|
المراره أو الحويصلة المرارية
I think what Imaad has is a gall bladder problems there is nothing wrong with his liver the symptom of gallbladder are as following: steady, severe pain in the upper abdomen that increases rapidly and lasts from 30 minutes to several hours pain in the back between the shoulder blades pain under the right shoulder nausea or vomiting abdominal bloating recurring intolerance of fatty foods colic =a sudden attack of abdominal pain, often caused by spasm Belching =release gas from mouth noisily: to let gas from the stomach out through the mouth, making a loud noise in the throat gas indigestion =discomfort after eating: difficulty in digesting food, resulting in such symptoms as belching, heartburn, or stomach pains. Technical name With love, Friendless |
مرحبا أقدار ماقصرتي والله
كل عام وأنتي بخير من العايدين والفازلين والنيفيا والجلسرين بارت رائع لمست فيه المشاعر المولوده والحلوه اللي بدت تتفجر من عماد وياليتها تكون كالنهر مياهه عذبه ولا يقتلها ........ بس اللي ذابحني وقاهر فضولي وش مرضه ؟؟؟؟؟ من البارت يبين أنه معدي .........بس ماعرفته يارب مايكون إيدز شادن ياعيني على الكشخه والتزين .........هاااه تبين تلفتين إنتباه عماد وبصراحه موقفها مع عماد وهي تعبانه قمه الحراج ...أنا وأنا أقرا ء حمر وجههي وشلون أهي الله يخفف حمرة وجهها (((سر ..اللي معجبني بقلمك ومميزك عن الكاتبات إنك توصفين الشئ بوصف ...أقدر أقول عنه عجيب بالنسبه لي وتخلينا نتخيلهم كأننا نشاهد شكلهم ظاهريا ونحس بهم من داخل وبمشاعرهم وأحاسيسهم )) فهد نعم الصديق الوفي نادر مايلقى الشخص أخو دنيا مثله ....يالله يمرض بسبب حزنه على صديقه ساره الحمد لله اللي فكها من خويلد وعساها ماتموت في الحادث أقدار ذكرتيني بأختي كانت تدرس في قريه في الجنوب وطرقهم جبليه وعره وكانت أمي يدها على قلبها طول ماهي طالعه وكانت ساكنه هناك .....بس الحمد لله نقلت أقدار ماتلاحظين أنك ماتحرصين على دعم البارت بالخواطر وأبيات شعر ترى الخواطر تحلي البارت مثل السكر في الشاي <<لاتزعلين من لقافتي بس من حبي لك أنبهك وتقبلي أحلى ورده جوريح من أختك سعوديه وكلي عز :Thanx: |
اقـــــــــــــــــــــــــــــــــــــــــــــــدار يا جعلي ما اخلا منك ومن قلبك الكبير واعذريني الغلا انا من النوع اللي يتابع بصمت احب خيال الكاتب وانتظر ابداعه بكل شغف لكن اعذريني للمره الف اذا ما شفتي تعليق لائني بجد ............ مستمتعه بصمت دمتي لنا برعاية الموولى ........ جل احترامي لشخصك .... |
هلا قدورة جززززززززززززء رهيب عجيب ممتع فية شوية رومانصية وحركتات فعلا تسلم يدينس ياجعل ربي يحرمها من النار الله يوفقس في حياتس ياجعلس وجعلي بالرجل الصالح اللي يعزنا ويرزنا وللجنة يدزنا عماد يالبى قلبة ياذا الرجال يجنن ياجعل ربي يسلمه ويعافية جعل المرض اللي فية في نوف العلة يازبنة ويازين حركاتة يوم انة يشم الورقة وياربي رباة على حركة شادن الخجولة تاخرت علينا هالكلمة اثرت في عماد حس ان هناك احد ثاني غير جدتة ينتظرة ويستناة حلو ان الانسان ان يلقى احد يستناة ويلقى الاهتمام و ان يلقى كلمة حلوة والله ان تعبة يروح 000 ياربي يااقدر عيشتيني جو يابنت عيشيني جو ثاني دنا قلبي رهيف <<< قلبت مصري بس ضيقتي صدري ( صعب يمني نفسه بالحياه وهو ميت ) وش قصدس انة يعني انة يموت او يبتعد عن شادن رغم المشاعر المدفونة بدت تطلع 00 تكفين يااقدار لاتموتينة عالجية سوي اي شي اهم شي لاتموتينة والله يااقدر حبيت شخصة واسلوبة وتعاملة تدرين ازعجت اهلي اقول مالي دخل زوجوني واحد زي عماد اوناصر اللي في قصة المرحومة تحفة فنية يحليلك ياعماد يوم تقول ( طيب وش اللي يصلح لك غير القرفه ) والله اني فطست ضحك بس مالومة عليمي ماعندة احد يعلمة عن الحريم واسرارهن لا واللي كبرة بعيني اكثر يوم قال ( امش داخل الله يلعن ابليس هالحريم ) اه بس ياقلبي يارب انك تحفظة وتخلية لعين ترجية وترزقة الذرية الصالحة اتوقع يكون صراع مابين مشاعرة اللي تحركها شادن وبين المرض الوباء الكبدي 000مدري وش اللي يغلب الا اذا درت شادن عن المرض هي اللي بتساعدة وتفهمة وتقدر موقفة شادن ياقلبي ياشادن ماعندس نوع من اللقافة ترى اللقافة ثقافة كان نفضتي غرفتة نفض في التفتيش الدواء وعرفناة بس باقي الدفتر الاسود والدرج يالله يديني تحكني ابغى اعرف وش فية من اسرار ياربية مت من الضحك على حركتها مع العقرب ذكرتني بنفسي والخوف من الحشرات والحيوانات تخيلي يااقدار مرة شفت فار مار يسلم مستعجل وانا الا ماالقى نفسي راقية فوق المكتب واصارخ اقتلوة والا خذت بشتي وطلعت ايوة ياشادن اديلوة ترى كيد النساء عظيم ترى الرجال يجي بالحركات والكيد وانتي وشطارتك وذكائك واول الغيث قطرة والله الله بالصبر لان من صبر ظفر ياشين الاحراج بعض الرجال مايفهموها على طول خلاص شاف شي تشربة مالة داعي الاحراج احس اذني انا دخنت من الاحراج بالنسبة لمشاعرها ماابـــــي جرح 00 ولاابــــي خوف ولاابـــــي احـــــــزان أبــي مـــوقف 00 ابــي كلمة تهــز اوطان ابـــي انسان اذا طحت من طــولي يفز ويسند حمولي يحس فيني قبل لااشكي يواسيني قبل لا ابكي ومن قبلة اذا حنيت الاقي بداخله احضان دخيل الله ابي انسان خليك ياشادن قوية واصبري وماعليس من نويف ولا عشرة من اشكالها بس عليس بالكيد مثل ماقلوا ان كيدكن عظيم وبتجيبينة فهد الحمد لله انة رجعت لة العافية انا ادري انة كان في حالة يائس وكل انسان يمر فيها بس الواحد ماياذي نفسة الحمد لله انهم لحقوا علية اثر فيني موقف يوم ابوة يبكي علية ويقرا علية نوف ياجعلس للوجع اللي ماتقومين منة اها بس اها اجل ترفضين ولد عمتس ياجعلس للعمى وتاخذ لها واحد توة معرس ياجعلس برجل مثل مسفر يصبحس بعصا ويمسيس بعصا الجدة ياعمري عليها والله انها هي اللي بتسنع عماد بس الله الله بالحركات مثل اللي عندنا وحنا على الغداء ماغير يتمقل في زوجتة ويحاكينا وهو يطالعها قالت جدتي لااحسن بعد قوم بوسها تخيلي عاد اللي مايخيل ولايستحي على وجهة قام باسها قدامنا البنت انحرجت وجهها صار طماط من الحياء وجدتي قامت تهاوش ياللي ماتستحي ياقوي الوجة مغير عندنا بزارين تخيلي انا حطتني بزر وانا معلمة والله هزلت بس مانقدر نقول برم الله الله بالحنا والديرم في العيد والحركات الحلوة في العيد الحادث والله ضاي صدري مدري وش احكي وش اقول انتي وصفتي الحادث بدقة تراي انسانة حساسة اثرت الكلمة على ( أصواتهم علت ثم علت ثم خفتت ثم سكتت واختفت ) مااقدر اتوقع لاني خايفة انصدم ادري ياقدورة كثرت الحسي بس تبي العيد زين ويهبل بحركات عماد وشادن واهم شي الرومانصية وكشف الاسرار وتسلمين وننتظرس على احر من الجمر |
السلام عليكم..... ذحين بقعد ابربر عن الاجزاء اللي فاتتني... اول شي ... الله يستر لايموت احد فالحادث... مع ان قلبي ناغزني من ناحية الام ومن ناحية العروس اللي توها متزوجة....ما اتوقع سارة تموت....يمكن صاحبتها فاطمة تموت لكن سارة لا..الا اذا اقدار بتقلب توقعاتنا فوق تحت... نوف... الحسنة الوحيدة اللي سوتها انها خلت شادن تغار على زوجها..بس ياخوفي من ملعوبها الجديد...معقولة تعترف بحبها لعماد فهالورقة اللي بترسلها وتلقاها شادن وتزيد المشاكل بينهم؟ فهد...بصراحة كنت متوقعة يغيب فترة ويرجع حزين عازل نفسه عن الناس لكن انه يمرض ويوصل مرحلة الخطر هاذي ما توقعتها...بس كويس انه قرر يرجع الديرة ويواجه الحياة بدون سعود.. نايف...عجبني لما مازح امه وتكلم عن بنت عمه...لاحيا ولا مستحى:ekS05142:...الصراحة مافي ازين منها... شاااادن....البطلة حقتي...لسسسسسسسسة مشوارك طويل بس البشاير هلت من بدري.. عذبيه كمان وكمان الين يطاطي هالجدار ذا..... ماتنفع معهم رحمة.. لازم الحرب تكون شغالة على طول:7_5_126:...وكويس انك عرفتي سر نوف عشان تحذريها مضبوط... عمادو...:ma1:... جا يومك ياللوح...ذحين بس حسيت انك بني ادم من لحم ودم... حتى لما صديت مرة ثانية عنها ماتضايقت لانها قدرت تهزك من جوا خلاص...يعني ممكن ترجع مرة ثانية وانت راضي..... بس ياليت العضو الكريم اللي كتب تحليل عن توقعه لمرض عماد بالعنقليزي يرجع يترجمه عربي... عشان المساكين اللي زينا يفهموه... ............................................................ ............................... ............................. |
| الساعة الآن 03:21 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية