منتديات ليلاس - خربشات شوشة ومنكوش

يسعد مساكن يا احلى ليلاسيات حبيت ضيف خربوشه جديده
من خربوشات شوشه ومنكوش ان شاء الله تعجبكن

مصالحه رومانسيه

بعد مرور أسبوع على زيارة أم منكوش تانت جيهان وشوشه

بعدها دمها بيفور وبيغلي لأنها ما فشّت خلقها وبتنام بالغرفه

لحالها معاديه منكوش لأنه ما وقف جنبها بعد البهدله الّي أكلتها

من حماتها والمسكين منكوش بينام على الكنبه وبيفيق من طلوع

الضو وبيروح على شغله وبعد ما يرجع المسا ما بيشوف شوشه بتعمل

حالها نايمه واليوم قرر ينهي الموضوع أخذ باقي النهار عطله ورجع بكير عالبيت

وقبل ما يوصل صار يكلم نفسه : لازم صالح شوشه خلص بيكفي هلقد انا زهقت ولو

بعدنا عرسان جدد وهيك كيف لو مر علينا كم سنه ؟ خلص اليوم رح نتصالح

وصل منكوش ودخل البيت ولاقى شوشه بالحمام وصوت (السيشوار )(مجفف الشعر)

عالي ومزعج دخل منكوش المطبخ وما لاقى شوشه عاملي أكل صرخ بصوت عالي
_شوشه شوشه تعالي لهون

وقف صوت السيشوار وبعد شوي طلت شوشه مرتبي شعرها وعاملي ماكياج تطلّع منكوش

فيها باعجاب من زمان ما شاف شوشه مهتمه بحالها

وقفت شوشه بباب المطبخ وسألته بوج ناشف

_شو بدك أمر ؟_بلع منكوش بريقه ورد بصوت واطي

_شو بدي يعني انا جوعان وبدي آكل

تطلعت عليه شوشه وإيدها على خصرها وردت

_روح عند الماما خلّيها تطبخلك

ودخلت غرفتها وقفلت الباب عليها

رفع منكوش إيديه وإستعاذ بالله وقرر يطلب أكل جاهز وبعدين بيحاول

يراضي شوشه هي معها حق تزعل من إمه بس هو كمان ما بيقدر يزعل امه اللي بتحبه

بعد ما طلب الأكل دخل الحمام وقبل ما يقفل الباب التفت لشوشه وقلها

_انا طلبت اكل ديليفيري لما يوصل حاسبي المصاري عندك على الطاوله

ردت عليهمن غير نفس : اوكي ودارت ظهرها ووقفت قدام المرايي ترتب شعرها

هز منكوش براسه ودخل الحمام ياخذ دوش ولاقى الحمام معجوق وما في شي مكانه

وعرف ان شوشه كانت بالحمام السيشوار مرمي على الأرض والدنيي معومي بالمي

مسك السيشوار حتى يرفعه عن الأرض وهون كانت المصيبه شريط الكهرباء كان منزوع

ولما رفع منكوش السيشوار ما شافه ومسكته الكهرباء بدا منكوش يصرخ بس حس ان صوته

ما عميطلع إختفى نفض السيشوار بقوه ما تركه رجع نفضه بقوه اكبر وطار السيشوار

وبهيدا الوقت كانت شوشه قدام المرايي سمعت صريخ منكوش وراحت تشوف شو إشبو

فتحت باب الحمام وطرااااااااااااخ شافت شي طار وضرب براسها وحسّت الدنيي دارت فيها

صرخت بصوت عالي آآآآآه وقلبت عالأرض شاف منكوش شوشه ونسي اللي صار فيه

خاف عليها وقال يا ربي انا قتلتها

وبسرعه ركض وقرب منها وهو مسرع أخذ الأرض سباحه المسكين

وبعد مرور وقت وساعد شوشه ورفعها عن الأرض المسكينه كانت دوخاني من قوة الضربه

ارتاحت شوشه بسريرها ومسكت راسها بإيدها

_آآآآخ يا راسي
وقف منكوش مش عارف شو بدو يعمل جاب ثلج وحطه على راسها لبخه واعطاها مسكن للوجع

قاعد منكوش ومش عارف شو بدو يعملها حتى ترتاح وهيي ماسكي راسها بإيدها وبتولول

_آآآآآآخ يا راسي وبتطلع على منكوش بطرف عينها إنتي قاصد تضربني هيك ضربه

وقف منكوش ومد إيده وقال شوفي أنا لو كنت قاصد كنت اذيت إيدي شوفي

التفتت شوشه وشافت إيده محروقه مطرح ما مسكته الكهربا شهقت خايفه عليه

ومسكت ايده قعد منكوش بجنب شوشه وتطلع على راسها مكان الضربه وكيف إزرق

غمّض عينيه وتنهّدسألته شوشه بخوف

شو باك منكوش شكلي كتير بشع ما هيك

فتح منكوش عينيه وقال والبسمه على شفافه

_لا حبيبتي بس عمبسأل حالي لو كان السيشوار أكبر شوي شو كان صار فيكي ؟

ضربته شوشه وصارت تضحك ههههه وشاركها منكوش الضحك

وبعد شوي ذكرها منكوش : الحمد لله ان السيشوار صغير لما أهدتك ايّاه ماما ما عجبك

بتذكري شو قلتيلي يومها ما خلّيتي كلمه وما قلتيها عن ماما وبخلها حتى تجيب هيك سيشوار

عبست شوشه وضيقت ما بين عينيها وردّت بصوت غاضب : اي وبعدني بقول عنها هيك

خلص يا بنات كملو انتو الباقي ان شاء الله تعجبكن وناطره رايكن موااااااااااااه

_