قال الزهر

كاتبتنا المبدعه


ارمي ورى ظهرك الكلام اللي مايدفعك للأمام


واحياناً النقد بدل مايبني يهدم الكاتب

كل انسان وله وجهة نظره وكل انسان له ذوق


انا مثلاً بالرغم اني اكتب يمكن بواقعية بحته الا اني الاقي في قصتك انسجام مالقيته في اغلب القصص اللي قرأتها


انتي كاتبه رائعه لأبعد الحدود ماشاء الله تبارك الله ..

بالعكس كتبتي بواقعيه دمجتيها بالخيال الحر المحترم ..

وكنتي تمتلكين قدرة مذهلة على الوصف ولديك لغة شفافه تعيشنا بأجواء حالمة وتناسب الأحداث


اتمنى والله ان اي نقد يحاول يثبط من عزيمتك ترميه ورى ظهرك وتنظرين للنقد الباني اللي يعينك على التقدم والرقي ..




كلمة بس للي يحاول ينتقد في الخفاء وبالرسايل ...!!!!


الكاتب اثناء كتابته يكون حساس

وكاتبتنا لديها ظروف مايعلم بها غير الله


دراسة ومسؤوليات وهم الارتباط بكلمتها مع قراءها ومحاولتها كتابة اجزاء طويلة ترضي فيها متابعيها وتكون قد انتظارهم و حماسهم ..

وكل هذا يتطلب من وقتها اللي مو ملكها بالأصل

ياليت بدال ماتحفزونه ماتثبطون من عزيمته وأجلوا النقد اللاذع لنهاية الرواية لأنه طالما الكاتبة اتخذت خط وطريق مشت عليه من البدايه صعب جدا انها تغيره بعد ماتتجاوز نصفها ..

والنقد هذا ماراح يضيف لها الا التثبيط من العزيمة والتردد ..


موفقه ياقال

وصدقيني انا اقول لك ياما واجهت نقد وياما قابلت ردود تغث وللحين مانسيتها بس لولا اني عارفه ان الهدف من وراها ما فيه مصلحة لي ابداً .. ولا مايمديني استمريت ..
وكمان واجهت نقد هادف غرضه البناء والاصلاح والتقدم ومن قلبي اشكرهم لأنهم نفعوني
وأفادوني ..


اللي ابغى اقوله ياقال

خلي بالك وسيع يالغاليه ولا تتأثرين بأي نقد تشوفينه مايساعدك على التقدم

وتراني انتظر الجزء القادم بشوق


الجزء الأخير ماقدرت ارد عليه لأن عندي ظروف ووقتي جداً مضغوط وهو فعلاً كان من اروع الأجزاء وارقها

عيشتينا اجواء حالمة ودافيه اثارة وتشويق وحماس ودفء وكل انواع المشاعر عشناها فيه ..

اعذريني واتمنى من كل اللي مارديت عليهم يعذروني وان شاء الله انتهي من الرواية وانتظم معاكم واتواصل ..



مودتي وخالص حبي لأرق واغلى كاتبه