ام وسون تسلمين:flowers2:
غبت يومين نزلو بارتين تقريبا.. ام وسون تسلمين فديتج عاد انا برد عالبارتين الحينه

بو مشعل وام بشار

مشكله الريال لا غدا سكانه حرمته وما يرد لها طلب.. عاد انته ما عندك خلاف.. بناتك بالطقاق ايطقهن.. اهم شي رضى ست الحسن والدلال.. صدق ما عندك مذهب.. يالس اتوزع بناتك جنهن حلاوة.. وانتي حشا لا ترحمين ولا ترضين برحمه الله تنزل.. حاطة لسته معاريس امفلعين.. وكل يوم اميوزه وحدة من البنات.. بس الشرهه هب عليج على اللي عاطنج ويه

ايمان

ما قصرتي فيه.. بس شوفيه صح دواه ويستاهل.. ولو عطيتي على الطابوقة اخير بس بعد ما اييوز.. هذا ابوج.. واجب انج تحترمينه شو ما سوى

امينه


عاد انتي طول عمرج اتضحين.. وهالمرة التضحية ويا فيصلووه.. ولا باخذج وبالسر بعد.. الله يعينج على ما ابتلاج

فيصلووه الدب

الحينه انته ما تستحي على ويهك.. بتاخذ الحرمة بالسر.. اونك الزوج المثالي اللي ايضحي ويوقف ويا حرمته حتى لو ما يابت له عيال.. صدق انك جبان.. بعدين ما ادري اشعنه انقهرت منك.. دام اختك جي اكيدانته شراتها

ام عادل وبوعادل

يلا الله يهديج.. دام الريال متخرج يعني هب وايد اصغير.. على الاقل ترحمون البنيه.. وريلج ما يعرس على راسج.. فكري يا بنت الحلال.. بعدين تعرفين عيبتيني.. ما فضلتي راحتج على راحة عيال وحرميهم.. وانته ما عندك سالفة يا تخطب البنت اونك تتمصخر.. احلف بس.. الحينه اللي يسمعك يقول هالريال خايف على بناته.. ما بيوزهم لاول واحد يخطبهن هب جنه يتريا حد يفتح حلجه بس

نسوم

اللي سويتيه هب تضحية كثر ما هو هروب من الواقع لمستقبل يمكن يكون اخير.. فقلت يمكن اللي بتاخذينه يكون اخير عن ابوج اللي ما يرحمكم.. بس رمستج ويا حرمة ابوج.. حشى انتي ما رفعتي عليها الضغط بس.. انتي خليتي حالتها تغدي مستعصيه:lol:

سنا وبشار

صدق انك امضيع المذهب.. يحق له ابوك ايروغك دام هاي سوالفك.. الحينه ما تستحي على ويهك.. ولا ما عندك ون تو.. تفنن في قلة الادب.. بس ان شاء الله هالسنا بتادبك.. يلا سنوي.. صح انج انظلمتي وكاسرة خاطري.. وابوج ابروحه عقج على هالخايس.. بس بعد انتي لازم اتبين له انج هب هينه.. ولا رخيصة

ام هادي

الحينه هاي واه اتسوينها.. ضيعتي بنت ووصلتيها للعنوسة بس عسب تخدمج.. افا من الام هي اللي المفروض اتضحي.. بعدين انتي شو يظمن لج انها ما بتهتم فيج جان عرست بس شو نقول..

ام مشعل

انتي قاهرتني.. اسكتي ما ابي اسمع صوتج.. تعرفين انج انتي السبب في اللي يستوي ببناتج.. المفروض عالظروف اللي مريتي بها تكونين قوية هب ضعيفة جي.. اللي اعرفه ان المصايب اتقوي الشخصية.. بس انتي شكل الصدمات اللي يتج.. دمرت شخصيتج نهائيا..

هادي

يعني هاي سواه اتسويها.. عاق امك على خواتك وانته عايش حياتك.. الحينه بدال لا توقف وياهم واتساعدهم.. افا وانا اقول خالهم يمكن ايساعدهم.. بس انته تبي لك حد يوقف وياك ضد نفسك

تم حد ما ادري احس اني ما رمست عن الشخصيات كلها

نترياج ام وسون:flowers2: