|
رد: أعشق أنانيتك عندما تتمناني لك وحدك
بعد اسبوع :: :: في المدرسه اسيل حاست بوزها يوم شافت اريح وشلتها الماسخه في نظرها ...جاين يمهم ..قالت وهي تساسر ندى: اففف االحين ذي جايه وهي في راسها هوشه أكيد ندى بقهر : اقوم احوسها لك اسيل بدلع: لا لا مافينا على المشاكل معاها بس ماعليه راح اعرف اقهرها لو زودتها معنا اريج . ..قربت من .. شلة اسيل وهي تناظرها.. بحتقار تكره هالبنت ..وماتحبها ابد وتغار منها ..دايم هي الدلوعه والكيوت ..بس راح تعرف كيف تقهرها باختها .... قالت بصوت عالي : واو ي بنات لو تصدقوا ان بنت خالتي ارسلت صور من ماليزيا تجننن صدق صدق مناظر ...وناظرت اسيل صراحه طلع ولدك عمك شيء ويموت في .. لطوف تقول مره مبسوطه ومعيشها أميرة .. . اسيل بسخريه: افا ليه مانزلتيها في الا نستقرام كان شفناها اريج بقهر: اليوم ان شاءالله أنزلها وشوفيها وتكفين لا تخلي اختك تشوفها مافينا على حسدهاا ...يكفي العرس اللي حاولت تخربه بس الحمدلله ربي يدري بنية لطوفه حبيبتنا اسيل وقفت بعصبيه : هييي احترمي حالك واختي ماهي شايفته من اصله عشان تفكر تحسد اشكال بنت خالتك هادي اللي جايه بصورة ولا صورتين ترا ....هييي حنا عيال الجسام لو تبي ماليزيا نجيها بكبرها ماهو صورة ولا صورتين وتجلسوا فاكين الخشه طول الوقت عليها اريح وهي تقلد صوتها:ياي مو كنها كبيره شوي انكم تجيوا ماليزيا اقول ي عيون الماما احلمي على قدك ..الكيوت. . اليوم مره عصبت ..وناظرت شلتها اللي يضحكوا بصوت عالي اسيل ضحكت بدلع: اوك مدام انا كيوت في نظرك اجل ماراح انزل لمستواك ...ومسكت يد ندوي يالله نبعد من هنا لان خلاص مافيني اتحمل هالقرف اريح بقهر: ايه لانك جبانه ومافيك علي اسيل بدلع : لا لاني كيوت مرره مره حبيت هالكلمه وعشانها راح اسامحك وضحكت بدلع اريج بعصبيه : راح تندمي على شوفة النفس ذي اسيل بدلع:يالله روحي هناك اكره الصوت العالي اريج ناظرتها بقهر ..طيب راح تكسر خشمها ذا اللي رافعتة اسيل ناظرت ندى بقهر: وين اللي بتهاوش اشوفك مبلمه مالت عليك ندى بفهاوه: اقول شفتي عبيرر مو كنها نحفت اسيل صرخت بدلع : اففف منك انا فين وانت فين ' ' ' ' ' ' ' بيت ابو سامي ام سامي ناظرت بنتها الي زعلانه قالت بغيض :قلت لتس من اول ماهو حق زواج ...ذا السكير بدريه بقهر: والله يمه مافي مثله بس بنته السوسه لاعبتن بعقله حسبي الله عليها ابو سامي دخل عليهن وجلس وقال بضحكه :اقول الشايب المخرف يقول يبي يرجعك بدريه بزعل : قول له شرطي ينفذة وارجع له ام سامي بصرخه : لا شرطتس انه يرجع غلا هنا حرام عليتس والله ماصدقت وانا انفك منها وانت رجعتي له ولا انطقي مكانتس سامي . اللي من اول.... مشغول في بلعبة البلياردو. .. ناظر امه بضيق ....مهما كان زوجته ومايبي احد .يتكلم . عليها بهالطريقه قال بزعل : لو تبي ترجع ماراح اجيبها هنا ابو اسامي ناظره بقهر : وين راح تروح فيها ي روح امك وبحدة :سوي اللي قلت لك عليه اليوم وترا مطنشك بكيفي ... سامي طنش ورجع للعبته واللي كان خايف عليها الحين ماهي عنده يعني بيطنش ابوه ...هو كان خايف لايطرده... معاها وينحاس فيها بس الحين لو طرده عادي هو رجآل ويقدر يدبر عمره ..... ام سامي بقهر:الله يجعلتس الي ماني بقايله بعد حامل منه سامي ناظر جهتن من ثاني وقال بأبتسامه :اخس بدريوه بتصيري ام يدريه :قهر كان ودي راحج يعرف اول واحد ويفرح بس زوجتك الخايسه نكدت علي سامي صدق .... انها خايسه وحشتني حيل ..واليوم الظهر ..شافها وهي نازله من السيارة جايه من دوامها بس سوى عمره ثقيل ودخل البيت ....من غير مايتكلم عليها .... او يتعرض لها ' ' ' ' ' ' في ماليزيا لطيفه وهي ترفع العقد : تتوقع شوق راح تحبه وليد : شوق خبله اي شيء يعجبها لطيفه : وليد لو سمحت لا تتكلم على صديقتي كذا وليد : اوك يالله كملي اغراضك لطيفه: ليه من سوق واحد بس أكمل وليد :ايه هذ ا انتم ماتروحن الا الشنط ... قدامكم الف لطيفه: موكنك تبالغ حيل ولفت عنه وهي تناظر اللي قدامها ومحتارة ايش تأخذ لامها ... وليد لما شاف لطيفه منشغله وماهي يمه أبد.. مشى ناحية الخواتم .. من اول لافت نظره ... مايدري ليه تخليه على يد ... ريتاج. ...رجع ناظر ناحية لطيفه وعض شفته آه لو تدري .... هز راسه لازم يغافلها ويأخذه لها ...بس أكيد لو طلبه الحين باتنتبه له ...اوك راح ارجع وأخذه تذكر مكالمته اللي من أسبوع ...هل ي ترا.. رجعت البيت ..ولا لا ..ويوم كلم امه ماقدر ..يسألها قدام لطيفه ..وبعدها تردد يدق ..ويحصل ابوه ويجلس يهاوشه... شاف لطيفه لسى مشغوله ....رفع الجوال وفتح الواتس شافها متصله ابتسم حلوو ... كتب بسرعه (اشلونك) جلس ينتظر رد منها .....وهو شوي ويرفع راسه ويطالع جهة لطيفه اللي مشغوله بالهدايا....شافها جالسه تكتب الرد أبتسم (بخير ) رد عليها (وينك ) ردت عليه (في البيت) عقد حواجبه كتب بسرعه (في بيتنا) (ايوه ) ابتسم براحه (وش جالسه تسوي ) ارسلت له (عادي كنت نايمه من شوي وتوي صحيت) ارسل لها (وش تبي من ماليزيا ) ارسلت له( فيس ساخر) ارسل لها(افاا وش افهم من ذا ) جلس ينتظر ترد عليه بس طولت عرف انها طنشته جا يرجع يكتب لها بس نزل.. جواله بسرعه يوم شاف لطيفه جايه يمه ....حس بتوتر وبعد حزين على لطيفه ...جالس يكذب عليها ....ويلعب من وراها .... بس والله فيه شيء محيرة مايدري وش يبي من ريتاج ...ابتسم بتوتر: يالله حبيبي خلاص كملتي لطيفه :طيب وش رأيك نروح ..هذا المحل المقابل مابي أخذ من هنا واستعجل .... وليد :اوك يالله دخلوا المحل الثاني ...وشافها انشغلت ..وبعد فيه كان زحمه شوي استغل ...الوقت بدل وقفته كذا رجع للمحل الاول وأخذ الخاتم .. اللي حبه ... وحاسب فيه .ورجع بسرعه لها ..شافها تدور مثل المجنونه حس بتنأيب ضمير مشى ناحيتها وقال بتوتر : هنا لطيفه بخوف: يمه والله خفت افتكرت اني ضعتك مع زحمة المحل ذا وليد: ليه طفل تضيعي لطيفه بزعل:حرام عليك والله خفت وليد ابتسم :معلية اهم شيء عجبك شيء هنا لطيفه :وع ماحبيت هنا شيء مره خليني ارجع للمحل الاول وأخذ منه افضل في أغراض احسن من هنا وليد قال بتوتر :طيب ليه مانروح مكان ثاني غير هالمحللين اللي هنا بدل مانرجع نفس المحل لطيفه بتعب: والله مافيني من الصبح وهذي طلعتنا ويالله خليني اخذ وبس وليد هز راسه واتجهووا للمحل الاول لطيفه أخذت اللي اول حبتها وبعدها لفت جهة الخواتم .. وجلست تناظر محتاره قالت :ايت احسن هذا ولا هذا وليد ناظر فين تأشر اخخ واحد منهم نفس اللي آخذه لريتاج قال بسرعه الثاني احسن لطيفه محتاره: لا هذا احسن اشوف انا . أشرت على اللي وليد اخذ نسخته وليد بلع ريقه خاف لايكون حست عليه ... وجالسه تختبرة قال بتصريفه: ماهو بذاك الزين الخاتم اللي جنبه أحسن ولا ماتثقي في ذوقي لطيفه تقربت منه ::والله حبيته حيل وليد : وانا ماحبيته صراحه مو حلو مره خذي ذا ولا نروح محل ثاني لطيفه محتاارة : اممم وليد قال بأبتسامه يغطي توتره :افاا مراح تأخذي ذوقي لطيفه :اوك آخذه مدام انه ذوقك وحبيته .. وليد لف راسه وهو يتنهد براحه ... ' ' ' '.. عند غلا والله فعلا ماهي مصدقه حالها .... ان سامي لا سأل. . عنها ولا فكر ...حتى يجي لا واليوم الظهر..شافته ..نازل من سيارته ... ما تقرب منها ولا شيء ... ...اخخخخ احسن شيء ان بدريه زعلتت و بعدها راحت بيت امها ...بس الخايسه اليوم رجعت ... طلعت وانا ابي اتريق بها شوي ...وناويه انكد عليها ..مثل مانكدت علي برجعتها ....افففف مابغيت افرح الا رجعت الخايسه ... شفت ابوي جالس عندها وفاك الخشه عصبت وش حبه فيها ..استغفر الله. .. قلت بسخريه : هلا هلا نورتي المكان معليش ابي اقول بيتك بس ليه اكذب عليك .. راجح بعصبيه : هذا بيتها وغصب عنك غلا عضيت شفتي بقهر شفتوا كيف قلبته بسرعه اخخخ يبه صايرر استكانة مرته لا لا واسمعوا بعد وش يقول ابو غلا: خذي عفشك من الغرفه وفارقي لبيت رجلك غلا عضيت شفتي بقهر من أولها يبه .... وهذا اللي خايفه منه تكفى لا تصدمني فيك بعد ترا توني فرحانه فيك انك مخليني على راحتي عندك .. وحتى يوم تمشكل مع بدريه مافتح فمه علي واليوم بجية ذي الحيه قلب كذا قلت بقهر : ماراح اطلع والغرفه غرفتي انتم اللي أخذتوها وناظرت بدريه بعصبيه : حق ورجع لي فاهمه دوري لك غرفة غيرها راجح :اقول مدام النفس عليك طيبه اطلعي احسن لك قبل ماقوم واعرف اهجد هالسان عليك اللي وش طوله لا عاد تحترمي ابوو ولا شيء مسببه للكل مشاكل غلا بقهر :طيب راح اطلع من زينها غرفتكم جابت لي الغثى اكثر مو منغثه وناظرت بدريه بعصبيه ذوق خايس مثل خشتك راجح بصرخه : غلااااااا لا اقوم لك غلا كملت ..بعصبيه اكثر وبعد ماهي فارقه معاها انها جالسه تكلم ابوها من العصبيه اللي تحس فيها : والله روحه لبيت سامي ماراح اروح لو تذبحني هنا راجح : ليته قال يبي يرجعك صدقيني بترجعي له غصب بس الرجال مافتح فمه شكله ارتاح منك ومن مشاكلك أعوذ بالله ودي افهم لمين طالعه كذا شريه ليتك طلعتي لامك ماكمل مدح فيها ..يوم حس بقرصه من بدريه غلا ناظرت خشة ...الضفدع كيف ... مبسوطه عضيت شفتي بغيض طيب هين ....والله لانكد عليكم ..واوريكم الشر على أصوله راجح :اقول مدام رجلك لسى ماجى يأخذك ياليت ماتنكدي على خالتك بدريه ترا اخوك جاي في الطريق افرحي يبه جاي العزوه لي ولك فتحت عيوني بصدمه من الكلام اللي ابوي يقوله : ايشششششش راجح : مثل ماقلت لك خالتك حامل وان شاء الله هالمره ولد ..ويكون لك اخ ي غلاوي غلا حسيت الدنيا ظلمت في وجهي ...وهذا وانا ابي اصرفهن عن حياتنا ...يجيني اخوو منها .. . مسكت بطني بشك ...الله يستر لا يكون انا بعد .. لاني من شهرين ماشفتها ....لا لا لا مابي اخلف من سامي يكفي هالاخو ولا الاخت اللي .بتجيبه اخته ..... حسيت مافيني انطق بكلمه ..رجعت الغرفه أخذت اغراضي ودخلت الغرفه الثانيه الي فيها فرش في الأرض جلست وانا لسى مصدومه .. تمددت وانا اضم حالي واصيح منهارة ....وبعد خايفه لايكون بعد حامل ....من بكرة في صيدليه قريبه .. من المجمع .. راح اروح واخذ لي جهاز تحليل...... ' ' ' ' ' ' في بيت ناصر دخل البيت شاف قدامه هدواء ...استغرب معقول العيال نايمين ...غريبه دايم ...يشوفهم قدامه إذا جااا ... مشى ناحية غرفتهم فتحها شافهم نايمين ..ابتسم تقرب من ريماس وباسها بوسه قويه ..يحبها غيرهالبنت ناظر سلطان وابستم تقرب منه وباسه وطلع ... متجهههه للغرفته ..دخل انصدم من اللي يشوفه ... قدامه ...بس بسرعه ميل فمه بسخريه ..هذي هي دايم ...تسوي سواتها ولو تبي شيء ..تلعب على عقله بهالشويتين تسويها .... منيرة الي في غرفة الملابس ناظرت شكلها ..وابتسمت برضى ....لنفسها ...زودت العطر وطلعت. ... وهي مبسوطه وهي تشوفه معطيها ظهره الحمدلله متأخر ....من الصبح وهي حايسه ترتب له الحفله البسيطه ...وكاد تقدر ترجع تكسبه وتفهم ايش مزعله كذا ومغير حاله ....تقربت منه وحطت يدها على كتفه وبأبتسامة حب: جيب حبيبي ناصر لف لهاا وبسخريه : لا لسى منيره ضربته خفيف على كتفه: سخيف ناصر ..وهو يشيرر للي مسويته : مامليتي من هالخربيط منيره بصدمه: خرابيط ؟ ناصر مشى ناحية السرير وجلس وقال ببرود: بقوة منيره حاولت تمسك نفسها شوي : آكيد تمزح نصور ناصر رفع حاجب : صدقيني ماعمري كنت صادق مثل الحين منيره بصدمه أكثر لا لا لا أكيد الرجال فيه بلى تقربت منه وجلست قريب منه وقالت وهي تحاول تمسك نفسها ماتصرخ في وجههه: ممكن اعرف وش فيه ناصر رجع وقف ودخل غرفة الملابس وطنشها ..وغير ملابسه ورجع تمدد وهو يشوفها لسى جالسه مكانها وتناظره قال ببرود: بعد ماتقومي من جلستك ذي طفي النور ابي انام منيره بقهر وهي صاكه على سنونها : ممكن اعرف وش فيك تدري فيني ضغطي يرتفع من هالحركات ناصر اعطاها ظهر وغطى حاله بالمفرش : ماهو ضغطك مرتفع على طول مافي جديد في الموضوع منيره وقفت ولفت له من الناحية اللي ممدد فيهاا وهي تسحب الغطى وبصرخه : ناصرررررر كلمني لا تقهرني كذآ ناصر بعصبيه: هييي جننووك الحين ماهو فايق له انقلعي عن وجهي افضلك ترا ماسك نفسي بالقوة عليك وشيلي اللي مسويته كله ذا منيره بصرخه: تعرف غيري لاعبه بعقلك صح ناصر ناظرها بسخريه: مجنونه صدق منيره وهي معصبيه : ناصر دايم تفرح بهالجوو اللي اسويه لك من فتره لفترة ناصر ابتسم بسخريه: قصدك وقت مو حابه تلعبي على عقلي بكلمتين تسوي هالجووو على قولك منيره رجعت جلست وهي معصبيه : ناصر حرام عليك اللي تسويه فيني ناصر رجع جلس وبعصبيه : حرام عليه طيب ليه ماقلتي لنفسك اللي كنتي تعمليه فيني حرام لا احترام ولا تقدير ولا اهتمام.. وقت مو حابه تسوي انك يالله بتسعدني سويت لي هالللي مسويته وهو يشير على الغرفه واليوم الثاني كله يروح ماشوف غير الصوت العالي والشتم على اقل شيء وبس متذمره من البيت والعيال ومغروة وشايفه حالك تقولي مأخذك من بيت أمير منيرة بصدمه من حكيه معقول شايل عليها كذا قالت بصدمه :لا لا لا اكيد مبدل ماهو انت ونزلت راسها وهي تصيح ورجعت رفعته وقالت بصرخه والله حد لاعب فيك ناصر لايكون تعرف غيري قول اعترف انك تخوني جالس ناصر رطب شفايفه وناظرها بحده لازم يقول لها وبذات بعد هالكلام اللي تقوله :ماهو انا اللي اخون واغضب ربي ومن الحين اقولك ابي " اتزوج " منيرة ناظرته بصدمه اقوى من قبل ضربته بقوه على صدرة :آكيد مو صاحي ناصر مسك يدهاا بقوه وبحدة: لا والله صاحي وجاي الحين من عند ابوي واتفقنا متى اروح اخطب منيره فاتحه عيونها بصدمه وبعد عندها امل انه يكذب عليها ...ايه أكيد يكذب عشان بس يقال يربيها ...قالت وهي تمسح دموعها :حرام عليك ناصر اعترف انه مقلب فيني عشان تعاقبني صح ناصر مسك يدها وقال بصدق:منيرة خليك عاقله لو مره وحده واثبتي لي هالشيء لاني فعلاً انا ناوي اتزوج ومستحيل اغير راي لو ايش وانت بتجلسي معززة مكرمه في بيتك حقك يجي لما عندك وبعد ماهو اول رجآل ولا آخر رجال يتزوج على زوحته منيرة سحبت يدها وقفت... وهي تحس الارض ...ماهي شايلتها من قوة الحكي... اللي تسمعه وجالس يذبحها فيه وبصرخه وهي تهز راسها مستنكره الي يطلبه منها : اكيد ماهو في وعيك على هالكلام واي عقل اللي تبيه مني وانت تقول لي تبي تتزوج ناصر رفع راسه وقال بصدق: صدقيني ي منيره ماراح اظلمك منيرة بعصبيه وهي منهاره وتضرب في وجهاا: ناصر لا تموتني بقهري انت وهالحكي تقوله ... وتقربت منه ونزلت نفسها وباست راسه وهي تصيح وبضعف اول مره تحس فيه: قول انه مقلب تكفى والله والله اسوي اللي تبي بس لا تفشلني وتتزوج علي ... ناصر يكذب لو يقول ماحزن عليها بس هذي ... فرصته لازم تدري لانه مأخر روحته ....ابوه يقول لازم تقول لزوجتك عشان لو عمك سأل ان زوجتك عندها خبر... يقدر يقول ايوه.. مد يده و حاول يقسي قلبه ويجمده ...بعدها شوي عنه وقال بقساوة : مع الاسف ماعندي غير هالحكي وصدقيني ماراح اظلمك وميل فمه بسخريه .. ولا افشلك وهز راسه ...بتحسف هذا اللي همك ي منيره منيره رفعت نفسها يوم مد يده يبعدها عنه .. ناظرته وهي ماهي مصدقه بس شافت في عيونه الصدق قالت بضعف وهي مطنشه حكيه : وين حبك لي ناصر ضحك بقوه: ههههههههههههه حب ايش اللي تتكلمي عليه تذكري كم مره قلتي لي تافهه انت وحبك كم مره قلت لي طفشتني ي ناصر انت وحبك فكك عني شوي والحين توك جايه تقولي وين حبك ي شيخه هذا انا فكيت عنك و ضيعيته بنفسك هالحب وانا ماقلت ابي اطلقك قلت ابي اتزوج وعادي ماهوو اي احد يتزوج على زوجته يعني خلاص يكرهاا واكيد احبك وبعد راح احبها منيره بصرخه وهي تسكر على اذونهااا: ناصر اسكت تكفى خلاص وبصرخه طيب هاللي ذكرته الحين يستاهل هالعقاب ؟ ناصر بحده : السالفه ماهو عقاب بس كذا ودي في الزواج وبعد قولي تجديد ورفع حاجب منيرة ميلت فمها وعضت شفتها بقهر وكررت كلمته : قلت لي تجديد ..وبعد ودك فيه ي ناصر اوك الله يتمم لك ورفعت راسها بشموخ واعطته ظهرها وهي تحاول تمسك نفسها وماتذل عمرها اكثر عشانه ايه هي قويه وطول عمرها قويه ومستحيل واحد مثل... ناصر يهزها كذا يتزوج كيفه ...بس هين راح تخليه يندم ..... دخلت غرفة الملابس وغيرة قميص ..النوم اللي لابسته بشيء دافي على الرجفه اللي تحسهااا ...في جسمهاا وطلعت متجهها ..لغرفة عيالها انرمت على سرير سلطان ..و.سحبته لحضنها وهي منهاره وكل شيء يرجف فيهااا ..ماتدري كيف قدرت تمسك حالها وطلعت من الغرفه كذا ....توقعت اقل شيء تقتله على الشي اللي قاله ...آه يتزوج علي انا .... مين يبي ....ي ترا ...انا قلت فيه احد لاعب فيه .. بش ماتوقعت انه يبي يتزوج ....اقوى شيء توقعته علاقه او شيء ثاني بس زواج لا لا ...مقدر ناظرت ولدها ...وش اسوي يمه ...حست بحركه في بطنها قويه ...ذبحتها .. قفلت عيونها بألم ... ناصر لسى جالس في مكانه مصدوم معقول ...كذا تكون ردت فعلها آخر شيء توقعه انها تنسحب كذا ..اقل شيء تقوم ... تحوس الدنيا مثل عادتها ...وعلى سبب تافههه والحين جاي يقول لها ابي اتزوج عليك ..ترد عليه كذا ...هز راسه الله يستر لايكون لسى ماهي ... مستوعبه وبكرة اقوم والدنيا حوسه على راسي ... ....حس بتردد بس لا لا لازم يكمل .. و يمكن بعد يلقى الراحه اللي مالقيها عندها .... يأما اعطاها فرص عشان تغير من نفسها ...وكان مابي غير احترام ..واهتمام شوي...ماهو وقت ماطقت في راسها جتت وتقولي الزين عندي ....عض شفته وهو محتاار ويفكر ...وش وراها ماهو مرتاح ...لها ..وقف ...واخذ التورته شاف كاتبه... فيها احبك ..ابتسم بسخريه ليت شفت هالحب افعال ..طلع فيها للمطبخ ..تلفت يمين.. شمال ماشافها في الصاله .. دخل المطبخ وفتح الثلاجه ..ودخلها وطلع ناظر جهة غرفة العيال ..اكيد عندهم مثل عادتها اذا زعلت تروح تنام عندهم ....هز راسه وهو يزفر بضيق ..كان زمان ي منيرة اجي اركض وارك ......... |
رد: أعشق أنانيتك عندما تتمناني لك وحدك
في شقة اسامه :: :: ريوف دخلت المطبخ وانا احس بجوع ...فتحت الدولاب .. مافي اغراض ..يارب لي اسبوعين مافكر حتى يجيب اغراض ..للبيت ...الله يستر شكلي ابي اموت في هالشقه ومحد داري فيني لفيت ...جسمي وسندت ظهري على الدولاب وجلست افكر.... ايش اسوي واسد جوعي ذا ..حسيت بحركه .... صديت قدامي بخوف ... شفت اللي مسند حاله على باب المطبخ ...فتحت عيوني بصدمه كيف دخل ...وكيف ماحسيت عليه ليه دايم غبيه كذا ....بلعت ريقي ... ورجعت .طالعت الارض مافيني القدره اني اطالع وجههه ... اخاف منه بشكل مو طبيعي ...يمكن اللي مسوي لي رعب بعد زوجة ابوي هوو.... اسامه ميل فمه بسخريه :سبحان الله في نفس المكان صفق بيده بعد شوفوا كيف الصدف لاعبه معكم برفوا وضحك بسخريه ريوف رفعت راسي وناظرته ...وش يقصد بس ...نزلته بسرعه يوم شفت عيونه اللي كلها سخريه ....وتحقير لي اسامه تقدم شوي وقرب منها مد يده ورفع وجهااا وخلاها تتطالعه وبصوته الخشن :متفقين في ذي بعد ريوف نزلت عيني بدون رد اسامه شد على وجهاا الصغير بيده وقال بحدة: انطقي ريوف بخوف وتوتر وبتلكك: وش ش هوو اسامه :تصدقين من اسبوعين لقيت رائد في نفس المكان شفتي كيف حتى الصدف معاكم وشكله مافي إلا هذاك اليوم اللي انكشفتوا فيه مالعب معكم الحظ ولا سبحان الله عشان بس تنفضحوا وبتحقير اكثر بس تصدقي وش قال يوم حقتت معه يقول هو بري وانت وامك لفقتوا هالقصه كلها وش رايك في هالكلام ريوف هزت رسها بصدمه من حكيه اسامه بسخريه: مصدومه منه هههههه خون فيك أكيد بيقول كذا ويفكك عمره من اشكالك وانا عن جهتي مالومه محد يبلش عمره ريوف بتوتر وجسمها كله يرجف : لا اولا هذيك مو امي وبعد والله حكيه كله اسامه بحدة قاطعها: الحين ماعلقتي إلا على هذي ندري ي شيخه انها زوجة ابوك قالي سمير ريوف دموعها نزلت :والله ماتفقت معاها اسامه شد على وجهااا بعنف: غيره ريوف بخوف :والله هذا الصدق اسامه دخل يده في شعرها الكثيف الاسود وشد عليه وقال وهو صاك على سنونه : احاول اصدقك ...بس ماقدرت ...ايش الحل بنظرك وهو يهزها بقوه انطقي ريوف خلاص تحس شعرها ....شوي ويطيح... في يده قالت بالم وهي تصيح :حرام عليك ارحمني اسامه :ايششش ارحمك ريوف صرخت بألم :آآآآه اسامه بسرعه اعطاها كف على فمهااا وبعصبيه: قلت ماراح ارحمك بعد حركتك آخر مره معي افتكرتي تنفذي بجلدك مني على طول ريوف مسكت فمها بألم قالت بصرخه غصب عنها :موت بشككك ماراح اقولك شيء تبي تضرب اضرب خلاص متعوده عليه لااانت راضي تصدق... ولا تبي من اصله تصدق وش اسوي ابلي... حالي باي كلام عشان تفك عني يعني سامه فتح عينه بصدمه من حكيها اول مره تتكلم هالكثر قدامه: مستقويه بعد ايه بضربك واكسر راسك بعد وبسرعه رجع مسك شعرها وشد بقوه ..واعطاهاا كف ورا كف ريوف ندمت انها قالت كذآ حيل ...علقت معه .. قالت بضعف من قوة الكفوف اللي اخذتها تحس خدها نار شاب : تكفى خلاص اسامه دفها بقوه على الارض .. وبصرخه : ممكن افهم ليه رخصتي عمرك كذا ريوف صرخت بقوه من الم كتفها اللي انرمت عليه ... اسامه جلس في الارض على ركبه وقال وهو يرجع يمسك شعرها : ولا فعلا انتي وامك مدبرينها شافها ساكته هزها بقوه تكلمي اشوف ولا اليوم اذبحك هنا بدون رحمه وبصرخه اقوى ي زفت انطقي ريوف وهي تصيح بقوه وترجف وبذات من قربه منها بهالطريقه وصوته لحاله مسوي لها رعب :مو امي اقول لك اسامه بصرخه :قلت لك عارف انها ماهي زفت خلاص قولي ايش بينك وبينه ومتى بدت العلاقه بس هذا الي ابي افهمه ومن حقي على ماظن .. ريوف هزت راسها رفعت يدها وحاولت تمسك يده عشان يخف شده على شعرها : ماعندي شيء اقوله اسامه لف وجههه بعصبيه وقفل عيونه و رجع ناظرها بحدة : يعني اشلون ريوف:اذا قلت مظلومه ماراح تصدقني اسامه رفع حاجب : ليه مجنون عشان اصدق كذبك ريوف بصوت واطي وهي خايفه :أجل ماعندي شيء اقوله إذا ماتبي تصدق اسامه نزل راسه منها :ايشش ارفعي صوتك شوي ريوف طالعته بخوف وهي تهز راسها مافيها تتكلم وهو كذا لازق فيها اسامه رفع نفسه شوي وناظرها وبقهر: لا تجلسي تناظريني كذا لا افقعها لك الحين وهو يرفع اصابيعه الاثنين ريوف بتلكك: طيب ابعد شوي اسامه رفع حاجب :وتنطقي ريوف :ايوه اسامه وقف على حيله وسند نفسه على الكونتر وقال بسخريه:يالله بعدت وتكفين.. بلاش كذب ريوف جلست وبتوتر :والله كنت جالسه في غرفتي اسامه بقهر وهو يتذكر شكلها كيف لافه حالها في المفرش قال بحدة : ايوه ريوف وهي تمسح دموعها :وبعدها اخوك طب علي وصار كل شيء بسرعه اسامه تقرب خطوتين منها و رفسها بقوه على جنبها : قلت بلاش كذب ريوف بصرخه : آآآآآآآآه اسامه بصرخه اعلي : قلت ابي السالفه ماقلت تعطيني عذرك الللي دايم تتكرريه و حافظه بعد ريوف تحس جنبها وبطنها انقسم .... من قوة الرفسه حطت راسها على الأرض وبكت بقهر وظلم وحسرة على حالها ...لا هو راضي يفهم ولا هو راضي يصدق ولا راضي يفك عنها ويريحها ....يارب وين ذا كان متخبي لي .... اسامه بصرخه : والنهايه يعني ريوف ناظرته وهي تصيح تكلمت غصب من الم بطنها :طيب لو قلت اني على علاقه معه راح تفكني اسامه حس بدمه يثور.... اكثر من قبل رجع جلس على ركبه ريوف بسرعه سحبت نفسها لورا وبخوف رفعت يدها عشان مايرجع يضربها : دقيقه دقيقه والله قلت لك كذا عشان ارتاح والله و لانك موراضي تصدقني اسامه ناظرها بحيرة وش يسوي فيها ...نزل نفسه شوي وسحبها بشعرها ...وقفها معه واتجههه فيها للغرفه.... ورماها على السري ريوف بصرخه وهي ترفع شعرها اللي طاح كله على وجهااا : آه وجعتني حرام عليك اسامه قال بعصبيه: ممكن اعرف لوين وصلت بينكم العلاقه مدام السالفه .... وصلت لانه يدخل غرفتك ريوف ناظرت بصدمه ..هزت راسها من قوة كلامه الللي يقوله قالت بخوف وقهر : انا مو كذآ اسامه رفع حاجب وبتحقيرر : أجل اوطى من كذا صح ريوف سكتت مافيها تتكلم مدام وصل . تفكيرة الوسخ ..بهالطريقه .. اسامه... جلس على السرير ريوف.. بعدت لنهايه بخوف اسامه طالعها بسخريه :خايفه طيب ليه يوم دخلتي واحد غريب غرفتك ماخفتي..ولا هذاك حبيب القلب ...صدق الحثالة حثاله .. ريوف وهي تصيح : ليه ماتبي تصدقني ودك تثبت علي هالشي اللي تقوله اسامه بصوته المرعب الخشن صرخ: اصدقك واكذب عيوني شايفك وانتي بشكلك المقزز فاهمه ايش شايفك و مستحيل اقدر اتحملك قولي وش اسوي فيك لاني انا عاجز ...ليت اقدر ارجعك لاخوك وهو يتفاهم معك ولا يقتلك وكيفه معك بس خايف على اخوي ريوف بخوف وهي تتخيل سمير يقتلها مثل مايقول ..هو اتصال مارد عليها ...أجل لو رجعت له ..وش يصير..اكيد موتها بيكون على يده ...قالت وهي تحاول تفهمه وتتمنى يصدقها ..:تكفى صدقني ترا زوجة ابوي تكرهني ودايم سكتت يوم شافت نظرته انه ماهو مصدقها اسامه رفع حاجبه وبسخريه : ي حرام تكرهك ليه طيب ولا كذا من الباب والطاقة تكرهك ريوف نزلت راسها بنكسار: الله لايبليك كره زوجة الاب تذوقك المر وماترحمك اسامه بعدم تصديق للي تقوله :اقول هالتمثيل كله مايمشي علي ....زوجة ابوي ومدري ايش قولي كثر الله خيرها وهي ربتك ..والحين اذا قست عليك من حقها مين يتحمل وحدة مثلك ..ولا احد يرضى يسكن عنده امثالك .. ريوف طالعته : من حقك تقول كذا لانك ماهو مجرب اسامه عض شفته بقهر: الحين حد قالك اشكي له انا اللي ابي افهمه متى بدت علاقتكم .. ريوف خلاص طقت روحهاا من كثر مايعيد هالسؤال قالت غصب عنها : ليه طيقت الصدر وقلت انا اتزوجها كان خليته يذبحني وخلاص وارتحت من ذا كله اسامه .. طالعها بقهر وعصبيه هذا جزاه يعني قال بعصبيه: تدري ليه لان مابي اضيع اخوي واقهر امي فيه لأنه روحها متعلقه فيه إلا انت مافكرت فيك ي ال******والحين .. جايه وبكل وقاحه تقولي كذا بدل ماتحمدي ربك انك لقيتي حد سترك على بلاويك جزاك الزباله ي زباله ريوف حست بععجز ماتدري وش تسوي : ليت انت تذبحني وتريحني وخلاص وصاحت بقوه وهي منهاره خلاص تعبت والله وهي تبرر له وهو كل كلمه اقوى من الثانيه اسامه وقف وقال بتهديد: صدقيني لو ماخوفي من ربي كان بدون مشاور بعد والدموع ذي كلها ماتمشي علي وادعي ربي يأخذ روحك لأنك ماراح تعيشي مرتاحه وطلع وقفل الباب بقوة ...وتمدد على الكنبه بتعب مايدري وش يسوي قفل عيونه وهو يحس بصداع ذبحه ذبح .....' ' ' ' بيت ابوغلا بتحديد في غرفة غلا من وقت ماجت الظهر وهي متوتره ..وحالتها ..حاله والحين شوي وتجي 11 م.. وهي لسى مقد حللت . ... رجعت ناظرت جهاز التحليل ....وصدت عنه بخوف وتوتر أخذت نفس قوي وهي تشجع ... حالها لازم تعرف . رجعت رمته ..واذا فيه أكيد مصيرة ينكشف . .. مو لازم تحلل .... بس لا مارتاحت... لازم تعرف ...رجعت سحبت... الجهاز وقفت وطلعت من الغرفه شافت بدريه ..في يدها فرواله ... تأكلها... حاست بوزها بعد فرواله عشنا وشفنا ..ام براطم مسويها فيها .... بدريه بدلع :اشتهيتها و ابوك جابها لي الله يخليه ليه مايخلي شي في نفسي ونفس البيبي ... غلا مين سأل الحين لا لا الكلمه الأخيرة قتلتني قلت بسخريه: صدقيني البيبي لويطلع بينصدم انك امه وراح ..يكره حاله بدريه بخبث سحبت جوالها وفتحت الواتس وشافته متصل حلوو و ابتسمت بخبث وفتحت التسجيل وهي ودها توقعها في حكي ايه بتقهرها ..وتجيب سيرة سامي ...وبتسحب منها حكي عشان وكاد يسمعها وينقهر ويجي يأخذها ويفكها من خشتها .... سحبت باليد الثانيه فراوله ...ورفعتها بدلع ماسخ: من قهرك حملت وانت باقي ...ف عشان كذا عاذرتك وضغطت على التسجيل وهي تدعي ربها انها ترد عليها بشي يخص سامي او تشككك في مرجلة اخوها هذا اللي تبيه عشان صدق يثورالغبي ذا غلا ميلت فمها بسخريه : ي بوي انا ايه مره مقطعتني الغيرة لانك حملتي وانا باقي وبصرخه هييي الله لايقولها اني احمل من اخوك الهايت ... بدريه ماكان ودها يكون ردها كذا كان ...تتمنى شيء ثاني شيء يقهر اكثر قالت وهي ناويه تستدرجها في الحكي تقول كلام اقوى ويهز اي رجآل بس ماعليه ارسلته له وهي ناويه ترجع تعيد تسوي تسجيل بس لازم تستفزها اكثر : وش قصدك ست غلا غلا ' بتحقير لها : قصدي ان شاءالله انت واخوك ولدك ذا الي في بطنك تموتوا وارتاح منكم بدريه غست باالفراوله: تدعي على اخوك ولسى ماجااا غلا :اخوي منك مابيه بدريه جوالها .الصامت. دق برقم سامي ابتسمت بخبث فتحت الخط وخلته سبيكر سامي بعصبيه :قولي لزفت اللي عندك حتى هوو مايبي يخلف منك ولا يتشرف تكوني ام عياله ي بنت السكير .... غلا فتحت عيونها بصدمه من الصوت القوي ....اللي يصارخ ذا ...كيف سمع حكيها حست حالها ..مصدومه... وش سوت هالخبيثه وسمعته كلامها معقول كان داقه رقمه.... وفاتحه الخط ...ولا وش مهببه حضرتها ....وانا ماحسيت عليها صح هي ماسكه الجوال من اول بس مافكرت انها داقه عليه هيي غلاوي وش فيك كنك خايفه منه قلت بكل تحدي سحبت الجوال من يدها : يمه خفت اقول ماهميتني سمعت ولا بالطقاق سامي ابتسم يوم سمع صوتها .. : هلا هلا غلاي كيفك وحشتيني ي العصله غلا انصدمت من رده عصبت أكثر .....رمت الجوال في وجههه بدريه اللي صرخت من الوجع : حسبي الله عليك من بنت توني مصلحته ي ال**** بعد كسرك له والحين جايه بعد تكسري وجهي سامي ضحك بقوه : مردغتك اخخخ قويه هالغلا هههههههه بدريه بقهر: غبي من جد والله لو ادري هذا ردك كان ماتعبت نفسي .. سامي بضحكه : تستاهلي هذا جزاء الي يفتن بدريه بصرخه : صدق انك واطي سامي : هههههههههه وش اسوي احبها بدريه بقهر: وش ذي ينحب فيها لاخلقه ولا اخلاق سامي : خلقه كذابه والله انها اجمل منك يالدوبه آه يكفي بس الغمازة ..بس اخلاق هذي انا معك بدريه بقهر: من اول مغسله يدي منك سامي: طيب اعطيني الحب بسرعه بدريه قفلت في وجهههه بقهر ... رمى الجوال وهو يضحك ....بس تذكر كلامها .. انقهر ...بس سمع صوتها .نسته ليه هو معصب..اه وحشته من جد فتح رقمها وارسل لها( لا ي ام وافي صدقيني انا ابو عيالك .. وغصب عنك ).. :: :: :: عند غلا اللي معصبه وحالتها حاله ..عصبوها هو أخته .. دخلت الحمام الله يكرم القارئ بس رجع لها التوتر يوم طلعت الجهاز ..... بعده بدقايق ناظرت النتيجه بصدمه رمت الجهاز بقوه في السلة وطلعت وهي.... معصبه لغرفتها ..... رمت حالها على الفرش بقهر هذا اللي خايفه منه.. صار ... بكت بقوه ....حست نفسها منهارة ....من تو تقول ماتبي منه عيال ولا يشرفها يكون ابو لعيالها ...... مسكت بطنها وهي مقهورة وماهي عارفه وش تسوي ... سبحت جوالها .... تبي تدق عليه وتسبه... وتبرد خاطرها فتحت رقمه ...بس هونت وش تقول له ...صدق غبيه لو دقت عليه وقالت له فتحت الواتس وشافت رسالة منه عصبت بقوه ...من كلامه الي كتتبه ...عضت شفتها وش تسوي ... ودها تفجر فيه وتبرد قلبها شوي ...وبدون حس دقت عليه وهي معصبيه سمعت صوته المستفز: شوف لي حل سامي االي تفاجأ من اتصالها عليه قال بفرحه وهو ماهو فاهم وش تقصد : ابشري عندي الحل جاي الحين غلا بعصبيه: مابي هالحمل شوف لك اي دبره وخلصني منه سامي جلس بصدمه من كلامها قال وهو فاتح عيونه: ايشش حامل قولي والله غلا بقهر: ايه خلصني منه سامي توه استوعب وش ذي الخبله تتطلب منه: وش اخلصك منه ذي شايفتني لهالدرجه مجرم غلا بصرخه : ي خي مابي عيال منك شوفي لي حل ولا انا اشوف حل لنفسي واعرف كيف انزله وانفك منه .. سامي تفاجأ من حكيها توقع انها قاسيه بس ماهو لهالدرجه قال بحدة: فاهمه الي تقوليه غلا :ايه وماعمري قلت شيء مو فاهمته سامي كرر كلامه: غلا صاحيه للي تقوليه غلا وهي منهارة أكثر: ايه ايه اكرهك ومابي منك عيال سامي قفل بعصبيه في وجهااا وبسرعه فز ولبس التشيرت وطلع واتجههه لبيتهم ودق الباب... بعصبيه بدريه سمعت الطق... طلعت تشوف : مين سامي بصرخه: انا افتحي بدريه ابتسمت بخبث: معقول توه يفكر ينقهر فتحت له بس انصدمت من شكله كان معصب وبقوه بعد ماعمرها شافته كذا ... دخلت تركض وراه سامي بصرخه:وينهاا بدريه رفعت يدها وهي تشير لباب غرفتها ... سامي بسرعه اتجهه لها ودف الباب ودخل شافها جالسه تتطالعه ..بتحدي تقرب منها وهو معصب : غلا للمره الميلون اقولك الكلام الي تقوليه من عقلك ولا بس عشان تستفزيني غلا رفعت راسها له وببرود ظاهري : استفزك ليه سامي جلس قدامها على ركبه مسك كتفها بقوه : غلااااا غلا حطت يدها على ...يده وهي تحاول تفك نفسها ..منه سامي صك على سنونه.. وبتهديد: قسم بالله ي غلا لو اسمع هالحكي مره ثانيه صدقيني بيجيك شيء مايعجبك غلا بصرخه: كم مره قلت لك سوي الي تبي مايهمني والي في راسي اسويه سامي شد على كتفها بقهر: شوفي الحين حتى لو طاح اللي في بطنك من غير سبب ..ابي اتهمك انتي والله ثم والله روحك ماتكفيني ي غلا وتعرفيني مجنون واسويها وفي ستين داهيه بعدها بدريه اللي واقفه عند الباب بصدمه فتحت عيونها : حامل غلا بعصبيه وهي تصرخ : انقلعوا برا ... سامي وقف :منقلع من غير ماتقولي بس حسك عينك تفكري بس تفكير تضري الي في بطنك ولك وعد مني بعد ماتجيبيه أطلقكك واعتبري حالك حتى ماخلفتيه ...او عرفتي احد اسمه ..سامي راح اخذه واهج ...بس انتي الحين حافظي عليه هذا اللي ابيه منك .. مقابل الخلاص وطلع ...وهو معصب ...صدق صدق مجنونه ...والحين كرهها.. من كل قلبه ..معقول تصل فيها الخباثه لكذا ... لا توقع كل شيء منها . ويعرف انها قاسيه ..بس ماهو لدرجه تقتل روح ... طيب ي غلا انا لك ......... غلا بعد ماطعلوا جلست تبكي وهي تستغفر وش هالكلام اللي قالته ..صدق هي ماتبي هالحمل ..بس مستحيل تقتل روح ...حطت يدها على... بطنها .... ذنبك ابوك سامي ..وامك غلا وبقساوه ليتك تطيح وترتاح من هالدنيا كلها ...ومن بلاويهاا ورجعت تبكي يوم حست بتنأيب الضمير ...بس. والله غصب عنها عارفه مصيره بين ام واب ...منفصلين ...ايه لان هذي نيتها مستحيل ترجعه له لو ايشش ....... حطت راسها على المخده وسحبت الجوال ورسلت لفاديه ان مافهيا تداوم بكره ..... وعادي يخصم في ستين د اهيه... وش بيصير.... يعني آه ماهي قادرة تتخيل حالها حامل ....ليه ليه هي غبيه... مافكرت تأخذ مانع يعني كيف طارت هالفكره من بالها ....آه وش الغباء كله من ابوي والله هو اللي بلاني بواحد مثله .... مابيه والله مابيه ونفسي عايفته اقوم اخلف منه .....الله يسامحك يبه خليت... قلبي يقسى حتى ...على اللي في بطني وقطعه مني...رجعت تصيح بقوه ...بعض مرات اقول حكي يمكن ربي يغضب ....علي منه ..رفعت يدي وانا استغفر مره ثانيه ....يارب اغفرلي ...تنهدت وانا اسحب جوالي وفتحت الواتس وارسلت (خلاص راح احافظ عليه بقدر ماقدر واذا ربي كتب له راح اجيبه وخذه مابيه بس انت وعد ت يكون المقابل طلاقي وعد الحر دين) ' ' ' ' ' ' ' بيت بو وليد بتحديد في المطبخ ' ' ' ريتاج وهي تتنهد : ماصرت اصدقك كل مره تقول كذآ عصام وهو مبتسم : لا ان شاءالله نهاية الشهر وانا موجود إلا قولي .. الحب قريبه منك لا اوصيك... قولي لها تجهز حالها لاني جاي وابي احدد موعد العرس على طول ريتاج ابتسمت بخبث وهي تشوف شوق داخله المطبخ وقالت وهي ناويه تحرق دمها شوي مثل ماهي جالسه لها : من حقك ي خوي صح مصدومه واكيد الكل بيزعل بس انا معك عصام ماهو فاهم : وش تقولي ريتاج : ايه فديتك انا معك صعب صعب تجلس كذآ هناك لحالك مافيها شيء ي خوي صح انك استعجلت وبدون مشارور بس معليه ابوي بيزعل يومين وبيرضى والباقي امرهم هين خلاص ي قلبي قلت... لك فاهمه ومقدرة وضعك .... عصام بصدمه: ريتاج وش فيك حبيبتي اناشهد ان بك بلى ريتاج وهي ودها تنفجر ضحك على نظرات ...شوق الي ذابحها الفضول وعلى صدمة عصام وهو يكلمها: آيه فاهمه عليك وانا معك .. ولا تخاف انت رجآل ومحد يلومك عصام بشك: شوق عندك ...صح ريتاج :لا عصام بصرخه: كذابه عندك آه قولي لها عصام يسلم عليك وش تبي من أمريكا وبعد ابيك تأخذي مقاس الفستان وابي اصمم لها هنا فستان عالمي ابي الكل يحكي عنه ريتاج : صدق انك ولد شيخه هههههههههه عصام ضحك بقوه: ههههه وش اسوي اسمع امي دايم تقول كذا ريتاج مسويه زعلانه: افاااا وانا اختك لي ساعه اكلمك مافكرت تجيب لي شيء عصام : اعطيني علوم عن الشوق وانا اجيب لك اللي تبي ولا وش رايك اروح اقطع الحين تذكرة واطير للكابتن وانكد عليه ...أكيد هذي بتكون احسن هديه لك ريتاج بجمود:اقول جلستك في أمريكا خربت.. علقك وبعد محد يبي منك هديه خلاص عفتها عصام : اففف اكرهك لما تكوني كذا مسويه فيها اعطينا بس ريتاج فتحت عيونها بصدمه : اعطيك مين عصام : ههههههههههه ريتاج : يالله فارق عني وخلني اكمل اللي في يدي وقفلت في وجههه يوم زودها في الحكي غثييييييث صدق ضروري يجيب سيرة الكابتن وينكد علي بسرعه تذكرت شوق ناظرتها ببراءة : الله يعين شكل اخوي استخف على اللي سواه شوق قالت بفضول: تكلمي عصام ريتاج رفعت حاجب: لا ي شيخه يقال مسويه حالك ماهو عارفه لك ساعه هنا مسنترة وتوني اقول اخوي يعني عندي اخو ثاني غيره. ... شوق: ايش اللي تقولي عنه ابوي ماراح يزعل منك اكيد بيرضى بعدها ومحد يلومه ريتاج اعطتها ظهرها وهي تفرد عجينة البيتزا في الصحن وقالت وهي ماسكه ضحكتها: شي ماهو مهم حطت الصلصه ..والجبنة وواوو شوق راح تأكلي احسن بيتزا اليوم شوق بقهر منها : خلينا من البيتزا اللحين وممكن افهم ايش الشي اللي مو مهم ريتاج عضت شفتها : صدقيني شي سخيف شوق بقهر: ابي اعرفه حتى لو سخيف ريتاج :امممممم بس تزوج وخايف من ابوي وطالعتها شافتها فاتحه فمها بصدمه بس كملت عارفه انت غربه ومسكين لوحده وعشان كذا شفقت عليه وابي اوقف معه ماحست إلا بالخبطه على ظهرها ....خلت راسها يضرب في الدولاب صرخت بألم وهي تحط يدها على جبهتها : آه حرام عليك والله شوق بقهر: حرام ي الزفته وبعد عليها شيء سخيف ومو مهم ومدري ايش جالسه تلعبي بعقلي ي الخايسه ... ريتاج بألم : هذا جزاي جالسه اطيب خاطرك شوي شوق بزعل: لا ي شيخه الحين تتطيبي خاطري يقال تقولي عصام طلع متزوج وحده من برا هذا تتطيب خاطر ولا دمار.... ريتاج ابتعدت و جلست على الكرسي وبخبث : مين قدك ي عصوم عندك وحده تموت فيك ولا تصدق بعد فيك شوق بزعل: انقلعي بس احس اني مو طايقتك والله ريتاج وقفت وتقربت منها وهي تبوسها على خدهاا: افااا اهون عليك شوق حالفه تقهرها مثل ماقهرتها: خلاص ماراح ازعل منك بذات هالايام لاني مقدرة اللي انتي فيه والله يصبرك بعد ريتاج رفعت حاجب وقالت بشك: وش قصدك ست شوشو شوق بضحكه : لما تقولي لي شوشو احس إني رقاصه وهي تهز بخصرها .. ريتاج بقهر :اقول قولي بس لا تضعي السالفه شوق ابتعدت شوي وهي ناويه تستفزها : لا بس قصدي أكيد فيك حره عشان وليد جالس يمشي لطيفه وانت جالسه منثبرة في هالمطبخ ريتاج ضيقت عيونها وهي صاكه على سنونها : ليت اخوي صدق يتزوج ويقهرك يال ******* شوق فتحت عيونها بصدمه: قسم لا تنذبحي اليوم على ها لدعوة ريتاج بسرعه طلعت تركض .. وقفت في نصف االصاله يوم شافت اللي دخلووا... .. ............ ' ' ' 'كتتتتتتتتتتتتتتتت لا ابيح ولا اسامح من ينقل روايتي بدون ذكر اسمي وماراح اسامح اللي ينقلها على الانستقرام حتى بذكر آسمي استودعتكم الله الذي لا تضيع ودائعه سبحان الله وبحمده سبحان الله العظيم "الوتر أحبتي " |
رد: أعشق أنانيتك عندما تتمناني لك وحدك
، سبحانك آللهم إني كنت من الظالمين اللهم صل وسلم على نبينا محمد " صلو عليه " " الروايه لا تليهكم عن الصلاة والعبادات اللهم بلغت اللهم فاشهد " & البآرت التاسع عشر& ، ، ، كيف تتركني وانا كتلة عنا ، ، ، وقفت بصدمه وهي تشوف اللي دخلوا حسام وصاحبه يركض وراه بس حسام كان في وجهااا ..وخشمه كله ..دم ..قالت بخوف وهي تسمع صرخة شوق وراها : بسم الله ..من ايش هذا فيصل رجع وهو مستحي وطلع حسام قال بقهر يوم شافه طلع : ايه اهرب ي الدب ورجع ناظرهن .. فصيل ضربني على خشمي والحين ركض الجبان ناظرت شوق وبصرخه: بسرعه جيبي له ثلج وتقربت من حسام وهي تقوله نام على ظهرك وارفع رأسك حسام مستغرب:وش تقولي انت ابعدي بس خليني اروح اغسل شوق جت تركض وفي يدهاا صينية ثلج . ريتاج اخذتها منها وهي تحط على.. خشمه : حسام بدون مبالاة: وش فيكم كذا خايفين تقول ابي اموت عادي دايم خشمي يصب دم شوق صرخت فيه:طيبب ممكن تسكت ريتاج جلست في الأرض وهي ترفع رأسه لفوق شوق ناظرتها : تتوقعي هالطريقه صحيحه ريتاج: مدري بس دايم اشوف امي تسوي لاااااسيل يوم يصب خشمها مسكينه معانيه ... من مبطي حسام بابتسامه: اجل انا طالع للدلوعه وناظر ريتاج ليتها مثلك حلوة كان أخذتها ريتاج ضربته بقوه على كتفه : صدق.. مابه صغار عاد ورفعت راسها شافت .. اللي داخلين من الباب ،.حست بصدمه من شوفتهن وليد شاف ريتاج وشوق جالسين في الأرض بجنب حسام اللي ممددد فك الشنطه من يده وبسرعه راح يمهن ..وهو مفزوع وقال بخوف وهوو يشوف بلوزته والارض فيها نقط دم: وش فيه وجلس على ركبه جنب ريتاج حسام جلس وقال بفجعه: هييي وش فيك داخل كذا مدرعم فزعتنا وليد وهو يناظره كيف شكله مبهذل :مين الي مفزوع الحين وش فيك مين مسوي فيك كذا وهو يناظر شوق وريتاج يبي يعرف شوق : مافي شيء .. مثل العاده بس هالمره زايد وقفت وهي تسلم على لطيفه اللي واقفه .....وهي تناظرهن ريتاج .وقفت بعد نظرة وليد لها ...حست قد ايش هي صغيرة من ..نظرة لطيفه الي وجهتها لها ...حست رجولها ثقيله ماقدرت تتحرك وتطلع لطيفه سلمت على شوق ...وبعدها ناظرت ناحية ريتاج ..اللي واقفه ..ودها تصرخ فيها ..تقول لها خلاص.... وش موقفك روحي عن وجهي ..ناظرت وليد اللي فز واقف ...شافته ناظرها.. ولف طالعني حسيت بضيق ..وقهر ..كرهت اني جيت ...آه كنت مرتاحه في ماليزيا ريتاج لمت حالي وش موقفني لسى ...وبعد ماودي.. انسحب بدون ماتكلم عليهم ، لازم اوضح لهم اني مو مقهورة ....يمكن بنسحابي يتوقعوا ..غيرانه ..وبعد اخاف اسلم عليها ..تردني مثل آخر مره بس قلت اسوي باصلي :الحمدلله على السلامه يالطيفه خصيت اسمها ..عشان كله اوضح لها اني ..مالي في وليد ..ولا جمعتها معه ...حسيت بغصه... يوم ماردت علي .. حسام بقهر : ردي عليها وليد ناظره بعصبيه... مثل اللي يقول له لا تتدخل .. ريتاج بعد نظرة وليد ..تقربت من حسام وانا اقوله : قوم روح غرفتك ارتاح ..وبعد خذلك شورر وغير ملابسك وليد حس بضيق ..مايحب تعاملها مع حسام صح ..وهو صغير لسى توه عمره 12 بس مهما كان ..شوي ويبدأ في سن المراهقة .. ريتاج مديت يدي لحسام ...وقلت باتسامه:يالله أوصلك لا تتطيح بعد من على الدرج وماهو ناقص اعطيتهم ظهري وانسحبت ...وطلعت الدرج واتجهت لغرفني...بعد ماشفت حسام دخل غرفته .. ..رميت حالي على السرير..وانا احس اني ضايقه حيل ..ودي اصيح ..يالله وبعد احس بتصغير لحالي من نظرتها ..يالله قد ايش توجع ..وتذبح ...احس كل مره تجي عيني في عيننها ...اشوف انها تقولي. "خاينه "..صحت بقهر ...انا مو كذآ. ..انا انحطيت.. في مكان غلط.. وكان غصب عني ....آه ي بندر ي وجعي بدونك .... * * * * في الصاله وليد مد يده للطيفه:يالله ننام شوي هذي لو جلسنا معاها يجي بكرة وحنا لسى صاحين شوق ابتسمت بإحراج ...غبيه ماسكه في.. الرجال ومرته وهم تعبانين :اوك حبايبي روحوا ناموا بالعافيه وهي تناظر لطيفه وبكرة لنا جلسة . .وبعد اشوف هديتي اللي جايبينها لي ولا لايكون بعد نسيتوا وليد ناظر لطيفه الي ماهو على بعضها قال وهوو يلطف الجوو : مع الأسف الوحيدة الي ماجبنا لك شوق ناظرت لطيفه :واثقه في صديقتي ويالله فارقوا ناموااا لطيفه ابتسمت : جبت لك شيء ان شاءالله تحبيه شوق ناظرت وليد: شفت قلت لك هذي حبيبة قلبي ومستحيل تنساني وناظرتها ببراءة ممكن تعطيني الحين لطيفه بقهر: اقول والله انك فاضيه صدق وحطت يدها في يد وليد يالله حبيبي وليد مشيى معاهااا واتجهووا للجناح لطيفه دخلت وهي تشوفه اول مره من بعد ...ماطلبت الأثاث .. شافت كل شيء مرتب ...في مكانه ومثل مافهمت وليد يرتبه ...اتجهتت للغرفه ..ودخلت ورا ..وليد .. وليد ناظرها بأبتسامه : نورتي بيتك حياتي لطيفه ابتسمت مجامله: النور نورك حبيبي وقالت بفضول.. وضيق بس ودها تعرف وين جالسه : وين مجلس ريتاج وليد بلع ريقه ...وش يقول لها في غرفته بتقول اكيد كان ينام معاها ....والحين أكيد.. بتقلبها مناحه ..وبتنقلب ليلته وهو وده ينام ..ومافيه على حنتها قال بكذب: مدري وين جالسه ولا تنام فين وتقرب منها وبأبتسامه متوتره : وش لنا حنا فيها ولا ايش حياتي لطيفه ناظرت عيونه تدور الصدق ...في حكيه ..بش تحس توتره مششكهاا ...قالت بشك: وليد لايكون كان مجلسها في جناحي وليد بصدمه من حكيها وش يعرفها ذي قال بكذب: لطيفة وش ذا الكلام ومن وين تجيبيه اشلون اسكنها في جناحك هذا لك وبيفضل للك للآخر وبحده شوي يعني الليله كلها بتروح تحقيق واعطاها ظهره بزعل ...ودخل الحمام يأخذ شور ... لطيفه جلست على السرير ..وهي معصبه ...ي يالله حتى متى اتحمل وجودها في حياتي ...متأكدة انا بنزعل انا وليد بسبتها ...كثير تمددت وهي مقفله عيونها ....وبتعب ..ماحست في حالها .....بعدها ...... وليد بعد مأخذ شور بارد ...لف المنشفه على خصرة وطلع شافهاا قدامه مقفله عيونها ..استغرب .. معقوله نامت بهالسرعه ..نشف شعره بالمنشفه اللي في يده ..ومشى ناحية الدولاب وطلع له بجامه ولابسها .. ورش من عطره.....وتقرب منها وهوو يهمس.: .لطيفه. .. بس ماجاه الرد عرف انها نامت ..ابتسم نايمه بتعب .. غطاها بالمفرش ..وهو حزين عليها ...من الكذب اللي معيشها فيه ..هوو يحس نفسه مايدري كيف ... على هالكذب اللي صاير يكذبه ..قفل عيونه ..وهو يحاول ..ينام . ...... تقلب وتقلب بس ماقدر...رفع نفسه شوي ..وسند حاله ..على الكرسي..وهو يناظرها ..تنهد بضيق ليتها ردت ..عليها وماصدت عنها ...كان كبرت في نظرة ..مثل ريتاج يوم قالت لها الحمدلله على السلامه عض شفته ..اخخ ماقالت لي ..الخايسه .. هزيت راسي آه كم مره احاول اطلعها من رأسي ..بس مقدر ليه مدري ..والإحساس زياد معي هالايام ..قفل عيونه ي ترا الحين نايمة. ... فز واقف ..وهوو متجهه لشنطه حقته ..فتحها ..وهو يناظر حول..لطيفه ...طلع الهدية. . .وطلع وهو متوتر ....طلع برا الجناح..وهو يناظر الممر فاضي ..وشكل الكل نايم ..اتجههه لغرفته ..ومد يده لمقبض الباب ..عض شفته يوم حصله مقفل .. رجع ناظر حوله وقال بصوت واطي: ريتاج دق بطرف اصبعه على خفيف وهو يناظر حول جناحه .. ريتاج اللي توها غفت ...حست بدق خفيف ..عقدت حواجبها ..مستغربه ..مين جاي الحين لها ..وقفت وهي متوقعه شوق .. .فتحت الباب ..انصدمت من الي واقف ويناظرها ...وعلى وجهه إبتسامة .. وليد تنهد براحه يوم فتحت الباب دخل بسرعه وقفل الباب... وتسند عليه براحه ..وناظرها وهو يشوف الصدمه في عيونها .. قال بعتب: مافي الحمدلله على السلامه وقال وهو يقلد صوتها الحمدلله على السلامه لطيفه يعني هي اللي مسافره لحالها ريتاج ناظرته بسخريه على الكلام الي يقوله : اخاف ماترد علي اذا قلت لك وليد تقرب منها وقال بهمس: جربي ريتاج حست بتوتر من قربة رفعت راسها : الحين جاي ومصحيني من نومي عشان اقولك الحمدلله على السلامة وليد إبتسم وهو يناظر عيونها :ايه وبعد عشان اطلع احسن منك عندي ذوق ورفع حاجب ريتاج بخوف منه ماهي مرتاحه له قالت بتوتر: خلاص روح أكيد لطيفه الحين تزعل وخلاص عرفت ان عندك ذوق واحسن مني وليد هز راسه بلا: نايمه وماراح تحس فينا ريتاج بضيق : وليد وش هالجو معيشنا فيه. .شوف انت لو عادي تكذب عليها انا مستحيل اكذب... على صديقتي وليد حس بقهر وزعل من كلامها بس مسك نفسه وهوو يدخل يده في مخبى بنطلون بجامته ...ويطلع علبة الخاتم فتحه وسحب يدهااا.. ودخل الخاتم ورفعها وباسهااا وهو يناظر عيونها وقال بهمس: ان شاءالله يعجبك ريتاج فاتحه فمها بصدمه ...من اللي سواه آخر شيء توقعته ..نزلت راسها وشافت الخاتم ..ورجعت رفعته وطالعته شافت الإبتسامة على وجههه قالت وهي لسى مصدومه:وش ذا وليد بهمس : عجبك ريتاج فسخت الخاتم ورمته في الارض بقهر ....وصرخت في وجههه : ماهو انا الللي ارضى بهالشي واذا فعلاً انت ناوي تلعب على الطيفه انا مو معك وبصرخه انت قدامها ماتقدر تفتح فمك بكمله علي والحين جاي تتسحب في آخر الليل بعد ما نامت وضمنت.. جاي تعطيني هالهديه ...اللي مليون في الميه ماعندها خبر عنها.. وليد انصدم ،وهوو يناظر الخاتم ...اللي مرمي في الأرض عند الزاوية قال بصدمه وبحده: ليه كذآ كان فيه اسلوب احسن لو ماحبيتيه كان يمديك تقولي ماعجبني وخلاص ورفع حاجب ولا انا غلطان يالعاقله ريتاج صرخت بقهر : ماخليت فيني عقل ولوسمحت اطلع من غرفتي وبصرخه اعلى: انا عند كلمتي لصديقتي اذا انت خونت انا مستحيل اخون وهالدور كله مابي اعيشه معك وليد بعصبيه: تقرب منهاا وصرخ: لا تقولي خاين وضرب على وجهااا انتي زوجتي مثل ماهي زوجتي فاهمة ريتاج ابتعدت عنه وبعصبيه : الحين جاي تقول كذا وليد وقف مستغرب منها ..وش اللي مغيرها كذا وقلبها. ..يذكرها دايم تحترم اللي حولها. ..حتى لو غلط عليها ..قال وهو مصدوم : معقول انت ريتآج ريتاج اعطته .. ظهرها ..وتمددت على السرير وسحبت المفرش وقالت ببرود: لما تتطلع قفل الباب وراك وليد مشى وجلس على السرير وقال بقهر وهو يناظرها : مقهورة ريتاج ناظرته بقهر:مقهورة من وشهوو وليد : ليه سفرت لطيفه وانت لا ترا ناوي اسفرك ريتاج جلست بقهروهي تدف المفرش :ناوي لا حبيبي لا تتعب حالك وانا مو مقهوره من شي... بس انا متفقه معك انا مانخون وش اللي تغير وجاي تسوي اشياء لاترضيني ولا ترضي صديقتي وليد بصرخه: مابه صداقه افهمي عاد فكري في حالك بس ريتاح فتحت عيونها مستغربه حكيه قالت وهي متنرفزة حدها: من ناحيتها كيفها بس انا اشوفها ..صديقتي واعزها ..مثل قبل حست حالها ودها تصيح وهي ماتبي قدامه رفعت يدها .. خلاص وليد روح تكفى.. خلني في حالي وليد بقهر: خايفه تنسيه صح ريتاج ناظرته بصدمه اول مره يقول لها كذا قالت بصدق: مقدر انساه عشان افكر اني اخاف وليد عض شفته بقهر وعصبيه و قال بحدة :ماتقدري تنسيه لا يروح امك ...ماهو حيطه عندك انا ريتاج ناظرته بتحدي: والله مافي قوة فوق قوه تمنعني انساه وليد بعصبيه اعطاها كف .قوي... خلى وجهااا يلف منه ريتاج بصدمه ... وهي حاطه يدها على خدها اللي تحسه انشل من قوة الكف ....ناظرته بعتاب وقالت بقهر:انت كفو تنسيني هوو ويالله خلاص بردت قلبك اطلع برا وليد حس حاله لو يجلس شوي راح يذبحها ...يحس انها استفزته اليوم بمافيه الكفايه قال وهو صاك على سنونه : ابي اكبر علقي بس لمرة وحدة واعمل حالي ماسمعت وش قلتي واعطاها ظهره وطلع ..وهو معصب ...وندمان انه فكر حتى يجيب لها هديه. ..ليته اعطاها اكثر عشان ..تعرف وتذكر هي تكلم مين ...كور يده بقهر وده.. يرجع ويبرد قلبه لسى ..تقولها في وجههه مافي قوه تقدر تنسيها هوو . وماهو كفوبعد...طيب ريتاج راح ..اعرف كيف اخليك ..تحترمي الرجآل ..اللي انتي على ذمته ..دخل وشافها نايمه ، مثل ماطلع ...تنهد بضيق وهو يمسح وجهه بيده ...آه فيه قهر....من حاله ومنها ..هز رأسه ..وليد اصحى ماهو تبي لطيفه ..خلاص انسى هالريتاج ...آخر شيء توقعه انه يفكر فيها ..او يعطيها أهمية ، سحب المفرش بشويش وانسدح تحته ...وهو يسحب المخده ويحطها على راسه..آخر شيء توقعه. .ترد الهديه ، بهالشكل. ..قفل عيونه وهو يلوم حاله ..ليته ماراح لها .... * * * * * * * * بيت ابو سامي بتحديد في غرفة سامي سحب الجوال وهو يشوف رسالتها ..رفع حاجب ...وبقهر ..دق عليها ..سمع صوتها جاه بعد ثلاث رنه قال بغيض :حلوو وانت فهمتي الحكي غلا وهي تتنهد: ماعندي حل غيره عشان انفك منك سامي بقرف منها:تصدقي اقسم بالله .. احس حالي قرفان منك ولاول مره احس بكره اتجاهك غلا ابتسمت :الله يبشرك بالخير ..هذي حاجه حلوة..وتبشر بالخير سامي حس بغيض أكثر قال بتهديد : صدقيني بتندمي كثير وقولي سامي ماقالها غلا رفعت حاجب:يالله أجل انتظر هاليوم يجي سامي :اوك نتظره ليه مانتظرة بس صدقيني بتبكي كثيرر وماراح ارحمك لو ايش غلا بصرخه: هييي وش اللي ترحمني وماترحمني صدقت حالك وبقوه بعد اصحى وافتكر زين هالحكي انا اموت حالي ..ولا انزل نفسي لاشكالك قال ايش اندم على واحد صايع مايعرف حتى طريق ربه سامي ابتسم بسخريه: ايه مره اللي تصلي وتعرف الطريق المستقيم كان بتقتل روح عادي غلا بصرخه: تدري ليه لانه منك كان ابي اغضب ربي سامي قفل عيونه كلامها يقهر : انت يحصلك غلا :عشتووا اللي شايف حاله وبصرخه على وشهوو قول لي سامي ضحك بسخريه : يحق لك تقولي كذا لاني دايم استهبل بس صدقيني انا هالمره والله اني صادق في حكيي وتعرفي سامي زين غلا قفلت عيونها بقهر: ممكن اعرف ليه متصل ... سامي: متصل أكد عليك انتبهي غلا تسوي شيء من افكارك الشيطانيه في الي بطنك لان والله العظيم غلا قاطعته بقهر: خلاص فهمنا انك بتموتني ومدري ايش من كلامك الفاضي .. ومثل ماقلت لك الي في بطني اول مااااولد خذه وفكنا .. وفي اللي مايردك انت وهوو سامي قال بقهر:وش ذي القساوة في قلبك تدعي.. عليه وهو لسى حتى الروح مانفخت ..فيه وبحسرة ليتني انا اللي رفضت آخذك ولا انتي صرتي امه غلا بعصبيه صرخت : خلاص فكنا وقفلت في وجههه سامي نزل جواله ..وناظره بعصبيه ..... تعوذ من ابليس ..فيه يروح يدبغها بس مايبي يذيها عشان ولده بس إلا .. هي خلاص طلعت، من خاطرة ..وبذات بعد كلامها الحين.... |
رد: أعشق أنانيتك عندما تتمناني لك وحدك
شقة اسامه فتح عيونه وهو مستغرب نومته هنا ..جلس وحس بألم في رقبته. ..يالله كيف نام من غير مايحس على عمره...جلس يهمز رقبته سحب جواله من جيب ثوبه اللي من امس عليه ونايم فيه شاف الساعة ...11 ونص فز واقف بقهر كيف فاتته صلاة الفجر اول مره ...قام غسل وجهه وصلى وشوي وإلا إذن الظهر ..نزل صلى وبعدها راح أخذ اغراض للمطبخ ..ورجع ..وشاف باب غرفتها ...لسى مقفل ..جلس على الكنبه ...بتعب وهو يفكر يأخذ جوالها .......ايه عشان يطمن أكثر ماهو مرتاح لها ولا لرائد. ... :: :: ريوف صحت من النوم ....نامت وهي مرعوبه .. من الشي الي صار معاها ... ومن الثقل اللي في راسها ...ذبحها بالطق ....عشان شيء ماهو حقيقه ..و.جالسه تدفع ثمنه ...وهي مالها ذنب فيه ..ي ترا . الساعه كم ...ناظرت الدريشه النور طالع منها هي عارفه انه النهار بس متى واي وقت ...نزلت رجولهاا ...وجلست ..رفعت يدهااا وهي ترفع شعرها ...اللي نازل باهمال ..تتعب من نعمومته وكثافته وطوله . سحبت الجوال ..شافت الساعه وحدة الظهر....وقفت وهي تحس بدوار خفيف ...أكيد من قلة الأكل .فتحت الدولاب وطلعت لها بجامه ومشت و.فتحت الباب شافت اللي جالس ...ومنزل رأسه يناظر الارض ..رفع رأسه ناظرها ..معقول ..نايم هنا كان ...وقفت مكآني ...بس تشجعت وطلعت ..مافيني ابي الحمام وابي اصلي بعد ..مريت من عنده وانا ادعي انه مايوجهه لي اي كلمة ...دخلت الحمام الله يكرم القارئ ..قفلت الباب بخوف ...تنهدت براحه ...انها وصلت من غير اي احتكاك معاه...آه قد ايش تخاف منه ..أخذت شور.. ونشفت جمسها ..ولبست بجامتها ...وطلعت ..وهي تتمنى انه طلع ..فرحت يوم ماشفته قدامها ..في الصاله كان ودها تنط من الفرحه. . رفعت راسها وهيي مبتسمه ..يارب لك الحمد ..يارب انت ادرى اني موقده ..ولا قد قساوته. .فتحت باب غرفة النوم شافته قدامها جالس على السرير ويفتش جوالها ..رفع راسه ..وناظرها ..بحده ..بهت وجهاااا ..لفت تبي تتطلع وقفت يوم تكلم ..قفلت عيونها وهي تصبر حالها .. أسامة بصوته الخشن: بنت شافهاا وقفت وقف وتقرب منها ..ناظر شعرها المبلول نازل على ظهرها واصل لخصرها ....اول مره ينتبه لطول شعرها . .... قال بقساوة وهو يرفع الجوال في يده: هذا معي لانه غباء مني لو أتركه معك ريوف لفت وناظرته بصدمه ...يعني ايش بيحرمها من الجوال..ايش سوت اللحين ..هي عشان يأخذه منها ..لا لازم تتكلم وتقول له صعب تجلس بدونه ...وبذات مع ظروفها .جالسه لحالها ومقفل عليهامن برا ..بعد ..اي سجن اللي بيعيشها فيه قالت بتوتروهي ترفع شعرها الي نزل منه على وجهاا :ممكن اعرف ليه أسامه بسخريه رفع حاجب: متأكدة حابه تعرفي ريوف هزت راسها وهي تناظره بخوف:ايوه اسامه هزز راسه وقال بتحقيرر:لان أمثالك مع الأسف ماينوثق فيهن ريوف بقهر:ليه تبي تثبت ان اخلاقي ماهي بزينه أسامه ضحك بقوة : ههههههههههه وش اثبت ي شيخه اسكتي يرحم امك انا لو مكانك ماااسأل هالسؤال البايخ اللي مثل وجهك ذا ومد يده ولف وجهااا بقوه مايبها تناظره ..بهالنظره اللي يقول إنها بريئه .. ريوف نزلت دموعها غصب عنها تحس بضعف ..ماتدري وش تقول له ويفهم عليها ...قالت وهي تصيح: انا مابي شيء منك ..وقد قلت لك كثر الله خيرك وانت مسكني في بيت ومستر علي وهذا جميل ماراح أنساه لك بس تكفى خلني في حالي ولا تجرحني لان كلامك يوجع حيل ... أسامه ناظرها وهي تصيح ..اللي يشوف حركاتها وعيونها ..يحس انها برايئه بقوه بعد..بس كيف يقدر يكذب عيوينه .. الي شافه يثب الشي عليها ...هز راسه ..وش فيه غبي لو حن عليها اوو حس انها أثرت فيه وهي تبكي..من اصله ايش مدخله غرفتها ...ايه مفروض يأخذ الجوال ويطلع وشهوله جالس ...وكيف من اصله نام هنا ..بس غصب عنه والله ماحس على حاله ..قال بحده: خلاص يكفي تمثيل ريوف ناظرته بأيس مستحيل يصدق من غير ماتحس قالت :تصدق يوم فزعت مع اخوك ..وقلت عندك الموضوع استبتشرت فيك خير بس طلع العكس اسامه بقهر: فيي الخير غصب عن خشتك ذي والجوال مافي ولا تجلسي تحاولي اني اعطيك وكمل بتحقير لها ولا مقهورة بتنحرمي من حبيب القلب ..وبقهر أكثر ... كيف مخليه عندك ولا الغبي جايب لك شاحن .بعد وعض شفته بقهر ريوف مسحت دموعها : اوك خذه ماتفرق عندي واعطته ظهرها اسامه بسرعه مد يده وسبحها بشعرها بقسوة وقربها منه وقال بعصبيه: متى بدت العلاقه بينكم ريوف ناظرته بدون صوت ...وش يبيها تقول له يعني اسامه بقسوة قربها منه وفك يده من شعرها ومسك وجهاا وشد عليه ريوف حست بألم : خلاص خذه قلت لك ماتفرق معي أسامه نزل رأسه منها وقال ب تحقير:متأكدة ماتفرق معك ريوف اول مره يكون قريب منها كذا حست بخوف وتوتر..حاولت تبعد راسها شوي عنه ..بس هوو شاد عليه بقوه ..قالت بضعف وألم : خلاص فكني جالس تعورني اسامه شد زياده وهو يناظر عيونها العسليه ..قال بدون حس :ليتك احترمي الجمال الي ربي اعطاك هوو ريوف فتحت عيونها بصدمه من حكيه ..اول مره حد يقول لها انك جميله ..دايم زوجة ابوها ..تقول لها انها ماهي حلوة ..وبعد اهل زوجة ابوها. .البنات دايم يرفضوا يجلسوا معاها ...ويجلسووا يتمسخروا ..عليها وعلى شكلها ودايم مايقولوا لها غير .. حفيدية الهنديه. .تقول مأخذه عيب ...لا هي تفتخر وبقوه بعد انه جدتها هندية. .بس هم دايم يحسسوهاا انها ..ماتنتمي لسعوديه ..وخلاص سببوا لها عقده وعدم ثقه في حالها ..بس اليوم اللي يقول عنها جميله ..هوو اكبر عدوء لها مافيها تتكلم او تقول له شيء اسامه شافها ماردت عليه عض شفته بقهر ..لايكون الحين تفتكر اني ضعفت قدام جمالها قال بقساوه:وهوو يشير لقلبها : ليت هذا جميل بس ريوف زفرت براحه يوم فكها .. ابتعدت شوي قالت بصدق:ليت تصدقه وراح تشوف جماله أسامه بعصبيه وقهر قال بصرخه: تلعبي على مين انت جالسه كيف تبيني اصدق شيء شفته ريوف لفت عنه وقالت : فاهم غلط اسامه عصب زيادة يوم قالتها بهالطريقه بسرعه سبحها من كتفها واعطاها كف قوي ودفها عن طريقه بقساوة وطلع ..وهو يقفل الباب وراه بقوه ريوف قفلت عيونها بألم ..وهي ماسكه خدها اللي تحسه ولع نار ...وهي ماهي مصدقه انه اكتفى بكف وطلع من عندهاا. .آه يارب لك الحمد ... وقفت وهي تحس بألم في ظهرها من قوة الرميه .. تقدمت شوي وسحبت السجادة وفرشتهاا وصلت الفجر الي فاتها نامت من غير ماتحس والظهر ....وبعدها جلست تستغفر ... وقفت وفكت الجلال وهي تحس ببرد دخل في عظامها ..وتعب ..شوي..مع ألم ظهرها.. تقربت من ريموت التكيف ..وطفته ..وطلعت اتجهت للمطبخ ..شافت فيه اغراض الحمدلله وهو حس فيها وجاب من غير ماتذل عمرها وتتطلب منه ...سوت لها فطور خفيف وجلست تأكل غصب نفسها انسدت الجوع اللي تحس فيه كان راح بس كلت غصب عشان تقدر تتحرك والتعب الي تحسه يخف ...آه زفرت بضيق وقهر ...منه ليه أخذ جوالها بعدها رجعت غرفة النوم ...لما حست بالتعب زاد عليها .وجع ظهرها ماهي قادرة تتحمله .مرت من عند المرايا ..ناظرت حولها ..شافت علامه في وجهاا ...عضت شفتها ..حسبي الله عليك. .فيه اللي اقوى منك ...اذا كنت عامل حالك مستقوي علي ي الظالم ... اسامه وقف السيارة. ..ونزل ..وهو معصب ..كل ذا وفاهم غلط ...آه ال******* ..وقف وهو يطالع سيارة ابوه هنا استغرب ..متى جاااا ..دخل الصاله ..شافهن كلهن متجمعين على الغداء رد السلام وهو يناظر رائد ..بحدة ..تقرب من ابوه وهو يسلم فوق راسه ابوه اسامه ابتسم:توني وانا ا سأل امك عنك ام اسامه بعتب: وينك قلقت عليك وهي تناظر ثوبه ...يعني وين بات امس .. .. رائد بخبث: يمه صرت انا العاقل وشكل اسامه صاع بدلي وضحك بقوه هههههههههه اسامه بعصبيه : بتسكت ولا اعطيتك بذا في وجهك وهوو يشير على الكاس رائد غمز له :يالله ي حلوو اعترف وين بايت ولا تكذب وتقول في دوامك وهو يناظر الثوب الي لابسه اسامه عض شفته بقهر :آخر واحد افكر اعطيه علومي انت رائد : مايحتاج عارف وين كنت تتهنئ حبيب البابا ابو اسامه بحده: وش بينكم وانت وهو و ليه تكلم اخوك كذا ام سامه : ايه والله مدري وش بينهن دايم كذا لهن فتره ورفعت راسها وناظرت اسامه رائد رفع كتوفه :انا عن جهتي مافي شيء بس مدري هو وش فيه علي وناظر امه مو قلت لك يغار مني اسامه ناظره بستخفاف ورجع ناظر ابوه :مافي شيء يالغالي رائد:يالله سرعه قول لهن وين نايم كان ام اسامه خافت تحصل مشكله وماتتبي تحرج اسامه قدام ابوه .. قالت بحدة: خلاص انت وهو كبيرر وفاهم ماينخاف عليه الخوف على غيره وهي تناظره رائد وقف بقهر : ي سلام انا اغيب تسوون النون ومايعلمون وبعدين لازم يقول تعبي يروح كذا وانا ادور عليه امس كله الليل وانحنى ..سلم فوق راس ابوه ترضاها علي يبه امي مقلقتني معاها والحين تقول عادي لا والله ابي اعرف وين هايت اسامه فيه قهر من حركات رائد ...خير خير ..انقلب عليه الشي ..هو وصار وهو اللي يهددد ..قال بحدة: صدقني ماهو في صالحك هاللي تسويه رائد بسرعه فز وركب فوق الكرسي وهوو يشير عليه :شفت يبه جالس يهدددني وعلى ماظن سمعت بنفسك اذا بكرة جيت مدبوغ ولا مذبوح اعرفوا انه اسامه .... ابو اسامه بعصبيه وهو يناظره بصدمه كيف راكب فوق الكرسي قال بصرخه :انقلع انزل وليته يدبغك صدق كان الحين صاحي رائد : والله مايقدر لا ابلغ عليه واخليهن يتلونه ببدلته ومن الحين اقولك لا تتوسط له عندي والله ماتنازل اسامه طنشه وناظر امه :فديتك يمه كنت مشغول واسف اذا قلقتي علي رائد بصرخه وهو يشير بيده عليه: ايه ايه قول لنا في ايش مشغول اسامه بسرعه والله لا يذبحه اليوم والي فيها فيها .... رائد بسرعه ركض وطلع برا البيت ام اسامه وقفت بسرعه وصرخت: اسامه تكفى ترجع عشان خاطري سامه وقف ..ووهو ..يحاول يهدي نفسه شوي ..وهو يسمع صراخ امه وابوه .لف ناظرهن وقال بقهر:عشانكم بس الا والله مارحمه ابو اسامه :خلك منه هذا سفيهه من يومه ..ولاناسي علومه اللي تسود الوجههه ...مع الشله الفاسده اللي يماشيهن ام اسامه بضيق من كلام زوجها :والله انه مايطلع كثير صايرر هالفتره اسامه والله خايف ..لا يندبغ..جالس مندس عندك تقول فار ...لكن هين ..جلس تغدا ....مع ابوه ..وهو .معصب بس ماسك حاله .. * * * * * * بيت راجح :: :: في غرفة غلا اللي من امس مانامت ..ولا ذاقت طعم النوم ..ماهي ...مصدقه ...اللي هي فيه وبعد تلوم حالها ..كثيرر .ليه مأخذت.. احتياطها .. زفرت وهي تصبر حالها ..ربي قادر في كثير.. حملوا وهم مأخذين احتياطهم ..بس ايش مزعلها مفروض تفرح خلاص ماهو قال إنه لما تجيب له هالطفل ..يطلقها ..وهذا هي اللي تبيه وتنتظره جالسه ...يالله متى يجي هاليوم ...غصب عنها..اللي تحسه ماقدرت تحبه ...ولا قدرت انها تنتمي لهالعايله ...الي مافيها احد صاحي ...طلعت تدور لها حبوب صداع...يخف الم راسها شوي ..شافت في وجهاا بدريه ..زفرت بضيق يالله امها ...في الحوش كان مسنتره في وجهي... وهذي في الصاله ..تقربت من طاولة التلفاز ..وفتحت الدرج ..وانا ادور للحبوب لاني كنت هنا اخبيها اول ... بدربه بقهر يوم شافتها طلعت افففف تكره حالها يوم تشوفها. . وحست بقهر أكثر. .يوم غطت عليهآ ..وهي تناظر المسلسل. . قالت بحده: ابعدي شوي اففف غلا سحبت علبة الحبوب الفاضية ورمتها بقوه ناحيتها وبعصبيه: انكتمي مافيني اتحمل صوتك بدريه بقهر وقفت: هييي احترمي حالك صدق قليلة حيااا غلا عضت شفتها بقهر ....وش تسوي فيها ... لفت وهي تصبر عمرها ..ورجعت تدور للحبوب قالت بصرخه :وين الزفت ذا كان مخبيته هنا بدريه رجعت جلست وقالت وهي تقهرها: كل شيء على يدك غيرته لأن هالبيت كله لي صار واحط الي ابي في المكان اللي أحبه غلا ناظرتها بتحقير:لا ي شيخه اقول وين حبوب الصداع بس بلى تتطويل حكي بدريه بصدمه فتحت فمها: غبيه اشلون تبي حبوب صداع وانت حامل غلا تاففت بقهر :قولي وين الحبوب بس وانت ساكته ومالك شغل اضر نفسي ولا اضرك بدريه :لا حياتي في ستين داهيه لو ضريتي حالك بس والله ماتشوهي ولد ولا بنت اخوي وبصرخه تعوذي من ابليس وخليك عاقله ولا دقيت على سامي ...الحين وخليته يجي يتفاهم معك ... غلا اعطيتها ظهري ...بطفش ..لان الزفت تسويها وتروح تدق ...وهو أكيد يجي مسوي فيها خايف وفازع لولده .مالت عليه ..هو الخلفه الي بيجيبها .. سحبت المخده وضغطت على رأسها وكاد يخف الألم الي تحس فيه. ....يالله الم فضيع .. |
رد: أعشق أنانيتك عندما تتمناني لك وحدك
شقة ناصر جالسه على الكرسي ..وهي تناظر سلطان وريماس يأكلون ..كورن فلكس وحليب..قالت بهمس: تدرون وش بابا راح يسوي حست بالصوت اللي جاي من وراها : وش بيسوي يعني يمكن يجيب لهم ام حنونه احسن منك تهتم فيهن منيرة بقهر: بتعرس اعرس محد ردك بس عيالي مالك دخل فيهن مقصرة معاهن ماهو مقصرة هذا الشي راجع لي ومدام لسى فيني روح ماهوو مخليه حد يهتم فيهن ولا يقرب منهن ناصر: اوك حلوو هذا اللي اتمنى منيرة ناظرته ببرود وابتسمت بسخريه: صدق ماهو بشي غريب عليكم اخوك طق على مرته وهو لسى ماجابها بيته ناصر سحب كرسي وجلس وقال بنرفزة :اخوي مجبور بس انا بكيفي منيرة ناظرته وهي مصدومه أكيد ماهو ناصر اللي كان مستحيل ..يقدر يجرحها بكلمه ، قالت بغصه:بكيفك أجل الله يهني سعيد بسعيدة ورجعت ظهرها على الكرسي وهي تتكتف ..ورفعت حاجب ..الا ماقلت لنا من هي سعيدة الحظ ناصر قال وهو يناظر عياله اللي جالسين في الأرض : خليها لوقتها وتعرفي مين منيرة وهي تحاول ..ماتصرخ في وجههه .. جالسه تبين له انها ماهي مقهورة ...وهي تبي تموت. ..بقهرها ،وغيضها ... قالت بأبتسامه مزيفه: يالله ي خبر اليوم بفلوس بكرة ببلاش ناصر طالعها وقال بجمود: متاكدة ماعندك الفضول تعرفي مين ... منيرة هزت كتوفها : عادي قول ..مايهمني .. ناصر مستغرب وش ذا الهدوء اللي مخوفه .. شكله .....يوم عرسه تذبحه ..ولا تذبح عروسته هذي مجنونه وتسويها.. قال من غير مايحس : مو مصدق صراحه انك تقبلتي الموضوع توقعت اقل شيء البيت كله على رأسي منيرة وقفت ورفعت راسها بغرور وهي تشير بيدها عليه :ليه سلامات ..وش اللي يستحق عشان ذا كله ناصر حس بقهر وبحدة : معك حق وقف ودف الكرسي منيرة ابتسمت وهي تشوف وجههه اللي قلب لعصبيه. فجاة ..وحركته بالكرسي اللي فزعت العيال. . ناظرتهم يطالعوهم بخوف..قالت ببرود ظاهري: ريلآكس حبيبي هدي ماهو كذآ ناصر بعصبيه: اليوم رايح اخطب اسيل بنت عمي منيرة انصدمت من جد ...آخر شيء توقعته ..انه يخطب اسيل قالت من غير حس: اسيل عاد ناصر لما شاف انه الموضوع أثر على وجهاا ابتسم حس انه قهرها توه ...ايه خليه يتشفى فيها ..قال بأبتسامه : ايه بنت عمي ومفروض من اول ماطلعت برا العايله بس وش اسوي انا وتهوري اللي ذبحني منيرة رجعت لحالة البرود وهي ماسكه حالها بالقوة:يالله الواحد يتهور بعض مرات ويسوي شيء مايرضى عنه بس يالله يمديك تصلح شيء ومشت وهي تحس بحركه وألم ...في بطنهاا سندت حالها على الدولاب وهي مقفله.. عيونها .. ناصر يوم شافها ماسكه على بطنها البارز شوي ..قال بخوف: وش فيه وتقرب منها ومسك كتفها وهو يلفها له منيرة دفت يده بعنف: ابعد عني وناظرته وبعصبيه أكبر يقتل القتيل ويمشي في جنازته ناصر بعصبيه صرخ: صدق انك ما تستاهلي وطلع معصب سلطان وريماس صاحوا من صرخة ابوهم .. منيرة ناظرتهم ..بحزن وش مجلسها عنده ..لازم تروح بيت أهلها ..وأكيد ..تطلب الطلاق وتنفك ..وخليه يتهنى ب بنت عمه.. أخذت عيالها في حضنها ....وصاحت معاهم ..تدري انها هي ضيعته..بس ليه هو كان.... يمثل لها انه راضي. ..وبعد ليه ماصارحها وقال لها ترا ،ماهو عاجبني ..هالشيء فيك وليت تغيري ..ماهو كذا يجي.. خبط لزق ابي اتزوج... من غير ماراعاة لمشاعرها.. مسحت دموعها هي وعدت نفسها ..قويه وتقدر تتحمل ماهو مثل ناصر يكسرها :ابتسمت غصب: وش رأيكم نروح عند جدوو سكتت شوي وهي تفكر.. بس الحين روحتها صعبه ..بذات مع وجود ..أهل امها اللي جاين ..من جدة . عشان يخطبوا لمساعد بنت عمها ....لازم تصبر شوي ..حتى يروحوا وتنتهي الخطبه حقتهم .. وماتبي تشمت أحد فيها بذات خالتها ومساعد ..لانها رفضته واختارت ناصر ..عضت شفتها بقهر .آه ي ناصر ي حرقة قلبي ..على اللي بتسويه فيني .اوك راح اصبر حتى يرجعوا جده ..وبعدها تهنئ ي انت وبنت عمك... عضت شفتها بغيض وبهمس ي ناصر اسيل.. عاد * * * * * * * بيت ابو وليد ابو وليد قال بحدة : متأكد من كلامك ي ناصر ناصر بجمود: ايه يبه ومستحيل اتراجع عنه ام ناصر بضيق: والله اني حزينه على منيرة وش ذنبها وبعدين مرتك حامل وش فيه قلبك صاير ..قاسي كذا يمه ماهو خابرتك بهالقساوة ناصر قال بقهر يوم تذكر كلامها : ماهو قاسي وبعد ماهو عيب اللي ابي اسويه ربي حلله ابو وليد :وشكلي انا بعرس معاكم عيالي كلهن معاهم ثنتين وانا جالس عليك ي مره ام وليد بزعل وقفت : بالبركة ابووليد بضحكه :الله يبارك فيك شفت يبه كيف امك عاقل انت مرتك ايش قالت بالله توقعت تجيني محرول اليوم ..ولسى ماهو مصدق انك قدامي متعافي ..بس والله اتوقع وقت الخطبه ..ي هي علوم بتصيرر انتبه بس لاتحوس هالخشه عليك ناصر بضيق دايم ابوه ينزل من شخصيته. ..واكثر شيء خلاه يفكر..يتزوج عشان يثبت للكل انه قادر..على منيرة ..ويقدر يسوي اللي يبي ...قال بزعل وهو يوقف : بعد المغرب امرك يبه ابو وليد : ان شاءالله خير ام وليد مدت يدهاا على كتفه وقالت وهي عتبانه عليه : فكر يمه قبل ماتخسر عيالك وزوجتك ناصر سلم فوق راسها: مين قال بخسرهم كل وحدة في بيت ..ولها اللي تبي ...وتعيش معي معززة مكرمه ... ابو وليد بضحكه : حاس ي بوك بتنحاس معاهن وتبي تتمردغ من الثنتين ناصر بجمود: ماعليه انا لهن ام وليد بضيق:يمه توجع الضره ابووليد بحدة: اقول خلي الولد في حاله .. وصدقيني بنت اخوي احسن من اللي عنده بيرتاح معاها لا لسان طويل ولا قلة احترام للي أكبر منها وعندك أمثالها ..ريتاج ولا انا غلطان ام وليد: منيرة ماقداذتنا في شيء يا أبو وليد لا تحطها في ذمتك ابو وليد مد يده وهو يشير للباب: توكل بس وماعليك في أمك وش يفهمها انا اتمنى هاليوم من زمان اشوف بنات اخوي لعيالي وش احسن من ذا .. ليت الغريبه هذي ماخلفت منها كان وكاد تنفك ام وليد : ي خوفي يروحوا ضحية لعيالك ناصر حس بضيق من كلام ابوه ....مهما كان الغريبه ذي يحكي عنها زوجته وحبيبته بعد . ..ولو تزوج غيرها الف..مستحيل يسكنن قلبه مثلها هي اسرته من اول نظره ....اليوم بغى قلبه يطيح يوم ..شافها تتألم ...حس بتردد بذات يوم شاف امه متضايقه .. :ام وليد : ناصر ناصر : هلا يمه ام وليد : وينك لي ساعه اكملك وانت مو يمي ابو وليد بتريقه: يفكر كيف يدبر عمره اليوم وفين يبات ههههه ماعليه المقلط موجود .وانا بوك... ناصربضيق : انا ماشي ام وليد : اجلس يمه تغدا معنا والحين شوي وبرسل الخدامه تصحي العرسان ينزلوا يتغدوا ناصر هز راسه وهو يعتذر وطلع ..وهو يفكر ..في الموضوع ... ابو وليد ناظرها بسخريه: قلتي لي العرسان جوو ام وليد: ايه جووا وحنا نايمين والحين شوي وبرسل ميري تصحيهن ابو وليد بجمود: وبعد خليها تشوف ريتاج وتنزل بعد ام وليد بخوف ماتبي مشاكل وزعل من اول يوم ..قالت بخوف منه : تكفى خلي ريتاج وقت ماتبي تنزل هي على كيفها اخاف لما تجمعهن يحصل شيء ومانبي مشاكل من اول يوم لهم هنا ابو وليد بعصبيه: وش تقولي ي مره تبيني اخلي بنت اخوي تأكل لوحدها كنها قطوو عشان لطيفه حقتكم ذي ام وليد بخوف : لا لا والله ماتأكل لحالها انا بنفسي أكل معاها بس قصدي اكفى بلى وبذات اليوم البنت توها داخله بيتنا .. ابو وليد بصرخه قاطعها: ابعدي عن وجهي الحين وبصرخه اعلى ريتاج هي اللي الكل في الكل في هالبيت وليد... ولطيفه الي طالعين من الجناح ونازلين ....سمعوا كلمته الأخيره ... لطيفه قالت بزعل: ليه ابوك يكرهني كذآ وليد قال وهو يهدي عليها: تحملي حياتي عشاني لطيفه لفت بزعل تبي ترجع ترقى بس وليد مسك يدهااا .. ام وليد بفشله وهي تشوف وجهه لطيفه اللي شكلها زعلان حيل قالت بترحيب: هلا هلا نور البيت بوجودكم يمه ابو وليد لف راسه وشافهم قال ببرود : ماشاءالله تونا بنصيح لكم للغداء بس شكلكم مثل القققط على الريحه وليد شد على يد لطيفه وناظرها مثل اللي يقول لها عشاني تحملي ...تقرب من امه وسلم ..وبعدها نزل نفسه وسلم. .على ابوه..ولطيفه سوت مثله ...وجلسووا ابو وليد : كيف سفرتكم كان ان شاءالله بس انبسطوا لطيفه وهي ناويه تغيضه مثل مايغيضها: آكيد بنبسط مدام حنا مع بعض ابو وليد قال بجمود: الله يعينكم على بعض أجل لطيفه بقهر من هالشايب العايب ...وش قصته معاها ..ليه يكرهها كذا ...وقفت بدلع : اساعدك ي خاله ابوليد: بدون مشاور مفروض وليد بضيق: لطيفه ماتقصر يبه ابو وليد : يالله نزلت وحدة باقي الثانيه يالله ارقى ونزلها لطيفة ...يوم سمعت كلامه وقفت. .بقهر وناظرت وليد ..الي يناظرها محتار ..صدت بزعل ودخلت المطبخ وليد بقهر منها وهو يتذكر كيف رمت هديته: آكيد راح ترفض ابووليد بحده صرخ يوم شاف ميري ترتب السفرة: ميري اطلعي شوفي ريتاج وشوق ... وقولي لهن ينزلوا بسرعه ميري راحت وقالت لهن مثل ماقال لهاا ريتاج قفلت الباب بقهر وغيض والنهايه يعني... متى ترتاح من ذا كله رجعت فتحت الباب وهي تشوف ميري طالعه من غرفة .شوق: ميري قولي لبابا ماما ريتاج ماتبي أكل تعبان ميري هزت راسها ...ونزلت قالت لهم مثل ماقالت له .. ابو وليد بجمودطالع وليد : قوم نزلها بنفسك وليد وقف بعصبيه : ان شاءالله ابو وليد بسخريه : يالله بسرعه قبل ماتطلع لطيفه من المطبخ وتكشفك وليد صد عنه وطلع وهوو مقهور. .من تصرفات ابوه ..ليه كذا يحب ينكد على الي حوله..اتجهههه للغرفه وفتح الباب بعصبيه وقال بحده:يالله ست ريتاج ابوي ..حالف مايحط لقمه في .. فمه حتى يشوف طلتك البهيه ريتاج طالعته وصدت بزعل .... وليد تقرب منها ولف وجهااا بقوه: امشي قدامي ريتاج رفعت راسها وطالعته و بسخريه صفقت بيدها: برافوا عليك ماهو خايف من لطيفه وجاي لما غرفتي وتقولي انزلي تغدي معنا وعقدت حواحبها ولايكون ماهي هنا وانت مسوي اذا غاب القط العب ي فار وليد تقرب منها وانحنى: قسم بالله لو مو ابوي كان خليتك تأكلي مع الخدم ماهو معنا ريتاج : وش فيهم ماهو مخاليق مثلنا وليد مسكها من عند كتفها بقوه وقفها بعنف::امشي قدامي بس ريتاج بألم : فك يدي وخلني مابي انزل ... وليد قفل عيونه وهو يصبر نفسه قال وهو صاك على سنونه : ريتاج كبري عقلك مثل دايم وانزلي وفكينا من حنة ابوي ريتاج بغيض: ماخليت فيني عقل ابعد عني وبس وليد عض شفته بقهر وجلس يناظرها مايدري وش يسوي وتمشي معه قال بقلة صبر:والنهايه ريتاج: النهايه قول له نايمه .. تعبانه .. اي مصيبه بس فكني تكفى واطلع من الغرفه وليد بعصبيه : ريتاج ماهو في صالحك ترا ريتاج حست انه معند ...ومستحيل يطلع بدونها ..قالت بقهر:اوك انزل وانا جايه بعدك وزفرت بضيق الله يصبرني بس وليد جلس على السرير ..بعناد: لا روحي البسي وننزل مع بعض ريتاج هزت راسها بضيق من وجودة ...طلعت لها ملابس ..ودخلت الحمام الله يكرم القارئ. ..وغيرت بجامتها ...وطلعت شافته جالس على السرير لسى....ويناظر الخاتم ابتسمت بنتصار.. .. . وقفت.. عند المرايا ..وهي تسحب عطر ورشت شوي منه .. وليد يحس بقهر وهو يشوف الخاتم .لسى.في الأرض ..حتى مااحترمته ورفعته يوم طلع من عندها ...حس فيها طلعت ...رفع راسه طالعها وميل فمه بسخريه : شوية أحترم كان ورفعتيه من الأرض ريتاج وهي تنشف شعرها قالت ببرود:ارفعه انت وليد سند حاله على ظهر السرير ..وهو يناظر الغرفه :استحليتي غرفتي وبعد شايفه.. حالك ريتاج طالعته في المرايا: مدة مؤقته وترتاح مني وترجع لك غرفتك لا تموت علينا وليد فز واقف وراها وناظرها في المرايا : متأكدة ريتاج هزت راسها ..... وليد لفها له وقال بسخريه: وش المعجزة الي بتصير ست ريتاج وارتاح منك ...على قولك ...ممكن اعرف ريتاج ابتسمت على جنب وناظرت عيونه :لا ماهو ممكن وليد طالع عيونها قال من غير حس : عشان هالعيون بس راح اسامحك على طريقة استقبالك لي ي الشينه حتى الحمدلله على السلامه مافي ريتاج ابتعدت عنه بعد كلامه رفعت شعرها باهمال. .... وهي متوتره اففف وش فيه ذا .. : يعني الحين ليه ماقلت لك الحمد على السلامه مسويه معك ازمه وليد تقرب منها وحط يد على خدهاا وهو حزين على الكف اللي اخذته منه مايتمنى كان يمد يده عليها . ..قال بهمس : ليت تفهميني بس ريتاج بعدت يده امس ضربها والحين جاي يطبطب حضرته وقالت بنرفزة ومن قهرها من الكف اللي اخذته :لا ابي افهمك ولا تفهمني و يا لله خلصت انزل وانا انزل بعدك وليد سحب يدهاا: قلنا ننزل مع بعض ليه العناد ريتاج مشت معاه ...وهي تحاول تسحب يدها منه ...بس رفض ..لما نهايه الدرج شافوا لطيفه ..طالعه من المطبخ .وهي تضحك مع شوق ....فك يده بسرعه وتقدمها ريتاج حست بقهر ..من اول تحاول ..تفك يدها منه وهو رافض ..والحين سحب يده يوم شافها ...هي عادي مايهمها .قد سوى معاها حركات اوطى من كذا ...بس شكلها بايخ الحين ...حست بوليد لعاب ..يبي يلعب من وراء لطيفه ...وهي بتكون الضحيه ..لا سيد وليد مستحيل ..ترضى بهالشي راح تعرف كيف تصده..ماهي من مصلحتها لو خلته يتقرب منها ..تقدمت وسلمت فوق راسه ..عمها .. ابو وليد وهو يرحب فيها:هلا في الغاليه ريتاج ابتسمت مجامله وجلست جنبه يوم أشر لها تجلس : هلا فيك يالغالي وليد بسخريه:ماشاءالله طاحين في بعض تمدح ابو وليد حط يده على كتوف ريتاج:اكيد هذي الكل في الكل .. وليد حمد الله ان لطيفه دخلت المطبخ وماسمعت حكي ابوه .. اخخ حس ان ابوه ..ماهو طايقها ..بالمره .. عض شفته ..وهو يدعي الله ان لطيفه تكبر عقلها .. ام وليد :تفضلوا سمووا وعلت صوتها شوق هاتي السلطه لطيفه اللي توزع السلطة مع شوق حست بقهر ..تحس نفسها انسدت من نزول ريتاج ..وبذات يوم .. شافت يدها في يد وليد ..مستحيل تسامحه راح تعرف كيف تتفاهم معاه... شافت وليد دخل عليهم المطبخ صدت بزعل تقرب منها وهمس : حبيبي غصب عني بس قادم ابوي لطيفه صدت واعطته ظهرها وطلعت . بعدها الكل جلس ..على الغداء ابو وليد بجمود ناظر وليد:فضي حالك اليوم بعد المغرب تروح معنا وليد بلع القمه في فمه وقال بستفسار: وين ابووليد شرب ماي :الحمدلله وليد رجع سأل : وين ابو وليد بجمود : نخطب بنت عمك اسيل لناصر ريتاج فتحت فمها بصدمه ..وناظرت في وليد ..ورجعت رفعت راسهاا ..طالعت عمها ،قالت :اسيل لطيفه حطت الملعقة اللي من اول جالسه تلعب في الصحن فيها وقالت بحقد: سبحان الله بنات العم كلهن بيسنترن هنا ابو وليد سمعها قال بحدة وقف:من حقهن لأنهن هم الداخلين وسكت ماكمل حكيه واعطاهم ظهره ريتاج وقفت بعصبيه وراحت ..غرفتها ..يعني مايكفي ..هي وش ذنب اسيل ..يصيرمعاها.. اللي صار معي ..يكفي الضغط الي تحسه ..وهي تشوف نظرات لطيفه. .وعمها ذا ..ضيع حياتهن بتحكمه فيهن ..والله مستحيل تسكت ..عشان اسيل راح توقف معاها ...اذا ابوي غصبها...شافت الباب انفتح افتكرت وليد ..بغت تصرخ في وجهه بس سكتت يوم..شافت شوق اللي داخله ...قالت بقهر: وين عمي بيوصل شوق بضيق: قسم بالله اني اعترضت وعصبت على ناصر بس انت تعرفي ..ابوي دخل الفكره في رأسه ريتاج وقفت بعصبيه : بس اسيل صغيرة وماتتحمل منيرة .. تكون ند لها ..وبعد وش ذنب منيرة ..ليه عمي كذا مايحس لا فينا ولا في الحريم اللي نجي على روسهن وصاحت بقهر يكفي انا تدخل في حياتي وحطمها لي. ... شوق تقربت منها وضمتها بحنان: خلاص حبيبتي ان شاءالله اسيل ترفض ريتاج طالعتها وبقهر:ماينفع رفضها بشي والدليل انا رفضت حتى انبح صوتي بس بدون فايدة شوفي حالي كيف مثل الهبله بينهن ... |
| الساعة الآن 07:53 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية