|
أن تأتي أخ ــيرا خيراً من ألا تأتي >>ياشين الفلسفة
..مساء الورد ..~ ضمني ... أعتذر وبشدة عن عدم الرد على ماسبق من أجزاء لرائعتكي .. ولكن هذا يعود على عدم وجود كلمات تستحق أن تسطر هنا ..~ >> خلينا نحول عامي علشان نصير أقرب للقلب :lol: اليوم قلت لا يابنت لازم تسدحين رد حتى لو كان ماشي حالو أهم شئ توقعين انك متابعة وبشدة لهذه الرائعه ..~ شخصيات روايتك راائعه ابتداءاً من الجد العاجي وانتهاءاً بدرر ووسن ماعدا الثرثارة اللي ترفع ضغطي كل بارت مدري ايش اسمها لاني ما اقرأ كلامها اللي يجيب لي الصداع >> اكيد تعرفين مين اقصد ( زوجة بتال الأولى ) الحين كل هذا الازعاج علشانو متزوج الثالثة طيب هوا متزوج الثانية عليكي فرقت يعني يوم يجيبلك الثالثة .. تدرين ضمني انو من يجي الحوار العقيم اللي تقوله وانا انزل السطور لين تنتهي من كلامها >>> احسها تجيب لي صدااع .. من جد أكره النساء اللي مثلها ..~:lol: طيب خلينا نسيبها ونروح لغيرها : ملوك : شخصية رائعه قدمت كرامتها على حبها .. فالرجل الخائن لا يستحق الاحترام والتقدير حتى وان كان يملك لها حب قيس لليلى ..~ أتمنى أن يكون عناد هو من يستحقها >> بسس اللي مستغربتو انو عمرك ماجبتي حوار بينها وبينو او مجرد افكار تدور في بالها او في بالو عن ايام المستشفى والمواقف اللي صارت بينهم ..~ عناد : رجل شخصيته رائعه .. ما ابغى امدح خلاص احس البنات اللي هنا ماخلو شئ نقولو :lol: بس احسو صعب التعامل وصعب الارضاء .. الله يعين ملووكه :) ياسرر: شخصيته مختلفة عجيب انو يملك كل هذا الكبرياء والاعتزاز بالنفس وفي ذات الوقت يهين نفسو بعلاقات محرمة ..من جد مستغربة من ذي النقطة يمكن لأني دايما أربط بين الشاب اللي يبني علاقات محرمة ويكون تابع لملذاته وشهواته بنقص بالشخصيه حقتو ..~ الظبي : كبرياء انثى قد تحطم ... مشكلة الظبي الكبرياء والثقة الزائدة عن الحد .. لنرى الآن ماحصل لها هل سيبني شخصية جديدة متواضعه ولو اني استبعد ذا الشئ .. ام سيجعل شخصيتها تقوى وتصقل ..~ جساار: رجل يستحق كل الاحترام والتقدير .. وان كان زوج لإمرأة تستحق كل التصغير والتحقيير ... إلا أنه لكل امرء ما نوى ولا تحمل وازرة وزر أخرى ... لينهي تلك العلاقة التي تربطه بها ويمضي بطريقه فليس هوا من يُدنس بعار غيره :) شهد : ذي البنت احس شخصيتها سهلة والتعامل معاها مرن .. لكنها لم تجد من يقف جوارها ويمحي مافي قلبها من أحقاد .. أتمنى إنها تكون من نصييب طاررق .. أفضل لها من ذلك الرواف ..~ مين باقي كمان ؟؟ >>غششيني ضمضم :lol: ايوا ازواج الحب :) بتال وخالة ياسر (ناسية اسمها ) الله يديم عليهم السعادة ويبعد عنهم ام لسانين والله حرام كل ما اقرأ البارت احسو شخصية رااائعه وربي يعذبه بذي الدونيا من زوجته الاولى .. بصراحة كبر بعيني ذا الرجال كفاية انو متحملها وجايب منها بنات انا لو منو من اول يوم اقطع لساانها هههه من جد والله عليها لسان اعوذ بالله منشاار مو لسان :) ان شاء الله ربي يعضو بزوجته الثالثة ~.... يسلمووو مررره ضمضم على الرواية الرائعه من جد شكرا على كل دقيقة تقضينها في كتابة بارت من القصة .. نستمتع بحق في الساعه التي نقضيها بالقراءة ...~ سأكون دائما هنا وان اختفت ردودي ..~ سأكون هنا لاستمتع ..~ مودتي لكي أختكي : كوووين :flowers2: |
ضمضم يالبى خراااطيش قلبك
وش اقول بس رووعه رووعه هالبارت ماكسر خاطري الا الظبي يوم تصيح كسرت خاطري مررره والا ياسر رااايح بيفزع لهاا فدييييييييييييت الفزعه بس عنااد ياااسبحاان لله شخصيه طبق الاصل من شخص اعرفه حنوون لأابعد حد ومع ذلك غامض لاابعد حد <<ربي يعين وشكله ذااايب بملووك رهووفه لااوصيك على اسري نسيه ملوك وطوايفها :flowers2: سيوووف حقك وماجاك تستاهلين يالشينه والله انك ماتسوين اظفر جسار انقلعي لبيت اهلك بس فاقعتن مرارتي من اول القصه مااالت بس ضمضم ياحبيلك بس يعلم الله وش كثر افقد القصه ودي كل يوم السبت :) لاخلا ولاعدم قلبوو |
اقتباس:
والحمدلله ان الروايه فادت في اشياء تخص دينا..وهذا هو المكسب الحقيقي لي... |
اقتباس:
تسلمين كوين والله بجد استمتعت جداً بمناقشة قارئه واعيه مثلك.. وآشكرك على الكلام المثلج لصدر..,, لآحرمني الله منك.. لآتركنين لصمت ...كوني با القرب دائماً... اقتباس:
الله لايخلاني.. |
مراحب ضمضومه شوفي انا ماراح اقول روايه روعه وخيال وعجيبه لانه كلها قليله بحق القصه
اللي بقوله ليتني احطتس تحت الضوى واسدح عليتس كم سؤال بخاطري ابيلها جواب <<<فيس يخوفتس من اسئلته ضمني معقوله هذي اول روايه لتس انتي استاذه في الكتابه ربي يحفظتس واذا لو لتس حتى خربشه مثل مايقولون ليت تعرضينها معجبه بدرجه كبيره بسلوبتس وبثقافتس العاليه <<< فيس يلمح بدروس خصوصيه في الاسلوب منتس تدرين ببدا بشخصيات اللي عاجبتني وفاكه عندها اول الشخصيات الظبي ياني عاجبتني ذا الانسانه على ان لها اخطاء بس ولله لو كل بنات حوى مثل الظبي ماتطاولو عليهم الرجال وهانوهم وخذو حقهم ثالث مثلث تدرين الظبي ابد ماكانت وقحه في تعاملها مع الناس بالعكس تحترم الكبير وتقدره ولا ترضى احد يتعدا حدوده معها ويتطاول عليها تردها عليه في وقته الظبي مارضت على نفسها من هنادي وامها وعععع ماحبيتهم الثنتين خطافات الرجاله الا ينكدون على ابنت والظبي ماهي الا انثى تحركت نار الغيره بقلبها يوم حست ان فيه من بيتعدا على طارق ويفكر لو تفكير في الرسم عليه المفروض طارق قدر الحاله اللي فيها الظبي خاصه انها تحس بنقص عدم الانجاب والمفروض ماخلا نار الغيره تزيد بقلبها وبرد حرتها في هنادي وامها وصفعهم بكلمتين اتسكتهم عن الظبي لو كنت سويتها ياطارق ماكانت الظبي سوت اللي سوته كدفاع عن حقه صحيح هي تطاولت عليك بالكلام وجرحتك بس كان فيه الف طريقه تقدر تادبها فيها انت خسرتها وبينت رخصها عندك بضربك وطلاقك لو تحب الظبي ماكانت هذي ردة فعلك بس انا اشوفها ان شاءالله خيره لاني متمنيه الظبي الجسار بس ياترا هل الظبي من الناس اللي تتعامل مع طبقتها بذوق واحترام والطبقه الاقل بكل احتقار ونظره دنيويه ولا بس اهل فلك عشان بناتهم مجننين شباب العاجي جسار بصراحه يخب على سيوف الله ياخذه الوقحه وين بتلقاء رجال رزه ونسب ومرجله يحبها الوقحه تركض ورا اخوه الحمو الموت جعل الموت ياخذتس وفوقه فاضحه بنات خلق الله بصور انتي مكانتس سجن ابوغريب ولا قنتنامو تخيسين فيه يامجرمه يصلح السجن لتس واشكالتس لادين ولا اخلاق يعمر عيني على بنياتس اللي انتي امهم وجسار لا اوصيك ذوقها الموت الف مره في لبارتات السابقه جسار كان يهدد دايم سيوف اذا اخطت يعني نقول اتقي شر الحليم اذا غضب احس عقابه السيوف بيكون غير شكل وترا الظبي ياجسار طلقت مادري احسها تصلحلك راقي وهي راقيه بتكون الحياه حلوه وفيها احترام واذا الظبي ماتقدر تجيب عيال يكفون بناتك ولله ولا لتس علي حلفان ضمضم اني من بديت اقرا الروايه وانا اتمنى ملوك لعناد من اول مره خاطت له جرحه ولا ذا الزير ابو النسوان مالت عله وشتحس فيه يياسر تحبها وتغازل غيره ولا من وقاحته يغازل زميلاتها في العمل اسمحلي وشذا الحقران اللي مدري وش يبي انت حطيتها في موقف لا تحسد عليه بين زميلاتها حنا المره منا اذا زوجها التفت بس التفاته على حرمه في مكان عام وهي بجنبه حست بالاهانه وشلون يتغزل وياخذ ارقام ويكلم حتى ولله اني احقر الرجال اللي يطالع الحريم وزوجته جنبه احس انها ماتعنيله شي ولا فيه احترام للادميه اللي جنبه زين ماسويتي يوم رفضتيه خليه يموت ولد العاجي ويعرف ان الله حق ومهوب كل مايبيه يحصل عليه ولا راز وجهه ويهوش على عناد مت بحرك ايه نعم زوج وجاي يزور زوجته وزواجهم بعد اسبوع وبتفرح معه وتعيش بتبات نبات وتخلف صبيان وبنات ليت من شاف وجهك بيوم زواجه وبشوفك لعياله حتى ماتمنيت رهف لك احسها حساسه وحبوبه وانت ماراح تراعيها وخاصه اذا عرفت انها اخت عناد ابو رعد الشيخ عناد جعل جنسك واجد ياخوي رجل والرجال قليل تصدق وشاللي اعجبني فيك الثقه المفرطه ياخي عليك ثقه تهوس تعجبني في تعاملك مع الكل واكثر شي عجبني تعاملك مع جدتك وملوك احس ان ملوك ماراح تندم على زواجها منك وامها داعيه لها بلبلة قدر اللي فكها من الدعله ياسر وصارت من نصيب رجال كفو مثلك تعاملك مع سيوف عين العقل يمكن لو انت قلت لاخوك تقلبها الحيه عليك ومايصدقك جسار خله يشوف شين فعولها من غيرك ماحبيت صدك الشهد حرام عناد البنت مريضه وهذا بياثر عليها استغرب قسوك عليها وانت عارف بحالتها ياترا سبب شخصيك الغامضه تعامل ام جسار لك وتفرقه بينك وبين عيالها حتى لو مابينت بس حسيته انت وش جاني من الوناسه يوم رديتي فلك على بتال يازينتس ويازين اسمتس فلوكه بس عاد كافي صد عطي ابو فلك وجه الرجال يشرق بسمتس وحكم القوي على الضعيفه الولد يوم تركتس كان صغير وفي حاجه لابوه وكل كوم وزوجتك الرجه كوم يابتال تصدقين عاد منير ولله انتس تحفه انتي ودعويتس انتي وهالموغذي اللي بتكون نهايتس عليه مدري وشلون بتال متحملتس انتي والحنا والزيت ولا تقارنين نفستس بفلك اقول اهجدي بس زين الرجال مبقي عليتس اتمنى البارت الجاي تفاجئينا بحمل فلك ضمضم احسن لك ياريان درت امك بسواد وجهك تستاهل عشان ثاني مره تعرف تطاول على شيخك وتاج راسك عناد بعدين انت ماسويت عيب اذا انت ترضى خلق البنت ودينها صرح بزواجك وتوكل على ربك قبل لاتفضح امك سرك ضمضم اتوقع ان ابو عناد كان متزوج ام عساف وجابت منه عناد وطلقها وخذت ابو احمد وابو عناد خذه وهي ماتدري تحسبه ضايع وماراح يكشف الحقيقه لعناد الا شهد وعشان كذا ماحس بحنان ام جسار وحاس بحنان جدته لانها مهيب امه (هذا توقعي ولا انا قاريته في الروايه ماعليه تراني منسمه شوي قاعده اقرم اظافر النونو وقطعت اصبعه وصب دم وقعت اصيح انا وياه لين نام لبي دلبوه) ضمونه اتمنى يكون بارتين في الاسبوع مثل ماكان اول بعد مادخلت في الجو معكم كل مالها والاحداث تحمى منتظرينتس ضمضومه على نار الله يوفقتس يارب ويسعدتس على التحفه الرائعه اللي كل بارت فيها يقول الزود عندي |
| الساعة الآن 07:24 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية