اقتباس:
مسااءك ورد ورياحين منوره ياعسل ومشكوووره على مورك وتعليقك الكافي واوافي الله لايخليني منك ياعسل |
اقتباس:
منوره ياقلبي ولك وحشه كبيررره ياعسل واناااااا معك بكل كلمه قلتيها ولا يرضين غير لما كل العيله تنذل عدل وحوبة البنات تجيهم مشكووهر ياملكه التعليقات والردود الرائعه لاخلا ولا عدم |
اقتباس:
منورتنا بطلتك الرااقيه عساني ماعدمهاااا وكلامك لاغباار عليه وياريت سهومه تسويه انتي الي يعطيك مليوووووون عافيه على طلتك ويكفيني كلامك لاخلاا ولاعدم |
متى ينزل البارت :( بالضبط <جديدة :(
|
بسم الله الرحمن الرحيم .. السلام عليكم ورحمة الله وبركاته
والحمدالله والصلاة والسلام على رسول الله ( صلوا عليه وسلموا ) .. ادري تأخرت في البارت .. بس ظروف خارجه عن إرادتي .. سامحوني جميعا واظاهر الإسف كاثر هالإيام .. بس الله يعين والله لو هو ماهب خارج عن إرادتي ماتأخرت ونطرتكم وسهرتكم .. بالنسبه حق بارت اليوم هادئ .. بس الفصل في قضية بنات ناصر قريب .. وشيخه غيرتها تحركها ومرات عقلها يحكمها .. وهاذي ردة فعل طبيعيه بالنسبه لوحده من حبيباتي قالت ان هالروايه تشابه فصول روايتي القديمه .. ايه اعرف .. فيه قضايا سلطت عليها الضوء هنا أكثر .. لازم التنويع .. بس الإهم المعالجه .. وبالنسبه للزواج كاتأديب للحرمه .. ايييييه وش أعد لكم قصص عندنا وش أخلي تنهبلون .. هاذا في مجتمعي او قولوا في قوقعتي .. لاحد يستغرب بس والله هالشي موجود وبكثره في داخلي زحمة حكي .. بس الوقت علي محسوب .. سامحوني واوعدكم البارت القادم يكون فيه الجديد اللي يرضيكم .. والإهم ان فيه إنقلاب قوي بيصير ممن !! هالشي بتعرفونه في البارت الجاي !! ( والله يستر من القادم ) .. هالبارت إهداء للجميع بدون إستثناء .. كل يوم عن يوم أزداد توهج بارائكم فيني ربي لايحرمني منكم .. وعسى الجنه موعدنا قولوا ( آميييييييين ) مع اطيب الإمنيات بقراءه ممتعه . سهم المملكه . لإله إلا الله ( البارت الستـــــــ 60 ـون ) بيت ضاحي بن فهيد \ جناح سعد طلع من الحمام وهو يمسح شعره .. شافها جالسه وحاطه يدها على خدها سعد – علامتس سرحانه ألتفتت عليه وهي ترجف – سعد يمكن مانيب حامل .. تراه تحليل عادي مارحنا وحللنا عند دكتوره جلس سعد – وش دراني عنتس صحتي تبين ذا التحليل شريناه وقلتي شاكه ذا الحين وقفت وهي تبكي – انا شاكه بسسس معقوله أحمل من اول اسبوع زواج .. فيه حريم مثلي مشى لها وهو يبتسم – والله وش دراني عنتسن يالحريم ( مسح دموعها ) تبين نسأل نايف وتتطمنين بسرعه هزت راسها – لالالالا تكفىىىىى لاتفضحني استغرب – وليش تنفضحين شي طبيعي بتحملين بكت – لالا بروح لدكتوره فكها وراح للسرير – بكيفتس .. ويولتس ان طلعتي عقب ذا اللي سويتيه فيني ماهب حامل جلست وبكت .. وبكاها ماهب طبيعي .. خايفه خوف يروع الصبح نزلت موضي وباين ان جفونها حمر .. ومارقدت الليل كله يوم شافتها منيره – موضي علامها عيونتس موضي تصرف – ايه حمر تعورني .. فيني حساسيه نزل سعد ومعه محمد مكشر وباين انه معصب سأل محمد وهو واقف – يمه وينه ابوي منيره تناظر وجهه اللي مايتفسر – ابوك فطر وراح مع رجال عنده شغل ,, ليه وش عندك عطاهم ظهره وهو يقول – لا بغيته بشغل ,, خلاص بدق له تلفون ألتفتت منيره على موضي اللي كانت تأكل وساكته – عيالتس سرحوا للمدرسه هزت موضي راسها – ايه راحوا شكت منيره ان بينهم شي بس سكتت .. ناظرت سعد – وانا امك ماهب عندك إجازه وش مقومك هالصبح نزلت ريم على سؤال منيره .. ناظر سعد في ريم – لا ابد بس بطلع اتمشى انا وريم .. ( وجهه الحكي لريم ) هاه جهزتي ريم تسلم وناظرته – ايه جاهزه يوم طلعوا .. ألتفتت منيره على موضي – مانتيب خاليه ياموضي علامتس انتي ومحمد موضي حست دمعتها بتنزل – اخاف اعلمتس ياعمه ويستذنب فيني منيره – ساترة ماأواجهه .. احكيلي يابنتي إلا ان كانه شي خاص موضي تشكي حالها – مدري علامها خلود علي متغيره ياعمه ومحمد توه يحس فيها ويحط اللوم بظهري .. وتعايرنا البيرح بالماضي وهو ماقصر معي شبعني إهانه لين ارتويت .. محمد ماهب كافٍ اذاه عني لين يهلكني منيره هزت راسها بإسف – والله مدري من وين ولا من وين ألقاها .. الله يهديكم ياعيالي يابنتي خلتس على نارتس لايجيتس شر ويجيرتس كفانا الشر انا مدري وين اودي وجهي من شيخه الضعيفه .. انكسرت نفسها البيرح بدخلة صقر وحرمته علينا .. والله ويشهد علي ربي مانيب راضيه مير من يقدر على صقر موضي – والله ياسواته تسود وجهه منيره – الله يسود وجهه .. كانها بنت عمه وحامية ظهره .. يدخل الغريبه علينا ويبديها عليها انفتح الباب ودخل نايف موضي انصدمت بدخلته .. ومنيره صدت بوجهها من القهر عرفت انه ماهب راقد في البيت .. معلمها ابو محمد وهو يشوفه طلع عقب ماتعشى نايف – السلام عليكم منيره سلمت بهمس وموضي وقفت وردت عليه – وعليكم السلام حيك ياابو ضاحي .. وشلونك ووشلون صحتك .. وحمدالله على السلامه يوم قالت ياابو ضاحي بلع ريقه – الله يسلمتس ياأم زايد ويبارك فيتس وانا بخير زان حالتس مشى لين قرب وحب يد أمه وراسها – صبحها بالخير على شيخة الغيد منيره سحبت يدها وماتبي تبين شي قدام موضي .. فهم عليها نايف وقال – اسمحيلي ياجعل راستس للجنه كنت مستلم عندي مناوبه في المستشفى منيره عرفت انه يصرف .. وموضي صدقت – وش هالمهبل يسلمونك مناوبه وتوك راد من السفر ماهب صاحين نايف وقف وهو يشوف امه صدت عنه – الله يعين هاذا طب ماهب لعبه بس ياليت يقتنعون موضي تحسبه يقصد ساره .. بس هو يقصد امه مشى للدرج وهو يقول – اسمحولي بروح ارقد موضي – مانت بفاطر رقى الدرج وهو يقول – لا بس فطرت برى طلع جناحه .. فتح الباب .. مشافها في الصاله نزل شماغه وهو مقرر يرقد فيها طلع ساعته .. ومشى للحمام .. فتحه وانصدم |
الساعة الآن 10:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية