|
مازن :
بعد موقف البارح ضاع وجهي عند بنت خالي والله ما توقعتها بتزعل كذا واتوقعت الوضع عادي بس يمكن صادقه امي يوم قالت عني دفش ايه عاد الحين اصدق في نفسي والله ما تهون علي رحت عند لجين وشفتها حاطه خلطه في وجهها جيت عندها : وش ذا الي حاطته لجين : سوالف حريم وش عرفك انت مديت بوزي : زين عادي احط منه لجين فتحت عيونها : والله هو منظف للبشره ويفتحها يعني اظن ما بيضرك وربي جميل يحب الجمال قربت منها : يلا عاد حطي لي ابغى البنات يوم يشوفوني يتخبلون فيني لجين برفعة حاجب : والله هذا انتوا يالشباب فاضيين وما وراكم شغله ولا مشغله وما تراعون مشاعرنا حنا يالبنات الرقيقات صقعتها من راسها : أي بنات ورقيقات انتي وش دخلك لجين وهي ماسكه قلبها : يا حظي ياليته انا كان ذبحتك وسلقتك وعطيتك للقطاو بس المشكله في المسكينه مرومه وا عليه عليها ابتسمت : والله اقول لجين شوفيها اليوم شلون شكلها يعني اتغيرت ولا لأ لجين : هماك تقول تبغي البنات يراكضون وراك قرصتها من يدها : غيرت رايي المهم مرومه تشوفني حلو وما تقدر على وسامتي اصلا انا ادري اني حلو وما يحتاج بس زيادة الخير خيرين لجين تسوي بيدها حظ النحاسه : مالت مشكله المغرور هو بيتعذب مو احد غيره بس غيره بينغاظون من الكذب ضحكت : اقول يلا حطي لي الحين لجين جات وتحط في وجهي وانا مبتسم لجين : لو سمحت دونت سمااااايل هزيت راسي ولجين تحط جا عزيز وقرب مني : وش ذا لجين : تعال عزوز بسوي لك انت بعد عزيز : ليش حرمه قالوا لك فتحت عيوني وصقعت عزيز : حرمه في عينك يا قليل الأدب عزيز : ههههههههه اجل مين يحط الخرابيط ذي غيرهم لجين باعتراض : لا عاد يا عزيز يعني لو انها خلطة تنعيم قلت ما عليه بس هاذي تنظف البشره وتفتحها يعني كلا الطرفين يحتاجها مثل ما الرجال يبغى حرمته بشره نظيفه وتفتح النفس ترا حتى الحرمه تطمح في زوجها نفس الشي عزيز يدقني : اقول يالحبيب ترا هاذي رساله توصلها لصديقك المصدوق من زوجة المستقبل ( وقام يغمز لي لجين ) مو كذا خيه لجين جلست مبلمه شويه عقب اتكلمت : يمه منك ومن تفكيرك الي ما ادري فين راح طبعا مو كذا و مو كذا مليونيين مره بضحكه : لا تحاولي لا تحاولي يا بعد عمر اخوها لجين من قهرها مني تجيب المويه : اجل تعال اغسل وجهك ماني مهتمه فيك يالشين عزيز يسحب لجين : خلاص وه وه نمزح معاكي طبعا يا قلبي بما انك في الواجهه اليومين ذي لازم تاكليها على اصول زي حنان لجين باعتراض : يا سلااااااام مزح الرجال غير مزح البنات عزيز : من قالك انا رقيق في المزح بس المشكله يعني ( وتم يطالعني ) بهدوء رديت : اصلا انا يعطوني شهادة سيرة حسن وسلوك جات امي : بس من عندي احلم تاخذها رحت عند امي : افااا افاااا يا يمه اهون عليك يعني امي : غربل الله العدو وش ذا الي حاطه في شيفتك عزيز : ابووووك يا شيفه ههههههه لجين : ههههههههههههههه يا زينك يا يمه احببببك امووووواااااه صفقت صفقه : يمه يمه يمه تراك انتي الي بتندمين اذا رحتي في صفهم امي : انا مو في صف احد انا مع الحق بعدين يلا يلا انت وعزيز بره بندري هنا يلا اطلعوا بره يوم سمعت اسم بندري اتضايقت : حاضر يلا عزيز وراي اقول لجو كم ساعه اخليه لجين : ههههههههههه من جد وجه فقر بدال ما تقول دقيقه صارت ساعه اتكلمت برسميه : طيب حضرت النقيب كم دقيقه ؟ لجين : 15 دقيقه اذا خلصت ناديني عشان في شي احطه بعده عزيز : هههههههههههههههههههههههههههههههههههههههههه وربي حسستني اني في مشغل نسائي وشرد بره الغرفه وامي ولجين يضحكون طلعت الحقه هالمفعوص بس وين قفل بابه وجيت برجع اكلم لجين نسيت الهانم انها جوه يوم شافتني شهقت وغطت وما تسمع الا ضحكها والله انقهرت بس ما باليد حيله خرجت ودخلت غرفتي وجالس سرحان في عالم ثاني بعد المغرب بيكون يوم ثاني لي لجو حبيبة قلبي هيام : طبعا ما غير الطفش والكآبه الي تنطق في البيت طبعا غير الصفه الأساسيه الرعب من الوالد العزيز .. وما احد مبتلش معاي غير المسكينه غاده من الصبح وانا اكلمها واقفل لا تلوموني طفشااااانه غاده : طيب الحين السؤال عدتيه مية مره وجوابي نفسه ما يتغير ممكن تضفي وجهك ابي اجلس مع عيالي ما وراي غيرك يعني بطريقه ممله : عاد شسوووووي من قرادت حظك اني اختك وحبيبة قلبك وعيونك الي تشوفين بها بعد صح ولا مو صح غاده : امبلى صحين بعد يلا والله منصور بيزعل مديت بوزي : ايه ايه يعني منصور اهم من اختك حبيبتك ترا منصورو مو دايم لك انا الي دايمه لك يا حبيبتي وبتحمل غثاك غاده : اوهوووو شكلك ما راح تخلصي ايش رايك اعطيكي حل اكشن بحماس : والله هاتيه غاده : روحي اجلسي مع ابوي هههههههه بتحطيم : مالت عليك بقوه اكشن لأن مو خارجه منها الا بمصارعه غاده : هههههههههههههههههه بس دخيلك انتبهي لا تخرجي بعاهه مستديمه بصوت مخنوق : العاهه المستديمه صابت قلبي يا غاده غاده : يا بعد عمري توك تضحكين وش حلاتك ذرفت دمعه وبألم اتكلمت : هاذي المشكله يوم نضحك مو من قلبنا ليه يا غاده الفرح مثل الفجر وليه الحزن مثل البحر قولي لي علميني يمكن انا ما اعرف ويمكن هذي بلوى ونشوف صبرنا فيها غاده : يا بعد هلي انتي لا تحطين في بالك مثل هالأشياء ربي ما كتب لك الشقى ربي معانا يا هيومه انتي بس ادعي وخلك قريبه تندهت من خاطر : طيب يلا اعتقتك لوجه الله روحي لزوجك غاده : ههههههه ايه هذي هيومه طيب يا قلبي تامريني على شي هزيت راسي وكأنها بتشوفني : لا سلامتك يلا باي سكيت السماعه ومسحت دموعي وقمت ابي اطلع شفت ابوي في غرفة طلال خفت ورجعت وبسرعه جلست فوق سريري وانا ابلع ريقي من الخوف وابغى اموت من الفضول ابوي وش يبغى من طلال والله حاااااله ذا الأبو حتى في غرفته لاحقه دق الباب دقه خلاني افزع من قلب : هلا اتفضل |
ابوي فتح الباب ويطالعني من فوق لتحت حسيت بالرعب من نظراته ونزلت راسي
ابوي : تعالي يبه ابغاك بانصياع وشوية خوف : على امرك يبه طلع ابوي وطلعت وراه جلست اشوف غرفة طلال من بعيد وصوت ابوي يجيني فزعني حسبي الله ونعم الوكيل : جايه جايه يبه رحت عند ابويه وجلست بعيد عنه نوعا ما ابوي : امك كلمتني في سالفة صاحبتك عاد انتي تعرفينها اذا تناسبنا وتناسب اخوك كلميها خلاص هزيت راسي : أن شالله يبه ابوي : طيب خلاص قومي روحي غرفتك قمت رحت غرفتي وانا مبتسمه وشفت طلال في غرفتي : خير الأخو وش عنده طلال يبتسم: ما مليتي ؟ هزيت راسي بإني اوافقه : اخيرا حسيت فيني طلال : هههههههه طيب قومي اوديك البحر ما عندنا غيره بفرحه : جد والله طيب ابوي ؟ طلال : امممم نقوله تبغي اغراض للكليه بتفكير : اممم طيب بس بيصدق طلال: عاد كيفه حتى تمشية وشمت هوا ما نقدر ضحكت : خلاص روح وانا بلبس عباتي وبجي لبست عباتي وطلعت عند طلال وشفته سرحان قربت منه ودقيته : الي ماخذ عقلك طلال بحزن : الله يسكنها الفردوس نزلت راسي : امين طلال : يلا امشي واحنا خارجين ابويه بصوته الدكتاتوري : وين رايحين طلال: هيام محتاجه اغراض للكليه ابوي : لا تتأخرون طلعنا انا وطلال وطلينا في بعض وضحكنا واحنا في السياره طلال يتكلم وانا اسمع بهدوء وفجأه من غير مقدمات سأل سؤال بعيد كل البعد عن الموضوع الي يتكلم فيه طلال : حنين تدري بسالفة اريج صنمت من السؤال بعدين جاوبته : ايه طلال : كويس يعني عندها فكره طليت فيه بشك : قصدك ترفض طلال هز راسه بموفقه باعتراض : انت ما راح تتعلق في روح ميته طول حياتك يا طلال وقف طلال السياره ونزل : انزلي نزلت معاه كان يناظر في البحر واتكلم : تدرين يا هيام لو أن احساس الحب يمر مثل نسمة الهوا بخفته وطيبته وتزول كان كل الناس الي حولك بخير انا احمد ربي اني ما صرت مثل مجنون فقد حبيبته ويمشي بالشوارع وهو يصارخ باسمها ويدورها ولاني مثل الي توه بدا الطريق وبيمشيه وخايف من الشوك لين ما يوصل الورد لا يا هيام انا تعبت نفسيتي لسنين وياليت ابوك يعالجها بدال ما يزيد لجرح فيني جروح بدل ما اشيل هم نفسي شلت هم معاملة ابوي لي انا غير وانتي غير وغاده غير لو انه حتى اذاه صايبكم بس مو مثلي ليش يا هيام ما عمرك سألتي نفسك هذا السؤال يوم تسمعين دعاوي ابوك صدقه اخوي فتح عيني على شي كنت غافله عنه اشمعنى طلال غريبه ابوي في شي كاره طلال عشانه ولا مستحيل نسمع الدعاوي لولده الوحيد طلال : وين رحتي ابتسمت له : مو بس انت يا طلال حتى عمي ابو مازن تذكر شلون يدعي عليه مو تقول أخوه الوحيد ابوي مريض نفسي يا طلال صدقني ضحك ضحة قهر : هههههههههههههههههههههه يعني ابوي مجنون ابوي مجنون هيام يعني الغلط منه مو مني يعني هو يا هيام مو انا مو انا قربت منه : يا طلال لا تقلب المواجع حنا خارجين نتمشى انسى همومك خلاص يا طلال والي يعافيك يالغالي خلاص طلال : آآآآآه يا هيااااااام مرام : اما كذا ولا كذاك .. احم متأثره بالشعر يا حليلي اما اليوم البيت معتفس فوق تحت طبعا مو اليوم شوفة المحروس ماجد وااااااو اما انا مستااااانسه درجه واحد ليه اممممم عشان بشوف ام مازن وخواته بصراحه ابغي اطير من الوناسه نزلت تحت وشفت ماجد : لللللللوووووللللللوووووي فديت القمر انا ماجد شاق الحلق : بعد زغروطه جات خلود من فوق : لللللللللللللللللللللللووووووووووووولللللللللووووو ووووووي ابوي : ههههههه بس يا بنات الي يشوفكم يقول اول عريس خلود تنزل وتضم ماجد : مو اول عريس بس احلى عريس هههههه ماجد : يا بعد عمري في الي تغازلني مرام : يلااا عااااد شوي ويأذن العشا ابوي : خلاص بنروح بعد العشا خلود : لااااا الحين ماجد : وشدخلك انتي خلود : اول مره اروح اخطب وما تبغاني اروح ابوي : انت بتخطب ولا تشوف ماجد : يا ابوي ما عليك منها خذها على قد عقلها خلود : يالدب هذا جزاتي كلنا نضحك على خلود المهبوله : الا وين امي ماجد : ما ادري قالت بتجيب البخور ولا عاد شفتها ابوي : تلاقيها تصيح تعالوا تعالوا رحنا ورا ابوي ودخلنا على امي وهي تمسح دموعها ماجد يروح يضم امي ويبوس يدها : يمه ليه الدموع هذي ليلة فرح مب حزن يالغاليه امي : يا بعد عمري خلاص اخر عيالي واغلاهم بيعرس خلي دموعي تنزل دموع فرح يالغالي ابوي : ام سعد يا ام سعد خلي بالك من الي قلتي اغلاهم ترا بعلم عيالك خلود : اوبيه طلعت فتان يبه امي : وي يا ابو سعد ترى الفتنة اشد من القتل كلنا ضحكنا ابوي : الله يديم الضحكه على شفاتكم نزل ماجد راسه : آمين حسيت انه في شي بس ما حبيت اتدخل اكيد شي يخصه امي تبخر ماجد وابوي وطلعنا خلود : مرومه خلينا بكره نجي حديقة الحي مرام : متى الجو بارد خلود : عادي نروح العصر تكفين نغير جو ماجد : زين مافي هنا رجال تستأذنون خلود : عاد مجودي مفروض تسوي عفو انت عريس اليوم للللللووووللللوي ماجد : هههههه انطمي زغروطك شينه اخذتيها حلاوه اشوف خلود : احمد ربك اصلا ما سويتها الا عشان تبلع لسانك امي : خلاص لا تتهاوشون ولا ترا بنردك يا خلود للبيت خلود : يا سلااااااام مفروض تردين ماجد هو الي يسب مو انا ابوي : هههههه يعني انتي تشوفين العروسه نيابة عنه مرام : اصلا ماجد مو رافضها لو انها شينه خلود : بس تراها مو شينه لا تخوفين الولد ماجد : وش دارك عنها انتي خلود : يووووه نسيت اقولك اني من اسبوع وانا وياها صحبه ماجد لف ورى : في ذمتك خلود تأشر على رقبتها : والله ماجد يصقعها : وتوك تقولين خلود تروح ورى امي : يووووه عشان ما تبلشني بعدين لا تمد يدك ابوي شوف ابوي فرمل بالسياره وماجد طاح قدام وحنا ميتين ضحك على حركة ابوي ابوي : اعقل وهد اختك ماجد : افا يا ابوي شماغي خرب امي : ابو سعد وخر عن ولدي حرام عليك كله بسبتك انتي وتقرص خلود وانا مكتفيه بالضحك الله لا يحرمني من احلى ناس يارب |
وصلنا بيت العروس ودخلنا سلمنا عليهم
ام مازن : الله يحيهم حياكم زارتنا البركه امي : الله يبقيك ويخليك كيف حالك يا ام مازن ام مازن : الحمد الله كيفك انتي وكيف البنات ؟ امي : الحمد الله ام مازن جات جنبي : الله يحفظك ويخليك ما شالله انتي مرام بصراحه انحرجت مره واتوقعت انه عادي مو انحرج هزيت راسي ام مازن : الله يحفظك ماشالله وحنا جالسين جوا بنتين غير ام مازن وحده ثانيه سلمنا عليهم حنان : كيفكم يا بنات خلود ومرام : الحمد الله حنان : من خلود ومن مرام خلود : انا خلود وهاذي مرام حنان : حياكم ربي وانا حنان اخت لجين وهذي بندري بنت خالي بندري مبتسمه وتطالع فيا بدالتها نفس الابتسامه امي : والله يا ام مازن انا نفتخر اناسب ناس مثلكم ام مازن : من طيب اصلك يا ام ماجد ام ماجد : زين نبغى الولد يشوف البنت اذا ما عليكم امر ام مازن قامت بابتسامه : خلاص انا بكلم العيال يدخلون الرجال قامت ام مازن وخلود قربت مني : مرام يعني بيكنون لحالهم ابتسمت على خبال الأخت : طبعا لا امي بتكون معاهم خلود : حتى انا بدخل اجل قرصتها : يا زينك ساكته لجين : ايش اقول من صحيت اليوم احس اني مرعوبه ومتوتره قمت ابغى اخفف من توتري سويت خلطه والحمد الله اخواني فكوا عني شوي التوتر بس الحين بعد ما راحوا ودق الباب احس اني مرعوبه مو متوتره مره خايفه ياربي جملها معاي يارب جات امي : يلا لجين يمه رفعت راسي بخوف : هااااا امي : ههههههه تعالي ادخلي الغرفه اجلسي الرجال بيدخل الحين بلعت ريقي : لا ما ابغى خلاص غيرت رايي امي : هههههههه عادي يا يمه يلا قومي الله يرضى عليك قمت مع امي واحس رجلي مو شايلتني احس دموعي بتنزل مو متصوره اني بخرج من بيت امي واخواني رحت الغرفه وجلست وامي جات بتروح ومسكت يدها : وين لا تتركيني لحالي يمه امي : ما يصير يمه الرجال يشوفني بلاك لجين امه الحين بتدخل معاه طلعت امي وانا احس انه بيغمى علي في أي وقت او أي لحظه دخل ماجد وهنا حسيت انه خلاص نفسي انقطع ماني قادره اتنفس ولاني قادره اتحرك من مكاني جا ماجد جلس قبالي وانا راسي منزلته واحس انه بيغمى علي ماجد : كيفك اكتفيت اني هزيت راسي وجات ام ماجد وانا بقوم اسلم رجعت جلست مو مني والله من الخوف والي ما يستحي ضحك وامه ابتسمت وقمت سلمت ام ماجد : ماشالله الله يخليك لعين ترجيك كيف حالك يا بنيتي بصوت مخفوت رديت : الحمد الله ام ماجد : وكيف الجامعه معاك ابتسمت : زينه رفعت عيني وشفت ماجد مبتسم ولمحني ونزلت عيني على طول ام ماجد قامت وقام قلبي معها يارب ما تروح الا وتخرج الحرمه بلعت ريقي ماجد : احم ارفعي راسك ما اشوفك زين حسيت بضحكه من اسلوبه وطنشته ماجد : لا يكون فيك بلى ما تبغيني اشوفه غصبن عني طلعت ضحكه وكتمتها على طول ورفعت راسي وطالعته حسيت اني مخنوقه من نظرته ومستحيه وحسيت بأشياء كثيره مو عارفه لها اول او تالي نظرته كانت تتكلم وتنطق بأشياء كثيره حسيت جسمي يرجف ودموعي قربت تنزل نزلت عيني وذرفت دموعي ماجد : يوم ذرفت دموعها حسيت بخناجر تطعن قلبي معقوله لهاذي الدرجه رافضتني حسيت اني مخنوق ودي امسح دمعتها ما قدرت الا انطق بكلمه ممكن انها تشيل عن الي في نفسها : اسف ترا لك الحق انتي بعد انك ترفضي كل سكوت لها حس انه قلبي ينطعن اكثر واكثر واحس الجرح يعمق حسيت ببحه في صوتي : والله دموعك غاليه وما يهون علي انها تنزل لجين تمسح دموعها : تسلم دخلت خلود وانا احس محتار ما ادري وش اسوي اذا خرجت من هنا اقول خلاص ما جازت لي نفسي البنت ولا اخذها واظلمها الله يسامحك يا مازن خلود سلمت على لجين وتبتسم لي : ها مجودي وش رايك في القمر؟ ابتسمت لها : لا ما عليها زود ما شالله الله يحفظها خلود تدق لجين : وه ايش الدموع هاذي لا يكون مثل ذاك اليوم لجين ابتسمت ونزلت راسها ناظرت في خلود : وش السالفه خلود : لا بس ذاك اليوم جا طاريك ودمعت عيونها تقول راح تتأثر بفراق اهلها وغير كذا حياه جديده أهاااا تتأثر بفراق اهلها ولا بتتأثر من قربها مني ياليتك تعطين لنفسك المجال يا لجين عشان تعرفيني اكثر ويمكن تحبيني .. دخلت مرام وامي مرام سلمت على لجين : ها كيف شفتي ولدنا لجين منزله راسها ووجهها محمر وامي اخذت بحقها : مرام اسكتي وعيب مو كل الناس ما عندها حيا ضحكت لا شعوري : حلوه يمه تستاهلين مرام : لا حوووول الواحد يتصرف ببرائته ويفهمونها غلط اقول لجو حبي لا يكون زعلتي ؟. لجين : لا عادي يا قلبي .. مرام تبوس لجين : وااااي فديتها الله يحفظها ويخليها والله ما تستاهلين هالولد لو الود ودي ادور لك احسن منه يستاهل لسانك العسل يا عسل والله يا مرام ما يحتاج تقولين هذا الكلام لأن العسل لكم وانا لي مرارته .. لجين : عن اذنكم وطلعت وانا اطالع في امي وابتسم امي : ها يا يبه بست راس امي : خذوا رايها بالأول يا يمه وانتي تدرين انا جيت اخطب واشوف وانا موافق امي : الله يبارك لك ايامك يا ولدي طلعت عند اخوانها والوجيه مبتسمه ضحكت ابوي : ها يا ولدي بشر طليت في مازن : المشكله يا ابوي تشبه اخوانها ما اقدر كذا اخاف لا جيت أأدبها اشوف اخوانها في وجهي ابوي : ههههههههههه وش فيهم اخوانها احلى منك مازن : عاش عمي عاش وانت عشانك في بيتي حشمتك ولا ناوي عليك نيه عزيز : ماااا علللللييييك منه غيراااااان من جماااالنااااا هذا هو مجود من عرفته فتحت عيوني : وي طبختوني ولا كأنها كلمه وقلتها خلاص سحبتها عزيز : ههههههههههههه احسن ما احد يعرف لك غيرنا مازن : دقيقه الأهل يزهمون جلسنا نسولف وجانا مازن : مبروك يالشين ابتسمت : الله يبارك فيك لو شين ما وافقوا علي عزيز : صدقني غلط مطبعي لحظه اروح اتأكد هههههههه مبروك يا ماجد تستاهل كل خير يالغالي ابوي يسلم علي :مبروك يا ولدي ابتسمت : الله يبارك فيكم والعقبه عندكم ما عادا انت يالوالد امي تسدك ابوي باعتراض : ليش والله برجع شبابي طليت فيه : ترا اعلمها واخليك تدور لك مكان تنام فيه الليله ابوي بقوه : والله ما تسويها مره فيني ضحكوا الشباب واستأذنا وطلعنا وحنا في السياره خلود : مجووووودي يلاااا بمناسبة الموافقه عشينا بره مرام : ايه عفيا عليك يا ماجد والله احس بالضيق خانقني اية موافقه موافقه ظاهريه بس الله يستر من الأيام الجايه غمضت عيوني واتنهد ابوي : واشفيك يالسبع ابتسمت : امممممممي ابوووووووي بيعرس عليك امي : وفضحي وش هالكلام ابوي مصدوم ويغمز لي ويتوعد فيني وانا اضحك امي : قولي اتكلم ليش ما تتكلم ولا بس من وراي ياباتمان خلود : هههههههههه امي ايشفيها الله يهداك الشرع محلل له اربع امي : ام اربع واربعين تقرصك ما عندك غيره على ابوك |
ابوي يبرر: بالضبط انا بس بخليك تغارين علي نعيد الذي مضى
ماجد : لا تصدقينه يا يمه هو يقول بيعيد شبابه امي : هين هين صبرك عندي ابوي : افاااا يا ام سعد تصدقين العواذل ما عليك منهم هم محترين من حياتنا الزهريه مرام : علينااااا يبه زهريه ولا ورديه هههههههههه غاده : تونا وصلنا البيت حسيت اني مرهقه بالحيل : ملاك حبيبي طلعي لي مؤيد ملابسه ملاك : من عيوني يا ماما تعال مؤيد منصور مسك يدي : واشفيك يا بعد عمري ابتسمت له : سلامتك بس مرهقه شوي منصور باس يدي : يمكن حامل وجهي اعتفس : لا ما اظن منصور : وش دراك بكرا عشان اطمئن عليك بنروح نكشف في المستشفى خفت وايد : منصور حبيبي والله مافي شي خلاص جيب لي تحليل حمل ونشوف باس راسي : يالغاليه لو ما اخاف عليك ما قلت لك كذا غاده : ادري حبيبي بس والله بتعب نفسك منصور : خلاص على راحتك يلا الحين تعالي ارتاحي رحت معه بدلت وجلست منصور : غاده همست له : عيونها انت منصور : في واحد تزوج على حرمته طليت فيه : طيب منصور : بس يقول معيشته في سعاده ولا أروع انقهرت منه : طيب وش يعني منصور : لا بس انتي مع ولا ضد فكرة الزواج المتعدد اتكلمت بقهر : طبعا ضد سؤالك سخيف يا منصور منصور ضحك : ول ول اعصابك حبيبي مديت بوزي ودرت وجهي منصور : حبببي عااااد دلوووعه انتي مديت لساني : روح للثانيه يمكن تنفعك منصور ضمني بحنان : والله لو الف الكون الاقي وحده تحبني زي غدو حبي مالقيت ابتسمت وغمضت عيوني ومد يده على خدي وقربني منه وباس جفني فتحت عيوني : منصور منصور : يا قلبه وروحه انتي مسكت يده بقوه : أحبك واعشقك واموت في هواك ما اتصور دقيقه من حياتي اعيشها بعيده عن حضنك وعن حنانك الي يدفيني منصور يبوس يدي : طيب عورتيني لا تخافي ما راح اشرد شلت يده ولفيت الجهه التااانيه وانا مبوزه : مره دفش للأسف ضحك منصور ويجرني عليه وانا ماني راضيه وضمني من ورايه : اموت في الدلع غاده :وخر عني عاد على اخر عمري ادلع منصور : طبعا ومية طبعا وثلاثة ارباعه ونص طبعا ضحكت على كلامه طليت في الجنب وجهه كان على كتفي غاده : احس كأنك بديت مراهقتك منصور منصور : تبتدي وتنتهي بقربك انا من لي غيرك احبه واتغزل فيه وادلع عليه لفيت على جهته وقرصته من خشمه : ولا تنسى كمان يعاندني ويزعلني منصور بزعل : افا الحين وشلنا في الشين مسكت يده : افا افا ومن قالك هذا شين انت أي شي يجي منك عسل يا قشطه والله يا منصور لو تذبحني ما ترخص يدينك علي يالغالي وبست يده منصور رفع راسي : اللللللله على الكلام الحلو خلاص يا ستي كنسلنا الزواج من الثانيه فتحت عيوني للآخر : وشووو وشووو عاد بدت الخصل الشينه تظهر ؟؟ منصور : هماك تقولين ما عندي شي شين ولا كلام بس حطيت يدي على خصري : يا بعدي انت اذا كان حبيبك عسل ما تلحسو كله منصور : لسه ما وصلت ربعه حتى قمت بقهر : ليش يعني وانت كلامك الي من شوي بس كلام منصور : لا والله انا قول وفعل بعدين اجلسي اشوف غاده : وانا بعد قول وفعل واشوف الشين حلو بس زواج من غيري لو تموت والله اقطعك تقطيع ومو غير كذا لا بعد بعلق اوصالك عند الباب واخليك عظه وعبره لغيرك من الرجال الي مجرد مجرد مجرد تفكير بس انهم ياخذون على حريمهم عبدالعزيز الحمد الله انتهى اليوم على خير والله اني مرتاح من كل قلبي انه توأم روحي راحت لإنسان انا مو مطمأن عليها الا اكثر من كذا فديت روحها الله لا يحرمني من ابتسامتها خرجت وشفت حنان : يوووه انتي لسه جالسه عندنا حنان : يمه شوفي ولدك امي : عزيز تعال حبيبي تعال تعشى يا بعد عمري حنان : يممممممه واناااا امي : انتي وش بلاك حنان : يمه اشتكيك عليه وتقولين تعال اتعشى بدال ما تبردين قلبي ولا لا يكون انتي بعد ما تبغيني لا انا ولا بنتي وعليا عليها وانا الي ظنيتكم تموتون فيها مازن : بسم الله الرحمن الرحيم ما بقى غير تقومين وتلبسين عباتك وتقولين ما عادني جايه عندكم حنان : والله هذي لو تحلمون فيها لو ما تحبونا انا والقمر حنا نحبكم صح روري حبي رؤى تحط راسها على امها : نأ حطأ عزيز : هههههههههههه بنتك عندها كرامه مو زي امها حنان : يممممه شوفي عزيز امي : عزيز خلاص يا ولدي اليوم شابه ضو حنان : احسن جزاك ضحكت عليها وجيت اخذت رؤى وجلست : رؤى تحبي مين انا ولابابا رؤى : انا مازن : هههههههههههه بلهى البنت حنان : احترموا نفسكم اذا كانت بلهى على خوالها مو احد غريب قرصت خدودها حنان : عززووووز خف على البنت تراها رقيقه مازن : ابوك يارقه ضحكت من قلب يوم رؤى تقرص خدودي رؤى : بابا يدول الي يضلبك اضلبيه بستها وانا نفسي اكلها : طيب قولي لبابا لو قرصني خالو عزيز ايش اسوي رؤى تطالع فيني ببلاهه بعدين قالت : ايش يصيل جلست ابوس في البنت : ياناس لذيذه البنت ودي اكلها امي : قول ما شالله عن تعطي البنت عين مديت بوزي يوم شفت حنان تكسحني : يمه ترا عيني بارده امي : العين حق طليت في رؤى : وش رايك فيهم رؤى : مو حنوين حنان : دخيلها الحلوه مديت لساني لحنان : ايه حلوه زي خالها رؤى : عذوذ طليت وانا ضام حواجبي : عيون عذوذ رؤى تحط فمها على خدي وتبوسني بقوه : طعمك حلووو مازن يطالع في حنان ويغمز لها : من فين متعلمه البنت هذي البلاوي حنان حمرت خدودها : ابوها يقولها كذا اكتفيت بابتسامه الله يسعدكم يا اخواتي ويهنيكم مع جيزانكم امي : عزيز يمه اذا ما عليك امره ابغى اطلع شوي اشم هوا فتحت عيوني : افا عليك الغاليه انتي تامري امر يرخص الغالي يالغاليه لك انا اعطيك عيوني اذا طلبتي والله هذا يوم المنى يوم تطلبين لو تطلبين القمر بين يدينك يالغاليه في ثواني امي بحنان : الله لا يحرمني منك ومن كلامك الي ينقط عسل حنان : الله الله يا ام مازن مين قدك عزيز يتغزل الغزل ذا كله فيك ابتسمت من كل ذره في كياني : انا اعطيكم عيوني لو تبغونها والله لو روحي تطلبونها ما ترخص لكم يا اغلى ناسي مازن : عزيز احبك خلاص يا رجال تراني اغار كذا امي وحنان ضحكوا وانا قمت ومعاي رؤى : حنونه دقي على جوزك لا يجيك بناخذك انتي والقمر تتمشون معنا رؤى : عذيذ بلوح الأنعاب طليت فيها وانا كامش وجهي : اقول حنان هي بنتك معاها اللحميه ولا وش السالفه حنان تضحك : والله ما ادري هي والأنعاب الي طالعه فيها مازن : من جد ما تستحوا طيب اكشفوا على البنت امي : بسم الله على البنت مافيها الا العافيه لا تتفاولون عليها افتقدت لجين بالحيل : امي وينها لجين ؟ امي : في غرفتها عزيز : ليش ماقلتوا لها تجي تجلس معاكم حنان : لا تبغى تجلس شوي مع نفسها مازن : يمكن تسوي حوار ذاتي حنان : هههههههههه بسم الله كشرت : احترموا نفسكم كذا كأنكم تسبوني حنان : احلى يا حركات خصرتها ورحت اشوف لجو دقيت الباب وسمعتها بصوت مبحوح لجين : لا احد يدخل تعبانه شوي ابتسمت حسيتها تبكي فتحت الباب ودخلت وشفتها في سريرها ضامه المخده ومنزله راسها : اف اف حياتي وش فيها رحت عندها وجلست على طرف السرير وقلبي يعورني : فديت روحك يا روحي ليش الدموع |
لجين تبكي بصوت وقلبي يعورني اكثر : دلوعه قومي اشوف كلميني
قامت لجين وعيونها مغرقتها الدموع وخشمها احمر قرصت خشمها : وش بلاك ما عجبك ماجد لجين بصوت مخنوق مع دموعها : مو كذا مسحت دموعها وضميتها : ها كيف ؟ حطت راسها على صدري ومسحت دموعها : احس اني ما اقدر ابعد عنكم جلست امسح على شعرها : ومين قالك يالغاليه انك بتبعدين بقولك سر بيني وبينك انا غداي وعشاي يوم عندك ويوم عند امي لجين ابتسمت ودقتني على صدري : عزيز من جدي اتكلم رفعت راسها وفتحت عيوني : ليش شايفه شكلي شكل واحد يمزح ابتسمت لي ونزلت دموعها : لا بس انا اقصد البيت وانت يعني انا ما ابغى اتركك لحالك وبعدين مين بيبوسك قبل ما تنام طليت فيها وضحكت : عروستي لجين ضحكت وضمتني : عزوزي والله احبك وما ابغى ابعد عنك انت وامي ومازن بعدين اذا مازن اضارب معاك مين بيدافع عنك بستها من جبينها : يالدبه انا رجال وكبير مو صغير عشان تشيلين همي وبعدين خلاص يا قلبي انا مو رايح بعيد ولا انتي بتسافرين عني حنا في ديره وحده وما احد بيبعدك عني يالغلا لو ايش ماصار صح ولا لأ لجين طلت فيا ورجعت تبكي اكثر من اول وضمتني بقوه : عزيز لا تقول كذا ما احب استغربت وابتسمت وضميتها : طيب ايش اقولك اختاري وانا اقولك الي تبغيني اقوله لجين اكتفت انها تحط راسها على صدري وتمسك يدي جلسنا دقايق وسألتها : كيف ماجد ابتسمت : طيب وووو... ضحكت : ووو ايش لجين : حنون وحبوب عزيز : الحمد الله بتحبينه صدقيني مسكت يدي بقوه : اخاف احبه طليت فيها بحزن يحق لك يا بعد عمري : ليه تخافي مافي شي يخوف لجين بألم : أخاف افقده بست جبينها : يالجو يا حياتي هالكلام اذا فكرتي فيه بيعذبك لو ما صار شي مو شرط انك بتفقدينه هو ممكن تفقدين أي احد وانتي قريبه منه لجين عصرت يدي : طيب اسكت هالكلام اكرهه ضغط على يدها : مو هذا الي انتي تفكرين فيه وخايفه منه عشان كذا يالجين لازم تتشجعي شوفي حنان الله يديم سعادتها مع زوجها والله اني ارتاح يوم اشوفها كذا مع زوجها احس اني مبسوط انا لأني اطمنت على خواتي اتنهدت بحسره : والله مو بكيفي هذا الشي يجيني كذا ما اقدر امنع نفسي من ذا الخوف يا عزيز انا تعبت بسبب هذا الشي ابتسمت : كل ما يجيك هالتفكير سمي بالله واتوكلي عليه واتذكريني انا ها وش حلاتي واقف قدامك وفي يدي عصاي عشان اذا خفتي اتخيلي اني بضربك لجين : هههههههههههههههههه ادري قلبك مستحيل يطاوعك حكيت راسي : عشان كذا اقولك تخيلي طيب قولي وش صار بعد لجين ضحكت : بكيت عنده هههههههه فتحت عيوني : جد حرااااام وش سوى لجين بتأنيب ضمير : حزني قاعد يتأسف ويقولي يحق لك انتي بعد انك ترفضي ضحكت من قلب والله يحزن : يا حرام وش سويتي لجين تحرك براسها بمعنى ولا شي بست يدها : طيب يلا قومي غسلي وجهك عشان بنمشيكم انا ومازن قامت لجين وراحت بعدين رجعت باستني : الله لا يحرمني من حنانك يا اروع اخ وراحت بكل نشاط ضحكت ولا يحرمني منك ماجد : آآآه جالس في حديقة الحوش اشوف القمر احس اني فرحان ومتكدر يعني معقوله هذا الشي الي نزل دموعها ولا عشانها رافضتني والله احساس قوي انه الانسان الي تحبه يرفضك ما اقول تحس باهانه كثر ما تحس بخنجر يطعن في قلبك يمكن خيبة امل هذا جزات الي يحلم ويحلم وبالتالي ينكسر بسبب احلام بناها حسيت بالجو برد اكثر من اول دخلت البيت ودخلت المطبخ سويت لي نسكافيه وطلعت فوق واسمع هواش ضحكت عرفت انه امي وابوي شوي الباب ينفتح وابوي طالع بالمخده والشرشف ويمشي وحاله مكسوره ضحكت من قلب ورفع عيونه وشافني : ها مستانس انبسط رحت عنده : افا وين الي ما تسويها مره فيني ابوي : امك عاد ما نقدر عليها يلا الحين دور لي مكان انام فيه اهتزت كتوفي من الضحك تعال عندي في الغرفه دخلت ابوي وجهزت له سريري : اتفضل يالغالي ابوي : لا يا ولدي هذا مكانك بست راس ابوي : يفداك كم ابو عندي واحد الله يهداك ابوي يعطيني شرشفه ومخدته : يلا نام في الأرض ويطلع في السرير ويتلحف استانست عليه فرشت لي مرتبه في الأرض وجلست : تبي نسكافيه ابوي : لا يبه بيسهرني الا ها كيف شفتها ؟ هزيت راسي وانا مبتسم ابوي : يبه اذا في خاطرك شي قوله ادري انك تحبها وهالشي ينقرى في عيونك بس الي ادري فيه ومتأكد انه اذا الحب لحظه بس انبنى على خطأ او سويت للبنت شي والله يا ماجد كنت في ديره ثانيه غير هالديره يا ابوي شوف مازن ادري فيه وادري بأختك بس تدري وش الي مسكتني انهم ما اغلطوا انا عارف يا ولدي هالشي انا مو صغير ولا واحد أي كلمه ينقص عليه بسهوله لا يا ولدي انا فاهم الأمور بس ساكت لأن ما احد اتجاوز حده والحب مو حرام بس الحرام اذا غلط في الحب احس كلام ابوي وسع علي الدنيا بمفاهيم ثانيه فهمت مقصده الغالي : الله يخليك لنا يا ابوي انا ادري يالغالي وانا والله ما استنى من البنت انها اتكلمني ولا تقولي شي يهز شرفها او يخدش بحياها لو صار هالشي انا ما خطبتها يالغالي بس انا .. وسكت وابوي : اتكلم يا ولدي انا ابوك مو احد غريب هزيت راسي وقلت لأبوي الي صار مع مازن ابوي : ما تقدر تحكم على البنت الا اذا ملكت عليها وشفت شي منها يدل على الي يقوله اخوها ما زال ولا لأ وهي اذا شافت اطباعك واخلاقك في هالفتره صدقني يا يبه انها بتبادلك نفس شعورك ويمكن اكثر الأخلاق هي الي تنحب يا ماجد هزيت راسي: بس دموعها الي اليوم تتكلم اكثر واكدت لي كلام مازن ابوي : والله اذا البنت ما تبغاك كان قالت بس انت فكر فيها زين الكلام الي قالته خلود صح وهذا الشي انا مريت فيه مع امك لأنها بتدخل عالم غير عالمها الي عاشت واتربت فيه والبنات انواع بعضهم ما يتحمل هالشي وتشوفها تبكي لأن دموعها اتفجر اشياء بداخلها ضحكت : والله طلعت مو هين يا ابوسعد ابوي يضحك : هيه يا ولدي انت بتعيش وتشوف والله كلام ابوي ريحني حسيت براحه وهالشي خلاني انام متهني .. |
| الساعة الآن 05:45 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية