامات يالغالي سلامات كحة وبرد وسخونة؟؟ خلاص المفروض نخليج تهجدين شوي موب نجيب لج بارت مشفر يرفع حالة الطوارئ عندج وبعدين القفلات هذي أنا أصلا أجيبها مخصوص عشانك ياأنا أستانس وأتشقق من الوناسة لاشفتج مفولة <= شريرة من قلب وصايرة البنت رومانسية من ورانا تعجبها العبارات الرومانسية وبعدين شنو هالتطورات؟؟ صايرين تكشفون مخططاتي العسكرية شكلي لازم أغير استراتيجيتي الحربية والصاروخية أكثركم توقع صح في شيء وأكثركم توقع غلط في شيء شنو هذا؟؟ وشنو ذاك؟؟ قدامي اقري بارت بكرة وتعرفين ولاعاد تعودينيها وتغيبين علينا وريناج الشغل والعمايل المنيلة بستين نيلة وميغسي بكو خالص على التهاني والتبريكات ويارب أكون استحق الشرف اللي ليلاس طوقتني فيه مهما الليالي شكرا ياقلبي ويارب أكون عند حسن ظنكم يارب وجه الصباح شرفتينا هنا وهناك شرفتينا أول بقراءتك للرواية ثم شرفتينا بتعليقك عليها ولاتحرمينا من طلتك واتمنى أشوف تعليقاتك وتحليلاتك الرائعة تتربع في قلب الصفحات دوما مذهلة زارا حبيبة ليلاس.. وأنا وش دخلي في الموضوع؟؟ لو قلتي لي عشانك كان نزلته.. بس زوير تبي ترويض فيها عجلة زايدة.. ذا البنية ماتعرف تتركد يمكن الله أرسلني لها.. عشان أعلمها الركادة واخليها تتحكم ببرودة أعصابها لين تصير ثلاجة مثلي أحلى شيء الثلاجات.. يحرقون العالم وهم مستانسين مذهلتي والله أنك أنتي وزارا في أعمق أعمق نقطة في قلبي بس اللعانة والنذالة في دمي.. وش أسوي؟؟ |
تسلمين نفووووووووسه على البارت يعطيك الف الف الف عافيه
اممممممممممممممممممممممممممممممممممممممم البارت هذ1 يمكن نعلق فيه عن الجوهره وعبدالله استفزته وهي تتشطر بس اتوقع عبدالله يقطع الشرط وهذ1 شي اكيد اما سالم ياعمري رحمته مايدري وش ينتظره هع هع تسلميييييين ياقلبي ويعطيك الف عافيه وننتظرك بكل شووق .. جــــ,ــــ,ــــودي |
مســــــــــــــــــــــاااء الوووورد والابداااااااع نفوووووووووووووووووووووسه..وش هالبااااااارت الرهيب يخزي العين..عليك..!!!!!!! اناا باااسميه..الهدووووء اللي يسبق العااااصفه.. وشكله بكره بتصير عاااصفه مدمره..خخخخخ..بس يازينهااا من عاااصفة ان كااااااااااااان بتبعثر كل العوااااطف والمشااااااااااااااااااااااعر.... جوااااااااااهر وش فيك يااااحرمه الركاااده زينه...وش فيك ولعتي غيره.... وولعتي عبووود معك....هو صح معك حق..بس...ليه الاسلوووب الاستفزاااازي ذا اللي بيدمر الشي الحلووووووو الي جالس يتبني بينكم بهدووووووووووء..وين العقل والحكمه.. والثقل والركااااده اللي عرفنااااك فيهااااا... اللي سوته هند اليووووم...خلاااك تنسين كل..شي....بس يااا خووووفي تندمين... وساااعتهااااااا..بيتدمر كل شي حلوووو معاااااه.. الله يكفيك شر الجاااااي..فااايز ذاااا وراااه بلااااوي ...ومصااايب... عبووووووووووووود الصراااحه اناا شفقااانه عليك...من اول القصه... وكل محاولاتك الاخيره لترويض نفسك...بترووح هباااااءا منثورااا..باستفزاااز جواهر لك... هل ..بتثبت لهاا رجوووولتك...او بتتفاااادى...ذا الاسلوووووب... عشااان تضل على وعدك..مهمااا كانت الظروووووف... بانتظاااااار الحدث على احر من الجمــــر.... نجلااااااااااااااء ومااااجد مترقبه للي بيصير...بينكم..ان شاااء الله نفس ما توقعوا البنااااات... ويكون حل الموضووووع على يد...مجووووود... نفووووووسه...هئ هئ..الله حرااام انا حتى جزء بكره ما بقدر اشووووفه...يرضيك. ..طيب..ممكن تنزلينه بدري شوووي..عشان اقدر اقرا قبل لا اروووح الدواااااااام. ..بلييييييييييييييييييز نفوووووووسه..نزليه بدري...لو ما عليك امـــــــر... نفووووووووووووووووسه الله يسلم يدينك عن الناااااااااااااااااااااار...يااااااااارب....وبانتظااااااااا ااااااااارك دوووووووووووووووووووووووم...حبووووووووبه... |
نفووووووووووووسه مشكوره يا قلبي على البارت الروووووووووووعه
ومثل ما قالت غلاي جود هذا الهدوء اللي يسبق العاصفه لا خليت منج ونتريا البارتات يا الغلا |
السلام عليكم ورحمة الله
الف مليوووووووووون إلى آخر عدد بالعالم مبرووووووووووووووووك على التثبيت و التميز والله إنك تستـــــــــــــــــــــاهليـــــــــــــــــــــــن شوفي عاد تدرين من وين جايه .. أنا جايه من الصيدلية رايحة أجيب بخاخ ربو بس أنا الحمدلله مامعي ربوبس جايبته لأن أنفاسي خلاص ترووح وأنا قاعدة اقرأ لك فأبخ منه علشان يرد النفس....... وماشاء الله عليك إذا استمريتي بها لأكشنات الحلوة........ شكلي راح أجيبلي إسطوانة اكسجين بكبره علشان أتنفس وأنا أقرأ بعد الغياب... نفووووسة أنا قايلتلك ماجد ثوووووووووووووم والثووووووووم يحلي الأكل بعض الأحيان وإن شاء الله راح يحلي طبختك بأنه ياخذ دلال... ومبرووووووك عليك وعلينا إنا تمينا شهر على معرفتنا بكِ .. وب (بعد الغياب)... غاليتي أنفاس ما أقدر أقول إلا أسأل الله لكِ السعادة مثلما تنتشلينا من همومنا وروتينا اليومي للحظـــــات ونحن نقرأ بعد الغياب.. حفظكِ البارئ من كل شر |
جودي هلا والله يا قلبي والله يبارك فيك توقعك عن عبدالله وجواهر طاش سالم انطروه البارتات الجاية لا تحرمينا طلتك جود فديتك ياقلبي انا والله مافتحت الا الصبح او كان نزلته بدري شوي خلاص تقرين بعد ماترجعين من الدوام واتمنى بارت اليوم الشفاف يعجبك توقعاتك كلها فيها اللي خاب وفيها اللي صاب تابعينا وشوفيها على ارض واقع الرواية فلحة هلا والله اقري معانا وشوفي الهدوء اللي يسبق العاصفة للعاصفة للهدوء بعدها للعاصفة الجديدة غربة سلامة روحك والله بهالدرجة انا صايرة شريرة بخاخ ربو مرة وحدة حرام عليك والله انا طيوبة ومسكينة ولا فيني عرق نذالة خالص مالص ماجد/ الثوم انطريه في طبخة معتبرة بيبين طعم الثوم فيها عدل الله لا يحرمني طلتك اللي تنعش قلبي ويارب يبعد عنك كل هم ويشرح صدرك |
صباح الورد والفل صباح العسل والقشطة الصباح الاول للرومانسيين والثاني للجوعانين بارت أمس تنازع أغلب التوقعات حوله توقعين عبدالله وجواهر وهل سيخلف عبدالله بالوعد أو يحافظ عليه؟؟ ماجد ودلال وهل يخطبها ماجد ويخلص أخته منها؟؟ أكثركم توقع عبدالله يخل في وعده لأن جواهر بالغت في استفزازه وأكثركم توقع ماجد يخطب دلال وأنا أقول لكم واحد من التوقعين السابقين صح، والثاني غلط اقرأوا الجزء الجديد اليوم وستعرفون يالله استلموا 54 55 وقراءة ممتعة مقدما ولاحول ولاقوة إلا بالله |
بعد الغياب/ الأجزاء 54، 55
بعد الغياب/ الجزء الرابع والخمسون
#أنفاس_قطر# جواهر اللي خلاص الغيرة والغضب اعموها: مبين رجلي.. ويا عيني على الرجولة.. أنت والطوفة واحد.. عبدالله اللي كان يحاول يمسك نفسه.. عشان مايمد يده عليها رد عليها بغضب رجولي هادر: جواهر أنا رجّال وغصبا عنج.. ومن قبل تجيبج أمج رجّال.. ومنتي اللي بتجين الحين وتعلميني الرجولة.. ولا تستفزيني.. يصير شيء مايرضيج جواهر بغضب أكبر: وإن استفزيتك.. أصلا أنت منت برجال ولا عندك إحساس.. كيس ثلج لا تحس ولا تراعي مشاعر الناس اللي عندك.. عبدالله اللي خذ غترته ورماها على الأرض.. دف جواهر على السرير.. وقال لها وعيونه تطق شرار:يعني أنا في عينج ماني برجال؟؟ تبين تتأكدين؟؟ جواهر ما كانت مستوعبة اللي يصير.. شافت عبدالله يروح يقفل باب الغرفة.. ويرجع عليها وهو يفتح ازرار ثوبه.. كاشف عن عضلات أعلى صدره النافرة وعروق رقبته البارزة بقوة من شدة الانفعال.. جواهر نطت واقفة عبدالله بغضب وهو يدفها مرة ثانية على السرير: أنا ما قلت لج قومي.. أنتي ما تبين تتأكدين من رجولتي..؟؟ خل نعطيج درس يأكد لج.. إذا كنتي نسيتي الدرس اللي قبل 18 سنة.. جواهر حست إنها مشلولة، وتفكيرها مشلول (وش سويت بروحي يارب؟) .. لكنها كانت تحاول تقاومه بعنف.. بس ماقدرت على قوة عبدالله الجسدية الهائلة.. كانت ايدين عبدالله تثبت ايديها بقوة.. ووجهه مدفون في شعرها.. وانفاسه الحارة تكاد تحرق رقبتها.. وريحته الرجولية العميقة تحتويها بسحر موجع حست قلبها بيوقف.. والاضطراب يهزها بعنف مدمر.. وكانت على وشك إنها تنهي مقاومتها.. اللي حست إنها تمثيلية مالها معنى.. لولا إن عبدالله بنفسه فلتها و نط واقف.. وهو يقول بانفاسه الطايرة وصوته المرتعش: أنا آسف جواهر آسف.. سامحيني.. بعد عن السرير شوي.. في الوقت اللي جواهر رجعت لرأس السرير.. ولصقت ظهرها فيه.. وهي تضم نفسها.. وتوطي أطراف فستانها القصير على سيقانها.. وترتعش بعنف قاتل مثل عصفور مبلل عبدالله بحزن وهو يتناول شنطة صغيرة فاضية من تحت السرير: ما أنكر أني كنت أتمنى لو أني استمريت للأخر.. وأني والله العظيم بذلت جهد خارق وقاتل ومؤلم وموجع عشان أوقف نفسي.. لأني مستحيل أغلط الغلطة هذي معج.. أنا حلمت كثير باللحظة اللي بتكونين فيها لي... بس كان الحلم دايما مشترك.. أخذ الشنطة وبدا يحط فيها ترينغات رياضة وملابس داخلية وكمل بانفعال يهزه هز: جواهر خلاص أنا ماعاد فيني صبر.. تعبت من التمثيل وكبت مشاعري.. وانتي منتي بحاسة فيني أبد.. ومربطة يدي بإحساسج بالقرف مني اللي ما اقدر أتجاوزه.. تدرين جواهر لو القضية مجرد شهوة ورغبة جسدية، كان شيء مقدور عليه.. لأني تعودت طول عمري على كبت رغباتي (وكمل بمرارة ممزوجة بحزن قاتل) لكن الأمر عندي يتجاوز هذا بكثير.. بكثير.. (بتردد حزين) روحي اللي تعبت من الوحدة والغربة والوجع تذوب والله تذوب بكل معنى الكلمة.. تذوب شوق ولهفة ووله لروحج.. ورغبة في الامتزاج بها ومعها وفيها.. جواهر لحد الحين مو قادرة تستوعب اللي هو يسويه لأن مشاعرها كلها مع كلامه اللي كان يهزها هز: أنا باروح كم يوم للشاليه اللي في الخور.. عشان ترتاحين مني.. وانا اريح أعصابي اللي على وشك إنها تنفجر.. وإذا رجعت بأخذ وحدة من غرف الضيوف وأنقل أغراضي فيها.. انا ما أقدر أقعد معج في غرفة وحدة خلاص.. ما أقدر استحمل.. جواهر كان نفسها تنط.. وتوقفه.. وهي تشوفه يسكر شنطته.. ويسكر أزرار ثوبه.. ويتناول غترته وعقاله من الأرض.. بس ماسوت شيء غير إنها ظلت تراقبه.. لحد ماطلع وسكر الباب وراه وغاب عن عيونها ******************* ماجد خذ أخته اللي من لما ركبت معه وهي تبكي بهستيرية ووداها لبيته.. تركها تبكي براحتها على كتفه.. لحد ما شبعت.. لما بدت تهدأ، سألها بحنان: نجولتي الغالية ليش تبكي؟؟ نجلاء بصوتها الباكي: عمتي أم جاسم تبي تزوج جاسم.. ماجد بغضب نط واقف: وليه ؟؟ نجلاء بتأثر: تبي تزوجه بنت أخوها اللي توها فكت حدادها.. ماجد بتفهم: بس إذا هي تبي.. مو معنى كذا إن جاسم بيطيعها.. ليش سويتيها سالفة.. وخصوصا ان جاسم يموت عليج.. نجلاء رجعت تبكي: بس البنية أبوها وصى جاسم عليها، وساكنة في بيت بروحها ومالها حد.. يعني الواجب يقول إن جاسم ملزوم فيها.. ماجد بعيارة يبغي يفرفشها: حتى لو تزوجها جاسم.. بتصير هي سكند كلاس.. وأنتي الفرست.. نجلاء بانهيار: بلاك ماشفتها.. والله جاسم لو يتزوجها أصير أنا ثيرد كلاس.. حتى سكند ما أحصل.. ماجد اللي كانت جواهر حركت احساسه نحو الجنس الآخر: ليه لذا الدرجة حلوة؟؟ نجلاء بتاثر والتفكير الأنثوي يشل قدرتها على التفكير المنطقي: أنا أعرف أن جاسم يحبني وايد.. بس أنا أعرف أني عادية.. دلال أصغر مني وأحلى بوايد.. وعليها بياض ونعومة تفلق الصخر.. أشلون أقدر أنافسها ذي..؟؟ ممكن جاسم يظل وفي لي شهر والا شهرين.. بس عقب الا يذوب.. وخصوصا إنها طيبة ومسكينة والحق يقال.. يعني لو حلوة وأخلاقها شرسة كان قلت لي أمل.. ماجد بجدية: دام مواصفتها كذا أكيد بتحصل لها زوج..بعيد عن زوجج.. نجلاء بحزن: وهم يعني بيقعدون ينطرون لين حد يخطبها.. وخصوصا إنها كانت متزوجة 6 سنين وماجابت عيال.. يعني أي حد بيخطبها بيخاف إنها ماتجيب عيال.. ماجد مثل اللي يلقي خبر قنبلة: طيب ولو أنا خطبتها.. توافق علي؟؟ ************** جواهر اللي كانت بعدها قاعدة على سريرها مو قادرة تسيطر على أعصابها.. فوجئت بنوف تدخل عليها.. مثل الأعصار.. " يمه صدق أبوي رايح يقعد في شاليهنا اللي في الخور؟" جواهر حاولت تمسك أعصابها وردت بهدوء: وهي تمسح على شعر نوف: إيه حبيبتي؟؟ نوف بحزن: ليه ياربي.. أنا متعودة على وجوده أيام امتحاناتي.. أحس ما أقدر أدرس من غير طلته كل شوي علي.. جواهر حست بطعنة قاسية في قلبها.. وهي تشعر إن زواجها من عبدالله بدل ما يدعم نفسية عيالها ويدفعهم لقدام، بدأ يأثر على نفسيتهم هذاك اليوم عزوز زعل من نومة أبوه تحت، واليوم نوف حزينة أنه راح وقت امتحاناتها.. جواهر ردت بهدوء: هو عازم رياجيل هناك.. وبيرجع بكرة ان شاء الله.. نوف بتشكك: بس هو قال بيقعد كم يوم؟؟ جواهر بثقة: بيرجع بكرة يا قلبي.. المهم أنتي تركزين في دراستك.. وامتحانج اللي بكرة.. نوف اللي ابتسمت: أكيد مامي.. جواهر بحب: أكيد يا قلبي.. ويالله روحي كملي دراستج وأنا جايتج بعد شوي.. جواهر اللي كانت معتزة بكرامتها جدا.. لكن توصل لحد مصلحة عيالها ولا.. أرسلت مسج لعبدالله: " نوف متأثرة وايد من غيابك.. أنا قلت لها أنك عازم رياجيل و بترجع بكرة أتمنى ما تطلعني كذابة قدامها.. ومشاكلنا أعتقد أنه ممكن نحلها بيننا بدون ما يحسون عيالنا" بعد دقايق وصلها رد عبدالله " جواهر أنا تعبان حدي ما أقدر أرجع بكرة عطيني كم يوم واللي يرحم والديج دوري لنوف عذر" جواهر تربطت يدها.. ما تقدر تهين نفسها وتترجاه أكثر من كذا.. **************** منيرة في غرفتها قاعدة على سريرها عيونها شاردة.. أهلها أصبحوا شبه متاكدين أنها أصبحت مجنونة.. إلا سارة.. اللي كانت دموعها ما تنشف وإحساسها بالذنب يقتلها.. أبو علي دخل غرفة بناته بالراحة لما شاف منيرة بعدها على قعدتها وعيونها خالية من الحياة.. حس ألف رمح يطعنون قلبه بكل قسوة الدنيا قرر يريح ضميره ويقول لها شيء يمكن ينتزعها من حالة الجنون رغم أنهم أصبحوا يشكون أنه فيه شيء ممكن يرجع منيرة المجنونة اليوم.. لمنيرة المرحة المليانة حياة أمس قرب منها وجلس جنبها.. وقال لها بحنان كبير: " منيرة يا أبوس سالم بيوصل الليلة من السفر وبكرة إن شاء الله من الصبح بأروح أنا وياه المحكمة وأخليه يطلقس" منيرة من سمعت كلام أبوها حست كأن الحياة رجعت لروحها اليابسة كأرض جرداء أغرقتها أمطار الخصب نطت تسأل أبوها بحماس :صدق يبه صدق مع أنه لها 3 أيام ما تكلمت بكلمة أبوها بصدق وحب وفرحة خرافية: اللهم لك الحمد والشكر.. لو أدري أن الكلمة ذي بتونسس كان قلتها لس من أول يوم صدق يا أبوس صدق..بكرة بأخلي سالم يطلقس وسالم الله بيرزقه " سارة اللي غرد قلبها من الفرحة لرجوع منيرة لهم...ماكانت مصدقة اللي قاعد يصير قدامها.. وخصوصا أن منيرة نطت تحضن أبوها وتبوسه: يبه تكفى أرسل السواق لبيت مها.. خله يصور لي أوراق امتحان بكرة... أبي أدرس.. ويالله الوقت يكفيني أبوها بحب وسعادة وهو طالع: إن شاء الله يا أبوس.. إن شاء الله.. سارة قربت بفرحة مجنونة تبي تحضن منيرة لكن منيرة وقفتها بيدها.. وقالت بحقد : سارة أنا عمري ماراح انسى انس خدعتيني.. وبديتي سالم علي.. أنتي مو بس خدعيتيني.. أنتي طعنتيني أقسى طعنة ممكن أخت تتلقاها من أختها.. وضحى تبي فستان لعرسها؟؟ هاه ؟؟ لذا الدرجة هنت عليس؟ لذا الدرجة سارة حست إن قلبها مات وروحها انطفت.. وتراجعت وهي تحس قلبها ينزف دمع ودم.. ****************** نجلاء المصدومة طالعت في ماجد: أنت من جدك؟؟ ماجد بثقة: أكيد.. نجلاء بدهشة: يعني عقب ماصرعتنا على جواهر.. وكنت حتى بتخرب زواجها من عبدالله.. جاي بهالسرعة تبي وحدة غيرها.. ما تدخل في الرأس ذي.. ماجد بلهجة جادة: أنا قبل كنت رافض فكرة الزواج بالكامل.. وتدخل أي مره في حياتي.. بس بعد جواهر صرت مقتنع بالفكرة.. ولما جواهر صار نصيبها مع غيري.. ليش أنا بعد ما أشوف نصيبي مع وحدة تنسيني إياها.. نجلاء بتحذير: بس دلال موب نفس مستوى جمال جواهر.. ماجد بتحسر: وجواهر من مثلها.. بس خلاص صارت نصيب عبدالله أول وتالي وكمل باستفسار: أنتي مو بنت خال زوجج ذي تقولين حلوة وأخلاقها زينة؟؟ نجلاء بثقة: إلا حلوة ونص.. وأخلاقها فوق ما تتصور.. بس (كملت بحذر) بس أخاف إنها يكون عندها مشكلة في الانجاب.. ماجد بإيمان: ويمكن كانت المشكلة من زوجها... أنا نفسي انشرحت لذا البنية خلاص.. نجلاء بخوف: أخاف جاسم يقول أنتي دزيتي أخوج عشان يخلصج من بنت خالي.. ماجد بثقة: ماعليج من جاسم وأم جاسم.. خليهم علي.. وانتي طمني نفسج على جاسم اللي بيقعد من أملاكج الحصرية.. *************** دانة نايمة على ذراع سعود.. وسعود يلعب بشعرها القعدة اللي أصبحت قعدة سعود المفضلة.. ويسولفون.. رن موبايل سعود.. (غريبة من بيدق ذا الحزة؟؟) تناول موبايله بيد.. ويده الثانية تحت رأس دانة وشاف اسم محمد سعود بشوي غضب: محمد مو كنك تأخرت.. سعود انتزع يده بعنف من تحت رأس دانة ونط بعنف وهو يسمع محمد يصيح في التلفون بكل ألم الدنيا ووجيعته: " ألحقنا يا سعود ألحقنا.. أفزع لنا تكفى ............................................................ ....................................................." #أنفاس_قطر# بعد الغياب/ الجزء الخامس والخمسون #أنفاس_قطر# سعود رمي موبايله على السرير ونط يفتح أدراج التسريحة بسرعة وتوتر وجنون.. كأنه أصيب بما يشبه ماس كهربائي ينفض جسده بأقسى درجات الرعشة.. دانة اللي ارتعبت من شكل سعود اللي تغير 180 درجة نطت وهي تسأل سعود بقلق: سعود انت ايش تدور؟؟ ومحمد بعيد الشر فيه شيء؟؟ سعود المتوتر والقلق والحزين واللي ضايع في انفعالاته: أدور جوازي.. وين راح؟؟ بأروح الحسا الحين.. دانة مثل اللي انضربت على رأسها صاحت برعب وهي تطيح على الأرض: خالد مع محمد.. العيال فيهم شيء سعود..؟؟ تكفى يا سعود علمني.. سعود طلع جوازه ورجع مكان مادانة طايحة على الارض ووقفها بقوة .. وركز في عيونها مباشرة وايديه على أكتافها.. وهو يقول بتوتر وجدية: العيال إن شاء الله أنهم بخير.. اسمعيني يا دانة عدل.. أمي وخواتي أمانة في رقبتش لين نرجع.. عمرنا ماخليناهم انا محمد بروحهم.. لازم حد منا موجود.. والحين حتى خالد اللي كان ممكن أوصيه عليهم مهوب موجود.. أبي أحس أني وراي رجال في البيت لا تشغلين بالي عليكم (سعود كان يتكلم في الوقت اللي عشرات الانفعالات تخطف دانة ووجهها وقلبها) تكفين.. أمي لا تدري بشيء: أنا في الزام.. ومحمد عجبه الوضع في النعيرية وبيقعد يومين.. وعقب التفت سعود على موبايل دانة المحطوط على التسريحة خذه ودقه شوي وعقب قال بنفس لهجته الجادة المليانة توتر: أنا سيفت رقم سواقنا سيد علي عندش، والحين أنا باعطيه فلوس وأنا طالع أي شيء تبونه وصوه عليه.. هو رجال كبير وله سنين عندنا، أنا بأوصيه يقفل بيبان البيت الخارجية من برا.. قبل ينام.. ويفتحها الصبح بس انتي تاكدي أنش قفلتي كل البيبان من داخل كل ليلة.. دانة برعب: سعود لا تخوفني عليكم.. وش السالفة؟؟ أنتم مطولين..؟؟ سعود باستعجال: إن شاء الله ماحنا بمطولين.. بس انا للحين ما اعرف الوضع هناك.. و هذي مجرد تنبيهات عادية.. وعقب طلع سعود بطاقة فيزا من محفظته وقال بجدية: خذي يا دانة، ولا تخلين شيء يقصركم لين اجي، بارسل لش رقمها السري مسج الحين.. دانة رجعت البطاقة وهي تقول بألم جارح: الخير واجد يا سعود انت ليش تسوي كذا.. كانكم بتغيبون سنة حرام عليك اللي تسويه فيني.. موتت قلبي والله العظيم سعود بلهجة حزن وهو يفتح يد دانة ويسكر على البطاقة فيها: دانة تكفين ماعندي وقت للكلام.. مثل ماقلت لش.. انا تارك وراي رجال في البيت خلي بالش من نفسش وامي وخواتي.. وما ابي حد يعرف عن أي شيء لحد ما اتصل فيش.. بعدها حب رأسها وطلع، وهو على الباب قالت له دانة بحزن بلهفة بوجع: لا إله إلا الله.. سعود بحزن: محمد رسول الله.. **************** ماجد رجع أخته لبيتها.. وطلب يتكلم مع أم جاسم شوي.. أم جاسم لبست برقعها وجلالها، وقالت لنجلاء: خليه يتفضل.. كانت أم جاسم محرجة جدا ، كانت متوقعة إن ماجد يبي يعاتبها وهي ما تقدر تلومه، مافيه رجال حر يرضى الضيم على أخته.. ماجد دخل وسلم، وقعد على الكرسي المقابل لام جاسم.. في الوقت اللي نجلاء انسحبت تشوف زوجها وولدها النايمين.. ماجد باحترام: أم جاسم طال عمر غاليج، وش تقولين فيني؟؟ أم جاسم بحرج: والنعم والسبعة أنعام.. ليت كل الرياجيل مثلك.. ماجد بنفس النبرة الجدية: يعني لو خطبت عندكم.. تزوجوني؟؟ أم جاسم باستغراب: بس ياولدي أنا ماعندي إلا بنتين كلهم متزوجات.. ماجد بلهجة خاصة: وبنت أخوج أحمد... أم جاسم كحت: إذا أنت جاي تسوي ذا الحركة عشان أختك، ترى دلال ما تستاهل كذا.. دلال تستاهل رجّال شاريها.. ماجد بثقة: وانا شاري.. يعني يا أم جاسم.. أنا الرجّال العزابي اللي ماني بشاري وجاسم الرجّال المعرس اللي يحب زوجته وعندهم ولد هو اللي شاري.. وربي اللي خلقني يا ام جاسم، أنه من مدح نجلاء لبنت أخوج أني نفسي انفتحت لها.. وتمنيتها صدق تصير مرتي.. إلا لو أنتي شايفتني ماني بكفو نسبكم.. أم جاسم باستنكار: إلا كفو ونص.. ودلال وين تلاقي مثلك.. بس يا ولدي عشان تكون على بينة، البنت لها 6 سنين متزوجة ماجابت عيال.. وماحد يدري العيب فيها أو في رجلها الله يرحمه.. ماجد بجدية: نجلاء قالت لي.. وانا قلت لج إني شاري.. أسألي البنت، لو وافقت علي.. مهرها في نفس اليوم عندكم.. وموعد العرس براحتكم.. أم جاسم بجدية: الموافقة إن شاء الله إنها بتوافق.. بس العرس على طول تتملكها وتأخذها لبيتك.. لأني أصلا ما أصريت أزوجها جاسم إلا لاني خايفة عليها من القعدة بروحها.. وإذا إن شاء الله كتب لكم نصيب مع بعض.. عرفت ليش أنا خايفة عليها كذا.. ماجد بتوتر(لحول وش ذا البلشة.. ما أسرع) : زين يا أم ماجد اللي تشوفونه.. نادي لي ولا عليج أمر على جاسم أتكلم معه بشكل رسمي *************** نوف وعبدالعزيز ما ناموا إلا بعد ما اتصلوا في أبوهم عشرين اتصال.. عبدالله طمنهم عنه بس ماقدر يقول لهم كم يوم بيقعد.. في الوقت اللي جواهر كانت بتموت تبي تسمع صوته.. تبي تتأكد إن نبرة الحزن اللي غرقت أخر كلماته لها قبل يطلع واللي ذبحتها من الوريد للوريد تغيرت.. بتموت تبي تطمن عنه.. تشوف وضعه أشلون.. كانت على اعصابها وهي عارفة انه بيسوق هالمسافة كلها ووضعه النفسي على الحال اللي هو طلع بها.. ارتاحت شوي.. لما أكدت لها نوف إنه وصل بالسلامة.. جواهر متمددة على سريرها.. والنوم مجافيها.. الحزن يغزو قلبها من كل ناحية، ماتوقعت إن الوضع بينها وبين عبدالله ممكن يوصل لهذا الحال من التأزم وبعد ايام بس من زواجهم.. (لو كان حد قال لي قبل 5 ايام.. انه أنتي وعبدالله بيصير بينكم خلاف بيخليه يطلع من البيت، كان قلت: أبركها من ساعة، فكة منه ومن وجهه.. أشلون الحين حاسة كأن روحي فارغة وجرداء كصحراء قاحلة مثل الغرفة بدون حسه.. وصوته ورائحته..) جواهر قامت من السرير، على الشماعة باقي غترة لعبدالله معلقة مابعد انغسلت.. خذتها جواهر بحنان.. ورجعت للسرير، لكن للناحية الي كان عبدالله ينام عليها، فرشت الغترة على مخدته، وحطت رأسها عليها... خذت نفس عميق جدا من أعمق أعماق روحها وماضيها ومراهقتها وشبابها.. والباقي من عمرها.. وبكت.. *************** عبدالله على شاطئ الخور.. يجلس مقابل الشاليه على الشاطئ مباشرة.. الجو شديد الرودة.. يحمل نسائم بدايات يناير الصقيعية.. أشبه مايكون في جلسته بـ(مارس) رمز الحرب عند الرومان.. مارس الأسطورة.. محرك الحروب.. وآسر الحسناوات يجلس على مقعده يبث شكواه الأسطورية للبحر، عل شقيقه اليوناني بوسايدون رمز البحر يرسل حورياته لانتزاع الحزن من قلبه.. عبدالله كان أسطورة حقيقية بوسامة أسطورية.. رماها حظها العاثر في حبائل أنثى أسطورية بحسن أسطوري.. وحينما تتواجه الأسطورتان .. يحضر حزن أسطوري بنفس مستواهما.. بنفس عمقهما.. بنفس يأسهما.. عبدالله يجلس بلبس خفيف دون أن يخطر بباله انه يرجع للداخل لارتداء جاكيت يصد عن جسده العاري لسعات البرد القارصة.. (البرد سكن قلبي.. وش فيها لو سكن جلدي بعد!!!) (تعبت ياعبدالله والله تعبت.. والله وجابت رأسك جواهر.. آه ياجواهر على قسوتك.. لهالدرجة قلبك أسود.. ماسمعتي: ارحموا عزيز قوم ذل.. هذا أنا وانتي.. حبك داس على كرامتي.. وأنتي تطاولتي على رجولتي.. والشرخ بيننا اتسع ومسامحتك لي اصبحت حلم بعيد المنال بعد الجنون اللي أنا سويته) *************** الوقت قرب صلاة الفجر سعود قرب من الأحساء دانة نهائي ماتركته تقريبا كانت تكلمه طول الطريق وهو عشان كذا ركب سماعة البلوتوث في أذنه عشان يقدر يكلمها وينتبه للطريق.. سعود حاس بضيق نفسي غير طبيعي..حاس بثقل في روحه المرهقة من الخوف والقلق والفزع يتصل على جوال محمد اللي يعطيه مغلق.. ومع كل اتصال لا رد عليه.. تزداد حالة سعود سوء على سوء والرعب والقلق أتلفوا أعصابه اللي أصبحت مثل شعرة رفيعة على حد سكين مشحوذة بحدة.. رغم أن الفرق بينه وبين محمد 3 سنوات بس.. لكنه يحس أن محمد ليس مجرد أخوه.. لكن ولده.. مثل ما يحس إن الجازي ومها بناته.. وصل مستشفى الملك فهد بالأحساء.. وقف سيارته مايدري حتى وين وقفها.. ونط يركض بدون إحساس للطوارئ.. بعد ماقفل تلفونه اللي كان اصلا شحنه خالص.. مايبي دانة توتره لين يتأكد من وضع الشباب أشلون.. أول مادخل مع باب الطوارئ.. شاف محمد قاعد على الكراسي دافن وجهه بين إيديه.. وثيابه غرقانه دم.. وقتها سعود ماقدر يكمل.. انهار وطاح على ركبه على بلاط المستشفى البارد.. #أنفاس_قطر# |
اووووووووووووفي اهم شي نجلاء ما تزوج عليها
<< يا حياتي من امس تحاتيهم :D نفوسه ابداع كل يوم يزيد ويزيد مشكوره مشكوره مشكوره عبدالله ليتني همك يالغالي << براااااااااااااااا يمه كسر خاطري حيل موشوي بس البلا بالقلب مصيبه هالقلب يا شيب عيني قاعد بلبس خفيف عبيد حاسه انك بتمرض من البرد يا بعدهم جواهر المتناقضه باسميها اووووف قهرتني قهرتني حرام عليها عبود ما يستاهل منها كل هذا عبيد راح يمرض من البرد وهني تحسفي وقولي يا ليتني سويت وسويت نجلاء يلا شعليج استانسي ان شاء الله جسوم ماراح يتزوج عليج واخوج قسم قسم ما تلحقين جزاه ههههههه << ارتاح بالها هع جسوم ان شاء الله بيفرح بس يدري بخبر خطوبة ماجد وسحابة الصيف بتعدي ماجد احسه متخوف من المستقبل القريب بس عندي احساسه انه بيكون مستقبل حلو ان شاء الله :D << قلبها يرقع يرقع من الخوف على الشباب حاسه السالفه فيها سالم مدري ليه << فديت احساسيج :D مدري بس نفوسه عجبتني مره حيل كثير هوايا وايد بالتشويق << ميته تبي تعرف سالم وش فيه منيره قبل ورقتها بتنصدم بشي بيغير تفكيرها 180 درجه ساره طبخن طبختيه يالرفله كوليه :D انفااااااااس متميزه تعرفين شلون تسوين فتوجنك << متعلمتها من محمد مدري بس كانها اثاره ههههههه قسم قسم انش ابدعتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتي كفيتي ووفيتي يا بعدي |
لا لا يا انفاس وش هالابداااااااااااااااااااااع جد شي خيال ترا ما تعرفت على جواهر وعبدالله الا قبل امس ولا كان مرت اجزائج اللي فاتت من غير درر تعليقاتي .. بالصدفة قبل امس جيت ادور على (( ميثة وعلي )) >>>> تحسون ليما الحين عندي امل المهم شلج بالطويلة لقيت قصتج مثبتة انا قريت اول جزء تميت سهرانة للساعة 4 الفجر اقرا الله لا يوريج رحت للمدرسة سهرانة وما ادري وين الله حاطني كل تفكيري بجواهر وعبدالله جعل عيني وعيون فلحة اللي اسمها قبلي ما تبكيه لا واللي زاد الطين بلة لقيتهم حاطيني في لجنة مراقبة امتحان على بنات امتحانهم كان فيزياء ورئيسة اللجنة توصي شدي عليهم تراهم غشاشين وانا خاطري اقولها يا لبا قلبش اشد وانا عيني ما غمض لها جفن وقلبي عند عبدالله لا لا صراحة عندش امل وقفت وانا مدري شسوي بالله هذا موقف تحطيني فيه يا نفوسة وش اقول للبنات ابلتكم سهرانة على القصة عشان جذي دااااااااايخة لا جد احرجتيني ورضواتي 10 بارتات <<<< كانت تقص قصة حياتها ................. بس جد القصة ابدااااااااااااااااااااااااااع شي خياااااااااااالي عسى ربي يخليش لعين ترجيش نفووووووسه انا جد : أحبش :D
|
مشكوره حبيبتي على البارتين الروعه ....
بس نبي اطول من كذا (طماعه ).... انا ماعرف احلل الشخصيات لاني استحي منهم احسني اعرفه وهم يعرفوني من كثر ماتجاوبت معاهم وحسيتهم معاي ...... ماشاء الله تبارك الله عليك (انفاس قطر ). |
:55:تحية طيبة
مشجعة ردودك .........يسعدني توافقي معك في الأفكار أحيانا لك أسلوب في الردود يشعرني أنك متفهمة ،ناضجة ،متأنية،مرحة ............ المختلفة أنت ولا شك. نعود إلى الجزئين الجديدين: ها قد جاء الحدث الأكثر تشويقا وانتظارا واستطعت أن تستخدميه ببراعة لتوليد مسار جديد في قصتك (كان حب عبد الله ولا يزال قمة في الرومانسية التي تمثلها الروح لا الجسد وهذا النوع من الحب لا يهرم ولاينتهي بل ليس له عمر ) عاش يحبها وهي كذلك ومن يحب روحا لن يستمتع إلا بها وصفك للحدث قولا وفعلا كان رائعا انطلاقات جديدة في قصتك: ماجد ودلال وحب سيولد ربما يعكره الخوف من عدم الإنجاب حادث الأحساء الذي اتوقع أنه خطأمن محمد كان ضحيته خالد مما سيشكل عائقا أمام مستقبله مع مزنة ومستقبل سعود مع دانة اتوقع أحداثا مشوقة عاصفة في الأجزاء القادمة . وبينما انتظرها ............لك مني كل ود |
السلام عليكم.. نفوووووووووس..من قال انج مبدعه..؟؟ صج ما عنده ذووق..هع اخترعتي صح :lol::lol: لانج اكثـر من مبدعه بواايد..بس لو تبطلين هالقفلات وتخلينا ننام بدون لا نحلم بجواهر وعبوود..تصيرين عجيبة هع..بارتين وكالعاده يهبلوون تسلم ايدج عليهم.. ماجـد فيك الخير والله..يطلع منك اشياء زينه هع..حلو انه بياخذ دلال عشان سعادة اختـه..والاحلى انه بياخذها بعد لانه قرر يعيش حياته..وينسى جواهر لانهـا مو لـه..اممم الحين مو هامه تييب عيال او لا...بس بعدين بتم جذي.. محمـد والي صارله...والدم الي على هدومه من منو..الي اعرفه ان سالم وخالد كانو معاه بس وينهم..!! بقولج شي بس بدون ضحك:)..احس ان محمد قتل سالم او خالد من دون قصد..طلقة طايشة او شي..مادري..!! مو شرط قتلـه..المهم انه صابـه..الله يستـر.. عبد الله مسكيـن..شكلي بحقد على جواهر هع..زين منه انه راح للبحر..يريح روحه شوي..وعشان يحسس جواهر بقيمته هع نجلاء الحمد لله ان اخوج خطبها..بس ياخوفي ريلج اهو الي يعاند ويبيهـا على اساس انها اولى فيها من الغريب هع..ساعتها بذبح ريلج ودلال ونفووس معاكم هع هع..الله لا يغير عليكم انتي وجاسم.. جواهـر هذي الي تكرهه وما تبيه..هذي الي بترجع لا شافته..اشوف بجم يوم قلبتي..الله يعينج سعود والي صارله..!! ان شاء الله خير :( اممم خوفني الي قاله لدانة شلون ان يقفلون الباب وجذي..هل تعليمات عادية لان مافي ريال بالبيت..او صاير شي لمحمد والي معاه خلاه يقول جذي..الله يستر دانـه الحمد لله تطور كبيـر..وين قبل وين الحين..ان شاء الله دوووم.. آخر شي ناطرين ال20 بارت باجر على احر من الجمر:tongue::ekS05142::y4605198: تقبلي مروري |
تدرين عزيزتي اعتقد انك موتي سالم صح وذي الخبله منوووووووووووور تبيلها حد يعدل لها المخ العوج ليه نستبق الاحداث مو ممكن يكون سالم الشخص الي انتظرته و فارس الاحلام ليه ما عطت نفسها وعطته فرصه بس شكل الفرص ضاعت مع صاحبها بليززززززززززز لا تموتينه المسكين بعده ما تهنى في هذي الدنيا جواهر"ما قلتلج لزلت في ذاكرتها بقايا ليله و هذي هي نتايجها تطلع على السطح لتخرج الانثى الي غطاها روكام الحقد و الانتقام جواهر الحين تواجه مشاعر تراكمت بداخلها وذكرى انسان كانت تبغيه اكثر من مجرد رجل البنت منا لما تتزوج تحط في الرجل الي تتزوجه كل الصفات المثاليه الي تخليه الرجل المثالي لها والي انخلقت لتكون له صدمها كلام عبدالله صدمها عبدالله نفسه رجل يختلف عن الرجل السابق عن الي كان في ذاكرتها ما تراه رجل كامل والكامل الله رجل يحرك براكين الانثى رغبه وحب و هذا شي صعب عليهم هم الاثنين عبدالله "اوف كاسر خاطري هنا شووووووووووووووي مو كثير بس اشفق عليه لن كبت المشاعر شي صعب و خاصه للرجل المره اكثر قدره على كبت مشاعرها و لفترات طويله لكن الرجل لا الرجل يكون اقل مناعه وقدره على المواجه في الاحاسيس و الحب عشان كذا يكون سريع في ردات فعله وعمله كذلك و الي صار بينه وبين جواهر شي متوقع بس وقف في الوقت المناسب اهني اقوله برافوووووو قدرت تتحكم في نفسك مو عشانك بس لا عشانها بعد لن الي بيصير لزم يكون برضها ورغبتها وكذلك حبها تسلمين عزيزتي على البارت الحلووووووووووووووووووووووووووووووووووو وربي يعافيج وتحياتي لج ....................اختج حياتي عذاب |
مبـــــــــــروكـ علــى التثبيت.,,.
تستهلين..,.. ابغى اسئل سؤال..,.. ماهوسر تميزالقصص القطريه؟؟:confused: وربي ابــــــــــــــــــــــداع |
يااااااقلبي تعب تعب من هالبارت نفوسه رهييييبه انتي
عبدالله الله يعيينه ويعين قلبه ومااصدق برجال يسو اللي سواه ويصبر صبره!!! جواهر تستاهلين هاللي انتي فيه لو تكرمتي تنازلي شوي عشان زين الشباب ذبحتينا قبل تذبحينه ههههههه وماجد خطوه صح سويتها وان شاء الله تطلع على ذوقك دلال بس العجيز ام جاسم وش في بطنها من علم بعد !!! محمد ماني قادره اتوقع وش اللي صار مابي اتعب قلبي بتحمل لي بارت بكره !!! نفوسه سؤال عسى بارت بكره شيء محرز مانرضى بأقل من ثلاثه << تراني قنوعه ههههه |
ياااااااااااااااااااااااويـــــــــــــــــــــــــــــل قلبي ويلاااااااااااااااااه على محمد وربعه... انفااااااس انتي مااتخااافين الله.. امس اقوولتس ابي علااج للكحه واليووم اقوولتس ابي علااج لقلبي.. قلبي ياا الدبيه بيووقف من الخرعه.. هااتي ماااي ماديسن.. ابي دواااء قلبي.. تكفين ياا انفااااس . الشله الحلووه لاايصير فيهم شي.. اناا والله من شفت جبر اعجبني وهوو مووسع صدرة وضحكته وااصله اخر الدنيااا وهوو يبي محمد يخطفه.. مااتوقعت ان الخطف بياااصل رووحه... يااويل قلبي على حمود بيمووت لوو صاار لواحد من ربعه شي.. والمشكله ان اللي معه كلهم مهمييييييييييييييييييين.. سالم مهم كثييييييييييير.. بس يااخوووفي تموتينه عشاان تخلصين منه ومن وضعه مع منيره.. بس تبين اقوولتس شي.. لأ. انا واااثقه بالله ثم فيتس انتس ماراح تموتينه.. اتوقع ان سالم يكون فيه اصابات قوويه.. ولما تعرف منيره وابوها عن اللي صاار له بترووح كل خططهم هبااااء منثوورااااا.. لان منيره مو قليلة اصل عشاان تترك ولد عمهاا اللي هوو زوجهاا بوقت العازه لها.. عشان كذا اتوقع ان منيره بترووح لبيت ولد عمها اللي هوو زوجهاا وبدوون عرس وطقطقه.. عشاان تبدأ اووول مشواارها بالزواج وتاااقف مع ولد عمهااا بوقت هوو بيكون محتاج لرعايتها واهتماامها.. ويمكن هذا بيكون غصب عنهاا . بس بعد بيكون برضاها ولاا رااح تقدر تقوول لأ.. وبتفكر بكلام الناس وكيف انها تخلت عن ولد عمها بوقت الحاجه له.. بس هي بعدين يمكن تقرر ترووح له وهي مبيته النيه لطلب الطلاق من يشفى ويعافيه الله.. بس مع العشره ومع الاهتمام فيه بتتعرف عليه وبعدهاا ماراح تقدر تبعد عنه ابدااا.. اتمنى والله هذاا اللي يصير ولاا تموتين سالم.. والله حرام عليتس تموتينه ويلحق اهله وهوو اللي باقي من ريحه امه وابووه.. أهي أهي أهي... اما اللي يموت اتوقع جبر.. والله اني حبيته هالانسااان.. ويمكن بعد خالد. وهنا بيكوون الموقف جداا صعب على محمد اوول شي بيفقد رفيقه وبيفقد ولد عمه وبيفقد نسيبه .. ويمكن لو تووفى خالد بيصرف النظر نهاااائيااا عن حبيبة قلبه مزنه...؟؟؟؟ انفاااااااااااااس حسبي الله على عدوووتس والله جتني النفااضه من الخرعه على الشبااااااااااب.. مااجد : يااابعدي والله باللي يسمع افكاري وكلامي.. مااعليك ربي بيعووضك باذن الله بدلال عن جواهر وبكره بتشووف دلال احلى مليوون مره من جواهر.. والله يووفقك ياارب.. والله تدري انك عجبتني مرره مرررره وانت تكلم ام جاسم.. صراحه انك رجال وباااينه اثاار البهاارات اللي مسوويتها عليك انفاااس وااجد اليوم.. هخهخهخه بس والله احسن قرارا لما قالت ام جاسم تملك عليها وعلى طوووووووول تاااخذها لبيتك رووعه ياا مجوود يعني على طوووول تدخل بالمعمه بدوون ترتيب ولا تحظير..هخهخه نجلاا : الحمد الله انتس تخلصتي من دلال وبكل سهووله.. الله يعافيه مااجد والله ماااقصر فكناا من غثى واكتئااب كان بيصير لنا.. والله ماا الومتس ياا نجلاا بكل كلمه قلتيهاا.. مهماا كلن الرجال حمار واهبل من يشووف وحده زينه شكلااا قلب الوجه على زوجته ام عياله ورااح وراا الثاانيه.. بس فيه حااجه قلتيها لماجد عن جاسم وهو انه يمكن يقعد لتس شهر شهرين بس بعدين بيرووح بصف دلال.. هل هذا يعني انتس ماا انتي وااثقه من مكاانتس بقلب جاسم.. لانه لو كان يمووت فيتس مستحيل يرووح حبتس من قلبه.. بس انتي ياا نجلاا تجننين و يمد ربه جسووم بكل صلاة انتس من نصيبه. عبدالله وجواهر:: عبوود الله يعينك ياارب على هاللي انت فيه.. صراحه انت بطل يااشيخ.. مدري وش اقوول عنك انت وجواهر بس انك تترك البنت وخصووصا ان بنتك محتااجتك فانت فيك شي مهووب سهل. وبعدين عبوود ادخل عن البرد لاابعد تلحق ربع محمد اللي مااندري وش فيهم للحين.. أهي أهي أهي ... عبوود اتوقع ترجع للبيت قريباا هذاا ويمكن بطلب من جواهر.. والله حالك صعب.. الله يعينكم على بعض ويعيناا عليكم.. جواهر : انتي ماتستحين على وجهتس الرجال له سنين ودنين مع عياله جاايه بلحظه تغيرين نظام حياتهم.. وبعدين وشووله هالتمثيل وحناا عارفين كلش.. والله يااجواهر اخاف هالمره انتي اللي تخربين حياتس بيدتس وهالمره ماافيه احد تلقين عليه المسؤليه... المره الاولى قلتي عبدالله بس لوو صار هالشي للمره الثانيه ماراح يكون الا من تحت رااستس انتي.. انا والله ودي اهاااوشتس لين اشبع بس ربي رحمتس ان بالي وقلبي مع محمد وربعه.. الله يقوومهم بالسلاامه يااااااارب.. بس اتوقع ان عبوود بيمرض بالشاليه برووحه وهناا انتي اللي بترووحين له برجليتس .. واتمنى عاد هنااك تبدون حياة جديده.. بس والله اتوقع هالتوقعاات ترووح هباااء منثوور من نذالة بعض العرب.. هع هع هع.. نفووسه تكفين واللي يرضى عليتس.. نبي باارت يطمناا على محمد وربعه بعد المغرب.. بس واحد ماانبي اثنين البارت اللي بعد ماطاح سعود على رجووله.. ياااقلبي عليه .. والله موووقف ماااا ادري شلوون تحمله سعوود .. يمشي خط طووويل وهو ماايدري وش بيواجه والافكااار تودي فيه وتجيب ..والله موقف صعب اشووى انه مااصار له شي هو بعد بهالخط.. بس اشووى ان اموره مع داانه تمام.. نفووسه هااه وش قلتي وعدناا اليوم بعد المغرب؟؟؟؟؟؟؟؟؟؟ قولي تم واللي يرضى عليتس ويرحم والديتس.. |
ماشاء الله وش هالتطورات عقبي رحت يومين وجيت أثر الدنيا منقلبة رأسا على عقب..
هلا أنفاس وشلونتس وش أخبارتس مبرووووووووووك التثبيت وتستاهلين..فقدك وفقد القصة الا مافقدتين<<مشكلة الثقة.. هند: تقهررر وما تستحيووجه مغسول بمرق بس يشفع له انه خلاص بتطلع من حياتهم.. دلال: زين ارتحت منه نجلاء وخذت واحد ازين أقله ماله حرمه.. نجلا:شكله تبي تحب أخوه زياده خخخخخخخخخ جواهر: الله الله وش هالتطورات تركتك أنت وعبدالله يومين أثركم متهاوشين كلذا عشاني خلاص منب عاقبتكم هع هع.. عبدالله: لاتخاف بتسامحك ان شاء الله تراه خاقة عليك وماهوشتك الا من غيرته عليك اهئ اهئ بس الصراحة انك تحزن.. سعود ودانة على البركة تصالحكم والله لايفرقكم بس اللحين سعود ليش طاح يوم شاف محمد أتوقع محمد طيب لانه جالس برى يمكن التعبان سالم لزوم الحركات بس عاد موب تذبحين أحد منهم |
ياخطيرة ياانفاس بارت رهيب خيالي من نفوسه المبدعه
عبدالله مسكين عور قلبي بكلامه بس زين تراجع في اللحظه الاخيرة بعد الكلام اللي قاله حق جواهر اكيد اعرفت ذا الحين انه رجال مب كيس ثلج وانه المسكين كان كابت مشاعره واحاسيسه عشان مايخلف بوعده لها ذا الحين الدور عليج ياجواهر بيني حبج ومشاعرج واظهريها له لاتلبسين قناع البرود وعدم الاهتمام عيشي حياتج الانسان يعيش مرة وحده ولا تضيعين الفرصه لان الفرص تجي مرة وحده وانتي لازم تغتنمينها اذا رجع عبدالله من الشاليه استقبليه بااستقبال حافل غيري من اسلوب تعاملك معاه حسيسيه انج مرحبه بمشاعره ولا تصدينه بس ان شاء الله مايطيح مريض من البرد في الشاليه واهوا بروحه .وانت ياعبد الله فكر بكلام جواهر عدل راح تلقى انها ماقالته الا لانها تغار عليك وانها تبيك تحس فيها .ماجد طلع توقعنا صح وانه اهوا اللي بيساعد اخته نجلا بيتزوج دلال ان شاء الله تعيش سعيد معاها وتجيبون بنات وصبيان . محمد وسالم وجبر وخالد الله يستر من اللي صار لهم ان شاء الله ماحد يموت منهم مانبغي حزن انفاس بما ان روايتك غير عن كل الرويات فما نبغي فيها احد يموت وحزن وصياح خليها صج غير تكفين انفاس .مشكورة عزيزتي وتسلمين. وجه الصباح |
حبيبتي نفووووسه
اولا اباركــ لكـ ولادة قصتكــ الرائعة جدا شلتني ما قدرت اقووم من يومين الا لما اقضي عليهاا وانهي احداثها الاخيرة مبدعة جدااا و حضووركــ متميز قلمكـ جديد باسلوبه وتفكيره وصياغته للاحداث والاهم احترامكـ لوقت قرائكـ فانتي توعدين وتوفين وبكذا تستحقين التثبيت والتميز بجداره كثيرا ما اتردد بقراءة قصص غير مكتمله لخوفي من ان يطول علينا كاتبها باحداثها او يغيب بدون ان يعطينا خبر بضروفه ومع قصتكـ نسيت هذا كله .. عزيزتي مووفقه وللامام .. وياليت مثل ماوضعتي الروابط باصفحة الاولى تضعي اخر ما تكتبيه ايضا لكثر الصفحات والردود مووفقه والى ميد من التميز نووووور |
يعطيك العافيه نفوووووووووسه ماقصرتي والله
كنت متوقعه ماجد ياخذ دلال امممممممم بس عبدالله صدمني ياعمري رحمته اتوقع الجوهره ترووح له في الخوووور عشان تراضه اكيد اوووووو يصير شي يجيبه اممممممم اتووقع جبر يصير فيه شي هو ولا سالم اكيد 100% وبيخفف منيرره عليه وبترحمه بعد << تحلم كثير يعطيك العافيه نفووووووسه ننتظرك ياقلبي جــــــ,ــــ,ــــودي |
مساكم ورد وفل وياسمين
وكل شيء حلو وعذب ومنعش أولا: أنا اليوم سعيدة جدا.. اليوم كان فيه ردات فعل مختلفة من المتابعات على مستوى كل المنتديات البعض كان عنده ردات فعل عميقة جدا وعاطفية ناحيتي وناحية (بعد الغياب) ومن أكثر الأشياء التي تأثرت فيها المشتركات اللاتي خصوني بتعليقهن الأول رغم أن بعضهن لهن شهور عديدة منذ الاشتراك..(وحدة منهم لها والله العظيم سنتين كاملة من الاشتراك!!!تخيلوا!!!) وكون أن روايتي تكون الشيء الأول الذي يستوقفهم طوال هذه الشهور أو السنوات ويجبرهن على الخروج من اسر صمتهن الجميل كان شيء أكثر من احتمال مشاعري المرهفة.. ثانيا: صحيح أنا ما أحب مطلقا أني أكشف عن الأحداث اللي بتجي لكنه فيه توقع شفته في اكثر ردود البنات وبصراحة متت من الضحك وأنا أقراه ليه الغالبية توقعوا أن عبدالله يمرض؟؟ أنا ما أحب الأفكار المستهلكة دانة مرضت من البرد وشلعت قلب سعود فليش تتوقعون إن عبدالله يمرض من البرد ويشلع قلب جواهر بنفس الطريقة بعدين دانة بنوتة رقيقة بس عبدالله رجّال قد الطوفة جسده رياضي ومعضل من قلب يخزي العين لا تخافون عليه من شوي برد هذا يوقف قدام البرد ويقول: كمان لا تخافون بأرجعه للدوحة.. بس بطريقتي الخاصة.. ثالثا: أنا والله العظيم ودي أسمح خاطركم وأحط لكم بارت مثل ما تبون بس البارت الجديد له وضعية خاصة صحيح أنه راح أنزل بكرة بارت واحد بس لكنه راح يكون بارت دسم ومليان أحداث وبيمر على غالبية شخصيات الروايات وراح ينتهي كالعادة بقفلة تجنن وتوقف الأنفاس لأبعد حد <= أحموني من زارا تكفون أنا أحبكم تستمتعون بالطبخة وماتجيكم تخمة انتظروني راح أرد على الكل متابعة متابعة والردود راح تنزل قبل البارت الجديد مباشرة كالعادة أحبكم كلكم والله العظيم والله لا يحرمني منكم كلكم |
السلام عليكم ورحمة الله وبركاته
صحيح رائعتك مختلفة .... ومتميزة .... باسلوبك البسيط ... وتعبيراتك التي تصل للقلب مباشرة ....... والتناول الرومانسي فيها مشوق ...... مع كل بارت الكل يتسأل ... ماذا سيفعل عبدالله ... او مارد جواهر ... او عبدالعزيز بماذايفكر ... وماهو قرار ماجد ... ............ وهكذا ........ عبد الله ........... وجواهر ........ خلاص الثلج ذاب ....... والمشاعر انفجرت ......... والاحداث الباقية ستوضح لنا كيف سيتم الاتحاد بينهما اما كيف سيعود ... فيه عدة احتمالات ....... 1..... يضطر العودة لان عمله فيه مشكلة ..........2...... ليكون شاهدا على زواج ماجد ......... 3....... تترجاه نوف او عزيز للعودة ....... او احدهما يعمل حادث ...........4....... عزيز خال الاولاد يطلبه في شيء ضروري ............5....... ( حادث محمد وسالم وخالد وجبر ....... ممكن يكون فيهم احد اصدقائه او اقربائه ...... وبالتالي يضطر ان يعود ............) جواهر ............ اطمئنيتي انه سليم معافي ......... انتظري القادم على يد اخو هند ......... وغيرة عبدالله ............. اعتقد انكي من ستحتوين ديما ... وتجعليها تغير اراءها في الحياة .......... ماجد ........ رجل الانقاذ ......... ربنا يبارك لك في زواجك ........... ويكون موضوع الاولاد من زوجها المتوفى ... جاسم ونجلا ......... ربنا لا يفرقكم ابدا ( الا اذا تتدخلت االانامل الذهبية بشيئ اخر في الرواية ) اعتقد ان سالم سوف يصاب ..... واصابته هذه سوف تقرب منيرة منه من خلال زيارتها له في المشفى وتبادلهم الحديث ..... سيوضح وجهة نظر سالم ..( لماذا يبقى في منزل والده الذي احترق ) تميزتي ....... باسلوبك وبسردك للاحداث المشوق ........ ووصفك للشخصيات ومشاعرهم بشكل مثير ........... وتعبيراتك الجزلة التي تدل على طلاقة لافظية جميلة وغنية بالمفردات الرائعة ..........( وخاصة الرسائل المتبادلة بين جواهر وعبدالله ... وسعود ودانة ) تقدمي واستمري منتظرينك غدااااااااا |
حبيبتي نفوسه اسمحيلي اشارك معكم الي كم يوم اقرا بالروايه بجد جنان وتهبل عن جد عنجد عنجد شادتيني عالاخر ومترقبهعالاخر شو يصير لكل واحد من ابطال روايتك بجد لا تبخلي علينا ولا تخلينا نستنا كتير اهم شي يا عمري يا عمري لا تموتي حدا بالحادث ترا قلبي رهيف واصير ابكي يومين عليه ويمكن ما اقدر اكمل وشكرا يا عسل الروايه مررررررررررررررررررررره حلوه
|
نفوسه الله يعطيك العافية على الأجزاء الروعة
أظن عبدالله وجواهر قدامهم مشوار طويل جواهر الله يهديك كان طلعتي إلي بقلبك بس راح تجي لحظة تطلعي كل إلي بقلبك بدون ماتحسي سعود الله يستر أيش سار في محمد وإلي معاه ماجد ريحت أختك و أتوقع إنك أنت راح ترتاح تمام عبدالعزيز الخال وينك أطنك تجهز للشي إلي كنت مأجله |
شـكـ ـــرا لك ... ولك مني أجمل تحية .
روايتك جدا ممتعه واتمنى لك الوفيق توقعاتي لجواهر وعبدالله ان مشاكل فايز راح تقرب بينهم وتكون العلاقه بينهم اقوى اما سالم اتوقع بالنهايه يتزوج منيره وتكون موافقه اما باقي الشخصيات الثانيه توقعاتي كثيره وغير محدوده واستمري في ابداعك تقبلي مروري |
السلام عليكم
أنفاس قطر هل تعرفين لما انتي مميزة لاك تكتبين عن اوناس ناضجة ومسألة كتابة قصة ابطالها ناضجين هي مسألة سهلة وصعبة في أن واحد سهلة لان مرحلة النضوج مرحلة مفهوم والانسان فيها يتخذت قرارات اغلب الاحيان تكون بعيدة عن التهور او يحاول ان لايتهور من اجل وضعه الاجتماعي وعمره وصعبة لان صعب مناقشة مشاعر البلاغين او الناضجين او الكبار لانهم عادة يحاولون كبت مشاعرهم لانهم يعتقدون ان اوان المشاعر قد ولا وفات وهذه مشكلة عبدالله وجواهر كلاهما يكبت مشاعره لاعتقاده انها تقلل من هيبته امام شريكة وربما عبدالله كان اشجع من جواهر ولكن جواهر يربكها الاحياء مع الخوف من ان تنعت بالصبيانية بصراحة أنفاس الحياة نعيشها مرة واحدة وهي بسيطة ونحن نعقدها اعتقد مسج صغير من جواهر الى عبدالله تعبر به عن مشاعره ممكن ان يحل مشكلة امدها 17 سنة بس ام عبد العزيز مقطعة نفسها من الحيا وراح تضيع الرجال وقتها مراح ينفع ندم وممكن ان تضيع اولادها ومحبتهم >>وجهة نظر أنفاس اذا ارتكبت جريمة بقصتك فأكيد المجني عليها هي ام جاسم تعالي يا خالة ام جاسم يعني حتى اذا ماجد اجة خطب بنت اخوج حتى يخلص اخته يعني قامت الدنيا ما اكول غير الله يهديج نجلاء لا والله راحت هيبة الاستاذة الجامعية وثقتها بنفسها تعالي يمعودة لو كان حب الرجل لزوجته يعتمد على جمالها لا والله رحنا فيها كان كل رجال شاف وحدة احلى من زوجته راح ازوجها وعاد الشرع حلل اربعة وهاي اجمل كلمة يسمعها الرجل ويحب ان يكررها المشكلة تكمن فينا نحن معشر النساء اولا يعني نحن دائما نعتقد ان هناك منافسة لنا في ازوجنا وأن هناك من هي اجمل منا وأن من الممكن ان تستحوذ على اهتمام ازواجنا اكثر منا بصراحة في هذا الجانب بالذات اغلب النساء ثقتهن قليل بأنفسهم حتى جواهر وهي السيدة الجميلة جدا وجدت في هند منافسة لها على عبدالله الاب ل اثنين في ال17 سنة والمشكلة متعلقة بالرجل ايضا فهو يتمتع بهذه الغيرة ودائما يرغب في بقائها لانها تدفع زوجته الى تطوير نفسها بصورة دائمة وتبحث عن كل جديد لاسعاده لذا هو من يغذي هذا الاحساس داخلنا نرجع للقصة يابنات الحلال يا متابعات القصة يعني ليش تردن تموتن سالم الرجال عرسه قريب وتنظر مفاجئة اجنن وتردن يموت صلن على النبي وتعوذن من الشيطان واسمعن توقعي شوفن سالم ممكن انصاب بالحادث واصابة خطيرة وهذا بالتأكيد سوف يدفع والد منيرة على أن يتخلى عن ما خطط له من طلاق منيرة من سالم لانه لا يريد كسر ابن اخيه اكثر مما هو مكسور شنو رئيكم >>وحدة مصدقة نفسه تتوقع أنفاس قطر بكل الشوق انتظر كيف سوف تحبسين أنفاسنا في جزئك القادم |
اقتباس:
نفووسه عااد اخلصي عليناا ترانا دخلناا بيووم جديد.. وباوورباا الحجين عندهم الظهر.. بعد.. يعني وقت نزوول الجزء متاااخر بتوقيت اووروبا.. هخهخخه انتي بس نزلي الجزء.. وانا اللي بحميتس من نفسي..هع هع هع.. |
السلام عليكم ورحمه الله وبركاته
نوفي الجميله ....الكاتبه السوبر ستار.... اتمني لو كان من الممكن اعطاء لكل كاتب لقب يتناسب مع ابداعه......لكنت اعطيتك بصراحه شديده وبدون مجامله لقب كاتبه فوق العاده .... لانك ماشاء الله عليكي ولا حول ولا قوه الا بالله .... اخاف عليكي من العين .....ارقي نفسك يا بنت ....لتتحسدي تميزتي في كل بارتاتك ...ولم اجد بارت فيهم ضعيف ... بل كلها بارتات قويه مثيره حماسيه .... تجعلك تقفي امامها وانتي عاجزه عن التعبير او النطق بأي كلمه ....فاغره فاهك بصمت ..... من شده الأعجاب واللهفه والحماس لمعرفه القادم اولا اعتذر منك لغيابي الفتره الماضيه ,,,,,فلقد كان عندي مشكله بالكمبيوتر والوندز وقع ......والحمد لله أتحلت اخيرا ,,,, أنا سعيده جدا لسؤالك الغالي عني ......الذي ابهجني بشده....ما أنحرمش أبدا ...يا قمر ووووووووووووووووووووووووووو بسم الله ابدأ التعليق عبدالله وجواهر وتطورات هايله واخيرا فاض النهر .....وانسكبت كل المشاعر علي الملأ ,,, وظهر المستور ....مع غيره جواهر الواضحه .... والتهور الوشيك لعبدالله اتوقع انه سيرفض الرجوع ...الا بعد أخذ وعد من جواهر بتنفيذ رغباته كامله أثار اعجابي الشديد تمالكه لنفسه في اخر لحظه ,,,,لأنه صعب جدا ,,,,علي رجل مثله في قمه نضوجه ...واحتياجه لأمرأه,,,,,, أن يتراجع هكذا ..... اعجبني جدا كلماتك ....وتشبيهاتك ...وهو علي شاطيئ البحر ,,,, ان تدل علي شيئ ... فهي تدل علي كاتبه محترفه الكلمه تنتقي عباراتها بتأني ورقي شديد,,,,, وتدل أيضا علي ثقافتك العاليه جدا ...وقرائاتك المتنوعه.... تعرفي .....أنا قرأت كتاب ...اساطير الحب والجمال عند الأغريق منذ زمن بعيد .....واستمتعت به جدا ,,,,,ليس لأن محتوياته غريبه ومختلفه ولكن لأنه علمني العديد من الأشياء التي لا أعلمها عن تفكير الأخرون ,,,, والذي ربما كان منطوي علي جهل وألحاد بالله ....ولكن ... هذا لا يمنع أن تتعرفي علي الطرف الأخر من العالم ,,,, ونحمد الله علي نعمه الأسلام,,,, ولأن الكتاب أيضا كان مترجم ,,,,,ومكتوب بطريقه رائعه جدا ., وكلمات سهله سلسه ممتعه جدا ,,,,تجذب الأنتباه وتزيد المحصول اللغوي ,,, المهم ...انا اسفه خرجت عن الموضوعععععععععععع ولكنك اثرتي أعجابي بذكائك الشديد,,,,,وثقافتك العاليه ليست الأدبيه فقط ولكن العلميه ايضا عندما ذكرتي في البارت السابق ماغلان أعجبني أيضا أصرارك ...علي أن الأمور بين أي زوجين ..لا تناقش امام اي احد وتحل بنضج وتفاهم وليس بالصوت العالي ,,,, وان العلاقه بين اي زوجين ...تكون بالتفاهم ولتراضي والحب والحنان سعوووووووووووووووووووووود وفزعته لأخيه محمد ...وهو بين أحضان دانه ,,,,التي أصبحت هي السند والظهر لأهله في غيابه اخشي ان يموت احد اصدقاء محمد وهو امر سبسبب له صدمه شديده ويغير مجري حياته ربما كان جبر او خالد ,,,,مما يدفعه لتصحيح حياته وسالم ...ربما يصاب أصابه شديده .....تمنع منيره من طلب الطلاق وتذهب لبيته بدون زفاف ,,,, هل ستتسبب الحادثه بقلب حياه جميع الأبطال انتظر بشوق منذ الأن لاعرف اخيرا شكرا علي البارت الرائع وانتظر القادم بشووووووق تحياتي عوده سريعه اسفه نسيت ماجد ودلال الثنائي الجديد دلال المحاطه بالغموض الشديد حتي الأن مع عدم ذكرك كيف توفي زوجها....هل في حادث أم كان مريض...... واذا كان مريض ...فهل أثر مرضه هذا علي حياته الزوجيه....وهو السبب الرئيسي في عدم الأنجاب وهل من الممكن ان تكون ...دلال .... بعد ست سنوات زواج...ما زالت بنت انا باين علي بدأت أخرف ,,,,,معلش ...اصل الفيوزات ضربت ....وأنا بحاول أنيم بنوتي سلاااااااااااااااااااااااااااااااام يا احلي كاتبه |
هلا وغلا بنفوووسة
لا ياختي البخاخ صار ماينفع أنا رايحة أجيب إسطوانة الإكسجين بإذن الله مافيه كــــــــــــلام <<ماشاء الله تبارك الله عليك ماجد ياأحلى ثووووووم إن شاء الله تاخذ دلال وتصير أحلــــــى بلشة بحياتك دانة .. أنا مستغربة منك بدل مانتي طول ما سعود بالخط و أنتي قاعده تكلمينه ... ليش مادقيتــــــــــــــي على خالد وعرفتي وش وش السالفة وريحتي عمرك وريحتينا معك ولا هذا أنتن يالحريم الوحده من تعرس خلاص كل همه أبو الشباب .. ياختي قولي فيه قراء يبون يعرفون وش السالفة.. صراحة أنفاس أعجبني وصفك لحالة عبدالله النفسية......... وأعجبني الكلام اللي وصفتي فيه حالة عبدالله وجواهر بالذات لما قلتي.. (حينما تتواجه الإسطورتان يحضر حزن أسطوري بنفس مستولهما.. بنفس عمقهما.. بنفس يأسهما) أخيراً<< قولي مابغيتي أقسم بالله أني استمتع بنهاياتك وقفلاتك الحلوة.. الله لايحرمنا منك ومن قفلاتك يارب ألف شكرلكِ دمتي في حفظ الرحمن |
ماشاء الله ابداع يا نفوووووس بمعنى الكلمة بس ليييييييييش وقفتي عند اللقطات الحاسمة اهي اهي جواهر ياعيني عليك اللحين حسيتي انك محتاااجة عبود ليش مو من الاول أعترفتي ولا بهدلتي عمرك عبود أرجع الله يخليك بالسلامة لزوجتك وعيالك وجوجو راح تفتح قلبها لك لكن الله يعنكم من النسر فواز والسوسه هندو اهته شاكة انهم بسوون مصايب ماااجد عاااش الاخو و الرجل اللي بسرعه ينعب بالمرا الجمييلة \ خخخ لا يحوشك نجووول يا عمري عليها والله عورة قلبي وان شاء الله جسوووم بكون من ممتلكاتج الخاصة دايما دانة وسعوود اتوقع بحياة حلووووووه قاعده تنبني بينهم شوي شوي والنهااااااااية أتوقع سالم بكون فيه شي او انه يمووووت لالا مسكين مها ضالمته احس اخ مسكين هل السالم من وين يلقاها :confused: وننتظرك يا نفوووس ومشكووووووره على القصة ونبي بعد من ابداعج واناملج الحلو نملي عيووونا ونقرا القصة ونكملها :) |
سلاااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااام
احلى بوسه االاحلى نفووووووووووووووووووووووس وش الجزء هذا يفقع المراره بغيت انط من الجهاز اخنق ام اعزيز الحيييييييييييييييين خربت الدنيا صدق ما تفهم تثيره بعدين مع السلاااااااااااااااامة اخوي بس عجبني انه سواه فيهاااااااااااااااااااااا كذا عشان تعرف شكثر هي جارحته كلامتها قاسيه طلعته من طوووووووووووووووووووووره موو كافي كلاها اول متقرفه منه سالفة الشاليه بتجيب رااااااسها ( نوف تبيم لا ام نوف اللي ميته عليك خخخخخ يمه من الحريم) بس احسن ليته يقعد شهر بشاليه خخخخخ يمكن عزوز ونوف يرجعونه .................... بس وش راااح يصير لما يرجع هل رااااح تتغير الامور ولا على حااااااالها هند جعلك الموت بنت توك صفيره منين جااااااايبه السوالف هذي الحمدالله انهاقررت تترك نوف بس اللي يخوف خطط اخوهاااااااااااااااا يوم طلب رقم جواهر وش راااااااااااح يسبب لها من مشاكل مااااااااااااااااااااااااااااجد شف انا اول اكرهك اكرهك ماااااااااااااا اطيق اشوف اسمك بس الحين يااااااااااااااابو فيصل صرت جنتل انقذت اختك من دماااار بيتها وان شاء الله تلقى السعادة مع دلال اللهم امين نفوسة قلبي ادري اني مقصررررررررررررررررة بس والله اسبوع الاجااي تبدى امتحانات نهاية الترم وابوي مصكر علي الله لايوريك ادخل بسرقه هههههههههههههههههههه بس مااااااااااا يهوم على اشوف بارتات مااااااااااااااااااا ارد بذااااااااات قصتك وش راااااايك بنت خالتي ترااااااا ادوشتها على القصة اقريها واقريها حتى اني انا اللي حملتها لها وعطيتها بس عشان تقرها خخخخخخخخ بس متأكدة انها راااح تدعيلي الف شكرررررررررررررر نفوس على البااااااااااااارتات ارائعه |
فلحة
هلا والله بأمطار الوسمي هلا بالقطرات العذبة خلاص طمناكم عن عبدالله ماراح يمرض هذا طوفة ما يأثر فيه شوي برد لا تحاتينه فوتوجنك ما تعني اثارة أنتي مثلا وربك اللي خلقك فوتوجنك كأني شايفتك الفوتوجنك: اللي الكاميرا تحب وجهه يعني عمره ماتطلع صورته شينة من وين ماتصورينه صورته تجنن حتى وإن كان هو شخصيا موب حلو أبلة كويتية خجلتيني يا أبلة والله خجلتيني ويارب أكون استحق تكرمك علي بتعليقك الاول وأكون أستاهل هذا الشرف من أحلى أبلة في الكويت الله يبارك في ميثة وعلي اللي جابوج لي ويرجع صدى صوت تكملها.. خليج الحين مع جواهر وعبدالله اللي أتمنى أنهم جد عجبوج لين امتحان الكيمياء والاحياء والحاسوب والعربي والرياضيات وكل الامتحانات اللي بتراقبين عليها لا تحرمينا طلتك واتمنى مايكون هذا تعليقك الأول والوحيد سافانا شكرا ياقلبي ويارب اكون عند حسن ظنك كادية وأنا يسعدني هذا التوافق أكثر هل تعلمين كادية ردك يحمل حكمتنا العربية الخالدة خير الكلام ماقل ودل عباراتك القصير الحادة المكثفة تحمل بعدا فكريا واسعا لو حاولت أنا أن انثر الفكر العميق الموجود في عباراتك قد أحتاج لصفحتين أنا لا أتمتع بهذه الموهبة أنا جعجاعة وأخشى أن أكون كمثلنا العربي: أسمع جعجعة ولا أرى طحنا كلمة في أذنك أشعر أنك توجزين لأنك تخشين أن تكشفي لنا سرا ما!!! Bent EL-Q8 هلا والله بشيخة بنات الكويت أشلونج اليوم ياقلبي أنت؟؟ الحين خلي دلال توافق على ماجد وعقب نشوف سالفة العيال ولو قلت لج الدم دم محمد ليش ماتوقعتي هالتوقع؟؟ اقري وشوفي البارت الواحد بس نونو/ حياتي عذاب يا هلا والله بالعسل كله يسلم لي المخ المصفى والدقة في الوصف والوقوف المتأني عند الشخصيات رائع هو تحليلك ورائعة أنتي رائع توقفك على العلاقة بين عبدالله وجواهر غاية في الشفافية والعمق لا تحرمينا وقفاتك وتأملاتك أنا الحلى كله مشكورة يالحلا كله خجلتيني يابنت النبع الصافي يسلم لي اللي أكبر همه زين الشباب خلو جواهر تعذبه شوي وش فيها؟؟ 17 سنة وهو يعذب فيها مستكثرين عليه عذاب كم يوم؟؟ زارا فديت اللي قلبه خفيف أنا هذا كله خرعة على الشباب لو اللي رايحين الشيبان أبوعلي وأبو خالد ومعهم ابو جبر وصاير عليهم الحادث كان عادي عندج وقلتي طريقهم الشيبان ريحوا وارتاحو بس عشانهم الشباب قلبج صار رهيف وفيه زلازل وبراكين واعاصير شكلج تبين السيارة باللي فيها في مجموعتك القصديرية كان ماتجين تقرين عليهم الفاتحة في المقبرة زين <= فيه أفكار تحثني على طريق المقبرة فديتج والله زوير ومبروك رجوع غيثك مها175 هلا والله بالطش والرش اشتقنا لك يا بنت شفتي لا غبتي علينا أشلون الاوضاع تنقلب لا عاد تغيبين علينا وجه الصباح ياهلا والله بوجه الصباح وخيره وطلته إن شاء الله إن روايتي تكون غير في كل شيء بس الأكيد إنها غير بطلتكم وتفاعلكم توقعاتك بين طاش وماطاش نور تسلمين ياقلبي والله العظيم خجلتيني يارب أكون أستحق بس والروابط اللي حطتها أم أحمد يارب يخليها لي ولا يحرمني منها يارب بس إن شاء الله أني باكمل عليها جووودي هلا والله بالطلة العسل وينها مذهلة غاطسة؟؟ اشتقنا لها توقعاتك اليوم بين خاب وصاب تابعينا وشوفي Emomsa اشتقت لوقع خطواتك المميز تغيبين طويلا ولكن كما يقول مثلنا الشعبي من طول الغيبات جاب الغنايم وغنائمك اليوم أشبه بالكنوز والدرر النفيسة استمتعت حتى الثمالة بقراءة تعليقاتك وتحليلاتك الدقيقة توقعاتك الخمسة عن عودة عبدالله كلها طاش اقري بارت اليوم وستعرفين لمَ سيعود؟؟ لا تطيلي الغياب علينا وردة الياسمين إن شاء الله أكون عند حسن ظنك يارب وأنا سعيدة بالفعل بتوقفك العذب عند بعد الغياب شفي2002 ياهلا والله بالمرور تسلمين ياقلبي سلطانة الشرق برافو ليه ؟؟ ماراح اقول لك الحين تابعينا وتعرفين بنفسك إرادة الحياة الله لا يحرمني منك قولي آمين أولا شكرا على تعبك في الروابط والله العظيم خجلتيني ثانيا: اليوم متألقة ، كل يوم متألقة بس تألقك اليوم له بريق شفاف يشع من أحرفك الرائعة توقعاتك أممممممممممم أحب تشوفينها على أرض واقع الرواية وشفتي البنات حرام عليهم كلهم يبون يموتون سالم.. وش رأيك أموته عشان خاطرهم؟؟ لا تحرميني طلتك الغالية بوسي والله العظيم اشتقت لك يا قلبي مكانك خالي في قلبي وبين الصفحات دائما تشعرينني بالحرج لأني ارى تعليقك يتجاوز قصتي فتصبح قصتي كفتاة تتزين بعقد هو أجمل منها أحب أنا أقرأ كثيرا في الأساطير من جلجامش وعشتار في العراق للمهارابارتا وراما في الهند لازوريس وأيزيس في مصر الفرعونية لسلسلة طويلة من الاساطير الرومانية واليونانية وليس في الأمر تعارض مع الدين فأنا ولله الحمد متدينة جدا والحمدلله على نعمة الأسلام والقرآن الكريم حكى لنا حكايات الأولين ولكن في التعرف عليها نوع عميق من المتعة لانها شيء عصي على التخيل، والانسان يتمتع بما يتجاوز حدود خياله وهانا مثلك أخرج عن الموضوع عبدالله وجواهر حكاية مستعصية مازالت مستمرة دلال شخصية مختلفة سيكون لها حضور مميز لا تقاطعينا والله يخلي لك بنوتتك الحلوة غربة هلا والله بالغربة الأحلى أسطوانة مرة واحدة؟؟ حرام عليك لهالدرجة أنا صرت شريرة بس زين الحمدلله عدلتيها في الأخير وتراجعتي وقلتي أنك تحبين قفلاتي لأن القفلات مستمرة معنا لين نخلص إن شاء الله سندوسة هلا والله بالحلوة أحس أن قلبك طيب وايد ليه ما أدري روح شفافة تتنطنط بين سطورك أشتكي بصمتي أنتي عسل وأنا والله اشتقت لك حتى قلت لبنت خالك توصل لك سلامي تعليقاتك وتحليلك والله واو مخ نظيف يابنتي بس المهم توظفينه في الدراسة شوفي ياقلبي أهم شي دراستك ووقت الامتحانات لا توطوطين هنا حشينا رجولك حش لا خلصتي احنا قاعدين ننطر |
صباح الورد والفل والياسمين
صباحات الأشراق والبهجة والمتعة صباحات التواصل والروعة جزء جديد وأحداث جديدة ومشاعر جديدة قد يكون قصيرا ولكن أكاد أجزم أنه دسم أتمنى أن تتمتعوا به ويكون متعة فكرية وروحية لكم استلموا بعد دقائق الجزء الجديد 56 قراءة ممتعة مقدما ولا حول ولاقوة إلا بالله |
بعد الغياب/الجزء56
بعد الغياب/ الجزء السادس والخمسون #أنفاس_قطر# سعود لما شاف محمد والدم مغرقه.. ماقدر يستحمل.. حس رجوله أصبحت مادة هلامية غير قادرة على احتمال ثقل جسده محمد اللي انتبه للرجّال اللي طاح عرف بقلبه قبل عينه أنه سعود.. قام يركض له وهو يسحب رجله والممرضين وراه برعب.. محمد بعمق حزين قاتل ساكن كسكون الموت: سعود أنا بخير.. قم جعلني فداك.. سعود تسند على يد الممرض اللي قومه وقال له بقلق: لا يا أخويا.. الأستاز مش بخير خالص.. عنده أصابات مختلفة في مختلف نواحي جسمه ونزف كثير.. واعتقد أنه يمكن عنده التواء في الكاحل.. إزا ماكنش كسر.. بس هو معند.. ما يتعالجش إلا لما يتأكد أن التلاتة اللي معاه كلهم كويسين.. سعود بلهجة قلق قاتل: والثلاثة الباقيين أشلونهم؟؟ الممرض: اتنين وضعهم مستقر وحالتهم أحسن حتى من حالة الأستاز اللي مش راضي يتعالج.. بس التالت حالته صعبة خالص وتحت رحمة ربنا ************** جواهر صحت بدري.. مع أنها ما نامت إلا بعد ماصلت الفجر.. كانت تبي تتطمن على نوف ودراستها.. وخصوصا أن امتحان نوف بعد ساعتين.. بدلت وجات تبي تطلع، رن موبايلها، رقع قلبها لهفة ووجع مافيه حد بيتصل بدري كذا إلا لو كان عبدالله.. لكن المتصل كان أخوها عبدالعزيز يخبرها عن العرض الخيري اللي مسويه راشد وزملائه في فيلاجيو لجمع التبرعات لأهالي غزة.. ويطلب منها تبلغ كل الناس اللي تعرفهم.. جواهر ردت عليه بود: إن شاء الله ياقلبي، وانا راجعة أنا ونوف من الجامعة بنمر عليه شوي.. عشان نوف لازم ترجع تدرس امتحانها اللي بعد بكرة.. لما قفلت من عبدالعزيز، فوجئت بثمان مسجات ماانفتحت فتحتهم وصعقت.. السبعة الأولى مسجات حب وغزل ساخنة جدا.. في كل مسج اسمها هي.. (شكت بأمل ضعيف دامي أنها ممكن تكون من عبدالله) حتى وصلت للمسج الأخير فيهم " جواهر ياروحي أنتي والله أنه مايعرف قيمتك ولا يستاهل تراب رجولك أنتي قاعدة في البيت بس هو وين الحين؟؟ ومع من؟؟ وفي حضن من؟؟ إذا هو ماعارف النعمة اللي عنده والله غيره عارفها إذا هو يرفس النعمة غيره بيموت يبيها " جواهر توترت.. وتوترت بشدة.. (من هذا؟؟ وأشلون عرف إن عبدالله موب في البيت...) (يكون ماجد؟؟ لا لا مستحيل.. ماجد رجّال فيه خير ومايسويها..) جواهر كانت تبي تتصل في أخوها عبدالعزيز.. تعطيه الرقم.. عشان يتصرف.. بس عقب قالت لروحها: عبدالعزيز بيستغرب ليه أقول له، وما أقول لعبدالله... أنا بأنتظر شوي.. لو تكررت المسجات تصرفت.. وعقب مسحت المسجات كلها **************** عبدالله مانام نهائيا.. كان مرهق جسديا ونفسيا ومستنزف روحيا.. قعدته هنا ماريحته ولا حتى شوي.. وهو قلق على نوف وامتحاناتها.. بس مايبي يرجع العذاب بعيد عن جواهر أهون من العذاب جنبها (الحين أبي أنام واذا صحيت يحلها الحلال) خذ حبتين منوم.. مع أنه أصبح يكره اضطراره لاستخدام المنومات عشان يخدر روحه قبل جسده.. ****************** أم جاسم عند بنت أخوها دلال في بيتها..دلال كانت ساكتة وحزن حاد يعصرها.. أم جاسم بود: هاه يا بنتي وش قلتي؟؟ دلال بحزن: يمه تكفين.. أنا جربت نصيبي في العرس.. الله يرحمه ما أبي أتكلم عليه.. بس كرهني في الزواج والرياجيل.. ويوم الله رحمني منه.. تجين تبين ترجعيني لذا الدوامة مرة ثانية.. أم جاسم بحب: يادلال أنا مربيتج مع بناتي.. وأنتي والله العظيم أغلى على قلبي منهم.. تعتقدين أني بارميج على واحد ممكن يعذبج..؟؟ دلال بحزن غامر: مثل ما أبوي رماني.. مع أن أبوي كان يحبني أكثر من روحه وعيونه.. أم جاسم بحزن: أبوج أنغش فيه.. وأنتي عارفة أني ما كنت راضية بالمرحوم.. بس ماجد غير والله غير يا بنتي.. دلال بحزم حزين: ما أبيه يمه.. يمكن أنتي بعد منغشة فيه مثل ماكان أبوي منغش في المرحوم.. وأنا ما أبي أتزوج خلاص لا ماجد هذا ولاغيره.. أنا اكتفيت من جنس الرياجيل كله أم جاسم بحزم: يا تاخذين ماجد.. يا تأخذين جاسم.. وبما أنه أنتي خايفة من ماجد لأنج ما تعرفينه.. فأكيد ماراح تخافين من جاسم لأنج تعرفينه عدل.. **************** فاطمة ومها ومنيرة.. توهم خلصوا امتحانهم.. منيرة حزينة لابعد حد، والبنات قاعدين جنبها ويواسونها منيرة بحزن: زين لو نجحت على الحفة، عقب ما كنت متوقعة أجيب في المادة هذي أ.. الله يأخذك ياسالم الله يأخذك.. كله سبايبك.. مها برعب: حرام عليش تدعين عليه كذا.. لا ومن قلبش بعد.. منيرة بحقد: الله يوريني فيه عقوبته.. مثل ماخرب حياتي.. فاطمة برعب هي الثانية: حرام عليج منتي بصاحية.. ليش تدعين على الولد كذا.. خلاص طلاق بيطلقج.. وش تبين فيه تدعين عليه..؟؟ منيرة اللي قلبها انحرق وصار أسود: زين وطلقني..؟؟ وأيام العذاب اللي أنا شفتها وعانيتها تعدي كذا.. مايعاقبه ربي عليها..؟؟ مها بعمق: بس سالم ماله ذنب.. لا تصيرين حقودة كذا.. لا تحطين حقدش على هلش فيه.. يعني لأنش ماتقدرين تدعين عليهم.. تدعين على ذا المسكين.. منيرة بقهر: خلي الله ياخذه.. من اللي بيحزن عليه يعني..؟؟ لا أم ولا أخوان ************* جواهر ونوف راجعين من الجامعة.. جواهر طلبت من أفضل يوديهم فيلاجيو.. نوف بتوتر: يمه أبوي بيرجع اليوم؟؟ جواهر بنبرة هادئة خلفها ألف انفعال: إن شاء الله حبيبتي.. جواهر كان فيه ألف هم يتنازعون في قلبها... غياب عبدالله اللي هي بتموت قلق عليه وشوق له.. والمسجات الوقحة اللي ما وقفت من صبح.. واللي مع كل مسج تزداد حراراتها ووقاحتها.. ونبرة التحريض على عبدالله والتشكيك فيه.. وأنه صاحب علاقات نسائية متعددة.. جواهر أخر شيء هداها بالها، إن موضوع المسجات خطير وما ينسكت عليه.. ولو سكتت عليه ممكن يخرب بيتها.. قررت أنها تقول لعبدالله عنها.. لأنه هذا هو الحل الصحيح حتى لا تدخل نفسها في دوامات بعد كذا.. اتصلت في عبدالله مرتين بس مارد عليها.. جواهر حست بألم.. (مايبي يرد علي) جواهر كانت كرامتها تحاول إنها تقنعها أنها خلاص ما تقول لعبدالله شيء.. وبكيفه.. بس عقلها قال لها: لا تتهورين في موضوع خطير مثل هذا.. فارسلت لعبدالله مسج: " عبدالله اتصل لي أبيك في موضوع ضروري" لكن عبدالله (اللي كان رايح في النوم) مارد عليها.. أخر شيء قررت جواهر انها تجيبها له على (بلاطة) وبكل حدة جارحة : " عبدالله فيه واحد مستلمني مسجات وقحة من لما أنت طلعت من البيت أنا حبيت ابري ذمتي بما أنه اسمك زوجي" بس عبدالله بعد مارد عليها.. جواهر ولعت (صدق مافيه نخوة ولا مروة ولا غيرة) قررت تلعب على الحبل الاخير.. " عبدالله استلم كم مسج من المسجات اللي جاتني" بس بعد عبدالله مارد عليها.. حست قلبها مات بكل معنى الكلمة (معقول لهالدرجة أنا بدون قيمة عنده؟!!) لكن قبل ما تنهار الانهيار الأخير.. قررت تقوم بمحاولة أخيرة خذت نفس عميق: نوف دقي على أبوج.. نوف اللي دقت مارد عليها أبوها، فقررت تتصل على حارس الشاليه اللي قال لها أنه راح جاب لعبدالله بنادول نايت.. وإنه نايم الحين.. جواهر اللي قلبها رجع يتنفس من جديد والحياة تدب فيه.. ارتعبت (يا ويلي.. ليتني ما أرسلت له المسجات اللي جاتني.. الحين وش بيفكني منه؟) ****************** دانة من لما طلع سعود من عندها.. أصبحت مثل جسد بدون روح.. حاسة بقلق خرافي..بل رعب قاتل.. طول اليوم وهو تدور في البيت.. موبايل سعود مقفول وتتصل من أمس على موبايل خالد اللي مغلق هو بعد.. أصبحت متأكدة إن الشباب صار عليهم شيء كايد والرعب عندها ارتفعت وتيرته لأقصى حد... وهي صارت مثل حارس للبيت.. كل شوي تطل على البنات وأم سعود.. مها من لما راحت الجامعة لحد مارجعت وهي كل شوي تتصل عليها.. والجازي ما أرتاحت لحد مارجعت من المدرسة.. مها تقول لها بعيارة: يعني عشان سعود في الزام.. تخنقيننا كذا.. وإلا هذا من تأثير الشوق له.. تحطين الحرة فينا ************** سعود متمدد تعبان على سرير جنب سرير محمد اللي كان مخدر.. رايح في النوم سعود طلب من الدكاترة والممرضين أنهم يساعدونه يمسك محمد بالغضب.. ويبنجونه عشان يشوفون وضعه الصحي.. محمد كان مصمم بجنون أنه مايخلي حد يقرب منه لحد مايصحا سالم ويتطمن عليه.. بعد ما تطمن على خالد وجبر.. وكان ينط على رجله المكسورة.. قدام غرفة العناية اللي سالم مرقد فيها.. سعود جاه من وراه وكتفه.. سعود كان أطول من محمد وأعرض وبنيته أقوى.. في الوقت اللي محمد أصلا كان منتهي ونازف كثير.. فماقدر يقاوم كثير.. رغم أنه كان يصيح بألم ووجيعة وقهر: تكفى يا سعود..تكفى خلني.. تكفى خلني لحد ما أتطمن على سالم أول.. سعود أصر ما ينقل لمحمد دم غير دمه هو.. فسحبو دم كثير من سعود.. لحد مابدأ سعود يفقد وعيه.. الحين سعود وضعه أحسن شوي بس بعده مرهق لأبعد حد.. كان يبي يتصل بدانة يطمنها ويتطمن عليها وعلى أمه وخواته.. بس كان مو قادر يقوم من التعب.. والموبايل فاصل شحنه.. ومايدري من وين يشحنه.. كان سعود يطالع محمد بحنان.. يبي يتأكد للمرة الألف انه حي وبخير.. محمد كان في جسمه إصابات مختلفة من شظايا زجاج السيارة اللي تحطم من قوة ارتطامهم بالشاحنة اللي كانت واقفة في نص الطريق بس محمد ما أنتبه لها.. عدا عن كسر مضاعف في رجله اليسار.. قد ماكان سعود فرحان لسلامة محمد وخالد وحتى جبر.. كان حزين بذات العمق على وضع سالم الخطير.. سعود كان يحس ناحية سالم بمودة خاصة.. لأنه كان يحس وبعمق أخوي إنساني كبير بأحاسيس سالم اللي تيتم من كل ناحية.. ومع كذا ماخلى الحياة تهزمه.. لكنه حاول يهزمها.. لكن الحياة الحين طلعت لسانها لسالم.. وقالت له: نجيت أول مرة من الحريق مع هلك؟؟ ياترى بتنجى الحين؟؟ ****************** جواهر ونوف في فيلاجيو.. نوف بتوتر: يمه أخاف أبوي يرجع البيت ما يلاقينا.. وانا أبي أدرس.. خلينا نروح.. جواهر بحب: يا حبيبتي بس أروح للعرض الخيري.. أتبرع هناك.. واعطيهم تبرعات القسم.. ونشجع راشد شوي.. نوف بطفش: ومن راشد بعد؟؟ جواهر بنبرة احترام ودية: هذا ولد والله العظيم انه يمثل نموذح مثالي للشباب.. الله يحفظه.. أعرفه من يومه صغير.. هله جيران بيت خالي.. وصلت جواهر لمكان التبرع.. وشافت راشد واقف يوزع البورشورات.. جواهر اتجهت ناحيته: السلام عليكم.. راشد اللي عرف صوتها، قال وعينه في الأرض: هلا والله بأم عبدالعزيز.. الحمدلله على سلامة عيالج.. عبدالعزيز قال لي.. وقلت له يوصل لج سلامي.. جواهر بود راقي: وهو بلغني.. وهذا أنا وبنتي جايين اليوم نسلمكم تبرعات باسم قسمي في الجامعة.. راشد رفع رأسه باحترام وود، وشاف البنت اللي ملامحها طفولية جنب جواهر ولابسة عباية مسكرة وشيلتها مثبتتها عدل على رأسها : ياحليلها بنتج..الله يخليها لج.. زين تسترينها كذا من وهي صغيرة.. ووجه كلامها لنوف: أي صف يالشاطرة؟؟ نوف ضحكت وقالت بعيارة محترمة: صف أولى جامعة يا عمي.. راشد تمنى الأرض تنشق وتبلعه من الاحراج وجواهر عصبت على نوف لابعد حد.. بس كتمت عصبيتها.. وقالت لراشد: تفضل.. واسمح لي أهنيك على تفانيكم في خدمة قضايا الأمة.. الله يكثر من أمثالك.. راشد خذ الفلوس وهو موقادر يرفع عينه من الأرض: مشكورة يا أم عبدالعزيز والله يكثر من أمثالك بعد.. ثم انسحبت وهي تشد نوف من يدها نوف بتوتر: يمه وش فيج علي؟؟ لما وصلوا السيارة، جواهر بحزم: عقب اليوم ما تطلعين من البيت إلا لابسة النقاب اللي عطيتج.. حجتج المتكررة أنج صغيرة خلاص ما أبي أسمعها.. نوف برجاء: يمه فديتج توني على النقاب.. جواهر بحزم أكبر: أنا قلت كلمتي وخلاص .. إلا لو تبين تسمعينها من أبوج بعد.. نعنبو.. الولد استحى وانتي ما استحيتي.. نوف باستسلام: خلاص يمه خلاص اللي تبينه.. ******************** جواهر .. انتظرت اتصال من عبدالله طول فترة المساء لحد ماجات الساعة وحدة بالليل بدون مايتصل جواهر بحزن وتوتر: خلاص .. أكيد ماراح يتصل الليلة ولا يجي.. وتمددت جواهر بنفس وضعيتها البارحة.. على غترة عبدالله.. وفي مكانه.. وهي تحس إن ريحة عطره الدافئة اللي معبية غترته تهدي شوي من وجيب قلبها المضطرب.. وتسكن أعصابها المنهارة ***************** عبدالله صحا من النوم تقريبا على الساعة 12 ونصف.. قبل مايسوي أي شيء توضأ وصلى صلواته الفايته.. وهو يلعن الشيطان.. وهو عاتب جدا على نفسه.. (ماذي بحالة يا عبدالله .. عمرك مامرت عليك ذا الحالة.. تفوتك كم صلاة ورا بعض من سبة النوم) عقب سوى له كأس شاي عشان يصحصح.. وخذ التلفون يبي يتصل بماجد.. يفضفض شوي ويسولف.. فوجئ بالاتصالات.. لكن انصرع واحترق وانذبح من المسجات.. عبدالله حس أنه ولع.. احترق.. انتهى من الغضب.. حس بالنار تجتاحه من أطراف أصابعه لأخر أطراف شعره.. وهو يتخيل مجرد تخيل (مجرد تخيل) إن جواهر قرت ذا المسجات.. فكيف وهي قرتها حقيقة (لا وهذي بعضها.. عجل الباقي أشلون..) بدون تفكير .. وحتى بدون مايبدل ملابسه الرياضية.. ركب سيارته وهو راكبه الف عفريت.. ******************* الساعة 2 ونصف صباحا.. جواهر نايمة بغرفتها.. عبدالله وصل للبيت مايعرف أصلا أشلون وصل لأنه ماكان يشوف الطريق من الغضب والحرة والعصبية اللي كانت معميته.. أشلون قطع الطريق من الخور لبيته في الدوحة في 40 دقيقة.. مايعرف.. كم رادار قطع.. مايعرف.. أشلون ربي ستر عليه طول الطريق.. مايعرف رأسه فيه هدف واحد بس مثل علامة استفهام ضخمة تلتهم أفكاره.. ثم تعيد نسفها هدف واحد بس جواهر #أنفاس_قطر# |
سوري على غياااب امس بس العتب على الاتصالات هههههههههههههههههههه
حجز مكان لي رد>>>لي ام احمد اتسالين ليه انا مدري خخخخخخخخخخخخخخخ>>>بس مارح ارد الان ياويل حاالي عليك ياعبود اجل تسلطو عليك في جوجو حبيبتك جعلهم العمه يااارب بس اتمنى تكون حكيم في تصااارفتك ولا تكون مراهق بو عشرين سنه ....اكيد عبود صحيح دخل متخبل على جواهر بس مجرد مايشوفها نايمها بي اماااان اخ اخ عليه بيروح فيه الرجااال اكيد لامحاااله على هاشي بيقعد يبقق عيونه فيه بس هل بينتبه لي غترة او لا؟؟؟؟................ وبعدين يانفوسه انتي متى تبطلين حركة النذاله هاااذي وتوقفين على وقفاااة غلط شكلي انا الى اليوم بدل زارا بذبحج بالاخص زارا اليوم مشغوله بي حبيب القلب غيث بن علي بن سيف خخخخخخخ سعود يعيني عليه الرهيف مو مشكله يشوف اي احد من المستشفى ويعطونا شاااحن اكيد ... حمود هذا فعااايل بس ان شاء الله تطلع منه واخ اخ اخ على المخبوله منيره ياترى لوتسمع عن الى صااار لي سلوم تترجع عن اخبااله او يانبه ضميره تدرين عاد احس منيره مخبوله ليه تكره الرجاال كذا كل هذا عشان البيت والله انها مخبوله وهي الى راح تخسر سلوم ولا تبغي يموت قبل لايخلف ذريه تحمل اسمه>>>روحي يااامنيره ان شاااء الله يجيب ويحرق قلبج ام جاسم خطيره عملت هذي الحركة عشااان تضمن الموفقه على ماجد واتمنى ماتكون نذله وتقول ابغي جاسم؟؟؟؟؟؟؟؟؟؟؟؟والله ننصدم صدمة العمر مذهلة |
السلام عليكم ورحمة الله
ماشاء الله ولاحول ولاقوة إلابالله روووعة هالجزء وبالفعل مر على تقريبا كل شخصيات القصة...... أنا قايلتلك قبل ماأحب أتوقع معك لأني أستمتع بصدماتك لنا..... واليوم إنتي ماشاء الله عليك أبدعتي... أبدعتي .... بذات برجعة عبدالله للبيت ولا يكون السبب فايز.. والله خطير هو وأخته هند مسوين خدمات للعايلة الكريمة وهم مايدرون.. ..وبعدين تكفين استسمحيلي من دانة أمس شرشحته .. أقول ليه ماتدق على خالد.. طلعت مسيكينه داقة بس الجوال مغلق<< إن بعض الظن إثم دلال الله يهديك إن شاء الله وتوافقين على ماجـــــــــــد ارحميه لاتصيرين أنتي والزمن والبنات عليه..... كل الشكرلكِ... دمتي في حفظ الرحمن |
حبيبتي يسلموووووووووووووووو بارت حلو وتوقعت انه النذل يبعتلها مسجات بس ما توقعت انه جواهرتحكي لزوجها شوقتينا بجد شو بدو يصير بين جواهر وعبد الله والله يخليكي لا تموتي سالم حرااااااااااااااااااااااااااااااااام وشكرا يا عسل بنستنى البارت الجاي عنار لا طولي علينا حبي
|
ابداااااااااااااااع ما شاء الله
لدرجه احاول اتخيل الاحداث الجديده ونهايه القصه ههههههههه اتوقع سالم مايموت دلال تتزوج فيصل بالتووووووفيق تقبلي مروري |
نفووووووووووووووووووووووووسه حراااااااااااااااااااااااام عليك..ليش تسوووووووووووووين هالحركاااااااااااااات.. والله تعباانه وهلكااانه وتوني رااده من الدواااام...وعلى طووول عالقصه. .قبل لا اتخمد...وبعدين تعطيني هالقفله...المميته..والله حراااااااام...اشوى اني ما شفت قفلة امس الا توي بعد...!!!!!! عالعموووووووووم..لي رده للتعليق....بس حجزت مكااااااااااااااااااان...لحد ما اصحى.... بس في اشيااء واقفه بحلقي ولازم اقووولهااا.. ام جسووووووووووووم يا انهاا قااهرتني قهر.....الحين ليه تدخل جسوووم بالسالفه مررره ثااانيه... تقهر من قلب..والاخت الثاااانيه يا خوووووفي انهاا..تقووول جسوووم اعرفه اهون من اللي ما اعرفه..واتزوجه على ورق عشان خالتي ماتحن على راااسي.... .ومن خرابيط البناات ذي...اللي تجيب المرض..... والشي الثااني الحيييييييييييين عبووووووود بيرد البيت معصب بغض النظر عن سبب التعصيب. .وبغض النظر وش بيسوي في جواهر..وكيف بيواجه الموضووووع... عبوود بيرد البيت وجواااهر...نايمه على شمااااغه.؟؟؟؟؟؟؟ وش يعني ذا الشي..؟؟؟؟؟؟بداايةلشي حلووو..؟؟؟؟. ولا يااخوووفي تكون جواهر مع النووم رفست الشماغ لرجولهااااا...خخخخخخخ<<<<<<<< لازم اتوقع الامتوقع معك...عشان مو كل مرره تطلع توقعاتنا على فشووووش.. خلاص الشي الثالث قبل لا اروووح اتخمد... رشووووود بيعجب بنووووف شكله..<<<<<بالله ذا الي ماسكه نفسك وتبين تقوولينه.. بسرعه... خخخخخخ ..عنوووووده شكلك عديتيني بشطحااااتك...خخخخ نفوووسه السمووحه......ذا شي عالسريع..ما قدرت امسك نفسي عنه.. .السمووحه لو فيه تخبيص..خخخ ولي عووده للتتمه<<<متعوب عليها التتمه..ترى.. نفووووووووووووسه..ابداااااع ماشاء الله تبارك الله.... يسلمووووووووووووو ياااعسل...والله يسلم ايدينك عن النااااااااااار ياااااارب.. |
ماااشاء الله لاقوة الابالله
بارت رائع......كروعة انفاسك....لاعدمناااك ..... اتوقع عبدالله .......يبي يهوله منظرر جواهر ...وهي محتضنه غترته ومكانه ...وبعدها ...... جواهر وقرار الام الصائب في المحافظه على بنتها..... بالباسها النقاب ....ام محبه لفلذة اكبادها ...مو عكس بعض الامهات هداهن الله... منيره...بتحن على سالم ....بعد الي صارر..وبتتغير..او يمكن تاخذمحمد اخوسعود..ومن يدري.. نجلالالا ..بعيارتها...الله يكون بعونها منظرين باقي الابطاال..... انفاسك غير .... |
أللللللف مبروك التميز أنفاس قصة من أروع مايكون .... ألف شكر لك .....وربي يعطيك العافية |
السلاااااااام عليكم..
شووفي ماارااح اصااايح ولاا راح ارفع صووتي واقوول قلبي ومدري وشووو.. لان قلبي هنااااك تركته عند غيثااااااااااني الرووح وغيثااني القلب.. وعشاان عيووون الروح والقلب ابو سيف رجع قررت اسبغ عليتس شرف اني اعتقتس هالمره من تاوهااتي ..وققرت اقاابل نذاالتس ببرووووووود شديد... يوااازي بروودتس يااا كيس الثلج... هع هع هع والله يباااارك في عمرتس ياارب.. وعقباال مانفرح بردت عبوود لجواهر رده فعليه... وبالنسبه لو ان الحادث صاار للشياااب.. نعم نعم كنت بزعل وبتضااايق.. لان قلبي رحوووووووم خااالص قلبي حنووووووووون فري مااتش.. مااايفرق عند المأسي بين شااايب وشاب.. ولااا بين شخص وسيم وشخص اوووسم.. هخهخهخهخه وبعدين ترى مااايجوز الحرمه ترووح للمقاابر حراام يااقلبي.. وعشاان كذا باكتفي للدعاااء لهم يووصلهم احسن من وقفتي فووق قبوورهم والووع كبدهم بالصيااح.. المهم يااا نفووسه هانم.. الجزء اليوم صرااحه زي مااقلتي دسم...وببدأ بالشباااب الله يقوومهم بالسلامه.. الله يعافيكم كلكم جميعاا.. بس ساالم يااقلبي عليه اصاابته شكلهاا خطيره مرره .. ومع هذاا اناا وااثقه انتس ماراح تموتينه.. نفووسه خاافي الله في الولد.. موو تموتينه وتقعدين تسووين له عزا يعنني زعلانه عليه.. انتي خلي اصاابته شووي خطيره موو خطيره بقووه.. وباذن الله يعافيه الله . ثم تجي منيره الحيوانه غصب عنهاا.. مهووب طيب الا غصب وتقعد تحت رجووله وتخدمه الدبيه..وهي ماتشوف الدرب.. : منيرة: وقص لساانتس ياا الحيوانه..دائماا كنت متعاطفه معتس.. بس اليووم وقسم بالله قهرتيني قهرررر.. كنتي بمنتهى القسووه وانتي تدعين عليه بس لما قلتي خلي الله ياخذه من بيحزن عليه وهو ماعنده اهل.. والله شهقت شهقه مااتصوورت يووصل حقدتس عليه للدرجه هذي.. وبعدين هوو ماله ذنب هوو حاله حال خلق الله خطب وابووتس اللي رحب.. وتالي تتمنين الموت له.. وعشان مااعنده اهل بيحزنون عليه تدعين عليه؟؟؟ كرهتس مرره مرره اليوم يامنيره وتبين الصراحه انتي اللي ماتستااهلين سالم ولااا يشرفه انتس تكونين زوجه له يالحيوانه.. بس انا حاسه من تعرفين عن حالته واللي جاه بتحسين بتانيب الضمير وبتقوولين لاايكون الله استجاب دعوتي.. ؟؟ عموماا انا بصبر لين اشووف ردت فعلتس وهذيك الساعه بشوف وش التكتيك اللي اتبعه معتس. نوف : تبين الصدق ياانوف اعجبتيني مرره لما مااجادلتي امتس بسالفه النقااب.. والله الستر زين ياابنت وبترتااحين فيه كثير صدقيني.. بس عاد ياانوف الحين انتي ام 17 او 18 سنه عجووز ترى مو صغيره ابد.. يعني لوو يجيتس عريس ويعجبتس بتوافقين وماراح تقوولين صغيره على الزواج.. هخهخه>> حركات انتن ياا البناات.. ومرات حركاتكن تقهررر.. فايز : اقوول ياافاايز مااودك ترسل على المنتدى رساله من نموونة هالرسايل عشاان نشووف وش الحكم اللي تستااهله عشان نطلقه عليك.. ترى يمكن يكونون ظاالمينك هالشيااب ويكون المسج عادي بس هم نتيجه لكبر السن مكبرين السالفه.. وعبود يمكن من غيرته مكبرها الف مره.. خبرك مهوو شباب مثلك ولاا بسنك عشاان يشووف التطوور اللي وصلتوا له يالصغاريه بقلة الادب.. هخهخهخهخه فعشاان ماااا يظلمونك ارسل هنا كم رساله وحناا الشعب النتي نقرر هل هي تستحق الي سواه عبود من سرعه وماا الى ذلك والا هوو شااايب مااايعرف هالاساليب الحديثه بالكلام المنمق... هع هع هع اقوول ياافااايز شفت الكلاام اللي فووق كله.. هذااا انت تبي تشووفه باحلااامك مني.. بس انا عااد بقوولك انك وااحد حيوان وصاايع وضايع.. وقليل ادب.. كيف يااحمار تغازل ام وزوجه ومااا اعتبرت اي اعتباار للدين ولاا اعتباار لاي حدود... انت يااحماار لوو واحد زي حلاتك غازل امك مالت عليك وعليها وعلى اختك فووقكم.. عادي عندي والا بيصير عندك غيره عليها؟؟؟ والله انت اتوقع بتشووف هاللي يغازل امك بتستفيد منه والا لأ؟؟ اذا كان غني وعنده فلوووس بترحب فيه ويمكن حتى تسووي له جووو مع امك. يااحمار.. النااس عديم المرؤه مثلك كثير بس بيكون عندهم ضوابط وحدود .. بس انت اتوقع عدم المرؤه عندك مفتووووح ماافيه اي ضواابط ولاا حدود.. ومع هذاا انا واااثقه انك ترسل هالرسايل من رقم مو مسجل يعني ماااينعرف صااحبه وهذاا الشي اللي بيخلي مهمة عبدالله صعبه بالاول بس هوو بيعرف من انت .. ومرده جااايبك وماااسح فيك البلاااط ومخليك عبره لكل من لاايعتبر.. راشد : هل انت شخصيه جديده بتدخل مع ربعنا وبيكون لك تاثير فعلي فيهاا.؟؟ والا بس الغرض منك ان جواهر تغطي بنتهاا؟؟؟؟؟ ام جاسم : انتي ياااعجوز الحين الا تزوجين جاسم دلال..؟؟ وحااطه لهاا اختااري كانها بقاعةاختبار؟هخهخه..وبعدين وش هالتصميم قالت لتس ماا ابي ..عفت الرجال. كرهني فيهم.. ماا ابي ارجع لهالدوامه مرره ثاانيه.. ووانتي الا تجيبين هالطاري اللي يغث البنت ؟؟ بس تدرين انا اتوقع تختاار ماجد .. لانها يمكن تقوول ان جاسم مثل اخوها ويمكن تقوول نجلا حبووبه وماا ابي اضاايقها ويمكن يكون اخوها حبووب زيها.. هذاا اذاا تركنا الامر لدلااال بتسووي كذا.. بس اذا تركناا الامر لتس. بانتي وكعاادتس بالنذاله بتزوجينها جاسم.. هخهخهخه جواهر : جوجو .. احييتس على تفكيرتس الصاائب بانتس تقوولين لعبدالله ومااادخلين احد من برا بالسالفه.. صح جوجو انتي مشيتي بالطريق الصح واهم شي هوو زوجتس اذا كان واثق وخليتيه بالصووره من اوول السالفه بانتي فكيتي نفستس من 90% من المشكله.. وبعد اعجبتيني في انتس رحتي شخصياا ومعتس بنتس عشاان التبرعات لاهل غزه.. صرااحه رووعه هالحملات اللي يسوونها عشان اهلنا بغزه .. صح هي ماراح ترد اللي راحوا لكن هي تبين ان الواحد يسووي اللي يقدر عليه والله يعينهم ياارب ويفرج همهم ويرد كيد اعدااائهم لنحوورهم.. عبدالله :: ياسلااااااام على الرجل الشرقي الغيووور. ياا اخي اوول شي الحمد الله على السلاااامه.. اشوى انك ماارحت فيها ولحقت الشباااب اللي بالحسااا.. وثاني شي انت الحين مفوووووول مررررره.. بس من تشوف جوجو وهي منسدحه على غترتك بتروح علوومك وطي.. هع هع هع.. >> نفووسه لوو سمحتي خليه يشوفها بهالوضع.. مو تسووين ان جواهر نوومها خفيف وتسمع صووت برا الغرفه وتقوم ويرووح الموقف اللي انا متوقعته وهالحركات البايخه اللي تسووينهاا.. المهم عبود انت مااراح تنااام اليووم وعندك ليله حااافله.. وماراح تنام الا تعرف من هالحيوان اللي تجرأ على زوجتك وارسل لها هالرساااايل الوقحه وبتجيبه لين عندك وهذيك الساعه الله يرحمك ياافاايز برحمته لان عبوود مااراح يرحكم ابداااااااا.. نفووسه مشكووره على هالجزء الحلوو والدسم.. وشووفيني رديت عليتس قبل ماا ارد على الخطوات.. لان الخطوات يبي لهااا باااال ارووق من الراااايق وهذاا ابوو سيف موو اي احد عشاان ارد عليه برد على المااااشي.. لاازم ارجع اقرأ الخطوه مالايقل عن 5 مرات عشاان اعرف شلوون اسوولف مع ابوو السياافي فديت رووحه الحلوه.. تووقع تووه الحين وليد اللحظه نط قدااامي ورجعت احطه: اقوول ياا نفووسه هل للتبرعات اللي يجمعها الخال عبد العزيز سبب في المشروع اللي كان بينفذه وكان يشووف انه يقدر ينفذه قبل زواجه...؟؟؟ يمكن بيرووح شخصيااا لفلسطين عشاان يشرف على توزيع هذي التبرعاات باي شكل كانت؟؟؟؟؟؟؟ وبما ان عبدالله رئيس البنك الاسلامي فبيكون له دوووور كبير بهالمسأله؟؟؟ يله نفووسه سي يا. اشووفتس على خير ياا احلى طير.. |
السلام عليكم ورحمة الله وبركاته
بارت ....... ممتاز جدااااااا ...... ..... وفيه الكثير من الوقفات وليست وقفة النهاية ....... الوقفة الاولى .......... عند رد دلال ...... اذا لم تكن موافقةعلى ماجد فلتوافق على جاسم ........ ومنتظرين الرد ... الذي سيترتبعليه اشياء كثيرة ........... الوقفة الثانية .......... ما مصير سالم ........ الوقفة الثالثة والاخيرة هي وقفة الاخيرة ........ يا ترى ماذا يدور في عقل عبدالله ........ ؟ اعتقد ان هذا البارت سينقل الاحداث الى مستوى اخر من الصراع .... والمواقف .........بين ابطال الرواية .... وهناك مشاعر ستتحدد .... ومشاعر قديمة ستتجدد ... ومشاعر ستنولد ...... وابطال جدد سيظهرون .......... عبدالله ... ما سيكون موقفه منها بخصوص المسجات ... وهل يعتقد انها مظلومة والا ظالمة ( لان الغيرة مهما كان تعمى ) وهل يعتقد انها حركة منها لكي يعود اليها ؟؟....... وما هو ردفعله عندما يراها نائمة في مكانه على غترته ؟ جواهر ....... نومك على غترته ... وفي مكانه ( منتهى الرومانسية ) ... تصرفك اتجاه المسجات تصرف ناضج وصحيح ... ولكنه سيجعل هناك صراع بينك وبين عبدالله لكن من نوع اخر .......... ( نوع تحكمه الغيرة ... وحمية الرجل على محارمه )..... اهتمامك الديني بابنتك ... وتوجيهك لها ... دليل عاى انكي ام حريصة على اولادها وحبها لهم .......( بعكس الكثير من الامهات الان ..... ربنا يهدي كل المؤمنات .....) دلال ......... يا قلبي .... شوفتي العذاب مع زوجك ......... ( شكله كان مريض بشكل اخر ........ وكان يطلع حرته فيكي ) او كان هوسكير ... ( واذكروا محاسن موتاكم ) ... ردك لام جاسم يدل على مدى العذاب والتعاسة والشقاء الذي كنتي فيه ......... ولكن ماسيكون ردك على الزواج ....( يا ترى جاسم ... ماجد ) ماجد ...... ماذا ستفعل عندما تعلم رد دلال .... هل ستجعل نجلا تكلمها عنك ... ام ان شهادتها لك مجروحة وفي نفس الوقت تحاول الا تحضر لنفسها ضرة ............. وهل دلال سترفض جاسم ......... حافظا على بيته .......... ام انها كانت تحمل مشاعر مخفية لجاسم .... وعندما تزوجت رضت بالمقسوم ... ولم تتكلم .... والحين جاءتها الفرصة ...انها تتزوج حبيبها .......... تساؤلات كثيرة .... ولن نعرف الاجابة عليها الا غداااا ............. راشد وعبد العزيز ......... كثر الله من امثالكم ( وربنا يهدي كل شباب امة محمد الى الطريق المستقيم ) راشد ونوف ......... يا ترى بداية لقصة جديدة .......ام ماذا ؟ سالم ......... ترى ماذا سيكون مصيرك ؟ ... وما موقف منيرة ؟؟ هل ستحن وتغير موقفها منك وتنتظر حتى تشفى ... ام ان مصيرك سيكون نفس مصير اهلك ؟ واذا ارادت الكاتبة لك الشفاء ... فهل ستكون اصابتك سبب في تقريب منيرة اليك ام ستكون سببا في بعدها عنك نهائيا ..........!!!!!!!! (شكلك يا انفاس تريدي ان تُبكي كل معجبيكي ... قلبي غير مطمئن لكي ... لدي احساس ان هناك حزن وفقدان احد الابطال لكن من لا اعلم ... يا ترى سالم والا عزيز ( اخو جواهر ) بارت .... سابق لاجزاء ستحمل احداث مفرحة واخرى حزينة ........ وستضع ابطال في مفترق الطرق ... ياترى ستختار سعادتها على حساب الاخرين ام انها ستختار سعادة الاخرين على حساب سعادتها .......... انفاس ..... متميزة في رائعتك الاولى ........ ولا نملك سوى ان ندعي لكي جميعنا ..... ان تتقدمي وتستمري ........... في ابداعك ومنتظرينك غداااااااااااااااا |
ان شاء الله سالم مايموت عشان الحبيبه ماتدعي عليه مره ثانيه ...ولماتدري عنه احسها راح تتعب كثير حسبالها ان دعوتها صابته ...
احسن شي الي سوته جواهر بعد هي مو ناقصه من عبدالله شي .تعلمه من اول باول بس الله يستر لاينقلب عليهم . ومشكوره على هالجزء ولونه صغير بس ماعليه مسامحينك مادامه يومي ... بس بكره بفتحه بالدوام واشوف البارت وان شاء الله محد يصيدني .صديقاتي يقولون هالقصص بس للمراهقات وانا عمري 32 يعني موكبيره ذاك الزود بالعكس القصه هذي بالذات احسها لاعمارنا .ومشكوره مرره ثانيه . |
يا ويلي صج مسجات زفته تقهر وتجيب العصبي اخو هندوه هذي يبي حد يقص ارقبته يحشها من على راسه واحد زفت وحقير يتعدى على اعراض الناس وبيجي يوم في الي بيتعدى عليه ان عقاب ربك لقريب وما يدري من وين راح تجيه الصفعه جواهر"تمنعها الكرامه يمنعها الكبرياء من ان تنطق وتعبر عن حاجتها لزوج وللرجل وللحبيب وهذا شي خطير يمكن يضيع عبدالله من يدها لزم تنسى الماضي وتعيش الحاضر وتفك الانثى من قيدها وتخرجها للعلان لكي تحب وتعشق لزم تنطق وتقوله انها بكل بساطه تحبه وتعشقه كرجل وانسان مو غلط ان المره تعبر عن حبها لرجلها الغلط انها تخفيه و اكبر غلط انها تحرمه من انه يعرف قيمته عندها عبدالله "يا ترى اي هدف الي انت رايح له هل هو دفاع عن ممتلكات ام دفاع عن حبك ام دفاع عن الانثى التي تكملك ام الوصول لجواهر قبل لا يوصل لها قبلك احد خوف يهزك ان الي يصير يسلب جواهر منك وتضيع من يدك بعد ما لقيتها تدري انت طول هذي السنوات جواهر كانت حاجز يقف بينك وبين كل النساء بينك وبين الحب لنك بكل بساطه احببت تلك الطفله لكن طفولتها وقفت بينك وبينها عدم نضجها وقف بينكم عدم قدرتها لسد احتياجاتك كرجل لصغرها وطفولتها اعذرك و ادور لك العذر لكن الحين انت امام الانثى الي تحسها جزء منك نصفك الثاني وبكل بساطه ما راح تخسرها لئي كان لهذا عليك ان تضع النقاط على الحروف وتكون بينكم جلسه مصارحه واعترافات تنهون بها اغلاط الماضي عشان تعيشون الحاضر ام جاسم هذي ما اعجبتني البنت ما تبغي تتزوج هي حره بس انج تغصبينها يا على ماجد يا على ولدج تدرين والله ان قلبي ناقزني من صوبج انج تبينها لولدج من زمان يمكن الافضل انج تخلين البنت في حالها وتدورين مره كبيره من قرايبكم او لتعرفونهم تقعد معاها ولا تبنون لها مكان منفصل عندكم بعيد عن عين ولدج وخليه يعيش حياته بدون ما تهدمينها ما دام زوجته مرضيته وهو حابها عزيزتي انفاس تسلمين على البارت وتسلم يدج وننتظرج في بارت قادم و احداث جديده تقبلي كل احترامي و تقديري ...........................................اختك حياتي عذاب |
مشكوره على الجزء الحلو
|
تسلميييييييييييييييييييين نفووووووووووووووسه
على الباااارت .. عبدالله بشوووف الجوهره وهي نايمه على شماغه اخصصصصصصصص بصراحه حراممم ليش قطعتي هنااا والله متحمسه مررررررررررره اما حركت نوف قويه بقووووووووووووه بس احسن ان امهاا غطتها عشان تفتك من فواز ساللم ياعمريي مرررره رحمته بس اتوقع منيره تخف عليه بعد الحادث تسلمييييييييين ولا تطولييين عليناا بليزز جـــــــــ,ــــ,ـــــودي |
غاليتي انفاس الكلام والقلم يعجز عن وصف ابداعك تسلم اناملك
يارب اعجبني تصرف جواهر حيال المسجات وانها خبرت عبدالله عنهم عشان مايشك فيها وماتسبب هالمسجات لها مشكله مع بو عزوز ماتوقع ردةفعل عبدالله لان كل توقعاتنا تذهب مع الريح تاركه هالمهمه لج نفوسه . الحمد لله ان الشباب بخير بس سالم ان شاء الله تكون حالته مب خطيرةوان شاء الله مايموت وإلا ليكون تموتينه ويقوم سالم يوصي محمد يتزوج منيرة تراج نفوسه تسوينها مافي شي غريب عليج .منيرة وجع وش ذا الدعاوي عشان سالم مسكين ويتيم وماله احد تدعين عليه مع انه ماسوالج شي صج انج لئيمه وحقودة وماتستاهلين ظفر سالم الله يقومه بالسلامه. راشد وعبدالعزيز عساكم عالقوة والله يجزيكم خير على جمع التبرعات لاخوانا في غزة .مسكين راشد انحرج ونوف ام لسان احسن لج تغطي ولبسي نغاب مثل ماقالت امج اشكبرج في الجامعه وتقولين صغيرة وتو الناس .فايز العلة الله ياخذك ماعندك شغل ولا مشغلة الا تخرب بيوت الناس بس تذكر كما تدين تدان يالضفدع. ان شاء الله عبدالله يمسكك ويطقك طق سنه بساعه عشان يبرد قلبنا فيك . مشكورة يااحلى انفاس وفي انتظار ابداعج. وجه الصباح |
السلام عليكم ورحمة الله وبركاته
يعطيج العافية عل قصة ما شاء الله وايد نايس :rfb04470: اضم صوتي لزارا . . .بليييز خلي عبدالله يجوفها واهيا راقدة ويمها غترته ولا تسوين وحدة من حركات النحاسة هههههههههه :lol: اكيد عبدالله واثق من جواهر وما بيشك فيها لو شنو عمى في عين فايز بس معظم شخصيات القصة عجبوني بس في شي ما عجبني جمال عبدالله وجواهر الخارق . . .ادري في بداية القصة قلتي انه هاي الشيء مبرر وله معنى بس بعد يعني . . . لو سويتي عبداله وسيم وجواهر حلوة ههههههه نهاية المسألة وصج صج مشكورة على تنزيل البارتات يوميا :) :flowers2: ناطرة البارت الياي |
السلام عليكم.. مثل ما قلتي بارت قصـير..بس دسـم بالاحداث..وبداية لاحداث ثانية..وصج صج ابدعتـي فيه..يعطيج الف عافيـه عليـه.. منيـره صج اني كنت متعاطفة معاها وايد..وصج انها كانت كاسرة خاطري... بس الحين ويوم دعـت عليـه كرهتها..لانه ماله ذنب بالي صار ابوها الي غصبهـا ولو سالم درى انها مغصوبة ما كان رضا ياخذهـا.. غير جذي يوم تقول ان من بيزعل عليه..ما عنده اهل..صج صج قهرتني اشتهيت ادخل بالشاشة واحط حرتي باهلها عشان تصير نفسه هع... او احط حرتي فيهـا اهي..صج ان لها حق ترفضـه..وما تنغصب عليه..ومن حقها ان تدري متى العرس..بس شي صار وخلص..تدعين عليه بالموت ليش..!! وشفتي كلامج ان محد بيزعل عليه..شرايج لو قتلج انج انتي رح تزعلين عليه لو مات..او صارله شي..!! ويمكن بعد تقولين لابوج انج ما تبين تتطلقين منه..!! فايـز صج وقـح..اذا من مسج واحد اشتهيت اخذ اكبر سجين"سكين" واقطعه فيها..او اخذ رشاش خالد الي كان بيقتل سعود فيه..واخلص كل الي فيه عليـه..هع..اوامممم تدرين شلون مابي اوسخ ايدي فيه هع..والي يسويه بجواهر الله برده له باخته..او امه او اي احد يحبه..يمكن فيه اهو بعد..وساعتها ما ينفع الندم.. نوف هههههههه حلوة عمي..امممم احس ان في شي رح يربطها براشد:) عبد العزيز&راشد الحمد لله الي في ناس بمجتمعنا جذي..والله صج حدي استانس لا شفت احد نفسهم...الله يكثر منهم.. محمــد يؤ حدي ما توقعت ان الدم دمـه..قلت لو دمه جان اهو الحين بالسرير..حلو منـه انه يبي يتطمن عليهم..بس مو على حساب صحته..خالد وجبر الحمد لله على سلامتهم..بس سالم شرح يصير فيـه..وشرح تكون ردة فعل محمد..اعتقد انه اهو الي كان يسوق..يعني بحمل نفسه الذنب..الله يستـر.. عبد الله اكيد بعصب وبسوي جذي...وان شاء الله يأدب فايز عدل..اممم جوود نبهتني لنقطة حلوة..وشلون ان جواهر نايمة على شماغه..يا انهـا تخشه لا قعدت يعني نحاسة هع..او انه يشوفه...ويعرف انها كانت فاقدته وتبي شي من ريحته.. ام جاسم انا ذابتحج ذابتحج..البنية ماتبي تتزوج..بطقاق خليها..اخوج وصاج عليها..مو وصاج تغصبينهـا..براحتها..البنت عافت الرياييل..انني شحارج..تقهريـــــــــــــــــــن دلال الظاهر كان زوجها الي مات موشي..وشلون كرهها بالزواج..يمكن سالفة الانجاب زادت عليهـا..او ان العيب يكون منه..او منهم اثنينهم..ولو ما وافقت على جاسم او ماجد فمعاها حق..توها طالعه من تجربة مرة..عكست لها صورة سيئة عن الرياييل..بس ياقلبي كلهم مو سوا..فكري واستخيري..ومن رايي تاخذين ماجد هع..وانا ادري انج رح تاخذينه..يقولون انج طيبة وماتحبين تخربين حياة احد..فلا تغيرين الصورة الي راسمتها لج ببالي..ولا بقلب عليج هع..جواهر حلو تصرفهـا وانهـا قالت لعبد الله..قبل ما تكبر السالفة اكثر..وقبل لا يتمادى مع اني اشوفه تمادى وخلص.. تقبلي مروري |
هلا أنفاس وشلونتس؟
منيرة: قهرتن يعني عشان ماله أهل عادي يموت هو وش دراه انتس ماتبينه منتن عليتس سالم ادعي على أبوتس كانتس صادقة ومن أول يقالي رحمته اللحين وديأذبحه ان شاء الله تموتين قبل سالم.. سالم يارب يطيب ويتزوج وحدة أزين من هالمنيرة طيب اذا كان يبي يجلس ببيت بوه ريحة أهله صار مجنون والله مالمجنون الا أنتِ ان شاء الله يتزوج وحدة أزين منتس وأنتِ تأخذين واحد أشين من سالم بكل شيء مع اني ما اتوقع أنفاس اطلقتس من سالم قهررررررر.. عبدالله و بيسوي عاد توه قايم من النوم ومعصب راحت وطي جواهر.. جواهر واو الله يعينك على عبود بس زين انتس عالمتيه أغديه يلاقي حال ل....<<نسيت اسمه أخو هند.. نوف ههههههههههههههههههه بأولى جامعة عمي هاه خخخخخخخخخخخخ الله لايفشلنا احليله رويشد استحى الرجال يستحون بهالزان أكثر من الحريم هع هع دلال وافقي على ماجد عاد أتوقع توافق عليه من مبدأ انه مب أخذه من نجلاء رجله خاصة اذا كانت تحب نجلاء.. |
قصة راااااااااااااااااااااائعة جدا
رائعة رااااااااااااااااائعة وجميلة جدا... اعجبتني كثيرا بل اذهلتني الى حد افقدتني حواسي التي بقيت مشدوهه بجمال ما تكتبين.. ترسمين الحروف بألوان من ذهب.. تكتبين الكلمات بهمس من حرير.. تنسجين السطور بخيوط رقيقة.. حقا ..حقا.. كل الكلمات امامك ترتبك بحضورك الساحر خطفت القلوب.. رااااااااااااااائعة دمتِ مبدعة.. تستحقين التثبيت بجدارة.. اتمنى ان لا تتأخري علينا نحن بانتظارك بشوق كبير جدا دمت بصحة وعافية |
السلام عليكم أنفاس قطر
بصراحة جزء روعة وعاد انتي متتوصين بالقفلة المحترمة ماشاء الله حريفة بيها والبنات ماقصرو عبر عن امنياتهم حتى عبدالله يشوف جواهر وهي حاضنة غترته وتبدأ الاجواء تصبح ربيعية ياترى تبردين قلوبهم لو تخليها ثلج أنفاس شكلك خطفتي أنفاس البنات وراح ترفعين سقف العمر بالنسبة لزواج الرجل ويصبح فارس الاحلام بدل ان يكون عمره 35 راح يصير عمره 42 المهم نجي على منيرة جد تستاهل وان شاء الله يزوجها سالم ويسكنها بالغرفة المحروقة مهما يكون هذا ابن عمج متحبي حب الزوجة لزوجها حبي حب الاخت لاخوها مو مشكلته خطبج واهلج جبروج حتى يجازة بهذه الدعوي التي اصابته وبعدين شنو هذا الكلام لاعنده ام او اخت صدق متستاهلين احد يوقف وياك نفوس شوفي سالم يقوم بالسلامة وهاي المغرور تزوجه وينكسر خشمه >>قررت قرار نهائي كشخة حلوة القرار النهائي نجي على دلال وام جاسم هاي العجوز راح جيبلي المرض الله يرضة عليج يا ام جاسم ويا شبيهات ام جاسم البنت متريد تزوج وانتن تغصبن عليها وتردن تمشن العالم على كيفجن والله حالة والله يهديجن دلال تدرين شطح الخيال بي وقلت يمكن دلال يمكن دلال كانت تعاني مع زوجها معانة صعب التكلم بها خاصة مع غياب الام عنها وهذه قصة جديدة برزت أنفاس بكل الشوق انتظر خطفة الانفاس وفقك الله |
السلام عليكم انفاس ما شاء الله تبارك الرحمن واااو غبت وحصلت اجزاء في قمة الروعة والابداع وتغير في المسارات وخصوصا ً ردة فعل جواهر الثائرة والي ما قدرت تكبح مشاعر الغيرة صراحة ً لا اعلم كيف سيحل الاشكال هاهي تعلم مشاعر عبدالله نحوها وهاجسها ان عبدالله مريض ليس في محلة ونتيجة لذلك عبدالله رمى شباكه في مياهها فهنا لا بد ان ياتي دورها لكسبه فهي امراءة تخاف الله وتعلم ان زوجها بحاجتها , حتى وان تنازل عن حقة الشرعي فهي تراه كيف يعاني ويقاوم . هل الشماغ كفيل في ان يزيح حصون جواهر ..... ام ان عبدالله عندما يراها في تلك الوضعية دون ان تعلم يتوصل لحقيقة مشاعرها ويربط الخيوط ببعضها , هند , ثورتها , استفزاز رجولته , ثم يسلك مسار آخر ليجذبها بارادتها هي .......:c8T05285: ويمكن الشماغ ما يكون له أي دور ,,,,مجرد تمويه ..!!!:rolleyes: و يكون الغضب معمي عبدالله .وجل اهتمامه حيكون في المسجات والله يكون في عون جواهر مع التحقيقات ...!! تعرفي انفاس يقولوا ً ((ورب ضارة نافعة )) فايز وهند ثنائي محفز لمشاعر جواهر وعبدالله المكبوته وخلق جو من الربكة اللذيذه في محيطهم ومن ثم صهر تلك المشاعر المتجمده في القلوب صحيح انه حافز حقير لكن الجدوى في النهاية *__^ منيرة لااا يامنيرة الا الدعاء على الغير مهما كانت أذيتهم , , فما بالك ان كان الشخص ما أساء لك كيف لو سوا فيك سواة سعود في دانه ضربك , غصبك ِ اطاول عليك ِ , ايش ذنبة هو جاء لـ ابوك وخطبك ما جرك من شعرك وسحبك على بيته صراحة ً قلبك قاسي المفروض تكوني متعاطفة معه , , , اولا ً هو ولد عمك وثانيا ً زي ما قلتي لا ام ولا اب ولا اهل وآخرتها تدعي عليه بالموت وانه ما حد يزعل على فراقة , منتهى القسوة يا منيره والله لو ولد عمي هذا حالة اني لحطة تحت رمش عيني واحن عليه وعلى حاله مو أتشاءم منه احيانا ً يكون حل بعض الامور مرا ً , وهوالحال مع ام جاسم وجاسم و نجلا اغلب كبار السن مشاعرهم عملية تماما ً مهملين جانب الحب والعطف والمشاعر الحساسة ,. واحد زايد واحد يساوي اثنين وما في حل وسط بينهم ام جاسم تجاهلت هنا مشاعر نجلا وكيف انها ممكن تنجرح نظرت للموضوع من جانب آ خر جانب المسؤلية تجاه دلال فقط في نظرها ما ضير من زواج دلال من جاسم فهي وحيده ومسؤلة منهم ومافي حل الا ان جاسم يتزوجها وهي انسانه طيبة وكذلك نجلا يعني مافي أي اشكال .......طيب على طيب يمشي المركب مجرد نظرة سطحية لا اكثر تجاهلت مشاعر نجلا في وجود شريكة لها مع زوجها تجاهلت دلال تلك المسكينة هل لها ان تنجح في تجربة زواج جديدة في ظل وجود الشريكة ام انها تعيد نفس التجربة المريره ابنها جاسم كيف له ان يقسم مشاعره هل يستطيع العدل بينهم تلك المسؤلية العظيمة عند رب العالمين لكن هل تتغير الامور وخصوصا ً بعد الخيار الثاني ..؟؟ انفااس يعطيك الف الف عافية يارب وتشكرين من القلب على الالتزام الراائع الله يحميك |
اقتباس:
مع هالقراار قلباا وقالباا.. واذاا تبوون مسااعده تراااني اعين واعاااون. واناا بهذيك السااعه لماا اسااعد الحباااااايب.. هخهخهخه نفووسه شووفي عاد هذي ابلااااا اراده وقررت وانتي عليتس السمع والطاعه والتنفيذ .. والاحتفاااال ابد ازهليه لااااااااا تشيلين همه... علينــــــــاااا..هخهخهخه |
السلام عليكم ألف شكر أختي : أنفاس على الأجزاءالرائعه .... مبدعه كالعاده ومهما أقول ... وأقول ...من مديح والله أكون ظالمتها......... جواهر :خربت حياتها وتبي ترجع من جديد... خليها شوي تذوق ماذاقه عبدالله .. وتعرف الحرمان بالحب شنو يسوى ........ عبدالله : الله يستر من الغضب اللى صاره وين راح يوديه ، شكلهم حياة عيالهم بعنادهم بدل مايصلحونها ............. الله يوفقج حبيبتي وأتمنالج الزيد من التميز.. أختج : وهايب :flowers2::flowers2::flowers2: |
اقتباس:
اقتباس:
ايو يابنااات خليكم شديدين وانا بعد مع ام احمد تستاااهل منيره المغروره >>حقدة عليها صراحة وحنا دوم يد بيد ماحد من يخالف الثاني ودام ام احمد قالت وزارا حبيبت الجماهير حطة بصمتها معنها لازم يتم ونحرق قلب منيره عدل تستاااهل معااااااااااااااكم ياااابنااااااااااااااااااااااات |
اي يا نفووووووووس ياربي يبرد قلبج باي شي تبينه مثل ما تبردين على قلوبنا بالاجزاء الرائعه قليل عليها :)
جواهر يا عيني عليج زيين سويتي جذي اشوه انك ما سكتي ولا كنتي صج بتروحين فيها الله ياخذك يا فواز بدال ما سلووم المسكين يموت عبود يا الله شد الهمه وسو الواجب مع فوازو وهنديد الزفته نوف عيشي قصة حب وخلي النقاب بداية خير لك عزووز الصغنون وينه ما يبين مها لييييييييش كنت احبج بس باطه جبدي حييييييييييلليش تعيبين عن سلووم جذي وتدعين عليه أمممم اتوقع بتنصدم ويمكن تبدا تحبه تدريجيا شوي شوي دلووول يا الله وافقي على ماجد ويا ويلج اذا فكرتي بجسووم لالا هذا من المممتلكات الخاصة حق نجووول تسلمين نفوس على البارت اليديد ونطمع ببارت ثاني وثالث ورابع .... والله انتي اللي قلبها طيب وأخجليني برايج فيني :) |
صباح الجوري والكادي وماي الورد ودهن العود
لكل المتابعات الغوالي أوي أوي في كل المنتديات أنا توني قريت ردودكم اللي والله العظيم حسستني بالخجل من نفسي ومن تقصيري في حقكم ودي أوقف أمام كل رد وكل غزالة منكم المتابعات المتكررات والجديدات وبطلات التوقيع الأول والمشتركات الجدد عشان الرواية وحبياتي اللي كانوا غايبين عني وتوهم راجعين وحتى البنات اللي عندهم امتحانات واحشيني وأوصيهم على دراستهم بس والله العظيم والله العظيم فيه ظروف ضاغطة هذه الأيام أنا الحين بأنزل الجزء الجديد 57 58 شيء خيالي وفوق العادة وصلنا للعبة في الصميم بداية أحداث كبيرة انتظرتوها بشغف وأحداث جديدة بنكتشفها سوا وبداية تحرك غير مسبوق في الأحداث أمسكوا قلوبكم واستعدوا لأكشن يوقف القلب وذوات القلوب الضعيفة نعطيهم تنبيه قبل القراءة أرجوا تستمتعون بطبخة اليوم اللي أنا طبختها برواقة شديدة وأتمنى أنها في النهاية عجبتكم واستمتعتم فيها لقمة لقمة وسطر سطر قراءة ممتعة مقدما ولا حول ولا قوة إلا بالله . . . . |
بعد الغياب/ الأجزاء 57، 58
بعد الغياب/ الجزء السابع والخمسون
#أنفاس_قطر# جواهر كانت مستغرقة في النوم تحتضن تحت رأسها مخدة عبدالله المغلفة بغترته... عبدالله المجنون الثائر الغاضب المحترق غيرة وغضب يقتحم الغرفة بصوت مدوي وهو يصفق الباب بعنف وراه وهو يغلقه.. جواهر فزعت من الصوت وكانت على وشك أنها تفتح عينها في نفس اللحظة اللي حست بملمس أصابع نارية تمسك عضدها العاري بعنف.. وتنتزعها من فراشها بقسوة وصوته العميق الغاضب الثائر يصرخ بعمق وحشي: عطيني موبايلج بسرعة.. عبدالله ما انتبه لمكان نوم جواهر المتغير ومخدتها الحمراء المخططة.. لأن الغضب كان معميه.. في الوقت اللي جواهر كانت تحس بحرج شديد ومو قادرة تحط عينها بعينه.. وهي تدعو ربها وتتمنى أن عبدالله ما ينتبه هي أشلون كانت نايمة.. لكن دعواتها ما اُستجيبت.. وعبدالله انتبه.. ومع انتباهته المفاجئة: فلت يدها كأنما لسعته نار محرقة.. وتراجع بحدة.. وهو يشوف إن جواهر كانت نايمه على مخدته وغترته.. حس بألم حاد شديد العذوبة والجمال يغزو مشاعره.. يخترق قلبه كرمح سعادة مسنون.. ينسف مشاعره الثائرة في فضاءات من البهجة المتلاحقة في الوقت اللي جواهر كانت تتمنى الأرض تنشق وتبلعها.. كانت تفرك إيديها بتوتر حاد قاتل.. وخجل أكثر حدة وقسوة.. وهي تشعر بنفسها كطفل قُبض عليه بالجرم المشهود.. طفل على وشك البكاء خجلا وألما عجز قلبه الصغير عن احتماله.. هل سبق لك أن مررت بلحظة شعرت فيها أنه لفرط تدفق مشاعرك وانفعالك.. تفضل أن تعتصم بالصمت حتى لا تخونك مشاعرك وكلماتك وانفعالك؟؟ لأن كلمات الدنيا كلها بكل اللغات وكل القواميس لن تكفي للتعبير حتى عن جزء بسيط مما تشعر به.. هكذا كان عبدالله وجواهر.. جواهر لبست روبها وقررت تطلع من الغرفة.. عبدالله كان واقف في نفس مكانه كتمثال عظيم سُلبت منه الحياة ولكن لم تُسلب منه العظمة.. بصوت شديد العمق: جواهر وين بتروحين؟؟ جواهر وهي معطية ظهرها لعبدالله مو قادرة تطالعه من خجلها، بصوت خافت: عبدالله أنا محرجة بمافيه الكفاية.. خليني أطلع لا تحرجني زيادة.. جواهر طلعت.. في الوقت اللي عبدالله رجع يجلس على السرير مكان ماكانت جواهر نايمة، وهو يمسح مكانها بوجع حنون.. ومشاعر كثيفة تجتاحه بعنف.. مشاعر هو عاجز عن احتمالها أو تخيلها أو استيعابها.. مشاعر تهديه لاول مرة الفرحة بعد طول حرمان.. وهو من تعودت روحه على الحرمان الموجع ***************** أذان الفجر أذن عبدالله بعده قاعد في غرفته على نفس جلسته.. جواهر مارجعت.. والمشاعر العاتية تغتال عبدالله وتجرفه في دوامات عنيفة من الانفعالات العميقه.. عبدالله راح لغرفة عزوز يصحيه للصلاة.. ومر على نوف اللي كانت بتجن من الفرحة لشوفته.. ومالقى جواهر في غرفة أي واحد منهم..!!! عبدالله وعزوز رجعوا من الصلاة.. كل واحد منهم راح لغرفته.. عبدالله كان يتمنى بوجع قاتل أنه يشوف جواهر وفعلا لقاها في الغرفة تصلي.. في الوقت اللي جواهر كانت جات للغرفة عشان سجادتها وثوب صلاتها وكانت تبي تصلي وتطلع قبل يجي عبدالله.. لأنها ماتبي تواجهه وهي متوترة من الاحراج بهذه الطريقة.. وهي حاسة بتيار مشاعر قوي يضغط عليها لدرجة الانهيار.. ولّده بعنف وشدة عاتية عودة عبدالله اللي أضناها الشوق له جواهر سلمت من صلاتها.. وهي بتموت من الحرج أن عبدالله وصل قبل هي تطلع.. شالت سجادتها وثوب الصلاة معاها وجات تبي تطلع.. عبدالله مسك يدها بحزم حنون: جواهر وين بتروحين؟؟ جواهر وعينها في الأرض: بأروح لغرفة الضيوف الكبيرة بأنام هناك.. عبدالله بعمق آسر: وممكن أعرف السبب؟؟ جواهر بحرج: أنت عارف السبب.. عبدالله شد جواهر من يدها: تعالي.. خلينا نتكلم شوي.. جواهر غصبا عنها لقت نفسها تنجر لجلسة التلفزيون.. وعبدالله يجلسها بالقوة على الكنبة.. في الوقت اللي هو جلس على الكرسي اللي مقابلها وقال بصوت عميق جدا: لهالدرجة تشوفين مشاعرج تجاهي شيء مخجل ومحرج لدرجة أنج تتهربين من مجرد النظر في عيني..؟؟؟ طالعيني جواهر.. جواهر اللي ماحبت عبدالله يحسها ضعيفة لذا الدرجة، رفعت عينها بتردد لتغرق نظراتها الخجولة التائهة في نظرات عبدالله العميقة الوالهة.. عبدالله بذات العمق: أنا مازلت أنتظر جواب لسؤالي.. جواهر بصوت خافت: ماعندي جواب.. عبدالله برقة حازمة: ماعندج جواب الحين.. أو ماعندج جواب بالمرة؟؟ جواهر بخجل هادئ: عبدالله أنت أذكى من أنك تنتظر جواب على شيء أنت شفته بعينك.. عبدالله حس بإنفعالات حادة مثل بركان يلقي عبر فوهات روحه حمما متزايدة من السعادة الصافية اللي غمرت أحاسيسه المرهقة.. أحس كأنه كان مثل مسافر مبحر في لجة عميقة لا تنتهي من المحيطات المتصلة ... مسافر وحيد على مركبه الموحش في رحلة مضنية استغرقت سنوات وسنوات طالت رحلته القاسية بدون أن يلقى ميناء يرسو عليه.. فإذا به يفاجئ بأجمل موانئ الدنيا يبزغ فجأة أمام عينيه ويفتح ذراعيه له.. بعد أن يأس من النجاة.. واستعد لاستقبال الموت.. عبدالله قام من مكانه، وجلس جنبها وألف انفعال يهزه بكل عنفوان.. مسك يدها بحنان فياض/حنان يشبهه هو فقط.. وطبع في باطن كفها قبلة عميقة جدا.. أودعها كل لهفته ووجعه وشوقه وهو يقول بأمل موجع: يعني أصدق اللي شافته عيني؟؟ جواهر كل خلية في جسدها كانت ترتعش بعنف وانفعالاتها تجتاحها بلا هوادة، ويدها التي تعطرت بأنفاس عبدالله يرجعها لتعود للاستكانة بوداعة في كفه كطفل رضيع عاد لاحضان أمه بعد طول غياب: صدق اللي أكثر منه بعد.. اللي أكثر بكثير ****************** دانة لها يومين مانامت صارت خلاص على وشك الانهيار.. القلق ينهشها مثل ذئب مسعور.. يستمتع بطعم لحمها.. كل ما ينهش.. كل ما يحس بإزدياد السعار عنده.. فيعود للنهش الموجع دون رحمة.. صاح موبايلها، لقطته بكل لهفة الارض المؤلمة كان رقم سعودي غريب عليها، لكنه ردت بسرعة ولهفة: سعود على الطرف الآخر جاها صوت سعود المرهق: دانة.. دانة لما سمعت صوته.. خلاص انهارت القوة اللي كانت متسلحة فيها اليومين اللي فاتو.. وانخرطت في بكاء حاد.. سعود بحنان حمله لها صوته المتعب: حبيبتي ليش تبكين؟؟ دانة من بين شهقاتها: سعود تكفى طمني عليك.. وعلى محمد وخالد.. سعود بهدوء: كلنا بخير.. دانة بصوتها الباكي: ماني بمصدقتك أحلف لي.. سعود بهدوء متعب بالفعل: والله العظيم كلنا بخير.. اشلونش وأشلون أمي وخواتي؟؟ دانة وهي تحاول تتماسك: كلنا طيبين.. مانبي إلا شوفتكم.. سعود بهدوء: قريب ان شاء الله.. انا اتصلت ابي اطمنش وهذا تلفون رجال لازم ارجعه له.. دانة بلهفة: وتلفونك ليش مسكر على طول.. سعود: مافيه شحن، اول ما اشحنه باتصل لش.. سعود سوا اتصالاته بوزارة الصحة القطرية.. ومستشفى حمد عشان يرسلون طيارة طبية تشيل محمد وربعه... لكن وضع سالم اللي كان في غيبوبة و كان مصاب بكسور متعددة وارتجاج حاد بالمخ منعهم لخطر الحركة عليه.. في الوقت اللي أصر محمد وخالد وجبر اللي رجعوا لوعيهم الكامل.. أنه ماحد منهم يتحرك من المستشفى لحد مايرجع سالم معهم.. سعود بعد ماشد حيله خذ شاحن من الممرضين وشحن تلفونه وقرر يتصل في عمه.. وعم سالم.. وابو جبر.. عشان يبلغهم عن عيالهم اللي أكيد أنهم بيجنون عليهم الحين.. ابو علي كان خلاص قرب يستخف من القلق على سالم.. اللي تلفونه يعطي مغلق على طول.. في الوقت اللي منيرة جننته تسأل عن رجعة سالم عشان يطلقها.. قال لها ابوها عشان يسكتها: إن سالم بيطول شوي في السعودية.. واول مايجي بيطلقها.. أبو علي كان قاعد في مجلسه، القلق بيقتله.. وهو يحاول للمرة المليون يدق على موبايل سالم المغلق... رن تلفونه، رد بهم: هلا.. صوت هادئ على الطرف الآخر: صبحك الله بالخير يابو علي.. ابو علي بقلق: صباحك أخير.. سعود بتوتر أخفاه تحت قناع هدوءه: أنا سعود بن سعيد الـ .. عرفتني طال عمرك؟؟ أبوعلي حس بمثل الطعنة في قلبه: بلى عرفتك مهوب انت اللي أخوك محمد رفيق سالم.. سالم وش فيه؟؟ هو كان متخاوي هو ويا أخوك للنعيرية؟؟ أدري أنه صار عليهم شيء.. قل لي بس سالم حي وإلا لا..؟؟ تكفى يا ولدي لا تفجعني.. #أنفاس_قطر# بعد الغياب/ الجزء الثامن والخمسون #أنفاس_قطر# منيرة تدرس في الوقت اللي سارة تدور في الغرفة وتحاول تتصل بسالم اللي له يومين ماكلمها.. وموبايله مسكر منيرة ببرود: أنتي أطلعي برا.. انا أبي أدرس.. وانتي ازعجتني.. سارة بقلق موجع: سالم مايرد على تلفونه له يومين.. باموت من الخوف عليه.. منيرة وعينها في كتابها: إن شاء الله مايرد طول عمره.. سارة اللي أصلا معصبة زادت عصبيتها: منور وعمى يعميس كله ولا سالم..أنا ما اسمح لس تدعين على سالم.. سالم ماله ذنب في شيء.. الذنب كله ذنبي.. أنا اللي ماقلت له إنس ماتبغينه، وأنا اللي ماقلت لس عن موعد العرس.. حسبت اني كذا اربط احب اثنين على قلبي ببعضهم.. وخلاص سالم إذا رجع بيطلقس ويخلص منس.. ومافيه خسران إلا أنتي.. لأن سالم كنز أنتي ماعرفتي قيمته.. وسالم بأزوجه شيختس.. وأنتي قدرس واحد يدفن وجهس في التراب.. منيرة اللي عصبت وقامت من مكتبها: سويرة احترمي نفسس.. سارة بغضب هادر: أنا سكتت على فعايلس اللي سويتيها فيني اليومين اللي فاتوا.. بس كله ولا أنس تدعين على سالم.. منيرة وهي تبي تقهر سارة: الله يوريني فيه يوم .. جعلس ماتشوفينه واقف على رجوله.. سارة ألتفتت على منيرة بكل حدة، رفعت كفها وعطت منيرة أقوى كف هي قدرت عليه وبكل قوتها وحرتها ووجيعتها.. منيرة طاحت على الأرض مذهولة صارت تشهق وتقول بصياح بين شهقاتها لسارة اللي كانت تبي تطلع من الغرفة: اكرهس واكره سالم .. اكرهكم كلكم.. الله يحرق قلبس عليه مثل ماحرقتوا قلبي.. الله يحرق قلبس عليه.. سارة المتألمة من الحال اللي وصل له الوضع بينها وبين اختها.. طلعت وهي تحاول تسد أذونها عشان ماتسمع كلام منيرة.. اللي كان يقطع قلبها.. ***************** جواهر صحت من النوم على حركة ناعمة فوق جفونها مثل رفة أجنحة الفراشات.. كان عبدالله يقبل جفونها قبلات سريعه خفيفة متلاحقة وهو يقول لها بحب: قومي يالكسلانة الظهر بيأذن.. جواهر فتحت عيونها بالراحة وهي تملأ عيونها من ملامح وجهه: الظهر بيأذن؟؟ وليش ماصحتيني قبل؟؟ وأنت من متى صاحي؟ عبدالله بلهجة غامضة مرحة: كان لازم أخلص أولا من سالفة صاحب المسجات.. اصلا من الحرة عليه ماقدرت انام.. جواهر جلست وهي تقول بقلق وتوتر: عبدالله أنا فعلا أسفة.. لو الموضوع ضايقك.. عبدالله بود: هو من ناحية ضايقني فهو ضايقني فوق ماتتخيلين.. لكن بصراحة لازم أشكره.. وأشكره بعمق لأنه هو اللي خلانا نكسر الحاجز اللي بيننا.. جواهر ابتسمت بخجل في نفس الوقت اللي عبدالله مال جنبها.. وقبل كتفها العاري وهو يقول بعد ماحط رأسه على كتفها وحضن خصرها بقوة: طلعت اسم صاحب التلفون طلع هندي.. مع أني كنت عارف أنه هذا اللي بيصير.. دقيت وايد على الرقم بس ماحد رد.. من الحرة اللي فيني بعثت لصاحب الرقم عشرين مسج حست فيهم أبوه وجده وطوايفه.. لو فيه خير خليه يرجع يبعث لج مسج واحد عقب.. عبدالله فلت جواهر بحنان هو ما يبي يفلتها بس قام وهو مستعجل يبي يتوضأ قبل أذان الظهر مع قومته رن موبايل جواهر رنة مسج.. جواهر فتحت المسج وهي تبتسم لعبدالله اللي كان واقف.. لكن لما قرت المسج تغير وجهها.. عبدالله رجع لها وخذ الموبايل من يدها بحزم وقرأ المسج: " الشيخ عبدالله يعتقد أنه بيخوفني كذا قولي له يلعب بعيد لأنه أنتي داخلة مزاجي وبقوة وأنا مافيه شيء يدخل مزاجي وأخليه قبل أطوله" عبدالله تغير لون وجهه وعيونه صارت تطق شرار مرعب وصاح بغضب ناري مخيف وهو يضرب الموبايل بالأرض ويدوسه برجله رغم أنه تكسر عشرين قطعة: ما أكون ولد أبوي إذا ما طلعت ولد الكلب هذا.. عبدالله قال كلمته ودخل الحمام وصفق باب الحمام بدوي مرعب وراه.. جواهر بتوتر حزين (وذا الزفت وش جابه الحين؟؟ ماصدقت الوضع يروق بيني وبين عبدالله) ******************* أبوعلي متوجه للأحساء بدون مايقول لاحد عن السبب الحقيقي ولا حتى لعلي اللي كان في فترة امتحانات هو وخواته.. قال لهم إن سالم يمدح الجو هناك.. وإنه بيروح يقعد معه يومين وعقب يرجعون كلهم.. نفس الشي سواه أبو خالد وأبو جبر.. وتقريبا الشيبان الثلاثة وصلوا المستشفى في نفس الوقت.. صرنا في اليوم الثالث بعد الحادث خالد وجبر ومحمد كلهم تحسنت حالتهم.. خالد وجبر كان فيهم شوي رضوض بس كانت شديدة شوي.. خالد عنده مناطق في جلده تدحست.. وجبر انكسرت ثناياه.. محمد رجله مسكورة.. لكن بشكل عام الثلاثة وضعهم متحسن جدا وممكن يطلعون لبيوتهم.. عشان كذا أبو خالد وأبو جبر كل واحد منهم قرر يأخذ ولده ويرجع فيه.. وخصوصا إن أبو خالد مايقدر يترك بناته وبنات أخوه عقب مادرى أنهم لحالهم هم بعد.. خالد وجبر كانوا رافضين الرجعة.. بس الشيبان حلفوا عليهم وخذوهم غصبا عنهم.. بعد ماسدحوهم على الأسيات الخلفية لسياراتهم.. وتوجهوا بهم للدوحة.. محمد وسعود قرروا يقعدون مع أبو خالد.. اللي انهار بالمرة لما شاف سالم.. ***************** أم جاسم صار لها يومين قاعدة عند دلال.. تلفونها يرن، ترد بدون ماتطالع الرقم أو الشاشة لأنها مثل غالبية عجايزنا الكبار: ماتعرف تقرأ: ألو.. ........................ أم جاسم بحرج وهي تطالع دلال بنظرة خاصة: هلا يمه ماجد.. دلال من سمعت اسم الخاطب، حست بتوتر غاضب وقررت تقوم تروح المطبخ، تسوي لها شيء هي وعمتها.. أم جاسم لما تأكدت أن دلال غابت عن عينها: خلاص يا امك.. أنا أدري أنك خطبت دلال عشان أختك.. بس خلاص مافيه داعي.. دلال ماتبي تتزوج أبد.. لا انت ولاجاسم ولاغيركم.. وأنا خلاص قررت أجي أقعد عندها.. وجاسم بيطل علينا كل يوم.. ماجد في نفسه( وأنا الله مايبلاني إلا في اللي مايبون يتزوجون) قال بثقة لأم جاسم: بس أنا أبيها من جدي يا أم جاسم.. أم جاسم بجدية: والله أني حاولت يا أمك.. بس هي موب راضية ورأسها يابس مع أنه موب عوايدها ذا العند كله.. بس رجلها الله يرحمه كرهها في الرياجيل والعرس من فعايله الشينة.. ماجد بحزم: وأنا مصمم عليها.. أم جاسم بحزم أكبر: وأنا أقول لك مالك نصيب عندنا ياولدي ***************** عبدالله وجواهر وعيالهم قاعدين على الغدا.. عبدالله مزاجه معتفس لاخر حد.. حاس بما يشبه دخان الحرائق يتسرب من روحه.. عروقه بتنفجر من الحرة والغضب على صاحب المسجات اللي ماقدر يطلعه.. الهندي اللي الرقم باسمه مبعد ابعاد نهائي عن الدوحة.. حتى عنوانه في الهند حاول يطلعه بس مالقاه.. (لعبها صح.. ابن الكلب.. يامن يخليني أطول رقبته بس.. والله مايفكه من يدي شيء) نوف اللي خلصت غداها، قامت بمرح وراحت وقفت ورا عبدالله اللي كان سرحان في أفكاره النارية الدموية.. حاوطت رقبته بيديها وحطت خدها على خده: عبودي ليش زعلان كذا؟؟ عبدالله فر جسمه صوبها وهو يقول بحب : ومن قال لج إني زعلان؟؟ نوف تمرر أصبعها على المنطقة المقطبة بعنف بين حواجبه، وتقول بمرح: هذي تقول أنك موب زعلان بس، إلا خذت وكالة الزعل كلها؟؟ عبدالله مايقدر على نوف، ابتسم وانفرجت تقطيبة حواجبه: والحين زين؟؟ نوف لفت وباسته بقوة بين حواجبه: أبو الزين وكملت بسرعة: ويالله اسمحوا لي.. أنتوا ناس فاضين وانا ووحدة مشغولة وعندي دراسة.. دعواتكم.. جواهر اللي كانت متوترة من لما طلع عبدالله للصلاة، ورجعته وهو ساكت ومعصب وعافس وجهه.. انفرجت أسرايرها وحست بشوي راحة، وهي تشوف أن نوف قدرت تغير مزاج أبوها للأفضل.. في الوقت اللي كان عزوز حس بجو التوتر بحاسته السادسة المعتادة كان الحين جالس ساكت مبتسم ومستمتع.. **************** عبدالله قاعد على كمبيوتره..بعد الغدا ينفذ شوي تحركات مالية في حسابه عن طريق النت.. جواهر بخطوات مترددة شوي..جات وقفت جنبه وحطت يدها على كتفه.. عبدالله مسك يدها بحنان.. قبلها بعمق كبير وعينه مركزة على شاشة الكمبيوتر.. جواهر بعد ما أسترجعت يدها.. وكل يد ماسكة الثانية بحزم، قالت بود: عبدالله واللي يخليك.. انسى لي سالفة المسجات هذي..هذا واحد حقود يبي يخرب علينا..و هذا أنت كسرت الموبايل.. طلع لي رقم جديد.. ولا تخلي موضوع مثل هذا يوتر علاقتنا اللي توها بدت تتحسن.. العيال عندهم امتحانات.. وهم على طول يلاحظون أي توتر.. وبعدين كملت بمرح: ولو أن الأرقام موب مسيفة عندي على موبايلي القديم.. كان سويت لك سالفة أصلا.. عبدالله لف كرسيه الدوار ناحية جواهر، سحبها من يدها برقة، وجلسها على حجره، وهو ماسكها بيديه الثنتين من خصرها.. وقال بحنان: أنا أسف حبيبتي.. أدري مالج ذنب.. بس أنا شايب مخرف على قولت خالتي عائشة..وتدرين احنا الشيبان ماعندنا تفاهم.. وعقب كمل بنبرة عصبية: وابن الكلب والله حرق أعصابي........... جواهر حطت اصبعها على شفايف عبدالله بنعومة: أششششش، خلاص خل ننسى الموضوع.. ***************** العصر في بيت عبدالله جواهر قاعدة تتعدل قدام التسريحة بعد مالبست.. فوجئت بعبدالله راجع بعد ماصلى العصر جواهر ألتفتت عليه وقالت بود: غريبة منت برايح للمؤسسة؟؟ عبدالله بود اكبر مغلف ببعض توتر: لا.. عبدالعزيز أخوج جاي الحين.. وأبي أواجهه.. جواهر باستغراب: عادي عبدالعزيز كل يوم يجي.. وش معنى اليوم تبي تنطره؟؟ عبدالله تلقى اتصال من عبدالعزيز وهو طالع من المسجد هذا الاتصال خلاه يغير اتجاهه من المؤسسة للبيت.. بعد حوالي ربع ساعة جواهر تحت تنطر عبدالعزيز.. وعقلها بدأ يودي ويجيب وبعنف وحشي.. لما شافت اصرار عبدالله أنه نوف وعبدالعزيز يكونون في استقبال خالهم.. كلهم كانوا قاعدين ينطرون عبدالعزيز اللي دخل عليهم بطلته المحببة اللي الواحد ما يشبع من النظر لبهائها وكأن نقاء عبدالعزيز ينعكس من داخله على خارجه..فيعكس مظهره الخارجي صورته النقية الداخلية.. جواهر أول ماشافته، نطت عبرتها ببلعومها عبدالعزيز مايحتاج يتكلم عشان جواهر تفهمه.. حست في وجهه شيء كبير.. وحست في داخلها ألم أكبر.. عبدالعزيز بابتسامته الودودة، سلم وقال لهم كلهم: أنا مستعجل.. أنا طالع للمطار..بأسافر للأردن.. فيه تبرعات نبي نوصلها لفلسطين وللعراق وبنسلمها هناك.. وكمل بحنان غامر: وقبل ماتسوين لي ياجواهر الفيلم اللي أنا عارفة..(وليش ماقلت لي قبل).. بأقول لج أنا ماحبيت أشغلج.. وادري أنج بتجنيني من كثر الأغراض اللي بتحطينها في شنطتي.. وعقب ابتسم: أول مرة أسافر بشنطة خفيفة.. كل مرة تخليني أسحب وراي أكبر شنطة في الدوحة.. جواهر الكلمات ميتة على شفايفها، مو أول مرة يسافر، ليش حاسة انه هالمرة غير.. غـيــــــــــــــــــر بس عقب استجمعت شجاعتها وحاولت إن صوتها يخرج طبيعي، بس خرج مبحوح فيه رنة بكاء واضحة: وعرسك اللي عقب 5 أسابيع..؟؟ عبدالعزيز حضنها بقوة، فخلاص انهارت تبكي: ياحبج للبكي يا أم عزوز.. أنا مسافر أسبوعين وراجع.. والعرس عقب 5 أسابيع.. إلا لو نورة بتغير رايها وما تبيني.. هذا شيء ثاني عبدالعزيز سلم عليهم كلهم، في الوقت اللي عبدالله طلع معاه، وقال له: باوصلك أنا للمطار.. عبدالعزيز بود: مافيه داعي، راشد أصلا ينطرني تحت وهو اللي بيوصلني.. بس أنت تعال معي فيه شيء أبي أقوله لك.. عبدالله نزل معه تحت وسلم على راشد اللي كان قاعد ينطر في السيارة.. عبدالعزيز بحزم: عبدالله أنا بأقول لك شيء بس أمنتك الله ماتقول لجواهر شيء.. عبدالله حس بقلق كبير: أفا عليك عبدالعزيز.. وش السالفة؟؟ عبدالعزيز وهو يلقي الخبر القنبلة: أنا رايح العراق.. #أنفاس_قطر# |
نفووووووووووووووووووووووووووووووس
حر1111111111111م خربت فرحتنااااااااااااااااااا بتفاهم الجوهره وعبدالله ياعمري وش بتسوي جواهر اذ1 عرفت اكيد بتنجن ... وسالفت الجوال عبدالله راح يراقب التصلات وبيعررف مين صاحب الرقم وراح تنهار ساره اذ1 عرفت وبتندم منيره على الدعاوي الي ماسكه علينااا ودي احوسهاا واجررر شعرهاا من اول صفحه لاخر صفحه في القصه قهرتني من جد يعطيك الف الف الف عافيه ياعمري جــــــ,ـــــــــ,ــــــــودي |
احلى صباح لااحلى انفاس في قطر واووووووووووووووووووووو
بارتين يجننون مليئين بالاحداث اخيرا بو عزوز مع ام عزوز مع بعض هالحين فهمتك يوم قلتيلي توقعاتج مابين طاش وماطاش .اخيرا ياجواهر حسيتي بعبدالله وبمشاعره واللي عجبني انج اظهرتي مشاعرج وما خبتيها مع انج خجوله بس عبدالله فاهم عليج .وانت ياعبدالله لاتخلي هالزفت فايز يخرب حياتك واهيا توها تبتدي مع ان ودي انك تمسكه وتطقه طق واحنا بنصفق ونشجعك. الخال عبد العزيز بيروح العراق مع راشد الله يستر ليكون يصير له شي لان جواهر قلبها حاس ان سفرت اخوها هالمرة غير بس ان شاء الله مايصير الا كل خير . ماجد مسكين ضحكني يوم قال (وانا الله مايبلاني الا في اللي مايبون يتزوجون ) اقولك ياماجد كلم اختك نجلا تساعدك في موضوع دلال لان المسكينه دلال شكلها تعقدت من الرجاجيل بسبت زوجها واترك عنك ام جاسم لانها الصراحه تبط الجبد. سارة بردت قلبي يوم عطت اختها كف تستاهلين يامنيرة ليش هالدعاوي عل الريال انا متاكدة انج لعرفتي ان سالم مسوي حادث وفي غيبوبه انج بتعضين اصابعيج ندم لانج بتحسين بالذنب من دعاويج. نفوسه تكفين لاتموتين سالم الرجال ماتهنى في حياته طول عمره عاش وحيد ويعاني بفقد امه وابوه لانه فقدهم بطريقه بشعه يعني يتيم وماله احد حتى مع وجود عمه وربعه بس مايعوضون عن الاهل وانتي وضميرج يانفوسه. مشكورة انفاس وتسلم ايدينك. وجه الصباح |
السلام عليكم ورحمة الله وبركاته
هلا والله بهذا الصباح الرايق العصبي الغيور حلو صارت الامور تمام واتعدل الجو وعرفت انفاس قطر كيف تصلح الامور ببراعتها المعتاد ة نجي على عبد العزيزة هلا بي ومرحبة بالعراق واذا تردين استقبال عشائري ماعندي مانع اسوي وبصراحة حبيت اطمن القراء على عبد العزيز لان الاوضاع بالعراق تمام التمام ماكو شي يخوف حتى بغداد صح توجد عبوة هنا وعبوة هناك ولكنها تعتبر امانة الى حد كبير واذا عجبة يصيف فكردستان العراق توجد بتا احلى المصايف التي تضاهي المصايف العالمية ولو الجو حاليا جدا باردة واذا عجبة يجلس على ضفاف دجلة والفرات فليأتي الى منطقتي واحد اخوتي يتكفل بذهابه الى احلى جهة من نهر دجلة وشكرا على المساعدات الي اني متأكدة بأنها سوف تذهب الى جهة تعرف جيدة كيف سوف تستثمرها لمصلحتها الشخصية حالها حال الاف المساعدات شوفو بنات حتى اطمنك اكثر على عبد العزيز (1) حتى الطريق البري بين العراق والاردن جد امن بفضل صحوة عشائر المنطقة الغربية وبصراحة اغلب العشائر في تلك المناطق قررت جهاد بنفسها وبطريقتها الخاصة والف الف شكر لالتفاتت كل عربي شريف نحو قضايا امته بس جد الوضع عدنا احسن احسن بكثير دعواتكم تكفي وزيارتكم لتطمأنو علينا تنيرانا وتكفينا وتزيدنا فخرا بدعواتكم وا اتحادنا واصرارنا سوف نخرج المحتل الذي اصبح اسير قوة العراقين وهو بعقر دارهم >>حجيت وضع العراق نجي على التحفة منيرة اتوقع بعد حالة سالم منيرة راح صير منبوذة من قبل اهلها بعد سيل الدعواي وخاصة انو سالم فعلا مراح يرجع يسير على قدميه وخل تبتلش بيه وراح يزوجها اله ابوها حتى دون عرس وحفلة وفستان ابيض احسن تستاهل حتى تقتنع بنصيبها وبقسمة رب العباد الها هاي ما طلعت غرفة محروقة الي كانت سبب هذا الرفض أنفاس بشوق كبير انتظرك |
السلام عليكم ورحمة الله وبركاته
صباح الخير ..لحلا عطر با نفاس قطر وحشتني قصتك توني قاريه 5 بارتات مع بعض ...كنت مشغوله عنها الايام الي طافت نجي لحبايب الجماهير على الاجماع الثنائي المدهش باحساسه وانفعاله (عبدالله وجواهر ) اخيرا المياه اصبحت مستقره بحياتهم ...بس نفوسه الحلوه ماراح تخليها بهذا الشكل بدت تطلق رصاصها على جواهر بحزن قادم ..وليس كما تقول صديقة الجلسات الصباحيه ارادة الحياة ...<< وحشتنا جلساتنا ام احمد فقدتها بجد ... المهم عبد العزيز ليه انفاس تبين تذبحيه وتحرقين قلب جواهر عليه بس يستاهل العراق وشعبها ان عيالنا يكونون شهداء على ارضها عارفه نفووووسه انك من كثر ما تلعبين بشخصياتك صرت اتوقع منك أي شي يصير عبد العزيز بيستشهد وماجد بياخذ مرة عزوز بعد ما عدتها بتنتهي ....ودلال بس كانت مجرد حدث مر انتها بحياته بالنسبه لمنيره ...بتكون صدمت عمرها يوم تعرف انه بالنعاش ...وراح تحاسب عمرها على كل دعوه دعتها وساره ماراح تقصر فيها واهلها بعد ... انتظرك بكل اعجاب لأفكارك المدهشه يا انفاس معطره من قطر تحياتي |
نفوسه يسلموووووووووووو ايديكي عالبارتين بجد جنان اول شي طريقه الي قربتي فيها عبدالله وجواهر جنان بس تكفي انتي ما بعرف ليه تحبي تخلينا عاعصابنا سلوم لا تموتيه وعزوز حرام رايح العراق رديه سالم لاخته ومرته حرااااااام وهاي منيره رح تجننيوحرام ماجد جد كل لما تدخل راسه بنت ما تقبل فيه عاد شكل شخصيته نايص كتييييييييييييير وشكرا يا عمري بنستناكي على احر من الجمر فلا طولي علينا حبي
|
رراية من جد اكثر من رائعة مذهلة بمعني الكلمة تسلمين انفاس قطر علي هالرواية واعجبتني شخصية عبداللة وجواهر وكذلك سعود ودانة وننتظر البارت الفادم بشوق :flowers2:
|
السلام عليكم.. نفووس..يسلموو عالبارتين..الي كل كلماات المدح ما تعطيهم حقهم.. عبد الله سبحان الله..وشلون هدا يوم شاف شماغه..والي كان مقدمه لحياة حلوة بتصير بينهم..بس المسجات الي تندز..انذار شؤم يقلق راحتهم..وممكن يقلب الفرحة الي توها بدت لحزن..والمشاعر الحلوة الي توها طلعت لعكسها...الله يستـر منيـره تكفين نفوووس ذبحيها ولا انا بذبحها..عصبت حدي منهـا..فهمنا غصبوج عليه وحددو موعد العرس بدون علمج..والحين بصلحون غلطتهم...وبطلقونج منـه..دعوتج وان ما يمشي على ريوله..يا خوفي تستجاب ويطلع من الغيبوبة مشلول..ساعتها ابوج مارح يقدر يقوله يطلقج..فيا سالم بطلقج من نفسـه..او لا...!! عبد العزيز وسفرته....شي حلو انه رايح يتبرع..ومو هامته الظروف الي هناك..فعلا مثال حلو لشبابنا..بس خوف جواهر وتشاؤمها من هالسفرة..وانهـا غيــر..بمحله..وان ممكن يصيرله شي..!!الله يحفظه.. فايز والله لعبتهـا صح..رقم صاحبه هندي..وعبد الله يعرف اختك ومنخدع فيهـا..وفيك..واختك العقربة تنقل لك الي يصير هناك..ولو جواهر غيرت الرقم رح تاخذه لك..يعني كل شي جاهز لك يالوقـح..بس ابشرك بتنكشف..:) جواهـر الحمد لله..بداية حلوة وومبشره بالخير..تعكس حياتهم وايامهم الياية..لولا مسجات فاايز.. محمد&جبر&خالد الحمد لله..الي حالتهم جذي..كلها رضوض وكسور..مع الايام بتنجبر..بس بتم ذكرى مؤلمـه صعب ينسونهـا..خاصة لو صار شي لسالم..لا سمح الله.. تقبلي مروري |
وأخيرااااااااا الشيبان اعترفو هههههههههه
انفاس ماشاء الله عليس مبدعه فوق العاده مع كل بارت يتأكد لي هالشيء اكثر واكثر عبدالله حراااام احترق دمه من هالفايز الكلب خفي على عبودي تراه تعرفين فوق الأربعين مايتحمل ههههههههه وجواهر فديت الأنوثه والهداوه اعترافها مثل شخصيتها الله يعيينها على عبود الغيور وعبدالعزيز الكبير الله يهديه ويرده سالم جواهر مو ناقصه يعني تلقى عيالها وحبيبها وتفقد اخوها تكفين نفوسه لايصير له شيء !!!! منيره ماأقول إلا سود الله وجهس على دعاويس على ذالمسكين صدق انس مني بكفو !!! سالم الله يشافيه انا حاسه انه مابيموت صح نفوسه قولي صح :o ماجد شكلك تعلقت في دلال وعندي احساس انها بكر ... نوف وعزوز ياحلو العيال اللي يحسون بابوهم يمكن عشان علاقاتهم محدوده فمن كثر عشرتهم له عارفين حتى ملامحه لاتكدر هو حاجه حلوه بس يحملهم هم هو مايبيهم يشيلونه !!! نفوسه تسلمييييييين يالغلا والله يوفقس بالدنيا والآخره ... |
بااااااااااارت رااااااااااااااااااائع جدا جدا
وجميل جداااااااااااااا اعجبني كثيرااا سلمت يداك المبدعة على هذا الابداع الجميل.. دمت مبدعة ورااااااااائعة.. حفظك الله ورعاك.. |
يسلموووو
مطبااااااات جوووووووويه على الانفااااس القطرررريه..... حرااام والله حراااام عليهم ...كل ماقلنااااا هانت.؟.؟.؟.؟.؟.؟.؟. جواهررر خليها تحس بالحب شوي وترتوي ...مو تطلعلنا روحة ...عبدالعزيز....الي رح تعفس الدنيا.... عبدالله ..خذ رااحتك... ساااره ...رح تندمم على دعاويهااا... سالم الله يشفييه.. نفووسه بلا هااالمطبااات.....تعبت..ااااااه... ننتظرك...على سفوحح الجباال......استعدادآ..للقفلات الجايه... |
السلااااااام عليكم...
نفوسه.. يوه يوه يوه وش هالابداااااااع... ياازين عبوود وجوااهر.. يجنونوووون وهم مستاانسين ومبسوووطين وراايقيييين... الله يتمم عليهم.. بس والله عبوود طلع حبيب اقشر مرره غيوور.. هخهخهخهخه ومشكوووره انتس خليتيه يشووفها نااايمه على الشمااغ.. يااااااااي سوو رووماانتيك.. هع هع هع منيره:: انتي ياا الحيوانه يبي لتس قص لساان.. اهبي انتي ودعاااتس .. الله يااخذ عمرتس ياا حماااره حااميه على الاخر بالدعالااء على الرجاال ياا الدبه... بس انتي اوووول وحده بتمووت من الخوووف اذاا عرفت عن اللي صاار لسالم. عسلى ربي يسلمه من كل شر.. سااره :: الله يسلم يمينتس يااا السووري.. ايـــــــــــــــــه والله بردتي قلبي في هالحيوانه اللي مااتفهم.. جعل لسانها بالقص.. . اي والله ياااا ساره والله انهااا ماتستااهل وهي الظاهر تبي تااخذ اللي يمرغ خشتها الودره بالتراب ومهوب بعد حقهاا... هخهخخه الخال عبدالعزيز :: يوه وش عرااقه اللي بتسااافر له.. و؟؟ وش تبي بالعراق ؟؟ انا والله فكرت انك بتروح لفلسطين .. بس ام النذاله مااتبي يكون تووقعي صح.. رااحت وقالت خلااااص عاد لاازم اغيرر وجهة عزوز عشاان ماتصدق توقعات زارا.. هخهخهخه والله يهديك يااا عزوز العوود .. وش تبي بالعراق..؟؟؟ اركد وانثبر في ديرتك... وبعدين وين الزواج اللي عقب 5 اسابيع لااااااايكون انت بطلته؟؟ وليش تساافر للعراق؟؟ بتحارب والا بتسااعد المقااومه... والا وش بالضبط؟؟؟؟؟ نفووسه ماااقصرتي.. بس والله تعباانه والا زدت العيااار .. بالخرابيط اللي اقولها.. نستنى الجزء الجاااي بكل شووق.. |
هلا أنفاس وشلونتس؟..
وأخيرا تصافوا عبود وجواهر على البركة وعقبال ميلقى عود الكلب ويوريه شغله.. منيرة اخ بس ودي أعجنه بس تدعي هي وكشته ان شاء الله يغصبتس أبوتس مع انه حسافة عليتس سالم بس عشان تموتين قهر وزين ماسوت سارة تستاهلين قلع شوشه وتستطير وذبح بعد.. عبدالعزيز أثريك بتروح للعراق وشكلك بتموت لان جواهر تحس ان المره غير .. |
أنفاس كلمة رووووووووووووووووووووووووووووووووووووووووووووووعة قليلة
جواهر وعبدالله وأخيرا مبروك عليكم العوده والله يستر عليكم من اخو هند منيره أيش راح تسويين لمى تعرفين بحال سالم وإنتي جالسه تدعين عليه بدعاوي زي السم بتطلعين بنت أصل وتنسي حكاية الطلاق ولا راح تستمري في عنادك ماجد على قولتك ماتنشن إلا على مضربات عن الزواج وكارهين رجال لا تفقد الأمل في دلال عبدالعزيز اطمنت على أختك خلاص ورايح العراق ربنا معاك و يعطيك العافية بس نسبت نوره أعتقد من حقها عليك إنها تعرف ننتظرك أنفاس على أحر من الجمر |
حس بألم حاد شديد العذوبة والجمال يغزو مشاعره.. يخترق قلبه كرمح سعادة مسنون.. ينسف مشاعره الثائرة في فضاءات من البهجة المتلاحقة
حتى نحن نسفت انفاس مشاعرنا معه ... هل سبق لك أن مررت بلحظة شعرت فيها أنه لفرط تدفق مشاعرك وانفعالك.. تفضل أن تعتصم بالصمت حتى لا تخونك مشاعرك وكلماتك وانفعالك؟؟ لأن كلمات الدنيا كلها بكل اللغات وكل القواميس لن تكفي للتعبير حتى عن جزء بسيط مما تشعر به.. نعم عندما تعتلينا المشاعر وتنضح منا الاحاسيس وتكبلنا بلا هواده ...تخوننا الكلمات .. وتهرب من افواهنا العبارات ونكتفي بالصمت فهو خير دليل ...ولاكن هل يعي الجميع لغة الصمت ويفقهون كلام العيون ..؟؟؟ام يرون انه عدم احساس ..؟؟ عبدالله كان واقف في نفس مكانه كتمثال عظيم سُلبت منه الحياة ولكن لم تُسلب منه العظمة.. دائما يظل العظيم عظيما حتى في لحظات الانكساااار أحس كأنه كان مثل مسافر مبحر في لجة عميقة لا تنتهي من المحيطات المتصلة ... مسافر وحيد على مركبه الموحش في رحلة مضنية استغرقت سنوات وسنوات طالت رحلته القاسية بدون أن يلقى ميناء يرسو عليه.. فإذا به يفاجئ بأجمل موانئ الدنيا يبزغ فجأة أمام عينيه ويفتح ذراعيه له.. بعد أن يأس من النجاة.. واستعد لاستقبال الموت.. اي وصف واي تعبير ...اروع من وصفك لحاله انسان تائه مثل عبد الله ..اهنيك انفاس على هالوصف الدقيق ...والرائع .... ****************** القلق ينهشها مثل ذئب مسعور.. يستمتع بطعم لحمها.. كل ما ينهش.. كل ما يحس بإزدياد السعار عنده.. فيعود للنهش الموجع دون رحمة.. فعلا الخوف والقلق تنهش قلوبنا كالذئاب عندما نستسلم لها بكل الم الدنيا وصمته ... أنفاس ابدعتي وابدعتي وامتطيتي صهوة الابداع بمعنى الكلمه ... اسلوبك في سرد الحوار ...انتقائك لعمق الكلمات... تشبيهاتك البليغه ووصفك لمشاعر ابطالك ...جميعها زادت من جمال رائعتك.. .................................. انفاسنا العطره تدرين وش الي قهرني منيروه الخبله ...كل الي بيصير لسالم هي الي بتتحمله على راسها الحين الرجال بغيبوبه ويمكن يطول وشلون بيطلقتس يالخبله ...ويمكن يفيق من غيبوبته ويكون مختل عقليا عاد ذيك الحزه ماله احد بيراعيه غيرتس يالخبله ...تعوذي من ابليس وادعي ان الله يعافيه ..ويرجعه سالم ... بنـــــــــــــــــــــــــــــات لازم نسوي بطاقه شكر وعرفان ونكتبها بالخط الكبيييييييير لراس الشر فايز لان الحسنه الوحيده الي سواها انه يبي يكحلها عماها ههههه وهذا احسن شي سواه انه رجع عصافير الحب لبعض ...مشكور يافايزوه وياليت ماعاد نشوف رقعة وجهك مرة ثانيه انت تفهم ... محمد ..البطل الخفي اتوقع انه في حاله اذاسالم صار عليه شي انك بتروح وتخطب منيروه الحمااره ياليت وتوريها نجوم الظهر علشان تعرف قدر سالم الي ماراح تعرفه منيره الا من كلام محمد عنه ساعتها تعرفين اذا قلنا لتس سالم غييييييييير انفااااااااااس معليش طولت بس الاجزاء جناااان ...وكل كلمه كتبتيها أقول عنها ماشاء االله تباارك الرحمن ...الله يحفظك يارب مشكووووووووووره انفاس بعدد انفاسنا ... وننتظر الجي بكل شوق ... ... |
نفوسه ياعطيج الف عافية ياحنونه يعني اليوم حنيتي علينا بي بااارتين بس ماشاء الله القفله كفة وفت>>>نقزه هههههههههههه
منيره جعلج ترسبين في الامتحان تستاهلين خلينا نشمت فيج يانذله سمحلس نفوسه ترها متخلفه وتبغي تطلع اعذااار من لاشياء وتبغي تطلع نفسه مظلومه وهي ظالمه >>>حاقده عليه اجل سلوم يتعذؤب وهي مابقي دعوه ماقالتها وجع ان شاء الله على فكره كل دعوه ترجع لي صاحبها هههههههه نوية عليه شر مجود ياعيني عليك وانت لازم تحرب اذا جيت تحب وحده هههههههههههههه رحمي نفوسه وخليه ياخذه عن خاطره ياقلبي عليه >>تعطفة معها خخخخخخخخخخخخخخ عبد العزيز متاكد انك تبغي تتزوج ليه تكسر قلب نوري ياعمري عليه حرام عليك من الان متعاطف معه >>>بس الله يرجعك سالم يااارب عبود ياعمري عليك مبروك حصولك على شوقك ياقلبي على جوجو شكل الحب في قلبك زاد مانقص يالله يزيد ويباااااارك >>>بس اتوقع تخاف على جواهر تروح لي وحده مع الساااايق في الفتره الجايه ويمكن انت الان تتكفل توديها وجيبها خوفا عليه من هذا الحقود ويخفي جد يكون نوي على هذا الشي ونننتظر بكره بكل شوق مذهلة |
اقتباس:
قفزتي بنا الى حدث اشد غموضا و اعنف تشويقا،،، كلما اغلقت الشاشه،،وعدت الي ايامي،،،قفزت احدي الشخصيات الى ذهني،،،وتساءلت ياترى،،وش صار مع دانه،،،عبدالعزيز وش اخباره...عبدالله وينه الحين،،،واكاد انسى انهم شخوص من ورق،،رسمتيهم بمنتهى الدقة و بكل التفاصيل وبشكل ادبي راقٍ،،يحترم عقل القارئ،، ،،،حتى كادوا ان يشاركوننا الحياة،،،!! انفاس قطر تجاوزت ِالكثيرات،،،ولكن ليس هذا ماميزك،،، مايميزك هو هذه الروح المتواضعة بداخلك،،،انتِ تكتشفين انك مبدعة بنفس وقت اكتشافنا لك،، و،نحتفل جميعنا،، نحن وانتِ وبوقت واحد بهذه البهجة التي تدخلينها الى ارواحنا،، كلما كتبتِ جزءا جديدا،،كلما اجتمعت حولك افواج جديدة من القراء و المتابعين،،،واقتربتِ انت اكثر الي ابداع اوسع واكبر ،انت لاتعلمين حجم موهبتك التي حباكِ الرب بها ولهذا انت جميلة و قريبة الى القلب... تمنياتي لك بكل جميل بهذه الحياة تمنياتي لك بأن تأخذي موهبتك على محمل الجد و تطوريها و ترتقى بها ونجدك يوما ما علي ارفف المكتبات،،،كاتبة ملتزمة،،،وابدا غير مملة،،،لاتشبه الا نفسها،،،، فكوني دوما بهذا الشغف وهذه الروح وهذا التميز وكوني بخير |
وااااااااااااااااااااااااااااااو نفوسة وش هالابداع جد ابدعتي في هالجزء الاكثر من روعة ............ لا لا انتي قاصدة يفنشوني من المدرسة كل يوم اروح سهراااااااانة وانا اعيد بهالقصة واكرر واحلل ............ امس راقبت رياضيات والله لا يوريج كان الامر مأساة وانا نايمة ورئيسة اللجنة شوي وتكفخني ((( والمديرة تطل مرتين والبنات شوي ويقومون ويبوسون خشمي على اني نايمة ومدري وين الله حاطني //////////// المهم اني جد مشتاااااااااااااااااااااااقة حيل اقراااااااااا واقراااااااااااا من قصتج وما تخلص انتي جد ابدعتي والله يا نفوسة لو كيفي كان عطيتج جائزة نوبل للاداب وجائزة الاوسكار ............... لا تتأخرين علينا جد ابدعتي
|
حسبي الله علا منو ودعوايها كنها عجيز ماكلين عشاها ...اصلا لوهو مسوي شي ماتجوز تدعي عليه بهالطريقه فما بالكم وهو ماسوالها شي ...بس يالله راح ينقلب عليها هذا كله وبتندم حيل لانها بتدبس فيه وفي خدمته غصبا عنها ....والله العضيم تستاهل حرتني هذا مو اسلوب وحده متعلمه .
وعبود جواهر الله يهنيكم .......بس شوفوا الحريم كلمتين وطيحت راسها مامداه ماسوا شي الا هيمانه حريم والله العظيم مايجون الا بالعين الحمرا ...... هذي حالات الخطوط الي بدون اسم او اسم هنود صراحه لازم فيه قانون احسن من كذا ....بس فيه حل اسهل انو الشريحه تتكسر ويتغير الرقم وماضنيت يحصل رقمها مرره ثانيه . الله يهداك عبدالعزيز رايح للعراق ....والله في مجالات للجهاد كثيره ..... احس راح تتحطم جواهر لماتعرف خرام ...... وماجد المسكين ان شاء الله ياخذ الي رجلها كرهها بالرجال ويكون عند حسن حضها . نفوسه كلمه اخيره شوفي تاريخ اشتراكي وعدد مشاركاتي راح اتعرفين ان انتي سويتي شي فينا طلعنا من صمت الحملان . |
هذي المره اعقدتي لساني والجمتني واصبحت عاجزه عن التعبير لذلك لا يوجد تعليق غير مبدعــــــــــــــــــــــــــــــــــــــــــــــــــــــــ ــــــــــــــــــــــــه انتي وبارت مبدع فقط عندي كلمه لهذي البنت الغبيه منيره انا في العاده ما احب اني اقول ياريت يقوم ويلعن ابو خيرها ويكسر خشم الي جابها لنها في نظري تستحق ووش هذي الدعاوي على الرجال اعنبو وش سوالج هذا لو ذابحلج حد ما دعيتي عليه مثل كذا انتي ما خفتي ربج وانتي تدعين على انسان بريئ ماله اي يد في الي صار غلطته ان فكر في وحده زفته مثلج و ربي انج ما تستاهلين تراب رجله قسم بالله انج ثوره بتندمين قد شعر راسج اما عن شيبانا "جواهر /وعبدالله الله يهنيكم و يسعدكم ويبعد عنكم الكلب هذا لني لو اطوله بشتره تشتير و اكسر له اضلوعه احطه في قوالب و اصدره للخارج ههههههههههه يستاهل الخروف احمار عزيزتي تسلمين وتسلم يدك و ننتظرك في البارت القادم .......................اختك حياتي عذاب |
مرحباا انفاس يعطيك العافية يارب على الابداع الاكثر من راائع جواهر وعبدالله واخيرا ً وقعت الحصون المتينة وانسكبت المشاعر بحرية ودون عائق لكن المسجات ربما يكون لها دور في تنغيص حياتهم التي بدأت تزهر بورد الربيع هل اتنهت المسجات بتحطم الجوال ..واصدار رقم جديد ...؟؟ ام ان هند ستعاود الكره مرة اخرى وتحصل على رقم جواهر الجديد ..؟؟ ومن ثم تبدأ رحلة جديدة من المنغصات .... اما منيرة من جد ماهي تايبة من هالدعاوي الي اكيد هتطيح على راسها ومالها الا سالم لانه وحيد واكيد عمه مو تاركه في بيته لوحده من غير احد يرعاة وما برد حرتي الا ساره الله يقويها اراده ام احمد ادام الله عليكم نعمة الامن والامان ووهبكم الله القوة للاستمرار في النضال ضد المغتصبين فا ارض الرافدين ليست قضية العراقيين فقط انما قضية الامة العربية وما لم تستطع ان تقوم به الحكومات قاموا به ابناء هذه الامة وجميل من العشائر ان عملت على الحفاظ على امن الطريق الواصل ما بين الاردن والعراق حيث كان هذا الطريق اشد خطورة من ارض العراق نفسها . انفاس لك تحية معطره وسلمت يداك |
سؤاااااااااااال .. بعض الردود فيهاا ان سالم بينشل. وماراح يمشي... من ويـــــــــــــن جبتوا هالكلاااااااااااااااام؟؟؟؟؟؟؟؟؟؟ والله قريت الجزء مرتين واللي فيهاا طاري سالم وحالته قريته عشر مرات.مالقيت الا ان فيه كسووور ووضعه صعب.. من وين جبتوا الشلل؟؟؟؟؟؟؟؟؟؟؟؟عطوووني الله يعااافيكم الجزء اللي فيه هالسالفه.. والله اني مصخنه جسمياا وقمت اشك بنفسي عقليااا.. هخهخهخه
|
يا مسكينه يا جواهر ما أظن انه فرحة بتكنمل بعد عزيز الكبير لييييش تسوي جذي مو حرااام عليك عبود عاااااااااااش والله عاااااااش الشايب الغيوور ان شاء الله يعرف الزفت فوازو ويغربله تغريب نوره يا حبيبتي والله بتنهارين اذا صار شي لي عزيز منيرة بااااااااااااااااااااطة جبدي وان شاء الله تتحسفين قد شعر راسج من الدعاء اللي دعيتيه مو حرااام عليج سوسو يا قلبي عليها الله يعينج ويقوم سلوم بالسلامة وتزوجينه وحده احسن من منور الخايسة واخيرا تسلميييييييين نفووس على البارت الرائع وبالانتظار المزيد من الاكشن |
قصه ممتعه لابعد حد وفريده من نوعها وجذبتني وحبيت اشكر مبدعتنا نفوووووووووووووووووسه على هاالانجاز والله يعطيك العافيه
|
[ الله يعطيك العافيه على القصه الجنان والروووووووووووعه
اكتب وانا مستحيه لاني مش متعوده اكتب ردود بس قصتك تستاهل الواحد يرد عليها لانهارهيبببببببببببببببببببببه >>>خلاص راح السحى خخخخ وبعدين ليه بعض الردود تقول ان سالم بينشل والله اني مثل زارا قريت البارت مرتيين عشان اتاكد بس ان شالله مافيه الا العافيه :flowers2: |
السلااااااااااااااام عليكم ورحمة الله وبركاااااااااااااااااته صباااااااااااااااااااااااااح الورد....والقفلاااااااااااااااااات..الخطيره..... نفوووووووووووووسه...الله يسلمك يااا قلبي..على هالبااارت..الخطير...... والامتوقع..بصراحه ما توقعت ابدا ان العلاااقه بين عبدالله وجواهر.ترجع بذي السرعه..بينهم. .بس..شكلك ناااويه..على شي...مو...هين....واكيد...وراك...شي.. يعني مو معقوله بيعيشون بسبات ونبااات......الا من فواز واشكاله. .. يعني..السالفه فواز بس..ولا فيه مصيبه..ثااانيه..الله يرحمنا من المصاااايب...خخخخخ منيره... وش فيك ياا بنت وش ذي الدعاااوي...كلهااااا... معقوله حقدك عليه وصل هلدرجه.وش ذنبه..هو..يعني.. عشان كنتي بتسكنين ببيت اهله..المحروووق.. ولا عشان قرر الزواج بالسرعه....ذي. من غير علمك......ولا وش السالفه.. .يعني.ممكت تكونين موطايقته...كارهته.بس تتتمنين موووووووته.. .قووويه..والله..وبتندمين عليهاااااا.... دعواااااتهاا...تشل تفكير الواااح والله..جد خوفتني..... عزووووووووووووز اممممممممممم اتوقع..انك بترووووح العراااق ويمكن تختفي اخبااارك... وبتتوقع جواهر انك..مت..ونوره بعد...وتطلعلنااا بالاخير حي ترزق.... .بس يااا خووفي يا عزووووز..انك تتعرض للتعذيب..ولا أي.شي..وبعدين انا ابي اعرف انت رايح تودي تبرعات وترجع..ولا..؟؟؟؟؟؟.. الله يردك بالسلامه....بس...ايا كانت اسبابك... نفووووووووووووووسه الله يسلم قلبك..ياااارب..على هالابدااااع....ويعطيك الف عاااافيه..على البارتااات اليوووميه..... بانتظااااااااااااااااارك دومااااااااااا... |
صباحات ما قبل الأشراق
وبعد هجعة الليل الأولى اليوم مبكرة أنا وأن تأتي متاخرا خير من ألا تأتي وأن تأتي مبكرا خير من كل شيء آخر صحيت من نومي مفزوعة قبل صلاة الفجر أخشى أن يحين وقتكم ووقتي الأثير/وقت نزول الجزء الجديد وانا مضغوطة ومنشغلة كعادتي الرديئة هذه الأيام قرأت جميع الردود على عجالة متمهلة (عجالة متمهلة)؟؟ غريبة!! عيناي كانت تمر على السطور بسرعة وقلبي يقرأها حرفا حرفا.. وهمسة همسة بالتأكيد كل يوم سعادتي تتزايد بسطوركن الغالية قارئاتي القديمات وأصالتهن والجديدات بأوراق اللف الجديدة ولمعتهن تزايد المنجذبات لعوالم بعد الغياب بطلات التعليق الأول/ بطلاتي الخارقات أفتقدت بعض الأسماء بشوق موجع فوجئت بمظاهرات حاشدة في أحد المنتديات تطالب بأنزال 3 أجزاء اليوم وطبعا تم قمع المتظاهرين على طريقة قوات مكافحة الشغب في الدول العربية لا يهم كسر طفيف هنا.. او اختناق من جراء الغاز هناك او حتى عدة مساجين وصرعى تحت أقدام القوات التي داستهم بكل رحمة إنسانية المهم أن يتم إقرار الديمقراطية الفريدة على الطريقة العربية يعني بارتين. بارتين.. بلا نقاش تعليقات عامة سريعة على بعض التعليقات.. 1) عبدالعزيز ومعه راشد نموذج مثالي للشباب المتدين حرصت على تدعيمه وإبرازه بكل دقة وقوة (يعني لا أرهابين.. ولا غيره.... )وربط الدين بالإرهاب فكرة حقيرة نحتاج لتغييرها لا تدعيمها.. 2) سالم المشلول.. وبنت عمه اللي ستجلس تحت قديمه... توقع طاش وإلا ماطاش؟؟؟؟؟؟؟ 3) للقارئات العراقيات بالذات: أعلم أن الوضع في العراق في تحسن دائم.. ولكن نود أن نصنع بعض الأكشن.. واخترنا أن تقع بعض الأحداث عندكم.. ألن تستقبلونا؟؟ ومن ناحية أخرى ستظهر في الأجزاء القادمة حوارات باللهجة العراقية... أعلم أني (قلبتها فوق حدر) بس أتمنى على الأقل أنها كانت في الحد الأدنى من القبول.. رغم أني حاسة إنها بتكون مثل لما المصريين بدمهم العسل يحاولون يتكلمون خليجي.. (صح أم أحمد؟؟!!!) 4) عبدالله وجواهر، وسعود ودانة... ياترى أنفاسكم خلصت منهم.. أو بعد فيه جاي؟؟؟ عندي مافيه نهاية قبل النهاية الفعلية.. انتظرونا استقبلوا الجزء الجديد 59 60 جزء لطيف خفيف فيه تأديب لشخصية أنتظرتوا كلكم تأديبها في مسلسل من التأديب لن ينتهي قريبا فيه مشاعر رقيقة محملة بكم كبير من الغموض فيه بداية أحداث مخيفة فيه أنه أهم شيء تتمتعون فيه قراءة ممتعة مقدما ولاحول ولا قوة إلا بالله . . . . |
بعد الغياب/ الأجزاء 59، 60
بعد الغياب/ الجزء التاسع والخمسون
#أنفاس_قطر# عبدالعزيز وهو يلقي الخبر القنبلة: أنا رايح العراق.. عبدالله مثل اللي صابته صاعقة: شنهو؟؟ العراق؟؟ عبدالعزيز بابتسامة صافية: وش فيك تخرعت كذا؟؟ يا ابن الحلال لا تخاف والله ماني برايح أفجر نفسي هناك.. لاهذي أفكاري.. ولاهذا ديني.. عبدالله بعصبية: ما أعتقد أن العراق في وضعها الحالي..رغم التحسن الأمني، مكان الواحد يروح له إلا لو كان مضطر.. عبدالعزيز تنهد وقال بهدوء: يا ابن الحلال.. السالفة ومافيها إن بيت الزكاة يبي يوصل تبرعات للعراق.. والقنوات اللي كنت نوصل فيها التبرعات.. أحيان كثيرة ماتوصل التبرعات وفق للمخطط الموضوع.. والحين فيه مبلغ كبير نبي نوديه.. بينحط في حساب هنا.. وانا باسحبه على دفعات وأسلمه للهيئات الخيرية المختلفة وفق المخطط المرسوم.. اسبوعين وأكون راجع.. ولو أنت شاك، رئيسي في الشغل قال لي أنه من ربعك.. اتصل فيه أسأله.. عبدالله بقلق: ومافيه حد غيرك يقوم بذا المهمة، حد من اهل البلد نفسها؟؟ عبدالعزيز بجدية وتفاني: أنا اللي تطوعت للمهمة.. المهمة صار لها مدة معلقة.. فأنا حبيت أخلصها بسرعة قبل موعد عرسي.. عبدالله ماعرف وش يقول، قال بود وقلق: الله يحفظك يابو منصور.. أتصل فيني أول ماتوصل وطمني.. وأنا لي أصدقاء عراقيين هنا وهناك.. لو احتجت شيء كلمني على طول.. ****************** عبدالله رجع داخل مالقى حد تحت.. طلع لغرفته والهم ماليه.. والخوف على عبدالعزيز خانقه.. لقى جواهر قاعدة على الكنبة.. دافنة وجهها بين إيديها.. وتبكي بصوت مكتوم.. قعد جنبها بهدوء، حاوط أكتافه بذراعه وقال بلهجة تقطر حنان: حبيبتي ليش هالبكاء كله؟؟ عبدالعزيز رايح في شغل.. وكلها أسبوعين وراجع.. جواهر كأنها كانت تنتظر هالكلمة عشان تنهار من البكاء.. رمت نفسها في حضن عبدالله وبكت بحرقة.. عبدالله ضمها لصدرها بقوة، وسألها برقة: وعبدالعزيز كل مايجي يسافر كنتي تسوين له هالفيلم الهندي؟؟ جواهر بين شهقاتها ووجهها مختفي في كتف عبدالله: لا عبدالله .. لا.. هالمرة غير.. قلبي يقول إنها غير..قلبي ناغزني.. عبدالعزيز لو صار له شيء بعيد الشر، انا أموت والله أموت.. عبدالله كان مذهول من إحساس جواهر بأخوها.. ودعا من قلبه أنه ربي يحفظ عبدالعزيز ولا يشوفون فيه مكروه وحس قلبه يذوب كقطعة ثلج على صفيح ساخن من بكاء جواهر.. وإحساسه بملمس دموعها اللي بلل كتفه.. عبدالله رفع وجه جواهر ومسح دموعها بكفه.. قبّل أصبعه المبلل بدموعها وكأنه يقبل دموعها ذاتها.. وقال بكل حنان: دموعج غالية ياقلبي.. وعبدالعزيز مافيه إلا الخير.. لا تفاولين عليه.. البكاء فال شين.. ********************** ماجد صابته حالة جنون جديدة اسمها (دلال) يبدو أن ماجد عشق حالة جنونه بجواهر فحول حالة الجنون لدلال جواهر جن فيها لأنه شافها، ودلال جن فيها لأنه ماشافها.. ماجد قرر أنه يتزوجها.. يتزوجها.. لو مهما صار انه يتزوجها.. لو حتى غصبا عنها.. ماراح يسمح أنه ينرفض مرتين واصبح مؤمن بإن دلال هي فرصته الأخيرة أو ربما كانت هي فرصته الوحيدة.. وإن كل الظروف كانت تهيء دلال أنها تكون له هو.. هو .. وبس.. عشان كذا جواهر رفضته.. وزوج دلال مات.. والدليل عنده: إنه في نفس اليوم اللي جواهر تزوجت فيه.. كانت دلال تفك حدادها.. كأن في الأمر إشارة قدرية له.. (وعشان كذا دلال بتكون لي..برضاها.. غصبا عنها.. بتكون لي) ****************** انتهت فترة الامتحانات في الجامعة والمدارس عزوز رجع لمدرسته الأجنبية اللي انتهت إجازتها.. هو وديمه طبعا.. أبو خالد رجع الأحساء وخذ محمد ورجعه للدوحة لأنه أم سعود عرفت بالحادث وانفجعت على محمد.. فحلف عليه سعود يرجع عشان يطمن أمه عليه.. في الوقت اللي سعود أصر أنه يقعد مع سالم وأبو علي.. لين يتحسن وضع سالم، ويقدرون يرجعونه للدوحة.. محمد فاتته امتحاناته كلها.. بس ربعه في الجامعة قدموا له غير مكتمل.. عشان يقدمها مع بداية الفصل.. خالد فاته امتحانين وامتحن ثلاثة.. وقدم هو بعد الاثنين الفايتين غير مكتمل.. بنات المدارس: حصة والجازي وغالية، خلصوا امتحاناتهم.. بنات الجامعة: نوف ومها ومنيرة وفاطمة ومزنة وسارة وحتى هند ، خلصوا امتحاناتهم.. عايلة أبو علي: لحد الحين ماعرفوا باللي صار لسالم.. أبو علي قال لهم.. أنه مبسوط وهو سالم بالجو.. وشكلهم مطولين.. سارة جننت أبوها تبي تكلم سالم ووأبوها يتهرب بالف حجة.. ومنيرة جننت أبوها تبي سالم يطلقها وأبوها يتهرب بنفس الحجج.. دانة ارتاح قلبها لما تطمنت على خالد.. لكنها بتموت من شوقها لسعود اللي طولت غيبته.. رغم أنه بينهم اتصالات تلفونية لا تنقطع.. نجلاء وجاسم مبسوطين مع حمودي بعد انتهاء أزمة دلال.. ماجد مازال يرسم مخططاته للحصول على موافقة دلال.. من خلال خطوة الخطبة رقم 2 اللي يستعد لها بتكنيك استراتيجي مدروس دلال مع خالتها أم جاسم.. اللي لحد الحين موب مرتاحة لقعدتهم ثنتينهم بدون رجّال معهم.. لكنها تعبت من عناد دلال اللي رافضة فكرة الزواج بالمرة.. فايز استمر يرسل مسجاته على الرقم اللي تكنسل.. منتظر اللحظة اللي جواهر بتلين له فيها.. أو اللحظة اللي زواجها بيخرب فيها.. عائشة : بين العمليات والمؤتمرات.. ولكنها بدت تنتبه أكثر لديمة وتشدد عليها في القعدة على النت ديمة: بين الهواجس والتهكير على الاجهزة.. والملايين اللي تدخل حسابها عشان تطلع معه.. في لعبة ما تنتهي.. رغم أن أمها بدت تشدد عليها شوي.. رجعت تلبس نظارتها القديمة.. وتركت نظارة جواهر اللي هي فصلتها لها.. عبدالعزيز ونوف مبسوطين جدا ومستمتعين جدا جدا بحياتهم بين أمهم وابوهم.. نورة: تتجهز بحماس لعرسها اللي قرب.. جواهر كان في قلبها غصة لغياب عبدالعزيز لكنها تطمنت بعد ماصار يتصل عليها في اليوم أكثر من مرة (من رقمه القطري!!!).. جواهر مستمتعة جدا بحياتها الجديدة مع عبدالله.. عبدالله خلى لحياتها بريق مذهل.. كساه بروعته ومشاعره ودفئه ورجولته.. تشعر لأول مرة بروعة أنها تكون أنثى.. عبدالله عزز ثقتها بنفسها كامرأة لأبعد حد.. بحبه المتدفق... بمشاعره الفياضة ... برجولته المتفجرة ... بغزله الدائم والمختلف.... بطريقته الفريدة في التعامل معها.. وإضفاء نكهته الخاصة على كل شيء يحيط به عبدالله: يشعر أنه الرجل الأسعد في الكون.. جواهر عوضته سنوات الحرمان الطويلة بأنوثتها الطاغية.. بحنانها الأسطوري.. بحواراتها الفكرية العميقة.. جواهر أرضت كل شيء فيه حتى الثمالة: جسدا وروحا ومشاعرا عبدالله يشعر هذه الأيام براحة نفسية عميقة ماحس فيها طول حياته.. في الوقت اللي أصبح مولع بجواهر إلى حد الجنون.. الساعة حوالي العاشرة مساء.. جواهر وعبدالله في جلسة التلفزيون..في غرفتهم جواهر تحتضن اللابتوب.. تراجع محاضراتها للفصل القادم في الوقت اللي كان عبدالله يقرأ في مجلة اقتصادية أمريكية جواهر كل مارفعت عينها.. لقت عبدالله يطالع فيها هي.. ابتسمت جواهر وهي تدق على لوحة المفاتيح: عبدالله أنت قاعد تقرأ مجلتك أو تقرأ شيء بوجهي؟؟ عبدالله نزل المجلة جنبه، وطالع جواهر بعمق: أنا قلت لج اليوم أني أحبج؟؟ جواهر بابتسامة دافئة: قلت لي 20 مرة عبدالله تمطط في مكانه بكسل وقال بهيام: خليها 21 مرة مايضر.. جواهر بحب: خليناها 21 مرة عبدالله قام من مكانه وتوجه ناحية جواهر وجلس جنبها، سحب اللابتوب وقفله وحطه على الطاولة اللي أمامهم.. عبدالله بعيارة محب: وانا مسكين.. حتى مرة وحدة ماقلتي لي.. جواهر رفعت حواجبها: يالكذاب.. وعقب كملت برقة: عبدالله أخلص علي.. أنا صرت حافظة حركاتك.. قل وش تبي؟؟ عبدالله بعيارة: يمه منج جنية!!!.. وعقب ميل عليها بحنان وحط يده على بطنها: مافيه بيبي؟؟ جواهر كحت بحرج، وضربت يد عبدالله: شنو بيبي عبدالله.. الله يهداك.. مالنا أسبوعين ونص متزوجين.. شنو هالبيبي جاي في الميكرويف؟؟ عبدالله بحنان وهو يحط رأسه على فخذ جواهر: موب شغلي..مايكرويف.. فرن.. تنور.. أنا أبي بيبي؟؟ جواهر بابتسامة شفافة وهي تدلك رأسه بحنان فياض: أنت وش طاري عليك راكبك عفريت اسمه أبي بيبي؟؟ عبدالله بابتسامه دافئة وعيونه مسكرة: عيالج صاروا ثيران مايليق عليهم الدلع.. وأنا بصراحة أبي لي بيبي أدلعه.. أنا تعودت على تدليع عيالي.. وحتى الثيران الثنين اللي عندنا من يوم شافوج كني أبو الشارع مايبوني.. كله أنتي وبس.. جواهر قرصته في خده، وقالت بنبرة زعل مصطنعة: وش فيك على عيالي؟؟.. صدق أنك طماع ومايبين في عينك شيء.. أنا أحس من كثر ما يحبونك كأنهم مايبوني أنا.. عبدالله بطل عيونه، ومسك يد جواهر اللي كانت على راسه وحضنها قريب من قلبه بقوة رقيقة: أكيد نوف وعبدالعزيز ماراح يجي بغلاهم حد.. بس أنا جد بأموت أبي بيبي بيبي أتمتع أنا وياج بترقبه وهو يكبر في بطنك لين يجي.. ثم تربيته سوا لحظة بلحظة.. جواهر بحب: يعني مستعجل على محمد؟؟ عبدالله بابتسامة: ومن قال لج باسمي محمد؟؟ جواهر باستغراب: طيب وش تبي تسميه؟؟ عبدالله اللي كان يغمر أصابع جواهر بقبلات حنونة: ماجد.. ..محمد ثاني بيبي.. جواهر كحت: ماشاء الله عليك.. لا قاعد تخطط.. وعلى كذا كم بيبي تبي؟؟ عبدالله قعد على حيله وقال بعيارة: أنتي كريمة واحنا نستاهل.. جيبي لي 12 ماراح أقول لا.. جواهر بابتسامة: يا سلام.. عبدالله يضحك: أنا عجبتني نمونة عيالج الثنين اللي قبل ، خلاص ماراح أثقل عليج جيبي لي 10 مع نوف وعبدالعزيز يكملون 12. جواهر وهي تحط يدها على خده بعشق حقيقي: بأجيب لك ماجد ومحمد وانا أبي أجيب نجلاء.. واللي بيجي من الله حياه الله.. عبدالله بعيارة: مو كأن ماجد واخته مسخوها؟؟.. يبون يأخذون اسماء عيالنا بالجملة #أنفاس_قطر# بعد الغياب/ الجزء الستون #أنفاس_قطر# سالم حالته استقرت.. بس مازال في الغيبوبة.. وتقرر نقله للدوحة على طيارة طبية معه سعود وابو علي.. أبوعلي أتصل في أهله وبلغهم سارة اصلا بدأ القلق يقتلها.. وقلبها كان ناغزها على سالم اللي لها أكثر من عشر أيام ماسمعت صوته.. من لما عرفت سارة بالخبر صابتها حالة انهيار من كثر البكا سالم كان بمثابة توأم لروحها.. منيرة كانت مذهولة.. مصدومة.. أشبه بحطام يائس.. شعرت بذنب عظيم ..وحشي..مر.. حاد..قاسي .. يخنق روحها...يمزقها.. يذبحها.. ينهيها.. صحيح إنها دعت عليه.. بس من الحرة اللي فيها (والله العظيم أني ماكنت أقصد.. والله العظيم ما كنت أقصد.. يارب سامحني.. حتى الأم تدعي على عيالها وهي ماتقصد.. ليش ياربي تعاقبني كذا على كلمة غبية أنا والله ماقصدتها) منيرة قربت بتردد من سارة اللي كانت منهارة تبكي على سريرها.. حطت يدها على ظهرها برقة: سارة فديتس.. سارة انتفضت بعنف، وضربت يد منيرة: دعيتي الله يحرق قلبي عليه.. وهذا قلبي احترق وصار رماد..أربس مبسوطة بس؟؟.. ارتحتي الحين.. وقلبس تهنأ.. ارتحتي.. ارتحتي.. واستمرت سارة تصيح وتقول: ارتحتي.. في الوقت اللي كانت دموع منيرة بدت تتساقط بغزارة صامتة.. وقلبها يبكي بدموع أكثر قسوة وحرقة وألم متمرد لاتحده حدود ولاتقيده مسافات .. ألم خرافي ترسب في عمق روحها التي أثقلها الاحساس الموجع بالذنب.. **************** الطيارة الطبية وصلت كان في الاستقبال محمد بالجبس في رجله وومعاه عكازه خالد بشوي لزقات على وجهه جبر بأسنانه الجديدة.. علي بقلقه العاصف.. عدد من جماعة سالم وقرايبه.. سالم بعده في الغيبوبة .. بس وضعه مستقر نُقل لغرفته في الطابق السادس من مستشفى حمد/ قسم العناية المركزة الوقت كان بالليل متأخر.. أبو علي (اللي صار لسعود غلا خاص وكبير جدا عنده) حلف على سعود يرجع لبيته.. لأن سعود كان منتهي من التعب والتعب باين على شكله.. أبو علي حضن سعود وقال له بتأثر: والله ما ألحق جزاك يا ولدي لو مهما فعلت وسويت.. جعل ربي يقدرني على رد بعض فضلك يوم.. سعود باحترام: لا تقول كذا يا أبو علي.. أنت مثل أبي وسالم أخي.. وجعل ربي يفرحنا بسلامته سعود كان بيموت من شوقه لدانة إجازته كلها خلصت وهو بعيد عنها.. بس ذكراها مافارقت خياله.. حتى وهو نايم.. كل شيء فيها يتذكره بغصة.. بشوق حاد.. ابتسامتها شعرها كلامها ريحتها عيونها روحها العذبة.. وحتى صمتها على قد ماكانوا يتكلمون في التلفون.. بعد كل مكالمة طويلة.. يحس شوقه لها أطول وأطول.. أحد واقسى وأكثر وجع.. وعلى قد ما كان يقول (أحبك) في كل المكالمات عشرات المرات.. ماسمعها منها ولا مرة.. ولا حتى سمع كلمة (حبيبي) منها.. هو كان متأكد أن دانة تحبه مستحيل تكون تمثل كل هذي اللهفة والحنان والتدفق والعاطفة المشتركة.. بس ليش ماتقولها له.. وتريح قلبه المتعب؟؟ بيموت ويسمعها من بين شفايفها.. ومستحيل يستجديها منها.. أو حتى يلمح لها.. يبيها تجي منها ومن كامل احساسها ورغبتها.. سعود ماقال لدانة عن رجعته .. حب يسويها لها مفاجاة.. ويمكن هي تسوي له مفاجأة وتقول الكلمة اللي ذبحها الشوق لسماعها..واللهفة للاستمتاع برنينها بصوتها.. وصل للبيت قبل الفجر بساعتين.. دخل لغرفته يتسحب.. دانة ما تقفل باب الغرفة بالمفتاح من يوم راح سعود تخاف إن أم سعود أو حد من البنات يحتاجون شيء.. سعود دخل وقفل الباب بشويش مع أنه متاكد أنه حتى لو صفق الباب يمكن دانة ما تحس من قد ما نومها ثقيل كانت نايمة على السرير ووجهها ناحيته.. الأباجورة مولعة وطايح جنبها كتاب كانت تقرأ فيه.. (فديت روحها ..شكلها نامت وهي تقراه بدون ما تطفي النور اللي جنبها) قرب سعود منها.. وهو يحس قلبه بيطلع من مكانه.. كأنه يشوفها للمرة الاولى.. لهفة هادرة.. وشوق قاتل.. وانفعال عنيف.. بيجامتها الحمراء الحرير تعانق جسدها.. وشعرها تتطاير خصلاته حول وجهها.. في صورة سحرت سعود المسحور بها في كل حالاتها.. سعود قرب منها ، شال الكتاب وجلس مكانه جنب دانة.. مد يده يمسح وجهها بحنان، بلهفة، بشوق (ميت من شوقي لش يادانة؟؟ ياترى اشتقتي لي ربع شوقي لش؟) دانة اللي أصلا نومها ثقيل.. مع دخلة سعود بدت تحلم احلام عذبة كان سعود فيها كلها.. ومع ملامسة يده الرقيقة لوجهها.. شهقت بعنف.. سعود تخرع من شهقتها.. حسب أنه خوفها.. بينما دانة شهقت لسبب آخر.. شديد العذوبة.. دانة اللي فتحت عيونها ولقت سعود جالس جنبها.. نطت قاعدة وعيونها تتحول لبحيرتين صامتتين من الدمع.. سعود بحنان وهو يمسح أسفل عيونها قبل تنزل دموعها: أنا ماقلت لش قبل.. الدموع الغالية ذي ما أبي أشوفها.. دانة ما أستحملت رمت نفسها في حضن سعود اللي حضنها بعنف ولّده شوقه القاتل لها دانة بين شهقاتها: حرام عليك يالظالم، أسبوعين.. اسبوعين ماشفتك.. زين ماجيت لقيتي ميتة من شوقي لك سعود برعب وهو يحضنها أكثر وأكثر كأنه يبي يدخلها في صدره ويخبيها فيه: بسم الله عليش من الموت يومي قبل يومش ياروحي وحبيبتي انتي.. دانة اللي استكانت في حضن سعود: أنا اللي يومي قبل يومك يا... (سعود هنا حس أعصابه توترت وأذنه أصبحت مثل رادار لاقط.. "أخيرا بتقول لي: حبيبي") لكنها كملت وقالت: ياسعود.. سعود حس بما يشبه الحزن العميق يغزو قلبه .. (دام أنها لذا الدرجة كانت كانت مشتاقة لي.. ليه مهوب هاين تريحني) لكنه رجع ينتهد (أنا والله أحبها وأدري أنها تحبني، خل الكلمة تجي براحتها.. المهم أنها جنبي وهذا يكفيني عن الدنيا) سعود وخرها من صدره بالراحة، وقال لها بحب كبير: ميت أبي أخذ لي شاور مثل العالم والناس.. دانة نطت: زين باروح أجيب لك عشاء على ما تخلص حمامك.. سعود بابتسامة ونظرة خاصة جدا: لا تتحركين من هنا ولاخطوة.. ما أبي عشاء.. أنا خمس دقايق أتسبح وجاي لك.. اتنيني.. تدرين كنت ميت من التعب.. بس شوفتك حسستني كأني نايم لي 10ساعات جاي.. اتنيني **************** ديمة في المدرسة.. كان مفترض أنها تنفذ عملية مهمة أمس.. عملية تخريب لموقع.. عملية سهلة مثل هذي.. ما تأخذ منها نصف ساعة.. لكن أمس النت انقطع في البيت.. وامها مارضت تخلي خالها ثاني يدفع فاتورته.. ديمه تقدر تدفع الفاتورة من حسابها القطري لحساب كيوتل مباشرة.. لكنها ما كانت تبي تصعد الموقف بينها وبين أمها.. اللي صار لها كم يوم متشددة عليها.. المشكلة أن نصف المبلغ دخل لحساب ديمة في الكاريبي.. وهي ماتقدر تخل بوعدها لهم.. قررت أنها تدخل على النت من مختبرات المدرسة.. بعد انتهاء الدوام..وتخلص العملية بسرعة اتصلت بعزوز اللي كان توه خلص حصص وبيطلع للبيت.. ديمة بتوتر واستعجال: عزوز بليز تعال لي في فصلي.. عبدالعزيز بهدوء: ألف مرة قايل لج عبدالعزيز.. وبعدين أنتي موب مفروض تطلعين أنا شايف سواقكم والخدامة معه واقفين برا.. ديمة بثقة متوترة: عبدالعزيز تعال الحين عند صفي وعقب نتفاهم.. ديمة كانت تقف بنظاراتها البشعة و بحجابها المربوط على خصرها.. واكمام بلوزتها المثنية، وجيب بلوزتها المفتوح على طريقة الشباب.. تذكرت تنبيهات عبالعزيز لها، ارتعبت.. لكن الوقت كان فات خلاص.. لأن عبدالعزيز كان واقف قدامها يغلي من الغضب.. عبدالعزيز بغضب هادر: أنتي ما تفهمين؟؟ كم مرة قايل لج حجابج على رأسج لا على خصرج ولا على كتفج والشيء الأهم سكري ازرار بلوزتج ونزلي أكمامج.. ألف مرة قايل لج أنتي بنت منتي بولد.. واللي تسوينه عيب.. والله لو أدري أنج كسرتي كلامي مرة ثانية.. أن تشوفين شيء مايرضيج.. ديمة بتحدي خايف وهي تفك حجابها من خصرها وتحطه على رأسها وتغطي به صدرها: موب شغلك عزوز أنت منت بأبوي.. عبدالعزيز بغضب: ديمة أنتي بتتعدلين أو أعدلج غصب.. ديمة ماكانت تبي تزعله لأنها محتاجته الحين، قالت له بلهجة مستكينة رغم أن اللي في راسها في راسها: زين عبدالعزيز تكفى أنا أبي لاب الكمبيوتر شوي.. ممكن تنطرني لين أخلص.. عشان لو قالوا لي المشرفين شيء أقول أنك معي.. عبدالعزيز وهو بعده مفول عليها: زين روحي أنا بأنطرج في ملعب السلة اللي جنب اللاب لين تخلصين... وكمل بغضب: ونزلي أكمامج.. ديمة قالت له بلهجة خنوع مصطنعة: زين ان شاء الله.. راحت لمختبر الحاسوب اللي كان خالي تماما.. خلعت حجابها وحطته على الكرسي، وخلعت نظاراتها وحطتها جنبها، والحال على ماهو عليه بالنسبة لجيب بلوزتها المفتوح وأكمامها المرفوعة.. وبدت تشتغل بحماس وسماعتها البلوتوث في أذنها.. كانت مستغرفة في عملها بشدة.. لدرجة أنها ما أنتبهت للعيون الجائعة اللي كانت تراقبها بوحشية مرعبة.. ******************** ماجد وصل للمرحلة الأخيرة من التفكير اتصل بأم جاسم.. ماجد باحترام: مساج الله بالخير.. أم جاسم بود: هلا والله بولدي.. أشلونك يمه؟؟ ماجد: طيب طاب حالج.. يأم جاسم طال عمرج.. أنا أبي أكلم دلال بعد أذنج.. أم جاسم كحت: وشو؟؟ ماجد بهدوء: وش فيج تخرعتي سلم غاليج؟؟ دلال مو بنت صغيرة عشان تخافين إنها تكلمني.. وأنا بيني وبينها موضوع معلق.. أعتقد أنه ماحد يقدر يحله غيري أنا وياها.. أم جاسم بحرج: طلبك غريب، غير إن دلال مستحيل توافق تكلمك.. دلال اللي كانت قاعدة تشوف برنامج في التلفزيون، توترت لما سمعت أنه فيه حد يبي يكلمها.. ماجد بنفس الثقة الطاغية: إذا تبي تكلمني في التلفون؟؟ أو جبت جاسم وجيت أكلمها شخصيا؟؟ خليها تستعد وتتغطى لاني الليلة مكلمها مكلمها.. في التلفون أو شخصيا.. خليها تختار.. أم جاسم وخرت وجهها عن الموبايل، وسدته بيدها، رغم أن صوتها كان واصل لماجد: يمه دلال.. هذا ماجد يبي يكلمج.. دلال انصدمت: يبي يكلمني أنا؟؟ صاحي هذا وإلا مجنون؟؟ قولي له ما أبي اكلمه.. هو شمفكر نفسه؟؟ أم جاسم بتوتر: يقول تبين تكلمينه في التلفون أو بيجيب جاسم عشان يكلمج شخصيا ******************** جواهر واقفة قدام الدولاب ترتب ملابس عبدالله المغسولة والمكوية في الأرفف.. واقفة حافية وهي لابسة بنطلون برمودا أسود مع تيشرت أزرق بدون أكمام.. ما أنتبهت لدخول عبدالله اللي وقف وراها ، قرب منها بشويش، وحضنها من الخلف وهو يوخر خصلاتها المتناثرة ويطبع قبلة دافئة على جانب عنقها.. جواهر ارتعشت بعنف كل لمسة منه تشعر كما لو كانت هي لمستها الأولى ذات الانفعال الموجع ذات القرب اللاسع ذات الوجيب المتلاحق في قلبها الذي يمزق أوردتها وشرايينها من تدفق الدم الساخن المنفعل فيها.. قالت بحب متدفق وهي تضع كفها على خده بينما خده الآخر ملاصق لعنقها: هلا حبيبي.. من زمان جاي؟؟ عبدالله وهو يستنشق نفس عميق من شعرها قبل يرفع رأسه: توني واصل.. جواهر برقة: أنا مو قايلة لك تنبهني قبل تجي.. عشان ألبس كعب.. كذا حسستني أني قزمة.. عبدالله بحب وعيارة: قزمة قبل 18 سنة وانتي رأسج عند خصري.. بس الحين يسلم لي طولج بس.. هالطول اللي ذابحني جواهر بابتسامة عذبة: وانت عقب طولك خليت فيها طول.. عبدالله بتساؤل: العيال وينهم؟؟ جواهر: عبدالعزيز أكيد على وصول الحين، ونوف عندها حصة بنت خالي، ومسوين معسكر بناتي ممنوع الاقتراب.. عبدالله بخبث: والله تمام.. فكة من عيالج.. لاصقين فيج 24 ساعة.. خنقوني.. الواحد مايقدر يقعد مع مرته شوي، إلا الثنين واقفين فوق رأسج حراسة.. وعبدالله يشد جواهر من يدها بحب وشوق رن موبايله كان رقم عبدالعزيز العراقي اللي كان يدق منه على عبدالله عبدالله بود كبير: هلا والله بأبو منصور.. أكيد تبلغنا بموعد وصولك.. الأسبوعين خلصوا.. خلاص مالك عذر التلفون طاح من يد عبدالله ورجع يلقطه برعب .. وهو يقول بصدمة مرعبة : شنهو؟؟؟؟؟؟؟؟ #أنفاس_قطر# |
جيت بسرررررررعه وقبل حظر التجوول مااايبدأ جيت عشاان اقوول..
ياويلي اللي يتصل على عبد اله موو عزوز هذاا واحد يبلغ عبوود بشي صاار لعزوز.. الله يستر عليه ياارب.. لين ان شااء الله اصحى ولي عوده.. |
اول شي حسبي الله على بليس عزوز الكبير يعني يبغي يطير قلوبنا قبل زوجه شرير والله بالله امس كان 5اسابيع ومضى 2 بسم الله يعني ماقدمنا غير اقل من نص شهر اقول نفوسه رجعي الرجال لي مرته بلا حركة النذله هذي حرام عليج تعذبين بنت فراحنها بتجهيزو وطيرين قلبنا وقلبها >>>لاتخفين نوري ترى نفوسه طيبه وحنونه صح عندها نذاله واجرام وقفلة تجلط بس لا تخافين منه نحن عليه وتترجع >>ياوثقه خخخخخخخخخخخخ وبعدين وش قصتج من هالكلمة الى مستحيل تغيرينها يختي اكرامينا مره في الاسبوع 3 باارتات>>>نغزه نفوسه سعود مبروك رجوعك بسلامه لي دانه ولا تستاعجل على البنت خله تطلع منه بعدين عفوي بس طلع عبود احسن منك لحس مخ جواهر ويعدهم لها كم مره في اليوم خخخخخخخخخخخخخخخ ها منيره خربتيه وقاعدتي عليه تصدقين ابد ماحزنت عليج انتي تستاهلين بس سلوم المسكين راح شبابه >>بس باذن الله يرجع ويحرق قلبج ...الله يصبرج ياساره وديمه من العيون الى ترقبه بي وحشيها وهل راح تنقذ نفسه لانها ماشاء الله معروفه خطيره البنت ماعندها وحد اثنين او يمكن عزوزي يوصل في الوقت المناسب>>>وبعد هذا الموقف راح تجبر على مدرسة البنات >>تستاهل عبدالله قطعة قلوبنا ب عبد العزيز وش صار فيه قول وريحنا ولا تخاف اخلي جواهر تجيب لك 3 توأم بس اهم شي تريحنا ونعرف خبر عبد العزيز وهل راح تعترف لي جواهر عن عزوز او بتكذب عليه خوفا من انه تعرف عن شي نفوسه يسلمو على البااارت وناطرين بكره بكل شوق |
السلام عليكم ورحمة الله وبركاته أنا أول مرة أرد عليكي والله رغم انه عندي اختبارات بس لازم أدخل أقرأ الجزء وأخرج يالله يانفوسة بصراحة القصة خيال ماأقدر أعبر عشان كذا العادة ماأرد بس ماأقدرت حسيت اني لو كبت الكلام شوي وأنفجر
بصراحة أنا زعلانة على منيرة وسالم يعني ياقلبي عليها دحين تعبت نفسيتها وحاسة بالذنب وقبل تعبت ماتبيه بس أعتقد انه الحين ماحتتركه لإحساسها بالذنب سار بصراحة مررررررررررة ماحبيتها اش الأنانية هذه يعني بالله هو أخوكي وهي لا مهما صار المفروض تعذريها عزوز ياقلبي عليك ان شاء الله تكون بألف صحة وسلامة ياخوفي بس أنه ينأسر ويطولون لين مايردونه سالما غانم ( شوفي يانفوسه ياويلي لو ذبحتيه عشان هالوجه الحلو شوفي الثقة رجعيه لحضن جوجو ونونو ....دلعتهم بعد عبدالله بصراحة إلى الآن مقهورة منه وياليت جواهر الغبية ماسمحته بها االسرعة لاوتقول أحبك وماأدري شنو يعني لو أنا في مكانها حتى لو كنت أموت في ترابه ماسامحت في السرعة ذي يابنت هذه 17 سنة مو 2ولا 3 ياهي خفيفة أوطيبة مررررة نوف عسل هذه البنت ودي انها تأخذ راشد بس الشور الأول واأخير لك ديمة هبلة انتي ولا ايش ياعني إلى الآن ماعرفتي انك بنوتة ومزيونة بعد نشفتي ريق الولد ياشيخة أخاف يطب ساكت وانتي ولا همك الله يحفظك ويرد لك عقلك اهمممممممممممم ماني عارفة اش أقول بس المفروض اني أذلف وراي اختبار مشكورة ياأحلى أنفاس قطر فرصة سعيدة إني عرفتك واتمنى تكون كتابتك راقية دائما ومواعيدك مستمرة أهم شيء هههه أمزح والله طلتك علينا تكفينا |
السلام عليكم
الاجزاء رائعة كالعادة وتحتوي على فيظ متدفق من المشاعر الانسانية بين حياة سعيدة لزوجين طال انتظار سعادتهم والان هم يشعرون وكأنهم عرسان جدد ينتظرون مولود يكمل عليهم فرحتهم (جواهر وعبدالله ) ماجد واصرار ولده فشل في تجربة اخذت منه سنوات من عمره اذا كان هناك سبب دفعة لتخلي عن جواهر بأعتقادي لايوجد سبب يدفعه لكي يتخلى عن دلال اعتقد بالنهاية سوف ينجح لان من واجه الفشل مرة يستطيع ان يجد طريقه نحو النجاح في المرة القادمة منيرة لتكن عبر لكل من تنطلق من فمها الدعاوي دون ان تعي ما يمكن ان يحصل جراء دعاويها ولعل استجابة رب العباد لها اكبر عقاب لها حتى تزن الكلمات المنطلقة من فمها وما سوف تواجه لاحقا سوف يرينا منيرة جديدة سعود هل تعرفين مسألة ان يستجدي الرجل الحب مسألة نادرة عادة نحن معشر النساء نستجدي هذا الحب وهم يتمنون علينا بكلمات الحب يدخروها في صدروهم صحيح تصرفاتهم تبين ما تعتمر به الصدور ولكن لكلمة الحب سطوة ونشوة ودافع قوي نحو الحياة لتأخذ دانة ثأر اخواتها ولكن نحن احسن منهم لاتدعيها تطيل عليه>>انقهرت على سعود عبد العزيز( مراسلتكم في العراق اردة الحياة ) #اهلا وسهلا بأنفاس قطر ومتابعي قصتها في كافة المنتديات في العراق اذا ما شالتكم الكاع (الارض ) نخيلكم بعيونا وبالزهور نستقبلكم # :flowers2::flowers2: >اندمجت احم احم >>لزوم الحبكة الاعلامية ولانعاش الصوت اعزائي احبائي متابعي قصة الغالية أنفاس قطر شوفو عيوني بأسوء الاحوال انحطف ولو الخطف اصبح نادر بس يمكن الاحتمال الثاني انو القي القبض عليه من اجل ان يجرو عليه بعض التحريات لتأكد من مصدر المال والى اي جهة ممكن ان يذهب دواعي امنية خشية من تزويد الارهاب بالمال خاصة , يعني اطمنو بالكثير اسبوع ويطلع بعد تدخل مكان عمله والسفير القطري >>كشخة عبد العزيز صار مشهور وهناك احتمال استبعده وهو ان يكون استشهد نتيجة عبوة ناسفة وهي مسألة نادرة ونادرة جدا ولكن لكل صاحب حظ حظه >> لاتشائمون نجي على العزيزة أنفاس بالنسبة للهجة شوفي اقرب لهجة خليجية ل لهجتنا هي اللهجة البحرينية واكثر لهجة خليجية مفهومة عدنا هي اللهجة الكويتية والله يرحم خالد النفيسي في مسلسل الى ابي وامي مع التحية اتقنا اللهجة الكويتة من خلالها اما الهجة السعودية والقطرية خاصة التي نهايتها س نوعا ما صعبة ولكن مفهوم واكيد لكل بلد كلمات خاصة بيه مفهومة فقط داخل البلد وبعض المناطق في نفس البلد الها كلمات خاصة تختلف من منطقة الى اخرى وهذه المسألة موجود بالعراق ونسيت اللهجة الاماراتية جدا جدا قريبة من لهجة ريف العراق خاصة في المناطق الجنوبية >>تفصيل عن اللهجات خل انطيكم فكرة عن الوضع عدنا شوي شوفي العراق حاليا يمر بمرحلة اعمار واسعة لذا تطلب الامر تكثيف الجهود الامنية التي اصبحت مثمرة وفعالة ورجعت هيبة الجيش والشرطة الى الساحة مع انحسار المد الارهابي سواء كان سني او شيعي مع محولات يائسة من كلا الطرفين لاثارة الفتنة ولكنها محاولات فاشلة لان الفرد العراق احس بقيمة وطنه وهو حقيقي يريد الحياة والتفكير بالمستقبل واكيد اخراج المحتل بعد ان يحسن وضعه ويقوي نفسه هناك العديد من السواح الخليجين يأتون الى العراق (سعودية وبحرين كويت ) خاصة الشيعة لزيارة الاضرحة في كربلاء والنجف وسامراء وبغداد وخاصة مع توفر الامان في اغلب هذه المناطق وهناك العديد من السواح العرب والاجانب يتوافدون على كردستان العراق خاصة بعد ثورة الاعمار الموجودة فيه اكتفي بهذا القدر واعتذر من أنفاس وشوفي نفوسة اي مساعدة اني بالخدمة بعثلي رسالة وأني انطيج الكلمة المضبوطة كلي شوق لسطورك |
نفووووووووووووووس يادووبة ذابحتج ذابحتج بس خلني اشووفج...خفي علينا شوي..حرام عليج هع..بس صج وكالعاده بارتين حلوين يونسون الواحد مع وناسته بالعطله:)
فايز ههههههههههه ليلحين انت..ودي اعرف رده فعله لا درى ان الرقم تكنسل..ووانهم عايشين بالعسل هههههه.. منيره مو قتلج انتي الي بتزعلين عليـه..ويمكن اكثـر منهم بعد..احساسها بالذنب يقتلها..وانها اهي السبب بالي صار..صج كل شي مقدر ومكتوب..بس مافي شي يصير الا في سبب لـه..وممكن يكون الله استجاب لدعائهـا..فرح تتم تلوم نفسهـا وتقول لو ما دعيت كان ما صار فيه جذي..ورح تكون ناطرة خبر تحسنه على احر من الجمر..يمكن يخف الذنب الي عليها.. ديمـه انتي ما تتوبين..بس زين تسوي فيج امج..امم من الي وراها..يا عامل.او حارس المدرسة دخل..او استاذ دام المدرسة اجنبية..بس اكيد ان وجوده معاها شي ما يبشر بالخيـر..ان شاء الله يلحق عليهـا عزوز..قبل لا يصير شي.. عبدالله&جواهر الله لا يغير عليهم عبد العزيز شوفي نفوس حسب الي عرفته عنج..انج دايما تقفلين البارت بأكشن..او مشكلة..وتصلحينها بالبارت الي بعده..فالاتصال الي يه يمكن من عبد العزيز..وقال انه بيتأخر او شي مادري..مما خلا عبد الله يتافجأ..او ان الي دق واحد لقا موبايل عبد العزيز ويقول ان صارله شي..انتي قلتي ان الحوارات بالبارت الياي بتكون بالعراقي..يعني ما اعتقد ان مات..لانه اهو الي بالعراق واهو الي يتعامل مع عراقيـين..او ان عرج النذالة الي فيج يرجع وتخلين عبد الله يروحله هع..ساعتها صج بذبحج.. جاسـم هههههههههه خلصنا من جواهر يينا لدلال..مسكين حظه مع الحريم شين..حلوة فكرته وانه بكلمهـا..يمكن تتغير صورة الرياييل الي راسمتها ببالهـا..وتوافق عليـه..عجبني اصراره وحماسه عليهـا..بس ياخوفي بعد ما توافق عليه ويتزوجها يروح هالحماس..اممم الواحد يحب ياخذ الشي الصعـب المنال..بس بعد ما ياخذه بحس بالانتصار ويصيبه برود انه خذاه..مادري.. محمد&خالد&جبر الحمد لله على سلامتكم:) سعـود ههههه صج خيبة امل..يا.....سعود...هههههههههه مسكين..يلا اليايات اكثر بانتظار البارت القادم على احر من الجمر تقبلي مروري |
تشكرااات كثيرااات....لانفاسك المنعشه.....
في كل الاوقات ....مع اطيب الحظااات...جيتي على الجرح...عراقنا الحبيب.... عبدالعزيز..ك..ان شاء الله مايكون حصل له اشيي..بس هذى قفلات انفااس..الى ماعاد بقى منها شي. .. جواهر وعبدالله...حياتهم حلووه ..لولا نحاسة بعض ناااس... منيره والحسره على دعائها..على سالم..اكيد بتعدل وضعها... سعود رجل كله شهامه وعزوه..بس خايفه من كلمة ابوسالم والله انها اوجعت قلبي؟؟؟؟ وديمه...قرةعينك برجعة سعود...دوووم ياقلبي على عزووز الصغيرر..وكأني اشوف ابوه ...لما تكلم مع دانه... اتمنى انفاسنا ماتكون عربيه حتى ...لانقع تحت القمعع.. اتمنى لك التوفيق....بكل الاشووواك...ننتظرك... |
بارتات رااااااااااااااااااائعة جدا جدا
اعجبتني وابهرتني من شدة روعتها.. راااااااااااااااااائعة... مبدعة بلا حدود وابداعك يفوق الوصف.. اتمنى ان لا تتأخري علينا نحن دوما بانتظارك بفارغ اصبر.. احبك في الله.. |
عبد العزيز والله اني قايلة انك بيجك شيء ان شاء الله يكون شيء بسيط..
ديمة ياويلي وش بي يجيه ان شاء الله عزوز يسمعه ويساعده.. منيرة زين صار عندتس احساس يالدبى.. مشكووووورة أنفاس على الجزئين.. |
| الساعة الآن 08:58 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية