|
السلام عليكم ورحمه الله
مشكور اخوي على لجزء بارت اليوم اهم شئ شدني فيه سارة ابوها زوجها من ثلاث سنين من غير علمها ثلاث سنين في عصمه واحد وهي تحسب انها مو متزوجه صراحه صدمه كبيره وقع فيها ويطيح فيها كثير اباء اش المشكله لو زوج كل وحده يجيها نصيبها والكبيره ربي بيرزقها هنا ساره بتشره على اهلها من جهتين اولها ما شاوروها وربطوها بدون علمها وثانيها دسو عليها وما علموها ثلاث سنين الله يستر من ردت فعل ساره على هالزواج اللي فيصل هو رجلها وو شكله ما اختارها بمزاجه الا ابوه اللي يبي نسب خويه ام سعود شكلها والله اعلم خاله قشرى ويمكن توري ساره الهوايل وانتظر نعرف قصه سعود وطلاقه من مرته اذا كان مطلق ****** هيام وزوجها للان قصتهم يبي لها فتره عشان تتوضح لان حنا نشوفها من وجهه نظر هيام ومابعد شفنا الاسباب اللي خلت رجالها هذي افعاله ****** ناااااااااااااااااصر فكرته عن حنان يبي لها قلب وبرمجه بس هوووووووووو تعبااااان هذي القفله اللي ختمت فيها الجزء اخوي انتظر التفاصيل بالقادم |
السلام عليكم
مره اخرى اولا جواب السؤال حق التحليل الاول هو انه انذكر انهم دائما يشيرون لعايله ابو نادر انهم عايله ماهي بمحظوظه شوي وحظ بناتهم قليل واظن قالوا حتى البنت المتزوجه تزوج عليها زوجها وحده هي احسن منها بالاخلاق والزين اعتقد كذا يعني الحظ الشئ مشتغل معهم دايم انا قريتها كذا وفهمتها ايضا كذا اسفه اذا كان هذا الشي غلط لكن انا بظل اقرا لين افهم او ممكن يطلع كلامي صح ليه لا !!! نرجع للفصل الجديد ؟ حنان ::: تتجهز عشان زواجها ... ويحقلها هذا الشي رغم كل شي ساره :: بطله الفصل اولا مبروك والله خذيتي واحد كويس رغم ان كلمته عن حنان ما اعجبتني بعدين وش المشكله اذا طلعتي متزوجه واحد ولك ثلاث سنين وانتي مو عارفه المهم هذا الواحد كويس ولالا فيصل ::خذ ساره وخلونا نشوف وش قصتكم سعود_ هل تتحكم امك بحياتك لهاذي الدرجه ؟؟ رغم ان قصتك غير وافيه ويبغالها تمعن لكن بان شئ وهو الام مسيطره في عائله ابو سعود ناصر :: سلامات انت معقد بصراحه اللي فيك غريب سحر ... والله ما فهمت تبغى تاجل الزواج اقول تزوج ولكل حادث حديث وحنان ماهي بعجوز احترم نفسك وكون واثق بذوق امك يكفي انها ذويقه في الملابس رغم انها غلطانه بتزويجك بوحده اكبر منك (بغض النظر عن من هي ذي الوحده ) وانت وش فيك يعني سحر ماهو بشئ مخيف او عيب كبير شكلي طولت اتمنى لو تحاول واشدد على كلمه تحاول انك تنزل الفصول ما اعرف كيف ...؟لكن حاول ؟؟ وبدون مجامله قصه تفاعلت معها ولاول مره شكرا |
اعتقد ا ن ام سعود متسلطة بما انها سبب في انهيار زواج سعود بالنسبة لسارة بيكون موقفها صعب لماتعرف انها متزوجة من ثلاث سنوات وبتكون موافقة وهي مو راضية على هذا التدبير الذي تعتبره اساءة في حقها بالنسبة لناصر وتاجيل الزواج هل هذا مرتبط بالسحر واعتقد ا نام ناصر ماراح ترضى بالتاجيل خوفا من ردة فعل ناصر من زواج زوجته الاولى الله يعطيك العافية |
السلام عليكم اخوي
تدري اني قريت القصه مره ثانيه واستمتعت فيها مثل اول مره قريتها نجي للجزء الاخير ناصررر الحين حنان عجووز !! اجل ام ستين سنه وش تصيير ميته !! للاسف اختلفت مفاهيم الاعمار في كل العالم الا عندنا زمان كنت بقول معه حق بس الان لا اول اللي توصل العشرين وهي ماتزوجت يعدونها كبيره اما الان لا ارتفع سن الزوااج وصار مايفرق ثلاثين او غيرها ناصر اقولك هالعجوز اللي ماهي عاجبتك بتاكل عقلك وقلبك وتصير بعيونك ام ثمنطعش ام ناصر لازلت معجبه فيها هالمرره عنده ضعف مستغلته بقوة وعارفه ولدها لايمكن يرد لها طلب سااره الله يعينها اهلها مالهم عذر كان خلوها خطوبه ولا ربي يسر لحنان تممو الملكه ويشاورونها ان ضد ها الزواج اللي العروس اخر من يعلم فيه هياام الزوجه اذا بتصبر على زوجها السيء الاخلاق وتربي عياله لوحدها من دون مشاعر من زوجها تنفصل احسن وتربيهم بعد لوحدها من دون ضغط الاعصاب اللي هي عايشته فيصل وعله تعل بليس اجل تتفاول على حنان بالموت عشان تعرس انت ولا تبي العروس عشان تخدمك عسى عمرك ماتتزوج قاهرني وبقوه حنان الله يوفقس اتمنى لس حياه سعيده لأنتس تستحقينها ناصر لا تأجل تكفى ادحر شيطانك واغصب عمرك واستمر على القراءه في شي متوقعته لحنان بما انها جميله وتنخطب كم مرره والان مملكه وناصر بيأجل لا يكون هي بعد مسحورة ومعمول لها عمل وشكرا طولت هذرتي اليوم |
اقتباس:
نوف بنت نايف أسعني وجودك ومتابعتك وقصة سارة صارت مع وحدة أعرفها معرفة شخصيه زوجها والدها وعمرها ثمان طعش وماعرفت بالزواج ألا بالخمسه وعشرين هذا كله من جهل الاباء للاسف وسبب تعب ناصر راح تعرفينه اليوم |
| الساعة الآن 08:04 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية