منتديات ليلاس - (موضوع مميز ) دردشة و كــــلام x كــــلام

مساء العنب

ازيكم بنات

كراميلا .. ديالا .. همس

--------------

كراميلا .. مبسوط ان الصورة عجبتك دي حاجة بسيطه جدا .. انتي بس الي ذوق وربنا .. اخبار النشاط ايه النهارده اجازه زي حالاتي .. انا اجازة جمعه وسبت واوقات باستهبل واخد الخميس كمان .. بس حاسس انه بكره اول يوم في الدراسه باظبط بدله والشعرتين والدقن وكده ووش خشب منحوت عليه حواجب شبه رقم 8 بالعربي لزوم الشر .. الدنيا بتشتي م الساعه 6 الصبح لغاية دلوئتي الساعه 2 تقريبا واسكندريه عايمه .. بس الجو حلو مش ساقعه .. انتي من اي مدينه في المغرب .. وقوليلي بتكلمي في لهجتك برضو بحرف القاف <<<< قديش قلتلك يا فراوق وكده ولا عادي
من اجمل الحاجات في ليلاس اختلاف لهجات الوطن العربي .. امبارح كان في مسلسل فلسطيني كأنه توك شو قعدت كل تعليق اقراه ف دقيقتين كاملين وانطق اللهجه كمان عشان اتعلمها .. جميله لهجة فلسطين والشام عموما .. والله عيب اننا نبقى عرب وما نفهمش لهجة بعض
القسم ا لجديد فتح الحمد لله
هبدأ النهاردة تظبيط بقى فيه وكده
ومسائك لذيذ
-----------------------------
ديالا .. الشوكولاته بتعمل مفعول سحري معاها وحالاكسي بالذات
امبارح حطت صورة تحفه لبنوته كده .. باحسها راكبه مع شخصيتها
شخصيه جميله ديالا .. بس موديه ودي مشكله .. عايزة مصنع شوكولاته معاها .. بس حابب اقولك ان قطعه صغيره من الشوكلاته كفيله باحداث شعور من السعاده والكتير منها بيعمل اكتئاب <<<< حقيقة
مساء يصوت فيروز متيمه :)
----------------------------
همس بقى عمال تغيظ في صاحبتها عشان هي اجازة وصاحبتها في الشغل
دلوئتي يطلعلها شغل في البيت ما تفضاش منه .. اي اطباق تغسلها ولا هدوم ولا حاجة :)
احلى حاجة اما تقعدوا تتكلموا مع بعض بلهجاتكم .. والي ما نفهموش نسألكم عليه
كده نتعلم معاكو.. وتبقى فايده زياده للجميع
ومساء الروقان هموس