لأصحاب المشاهدات فقط

السلام عليكم ورحمة الله وبركاته
موضوعى المرة دى موجه لاصحاب المشاهدات فقط بوجه خاص وللاعضاء كلهم بشكل عام ..............
واصحاب المشاهدات فقط هما الاعضاء الكرام اللذين لا يضعوا ردود ويكتفون بالمشاهدة .


بصراحة ياجماعة انا لاحظت ان فعلا فيه مواضيع كتير فى المنتدى جميلة جدا ومشاهداتها مهوله فى حين ان الردود عليها قليله للغاية .
ايه السبب؟
والسؤال ده للمشاهدين فقط .
احنا مابنطلبش منك انك لازم ترد باسلوب ايجابى
لو شايف الموضوع مش مهم - فيه عيوب قول وشاركنا برايك علشان الموضوع يكون احسن
لان احنا منتدى تفاعلى بمعنى ان احنا لازم نتفاعل مع بعض فى اى موضوع ونواجه الراى بالراى الاخر
والكلام ده مش علشان نزود عدد المشاركات وخلاص
لا ...............
الكلام ده علشان المنتدى يكون ملىء بالنشاط والحياة وكلنا نشترك فيه
قول رايك حتى لو ضد الموضوع اللى بتقراه واكيد صاحب الموضوع هيرد عليك ويناقشك بشرط يكون ردك باسلوب حضارى ومهذب
واما يقتنع بسببك او يقنعك بسببه وبكده ردك السلبى فى كلا الحالتين وصلنا لنتيجه ايجابيه

وخلينى اوجه السؤال المره دى فى الموضوع ده للمشاهدين فقط .
ما هى الاسباب العامه التى تمنع العضو من المشاركه برايه والاكتفاء بالمشاهدة ؟
وياريت نكسر قاعدة المشاهدة فقط فى الموضوع الخاص بالمشاهدين فقط

وياريت بعد الموضوع ده كل عضو فى المنتدى يدخل موضوع يقول رايه ومايكنش مشاهد فقط

والسلام عليكم ورحمة الله وبركاته