منتديات ليلاس - ويزيد بي آلصوع بذكرى كنت بهآ آلمنهآني

ماشاءالله وشذا الروايه الغاويه اسم الله عليتس طفطف ولله ذكرتيني بكاتبتنا الكبيره معاني خشيت جوى بالروايه وماتركتها لين خلصتها خاصه ان الحوار كله يصدر من بطلة القصه بجد بجد ابداع الله يوفقتس يارب

طبعن شخصية مها وقوتها ماسخرتها الصالحها البنت بس بتعاند ماسخرت ذكائها المصلحتها
لا اهم شي عندها ذا القوه اللي براسها بتسويه هم شي تعاند
بصراحه احس مافيه احترام ولا تقدير لاقدرت ابو ولا اخو ولا ام ولا زوج
ماعجبتني ابد في البدايه انها خذت رايها من راسها وحجزت المكه لابوها وامها من دون علمهم خييييييييير وينا عايشين قلنا قويه وتسوين اللي براستس اذا كان الموضوع يخصتس لاكن تمشين الشيبان على كيفتس وبدون شورهم قللتي من قيمتهم ومكانتهم المفروض خذتي رايهم ثم حجزتي مع المفروض انتس بعد تاخذين شور اخولنتس بش وش نقول عوبها

ابد ابد ماشوف غانم سوا شي واي شي يسويه فيتس ماحد بيلومه انتي ذبحتي الرجال ومشيتي بجنازته شوي الضرب لتس حتى لو كان متفق مع راشد انتي وسيله له خلاتس تكلمينهعشان يتمكن منتس وترضين فيه لانه عارف عنادتس وماراح ترضين الا بشي قوي يرضختس
مع اني اشوف لو انتي قويه فعلن مارضيتي تاخذيه وقلتي سو اللي تبي وماراح اخذك بس قوتس خرطي بس كلام وعناد على الفاضي
و لو انتي بنت حاشمه اهلتس وقبيلتس ماكلمتيه زين اللي تزوجتس وانتي كنتي تكلمين غيره وعارف انتس تحبينه
مع ان شخصية غانم حلوه وعاجبتني بس ابد ماحبيت منه ذا الموقف بصراحه هذي دياثه تتفق معه على زوجت المستقبل

الضرب اللي تاكلينه من غانم بمحله وتستاهلينه ولله انا تنرفزت منتس ولو مكانه ماخليت عظمه نعنبو غيرتس الرجال كل ماحاول يتقرب تصدينه رازه قوتي وقوتي وين القوه طوالت السان والعيون حنفيه ماتاقف من الصياح
انتي ماتشوفين الرجال يمووووووووووت على الارض اللي تمشين عليها وانتي ولاانتي موجوده صدق خديه
مهاوي لاتكابرين انتي تحبين غانم اعترفي وريحي الرجال وارتاحي امرضتي الرجال مافيه الا العشق

عندي احساس ان مهره متفقه مع غانم على مها وماكانت تقول المها ان غانم اخوها عشان تعرف اللي بخاطر مها على غانم وتنقل الكلام الغانم ولا ليش كانت تقول هذا ساحر وكلشي يعرفه

طيوف اهنيتس على ذا الروايه وحبيت اسجل اعجابي تمنيت اني معاتس من بدايتها بس ياللى لاحقين الجاي اكثر وان شاءالله من اشوف اسم اكبر طاف وانا مدرعمه اقرا الروايه
منتظرينتس طيوف