شخصية الوليد روعه .... سلطان النذل الله يخسه
الجوهره مسكينه وش بتكون ردة فعلها........!!!!!!!!
تسلمين حبيبتي البارت مرررره رووووووعه
ننتظرك لاتطولين علينا ودمتي بكل ود يالغلا....:dancingmonkeyff8:

لا ينكسر خاطرك ........ والله احنا ننتظرك على أحر من الجمر ...... انت تسألين ليه الفرق بين الردود والمشاهدات ، لأن يا عمري ندخل كذا مرة في اليوم نشوف اذا في بارت جديد ، لا تخافين متابعيك كثيرين ............ لكن لا تتغلين علينا كثير ترى ما نصبر على زعلك ، واحنا طمعانين في كرمك (طرارة وتتشرط) نبغى منك بارت طويل حتى نشوف الوليد مع نجلا كيف راح تكون حياتهم في البداية ، وكيف راح يتعرف الوليد على شخصية نجلا ......... نتعرف على موقف سلطان اذا عرف ان الوليد تزوج نجلا.......... ألخ من ابداعك ..
تمنياتي لك بالتوفيق في التدريب العملي..

السلام عليكم ورحمة الله وبركاته

أختي الكاتبة المبدعة ...................... أخجلتيني بتواضعك ...................

وما قدرت إلا حس على دمي وأكتب ................... أسجل إعجابي وإحترامي لك ولأسلوبك الرقيق في سرد الحوار......................

سامحيني والله العظيم مو قصدي أكون شريرة وما أرد ......................

للمعلومية قصتك من اوائل القصص اللي سجلت موقعها في المتصفح عشان لما يتخبل الحاسوب أدخل تلقائي على القصة .................

خبلتي بي بقصتك يا عسل !!!!!!

السلام عليكم
شوفي حبيبتي راح أقولك وبكل صراحة إن قصتك من أجمل القصص اللي قرأتهم وأنتي خليتيني أرد لأني من الناس اللي يتأملون بصمت الشي الثاني قصتك ماهي بعيده من الحقيقة لأنها تقريباً تشبه قصة حياتي طبعاً مع وجود الكثير من الأختلافات
راح أقولك ولكل الأعضاء وين الشبه
كنت مخطوبة من أيام المتوسط لواحد وهو ولد عمي وهذي من حركات أهلي الله يهديهم علشان مايطلع حلال البنت لبرى العائلة وجدتي الله يرحمها ما أعجبها الوضع لأني صرت ثاني جامعة و ولد عمي ماعمل الملكة فجمعت جدتي كل أعمامي ملحوظه أنا يتيمة الأب وحددت جدتي الملكة ونفس اللي حصل في قصتك المعرس ماحضر وصارت هيصة وزمبليطة زي مايقولوا في المسلسلات الحاجة المختلفة عن قصتك إن أمي ماهي من أقارب أبوي الله يرحمة وكانت أي غلطة ترتكبها أو أي أحد من اخواني يتشمتون أعمامي بنا فقامت امي بنفس الوقت اللي قالها عمي فيه أن المعرس بعد كل هالسنين رافض ما أدري من فين جتها هالفكرة اللي على طول نفذتها وهي
كان حاضر الملكة ولد خالتي وهوساكن في خارج الرياض وبالصدفة كان في الرياض يقضي أشغالة وكان من الحاضرين في المهزلة حقتي فقامت أمي نادتة من المجلس ودخلت علية زي مانقول حنا البدو يعني طلبتة أنه يملك علي ولا نصير مضحكة عند عماني طبعاً مع إلحاح أمي وطيحة الوجة وافق وكمان جدتي أم أمي وأم أبوي ما قصرن بالضغط علية ووافق مع العلم إني كنت رافضة رفض شديد بس امي الله يهديها
هنا إنحلت مشكلة ودخلت أنا في مشكلات لأن ولد خالتي كان كاتب كتابة على وحدة من جماعتة طبعاً ماراح تتخيلون المشاكل اللي حصلت وانا كنت في وجه المدفع وكنت في نضر المجتمع ونضر زوجي إنسانة لعابة
انا ما ابغى أطول عليكم وبعدين هذي الصفحة خاصة بقال الزهر آآآه إذا هي تسمحلي راح أقولكم أيش صار معي بعدين
حبيبتي قال الزهر آآآه لا تخلين ضيقة الصدر تأثر فيك قصتك داست على الجرح
أنا ما أدري هي من خيالك أو أحد حصلة نفس الموقف
بس أسلوبك في طرح الحوار وكمان المشهد اللي إنطرد فية اخو نجلا بصراحة مبكي وزاد علية أبيات الشعر جت في مكانها
أنا اللحين أستنى المقطع اللي يكون فية الوليد ونجلا زوجين أول لقاء لهم ياترى راح يكون زي أول لقاء لي مع زوجي إنتهى إني نمت في السطح في عز البرد وجاني إلتهاب رئوي جلست سنة أتعالج منه
حبيبتي قال الزهر آآآه أكتبي وأكتبي وأكتبي وكلنا معك عارفة ليش
لأنك مبدعة و الإبداع في هذا الزمان نااااااااااااااادر
آسفة للإطالة

أختك أميرة منسية