|
رد: ثرثرة أرواح متوجعه
يااااللله رووعه ....
بس الزين خلااص موافقه الحمدالله وفيصل احسس كفوو ورجال ...تجهزوا للملكة ...وبتكون بدون حاتم وقايد بالنسبة لجموح وقايد مرره علاقتهم صاير متوتره بقووه وزاد الطين بله السفره هذا . يعني اول شيء عصبيته القوويه بسبب العلاج ومشكلة الحمل للجموح وبعدين السفر ..لوقالها السبب للسفر جموح احس ثقه وقويه ...على الاقل عشان ماتتوتر علاقتهم زي كذا .... بس انا مصدومه معقول الرجال يزعل على ان طليقته تتزوج وهي مطفشته ومكرهته عيشته ...,,احس حمل نجد بيخليها تحب محمد الحب مثل حبها لابو ثامر وبتتغير معهاا للحب والعشق المتبادل .... رهاان الله يفك اسره احس بتطووول سسالفته ..... حاااتم كان كلامه شوي قاسي ...بس لا يلومهااا والله جربت الحب وماجاء من الا الهم ....يعني احسس صعبه يبي لها فترة تتاقلم عليه وتقتنع المفروض كان فاهم الموضوع هذا ان المطلقه تكون مكسوره ولازم لها فترة عشان ترجع تثق بالرجال ... يا انهاا تجلسس سنه ااو سنتين على حسسب نسيانها للماضي وترجع ثقتها بنفسها وتقرر بعدههاا تتزوج لان مثل ماشفنا حاتم والثريا اكبر غلطه ان تزوجت وهي توها طالعه من تجربه .... طبعاا انا تعليق على الثريا وحاتم ...من نظريتي بحكم تجربتي انا مطلقه واححسسس مستحيل لازم قترة ... يالغاليه سلمت يدينك ونتظااااار ثرثرتك الجميله والرااائعهه لاتتاخرين علينااااااا:55: |
رد: ثرثرة أرواح متوجعه
السلام عليكم ورحمة الله وبركاته
غاليتي ( ضمني بين الاهداب ) شدني عنوان الرواية كثيرا ولفت انتباهي فإذا بي ابحث عن كاتبتها لاجد اسمك يتصدرها انا متشوقة جدا للقراءة ولكن انا الان في فترة اختبارات ولي عودة بإذن الرحمن ( دعواتكم لي ) لكن لي تعليق بسيط على الرواية وهو بعد ان قرأت روايتك الثانية ( بعض العيون حقدها ..... ) لكي اصدقك القول كانت رائعة ومتميزة لكن احسست بأنك متحيزة لاحد الابطال ولم تراعي ان متابعينك من الممكن ان يخالفوك الرأي فلقد كنت من اشد المعجبين (بياسر ورهف) واحسست انك قمتي بظلمهم لذلك اتمنى ان تكون روايتك هذه بنفس الاسلوب والابداع اضافة للحيادية ... واتمنى ان يكون نقدي لك نقدا بناء ويكون خفيفا على نفسك دمتم بود مرت من هنا : ارخص الغالي عشاني |
رد: ثرثرة أرواح متوجعه
مسائك جنة الرحمن
تسلم الانامل ام اليزيد نقدر نقول عن ثرثرة اليوم أنها هدوء ما قبل العواصف عواصف قادمه على الكل بدون استثناء الجموح وقائد اللي يحب كذا يسوي في محبوبه هذا وانت تشرق باسمها تتجاهلها بالطريقة هذه هي لما نامت برا بيتك كانت محتاجه منك مجرد إحساسها بقيمة وجودها جنبك وانت عشان موقف لها الحق فيها نسفت كل شئ وراء ظهرك وبدأت تعاقبها بطريقتك انت وهي البرود والتجاهل انت متأكد أنها تحبك يمكن تبيها تعبر عن الشئ هذا بس هي ماشافت من إلا الصد والعناد في أمور مصيريه بالنسبه لها فالشئ هذا بيسبب جفوه بينكم ويمكن تكبر إذا استمر كل واحد مسكر على مشاعره وينتظر الطرف الثاني يبادر غيرتك عليها ممكن عبرت عنها بطريقه ثانيه غير طريقتك هذه بس زي ما تقول ماتصير قايد لو ما توجع وبعد جاي تكمل عليها وتقول لها اجلسي بيت اهلك انا بسافر مفروض قلت للجموح عن موضوع السفر وأسبابه هي عاقل وبتعرف تتصرف مع أمها وأبوها إذا عرفوا بس أنها تنصدم بالخبر زيها زي الباقين الشئ هذا بيسبب لها صدمة كبيره وتشل تفكيرها وهذا بعد بيكون سبب في بعدكم أكبر عن بعض حاتم والثريا وش ذا الحب اللي شايله في قلبك لها مجرد تخيل أنها تقابل فهد طير عقلك وخلاك ترضى أنها تجلس عند امك موب عشان الوالده لا عشان قلبها مايرجع يحن لحبيب سابق سمعت ثرثرتها عنها بس هي الحين بدأت تفتح قلبها لك حتى لو كابرت وعاندت قلبها وقالت لا ما احبه كل تصرفاتها تدل على الشئ هذا ولا تقول واجبات زوجه تجاه زوجها ياما سمعنا عن زوجات إذا ما حبت الزوج حتى واجباته تنساه السفر هذا يمكن يكون خيره لكم الجو متوتر بينكم بشكل كبير وزاد التوتر قضية رهان يمكن هناك يصفى ذهنه شوي ويرجع يفكر فيك كحبيبه انت لو فكرتي في كلامه من ناحيه ثانيه بتعرفين انه يغار عليك موب يشك فيك بس حريم إذا كانوا راضين فكروا فيها زين وإذا زعلانه جاب التفكير العيد نجد ومحمد يستأهل محمد منك الحب لو كان بتدريج الراحه والاحترام بتولد حب حلو حتى لو ماكان عشق مجنون مدري وش راح تكون ردة فعل محمد إذا عرف بحملك هو مجنون وتوقعي ردة فعل مجنونه الشئ هذا يربطك فيه أكثر وهذا طبعا بيريحه بس النغزات اللي تجيه عسى نتائجها ماتنغص عليه فرحته ماهر ودانه حياتهم مستقره الظاهر ان ماهر استوعب الدرس زين وصار وجود الدانه في حياته شئ ما يستغني عنه الزين والله أنها ملح الروايه صادقه والله انت يالزين وش سوا العقل للثنتين اللي عندك ما فادهم بشئ إلا الوجع خلك على رجتك والله يعين فيصل عليك يمكن ذا المرجوحة هي الوحيدة فيهم اللي بتقدر تصرف حياتها زي هي ماتبي رهان قضيه صعبه للغايه مدري يقدر أخوك و ولد عمك يطلعونك منها هذا الداخل عندهم مفقود والخارج مولد كلنا تابعنا الأسبوع هذا النطق في حكم الإفراج لحميدان التركي وكيف أنهم حولوا الجلسه لمناقشته في حادثته قتل هو ماله يد فيها كل هذا بس عشان يماطلون في النطق مدري رهان بيكون مصيره مثله وإلا الأقدار تحمل لنا خبر حلو عنك ام اليزيد جعل ايديك ماتمس النار |
رد: ثرثرة أرواح متوجعه
السلااام عليكم هلا والله فيني تو مانورت الثرثره بثرثرتي هههههههههه تدرين ضمضم كل جزء ينزل اصير متحمسه ارد عليه بس سبحان الله يجيني شي ويشغلني لدرجه اني ارجع بعد كم يوم واقرأ الجزء كمراجعه علشان ارد بس ماأرد هههههه عاد اليوم قلت خلااااص صار وجهي مغسول بمرق وانا ماغير أقرأ ولا أرد ياخزيااه بضمضم بس المهم مالتس بالطويله ..ماتحمست للرد الا علشان سالفه الزين ..عاد هذي ياضمضم مايحتاااج عندتس توصيه خاااصه من محدثتك علشانهاا ..عااد كل ابطالنا بكفه والزين بكفه >> وش دخلكم احبهاا ياناااس وبما ان الحظ ابتسم لأم كشه حبيبتي الزين ..فأنا اتوقع ان واحد مثل فيصل انسان جدي وعملي ماراح يلتفت لكشه الزين >> ياحياااتي والله اني شايله هم زواجها بسبب كشتها هههههههههههههههه شوفي ضمضم .. التوافق المادي نعاني منه والله خاصه مع حياه الترف اللي عايشين فيها بناتنا يعني مثل فيصل رجال ومكافح وعنده طموح للوصول للافضل بس الحظ لسه ماابتسم له يمكن لأن ماعنده احد يشجعه او لأنه متحمل مسؤوليه اهله .. بس من يعلم بناتنا ان الرجال عيبه بأخلاقه ودينه مو بماله ومركزه ؟؟ الله يصلح الجميع يارب الزين مبرووووووووووووك واخييييييرا راح تدخلين موسوعه الثرثره للمتزوجين ونشوف كيف رااح تعيشين حياتك انا اتوقع ان الزين راح تلاقي صعوبه بالبدايه خاصه انها المدلله وكل شي مجاااب .. لكن بعدين راح تحط نفسها قدام تحدي انها تتأقلم على حياه فيصل ..او بمعنى راح تساعده يغير مسواه التعليمي والوظيفي وراح تشجعه على اكمال الدراسه بالتعليم عن بُعد جنب الوظيفه احس الزين بتكون احسن وحده تتعامل مع زوجها وتتفهم حياتها خاصه ان الرجال يحب الحرمه المزووح واللي دمها خفيف مثلي هههه اقصد مثل الزين هههههههههههههههه ضمضم .. متحمممممممممممسه اشوف الزين بحياتها الجديده احسها راح تكون غير عن الكل اهنيك على طرح موضوع الزين وفيصل وهو عدم التكافئ بين الزوجين ..بانتظااار القضيه وحلولهااا ا |
رد: ثرثرة أرواح متوجعه
اقتباس:
قضية عدم التكافىء بين الزوجين موجوده كثير اللي مثل فيصل والزين واللي العكس وطرحها للنقاش ومعالجتها شيء راااائع من ضمضم |
| الساعة الآن 07:21 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية