صباح الخير

جزء رائع ماشااء الله . . خليط من مشاعر ومواقف مختلفة بأنواعها
تسلم إيدينج الغالية

الأبطال:
أحمد
ياترى من هاي المتصلة وشو تبى منه بعد وفاة عوشة؟! أصلا من وين طلعتله بروحه هو مايزداد
خطبته لحنان . . انصدمت من هالخطوة شو يبى في الحرمة

عايلة عبيد الكبير
تجنن الألفة اللي كانت بينهم . . بو نهيان تعلق الولد
مهاري تضحك بسوالفها
حمد حركاته تجنن وهاديه تشبهه وايد

اليازية
قلبي عورني على أمها . . اتوقع بعد الموقف اللي صار مع بطي صحت لنفسها
وهالموقف كان مثل الصفعة اللي بتوعيها على سواياها واتوقع بتعيد النظر بأشياء وايد
والدليل محاسبتها لنفسها واللي كانت تسويه !!

سيف
صدقه سيف . . حارب فاقد ثلاثه من أقرب الناس له وهذا حاله وسيف حوله كل أحبابه ومب طايق عمره . . حبيت هاللفته مع النفس
عجبني حارب مع سيف . .

حارب وموزة
أول مرة يطري أمه جدامه بطريقة غير مقصودة وماقدرت
هالموزة أحبها واستانست لانها بتروح عند دكتور نفسي كان لازم يصير هالشي من زمان الن وايد بيساعدها في تخطي هالمحنة

رفعة ومسعود
برافو عليها قدرت تنرفزه وتبينله قوتها . . ان شاء الله اتم قوية جدامه
ناس مقرفين

حنان
حليلج يا حنان انتي اللي ضايعه للابد تعور القلب . . تناقض تام

ناعمة
حسيت أنا بعد بالفرق بين ذياب اللي في حياة عبيد وذياب اللي الحين . . تغيير عقلاني
أحس لو مهما يسوي بعده الحزن واضح فيه وبيتم فيه

سلطان وشما
بعد شو يا سلطان بعد ماخلصت دموع شما
ان شاء الله يصطلحون

شيخة
طاري ناصر بيتم يربكج ياشيخة لا تشردين من الواقع الجميل


لولوة حبيبتي سلمت إيدج على البارت الجميل روقتينا ع الصبح :)

شكرا من القلب